تويت
رد: رواية قيود / الكاتبة ساندرا
رووووعة وتشويق وحماس
استمري يامبدعة
في انتظار طرحك المميز
رووووعة وتشويق وحماس
استمري يامبدعة
في انتظار طرحك المميز
-
-
رد: رواية قيود / الكاتبة ساندرا
رواية قيود / الكاتبة ساندرا
البارت الثـامن
راغده بعدته بكل قوتها وبدأ الأكسجين يقل عندها وجات بتطلع من الغرفة الا الكهرباء تنطفي
راغده شهقت وصارت تتنفس بسرعة وبهمس: يمه .. ريهام .. مهـا وينكم
وكملت يمـــــه ..
طلال: راغده وينك ..
راغده بين دموعها " لا يمكن تتكرر لا يمكن" وحطت يدها على فمها وتوجهت لجنب الدولاب وضمت نفسها به" ما راح يشوفني ما راح يشوفني ..
طلال طلع من الغرفة بقلق : نـوال ميــس
ماريان اعطتهم الشمعة ..
نوال: وين راغده ؟
طلال عقد حاجبه : توقعتها هنا
مريان: ماي سنيورة سكيرد فروم ذا دارك ..
طلال اخذ الشمعة وراح لغرفة الطعام وبهمس: راغده انتي هنا ..؟ راغده وانفاسها كلما تعتلي وتشد من قبضة يدها لفمها " ما بيسمعني ..اهدي راغده "
طلال كان يسمع صوت انفاسها القوية توجه لعند الدولاب وبهمس: راغده ؟
راغده غمضت عينها بقوة وبين دموعها: لا لا ..
طلال اقترب منها ومسك يدها وتركت يده بعنف وبصوت يرجف: وخر عني .. لا تلمسنــي لا تقــرب .. لا تلمسني .. خلاص حرام عليك
طلال بصوت عالي: يا مريان يا بنات وينكم " وناظرها" لا تخـافي راغده ما بوجعك ..
راغده بكره وبفك يرجف: كذابيــن .. انتوا كلمكم افاعي وحيه وثعابين .. ابتعد عني لا تقرب والله لصــارخ ..
طلال" حالتها تزداد سوء" وبصراخ: وينكــــــم ؟
ميس ونوال جاو مع ماريان بسرعة: وش فيك ؟
ماريان اقتربت منها ومسكت يدها وحطت الشمعة قريب من وجها عشان تلمحها راغده
راغده كأنها شافت النور والفرج ومسكت يد الخدامة ..
نوال وميس بغرابة: وش السالفة؟
طلال صار يناظرها لما اختفت من عينه ..
ماريان دخلت راغده بغرفتها وولعت كذا شمعة
راغده تشهق: ماريان ولعي كثيـــــر المكان لسى ظلمة .. اهئ
طلال طلع بالحوش واتصل فيها ولا ردت ارسل لها برقمها الخاص واتس "دكتورة الامر طارئ .. ردي اول ما تشوفي رسالتي"
بعد ٧ دقائق اتصلت به دكتورة سلمى وبقلق: عسى خير استاذ طلال ايش صار ؟
طلال حكى لها ألي صار وبقلق: بتكون بخير ؟
د.سلمى بأساء: لا حول ولا قوة الا بالله
طلال: وش السواة ؟
د.سلمى: أترك هالشيء علي الان بس لا تحاول تقرب منها بشتى الطرق ولو به مجال تترك هالعزيمة وتروح للبيت ..
طلال: طيب طيب ..
دخل داخل .. نوال: الحي كله مطفي الكهرباء ..
ميس: زين ان احنا بشتاء .. ولا كان عفنا من الحـر ..
طلال: نخلي العزيمة لوقت ثاني بنات خلونا نطلع ..
نوال بقلق: وراغده واضح ان نفسيتها تعبانة تطمن عليها قبل ما نطلع ..
وبالغرفة ..
راغده ترد على اتصال الدكتورة سلمى الشخصي وبخوف: الوو
د.سلمى: انتي بخير راغده ؟
راغده بفم حزين : لا مو بخير ، انطفت الكهرباء وحسيت بـ بدر ، بيجي يعتدي علي ..
د.سلمى: هدي راغده ارجوك ..
راغده تتلفت: بيضربني ضرب هو قال لي اذا رجع من الكويت بيكسر رأسي لو اقاومه دكتورة ساعديني اهئ " وبنوحه" احس بجيته هنا وبيده السوط .. انا خـ.. ايفة ..
طلال ألي كان يستمع كلام راغده من ورى الباب بصدمة " خالها سادي ؟ "
راغده برجفة: المكان بارد دكتورة اشعر ببرودته داخل عظامي .. نفس يوم البر وكبوت السيارة اهئ " وبهمس " أنا خايفة ..
ابتعد عن الباب ونزل تحت : يلا على السيارة ..
ميس ونوال ضبطوا حجابهم وطلعوا معه
ميس: وش السالفة طلال ؟
طلال " ايش قصة الكبوت ؟ والضرب؟ في شيء أنا مو فاهمه معقولة خالها بس ألي سواه هو بس تحرش ؟ شخص مريض مثله ممكن سوا اكثر بس الدكتورة ما تريد تعلمني لابد اكتشف هالشيء بنفسي "
نوال: في ناس كذا يا ميس معهم فوبيا من الظلام والي فوبيا من الحشرات او النظافة او الصلاة ..
ميس: اييي بس ردة فعلها غريبة .. كأنها خايفة من شيء ..
نوال: الي مثل هالحالة يكون معها موقف بالظلام او شيء صار بالظلام ..
طلال بفضول: مثل ايش؟
نوال: اشياء كثيرة مثل وفاة شخص أو شافت احد يموت قدامها الاسباب كثيرة ميس ..
طلال انتبه لكلام نوال: وكيف يقدر يتعافئ هالشخص من هالحالة؟
نوال بتفكير: على حسب إذا كانت مربوطة بذكرى سيئة جدا او لا .. يعني زي ماضي أليم انا كثير كنت اشوف افلام عن طفل يخاف الظلمة وامه وابوه يتعاملون معه بتقويته والحوار معه واثبات ان ما في شيء يحتاج لهالخوف ..
ميس بـ تائيد: صحيح بس هذا اذا كان مجرد خوف نوال بس اسباب خوف راغده من الظلام مو معروفة للآن ممكن شيء أعظم .. او مربوط بموقف موجع لأن ردة الفعل ما كان بكاء لا .. كان زي المرض !
طلال " صحيح لو جيت اربط الأحداث بكلام راغده لي بيوم النظرة كان نفسها بيوم الظلام كلها تدل على الاعتداء الجنسي .. هل يعقل ان خالها اغتصبها ؟ ولا حبت الدكتورة تبين لي حفاظا على خصوصية المريضة؟ ما اريد اثق بالدكتورة لابد ابدأ انا بنفسي "
&&&&
دقت الباب: تفضل
نهلة: الاستاذة بشاير وصلت ..
راغده وقفت وشدت اكتافها على ورى
بشاير بابتسامة: صباح الخير ..
راغده ردت لها الابتسامة: صباح النور ، تفضلي
بشاير تجلس: زاد فضلك الأخبار حلوة طال عمرك ..
راغده بحماس: من اشوفك اعرف أن الاخبار حلوة مثل وجهك ..
بشاير: تسلمين ، الارض طلعت من نصيبك ولله الحمد متى ناوية تتم البيعة ؟
راغده بفرحة: على ألي يقوله صاحبها اي يوم يحدده انا بكون معه بالمحكمة لنقل الملكية ..
بشاير: ممتاز انا بكون على تواصل معه او تفضلين تكلميه انتي؟
راغده: يجي منك افضل ..
بشاير: ممتاز ، وبخصوص " كوفي طريق " جبنا عامل يمني وعامل سعودي وإن شاء الله بعد شهر تشوفي الأرباح لوين وصلت ..
راغده: متفائلة خير ..
بشاير: وبمناسبة هالأخبار الحلوة ، مالي عرض ؟
راغده: اي يوم ودك ؟
بشاير: يوم الاثنين معي حفلة ..
راغده: ابشري ..
بشاير: تأمرين بشيء؟
راغده: تقدرين تنصرفين ..
رجعت ظهرها لورئ وفتحت اللابتوب على بريدها الإلكتروني المرسل لدكتورة سلمى: أول رسالة لها كانت بسنة ٥ فبراير ٢٠١٥ ..
وصارت تقرأ كلامها ألي كاتبته لدكتوره وبحزن تحادث نفسها: كل ما جيت أطقها عوجه من ذاك اليوم ما راسلته ولا راسلني ما ألومه الان اكيد بيشك ان فيني بلاء مو بعيدة اذا سأل الدكتورة عني ..
نفس الأعراض الخوف والرهبة والكره .. ضمت نفسها وتنهدت
تمسك جوالها تشوف رسالة من طلال مكتوب " السلام عليكم والرحمة كيف حالك راغده ؟ يناسبك الليلة اجيك ؟
راغده " اكيد بيستجوبني عن ألي صار" كتبت له: على الساعة ٩ أكون فاضية ..
طلال: تمام ..
قدمت له القهوة: تسلمين عبير ، بنتك مالها حس من لما كتب كتابها .. هذا دليل انها منتظرة من زمان تعرس ولا مو من طبوعها أن يمر شهر من دون مشاكل ..
ام عبدالعزيز: عضوات الجمعية يلوموني ان ليه ما عزمتهم على كتب كتابهم ..
ابو عبدالعزيز: خلاص أجل عملي هالحفلة بهالأسبوع ..
ام عبدالعزيز بابتسامة: بسويها على جيه بدر ..
أبو عبدالعزيز: ما شاء الله تبارك الله وصل ؟
أم عبدالعزيز بفرحة: اي على الاسبوع الجاي بيكون هنا ان شاء الله ..
ابو عبدالعزيز: خلاص بلغي بنتك عشان الحفلة وتكون الفرحة فرحتين ..
ام عبدالعزيز: بروح لبنتي الليلة وازف لها الخبر يا قلبي من راح عنها بدر وهي مستخفة هو راح من هنا وهي بنت بيتها وسكنته واستخفت بالمرة ..
ابو عبدالعزيز: انا ما أشوف فرق بحالتها ما غير تستخف زود بجية بدر وتحبس نفسها بالغرفة ..
ام عبدالعزيز: ذه كان زمان الآن صدقني الأوضاع تغيرت شفها بس كتبت كتابها بشهادتك ما سوت اي مصيبة ..
ابو عبدالعزيز: على الله تكون عقلت ..
ام عبدالعزيز: أقول اخبار زوج بنتك مها ، ماله حس كلش ..
ابو عبدالعزيز: معذور .. مشغول
ام عبدالعزيز: ما صارت البنت عندنا ٢٤ ساعة بديت اشك ان بينهم خلاف يا فؤاد ..
ابو عبدالعزيز: ما عليك من بنتي .. بنتي مربيها عدل وتعرف كيف تمسك زوجها وبيتها ..
ام عبدالعزيز:.......
ابو عبدالعزيز : الخوف على بنتك الهبله ..
.
.
.
عند التسريحة جات بتحط مكياج بس كنسلت وحطت كريم اولاي و بلاشر كريمي وضبطت حواجبها وكبس لرموشها ومرطب شفاة : كذا أفضل ..
رفعت شعرها ذيل حصان ورخت شعرها قدام وحلق ناعم يزين اذنها ولبست فستان علاق أسود طويل على سترة بني ترابي فضفاضة محبوكة بالصوف .. وجوكر أسود مخمل وصندل فضي بأحجار باللون الاحمر الكرزي .. دهنت العود بأماكن النبض .. وتعطرت بعطرها المفضل
سمعت صوت الجرس نزلت تحت وفتحت الباب بعد تردد شديد ودخلته لصالة .. صار يناظر فيها بغرابة: لحالك ؟
راغده: الخدامة بعتها لصالوني في زحمة اليوم تروح تساعدهم هناك ..
طلال: وليه تركتي الصالون طالمة زحمة ؟
راغده: ايش تشرب ؟
طلال: ايش موجود ؟
راغده تتوجه للمطبخ: حاب اصب لك من المشروب ألي احبه ؟
طلال وراها: طبعا ..
فتحت البراد طلال انصدم من الكمية: بتسوين حفلة ؟
راغده: اذا سوو عرض اشتريه .. وبكميات بالهبل لأن نادر يسون على هالمشروبات عروض ..
طلال: فوار بالخوخ ..
راغده: تمام هات القنينة انا بجيب الاكواب ..
حطت ثلج بـ الاكواب الزجاج الرفيعة وطلعت معه بالحوش و جلسوا بالكراسي : مو هنا احسن ؟
طلال: اي الجو بارد يساعدنا
راغده تصب له ولها ومدت كوبها : بصحتك
طلال بضحكة: بصحتك ..
راغده بابتسامة: ليه تضحك ؟
طلال: جوك مثل جو عبدالرحمن اخوي تعجبه هالسوالف ..
راغده: ما شاء الله كم عمره ؟
طلال: ١٤ سنة
راغده: مثل ريهام أختي .. يشبهك؟
طلال: لا ! ليه ؟
راغده بضحكة: ريهام تقول لي لو معك أخ يشبهك بنحجزه لها ..
طلال: هههههههه
راغده: انت عاجبها ..
يتبـــــعتعليق
-
رد: رواية قيود / الكاتبة ساندرا
راغده: انت عاجبها ..
طلال ناظرها وبعد ٨ ثواني تغيرت نبرته: وانتي ؟
راغده: انا وش؟
طلال: عاجبك ؟
راغده توترت
طلال اقترب منها شوي: راغده أنا جيت عشان اصارحك بشيء ..
راغده ارتبكت من قربه ..
طلال: قبل اي شيء انا آسف على الي صار بـ آخر مرة جيت فيها ممكن تحسست او ضاق صدري لان نوال عانت كثير وأول ما عرفنا أن فيها السرطان كانت تتحسس من نظراتنا لها وتبكي لان كل شيء راح بعد جلساتها للكيماوي ما عاد عندها شعره وحدة .. وآسف لردة فعلي ..
راغده نزلت راسها: لا تعتذر لان ألي صار بذاك اليوم ما كان أنت سببه .. تعبت بعد ما انطفت الكهرباء ..
طلال: ما كنت اعرف انك تخافي من الظلام .. من طفولتك ؟
راغده سكتت شوي: لا ..
طلال حط يده بذقنها ورفع وجها وبهمس دافي: ناظريني لما تكلميني
راغده صارت تناظر فيه بضياع زادت نبضات قلبها نزلت يده وبتوتر: ا...
طلال خذت نفس عميق: راغده لما تكوني معي اريدك ما تخافي ولا تتوتري .. ثقي فيني اني لا يمكن اني اضرك .. لو إيش ما صار بيننا !
راغده: أعرف طلال .. بس الخوف مو مني أحيان تجي كذا ..
طلال: وفي شيء ما قلته لك راغده .. علاقتي معك بتكون علاقة اخويه
راغده ناظرت فيه: اخويه بحته ؟
طلال: اخويه بحته ، يعني تطمني ما بضرك بأي شيء ..
راغده تلعب بـ اصابع يدها: يعني اثق أنك ما بتتهجم علي يوم ؟ ولا بتجيني غصب ولا بتضربني ولا ولا ؟
طلال: قلت لك علاقة اخويه ! ما يبا لها مفسر ! وان كان قربي لك بيوم من الايام , فهو بيكون عفوي مو بقصد دوافع مو زينة لان احنا إخوان .. انا و انتي مستفيدين من هالزواج انتي تبغيني عشان المجتمع وانا ابغاك لان العلة فيني ..محد بترضى بي ..
راغده تحرك كوبها ألي فيه الثلج: لا مو عشان المجتمع وبس .. لأشياء ثانية ..
طلال بفضول: وش هي؟
راغده : اتركها ليوم ثاني .. خلينا نسولف بشيء ثاني ..
طلال بقبول: تمام .. ايش ودك تعرفين ؟
راغده: عن أهلك ..
طلال رجع ظهره لورئ: امي الله يرحمها تزوجها ابوي صغيرة بالعمر مثل اغلب الأمهات قبل ، جلس معها ١٠ سنوات ما خلفت هي سليمة وهو سليم لكن ما ربي كتب ..
قرر ابوي يتزوج وجاب اخوي فهد ولما وصل عمر فهد ٤ سنوات امي حملت وجابت حبيبك ..
راغده: حبيبي ؟
طلال : افا وأنا وش ؟
راغده نزلت راسها بخجل ..
طلال بضحكة: أمزح معك ..
راغده رجعت غرتها لورى أذنها بخجل: لا تشيل هم ..
طلال: المهم مرت ابوي زعلت ان ليه امي ما تطلقت وتوقعت ان ابوي بيطلقها لكن جلست ببيتها وكل ماجات تحمل مرت أبوي تجهض أو جنينها يموت ببطنها .. وبعدها حملت بميس ونوال وعبدالرحمن .. امي ماتت لما كان عمري ٥ سنوات .. وهذا هي الحكاية
راغده حطت يدها على يده وبأساء: آسفة ..
طلال الي لمسة راغده له ذوبته نعومة يدها كأنها حرير ونظراتها له
وهو يناظر بشفتها وسنونها الأمامية مثل الارنب ..
راغده شكت بنفسها وحطت يدها في خدها: في شيء .. ؟
طلال بكذبة: أي دقيقة " ومرر يده على شفتها " خلاص راح
راغده توترت من لمسته: وش فيه ؟
طلال" اللهم اني اسألك الصبر " : اي شعره صغيرة مثل الرمشة
راغده شدت على سترتها الصوفية : أي هذا مشكلة المرطب والغلوس كل شيء يمسك فيها ..
طلال: بردانة؟
راغده: كان الشراب اختيار سيء لمثل هالاجواء" وبابتسامة جذابة" المفروض يكون شيء ساخن ..
طلال: بس الشراب عجيب ..
راغده: عجبك ؟
طلال: كل شيء منك يعجبني ..
راغده بحيا: طيب
طلال: لابق عليك الحيا ..
راغده قامت وبنفس خجلها: بسوي لك حاجة ساخنة ..
طلال قام معها: لا أنا بسوي لك مشروب يرخي الأعصاب .. لأن سهرتنا اليوم طويلة ..
راغده: ما معك دوام بكره ؟
طلال: لا .. بس اتمنى ما يزعجك وجودي ؟
راغده: لا ابدا ..
طلال مد يده : يلا على المطبخ ..
راغده تناظر بيده
طلال: هاتي يدك
راغده مدت يدها وجات بتمسك يده بس ابعدتها شوي
طلال مسك يدها قبل لا تنزلها: احنا إخوان حطي ببالك هالشيء دايم ..
راغده ارتبكت وهزت راسها بالإيجاب
تبسم لها : تدرين اني اعتبر اكبر الطهاة بالعائلة ..
راغده: ليه انت تطبخ ؟
طلال: اوه اسألي نوال وميس عني ..
وعيال عمامي نفس الشيء هواة طبخ ..
" وبغرور" بس انا افوز عليهم .. في كل سنة يسوون مسابقة لطهي انا افوز عليهم وفزت عليهم ٣ مرات على التوالي بس بسبب الدورة العسكرية وسفري لنوال ما عدت اشتركت والجماعة خايفين اشترك هالسنة لأني ان شاء الله بفوز بالمرتبة الأولى كالعادة ..
وترك يدها: هاتي لي المقادير من الدولاب لأني ما اعرف مكانهم ..
راغده: طيب
وحطهم في كنكة وصبهم في أكواب حرارية متوسطة ..
طلال: كم ملعقة سكر ؟
راغده: ولا ملعقة
طلال ناظرها: ما تحبي السكر ؟
راغده: اشرب السواخن بدون سكر عندي ألذ ..
طلال حط له ملعقة وجلس معها بالصالة ..
راغده : يجنن تسلم يدك .. الهوت شوكلت حقك احلى من هوت شوكليت دكتورة سلمى ..
طلال بفخر: اي محد يضاهيني ..
راغده بضحكة: طيب يا النرجسي ..
طلال مد لها كوبه وبخبث: جربيه بالسكر ألذ
راغده: أنا احبه كذا بدون ..
طلال: جربي طيب ..
راغده أخذت كوبه ورشفت رشفة : احسه حالي ممكن لأني ما تعودت
طلال بابتسامة خبث اخذ كوبه وشرب من نفس مكان ما شربت منه " هذا ألي يسمونه قبلة عن بعد ههههه ، يلا أهم شيء اقنع نفسي "
راغده مدت له كوبها: اشرب من كوبي بيعجبك بدون سكر ..
طلال اخذ رشفة بدون تردد وانطاها الكوب وحرص أنها تشرب من نفس المكان الي شرب منه
راغده: ما علقت ؟
طلال مبسوط بداخل نفسه: هه! اي ... مر ..
راغده صارت تشرب وتناظر فيه وبغرابة: علامك تناظر فيني ؟ خاطرك بكوبي؟
طلال حس بنفسه: هه ..لا أبد ..
راغده: عادي خذه
طلال باندفاع: لا تسلمين كوبي مكفيني ..
راغده مدت كوبها: بصحتك
طلال بابتسامة: بصحتك
صار يناظر فيها وهي تسولف " ذه العذاب بعينه , يكون قبالك حلالك بس مالك نصيب فيه ، اقلها انبسطت عن القبلة عن بعد " قاطعها بنفس الكذبة: لحظة رجعت الرمشة بشفتك ..
راغده تمسح طرف شفتها: هنا ؟
طلال نزل يدها ومرر يده على شفتها وبنظراته الحادة: هنا ..
راغده ناظرته بضياع ..
طلال قرب منها وبهمس ذوبها: رموشك ضعيفة ؟ كل شوي تطيح ..
راغده سكرت من قربه وغمضت عينها بلا شعور ..
طلال جاء بيبوسها الا بصوت من وراهم افجعهم : هالله هالله .. وش هالغراميات يا ست راغده ؟
طلال وراغده ابتعدو عن بعض وبربكه: يمـــه !
ام عبدالعزيز: وقمـه .. اشوف جيتي ما اسعدتك .. واضح اني قطعت عليكم الرومانسية ..
طلال "اي بالله ، جيتي بوقت غلط " برز كوبه: عمه سويت هوت شوكلت لذيذ اسوي لك ؟
ام عبدالعزيز اقتربت منهم : تسلم " وشدت على الكلمة " تعالي معي ..وسحبت يدها للغرفة الثانية وبانفعال: وش جيبه هنا ؟
راغده: يمه طلال زوجي ..
ام عبدالعزيز بحده : لاااا .. عاداتنا تقول الدخول تكون بعد الزواج مو بكتب الكتاب حتى لو انه زوجك وعادي بس الاصول اصول ..
راغده: يمه لا يروح فكرك لبعيد ..
يتبــــعتعليق
-
رد: رواية قيود / الكاتبة ساندرا
راغده: يمه لا يروح فكرك لبعيد ..
ام عبدالعزيز: يا سلام والي شفته ذه ؟
راغده: وش ألي شفتي ؟
ام عبدالعزيز: اشربي من كوبي واشرب من كوبك وبعدها ؟ اذكرك ؟
راغده بإحراج " ايش جرى لي ؟": بـ الاخير ما صار شيء يمه لا تضخمي الأمور ..
ام عبدالعزيز: تجلسين معه بفترة الملكة ممنوع ..
راغده التفتت لها : وايش معنى مها ؟ ولا انا بنت البطة السوداء ..
ام عبدالعزيز: مها لما كان زوجها حمود يزورها كان ببيت ابوها ولفترة محددة وما يكونون لحالهم .. حتى طلعه ما يطلعونها .. فيه قيود مو الدنيا سايبه يعني انا لو ما دخلت الان كان زماني افتح تبريكات على الحفيد المنتظر ..
راغده: ما صار شيء حتى لو كان بس ما صار ..
ام عبدالعزيز: وبعدين وين ماريان ؟ ليه البيت هادي ؟
راغده: طول عمره بيتي هادي ..وماريان مالها حس ..
ام عبدالعزيز: يا رب ما يكون الي ببالي
وجات بتطلع من الغرفة عشان تدور ماريان
الا بصوتها: لا تتعبي نفسك .. ارسلتها للمشغل في شغل اليوم كثير ..
ام عبدالعزيز التفتت لها وهي تضربها: ايا الي ما تستحين على وجهك .. مضبطة الوضع .. وتقولين اكره الرجال .. وعند طلالك حلال هــاه ..
راغده تغطي وجها: يمه وش اذنبت فيه ما سوينا شيء ..
الا بدخله طلال الي سمع صوت صراخهم لعند بالصالة وحمى راغده بصدره العريض: وش بلاك عمتي ؟ ليه تضربيها ؟
ام عبدالعزيز بعصبية: انا دخلت و انتو بهالوضع , اجل قبل وش كنتوا تسوون .. انا اقول البنت غاطه طلعت متخمره معه ..
راغده شدت قبضتها على خصره وهي تحتمي فيه بلا شعور: والله ما صار شيء يمه ..
طلال أنبسط من الوضع وشد عليها بصدره: يا عمه مستحيل أأذي راغده ..
ام عبدالعزيز: انت اكبر اذيه لها لا بارك الله فيها
طلال : ما يصير عمه بنتك كبيرة كيف تضربيها الان ..
ابو عبدالعزيز: للاسف والعقل صغير كأنه حبة خردل ..
وبالجلسة ..
طلال خذ نفس عميق: اوعدك يا عمه مثل هالتسيب ما يتكرر ومعك حق تقلقي وحقك على رأسي و راغده ما كان قصدها ..
ام عبدالعزيز: لو وقع شيء بينكم قبل لا نسوي الزواج ايش بيصير ؟ راح تصير فضيحتنا بجلاجل ..
راغده بثقة: ما بيصير شيء ومستحيل يصير ..
ام عبدالعزيز: وليه مستحيل ؟ ان اجتمع المرأة والرجل كان الشيطان ثالثهما .. وبعدين أنا بسوي الحفلة على الاسبوع الجاي تمام ؟
طلال: تمام ..
ام عبدالعزيز: عاد أنا بسوي حفل كبير لا صار ولا استواء بحجز القاعة بكره وهذا الميموري خذيه حملت فيه طريقة رقصك انتي وطلال قدام المدعووين .. ما فيها حركات كثيرة أن حفظتوا الخطوات خلاص ..
" ناظرت فيه " وبكره ضروري تفضي نفسك عشان المقاسات باخذ لك بدلة ..
طلال: قصدك ما بحضر بثوب ..
ام عبدالعزيز: طبعا لا , ترقص رقص اجنبي بثوب ! الثوث خله بالزواج بس الحفلة لابد بدلة ..
راغده: امي نظامها كذا وهذا الي سوته بزواج مها أختي ..
طلال: اها ..
ام عبدالعزيز كملت بحماس: بالميموري فيه الموسيقى ألي بترقصون عليها انا بتكلم مع المنسقة عن كل شيء والسنيورة راغده حددي لي موعد بكره أو ألي بعده ضروري عشان نفصل لك الفستان ..
وسويت مفاجأة لك راغده
راغده: مفاجأة !؟
ام عبدالعزيز: حـ تكون مفاجأة جميلة وبتعجبك مرة ..
راغده ناظرت بطلال
ام عبدالعزيز: ومقابلات لحالكم ذي مرفوضة من اليوم ورايح .. لو بتتقابلون لابد يكون معكم أحد اما من اهله او أنا .. لأن لابد تتدربون ..
راغده جابت اللابتوب وفتحت الفيديو كان رقص رومانسي خفيف تعتمد على دراسة الخطوات فقط
ام عبدالعزيز: اضبطيها زين راغده عشان اقهر كل من تشمت بي .. لأني ما بلغت احد بخصوص كتب كتابك .. ولابد يدرون بتحديد الموعد ألي برسل دعوته ..
راغده: خبري ان ما يطوفهم شيء .. توقعت بيدرون
ام عبدالعزيز: انتبهي تعلمين احد اتركيه سكاتي وانا الي بتصرف ..
طلال مو منتبه لهم كان يناظر لرقصات" وراغده بين يدي في اجمل من هاللحظة ياربي !"
ام عبدالعزيز ناظرته: وانت مو ناوي تروح خلاص؟ شف الساعة كم
طلال ناظر راغده واشرت له بعيونها يعني رح , وقام: تمام استأذن ..
راغده قامت معه
مد له يده عشان تصافحة
راغده ناظرت بيده وناظرت فيه تبسم لها رفعت يدها وصافحته وردت له الابتسامة ..
وسط نظرات ام عبدالعزيز لهم وهي تشوف ساعة يدها وبملل : خــــــلاص اترك يدها ساعة عشان تودعها
ابعدوا يدهم وطلعت معه أم عبدالعزيز كل واحد صعد سيارته ..
راغده قطت نفسها بالكنبة وغطت وجها" وش صابك راغده ؟ معقول كنا بنبوس بعض؟ مستحيل اوصل لهالشيء اكيد الموضوع فيه سحر أنا منيب مستوعبة ألي جالسة اسويه!! "
وخذت اللابتوب وهي تشوف المقطع وسرحت فيه وانتبهت لنفسها انها تبتسم: لاااا اكــيد انا استخفيت خلاص ..
وقامت لغرفتها وهي تصارع النوم يجيها شافت رسالة منه " نمتي؟ "
غمضت عينها وتجاهلت رسالته " لابد أنام لابد "
.
.
.
مدت له كوب الشاي بالنعناع: وللان ما حاولت تتصل فيك؟
طلال: هذا لي يوم الرابع ما ترد الا قبل تنوم تقول انها مشغولة ..
د سلمى: هذا دليل انها تهرب من واقعها ومن مشاعرها .. طالمة مثل ما قلت انها قبلت قربك ولمسة يدك هذا بداية طيبة .. بس انت تحبها طلال ؟
طلال: من أول يوم شفتها به انجذبت لها وكل يوم يزيد ..
د.سلمى: خلاص طالمة فيه حب وعزم وإرادة بيكون سهل كل شيء وبسرعة تجتاز من عقدتها ومرضها .. بس الشيء ألي ودي تتجاوزة الان هي عقدة الظلام ..
طلال: دكتورة ارجوك كوني صريحة معي أكثر وقولي لي عن سبب عقدتها لظلام ..
يتبـــــــعتعليق
-
رد: رواية قيود / الكاتبة ساندرا
طلال: دكتورة ارجوك كوني صريحة معي أكثر وقولي لي عن سبب عقدتها لظلام ..
د.سلمى:........
طلال: انا متوكد أن في اشياء كثيرة ما علمتيني عنها دكتورة ..
د.سلمى نزلت نظارتها: استاذ طلال أرجوك انك تعذرني كـ دكتورة ما اقدر افشي اسرار مرضاي الي لابد اعلمك فيه قلته الاشياء الثانية هي راغده نفسها لو حبت تقول لك حـ تقول ..
طلال: انا احترم تحفظك وكتمانك دكتورة لكن ممكن اقدر افهم هاللغز واساعدها وتشفى اسرع راغده ..
د.سلمى: من الأفضل أنك ما تعرف .. في اشياء يا أستاذ طلال من الافضل انها تبقى مجهولة لان في معرفتها اذى لنا وتعب نفسي ..
طلال: دكتورة انتي كذا ما تهديني الا تزيديني رغبة بالمعرفة أكثر .. هالموضوع يخص خالها ؟
د.سلمى بنظرات ثابتة: اعذرني ..
طلال طلع من عندها وهو حايس صعد سيارته وتوجه لبيت راغده ..
كانت جالسة بالصالة تحتسي مشروبها وبيدها كتاب
إلا بدقة الجرس راحت ماريان فتحت الباب
راغده الا تشوف جوالها يرن ردت: تو الناس تيجي ..
ريهام: لا والله أمي قالت ما بجي
راغده بغرابة: اجل من ألي عند الباب .. " وبابتسامة" إذا هذه حركاتك بطليها ..
ريهام بطفش: لا والله مو أنا ..
راغده: طيب طيب اكلمك بعدين بشوف من ألي جــ..
انصدمت لما شافت: طلال !
طلال صار يتفحصها بنظرة : منتظرة احد ؟
راغده بنفس صدمتها: لا ! أقصد أي
طلال بغيرة: بهاللبس ؟
راغده: اي وش فيه لبسي " وانتبهت وحطت يدها على صدرها " أختي عادي
طلال بنفس غيرته: ايي ..
راغده صعدت الدرج ووقفت نصفه " ليه أغير لبسي ؟ ما بيسوي لي شيء " رجعت نزلت ورفعت قميصها لفوق شوي: ايش تشرب !؟
طلال: ما بتغيري لبسك ؟
راغده: لا! ليه ؟
طلال قام: مو خايفة ؟
راغده بثقة : لا ..
طلال اقترب منها: و طالمة مو خايفة مني ليه ما رديتي على اتصالاتي وعلى مسجاتي؟
راغده " اي والله صحيح .. ايش اقول له الآن " بربكة: هه .. أي كنت مشغولة ..
طلال: اشوفك بالبيت بمثل هالوقت ..
راغده: انت عارف اني بالبيت ولا ماكنت جيت .. لأن اليوم الجمعة ما أداوم ..
طلال مسك يدها وجلسها جنبه: مو احنا اخوان ؟
راغده:....
طلال بصوت واطي: اقصد مثل الإخوان .. صارحيني وش فيك ؟ عمتي ملزمة عليك أنك ماتتواصلي معي؟
راغده ضاعت من قربه وهمسه لها شعور أول مرة تحس فيه بصعوبة نطق: الحقيقة ..
طلال: ايوا ؟
راغده: في الواقع ..
طلال: ايوا ؟
راغده ابعدت نظرها عنه .. حط يده بذقنها ووجها له وبنفس مستوى صوته الواطي: راغده
راغده تناظر بعيونه: همم
طلال: انتي تفكرين بالي صار اخر مرة وخايفة انو يصير شيء ؟
راغده بلا شعور: اي ..
طلال ابتسم وبانت غمازته وشد على قبضة يدها : راغده ثقي تماما ما بيصير شيء ولا يمكن يصير و انتي عارفه هالشيء .. وبعدين وين الي واثـــق ؟
راغده نزلت يده وقامت واعطته ظهرها: طلال أنا مو شاكه فيك .. بس انا مو واثقة في نفسي ..
طلال اخفى ابتسامته واقترب منها ونزل مستواه لمستواها وهمس لاذنها من ورى: خايفة تضعفين ؟
راغده ارتبكت من انفاسه والتفتت له بهدوء ونظراتهم ممزوجة بخوف .. ارتباك .. حب .. قلق
طلال حس فيها و ابتعد عنها: ايش جدولك اليوم؟
راغده قدرت تتنفس لما ابتعد عنها
طلال استغرب سكوتها وناظر فيها وبقلق اقترب منها: راغده انتي بخير ؟
راغده: اي اي بخير .. بس الجو حار وكتمة ..
طلال حط يده بجبينها: اي والله جسمك حار .. رغم ان الاجواء باردة ..
راغده " وش صابني ؟ " جلست بالكنبه : ببرد بس ارتاح شوي ..
طلال" لهيب الحب " ابتسم بخفاء وجلس بعيد عنها واشرب بالطاولة: لأنه يوم إجازتك جبت فشار بالكراميل نشوف فيلم رومانسي ؟
راغده:.....
طلال: الصمت علامة الرضى بزيد على مشروبك اي نوع ؟
راغده وعينها تحت : العنب الأحمر ..
طلال: تمام
راغده لما اختفى من عينها صعدت فوق سريع وسكرت باب غرفتها ويدها على وجها: يا ربي وش جرى لي؟ ليكون رجعت لي الحالة بأعراض مختلفة ! يا ربي وش ألحق أنا .. بس ذي اهون من اي حالة مرت علي ممكن لأني بطريق التعافي ! اي صحيح ممكن .." فتحت الدولاب" اغير ملابسي والبس خفيف أفضل ..
لبست فستان بيت خفيف بلون بيبي بينك ، بدون اكمام وطويل
حطت غلوس خفيف
راغده: بس غلوس وبلاشر كافي وحواجبي تمام ...
يتبـــــــعتعليق
-
رد: رواية قيود / الكاتبة ساندرا
راغده: بس غلوس وبلاشر كافي وحواجبي تمام ...
فردت شعرها الداكن وتعطرت بعطرها المفضل وطلعت بسرعة من غرفتها إلا تصقع بصدره العريض
طلال تدارك الوضع ومسك من خصرها: بسم الله عليك تعورتي؟
راغده ارتبكت من قربة: وش جيبك هنا ؟
طلال: كنت أدور عليك ماجيتي جهزت الفيلم والفوشار والمشروب " وبصوت دافي" بس باقي انتي ..
راغده " وش هالنبرة ذي ألي تبعثرني " ابتعدت عنه وبتوتر: ارجوك حافظ على مسافة بيننا ..
طلال: انا وش سويت ؟ هذا جزاتي الي خايف عليك من الطيحة وجيت ومسكتك ..
راغده ما اعطته وجه وراحت عند الدرج وهو وراها " بعرض مشلكتي لدكتورة ممكن هي حالة خطرة تخليني بتوتر ولبكة دايم لما أكون معه "
طلال: شوي شوي لا تطيحين ..
راغده سرعت مشيتها: مالك دخل بي جعلي اتكسر لقطع " وبصراخ " ااه
طلال مسكها من خصرها وقربها منه وبهمس لاذنها: ما قلت لك بشويش .. ليه ما تسمعي الكلام ؟ ولا متعمدة تسوي هالحركات ؟
راغده ودقات قلبها تزيد .. بعدته عنه : نرجســـي ..
كتم ضحكته وخفف الأنوار بالصالة
راغده انتبض قلبها: ليه ؟ ولع الانوار طلال ..
طلال ولع اللمبة البيضاء وجلس على الكنبة وجلست بعيد عنه وهي تلم نفسها انتبه عليها ومد لها الفشار: حياك ..
راغده مدت يدها واخذت حبتين وحطتها بفمها وظلت بفمها كأنها تفكر بس برعب
طلال: ليه بعيدة اقربي شوي تعبت يدي وأنا أمد لك ..
راغده اقتربت منه شوي
بعد مضي ١٥ دقيقة على الفيلم ألتفت لها: ممكن نتكلم شوي ..؟
راغده ألتفتت له: عن وش؟
طلال: ايش رأيك نلعب لعبة ؟ حجرة ورقة مقص بشرط ألي يفوز يطلب من الثاني ألي يريده ..
راغده: تمام نلعبه وش ورانا ..
حجرة ورقة مقص
راغده بضحكة: انا فزت
طلال: ايش طلبك؟
راغده: اشتم نفسك ..
طلال: انا وغد وحقير
راغده: هههههههه وبعد وبعد
طلال: لا بس طلب واحد ..
حجرة ورقة مقص
راغده بحماس: فـــــزت
طلال: غش انتي تتاخرين عشان تشوفين ايش حطيت ..
راغده عدلت جلستها: لا هذا حظ.. القواعد قواعد
طلال: وش طلبك ؟
راغده: تكلم ب انوثة ..
طلال يرمش وبدلع: يا ربي ظفري انكسر اهئ متضايقة مرة
راغده: هههههههههه مو لا بق كلش
حجرة ورقة مقص
طلال يصــفق: اخيرا
راغده بابتسامة: يلا قل ..
طلال: ايش قصتك مع الظلام ؟
راغده تحاول تخفي قلقها : ماهو انا ... فوبيا .. فوبيا
طلال: اعرف انه فوبيا بس ايش قصته وايش سببه ان وجد ..
راغده حطت راحة يدها على رقبتها ونزلت عينها
طلال بابتسامة مسك يدها و بدفئ: راغده ما بجبرك تتكلمي بس لو حابه تتكلمي أنا بكون موجود بأي وقت " وبمرح" يلا نجرب
حجرة ورقة مقص
راغده تفكر: امممم تتكلم بالفصحى لمدة دقيقة
طلال: لا أعلم عن ماذا اتحدث ولكنني سأتحدث دون توقف لكي ألبي طلبك يا سيدتي الفاضلة
راغده فرطت ضحك
طلال قام : اتسمحين لي بهذه الرقصة سيدتي ..
راغده بابتسامة جذابة: بالطبع
طلال حط الموسيقى في جواله وشلح جاكيته ومد يده ومسكت يده
حوطها من خصرها كان فارق الطول بينهم كبير سرحت بعيونه ونظراته وهمس لها: راغده انا تعلمت الخطوات الرئيسية من كثر ما أعيد المقطع وكنت حابب نتعلمها سوا بس ماجات فرصة الا اليوم ..
راغده نظراتها لوجهه ما كانت محددة
طلال بابتسامة: اريدك تنسين نفسك وتنسجمين مع الأغنية راغده ..
قربها منه اكثر وبهمس: ايش رأيك نغير الرقصة ؟
راغده: كيف؟
طلال شد على خصرها: شدي اكتافك لورى وابرزي صدرك " اخذ يدها وحطها على كتفه والثانية شبكها في يده ويده الثانية على خصرها " تعرفي رقصة سندريلا ..
راغده: أي
طلال: هي مثلها واحسن اعتبري نفسك في حفلة ملكية الناس تطالع فينا الأنوار بدأت تتركز علينا ويخف نورها من حولنا .. شوفي هناك نافورة ضخمة ندور حواليها ..
راغده سرحت بكلامه وبدأت تعيش انها الاميرة وهو الأمير بكعبها الزجاجي ..
دورها مرتين وشعرها يتحرك معها ورجعها بين يده وصار يحركها ويمشيها مثل ما يحب ..
طلال اقترب من الجدار و اطفى النور الأبيض ..
راغده بلبكة : طلال ..
طلال بهمس ذوبها: عشان تعيشي الجو كامل
راغده بتوتر حس فيها وشد على خصرها وبنفس همسه: راغده انا طلال الي لا يمكن ااذيك او اسمح لأحد يأذيك .. لاتخافي انا هنا ..
راغده تناظر فيه وبنفس همسه: لاتخافي راغده انا معك ..
سرحت بعيونه الحادة وهو يعلمها الخطوات ١ ٢ ٣ دوران
طلال: حركة النهاية بتكون كذا ..
سحبها لعنده بقوة ورفع رجلها اليمين عليه والثاني بالارض
راغده شهقت من قربه
طلال يناظر بشفتها: حطي يدك على خدي كذا
ومسك يدها وحطها بخده : كذا ..
وانطفت الاغنية
راغده ذابت على قربه وغمضت عينها
طلال قرب منها
آنتهـــــــى البارتتعليق
-
رد: رواية قيود / الكاتبة ساندرا
صباح الابداع والتشويق
البارت مرررة حماس واحداثه تجننن
استمري ساندرا
في انتظارك البارت
تعليق
-
رد: رواية قيود / الكاتبة ساندرا
رواية قيود / الكاتبة ساندرا
البارت التـــاسع
راغده ذابت على قربه وغمضت عينها
طلال قرب منها
بصوت عالي: الله الله عليكم عايشين بمسلسل رومانسي؟
ريهام تصفق بحرارة ونزلت جوالها: واااو .. كـــــات ..
طلال وراغده انخرشوا وبعدو عن بعض بسرعة .
طلال: و أنتي مستقعده علينا يا عمه .. تدخلين بوقت غلط .
ام عبدالعزيز بابتسامة قهر: طبعا يا روح عمتك تريد تستفرد بنتي .. مو انا قلت لك لا تجي هنا إلا بوجود مرافق ؟
طلال:......
ام عبدالعزيز كملت وهو تحس أنها سوت شيء عظيم وبراحة: الحمد لله ان ربي ألهمني وخلاني ادخل عليكم بهاللحظة ..
طلال " ألي يسمعها يقول أنها مسكتنا متلبسين بجريمة "
راغده ووجها ألوان : بشرب مويا بالأذن ..
ريهام راحت ورى اختها ونظرها لطلال وغمزت له: يا روش ..
ام عبدالعزيز بضرب على راس ريهام : وجع هبله وبلهه هـ الثنتين مدري وين اروح يا ربي ..
ريهام ويدها على رأسها بمشيه سريعة وبحماس لعند راغده: وش هـ الحركــات وشغل الأروبيين ذول ..
راغده فتحت البراد وطلعت قارورة مويا وشربتها بنفس واحد
ريهام: بسم الله وش بك ..!؟
راغده صبت على وجها ونحرها المويا الباردة: احتاج استوعب ألي صار ..
ريهام بحب: كل شيء كان حلو, لو ما صوت أمي الي خربت المقطع ..
راغده تناظرها بستغراب: اي مقطع؟
ريهام: المقطع الفيديو الي سويته و انتو ترقصون حضرنا من بداية ما طف الانوار واااو رومانسية بحته .. الا صحيح راغده مو تخافين من الانوار الطافية والخافته ..ايش ألي غيرك ..
راغده تجفف وجها بالمنديل: مو قايلة انك ما بتجين؟
ريهام: ظليت ابكي لأمي لما وافقت اروح عندك وأصرت تنزل معي لعندك ما اكتفت بالتوصيل خصوصا بعد ما شافت سيارة طلالك ..
بالصالة ..
ام عبدالعزيز: انت وبعدين وياك ! مو قلت لا تجي هنا الا بوجود مرافق..
طلال بمرح: ذكرتيتي بـ أيام المدرسة يا عمه لا يتوجب الحضور الا بولي الأمر ..
ام عبدالعزيز: تستظرف انت ووجهك ..
طلال: حاشاك يا عمه .. انا جيت عشان البروفا لرقص زي ما انتي شايفة ..
ام عبدالعزيز: قلنا انك تزوجتها عن حب بس مو بهالطريقة لو يشم احد خبر جيتك هنا بننفضح .. وجيرانكم لو عرفوا ما بيسكتون هذا اذا ما عرفوا من الآن ..
" فركت يدها" اسمع أنت لا عاد توطوط هنا وبخصوص البروفا اتصل بي وأنا اخليك تجي لبيت عمها تدربون هناك ..
وبدخله راغده وريهام وبيدها الشاي واعطت امها: يا يمه السالفة مو مستاهلة , ما صار شيء من ألي ببالك ..
البروفا خلصناها بس باقي اخر بروفا ونكون مستعدين لأن علي ملاحظات ..
ام عبدالعزيز: بسيطة! تعالوا عندي و تعلموا بس ماله داعي هو يجي لهنا ..
راغده: حاضر يمه ..
ريهام تناظر للفوشار واكواب العصير وبابتسامة: كانت سهرة حلوة غدو
راغده اعطت اختها نظرة يعني اسكتي
ام عبدالعزيز ألتفتت للي حولها وبذهـول: ما شاء الله تبارك الله وفيلم رومانسي بعد .. يعني مخططين لكل شيء...
راغده تناظر طلال بـ معنى تكلم ..
طلال: لا عمه كل شيء كان صدفة ..
ريهام بمرح: الله يجعل صدفكم دايمة على هالمستوى ..
ام عبدالعزيز: اوص ولا كلمة و ايش جلسك هنا عشان تتعلمين قلة الأدب وتطبقينه علي .. روحي الغرفة الثانية يــــلا ..
ريهام تتحلطم بمكانها: كلا يطردوني من المكان ..
ام عبدالعزيز اخذت نفس عميق: انتو وين عايشين ؟ ما تهتمون لكلام الجيران والناس ! تاركين كل شيء سايب ؟
" وتناظرها" وانتي يالعاقلة وين راح عقلك ؟ صدق كبيرة و هبيلة ..
طلال: وجهي الكلام لي , راغده ما سوت شيء وهي ما تدري بجيتي هنا ..
راغده تناظر بطلال وهي تتخيل ألي صار وقامت وبإحراج: يمه اعذريني انا تعبانة بنوم بكره وراي دوام ..
ام عبدالعزيز: برافو عليك بس جات أمك تعبتي من قبل لا ما بقى لفه ما لفتوها هنا >> تقصد الرقص
كنستو الصالة كناس " وبسخرية " اكيد بتتعبين يا يمه ..
راغده : ريهام اصعدي فوق .." ناظرتهم" بالأذن
طلع من بيتها وتوجه لبيت خالته ..
شريفة: هلا هلا أبوي ..
طلال يشوفها بتقوم تسوي له شاي: لا خاله شربت كثير ..
شريفة: عند مين ؟
طلال بابتسامة: عند راغده
شريفة ببهجة: ما شاء الله تبارك الله ، والله وصرت تتبسم من تذكرها ، قل لي وش الي صار ؟ هجدت ورجع لها عقلها ولا ظلت تدلع ..
طلال: هجدت ..
شريفة تلولش: كللـــــووش , هذا هي الأخبار الزينة .. ومتى حفلتهم المزعومة ؟
طلال: وهذا ألي جاي عشانه أنا .. اعزمك على الحفلة الملكية ..
شريفة بضحكة: على قولك .. ووين بتكون ؟
طلال: في قاعة ال*****
شريفة: ما شاء الله .. زين معي فستان لهالمناسبة ..
طلال: عاد ألي بقوله لك شيء ثاني ..
شريفة: قول يا يمه
طلال: بلبس بدلة ..
شريفة: ما فهمت !
يتبـــــعتعليق
تعليق