رد: روايتي الثانية مراهقات جمعتنا ظروف مختلفة لكاتبة /Roby

البارت ررررررررررررررررررررررررروعة
ليش منيرة تركت منال بس انا متاكده انها تركتها لسبب
انتظار البارت الجاي

رد: روايتي الثانية مراهقات جمعتنا ظروف مختلفة لكاتبة /Roby

انتي الاروع ياقلبي

رد: روايتي الثانية مراهقات جمعتنا ظروف مختلفة لكاتبة /Roby

انتي الاروع ياقلبي

رد: روايتي الثانية مراهقات جمعتنا ظروف مختلفة لكاتبة /Roby

قد روى مسلم وغيره أن النبي صلى الله عليه وسلم قال: صيام يوم عرفة أحتسب على الله أن يكفر السنة التي قبله والسنة التي بعده. والحديث يدل بظاهره على أن صيام يوم عرفة يكفر ذنوب سنتين







البارت الثالث عشر







طلعت من المستشفى بعد ما تاكدت ان ريم نامت . رجعت البيت اخذت لها شور وكلمت مشاري قالت له تحتاجه

جلست تحوس في الارواق اللى قدامها لحد ما جاء مشاري انتظرها لحد ما اخلصت

مجد تحط الأوراق في الملف: وش صار معاك في الأسماء اللى اعطيتك هيا

مشاري : الأول هند لهم سهم في شركتنا . وشركتنا تدعمهم . لانهم كانوا راح يخسروا الصيف الماضي وصار بيننا شراكه . والثانية كانت مرام ابوها عند شركات كبيرة بس يشتغلوا بطريقة غير نظامية من تحت لتحت واخر وحده ندى ابوها يشتغل عند أبو مرام وهو رجل على قد حاله

مجد وهيا تطلع في الجدران : دمرهم

مشاري بصدمة: نعم

مجد بطفش : مشاري وش فيك صرت ما تسمع دمرهم شركة أبو مرام طلع المستندات وشركة أبو هند اسحب الشراكة وندى راح افضى لها بنفسي

مشاري: طال عمرك هذا شي غلط . انتي جالسة تقطعين ارزاق الناس

مجد: راح تسوي (وبتهديد) ولا انا اسويها بنفسي

مشاري بقهر: راح اسويها

مجد: 24 ساعة . اقولك 12 ساعة بس .

مشاري اخذ نفس بمعق: عندك اجتماع اليوم في الشركة لا تنسين

مجد: يب ما نسيت اول كنت اشتغل على نفس الأوراق

*****************************************

في المنطقة الشرقية

الحصة الأولى دخلت أسماء عند ابلة خلود

ابلة خلود : يا بنات اليوم عندنا بنتين جدد . أتمنى انكم تساعدونهم وتكنون اصحابهم (اشرت ) هذي منال . وهذي جوري

منال جوري وش تبون تقولوا لصديقاتكم

منال كانت خايفة طالعت في أسماء . ابتسمت أسماء

منال: انا منال وهذي صديقتي جوري . اليوم اول يوم لنا أتمنى نكون أصحاب

ابلة خلود: حياك بيننا منولة وانتي جوري وش تبي تقولين

جوري بخجل: ولا شي

ابلة خلود اشرت لهم . يلا اجلسوا هناك علشان نبدا الدرس

جلسوا منال وجوري

ابلة خلود : يلا يابنات اشوف حليتكم الواجب

البنات: ايوه

ابلة خلود: زين يلا افتحوا كتبكم اشوف

*******************************************

في الرياض

في المدرسة . كانت المديرة في غرفتها سمعت صوت الباب

المديرة: ادخل

دخلت ندى

المديرة : نعم ياندى

ندى بصدمة: تعرفين اسمي

المديرة: عندك شي

ندى: يا استاذه انا من المتورطين في موضوع ريم

المديرة طالعت في ندى بمعنى كملي

ندى بتبرير : بس والله العظيم كنت مجبورة . مرام اجبرتني اجيب الصورة

المديرة بعصبية: مافي شي اسمه مجبورة كنتي تقدرين تلجا لي احد . اطلعي بره وحطي في علمك انك مفصولة لحد ما توصل اللجنة المسئولة عن الموضوع من الوزارة

طلعت ندى من الادرة وراحت على فصلها

في المنطقة الشرقية

دخلت غادة غرفة منيرة تشوفها اتاخرت ما قامت والظهر قرب يدخل . طالعت السرير ما شافت فيه احد. سمعت صوت بكى . لفت وجهها وشاف منيرة على الأرض تبكى

غادة جلست ضمت منيرة وبخوف : منيرة وش فيك

منيرة تبكى: ليش انا انانية . ليش ما اخذتها معاية . وش ذنبها اذا أهلنا تركونا لوحدنا انا كمان اتركها لوحدها انا اكبر انانية في العالم اكره نفسي

غادة اللى مو فاهمة شي: صلى على النبي منيرة . كل مشكلة ولها حل بس انتي اهدي الحين

منيرة تبكى: ابي خالة نوال . (وبترجى) الله يسعدك ابي خالة نوال

غادة : من عيوني الحين اكلم نوال

قامت غادة علشان تكلم نوال

*****************************************

اخذت لها شور سريع ولبست على أساس انها تشوف ريم الأول وبعدين تروح الاجتماع

دخلت المستشفى وفي يدها باقة ورد وهيا طالعه شافت دكتوره سهام

مجد ببتسامة : كيفك دكتور سهام

سهام بدلتها نفس الابتسامة: حمدالله كيفك انتي

مجد : بخير . ريم قامت

سهام: يب قامت والحين بروح اشوفها

مجد: حلو اجل نشوفها مع بعض

سهام تنهدت: احس الغلط كله من أهلها . يعنى بجد اختها بعيد عنها والمفروض تكون قريبة منها اهم شي عندها الماركات . القريب منها كان راكان وراح الله يرحمه . خليك جنبها

مجد ابتسمت: لا تخافين انا جنبها

دخلوا الغرفة وكانت جيهان تصلى وريم جالسة على السرير سرحانه

سهام: السلام عليكم

ريم ببتسامة: وعليكم السلام

مجد ابتسمت: كيفك اليوم

ريم: حمدالله كيفكم انتم

مجد وسهام: الحمدلله

ريم: مجد انا اسفة . دكتوره سهام انا اسفة

مجد تنهدت: رجعنا لكلمة اسف ترى مطبوع في عقلي انو ريم لو قالت اسف معناه في بلوه في الطريق ريم راح تسويها

ريم بنفى: لا والله بس (نزلت راسها ) امس كنت وقحة بزيادة

سهام: مو مشكلة اهم شي انك بخير الحين

ريم : دكتور سهام ممكن اطلب منك طلب

سهام ببتسامة: اطلبي واحنا نقدر نقولك لا

ريم: دكتوره الله يسعدك ما ابي اشوف احد غيرك انتي وماما ومجد الله يخليك

سهام: من عيوني ابشري

مجد طالعت ساعتها : يلا انا راح امشي الحين عندي شي ضروري اخلصه وارجع لك

ريم هزت راسها : اوكي

*****************************************

في المنطقة الشرقية هدات منيرة وصلحت لها غادة شاي بابونج وجلست جنبها في الصالة . ما تكلمت غادة كانت تبيها تكلم بنفسها

منيرة بعد صمت طويل : تتوقعين اني انانية

غادة : ليش تقولين كذه

منيرة وهيا تناظر في مكان واحد : علشان تركت منال لوحدها

غادة بتسال : مين هيا منال

منيرة ضحكت بسخرية : اختي الصغيرة اللى ما استحقها

غادة بهدوء: طيب وينها منال

منيرة ببرود: تركتها عند خالة أسماء . ما ابيها تعيش معاية لاني طلعت من البيت وانا اخف اني ما احصل شي اكلها بكرة النهار . أخاف اظلمها وهيا باقي صغيرة . أخاف ادمر حياة .

غادة : طيب من هيا أسماء

منيرة : امي زوجي (وبسخرية) زوج الغفلة

غادة : طيب ليش انتي طلعتي من هناك

منيرة بكيت : لانني اكره رامي . اكره اجلس في مكان وهو موجود اكره وجوده (اشرت على قلبها) هذا يكره وجوده يكره يشوفه . اكرهه تعرفين وش يعنى اكره رامي متعجرف لدرجة ما تتوقعيها كل الناس عنده زبالة وهو القمة

غادة حزنت على منيرة وضمتها

منيرة تبكى: ابي منال . والله ابيها وفي نفس الوقت ما ابيها تعيش حياة شقى . ابيها تدرس وتكون تكمل تعليمها وتكون ناجحة

غادة بحنان: اهدي ياقلبي انتي . اهدي

***********************************************

طلعت من المستشفى وركبت مع السايق ومشاري متوجهها لشركة

السايق : مشاري

مشاري اللى كان مشغول في الأوراق مع مجد: هلا

السايق: السيارة اللى ورانا من اول تلحق ورانا

مشاري طلع وراها ورجع طالع السايق : امشي بهدوء وسوي نفسك ما انتبهت لهم

السايق: ان شاء الله

مشاري كان خايف على مجد بس حاول يمسك اعصابة : طال عمرك

مجد بهدوء : هلا مشاري

مشاري: حطي حزام الأمان

مجد ضحكت: وليش تخاف علي من الموت ( وبتحدي) توها بدات الللعبة .

السيارة اللى رواهم بدات سرعتها تزيد

مجد بجدية لسايق : امشي بسرعة وحاول انك تضيعهم

السايق: ان شاء الله طال عمرك

كان يمشي بسرعة وهمه الوحيد يضيعهم وفعلا ضيعهم

مجد حست ان الموت قرب منها لحظة . وصلوا الشركة ونزلت .وهي تفكر مو لازم تضعف لانه باقي لها كثير قدامها . وامها واختها امانة عندها ولازم تحميهم لو كلفها هذا الشي حياتها

مشاري بعصبية : يكفى يا مجد اطلعي من الموضوع هذا وانا راح اهتم في الموضوع

مجد بهدوء: انا بس اللي أقول

مشاري : خلاص طيب امشي بحراس

مجد: ما ابي . ( طالعت الساعة) وياليت نبدا الاجتماع انا مو فاضية

**********************************************

وصلت نوال وهيا ميت خوف على منيرة . دخلت وحصلتها في الصالة تطالع في فراغ

جلست نوال جنب منيرة وضمتها

منيرة بكيت: خالة نوال ابي اختي والله ابيها

نوال حزنت على منيرة: ما تأخر الوقت ياقلبي تقدرين ترجعين لها

منيرة تبكى: اكره رامي اكره رامي ومستحيل اقدر أعيش معه مستحيل

نوال : ليش سويت في نفسك كذه يامنيرة

منيرة تمسح دموعها: انا راح اشتغل ليل نهار علشان منال . انا راح أوقف دراستي

نوال بعصبية : كل شي ولا دراستك فهمتي

منيرة بعناد: لا انا الكبيرة وانا لازم اضحي

نوال ما زالت معصبة : منيرة لا تجننيني

غادة: نوال غادة صلوا على النبي

نوال تنهدت: الله صلى وسلم عليه . منيرة سالفة انك ما تكملين دراستك انسيها . وراح اخليك أسبوعين ترتاحين فيها زين ومن بعدها تروحين المدرسة وانتهى الكلام

منيرة بنكسار : طيب

نوال : لو تبين تشتغلين ما راح امنعك بس بشرط ما ياثر على دراستك

منيرة : طيب وش اشتغل

غادة بتفكير: طيب وش رايك تدرسين

نوال: ايوه الله فكرت افتح مجلس من المجالس ودرسي فيه

منيرة بحماس عكس اول: فكرة حلوه

نوال بحنان: منيرة حبيبتي انا ما راح ادوم لك منيرة لو ايش يصير لا تفكرين انك تتركين دراستك

منيرة : ان شاء الله

نوال: وعد

منيرة: وعد

******************************************

الساعة 12 ونص خلص دوام الابتدائي . ومن دق الجرس اخذت شنطتها ولمت كتبها

ميار بغرور: الحين انتي من جد بنت ابلة أسماء . كل البنات يقولوا انك بنتها

منال مقهوره من غرورها الزايد: وش رايك يعنى

ميار: اجل خلاص انتي الحين من شلتنا . ترى يكون في علمك مو أي احد انا اقبله في شلتي

منال حطت شنطتها على كتفها: لا شكرا من ابي شلتكم (طالعت جوري) يلا جوري

طلعوا من الفصل وتركوا ميارمقهورة وصاحبتها

ميار: وجع تقهر

ليان: مغرورة

ميار: يلا بنات

طلعوا من الفصل

في الإدارة

وصلت منال وشافت لمياء تكتب في الأوراق

منال ببتسامة: لو سمحتي ماما هنا

لمياء ردت ببتسامة: يب

منال دقت الباب ودخلت بعد ما سمعت صوت أسماء

منال رمت شنطتها وراحت جرى ضمت أسماء: انا جيت

أسماء: يا هلا والله . كيف كان يومك

منال بحماس : انا مرره احب ابلة خلود هيا مره طيبة . بس ابلة الإنجليزي ثقيلة دم . وما احب ميار مرره مغرورة

أسماء بحنية: عيب نقول عن الي اكبر مننا ثقيل دم

منال حطت يدها بطريقة طفولية : حاضر

أسماء: يلا اخلص الشغل ونمر على الثانوي وبعدين نطلع نتغدى بره وش رايكم

منال بفرح: ايوه ايوه

خلصت أسماء بسرعة اوراقها واخذت اشياءها مره وحده لانها راح تطلع بعد ما تمر على فصول الثانوي

****************************************

كانوا في الاجتماع وفجاءة دخل عليهم برغم من الحراس اللى كانوا يمنعوا يدخل . سكتوا كلهم يطالعوا فيه

احمد يكلم مشاري : ليش كذه ليش

مشاري وقف: اعتذر . وجاء يسحب احمد لبره . ممكن تتفضل معايه بره

احمد : طيب الأول فهمني ليش سحبتم اسهمكم من شركتنا

مشاري بهدوء: نتفهم على الموضوع بره . الحين تفضل معايه

طلعوا مشاري واحمد مع بعض

مجد تطالع في الملفات : وش كنا نقول

فيصل بستغراب : ممكن تقولين لنا ليش سحبتم اسهمكم من شركتهم

مجد طالعت فيه بنص عين : يعنى لازوم اجاوب

فيصل : ياليت

مجد: ببساطة احنا ما نتعمل مع شركات فيها اسهم حرام

فيصل: اهاا

دخل مشاري: اسف على التاخير نكمل الاجتماع

فيصل: يلا

رجعوا للاجتماع ومجد ما كانت طفشانة وبين عليها وفيصل كانه يقوم يضربها بس علشان ابوه متحمل اسلوبها المستفز

****************************************************

في الرياض

صلت الظهر وجلست تطالع من الشباك للناس اللى رايحه واللي جاي وفي راسها الف سوال . ليش سوت فيها كذه . هل هيا ظلمت نفسها بطيبتها ولا هيا غبية بزيادة . ليش بما انو هيا وراكان انولد في يوم واحد ما ماتوا في نفس اليوم

قطع عليها تفكيرها صوت سهام

سهام وهيا تجلس على السرير : يتهنى به

ريم مسحت دموعها وابتسمت: مين

سهام رفعت حواجبها: اللى ماخذ عقلك

ريم جات جلست جنبها: ولا احد

سهام من شافت وجهها عرفت انها تبكى: ولو قلتلك كذابه

ريم ضحكت : انا اكذب تخيلي

سهام: وين امك

ريم طالعت في اظافرها: راحت البيت تجيب شوية أغراض

سهام مسكتها وضمتها ةوما كان بدور ريم الا انها تبكى

سهام: ابكي ياريم ولا تخلين شي في داخلك ابكى

ريم وهيا تبك: والله كل هذا فوق طاقتي ما اقدر اتحمل كل هذا انا غبية ولا طيبة بزيادة . الله يسعدك قوليلي

سهام بحنان: ريم ياقلبي اهدي . صدقيني راح تندم ندى . الدنيا ما راح تخليها ترتاح .

ريم تاشر على قلبها: يوجعني . مرره يعورني لدرجة ما توصف

سهام: اهدي انتي الأول

ريم وهيا تشهق بكى: ما اقدر والله يعورني

قامت سهام بخوف وضغط على زر الطورئ دقايق وجاوا الممرضات

سهام سدحت ريم على السرير : قيس ضغط الدم بسرعة

كلمت سهام اللمرضة الثانية: بسرعة جيبي جهاز تخطيط القلب

ريم مسكت يد دكتوره سهام وكان بين عليها انها تتالم

سهام : لا تخافين راح تكونين بخير

*****************************************

في المنطقة الشرقية

من طلعت منيرة من البيت وهو يا نايم او سرحان . كنت في غرفته كالعادة نايم . دخل الغرفة وكانت ظلام مو باين ولاشي فتح الستاير وقفل التكيف

رامي قام بشر. وتغيرت ملامح وجه يوم شافه

رامي بصدمة: راكان

راكان : لا ولد الجيران

قام رامي يفرك في عيونه : صدق والله

راكان قرب منه وحط يده على راسه: صدق من قال انك مو صاحي . قوم بس قوم

طالع ساعته: عندك ربع ساعة تقوم تصلح نفسك بنطلع

رامي قام: 10 دقايق تكفى

راكان: اشك

قام رامي دخل الحمام وجلس راكان على السرير ينتظر اخوه

ملاحظة: راكان ذكرته في بداية الرواية (يعنى هذا اخو رامي مو اخو ريم ولا تربطهم أي صلة قرابة ) ارجع واعرف راكان 24 سنة نحيف وضعيف مرررررره انسان هادي جدا جدا مايحب الجدال والمناقشة ويحب الهدوء ودايما يسافر درس هندسة ديكور .يصمم لشركات كبيرة

فتح جواله يتصفح في النت قبل ما يخلص اخوه

دخلت الغرفة بدون ما تدق الباب وانصدمت من الشخص اللى كان جالس على السرير وما يشبه رامي ابدا . انتبه لها وجات راح تصرخ . ادراك الوضع وحط يده بسرعة على فمها . مايحب الصراخ . وهيا تحاول تقاوم

راكان ما زال ماسكها: راح اتركك بس الله يخليك لا تصارخين

منال هزت راسها بمعنى طيب . ما لحق يشيل يده الا وصوت منال ملئ القصر كله

منال : واااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

طالع رامي من الحمام مفجوع وهو بس حاط المنشفه عليه : خير

منال طالعت رامي وفتحت عيونها على الأخير : وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

رامي وراكان كانوا محطين يدهم على اذانهم لحد ما دخلت أسماء

أسماء بخوف: منال وش فيه

منال تاشر على رامي وراكان اللى ما نتبهت له أسماء

منال بشقاوة: حرامي

أسماء رفعت راسها تطلع وين منال تاشر وانصدمت: راكان

قام راكان وسلم على امه : كيفك اسوم

أسماء ضمته ونزلت دموعها : حمدالله على سلامتك

راكان متسغرب من امه هذا مو امه من متى هذي الحنية والطيبة : الله يسلمك

منال بستغراب: ماما ليش تضمين الحرامي

راكان راح رفع منال من ملابسها: انا مو حرامي من اليوم وانتي تقولين حرامي

منال كانت بتصيح راكان نزلها بسرعة: يرحم لي امك لا تصحين

منال راحت جرى وراء أسماء : ما تقدر تمسكني

راكان: غريبه اسوم في البيت وش صاير

أسماء ضربته على الخفيف : استحى على وجهك تراني امك

راكان : اجل حلو خلونا نطلع كلنا نتغدى بره بس ما ناخذ هذي معانا (وياشر على منال )

منال: الا بروح

أسماء ضحكت: خذوا منال معاك وراحوا تغدوا

راكان: وانتي

أسماء: ابوك راح يوصل اليوم وراح اجلس انتظره صعبه اطلع ويرجع البيت وما يحصل احد

راكان: اوكي خلي ههذي القردة معاكي

منال حطت يدها على خصرها: ما قرد غيرك

رامي يضحك: اشوف طلع لك لسان يا منال اليوم

منال بكشره: ما احب هذا الحرامي

راكان جاء بيمسكها راحت جري وراء رامي وطلعت لسانها

رامي يمشط شعره: وين جوري

منال بحزن: راحت بيتهم تقول تبي أمها

رامي مسكها مع يدها: وليش انتي حزينه شوف امك هنا وفي رامي كمان والحرامي

منال بحزن : انا بروح انام ما ابي اطلع

وراحت تركت المكان

رامي يكلم راكان: انا بروح اجيبها وانت اسبقني تحت

راكان: اوكي

طلع رامي يشوف منال

أسماء: ما اوصيك على اخوك

راكان: ان شاء الله

طلعت أسماء من الغرفة و وراها راكان بعد ما قفلوا الباب

راكان: اكيد ما راح تروحين معانا

أسماء ضحكت: يب روحوا انبسطوا . فرحتكم تكفى

في غرفة منال اللى كانت بلون الزهري تجنن كل شي فيها زهري كانها غرفة اميرات

كانت منسدحة على السرير ومغطيه وجهها باللحاف . جاء رامي وجلس على طرف السرير

رامي بحنان: منولة ترى كلنا جهزنا ما باقي الا انتي

منال مازالت مغطيه وجهها: ما ابي اروح

رامي : بعدين انا اصير لوحدي

منال رفعت راسها وكانت دموعها على وجهها : بس انا مشتاقة لها

رامي ضم منال : وانا بعد مشتاق لها . لكن ما نقدر نقول غير الله يجيبها لنا بسلامة

مسح دمعت منال : يلا اشوف قومي غيري ملابسك اليوم انتي اميرة أي شي تبين راح اسوي لك هوا أي شي

منال : صدق

رامي : يب

قامت منال تغير ملابسها . ومسح دموعها تنهد وبعدين ضحك

رامي وهو يكلم نفسه: من متى وانت تبكى على بنات يارامي الله يرحم حالك بس

*******************************************

رد: روايتي الثانية مراهقات جمعتنا ظروف مختلفة لكاتبة /Roby

وش رايكم في البارت

وش تتوقعاتكم لبارت الجاي

رد: روايتي الثانية مراهقات جمعتنا ظروف مختلفة لكاتبة /Roby

البارررررت روعة . بنتظار البارت الجاي ياقلبي
اتمنى انو منيرة ترجع ويعيشوا مع بعض هيا ومنال ورامي
ريم قطعت قلبي بعد حيي انا

رد: روايتي الثانية مراهقات جمعتنا ظروف مختلفة لكاتبة /Roby

تسلمين ياقلب وانتي الاروع

رد: روايتي الثانية مراهقات جمعتنا ظروف مختلفة لكاتبة /Roby

النبي صلى الله عليه وسلم قال :
خير يوم طلعت عليه الشمس ، يوم الجمعة . فيه خلق آدم . وفيه أدخل الجنة . وفيه أخرج منها . ولا تقوم الساعة إلا في يوم الجمعة

سورة الكهف اعزائي



البارت الرابع عشر









في بيت من زمان ما زرنا كانت جالسه مع أمها واخواتها . كانت جاسة تحكي هم


جوري : والبنات مررره مغروين يا ماما ويوم عرفوا انو رمنال بنت المديرة صاروا يبون يصيروا أصحابها


ام ندى: ومنال صارت صديقتهم


جوري: لا قالتلهم انا معايه اختي ما ابي أكون صاحبتكم


شهد: جوري منور ما رجعت


جوري: لا عندها شغل كثير


شهد تنهدت: الله يرجعها بسلامة


الكل: امين


************************************


في السيارة


راكان: وين تبي تتغدى


رامي: اختار انت على كيفك


راكان: لو ماكان معانا هذي البزره كان سافرنا


منال طلعت فيه: بزره هذي احسن منك يا حرامي


راكان يمثل انه معصب: رامي سكت البزره هذي قبل ما ارميها في الطريق


منال ابتسمت: ما تقدر


راكان جنب السيارة : يلا انزلي اشوف


منال : ما راح انزل


نزل راكان وهو يسوي نفسه راح ينزلها


منال بكيت: والله ما اعيدها والله


راكان : اسمع صوت


منال تبكى: والله ما تسمعه


رامي ضحك: حرام عليك


ركب راكان ورجع يسوق


منال تمسح دموعها: والله لاقول لماما


راكان دار وجه : مو قلت ما ابي اسمع صوتك


منال تقلده : مو قلت ما ابي اسمع صوتك


راكان : شكلوا من جد راح انزلك هذي المرة


منال نقزت عند رامي بسرعة : اتحداك يا حرامي


راكان: رامي البنت هذي نهايتها على يدي


رامي : بس كيوت صح


منال ضحكت وباست رامي: فديتك انت احلى من الحرامي


رامي بجدية: عيب منولة هذا اخوك الكبير عيب تقولين عليه حرامي هو اسمه راكان


منال تمد يدها : خلاص سامحتك


رامي وراكان فطسوا ضحك على منال . قامت ونقزت وراء وهيا مبوزه


****************************************************************


في المستشفى كانت ريم مع أمها ودكتور سهام . صارت احسن من اول بكثير . نقلتها الدكتورة قسم ممنوع الزيارة فيه


رن جوال ام ريم وكانت ام ايلاف


جيهان ردت


ام ايلاف: كيفك جيهان


جيهان: حمدالله تمام كيفكم انتم اخباركم


ام ايلاف : حمدالله تمام . جيهان


جيهان: هلا


ام ايلاف: احنا في المستشفى والبنات يبون يشوفون ريم


جيهان: اوكي دقايق بس وانا راح انزلكم


ام ايلاف: اوكي


قفلت جيهان وطلعت في بناتها اللى عيونها كانت مغرقة دموعة (كل اللى صار مررر قدام عيونها . واكثر شي كرهته ريم في ذاك الوقت ضعفها قدام ايلاف واميمة )


ريم بصوت مرتجف يعلن بداية بكاء: ما ابي اشوف احد (طالعت سهام وبترجى) الله يخليك ما ابي اشوف احد


سهام بصوت دافئ: ومين قال انك راح تشوفين احد


ريم بكيت


سهام: ريم حبيبتي انا الدكتورهنا وانا اللى أقول مسموح الزيارة ولا . والحين انا راح اروح مكتبي ولو جوا مع امك راح أقول ممنوع


ريم سكت ما ردت


طلعت الدكتوره سهام بعد ما تركت الممرضة معاها


***********************************************


رجعت البيت بعد ما شاف عمها وكيف كان يهدد فيها كانت تمثل القوة قدامه بس في داخلها كانت مرعوبة


مجد وما زالت ترجف : مشاري


مشاري: نعم


مجد بنكسار: وش اسوي


مشاري اول مره يشوف الانكسار هذا في مجد: لازم ننقل اهلك من هنا في الوقت الراهن وانتي لام تتركين الجامعة والشركة لفترة


مجد حطت يدها على راسها وبضعف: سوي اللى تشوفه مناسب


مشاري بعصبية: مجد ما راح اسمح لك تضعفين . هذا الوقت بذات


مجد ما زالت مصدومة : سوي اللى تبيه


طلع مشاري وتركها اقلها لحد ما تهدى


قفلت مجد عيونها بهدوء وكل شي مرره من قدام عيونها من طلعت الشركة وعمها يلحقهم وهذا انو مشاري ما طلعها من الشركة الا يوم تاكد انو رواهم حراس


عمها كان يلحقهم ومعاه رجال كثير . لحد ما اضطر السايق يوقف السيارة . مشاري كان يمنعها تنزل من السيارة بس مجد عنيده وما راح يمنعها من شي . نزلت ونزل مشاري معاها . وكل الحراس اللى كانوا في سيارات متفرقة نزلوا


نزل عمها من السيارة وكان بينهم في مسافة


عمار : والله وكبرتي يابنت عمر


مجد بحقد: لا تنطق اسم ابوي في فمك يا قاتل


عمار ضحك بقوة : تدرين وش اكبر غلط سويته في حياتي . اني ما ذبحتك بعد ابوك


مجد ضحكت : اتحداك واتحد العجوز اللى جابتك


عمار عصب وفي لحظات انقلب المكان طلقات رصاص . ما تدري كيف وصلت لسيارة وكيف تحركت السيارة . كل اللي تذكره الأرواح اللى طحت على الأرض بس علشان تحميها


سمعت صوت باب غرفتها يندق . مسحت دموعها بسرعة . لازم ما تضعف قدام أهلها . لازم تكون قويه لانها هيا الكبيرة . القدر كتب لها تكون كذه


********************************************************


في المستشفى


كانوا ام ايلاف وام اميمة واكيد ايلاف واميمة وابلة امل وندى . يترجوا الدكتوره في انهم يشوفوا ريم


ايلاف بترجى: الله يخليك يا دكتوره


سهام: ما اقدر


اميمة: الله يسعدك بس 30 ثانية . الله يفتح لك أبواب الجنة


سهام: صدقوني لو كنت اقدر كان سمحت لكم . بس ممنوع بعدين راح انفصل من شغلي




دخلت الممرضة


الممرضة: دكتور سهام ممكن شوية نحتاجك


سهام وقفت: اوكي ثواني بس واجيكم


طلعت سهام من غرفتها وتوجهت لغرفة ريم


ريم طالعت في الدكتوره: راحوا


الدكتوره : لا باقي موجودين في غرفتي


ريم مازالت في صراع مع نفسها: وش اسوي


سهام لاحظت توترها: انا من اول قلتلك ما راح احد يشوفك الا يوم انتي ترضين


ريم : دكتوره سهام مين جاء


سهام: ايلاف واميمة ومعاهم بنت وابلة وامهاتهم اكبد


ريم انسدحت على السرير : ماابي اشوف احد


قامت سهام: اوكي


جات سهام بتطلع من الغرفة بس وقفها صوت ريم


ريم: دكتوره . انا ابي اشوف صحابتي


ابتسمت سهام : اوكي


********************************************


وصلوا مول على الأساس انهم يتغدوا في مطعم وبعدين ينزلوا يشتروا . كانت تمشى معاهم وفجاءة اختفوا لفت يمين يسار مو موجودين


منال والدمعة على عيونها : رامي . رامي


جلست واستلمت لبكى : رامي . ماما . رامي


حست بيد انحطت على كتفها : وش فيك ياقلبي


منال وهيا تبكى: رامي . ابي رامي


مسكت يدها بقوة: الله يخليك وديني عند رامي


بتول: ياقلبي انا حاضر . وش اسمك با كامل


منال والدمع في عيونها : منال محمد ال........


بتول : خلاص الحين احنا نروح عند الامن وبعدين هم راح يحصلوا اخوك


سما : بتول البنات ينتظروا فوق


بتول: اوك


اخذوا منال وشافوا حارس امن


بتول: لو سمحت اخوي مضيعه اخوانها


حارس الامن بحنان: تعالي ياحلوه . وش اسمك


منال مسكت بتول بقوة : ما ابي


بتول : يا قلبي انتي روحي عنده وهو راح يحصل اخوك


منال بكيت: الله يخليك لا تروحين




في نفس المول من ناحية ثانية . كان راح يجن ما يكفي منيرة والحين منال


راكان: اهد يا رامي انا كلمت الامن وان شاء الله راح نحصلها الحين


رامي بقلق : صدقني يا راكان صدق والله لو صار فيها شي راح الوم نفسي . منيرة اول والحين منال


راكان: صدقني راح نحصلها خصوصا انو المول فاضي


رامي : ان شاء الله ان شاء الله


*******************************************











جلست بتول تدور مع منال ومعها حارس الامن . طلعوا فوق قسم المطاعم بعد ما قلتلهم منال انهم كانوا جاين يتغدوا


بتول: طيب منال ما تعرف رقم اخوك


منال هزت راسها ب لا


بتول تنهدت: طيب رقم ماما او بابا


منال هزت راسها كمان بلا : بس اعرف رقم اختي


بتول مسكت جوالها : طيب اعطيني رقم اختك


منال: بس هيا مسافره خارج المملكة


بتول: مو مشكلة اعطيني اشوف


منال أعطت بتول الرقم واتصلت بتول بس كان يعطيها مقفل


بتول تعبت كلمت حارس الامن: لو سمحت اخوي احنا راح نجلس هناك لو عرفت شي عن أهلها


حارس الامن: خلاص مو مشكلة


اخذت بتول منال معها وراحو عند طاولة البنات


مشاعل بصدمة : منال


منال رحت جرى وضمت مشاعل وجلست تبكى


مشاعل تطلع بتول يعنى وش السالفة


بتول جلست بتعب: لو كنت اعرف انك تعرفيها كان من اول جبتها لك


مشاعل تسكت منال : بس منولة خلاص


منال تبكى: انا كنت مع رامي وراكان بعدين اطالع وهما مو موجودين


مشاعل تمسسح دموعها: بس خلاص الحين اتصل على رامي


لمار بحنان: بس منولة انتي كبرتي عيب تبكين كذه


منال تمسح دموعها : ابي رامي


لمار بزعل: اف ما تحبينا


منال : الا احبكم بس اليوم الحرامي عازمنا على الغذاء


مشاعل بستغراب: مين الحرامي


منال جلست وحكت البنات السالفة وكلهم فطسوا ضحك ونفسهم يشوفوا الحرامي بستثناء لمار ومشاعل اللى كانوا يعرفون الحرامي




بعيد عن البنات


دق جوال رامي وكانت مشاعل . من البداية مارد بس بعد ما طفشته رد


رامي وعقل موم عاه : هلا مشاعل


مشاعل: سنة قبل ما ترد


رامي : مشاعل يرحم لي امك مو فاضي . ترى راح اقفل في وجهك وش تبين


مشاعل: اهدا يا المعصب ترى منال عندنا


رامي بصدمة: كيف


مشاعل تضحك : صديقتي حصلتها تبكى وما رضيت تروح مع حراس الامن


رامي بفرح : الحمدلله الحمدلله . انتي وين الحين راح اجي


مشاعل : احنا في الدور الثاني


قفل رامي من
مشاعل وسجد سجود الشكر . راكان كان مستغرب لانه هذا مو اخوه اللى يعرفه

رامي بفرح: حمدالله مشاعل هنا في المول ومنال معاها


راكان ابتسم: الحمدلله يلا نروح ناخذها


رامي : يلا


************************************************


رجعت سهام غرفتها وقبل ما تجلس ايلاف واميمة مسكوها .


ايلاف: يلا الله يسعدك والله يمدك فكرتي


اميمة: نص دقيقة يعنى 30 ثانية بس


سهام بتفكير : خلاص موافقة بس بشرط


ايلاف بفرح: أي شي تبيت تم


سهام ضحكت: اوكي .راح اخليكم تشوفها بس اثنين اثنين والله يسعدكم لا تجوبون طارئ للي صار قبل


اميمة تاشر على عيونها : من هذي قبل هذي


سهام تمشى: اتفضلوا


طلعوا البنات وهم مبسوطين اهم شي يشوفوا ريم اللى غيرت حياتهم كلهم


وصلوا الدور وكان هادي جدا لانه ممنوع الزيارة في هذا الدور صدق


دكتور سهام بصوت واطي: من يدخل اول


ايلاف واميمة بحماس: احنا


الدكتور: يلا


د\خلوا سهام وايلاف واميمة . ريم من يوم شافتهم ابتسمت وفتحت يدها . جاوا ايلاف واميمة بسرعة ضموها


ايلاف تبكى: وحشتني يا دوبة


اميمة : حتى انا


ريم ابتسمت: الله اكبر ايلاف واميمة يبكوا علشاني اكيد نسيوا عقولهم في البيت


اميمة ضربتها بمزح : حماره


ريم تمثل : اح عورتيني يا دوبة .


اميمة بخوف: صدق تعورتي


ايلاف تطالع فيوجه ريم : كذابة هذا لا تصديقها


ريم ضحكت


ايلاف تطالع اميمة: شفتي مو قلتلك انها كذابة


ايلاف تطالع ساعتها : اومي باقي 10 ثواني


ضموها هم الاثنين وكل وحده اعطتها بوسة في خدها


ايلاف : انتبهى لاكلك وارجعي بسرعة المدرسة


اميمة: بنات الفصل كلهم يسلموا عليك ويقولوا ارجعي بسرعة


سهام تضحك عليهم : يلا انتهى الوقت وزيادة


بعد ما طلعوا ايلاف واميمة دخلوا بعدهم امهاتهم ومعاهم ابلة امل وما عاد باقي الا ندى


سهام : مين باقي


ندى : انا


سهام: زين الباقي ينزلوا الله يسعدكم علشان ما انطرد من المستشفى


ايلاف واميمة: شكرا يا دكتوره


سهام ابتسمت: هذا واجبي


نزلوا كلهم وباقي سهام وندى


سهام : يلا


ندى: يلا


جوا راح يدخلوا جاء اتصال لسهام


سهام: ادخلي انتي قبلي وانا شويتين واجي


ندى هزت راسها


سهام رفعت ومشيت بعيد شوية عن الغرفة


دخلت ندى الغرفة . رفعت ريم راسها وتحول محل الابتسامة صدمة


ريم ببرود: اطلعي بره


ندى : ريم اسمعنى


ريم بدون ما تطالع وجهها


ندى بوقاحة : بطلع بس قبل ما اطلع على بالك اني ندمانة في اللي سويته لا


ريم بعصبية وهيا تسد اذنها : بره


ندى جلست على الكرسي وحطت رجل على رجل : تعرفين شي . اكرهك كره الكون . وما راح ارتاح لاحد ما اخذ حقي منك زي ما حرمتيني من اخوي زي ما اخذتني اخوي مني


ريم تكبى بتعب: حرام عليك انا ما اخذت اخوك


ندى بعصبية : لا اخذتيه . خطبك اخوي ورفضه ابوك . وبعدها اخوي انتحار انتي السبب . وذنبه في رقبتك ليوم الدين


ريم صرت في مرحلة اللاواعي كانت تبكى


ندى قربتة من ريم: ريم تبين ترتاحين وتروحين عند راكان


ريم هزت راسها . ما كانت ابد في وعيها


ندى بخبث : انا اساعدك


طالعت ندى مقص من شنطتها واعطته ريم : خذي (مسكت يدها ) لو جرحتي هنا بقوة راح تروحين عند راكان على طول


ريم سوت اللى قالتلها ندى وهيا مو واعيه . ندى طلعت من الغرفة وهيا تبكى وشافت سهام ما زالت تكللم جوال


ندى تبكى : ريم بتموت


سهام رمت الجوال وراحت جرى الغرفة . دخلت الغرفة وانصدمت يوم شافت ريم على الأرض والمقص في يدها الثانية . قامت بسرعة وضغط على جرس الطورئ




بعيد عن غرفة ريم نزلت ندى .


ندى ببتسامة: يلا


اميمة : سامحتك


ندى : يب


ايلاف تنهدت: ريم قلبها ابيض


طلعوا البنات وامهاتهم من المستشفى بعد ما ودعوا ام ريم . طلعت فوق وانصدمت من الدكاتره اللى عند الباب . بسرعة دخلت الغرفة انصدمت من الدم اللي كانت تشوفه على الأرض وعلى روب سهام اللى جالسه تحاول


دكتورر اشد انتبهى لها


راشد: لو سمحتى يا اختي انتظري برها


جيهان والدمعه على عيونها : بنتي


راشد با امر لممرضات : طلعوها بره


طلعوها بره وهنا انهرت جيهان وجلست تبكى وتصيح بنتي راح تضيع منى بنتي

*****************************************

رد: روايتي الثانية مراهقات جمعتنا ظروف مختلفة لكاتبة /Roby

قال عليه الصلاة والسلام : ( من صلى علي صلاة صلى الله عليه بها عشرا ) صحيح الجامع

البارت الخامس عشر




دخلت غادة وهيا متردده


مجد ببتسامة: هلا غدوش تعالي


جلست غادة جنب اختها ومجد فهمت انها تبي تقول شي


مجد : وش عندها الحلوه


غادة: مجد اقولك شي بس ما تزعلين


مجد: ايه قولي


غادة: وعد ما راح تزعلين


هزت مجد راسها بايوه


غادة بملل: مجد والله طفشت مه طفشانة ابي اطلع بره البيت واشوف الناس . ابي اوح المول والحديقة وابي اشتى كل شي في بالي


مجد تنهدت: اصبري ياقلبي انتي بس فترة وراح نسافر انا وانتي وامي وتتطلعين لحد ما تقولين مجد خلاص ما عدا ابي اطلع


غادة بحماس: صدق


مجد : وانا قد قلت شي وتراجعت عنه


غادة باست مجد: احبك يا احلى اخت في العالم


وطلعت وتركت مجد . وفجاءة تذكرت ريم . قلت تأخذ لها شور وبعدين تكلمها


*******************************************


شافتهم من بعيد جاين قامت بسرعة واخذت شنطتها


منال تحرك يدها ببراءة: مع السلام


مشاعل: انتبهى على نفسك لا تضيعين مرره ثانية احنا راح بنروح


منال ببتسامة: بمسك يد رامي بقوة


قربوا شويه بس ما قربوا مرره من البنات وراحت منال جرى ضمت امي


رامي ببتسامة: ليش كذه خوفتيني عليك


منال بزعل: على بالي انك رحت زي منيرة


رامي بحنان: وعد ما راح اخليك


راكان: يلا


منال مسكت يد رامي بقوة: يب


***************************************


رفعت جوالها وكلمت اخوها طاقتها خلصت ومو قادرة تستحمل اكثر . جاها الرد


جيهان تبكى: فهد الحق عليه


فهد بخوف: وش فيك جيهان


جيهان ما زالت تبكى: بنت راح تموت يافهد


فهد : اسمعي جيهان مسافة الطريق واكون عندك


جيهان: الله يسعدك فهد ما اقدر استحمل اكثر


فهد: ان شاء الله ياقلبي


قفل من اخته وقام بسرعة سحب شنطته وحط كم لبس في الشنطةو واخذ الأشياء الضرورية


نزل تحت شاف امه في المطبخ تساعد الشغالة . دخل وسلم عليها


فهد: يمة انا اح امشى الرياض تبين شي


ام جيهان: وش عندك في الرياض


فهد: بروح اشوف جيهان وريم


ام جيهان : الله يوفقك خذني معاك من زمان عنها


فهد ببتسامة: وين يمة الله يصلحك اخذك راح انزل مع العيال . ان شاء الله بعد يومين اجي اخذك طيب


ام جيهان: ولو اني عارفة انك كذاب بس الله يحفظك ويحميك . سلم عليهم كثير السلام


فهد: ان شاء الله يوصل


ام جيهان: لو وصلت كلمني


فهد ياشر على عيونه : من هذي قبل هذي


طلع فهد من البيت متوجها لرياض


بمناسبة اهل جيهان ساكنين في المنطقة الشرقية . وجيهان بعد ما تزوجة نقلت مع زوجها لرياض


***************************************************


طلعت سهام من الغرفة وشافتها جيهان وبسرعة راحت صوابها


جيهان بخوف: كيف ريم الحين


سهام بتعب : الحين راح يطلع دكتور راشد ويكلمك عن حالتها


جيهان بترجى: الله يسعدك دكتوره طمنيني عنها


سهام اللى الدم كان في روبها: بس دقايق ويطلع يقولك


راحت وتركت جيهان في مكانها . اول مره جيهان تشوف سهام بهذي الحالة


طلع دكتور راشد


جيهان : كيفها الحين


راشد: الحمدلله بخير تعدت مرحلة الخطر . ادعي لها يا اختي


جيهان: طيب اقدر اشوفها الحين


راشد : خليها ترتاح الحين ولو صحيت تقدرين تشوفيها


راح راشد وجلست جيهان على الكراسي اللى في الممر تدعى الله يخفف على بنتها


************************************************************


اخذت شور ولبست عبايتها وطلعت من الغرفة وهيا نازله صدمة في غادة


غادة : على وين


مجد: بطلع بروح المستشفى


غادة بحماس: ابي اروح معاك الله يخليك


مجد: وش له تروحين


غادة: بس ابي اطلع الله يسعدك


مجد: وين امي


غادة تنهدت: في غرفتها . (وبحزن) من مات ابوي وهيا على هذي الحالة لا تتكلم ولاشي


مجد: طيب يلا بسرعة البسي عبايتك


غادة فتحت عيونها على الأخير: صدق مجد صدق


مجد: عشر دقايق لو تاخرتي بروح


جلست في الصالة تنظر غادة . رفعت الجوال وكلمت مشاري


مشاري على طول رد: هلا


مجد : هلا فيك مشاري . اسمع وش صار معاك


مشاري: لا جديد . نبي نشترى بيت خارج الرياض وننقلكم فيه لفترة


مجد: اوكي لو حصل شي جديد كلمني


مشاري: ان شاء الله


قفلت من مشاري وجلست شوي جاءت بعدها غادة


غادة: يلا


قامت مجد وطلعت مع غادة متوجهين للمستشفى


**************************************************


واخير وصل فهد الرياض وعلى طول على بيت جيهان . يوم وصل فتحت له الشغالة الباب


فهد: وين جيهان


ماري: ماما في قول أي احد يبي هيا كلم هيا جوال


فهد دخل الصالة وكلم على جيهان كم مرره بس ما ردت




بعيد عن فهد بس في الرياض دخلت المستشفى هيا واختها . الوقت مو وقت زيارة فكرت تكلم سهام تدخلها . راح عند الرسبشين


مجد: السلام عليكم


الممرضة : وعليكم السلام هلا اختي كيف اقدر اخدمك


مجد: ممكن دكتوره سهام ضروري


الممرضة : دكتور سهام أتوقع انو انتهى دوامها ليوم بس دقيقة اتاكد


رفعت السماعة واتصلت على غرفة سهام وبعد ما جاها الرد


سهام : نعم


الممرضة : دكتوره سهام في وحده تبيك هنا


سهام بستغراب: انا


الممرضة : يب


سهام: اساليها مين هيا


الممرضة تكلم مجد: لو سمحتى مين انتي


مجد: قوليلها مجد اللى مع ريم


الممرضة تكلم سهام : اسمها مجد تقول مع ريم


سهام وكانها تذكرت: اوكي خليها تطلع


الممرضة: ان شاء الله دكتورة


وبعد ما قفلت كلمت وحده من الممرضات


الممرضة تكلم مجد: اطلعي مع هذي الممرضة علشان ما يمنعوكي الامن


مجد : ان شاء الله شكرا


الممرضة: العفو


طلعوا مجد وغادة لغرفة سهام ودخلوا بعد ما دقت مجد الباب


مجد: السلام عليكم


سهام ابتسمت بتعب: وعليكم السلام


مجد : شكلوا ريموت عبتك اليوم


سهام تنهدت: تعبتي وبس


مجد جلست على الكرسي الا قدام المكتب: هذي اختي الصغيرة


سهام ببتسامة: كيفك يا عسل


غادة ردت الابتسامة: الحمدلله بخير كيفك انتي


سهام: الحمدالله تمام


مجد: وش صار مع ريم المشاكسة


سهام بحزن: ما ادري وش صار لها اليوم . صاحبتها جاوا وكانت مبسوطة بس اخر وحد دخلت عندها كنت انا مشغولة وما ادري وش صار لها . طلعت البنت وكانت تبكى وهيا تقول ريم راح تموت رحت الغرفة جرى وحصلت ريم على الأرض وفي يدها مقص واليد الثانية مجروحة


مجد بخوف: وكيفها ريم الحين


سهام: الحمدلله بخير


مجد بتفكير: يعنى البنت الأخيرة اللى دخلت عند ريم هيا السبب


سهام تنهدت: ما ادري وربى تعبت من التفكير


مجد : تعرفين اسمها


سهام وكانها تذكر : ندى ايوه أتوقع انو اسمها ندى


مجد انصدمت وحلفت في نفسها لوكانت هيا وربى ما تخليها في حالها


مجد: ممكن اشوفها


سهام بتفكير : خمس دقايق بس اوكي


مجد هزت راسها بطيب


وقفت سهام: يلا مشينا


***********************************************


رجعوا البيت بعد ما تكسرت رجولهم من منال وطلباتها . كانت ريحة البخورمنتشره وريحة القهوة العربية (كم اعشقها )


دخلو الصالة وكانت امهم جالسة مع ابوهم وقدامهم القهوة وأنواع الحلى


سلموا على امهم وابوهم وجلسوا عاد منال صار مكانها معروف ما تجلس الا جنب أسماء


أسماء ببتسامة: عسى انبسطوا


منال بحماس: ماما رامي وراكان اشتروا لي كل اللي ابيه


أسماء بحنان: صدق


منال : ايه واشتريت العاب وفساتين


أسماء تبوسها : يلا اهم شي انك انبسطتي


رامي بمزح: يعنى اهم شي منال


أسماء : انا قلت انبسطوا ما قلت انبسطتي . وانتم وش سويتم


رامي: ولا شي بس منال كسرت رجولي من مكان لمكان


منال كشرت: راكان احسن منك . ما قال شي


رامي يطالع راكان: رجولك ما تكسرت


راكان بلعانة: لا بس علشان منال كل شي يهون


رامي فتح عيونه على الأخير : يا نذل


راكان كمل بلعانة: ما قلت الا الصدق


منال بشماته : لا تحاول هو مو نذل زيك
**********************************************


باك الرياض


طلعوا ويوم شافتهم جيهان وقفت بسرعة


سهام : كيفك جيهان الحين


جيهان : الحمدلله


سهام: بندخل نشوف ريم تدخلين معانا


جيهان : اكيد


سهام : بس الله يسعدكم بهدوء


جيهان ومجد: ان شاء الله


دخلو الغرفة وكانت هادية وباردة . مجد يوم شافت ريم ما قدرت تمسك نفسها وجلست تبكى عندها


مجد وهيا تبكى: ليشي اريم سويت في نفسك كذه مو انتي وعدتيني


مسكتها سهام : بس يامجد


مجد ما زالت تبك : من وين احصلها منك ولا من عمار ولا من امنه العجوز


سهام بحنان : صلى على النبي مجد


مجد تبك : ليش يصير فيني كذه وربى انا مراهقة ما زالت مراهقة كل هذا فوق طاقتي


فتحت ريم عيونها بس باقي ما كانت في كامل وعيها


مجد بفرح وهيا تمسح دموعها : سهام قامت قامت


سهام قربت منها : ريم مين انا


ريم نزلت منهها دمعة : انا اسفة ما كان قصدي اسوي كذه


مجد تسكتها: ارتاحي الحين وبعدين نتفاهم


ريم : مجد انا اسفة . ماما انا اسفة . دكتوره انا اسفة


سهام بحنان: ما احد زعلان منك اهم شي انتي ارتاحي الحين


ريم هزت راسها وغمضت عيونها . ونامت بهدوء


**************************************************


صباح يوم جديد


فهد كلم جيهان وقالت له في أي مستشفى هم . قرر يروح لهم بعد ما يفطر ومع اهنه متاكد انو مو وقت زيارة بس راح يحاول فيهم


فطر على السريع وتوجه للمستشفى وفي الرسبشين


الممرضة: والل يا اخوي ممنوع ارجع وقت الزيارة


فهد: يا ادمية افهمي انا مو من الرياض جاي من المنطقة الشرقية


كان راشد يوقع في الأوراق . وكان حاس انو الصوت هذا مو غريب عليه . لتفت علشان يتاكد


راشد بصدمة ممزوجة بفرح : فهد


فهد لتفت له وابتسم هو الثاني : راشد


سلموا على بعض بحرارة


فهد: وينك وين ايامك


راشد: والله توظفة هنا في الرياض . وانت


فهد : في شركة ابوي تقعد وترك لنا الشفل انا وفارس


راشد: عسى ما شر وش عنك في المستشفى


فهد: والله بنت اختي تعبانة وجاي اشوفها وهذي الغبية ( واشر على الممرضة) من الصباح وانا أتكلم معاها وهيا تقول الزيارة ممنوع


راشد يضحك على تقليد فهد: وهيا صادقة . ولايهمك نفطر سوا وبعدين تزور اهلك


فهد: بالعافية


راشد وهو يسحبه: حلفت عليك تفطر معاية


********************************************


اخذت لها شور وصلت الضحى . دخلت أمها وشافتها على السجادة . ابتسمت


جيهان : صباح الخير


ريم ببتسامة: صباح النور والسرور


جيهان : الله يديم الابتسامة على وجهك ولا يحرمني منك


ريم : ولا منك يا الغالية


جيهان : كيف تحسين نفسك اليوم


ريم بتفاؤل: الحمدلله تمام


جيهان راحت جلست جنبها: الله لا يغير عليك يا بنتي


ريم: امين يارب


سمعوا دق الباب وجيهان استغربت لانهم و وقت زيارة فقالت اكيد الدكتور . حطت الطرحة على راسها وتغطت : ادخل


دخل فهد\ وريحة عطره سبقته : السلام عليكم


ريم وجيهان بفرح: وعليكم السلام ورحمة الله وبركاته


سلم على جيهان وريم على طول ضمته


ريم : وحشتني


فهد بمزح: ايه باين متى اخر مره كلمتني متى


ريم : حرام عليك عندي مدرسة


فهد سحب اذنها: ايه باين


ريم بمزح: خالو فهد اذني راح تنقطع


فهد ترك اذنها : كيفك يا دلوعه


ريم : الحمدلله بخير . كيفك انت


فهد : بخير بشوفت اختي مو انتي


ريم تكش عليه: من زينك وعلى فكرة اختك هيا امي


فهد بتريقة: امانة احلفي وانت واقفه


ريم : ما تضحك


جيهان: كيف امي وابويه


فهد: حمدالله تمام . امي تسلم عليك كثير السلام


جيهان: الله يسلمها


فهد يطالع ريم: وانتي على طول تبهذلين امك خلاص كبرتي


ريم بدلع : اضغر عيالها يحق لي اتدلع


فهد: جيهان لازم تجبين لنا بيبي


ريم: لا يا بابا ما راح تجيب الا يوم اتزوج


فهد بمزح: يلا قومي البسي عبايتك ازوجك


ريم تخصرت: لا بالله


فهد: يلا اجلسي عاقلة اشوف


ريم جلست وحطت اصبعها على فمها


فهد: عفيه عليك يا بطلة


*******************************************************

رد: روايتي الثانية مراهقات جمعتنا ظروف مختلفة لكاتبة /Roby

روووووووووعةه تجنننننننننننننن أقووووووووووووى شـــــــــــــــــــــــــــــــــــــــــــــــي ..
سلمت يمينج ي الغــلآ .. ياليت تكملينهااا منجدد حلوووووووهــ ..
يعطيج العافيةه ..