روايتي الثانية مراهقات جمعتنا ظروف مختلفة لكاتبة /Roby

**ريـمـؤؤ ..** · 17-03-2017, 02:17 AM

رد: روايتي الثانية مراهقات جمعتنا ظروف مختلفة لكاتبة /Roby

روووووووووووعهههه حيل ي عيني.
مبدعهه تسلمم يمينج.
ايهه صج ابي اسالج انتي منزلهه روايتج ب منتدى ثاني؟.

**دلوعة وكلمتها مسموعة** · 22-03-2017, 10:54 PM

رد: روايتي الثانية مراهقات جمعتنا ظروف مختلفة لكاتبة /Roby

اللارت جميل ياقلب
احلى شي منيرة
احس ريناد طيبة ما ادري ليش
انا مره احب اسوم
بنتظار البارت البارت القادم

**_7mdooo** · 22-03-2017, 11:19 PM

رد: روايتي الثانية مراهقات جمعتنا ظروف مختلفة لكاتبة /Roby

روعه
جميل ابدعتي يالغلا

Sent from my iPhone using منتدى عبير

**rabaaa** · 30-03-2017, 07:16 PM

رد: روايتي الثانية مراهقات جمعتنا ظروف مختلفة لكاتبة /Roby

المشاركة الأصلية بواسطة ريـمـؤؤ ..

روووووووووووعهههه حيل ي عيني.
مبدعهه تسلمم يمينج.
ايهه صج ابي اسالج انتي منزلهه روايتج ب منتدى ثاني؟.

انتي الاروع ياقلبي
الهي يسلمك من كل شر
يب منزلته في منتديات تغاريد

**rabaaa** · 30-03-2017, 07:17 PM

رد: روايتي الثانية مراهقات جمعتنا ظروف مختلفة لكاتبة /Roby

المشاركة الأصلية بواسطة _7mdooo

روعه
جميل ابدعتي يالغلا

Sent from my iPhone using منتدى عبير

انتي الاروع ياقلبي
تسلمين ياقلبي

**rabaaa** · 30-03-2017, 07:21 PM

رد: روايتي الثانية مراهقات جمعتنا ظروف مختلفة لكاتبة /Roby

المشاركة الأصلية بواسطة دلوعة وكلمتها مسموعة

اللارت جميل ياقلب
احلى شي منيرة
احس ريناد طيبة ما ادري ليش
انا مره احب اسوم
بنتظار البارت البارت القادم

انتي الاجمل ياقلبي
تسلمين

**rabaaa** · 30-03-2017, 11:57 PM

رد: روايتي الثانية مراهقات جمعتنا ظروف مختلفة لكاتبة /Roby

عن أبي أمامة قال: قال رسول الله صلى الله عليه وسلم: أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحا، وببيت في أعلى الجنة لمن حسن خلقه. وحسنه الألباني ـ رحمه الله تعالى.

الفصل الثالث والثلاثين

في صباح يوم جميل وبتحديد في فرنسا ولأول مرره بموافقه من الطرفين طلعوا منيرة ورامي يفطروا بره . كان المطعم هادى والناس اللى فيه جدا قليلة . في احد الطاولة طالب جامعي يذاكر وبعيد عنه شوي حرمة تفطر مع بنتها الصغيرة . من ناحية ثانية رجال جالس يقراء جريدة ويشرب قهوة في نفس الوقت . كانوا جالسين في طاولة قريبة من الشباك . طلبوا فطورهم اللى كان عبارة عن كروسون وقهوة فرنسية

رامي طلع ورقه وحط عليها قلم : هنا راح نتكب واجباتتنا اتجها بعض لحد نهاية هذي السنة وبعدها نقرار اذا كنت راح تقدرين تتقبلينني ولا

منيرة بقتنعه: موافقة

رامي : لازم كل شي ينكتب هنا يتنفذ

منيرة : اوكي

رامي اخذ القلم : اجل نبدا انا بحط الشرط الأول موافقة

هزت منيرة راسها بايوه

رامي كمل : الشرط الأول الاحترام . لازم كل واحد فين يحترم الثاني .

منيرة : اوكي الشرط الثاني ما تمنعني اني اطلع مع صديقاتي

رامي بتفكير: مو مشكلة طول انك راح تردين على جوالك وماتتاخرين عن الساعة تسع أيام الدوام و11 أيام الاجازة . موافقة

منيرة: يب

رامي: اوكي الشرط الثالث . ما تتطلعين بدون ما تقولين لي الا لو كان الامر طارئ . ولو طلعتي كلميني او ارسليلي رسالة .

منيرة: طيب الشرط الرابع ما تمد يدك علي لو مهم صار .

رامي: اوكي مستحيل امد ايدي عليك وانت في المقابل لا تحاولين تستفزيني

منيرة: طيب . في عندك شروط ثانية

رامي هز راسه بنفي : وانتي

منيرة : يب اخر شرط . ما تكلم أي بنت ولا تزوج

رامي : اوكي بكذه نكون خلصنا . كتب اسمه ووقع ومنيرة سوت نفس الشي . بعدها كملوا ياكلوا فطورهم بهدوء

****************************************************

في السعودية

كانت جالس في الصالة مع أمها واختها ينتظروا ضيوفهم اللى من المفترض يوصلوا من امس بس بسبب سوء الأحوال الجوية

ام مجد تنهدت: مجد وغادة انا ابي اقولكم شي

مجد : تفضلي يمه قولي

ام مجد: انتم ما استغربتم انو ماعندي اهل

مجد بتفكير: لا . لانه بابا الله يرحمه قال امك وابوك ماتوا في حادث وانتي وحيدتهم

ام مجد تنهدت: بس انا عندي اخو

مجد وغادة فتحوا فمهم بصدمة

مجد بصدمة: كيف

ام مجد : قبل 10 سنوات تقريبا وقتها يامجد كان عمرك 12 سنة وغاده باقي ما انولدت . امي وابوي ماتوا الله يرحمهم . ابوكم واخو تخاصموا . وبعدها منعني من اني اتواصل معاه وانقطعت اخباره . قبل فترة قدرة اتوصله واكتشفت انه في الامارات .كلمته وقال راح يجينا . لازمنا يابنات سند وانتم باقي صغار

غادة بحماس : صدق وناسة

ام مجد: ايوه وقبل شوي كلمني وقال انه وصل السعودية وساعات وراح يكونوا عندنا

مجد بهدوء: الله يجيبه بسلامة (وقفت) بروح انام مصدعة

طلعت من المكان وتركت أمها وغادة خلفها

ام مجد: اشبها اختك

غادة: ما ادري يمكن ما عجبها الكلام او تبي تحلل الموضوع في راسها

******************************************************

في الرياض

كانت توها صاحية من النوم. صوت الجوال مزعجها وما فيها تقوم تجيبه

جيهان: ريم جوالك ترى عور راسي لو ما تبين تردين حطتيه صامت

ريم طالعت أمها بكسل : مافيني

جيهان حطت يدها على راس ريم : تعبانة

ريم بذبول: شوي

جيهان: وش رايك نروح المستشفى

ريم ببتسامة : مو لازم يا الغالية

جيهان اخذتها لحضنها: وش فيها بنتي الحلوه

ريم: ما فيني شي ياقلبي

قطع عليهم صوت الجوال اللى رجع يرن . قامت ريم واخذت الجوال شافت لارا تكلمها

ريم ابتسمت وردت: هلا

لارا بعصبية: سنة قبل ما تردين

ريم: اعصابك لا يطق لك عرق وتموتين

لارا بعصبية: وتستهبيلن كم طيب يا ريم

ريم ضحكت : وش اسوي لك عاد معصبية بدون سبب

لارا: طالعي جوالك بالله شوفي كم مرره كلمت

ريم: في احد يكلم الناس الظهر

لارا: مع نفسك ريمو . على العموم مو هذا موضوعنا . عادي تجيني اليوم

ريم بكسل: لا الله يخليك تعبانة موت

لارا بحزن مصطنع : لا والله خلقي ضايق ابيك تكونين جنبي .

ريم عدلت جلستها : ليش وش صاير

لارا : لو جيتي اقولك

ريم: اوكي خلاص امرك المغرب ان شاء الله

لارا: حلو . انتظرك ياقلبي . باي

ريم: باي

قفلت من لارا وطالعت في أمها

ريم: يمه بعد المغرب بروح عند لارا

جيهان: مو مشكلة ياقلبي روحي وغيري جو

*************************************************

في فرنسا

بعد ساعة راح يخرجوا يغيروا جو

نبدا من جناح أسماء كانت جالسه في الصالة ومعاها منال اللى كانت تلعب في الايباد . وراكان كان يقراء كتاب

راكان طالع في امه السرحاانة : باقي زعلانه من راكان يالغالية

أسماء طالعت فيه وبعدها شالت عيونها : مالك شغل

راكان: افا يالغالية في احد يزعل من راكان (قام وحب على راسها ).

أسماء: ماراح اسامحك لا تحاول

راكان بجد : صدق يمه بالله انا وش دراني اذا كان في شي بينهم ولا

أسماء بتفكير: صح والله (طالعت فيه) راح اسامح هذي المره بس ولو اكتشفت انك كذاب ياويلك

راكان ببتسامة: اوكي

بعيد شوي عنها

كانت جالسين مع بعض .

رامي بهدوء: تحبين نلف انا وانت بس ولا مع اهلي

منيرة : عادي كله واحد

رامي : يعنى انا اختار

منيرة: عادي

رامي: خلاص راح نلف انا وانت بس

منيرة : مو مشكلة اللى تشوفه . بس ابي اسالك

رامي : هلا

منيرة: المكان اللى راح نروحه مزعج ولا

رامي بستغراب: في سوق بدون ازعاج

منيرة بتردد: طيب ينفع نروح مكان مافيه ازعاج (وبسرعة) ما راح ازعل لو قلت لازم نروح السوق

ابتسم رامي: لا عادي نروح مكان ثاني بس انتي بنت غريبه ما تحبين الأسواق . وبتفكير انا عندي فكرة

منيرة: وش هيا

رامي : في مكان كنت احب نروحه يوم كنت صغير وش رايك نروح

منيرة: وين

رامي :منتزه France Miniature

منيرة : منتزه ولا ملاهي لاني كمان ما احب الملاهي

رامي : منتزه . وفيه مباني بشكل مصغر . مرره حلو

منيرة ببتسامة: اوكي خلاص حلو نروح هناك

رامي: اوكي

**************************************************

في المنطقة الشرقية

نزلت وعبايتها في يدها . شافتها أمها

ام مجد: على وين

مجد: بروح الشركة

ام مجد: موق لتلك خالك راح يجى

مجد والقلق واضح على وجهها: ماراح أطول في مشاكل ضروري اروح احلها

ام مجد: خالي مشاري يحلها

مجد بقلة صبر: مشاري هو اللى كلمني

ام مجد: يعننى لهذي الدرجة الموضوع مهم

مجد تنهدت: ايه

ام مجد: زين روحي بس لا تتاخرين طيب

مجد: ان شاء الله

ام مجد: مع السلام اله معاكي

مجد: مع السلام

***********************************************************

في الرياض

غيرت ملابسها واخذت عبايتها نزلت الصالة وشافت الكل موجود بسثناء

ريم: السلام عليكم

الكل : وعليكم السلام

ام فهد: يا هلا والله ببنتي وحبيبت قلبي

ريم : ابتسمت وسلمت على جدتها وعلى الكل وجلست

ريم: بروح عند لارا

ام فهد: وش الشياكة هذي وش الاناقة هذي

ريم بخجل: جدة لا تقولين كذه ترى استحى

جيهان ضحكت على بينتها : وانا أقول خلاص بعد سنتين راح ازوجك

ريم بنفعال : لا يمة كل شي ولا الزواج

كلهم ضحكوا على ريم

ام فهد: على وين ياقلبي

ابوفهد: طيب اشربي فنجان قهوة معانا وبعدين اطلعي

ريم اشرت على عيونها: من هذي قبل هذي

أبو فهد: تسلم عيونك

جيهان مدت قهوة وصحن حلى لريم

ريم: شكرا مامي

جيهان: العفوا

فارس : أقول ريم

ريم : هلا

فارس: متى راح تخطيبن لي . اول قلتي نخلص من فهد وهذا حددوا موعد الزواج . وانا متى راح تخطبي لي

ريم ابتسمت: ايه ما نسيتك لو رجعنا المنطقة الشرقية ان شاء الله

فارس تنهد براحة: حمدالله . على بالى نسيتي

ريم : لا ما نسيت

خلصت ريم فنجان القهوة: يلا انا استاذن الحين

جيهان: الله معاكي ياقلبي

ريم: مع السلام

الكل: مع السلام

********************************************

المنطقة الشرقية وفي الشركة

كانت جالسه مع مشاري

مجد بقهر : من جد انه زفت

مشاري: في الوقت الراهن هو حاط في باله انك بعتي الشركة . وجابر هو صاحب الشركة الجديد . جاء وطلب شراكةة مع جابر . بس جابر رفض الفكرة

مجد: وبعدين

مشاري: اكتشفت انه ما زال يدور عليك وما قدر يتوصل لك عشان جوالك كان مقفل

مجد تنهدت : كيف أمور الشركة الحين

مشاري: كل شي تمام

قام مشاري وجاب مجموعة ملفات : هذي أرباح الشركة هذا الشهر . وهنا أوراق تجديد عقد مع كم شركة . وهذا الملف حق الشركات اللى شاكين فيهم قطعنا علاقتنا معاهم

مجد تنهدت ورفعت السماعة : ابي قهوة (طالعت مشاري) وش تبي

مشاري : قهوة

مجد: 2 قهوة يا عبدالجليل

عبدالجليل: ان شاء الله

قفلت منه وبدات تشيك على الملفات الى قدامها

مجد بهدوء:: مشاري انت من زمان مع ابوي صح

مشاري : ايه

مجد: تعرف اخوي امي

مشاري: لا . بس كل اللى اعرفه انه اهل امك كلهم ماتوا وماباقي لها احد الا انتم

مجد هزت راسها: اوكي

مجد وهيا تطالع في الأوراق لفت انتبهها ورقة: من هذا

مشاري وهو يطالع في الورقة : هذا من احد التاجر الكبار في المملكة . من أيام عمي الله يرحمة وهو من شريك لنا

مجد جلست تذكر الاسم تحسه مو غريب . مين مين وفجاءة تذكرت . هذا جد ريم

مشاري اللى ما سمع وش قالت: هلا

مجد: ريم صح ( وخطبت على راسها ).

اخذت جوالها واتصلت على ريم : مشاري ممكن تركني لوحدي شوي

مشاري وقف: ان شاء الله . لو صار شي انا بره

مجد هزت راسها بطيب ومشاري طلع بره

كانت في السيارة باقي ما وصلت بيت لارا قطع عليها صوت جوالها طلعته من الشنطة وشافت الرقم غريب .

ريم بستغراب: من هذا

رفعت وجلست ساكته

مجد: ريم

ريم سمعت صوت مجد نزلت دموعها

مجد تنهدت: ريم لا تبكين الله يرضى عليك

ريم بعصبية : ويننك لك فترة اكلمك جوالك مقفل وبعدين تقولين لي لا تبكين . انا من وين احصلها منك ولا من الرياض الزفت اللى جالسهه فيه ولا من وين ( وبصراخ) هااا . لو ما تبين تكلميني قوليلي اقلها. ولاا تخليني افكر ان شي مو كويس صاير لك

مجد اللى هيا كمان نفسها تبكى . استسلمت لدموعها وبكيت : انا تعبانة يا ريم بقوة تعبانة

ريم انصدمت يوم سمعت مجد تبكى : وش اللى صاير

مجد: قوليلي وش اللى ما صار . تعبانة موت خاطري اروح عند ابوي .

ريم مسحت دموعها : فهميني وش السالفة

مجد: باذن الله بمجرد ما ترجعين راح اقولك لانه الموضوع ما ينفع في التلفون

ريم بهدوء: انتبهى على نفسك مجد ومافي في الدنيا مشكلة الا ولها حل صدقني

مجد: اوكي يلا انا اعتذر الحين . اكلمك بعدين

ريم بهدوء: ان شاء الله استودعتك الله . مع السلام

مجد: مع السلام

***************************************************************

في بيت لارا اميمة وايلاف وصلوا وبس باقي ريم

ايلاف: وش فيها لحد الحين ما جاءت

لارا تطقطق في الجوال : كانك ما تعرفين ريم تحب التاخير

اميمة : مو اكثر منك اكيد

ايلاف: على العموم انتي وش عندك

لارا: وحشتنوني وقلت اكلمكم تجون

ايلاف طالعتها بشك: متاكده

لارا: افا عليك

ايلاف: وجهك يقول شي ثاني

اميمة : ايوه الله

لارا : خلص بما انكم عرفتم انه في شي ثاني انتظروا لحد ما تشوفوا بنفسكم

اميمة بشك: لارا الموضوع ما يخص ريم صح

لارا بتفكير: تصدقين ما ادري

ايلاف جات بتتكلم بس قطع عليهم دخول ريم

ريم ببتسامة: السلام عليكم

الكل: وعليكم السلام

سلمت عليهم وجلست

ريم: ماشاء الله الكل هنا

لارا: يب مو حلو بالله

ريم: اكيد حلو

لارا رفعت جوالها وقالتلهم يجبوا العصير .

لارا طالعت في ريم: اتي بكيت

ريم هزت راسها بلا

لارا بشك: متاكده

ريم : يب

دخلت الخدامة وفي يدها اكواب العصير . ايلاف واميمة كانوا اول من شافوها وانصدمه . ريم ما انتبهت لها لانها كانت تكلم لارا

لارا بحماس : وصل العصير

ريم استغرب من حماس لارا ورفعت عيونها . طلعت ريم

ريم بصدمة: ندى

ندى انصدمت اكثر يوم شافت ريم وايلاف واميمة

لارا طالعت في ندى بستنكار : يعنى مطولة على ما تعطين الضيوف العصير

ندى بنكسار: اسفة

تقدمت بهدوء وهيا تمد العصير

ريم جات راح تقوم ساحبتهلا لارا من يدها على الكنب وجلست

كلهم اخذوا العصير الا ريم .

لارا فتحت جوالها : بنات خاطري اصور سناب مسكت العصير وكبته على الأرض

لارا بستهبال: اوبس (طالعت في ندى) انكب . مسحيه وجبي واحد ثاني غيره

ريم بهدوء: لا تخليها ترجع ماابي اشوف وجهها

لارا بصراخ:جينا جينا جيننننننننننننننننننننننننننننننننننننننننننننننننننننننننننننننننننننننننننننننننننننا

جات جينا : هلا مدام لارا

ملاحظة ( جينا رئيسة الخدم )

لارا: اطرديها

ندى طالعت في لارا بصدمة : لا الله يسعدك لا الله يفتح لك أبواب الجنة انا عندي بنت صغيرة وامي وابوي .لازم اشتغل الله يخليلك بنتك

لارا تطالع فيها : في حاله وحده راح اخليك لو ريم قالت اخليك

راحت ندى وصوب ريم وجلست عند رجلها بنكسار: ابوس يدك ورجلك قوليلها لا تطردني الله يسعدك

ريم ودموعها على طرف عيونها: ندى اقلبي وجهك

ندى مسكت يد ريم: الله يخليك الله يسعدك . ريم انا كنت مجبورة وتعرفين انو أبوي كانت تحت كفالة أبو مرام . وهيا ابوها ما يرفض لها طلب عشلن كذه اسغلتنا بهذي الطريقة وربى كنت مجبورة وربى انتقم مني واخذ لك حقك في الدنيا قبل الاخرة

ريم دفت ندى وبصراخ: اطلعي ما ابي اشوفك اقلبي وجهك

لارا اشرت لجينا تأخذ ندى وطالعت في ريم اللى كانت تبكى منهارة

مسكت لارا و وقفتها قبالها

لارا بصراخ: اصحي ياريم مو هذي اللى تخليك بهذي الحاله (عصبت) هذي محلها كذه بس انتي فوق فوق ياريم . ما تخلين جزمة زي هذي تاثر عليك

ريم بنكسار ضمت لارا : كسرتني يا لارا كسرتني

لارا شدت على ريم بقوة : لا ما كسرتك ياريم . انتي كنتي تقولين ما احد يقدر يكسر ريم . وريم ما تنكسرت . ريم انجرحت وجرحها طاب . جرح ريم من الماضي والماضي مات . ومن اليوم راح ترجع ريم قوية الشخصية . اللى تبيه راح يمشى على الكل غصب

ريم بصوت مخنوق: ما اقدر يا لارا صعب والله صعب

لارا بصوت حنونة : ريم علمتني من قاعداتها العشرة انو مافي شي صعب . بس نسيت هذا القاعدة وانا راح ارجع اعلم ريم هذا القاعدة

********************************************************************

قراءة ممتعة

**دلوعة وكلمتها مسموعة** · 31-03-2017, 05:09 PM

رد: روايتي الثانية مراهقات جمعتنا ظروف مختلفة لكاتبة /Roby

البارت روعة روعة روعة
احلى شي رامي ومنيرة
ريم كسرت قلبي مووت بكيت معاها
بنتظار البارت القادم

**rabaaa** · 03-04-2017, 01:00 AM

رد: روايتي الثانية مراهقات جمعتنا ظروف مختلفة لكاتبة /Roby

انتي الاروع ياقلبي
اهم شي انو البارت عجبك

**rabaaa** · 03-04-2017, 01:08 AM

رد: روايتي الثانية مراهقات جمعتنا ظروف مختلفة لكاتبة /Roby

بمناسبة الاجازة حبيت اهديكم بارتين زيادة على الاساسي
والحين راح انزله

روايتي الثانية مراهقات جمعتنا ظروف مختلفة لكاتبة /Roby

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget