رد: روايتي الثانية مراهقات جمعتنا ظروف مختلفة لكاتبة /Roby

قال رسول الله صلى الله عليه وسلم: من قال إذا أصبح: لا إله إلا الله وحده لا شريك له له الملك وله الحمد وهو على كل شيء قدير كان له عدل رقبة من ولد إسماعيل، وكتب له عشر حسنات وحط عنه عشر سيئات، ورفع له عشر درجات وكان في حرز من الشيطان حتى يمسي، وإن قالها إذا أمسى كان له مثل ذلك حتى يصبح. رواه أبو داود وصححه الألباني.




البارت الثامن والاربعين



دخلت الإدارة بعد ما دقت الباب

سهام: السلام عليكم

المدير: وعليكم السلام ورحمة الله . اهلا دكتورة سهام (اشر على الكرسي) اتفضلي

جلست سهام: هلا دكتور . طلبتني

المدير: ايه طلبتك . بس قبل ما ندخل على موضوعنا . وش تشربين

سهام: مشكورة دكتور ولا شي

المدير: افا دكتورة سهام تجى عندنا وما نضيفها

سهام: تونى فطرت والله

المدير: يلا مو مشكلة بعد زواجك نعزمك . طيب ندخل في موضوعنا . كم باقي على زواجك

سهام: 5 أيام

المدير: ما صار لازم تاخذين اجازه وتجهزين على زواجك

سهام بجدية: بس دكتور انا قلتك من قبل انو عندي مريضة وانا راح أكون مسئولة عليها حتى لوز كان يوم زواجي

المدير وهو يكتب ورقة: بس خلاص انا كتبت الورقة وختمتها وما نقدر نلغيها . عشان كذه انتي موقوفه عن العمل لمدة شهر . وبعدها حياك الله في المستشفى دكتورة سهام

سهام : بس

المدير قاطعه : خلاص خلصنا . بس قبل ما تروحين لإجازتك ابيك في شغله صغيره تعطينا رايك فيها . خصوصا انك من الدكتورات المهمات عندنا في المستشفى . عشان كذه نبي ناخذ رايك في شي

سهام: ايه عادي دكتور وان شاء الله يفيدكم راي

وقفل المدير . ممكن تفضلين معايه

سهام: ان شاء الله يلا

طلعوا سهام والمدير واتجهوا لدور من الأدوار . وقفوا عند غرفة من الغرفة

المدير: هنا مريضنا

سهام ببتسامة: دخلنا

المدير : يلا . دقوا الباب وبعدها دخلوا

المدير: السلام عليكم

سهام من الصدمة ما قدرت تتكلم

ريم يوم شافتها ابتسمت: دكتوره سهام

سهام راحت جرى ضمتها وجلست تبكى . المدير انسحب بهدوء

سهام وهيا تمسح دموعها: الحمدلله . الحمدلله

ريم تنهدت: الله يسعدك لا تبكين والله تعورين قلبي يوم تبكين واكون انا السبب

سهام ابتسمت: ما راح ابكى خلاص . بس مرره فرحانة

ريم باستها: الله يدبم فرحتك يارب . سهام الله يسعدك ابي اشوف ماما

سهام اشرت على عيونها: من هذي لهذي ومين بعد

ريم: ابي اشوف مجد ولارا . صح اليوم سمعت صوت منور بس يوم صحيت ما شفتها

سهام: حاضر ياقلبي كلهم راح اكلمه . كم ريم انا عندي

*******************************************************************

في المنطقة الشرقية

كان جالس في الكوفي بعيد عنه شوي وفي طاولة ثانية كانو حازم وباقي الشلة جالسين بعد ما طلب منهم رامي عشان منصور .

دخل الكوفي ودور بعيونه . شافه وراح جلس معاه

منصور: وش تسوي هنا

رامي : جيت افطر مع اصحابي في شي . ممنوع . ولا فجاءة بيطلع سعيد

منصور بحده: رامي يوم أتكلم معاك تتكلم بادب . مين اللى تكلمت معه في الرياض

رامي بدون ما يطالع فيه: أتوقع انو هذا الشي يخصني

منصور: وانا أتوقع انك نسيت اخر مره انضربت فيها (طالع النادل ) قفل الكوفي وطلع القروب اللى هناك . ولو جاء واحد يسال عن رامي دخله . ولك السعر اللى تبه

النادل سوه اللى قاله عليه منصور . 10 دقايق تقريبا وجاء .............

.............: السلام عليكم

منصور: وعليكم السلام ورحمة الله وبركاتة

رامي: ممكن تتفضل وتروح أتوقع انو هذا ضيفي مو ضيفك

منصور يكلم ............: اتفضل

جلس ....... ورامي طالع منصور بقهر . جاء النادل حط القهوة وراح

منصور طالع .............: هلا والله اخوي وش بقيت من رامي

رامي بعصبية: يا اخي وش دخلك

منصور عصب لحد لدرجة انو .............. انفجع منه : لحد الحين معديها بمزاجي . والحين الحين تقوم وتقلب وجهك . طول ما انك جالس بدون ادب (طالع في ..........) السموحه ياخوي . بس زي ماا انت تعرف مراهق

رامي بدون ما يطالع فيه: لا تقول عنى مراهق

منصور: كلمة ثانية وراح اطرد وربى (طالع ........)أي يا اخوي وش بغيت

..........: وش تصير لرامي

منصور: مساعد ابوه

..........: حلو اجل . لانه بصراحة كنت ابي أتكلم مع شخص كبير . بس لانه رامي هو الواصي على منيرة . فكلمته انا

رامي: كبير غصب عنك

منصور بهدوء: رامي قوم اقلب وجهك

رامي ببرود: ما ابي أتوقع انه قال الموضوع يخصني انا ومنيرة

منصور بنفس الهدوء: رامي قوم اقلب وجهك قبل ما تشوف وجهي الثاني

رامي بهدوء: خلاص راح اسكت

منصور بتحذير : ولو تكلمت

رامي: ما راح أتكلم

منصور طالع في ........ : تفضل يا اخوي

.........: بصراحة يعنى انا مالي أي نقاش معاكم بس احنا نبي منيرة ضروي .

رامي قام ومسك ..........من ياقته: عيد ما سمعت وش تبي عيد

منصور: رامي اترك الرجال

رامي بعصبية: مو شغلك تفهم مو شغلك

منصور بعصبية اكبر من عصبية رامي : رامي اترك الرجال لا الحين صدق تشوف شغلك اعطيتك وجه اليوم بزيادة . اترك بسرعة

رامي ترك ...............و كان واضح انه معصب مره . صدره كان يطلع وينزل من العصبية

منصور : اقلب وجهك


منصور: اسف يا اخوي السموحة

.......... وهو يصلح الغتره اللى طاحت: مو مشكلة . هو الله يهديه عصب وما سمع تكملت الكلام ومو مشكلة انو رامي يكون معها

منصور: وايش تبي بمنيره

.........: انا ما اقدر أتكلم عن الموضوع . بس بشكل عام رئيسي يبي يقابل منيرة بخصوص موضوع يخص عائلتها

منصور: خلاص انا راح ارتب موعد . اعطيني يومين كذه واتصل عليك بس الأول اعطيني رقمك

منصور اخذ رقم .......... وراح .......... . منصوروطالع رامي :قومي اشوف

رامي: ما ابي

منصور خلاص وصل حده: رامي قوم

رامي : في نهاية الموضوع لا تنسى انك مجرد مساعد عند ابوي واعطك اكبر من حجمك . ومن اليوم مضرب عن اني اسمع كلامك

ما استوعب رامي الكف اللى استقر على خده

منصور: راح تقوم ولا تبي ثاني

رامي قام يبي يرجع حقه . بس منصور مسكه بكل سهولة . مستحيل تجي قوة منصور بقوة رامي . منصور عنده الحزام الأسود في الكارتيه

منصور: واضح انك ما تعقل . يلا العقاب راح يريحك . مفتاح السيارة بسرعة

رامي طنش

منصور: واحد . اثنين. ثلا

رامي طلع المفتاح واعطه

منصور: امشي قدامي اشوف

رامي سمع كلام منصور . عشان يعرف لو عاند زيادة راح يندم . طلعوا من الكوفي بعد ما حاسب منصور متجهين لقصر أبو رامي

***************************************************************

في الرياض كانت جالسة وسطة عائلتها اللى كانو راح يطيروا من الفرح لانها قامت . بس هيا تفكيرها كله كان مع مجد . وسهام كانت حاسه انها مو معاهم ابدا . همسة في اذنها

سهام: وين وصلتي

ريم بقلق: مجد من اول اتصل عليها بس جوالها مغلق

سهام: يمكن تكون مشغولة لها جلست في الرياض أسبوعين . وتراكم الشغل عليها هيا ومشاري . فاتوقع انها مشغولة

ريم: ما احس كذه . حتى خالو فارس احس انه مو على طبعه

سهام: اوكي انا راح أقوم واروح أحاول اكلمها

ريم: ياليت والله تسوين فيني خير

سهام قامت: اوكي انا بروح

جيهان: على وين

سهام ابتسمت: بروح اخلص شغله بسيطة . تعرفين اليوم المدير طردني لمدة شهر

جيهان: اوكي حبيبتي

طلعت سهام وهيا رايحة على غرفتها جاتها الممرضة

الممرضة: دكتوره دكتوره

سهام لفت وجهها: هلا

الممرضة: في بنات يبوا يقابلوكم

سهام ببتسامة: بس انا بدات اجازاتي اليوم

الممرضة . كذه قلنالهم . بس وحده فيهم قالت انتي كلمتيها اسمها لارا

سهام خبطت على راسها: ايه صح خمس دقايق كذه وارسليهم

الممرضة: اوكي

***************************************************************

في أبو ظبي

كانت جالسها في غرفتها من وصلوا . أمها وغادة حاولوا فيها تفتح الباب بس ما رضيت . كانت جالسة على السرير وهيا تبكى. تحبه والله تحبه. بس تخاف يصيبه اذى . تحس لو بعدت عنه راح يكون بامان . لازم تمسك نفسها . لانه افضل أنواع الحب هو حب التضحية . لازم تضحي بحبها عشان حبيبها يكون بخير . رن جوالها وشافت مشاري يتصل فيها . مسحت دموعها وحاولة تعدل صوتها

مجد: الو

مشاري بشك: مجد صار شي

مجد واضح البكى في صوتها: لا كل شي تمام .انت صار شي عندك

مشاري: يب حبيت اقولك انو اليوم ريم قامت

مجد ماقدرت تمسك نفسها بكيت: الحمدلله الحمدلله

مشاري كان متاكد انها أصلا من الأساس كانت تبكى

مجد : مشاري

مشاري: سم

مجد: ما يامر عليك عدو ان شاء الله . ارسل لريم باقة ورد

مشاري: ان شاء الله

مجد: يلا الحين انا لازم اقفل

مشاري : مع السلام

مجد: مع السلام

قفل من مجد وسوه اللى قالت له مجد . اتصل على جابر في فرع الرياض وطلب منهم يرسلوا لريم باقة ورد . اعطه اسم ريم باكامل واسم المستشفى

****************************************************

في المنطقة الشرقية . ولا اقولكم خلونا الأول نروح الرياض

جلست سهام . وبعد 10 دقايق جاوا البنات اميمة وايلاف ولارا ومعها بنتها

لارا: السلام عليكم

سهام: وعليكم السلام ورحمة الله وبركاته ياهلا والله با حلوات

لارا بفرح: صدق ريم قامت

سهام: يب قامت الحمدلله

ايلاف: طيب تذكر كل شي

سهام: يب الحمدلله سوينا لها تحاليل وطلعت سليمة

اميمة بحماس: نبي نشوفها

سهام: اوكي ياحلوات عشرة دقايق واخذكم عندها . جدها وخالها الحين عندها

البنات : اوكي

سهام اشرت يادها لسوزان: تجين ولا تستنكرين

سوزان يوم شافت يد سهام ابتسمت وصارت تنقز

سهام اخذتها: ماشاء الله عليها . كويس انها ما تستنكر

لارا ببتسامة: حظك حلو . لانها دلوعه درجة أولى

سهام: اختك

لارا: لا بنتي

سهام ببتسامة: ماشاء الله الله يخليلك هيا

لارا: امين

*********************************************************************


دخل البيت وهو معصب . وعلى طول راح عند امه

رامي بجدية: يمة ابي اسالك كم سوال

أسماء: هلا يمة

رامي: يمة انتي متاكده انو لمار عندك في المدرسة من هيا في الروضة

أسماء: يمة رامي فيه شي

رامي وهو يهز في رجوله: يمه جاوبي على سؤالي

أسماء حطت يدها بحنية على فخذه: ايه يمة متاكده .. كمان كانت تروح عند شعولة كثيييير. وفوق كذه عند مشاعل في كتاب التخرج حقهم في صور كل الطلاب اللى كانوا عندنا . اسال مشاعل عنه

رامي قام : اوكي وين منيرة

أسماء: فوق في غرفتها

طلع رامي فوق بسرعة . دق الباب ودخل وشاف منيرة جالسه على الكنب وهيا سرحانة . بس واضح على وجهها انها كانت تبكى

رامي جلس جنبها بس ما حست

رامي : منور . منيرة

منيرة طالعت فيه بعدين استوعبت: بسرعة ضمته وجلست تبكى: رامي انت بخير . لا عاد تخوفني زي كذه الله يرضى عليك . (مسكت يده وحطته على قلبها) حس كيف كنت خايفة عليك

رامي رجع ضمها: اسف ياروحي انتي وعد ما اعيدها بس كنت معصب موت

منيرة وهيا تمسح دموعها: خلاص سامحتك

رامي رفع راسها: ما عاد ابي اشوف هذي الدموع اوكي

منيرة: ان شاء الله

رامي: يلا اشوف قومي غسلي وجهك . وننزل نتقهوى مع امي

منيرة ببتسامة: ان شاء الله

راحت منيرة . وارسل رامي لفيصل انه يبيه يكلم امه وكمان نوال . بعد ساعة . يشوفهم ويرد له جواب

*****************************************************

كانت جالسة وسط صديقاتها اللى مبسوطين بقومتها . بس كانت تفتقد مجد وبقوة . قطع سواليفهم صوت الباب . دخلت الممرضة وفي يدها باقة ورد ومعاها شوكالاته

الممرضة: هذا في رجال يجي قول اعطي انتي

ايلاف اخذت باقة الورد واعطتها ريم .

لارا ببتسامة: حركات حركات عندك معجب سري

اميمة: لا بعد ورد احمر

ريم وهيا تقلب الورد طاح منها كرت كان مكتوب عليه

(الف سلامة عليك ياقلبي . بمجرد ما عرفت انك قمتي رجعت لي سعادتي . كوني قوية ولا تتطحين مهم يصير . ابي اسمع عنك اخبار حلوه ياقلبي . أتمنى لك التوفيق وانا اسف مووووت . احبك ) ريم غصب عنها امتلات عيونها بدموع

لارا وهيا تسحب الكرت من يدها: واو واضح انو الحب كتب لها كلام حلو

ريم بصوت ميل بهمس: هذا مجد . هيا كتبت كلام جدا عادي بس قلبي يقولي انها رموز (طالعت فيهم) احس مجد مو بخير

اميمة: أي مو بخير الله يصلحك قبل يومين شفتها عند سهام

ريم: قولوا والله انها بخير طيب ليش ما تجي ليش

قطع عليهم صوت جوال ريم . وكانت مجد تتصل فيها بسرعة ريم ردت

مجد ضحكت: اقلها خليه يكمل رنه

ريم غصب عنها ضحكت: حماره خوفتيني على بالى صار لك شي

مجد ضحكت: لا تخافين انا قطه بعشر أرواح . الف سلامه عليك ياقلبي ما تشوفين شر ان شاء الله

ريم: الله يسلمك . متى راح تجين عندي . ولا يعنى تسوين نفسك عروسه وكذه . ما تبين زوجك يشوفك قبل الزواج

مجد وهيا تحاول انها تبين انها ما تبكى: الله اكبر على اللى تقرا افكاري

ريم : يلا ان شاء الله انا يومين وارجع الشرقية عشان الزواج . وراح اجي عندك

مجد حطت يدها على فمها تمنع صوت شهقاتها يطلع

ريم بستغراب: مجد . مجد وينك بنت

مجد بقوة تحاول تمسك نفسها: ريمو حبيبتي اكلمك شوي . مشاري جاب أوراق لازم اشوفها

ريم: اوكي باي

مجد : مع السلام

فقلت من مجد

لارا تضحك: سبحان الله مغير الأحوال اول كانت تبي تبكى والحين الابتسامة شاقه الحلق

ريم : ههه ما تضحكين . ضحكتي بلا ضروس

ريم وسعت عيونها على الأخير : ياحماره تعالى هنا

لارا حطت سوزان وقامت بسرعة . بس ريم ما قدرة تقوم لانه في يدها في مغذي

******************************************************


في المنطقة الشرقية . وفي قصر أبو قيصل . كان هو وفيصل وسمية في الجلس . ونوال كانت جالسة بحجابها .

رامي: انا اسف ياخالة على الازعاج بس ابي اسالكم كم سوال ضروي

سمية: عادي انت بحسبة فيصل وزوج بنتي

رامي بجدية: خاله سمبة ابي اسالك عن خالة نورة الله يرحمها

سمية بحزن: الله يرحمها . اتفضل ياولدي وان شاء الله اقدر افيدك

رامي: تفتكرين حفل الاستقبال حقي انا ومنور

سمية : ايه افتكره

رامي: جات صديقة امي خالة اميرة صح . هيا تشبه خالة نورة . لانه منيرة يومها بكيت وقالت انها هيا

سمية تنهدت: والله ما اكذب عليك ياولدي . انا ونوال شكينا في انها تكون نورة نفسها. بس ما قدرنا نفهم شي ياولدي

رامي: طيب لمار

نوال: نسخة من منيرة ومناير طبق الأصل

رامي تنهد: الغريب في الموضوع اني بحث عن لمار . حصلت انه اسم ابوها ما يطابق مع اسم أبو منيرة ابدا . وهيا تدرس عند امي في المدرسة من هيا في الابتدائي . وفي شهادة ميلادها مكتوب اسم أمها اميرة . معقول كل هذا شبه

سمية: مافي حل الا انو نقول شبه

فيصل بتفكير: طيب ممكن يكونوا هم بس فقدوا الذاكرة

رامي : من البداية فكرت زيك . بس مستحيل من عدة جوانب . الأول زي ما قلتك امي تعرف لمار من هيا صغيرة . والشي الثاني مستحيل كلهم الاثنين يفقدوا الذاكرة

فيصل : الموضوع معقد جدا

رامي ببتسامة: شكرا خالة سمية . شكرا خالة نوال

سمية: العفوا يا ولدي ومع انه ما فيدناك في شي

رامي: خير ان شاء الله خير

******************************************


مرت الأيام بسرعة واليوم زواج فهد وسهام ومن المفترض معهم مجد وفارس . ريم عرفت من أمها انو صارت مشكلة بين فارس ومجد . بس ما احد عرف المشكلة . من بعد اخر مرة كلمت مجد في المستشفى . ما عرفت عنها شي . حاولت تتصل فيها اكثر من مره بس بدون فايدة .


في القصر

ريم ببتسامة: تجنين . وأخيرا راح تكونين قريبة منى. بس من الحين اقولك ماو لو وصلوا عيالك تحبيهم اكثر منى

سهام ببتسامة: لا تخافين ريم الكل في الكل

ريم : الله الله من قدي

سهام: اكيد مافي احد قدك . انت تقولين لقمر قوم وانا اجلس مكانك

ريم ضحكت: مو لهذي الدرجة

سهام: وربى طالعه تجننين

دخلت جيهان وسلمت على سهام

جيهان: الف مبروك ياقلبي

سهام: الله يبارك فيك

جيهان طالعت ريم: ريمو انتي ما سلمتي على الناس . الناس تسال عنك

ريم: يمه والله سلمت

جيهان: امشى قدامي انا متاكده انو نص القاعة ما سلمتي عليها

طلعوا من عند جيهان بعد ماقالوا لهم انو سامي راح يدخل عند اخته

كانت ريم مع امه تسلم على الناس . كل شي فيها كان هادئ فستانها مكياجها . واكثر الناس كانوا يسالوا اذا كانت مخطبوبة اول لا

أعلنت الطقاقة دخول العريس والعروسة

بجسمها الرشيق اللى مكسوا بالفستان الأبيض وعليه فراشات صغيره بلون الفضي . ومسكتها بلون الموف الغامق والابتسامة مرسومه على وجهها تمشى بكل ثقة وجمال على الموسيقى الهادية وجنبها فهد وهو ماسك يدها والابتسامة ما فارقت وجهه . بثوبه الأبيض وبشته الأسود . (فهد وسهام) وكانهم انولدوا ليكون لبعض . عيون الكل كانت عليهم منهم من يدعى لهم بالتوفيق ومنهم من كان يسمى الله على جمالهم

انتهى الزواج بسلام . بدون مشاكل بينهم . كانت سهام جالسه تودع أهلها وهيا تبكى

ام سامي: فهد ما اوصيك على سهام تراها وحيدتي

فهد: ان شاء الله خالتي. وسهام في قلبي اكيد


بعيد عن القصر . وعند البحر كان جالس يبكى . ليش ليش سوت فيه كذه لو كانت موجودة كان اليوم حتى هو عريس زي اخوه . ليش . ليش شردة حتى ما طلقها . يبى بس يعرف اخبارها . تاكل تمام . تنام تمام وحياتها تمام.

بعيد عنده وفي أبو ظبي كانت ذابحه نفسها من البكى بعد ما حبست نفسها في الغرفة أمها واختها حاولى فيها تفتح الباب بس بدون فايدة

********************************************************

رد: روايتي الثانية مراهقات جمعتنا ظروف مختلفة لكاتبة /Roby

قراءة ممتعة

رد: روايتي الثانية مراهقات جمعتنا ظروف مختلفة لكاتبة /Roby

البارت روعة روعة روعة ياقلبي
بنتظار البارت الجاي

رد: روايتي الثانية مراهقات جمعتنا ظروف مختلفة لكاتبة /Roby

جاء من حديث عبد الله بن عمرو بن العاص رضي الله عنهما أنه سمع النبي - صلى الله عليه وسلم -يقول إذا سمعتم المؤذن فقولوا مثل ما يقول ثم صلوا علي فإنه من صلى علي صلاة صلى الله عليه بها عشرا ثم سلوا الله لي الوسيلة فإنها منزلة في الجنة لا تنبغي إلا لعبد من عباد الله وأرجو أن أكون أنا هو فمن سأل لي الوسيلة حلت له الشفاعة رواه مسلم (384).

صلوا على النبي احبتي

البارت التاسع والاربعين ( قبل الاخير )

يوم وراء يوم . واسبوع يتبعه أسبوع . وشهر وراء شهر كل هذا من أيامنا ولا نشعر به . تركض الأيام بسرعة ببالبرق ولا نشعر بذلك

بعد مرور شهرين

صباح يوم جديد

كان جالس في مكتب بيته ينتظر وصول ضيوفه

جد لمار: إبراهيم

إبراهيم قرب منه: هلا طال عمرك

جد لمار بتوتر: متوتر يا إبراهيم . كم مره احضر اجتماعات وصفقات بل الملايين بس في عمري وحياتي ما كنت خايف زي كذه

إبراهيم: اهدى طال عمرك كل شي راح يكون بخير

دقايق و وصلوا واستقبلهم إبراهيم . بعدها بخمس دقايق وصلوا اميرة ولمار . لمار استغربت من وجود منيرة بس ما علقت

جد لمار: كلكم مستغربين ليش جمعتكم اليوم . بس انا عندي موضوع مهم لازم اقولكم عليه . الانسان ما يعرف متى يموت ولازم أوضح الحقيقة . كلكم اكيد تتسالوا وش هذي الحقيقة راح اقولكم هيا . بس الله يسعدكم لا احد يقاطعنى لحد ما اخلص كلامي

قبل ما يقارب 30 سنة تقريبا كانت في العشرين حبيت وحده وعشقتها بجنون وهيا كمان حبتني ويوم قررنا اننا نتزوج . ابوي الله يرحمة رفضها بسب المكانة الاجتماعية واجبرني اتزوج بنت عمي . جبت من بنت عمي ولد واحد اسمه مؤيد . بعد وفاة ابوي انفصلنا . وخلت مؤيد عندي . ربيت مؤيد لوحدي ويوم صار مؤيد بعمر 15 سنة رجعت اشوف البنت اللى حبيتها واكتشفت انه متزوجة وعندها بنت بعمر العشره سنوات وزوجها ميت . تقدمت لها بس رفضت عشان ينتها بس في الحقيقة مو عشان كذه .لا عشان قلبها انجرح . ابدا ما يئست . تقدمت لها مره ومرتين وثلاث و وعدها بان بنتها تكون معها وراح ادخلها احسن المدارس بس كل المحاولات انتهت بالفشل . بعدها بخمس سنين ولدي مؤيد وقع في نفس خطاي وحب بنتها . مو بس حبها الا عشاقها بجننا . ويوم خطبها انرفض لانها كانت مخطوبة ولدي اوهمنى انه نسيها بس بعد 4 سنوات تأخر الوقت و مؤيد ما رجع . كا في الشركة وجائه اتصل . طلع من الشركة بسرعة ولا قالنا من اتصل . رجعت البيت وجلست انتظره ما رجع البيت وقتها الا الساعة 3 ونص دخل ولدي البيت وفي يده بنت صغيره توها مولوده . سالته

جد لمار: مؤيد من هذي

مؤيد: هذا بنتي

جد لمار بصدمة: بنتك . كيف ومتى صار كل هذا

مؤيد ببرود : مو مهم بس انها بنتي

جدلمار بعصبية: مؤيد اعترف من هذي البنت ومن هيا أمها

مؤيد ضمها لحضنة: قلتك بنتي . ومو مهم من هيا أمها

جد لمار : ما راح اتناقش معاك الحين بس اعرف اني راح اعرف منك كل شي بكره

طالعه فيهم وشاف علامات الاستفهام في وجيههم وكمل كلامه . تركه أسبوع أسبوعين شهر شهرين سنة . ما تكلم ابدا . بعدها بفترة اكتشفت انه البنت هذي تصير حفيدة حبيبتي . كنت راح ارجعها لامها بس اكتشفت انو أمها عندها 2 بدالها وقررات اني اخليها خصوصا يوم شفت ملامح حبيبتي فيها .سافر مؤيد الخارج عشان ينسى حبيبة قلبه . وبنتها عاشت عندي . كبرت وكانت كل يوم تسال عند أمها وابوها بس كان دايما يجيها نفس الرد . مشغولين . كبرت وكل شي كان متوفر لها . لحد ما وصلت المتوسط . بعدها صار حادث لامها وابوه واختها . اختها وابوها ماتوا . بس أمها كانت حيه بس فقدت الذاكرة . كانت هذه فرصة مؤيد . تزوجها وحاول يوهمها انه هيا كانت زوجته من قبل الحادث . عاشوا مع بعض لمدة سنة . لحد ما ربى اخذ امانته ومات ولدي مؤيد . بعدها رجعت زوجة ولدي تعيش معانا . رب العباد أراد انه يأخذ حبيبتي قلبي سعدية ويجمع بين الأخوات. ربى جمع بينهم كثير بس باسم اب مختلفه . وحده اسم ابوها محمد والثانية اسم ابوها مؤيد . بس في الحقيقة انو كلهم الاثنين عيال محمد

منيرة مسكت رامي ودموعها على عيونها: ومناير

جد لمار: مناير كانت من ناحية ابوك عشان كذه ماتت الله يرحمها . لو انها كانت من ناحية اميرة ما كان ماتت . بس اجلها خلص

منيرة بقلب مكسور طالعت فيهم كلهم بعدها طالعت في رامي : رامي ابي اطلع من هنا ما ابي اسمع زيادة الله يخليك

رامي مسكها وقاموا طلعوا بره . وباقي لمار واميرة وإبراهيم ومنصور

لمار طالعت في جدها بضياع: جدو ما فهمت . فهمنى اكثر

جد لمار تنهدت: لمار حبيبتي . منيرة تصير اخت . ولك تؤام ثالث اسمها مناير. بس ماتت الله يرحمها .

لمار: وبابا

جد لمار: مؤيد ما هو ابوك . مؤيد خطفك وانتي صغيره من حبه لامك . بمساعده من الممرضة وإدارة المستشفى . قدر ياخذك

لمار دموعها بدات تتساقط : وماما

جدلمار طالع في اميرة: هذي هيا امكم . واسمها مو اميرة اسمها نورة . بنت سعدية

لمار قامت وطلعت ودموعها تسبقها واميرة عقلها واقف مو قادرة حتى تفكر في الكلام اللى سمعة . كانت كالصدمة بنسبة لها . قامت وطلعت بهدوء .

منصور بهدوء: الحين منيرة ومنال وش وضعهم

جدلمار: انا في الوقت الراهن ما راح اتدخل في شي . كان هذا اكبر هم على صدري وأخيرا انزاح . انا راح اترك الخيار لاميرة ولمار. يبون يكملوا حياتهم هنا . حياهم الله . اميرة لحد الحين زوجة ولدي مؤيد . ولمار حفيدتي وبنسبة لمنيرة صارت متزوجة ومنال . تبي تجي تعيش عندي حياها الله . تبي تجلس عند أسماء عادي. كل واحد يسوي الشي اللى يرياحه

**************************************************

في السيارة كانت جالسه تبكى ورامي يحاول يهدي فيها

منيرة وهيا تبكى: ليش حرمنا منها . لو كان خلها ترجع لنا ما كان جده حزنت كثير . ما كان منال تبكى كل يوم وتنادى باسم امي . ليش كان شجع وفرقنا . لو كان كنا ثلاث منيرة ومناير(طالعت في راي) تتوقع ايش كان راح يكون اسمها

رامي بهدوء: منور حبيبتي صلى على النبي

منيرة: تفتكر يوم كنت اقولك انها هيا . نفس الحنان ونفس الضمه ونفس كل شي (طالعت في رامي وبحيره) وش الذنب اللى سويته عشان يصير معايه كذه

رامي: منور لا تعرضين على القضاء والقدر

منيرة بهدوء: احس بخنقه . طلعني من هذا المكان الله يسعدك

رامي وهو يشغل السيارة: حاضر من عيوني

منيرة: رامي

رامي: هلا ياعيون رامي

منيرة بتعب: ما ابي منال تعرف شي في هذي الفترة

رامي: من عيوني

طلعوا من قصر جد لمار واتجهوا للبيت ومن دخلوا . على طول منيرة طلعت على جناحها . ورامي دخل الصالة

رامي: السلام عليكم

أسماء ومنال: وعليكم السلام

أسماء ببتسامة: رجعتم بدري . وينها منيرة

رامي تنهد: طلعت فوق غرفتها

منال : انا بروح عند منور

أسماء : اوكي حبيبتي

رامي تنهد

أسماء بستغراب: وش فيك صاير شي

رامي : والله ما اعرف وش اقولك يمه

أسماء بخوف : وش صاير لا تجلطني . فيك شي منيرة فيها شي

رامي حكى كل شي لامه

أسماء اول شي خطر على بالها منال: ومنول وش راح يصير فيها

رامي: أتوقع منور ما تبيها تعرف عن السالفة

أسماء : الله المستعان

وسرحت بتفكيرها . منال اخذت جزء كبير من حياتها ما تبي منول تروح عنها . كل شي ولا منولة . يارب لا تخليهم يخذوا منول عنى يارب

****************************************************


في قصر جد لمار . كانت في غرفتها تبكى بعد ما اتصلت على مشاعل

مشاعل بحيرة: لمار لك نص ساعة وانتي تبكين . حتى ما قلتلي السبب

لمار وهيا تبكى: جدو قال شي صدمني اليوم

مشاعل: يمكن الموضوع عادي وانتي اخذتي الموضوع بجدية

لمار وهيا تبكى: طيب يصير اسالك سوال

مشاعل : اكيد

لمار بصوت مخنوق: لو كان عندك خوات وانتي ما تعرفين عنهم وفجاءة عرفتي عنهم ايش تسوين

مشاعل عدلت جلستها بسرعة: لمور الله يسعدك بطلي تتكلمين بالالغاز

لمار رجعت تبكى: منيرة ومنال يصيروا خواتي

مشاعل بصدمة: نعم

لمار: طول عمري كنت وحيدة وانا في الحقيقة عندي اخوات

مشاعل ضحكت من الصدمة: لمور عن المزح اللى ماله داعي

لمار: والله العظيم ما اكذب عليك

مشاعل بصدمة : كيف كذه

لمار قالت لمشاعل السالفة كاملة

***********************************************

في قصر أبو رامي . دخلوا رامي وأسماء بعد .ماسمعوا صوت منال تبكى ومنيرة تصارخ عليها

منيرة بعصبية وهيا تبكى : وين ماما ومناير يامنال

منال وهيا تبكى: ماما ومناير في الجنة عند ربى . يمة سعدية قالت كذه

منيرة : ايوه كذه انتي اختي. احنا ما عندنا ام . امنا ماتت مع بابا ومناير

منال ما زالت تبكى: منيرة انتيل يش تقولين كذه وليش تبكين

منيرة وهيا تمسح دموعها بس مافي فايدة ترجع تنزل: انا أقول كذه لانه هذا الواقع صح هذا هو الصح

رامي قرب من منيرة . وفك منال من يدها . وضمها بهدوء: بس يكفى

منيرة بهمس: ماما وبابا ومناير ويمة سعدية كلهم ماتوا . مافي احد عايش منهم صح . ما في احد عايش من عيلتنا الا انا ومنال صح . انا ومناير بس بنات امي ما عندنا تؤام ثالث صح . الله يسعدك قولي صح

رامي بهدوء: كل شي منور تقول عليه صح فهو وصح وكل شي منور تقول عليه خطا فهو خطا

منال راحت عند أسماء وحضنتها بقوة : ماما وش فيها منيرة

أسماء بحنان وهيا تمسح على شعر منال: منور تعبانة شوي

منال وهيا تمسح دموعها: انا كمان تعبانة ابي اروح انام شوي

أسماء شالتها: من عيون

اشرت أسماء لرامي وهو بدوره قالها تروح مع منال ولا تخاف على منيرة هو معاها

***************************************************************

في بيت أبو فهد وبتحديد في مكتبه اللى في بيته . كان جالس مع حفيدته

ريم تنهدت: يعنى لحد الحين ما عرفت شي عنها

ابوفهد: لا والله يا بنتي . حتى الشركة حقتهم مو هيا اللي جالسة تديرها الحين. واحد اسمه مشاري هو اللى يدير كل شي

ريم بتفكير: طيب ما سالتم مشاري عنها

ابوفهد: والله يا بنتي سالنا بس نفس الجواب . يقول ما يعرف . مو كاسر خاطري الا فارس. زي ما نتي شايفة لا اكل ولاشرب وكل يوم يروح ينظر عند باب الشركة . جدتك حاولت فيه تخطب له بنت الحلال بس مو راضي

ريم تنهدت: الله المستعان (وفقت ) بروح انام شوي تحتاج شي ياجدي

ابوفهد: سلامتك يابنتي

طلعت من مكتب جدها واتصلت على جوال مجد وكالعادة اعطتها مقفل . حطت الجوال جنبها وانسدحت . ليش لمجد سويتي فينا كذه . ليش قلبتي حياتنا فوق تحت. خالو فارس الضحوك اللى 24 ساعة يضحك ما عاد صرنا نشوفه الا مره في الشهر ولو شفنا معانا بجسده مو بعقلة . يا بنتظرك عند الشركة او عند بيتكم . أتمنى انك تكونين بخير . مسحت دمعتها وغمضت عيونها . لعل وعسى انها ترتاح شوي

*********************************************************************

في أبو ظبي

كانت جالسه في الصالة بهدوء . نحفت مرره والهالات ظهرت تحت عيونها . شخصيتها القوية ما عاد صار لها وجود . اللى يشوفها مستحيل يقول انها مجد

ام مجد: مجد يمة اليوم الجيران راح يجوا وش رايك تجلسين معنا . يعرفون انو عندي بنت اسمها مجد بس في عمرهم وحياتهم ما شافوكي

مجد ببرود: غادة تكفى

غادة: طيب وش رايك نطلع انا وانت نروح مول قريب . في مول صديقاتي في المدرسة دايما يمدحوه

مجد: مو جاي على بالي

ام مجد: مجد يمة . لو موع اجبك الوضع هنا خلينا نرجع السعودية . راشد في السجن وما راح يقدر يسوي لنا شي

مجد : أتمنى انك ما تفتحين الموضوع هذا ثاني مرره . وقريب ان شاء الله راح نسافر بريطانيا .

ام مجد بعصبية: لحد هنا وبس من الأول تركتك على راحتك . من دولة لدولة . كاننا مجرمين . قريب ان شاء الله راح نرجع السعودية سامعه

قطع عليها صوت الجوال . رفعت الجوال وشافت اسم مشاري على الشاشة . اخذت جوالها وقامت رجعت لغرفتها . قفلت الباب اكثر من مره وبعدها ردت

مجد بصوت هادي: الو

مشاري: هلا مجد . كيفك

مجد: حمدالله تمام

مشاري: اتصلت اقولك على الملفات اللى ارسلتك هيا شفتيها

مجد: أي ملفات

مشاري: ملفات الأرباح حقت الشهرين اللى فاتت

مجد: ان شاء الله اشوفها قريب

مشاري: مجد في شي ثاني . جاتنا صفقة حلوه مره وحتى الشروط حلو بس

مجد : وش فيك كمل

مشاري: الصفقة جاية من شركة جد ريم وفوق كذه طالبين انهم يقابلوا رئيس الشركة

مجد تنهدت: من وراء هذي الصفقة . اكيد تعرف

مشاري تنهد: فارس . وما زال يجي كل يوم عند الشركة وينتظرك . وفي الليل يروح عند بيتكم

مجد تنهدت: قولهم انو انت المسئول عن الشركة واني انا مسافرة اذا يبوا يوزقعوا الععقد معك سوي الاجرارات . ما عجبهم الموضوع خلاص

مشاري: ان شاء الله . أي أوامر ثانية

مجد: لا

مشاري: مع السلام

مجد: مع السلام

فقلت من مشاري وجلست تبكى . تحب فارس وتموت فيه . بس اعدائها كثير وراح ينتقموا من فارس . أهلها قدرت تحبسهم في البيت بس فارس رجال مستحيل تقدر تحبسه

*****************************************************************



يوم جديد وصباح جديد قامت وشافت رامي ما زال نايم . اخذت لها شور . ما تعرف امس كيف نامت . فجاءة جات منال في بالها وكيف جلست تصارخ عليها . طلعت من الجناح بهدوء ودخلت جناح منال . دورت عليها ما حصلتها . نزلت تحت وشافتها جالسه تتفرج تلفزيون . غصب عنها ابتسمت

منيرة: صباح الخير

منال لفت وجهها وشافت منيرة . ابتسمت هيا الثانية: صباح النور والسرور

منيرة راحت جلست جنبها وسحبت خدودها : تفطرين بدوني

منال : كلكم كنت نايمين

منيرة ببتسامة: يلا مو مشكلة انتظر رامي نفطر مع بعض

منال طالعت في صحنها: كلى معاية ما اكلت الا شويه

منيرة ضحكت: اوكي مو مشكلة اكل معاكي

منال قامت: بروح اجيب لك ملعقة

منيرة: اوكي

راحت منال تجيب الملعقة ومنيرة سرحت في تفكيرها . خمس سنوات مرت . وقتها منال كان عمرها 3 سنوات . جلست سبين عشان تفهمها انو أمها ماتت . كيف الحين تقولها ان أمها ماهيا ميته . كيف تقولها انها عايشة . هيا بنفسها كانت دايما تتمنى ان أمها تكون عايشة . بس الحين ماهي مقتنعه . قطع تفكيرها صوت منال وهيا تمد الملعقة

منال: منيرة . منور

منيرة ابتسمت: شكرا

منال بتردد: منور اسالك سوال

منيره بحنان: ايه حبيبتي قولي

منال: امس ليش كنتي تبكين وتقولين انو ماما ميته . طيب انا اعرف انو ماما ميته ( وببتسامة) بس الحين انا عندي ماما أسماء . تنام جنبي يوم أخاف . ويوم يكون عندي اختبار تساعدني اذاكر . يوم أكون تعبانه تجلس جنبي . وتخاصم أي احد يزعلني . انا مرره احب ماما أسماء ( وبحزن) انا أصلا نسيت ماما نورة وما افتكر شكلها . بس اشوفها في الصورة . حتى يوم اغمض عيوني افتكر مامتي على طول صورة ماما أسماء تجى في بالي

منيرة: منول حبيبتي

منال ببتسامة: هلا

منيرة : من زمان ما لعبنا لعبت الخيال وش رايك نلعبها

منال بحماس: ايوه ايوه

منيرة: مين يبدا

منال : انتي انتي

منيرة ببتسامة: اوكي منول . تخيلي لو كانت ماما نورة عايشه عند مين راح تجليسن عند ماما نورة ولا ماما أسماء

منال بتفكير: انا ما اعرف ماما نورة كثير . بس اعرف ماما أسماء كثير . وكلهم احبهم . ما اعرف وش اختار . صعب السوال

منيرة ضحكت: خلاص مو لازم تجاوبين يلا اساليني

منال بحماس: طيب تخيلي لو قالوا لك تعشين في كوكب زمرده ولا كوكب بنبون وش راح تختارين

منيرة بتفكير: راح اختار كوكب زمره .

منال بفرح : زي

منيرة ضحكت لانفعال منال . برغم من انه خيال الا انها انبسطت يوم عرفت انه اختها اخترت نفس اختيارها

*********************************************************************

عند مشاعل . كانت لمار عندها

مشاعل تصحيها: لمو لمور

لمار بتضجر: شعولة واللي يرحم امك بعدي عني ابي انام

مشاعل: أقول قومي . خالة اميرة من اول تتصل

لمار قامت بتعب: مو جاي على بالى ارجع الحين

مشاعل: لمور حبيبتي حرام اللى تسوى في امك . هيا بنفسها ما تفتكر عيالها تبيها تفتكر كم جابت . المستشفى قالوا لها انها ولدت اثنين . وبعدين الحين ما تفتكر الا انتي بس . منيرة ومنال عيالها بس ما تفتكرهم

لمار بضيق: طيب وش اسوي غصب عنى

مشاعل : مافي شي اسمه غصب عنى . المفروض انتي تساعدين امك تستعيد ذاكرتها . حاولي تعرفين من صديقتها . اعزميهم واعزمي منال ومنيرة . انتي تقدرين تغيرين أشياء كثيرة

لمار : بس شعولة

مشاعل سحبت اذن لمار: انتي ليش ما تسمعين الكلام . هاا ليش ما تقولين حاضر

لمار بالم: طيب طيب . شعولة اذني

مشاعل تركت اذنها: يلا اشوف قومي غيري ملابسك . روحي شوفي امك ونهاية الأسبوع اعزمي صديقات امك ومنيرة ومنال

لمار بحيرة: تساعديني طيب

مشاعل بحماس: اكيد

لمار بخوف : طيب لو ما رضيوا يجون

مشاعل: لا راح يجوا

لمار: طيب شعولة انتي كلمي منيرة

مشاعل حطت يدها على راسها: تعرفين مين راح يقتلني . انتي . ما راح اكلم احد . كلهم انتي راح تكلميهم

لمار ببتسامة: ان شاء الله

*********************************************************************

نهاية الأسبوع . اليوم الموعود . لمار عزمت . نوال وسمية وريهام . وعزمت منيرة ومنال

في قصر أبو رامي . وفي الصالة بتحديد

منال وأسماء كانوا مع بعض

لبست منال فستان بلون الأبيض والموف . تركت شعرها مفتوح وحطت تاج صغير

منال وهيا في حضن أسماء كانت تلعب بطرف فستانها: طيب ليش ما تروحين معانا ماما

أسماء: مره ثانية يا ماما

منال طالعت فيها وببتسامة: طيب ليش

أسماء: عندي شغل حق المدرسة

منال بحماس: طيب نروح ولو رجعنا . انا راح اساعدك

أسماء ضحكت: صدق والله

منال: ايوه . اقولك الأسماء زي ذاك اليوم

أسماء: مو مشكلة ياماما . ان شاء الله المره الجاية راح اروح معاكم

منال: وعد

أسماء: وعد ان شاء الله


في جناح منيرة ورامي

منيرة بتضجر: يعنى لازم اروح

رامي ببتسامة: يب الموضوع اجباري

منيرة: طيب ليش

رامي: لانه اختك عزمتك ولازم تلبين الدعوه

منيرة: طيب انتي اسمعنى.انا تعبانة

رامي: وانتي بعد اسمعيني . لو رجعنا تنامين . منور ياقلبي لازم تروحين عند اهلك وناسك

منيرة بترجى: رامي الله يسعدك ما ابي اروح

رامي يقلدها: منور والله راح تروحين

منيرة زي الأطفال : ما احبك

رامي ببتسامة: انا احبك .

منيرة قامت تلبس وهيا مبوزه

رامي يضحك : فديت المبوزين ياناس

*******************************************************

قي قصر جد لمار

الورود كانت في كل مكلن . ريحة القهوة والبخور العربي منتشره في كل مكان. والخدامات متوزعين في القصر . هذي رايحة وهذي جاية

لمار لبست فستان ميدي ابيض واسود من D&G .ومشاعل لبست زيها . كانو هم الاثنين يشرفوا على الخدامات . اميرة او نورة( اللى تحبون ) كانت لابسة فستان بلون الكحلي من ديور .

اميرة جلست في الصالة وكان واضح عليها التوتر

مشاعل بهمس: لمور ورحي عند خالة اميرة . شكلها تحتاجك انا اشرف على الخدامات

لمار ببتسامة: اوكي

راحت لمار وجلست جنب اميرة . بس اميرة ما حست فيها

لمار قربت وجهها من وجه أمها: وين وصل الحلو

اميرة طالعت في بنتها وابتسمت: والله ما اعرف وش اقولك يا بنتي

لمار مسكت يد أمها وباستها: لا تتوترين ياقلبي

اميرة تنهدت: حاولة أتذكر لو مقتطفات بس ما قدرت

لمار: مو مهم ياقلبي . راح تذكرين يوم ربى يريد ان شاء الله

اميرة : طيب منيرة ومنال

لمار بحنان: منيرة يوم تجي تتكلمين معها حطي في بالك انك جالسة تتكلمين معايه . ومنال باقي صغيره عمرها 8 سنوات تقدرين تاخذين وتعطينا معها

اميرة وهيا تكرر في عقلها . وحده اسمها نوال والثانية سمية صح

لمار: يب

اميرة: مين هيا طيب الى تزوجة معايه . ومترضعين مع ولدها

لمار بتفكير: خالة سمية . هيا رضعت مناير ومنيرة وكمان رضعت منال بس مو متاكده

اميرة تنهدت: الله يعدي الليلة على خير

بعد ساعة الكل وصل . استقبلوهم اميرة ولمار . ودخلهم المجلس . وبعد القهوة والضيافة

منيرة ببتسامة: يمه ( اشرت على سمية) هذي خالة سمية . ولدها فيصل يصير اخوي برضاعة ( اشرت على ريهام) وهذي بنتها (اشرت على نوال) هذي خالة نوال وكنت دايما تقولين لو ما كنتي موجودة وصار شي نرجع لها

اميرة ببتسامة: حياكم الله كلكم . واعذروني لاني مو قادرة اذكركم

سمية ببتسامة: ياقلبي انتي مو مشكلة لا تجهدين عقلك . راح تذكرين كل شي يوم الله يريد

منيرة اشرت على منال : وهذي منولة اخر العنقود

اميرة طالعت في منال واشرت لها تروح: تعالى

منال بسرعة تخبت وراء منيرة .

والكل ضحك عليها

منيرة: منول خجولة شوي . تحتاج وقت على بال ما تتعود

**********************************************************

في قصر أبو رامي كانت جالسة في الصالة . بعد ما تعبت من البكى

أبو رامي: بس يا أسماء الله يرضى عليك

أسماء: بس أخاف ترجع تأخذ منال بعد ما قلبي تعلق فيهم

أبو رامي: يا أسماء ياقلبي . اول شي لو منال رجعت لامها المفروض تفرحين لها مو تبكين كذه

أسماء : بس انا احبها

أبو رامي: لو كنتي تحبيها صدق راح تتمنين لها الخير في كل مكان

أسماء رجعت تبكى: ما اقدر والله ما اقدر على فراقها

ابورامي: الله يرزقك انت كمان ببنت

أسماء غصب عنها ضحكت: أي بنت . حرام عليك

أبو رامي: ليش كل هذا الضحك ليش انا وش قلت

أسماء: بعد كل هذي السنين تقول احمل

أبو رامي: ان الله اذا ارد شي قال له كن فيكون

تنهدت أسماء: سارب صبرني على فراقها

**************************************************************

رد: روايتي الثانية مراهقات جمعتنا ظروف مختلفة لكاتبة /Roby

لااااااااااا الرواية راح تخلص
البارت مره حلو ياقلبي
واخيرا منيرة وامها اجتمعوا وبشخصية جديدة كان
من المفروض تكون ويط اهلها لولا جشع مؤيد
مجد وفارس نفس اعرف وش راح يصير معاهم
متحمسة لبارت الاخير موت

رد: روايتي الثانية مراهقات جمعتنا ظروف مختلفة لكاتبة /Roby

بعد حي انا
اتمنى يعجبك البارت الاخير

رد: روايتي الثانية مراهقات جمعتنا ظروف مختلفة لكاتبة /Roby

مقتطفات من البارت الأخير

رامي فتح عيون وحده وبتعب: نعم منور نعم ياقلبي
منيرة: خاطري بتوت
رامي فتح عيونه على الأخير: نعم توت من وين اجيب لك توت في هذا الوقت
منيرة: رامي الله يسعدك والله خاطري في توت وش اسوي .
رامي تنهد وقام : ان شاء احصل سوبر ماركت مفتوح الحين



مشاري بصدمة: مجد امس وصلتي ارتاحي الأول
مجد: تعرف اني راحتي بين الأوراق
مشاري: اوكي عشرة دقايق أكون عندك
مجد: اوكي بس الله يسعدك لا تنسى قهوتي
مشاري: ان شاء الله


منيرة طالعتها بنص عين: حتى لو اكلنا حلال زوجي . اكلنا من فلوسك لا
شيماء: الغريب في الموضوع انو الوحام يستمر لشهر الرابع . انت ليش لحد الحيت تتوحمين
منيرة بشوية عصبية : انتم مين مسلطكم عليه اليوم .


منيرة وهيا تبكى: الله يسعدك نادى لمار
البنت بحزن على شكل منور : ما اعرفها والله
منيرة: طيب شيماء او مشاعل (مسكت بطنها وزاد بكاها) يمة . يمة
البنت بخوف : دقايق وراح اجيك . بروح اشوف احد يساعدنا



أبو رامي بهدوء: رامي
رامي بهدوء: يبه الفجر ما كان فيها شي . والله العظيم ما زعلتها والله
أبو رامي: ياولدي انت ماتعرف وش فيها الله يهديك . يمكن شي بسيط . انت على طول كبرت الموضوع . وفوق كذه لا تنس انو معاك الضغط
مجد: اتفضل
المحامي : طيب انا عندي معلومات وحقائق . مجد عرفتها بعد ما مات عمر الله يرحمه . وكان ذلك بطلب عمر الله يرحمه . مجد بعدها طلبت من اخفي هذي الحقائق لحد ما تموت او تطلب من اقولها . واليوم كلنا مجتمعين هنا عشان مجد طلبت منى (طالع بمجد) من وين نبدا
*****************************************************

رد: روايتي الثانية مراهقات جمعتنا ظروف مختلفة لكاتبة /Roby

البارت الخمسين والاخير ( الجزء الاول )



بعد مرور سنة

راح اقولكم بشكل سريع وش صار مع ابطالنا وبعدها نروح عندهم

رامي ومنيرة

منيرة اختارت تكون مع رامي . وكل يوم حبهم يكبر . تزور أمها كل فترة وفترة هيا ومنال . يسلموا عليها ويرجعوا . مافي يوم احد منهم أتوقع انو حبهم يكبر ويصير كذه . رامي اتخرج من المدرسة وهو يدرس في الجامعة قسم إدارة اعمال وفي نفس الوقت يشتغل مع ابوه في الشركة . ومنيرة اخر سنة لها في الثانوي . حامل في الشهر السابع

أسماء ومنال

منول يوم عرفت بموضوع أمها . راحت عند أمها وجلست بس أسبوع ورجعت عند أسماء. تروح كل فترة وفترة تسلم على أمها وترجع عند أسماء . أسماء كانت راح تجنن يوم منال راحت عند أمها . بس يوم رجعت صارت اسعد انسانة

فهد وسهام:

طيور حب ياناس . فهد مبسوط بسهام ودايما يدعى لريم على اختياره . وسهام كمان مبسوطة موت من فهد . عيشين بحب . عندهم بنت صغيره اسمها ريم

لمار واميرة :

لمار اختارت انها تكمل باقي حياتها مع جدها الا ما عرفت غيره في هذي الحياة . واميرة نفس الشي بما انها زوجة ولده . دايما تسال عند منيرة ومنال

مجد وفارس

فارس لحد الحين ما تزوج ينتظر مجد . وبنسبة لمجد في الحقيقة ما زات تحب فارس بس تحاول تتناسى فارس وتهتم بشغلها

ريم :

ما نسيت مجد وما زالت تحاول تتوصل لها . بعد زواج خالها كثير اتقدموا لها بس كانت دايما ترفض

مشاعل وشالتها ماصا رشي حديد في حياتهم

ايلاف واميمة ولارا كمان ما صار شي مهم في حياتهم

****************************************************


الساعة وحده الليل قامت من النوم وطالعت في رامي

منيرة: رامي رامي قوم

رامي فتح عيون وحده وبتعب: نعم منور نعم ياقلبي

منيرة: خاطري بتوت

رامي فتح عيونه على الأخير: نعم توت من وين اجيب لك توت في هذا الوقت

منيرة: رامي الله يسعدك والله خاطري في توت وش اسوي .

رامي تنهد وقام : ان شاء احصل سوبر ماركت مفتوح الحين

منيرة بحماس: لا فيه اكيد ............ مفتوح الحين

رامي غسل وجهه على السريع ورجع يلبس ثوبه

منيرة بحماس: رامي ابي اروح معاك

رامي: لا يا روح رامي اجلسي هنا وراح اجيب لك هو لحدك

منيرة بزعل: احسن وبل مره لا تجيب شي ما ابي

رامي بصبر: يارب صبرني . قومي البسي عبايتك

قامت منيرة ولبست عبايتها وطلعوا . راحوا كذه سوبر ماركت بس كان مقفول . وفي الأخير حصلوا وحده . دخل رامي وجاب لها كل أنواع التوت . دخل السيارة واعطها الكيس

منيرة قفلت خشمها وهيا تبعد الكيس: بعده عني بسرعة بعده

رامي فتح عيونه على الأخير: نعم . صحيتني من النوم ولنا ساعة نلف في الشوارع والحين تقولين ما تبين

منيرة ونفسها لايعه: رامي الله يسعدك بعده

رامي حط الكيس في المرتب الخلفي . ورجع البيت . يا دوبه بدا ينام . منيرة رجعت صحته

منيرة: رامي قوم رامي

رامي تنهد: نعم يامنور نعم يا بنت محمد نعم

منيرة : رامي خاطري في ورق عنب

رامي: نعم نعم نعم عيدي ما سمعت ومن فين اجيب لك ورق عنب ان شاء الله

منيرة بطريقة طفولية: تحت في الثلاجة فيه . بس أخاف انزل لوحدي

رامي وهو يبي يشد شعره: ومن متى ان شاء الله صرتي تخافين

منيرة : ما اعرف

رامي بطفش : قومي . قومي اشوف

نزلوا تحت المطبخ . طلعته منيرة من الثلاجة . سخنته وجلست تاكل بتلذذ ورامي يطالع فيها . عنده اجتماع مع ابوه الصبح وما هيا راضية تخليه ينام

******************************************************************

صباح يوم جديد

قامت مروقة . امس الليل وصلوا السعودية . اخذت لها شور وكلمت مشاري

مجد: السلام عليكم

مشاري حس بفرحة من نبرة صوته: وعليكم السلام

مجد بنشاط: مشاري لا تنسي تمر تاخذي راح ادوم اليوم في الشركة

مشاري بصدمة: مجد امس وصلتي ارتاحي الأول

مجد: تعرف اني راحتي بين الأوراق

مشاري: اوكي عشرة دقايق أكون عندك

مجد: اوكي بس الله يسعدك لا تنسى قهوتي

مشاري: ان شاء الله

قفلت من مشاري . لبست عبايتها ونزلت الصالة وشافت أمها تفطر

مجد ببتسامة: صباح الخير

ام مجد ابتسمت . من زمان ما شافت بنتها كذه: صباح الخير . على وين

مجد جلست جنب أمها: على الشركة اكيد

ام مجد بحنان: يمة ريحي نفسك شوي . امس رجعنا وكمان متأخر

مجد ببتسامة: يمة والله فرحتى بين الأوراق والصفقات . ووعد منى ما راح اتاخر

ام مجد سحبت خدوها: اعرفك عنيدة . استودعتك الله

مجد قامت بعد ما رن عليها مشاري : اشوفك على خير ياقلبي

ام مجد : الله يسعدك

*****************************************************************

على طاولة الطعام كلهم كانو جالسين يفطروا

أبو رامي: رامي

رامي بتعب: هلا يبه

أبو رامي: تعبان

رامي طالع في منيرة وبعدها طالع في ابوه: شوي

أبو رامي: خلاص يا ولدي ارتاح مو لازم تجى الشركة اليوم

رامي يشرب من الكوفي: ماعليه يبه شويتن واصير زي الحصان

أسماء تطالع ساعتها: منول منور . عجلوا راح نتاخر

رامي طالع في منال : منول قبل ما انسى ترى في المطبخ في توت

منال وسعت عيونها على الأخير: احلف

رامي: والله

أسماء: ماشاء الله غريبة رامي يروح يقضى ولا بس جايب توت

رامي طالع في منيرة: اسالي وحده جالسة جنبي تقولك وش سالفة التوت

******************************************

لبس وتكشخ على الأخير . نزل مع الدرج وشاف اهله كلهم موجودين . باقي ما راحوا على دوامتهم

سلم على امه وابوه اللى استغربوا يوم شافوه . وبنت اخته واخته

جيهان ببتسامة: من وين طالعة الشمس

فارس ببتسامة: مبسوط على الأخير

ام فهد: الله يديم افراحك يا ولدي

ريم بحماس: وش السالفة علمني بسرعة بسرعة

فارس خبط راسها على الخفيف: مو شغلك .

ريم بزعل: افااا انا تقولي كذه

فارس تنهد وببتسامة: كل اللي يحبني يدعى لي اليوم بذات

الكل: الله يوفقك ويسهل لك أمور

ريم : الله لا يغير عليك فرحتك

فارس ببتسامة: امين ياقلبي امين

قام : توصوا على شي حبايبي

الكل: سلامتك

******************************************************************

. كانت وافقة قدام البحر . حبت تروح البحر قبل ما تروح الشركة تجدد نشاطها مع بداية الصباح وحشتها ديرتها . سنة ماهي كثيره . بس هذا السنة علمتها أشياء كثيره . كان يراقبها من ورائها . يعشقها بحنون . حتى لو انها هربت بس والله يعشقها ومستحيل يسمح لها تروح هذي المره بدونه يحسها مجنونة وهذا الللى يحبه فيها زود . قرب منها بهدوء ومسك يدها . فزت يوم حست احد يمسكها . لفت صوبه وشافته . ايه هو اللى سرق قلبها . هو اللى كانت تبكى كل يوم على صورته . هو اللى ماقدرت تنساه . القوة اللى كانت في داخلها انهارت ماعاد صارت تقدر تكابر وتقول ما تحبه . استسلمت لدموعها اللى بدات تنزل . وهو بدوره اخذها لحضنه . ظلت تبكى وتبكى وتبكى

فارس وهو مغمض عيونة: مجد انتي حقيقة ما راح تختفين صح

مجد من بين شهقاتها : فارس لا تعذبني زيادة

فارس بصوت حنون: مستحيل اتركك تروحين هذي المرة ما صدقت اني حصلتك

مجد ما زالت تبكى: فارس انا ما ابي ادخلك في مشاكل . لاني احبك

فارس بهدوء: اشششش . ما احد قال انك راح تدخلين في مشاكل . ولو واحد قال فانا موافق وراضي لو ان شاء الله أعيش في سجن بس اهم شي أكون مع حبيبتي

مجد: فارس انــــــــــــــــــــــــــــا اسفة (وانفجرت بكاء)

فارس شدها لحضنه بقوة

كان يراقبهم من بعيد ابتسم وبعدها مشي

مشاري في نفسه: وهذا الأمانة اللى وصيتني فيها ياعمي . مجد عانت كثير ومتاكد انو فارس راح يسعدها

******************************************************************

كانت جالسه مع البنات في المدرسة

مشاعل: الا صح منور كم باقي لك

منيرة وهيا تاكل البطاطس بتلذذ.: باقي لي شهرين . لسي في السابع

مشاعل: واضح انو ولدك راح يطلع مشفوح اكل زيك

منيرة طالعتها بنص عين: حتى لو اكلنا حلال زوجي . اكلنا من فلوسك لا

شيماء: الغريب في الموضوع انو الوحام يستمر لشهر الرابع . انت ليش لحد الحيت تتوحمين

منيرة بشوية عصبية : انتم مين مسلطكم عليه اليوم .

لمار جات ومعها غيداء وريم وفي يدهم حلويات وشبسات

لمار: خير صوتكم واصل لاخر المدرسة

مشاعل تضحك: منور راح تخلص مخزون البلد

سما وهيا تضحك : ياليت يابن فيها . لو ناكل ربع اللى تاكله كان الحين ما نقدر ندخل من الباب

لمار : هيا انت وهيا ما اسمح لكم كل شي ولا اختى

ريم: انا ادري عنكم . اتركوها تاكل زي ما تبي

منيرة وهيا مبوزه تحاول تقاوم بس ما هي قادره لازم احد يساعدها

لمار: منور تبين اساعدك

منيرة مدت يدها . وساعدوها لمار وريم تقوم

مشاعل بصدمة: منور على وين

منيرة وهيا تصد عنهم: مالك صلاح

مشاعل بسرعة قامت: افاا منور تزعلين من شعولة

سما: هيا عاد منور لا تصيرين دلوعه

منيرة طالعت فيهم وابتسمت: خلاص مو زعلانه

مشاعل وهيا تسحب خدودها: فديت الحلوين ياناس . (مسكتها من يدها) يلا نجلس

منيرة بخبث: لا بروح عند امي

مشاعل: ليش

منيرة بحماس: والله خاطري في سمك مشوي . بقولها تكلم رامي يجيب لي

مشاعل انفجرت ضحك: الله يسعدك بس

منيرة طنشت مشاعل وراحت

غيداء: بنات حرام عليكم وش فيكم اليوم على البنت

مشاعل تمسح دموعها من ضحك: والله نمزح معها

شيماء: بس المزاح الثقيل ما ينفع معها انتم تعرفوا نفسيتها راح تكون متقلبه من الحمل

مشاعل: انا بروح اشوفها

البنات كلهم قاموا معها : بروح

***************************************


في الشركة وفي مكتبها كان جالس معها . بعد ما طلبت له ولنفسها قهوة . بعد سكوت طويل

فارس ببتسامة تجنن: جهزي الأسبوع الجاي راح يكون زواجنا

مجد فتح عيونها بصدمة: نعم

فارس ما زال مبتسم: لو هربتي هذي المره ياويلك

مجد: فارس أسبوع مره صعبة

فارس: لا صعبه ولا شي . وبعدين انا راح احجز واسوي أشياء كثير . حتى انتي يمديك تسوين نفس الشي

مجد بتفكير: خليها اقلها 3 أسابيع

فارس : كثير مره ما اقدر

مجد : صدقني تقدر

فارس بتفكير: تعرفين وين المشكلة

مجد ببراءة: وين

فارس: اني ما اقدر ارفض لك طلب

مجد استحت موت وما ردت

فارس: خلاص اجل زواجنا بعد 3 أسابيع من الحين . وش ثاني

مجد بتفكير: ايش

فارس : مشاري

مجد بستغراب: وش فيه مشاري

فارس : صح انه مشاري له فضل كبير عليه وهو ساعدني في اني اشوفك اليوم . بس برضوا مشاري يضل رجال غريب . وبصراحة انا (سكت شوي ) اغار منه

طالع في مجد شافها مصدومة

فارس بسرعة: لا تزعلين . ما اقولك يعنى لا تخليه يشتغل معاكي . بس يعنى .يكون في شوية حدود .

مجد كانت تطالع فيه وحطه يدها على خدها مبتسمة : خلصت

فارس: ايوه

مجد ضحكت : اوكي بما انك جبت سالفة مشاري . خليني أوضح لك نوع العلاقة اللى بيننا

فارس بجدية: مجد انا اثق فيك بس

مجد تنهدت : انا اعرف اني تثق فيني . بس اعطيني خمس دقايق

رفعت السماعة وطلبت مشاري ومحامي الشركة . وبعد 10 دقايق دخل مشاري ومعاه محامي الشركة

مشاري: السلام عليكم

مجد: وعليكم السلام

جلس مشاري ومع المحامي

مشاري: هلا مجد طلبتنا

مجد: ايه طلبتكم .اليوم العصر ان شاء الله ابيكم تجون عندنا البيت . وطالعت المحامي: ان شاء الله اليوم راح نوضح الحقيقة

المحامي: ان شاء الله طال عمرك

مجد: خلاص هذا كل شي

طلعوا مشاري والمحامي وفارس ظل يطالع فيها بستغراب

مجد ضحكت: ان شاء الله اليوم حتى انت تجى عندنا البيت . بصراحة كنت بتكلم هنا بس لازم امي كمان تكون موجودة

فارس : طيب يلا نروح البيت الحين

مجد: عندي اوراق ومستندات لازم اخلصها اليوم

فارس: اوكي راح انتظرك لحد ما تخلصين

مجد فتحت الملف: ترى راح تطفش

فارس : ما عليك راح العب بجوالي لحد ما تخلصين

مجد بدات تشتغل في الأوراق وكالعادة اندمجت فيها بسرعة وبعد نص ساعة

مجد وهيا تطالع في الأوراق: فارس بس لا تطالع فيني كذه مو قادرة اركز

فارس : كم باقي لك

مجد ببتسامة: مو قلتك راح تطفش

فارس: لا ما طفشت خلصي شغلك

مجد لمت الأوراق وحطتهم في الملف . اخذت كم ملف وحطتهم في الشنطة . وقامت

مجد: يلا قوم

فارس : على وين

مجد : نروح البيت . باقي الأوراق اشوفهم في البيت ان شاء الله

فارس قام: يلا مشينا

كلمت مجد مشاري والمحامي وقالت لهم يلحقوها

************************************************

كانت بتروح عند أسماء بس حست بالم مفاجئ . بعدها قررت تروح الفصل . دخلت الفصل وحطت راسها على الماصة لعله الألم يخف . بس الألم كل ما له كان يزيد لدرجة انها ما قدرت تتحمل وجلست تبكى . بصدفة مرت بنت من عند الفصل وسمعت صوت بكاء . دخلت وقربت من منيرة

البنت: فيك شي

منيرة وهيا تبكى: الله يسعدك نادى لمار

البنت بحزن على شكل منور : ما اعرفها والله

منيرة: طيب شيماء او مشاعل (مسكت بطنها وزاد بكاها) يمة . يمة

البنت بخوف : دقايق وراح اجيك . بروح اشوف احد يساعدنا

طلعت البنت وهيا تجرى تشوف أي احد يساعدها . كانت هيا نازلة من الدرج والبنات طالعين فوق . وبلغلط خبطت في مشاعل

مشاعل بشوية عصبية: انت ما تشوفين سلامات طايره كذه

البنت: اسفة

مشاعل: اسفة وش راح تسوي لي لو طحت وتكسرت

لمار: مشاعل خلاص لا تكبرين الموضوع

البنت فتحت عيونها على الأخير: انت مشاعل

مشاعل بستهبال : لا بنت الجيران

طالعت فيهم : انتي عندك صديقة اسمها ريم ولمار وشيماء

مشاعل تطقطق عليها: لا بالله تستهبلين انتي وجهك

ريم: مشاعل بس (طالعت فيها ببتسامة ) تبين شي ياقلبي

البنت مسكت يد ريم: بسرعة بسرعة

وسحبت ريم معاها بدون ما تعطيها مجال تتكلم . والبنات استغربوا وبسرعة طلعوا معهم . دخلوا الفصل وشافوا منيرة تبكى وهيا على الأرض تحاول توقف

ريم قربت منها وبخوف: منور وش بك

منيرة تبكى . بيد ماسكه بطنها وباليد الثانية ماسكة ريم: ريم بموت . والله بموت . بطني يعورني ( صرخت من الألم) ريم اول مره احس بهذا الألم

ريم بخوف: مشاعل ولمار بسرعة روحوا نادوا ابلة أسماء . غيداء روحي شوفي أي ابلة ناديها بسرعة . (طالعت سما ) موية الله يسعدك . شيماء تعالى ساعدني نقومها

***********************************************

في الشركة

كان عندهم اجتماع بعد نص ساعة . اليوم ما عنده جامعة وفي اليوم اللى ما يكون عنده جامعة يروح مع ابوه على الشركة طالع ساعة وبعدها تنهد

أبو رامي: وش عندك باقي نص ساعة

رامي ببتسامة: مستغرب امي ما اتصلت اليوم

أبو رامي : ليش

رامي ببتسامة: منيرة . دايما هذا الوقت تروح عند امي تكلمها وتقولها تتوحم على حاجة . لا اروح اخذها من المدرسة الا والشي معايه .

أبو رامي ضحك: الله يقومها بسلامة

رامي : امين يارب . يبة ممكن اسالك سوال

أبو رامي: اسمعك

رامي: وش كان شعورك يوم امي جابت راكان

أبو رامي: اكيد كنت راح اطير من الفرح . شعور جميل ما راح اقدر اوصف لك هو . وبعديت تعال قريب ان شاء الله راح تحس بنفس الشعور

رامي: وين قريب باقي شهرين

رابو رامي: تعدي الأيام وانا ابوك تعدي

دخل منصور وفي يده ملفات : طال عمرك هذي أوراق الاجتماع جاهزة

أبو رامي: الله يعطيك العافية

مصور: وياااكي يارب

*****************************************

دخلت البيت ومعاها فارس . دخلته المجلس وراحت تنادي أمها من جوه عل بال ما يوصل مشاري والمحامي

دخلت الصالة ما حصلت أمها . دخلت المطبخ

مجد: جولي وين ماما

جولي: هذا ماما اطلع فوق غرفة نوم

مجد: اوكي . في بابا في المجلس ودي عصير هوا

جولي: اوكي

طلعت مجد . دقت الباب ودخلت بعد ما سمعت صوت أمها

مجد باست راسها: السلام عليكم

ام مجد ببتسامة: وعليكم السلام ورحمة الله وبركاته . غريبة رجعتي بدري

مجد ببتسامة: عندنا ضيوف

ام مجد بستغراب من ايتسامة بنتها: مين

مجد : فارس عندنا

ام مجد ببتسامة: وانا أقول وش طري هل الابتسامة الزيادة (طالعت فيها وبجدية) مجد يمه تحبين فارس

مجد اول مره تحس نفسها مستحيه من أمها . سكتت

ام مجد رفعت راس بنتها: طالعي فيني يمة . تحبين فارس

مجد هزت راسها

ام مجد: طيب ليش هربت يابنتي من البداية وكنتي كل يوم تتالمين

مجد : ما كنت ابيه يعاني . في شركات كثير منافسه لنا وكمان راشد كان دايما يترصد اللى احبهم عشان يكسرني

ام مجد: والحين

مجد : قررنا نكمل حياتنا مع بعض

ام مجد: الله يوفقك يا بنتي

مجد: يلا انزلي والحين مشاري ومحامي الشركة راح يجوا

ام مجد بستغراب: ليش

مجد: لو وصلوا تعرفين السالفة كاملة

ام مجد: يلا الحين راح انزل

*********************************************


كانت جالسه مع الاستاذات تعلمهم عن القرارات الجديدة اللى جات من وزارة التعليم . دخلت مشاعل بدون ما تدق الباب

مشاعل بخوف: عمة أسماء الحقي عمة أسماء الحقي

أسماء طالعت في مشاعل: وش صار

مشاعل بخوف: منور ما نعرف وش فيها جالسه تبكى

أسماء قامت بسرعة . واثنين من الاستاذات روحوا معها . دخلت الفصل وشافت منور تبكى . وريم وشيماء جنبها يهدوا فيها

جلست أسماء جنبها: منور يمة وش تحسين فيه

منيرة وهيا تبكى : ما اقدر استحمل . والله بموت

أسماء طالعت الوكيلة : كلموا الإسعاف (طالعت مشاعل) روحي بسرعة جبي عبايتي وشنطتي وقولي للمياء تقفل الادرة

راحت الوكيلة تكلم الإسعاف . أسماء والاستاذه الثانية لبسوا منيرة عبايتها . ونزلوها على بالى ما يجي الإسعاف . أسماء لبست عبايتها عشان تروح مع منيرة

أسماء والقلق واضح على وجهها: شعولة يمه لا تنسين منال وانتي طالعة

مشاعل: ان شاء الله . لا تنسين طمنينا

أسماء: ان شاء الله

*****************************************************************


في الشركة . خلصوا الاجتماع على الخير وطلع جواله يشوف لو جاء اتصال من امه ولا . ومن فتح الجوال بدات رسائل الاتصال توصل . وفجاءة ضحك واتصل على امه

أبو رامي: وش فيك

رامي هو يتصل: 20 مكالمة من امي . واضح انو منيرة مشتهية أشياء مو شي

جاه صوت امه: الو

رامي: ياهلا بالغالية هلا مامتي

أسماء: وينك من اول اتصل عليك ما ترد

رامي: كان عندنا اجتماع انا وابوي

أسماء : طيب عطيني ابوك

رامي ضحك: وانا اللى ظالم منور وقلت اكيد مشتهية شي . طلع امي تبي تتغزل في ابوي

أسماء بشوية عصبية: ياولد استحي على وجهك واعطيني ابوك

رامي: افا يا الغالية قريب راح اصير أبو وتقول ولد

أسماء بعصبية : رامي ترى مو ناقصتك ابدا

رامي : حاضر الحين راح اعطيك هو

مد رامي الجوال لابوه: انتبه تراها معصبه

أبو رامي رامي اخذ الجوال: عاد انت اللى هبلت فيها

أبو رامي: الو

أسماء: الو ايوه

أبو رامي خاف من نبرة صوتها: ايوه أسماء صاير شي

أسماء: ابيك انت ورامي تجون مستشفى ......... الحين

أبو رامي : ليش

أسماء: منور ما اعرف وش فيها . ومن جينا دخلوا الدكاتره عندها ولحد الحين ما طلعوا .

أبو رامي يكلم رامي: رامي خذ هذا الملف واعطيه السكرتير يرسله على قسم المحاسبة

قام رامي واخذ الملف وطلع

أبو رامي رجع يكلم أسماء: كلمتي أمها

أسماء: يب كلمتها . انا بصراحة ما قدرت أقول لرامي عشان كذه قول له

أبو رامي: يلا مسافة الطريق ونكون عندك ان شاء الله

أسماء: طيب . لا تخلي رامي يسوق بعد ما يعرف

أبو رامي: ان شاء الله

أسماء: مع السلام

أبو رامي: مع السلام

قفل أبو رامي من أسماء على دخلت رامي

أبو رامي وقف: لا تجلس راح نطلع

رامي بكسل: على وين ما فيني

أبو رامي: أقول امشي وانت ساكت

رامي قام: امري لله

طلعوا من المكتب . ورامي كان راح يسوق بس ابوه اصر ان منصور هو اللى راح يوصلهم . وهم في الطريق . رامي كان يطقطق في جواله . ما يحب منصور من بعد اخر مرره ضربه فيها ما احتك فيه ابدا

أبو رامي: رامي

رامي وهو يطقطق في جواله: هلا

أبو رامي: نزل الجوال ابي اكلمك شوي

رامي قفل الجوال : هلا ياتاج راسي

أبو رامي: اسمع انت رجال الحين ماشاء الله عليك وصرت اعتمد عليك اكثر من راكان

رامي ببتسامة: وش طري هذا الكلام . انا طول عمري ثقة وفخر لك

أبو رامي ببتسامة على هبل ولده: ياولد عن الهبل الزايد

رامي : وش سالفتك انت والمدام اليوم .مودكم فجاءة يقلب

وقفت السيارة عند المستشفى: وصلنا طال عمرك

رامي طالع في المستشفى وبستغراب: وش جايبنا هنا

ابو رامي: انزل (ونزل تركه)

نزل رامي وراء ابوه بسرعة . يلحق خطواته : يبه لحظة شوي

وقف ابورامي عند الاستقبال : لو سمحت اخوي

الموظف: هلا كيف اقدر اخدمك

أبو رامي: جات مريضة اول بالاسعاف .

الموظف: الاسم اخوي

ابورامي: منيرة محمد ال............

رامي بصدمة : ايش

الموظف: في الطورئ . باقي ما نقلت للغرفة

أبو رامي: شكرا

الموظف العفوا

مشى أبو رامي ولحقه لرامي بسرعة و وقف في طريق ابوه

رامي بصدمة: عيد عيد الاسم اللى قلته قبل شوي

أبو رامي تنهد: انت رجال ولازم تكون قوي

رامي ما يعرف ليش فجاة تذكر سعدية . يحس نفس الاحداث جالسة تتكرر . لف وجهه عن ابوه . وكان يمش وهو ماسك الجدران . وما يقدر يوقف على رجوله . جلس عل اقرب كرسي ومسك راسه بين يده . أبو رامي جلس جنب وحط يده على ظهر ولده

أبو رامي بهدوء: رامي

رامي بهدوء: يبه الفجر ما كان فيها شي . والله العظيم ما زعلتها والله

أبو رامي: ياولدي انت ماتعرف وش فيها الله يهديك . يمكن شي بسيط . انت على طول كبرت الموضوع . وفوق كذه لا تنس انو معاك الضغط

رامي بنفس الوضع: خايف اروح اطمن عليها

أبو رامي وقف : قومي ياولدي قوم الله يرضى عليك

قام رامي مع ابوه وهو يمشى بتعب . جاء منصور يمسكه عشان ما يطح بس سحب يده بس منصور رجع مسكه ثاني مرره . وصلوا عند أسماء واميرة ومن شافتهم أسماء وقفت وخافت موت يوم شافت منصور ماسك رامي

أسماء بخوف: رامي . وش فيك

رامي : يمه كيفها منور

أسماء: باقي ما طلع الدكتور

جلس رامي في اقرب كرسي وجلس جنبه ابوه ومن الناحية الثانية منصور .واسماء رجعت جلست جنب اميرة . مرت نص ساعة . وبعدها ساعة . رامي تلقائي بدا يهز رجوله

رامي رفع راسه : يبه ما كانهم طولوا

أبو رامي: اهدي ياولدي

رامي رجع حط راسه بين يدينه . وبعدها تنهد بتعب

رامي على نفس وضعه: يبه

أبو رامي بحنان: نعم

رامي : يبه احس راسي ثقيل . وفوق كذه احس نفسي مو شايف تمام . اشوف اسود

أبو رامي بخوف: منصور شوف لنا دكتور الله يسعدك

منصور قام: ان شاء الله طال عمرك

راح منصور وبعدها بخمس دقايق قام رامي

أبو رامي: على وين

رامي: بروح اغسل وجهي

بس رامي ماقدر يمسك نفسه وطاح مغمى عليه

أسماء بصوت عالية: يمة ولدي

كلهم راحوا جرى عنده

أسماء تبكى: ولدي . يمة ولدي

في هذا الوقت منصور جاء ومعاه الدكتور

الدكتور يوم شافه على الأرض راح بسرعة عنده

الدكتور: وش المشكلة

أبو رامي: عنده ضغط . وأول قال يحس بصداع ويشوف اسود

الدكتور يكلم الممرضة: شوفي سرير بسرعة

*********************************************************

رد: روايتي الثانية مراهقات جمعتنا ظروف مختلفة لكاتبة /Roby

مقتطفات من الجزء الثاني لبارت




رامي تذكر: يبه منور

أبو رامي: اهدى مافيها شي

رامي: يبه شفتها

أبو رامي بكذب: ايه شفتها


لارا: بنات وش رايكم تجوا عندي اليوم

اميمة: ما اعرف لو كانت امي راح توافق

لارا ببتسامة: انا اخلى امي تكلمها

اميمة: اوكي

لارا طالعت ايلاف: وانتي

ايلاف وعقلها مو معها: هممممم

لارا: ايش اللى همممممممممم




منال رفعت يدها ببراءه : ممكن

ميهاف طالعت فيها بستغراب: هلا

منال : بس انا ما فهمت

البنات كلهم ضحكوا على براءة منول

ميهاف ببتسامة: مو مشكلة ياقلبي . مو لازم تفهمين

منال : بس انا ابي افهم . عشان ابي اصير ابلة زيك




أبو فهد : عبدالمحسن قبل أسبوع كلمني

جيهان حل مكان الابتسامة كشره . أبو فهد لاحظ هذا الشي بس كمل

أبو فهد: عبدالمحسن يبي يرجعك على سنة الله ورسوله




منال بدات تبكى: ماما أسماء فيها شي

مشاعل: منول حبيبتي ما فيها

منال وهيا تبكى: طيب منور ورامي

مشاعل جلست على مستواها: منول كلها بخير يا منول

منال بصراخ : كذابين لا تكذبوا عليه انا مو طفلة

مشاعل بشوية عصبية: منال اسكتي ترى مو فايقة لك




الدكتور: رامي كم عمرك

رامي ببتسامة: 19 سنة

الدكتور: ماشاء الله تبارك الله رجال .

رامي بفرح: رجال وبعد صرت أبو . والله مو مصدق شعور جميل




ريم: طيب يمه انا بروح المستشفى

جيهان بخوف: فيك شي . يعورك شي

ريم هزت راسها بلا : منور اليوم تعبت في المدرسة واخذوها المستشفى . الحين مشاعل قالتلي اسم المستشفى وطلعت نفسها اللى تشتغل فيه خالة سهام

جيهان : وكيف صارت


***********************************************************

احبكم

رد: روايتي الثانية مراهقات جمعتنا ظروف مختلفة لكاتبة /Roby

الباررررررررررررررررررررررررررررررررت الاخير (الجزء الثاني) اليوم ان شاء الله على الساعة 8 او 9 انتظروني .