تويت
رد: روايتي الثانية مراهقات جمعتنا ظروف مختلفة لكاتبة /Roby
قراءة ممتعة
وهذي بارتين لكم
قراءة ممتعة
وهذي بارتين لكم
-
-
رد: روايتي الثانية مراهقات جمعتنا ظروف مختلفة لكاتبة /Roby
البارتين جميلة جدا بس انا مرره حزينة على ريم
ومنيرة ورامي يجننوا مع بعض واحس علاقتهم صارت احسن
متحمسه لبارت الجاي ياقلبيتعليق
-
رد: روايتي الثانية مراهقات جمعتنا ظروف مختلفة لكاتبة /Roby
البارت الثالث والاربعين
وصلوا الرياض وطلبت من مشاري يأخذ أهلها الفندق وهيا راحت على طول المستشفى بعد ما كلمت سهام
دخلت المستشفى وطلعت على طول على مكتب سهام حافظة مكانه عشان كذه ما سالت عنده احد دقت الباب وبعدها دخلت
مجد: السلام عليكم
سهام ببتسامة: وعليكم السلام ياهلا والله
مجد ابتسمت: كيف صارت ريم
سهام: أتوقع انو مو ريم لوحدها تعبانة في وحده كمان قدامي
مجد جلست وبعدها تنهدت: الحمدلله على كل حال
سهام: كيف نفسيتك
مجد : في الحضيض
سهام: على كذه ما اقدر اخليك تشوفها
مجد : واضحك انك ناوية على اجلي
سهام ضحكت: وش رايك اطلب لك شاي بابونج يهدى اعصابك قبل ما تشوفيها
مجد: تعرفين اني ما راح اقدر
سهام قامت: اجل مشينا نروح نشوفها
مجد: يلا
سهام: بس ترى خمس دقايق
مجد: عشره
سهام: نو
مجد بمزح: انت طول عمرك بخيلة
سهام: يب خمسه
مجد: نو 10
سهام: لا تحاولين ما راح تتغير
مجد: 8 دقايق
سهام: لا بالله وش فرق عن العشرة
مجد: الا فرق دقيقتين
سهام: اقول امشي لا يكثر
***********************************************
طلعوا من المدرسة وطول الطريق مشاعل ما تكلمت
أسماء: أقول منو وش رايك ناكل بره بما انو مافي احد في البيت الا احنا
منال بتفكير: مشاعل بتروح معانا
أسماء: يبل انها معاقبة ماراح تروح بيتهم الا يوم تتكلم
منال : طيب ليش مشاعل معاقبة
أسماء: لانها ما تسمع كلام اكبر منها
منال حزنت على مشاعل: طيب ماما خلاص سامحيها مشاعل مرره طيبة وانا احبها
أسماء: نو ما راح اسامحها الا يوم تتكلم .
منال طالعت في مشاعل: شعولة وش سويتي
مشاعل وهيا تطالع من الشباك حق السيارة: قفلي على الموضوع
منال بعلامات استفهام
مشاعل ضحكت على شكل منال: انسي
منال: كيف يعنى قفلي الموضوع
مشاعل: يعنى انسي
منال سكت وبتفكير: انا اعرف مشاعل وش تحب (طالعت في أسماء) وش رايك نروح نتغدى في هارديز شعولة مرره تحبه
أسماء: اوكي . نروح البيت الأول نغير ملابسنا وبعدين نروح
مشاعل بادب: ممكن تنزلوني في بيتنا الأول وبعديين روحوا
أسماء طالعت فيها: انا قلتلك ماراح تروحين بيتكم الا يوم تتكلمين
مشاعل تنهدت وطنشت
****************************************************************
حست بخوف بمجرد ما وصلت عند الباب . قوتها كلها اختفت . ماتعرف وش تسوي تدخل وتشوفها او تنسحب
طالعت فيها سهام: راح تدخلين ولا
مجد هزت راسها بايوه . دخلت وهيا تجرى خطواتها جرى . وقفت عند السرير . و اول شي سوته حطت يدها على فمها تمنع شهقاتها تطلع . اكثر شي ما تتمنى تشوفه بهذي الحالة ريم
مجد بصوت مكسور: ريم ريمو الله يرضى عليك قومي . (بصوت مخنوق) ريمو ليش تبين تكسرين قلبي . مو انت قولتلي لو كنتي محتاجة قوة كلميني . انا احتاج القوة الحين . الله يسعدك قومي ( ما قدرت تمسك نفسها اكثر انفجرت بكى) ريم قومي الله يرحم اهلى قومي
سهام سمعت بكى مجد وبسرعة دخلت . شافتها جالسة على الأرض وتبكى . راحت لها سههام بسرعة وجلست جنبها
مجد وهيا تبكى بقوة: ماهيا راضية ترد عليها (وبترجى) تكفين خليها تقوم الله يسعدك . تكفين تكفين
سهام تحاول تقوم مجد: قومي الله يرضى عنك
مجد مسكت سهام: قوليلها تقوم والله ما اقدر أعيش بدونها الله يسعدك
سهام : اوكي من عيوني بس انت الحين تعالى معايه
مجد لانها ما كانت في وعيها سمعت لسهام على طول
طلعوا من عند ريم واخذتها سهام على غرفتها . جلستها وطلبت لها شاي بابون يهدي اعصابها . هدات مجد بعد ماشربت شوية شاي
سهام: كيفك الحين
مجد تنهدت : الحمدلله (طالعت سهام وببتسامة) اسف
سهام: ماصار شي . والحين وش رايك تروحين البيت ترتاحين شويتين
مجد هزت راسها بطيب . جات بتكلم مشاري اتصل عليها فارس فردت
مجد بصوت مبحوح: هلا فارس
فارس: كيفك
مجد: الحمدلله تمام كيفك انت
فارس: الحمدلله . من اول اتصل عليك ليش ما رديتي
مجد: كنت عند ريم
فارس من البداية مستوعب : نعم
مجد: كنت عند ريم
فارس بشوية عصبية : مع مين ان شاء جيتي الرياض
مجد ما كانت ناثصة فارس ابدا: مع امي وغادة ومشاري
فارس مازال معصب: وينك الحين
مجد: في المستشفى
فارس: الحين راح اجي ياويلك تطلعين
قفل السماعة في وجهها بدون ما يسمع لها حتى
مجد : نفسية غبي
سهام طالعت فيها: قلتيله انك راح تجين الرياض
مجدبلامبالاه: لا
سهام تنهدت: الله يهديك المفروض تعطيه خبر الأول
مجد : وش اسوي له يا اخي انا من البداية من عرفت انو ريم في المستشفى قلتله راح اجي قال لا وبعدها جاء اخذ خالتي وتركني هناك . وفوق كذه انا كان شرطي في عقد الزواج انو ما يتدخل في سفاراتي واعمالي
سهام تنهدت. مجد باقي عقلك صغير انتي تحتاجين كورس وربى في الدين . يابنت ترى صار ولي امرك
مجد: مع نفسه
*****************************************************************
سمع اومرها وكل الإماكن اللى طلبتها ودها مره انبسطت منيرة ورامي فرح لفرحتها . اول مره يشوفها بهذي السعادة وكانت تصرف بطريقة عفوية جدا . باقي سيسد بس ولأنهم خلاص تعبوا رجعوا الفندق .
كل واحد فيهم اخذ شور وجلسوا مع بعض في الصالة حال بينهم فترة صمت . وبعدها اتشجع رامي وبدا
رامي: منور
منيرة كانها تعرف وش يبي يقول: هلا
رامي: المدة اللى بيننا اليوم اخر يوم في العقد
منيرة نزلت نظرها
رامي: زي ما اتفقنا قبل وراح احترم قررك
منيرة سكتت وطال سكوتها رامي هز راسه
رامي: افهم من سكوتك انك تفضلين الانفصال
منيرة سكتت وما ردت تحس نفسها في صراع ما تعرف توافق ولاترفض
رامي وقف: اوكي بما انني الحين بره المنطقة الشرقية صعب اطلقك بس ان شاء الله بمجرد ما نوصل راح اطلقك واخذك بيت عمي خالد . راح أقول لاهلي انو الانفصال من طرفي وانتي كمان فسري لاهلك
جاء بيروح مسكت منيرة يد : انا ابي اقولك شي
رامي كانت الدمع في طرف عينه بس منيرة ما شافتها لانه كان معطيها ظهر : هلا
منيرة بصوت هامس: انا . (سكتت)
رامي غمض عيونه
منيرة: انا ابي أكون مع رامي
رامي ما صدق اللى سمعه وعلى طول جلس جنبها : وش قلتي عيدي ما سمعت
منيرة وهيا مستحية: انا ما ابي انفصل عنك انا ابي أعيش معاك . بس لازم تصبر عليه لحد ما احبك
رامي من الفرحة سحبها لحضنه وبعدها باس جبينها: اوعدك انا راح اسعدك وعيوني ما تطالع احد غيرك
منيرة كانت مستحية على الأخير عشان كذه ما تكلمت
****************************************************
دخل المستشفى وهو معصب موت . اتصل عليها وقالت له انها عند سهام. هو مو زعلان لانها جات بس هو يغار من مشاري ومن قربه منها . يغار لحد الجنون
دق الباب ودخل الغرفة بعد ما سمحت له سهام
فارس: كيفك دكتورة سهام
سهام: الحمدلله تمام كيف انت
فارس: الحمدلله . كيف ريم الحين
سهام: الحمدلله تمام
فارس طالع في مجد بمعنى قومي
سهام قامت: مو مشكلة اجلسوا هنا واتفهموا وانا راح اجلس على الكراسي اللي في الممر لو خلصتم قولولي
طلعت سهام من الغرفة وجالس فارس في الكرسي اللى قبال مجد
فارس بهدوء: ابي تفسير للي حصل
مجد: ماصارشي عشان اعطك عليه تفسير
فارس بنفس هدوءه : مجد ما انصحك تشوفين وجهي الثاني
مجد: نفس الشي بنسبة ليه
رن جوال مجد . حطته صامت
فارس: مين اللى يتصل
مجد رفعت كتفها بلا مبالاه: ما ادري
فارس بشك : متاكده ما تدرين
مجد بستغراب : ايه الرقم غريب
فارس وقف: كلمي امك واختك راح نرجع الشرقية اليوم
مجد: رحلتنا بكره الصباح
فارس: ماشي راح اروح معاكم
مجد: اوكي راح اشوف لك حجز
فارس: يلا قومي اشوف اوصلك لفندق
مجد: ازكي بس دقايق اكلم مشاري أقوله لا يجي
فارس تافف
مجد تنهدت: فارس واللى يرحم لي امك ترى شيطاطين الدنيا كلها فوق راسي
فارس بشوية عصبية: يعنى انا اللى مو فوق راسي
مجد عصبت: خير جالس تتافف ومن اول جالس تخاصم
فارس جلس: استغفر الله العظيم استغفر الله
دخلت سهام بعد ما سمعت صراخهم: صلوا على النبي وش فيكم انتم
فارس تنهد: اللهم صلى وسلم على سيدنا محمد
مجد: صلى الله عليه وسلم
سهام: وش فيكم كانكم بزران عيب
فارس وقف: اسفين على الازعاج دكتورة (طالع في مجد) يلا قومي
قامت مجد مع فارس وما تناقشت لانه نفسيتها دمار
**********************************************************
وصل مجد ورجع عند اهلة . كانو كلهم موجودين بدون استناء . سلم على امه وابوه وجلس . كل يوم على هذا الحال من دخلت ريم المستشفى . يكونوا مع بعض بجسم بس كل واحد يسرح في عالمه . بس هذي المره قطع الصمت جيهان
جيهان: يبة
ابوفهد: هلا يبه
جيهان: انا ابي اقولكم شي
أبو فهد : قولي يابنتي اسمعك
جيهان : انا ابي انفصل عن عبدالمحسن
الكل انصدم
ام فهد: يا بنتي فكري
جيهان: انا فكرت تمام في الموضوع وطلبت من دكتوره سهام تكتب لي تقرير عشان ريم تكون عندي لو قامت بسلامة (طالعت في ابوها) أتمنى انك تكلم عبدالمحسن وتقوله يطلقني . ولو ما رضي بروح المحكمة واسوي خلع
أبو فهد: ان شاء الله يابنتي سوى اللى يريحك وانا معك ولو صار وربى اخذ امانة في عند سند فهد وفارس
جيهان: بعيد الشر يبة
أبو فهد : فارس
فارس: سم يبة
أبو فهد:كلم عبدالمحسن وقوله اني ابيه
فارس: ان شاء الله يبة ابشر
أبو فهد: الله يبشرك بالجنة
***********************************************تعليق
-
رد: روايتي الثانية مراهقات جمعتنا ظروف مختلفة لكاتبة /Roby
البارت الرابع والاربعين
دخل المستشفى ومعاه بنته . سال الرسبشين عندها وقالوا لازم يأخذ اذن من الدكتورة المسئولة عنها . راح عند سهام وبعد ما دق الباب دخلوا
عبدالمحسن: سلام عليكم
سهام: وعليكم سلام (اشرت لهم سهام يجلسوا وجلسوا) كيف اقدر اساعدك
عبدالمحسن: جاي اشوف بنتي وقالوا لازم اخذ اذن منك
سهام: طيب سا اخوي وش اسم بنتك
عبدالمحسن: ريم ريم عبدالمحسن ال.............
سهام حاولة تخبي صدمتها: اسفة بس ما اقدر اخليك تشوفها
عبدالمحسن طالع فيها: وليش ان شاء . أمها وخوالها زاروها واحنا ممنوع
سهام بجدية: لانه حالتها ما تسمح . وفوق كذه انتم اللى دخلتوها في الحالة اللى هيا فيها
روان : طيب ممكن نعرف كيف صحتها الحين
سهام كانت مقهور من روان: وتهمك صحتها
روان انصدمت من كلام سهام: نعم
سهام: انا اسفة ما اقدر اعطيكم أي معلومات عن المريضة . لانه الوصي عليها واللى دخلت المستشفى باسمه فهد ال.....
عبدالمحسن: يعنى تمنعينى من اني اشوف بنتي
سهام: اسفة
قام عبدالمحسن وهو معصب : راح اشوفها غصب عنك (طالع في روان) قومي نروح الإدارة
طلعوا من عند سهام وحطت راسها على المكتب . متاكد انها لو دخلتهم عندها او حتى لو سمعت أصواتهم راح تنتكس حالتها
*********************************************************************
رجعوا البيت بعد ما تغدوا بره واشتروا شوية أشياء
مشاعل بملل: ابلة أسماء ابي اروح بيتنا
أسماء تطقطق في الجوال: اول شي انا هنا اسمي عمة أسماء مو ابلة أسماء وثاني شي انا اعطيتك كلمتي من اول . تبين تروحين بيتكم تكلمي
مشاعل خلاص وصلت حدها : وش تبين أقول هاا
أسماء : تعرفين زين وش المطلوب منك
مشاعل بكيت: ياخي مو غصب ما ابي أتكلم
أسماء طالعت فيها وببتسامة: اجل اجلسي
مشاعل وهيا تكى: هيا اللي بدات . انا كنت جالسه في حالي والاواجب وحلته وش تبى مني
أسماء عدت جلستها وطالعت في مشاعل تعرفها وتعرف شخصيتها زين . واضح انها وصلت حدها
مشاعل: وش دخل امي وابوي في الموضوع هااا
أسماء بهدوء: وش قالت
مشاعل : تقول اذا امك وابوك معرفوا يربوكي انا اربيك
أسماء: وبعدين
مشاعل وهيا تمسح دموعها: قلتلها انا متربة زي ما انتي متربية . لو انا متربية انتي متربية ولو انا لا وانتي كمان لا . بعدها عصبت على وجهي وقامت تقول امشي عند المديرة يا وقحة
أسماء: طيب انتي الحين ليش زعلانه
مشاعل بقهر: لانك خليتها تروح وعاقبتني
أسماء: طيب تعرفين ليش عاقبتك
مشاعل سكتت
أسماء : عاقبتك لانك بنتي وتربتي وما احب بنتي تطاول اعلى اللي اكبر منهم . حتى لو كانت هيا اللى بدات المفروض ما ترديين عليها . مشاعل اكتفت بانها تقوم تحضن أسماء وتبكى في حضنها
******************************************************
كانت تتعشى مع أهلها يوم جاها اتصال من المستشفى بانها لازم تروح حالا . كانت خايفة ومتوتره موت . دخلت المستشفى وجرى راحت على قسم العناية المركز . شافت دكتور محمد ومعاه دكتور ة خلود راحت لهم جرى
سهام بخوف واضح على وجهها : وش صار
دكتورة خلود: حالتها ما تبشر ابدا بالخير
سهام : ليش
خلود: نبضها ضعيف جدا .
سهام: الأعضاء الحيوية كيف
خلود: سوينا لها تحاليل كله تمام بس المشكلة
في نبضها ومرتين ينزل الضغط بشكل مفاجئ
سهام : وكيفها الحين
خلود: مستقره حالتها
سهام بتفكير : في احد جاها اليوم
خلود : أتوقع في احد من أهلها جاء بس بتحديد ما اعرف مين تقدرين تراجعين سجل الزائرين
سهام هزت راسها بطيب وجلست على الكرسي . فجاءة تذكرت عبدالمحسن وروان . نزلت جرى على الرسبشن . وطلبت ملف الزوار بعد ما طلعت . وبفعل كان اسم عبدالمحسن وروان ضمنهم
سهام عصبت على الممرضة اللى كانت في الرسيشين : موانا قلت ما احد يدخل عندريم قبل ما تكلموني
الممرضة وهيا خايفة: انا مالي صلاح . المدير هو اللى دخلهم
سهام رمت الأوراق بقهر: استغفر الله العظيم . استغفر الله
**********************************************************
في احدى قصور الرياض كانت جالسة وابوها جنبها . من دخلت ريم في غيبوبة وهيا داخله في حالة اكتئاب
أبو لارا: يا لارا يا بنتي ما يصير كذه
ام لارا: كلى يا بنتي لو شوية
ابولارا: يا بنتي شوفي حتى بنتك مو عارفه ارضها من سماها
لارا بهدوء: ما ابي اكل
ابولارا: عشان خاطري
لارا ببرود: اطلعوا بره ابي انام
انسدحت على السرير وغطت وجهها
قاموا ام وأبو لارا طفوا الانوار واخذوا سوسو معاهم وطلعوا.
ام لارا: الله بسعدك شوف لها حل أخاف عليها
ابولارا: ما في يدنا غير اننا ندعي لريم انها تقوم بسلامة
ام لارا: الله يقومها بسلامة
أبو لارا: امين يارب
***********************************************
صباح يوم جديد سعيد لبعض وكئيب او عادي لبعض
توهم وصلوا المنطقة الشرقية وبمجرد ما فتحت جوالها انهل عليهم كم هال من رسائل المكالمات الفائتة كلها من راشد .وكان فيه كذه رسالة . فتحت اخر رسالة وكانت صورة ملف . تحاول تذكر وين شافته وين شافته . وفجاءة تذكرت هذا ملف الحسابات حق الشركة . بس كيف وصل لراشد
كانت تمشى مع فارس ورائها أمها وغادة وأخيرا مشاري . وقفت شوي من الصدمة
فارس بستغراب: مجد فيك شي
مجد ما ردت
هزها فارس : بنت فيك شي
مجد طالعت فيه وبعدها طالعت في مشاري وبقلق : مصيبة يامشاري مصيبة (طالعت في فارس المستغرب) فارس الله يسعدك خذ امي وغادة البيت
طالعت مشاري : يلا
راحت جرى ومشاري بدوره لحقها
ام مجد بخوف: مجد وجهها مو طبيعي صار شي متاكدة؛(طالعت فارس) الحقها ياولدي الحقها
فارس: وانتي ياخالة
ام مجد: ادل البيت بنروح مع التاكسي
لحقهم فارس بسرعة وعلى اخر لحظة كانوا راح يحركوا . ركب السيارة بالقوة
مجد رجعت اتصلت على راشد بس ما رد . وحاولت كذه مررره وبعد خمس مكالمات رد
راشد ضحك: كان ما رديتي احسن
مجد بعصبية: ياحقير من وين جبت الملف
راشد: لا لا لا عيب يامجد انتي في مواقف ما يسمح لك انك تطولين لسانك
مجد راح يجن جنونها:مو انت تعلمني العيب سامع
راشد بجدية: تعرفين انو هذا الملف مخم وراح يوديك في الف دهية ويشرد اهلك . بس بشويات ارقام واوراق
مجد بهدوء: وش تبي
راشد: ما راح اقولك شي قبل ما نتقابل . بما اني انا الحين في بيتكم اشرب قهوتي مع أبو معتز وش رايك تشرفين
مجد بقهر: حقير
سمعت صوت خالها يدخل المجلس
أبو معتز: تاخرت عليك
راشد: لا عادي (ورجع السماعة لاذنه) يلا مع سلام خالد اكلمك شوي
مجد جن جنونها على الاخر طالعت مشاري:على الشركة بسرعة
فارس ما كان فاهم شي بس كان زي الأطرش في الزفة . مشاري مافهم الموضوع ككل بس فهم نوعا ما
وصوا الشركة ونزلت مجد وعلى طول مشاري وفارس كانوا روائها . دخلت المصعد وطلعت فوق بسرعة. من سرعتها معظم الموظفين كانوا مصدومين . دخلت المكتب وقفلت الباب ورائها . راحت وفتحت الدرجة . طلعت من مسدس وبسرعة .طلعت بسرعة وفارس مسكها من يدها: ممكن افهم وش اللى قاعد يصير
مجد بجدية: مو مهم
فكت يدها من فارس وطلعت من الشركة . وفارس ما زال ورائها يحسها متورطة في شي كبير . استقرت السيارة قدام بيتهم . نزلت بسرعة ودخلت ومشاري وفارس ورائها . قربت من المجلس وسمعت صوت راشد . فتحت الاب بقوة وشافت راشد وخالها يتقهوا . خالها انصدم بقوة وراشد ابتسم
راشد: ياهلا والله بمجد نورتي
مجد طالعت في خالها: هذا هيا الثقة اللى اعطينك هيا ( وبصراخ) هااا . بس تدري خاطري اروح السجن (طلعت المسدس وصوبته على خالها) كذه احتمال كبير انو عيالك وزوجتك يكون لهم نصيب من الورث
أبو معتز بخوف: مجد انت فاهمة الموضوع غلط
مجد بتريقة: اجل غلط . يلا ما عندي شي الحين فهمنى
أبو معتز مازال خايف
مجد بجدية: بدا العد التنازلي 10. 9 . 8 . 7. 6 . 5. 4.
مشاري بقلق: مجد نزلي المسدس
مجد: ما احد دخلك
فارس كان شي مصدوم اول مرة يشوف هذا الجزء من شخصية مجد . وبنسبة لراشد كان مستمتع يشرب قهوة
فارس كان يحاول يقرب من مجد عشان يسحب المسدس منها
مجد بجدية: فارس لا تدخل
وبحركة سريعة اطلقت على رجل خالها . طاح في مكانه من الألم
مجد بجدية: على بالك ما اعرف استخدم المسدس . بس طلقه وحده اخليك هنا ميت في مكانك
ام مجد يوم سمعت صوت المسدس دخلت بسرعة . شافت اخوها على الأرض ينزف وفي يد بنتها مسدس . جات بتروح عنده بصوت مجد وقفها
مجد بعصبية: قلتلكم لا احد يدخل
فارس بهدوء: مجد ياقلبي انتي الحين معصبة نزلي المسدس وخلينا نتفاهم
مجد : العد التنازلى الثاني 10 . 9 . 8 . 7. 6. 5 .
معتز بخوف : بتكلم والله راح أتكلم . عمك هو السبب هددني بمعتز وبنتي . الله يسعدك انا مستعد اتحمل كل العواقب وماعندي أي إشكالية اروح السجن بس لا تقتليني
مجد بنبرة سخرية: تخاف من الموت خالو (ويوجه حزين مصطنع) اسفة بس انت مو لازم تعيش . لازم تموت الحين (وبجدية) الحين الحين
صوبت المسدس على راس خالها: راح تعورك بس مو مررره
استعدت انها تطلق وبحركة سريعة مشاري دفها وجات الطلقة على الجدران
الكل كان في حالة صدمة حتى أبو معتز كان مصدوم وكل خلية في جسمة تنتفض من الخوف
راشد قام وصفق : حلوه الدراما اعطيها 10 من 10 .( اخذت الملف واعطه مجد) تدرين ليش رجعته عشان ما ابي اخذ شي بمساعدة احد . وهذا درس عشان تعرفين من هو راشد . بس 10 الف وخالك وافق على العرض
طلع وتركهم تحت صدمتهم
*************************************************************
حالتها جدا سيئة . ما تدرى وش تسوى بس كل اللى في يدها انها تكلم أمها تجي عندها وصديقاتها يمكن هذا يحسن من حالتها . كلمت جيهان وبفعل مسافة الطريق وكانت عندها هيا وامها وفهد
جيهان: سهام ريم فيها شي
سهام تنهدت: امس بعد ما طلعت من المستشفى عبدالمحسن جاء ومعاه روان . بعدها حالتها انتكست . هم السبب في اللى صار . يوم تسمع صوتهم عقلها راح يذكر الاحداث وراح تنتكس حالتها . ابيك تكلموا كل الأشخاص اللى تعزهم ريم كلهم عشان هم وحدهم اللى يقدروا يطلعوها من اللى هيا فيه
جيهان حطت يدها على فمها تمنع بكاها
سهام: لازم تكونين قوية . عشان ريم تستمد قوتها منك
جيهان: يارب صبرني يارب
فهد: طيب نقدر نشوفها
سهام: يب اكيد . واذا ممكن كلم فارس وقله يخلى مجد تجي . واتوقع في وحده من صديقات ريم في الشرقية بس ما اذكر اسمها (طالعت جيهان) ايش اسمها
جيهان تبكى: منيرة
سهام: ايوه منيرة لو تقدروا تكلموها عشان تجي
ام فهد: ان شاء الله
سهام: لازم نكون حولها ولازم احنا ما نضعف عشان هيا ما تضعف
********************************************************تعليق
-
رد: روايتي الثانية مراهقات جمعتنا ظروف مختلفة لكاتبة /Roby
وهذي بارتين هدية لكم:
اتمنى لكم قراءة ممتعة
واتمنى لكم درجات عالية
تعليق
-
رد: روايتي الثانية مراهقات جمعتنا ظروف مختلفة لكاتبة /Roby
عن أن أبى هريرة حدثهم أن رسول الله قال : من صام رمضان إيمانا واحتسابا غفر له ما تقدم من ذنبه ومن قام ليلة القدر إيمانا واحتسابا غفر له ما تقدم من ذنبه
رواه مسلم(760)
البارت الخامس والاربعين
يوم جديد وصباح جديد وحياة جديدة
قامت وهيا مروقه وفي راسها انها تنتقم بطريقتها . امس طول الليل وهيا تخطط كيف تأخذ حقها . اخذت لها شور سريع وبسرعة نزلت تحت سلمت على أمها وابوها
أبو مشاعل: يبة شعولة اجلسي افطري معنا
مشاعل: مرة ثانية يا غالي . لازم اروح الحين
موضى تطالع ساعتها: باقي على الجرس
مشاعل: راح امر واخذ لي فطور انا والبنات
أبو مشاعل: معاك فلوس
مشاعل باست ابوها: يب يالغالي
موضى: لا واضح انو بنتك مروقة اليوم
مشاعل لعبت بشعرها: انا طول عمري مروقة
موضى: الله لا يغير عليك
مشاعل ببتسامة: يلا مع السلام
موضى: مع السلام في حفظ الرحمن
طلعت من البيت وطلبت من السايق يمر اقرب محل ويجيب لهم فطور . كلمت لمار وقالتلها تجهز هيا راح تمر تاخذها اليوم
*******************************************
وصلوا المنطقة الشرقية بسلام . أسماء ومنال في المدرسة . وراكان سافر وأبو راكان بعد مسافر . ما كان في الا كات اللى استقبلتهم
كات: تحبوا تفطروا . اعمل لكم فطور
رامي: راح نتسبح الأول وبعدين راح نطلع نفطر بره
كات: ماشي مو مشكلة . غرفتكم مرتبة ونظيفة
منيرة بتعب: رامي وش رايك ناجل سالفة الخروج لظهر. منه نروح ناخذ منال وخالة أسماء ونتغدى مع بعض . والله فيني نوم
رامي ببتسامة: ما تتعبين من النوم كيس نوم انتي
منيرة رفعت حواجبها: لا تسوى نفسك طالع منها . امس من الساعة 9 نايم وبقوة قمت وصليت الفجر
رامي ضحك: عادي الحين انا ما ابي انام وانتي تبي تنامين وبعدين تعالى هنا مافي احسن من نوم الليل
منيرة طلعت الدرج وطنشته: فاضي انت . انا بروح انام
رامي لحقها: دقيقة جاي معاكي
*****************************************************
كانت جالسه في مكتبها تعبت من كثر التفكير ما تدري اذا كان هذا القرار صح ولا خطا . ما تعرف بجد وش تسوي . اخذت نفس طويل وبعدها تنهدت
مشاري طالع فيها: مجد انتي بخير
مجد طالعت فيه بضياع: هلا
مشاري: لو تعبانة . ارجعي البيت وانا راح اكمل الشغل عنك
مجد: في بالى شغله وأول مره احتار كذه وما اعرف وش اختار
مشاري: استخري
مجد : هلا
مشاري: ما خاب من استخار
مجد: من جد كمان . فوضت امري الى الله
******************************************************
كانو في البيت يوم وصلوا عبدالمحسن وروان . دخلوا الصالة . ومن دخلوا فارس قام طلع من المكان بدون ما يسلم عليهم حتى . وكان باقي أبو فهد وام فهد وفهد . سلموا على الكل وجلسوا
عبدالمحسن : هلا ياعمي بقيتني في شي
ابوفهد: ايه ياولدي .
عبدالمحسن: عسى الموضوع خير
ابوفهد: ان شاء الله خير . وانت تعرفني ياولدي ما احب الف وادور . وراح اعطيك الموضوع من الاخر
عبدالمحسن ما يعرف ليش حس بخوف : اسمعك ياعمي
أبو فهد طالع فيه: جيهان تبي منك تطلقها
عبدالمحسن وروان كان الموضوع عليهم صدمة
روان بصدمة: كيف يعنى
أبو فهد: الموضوع ما يحتاج تفسير يا بنتي وانت كبيرة ماشاء الله ومتعلمه . ما يحتاج اشرح لك اكثر
عبدالمحسن بصدمة: كيف يعمي وليش
ابوفهد: هذي رغبة جيهان ياولدي
عبدالمحسن: بس (طالع في ابوفهد) ممكن اشوفها
أبو فهد: لو بيدي عادي . بس هيا رافضة
روان تبي تبكى: ما يصير كذه وانا وريم
ابوفهد: تقول لو ريم قامت بسلامة راح تجلس عندها وانتي اجلسي عند ابوك
روان طالعة في ابوها: يبه راح تطلق امي
عبدالمحسن : مستحيل مستحيل اطلق جيهان
ابوفهد: ياولدي هيا تقول ما راح يكون بينكم صلح ولاشي ولو ما طلقتها هيا راح تطلب الخلع
عبدالمحسن ما عرف وش يقول وروان ما زالت تحت تاثير الصدمة
*************************************************************************
دق جرس الحصة الثالثة معلن عن بداية الحصة الرابع
قامت وراحت قدام
مشاعل طالعت في غادة: قسم بالله لو فتحتي فمك بكلمه راح اخليك تكرهين حياتك. وتعرفين مشاعل لو صارت مجنونة وش ممكن تسوي
غادة بتردد: بس راح تنقص درجاتنا
مشاعل: ذاكري زين عشان ما تنقصين واذا على مشاركة راح تاخذيها كاملة
غادة سكتت
مشاعل خبطت راس غادة على الخفيف: ما اسمع رد
غادة بخوف من مشاعل: ان شاء الله
مشاعل صفرت والبنات صفقوا : ما بقيتي
جلست مشاعل على الماصة وقروبها حولها . دخلت ميهاف
ميهاف: السلام عليكم
البنات بضحك: وعليكم السلام
ميهاف: اجلسوا على الكراسي عشان نبدا الدرس
مشاعل بستهبال : في احد يتكلم
لمار : باقي على الحصة باقي
بتول: شوشو غني لنا الله يسعدك
مشاعل: طقاقة عندك
غيداء: امانة امانة شعولة
مشاعل: خلاص انا اغني وانتم تطقوا خلاص
سما: قدام يلا
مشاعل بستهبال : وين واحو وين واحو يا بنت سنتين . وين واحو ا
غيداء: لا ما نبي هذي نبى يا بابا
مشاعل بحماس: ابشري ما طلبتي شي
مشاعل بستهبال : ياميهاف اسنان واو وديني عن الطيب مع بدي شوكالاتة بس بدي اشرب الحليب
ميهاف بعصبية: وقفوا هذي المهزلة لا انادي ابلة أسماء
سما : مشاعل مشاعل
مشاعل : هااا
سما: ميهاف بتروح تعلم الإدارة
مشاعل ومعاها البنات بستهبال : عمري ما بعيدها توبة ميهاف توبة
طلعت من الفصل وهيا معصبة . ورجعت بعد دقايق ومعها أسماء . البنات كانو جالسين بهدوء وكتبهم قدامهم
أسماء طالعت في ميهاف: وش فيه
ميهاف: كلهم كانو يغنوا ويرقصوا
مشاعل بطفش: من يغنى على نهاية الترم بالله وفي حصة رياضيات كمان
ميهاف طالعت في مشاعل بصدمة: اسالي البنات يا ابلة أسماء . اساليهم اذا مشاعل وشلتها كانو يغنوا ولا
البنات: ما احد غنى ابلة أسماء
ميهاف بصدمة: اسالي غادة ابلة أسماء
أسماء: غادة وش صار
غادة طالعت في أسماء : ما صار شي ابلة
ميهاف فتحت عيونها على الأخير
ابلة أسماء تنهدت: الله المستعان
طلعت من الفصل وطلعت وراها ميهاف
مشاعل ببتسامة: شطورة غادة كذه اضمن لك انك راح تتخرجين بسلام (وبستهبال) وحده وحده وحده وحده غادة احلى وحده
**************************************************
رجعت البيت ودخلت الصالة شافت أمها واختها جالسين
مجد: السلام عليكم
غادة وامها: وعليكم السلام
جات بتطلع نادتها أمها
ام مجد: ابي أتكلم معاك
مجد جلست : هلا
ام مجد: لي صار قبل موضوع خالك
مجد تنهدت: خلاص موضوع خالي صار في الماضي . ولو تبين تتواصلين معه انا ما راح اتدخل في الموضوع . هذا اخوك
ام مجد: طيب راح ينسجن
مجد: ما راح ينسجن لانه تنزلنا على القضية .
ام مجد: طيب زوجته وعياله . هو باقي في المستشفى
مجد: ما لي صلاح فيهم في هذي الفترة ولو يبوا يعشوا هنا كيفهم بس اهم شي اني ما اشوف وجه خالى هنا في البيت
ام مجد : طيب
مجد: حلو بما انك فتحتي هذا الموضوع انا كمان عندي موضوع ابي افتحه معاكي
ام مجد: هلا
مجد: انا ما عاد ابي ارتبط بفارس
ام مجد وسعت عيونها: نعم
مجد: أتوقع انو سعادتي أكون عزباء
ام مجد: بس يابنتي
مجد ببتسامة: انا راح أقوله . وجهزوا انتي وغادة راح نسافر بره على نهاية الأسبوع نغير جو
ام مجد: مجد يمة
مجد قامت: اعرف زين وش راح تقولين بس خلاص انتهى الموضوع انا اختارت اللي ابية
ام مجد: ماشي اللى يريحك
********************************************************
قامت واخذت لها شور وبعدين صلت الظهر . شافت رامي باقي ما قام . قومته اكثر من مرة وقبل ما يقوم جننها
منيرة وهيا تقلده: انتي ما تشبعين من النوم انتي كيس نوم
رامي وهو بمشط شعره: وش اسوي عاد اخذني النوم
منيرة : أقول لا يكثر يلا بس نروح عشان ناخذ عمه أسماء ومنال ونتغدى
رامي: اوكي 10 دقايق بس
منيرة اخذت عبايتها وشنطتها: انا انتظرك تحت ولا تطول
رامي: ليش قالوا لك بنت عشان أطول
منيرة رفعت حواجبها: لا بالله مو كان البينت اللى تقول عليها جهزت قبل
رامي ببتسامة: مره في السنة بس مو زي البنات مية مررة
منيرة تنهدت: خلص خلص
*************************************************
رجعت البيت وما حصلت احد دورت على أمها وجدها بس ما حصلت أي احد منهم . كلمت أمها اكثر من مرره وما ردت
لمار سالت الشغالة: وين ماما
الشغالة: هيا في روح مستشفى
لمار بخوف: ليش
الشغالة: هذا بابا كبير مافي كويس
لمار:: أي مستشقى راحو
الشغالة : مافي يعرف
لمار بقلق : خلص روحي
اخذت جوالها وكلمت مشاعل بعد كم دقيقة ردت عليها مشاعل
مشاعل توها كانت طالعه من الحمام (الله يكرمكم ) اخذت لها شور وكانت تجفف شعرها
مشاعل: هلا لمور
لمار تبي تبكى : مشاعل جدو ما اعرف وش فيه
مشاعل: لمور حبيبتي اخهدى وفهمني وش صار
لمار: رجعت البيت مافي ولا احد سالت الشغالة وقالت انهم راحو المستشفى . جدو تعبان . كلمت ماما بس ما ترد انا مررره خايفة
مشاعل: لمور حبيبتي ان شاء الله مو صاير لجدك شي . وفوق كذه يمكن الجوال صامت عشان كذه امك ما ردت
لمار بكيت: انا خايفة شعولة موت
مشاعل بهدوء: لمور حبيبتي ما يصير اللي جالسة تسوي في نفسك بطلي تبكين
لمار مازالت تبكى: ان شاء الله
مشاعل تنهدت: اخلص من شعر واغير ملابسي واجيك اوكي
لمار بصوت مخنوق: ان شاء الله
*********************************************
في احد مطاعم الشرقية الفخم كانو هناك . منال ومنيرة ورامي وأسماء . تغدوا وقرروا انهم ياكلوا حلى قبل ما يرجع البيت
منيرة قررت تتشجع وتسال أسماء
منيرة: يمة
أسماء ببتسامة: هلا
منيرة: ابي اسالك عن حاجة
أسماء : اسالي ياقلبي
منيرة : خالة أسماء من متى تعرفين خالة اميرة
أسماء استغربت من سوال منيرة مره . ورامي كان حاس بتوترها . مسك يدها عشان يطمنها
رامي: ايوه الله صح يمة من متى تعرفيها
أسماء بستغراب: من زمان مررره
منيرة: ولمار من زمان كانت تدرس عندك في المدرسة
أسماء: لمار عندنا في المدرسة من الروضة . كانت صديقة مشاعل من وقتها . (وببتسامة) لمار كانت مررره هادية وفوق كذه دايما لوحدها . لانه اميرة وابوها كانوا دايما يسافروا وهيا على طول لوحدها
منيرة ببتسامة: واضح انها هادية مررره
أسماء: مررره . ما انسى فرحتها يوم جات أمها من الخارج . عاشت فوق 12 سنة بعيده عن أمها . أمها جات من الخارج قبل 3 او 4 سنوات
منيرة فتحت عيونها بصدمة : يعنى لمار ما كانت عايش مع أمها
أسماء : لا لمار كانت هنا عند جدها . واميرة كانت في أمريكا
منيرة ببتسامة : استغربت بس ليش عايشة هنا لوحدها
أسماء : ماعندي أي فكرة صراحة وما افتكر اني قد سالت اميرة عن هذا الشي . بس أتوقع يمكن كانت متعلقه في جدها
منيرة قلب مودها مية وثمانين درجة
أسماء: بامناسبة ليش تسالوا فجاءة عن اميرة ولمار
رامي ببتسامة: لا بس سمعت انو لمار تشبه منيرة وكنت ابي اعرف بنت مين
أسماء بمزح: منيرة انتبهى لا يحط عيونه على وحده الرجل ما يملي عيونهم الا التراب
رامي ضحك: ما لا يملى عيوني الا منيرة بس
أسماء ضحك: الله اكبر مين كان يتوقع انو رامي يتغير كذه
رامي ضحك: شوفتي كيف
***********************************************
دخلت المستشفى وقلبها مفزوع . قالوا لها بنتها مريض مره . طلعت مع الممرضة عند سهام و اول ما دخلت سالت عنها
جيهان بخوف: وش فيها ريم
سهام بهدوء: مافيها شي ياقلبي اهدي
جيهان بخوف: كيف اهدي وهم قالوا انها مو طيبة
سهام: اليوم نقلنها العناية المشدده . والحين تقريبا بس انتي اللى اقدر اخليك تشوفيها
جيهان بنكسار: سهام موقادرة افهم وش اللى جالس يصير مع ريم الله يسعدك فهمنى
هام تنهدت: انا بنفسي ما قادرة افهم . يعنى من جد الموضوع ما كان محتاج كل هذا الزعل . بس تعرفين مستحيل نشوف الموضوع بنفس الطريقة اللى هما يشوفها
جيهان تحاول تمسك نفسها: الله يصبرني الله بصبرني . يارب لا تاخذها منى زي ما اخذت توامها راكان
*************************************************
رجعوا البيت . وكانو في الصالة . حاولة كذه مرره تتصل على ريم بس ما ترد عليها
منيرة: يمة
أسماء اللى كانت تشتغل على أوراق: هلا منور
منيرة بقلق: يمة ممكن تكلمين خالة جيهان ابي اكلم ريم . من يوم الأربعاء في الليل اكلمها ما ترد والحين جوالها مقفل
أسماء: ايه حبيبتي تعالى خذي جوالي وكلميها
منيرة: لا الله يسعدك يمة انتي كلميها انا استحي
أسماء: اوكي
اخذت جوالها وكلمت على جيهان .وما ردت
أسماء: ماترد منور . بس أتوقع لو شافت الاتصال راح ترجع تتصل
جات أسماء تحط الجوال الا جيهان تتصل عليها
أسماء ببتسامة: شوفيها اتصلت
ردت أسماء: ياهلا والله
جيهان : ياهلا فيك زود
أسماء: كيفك ياقلبي اخبارك
جيهان: حمدالله تمام. كيفك انتي وكيف رامي ومنيرة ومنال
أسماء: والله الحمدلله كلنا بخير ناقصنا شوفتكم
جيهان ابتسمت: تسلمين لى حبيبتي
أسماء: بعد حي انتي . الا جيهان حبيت اسالك عن ريم . منيرة تقول تتصل عليها بس ما ترد
جيهان تنهدت: ادعوا لها تقوم بسلامة
أسماء قامت من المكان ونظرات منيرة تلحقها . جات تبي تلحقها بس رامي مسكها لانه احس انو في شي مستحيل امه تقوم كذه بدون سبب
رامي ببتسامة: على وين
منيرة اشرت بيدها على الاتجاه اللى راحت فيه أسماء: بكلم ريم
رامي: لو كانت موجودة اكيد راح تجيب لك امي الجوال
أسماء جلست على الكرسي اللى جنب الدرج : وش صار
جيهان: ريموتي جميلتي دخلت غيبوبة
أسماء : لا حول ولا قوة الا بالله . لا حول ولا قوة الا بالله . وفي أي مستشفى
جيهان: في الرياض . عند دكتورتها الأولى . تعرفين بعد ما مات توامها كانت تتعالج عندها وهيا اللى قالت ننقلها الرياض
أسماء: خلاص ان شاء الله راح نكون عندكم اليوم ولا بكره . باذن الله
جيهان: لا تتعبين نفسك يا أسماء اعرف انو عندك مدرسة وكذه
أسماء: جيهان لا تقولين كذه احنا صديقات لو ما وقفنا معاك الحين متى راح نوقف معاك .
جيهان: الله لا يحرمنى منك ياقلبي
أسماء ببتسامة: ولا منك ياقلبي يلا اشوفك على خير
جيهان: مع السلام
أسماء : مع السلام
*************************************************************
قامت من النوم واخذت لها شور اكلت لها تفاح واخذت دوائها هذي الفترة تأخذ حبوب اكتئاب . لبست فستان بلون ابيض . دكتورتها قالتلها هذي الفترة تبعد عن الألوان الغامقه . حطت قلوس لون وردي وتركت شعرها مفتوح نزلت الصالة وما شافت أمها ولا بنتها استغربت .رجعت طلعت فوق .دخلت غرفة أمها حصلتها فاضية . راح على غرفة بنتها كمان حصلتها فاضية . نزلت تحت وجلست في الصالة . وقالت لشغالة تجيب لها عصير .دخلت جينا
لارا: جينا وين امي وسوزان
جينا : بصراحة يعنى هم راحو المستشفى
لارا : ليش
جينا: بصراحة سوزان تعبانة كتير
لارا بخوف: وش فيها
جينا: ما بنعرف صرت ما عم تاكل والصباح كانت حرارتها مرتفعة
اخذت جوالها وكلمت أمها
لارا بخوف : سلام عليكم
ام لارا: وعليكم السلام
لارا بخوف : يمة وش فيها سوسو
ام لارا فرحت لانها طلعت من غرفتها: ما فيها الا العافية
لارا: وينك في في أي مستشفى الحين راح اجي
ام لارا: لا احنا خلص شوفينا دقايق وندخل ان شاء الله
لارا: اوكي انتظركم
قفلت من أمها وجلست تدور و تنتظر القلق كان واضح عليها . دقايق ودخلت أمها وراءها المربية شايلة سوزان
ام لارا: السلام عليكم
لارا ببتسامة: وعليكم السلام (على طول راحت شالت سوزان منها) . كان واضح انها بكيت وجهها احمر
لارا بخوف: يمة وش فيها
ام لارا: ما فيها شي بس سخونة ونزلت برد. الدكتور اعطها ابرة وكتب لها ادوية وحطوا لها مغذية
لارا وهيا تضمها لضنها: يا ليت فيني ولا فيك ياقلبي انتي
سوزان كانت تضحك وشعر أمها في فمها
لارا وهيا تطلع الشعر من فمها: كخ
سوازن ضحك
لارا وهيا تضحك: أي وش عليك كولي شعري بارك الله فيك
المريبة : مدام ممكن يعطني بيبي لازم غير ملابس واعطي اكل
لارا : خذيها
المربية جات تشيلها . وتمسكت في أمها وبدات تبكى
لارا ببتسامة: وش الدموع هذي يالدلوعه هااا . وش الدلع هذا . (طالعت في المربية) خلاص جهزي الملابس الحين انا اغير لها . وجهزي الاكل بعد انا راح اكلها
ام لارا مره فرحة لانه نفسية بنتها بدات تفك
لارا طالعت أمها: ماما احنا بنطلع عشان نغير تجى معانا
ام لارا: اكيد
لارا ببتسامة: وش رايك يمة بعد ما نغير ملابس سوزان نتقهوى في الحديقة
ام لارا: والله فكرة حلوه
قامت لارا : اجل يلا طلعنا
ام لارا ابتسمت: لاوش الشياكة هذي وشش الاناقة هذي
لارا تطالع في فستانها: اعجبك
ام لارا : اكيد
طلعوا فوق وام لارا تدعى في سرها انو نفسية بنتها تظل كذه .
******************************************************************
رجعت الصالة وهيا محتارة كيف تقول لمنيرة الموضوع
أسماء: منور يمة الله يسعدك في أوراق فوق في غرفتي احتاجها ممكن تروحين تجيبها لي عشان منال يندمكن ما راح تعرف تجبيها ورامي كسول
منيرة ببتسامة: اكيد يمة بس وينها
أسماء: تحصليها في الصالة على الطاولة
منيرة قامت: ان شاء الله الحين اجيبها
طلعت منيرة وأسماء طالعت في رامي
رامي : صاير شي
أسماء: اول شى انا راح احجز لنا بنروح الرياض الليلة او بكرة الصباح وبنسبة لمنيرة راح اترك الموضوع لك انت تقولها .
رامي : وش صار
أسماء: ريم في المستشفى
رامي عدل جلسته: وش فيها
أسماء: ما اعرف التفاصيل بس دخلت غيبوبة
قطع حديثهم صوت الارواق اللى طاحت على الأرض
منيرة بصدمة: قول انك تمزحين خالة أسماء . الله يسعدك قولي انك تمزحين
قام رامي وراح صوبها : منور الله يرضى عليك اهدي . ادعي لها الله يصلح
منيرة مسكت رامي وجلست تبكى: رامي الله يسعدك خليها تقوم . انا راح ابعد عنها . أتوقع انا السبب . شوف يوم كنت مع امي وابوي واختي ماتوا . وبعدين رحت عند جدة ماتت كمان . والحين ريم . والله راح ابعد عنها بس خليها تقوم
جلست على الأرض تبكى . جلس جنبها رامي وضمها
رامي: بس ياقلبي انتي بس . ان شاء الله راح تقوم بسلامة . بس يروح رامي بس
منيرة بين شهقاتها: الله يسعدك رامي . انا احب ريم والله احبها
رامي : لو تحبيها ادعي لها .
المكان كان هادي ومافي الاصوت بكى منيرة
أسماء حطت يدها على راس منيرة وبحنية: ادعي لها منور . هيا محتاجه دعائك
منال : منور الله يخليك لا تبكين
منيرة بصوت هادي ما سمعه الا رامي: مخنوقة
رامي قام وقوم منيرة معاه: يمة بنطلع الحديقة
أسماء: اوكي
اخذها رامي وطلعوا الحديقة. جلس وجلسها فوقه: ادعي لها يامنيرة
منيرة اكتفت انها تهز راسها . تعبانة بكل ما تحمله الكلمة الخبر صعقها بجد . ماتعرف ليش تذكرت أمها ومناير وجدتها وابوها
منيرة بهدوء: تتوقع عشان انا صديقتها . كل الناس اللى ادخل على حياتهم يموتوا
رامي: منيرة
منيرة طالعت فيه بضياع: رامي خلاص طلقني . ما ابي يصير لك شي انت وخالة أسماء
رامي حطت يده على فمها: لو سمعتك ثاني مره تقولين هذا الكلام ياويلك . سمعتى
منيرة : بس رامي
رامي : منور وش قلت
منيرة اكتفت انها تسكت
رامي: قومي نجهز عشان نروح الرياض
منيرة: ان شاء الله
قاموا منيرة ورامي دخلوا داخل
**************************************************
غيرت ملابس بنتها ونزلوا هيا وامها يتقهوى
لارا وهيا تلعب سوازن : ماما اقولك شي
ام لارا: اكيد ياقلبي
لارا: ماما انا اليوم مره خفت . خفت يصير لها شي خفت انها تروح منى . انا اعرف اني كنت مهملة في الأيام اللى طافت . بس انا كنت ابي اكرها
ام لارا: مافي احد يكره ولده يا بنتي
لارا: بس يمه تعرفين انه هددني وراح ياخذها
ام لارا: ماراح ياخذها طول ما انا وابوك عايشين
لارا: يمه بس
ام لارا: يمه لارا لو يهددك مية مرره ماراح ياخذها
لارا ضمتها لحضنها: ان شاء الله
ام لارا ضمت بنتها: اوعدك ما راح ياخذها . نزل دمعتك مره ومستحيل اسمح له ينزلها مرره
لارا ابتسمت: الله يمة . من زمان عن حضنك
ام لارا: عاد وش اسوي لك انتي تقولين ماما صرت كبيرة انا ام
لارا: طيب وانا صادقة
ام لارا: تظلين صغيرة في عيوني . وبفعل صغيرة وزواجك كان غلطه
لارا: يمه . لا تقولين غلطه . قولي تجربة
ام لارا: خلاص تجربة (باستها على راسها) الله لا يحرمنى منك
لارا: ولا منك يمة
**********************************************************
بعد تفكير طويل اخذت جوالها واتصلت عليه
مجد: السلام عليكم
فارس: وعليكم السلام هلا مجد
مجد: كيفك . كيف صحتك
فارس: حمدلله تمام . كيفك انتي اخبارك
مجد: حمدلله تمام ( سكتت)
فارس حاس انو في شي : فيك شي مجد . راشد رجع لكم
مجد: لا ما رجع . بس انا ابي اقولك شي
فارس تنهد براحة: هلا وش عندك
مجد: فارس ابي اقولك شي وأتمنى انك ما تزعل
فارس ما ارتاح لنبرة صوتها : هلا وش تبين تقولين
مجد تنهدت : فارس انت رجل والنعم فيك والف بنت تتمنى تكون من ناصيبك . اكتشفت اني راح أكون مبسوطة اكثر بين الشركة والدراسة . ما أتوقع اني جاهزة عشان أكون ام او زوجه . انا متعوده اطلع وادخل زي ما ابي وما احب احد يدخل فيني او يتحكم فيني هذا اللى متعوده عليه من وانا صغيره . فلوس المهر والشبكة راح يوصلك كامل. انا اسفة ومع السلام
فقل عشان ما تضعف او تسمع صوته وتغير رايها وتندم
********************************************
كانت جالسه مع أهلها دخلت عليهم وفي يدها ظرف
روان: السلام عليكم
الجد والجدة: وعليكم السلام ورحمة الله وبركاته
سلمت روان على جدها وجدتها ويوم جات تسلم على أمها . صدت عنها
روان وهيا تبي تبكى: يمة . يمة الله يخليك لا تصدين عنى . انا غلطت وانا اسفة
جيهان قامت: يمة لو هذي البنت راحت كلمني انزل
روان مسكت أمها : يمه الله يسعدك بس اسمعنى
جيهان: نزل يدك عنى
روان : يمه انا بنتك
جيهان بدون ما تطالع فيها: انا ما عندي الا بنت وحده الله يقومها بسلامة
نزلت جيهان يد روان وراحت تركت لها
جلست روان تبكى
الجدة: يمة روان لا تبكين راح تسامحك بس هيا زعلانه الحين . وراح ترضى عنك
روان وهي تبكى: جدة انا غلطت وعرفت غلطي .
الجدة: راح ترضى عليك يمة بس انتي اصبري
روان مسحت دموعها: ان شاء الله
قامت ولفت طرحتها: جدة هذا اعطي هذا امي
الجدة بستغراب: وش هذا
روان بحزن: هذي أوراق طلاقها . وارواق تنازل عن ريم
الجدة: لا حول ولا قوة الا بالله
روان: يلا جدة انا راح امشي
الجدة: الله يحفظك يابنتي
قامت روان وراحت وهيا طالعه دخل فارس . واضح انه كان في عالم ثاني . دخل وعلى طول طلع بدون ما يدخل الصالة . كان بيروح غرفتة وشاف انوار غرفة جيهان مفتوحه. دق الباب ودخل . راح بهدوء وحط راسه على فخذ جيهان
جيهان بخوف من شكله: فارس فيك شي . صار لك شي
فارس ضحك بشماته على حاله: انرفضت اليوم وباقي على زواجي أسبوع .
جيهان وهيا مو فاهمة : وش صار
فارس: كلمتني وقالت انها ما تبي تزوج . في عمري وحياتي ما قد كلمت بنت ولا حبيت بنت . هيا اول بنت احبها وبعد ما حبيتها تركتني
جيهان: صار شي بينكم
فارس هز راسه بلا . مكسور مرره مكسور بس ما يبي يبكى ما يبي ينزل دموعه
****************************************
صباح يوم جديد قامت . كالعادة فطرت على السريع وعلى طول على المستشفى . المفروض اجازتها بدات بس الغت الاجازة عشان ريم . دخلت المستشفى تحس اليوم بتفاؤل غريب ما تعرف ليش . مرت الرسبشين
الممرضة: دكتورة في بنت جات من الصبح تبي تشوف مريضة من مريضاتك . وجالسه تنظرك لحد الحين
سهام: ما تعرفين اسمها
الممرضة: لا والله
سهام: خلاص ارسليها لغرفتي
الممرضة : اوكي
طلعت سهام غرفتها . حطت القهوة على المكتب ولبست الروب حقها وجلست . دقايق واندق الباب
سهام: ادخل
دخلت منيرة وراءها رامي
منيرة: السلام عليكم
سهام: وعليكم السلام هلا ياعسل كيف اقدر اساعدك
منيرة: لو سمحتى دكتورة ممكن تسمحين لي اشوف صديقتى
سهام: مين هيا صديقتك
منيرة: اسمها ريم . ريم عبدالمحسن
سهام: والله ياقلبي قبل امس حالتها قلبت ونقلنها العناية المركزة ما راح اقدر اسمح لك
منيرة بترجى: الله يسعدك ويفتح لك ابواب الجنة. قلبي ما راح يرتاح الا يوم اشوفها الله يسعدك
سهام طالعت في منيرة وشافت الرجاء في عيونها
سهام: اوكي راح اخليك تشوفينها بس خمس دقايق اوكي
منيرة بفرح: طيب
سهام قامت: الحقيني
لحقت منيرة سهام ورامي جلس ينتظرها عند غرفة سهام . وبعد التعقيم وكذه . دلت منيرة عند ريم. كانت نايمة كانها طفلة صغيرة شعرها على المخده منثور. قربت منها منيرة وباست راسها . جلست على الكرسي اللى كان جنب السريرة
منيرة: تعرفين شي ريمو . ما راح ابكى ابدا . ودكتوره سهام قالت بس عندي خمس دقايق عشان كذه ما راح اضيعها
فتحت منيرة شنطتها وطلعت منها مصحف صغير . فتحت وبدات تقراء بصوت الجميل الهادي اللى يدخل الراحة والطمأنية لكل اللى يسمعه . القران شفاء القوب وغذاء الروح والقلب وكلام ليس لها مثيل
انتهت الخمس دقايق وقررت سهام تدخل . فتحت الباب . ويوم سمعت صوت منيرة يرتل باجمل كلام وقفت للحظة هيا كمان تسمع . هيا الوحيد من بينهم عرفت الشي اللى راح يريح ريم من جد . كلهم بكوا وما قدروا يمسكوا نفسهم بس هيا طلعت غير عنهم . انسحب سهام بهدوء وجلست . مرت 10 دقايق . نص ساعة . ساعة
قفلت منيرة المصحف وباست ريم على جبينها : بكره كمن راح اجي ان شاء الله واحاول في الدكتورة لحد ما تخليني ادخلك عندك
تنهدت وطلعت من الغرفة
سهام ببتسامة: خلصتي
منيرة ابتسمت: يب
سهام : اجل يلا نزلنا
منيرة هزت راسها
***********************************************************تعليق
-
رد: روايتي الثانية مراهقات جمعتنا ظروف مختلفة لكاتبة /Roby
كل عام وانتم بخير ياقلبيرمضان كريم
وان شاء الله لنا لقاء بعد رمضان . كنت ابي اخلص الرواية بس الوقت بالفعل خلص تقديم الاختبارات . بصراحة ما حبيت اخلص الرواية بسرد الاحداث بشكل سريع لانه باقي احداث كثيرة
عشان كذه لنا لقاء باذن واحداث مثيرة في اول ايام عيد الفطر
صياما مقبولا
تعليق
-
رد: روايتي الثانية مراهقات جمعتنا ظروف مختلفة لكاتبة /Roby
كل عام وانتي بخير
وحشتني مرره
وش هذي البارتات الحلوه زيك
الاحداث اللى صارت قوية ومتحمسه لبارت الجايتعليق
تعليق