روايه شيطانه وسط ملاكين بقلمي

**الكاتبة اسماء** · 10-01-2016, 05:08 PM

رد: روايه شيطانه وسط ملاكين بقلمي

البارت حددددده عجيب ......

1 :- سلطان قرر انه يبي رنا وصديقاتها وله مجرد لعبة .؟
قرر انه يبي رنا ورفيجاتها

2 :- عهود صدق بتزوج لين لاخرها ؟.
اي

3 :- لين ممكن توافق ؟
ماعتقد

4 :- هزاع بيظل قوي وله بيرجع زي قبل ؟
بيظل قوي

5 :- هل نهاية غزل بتكون زي سيرين ؟
لا أكيد راح يصير شي

6 :- فرأس ممكن يصحى من الغيبوبة وله بيموت وهو فيها ؟
بيقعد

7 :- محمد بيعتذر ل ملاك وله لا .؟
اعتقد انه بيحاول يعتذر

8 :- مروه ممكن تسامحه .؟
أكيد بحاول وهيا راح تقهره بس مادري شلون ..؟!

**Ђŋt ą ßσЎ** · 15-01-2016, 10:24 AM

رد: روايه شيطانه وسط ملاكين بقلمي

ترقبوا البارت الثامن عشر اليوم الليل باذن الخالق ..!
اتمنى تفاعل يحمس للكتابة
دمتم بخخير ..!

**smile123** · 16-01-2016, 11:48 PM

رد: روايه شيطانه وسط ملاكين بقلمي

وين البارت طولي أتمنى ينزل بسرعه

**الكاتبة اسماء** · 17-01-2016, 02:31 AM

رد: روايه شيطانه وسط ملاكين بقلمي

وين البارت ؟؟؟!!!!!

**Ђŋt ą ßσЎ** · 17-01-2016, 02:50 PM

رد: روايه شيطانه وسط ملاكين بقلمي

الحين ينزل البارت و خلاص مقرر
كل احد و خميس في باأرت
واذا صار لي ظروف ببلغكم إن شاء الله ..!
شكرا ع المتابعه ي عسولات

**Ђŋt ą ßσЎ** · 17-01-2016, 03:14 PM

رد: روايه شيطانه وسط ملاكين بقلمي

البارت الثامن ع( 18 )شر ..!

راحت ل غرفتها وقفلت الباب
واول ما لفت انصدمت
ملك بصدمة : اأنت ...!!
ابتسم وفتح يديه الثنتين كانه يرحب فيها ل حظنه : اي انا
ملك صدت عنه
نزل يده ب قهر : يابنت الحلال اقولك احبك وانتي مو معبره
ملك لفت له وناظرته بحده : باين الحب لو صدق تحبني ما كان خليتني هنا ثانية وحده
عوره قلبه : انتي من انولدي وانتي هنا وانا من انولدت وانا مع سلطان
واتربينا مع بعض وكنا نلعب مع لعض نسيتي
ملك باستهزاء : هههههههه يا عمري لعبنا مع بعض هاه .. وبحده .. شدخل هذا ب هذاك
ب قهر : ملك
ملك ب عصبية : سيد
سيد ابتسم : اه يا حلو اسمي ع لسانك
ملك بصدمه : اقول لا تتخرفن لي الحين
سيد يستهبل ع راسها : لو تبيني اصير خروف ل عيونج بصير
ملك : اطلع برع
سيد قرب منها : كلمت سلطان واقنعته رح تجين عندي اقصد عندنا ب مخبانا
ملك ب فرحه و ببراءة : صدق
سيد ابتسم : صدق يا عيون سيد انتي
ملك عفست وجهها : لا تصدق نفسك فرحت لاني بفتك من حاتم ومنذر
سيد بعده مبتسم : لا تكذبي ميته من الفرحه لانك بتجلسين معي
ملك بصدمه : سيدوه عن المصاخه قلت لك ما احبك ما تفهم
سيد : احلفي
ملك رفعت جاحب : يا مسلم انته عاد
سيد : اوهو شفيك انتي
ملك ابتسمت : ما فيني شي
سيد : ملاكي
ملك : عله
سيد انصدمت : تعلك
ملك صدت عنه وراحت للباب وفتحته ولفت له واشتر ع الباب يعني
برع
سيد ابتسم راح للكنبه وجلس رجل ع رجل وقال
: ماني متحرك من هني
ملك ضربت راسها : اخ ع هالنشبه
سكرت الباب وراحت جلست جنبه
تذكرت كل شي قال لها عنه ابو سلطان
قبل لا يموت كان عنده مرض
الايدز
ونقله لام سلطان وبعدين ماتوا
وطبعا ابو راكان و الجماعه قالوا ل سلطان انه حادث
بدت تتذكر كل شي قال لها ياه

................................*....................................

ابو سلطان وهو منهد حيله هد العمى : بنتي انا اسف
بس كل هذا يلي صار معك ومع امك واختك
ملك ببكى : اخ حرام عليك ليش سويت فيها كذا
ابو سلطان طاحت دمعته : ندمان و ربي ندمان بس ابو راكان والجماعه ما يبون يوقفون كل يلي صار
ملك : طيب هما عايشين
ابو سلطان : اي عايشين
ملك بحماس وخوف : وييين وييين
ابو سلطان وهو يلفظ اخر انفاسه : اخ..تك ف .. ف مسقط وامك ف البحري....ننن
ومات
ملك : وين بالضبط وييين بالضبط
شافته ما يتحرك
ملك خافت تقرب منه لان شكله يقرف وخافت ع نفسها
انهارت لانها عرفت انه مات
كل يلي تعرفه اختها ف مسقط وامها بالبحرين .!

صحت من ذكراها
ودموعها ع خدها وراسها ع كتف سيد
حست ع نفسها وقامت بسرعه ومسحت دموعها
سيد ابتسم ولف لها : شفي..ك
انصدم
سيد بخوف : ملك فيكي شي شي يعورك
ملك ناظرته : هههههههه الله يشفيك الحين انقلع
سيد : الحين يشفي من يلي تبكي وفجاه تموت ضحك وله العاقل يلي هو انا
ملك باستهزاء : عاقل ..!!!؟ ما شاء الله
اقول سير سير
سيد : اقول
ملك : لا تقول
سيد مسك شعرها
ملك : اي اي طيب قول ..!
سيد تركه : اي كذا احسن سمعي
ملك : شو
سيد : رح تظلين هنا اسبوعين عقبال ما نروح عمان ونجيب الصيدات الجديده ويوم نرد انتي
بتعلميهم كل شي وبعدين بتجي معي
ملك بتفكير : في احلامك
سيد بصدمه : طيب ليش هذا كان شرط سلطان الوحيد
ملك : تبيني اشتغل شغلكم الوصخ
سيد عصب : ملك غصب عنك بتسوي كل هذا فاهمه
ملاك بحده : لا يعني لا وانتهى النقاش لو اضل هنا كل عمري بس مستحيييل مستحييييل ارضى اسوي شغلكم
سيد : اف منك
قام وطلع وسكر الباب بقووة
ملك جلست : اه قهر اكيد شئت ام ابيت غصب عني بسوي يلي يبونه
وراحت انسدحت ع سريرها وقبل لا تنام تذكرت
قامت ع طول قفلت الباب مرتين ورجعت
جلست ع السرير
خمس دقائق الا هي ف سابع نومه ..!!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

في اليوم الثاني ..{ الساعة : 10:00 ص }..

صحت من نومها بكسل
قامت بشويش
ناحية الحمام
شغلت سخانة المويه عشان تسخن المويه .!!
وراحت للدرج خذت ملابس

وحطته ع السرير
فكت شعرها الكستنائي الطويل
يلي يوصل ل نص ظهرها ويعديه بشويات ..!
دخلت الحمام
خذت المنشفه وعلقتها ع الجدار يلي ما بين
البانيو و المغسله ..!
تروشت ب مويه دافئة مائله للحراره ..!
وهي تحت المويه
تفكر بكلامه وهو يطردها
..............................*..............................
ملاك بصدمه : استاذ طلال شفيك
طلال بعصبيه : اطلعي بررررررررررررررررررررررررررررررررع
...................................*..................................
بدا دمها يفور مع سخونه المويه ..!
ملاك : يا حقير يا واطي انا تطردني اناأإأا
كان حلمي اشتغل بالمشفى يلي انت تشتغل فيها
و هههههه الحين حلمي بيتحقق و انا احققه بنتقم منك يا حقيييييييير
رفعت راسها و رسمت ابتسامه كبيره
ملاك : رح نرجع للخطه يلي تركناها . فتره ..!!
الشيطاإنة رجعت .. يا طلال هههههه قصدي استاذ طلال

بعد نص ساعه

قفلت المويه وخذت المنشفه تنشفت وخلصت
طلعت لبست ملابسها ..!
خذت الاستشوار ونشفت شعرها .!
سيحته كامل و سوت رول للاطراف
ونفخت بف من قدام
سوت هالميك اب

وحطت قلوس لحمي ..!

لبست عباتها و حجابها ..!
تعطرت من عطرها الهادئ فلورا by جوتشي
بخت بختين لانها ما تحب تكثر ..!

ونزلت ..!

شافت أمهأإ يلي هي تفكرها امها بس هي مو كذا المهم
ملاك : صباح الخير يا وجه الخير
أمل بابتسامه : صباح النور حبيبتي
ملاك : يمه انا طالعه
امل باستغراب : ع وين من بكره الصبح
ملاك بخبث : ع المشفى
امل قامت بخوف : مشفى ليه يا عمري شي يعورك
ملاك ابتسمت : لا يالغالية بس عندي وبخبث موعد مع الدكتوره
امل : يعني كشف
ملاك : بالضبط
امل : طيب اجي معك
ملاك بانفعال : لا لا ماله داعي
امل : اوك حبيبتي طمنين
ملاك : اوك

دخل فواز ..!
وكان لابس لبس الشرطه
وباخ من عطره Gentelmen only Intense
وطالع وكان مستعجل

فواز : السلام عليكم ومع السلامه
وطلع
ملاك و { امل } : .؟.؟.؟.؟.؟.؟.؟!
ملاك : يالله باي
وطلعت ..!!
أمل تنهدت : اه يا سيرين وحشتيني
لالا لازم اعرف ان كنتي حيه لو ميته
زمان الضعف والخوف انتهى انا السبب بيلي صار لك وانا بساعدك فيه ان شاء الله
ادري فات الاوان بس لازم اعرف وينك
بس كيف ..؟؟
اول شي لازم اعرف هل انتي ب عمان لو لا .!
وبعدها بيبدا الشغل

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

قام من نومه
دخل الحمام
تروش وفرش اسنانه ..!
طلع من الحمام وكان لابس
جينز ازرق غامق وتي شرت ازرف فاتح
مشط شعره ورجعه ع وره
..!
فراس : اخ الله يقومك بالسلامة يا توأمي ..!
..........................
فارس الاهبل
فراس الجدي
للتذكير
....................................................
خذ بوكه ومفتاحه وتوجه للمشفى ..!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

للحين متردد يتصل لو ما يتصل
محمد : اه ممكن يا ترى تسامحني
طيب كل البنات سامحوني وقالوا الله معاك
ليه احس انها بتسوي لي بلوه لو اتصلت عليها ..!
لحظه ..!!
خلني التقي بالشباب مشعل & خالد & طلال & فواز & محمد وعندي فكره

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

كانت جالسة بغرفتها تفكر ..!!
مروه : لالا هالكلام ما يصير منير مو بكيفك ..!
راحت ل منير
مروه : منير ابي اكلمك
منير بملل : لو بتكلميني عن نوره ف مع السلامه
مروه جلست بجنبه : طيب عطني سبب واحد ليييه البنت شسوت لك
منير بالم يحاول يخفيه : ما سوت شئ
وبداخله : انا السبب ف كل شئ واخاف يصيبها شئ .!
مروه : منير وين سرحت
منير : وله مكان
مروه : طيب ليش ..!
منير بعصبيه : قلت لك مافي شئ خليني ب حالي
وقام طلع وصفق الباب بقوووة ..!
مروه فزت : بسم الله شفيه قلب 180 درجه اف لازم اعرف لييش .؟؟؟؟؟؟

{ برايكم فضول مروه ممكن يساعد منير ونورة ..!! }

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

صحى من النوم بنشاأإط تأإام
واخيرا اليوم بتكون الصيده بيده وبيوديها ل سلطان
قام تروش ولبس بنطلون سكيني اسود وقميص ابيض و جاكيت رسمي اسود ..!
والشوز الكحلي ومشط شعره
ونزل تحت

شاف رنا منسدحة ع الكنبة وتطالع تلفزيون ..!
تذكر كلام سلطان ..!
......................
انا ابيها وابي صديقاتها ..!
........................
ابتسم كذا بيكبر في عين الرئيس ..!
كويس ميه ميه
مشعل : رنا
رنا : هممم
مشعل : انتي ما عندك جامعه كله جالسه بالبيت
رنا : شو اسوي ملل فالجامعة
مشعل جاته فكره : سمعي اجتمعي انتي وصديقاتك اليوم وانا بوديكم لأي مكان تبونه
رنا فزت : صددق
مشعل بخبث : صدق صدق ويالله انا طالع ..!
رنا : باي باي

وراحت فوق تخبر صديقاتها ..!
{ بحياأتي كلها ما شفت اخ مثل مشعل طيب ودي اختك بس ليش اخواتك الثنتين ..! }

المهم ..!

اتصل ع سلطان
مشعل : هلا سلطان
سلطان : اهلين هاه شو ..!
مشعل : اليوم فريأل ورنا وميرا وريماس عندك
سلطان وهو يصفق { حركه ابوه خخخ } : الله الله علييك ..!
مشعل ابتسم : طيب شلون بوديهم فرنسا ..!
سلطان : اسمع الخطه .. انا وانت و وليد و عمار وياسر و امير عايشين ب عمان صح .؟
مشعل : صح
سلطان : والهنوف وريان وسيد و رائد عايشين ب فرنسا صح .؟
مشعل : صحين
سلطان : تمام يوم يكونون البنات عندك تعال عند حديقة **** هناك باخذ البنات انا منك ..!!
وبعدين بعطيهم ل وليد واصحابه يودونهم فرنسا وهم يضلون هناك
بحيث اذا جو اصحاب فرنسا ل عمان عشان خططهم ع الأقل بيكون في حد جالس فالمخباه
فهمتني
مشعل : تم ع الساعة 10:00 الليل نلتقي وبعطيك البنات
سلطان : والله الشغل معك تحفة
مشعل ابتسم
وسكروا ..!

اتصل ع فريال ..!
مشعل : هلا ب قمري .!
فريال بحيا : اهلين فيك حبيبي ..!
مشعل بخبث : هاه اليوم بنلتقي جاإهزة
فريال : ههههه اي جاهزة بس لوين بنروح
مشعل : ل جهنم ..!
فريال بصدمه : شو
مشعل تدارك نفسه : هههههههههههههه امزح شفييك بنروح لمكان يهبل ..!
فريال ابتسمت : ههههه انت ومزحك يلي يخوف مره الرئيس يبيك ومره جهنم شو هالمزح المهم انا باقي لي شوي واكون جاهزة
مشعل : سمعي فريوله ..!
فريأال ابتسم : عنونها
مشعل : فديت عنونها ..! بس لا تقولين لاحد انك جاية معي
فريال باستغراب : ليش
مشعل ف داخله { عشان اذا اختفيتي ما يجون عندي ويقولون انت وهي كانت معك ومدري وشو }
مشعل : لا بس اخاف اخوانك يسوون سالفة
فريال : احنا مالكين خلاص يعني عادي انت الحين زوجي ..!
مشعل : فريولة ..! عشان خاطري قولي انك رايحه مع صديقتك وممكن تطولين هناك ..!
فريال ابتسمت : إن شاء الله حبيبي
مشعل : يالله باي
فريال : بباي
وقفلوا
مشعل : الله يقرفك ..!
وطلع ركب سيارته ..!
اتصل ع الشياطين كلههم وخبرهم الخطه ..!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

في فرنساأ ..!

الهنوف : مرحبا غزوله شخبارك .!!
غزل : تمام وانتي يا هنوف
الهنوف : تماموا
غزل : دوم ان شاء الله ..!
الهنوف : وياك سسمعي انا مشغوله بقولك شئ ع السريع وبعدها بقفل
بعد يومين بجي عمان اتمنى اقابلك في حديقة ****
سي يو
غزل : ههههههه اوك اوك باي

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

بعد ما طردها من بيته وقال لها
: ما ترجعيين لهنا الا يوم تبدأ جلسه المحكمه لانك طالق طالق و طالق
ام فراس { دلال } : اه يا ربي انا شسويت
وقامت تبكي
جات جنبها تهديها وهي تقول لها
......... : انتي اهدي وما يصير الا يلي تبينه
دلال : سمعي حابه اقولك ان خطتك هذي فاشلة فاشلة شلون تضحكين ع الناس كذا
........: الحين انا مسكنتنك بشقتي السرية يلي ما يدري عنها احد
و واقفة بصفك وانتي تقولين لي كذا
دلال : من خوفي عليك
...........: لا تخافين ***** ما ينخاف عليها
دلال : طيب يا ***** وش خطتك ومين يساعدك وشو بتكسبين فالاخر
..........: وليش تبيني اقولك
دلال : لاني اولا صديقتك ثانيا انتي يلي غصبتيني اعطي الدكتور رشوة
ثالثا يمكن اساعدك ..!!
.........: ههههههههه تعرفين تلعبينها على طيب بقولك كل شي
سمعي ..................................................!!
وهذي القصه من اولها لاخرها
دلال فتحت فمها ع الاخر : تستهبلين صح
.......: مبين علي استهبل
دلال بفهاوة : لا
.....: عيل بلعي لسانك
دلال : طيب وشلون بتساعديهم
.....: تعرفين لياأإن
دلال : ممم لا
.....: بنت زوجي هذيك
دلال : اخت تركي
........: اي
دلال : اوك وش فيها
.........: هي تعرف امور الهكر وتسذا وبقولهم يخطفونها عشان تكون بديل ل راكان
دلال : وانتي شدراك انها تعرف كل هذا يا زوجة سلطان
.......: ههههههه عجبتني هذي زوجة سلطاأإن
دلال : هههه طيب لا تضيعين الموضوع شلون دريتي انها تعرف تهكر
.........: تذكرين يوم قلت لك اني بهذلت نفسي ورحت عشان اثبت لهم اني مجنونة
دلال : ههههههههههههههههه لا تذكريني ياني متت ضحك ع شكلج
..............: المهم تذكرين
دلال : يب
.............: قبل لا ادخل سمعت لين تسئل ليان عن شو تسوي وهي قالت لها اهكر
فقالت لها لين لا تورطي نفسك فهالاشياء اذا عرفت الشرطه بتروحين ف داهية
و ليان هانم قالت انها اعرف اهكر تبع الشرطه بس مو جالسه اهكرها
دلال : يمكن تتباهى بس
.............: لالا لين وليان مو من هالنوع ..!
دلال : طيب يا هانم اظن ان الكل عرف من انتي فما يحتاج نحط نقاط مكان اسمك صح يا
هيفاء ..!
هيفاء : ههههههههه صح صح ..!
دلال : طيب سمعي انا مصدقه كل شي عن الشياطين ال 10 زي ما تقولي بس بجد بجد بدون مزاح
انتي زوجة رئيسهم ..!!
هيفاء : سمعي شو بقولك الرئيس كم عمره
دلال بملل : 32
هيفاء : وانا كم عمري
دلال : 40
هيفاء : هههههههههه هذا يلي الكل مفكرينه انا عمري يا حظي 27 بس ..!
دلال فتحت فمها ع الاخر ..!!!
هيفاء : وكمان قصه ان انا ما اجيب عيال كذب ب كذب
دلال بصدمه : طيب زوجك وينه
هيفاء : كل يوم اكلمه ويوم يجب عمان التقي فيه ..!!
دلال : يعني هو عايش ب فرنسا الحين
هيفاء بقهر : اي بسبب واحد حقير كشف موقعهم للشرطه وبسببهم راكان ماأإت
دلال : اها اوك .! اقدر اساعدك .؟!
هيفاء ناظرتها بخبث : انتي مفكره انا ليش قلت لك كل هالكلام ..!
دلال فهمت : ههههه عشان اساعدك ..!
هيفاء : بقولك شئ بس لا تنصدمي
دلال : قولي
هيفاء : مشعل ولد ام غزل معانا
دلال فتحت عينها وفمها : مشععل زوج بنتي
هيفاء حركت راسها فوق تحت بمعنى الرضا
دلال : لا يا هيفاء شقاعده تقولين انا بنهي كل هذا
هيفاء طلعت المسدس : وله حركه ..!!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

وصلت المشفى عشان تبدأ خطتها ..!
دخلت المشفى وقفت عند الرسبشن
ملاك : فراس بن **** ال *****
موظفه الاستقبال : غرفه رقم 250
ملاك : اوك شكرا
وراحت ..!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

ف نفس اللحظه
وصل هو للمشفى وراح لغرفه 250
وصل للغرفة شاف بنت جالسه ع كرسي الإنتظار
راح لها
فارس : السلام عليكم ..!
رفعت راسها برقه و نعومه مصطنعه وابتسمت بخبث حاولت اخفاءه : وعليكم السلام
فارس : ملاك .!!!!!!
ملاك ب نعومه : تفضل
فارس اول مره يخق مع بنت مع انه مو هذي سوالفه : شتسوين هنا
ملاك : جيت اشوف اخوك ولو انا السبب فالحادث ف قلت اتطمن
فارس : لا احنا يلي كنا مسرعين المهم شكرا ع اهتمامك
ملاك : فارس
فارس ذاب بس حاول يصلب نفسه : احم تفضلي
ملاك : هذا لأخوك اتمنى تعطيه لأن مو حلوه ادخل عنده
عطته بوكيه ورد ما بين اللون الاصفر و الوردي ومن النص سلسه
فيها فصوص ذهبيه و ورديه وطالعه ع انحاء البوكيه .. بشكل جذاب ..!
فارس ابتسم : شكرا وذوقج حلو ..!
ملاك بحيا مصطنع : العفو
فارس : احم
ملاك : كيف صارت حالته الحين
فارس : الحمدلله في تقدم واضح ..!
ملاك : كويس ..!
قاطعهم صوته ..!
.............: أهلا أهلا
ملاك طاأإح قلبها ..!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

كانو فالمول ..!
صقر : عهود اشتري كل شي ناقصج ..! عشان لا تاذيني بعدين
عهود : انا اشتريت اغراضي الشخصية وخليتها ف سلة { عربانه او ترولي اي شي تسمونه }
اما اغراض البيت ف باقي الخضرة وهذي الاشياءات
صقر : انا خلصت بروح الكوفي انتي اشتري وبعددين تعالي لاني تعبت
عهود : اووكي ..!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

كان قرفاأن من نفسه صاير خدامه ع اخر زمانه
تركي : اوووف هيفاء هانم اختفت فجاة وفوق انها مجنونة محد اهتم
وقالوا دائما تطلع وبعدين ترجع وتهبل فيهم
طيب تغيب المجنونة هذي
ليييش انا اشتري اغراض البيت ابغى افهههم ..!!!!!!!!!!!!
اف ولين راحت ناحيه الملابس
وليان ناحيه الاجهزةة .....
قاطعه جمالها وهي واقفة تختار الخضره
تركي بهمس وهو خاق : عهود
تصحصح وضرب جبهته
تركي : السلام عليكم
فزت ولفت له : بسم الله
تركي بمزح : جني قدامج
عهود : لا اسفه وعليكم السلام
تركي : شخبارج عهود
عهود بثقل ورزانه : الحمدلله شكرا ع سؤالك ..! وصقر فالكوفي
وراحت وما عطته فرصه يتكلم
تركي بقهر ضرب رجله بالارض

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

لين وهي تحوس بالملابس بتافف ..!
لين : اف مافي شئ حلو ..!
خلني اروح اجلس فالكوفي شوب لاني بموت من التعب .!!.
راحت للكوفي ..!
وقفت تطلب قهوه تروق فيها
لين : قهوه بلييز ..!
الموظف : اوك

ف نفس الوقت ..!
صقر جالس ع احدي الكراسي ..!
لف يمين يسار ينتظر عهود تجي
وهو يلف لفت انتباهه يلي واقفه
اي هي هي نفسها بنت المشفى ..!
كان بيروح يكلمها بس وقف نفسه وجلس ساكت ونزل راسه
ما يحب يطالع بنات الناأس ..!
يوم تصير زوجته يصير خير ..!

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

لفت وجهها ل تنصجم فيه منزل راسه
ويلعب بالمنديل يلي قدامه
ابتسمت لولا الحيا كان راحت كلمته
تذكرت انه اخو عهود يمكن تكون فرصه كويسه تروح تكلمه فيها
راحت عنده وباحراج : السلام عليكم
رفع راسه مصدوم ما توقع ابدا انها تيجي لعنده
وقف : وعليكم السلام
لين : احم شخبارك .؟
صقر وهو يحك رقبته : تمام وانتي
لين : كويسه ولله الحمد عهود جايه معك
صقر اها عشان عهود كويس : اي هي ف قسم الخضروات وهالاشياء
لين : اوك شكرا
صقر ابتسم : العفو
لين راحت خذت القهوه واتصلت ع ليان
لين : هلا ليان وينك
ليان بقهر : ب مركز الشرطه
لين فتحت فمها وعيونها

ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.ஜღ.

نهاية البارت
توقعاتكم وتفاعلكم ..!

نهاية حب سيد لملاك ايش هو .؟!
يا ترى ملك تحب سيد .؟!
ممكن هي تسوي يلي طلبه منها { تعلم البنات المخطوفات } .؟
ملاك ايش هي خطتها .؟!
فارس بيوقع ف الفخ .؟
فراس بيصحا وله لا .؟
مين يلي قاطع ملاك وفارس .؟!
ليش ملاك خافت منه .؟!
غزل ممكن انه ينقذوها لو بتوقع فالفخ .؟!
فريال رنا ميرا ريماس { اترك لكم حريه التعبير } يا ترى شو بيصير ..؟؟
مشعل ممكن يانبه ضميره ويترك الخطط .؟!
لين & صقر .؟ تركي & عهود .؟ شو بيصير فيهم ..!!؟
ليان ليه بمركز الشرطة .؟؟!
مين بتقابل ب مركز الشرطة .؟
صدمكم يلي صار مع هيفاء وكنتوا شاكين فيها وله صدقتوا كل شي .؟!
هيفاء بتقتل دلال .؟
لو كان جوابكم لا ..! هل ممكن أن دلال تفضح هيفاء .؟!
هل هيفاء صدق زوجة الرئيس { سلطان }.؟
السؤال الاهم ..!
سيرين وسعود عايشين ؟.؟
ام فواز { أمل } ممكن تلاقي صديقة عمرها لو لا .؟؟!
أكثر شخصية عجبتكم ..!!

ل تعرفوا كل هذا انتظروني ف البارت الجاأإي ..!!!

**smile123** · 18-01-2016, 06:00 AM

رد: روايه شيطانه وسط ملاكين بقلمي

روعه بس قصير

توقعاتي

نهايه حب سيد لملك ايش هو

يخطبها ويتزوجو

يا ترى ملك تحب سيد

لا

ممكن هي تسوي يلي طابع منها

لا ما اعتقد انها من هالنوع

ملاك ايش هي خطتها

تحاول تتقرب من طلال وبعدين تحبه من جد <<<عندي احساس يقول كذا وانه طلال هو اللي بينتقم من كل اللي لعبت عليها ملاك

فارس بيوقع ف الفخ

يمكن

فرأس بيصحى وله لا

ايوه

مين يلي قاطع ملاك وفارس

طلال

ليش ملاك خافت منه

لانه طلال وبيخرب خطتها

غزل ممكن انه ينقذوها لو بيتوقع فالفخ

اعتقد بينقذوها

فريال رنا ميرا ريماس ياترى شو بيصير

أتوقع انهم بيسلمهم للمدير

**smile123** · 18-01-2016, 06:06 AM

رد: روايه شيطانه وسط ملاكين بقلمي

مشغل ممكن يانبه ضميره ويترك المخطط

لا

لين وصقر بيتزوجو بعض

وعهود وتركي نفس الشي

ليان ليه بمركز الشرطه

مسكوها

مين بتقابل بمركز الشرطه

اخو ملاك فواز

صدمنا كثير ومتوقعت هاذا أبدا

ايوه

سيرين وسعود عايشين

ايوه لساتهم عايشين

ام فواز ممكن تلاقي صديقه عمرها لو لا
يمكن

اكثر شخصيه اعجبتني هي سعود وسيرين

**Ђŋt ą ßσЎ** · 18-01-2016, 11:35 AM

رد: روايه شيطانه وسط ملاكين بقلمي

المشاركة الأصلية بواسطة smile123

مشغل ممكن يانبه ضميره ويترك المخطط

لا

لين وصقر بيتزوجو بعض

وعهود وتركي نفس الشي

ليان ليه بمركز الشرطه

مسكوها

مين بتقابل بمركز الشرطه

اخو ملاك فواز

صدمنا كثير ومتوقعت هاذا أبدا

ايوه

سيرين وسعود عايشين

ايوه لساتهم عايشين

ام فواز ممكن تلاقي صديقه عمرها لو لا
يمكن

اكثر شخصيه اعجبتني هي سعود وسيرين

توقعات رائعة تابعيني ل حتي تعرفي ان كانت صحيحة ..!
اتمنى ان تقولين لي أي بارت كان طويل بالنسبة لك عشان اسوي كل البارتات بنفس طولهه
تحياتتي

**smile123** · 19-01-2016, 12:34 AM

رد: روايه شيطانه وسط ملاكين بقلمي

المشاركة الأصلية بواسطة Ђŋt ą ßσЎ

توقعات رائعة تابعيني ل حتي تعرفي ان كانت صحيحة ..!
اتمنى ان تقولين لي أي بارت كان طويل بالنسبة لك عشان اسوي كل البارتات بنفس طولهه
تحياتتي

تسلمي ان شاء الله

البارت هاذا ماكان قصير بس حسيت اني قريته بسرعه
واعتقد ان البارت 17 كان أطول واحد <<من وجهت نظري فقط

روايه شيطانه وسط ملاكين بقلمي

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget