رد: روايه ودي اضمك لين تختلط انفاسي معاك..

الأحداث بدت تنسى والحماس بدا يروح

رد: روايه ودي اضمك لين تختلط انفاسي معاك..

قيصر لما دخل لقى إيمان بكل حقاره وسفاهه جالسه بشقتهم عالكنبه الي تعورت فيها ميثا وتبتسم بأنتصار ولماسمعت الباب ينفتح وسعت ابتساماتها اكثر وصارت تضحك بصوت عالي لتقهر قيصر.......قيصر لمن شاف هالموقف انصدم وتسمر مكانه وماتحرك من الشي الي يشوفه اصلا هو مو مصدق عيونه
إيمان تضحك وتتكلم بأستهزاء لتقهره: ههههههههههههههاي هلا حبيبي شخبارك مع حبيبتك مييييثا
قيصر حمرت عيونه من العصبيه ومارد: .............
إيمان قامت وراحت ناحية مكان ماتعورت ميثا ومدت اصابعها ولمست الدم الي نزفته ميثا عالأرض لتقهره وهي تقول: ياحرام اكيد تعبان ورا ولدك انا متأسفه على حالكم والله..... وايد متأسفه يا............. قاطعها قيصر بصراخ: لاتفرحين وايد ولدي ماراح والحمدلله ان لنا رب ينصفنا
إيمان بحمق بس ماحبت تبينه : حبيبي لا تصارخ انا ماخسرت شي اهم شي بالي سويته اني خليتكم تعدمون ثقتم ببعض وتتخانقون ........ وكملت وهي تناظر المكان الي نزفت فيه ميثا: وهاذي نتيجة ماحققته اه بجد بردت بطني ياريت لو تموتون كلكم بعد .....
قيصر بعصبيه: انتي اكيد مو انسانه انتي حقيره وخايسه انت شيطان بهيئة انسان....وبعدين انتي كيف دخلتي لبيتنا
إيمان بأستفزاز: ياقلبي انته....انت لما كنت خايف على حبيبتك وام ولدك نسيت الباب مفتوح .... وانا من ساعة ما أخذت الظرف كنت اراقبك وسمعت كل كلمة صارت بينكم وحتى سمعتك لما دفيتها ولما كانت تتالم بجد حبيت هالمشهد تمنيت اشوف الصوره مع الصوت بجد كسرتوا خاطري انت وياها ههههههاي...كنت احس اني اشوف مسلسل عاطفي .......وكملت بمياعه: فهمت الحين..
قيصر عصب ماقدر يمسك نفسه فراح لها ومسكها من شعرها وعطاها اربعة كفوف ورا بعض وكل كف اقوى من الثاني وايمان كانت تصرخ من الخوف والالم وخدودها صارت حمرا من الكفوف ...... قيصر كان يزيد ويزيد الكفوف والضربات لين برد بطنه_
الجيران برا سمعوا الضجه وطلعوا يشوفون شلي صاير عندهم بالبنايه ومن ضمن هالجيران طلعوا اهل ايمان الي انصدموا لما شافوا بنتهم في بيت رجال غريب وهو يضربها بذيك الوحشيه
دخل ابوها لشقة قيصر وهو معصب
بو إيمان بعصبيه: ايش صاير هنا ...هيي انت ابعد عن بنتي ليش تضربها
قيصر بصراخ: بنتك هاذي الي ماعرفتوا تربونها انا اربيها بنتك هاذي اوطى انسانه شفتها بحياتي هاذي شيطان..... وصرررخ اكثر: شيطان
بو إيمان بحده: احترم نفسك ولا تتكلم عن بنتي بالسوء بنتي اشرف منك انت واهلك
قيصر نسى انه هالرجال الي عنده رجال كبير وبحسبة ابوه... فراح صوبه بعصبيه ومسك بيجامته من الرقبه وصرخ بوجهه: مالك دخل بأهلي وبعدين هالخايسه هي سبب مشاكلنا انا وزوجتي بنتك الي انت تحامي عليها هي السبب الي خلا زوجتي اليوم تبات بالمستشفى وثلاثه شهور بعد فلحظه كنا راح نفقد ولدنا بسبتها
بو إيمان بتوتر: ليش هي ايش سوت
قيصر بقوووه: سوت سوات الشيطان وفرقت بيني وبين زوجتي وخلتنا نشك في بعض ونكره بعض.. شهر انا وياها مانكلم بعض بسبتها ..... بسبب بنتك المحترمه الي مو شايف احد معها
بو إيمان استحى من قيصر ومن بنته قليلة الأدب الي سوت كل هالشي من وراهم واستحى من الكلام الي انقال عنها وكل الي بالبنايه سمعه
بو إيمان بقوووه: طيب السموحه ياولدي نحنا مادرينا بهالشي بس المفروض منك ماتمد ايدك على البنت... لو جيت عندنا نحنا بنتفهمك وبنتصرف معها
قيصر بسرعه راجع نفسه: اسف ياعمي بس طلعتني من طوري نحنا ماقصرنا مع بناتك يعلم الله ان زوجتي حبتهم وعدتهم مثل خواتها واحسن
نحنا هنا مالنا احد وبناتك هما الي كانوا بالنسبه لها كل شي بس بنتك هاذي مايبين في عينها العشره
منيره بخجل تأيد كلام قيصر: صدق يبه نحنا ماشفنا منهم الا كل خير ووثقوا فينا وفتحولنا بيتهم بس ايمان اختي انا كنت حاسه ان وراها شي بس مافكرت انها بتتجرأ وتسويها....
بو إيمان يهز راسه بأسف: نحنا اسفين وامسحها بوجوهنا يا....
قيصر بسرعه: انا قيصر...وانت بعد السموحه ياعمي اني رفعت صوتي عليك وانت رجال كبر ابوي بس الموقف طلعني من طوري
بو إيمان: عادي ياولدي اي واحد بمكانك مابيدري شو بيسوي من العصبيه
قيصر: بس مهما كان انا ماعذر نفسي على قلت ادبي......وتقدم يبوسه بجبينه بأسف..
بو ايمان بحرج وخجل من الي سوته بنته مايدري شو يسوي: لا عادي انا مسامحك...
وراح بسرعه لأيمان وشدها من شعرها وهو يجرها للبيت ومنيره رايحة وراهم وهي مستحيه من سوات اختها ....اما ايمان كانت تصارخ وتبكي
ايمان: يبه انا اسفه يبه ارجوك لا تسويلي شي يبه سامحني,..
قيصر من بعد مابرد بطنه فيها سكر باب شقتهم وراح يتسبح ويبدل وبعدها راح ياخذ لميثا ملابس ويحطها في شنطه وبعدها اخذ جواله ومفتاح سيارته وراح بسرعه لمستشفى ولما وصل للمستشفى ودخل للغرفه الي فيها ميثا طل براسه بتردد فكر اذا لقاها صاحيه ايش بيقول وكيف بيعتذرلها من بعد فعلته هاذي..بس اشتاق يحس انه مشتاق يشوفها رغم انها طول الوقت عنده بس من مشاكلهم الأخيره افتقد حس الشوق والتقرب منها
بس توكل على الله ودخل ولما دخل لقاها نايمه وباين من وجهها الأرهاق والتعب حس بذنب كبير لما شافها دخل بكل هدوء وراح يجلس بالكرسي جنبها ومسك ايدها وباسها بقوووه وعلى طول تلقائيا نزلت دمعه حاره بخده..كانت هاذي دمعت الندم والقهر كيف قدر في لحظه يشك فيها ويطعنها في كرامتها
وبعدها نظر لبطنها وارتاح لما شافها مثل ماهي وماشي تغير ارتاح وبقلبه صار يدعي ربه ويتحمده على هالنعمه ان ولده بعده وماراح لأنه لو يصير له شي راح يموت من الدنيا واحساسه بالذنب بعده ملاحقه
مد ايده وصار يتحسس بطنها بحب ومن ثم قام وباس بطنها وهو يقول
قيصر: سامحني ياسلطان ياوليدي .الحمدلله يارب انك بقيته لنا انا وامه الحمدلله
قيصر كان طول ليله يسولف ولده ويعتذر من امه الي ماسمعته وهو يشكي همومه بس كتفريغ شحنات القهر الي بداخله خلاه يكلم نفسه ويريح قلبه شوي

*******************************


الصباح عند منى قامت وراحت غسلت وجهها وتسبحت وبعدها رجعت للغرفه تبدل وتطلع تفطر بس قبل لا تطلع اخذت جوالها وقصدها بتطلع بس لقت جوالها يضوي كأنه جايها مسج ففتحت المسج لقته من وليد ومكتوب فيه
(صباح الخير حبيبتي شخبارج ؟....
اهلي حددوا العرس بعد ثلاثة شهور واليوم امي بتتصل بأمج وتقولها بس انا مو قادر اصبر وما اقولج الخبر قبلهم فجهزي نفسج بسرعه حبيبتي )
منى ابتسمت من شافت مسجه وردت عليه بمسج
( صباح الحب عمري...بس ليش هالسرعه مو احسن تخلونه بعد خمسة شهور)
ومن ارسلت المسج انتظرت شوي والا وتشوف اتصال....>>عمري يتصل بك<<
فردت بسرعه وبكل لهفه
منى: هلا حبيبي
وليد: اهلين ياقلبي ...ليش مافرحتي لما خبرتج بأن عرسنا بعد ثلاثة شهور
اهلين ياقلبي ...ليش مافرحتي لما خبرتج بأن عرسنا بعد ثلاثة شهور
منى بدلع: حبيبي انا بعد ماخلصت اغراضي
وليد: مو مهم حبيبتي عادي تكمليهم بعد مانتزوج
منى بسرعه: لا مابي مابي اكون عندك الا وانا مخلصه كل اغراضي
وليد: حبيبي ترا مو شرط لازم تلتزمين فيها معقوله مو مشتاقتلي مثل ما انا مشتاقلج
منى بخجل: طبعا اشتاقلج بس بعد اجهز نفسي زين حبيبي
وليد: انتوا الحريم ليش تحبون الكماليات اكثر من الأساسيات....وانا وجودي اساسي بحياتج احسن من الأغراض الي تبين تشترينها
منى بدلع: ادري بس بعد ابي اخلص نفسي ولكن بما انكم حددتوا وخالصين ماراح اعارض وبحاول اخلص نفسي بسرعه والله يعيني
وليد يقهرها: فديتج .. بس حبيبتي لا تتعبين نفسج ترا مو زين انتي عروس ولازم تتعتنين بنفسج
منى بقهر منه: ادري وانت شعرفك بهالسوالف
وليد يقهرها: حلوه هاذي ليش انا مو عايش بالدنيا علشان ماعرف شو بيدور فيها انا ابيج تجيني ملكه حلوه حبيبتي مو مبهذله
منى: اووف منك طلعت مانت بهين.... لا تخاف حبيبي بجيك اميره وملكه وكل شي تحبه فاهم
وليد بمرح: فديتج امزح معاج ولو تجيني انتي وبصلج ومرقتج وطالعتلي من المطبخ ابيج اهم شي تكونين جنبي
منى بخجل: هههههههاي ماصارت ...ليش عاد سندريلا
وليد بوله: فديت سندريلتي انا
منى: احبك
وليد: انا احبج واموت فيج حياتي
منى: طيب حبيبي انا بروح افطر يلا بخليك اوكي
وليد: اوكي قلبي مع السلامه
منى: مع السلامه حياتي...
ومن بعدها سكرت منه وراحت للصاله تفطر مع اهلها ولما نزلت لقت امها وخواتها عالسفره يفطرون وهي الي متأخره عليهم وطبعا ابوها واخوانها كلهم بالدوام....
الاء من شافتها مقبله عليهم تكلمت بالألغاز: ايه احسج وايد نشيطه اليوم ومرتاحه ايش صاير بالدنيا الي اعرفه من تجلسين عالسفره وانتي ساعه مغمضه وساعه فايقه اشمعنى اليوم
ايه: يمكن حلمت حلم حلو او صبحت بصوت الحبايب وهذا الي مخليني رايقه
الاء: ايه قوليلي شو سبب فرحتج اليوم بدل التأفف مالج الي حفظناه من تقومين
منى تطنش: ................
الاء تكمل: بجد ايه واضح انج رايقه لدرجه انج مارديتي علينا العاده تصارخين وتزعجين الخلق
ايه: ايه صادقه
ام زياد: هيي فريتوا روسنا من على الصبح اشفيكم إتحشون في مين خلوا عنكم الأخبار وتريقوا
منى تقهرهم: لا يمه خليهم يبردون بطونهم هم يموتون على الفتنه والمصخره
الاء تقهرها: بجد صدقتي وايد نحب الفتنه ماندري شنسوي من عاشر قوما عاد
ايه تغير موضوع: هههههاي الاء ايش رايش نروح للسوق ودي اشتري اغراض
منى نست وقالت بسرعه: وانا بروح معكم بعد ودي اخلص اغراضي بسرعه
الاء: مانبيج جلسي بالبيت
ايه: ليش مستعجله مشتاقه للحبيب ودج تتتزوجين بهالسرعه
منى تقهرهم: إيه اشتقت له فيها شي
ام زياد مقهوره منهم: بنات عيب هالكلام ايش هالزمن البنات ماصارت تستحي وتتكلم بها المواضيع عادي قدام الكل نحنا بزمانا عيب نقول هالكلام عند احد سبحان الله الدنيا تغيرت وماصار فيه حياء
الاء: عادي يمه خليج فري
ام زياد بعصبيه: اسكتي وخلي عنكم المصاخه
ايه: يمه الله يهداج نحنا ايش قلنا الحين
منى بهدوء: وبعدين يايمه عادي هذا صار زوجي وانا قلتها بحسن نيه ماقصد شي
ام زياد بقهر: ولو صار زوجج. هو بعده ما اخذج لبيته وانتوا مره ماتصدقون يملكون عليكم حتى مرره تاخذون راحتكم بالكلام بالطلعه والخرجه والله صرنا غرب مو عرب
الاء: اووه عجبتني هاذي غرب مو عرب يمه والله وطلع معاج تنسيق
ايه بغباء: خلاص انا بقول هالعباره بالمدرسه واشتهر فيها
منى: والله انكم بايخات توقعت عقولكم اكبر من كذا
الاء: طيب عطينا عقلج يالذكيه انتي
منى: واثقه اني ذكيه المكتوب مبين من عنوانه
الاء؛ ليش انتي انقلبتي كتاب علشان نعرفج من عنوانج....
ايه: هههههههههاي الظاهر كذا
ام زياد: والله الغباء زايد عندكم الله يستر منكم بس


*******************************



الصباح عند قيصر وميثا صحت ميثا من نومها لقت قيصر عندها نايم عالكرسي وحاط راسه عالسرير جنبها وكان شابك ايدينه بأيدينها فميثا عصبت منه وسحبت ايدينها بشويش من ايدينه وحطتها في حضنها كرهته ماودها تشوفه ولا حتى يلمسها ماهي طايقته من بعد الي سواه امس
وبعدها بدقايق كأنها تذكرت شي ورفعت ايدينها على بطنها بسرعه تتحسسها....
ميثا بربشه وخوف: ولدي ولدي ...قيصر قوم قوم بسرعه
قيصر قام بخوف: ها,, ميثا اشفيج
ميثا على طول تكلمت والدموع تارسه عينها: ولدي ولدي
قيصر خاف لا يكون ولده راح صار يخاف عليه وايد: اشفيه ولدج
ميثا بلهفه: ابي اعرف شخباره
قيصر بحب: بخير والحمدلله ماصار له شي
ميثا بعدم تصديق: بأمانه طمني امس انا نزفت وايد حسيته بيطلع
قيصر وهو يضع ايدينها بأيدينه ويضغط عليها وكأنه يطمنها: لا الحمدلله ماطلع الأطباء لحقوا عليه بسرعه
ميثا تتنفس بأرتياح وهي تحسس بطنها: الحمدلله الحمدلله يارب
قيصر بهدوء: بس راح يخلونج هالثلاثه الأشهر بالمستشفى
ميثا بفجعه: شووووو
قيصر: كذا قال الطبيب
ميثا بحده: مابي لا مابي
قيصر بحنيه: لازم علشان ولدنا يعيش لأنه بأي حركه منج كانت قوويه شوي الولد بيطيح فقالي الدكتور اني اخليج تحت انظارهم ليهتموا فيج اكثر
ميثا بصراخ: هذا كله منك انت طيحت ولدي انت الأناني وماتفكر الا بنفسك
قيصر بأنزعاج وهو يتذكر ليلة امس: ميثا خلاص انسي ماله داعي هذا
ميثا بقهر: هه تقولي انسي ليش هو ينتسى اصلا..... اولا شكيت فيني وبعدها كنت بتطيح ولدي وتقولي انسي
قيصر بأنكسار: بس انا بعد مظلوم
ميثا بعصبيه: انت مو مظلوم انت ظالم انا مابيك اطلع برا
قيصر بسرعه: إيمان سوت لنا كمين وخربت حياتنا
ميثا بحده: وايش بتستفيد من هالشي الي بتسويه
قيصر بتردد: إيمان طلعت تحبني وسوت كل هالشي علشان تفرقنا
ميثا بصدمه: تحبك
قيصر بهدوء: ايه
ميثا صرخت: اطلع برا مابي اشوفك اعصابي تعبانه ماودي اشوفك اطلع
قيصر يهديها: ميثا طيب هدي مو زين لج الحركه
ميثا: مابي وخر اطلع
قيصر بسرعه: خلص خلص بطلع بس هدي اعصابج....
طلع قيصر بسرعه وراح للدكتور خاف على زوجته لاتتعب وتطيح الولد
ميثا في الغرفه تحس ان الأكسجين توقف عندها وصارت تكح وتبكي بهستيريا وتصرخ
ميثا تصارخ: الله ياخذك ياقيصر الله ياخذك..

وبعد لحظات دخلوا الأطباء ووراهم قيصر... ميثا من شافت قيصر صرخت اكثر
ميثا: طلعوه مابي اشوفه مابي اشوف وجه اطلع يالحقير
قيصر بخوف: بسرعه لو سمحت عطوها مهديء
الطبيب: لو سمحت ياستاذ قيصر اطلع برا خلينا نكمل شغلنا
قيصر وهو يهز راسه: طيب بس بسرعه انا مابي اشوفها بهالحاله بجد اتعب
وراح بسرعه ناحية الباب وطلع.... اما الأطباء من بعد ماتعبوا وهم يهدون ميثا علشان يعطونها أبرة المهديء مسكوها بأحكام وحقنوها وبعد دقايق شافوا ان مفعول المهديء بدأ يبين عليها وانها بدت تهدى وتهذي وتنعس...... طلع الطبيب لبرا وبقت عندها الممرضتين شوي ليطمنوا انها نامت وهدت زيين
......................


برا عند قيصر لمن شاف الطبيب طلع من الغرفه الي فيها ميثا... مسك الطبيب يسأله بخوف
قيصر: دكتور طمني كيف صارت
الطبيب: كان عندها انهيار بسيط وعطيناها مهديء والحين بتنام وبترتاح لا تخاف زوجتك بتخف بس انت اصبر عليها
قيصر بخوف: يعني هالأنهيار بيرجع لها مره ثانيه
الطبيب: ماندري بس ادعي انه مايصير مره ثانيه بس انا استنتجت من ان بينك وبينها مشاكل صح...
قيصر بخجل نزل راسه وماتكلم: .................
الطبيب وهو يربت على كتف قيصر: اسف لايجب ان اتدخل بمشاكلكم اعذرني يا استاذ قيصر
قيصر يهز راسه بلا: ولا يهمك يادكتور عادي


*******************************





الظهر عالساعه (pm ‎1:55) عند المعاريس قام خالد من النوم ونظر للساعه لقاها يعني وصلت للثنتين فقام بسرعه لأنها طافته صلاة الظهر بس شي لفته وخلاه يناظر بعمق وحب وبعدم التصديق.... شاف حبيبته الي كانت امس بحضنه وبين ايدينه والي هي نايمه ومو حاسه بالدنيا...
فقرب منها وصار يلف بعيونه على ملامحها ووجهها كله وهو يبتسم بحب لها.... لها البنت الي جننته من اول ماشافها .... رفع ايده ومسح بها كل وجهها وبعدها صار يلعب بخصل شعرها...وريم نايمه وماحست بشي
ومن ثم حنى برأسه لها وقرب شفايفه وباس عيونها ومن ثم خدودها ولما وصل لشفتها انتبه على نفسه واستغفر ربه لأنه التهى مع ريم واخر صلاته.....
خالد يحاكي روحه: استغفر الله.. انا اشفيني الله يسامحج ياريم جننتيني
وراح على طول يتسبح ويصلي الظهر والفجر الي طافهم وبعدها اتصل بالسيرفيس ليحضرون لهم وجبة الغداء ... رعم انه مايحب يتغدا قبل لا يفطر
وبعدها راح لريم وأخذ ورده من المزهريه الي بالغرفه.....
[حرامي المفروض باقة ورد]

ولما جاء عندها اخذ الورده وصار يحركها بوجهها علشان ريم تقوم بس ريم ما انتبهت بسرعه بس كانت تؤمى بوجهها على الجوانب وتكشر بملامحها تحس ان شي يدغدغها
ريم بكسل: اممممممم
خالد مايتكلم بس يقومها ويحرك الورده بوجهها وبعد دقايق انتفضت ريم وقامت
ريم بأنزعاج: خالد
خالد بهيام: ياعيون خالد
ريم استحت وماردت: ...............
خالد: حبيبتي يالكسلانه بسج قومي
ريم بدلع: بس انا تعبانه وماشبعت نوم
خالد وهو يضرب الورده بخفه على خشمها: لمتى حبيبتي الحين صار الظهر ونحنا فاتتنا صلاة الظهر والفجر فقومي عمري
ريم بفجعه: ليش كم الساعه الحين
خالد بملل: الساعه صارت ثنتين ونص
ريم قامت بسرعه: ليش ماقومتني فاتتني الصلاة وايد
خالد يستعبط: لا ردي نامي بعد ماقلتي ماشبعت نوم
ريم بحرج: اسكت لا تحرجني
خالد يقهرها: احبج يالكسوله
ريم بحجل: اصلا كله منك اخرتني بالنوم وانا عادتي انام بسرعه واقوم بسرعه
خالد بخبث: عيل حبيبتي تعودي على النومه متأخره والقومه متأخره لأني كل يوم بأخرج فالنوم
ريم بخجل: كررريه
خالد: فديت الي يكرهوني
ريم وبذات الخجل: خلاص احرجتني
خالد: هههههههههه فديتج
راحت ريم بسرعه للحمام (اكرمكم الله) وتسبحت وصلت واستشورت شعرها وبدلت وبعدها طلعت على خالد الي ينتظهرها عند السفره والي انبهر منها من جمالها الطاغي من لما اقبلت عليه
وقام وقرب لها الكرسي وجلست جنبه وجلسوا يتغدون وهو يناظرها ومو قادر يرفع عيونه منها

*******************************



بعد يومين.. عالساعه (pm ‎5:30) إيمان كانت نايمه وتعبانه حييل ومجروحه بكرامتها يوم ضربها قيصر قدام كل الي بالعماره وقدام اهلها وابوها الي من رجع للبيت كمل عليها وزادها ضرب وصراخ علشان تتربى وماعد تكررها .. وبعد هالليله الطويله نامت ايمان الصباح من بعد مافرغت شحنات قهرها وتعبها.......
وعلى هالحظه وهي نايمه بعمق سمعت صوت جوالها يرن فماردت بالمره الأولى لأنها مانتبهت له بس شكله المتصل مصر فرن جوالها للمره الثانيه
فردت بصوت ناعس : الو
تركي: الو حبي
إيمان من عرفت هالصوت ندمت انها ردت: ايش بغيت متصل الحين
تركي بأستهزاء: لا حبيبتي ماعجبتيني كذا..انتي تدرين ايش ابغي معقول نسيتي
إيمان بأنزعاج: تريك انا الحين مو فاضيتلك انا تعبانه وودي انام
تركي بحده: وانا مايهمني تعبانه فرحانه مصحصحه انتي وعدتين
انام
تركي بحده: وانا مايهمني تعبانه فرحانه مصحصحه انتي وعدتيني وألتزمي بالوعد واليوم عالساعه ثمان خليج جاهزه قولي لأهلج الي ودج تقولينه مالي شغل وانا بجيج عالساعه ثمان بنتظرج عند العماره
إيمان بخوف: هيي انت مجنون لا تنتظرني عند العماره تبي احد يشوفني ويسويلي فضايح
تركي: إيه اذا ماجيتي بجي لج للعماره
ايمان بخوف اكبر: تركي انت من صدقك
تركي بحده: إيه من صدقي شفتيني امزح
ايمان بتوسل: ارجوك تركي اعفيني عنه هالطلب
تركي بأستخفاف: مستحييييييييل
ايمان بتوسل: طيب اجله
تركي بعصبيه: ايمان انا قلتلج اليوم يعني اليوم
ايمان غيرت نبرتها للعصبيه: وانا قلتلك مابجيك
تركي بقووه: اقولج بتجين ولا ماراح يصير لج خاطر
ايمان خافت من نبرت صوته: بس تركي ان......ماكملت لأن تركي قاطعها بحده: قلتلج بتروحين ورجلج فوق راسج وانتي ادرى بأيش اقدر اسوي فيج
ايمان بخوف: طيب انتظرني في الحاره الثانيه من حارتنا وانا بجيك هناك
تركي بأستهزاء: خلاص اتفقنا حبي
إيمان بعصبيه: حبك برص وصخ
تركي: احترمي نفسج والا بت...... قاطعته ايمان بملل: خلاص لا تطول السالفه وهي قصيره انت بتاخذ الي تبيه ايش تبغئ بعد.. طفرتني
تركي يقهرها: هههههههههاي احب الي يعصبون....المهم عصبيتج هاذي طلعيها معاي عالساعه ثمان
إيمان بحمق: كرررررررررريه
تركي بأستخفاف: ادري من الزمان
سكرت إيمان منه وهي ضايقه حييل وتعبانه من هالتركي الي ماراح يخليها بحالها وقطع نومها ... فقامت وراحت الحمام (أعزكم الله) وتسبحت وصلت علها ان تغتفر شي من ذنوبها

*******************************


في المستشفى راحت منيره تزور ميثا وتعتذر منها نيابة عن اختها ايمان ومن سواتها الشينه........
راحت منيره المستشفى واتصلت بميثا لتعرف رقم غرفتها وميثا خبرتها برقم الغرفه الي هي فيها
ولما دخلت عندها سلمت عليها وتحمدت لها بالسلامه وجلست بالكرسي الي جنبها وهي تسألها بلهفه
منيره: شخبارج ميثا وشخبار الجنين؟
ميثا بهدوء: الحمدلله تمام والجنين حاليا بخير بس منعوا عني الحركه لأن الجنين مو ثابت
منيره بخجل: اخ الله يساعدج والله يسامح من كان السبب
ميثا بأبتسامه: وانتي شو اخبارج يالقاطعه بالفتره الأخيره ماعدت اشوفج
منيره تنهدت: والله الأشغال والظروف وبعدين هالفتره كنت مريضه شوي وماطلعت مكان بس من دريت انج بالمستشفى جيتلج طيران
ميثا تضحك: هاهاهاي فديتج الله لا يخليني منج
منيره: ولا منج حبيبتي
ميثا بحب: وشخبار جسوري ولدج
منيره: والله تمام بس هالفتره مايبي يجلس عندي كل وقته مع ابوه وابوه هالفتره قاعد يحوم على بيتنا طق راسي كل شوي يوصيه عندي.... جسار اعطي امك هذا جسار قول لأمك كذا... مصدق نفسه على باله بعدنا متزوجين
ميثا بخبث: هههههههههه شكله الرجال حن ووده يرجعلج
منيره بملل: لا ما اعتقد اصلا انا مابيه خلي مرته الثانيه تفيده
ميثا: ماتدرين احس انه بدأ يمل من هذيك ووده يرجع لأساس وللحب الأولي
منيره: اي حب الأولي انتي ..اصلا انا ماشفت منه غير المشاكل والخناقات
ميثا: صدقيني اذا كان بباله يرجعج راح يتغير
منيره: فكيني عاد خلينا منه.... ابيج تقوليلي اخبارج مع قيصر
ميثا بحده: مو طايقه اشوف وجهه
منيره: ليش
ميثا بحمق: مجروحه منه الي سواه لي مو شويه ضربني وشك فيني وفي اخلاقي وكرامتي صعبه انسيله الي سواه بهالسرعه
منيره بحب: بس هو يحبج وبعدين ماينلام كرامته كرجل ماتسمح له يشوف زوجته مع رجال غريب بالصور
ميثا بأستغراب: انتي كيف دريتي
منيره بتلعثم: ادري بالسالفه لأنه.........لأنه.......
ميثا بسرعه: تكلمي اشفيج
منيره بحرج: لأنه ورا كل هالسالفه ومشاكلكم هي............وسكتت شوي ونزلت راسها بخجل ثم تكلمت بسرعه: هي إيمان اختي
ميثا بلا مبالاه: ادري قيصر قالي
منيره بتفاجئ: انتي تدرين
ميثا ببساطه: ايه ادري
منيره: طيب ليش بعدج زعلانه منه
ميثا: بس كرامتي وكبريائي ماتسمح اني اسامحه بهالسرعه
منيره: الله يهديج ياميثا
ميثا: ....................
وعلى هاللحظه دخل قيصر وهو محمل بأيدينه اكياس.. وحده فيها كم غرض لميثا والكيس الثانيه فيها عشاء وشنطه فيها ملابس لميثا
ولما شاف منيره عند ميثا استحى شوي انه دخل كذا عليهم
قيصر بخجل: السلام عليكم شخبارج منيره
منيره: الحمدلله بخير شخبارك انت
قيصر بأبتسامه: تمام والحمدلله .....السموحه مافكرتج هنا ولا ماكان جيت الحين واحرجتج
منيره: لا عادي مافيها احراج يعلم الله اني اعتبرك مثل اخوي ونحنا جيران واقراب
قيصر: مشكوره على تفهمج
منيره: عادي والله
قيصر وهو يحول نظره لميثا: شلونج حبيبتي
ميثا بحده: اخيرا تذكرتني
منيره غمزت لها وضغطت على يدها بقووه: عيب ميثا
قيصر بخجل: انا اصلا مو ناسيج
ميثا تكمل: اصلا انت ماتهمني
منيره بخجل: طيب عيييل انا استأذن بخليكم الحين وقامت بسرعه وراحت بأتجاه ميثا وسلمت عليها بخدها
منيره: يلا باي حبيبتي اشوفج مره ثانيه....يلا مع السلامه قيصر ....
وراحت ناحية الباب وطلعت من عندهم ومن المستشفى كله
قيصر بحده يكلم ميثا من بعد ماطلعت منيره م عندهم: ميثا انتي اشفيج عالأقل احترميني قدام الناس ولو انج مو طايقتني
ميثا بأستهزاء: كيفي....وبعدين بجد راسي يوجعني من اشوفك
قيصر بلا مبالاه: براحتج
ميثا انقهرت بس ماحبت تتكلم: ....................
راح قيصر واخذ كيسة العشاء واخذ صحن وصار يطلع الأكل ويحطه في الصحن علشان ميثا تتعشى
قيصر وهو يمد لها بالصحن: خذي تعشي
ميثا بحده: مابي قالولك طفله اتعشى من الحين الساعه سبعه.. كله انت
قيصر: العشاء الحين صحه احسن تاكلين
ميثا بعصبيه: قلتلك مابي فكني عاد
قيصر بحده: براحتج انا طالع بجد هالجو خانقني
ميثا بقلة ادب: روحه بلا رده
قيصر بقهر: تصدقين..انا اشك ان شي بعقلك.....
ومن ثم راح وسفهها وخلاها بتحترق بنفسها

*******************************


بالليل عالساعه ثمان ايمان متضايقه حييل حتى ماكشخت لهاك الزود....سوت كل شي خفيف يعني روج خفيف وبلاشر برتقالي خفيف وسوت مسكارا برموشها ولفت شعرها لفوق ولبست بنطلون جينز ازرق وعليه شوية مزيج تركوازي واسود وبودي برتقالي... وراحت وشالت العبايه والشيله ولبستهم وطلعت.......
وهي رايحه للحاره الثانيه اتصلت بتركي تقوله بأنها خلصت والحين جايه له

ايمان كانت قد قالت لأهلها انها بتروح تذاكر مع صديقتها ويمكن تتأخر ابوها بألأول رفض بس بعدها وافق لأنها كسرت خاطره وخلاها تروح

راحت ايمان لتركي وهي مسويه اللثمه علشان لا احد يعرفها,,,,,,،،،،، ولما وصلت عرفت سيارته.... وهو بدوره طلع ايده من نافذة السياره واشر لها بأيده بأنها تصعد.. فراحت ايمان ناحيته وصعدت السياره بسرعه وهي خايفه احد يشوفها....
ولما طلعت السياره على طول تركي حرك وراح بسرعه....اما ايمان اراحت برأسها عالكرسي بتعب وتوتر
تركي بهدوء غير معتاد: شلونج حبي
ايمان ناظرته نظره حاره وماردت: ..............
تركي بحبور: طيب حبيبي السلام لله مو لأحد_ فردي اذا مو علشاني علشان ربج
ايمان بحده: ليش انت تخاف ربك
تركي: ليش شايفتني غير الناس والعالم
ايمان بأستهزاء: والي تسويه الحين تسميه خوف من ربك يعني
تركي تلعثم: ها....وانتي بعد مثلي....ما خفتي ربج لما بغيتي تفرقين بين الأزواج
ايمان: طيب كلنا سوى بس انا احسن من بعض الناس ساعات ضميري يصحى
تركي بأستخفاف: ههههههههاي واضح
ايمان لفت وجهها عنه بقووه وقالت بهمس: الله ياخذك
تركي بسرعه: وياخذج
ايمان بقووه: ياخذك انت علشان يفتك العالم من شرك
تركي يقهرها: وانا اتمنى ياخذنا اثنينا لأنج مثلي ولازم يفتك العالم من شرج بعد
ايمان بحمق: اكرهههههك
تركي: وانا اكرررهج بس مصلحتي فيج خلتني احبج
ايمان ناظرته بقوه وماتكلمت:..............

اغيباء يدعون لأنفسهم بالموت وهم على طريق الخطأ.....فهل تتوقعون بأن امنيتهم ستتحقق ...خلونا نشوف باقي الاحداث

وصلوا تركي وايمان عند شقه وهي عماره ولها اربعه ادوار
تركي بسرعه: يلا نزلي وصلنا
ايمان بخوف: وين
تركي بأستهزاء: حلوه هاذي ماتشوفين هالعماره
ايمان بتوتر: لا مابنزل
تركي بملل: ليش بالله
ايمان: خفت
تركي بحبور: شوفي هالخوف خليه للبنات البريئات الي مايعرفون هالسوالف مو لج
ايمان بثقه: انا اخاف لأن عمري ماحد لمس........قاطعها تركي بأستنكار وهو يضحك بأستهزاء: ايش قلتي
ايمان بحده : قلتلك انا بنت وشي طبيعي اني اخاف ... ليش تفكرني مثل البنات الي تماشيهم .... انا ما اسوي هالشي الأ لأني مجبوره وندمانه اني وافقت على شروطك
تركي بأستهزاء: وايش رايج اذا قلتلج انج كنتي وحده منهم
ايمان بعصبيه وهمس: شب ولا كلمه انا قلتلك ان اسوي هالشي طالع عن ارادتي
تركي بأستخفاف كبير: لا حبيبتي انتي قبل قد سلمتيني نفسج وبكامل ارادتج
ايمان بأستغراب: انا
تركي: إيه انتي يالشريفه
ايمان بصدمه: شلوون انا ماسويت شي
تركي بأستخفاف: لا سويتي.....تذكرين ليلة الشقه القديمه الي عطاني اياها صاحبي ليوم واحد والي رقصتي فيها وشربتي فيها معاي......... ذيك الليله حبي
ايمان بفجعة فتحت عيونها: بس انت قلتلي انك ماسويتلي شي بس شربت وياك وجلسنا نسولف
تركي بضحكه عاليه واستهزاء: ههههههههههههههههههههههههههههههههههههههههههههههههههههاي..... غبي انا اخليج تروحين قبل لا احلي فيج ...صدق صدق انج غبيه معقوله تصدقين هالكلام معقوله انج تباتين يوم كامل فبيت رجال وبنفس الغرفه ومايسويلج شي..... لا يا ايمان كنت اتوقعج اذكى من كذا بكثير
ايمان بصدمه: يالحقير يالخسيس يالنذل استغليتني وضحكت علي مو كفاية انك شربتتي الخمر ودسيته لي بالعصير وغشيتني وفوق هذا بعد ضيعتني وانا مادري عن نفسي
تركي بعدم اهتمام: عادي اصلا انتي اذا ماضعتي ذاك اليوم كان ضعتي اليوم فما فيها مشكله
ايمان بحمق: يالوصخ يالنذل والله ماراح اسوي شي والي بغيته قد اخذته والحين جاي تستغلني مره ثانيه
تركي بقوه: قلتلج نزلي ولا باخذج بالقوه
ايمان بتحدي: قلتلك ماراح انزل
تركي بقوه اكبر: إيمان
ايمان بخوف بس مابينته ماردت: ................
تركي بصراخ وهو يمسكها من ذراعها ويشدها بقووه: قلتلج نززلي ولا ماراح يصير لج خاطر
ايمان بخوف ناظرته بأنكسار ونزلت من السياره وراحت بسرعه قدامه:
تركي وهو يرفع ايدينه ويحاوط خصرها: إيه حبيبتي كوني مهذبه كذا
ايمان بهمس: وخر ايدك
تركي: حبيبتي لا تخافين عادي ماحد هنا
ايمان سكتت ومن داخلها تشتغل نار وحرقه من كذبه واستغلاله لها ولما وصلوا للشقه رقم (2) الي هي شقة تركي..دخلوا تركي على طول سكر الباب وراهم وهو يرفع ايده ويشيل حجابها وعبايتها ويرميهم عالأرض وبع.................تركي يقاطعني....

[تركي: بسج عاد ايش تبين انتي ورانا ورانا خلينا ناخذ راحتنا ممكن...؟!]

لا مو ممكن دامك بطل من ابطال قصتي تحمل لأني بتكلم عن حياتك واراويهم فعايلك هههههه]
اتميلح شوي (^_^)


>>نرجع لقصتنا<<

وبعدها صار يلعب بشعرها ويداعب ملامحها بأصابعه وايمان كانت تبكي بصمت من داخلها تشتعل نار تحس ان الله ينتقم منها وبفعايلها مع قيصر وميثا الي لعبت بحياتهم وفرقتهم
ايمان من بين دموعها: تركي ارجوك تخليني خلاص
تركي بأستهزاء: مستحيييييل لا تفكرين بس
ايمان: بليز تركي والله انا بسامحك على كل شي بس ارجوك الحين تخليني
تركي وهو يضحك بصوت عالي: هههههههههههههههههههههههههههههههههههههاي صرتي طيبه من متى؟....
ايمان: ..................
وعلى طول قرب منها وهو يشدها له بقووه وحاول يطلع منها البدي بس ايمان كانت تقاوم وتقاوم وما خلته يقرب منها ..تركي لمن فقد سيطرته عليها مالقى غير انه يصفعها كف قوي خلاها تتصنم مكانها بدون اي حراك ......وعلى طول قرب منها وجرها من ايدينها وهو يسحبها عالأرض بقوووه يروح بها للغرفه..ايمان كانت تصرخ وتبكي وتترجاه بأنه يتركها وهي تحس بالمسيئة والأذلال منه...ولكن تركي ماعطاها وجهه وسوى الي براسه

وقعتي بشر اعمالج يا إيمان فتحملي]

/


/


/


/


بنص الليل عالساعه (am 12:15) قامت ايمان وفتحت عيونها لقت نفسها جنب تركي وشكلها مقزز وهي معاه حست بثقل على بطنها ولكنها ماقدرت تقوم كانت تحس بصداع قوي ومصاحبه ارهاق .. ولما جات بتقوم شافت يد تركي الكبيره محاوطه خصرها ومنعتها عن الحركه حاولت تبعد ايده بس تركي المليق رماها مره ثانيه على بطنها بقوه فحاولت مره ثانيه ونجحت في ابعادها منها بهدوء علشان لايحس فيها ومن ثم نزلت من على السرير وهي تتسحب وتسحب الشرشف تغطي فيه جسمها وتروح تلبس ملابسها بس فكرت مين بياخذها للبيت ....وبعدها بشوي تذكرت الساعه.....الساعه كم الحين وعلى طول رفعت نظرها بأعلى الحائط وانصدمت لما لقت ان الساعه صارت 12 خافت لا يكون ابوها حس ع غيابها
إيمان بخوف: ياربي شو اسوي... خايفه لا ابوي يذبحني اذا درى اني ماجيت للبيت للحين
ولما جت بتطلع من الباب سمعت صوت من وراها يناديها
تركي بصوت ناعس: على وين رايحه
إيمان بحده: بروح البيت على وين يعني
تركي برواقه: تعالي كملي نومتج
إيمان بقهر: مابي انا بروحي مو طايقه وجودي معاك في مكان واحد
تركي يستهزاء فيها: لا ضحكتيني والله.. ونحنا الحين بغرفة وحده فتحمليني
إيمان بحره: لا مو مجبوره اتحملك لأني بطلع...... وبسرعه مسكت ..مسكت الباب قصدها بتطلع
بس تركي من ناحيه اخرى قام وراح صوبها ووقف خلفها وحضنها من ورا بقووه
تركي: رجعي خلينا ننام
إيمان بعصبيه: روح البس وبعدين تكلم بجد شكلك مقززني

تركي بهدوء وهمس مخيف: لاتنسين انج كنتي معاي وحركات البريئات هاذي مابيها اوكي لأنها ماتليق لج
إيمان بأستسلام: طيب ودني البيت الوقت تأخر وابوي يمكن يكون حس بغيابي
تركي بعدم اهتمام: مايهمني خلينا نتسلى شوي
إيمان بقووه: وخر عني انا بطلع
تركي: مابتروحين مكان وبعدين مين بياخذج
إيمان: رجولي بتاخذني.. بمشي ولا اني انذل لك
تركي يستخف فيها: ماتقدرين مسافه من هنا لبيتكم
إيمان بتحدي: بمشي حالي اهم شي ما ابقى هنا
تركي بحب: طيب انا بوديج
إيمان بدون نفس: طيب بسرعه
راح تركي ولبس ملابسه ولما خلص اخذ مفتاح سيارته وقال لأيمان انها تطلع
تركي: ايمان ممكن تطلعين للصاله ودي اخذ شي خاص من غرفتي...ايمان بكل رحابة صدر طلعت من غير ماتتكلم وبعد خمس دقايق طلع تركي واشر لأيمان تقوم علشان بياخذها للبيت ومن بعدها طلعوا بالسياره ووصلها لين حارتها ولما وقفت السياره ايمان فتحت باب السياره قصدها بتنزل بس تركي وقفها
إيمان بملل: ايش تبي
تركي وهو يرسم ابتسامه خبيثه وياخذ الكاميرا ويفتح عليها شي: شوفي حياتي
إيمان بأستغراب ناظرت للكاميرا لتعرف محتواها ولما شافت الي بالكاميرا شهقت شهقه قويه عبرت عن قهرها واستحقارها لهذا الأنسان عديم الأحساس: صورتني وانا معاك يالخسيس
تركي بأستهزاء: حبيبتي عاد انا ما اثق فيج لازم امسك عليج شي مع انج كسرتي خاطري بس مهما كان الحذر
إيمان وهي تبكي: انت مستحيل تكون انسان انت مريض نفسي كيف تلعب بأعراض الناس كذا
تركي بقووه: شب ولا كلمه لا تسوين نفسج محترمه...المهم اي وقت احتاجج فيه واتصل فيج تجين لي طيران ولا تحاولين معاي لأنج انتي الخسرانه
إيمان ببكاء وحرقه: الله ياخذك الله ياخذك
تركي يكمل: شوفي انا عندي ثلاثه سيديات تخصج وبأمكاني من الحين ارسل على اول بلوتوث وينتشر فما انصحج تسوين اي شي لأنه مو من صالحج
ايمان بدون ولا كلمه نزلت من السياره وهي تبكي بحرقه من تركي الخبيث الي قدر يلعب عليها ويستغلها وهي الحين تحت أمره وماتقدر تقوله لأ
إيمان: اه يالقهر ذلني هالوصخ
دخلت البيت وهي تتسلل وتمشي على اطراف اصابعها علشان ماحد يشوفها وفعلا ماحد شافها وعدت السالفه على خير

*******************************


Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

بعد مرور ثلاثة شهور........قيصر وميثا بعدهم متزاعلين وميثا ابد مو طايقه منه شي...بس هو مو معطيها وجهه ويسوي الي براسه وروتينه صار صعب لأنه يروح الصباح للدوام والظهر يروح للبيت يتسبح ويبدل وبعدها يطلع ويحط ملابسه في المغسله ويتشرى لهم غدا ويروح للمستشفى يتغدا مع ميثا هناك وعالساعه 7 المغرب يروح ويجيب ملابسه من المغسله وعلى هذا الحال وهذا روتينه لا ينام ولايرتاح الا الساعه 11 وإلى مافوق وميثا مو مقدره كل هذا ولا حاسه فيه وقلبها بعده شايل عليه
اما ايمان حالتها صعبه وكل وقتها تبكي وتركي بعده يتصل فيها يهددها علشان تطلع معاه والا بيفضحها.....اما بيت بومحمد هالفتره مرتاحين بس عمر الي شاغل بالهم وخايفين من تصرفاته يحسون انه مو طبيعي.....عمر صاير كريه وماينطاق ووجهه الي مليان هالات وصار لا صلاة يصليها ولا كلام اهله يسمعه وصار يلعب بالفلوس لعب ويتشرى السيارات الغاليه والأشياء باهضة الثمن وكله من الزفت الي يبيعه....مها ومحمد احوالهم تمام ومها صارت بالشهر الرابع وهي متشوقه لشوفة ولدها موت ومحمد صارت كل مسؤوليه البيت عليه وخلص جامعته وهو حاليا يشتعل مع عمه....
ريم وخالد مافي منهم معاريس ومرتاحين عالاخر...وريم بين فتره والثانيه تتصل بميثا تتطمن عليها وتعرف احوالها وتنصحها انها تفهم قيصر وتنسى الموضوع
اما منى تمت خطوبتها وملكتها وعرسها هالأسبوع وكلهم مرتبشين مع ترتيبات العرس والسوق

*******************************



اليوم هو عرس منى الأجواء حلوه والكل مرتبش ومتحمس لها الفرح,......
اما من ناحية منى فهي محتاره بين شيئين وهم انها تلبس طرحه او لا ومادرت ايش تسوي والوقت ضايق
وفي غرفة منى كانت الكوافيره عندها وجالسه تجهز ادوات الميك اب ومنى تاخذ راي الكوافير واخواتها وبعدين قصدها بتقرر
منى: يلا بنات شو تشوفون البس طرحه او لا بجد انا محتاره
الكوافير: ماتلبسي صدأيني مابنصحيك
الأء: انتي سكتي ايش دخلج سوي شغلج وانتي ساكته
ايه: لبسي يامنى الطرحه احلى
منى بحيره: متردده والله
الأء بأصرار: لبسي الطرحه صدقيني انا ماحس البنت عروس بدون طرحه
ايه: وانا بعد احس الفستان مع الطرحه احلى
كارلا: انا مابنصحيك تلبسي لأنا الطرحه هلق صاريت أديمه وهلا الموزا انك تلبسي فستان بدون طرحه
الأء تقلدها: هازا عندكون انتوا بلبنان بس عنا احنا بنحب الكشخه والبهرجه والفستان بدون الطرحه مابيطلع منيح فطلعي منا احسن
ايه وهي تضحك: إيه والله مالج دخل سوي الميك اب وانتي ساكته
منى: بسج الاء كل واحد عنده راي والحرمه عطتني رايها ماله داعي هالحرب
كارلا تقهر الاء: هيدي هو الكلام لمنيح مو متل بعض الناس
الأء بحده: شب انتي...لاتنسين انج بتاخذين منا فلوس فيلا سكتي
ايه وهي تسحب الاء الى جانبها وتساسرها: سكتي ياعبيطه فضحتينا هي بتاخذ فلوس من تعبها وشقاها لا تزودينها
الاء بهمس: اي تعب واي شقى على شوية ميك اب وبس انا اقدر اسوي ميك اب عمرج لا شفتيه ولا سمعتي عنه حتى
ايه: هههه طيب ليش انتي ماتسوين لمنى دام انج خبيره واحسن من كارلا بعد
الاء بغرور: بس بحكم اني اخت العروس ماراح افضى وبيضيع كل وقتي وعلشان كذا ماقدر اسويلها
ايه بأستهزاء: ليش انتي بتكملين طول اليوم وانتي تسوينلها
الاء ترقع: لا بس علشان اركز واسويلها احسن ميك اب لازم اخذ اليوم بطوله
ايه بأستنكار: يعني الخبير يكون كذا.... انا الي اعرفه ان الخبير يسوي مهنته بكل ثقه وخفه
الاء بملل: بسج تحقيقات عاد بس هالكارلا بجد مو داخله مزاجي ابد
ايه: اوووف منج خفي عالبنت
الاء: الله ياخذها ملسونه
ايه تقهرها: وانتي ألسن منها
منى بصوت عالي: هييي انتوا ايش وراكم من مصايب تتساسرون
كارلا: أكيد عم بيحكوا عني
الاء تضحك ضحكه ملمومه: ماشالله طلعت وايد ذكيه
كارلا: انا بعريف انك مزعوجه مني
ايه: لا تفهمين غلط هاذي دايما كذا نكديه
الاء بغباء: لا صادقه انا موقادرة ابلعج يعني ماقدرت اهضمج.....وكملت وهي تاشر على حلقها: احس انج واقفه هني ببلعومي وايد ثقيله دم
كارلا: وانا بعد ماهزمتيك
الاء بنكد: ويع مليقه هالبنت,...منى لبسي الطرحه انسب لج لا تخلين هالسوسه تلعب بعقلج
منى: بسج الأء صايره نكديه احس اني جالسه مع عجوز مو مع بنت اصغر مني
الاء: انا عجوز
كارلا: إيه بحسك هيك كتير اوفر وسرساره ومابتسكتي
الاء: اسكتي انتي ماحد طلب رايج
كارلا تقهرها: عادي حبيبتي خليكي فري
منى: بسكم انتوا طلعوا برا صدعتوا راسي روحوا وخلصوا تجهيراتكم
الاء: طرده يعني
منى بتصريح: ايه ودي ارتاح
الاء: خلي هالخنفسه تنفعج
كارلا بقهر: انا خنفسه
الاء: ايه خنفسه ونص
ايه ترقع: لا قصدها اه ونص
كارلا: يعني شو
الاء ببلاهه وهي طالعه برا الغرفه هي وايه: يعني نانسي عجرم حبيبتي
ايه: ههههههههاي حلوه والله
وطلعوا أيه والاء برا وهم يضحكون ويقهرون كارلا.... راحو يكملون تجهيزاتهم وبعدها يروحون المشغل اما منى بدت كارلا تسوي لها الميك اب وتخلصها
.............................


وبعد ربع ساعه تقريبا دخلت ام زياد واختها ام محمد
ام محمد: يلا كارلا حطي جهدج كله على بنيتنا وطلعيها قمر ماوصيج
كارلا: اوكي خالتو
ام زياد: لا كارلا موثوق فيها بس نحنا نبي الأحسن هالمره
كارلا بأمتنان: مشكوره هيدا من زوقيك ياخالتي
ام زياد بمرح: كارلا نبيج تسوين لنا مكياج مادري شيسمونه ميك بب
ام محمد تصحح لها: يسمونه ميك اب
ام زياد: ايه ميك اب ودنا نكشخ شويه عاد ونرجع شباب
كارلا بأبتسامه: طيب بعملكن بس بعد ماخلص منا لمنى
ام محمد: اوكي حبيتي خذي راحتج
ام زياد تأثرت وهي تناظر منى الي اليوم بتبعد عن عينها وبتروح لبيت زوجها: والله وكبرتي يامنى وبتصرين عروس وبتروحين لبيت زوجج وبتتركيني يابنيتي الله يوفقج بحياتج
ودمعت عيونها على طول راحت ام محمد وحضنتها وخففت عنها بس عدتها اختها وماقدرت تمسك نفسها وجلست تبكي معها لأنها تذكرت بنتها الي كانت تتمنى تشوفها بهاليوم وتفرحلها مثل ماهي الحين تشوف بنت اختها وتقوم بدورها بالعرس


ام محمد: الله يهديج يانوريه خليتني ابكي معاج
منى: يمه اشفيكم نحنا مو بعزاء علشان تقلبونها مناحه
ام زياد بسرعه: يمه ماحد يقول كذا هاذي دموع الفرح
ورجعوا يبكون ولما خلصوا جلسوا يهدون بعض لين نسوا السالفه ورجعوا لأشغالهم
...............................


بالليل في قاعة العرس والناس كلهم متجمعين وابتسامتهم شاقه الوجه والفرحه باينه عالكل..... وعالساعه 12 انزفت العروس على اغنيه هاديه رومنسيه هي وفستانها الفخم والي كان ضيق من فوق ومن تحت مفتوح وعليه حركات حلوه مثل الفرو والاكسسورات الي متداخله ومشكله بطريقه فنانه والفستان كان لونه سكري مع ابيض والأكسسوار لونها سكري مع ابيض ومشبوك في بعض وعليه فصوص كوكتيل وهو ماسك من العنق للصدر وطالع رووووعه والحلق طقم على العقد وكانوا طوال وواصلين للكتف وغير الخواتم والتاج الي على راسها وكانت مسويه التسريحه الملكيه والكريزي مع بعض ومرتبينها بشكل فنان والطرحه كانت طويله ولما نزلت كانت منى بأخر الدرج والطرحه بعدها بأول الدرج من طولها والكوشه كانت روووعه وتصميمها رقيق يعني بشكل عام كانت العروس كل شي فيها ناعم وتنظيم العروس بعد كان ناعم وبعد مازفوا العروس جلسوا شوي وزفوا العريس ودخل هو وابوه ومعهم اخوان العروس زياد وزايد ولما وصلو عند العروس قرب وليد وباس ريم على جبينها وعلى هالحركه كل الي بالصاله يصرخ ويصفر على حركة وليد اما منى ذابت من الخجل وبعدها قرب عمها ابو وليد وسلم على بنته وزوجت ابنه وباركلها وبعدها ابوها واخوانها.... وبعد الزفه تصوروا المعاريس مع بعض كذا صوره وبعدها صوروا ام زياد وام وليد مع المعاريس وبعدين بوليد وزوجته وبعدها رقصوا خوات وليد فرحة لأخوهم بيوم زفافه ولما خلصوا......طلب وليد من خالته ام زياد بأنه وده ياخذ زوجته معاه على طول وطبعا ام زياد ماتقدر تقوله لا... لأنه خلاص صار زوجها والكلمه كلمته
وبعد ماطلعوا وليد وزوجته من القاعه من بين الزغاريط والتصفيق الي ماليه المكان ...... اخذها للبيت علشان ياخذون لهم كم صوره خاصه رومنسيه كتذكار ولما خلصوا من الصور على طول للسياره وراحوا بسرعه للفندق


*******************************


في نفس هذا الوقت عالساعه (am 2:55)بالمستشفى _ قيصر نايم عالكنبه تعبان مسكين ومهدود حيله من السهر والشقا بس في شي خلاه يقوم بفزع وخوف.... وكان هالشي هو ........
صراخ ميثا الي قومه من نومه وخلاه يراكض لها مثل المجنون
ميثا: اه اي
قيصر بخوف وهو يروح لها: ميثا اشفيج
ميثا بالم: اه بطني شكلي بولد
قيصر بفرح اعتفس مايدري شو يسوي وجلس يضحك مع نفسه: بتولدين....يعني هالالم طلق....سلطان راح يشرف..
ميثا بالم: قيصر موقتك ... انا تعبانه مو قادره اتحمممل
قيصر بتوتر: بايش تحسين الحين
ميثا بتعب: امممممم ..قيصر نادي الممرضات بسررررعه
قيصر وهو متشتت الفكر راح صوب الحائط الي عندها وضغظ على مفتاح الجرس علشان الممرضات تجي....وبعدها راح لها بسرعه ومسك ايدها بقووه وضغط عليها
قيصر بحب: تحملي حبيبتي تحملي لا تحاتين
ميثا ببكاء من الالم: قيصر انا خايفه
قيصر بحنيه: لا تخافين حبيبتي انا معاج
ميثا وهي تتوسله: طيب لاتتركني
قيصر يطمنها: ماراح اتركج انا جنبج حبيبتي
وعلى هاللحظه دخلوا الممرضات ولما شافوها عرفوا ان الالم الي بتحسه هو طلق وانها بتولد _ راحت الممرضه وحضرت سرير
الولاده ولما دخلت الغرفه شال قيصر ميثا بين ايدينه وحطها عالسرير بسرعه وعلى طول الممرضات حركوا السرير بسرعه لغرفة الولاده وميثا خايفه موت وكانت تتأوه وتبكي بصمت من كثرة الالم .... وقيصر كان بعده ماسك ايدها ويمسح على راسها ويطمنها بأنها ماتخاف وتتحمل
ميثا: قيصر لا تخليني
قيصر: ماراح اخليج حبيبتي لا تخافين
ميثا ببكاء: خليك جنبي
قيصر: انا جنبج حياتي
ولما وصلوا عند غرفة الولاده دخلوا الممرضات بالسرير للغرفه بس ميثا من الخوف صرخت بقوووه
ميثا: قيصررررررر
قيصر من التوتر وقف الممرضات وماخلاهم يدخلون وده يواسي حبيبته
قيصر بحب وتوتر: ميثا اشفيج ليش خايفه
ميثا بضعف: لا تتركني
قيصر وهو يمسح على راسها بحب: ميثا انا الحين لازم اتركج لأنج راح تولدين ولاتخافين بس شوي وبيروح كل شي وبنشوف ولدنا حبيبتي اوكي
ميثا هزت راسها بأستسلام وماردت: ............
قيصر قرب منها وباسها من جبينها...
قيصر بأبتسامه يطمنها: كوني قوويه عمري
ميثا كانت تتأمله وتناظره شوي وبعد فتره قصيره نطقت بهمس ومن بين دموعها الصامته: احبك
قيصر بحنيه: وانا احبج
الممرضات اعتذروا من قيصر انهم لازم يدخلوا بها للغرفه حركت الممرضات السرير وافترقت ايد قيصر وميثا من بعضها ومن داخل كل واحد منهم امنيه ميثا بداخلها كانت تقول: يارب سهل ولادتي وتخليني بين زوجي وولدي ودي اعوض زوجي عن الي راح عن كل القساوه والتجريح الي اهديته اياه يارب قيصر يحبني ويموت فيني وودي اعيش علشانه هو وولدي ودي اعوضه عن كل الأغلاط الي سويتها بحقه وسودت عيشته فيها.. يارب اطلبك ان تقبل دعواتي.....
وبعدها تسكرت غرفة الولاده والله يعلم بحال ميثا هناك
اما الأمنيه الي كانت بقلب قيصر وكان يرددها بقلبه وبداخله كل مره... هي: يارب تسهل عليها يارب خليها لي دوووم يارب انا احبها وانت ادرى بغلاتها عندي....يارب في اشياء كثيره ودي اسويها لها اشياء هي حبتها وانا ماسويتها يارب سلملي زوجتي وولدي وطولي بعمرهم يارب هم كل شي بحياتي وانا مستعد افديهم بعمري......
وبعدها قعد قيصر ينتظر برا والتوتر يلعب فيه لعب قيصر من الخوف مادرى شيسوي ساعات يرفع ايدينه ويمسحها وجهه وساعات يهز برجله من تأثير التوتر الي يحس فيه وساعات يمشي في ذاك الممر كله وعلى هالحال مرت ساعه وبعدها ساعتين وبعدها ثلاث الي هي كانت عالساعه خمسه وعلى هالوقت اذن الفجر
اما قيصر توتر بزياده... من الساعه ثلاث زوجته بغرفة الولاده لين الساعه خمس وهي بعدها ماطلعت وفكر بأنه مافي شي راح يبعد عنه عالخوف والتوتر الأ التقرب من ربه والصلاة... فراح لغرفة ميثا ودخل الحمام (اعزكم الله) وتوضئ وصلى الفجر وبعدها صار يدعي ربه انه يحفظ له زوجته وولده بالسلامه وبقى يدعي ويدعي من قلب وبكل خشوع ولما خلص راح مره ثانيه لغرفة الأنتظار ينتظر لين تطللع الطبيبه وتطمنه لأنه قلبه خلاص مو متحمل صدمات.... انتظر وفي هذ الوقت هو يدعي صارت الساعه خمسه ونص وبعدها ست بضبط وبعدها سته ونص وبعدها صارت سبعه وميثا بعدها ماولدت ولما صارت سبعه وربع بدأ الخوف يتفاقم عنده و يسيطر على قلب قيصر ... وعرف ان ولادة ميثا مو سهله ابدا وخاف لا يفقد احد منهم لاسمح الله
ولكن لو اختار بيختار ميثا طبعا لأنها حبيبته ونور عيونه ومن دونها مايقدر يعيش... اما البنون يتعوضون ولما وصلت الساعه ثمان سمع ان صوت باب غرفة العمليات ينفتح
وراح ناحية الباب ركض وقلبه من الخوف يرفرف ولما وصل للباب لقى الطبيبه طالعه من غرفة الولاده وتطلع قفازاتها .. وقف قيصر قبالها بتوتر وهو يقول بلهفه: دكتوره طمنيني زوجتي وولدي كيفهم
الطبيبه فزت من الخوف لأنها ماشافته ونطقت بريبه: انت زوجها
قيصر بسرعه: ايه زوجها طمينني عنهم بسرعه
الطبيبه هدت شوي: كلهم بخير والحمدلله صح ولادتها كانت صعبه شوي بس الحمدلله عدى كل شي على خير
قيصر بفرح وبعدم تصديق: اوووه.....يعني اكيد انهم بخير......
الطبيبه: ايه كلهم بخير ... واستحق سلامتهم
قيصر بهمس: الحمد والشكر لك يارب ألف الحمد والشكر لك يارب .....الله يبشرج بالجنه يادكتوره مثل مابشرتيني بهالأخبار الحلوه
الطبيبه: عادي هذا واجبي....ومبرووووووووووك عالبيبي
قيصر: الله يبارك في حياتج دكتوره...بس دكتوره اقدر اشوفها الحين
الطبيبه بأبتسامه: إيه بس لما تطلع الممرضات انت تدخل...يلا انا استاذن اي اوامر ثانيه
قيصر: لا مشكوره ماقصرتي كفيتي ووفيتي
الطبيبه هزت راسها وهي تبتسم: طيب مع السلامه
قيصر من الفرحه طرى على باله شخص واحد وبس وفكر انه يبشره ويكون اول واحد يعرف بولادة ميثا فأخذ جواله واتصل على رقم اميره اخته........
اميره بصوت ناعس: الوو
قيصر:الو اميره شخبارج.
اميره بملل: قيصر احد يتصل بهالوقت واذا على اخباري .. اخباري نعسانه وودي انام
قيصر بحماس: اذا دريتي اني ليش متصل فيج الحين راح تفرحين ويطير هالنوم والكسل من عيونج
اميره: ليش ايش صاير معاك
قيصر بفرح عارم: اولا باركيلي
اميره: على شو
قيصر بسرعه: صرتي عمه
اميره بفرح: شووو.........يعني ميث......قاطعها قيصر بحماس: إيه ميثا ولدت وجابت ولد
اميره بفرح: قول والله
قيصر: والله ولدت وجابت ولد.... ليش اكذب يعني
اميره بحب: فديته قلب عميمه ....متى ولدت
قيصر: الحين قبل شوي
اميره: طيب استحق سلامة زوجتك.....ومبروووووووووووك عالبيبي ويتربى في عزك ان شاءالله
قيصر: الله يبارك في حياتج ميروووه
اميره تقهره: ووويه قيصر صار ابو... خلاص الولد كبرك خلاك شايب
قيصر بثقه: صار ابو مقبوله بس شايب لا ماتركب وانا بعدي بهالعمر
اميره بغباء: انت مستعجل انت طفل وزوجتك طفله وبعد جبتوا طفل مادري ماتركب
قيصر بحده: لاتقولين عني طفل انا رجال ولو سمحتي ناديني بأبو سلطان بعد
اميره بضجر: يلا ياأبو سلطان قولي الولد منو يشبه
قيصر ببلاهه: ماحد
اميره بقهر: حلوه هاذي ليش انتوا اهله وين رحتوا مايشبه لكم
قيصر: بأختصار لأني ماشفته
أميره: لييش
قيصر: لأني بالأول بمر على أمه الي هي حبيبتي وبعدين بشوفه
أميره تصفر: اوووه ياعيني عالحب اخوي طلع رومنسي
قيصر بغرور: انا من زمان رومنسي
أميره: واضح
قيصر بمرح: هييي انتي فاضيه بعدين اكلمج بروح اشوف زوجتي واتطمن عليها
أميره: ههههههههههاي العاشق الولهان
قيصر: اكيد هاذي الحب.... وطبعا ام عيالي
أميره: يلا روح لأم عيالك لاتموت علينا
قيصر: اي اوامر ثانيه
أميره: ايه اذا شفته صوره وارسلي صورته حبيب عميمه....ياريت لو اقدر اشوفه واضمه بحضني
قيصر: ان شاء الله يجي هاليوم الي بتشوفينه فيه وتضمنيه
أميره: ان شاءالله يلا باي قصور
قيصر: باي مع السلامه
وبعدها سكر قيصر من عندها بسرعه وراح يدخل الغرفه عند ميثا يتطمن عليها

*******************************



في بيت بو زياد قاموا يفطرون وبعد ماخلصوا الفطور اغلبية الي فالبيت رجعوا للنوم من بعد سهر وارهاق امس حسوا انفسهم تعبانين ومحتاجين للراحه والأسترخاء شوي ..... ولكن عند الاء وايه...وبالتحديد في غرفتهم دخلوا الغرفه وعلى طول رموا انفسهم كل وحده بسريرها من التعب والأرهاق
ايه بسرعه: بجد اشتقتلها هالخايسه
الاء: مين هي
ايه بأستنكار: مين بعد... اكيد منى اختي حسيت انه شي ناقص بالبيت احس بفراغ بدونها
الاء: شي طبيعي لها وحشه هالدبه
ايه: هذا طريق كل بنت بتطلع من بيت اهلها لبيت زوجها
الاء ماردت وبعد دقايق نطقت بحزن: تعرفين انا افتقدت مين؟
ايه: مين
الاء بتاثر: لميثا بنت خالتي
ايه بعدم اهتمام: طبعا كلنا اشتقنالها بس هي الي اختارت طريقها وخانت ثقة اهلها وهربت
الاء: انا اعرف ميثا مو هاذي طبايعها بس انا احس ان وراها شي كايد ... شي اجبرها تسوي هالغلط
ايه بقسوه: ماندري بس في الحالتين هي غلطانه
الاء: اوووف والله انج قاسيه اشفيج هاذي مهما كان بنت خالتنا
ايه بحده: ايه ادري بس مو معنى انها بنت خالتنا نوقف معاها بالصح والغلط
الاء بطفش: انا ماقلت كذا....بس المهم انا تعبانه وودي انام
ايه ببرود: نامي احد ماسكج
الاء بحمق: بنام يالمليقه
ايه: ادري
الاء: اصلا انتي الكلام معاج ضايع
ايه: ادري
اخذت الاء اللحاف ورفعته وغطت نفسها ونامت ونفس الشي سوته ايه الي سحبت اللحاف وغطت نفسها هي بعد من الجانب الأخر

*******************************


دخل قيصر عند ميثا وراح يجلس بالكرسي جنبها
قيصر بهدوء: سلامتج حبيبيتي طمنيني عنج
ميثا بهمس: تمام والحمدلله
قيصر بحب وهو يبوسها بجبينها: الحمدلله خفت عليج وايد فلحظه فكرت انه راح تروحون من بين ايديني انتي وسلطان
ميثا بأبتسامه: لا تخاف نحنا بعدنا معاك
قيصر بفرح: الحمدلله ربي يخليكم لي ..
ميثا: اللهم امين
قيصر: فديتج
ميثا سكتت: ....................
قيصر بأنزعاج: ميثا اشفيج انتي بعدج زعلانه
ميثا ترقع: لا بس بعدي تعبانه شوي
قيصر بحنيه: اشفيج حبيبتي
ميثا: شوية إرهاق......
قيصر: اكيد بس ارهاق
ميثا بتردد: اكيد.....سكتت شوي وبعدها كملت: بس قولي شفته الولد ويشبه مين؟
قيصر بحب: لا ماشفته قلت اول اشوف حبيبتي وبعدين اشوفه
ميثا بخجل ماردت: .............
قيصر يجرها بالكلام: ليش انتي تبينه يشبه مين
ميثا بحب: ابيه يشبهك
قيصر: ليش
ميثا ببراءه: بس كذا ابيه يطلع لك.....ليش انت تبيه يشبه لمين؟
قيصر بأبتسامه: طبعا ابيه يشبه لج علشان يكون عندي منج اثنين اذا ماشفتج اشوفه واذا ماشفته اشوفج يعني انتي الأصل وهو الأحتياط
ميثا لا شعوريا ضحكت من غباءه: هههههه مو للدرجه هاذي عاد
قيصر بوله: فديت هالضحكه وصاحبتها
ميثا بخجل: قيصررررر
قيصر ذايب: عيووووونه
ميثا بحب: قولهم يجيبون ولدي ابي اشوفه واحضنه وألمه لصدري
قيصر: وانا بعد ودي اشوفه بس بعدي ماشبعت منج مشتاقلج حيييل
ميثا لا إراديا: وانا بعد
قيصر بخبث: بايش وانتي بعد
ميثا حست على نفسها بس كملت حبت تفرحه خلاص لازم ترجع مثل اول ماله داعي المكابره: اشتقتلك
قيصر بفرح: وانا ميت من شوقي لج حرمتيني منج ثلاثة شهور يالظالمه
ميثا بأسف: اسفه حبيبي
قيصر: وانا بعد اسف كلنا غلطنا
ميثا بحب: الله لا يحرمني منك
قيصر بهيام: ولا منج ياروح قيصر
ميثا بحياء: اعذرني قيصر على كل الي صار...وخلاص ودنا نفتح صفحة جديده
قيصر بحب: اكيد حبيبتي....راح اعوضج عن كل شي واوعدج اني احاول اسعدج العمر كله
ميثا: وأنا بعد اوعدك اني اسعدك وماخلي احد يدخل بينا ويخرب حياتنا مره ثانيه
قيصر وهو يضغط على ايدها بحب: احبج
ميثا بدلع تراضيه: وانا احبك واموت فيك حبيبي
قيصر ذايب: بس بس.. لاعاد تقولين هالكلام الحلو اخاف اتهور
ميثا تقهره: وين تتهور حبيبي...خلك بمكانك احسن.... مايصير انا محرمه عليك
قيصر بقهر: ليش عاد وايد
ميثا: استغفر ربك حبيبي هاذي حكمته
قيصر: استغفر الله
وعلى هاللحظه دخلت الممرضه بولدهم بين ايدينها...‎ ميثا وقيصر من شافوووه فرحوا من قلب...راحت الممرضه ناحية ميثا ومدت لها الولد وقالت لها ترضعه...أخذت ميثا ولدها بين ايدينها وجلست تلمه وتشمه وتضمه الى صدرها بكل حنان...ودموعها نزلت على خدها بصمت... حست بأحساس غريب عمرها ماحست فيه ودها تعطيه كل حنان الدنيا له
ميثا بحب: فديته حبيب ماما يانونو ياحليوا.....
قيصر بفرح: هلا بالشيخ سلطان حبيب ابوه
ميثا وهي تلعب بخدوده: يووووه شوف قيصر كيفه صغنون وكل شي فيه صغير فديته......
قيصر وهو يناظره ويلعب بخشمه: ههه لا ماشفته صغنون,,,متأكدين هذيلا ان هذا ولدنا كل شي فيه وارم وملامحه مو مبينه
ميثا بحب: حبييي لأنه بعده صغير.. شي طبيعي خلقه مايبين
قيصر: اها ان شاءالله يتغير لأنه حاليا شكله مايسر
ميثا بقهر: قيصر حرام تقول كذا
قيصر: بس بس حبيبتي ماقصد والله
ميثا تسولف ولدها: حبيبي انا زعلانه منك تعبتني ليش ماكنت راضي تطلع بسرعه من وين جايب هالعناد
قيصر يقهرها: من امه طبعا
ميثا بعد تقهره: وطبعا من ابوه بعد...نسيت نفسك
قيصر: لا مانسيت بس الولد كان مزعوج منج علشانج كنتي قاسيه معاي وقال ينتقملي منج
ميثا: هههههه حرام عليك
قيصر وهو يناظر ولده بحب: عطيني اياه امسكه
ميثا مدت له الولد علشان يمسكه بس قيصر خاف لما مسكه ماعرف ياخذه خاف لايطيحه فرجعه لها بسرعه ... ولكنه حاول مره ثانيه ونفس الشي خاف لايطيحه ورجعه لميثا
قيصر بتوتر: ميثا اخذيه بسرعه
ميثا: ليش مليت منه
قيصر بقلق: لابس خايف عليه اطيحه
ميثا: لا حبيبي حاول تمسكه لازم تتعود تاخذه
قيصر: خفت ماعرفت امسكه لأنه جسمه لين وايد
ميثا تضحك منه: ههههاي طيب حاول مره اخيره وانا بساعدك
اخذه قيصر مره ثانيه وهو متوتر وقرب شفته عند اذنه وصار يأذن له ولما خلص عطاها اياه بسرعه
قيصر: خذيه
ميثا بمرح: والله رجاجيل عمركم ماتعرفون تسوون شي
قيصر بقهر: هاذي شغلتكم انتم الحريم المره لها وظايفها والرجال له وظايفه وهاذي الشغله صعب اتعامل معها بسرعه
ميثا بدلع: حبيبي انا امزح
قيصر بحب: فديت الي يمزحون انا
ميثا بخجل: قيصر ممكن تطلع برا شوي ابي ارضع الولد
قيصر بقهر: ليش اطلع.. انا زوجج مو احد غريب
ميثا بحياء: بس انا استحي
قيصر بأستغراب: ميثا كيف تستحين مني معقوله للحين تخجلين مني
.......وكمل بحزم: انا ماني طالع رضعيه هنا بوجودي خلي عنج الدلع
ميثا بملل: اوكي خلاص برضعه
طلعت ميثا صدرها وجهها صاير ألوان من الحياء علشان ترضع ولدها....اما قيصر كان يناظرها ومن داخله بيفطس من الضحك لما شاف تعابير وجهها وخجلها... بس مسك نفسه لا يضحك بصوت عالي ويحرجها.....
ميثا لما جات بترضع ولدها ماقدرت لأن الولد لازم ينرفع فوق شوي علشان يقدر يرضع منها فاضطرت تطلب الخدمه من قيصر ليساعدها
ميثا بحياء: قيصر ممكن تساعدني
قيصر: في ايش
ميثا: مو قادره ارضع الولد وودي شي احطه تحته علشان اقدر ارضعه
قيصر: طيب حطي المخده الي ورا ظهرج
ميثا: بس المخده هاذي انا محتاجتها علشان اريح ظهري عليها
قيصر: اوكي شويه بس ولما تخلصين رجعيها
ميثا: اوكي جيبها
اخذ قيصر المخده وحطها في حضن ميثا علشان تحط عليها الولد وترضعه,,,,,, صارت ميثا ترضع ولدها الي كان نايم وهو يرضع منها,,,,, ميثا كانت من داخلها مو مصدقه ان هالولد الي بحضنها ولدها عمرها ماتوقعت بيوم انها بهالعمر بيكون معها ولد بين ايدينها وترضعه من صدرها وتحبه وتحن عليه وتحس فيه وتشعر بهالأحساس الغريب الي هي حاسته الحين من حب وحنان على هالكائن الصغير الي ياما وياما رفضته ودعت عليه وكرهته.. بس الحين الظروف تغيرت وصارت تموت عليه ولا ودها يروح من حضنها وعلى هاللحظه بكى سلطان ميثا خافت عليه وقالت بخوف: يمه ولدي اشفيه
قيصر يهديها: عادي ميثا كل الاطفال تبكي لاتخافي
ميثا بحب: هذا حبيبي ومابي شي يزعجه
قيصر بحمق: وانا شو
ميثا تتدلع: وانت بعد حبيبي
قيصر: افا الحين ولد اليوم ماترضين عليه احد يزعله وانا حبيبج وزوجج ترضين تزعليني من شهور بدون رحمه
....... وكمل بقهر: لا تقولين له حبيبي هاذي الكلمه لي وبس
ميثا مقهوره من غيرته الغبيه: قيصر انت اشفيك معقوله تغار من ولدك
قيصر: إيه اغار شكلج راح تحبينه احسن مني
ميثا وهي تسكت الولد الي بعده يبكي: لا انا احبكم اثنينكم لا تزعل
قيصر ارتخت اعصابه: فديتج قلبي
ميثا: وانا احبك ..... يلا رضيت
قيصر يتغلا: يعني مو وايد
وبعدها دخلت الممرضه علشان تاخذ الولد بس ميثا رفضت تعطيها اياه بعدها ما شبعت من ولدها والممرضه تعبت وهي تحاول فيها واخيرا اقنعها قيصر بأنه لازم تعطيه الممرضه لأن الولد يحتاج اهتمام من المستشفى هاليومين لين يطلعون وتاخذه معاها العمر كله.. واخير اقتنعت ميثا من بعد الكلام الي قاله قيصر ووافقت وعطت الممرضه الولد......
قيصر بأستغراب من تصرف ميثا: ميثا اشفيج هم بياكلونه الولد. علشان ترفضين عليه
ميثا بتاثر: لأني ماشبعت منه وماودي احد ياخذه مني
قيصر بالهدواه: طيب حبيبتي خلاص هدي نفسج
ميثا بحب ممزوج بدلع: خلاص هدينا
قيصر بأبتسامه: كذا احلى
ميثا وهي تريح ظهرها على السرير: اه تعبانه ودي انام
قيصر: زين نامي حبيبتي
ميثا: لا مابي الحين ابي اتصل بريم واقولها
قيصر: طيب اتصلي عليها
ميثا بكسل: تصدق شكلي بأجلها للعصر
قيصر: ليش
ميثا: بس مافيني اتكلم الحين
قيصر بخبث: انا ادري شلي تبينه
ميثا: شو يالذكي
قيصر وهو يقرب منها ويبوسها من خدها: تبين هاذي صح
ميثا احمرت اكثر: وخر وخر ناقصتك انا
قيصر بملاقه: لا ماراح ابعد
ميثا: قيصررر لا
قيصر بترجي: حبيبتي بس شوي

ميثا بضجر: قيصر خلاص فكني بسك دلع
قيصر: طيب اذا تبيني افكج سويلي الي ابي
ميثا: اوووف مليق
قيصر: وانتي مليقه
ميثا بقهر: انا مليقه
قيصر: إيه لأنج كسرتي خاطر زوجج وصرتي تعاندين به
ميثا بأنتصار: احسن
قيصر يسوي نفسه زعلان: اممم الله يسامحج
ميثا: ويسامح الجميع
قيصر بجديه: ميثا خلاص ارحمي
حالي
ميثا بخجل: حبيبي والله اخاف احد يدخل علينا ويشوفنا
قيصر: عادي انتي زوجتي
ميثا: ولو مايصير عيب
قيصر: مالي شغل اذا تبيني ارضى بوسيني
ميثا بحياء: لا مابي
قيصر يمد بوزه: طيب انا زعلان
ميثا تتدلع: اوووف منك لاتزعل براضيك بس مو الحين
قيصر: طيب متى
ميثا تقهره: بعد اربعين يوم
قيصر بفجعه: شوووووووو
ميثا: بعطيك ترضيه كبيره حبيبي
قيصر يطمع: زين انا الحين ابي المقبلات والتحليه خليها بعد الأربعين على قولتج
ميثا بدلع: لا حبيبي مابي
قيصر بخبث: حبيبتي شكلج تبيني اخليج ترضين بطريقتي
ميثا بخوف: لا قيصر لا أوعى
قيصر يضحك: الاخت من الخوف تحولت مصريه هههههه


*******************************



الظهر عند المعاريس عالساعه (pm 12:45) قامت منى من النوم بتثاقل وكسل
وفتحت عيونها ببطء ومن ثم ناظرت الى يسارها فلقت وليد نايم بعمق و شكله مرهق......
صارت تناظر فيه وارتاحت لما لقت حبيبها وزوجها الي تحبه نايم جنبها .... ابتسمت بحياء وقامت تروح للحمام تتسبح (اعزكم الله)
ولما طلعت لبست ثوب الصلاة وصلت وراحت للتسريحه ونزلت شعرها وحطت شوية ميك اب وبعدها بدلت تنوره برتقاليه واصله لنص الساق وعليها نقشه خفيفه بلون التركوازي والقيمص تركوازي وعالجنب بالكتف عليه بروش برتقالي ناظرت نفسها في المرايه زين ودها تكون تمام التمام قدام وليد وتتأكد بأنه مافي شي يخرب مظهرها ومن بعدها اخذت قنينة العطر وتعطرت
وبعد ماخلصت الكشخه راحت ناحية وليد وقومته
منى بحياء: ولودي حبيبي قوم
وليد وهو نايم: اممممممم
منى: وليد قوم بسرعه وصلي الظهر

وليد بسرررعه: ليش الساعه كم
منى: الساعه الحين وحده وعشر
وليد بسرعه قام: اووه تأخرت على الصلاة الظهر
منى بدلع: إيه حبيبي
قام وليد وراح يتسبح ويصلي ولما خلص رجع عند منى ولقاها جالسه على حافت السرير وكأنها سرحانه بشي.... وليد عجبه شكلها وسرح فيها لفتره وهو يناظرها وهي بكامل اناقتها وجمالها البراق وبعدها راح ناحيتها وقرب منها و حط ايدينه على عيونها وهو يبتسم
وليد ببلاهه: مين انا
منى بحب: انت حبيبي
وليد بمرح: من حبيبج
منى: حبيبي الي هو قلبي
وليد: ومين هذا قلبج
منى بتفكر: اسمه يبدأ بحرف الواو وأخره الدال
وليد: ذكريني بأسمه ياعمري
منى: حبيبي اسمه ولودي
وليد يبتسم: ايش قد تحبينه ولودي
منى: قد السما والأرض والكون كله
وليد وهو يبوسها على خدها بنعومه: وانا احبج قد العالم والكون كله حبي
منى بدلع: حبيبي
وليد بهيام: روح حبيبج
منى بحرج: خلاص خلنا نروح نفطر عاد ورانا سفر اليوم
وليد: طيب حبيبتي اصلا الفطور قد وصل يلا خلينا نفطر بسرعه علشان نروح نسلم على اهالينا قبل لا نسافر
منى: تيب
ومن ثم راحوا يفطرون ولما خلصوا طلعوا من الفندق وراحوا
لبيت ابو زياد لتسلم منى على اهلها وتودعهم وبعدها يروحون لبيت ابو وليد وبعدها للمطار ومن ثم على طول سفره لفرنسا

*******************************

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

في حديقة الجامعه جلسوا ريم وناديه الي طلعوا من الكلاس لأن محاضرتهم الأولى خلصت وعندهم بريك على ماتجي المحاضره الثانيه
ناديه: انا بروح اجيب لنفسي فطور جوعانه
ريم: طيب اذا بتروحين زوديلي معاج
ناديه: وليش انتي ماتروحين بعد
ريم: بجد مو قادره اروح
ناديه: تدلعين
ريم ببلاهه: يمكن
ناديه: طيب ايش تبيني اجيب لج
ريم: ابي كرواسان مع عصير برتقال
ناديه: بس ماتبين شي غيره
ريم: لا مشكوره حبيبتي عذبتج معاي
ناديه ببلاهه: نحنا من متى بينا شكرا ولا الي يتزوج يعقل
ريم تكلم لبناني: ههه هيك شي
ناديه: طيب انا بروح يادبه
ريم: مقبوله منج لأني للحين محتاجتج
ناديه وهي تضحك: ههههه ادري فيج مصالح
ريم بأبتسامه: من زمان
راحت ناديه تجيب لهم شي ياكلونه ويسدون فيه جوعهم ولما جات.. عطت ريم الي طلبته وجلسوا ياكلون ويسولفون وهم مندمجين في اخبارهن. دق جوال ريم يعلن عن وصول مسج فأخذت ريم جوالها وفتحت المسج تقراه ولما قرت محتوى المسج صرخت بفرح لا شعوريا..... ناديه استغربت من ردت فعلها ليش تصرخ مع نفسها اكيد صاير شي يفرحها..فسألتها بأستغراب
ناديه: ريم اشفيج
ريم بحماس: ميثا ولدت وجابت ولد
ناديه بنفس الحماس: قولي والله
ريم بفرح عارم: والله هاج شوفي المسج
خذت ناديه الفون وقرت المسج ولما شافته هي بعد صرخت بحماس وقالت بسرعه
ناديه: يلا ريمو بسرعه اتصلي _ اتصلي نهنيها
ريم بحماس فائق: ايه اكيد بتصل
اخذت ريم الفون من ناديه وحطت على رقم ميثا وبعدها فتحت شنطتها وطلعت منها السماعه وركبتها ومن ثم مدت لريم وحده لتحطها بأذنها وهي اخذت وحده وحطتها بأذنها وعلى طول اتصلت بميثا....ميثا من شافت رقم ريم على طول ردت بلهفه
ميثا: الووووو
ريم & ناديه: الوووو يادبه مبروووووووووووك عالبيبي
ميثا بفرح: الله يبارك فيكم حبيباتي
ناديه بحماس: سلامتج حبيبتي شخبارج
ميثا: الحمدلله تمام
ريم: يعني شو تمام نبي التفاصيل
ميثا بأستغراب: اي تفاصيل
ريم بخبث: اي تفاصيل بعد تفاصيل الولاده شسويتي
ميثا تقهرهم: ماسويت شي
ناديه بقهر: حلوه هاذي اطفال نحنا تمشينا
ميثا: ايش تبوني اقولكم
ريم بأصرار: قوليلنا يعني كيف تعب او لا
ميثا: من ناحية التعب... يتعب وبعدين انا ولادتي كانت صعبه شوي
ناديه بفجعه: يعني شو صعب
ميثا: يعني الولد مارضى يطلع بسرعه
ناديه بخبث: قوليلنا صارختي بكيتي يعني مثل مانشوف بالتلفزيون ولا لا
ميثا بأستعباط: لا انا كنت هاديه ومهذبه وماقلت شي لين ولدت....وكملت بقوووه: ناديووه ايش هالغباء اقولكم ولادتي كانت صعبه تقولون صارختي وبكيتي
ريم بأستيعاب: اهاه يعني العكس _ اكيد سويتي ضجه وفضحتي زوجج بالمستشفى
ناديه بثقه: شي اكيد
ميثا بقهر: وانتي ايش الي خلاج تتأكدين
ناديه بغباء: مادري احساس
ريم بفضول: طيب وضحي لنا ايش حسيتي لما كنتي بتولدين
ميثا بحرج: ماحسيت بشي
ناديه بهبال: ههههه نكته هي... قوليلنا يلا ايش صار
ميثا بملل: ماشي بس حسيت بألم وبعدها جوا الممرضات وخذوني وولدوني
ريم: حلوه هاذي وين التفصيل بالله
ميثا بطفش: ماله داعي طفرتوني
ناديه بأصرار: يلا قولي بسرعه
ريم تقهر ناديه: اوووه الشوتايم مايتحمل التأخير
ميثا بسررعه: وانتي ايش
ريم: انا ريم
ناديه تناظر ريم بقهر: وانتي جالسه تزنين عليها الا تعرفين شو تسمينه
ريم: ههه اشفيج خلينا نعرف ونكتسب خبره
ناديه بدفاشه: وليش تكتسبين خبرات حاسه نفسج بتحملين قريب ولا شو
ريم تدفها بقووه: فال الله ولا فالج انا بعدي ابي اعيش حياتي واتدلع
ناديه: ياخوفي منج.. هذا واذا ماكان في شي ونحنا ماندري عنه
ميثا بأنزعاج: بس بسكم صرقعتوني سكتوا
ريم بحمق من ناديه: سكتي هاذي الماصخه
ميثا: فاضيات انتوا
ناديه بهبال: سبحان الله ميثوووه عندها الحاسه السادسه فهمت مزاجنا
ريم: ههه طيب الولد طلع يشابه لمين
ميثا: ماعرف لأن شكله بعده منتفخ وخلقه مو مبين بس انا احسه راح يشابه لقيصر
ريم: ايش معنى
ميثا: لأن لاحظت عليه شوي ملامح تشابه لأبوه
ناديه: طيب فكرتوا شو تسمونه
ميثا: ايه سميناه سلطان
ناديه: اوووه هالأسم اموت عليه..خلاص بخطب ولدج لبنتي
ريم: لا والله بخطبه لبنتي
ناديه: انا قلت قبلج
ميثا تقهرهم: مانبي بناتكم مو ناقصين وجع قلب احنا
ريم بقهر: لييييييش؟.... ايش فيهم بناتنا
ميثا تخزهم: دام انتوا الغبيات امهاتهم اكيد بناتكم بيطلعون عليكم
ناديه: لا والله نحنا الحين غبيات
ميثا بغرور: ايه وايد
ريم: طيب يعني انتي غبيه مثلنا لأنج كنتي صديقتنا
ناديه: هههه اكيد
ميثا بغرور: بايخات
ريم: ندري من زمان..
ميثا تحرهم: يلا انا بسكر زوجي جنبي مليت من سوالفكم خليني اقابله احسن
ناديه بالعربيه الفصحى: يا اختاه اتركي عنكي هذا الدلع فأنه ليس جيدا لكم بهذه الفتره ويجب عليك بأن تمتنعي عن الغزل خلال شهر وعشرة اعوام.....اووه اقصد عشرة ايام
ميثا وهي تضحك: ههههههه صدق خبله
ناديه: خليها تتغزل شكلها تبي تخربها
ريم بخبث: اذا ودج تعدين هالأربعين على خير خففي
ميثا: اوك انا راح اسكر تعبانه شوي
ريم: تمام يلا مع السلامه فديتج
ناديه بخبث: مع السلامه ميثوه وماتنسين تبوسيلي قيصر
ميثا بقهر: حماررره ابعدي عن زوجي اخاف تسرقينه يامشفوحه
ناديه تضحك : ههههه مدري بس بفكر اذا عجبني باخذه
ميثا بحمق قطعت وسكرت بوجههم
ريم & ناديه: هههههههههههههههه
ريم: ياكلبه خوفتيها
وعلئ هاللحطه جاء وقت المحاضره وراحوا للكلاس لمحاضرتهم الثانيه لأن وقت البريك خلص......

*******************************


بعد يومين طلعت ميثا من المستشفى ورجعت للبيت واول مادخلت البيت جلست تناظر شقتهم باشتياق لها وكأنها غابت عنها سنين مو لثلاثه شهور وارتاحت لما حست بدفى بيتهم وريحتها من ريحت المستشفيات وازعاجها ميثا كانت تمشى في البيت خطوه خطوه من غرفه لغرفه وللمطبخ وبعدها للصاله حبت تتفقد بيتها وتنظفه وترتبه
مثل ماكانت تسوي اكثر بس الي صدمها ان البيت زباله قيصر مخلي البيت زباله من كثر ماهو مغبر وموصخ والملابس طايحه والدنيا كلها حوسه وصخ بوصخ... ميثا انقهرت من اهماله وكسله
ميثا: قيصر شو هذا
قيصر ولا كأنه شايف شي: شو فيه
ميثا: البيت زباله كل هالوصخ ماشفته
قيصر: حبيبتي ماكان عندي وقت كنت كل وقتي عندج بالمستشفى علشان كذا مافضيت
ميثا: ولو مو كذا عاد
قيصر: لا تخافين حبيبتي انا عامل حسابي اليوم الصباح قبل لا اجيج للمستشفى رحت لمكتب الخدم و طلبت خدامه وسويت المعاملات اللازمه وان شاءالله على حدود الأسبوع الجاي بتكون هنا عندج علشان تجي تساعدج بالييت وعلى تربية الولد
ميثا: طيب احسن اعتقد اني بحتاجها الحين وبهالظروف بس الحين مين بيساعدني انا ادري فيك انت مو مال شغل
قيصر: ومن قال اني ماعرف فالتنظيف انا اقدر اساعدج حبيبتي والولد دام انه الحين نايم حطيه بالغرفه على مهده وطلعي علشان نخلص التنظيف وبعدها نتغدى ونروح ننام
ونرتاح شوي
ميثا بحماس: طيب اوكي
راحت ميثا وتركت ولدها بمهده وشغلت عليه التكييف لأنه كان حران وخافت يقوم ومن ثم خلعت عبايتها وحجابها وجلست على الجلابيه وبعد دقايق طلعت لبرا لقيصر وينظفوا البيت بسرعه ويخلصون

*******************************



عالساعه (pm 1:29) في بيت بو محمد كانوا كلهم جالسين على السفره يتغدون
الا عمر كان نايم لأنه رجع الصباح من برا هياته في الشوارع وطبعا الولد ماصار يدرس همه كله في المخدرات والفساد
بو محمد: الا عمر وين
ام محمد: بغرفته نايم
بومحمد بأنزعاج: لمتى بينام.. هالولد مابيعقل كفايه نذالته وقلت ادبه واحترامه للناس وكل وقته هايت بالشوارع ومايدخل البيت الا وقت النوم
ام محمد: ماندري والله ...مثل ما انت شايف كلنا عجزنا معاه ودنا نعرف شلي فيه بس هو مو معطينا فرصه
بومحمد: انا خايف على هالولد لا يكون مخبي لنا شي مصيبه اكبر
ام محمد: الشر برا وبعيد ان شاءالله مافي شي
محمد: يبه بصراحة الي بحالة عمر يبغى له طب نفسي
مها: إيه انا حسيت انه مو طبيعي
ريناد ببراءه: يبه عمر اشفيه.. ليش ماصار يلعب معاي بس كله يخانق ويصارخ علي
محمد يطمنها: لا تخافين رنوده عمر مريض شوي واذا راح للدكتور بيصير بخير
مها بحب: إيه حبيبتي لا تخافين منه هذا اخوج وماحد يخاف من اخوانه
ريناد: طيب خلاص ماراح اخاف منه
ام محمد: بومحمد ابيك تكلمه مره ثانيه انا خايفه على هالولد
بو محمد: بحاول لازم نشوف ايش وراه مع انه عمر ماكان كذا ومهما كبر يظل صغير ببراءته
محمد: ايه والله تغير مليون بالميه انا مستغرب من عمر الطموحي والي احلامه واصله فوق الخيال والحين ترك مدرسته ومايبي يدرس ويحقق احلامه شي غريب
مها: انا اشوف انكم تجربون اخر محاوله وتكلمونه واذا ماتغير خذوه للطب النفسي
بومحمد: بنشوف يابنتي انا بكلمه وان شاءالله خير
مها: ان شاءالله
بو محمد وهو يقوم: يالله سفره طيبه..... انا بقوم ارتاح شوي وعالعصر صحيني يا ام محمد
محمد: طيب ياقلبي
محمد: هههه اووه ايش هالحب الوالده قاعده تتغزل بأبوي قدامنا
بو محمد وهو يضحك: اسكت انت... يعني حلال عليك وحرام علينا
محمد: لا مو حرام حقك بس قدامنا عاد اول مره
مها تدف محمد: حمودوه اسكت خلي اهلك ياخذون راحتهم
ام محمد تقهره: الحب مايتغير مع الزمان يامحمد الا حلاته عند الكبر
بو محمد: ايه صادقه حبيبتي
محمد: هههههههههاي ايش رايكم تروحون غرفتكم دام فيها حبيبتي وقلبي ومادري شو
ام محمد تقهر ولدها: انت اسكت روح انت وزوجتك اذا ودك
بو محمد بتعب: طيب انا استأذن بروح انام
محمد ببلاهه: يلا بابي اذنك معاك
ام محمد: ماتليق لك رجال ايش كبرك وولدك جاي بالطريق وتقول بابي
بو محمد: هههههه عبيط
ومن بعدها راح بو محمد ينام وجلسوا الباقي يكملون غداهم مع سوالف ومزاح مع محمد وسوالفه

*******************************



فبيت بو مها بعد الغداء جلس بومها بمكتبه وصار يفكر حس انه اشتاق لمها وانه لازم يسامحها.. هاذي مهما كان بنته ولازم مايشيل عليها بقلبه الحين هي تزوجت وعقلت وخلاص مايصير ياحاسبها على غلطه سوتها بلحظه طيش كان يقلب جواله هو متردد يتصل فيها او لا واخر شي توكل على الله ودق على جوالها.....

بهاللحظه كانت مها قد خلصت من الغدا وطلعت لغرفة نومهم هي ومحمد علشان ترتاح شوي قبل لا تقوم العصر وتبدأ في وظايفها الجامعيه فراحت تلبس بيجامت النوم ولفت شعرها ولما جلست عالسرير بتنام سمعت صوت جوالها يرن انزعجت شوي لأنها مالها خلق تكلم احد بس اخذت جوالها علشان تشوف من هو المتصل....
بس الصدمه الكبرى لما شافت رقم ابوها بجوالها.. بالأول ماصدقت ماتوقعت اصلا ان ابوها يتصل فيها خافت ترد خافت لا يتصل فيها ليأنبها بشي .... توقعت اي شي بس ماخطر ببالها بأنه يمكن ندم ووده يسامحها وترجع الأمور مثل اول.......ردت مها بكل توتر وخوف وبصوت متقطع: الو
بو مها بتأثر من سمع صوت بنته: الو مها شخبارج
مها بتلعثم: انا....بخير....وانت
بو مها بدموع: انا مو بخير انا يابنتي ندمان ودي نرجع مثل اول ونرجع اسره سعيده
مها وبعيونها الدمعه: يبه انا اسفه على كل الي سويته سامحني يايبه انا عقلت وفهمت الحياه بدون الأهل ماتسوى والله يعلم ان اهل زوجي مو مقصرين وياي بس انتوا غير وحبكم بقلبي كبير يبه انا الي سويته كان بلحظه طيش والي ابيه الحين اني اكون قربكم بس
بو مها بتاثر ودموعه كانت تنهمر على خده بحزن: انا مسامحج يامها ومحللج في دنيا واخره
مها ومن بين دموعها: الله يخليك لي يايبه
بو مها: والله يخليج يابنيتي ومن اليوم ورايح تعالي زورينا بأي وقت تبين وياليت تشرفينا من بكرا انتي ومحمد
مها ببكاء: اكيد يبه انا بموت لكم من الشوق بجيكم بكرا العصر وابيك تكون بالبيت علشان اشوفك واكحل عيني بشوفتك انت وكل اهل البيت
بو مها بحب: طيب حياج الله يابنتي وسامحيني مره ثانيه اهم شي سويت الي يريح بالي وضميري ماتدرين يامها اني الحين مرتاح حييل حسيته انه هم وانزاح عن قلبي
مها: سلامتك يايبه من الهموم وان شاءالله ماتشوف هم من بعد اليوم
بو مها: ولا انتي يابنيتي......وبعدها كمل بفرح: كم صار معاج شهور امج كانت قبل تحثني اتصل واهنيج بس تدرين كان الشيطان يلعب بتفكيري وعندت..
مها بحماس: صار معي خمسة شهور يبه
بو مها بفرح: ماشالله ماشالله الله يتمم لك انشالله..
بو مها: يلا يابنتي انا اخليج الحين امج واقفه فوق راسي تبي تكلمج بس انا رفضت قلتلها انج بتجين باكر وبتشبع منج
مها: حرام عليك يبه اعطيني اياه
بو مها: لا خلاص الحين صار وقت النوم جيتي من الجامعه وودج ترتاحين وانا ادري ان سوالف الحريم ماتخلص بسرعه خليها لباكر واحسن تشوفون بعض على الطبيعه وتسولفون لين تشبعون
مها بأرتياح: ههههههههاي والله عليك حركات يبه
بو مها بخبث وهو يناظر ام مها: ايه خليها لاتحاتين انا بروضها بطريقتي
مها: ههههه ياواثق
بو مها: إيه عشرة ثلاثين سنه ماراحت بلاش
مها: اكيد صرت حافظها مثل اسمك
بو مها: طبعا....يلا مع السلامه وسلميلي على محمد واهله
مها: ان شاءالله....اي اوامر ثانيه
بو مها: لا حبيبتي مايأمر عليج عدو
مها: يلا باي
بو مها: باي
سكرت مها من ابوها وهي فرحانه وحاسه ان الدنيا مو سايعتها من الفرحه ودها تطير جلست تضحك مع نفسها .. مها بقرارة نفسها ارتاحت لأن ابوها سامحها رغم ان هي للحين مو مسامحه نفسها على الي سوته بس كلام ابوها طمنها وريح بالها
.......................

عند بو مها ام مها انزعجت لما زوجها ابو مها ماخلاها تكلم بنتها الي اشتاقت لها واشتاقت تسمع صوتها بس في نفس الوقت ارتاحت لأن ابو مها اتصل يتعذر من بنته وان مها بتجي بكرا وبتكون جنبها وقدام عيونها وتلمها الى صدرها......
ام مها بتحسف: ليش ماخليتني اكلمها
بو مها: الحين صار ظهر مو حلوه اكيد البنت تعبانه وودها تنام
ام مها: وانت يوم بتتصل ماحسبت انها يمكن تكون نايمه وتعبانه على قولتج
بو مها: انا معذور لأني ابي ابري ذمتي واعتذر منها
ام مها بقهر: طيب انا بعد مشتاقه لها وودي اكلمها
بو مها يروضها: بس ياقلبي طاف وان شاءالله بكرا تشوفينها لا تكبرين السالفه
ام مها بأقتناع: طيب خلاص صدعتني
بو مها: ههههاي زعلتي
ام مها هي تمد بوزها بدلع: شوي
بو مها بحب: بشو تبيني اراضيج
ام مها تتغلا: مابي شي
بو مها يبتسم برواق: ليش عاد
ام مها: بس مابي اشوف وجهك
بو مها: ماتقدرين حبيبتي
ام مها بغنج: ليش
بو مها: لأني بلاقيج بالغرفه
ام مها: اطلع منها اليوم
بو مها: افا خدوي انتي الطيبه العاقله الثقيله يطلع منج هالكلام
ام مها: ايه قهرتني اصلا
بو مها يداعب خشمها بأصابعه: طيب خلاص انسي حبيبتي
ام مها فطست من الضحك: هههههههههههههاي هههههههههههه وخر ايدينك دغدغتني
بو مها يزودها: ماراح ابعد عنج الا اذا رضيتي علي
ام مها بتحدي: لا مارضيت
بو مها وهو يزيد ويدغدغها اكثر من اول في خصرها ورقبتها وام مها جالسه تضحك وتصارخ : هههههههههههههههههه هههههههههههههههههههه هههههههههههههههاي ناصر خلاص بجد ماعد قدرت اتنفس
بو مها: لا ارضي اول وبعدين اخليج
ام مها تضحك بهستيريا: هههههههههههههههههاي ياناصر عيب اخاف البنت تسمعنا
بو مها وهو فرحان وهو يلاعب زوجته: مو مشكلتي اهم شي انتي ترضين
وعلى هاللحظه دخلت حنان لمكتب ابوها لأنها سمعت صوت وصراخ خافت وراحت تشيك هناك تتأكد ولما دخلت انصدمت بالمشهد الي تشوفه ابوها وامها عالكنبه وامها جالسه تضحك بهستيريا وابوها يدغدعها فالبنت عصبت من تصرفات اهلها الي تشوفها تصرفات مراهقين.....
حنان بصدمه: يبه يمه ايش هذا
ام مها بخجل انصدمت: حنان
حنان كانت تناظر بتعجب وإستغراب: إيه حنان .... ايش قاعد يصير هنا
بو مها بسرعه: لا تفهمين غلط نحنا بس نلعب شوي
حنان بحده: قصدك لعب كبار.....يبه انا مو صغيره وافهم لا تضحك علي بهالكلام
ام مها: لا ياحنان والله انج فاهمه غلط نحنا بس كن............ قاطعتها حنان بسرعه
حنان: يمه ماله داعي توضحون انا فهمت وعادي خذوا راحتهم انا بطلع غرفتي
بو مها بحده: حنان هذا الكلام مو لج وبعدين نحنا ماسوينا شي بس كنا نلعب وبالأخير نحنا مو مجبورين نوضحلج اي شي... نحنا اهلج وكلمتنا هي الي تمشي عليج واذا مو مصدقه فكري بالي تبينه
حنان بأنزعاج قفلت الباب بقوووه وطلعت فوق لغرفتها وهي معصبه من اهلها وعدم مسؤوليتهم انهم يسوون هالحركات في المكتب الي لا يعتبر مكان منغلق ومناسب لها الأوضاع



كانت ام مها تنادي بنتها خجلت وماودها بنتها تشوفهم بهالوضع: حنان حنان حنان بنيتي انتي فاهمه غلط
بو مها بعصبيه: خليها ماله داعي تنادينها ومو لازم توضحين لأحد مهما كان هذا حقنا وهي الي قليلة ادب ومو من حقها تأنبنا
ام مها بحمق: انت غلطان ..... زين الي سويته الحين خليت البنت تفهمنا غلط
بو مها بصوت اقوى: قلتلج لا تكلمينها... واشفيها اذا شافتنا يعني على ما اظن انتي زوجتي وانا زوجج وين الغلط يعني
ام مها: الغلط انه تشوفنا بهالوضع
بو مها: خديجه اذا انتي خايفه على مشاعرها روحي ركضي وراها ذلي نفسج وكأنج انتي البنت وهي الأم
ام مها وهي تتجه للباب بتطلع: وهذا الي بسويه مابيها تشك بأننا عديمين مسؤوليه نسوي هالحركات بالمكتب
بو مها بأستهزاء: ههه طيب ليش منتظره روحي
راحت ام مها لفوق لغرفة بنتها حنان وجلست تطرق الباب وتطرقه وحنان ماكأنها تسمع احد جالسه عالنت وتستعبط في امها وام مها بعدها تطرق عليها الباب وتناديها... وبالأخير لما تعبت وحست بالاذلال تمنت لو انها سمعت كلام زوجها ابو مها فراحت لغرفتها وهي زعلانه ومقهوره من بنتها حنان وقلبها القاسي

*******************************


بالليل عالساعه (am 1:50) عند قيصر ميثا نايمين من بعد الكرف والكد الي سووه فالبيت كلها .... نظفوا تنظيف اكيد وخلوا البيت يلمع مع انهم ينظفون شوي ويروحون لسلطان شوي بس انجزوا شغلهم على اكمل وجهه ومن بعد هذا الكرف راحوا يتسبحون ويصلون ومن بعدها تعشوا وعلى طول ناموا من التعب والأرهاق ... ماحسوا على انفسهم..... طبعا ميثا بحكم انها صغيره ماتعرف شغلات الحريم بعد الولاده الي تسويها مثل الأعشاب ومادري شو الي المفروض تحطها ومن انها تمتنع من النومه جنب زوجها لأنها نفاس.... وهم نايمين سمعوا صوت سلطان يبكي بكاء متواصل ميثا ماكانت قادره تقوم له اما قيصر فكان منزعج منه حييل كان يتقلب من الأزعاج ويسكر على اذونه من صوته الحاد
قيصر بأنزعاج قام وهو ضايق حييل: اوووووف ميثا روحي سكتيه بجد ودي انام تعبان بكرا وراي دوام
ميثا وهي نايمه ومو حاسه بالي حولها: امممممممم
قيصر: ميييييييثا قومي شوفي ولدج
ميثا بمحق: اوووف تعبانه روح شوفه انت
قيصر بحده: لا والله الحين مين امه انتي ولا انا
ميثا بأنزعاج: ياخي تعبت عادي شوفه انت انا تعبانه ومو قادره لشي
قيصر: ماراح يسكت معاي روحي انتي
ميثا بملل وهي تتأفف قامت وراحت ناحية سرير سلطان واخذته وراحت به لسريرهم وجلست على طرف السرير وحطته على كتفها وهي تهز فيه تحاول تسكته: اوووف ناقصه انا
وسلطان كان يصارخ من قلب: وا واع وووووووووا
قيصر اخذ المخده وحطها على اذنه من الأزعاج وميثا جالسه تهديه بس ماعرفت فيه ماتنلام ام جديده ومافي احد كبير يوجهها مادرت شتسوي خافت لايكون فيه شي
ميثا بقلق: قيصر شسوي مايرضى يسكت
قيصر بعصبيه: مادري بس ارجوج سكتيه صدعني بكاه
ميثا بقهر: حلوه هاذي الحين انا الي اخذ كل التعب وانت تنام
قيصر ضايق: ايه لأني مادري شسوي معاه وبعدين انا بكرا وراي دوام
ميثا: طيب وانا مو عارفه شسوي معاه
قيصر بحده: انتي امه تقدرين تتعاملين معاه .... وين حنيتج
ميثا: اي حنيه وانا بروحي متضايقه ومو قادره ابطل عيوني من النوم
قيصر بضجر: طيب رضعيه
ميثا وكأنها تذكرت: اووووه يمكن جوعان كيف نسيتها هاذي يمكن اذا رضعته يفكني وينام
قيصر: سوي الي تبينه بس ارجوج سكتيه
حاولت ميثا معاه ورضعته بس من البدايه ما استجاب كان يبكي ولكن هي مايأست وجلست ترضعه وترضعه حتى بالأخير استجاب مع الرضاعه ونام بعمق ...ولمن هو نام ارتاحت ميثا وحطته بينهم عالسرير ورجعت هي تنام...... بس الصدمه انه بعد ساعه تقريبا قام سلطان ورجع يبكي ميثا انقهرت وحست ان قواها خارت من التعب والأرهاق وسلطان بعده كمل عليها
ميثا جالسه تهدي ولدها: حبيبي خلاص حرام عليك نام تعبتنا معاك
سلطان ولا عباله: وا وا وووه
قيصر بطفش: ياربي بجد هالولد بيطفشنا
ميثا: قيصر ارجوك تصرف معاه انت هالمره انا تعبانه مو قادره
قيصر بأنزعاج: بس انا ماعرف امسكه وبعدين بجد مو رايقله
ميثا بتوسل: علشان خاطري حبيبي حاول
قيصر بأستسلام: اوووف امري لله
اخذه قيصر بحذر وجلس يلعب معاه شوي بس سلطان يبكي مافي فايد منه. قيصر لما تعب منه قام يجرب طريقه ثانيه فشاله بحذر وهو من داخله خايف لايطيح عليه وجلس يلاعبه ويغني له وهو واقف ويمشي بالغرفه كلها
قيصر يغني: نام ياحبيبي نام ماما عند الجاره وبابا في الدكان نام ياحبيبي نام...
وعلى هالأغنيه الي يرددها قيصر سلطان اندمج وعلى طول نام بعمق
قيصر استغرب ماتوقع انه ينام عليه بس ارتاح ان هالشقي نام وان شاءالله ينام للصباح ويفكهم من ازعاجه ولما نومه زين راح لسريرهم وحطه بالنص بينهم واراح راسه عالمخده ونام من بعد التعب والشقى الي شافه بهاليوم
اما ميثا من كثر ماهي تعبانه ماهي حاسه بالدنيا ونايمه بعمق حتى ماسمعت صوت بكاءه وهو يبكي بين ايدين قيصر وعدت الليله على كذا

*******************************



فالصباح اليوم الثاني وتحديدا بيوم الأثنين كان في موضوع منتشر اشغل عقول الجميع وهو
الفيديو والصور الخاصه بإيمان الي نشرها تركي يطعنها فيهم وبعد ليأكدلها انه قول وفعل.... كانت منتشره بقوووه وخصوصا عند الشباب الي كانوا يرسلوهم لبعض لين ما انتشرت في المنطقه كلها والاراء كانت منهم المتعجب والي مصدووم والي عجبه المنظر والي ما اهتم وشافه مو جديد والي ينقل الأخبار وفرحان انه معاه سالفه جديده والي سمع عن الي انتشر وصار يدور علشان يتأكد.......
المهم بذاك اليوم إيمان كانت نايمه وماحست بالي صاير بالدنيا بس شي صحاها وخلاها تقوم من نومها وهو رنة المسج.. قامت ايمان بتثاقل وكسل واخذت الفون لتشوف المسج من مين مع انها مستغربه من بيرسلها بهالوقت عالساعه سته الصباح بس توقعت ان صديقاتها بالجامعه رسلوا لها يسألونها عن تغيبها بالجامعه لها الأيام
بس الطامه الكبرى لما فتحت المسج وقرئته كله.......تمنت ان الأرض تنشق وتبلعها ولا تشوف ذيك الصوره الي كانت لها بوضع مسيء مع الحقير تركي الي طرش لها المسج مع الصوره......(حبيبتي الي طرشته الحين شويه بس الي بتشوفينه بشوارع البلد اكبر _ الفيديوهات والصور الخاصه فيج وياي كلها بين ايدين الشباب يال(........) )
ايمان بصراخ وهي ترمي جوالها: لا لا حرام الي يصير فيني الله ياخذك ياتركي يالخسيس.....
وجلست تبكي بقهر مصدومه خايفه جن جنونها لمن شافت المسج الي وصلها من تركي بس ماتوقعت ان ينشرها لأحد بس يمكن يهددها
وهي بهالحاله والصدمه الي مو قادره تتحملها سمعت صوت مسج ثاني وراحت اخذت الجوال بسرعه تشوفه توقعت ان تركي الحقير....بس الطامه الثانيه والي صدمتها اكثر لما قرت المسج الي كان من صديقتها امال..
(بجد صدمتيني يا ايمان ماتوقعتج بهالأحنطاط والتدنيء لدرجه انج توصلين لها المستوى...واتمنى من اليوم ورايح ماشوفج ولا اشوف رقعة وجههج بوجههي )
ايمان انهارت وجلست تبكي بحرقه وقهر من السواة الي سواها فيها تركي الوصخ عرفت ان تركي الحقير سوى الي براسه ويمكن الحين الكل راح يتفرج على عرضها.. ماتدري ايش تسوي خافت من الفضيحه اكيد الكل شافها وعرفها وعرف كل شي فيها ايمان تبكي وهي تفكر بأهلها خافت يوصل لهم هالشي خافت من هالفكره بمجرد انها تخيلتها ومن داخلها كانت تقول لما يعرفون اكيد بيقتلونها وبتصبح ماضي
ايمان بخوف جنوني: ياربي ساعدني يارب شو اسوي بهالفضيحه الي طاحت على راسي يارب سامحني واغفرلي عن كل الي سويته يارب
وجلست تبكي وتبكي بس ما باليد حيله هذا قدرها ولازم تتحمله

*******************************


عالساعه (am 10:48) رجع بو مها من دوامه لأنه كان تعبان شوي وطلع من دوامه ليرتاح....ولما وصل لقى ام مها جالسه بالصاله تتريق وتشوف التلفزيون
راح صوبها وهو يحس خطواته ثقيله من الأرهاق والتعب الي يحسه اليوم
وجلس جنبها.....
ام مها استغربت وخافت عليه لما شافته جاي مبكر اليوم
ام مها: حبيبي اشفيك جاي بسرعه اليوم فيك شي
بو مها بتعب: ليش ماتبيني
ام مها: لا حبيبي مو كذا بس خفت عليك مو من عوايدك تجي مبكر عالبيت
بو مها يتنفس الصعداء: لا تحاتين مافيني شي بس عندي شوية ارهاق يمكن من قلت النوم فقلت اروح ارتاح بالبيت شوي
ام مها بأرتياح: اهاه الحمدلله طيب حبيبي قوم استريح فوق
بو مها: لا خليني جنبج شوي احس اني مشتاقلج انتي وسوالفج
ام مها بأستغراب: هوو... مشتاقلي _ليش انت مو قاعد معاي الحين وكل هالوقت انا بوجههك تشوفني
بو مها بسرعه: بس اليوم غير
ام مها وعلامات الأستفهام على راسها: ليش اشفيني علشان اكون غير
بو مها بغرابه: اصلا انتي كل يوم تكوني غير بس اليوم انا اشوفيج ملاك
ام مها بخجل: شو اسمي هالشي غزل
بو مها: سميه اي شي عيب الرجال يتغزل بزوجته
ام مها بأبتسامه: لا مو عيب بس اشوفك رايق اليوم للغزل
بو مها بأسف: اسف حبيبتي انا ادري اني مقصر لأن الشغل ماخذ كل وقتي مما خلاني اقصر معاج شوي
ام مها بحب: فديتك لا تقول كذا انت مو مقصر بس الغلط الي فيك انك متعب نفسك مع الشغل....حبيبي العمر يخلص والشغل مايخلص
بو مها بحزن: صدقتي شكله كذا
ام مها بخوف: اشفيك خوفتني
بو مها يغير موضوع: ماشي بس كنت بسألج عن حنان داومت اليوم
ام مها: لا دوامها الظهر بالجامعه اليوم
بو مها: احسن
ام مها: ليش
بو مها بتعب وهو يقوم بيصعد: بس بروح اكلمها شوي ابي قلبها يصفى مع الجميع
ام مها بحب: طيب روح وشوفها ياقلبي
راح بومها لغرفة بنته حنان ودق الباب وبعدها فتحه ودخل
بو مها بمرح يقاوم ضيقه: السلام عليكم
حنان بخجل من نفسها وتصرفها امس: وعليك السلام شخبارك يبه
بو مها: الحمدلله تمام وانتي
حنان وهي منزله راسها: بخير والحمدلله
بو مها بحب وهو يقرب من بنته ويجلس جنبها على طرف سريرها: حنان انتي بعدج زعلانه من سالفة امس
حنان بسررعه: لا مو زعلانه ليش ازعل
بو مها: مادري شفتج لا طلعتي ولاجلستي معنا ففكرنا بعدج زعلانه
حنان بحرج: بجد مو زعلانه بس انا مستحيه من نفسي ومن موقفي امس لأنه ماكان بمحله ومو من حقي ازعل منكم اصلا
بو مها وهو يربت على كتفها بحب: انا عارف انج عاقله حتى استغربت منج ومن حركتج بس توقعت انج ضايقه من شي غير موضوعنا
حنان: ايه كنت مضايقه شوي لأن الأختبارات قربت وانا للحين مو حاسه نفسي مستوعبه شي من المذاكره
بو مها بتشجيع: طيب يابنيتي لا توترين نفسج ذاكري بتركيز وهدوء وراح تستوعبين
حنان بأبتسامه: طيب ان شاءالله يبه
بو مها: دوامج عالساعه كم بالضبط
حنان: عالساعه ثلاث الظهر
بو مها: احسن لأنه مها اختج بتجي اليوم عندنا تتغدا
حنان بفرح عارم: اوووه حماس والله اشتقتلها هالخايسه....وبعدها كملت بجديه:بس يبه انت رضيت عنها
بو مها وهو يتنهد بالم: ايه
حنان: متى
بو مها: امس لما شفتينا انا وامج.. كنا نستهبل فرحانين فجيتي انتي وماخليتينا نفهمج
حنان بندم: اسفه بجد
بو مها: عادي حبيبتي هالموضوع خلاص انتهى
حنان وهي تقوم وتقفز على ابوها وتضمه : سوري بابي
بو مها فرحان: هههههههاي ذكرتيني بطفولتج بس الحين خلاص كبرتي وصرتي ثقيله
حنان بدلع: ادري بس بظل اخر العنقود ودلوعتك حنون
بو مها بحنيه: اكيد اصلا انتوا البنتين الي طلعتولي من هالدنيا وحبكم بقلبي كبير وانا ندمان اني ضعيت كل هالشهور وانا زعلان على اختج صح هي غلطت بس المفروض انسى لأن كل انسان يغلط بدنيته بس اهم شي ان الواحد يتعلم من غلطه ومها تابت وتعلمت بس انا الي قسيت عليها بزياده
حنان بحب: خلاص بابي طاف لا تعب نفسك اهم شي ان الموضوع انحل وانتهى
بو مها: صدقتي الحمدلله واليوم ان شاءالله بنكحل عيوننا بشوفتها
حنان بفرح: ههههههههاي مشكور يايبه على هالكلام كنت محتاجه هاليومين احد يعطيني مثل هالكلام ويعزز من ثقتي بنفسي
بو مها وهو يقرصها بخدها بقووه: لا تقولين هالكلام هذا واجبي ودور الأهل انهم يوجهون اولادهم للطريق الصحيح
حنان بالم: اي بابا عورتني.......ومن ثم كملت وهي تبوسه بخده: وانت احلى ابو بالدنيا يابابا
بو مها: هههههاي يلا يادلوعه بابا خلينا نروح لأمج تبوسينها وتستسمحين منها
حنان بسرعه وهي تقوم: يلا بابي خلنا نروح...
طلعت مع ابوها وراحوا لتحت علشانها تروح تبوس امها وتتأسف منها ولما وصلت لتحت راحت صوب امها تراكض وضمتها على طول
حنان بخجل: يمه انا اسفه والله اسفه على الي قلته وسويته امس
ام مها بحب وهي تمسح على شعرها: عادي حبيبتي انا مسامحتج ومو زعلانه منج انتي دلوعتي حنون
حنان: فديتج يا احلى مامي بالدنيا
ام مها: وانتي احلى بنوته بالعالم
بو مها: خلاص خلاص ندري تحبون بعض انتي وامج
حنان بسرعه: لا انا احبكم كلكم.... ويلا بسرعه ابا حضن جماعي
ام مها بأبتسامه: هههههههههاي ملعونه
بو مها بتاثر: يبغالها صوره هالحضن الجماعي ماتدرون يمكن تكون اخر صوره لنا
حنان وامها بخوف تكلموا بصوت واحد: وليش تكون اخر صوره
بو مها يتدارك الموضوع: اشفيكم ماقصد شي انا اقول كذا لأني صرت اكره الصور وقلت اخليها اخر صوره مع بعض
حنان بأرتياح: طيب لا تحاتي بصوره سلفي بالجوال.. انتوا بس عطونا ابتسامه وحضنوني
ام مها بحب: شقيه
بو مها يتبسم: وايد
حنان تتدلع بين اهلها: يلا بابا وماما بصور
بو مها: طيب صوري
وجلسوا يصورون وهم فرحانين كأي اي عايله سعيده......
...........................


"البارت الخامس عشر"


الظهر عند مها بعد ماجات من الجامعه مانامت من كثر ماهي فرحانه وودها تشوف اهلها كانت تجهز نفسها علشان تروح على طول وتتغدى هناك
كانت واقفه عالتسريحه قبالة المراة تتكشخ وتتمكيج بحماس والأبتسامه شاقه الحلق..... وهي فرحانه وتغني اغنية لراشد الماجد
"الي لقى احبابه نسى اصحابه يادنيا ياغرابه يادنيا ياغرابة.....
خلي يشوف ويقرب مايلقى غيري حبيب وان كان معدنه الطيب انا الطيب وقليبي فاتح ابوابه.........
ايام كم عشناها يامحلاها وشلون بس ننساها وشلوون بس ننساها"

وعلى هاللحظه دخل محمد عليها الغرفه ولقاها فرحانه والدنيا مو سايعتها من الفرح ,,,, محمد وهو يحضنها من الخلف ويبوس خدها بنعومه
محمد: حبيبتي صح الي قلتيه بالأغنيه الي لقى احبابه نسى اصحابه يعني انا خلاص بتنسيني
مها بأبتسامه من غيرة محمد: لا حبيبي انا مستحيل انسى قلبي الي هو حبيبي وزوجي محمد بس انت حبك شي ثاني وحبي لأهلي شي ثاني

محمد بحب وهو يزيد من حضنه لها: مهوي انا احبج وايد
مها تدلع: وانا احبك موت
محمد: ايش قد مشتاقه لأهلج
مها بفرح عارم: ميته شوق تخيل قربت السنه وانا مادخلت بيتنا معقوله تسألني بشو احسه
محمد وهو يعبث بأصابعه على خصرها: ليش ما ارتحتي شوي من بعد ماجيتي من الجامعه
مها بحماس: مابي اصلا شوفتي لأهلي تغنيني عن كل شي وبعدين انا مابي اتأخر وعدت ابوي اني اجي بسرعه
محمد يتدلع عليها: لا عاد طيب انا بعد مشتاقلج حبي خليج معاي شوي
مها تتغنج: حبيبي لا تكون طماع انا جنبك كل يوم بس اهلي انحرمت منهم سبعه شهور وبعدين انا بالليل بكون هني عندك فماراح تشتاقلي وايد
محمد بقهر: اوووف منج ليش اليوم عاد يوم اني طلعت من الدوام متلهف لشوفتج بتروحين لأهلج
مها تحره: ههههاي هذا حظك حبيبي
محمد: طيب خلصي بسرعه علشان اخذج لأني ودي ارجع انام بسرعه
مها: اوكي بيبي اصلا انا الحين خلصت بس بحطلي رشة عطر عالسريع
محمد: اوك حياتي بنتظرج تحت بالسياره
مها: تووومام عمري
وبعدها طلع محمد من الغرفه وراح للسياره ينتظرها هناك وهي تعطرت عالسريع وطلعت وراه ومن ثم راحو لبيت اهلها وهي فرحانه موووت ودها تكحل عينها بشوفتهم وتسهر كل ليلها عندهم

*******************************

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

في الدوام عند قيصر خلص شغله وجالس يقرا جريده يتسلى فيها شوي حتى يخلص من استراحته ويرجع لشغله.....
وهو مندمج مع اخبار الجرايد دخل عليه عبد العزيز صديقه وهو يبتسم
عبد العزيز: سلام يابو سلطان... ياخي مبروووووووك عالولد
قيصر بأبتسامه: الله يبارك فيك يابو الشباب
عبد العزيز: الا شخبارك هالأيام قليل مانشوفك هالفتره
قيصر وهو يمسح على وجهه بتعب: تدري زوجتي ماطلعت الا امس من المستشفى وطول وقتي عندها اداريها فماكنت اطلع مكان
عبد العزيز بتفهم: الله يلوم الي يلومك ياخوي ندري ان عندك ظروف
قيصر: محشوم يالحبيب
عبد العزيز: طيب قول لنا الولد طالع لمين لك ولا لأمه
قيصر بفرح وهو يتذكر ولده الشقي: ماعرفنا له اصلا شكله كل وارم فماقدرنا نحدده يشبه لمين
عبد العزيز: لاعاد مو لها الدرجه
قيصر بجديه: بجد ماقدرت احدد ملامحه...بس زوجتي تقول انه يتبين شكله اذا كمل سته شهور
عبد العزيز: اها الله يخليه لكم ويخليكم له انشالله
قيصر: امييييين
عبد العزيز: الا ايش جالس تسوي الحين في وقت استراحتك
قيصر بملل: ماشي بس اقرا الجرايد واتسلى فيهم شوي لين يخلص البريك مالي
عبد العزيز: ههههههه والله انك قديم انت.. لك عندي شي راح يسليك اكثر من هالجرايد الي جالس تقراها ومضيع وقتك فيها
قيصر بفضول: ليش شو الي عندك
عبد العزيز بخبث: شي جديد وحديث في سالفه قالبه الدنيا اليوم وانت ماتدري عن هوا دارك
قيصر بأستغراب: اي سالفه
عبد العزيز وهو يكمل: في بنت منتشرين لها صور مع واحد يسمونه صياد البنات هذا اجرم انسان سمعت عنه بحياتي
قيصر بفجعه: اي بنت واي صياد بنات بجد مو فاهم وضحلي السالفه
عبد العزيز: ايش اوضحلك اكثر..بنت مع واحد بشريط فيديو ايش تتوقع يعني..بس تصدق هالوصخ هذا عرف يختار بجد البنت الي معاه فللللله... حييل جذابه وجميله... اوووف ايش اقولك انصحك تشوفها بنفسك وتحكم
قيصر بأبتسامه: اهاه فهمت عليك... والله انك وصخ ياعزوز..طيب ارسل
عبد العزيز يقهره: هههههه وصخ وبعدها ارسل والله انك عيار
قيصر متحمس: بسرعه
عبد العزيز: تبغي صور وفيديو ولا فيديو بس
قيصر: ابيهم كلهم
عبد العزيز يبتسم: ابشر
فتح عبد العزيز جواله وسوى تحديد للصور والفيديو وارسلهم ليقصر ..
قيصر اول ماوصلوا عنده فتح الفيديو يشوفه بس انصدم لمن شافه...لأنه عرف البنت هاذي بس ماصدق سكر من الفيديو وفتح الصور يمكن تكون الصور اوضح ويقدر يعرف صاحبة الصور زين بس لما شاف الصور اتسعت عيونه اكثر وانصدم وبدون شعور نطق اسمها
قيصر بصدمه: إيمان
عبد العزيز بأستغراب: من هي ايمان
قيصر بتقطع: هه....هاذي الي بالصور والفيديو بنت جيراننا
عبد العزيز بأستغراب: بنت جيرانكم؟!.....
قيصر وهو بعده مسبهه في الفون وهو مو مصدق الي يشوفه: إيه البنت الي خربت بيني وبين زوجتي هاذي هي
عبد العزيز بصدمه: هاذي هي
قيصر بفجعه: ايه هي وانا متأكد بس كيف تجرأت وسوت هالشي
عبد العزيز بقهر: معقوله هالمزيونه يطلع منها كل هذا
قيصر: إيه بس انا كنت مفكرها اشرف من كذا
عبد العزيز وهو يربت على كتفه: لا ياحبيبي مافي اشرف من كذا هالبنت مالها فيديو واحد مع هالخايس الأ معاها وايد والصور بعد بس انا اخذت هذولي من عمار ارسلي اياهم امس وقالي في اكثر من هذا بعد
قيصر بصدمه: يعني متعوده على هالأشياء
عبد العزيز: ياخي شفيك زعلت عليها ولا شو
قيصر: لا بس زوجتي كانت تعتبرها صديقتها ومثل اختها ووثقت فيها .. انا لو كنت ادري عنها كان ماخليتها تدخل بيتنا ابدا
عبد العزيز بنصح: طيب امنعها الحين وابعد عن زوجتك هالأشكال... بس تدري هاذي حوباتكم هي حاولت تخرب حياتكم بس جاء الي اقوى منها ودمر حياتها
قيصر: صح كلامك... بس هالسالفه مو هينه هاذي مسألة شرف خايف لا ابوها ينجلط اذا درى
عبد العزيز بحمق عليها: تستاهل ترا الي يلعب بالنار مصيرها تحرقه
قيصر بطيبة قلب: لا ياعزوز لاتكون قاسي بجد هالشي صعب
عبد العزيز بلا مبالاه: ياخي فكني من طيبت قلبك الزايده والله تستاهل يمكن من بعد هالضربه تعقل
قيصر وهو يفكر: طيب عزوز انا بستأذن بروح للبيت
عبد العزيز: ليش تأثرت منها
قيصر: لا تخسي ماهمتني بجد بس ودي اروح انام امس سلطان ماخلاني انام كان يبكي طول الليل مو مخلينا ننام انا وامه
عبد العزيز: هههههه من الحين ماتحملته
قيصر بقهر: بجد امس كنت تعبان ساعدت زوجتي في بعض الأشغال ومن بعد الشغل قلنا بنرتاح شوي بس جاء هو واستلمنا ببكائه
عبد العزيز: الله يعينك
قيصر يقهره: عقبالك
عبد العزيز بفجعه: لا مو الحين بصراحه انا ودي ارتاح وانام مثل الخلق
قيصر: هههههه ياغبائك الحين مافكرت الأ بالنوم
عبد العزيز: اكيييييييد ابي اعيش شبابي وبعدين لاحقين على الزواج والمغثه
قيصر: خلاص انت من نجيب سيرة الزواج ماتسكت انا بروح بستأذن وبطلع
عبد العزيز بملل: اووووف منك انا بتسلى مع مين من تروح
قيصر يقهره: تسلى مع هالفساد الي بجوالك
عبد العزيز: ههههه الله يلعن بليسك الحين صار فساد واول يوم خذيته ماكان فساد يعني
قيصر وهو طالع من الباب متجه لغرفة المسؤول ليستأذن منه: هههههه مجرد فضول ياعبيط
عبد العزيز: وانا شو تسميه
قيصر يقهره ويتجاهل كلامه: باي عزوز
عبد العزيز بأستسلام: باي يالدب
طلع قيصر وراح يستأذن ولما اذن له المسؤول طلع من دوامه وراح سيده للبيت.

***********************

وصلوا مها ومحمد للحارة الي عايشين فيها اهل مها ولما قربوا من البيت انصدموا لما شافوا السيارات والأسعاف اجزموا بأنه صاير شي وخافوا اكثر.... مها من شافت هالمنظر جلست تبكي وهي ترتجف من الخوف حست انه احد من اهلها فيه شي .. محمد لمن شاف هالمنظر توتر ومن الخوف نزل من السياره بسرعه وقبل ماينزل قال لمها ان تبقى بالسياره وماتنزل قصده بيروح يشوف الموضوع قبل لا يتوقع شي ويعرف شلي صاير.......... راح محمد وسط الحشد والسيارات والناس الي كانت هناك ودخل البيت وقبل مايدخل مسكه واحد من عند الباب الي هو عم مها.... محمد على طول عرفه وقرب منه وهو يسأله بكل لهفه وتوتر
محمد بسرعه: عمي عبدالرحمن قلي ايش الي صاير
عبدالرحمن بتأثر: ناصر توفى
محمد بصدمه اتسعت عيونه بخوف: متتتتى
عبدالرحمن: قبل شوي تقريبا من نص ساعه
محمد غطى على وجهه ونزلت منه دمعه وحده عبرت عن حزنه وهو يقول بكل حزن: طيب ومها
عبدالرحمن بسرعه: ايش فيها
محمد: مها هنا جايه معاي اليوم تشوف ابوها
عبدالرحمن بألم: الله يصبرها .... طيب الحين هي وين
محمد: بالسياره
عبدالرحمن وهو ينزل راسه: زين روح لها وقولها بس بالهدوء يامحمد
محمد بحزن: طيب
راح لها محمد وهو منزل راسه ويجر رجوله جر مرتبك مايعرف شو يقول ويوصل لها الخبر بس لازم يقولها ولازم تعرف هذا ابوها ولو انه بيصدمها يوم انها جات بتشوفه وتاخذ منه السماح هو راح.... راح للأبد وتركهم وترك هالدنيا ومافيها وصل محمد للسياره وركبها وجلس عالكرسي وسكر الباب وسكت وماتكلم مايدري شو يقول
مها بلهفه وخوف: محمد ايش صار احد من اهلي فيه شي
محمد بهدوء وهو يمسكها من كتوفها: مها انتي انسانه مؤمنه وتخافين ربج وعارفه ان هذا قضاء وقدر وكلنا بنروح بهالطريق مها ........ سكت ماقدر يكمل....
مها بصراخ ونفاذ صبر: محمد قول ايش صار طيحت قلبي
محمد بتأثر: اب.....ابوج توفى
مها بصدمه: ابوي مات
محمد وهو متاثر: ايه ابوج مات وعطاج عمره
مها مصدومه: لا.....لا محمد انت تكذب ابوي مامات هو قالي اني اجي اليوم علشان يسامحني واسهر عندهم...محمد انت ليش تكذب
محمد يهزها بقوووه: مها اصحي انا ما اكذب ابوج توفى وعطاج عمره اصحي انتي الحين لازم توقفين جنب امج واختج لاتسوين كذا
مها وكأنها استوعبت وعلى طول جلست تبكي وبحرقه: عالأقل امي واختي ما انحرموا منه..انا الي انحرمت منه سبعة شهور واليوم الي اجي فيه علشان اشوفه يروح.. يروح قبل ما اشوفه
محمد: مها ذكري ربج هذا حكمته
مها كانت تبكي وتبكي بكاء يعبر عن حرقتها وتعبها على وفاة ابوها الي كانت متحمسه تشوفه وتجلس بحضنه كان ودها تشوفه وتحلله قبل لا يموت كان ودها تودعه وتستسمح منه عن قرب وتعبر له عن فرحتها لما سامحها بس الله ماقدر لها انها تشوفه
محمد: مها خلينا نرجع البيت وتمسحين الي بوجهج وتغيرين ملابسج وبعدها نرجع لهنا للعزاء
مها بأستسلام هزت راسها وهي تبكي...حرك محمد السياره وتوجه بها للبيت علشان يغيرون ويرجعون لبيت مها يحضرون العزاء

*******************************



عند ميثا كانت تسبح البيبي وجالسه تغيرله وتلبسه
وبعدها حطته على مهده وراحت للمطبخ تكمل غداها بس سلطان ماسكت فراحت له وحطته عندها بالمطبخ وجلست تكمل غداها
وبعد شوي سمعت صوت الباب ينفتح استغربت من يجي بهالوقت لأن قيصر دوامه مايخلص الحين...انشغل بالها فراحت وسكرت الفرن على الغدا وطلعت وهي شايله الولد بكتفها ولما طلعت لقت قيصر دخل وهو يحط مفتاح سيارته عالطاوله ومبين عليه مرهق فأستغربت من جيته الحين .....فراحت صوبه بسرعه ولما وصلت عنده باسته بوسه سريعه على خده وعلى طول سألته....
ميثا: هلا حبيبي ليش طالع من الدوام مبكر اليوم
قيصر يبتسم وهو يلاعب ولده: ليش ملانه مني
ميثا: لا بيبي بس اقصد ليش جاي بسرعه صاير معاك شي
قيصر وهو يتنهد بتعب: لا تحاتين مافيني شي بس مرهق شوي من هالملعون الي مو مخليني انام امس
ميثا وهي تلعب بخدود ولدها: فديته الشقي بصراحه امس عمل فينا مقلب
قيصر بقهر: اليوم اذا ماسكت بطلع انام بالغرفه الثانيه مو مستعد كل يوم انام بالدوام
ميثا تتدلع: وتخلينا بروحنا

قيصر بتعب: شسوي ابي ارتاح
ميثا: اوك اخذه الحين بجد ماخلاني اخلص شغلي
قيصر بتعب: لا مو قادر له
ميثا: حبيبي مو حرام عليك ماقدر اخلص شغلي وهو على كتفي
قيصر زفر بتعب: اووووف الله يصبرني باقي ثلاثة ايام ونجيب الخدامه يلا بنتحمل لذاك الوقت
ميثا بأبتسامه وهي تشد خدود قيصر بعفويه: هههههههاي كسول
قيصر بقهر: لا مو كسول تعبان
ميثا وهي تمسح على شعره بحب: فديته حبيبي ماراح اتأخر بخلص بسرعه وبجي باخذه
قيصر لانت اعصابه: احبج ياقلبي انتي
ميثا وهي رايحه قاصدها بتروح للمطبخ بس مسكها قيصر من ايدها ووقفها
قيصر: على وين رايحه
ميثا بأستغراب: للمطبخ بسوي الغدا
قيصر يتدلع عليها: لا خليج جنبي مابي غدا
ميثا: زين انا ابي غدا
قيصر بحب: حبيبتي مشتاقلج
ميثا فهمته: قيصر اختصر وقولها من الأخر ايش تبي
قيصر بوله: ابيج انتي
ميثا استغربت من غبائه: قيصر انت اشفيك ناسي اني.........
قيصر بسرعه يفهمها الموضوع: لا مانسيت بس مشتاق اضمج
ميثا بطفش: قيصر مو وقتك خليني اكمل شغلي
قيصر بأصرار: لا وقته وبعدين عندي لج سالفه
ميثا شدها كلامه: اي سالفه
قيصر يستغل الموقف: لا ماراح اقولج بالأول ضميني وبعدين اقولج
ميثا بطفر: اوووف منك استغلالي
قيصر يقهرها: اصلا انتي مايجي معاج الا هالأسلوب
ميثا: تصدق لو ماكنت ودي اعرف الي عندك كان طنشتك
قيصر: حريم تموتون على الأخبار والتنمم في الناس
ميثا بدلع: حبيبي اقولك شي
قيصر بحماس: ايش
ميثا تحمقه: لا تتكلم علينا انتوا الرجاجيل بدون الحريم ماتسوون
قيصر يرد لها الضربه: لا عاد حبيبتي وانتوا بعد ماتسوون بدون الرجال ياحلوه
ميثا وهي تأشر على سلطان: حبيبي غلطان اصلا انت من دوننا نحنا كان ماشفتوا هالعيال
قيصر يناظرها بخبث: حبيبتي خليج ذكيه شوي .. اصلا من دوننا نحنا ماحملتوا فيهم
ميثا حست على غبائها فقالت ترقع: اوكي ماتنسى ان المره الي هي مو عاجبتك هي زوجتك وامك واختك وبنتك وجدتك يعني اذا شتمت وحده منهم وكأنك شتمت الكل حبيبي
قيصر: وانتي بعد لا تنسين ان الرجال الي جالسه تشتمينه هو زوجج واخوج وابوج وولدج وجدج .. فخلاص لا تناقشيني
ميثا بملل: خلاص قيصر طفشتني وقلي بالموضوع الي عندك
قيصر وهو يرمقها بنظرة اسف: بجد الموضوع مؤسف
ميثا بخوف: ليش ايش صاير
قيصر: إيمان
ميثا بخوف اكبر: اشفيها ايمان
قيصر بقرف: سمعتها طلعت خايسه
ميثا بأستغراب: كيف
قيصر: ايمان صورها منتشره مع واحد..وبعد فيديوهات وصور
ميثا بفجعه: شلووووون
قيصر: والله صدق واذا مو مصدقه صورها معاي وحتى الفيديو اليوم ارسلي اياها عزوز صديقي
ميثا مو مصدقه: كذاب
قيصر: والله ماكذب واذا مو مصدقه خذي الفون وشوفي صورها .....
اخذت ميثا الجوال وشافت صور ايمان الي كانت خليعه ... ولكنها سرعان ماعطته الجوال بسرعه قرفت منها ومن شكلها بالصور
ميثا بقرف: ووويع ايش هذا.... تصدق اتوقع منها كل شي الا هذا
قيصر: لا توقعي وعلى فكره غير هالصور والفيديو كثير وكلها مع نفس هالشخص
ميثا وهي بعدها متقرفه منها: خايسه هي الي ارخصت بنفسها
قيصر بحب: تصدقين عزوز ايش قال
ميثا: شو
قيصر: قال ان هذا يمكن حوبتنا نحنا هي خربت حياتنا والله انتقم لنا منها
ميثا بحمق: تستاهل الله مايطق بعصى
قيصر: مشكلتها... اهم شي انج تبتعدين عنها
ميثا: اصلا من زمان مبتعده عنها كرهتها خلاص
قيصر: زين تسوين...يلا حبي روحي خلصي شغلج بسرعه وشيلي هالسلطان مني ودي انام
ميثا: اوكي حبيبي......
سلطان لمن شاف امه راحت صار يبكي ويصارخ وكأنه وده يروح معها
قيصر يضحك: شكله الرجال يبي معاج
ميثا: لا خليه معاك..انا مو فاضيتله
قيصر بملل: طيب خلصي بسرعه
ميثا بدلع: اووووووكي
راحت ميثا للمطبخ تكمل باقي شغلها وبقى قيصر مع ولده يلاعبه ويسولفه لين ميثا تخلص ويروح هو يريح وينام......

*******************************


بعد اسبوع مرت ثلاثة ايام العزاء واجواء البكاء والحزن..بس مها اكثر وحده ماقدرت تجتاز هاذي المحنه والحزن وشكلها صار متغير من كثر الهالات والبهذله الي هي فيها من نفسيتها الي تعبانه حيل.....لكن الكل كان متعاون معها وينصحها لأنها مره حامل وصحتها كذا بتدهور وامها واختها تعبوا معاها صارت حساسه ومنغلقه ودووم جالسه بلحالها وموحابه تشوف احد....اما محمد صارت تتجاهله وتكره نفسها لما تشوف رقمه على جوالها يتصل...وهو مسكين كل يوم يجي يزورها ويسأل عنها وبعد وده يشوفها ويتطمن عليها بس هي رافضه رفض قاطع ماودها تشوفه هالفتره و طول وقتها تكون حاطه صورت ابوها في حضنها وتجلس تبكي وتتأسف منه وتسولف الصوره وكأنه هو معها...... امها خافت من هالحاله خافت على بنتها لا يصير لها شي او تنجن ........مها كان من داخلها شعور يقولها ان محمد ورا كل السالفه وان ابوها ما كرهها ومنعها دخول هالبيت الا بسببه حست انه ودها تعيد حساباتها او تفكر اكثر مهما كانت ردت الفعل .....

[الله يعينج يامها]

*******************************




نروح لريم الي اتفقت مع ناديه انهم يروحون السوق بس صارت معها مشكله لأن سواقهم انشغل في تصليح السيارة وخالد زوجها مشغول ومايقدر ياخذهم فاتصلت بأخوها وائل علشان تشوفه اذا بياخذهم للمول يتسوقون او لا
وائل بصوت كله نوم: الوووو
ريم: الو وائل شخبارك
وائل بملل: الحمدلله تمام ايش تبين مقومتني من النوم
ريم بحيله: مابي شي سلامتك ياقلبي
وائل فهم عليها: ايش هالغزل من على الصبح
ريم: عادي مو لازم مناسبه انت اخوي وحبيبي وحقي ادلعك
وائل يمشيها: هههه كل شي جايز
ريم بسرعه: وئولي حبيبي
وائل يضحك: ههههه ريم انتي ايش وراج اختصري
ريم بفشيله: لا سلامتك بس ابا اطلب منك طلب
وائل وهو يتثاوب: كنت عارف وئولي حبيبي ماتجي الا للمصالح... قولي شعندج
ريم: بس شرط توافق عليه لأنه مهم ومو صح اتراجع عنه
وائل بملل: ايش هو هالشي
ريم: اباك تاخذني للسوق
وائل بقهر: وزوجج وين راح
ريم تبرر: زوجي مشغول وراه شغل وايد مايقدر ياخذني
وائل بكسل: اوووف ياملقج ماله داعي تروحين اليوم روحي يوم ثاني
ريم: بس انا وعدت صديقتي وماقدر اتراجع حرام تفشلني عندها وئولي
وائل وطار النوم من عيونه لما سمع ان معها بنت: من هي صديقتج
ريم فهمته: ندوي صديقتي بتروح وياي
وائل بفرح: والله
ريم بثقه: ايه هي والحين كيف بتاخذنا؟
وائل بسرعه وبدون تفكير: اكيد.......متى بتروحون
ريم: العصر
وائل بحماس: وحتى ولو تبون الحين حاضر
ريم تضحك: هههههههه كل هذا علشان ندوي وانا من اول اترجاك ماعبرتني
وائل: لا لا.....لاتفهميني غلط بس....
ريم بخبث: بس ايش
وائل: ماشي بنام الحين والعصر بجيج بس بالضبط عالساعه كم تبين
ريم: عالخمسه او الأربعه والنص
وائل من قلب: تمامي
ريم: يلا مع السلامه
وائل: يلا باي

*******************************

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

السموحه عالتاخير فديتكم

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

:rolleyes::rolleyes::rolleyes:

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

ان شاءالله البارت يعجبكم ..وابي رايكم بنات لاتنسسون:thumbup::what:

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

جمييييييل بس أرجوك لا تتأخرين علينا

رد: روايه ودي اضمك لين تختلط انفاسي معاك..

البارت روعه تسلمين يا عسل وبإنتظار بقية الرواية


تم الإرسال بواسطة iPhone بإستخدام منتدى عبير