رد: روايه ودي اضمك لين تختلط انفاسي معاك..


النور نورك حبيبتي صح كلامك ️

رد: روايه ودي اضمك لين تختلط انفاسي معاك..

متى البارت

رد: روايه ودي اضمك لين تختلط انفاسي معاك..

نايس .. روايتك مررره تجنن .. وبجد انا متشووقه كثييير للاحداث الجايه بس يليت لو تطولين البارت اكثر المره الجايه:) ومشكوره

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

تاخرتي

رد: روايه ودي اضمك لين تختلط انفاسي معاك..

لولوه

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

نايس الروايه بليز كملي:)

Sent from my HTC Desire 816 dual sim using منتدى عبير mobile app

رد: روايه ودي اضمك لين تختلط انفاسي معاك..

لولو وينك

رد: روايه ودي اضمك لين تختلط انفاسي معاك..

لولو:(:( نبي التكمله

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

ميثا من اسبوعين تعرفت على بنات جيرانهم الي هما منيره وايمان
منيره: عمرها 24 سنه مطلقه معها ولد عمره سنتين ونص .. حبوبه جدا وطيوبه قلبها ابيض ميثا من تعرفت عليها حبتها وارتاحت لها وحاولت مرات تفضفض لها من همومها بس ماقدرت تعتبر اسرارها هي وزوجها اسرار داخليه وعيب ان احد يدري عنها.
إيمان: عمرها 20 سنه دلوعه وايد تحب تركض ورا الشباب كل يوم لها واحد وشريره شوي واذا حبت شي تجيبه تجيبه يعني تملكيه كل شي تحبه لها وبس... وغير عن اختها منيره بوايد لأن منيره احسن عنها وايد


اتصلت ميثا بمنيره علشان تجي عندها شوي وتسولف معها حتى يجي قيصر وهما كذا بالدور كل يوم وحده تجي عند الثانيه ومع انه ميثا عمرها قريب من ايمان الي اكبر من ميثا بسنه الا انها تحب منيره اكثر من انها تحب ايمان بس ايمان تدخل بالسالفه وتجي تزور ميثا مع منيره اختها عدة مرات....

لما وصلوا كانت ميثا قد خلصت شغل البيت وقدمت القهوه والعصير والبسكويت علئ الطاوله قبل لا يجون البنات.. ولما سمعت صوت الجرس راحت بسرعه تفتح الباب وهي تبتسم سلمت عليهم ورحبت فيهم: ياهلا ومسهلا.. نورتوا البيت
منيره بالابتسامه: البيت منور باهله
قربت منيره بحب وهي تتلمس بطن ميثا: يووه هالصغنون بدأ يكبر شكله مستعجل على الدنيا
ميثا بأبتسامه: هالولد متعبني حييل والله صادقه شكله مستعجل عالدنيا وبلاويها
ركزت ايمان على الدنيا وبلاويها وقالت بأستفسار ممزوج بدلع: اشفيها الدنيا عسى بس مو مرتاحه بحياتج
منيره استحت من اسلوب اختها في الكلام وتدخلها في حياة ميثا..قامت دفتها.... يعني افهمي عيب
ايمان بدلع: عادي حبيبتي ميثا غير انا اشوفها اختي.. طيوبه والله
ميثا بأبتسامه: من ذوقج حبيبتي انا بعد احبج
ايمان وبذات الدلع: لاتكوني تتخيليني زوجج
ميثا بإحراج: لا عادي هالكلام ينقال بين الصديقات ببراءة اشفيج يايمان لاتكوني مسخنه ونحنا ماندري
ضحكوا ميثا ومنيره وضحكت معهم ايمان
وبعدها دخلتهم ميثا وشربوا القهوه والعصير
والبسكويت
منيره تسأل: ميثووه اخبارج واخبار الاهل؟
ميثا وتغير شكلها بس حاولت ماتبين انها انزعجت وتعبت من ذكر اهلها الي انحرمت منهم ويمكن للأبد
ميثا بأبتسامه متصنعه: الحمدلله اهلي بخير وصحه...اتصلت بهم امس وتطمنت عليهم فديتهم..
ايمان بأستغراب: صح اهلج ماجاء يوم وكلمتينا عنهم
ميثا بتوتر: اصلا ماجاء يوم وسألتوني
منيره تلقائيا غيرت السالفه: الا ماقلتلج بالامس اتصل ابو العيال مادري اشفيه انجن يبي يكلمني باي طريقه..
ميثا بحماس: وشو قلتي له..؟
ايمان بتافف: اوووف منور مو وقته
منيره: انا اسولف ميثا انت شدخلج
ميثا تضحك:هههههاي
مشكله اللجافه
ايمان: والله انج غبيه ردي لزوجج وفكينا منج انتي وولدج المزعج
ميثا بأبتسامه: حرام عليج منور مافي منها اثنين...تبين الفكه منها
ايمان تغير سالفه: طيب كيف شفتي الشرقيه
ميثا بحماس: والله الشرقيه حلوه بناسها الي ينحطون عالجرح يبرأ وانتوا اولهم طبعا
ايمان: انتي الأحلا حبيبتي
وبعدها جلسوا يسالفون ويضحكون ويضيعون وقت شوي
..........................



"البارت العاشر"


فبيت بومحمد الكل فرحان بمحمد وزوجته والمعاريس بعدهم نايمين وبو محمد وام محمد متشوقين يشوفون العروس الي ياما حلموا انهم يشوفون محمد ولدهم متزوج وصار مسؤول وعاقل
................................


فوق عند المعاريس
مها بدلع: حبيبي قوم الساعه صارت عشره ونص
محمد:اممممممم
مها بدلع اكثر: يلا حمود بسك كسل اكيد اهلك منتظرينا
محمد بصوت كله نوم: عادي حبيبي يعرفون ان معاريس اكيد بيقدرون وضعنا ان امس كنا سهرانين
مها بخجل: لا والله مو لازم نسهر.......وكملت: يلا قوم علشان خاطري
قام محمد بتثاقل وانكسار متصنع: طيب عمري مسكي ايدي وشديني مو قادر اقوم
مها بملل نفذت الي يبيه تعرفه يدلع ومدت يدها له ... بس الي ماتوقعته انه شدها لجهته ورماها عالسرير بقوووه جنبه وهمس لها بخبث: شرايج نكمل نومتنا واهلي نشوفهم بعدين
مها بدلع: لا ماراح انام كفايه عاد من جد طفرت منك
محمد بخبث ممزوج بهمس: شكلج ناويه على نفسج اليوم وتخليني امدد الوقت ليوم كامل ونشوفهم بكرا
مها بخوف: لا محمد انت اكيد جنيت ...وكملت: بصراحه ما استبعدها منك انت تسويها
محمد بأستهبال: تمدد الوقت ليومين
مها بقهر: محمد انت بتفضحنا شكلك
محمد وهو يعد بأصابعه: ثلاث ايام
مها بقهر: انا بطلع قبل لا انجن معاك
محمد ببلاهه: كلمه ثانيه بزيد عليج المده لأربعة ايام
بأصابعه: ثلاث ايام
مها بقهر: انا بطلع قبل لا انجن معاك
محمد ببلاهه: كلمه ثانيه بزيد عليج المده لأربعة ايام
مها وهي تقوم وتعدل كشختها: انا بطلع انت ماتنعطى وجه
ضحك محمد من قلبه ووقفها: خلاص خلاص حياتي الحين اكشخ واطلع معاج يا احلى مهاوي بالدنيا
مها بزعل متصنع: ماحبه مهاوي قولي مهوي
محمد بحب: فديتج انتي تامرين امر
وهو رايح للحمام (اعزكم الله): حبي انتظريني اوكي
مها بملل: طيب بس خلص بسرعه حبيبي

*******************************


عالساعه (am 11:24) عند ميثا وبنات الجيران دخل قيصر البيت.....
ميثا استغربت لأنه اليوم طلع بسرعه من دوامه العاده البنات يروحون قبل مايرجع من دوامه بنص ساعه او ربع ساعه... اكيد فيه شي.....

قيصر لما دخل تفأجا من البنات الي عندهم بالشقه استحى...لكنه لاحظ ان وحده منهم من دخل وهي تناظره نظرات مو طبيعيه ومبالغه شوي بس طنشها ونادى ميثا تظاهرا عند الناس
قيصر بتصنع مع انه معصب عليها بس ضغط على نفسه: ميثا حبيبي تعالي شوي
ميثا بنفس التمثيليه: هلا عمري... لحظه الحين بلحقك
استأذنت ميثا من البنات وقالتلهم ينتظرون شوي لأن انشغل بالها عليه.. لأنه اول مره يجي بهالوقت من الدوام
منيره بذوق: عادي حبيبتي اخذي راحتج نحنا اصلا بنمشي
دفتها ايمان وكأنها تقولها اسكتي خلينا نجلس شوي
ميثا بأصرار: لا لاتروحون مكان بعدي ماشبعت منكم
ايمان بأرتياح: ماتخافين حبيبتي بنتظرج
منيره عصبت من اختها وجرأتها بس سكتت
وماقالت شي
راحت ميثا لقيصر وهي معصبه وكارهه نفسها
اما ايمان لفت وجهها لأختها منيره وقالت بحسره: يلعن ابوها من وين جابت هالمزيون
دفتها منيره: عيب هالكلام المره مضيفتنا وانتي تتغزلين بزوجها
ايمان بقهر: يعني عيب الواحد يعبر عن مشاعره
منيره بحده: لا.... بس بأحترام مو كذا
ايمان بطفر: انتي دايما كذا مسويه فيها طيبه يعني.....وشوي جاء في بالها سؤال والتفتت لمنيره: تتوقعين كم عمره شكله صغير
منيره بملل: مادري وانتي ليش عاد كل هالحشريه
ايمان طفرانه: ماشي بس فضول
...........................

عند قيصر وميثا دخلت ميثا وسكرت الباب وسألته بملل: ايش تبي
قيصر بحبور: ابي اعرف مين هذولا
ميثا بحده: مو شغلك
قيصر يشدها من ذراعها: احترمي نفسج وكلميني بأدب
ميثا بغضب: كيفي لساني واقدر اقول الي ابيه
قيصر بعصبيه بس بصوت منخفض يصر بأسنانه: قصري صوتج لا يسمعونج البنات الي برا
ميثا بغضب وهمس: اقولك كيفي ارفع صوتي ولا انزله مو شغلك... وبعدها كملت بأستهزاء: ايه صح انت ليش جاي مبكر اليوم؟
قيصر بأستهزاء: لا ... بعد شوي.. توج تتذكرين اشفيني جاي مبكر....انا مو جاي مبكر الا لأني مريض وتعبان وانتي ماتدرين عني
ميثا بدون شعور وبلهفه: اشفيك حبيبي
وبعدها نزلت راسها بخجل ومن داخلها تدعي على نفسها ولسانها الي دايم يزل بالكلام
تكلم قيصر وتكلمت هي معاه بنفس الوقت ابتسم قيصر وارتخت اعصابه وكمل بحب: فديت حبيبي من فمج
ميثا بحده: لاتصدق نفسك اعتبرها غلطه وعدت
قيصر بحب وهو يتحسس خدودها بأصابعه: بس يقولون الكلام الي يطلع من الأنسان بدون قصد هو الكلام الي يطلع من عمق القلب
ميثا بداخلها: اووه هذا كل كلمه ولها عنده رد والله كسرني .... الحين شو اقول
ميثا بتصريفه: انا بطلع البنات برا منتظريني
قيصر ماهتم لكلامها ومسك ذراعها وشدها له وباسها من خدها بخفه وهو يقول لها بهمس: احبج
ميثا هنا تلونت وجهها صار طماط من الخجل بس ماحبت تبين له وعلى طول طلعت من عنده بسرعه .. واول ماطلعت راحت لهم ..
منيره وايمان لاحظوا احمرار وجهها والخجل حتى بنظراتها
منيره بمرح: كأنه نحنا عكرنا جوكم
ميثا بأبتسامه: ايش تقصدين منور
منيره بأبتسامه: انتي مو شايفه وجهج شلون محمر... شكله الأخ مشتاق ونحنا خربنا الجو
ميثا بدلع: منوررررر
ايمان بداخلها تدعي: الله ياخذها هالميثا والله اني احسدها شكلها مرتاحه معاه بس امممم ...من يلومها من حقها هالقيصر ملاك جسم وطول وجمال وشكله بعد رومنسي حيييل ياربي ليش انا مالي حظ اي واحد يدخل قلبي يايطلع متزوج ولا خاطب ودايما مايصفالي الا هالأغبياء الي كل يوم اتورط بواحد فيهم .....
ايمان بغيره: الا ميثا ابا اسألج سؤال؟
ميثا برحابة صدر: اخذي راحتج حبيبتي
ايمان: يمكن هو محرج شوي بس فيني فضول...وابتسمت ابتسامه جافه: تدرين اني فضوليه بزياده هههه
منيره تناظر ايمان بترقب خايفه من سوايا اختها الشينه
ايمان: زوجج كم عمره مبين انه صغير من ملامحه
ميثا استغربت سؤالها بس ماهتمت وردت عليها بطيب خاطر: عمره 22 سنه يكبرني بثلاث سنين..
ايمان: اهاه ....بس بعد فيني سؤال ثاني بس لا تاخذين فكره عني مثل ماقلتلج فضوليه بزياده
ميثا ببراءه: عادي حبيبتي انتوا مثل اخواتي
ايمان بخبث: أكيد انا اعتبرج مثل اختي واكثر ولا ماكنت بسألج هالأسئله الي تعتبر محرجه شوي......وكلمت: انتوا تزوجتوا عن حب؟
ميثا استغربت من جرأتها... منيره الي هي حرمه والمفروض يكون هالكلام بينهم ماتجرأت تسألني هالأسئله الخاصه بيني انا وزوجي بس ردت عليها تقهرها...
ميثا: لا هذا شي خاص بيني انا وزوجي......وبعدها كملت تقهرها اكثر: معقوله ايمان لو مكنت احبه اكون رحت معاه لديرته وابتعدت عن اهلي .. اكيد نحنا تزوجنا من بعد حب عنيف وقوووي والحمدلله ثمرت هالحب الزواج والطفل الي ببطني الحين
ايمان بقهر تغيرت ملامحها: ها... اكيد مبين من عيونكم الحب الله يخليكم لبعض........... قالت هالكلمه من ورا قلبها
.............................


عند قيصر الي جالس يفكر وعرف مفاتيح ميثا وفهم تفكيرها صح...وقال بداخله مالي الا هالطريقه معاج ياميثا وبنشوف ياعمري مين الي بيكسب بالأخير انا ولا انتي
..........................

قاموا منيره وايمان بيروحون لبيتهم وقامت ميثا معهم توصلهم للباب....بس سمعت صوته ينادينها: حبيبتي تعالي ابيج شوي
ميثا: لحظه حبييي
قيصر يبالغ: بسرعه ابيج تعطيني دواي
ايمان بينت عليها الغيره من رومنسيتهم الزايده...
مسكينه ماتدري انه كله تمثيل قدام الناس]

ميثا بدلع متصنع: قصوري عيب عاد استحي.... اذا صرنا بروحنا تدلع على كيفك
قيصر بحب: فديتج مو قصدي بس انتي عودتيني على كذا...........وكمل بصوت اعلى: السموحه بنات ماكان قصدي احرجكم واقول هالكلام قدامكم
ردت ايمان بكل جرأه ودلع: عادي اخوي ماصار شي
وصلتهم ميثا للباب وسلمت عليهم وسكرت الباب ودخلت ولما دخلت كانت تحس نفسها بتنفجر والنار بقلبها تشتعل من هالقيصر الي بيجننها بأسلوبه الي كل مره تشوف شي جديد منه
دخلت عليه شافته متمدد عالسرير بدون تي شرت
واللحاف لنص جسمه....قيصر عنده عاده مايغيرها متعود انه ينام دايما بدون تي شرت بس يلبس شورت والجزء الأعلى مكشوف [ههه يمكن يضيق اذا لبس التي شرت...... بس الحين هو قاصد انه يحرج ميثا لأنه يدري انها تكره هالحركات
ميثا بعصبيه: انت ماتعرف تتستر مثل الناس
قيصر ببرود: ليش انا شسويت؟
ميثا بقهر: انت تدري اني أكره اشوفك كذا
قيصر: عادي حبيبي انتي زوجتي مابينا حدود
ميثا بعصبيه: انا مو زوجتك انا اكرهك وانصحك انك ماتحاول تتقرب مني بوجود الناس خاف لايجي يوم واجرحك فيه قدامهم
قيصر ببرود قاتل: ادري حبيبتي انج مو عديمه ذوق لها الدرجه... وادري ان ودج تحافظين على عايلتج وماتشتتينها وادري ان انا وانتي مالنا غير بعض فخلينا نحافظ على بعض احسن لج ولي
ميثا بتعب : ادري وهذا الشي الي مخليني اتحملك
قيصر بالم: معقوله ياميثا تكرهيني لها الدرجه
ميثا بتحدي: انا متحملتك علشان هالشي الي ببطني ولأني ماعندي احد غيرك
قيصر بغضب: هالشي الي تقولين عنه هو ولدج متى بتعقلين وبتفهمين ياميثا لييه ماودج تعترفين فيه كأنسان هو سندج من بعدي.. انتي امه والمفروض تكونين احن انسان عليه فهالدنيا.. لييه موحابه تتقبلينه هو الي ضحينا بأهلنا وكل ناسنا علشانه يعيش واذا كبر يارب انه يعزنا وينصفنا... ميثا لاتفكرين انا حجر وما اتعب انا بعد تركت اهلي مثل ما انتي تركتيهم ضحيت علشانج وعلشان ولدي وجيتج ..تحملت مسؤولية بيت وزوجه وابن جاي بالطريق وانا مو قد المسؤوليه وكمل بأنكسار: ميثا تكفين ارحميني انا محتاجج توقفين جنبي محتاجج زوجه توقف جنب زوجها في جميع الظروف محتاج احس بالأمان الي فقدته من بعد هلي ميثا انا رجال صح بس لاتفكرين ان الرجال حجر مايتعبون _صح انا ماتشكى بس قلبي من داخله تعبان انا عمري مامسكت الدخان بأيدي ولاتوقعت يجي يوم وامسكه بس من بعد هروبنا انا وانتي واسلوبج الي حتى حيوان مايتحمله.... يخلي الأنسان يسوي اشياء مافكر فيوم يسويها انا اسهر طول الليل برا وما ارجع البيت الا بأخر الليل علشان ما اسمع معزوفتج اليوميه الي حفظتها وتعبت منها مع اني ادري انه غلط..... غلط اترك زوجتي حامل بروحها كل يوم........ خلاص ميثا خلاص يكفي....وعلى طول قلب وجهه عنها مايبيها تشوف دمعته الي خانته ونزلت ضعف قيصر من كثر الضغوط الي يحسها بقلبه ماقدر يمسك دمعته الي عبرت عن كل جرح وازمه صارت معاه
ميثا حست على نفسها حست انها انانيه وماتفكر الا بنفسها حست بأنهم بنفس الوضع كلهم تاركين اهلهم وهو متحمل كل هالشي علشانها والمفروض انها هي بعد تتحمل علشانه مثل ماهو يضحي هي بعد تضحي........
كسر خاطرها قيصر بس ماودها تضعف له بسرعه ...طلعت من الغرفه وتركته بروحه يشكي الامه لحاله ميثا صارت قاسيه وماتبي تجرب الاهانه منه مره ثانيه..
قيصر انقهر م قسوتها يعني معقوله بعد كل هذ الكلام وبعدها ماتبي تسامحه.. سكر باب غرفته وجلس يفكر مايبي يشوفها او يكلمها يبي يخليها ع راحتها..

............................................



فبيت بو محمد نزلوا محمد ومها متشابكين الأيادي وسلموا على بومحمد وام محمد
ام محمد بترحيب: ياهلا بعروستنا الحلوه
مها بأبتسامه وخجل: ياهلا فيج خالتي
ام محمد بحب وهي تقرب منها وتلمها لحضنها: نورتي البيت بوجودك
مها بحب: منور بأهله
اما محمد سلم على امه ومن بعدها راح لأبوه وباسه على جبينه ومن ثم جلس جنبه: صباح الخير يبه
بو محمد: اي صباح الحين مو شايف الوقت قبل لاتنزل
محمد بأبتسامه: من حقنا معاريس خلونا ندلل
بو محمد: ومين يمنعكم تدللو على راحتكم
ام محمد وهي تناظر محمد: تعالوا ياعيال انا جهزت الفطور من الصباح بس انتوا تأخرتوا والحين صار وقت الغدا الساعه صارت وحده الا ربع بس يلا عادي نمشيها لكم هالمره لأنكم معاريس
بو محمد بمزاح: لا يا ام محمد مافي فطور الحين صار وقت الغدا وخلونا نتغدى احسن ...المعاريس ناموا للظهر ونحنا الحين بنعاقبهم ونخليهم يتغدون معنا بدون فطور
ام محمد تبتسم: نحنا الشياب بنتغدى... عاد انتوا ماندري عنكم واذا حابين تفطرون الفطور انا مجهزته لكم من الصباح
محمد: يمه انا اكيد بفطر ماقدر اتغدى قبل مافطر احس بطني ثقيله....واذا على مها كيفها اذا حابه تتغدى معكم
ام محمد وهي تضرب ولدها على راسه بخفه: هذا وانت معرس ومالك الا يوم واحد متزوج وماهمك الا نفسك..... وين الدلع وايام العسل
مها تضحك من ام محمد الي جالسه تهزأ محمد
محمد بقهر: تضحكين حضرتج فرحانه امي تهزأني قدامج
مها بخجل: فديت خالتي طلعت حرتي منك
محمد مقهور: تتفدين بأمي وتاركتني انا زوجج...
ام محمد: توك تدري انها زوجتك وتغار انها ماتفدئ فيك
محمد متصنع الأنكسار: يمه اهون عليج تزعليني شسوي اذا مها هي الي رفضتني انزل افطر معكم وخلتني انام معها لها الوقت
مها بخجل واحراج من كلام محمد واسلوبه الماصخ: خالتي والله يكذب
ام محمد: ادري يابنتي..ولدي واعرفه واعرف عيارته
... بعد سوالف وضحك راحوا محمد وزوجته يفطرون وبو محمد وام محمد يتغدون

*******************************


عند إيمان الي جالسه تفكر وبقلبها حسره ماكان ودها تروح عنهم من البيت بس منيره ماخلتها ولايمكن تخليها ... مقهوره وتحس بغيره من ميثا الي هي ملاك بجمالها وزوجها مثلها ملاك تغار من دلعهم من حبهم الزايد لبعض.. ياربي ايش هالحظ اذا دخل قلبي احد مايكون من نصيبي.... بس هالقيصر لايمكن اتنازل عنه.. دخل بالي ومزاجي وما أرتاح الا اذا جبت راسه واخليه لي
مقهوره ياربي ياترى الحين ايش يسوون والله بموت من القهر مو قادره اتحمل فكرة انهم يكونوا مع بعض بأي شكل من الأشكال....انا لازم افرقهم عن بعض والي فيها فيها بس اهم شي قيصر يكون لي انا وبس......

*******************************


بليل عالساعه(7:40) عند قيصر وميثا دخل قيصر ومعاه اكياس اشترئ لهم عشاء مايبي ميثا تطبخ وتتعب ولقاها بالمطبخ تقص الخضار قصدها بتطبخ ...راح عندها وحط الاكياس عالطاوله وهو يقرب منها ويقول: مافي داعي تطبخين اليوم ارتاحي انا جبت معاي عشاء
ميثا وهي معطيته ظهرها: بس انا بديت اطبخ ماله داعي تجيب عشاء
قيصر: بس انا جبته خلاص اتركي م ايدج الي تسوينه وارتاحي انتي يلزمج راحه لا تتعبين نفسج اكثر
ميثا معنده: بس انا بكمل شغلي ليش اتركه م ايدي
قيصر بقهر: ميثا الله يهديج الحين انا جبت العشاء يعني معقوله تبيني ارجعه
ميثا ماترد: ............
قيصر طلع وتركها براحتها اذا ودها تسوي الي براسها تسوي ..وراح لغرفته يبدل ملابسه وطلع للصاله يشوف التيفي ويتفرج على فيلم رومنسي يتسلئ فيه لين ياذن العشاء ويصلي وبعد ربع ساعه اذن العشاء وراح يتوضئ ويلبس وطلع يصلي بالمسجد وميثا بعدها بالمطبخ تطبخ ولمن خلصت راحت تتسبح وتصلي ولبست برمودا اسود مع تي شيرت ابيض وعليه رسمه تويتي ولفت شعرها كله لفوق وطلعت للصاله تشوف الفيلم الي حط عليه قيصر قبل لايروح للمسجد وعلئ هاللحظه دخل قيصر الشقه ولقاها تشوف التيفي جلس معها يشوف الفيلم ماوده يطلع وماله مزاج يطلع من البيت ...وده يكلمها ويكسر شوي من الحواجز الي بينهم
قيصر: ايش طبختي؟
ميثا وهي ماتعبره.. نظرها موجهته للتيفي: سويت معكرونه باللحمه
قيصر اشتهئ ياكلها: طيب حطيلي ابي اتعشى جوعان
ميثا بدون نفس: حط لنفسك
قيصر انقهر: قومي حطي لزوجك عن العناد
قامت وهي تتافف: ها .. قمت
حطت له ورجعت تحط صحن المعكرونه بالطاوله الي مقابلته وبدون نفس تقول:اي اوامر ثانيه
قيصر يبالغ: تعالي اكلي معاي
ميثا بحمق: مابي
قيصر: اقول اكلي معاي
ميثا بزفر: مابي الحين ومافي شي يخليني اكل غصب
قيصر: لا راح تاكلين غصب ويلا اسمعي كلمة زوجج
ميثا وهي تلف بوجهها تتوجه للكنبه الي كانت جالسه عليها: قلتلك مابي وانت ماتقدر تجبرني اكل فاهم
قام قيصر بعصبيه: وانا اقول بسج ترا الوضع زاد عن حده اذا قلتلج شي ..انتي الي عليج انج تقولين حاضر وبس لا تزيدين كلمه ثانيه والظاهر انا دلعتح وايد وصار لج لسان وماصرتي تحترمين احد
ميثا ببرود: اصلا انت تدور مشاكل وتبيني اعصب بس انا بكون ابرد من الثلج وماتقدر تحرك فيني اشعره وكل وانت ساكت واترك عنك الكلام الزايد.
عصب قيصر م كلامها وقام وهو يشد شعرها وعطها كفين ما اقوئ منهم لين نزلت دمعتها بدون شعور وهي تنظر له بحقد وتقول بعصبيه: علها الكسر ايدك ياحقير انا سكت لك وايد اتحط حرتك على بنت ضعيفه مثلي
قيصر وهو ينافخ من العصبيه: اكلج هذا مابيه وانتي بكبرج ماعدت ابيج انا مستغرب م نفسي كيف حبيتج ....وقال وهو ياشر علئ قلبه: حتئ هذا انتي ماتستاهلين انه ينبض بحبج كل ماحاولت اقرب منج ابتعدتي انتي م جد وحده مريضه وتحبين شي اسمه نكد. سميتي بدني الله ياخذك
ميثا بقهر اول مره قيصر يقول لها هالكلام وقالت وهي مصدوومه: شو هالكلام.
قيصر بحده هذا الي سمعتيه اذا ماتعدلتي وصرتي حرمه حالج حال كل الحريم لا تبكين وتندمين بعدين علي الي بسويه يعني هي غلطه بسيطه سويتها راح تحسبينها علي سنين ليش كل هالقساوه وايش هالقلب الي انزرع بين ضلوعج..قلبج صار حجر وانا ماعدت اتحمل .. ميثا خافت منه وبداخلها تحس انها بالغت ف تصرفها معه ولازم تلحق على زوجها قبل لا تخسره للابد وفكرت انه مالها غيره واذا خسرته يعني هي خسرت كل شي ومابقئ لها احد...راحت تقرب له وحضنته من ورا ودخلت ايدينها تحت ايدينه وطوقت خصره وحطت راسها على ظهره: سامحني قيصر سامحني حبيبي يابو وليدي سامحني بكل شي ادري اني مقصره وياك بس كل هذا يمكن من الضغوط النفسيه الي اعيشها الحين ..اصلا انا من تركت اهلي ماعدت اتحمل شي وعلئ هاللحظه نزلت من عينها دمعه حاره كلما تذكرت اهلها ماتقدر تسيطر علئ دموعها الي تنزل غصب عنها..
ومن ثم رخت ايدينها الي محاوطته قصدها بتطلع بس قيصر مسك ايدينها وحطها بوجهه ميثا من شافت دموعه انصدمت
وقالت بداخلها: ياربي كل هذا انا مسببته له معقوله يحبني لهدرجه معقوله انا ما حس بقيمة كل الي سواه لي وفوقها متحمل طوالة لساني طول هالمده
ميثا بحب: ليش الدموع ...قيصر لا تعور قلبي اكثر....
ورفعت اصابعها تمسح بها دموعه ...وباست عيونه...حبيبي لا توريني هالدموع مره ثانيه ...لأني ما اتحملها
قيصر بالم وصوته تغير: ميثا انا احبج كفايه جفا خلاص كفايه ميثا انا ماصبرت كل هالصبر الا لاني احبج وايد والي يحب يتحمل كل الظروف عشان حبيبه..
ميثا بحب: ادري قيصر بس الظروف قستني عليك
وانا عمري ماحبيت ولا راح احب غيرك انت قلبي ودنيتي وكل شي بالنسبه لي.
قيصر ببلاهه: شوووو عيدي الكلمه
ميثا بعدم فهم: اي كلمه
قيصر: اخر كلمه
ميثا: مافهمت قصدك
قيصر بخبث: ماحبيت ولا بحب غيرك
ميثا بدلع: طيب انا ماحبيت ولا بحب غيرك قصوري حياتي
قيصر: ميثا انتي من قلبج تقولين هالكلام ولا بس تعشميني
ميثا بدلع: من قلبي يا احلى قيصر
قيصر بتصنع: اي ظهري يوجعني
ميثا بخوف: قيصر اشفيك خوفتني
قيصر بمرح يبي يطلع من جو الحزن: كرشتج ياميثا حفرت ظهري لما لميتيني من ورا
ميثا بعصبيه متصنعه: ياكرهك... تبي بعد احفر بطنك ترا عادي عندي احفرها واخليك هيكل عظمي
قيصر بحب: عادي حبي انا كلي فداج
وبعدها نزل على ركبته ولمس الكرشه وباسها وهو يقول: تصدقين ميثوووه هالكرشه محليتج بفتقدها اذا ولدتي وطلعت
ميثا: لا لا تسمعني هالكلام ايش تقصد منه
قيصر: ههههههههههههاي انتي كل تفكيرج غلط انا ماقصدت شي بس مشكوره حبيبتي نبهتيني على شي نسيته
ميثا بدلع: ماحبك
قيصر بحب: بس انا احبج
ميثا تتغنج: ماحبك
قيصر ذايب: والله احبك
ميثا مددت ظهرها لورا بتعب عالكنبه واخذت ايد قيصر وحطتها على بطنها: قيصر شوف ولدك الشقي يضربني برجوله يعورني
قيصر من حس بحركته على بطنها حس بأحساس غريب تشوق انه يشوفه هالولد الي متعبهم يبون يفرحون شوي
قيصر بهبال: معقوله هو الحين يتحرك بداخلج
ميثا مقهوره من غباءه: قيصرررر والا مين بيتحرك داخلي يعني
قيصر حط راسه على بطنها وده يتأكد...... الا وتجيه ضربه محترمه من سلطان
قيصر رفع راسه وبمزح: انتي كيف محتمله هالعصبي ببطنج شكله طالع عليج... ولا انا الحين اسلم عليه يرد يضربني
ميثا: هههههههههههاي عادي بس انا كنت اقول طالع لك.....
قيصر بسرعه: صح قوليلي شو كنتوا تقولونه عني هاه...اكيد تنممون علي
ميثا بدلع: ماراح اقولك
قيصر بحب: ميثا ارتاحي من الطبخ وخلي العناد
لا عاد تطبخين
ميثا وبنفس الأصرار: قلتلك مابي
قيصر: طيب انا راح اطبخ
ميثا بحب: لا عيب اني اخليك انت تطبخ
قيصر بأصرار: طيب بجيب خدامه تساعدك
ميثا بدلع: لا مابي
قيصر بقهر: انتي لمين طالعه كذا عنيده
ميثا بالابتسامه: لك هههه
قيصر: طيب ليش ماتبين خدامه
ميثا: قيصر خلي للفلوس الي عندك للضروره انت تدري نحنا مامعنا احد ولازم مانلعب بالفلوس الي معنا وانت تدري انا حامل جاينا مولود ويبغاله خساره كثير وابيك تفكر لقدام شوي...وبعدين انا ماني تعبانه بالطبخ لا تشغل بالك..
قيصر: فديتج وين راح القئ مثلج انا
ميثا تضحك: مافي احد
قيصر: مغروره
ميثا تبتسم: تعلمت منك
وبعد هالمشكله تصافت القلوب وراحوا يتعشون وهم يسولفون ويضحكون مرتاحين


*******************************



عند منيره الي جالسه تلاعب ولدها وتركب معه لعبه التركيبات وتضحك معاه وبين لحظه والثانيه تبوسه وتحضنه وتقرص خدوده لين تحمر وينزعج منها منيره ولدها اسمه جسار
منيره: جسور ماما خلاص لاتبكي
جسار ببراءه: ماما انه ماحبث (ماما انا ماحبج)
منيره: عيب جسور ان ماما لاتقول كذا
جسار: تيب لا تعوليني (طيب لا تعوريني)
منيره: اوكي حبيبي يلا خلينا نلعب خلاص مابعورك
جسار: ماما ابي الوح عند بابا
منيره بقهر: ليش ما تبيني
جسار: بابا احثن منث مايعورني ودايما يخليني اثتري العاب
منيره: اليوم مافي بكرا بابا بيجي وبياخذك
جسار: لا مابي بكلا ابي اليوم
منيره: عيب ماما ابوك اليوم مايقدر يجي بكرا بيجي ياخذك عنده
جسار بملل: تيب
وراح يلعب ويرمي المخدات عالكنب بالبيت كله ومنيره وراه وتصارخ عليه بس هو ماشي فايده معاه
كانت بهالوقت ايمان جايه وهي تمشي وتتدلع وتتمايل الا وتحصلها ضربه محترمه من جسار على وجهها
ايمان بعصبيه وقهر:جسار انت عمي ماتشوف.......... وبعدها قربت منه وجلست تضربه
منيره بقهر: ايمان جسار مايقصد وبعدين هذا طفل مايستاهل تضربينه كل هالضرب علشان المخده جات بوجهج
ايمان بعصبيه: اخذيه وياج اصلا انتي ماعرفتي تربينه والا احسن تعطينه ابوه ونفتك منه
منيره عصبت منها وراحت ومسكت ولدها من بين ايدينها وقالت بعصبيه: صح انتي خالته ومن حقج اذا غلط تضربينه بس مو لهدرجه وبعدين هو ماشافج ولو شافج بيقصر الشر وبيتركج لأنج انتي ام نفس خايسه وما تتحملين احد
منيره بحده: وبعدين ولدي متربي واحسن تربيه..... وكملت بأستهزاء: عارف نفسه الي مو متربي والي كل يوم متعرفله على واحد ويلعب هنا وهناك....
ايمان انصدمت من كلام اختها الي دايما مسالمه وماتجرحها وهاذي اول مره تفجر قنبلتها وتعصب عليها
منيره رمت كلامها عليها وراحت واخذت ولدها معاها ودخلت غرفتها وخلت ايمان بالصاله تتحلطم ومقهوره من داخلها

[والله تستاهلين يا ايمان ياقليلة الأدب]

*******************************

جسور ان ماما لاتقول كذا
جسار: تيب لا تعوليني (طيب لا تعوريني)
منيره: اوكي حبيبي يلا خلينا نلعب خلاص مابعورك
جسار: ماما ابي الوح عند بابا
منيره بقهر: ليش ما تبيني
جسار: بابا احثن منث مايعورني ودايما يخليني اثتري العاب
منيره: اليوم مافي بكرا بابا بيجي وبياخذك
جسار: لا مابي بكلا ابي اليوم
منيره: عيب ماما ابوك اليوم مايقدر يجي بكرا بيجي ياخذك عنده
جسار بملل: تيب
وراح يلعب ويرمي المخدات عالكنب بالبيت كله ومنيره وراه وتصارخ عليه بس هو ماشي فايده
كانت بهالوقت ايمان جايه وهي تمشي وتتدلع وتتمايل الا وتحصلها ضربه محترمه من جسار على وجهها
ايمان بعصبيه وقهر:جسار انت عمي ماتشوف.......... وبعدها قربت منه وجلست تضربه
منيره بقهر: ايمان جسار مايقصد وبعدين هذا طفل مايستاهل تضربينه كل هالضرب علشان الوساده جات بوجهج
ايمان بعصبيه: اخذيه وياج اصلا انتي ماعرفتي تربينه والا احسن تعطينه ابوه ونفتك منه
منيره عصبت منها وراحت وجرت ولدها من بين ايدينها وقالت بعصبيه: صح انتي خالته ومن حقج اذا غلط تضربينه بس مو لهدرجه وبعدين هو ماشافج ولو شافج بيقصر الشر وبيتركج لأنج انتي ام نفس خايسه وما تتحملين احد
منيره بحده: وبعدين ولدي متربي واحسن تربيه..... وكملت بأستهزاء: عارف نفسه الي مو متربي والي كل يوم متعرفله على واحد ويلعب هنا وهناك....
ايمان انصدمت من كلام اختها الي دايما مسالمه وماتجرحها وهاذي اول مره تفجر قنبلتها وتعصب عليها
منيره رمت كلامها عليها وراحت واخذت ابنها معاها ودخلت غرفتها وخلت ايمان بالصاله تتحلطم ومقهوره من داخلها


*******************************

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

اليوم الثاني الساعه (6:27) عند ميثا.. صلت المغرب ولما خلصت راحت دقت باب غرفة قيصر وقومته يصلي المغرب وراحت لغرفتها وهي تفكر.....
ريم هالأسبوع ماتطلع من بالها تحس انها مشتاقه لها موت اشتاقت لصديقة عمرها وحبيبتها كيف قدرت تصبر عنها كل هالفتره ياربي كنت اتمناها معاي تساعدني تنصحني وتشوفني وانا بهالكرشه وبهالشكل سمينه ياربي والله بموت من الشوق لها فكرت تتصل فيها بس خافت من ردت فعلها يمكن تسكر بوجهها او تهزئها بالكلام او ماتتقبلها بالأساس فكرت وفكرت وبالأخير قررت تتصل والي فيها فيها اهم شي تسمع صوتها الي بتموت له من الشوق
اتصلت بالأول ولكنها سكرت قبل مايرن الفون وبعدها قررت تتصل مره ثانيه وتتحمل الي يجيها لأنها بكل الي تقوله تستاهل....
اتصلت وبعد ثلاث رنات ردت ريم... ميثا لما سمعت صوتها على طول ماقدرت تمسك نفسها وبكت ...
ريم بأستغراب من المتصل الي مايرد: الو مين معاي
ميثا تبكي بصمت بدون لا تتكلم.. ريم كانت تسمع صوت همسات البكاء ومستغربه من المتصل
ريم بأصرار: بتتكلم ولا بسكر بوجهك
ميثا خافت ريم تسكر بوجهها فردت بخوف ممزوج بتردد وبصوت كله بكى: ريم انا ميثا. والله اشتقتلج
ريم بصدمه: ميثثثثثثثثثثثا
ميثا: ايه ميثا.........وعلى طول تداركت الموضوع وكملت: ريم انا ادري انج الحين كارهتني بس انا موقادره اصبر عنج ولا عن صوتج ونصايحج وحنيتج علي ريم انا اسفه يمكن ماعدتي تعديني صديقتج الحين بس انا لو ادور الدنيا كلها مابلقى مثلج
ريم ببكى: ياقساوة قلبج ياميثا اهون عليج تتركيني لحالي.. تتركين اعز صديقاتج تعيش الوحده من غيرج اهون عليج تروحين مادري تهربين حتى بدون كلمة وداع لي....واكون انا اخر من يعلم بهالغلط الكبير الي تجرأتي وسويتيه وحطيتي راس اهلج بالطين وين اخلاقج ياميثا وين حبك لأهلج وين تضحياتج لهم بس فكرتي بنفسج وخلاص قلنا غلطتي بالأول بس كان غصب عنج وبعدها حملتي وقلنا بعد غصب عنج بس تهربين ياميثا.... وين الغصب هنا....وكملت بصراخ: ووووينه انتي مابتسوين هالشي الا وانتي راضيه مستحيل هالقيصر مالج يقدر يغصبج تهربين معاه كذا ميثا نسيتي كل الي يحبونج بهالبساطه علشان الحب نسيتينا
ميثا ببكاء حرقت قلب ريم عليها: ريم انتي صديقتي واكثر وحده فاهمتني وفاهمه تفكيري معقوله مافكرتي اني سويت هالشي علشان اهلي علشاني ماتحمل نظراتهم واحتقارهم لي اذا دروا اني حامل معقوله بيصدقون ان قيصر اغتصبني هم بيقولون انه ماحد يقدر ياخذ بنت بعمري من الشارع ويسوي فيها هالشي بدون اي سابق انذار.. اكيد بيفهموها اني كنت متواصله معاه بأي شكل من الأشكال او بيقولون اني قلت هالكلام علشان ابرئ نفسي....أكيد الملومه كلها بتكون لي..ريم نحنا نعيش بمجتمع صعب وتدرين ان عاداتنا ثقيله والبنت مالها حق والكلمه هي للرجال فقط ....ارجوج افهميني بأي منطق راح يفهموني وانا كيف بضحي بأغلى الناس على قلبي الا اذا كان في سبب قوي يجبرني... ورجعت تصيح بحرقه والم
ريم بحنيه: ميثا خلاص قطعتي قلبي ميثا لا تبكين خلاص
ميثا تبكي بدون ماتتكلم: ................
ريم بخوف: ميثا انتي مو مرتاحه مع قيصر
ميثا بصوت باكي: ايه مرتاحه معاه وهو يحبني ويخاف علي بس انا الي مانصفته
ودايما اتعبه
ريم: بإيش تتعبينه
ميثا بألم: دايما اهينه واطلع حرتي وقهري عليه وهو صابر علي وفوق هذا ما اعطيه حقوقه بس هو يصر ومايبي يزعلني وكأني انا الوحيده الي تاركه اهلي وهو لأ بس اليوم راضيته ورجعنا تمام
ريم بحنيه: طيب ميثا دام انكم بديتوا هالشي مع بعض تحمليه مثله حرام ياخذ كل هالحمل بروحه ياميثا انا قيصر يمكن كارهته علشان هو سبب كل الي صار وكل المج بسبته.. بس بنفس الوقت مارضى بالظلم انتي غلطانه ولازم تحبينه لانه مابقئ لج احد غيره وقيصر لازم ماتقصرين معاه في حقه حرام انج تحرمينه من ابسط حقوقه كزوج وحرام انج تعاملينه كذا صدقيني هو يحبج... وماتحمل كل هالمده الأ لأنه يموت فيج ومثل ما انتي عندك ضغوط هو بعد عنده ضغوط فلازم تحبون بعض اكثر وتسندون بعضكم
ميثا: ادري ياريم ادري ياحبيبة قلبي ماحد يحس فيني وينصحني غيرج الله يحفظج من كل شر يارب
ريم: فديتج خيتي انتي بتمين صديقتي وحبيبتي بكل عيووبج والحمدلله اني سمعت صوتج اشتقتلج حيييل والله
ميثا ورجعت الدموع تنزل بغزاره: ريم اهلي كيفهم شخبارهم طمنيني عنهم؟
ريم بحزن: تدرين ياميثا من بعد هروبج واهلج مايرفعون راسهم تعبانين يأسين مقهورين وابوج تعب وجلس بالمستشفى تقريبا شهر طاح عليهم من بعد الي سويتيه فيهم بس الله ساعدهم وطلعوا منها.... وكملت بفرح شوي: بس هما الحين مرتاحين وماحد قدهم نسوا موضوعج شوي وماعد اهتموا للناس...وبهالأيام حدهم فرحانين لأن عرس محمد اخوج كان امس
ميثا ببكى: ابوي تعب بسبتي؟؟...........سكتت شوي وبعدها كملت: ياحبيبي يايبه الله ياخذني قبلك. يارب سامحني على هالشي الي سويتها فيهم....ومحمد يتزوج وانا ماقدر احضر عرسه... ياربي مالي حظ افرح لأخوي بزواجه ياربي قهر والله قهر... كملت بتعب: بس ريم طمنيني عنه ابوي كيفه الحين ايش صاير عليه؟
ريم تهديها: ماتخافين ابوج الحين بخير ومايشكى من شي مرتاح وفرحة امس تكفيه
ميثا بخوف: طيب ريم وامي وخواني كيفهم؟
ريم بحنيه: نفس الشي كلهم بخير والحمدلله....وكملت تغير الموضوع: طميني عالبيبي مالج شخباره وانتي كم شهر الحين؟
ميثا بأبتسامه بارده: البيبي بخير بس متعبني شوي والشهر انا الحين دخلت الخامس وياريت تشوفيني علشان تضحكين صرت سمينه وايد
ريم: الله يخليه لكم انشالله
ميثا بتردد: ريم عادي استمر اتواصل معاج
ريم: اكيد انا ماصدقت واتصلتي فيني وماتبيني الحين اتواصل معاج وبعدين انا كنت اتصل على رقمج الأولاني وماتردين
ميثا: انا من البدايه خفت مابي احد يتصل فيني واسمع كلام مثل السم من اهلي ومن صديقاتي فقلت ليقصر يغير لي شريحه ثانيه
وهي تتكلم دخل عليها قيصر وقرب وجلس جنبها ومد ايده ولمها من كتفها وهو يقول بهمس: مين تكلمين حبيبيتي
ميثا بحب: هاذي ريم صديقتي
قيصر بتفهم: اهاه طيب هي شخبارها؟
ميثا: بخير وتسلم عليك
ريم بالجوال تناديها: ميثا....ميثا...... ولما شافتها انشغلت سكتت توقعت انها تكلم قيصر
وبعد لحظات ردت ميثا تسولف ريم وتأخرو بالسوالف وقيصر مل من الأنتظار: ميثا بس سكرري بعدين تكلمينها
ميثا بملل: بعدين حبيبي خلني اكلمها
ريم سمعت كلامهم: ميثا عادي اذا زوجج يبيج بشي سكري الحين ومره ثانيه نتكلم
ميثا برفض قاطع: مابسكر انا مشتاقتلج حيييل ياريم قيصر يدلع بس
قيصر بقهر: ميثوووه انا الحين ادلع
ميثا تقهره: ايه تدلع وخر عني...... ورجعت تتكلم مع ريم
قيصر علشان يقهرها ويحرجها نزل راسه لكتافها وباسها في كتفها ورقبتها ..ميثا انحرجت: لا قيصر وخر ........وهي تحاول تبعده منها بس مافي فايد منه..
قيصر وهو يقرب ويهمس لها بأذنها: بس حبيبي سكري ودي اجلس وياج
ميثا بأحراج وصوت هامس: ياربي قيصر انت ماتستحي....
ريم تضحك: سمعت صوت همسات خفيفه عندها وحست ان ميثا من صوتها منحرجه...بس سكتت
ميثا رجعت لريم تتعذر منها: اسفه ريم بس لازم اسكر قيصر لاصق فيني ومو مخليني اركز معاج يلا حبيبتي بخليج...بس لاتنسين تحفظين هالرقم وياريت ماتعطينه لأحد يلا فديتج مع السلامه
ريم بأبتسامه: يلا مع السلامه حبيبتي
سكرت ميثا من ريم وعلى طول وجهت نظرها لقيصر تناظره بعصبيه
ميثا بعصبيه: قيصر ليش تحرجني عند صديقتي انت ماتصبر
قيصر بحمق: تقولين لصديقتج اشتقتلج وانا زوجج ما مره سمعت منج هالكلمه
ميثا وبنفس العصبيه: مو لازم
قيصر يروضها: شسوي اذا اشتقتلج
ميثا وبدت تلين: بس مو كذا تحرجني
قيصر برومنسيه: حبيبتي خلاص اعذريني كل هذا من الشوق
وجلس يغني ويدندن بأغنيه لسميره سعيد..
{الشوق صحاني وانا
في عز نومي نادى عليا}
وبعدها نسى الأغنيه وكمل يقول اللحن ونسى الكلمات....اممممم...همهمهمممم
قيصر بفشيله: هههه نسيت بعض الكلمات حبيبيتي
ميثا تضحك من غباءه: مع احترامي قصوري اصلا صوتك بشكل عام وكأنه شاحنه يخوف....لا تكذب عالكلمات
قيصر ببلاهه: انا الحين صوتي شاحنه
ميثا بغرور: مع احترامي حبيبي
قيصر : طيب ليش ماتغنين انتي يا أصاله زمانج
ميثا بمبالغه: ليش انت بعدك ماسمعت صوتي
قيصر بأستخفاف: لا ماسمعته..سمعيني
ميثا بغرور: اصلا لو تسمعني بتكره اصاله لأنها ماتجي شي عندي
قيصر بصوت منخفض: الله يعينها وماتعتزل من تسمعه
ميثا بتسأول: بأيش تحش عني
قيصر: ولا شي سلامتج حبي
ميثا تمشيه: هههه عيار
ومدت يدها له... يلا خلنا نطلع نشوف التيفي مع بعض
مد قيصر ايده لميثا وتشابكوا الأيادي وراحو للصاله يبون يشوفون شي يتسلون فيه.. واتصل قيصر بالمطعم وطلب لنفسهم بيتزا وعصاير وفشار... لزوم السهره.....
راح قيصر واخذ شنطت السيديات مالته الي جابها معاه من بيته وحط لهم فيلم {MR ‎‎& MS SMITH}
قيصر: تصدقين ميثا هالفيلم يناسبنا يتكلم عن زوجين دايما داخلين بحرب مع بعض بس الفرق ان هما مشاكلهم عمليه ونحنا اجتماعيه
ميثا تذكرت: طيب خلنا نشوف بس مين الأبطال
قيصر: الأبطال حلوين انا عن نفسي احبها هالبطله
ميثا بغيره: تحبها هاه.. تحبها وتتغزل فيها قدامي بعد....يلا غيره ماودي اشوفه
قيصر: عادي حبيبتي احبها بس مو كثرج
ميثا: ولو مابيه
قيصر يحاول: طيب ماتبين تعرفين الأبطال
ميثا: مابي اعرفهم بس طلعه هالسيدي......وبعدها فكرت وكملت تقول: لا قولي علشان اسوي عليها حظر هالممثله
قيصر بأبتسامه من غيرتها: الممثلين اجلينا جولي وبراد بيت
ميثا من سمعت براد بيت: صرخت بحماس ياربي براد بيت ياحلوه... قيصر رجع السيدي ودي اشوفه
قيصر عصب تتغزل فيه قدامه: هييي استحي لاتتغزلين فيه قدامي خلاص انا الحين الي ماودي اشوفه لأني شفته اكثر من مره وشبعت منه والحين كرهته دام طلعتي تحبين هالبراد بيت
ميثا بخوف: لا حبيبي خله ماهون عليك انا احبه بس كممثل بس انت عمري وحياتي و كل دنيتي وبعدين ماقلت قصته تشابه قصتنا...خلني اشوفه واحكم...
قيصر بأصرار: لا مابي
ميثا بترجي: قيصر بسويلك الي تبيه بس حطه
قيصر بخبث: اي شي
ميثا: ايه اي شي بس خلينا نتابعه
قيصر وبنفس الخبث: طيب بعد مانخلص الفيلم بقولج طلبي
ميثا ماشافت ملامحه ولا كان فهمت نيته
حط قيصر الفيلم وجلس جنبها وبعدها نزل راسه لفخذها يتمدد عالكنبه وقال: العبي بشعري عمري
وبعدها جلسوا يتابعون متحمسين وميثا تلعب بشعر قيصر وبنفس الوقت مرتاحه انه قيصر مايقدر يشوف ملامحها اذا بحلقت بعيونها في براد بيت
وبعد ربع ساعه تقريبا جات طلبيه المطعم وراح قيصر اخذها ودفع حسابها وجلسوا ياكلون ويتابعون متحمسين مع الفيلم لأنه اكشن وكله مواقف مضحكه بين الزوجين
جلسوا يسون مصخره ميثا اخذت دور انجلينا وقيصر براد بيت يوم جات عند اللقطه الي تدعم فيها انجلينا زوجها بالسياره..... ميثا تحمست وقالت لقيصر: تستاهل ههههه.
قيصر عايش الدور: هييي انتي غبيه بتقتليني
ميثا: عادي حبييي ادري عنك بسبعة ارواح ماتموت بسرعه
قيصر: يلعن بليسج انتي مستحيل تكوني مره كيف تعرفين تمسكين مسدس
ميثا بدلع: لا والله عبالك مره مابقدر اسوي اي شي
عاشوا الدور يضحكون شوي ويتناقرون شوي مع الفيلم
وفجأه طلعت لقطه ماصخه شوي...ميثا من الخجل وجهها احمررر وشع ضوء
قيصر وهو عاجبه المشهد : عادي حبيبتي ماشي جديد
ميثا بخجل: قيصر استحي وغير المشهد الي بعده
قيصر بخبث: عادي حبيبتي لمتى بتستحين....
سكت وبعدها كمل وهو يناظر انجلينا ولا شعوريا: يابخته براد فيها
ميثا انقهرت ونط فيها عرق الغيره:قيصرررررررررر انت زودتها كفايه انك تشوف هالمصاخه وبعد متحسر ان براد معها مو انت
ميثا وقفت بعصبيه وراحت للغرفه: اكرررررررررررهك
قيصر لحقها وهو يضحك وده يهديها: ميثا من صدقش انتي تغارين من ممثله في التلفزيون
ميثا معصبه: لا والله انت اول ماغرت من الممثل على قولتك
قيصر: لأنج انتي تغزلتي فيه قدامي وقلتي حليوا ومادري شو مو عيب تقولين هالشي قدامي
ميثا بقهر: لا والله والي انت سويته ايش اسميه اولا تشوف المشاهد الوصخه ولا بعد تتحسر انك تكون معها وانا زوجتك قدامك ما احترمتني
قيصر يحاول يحل المشكله: خلاص اثنينا غلطانين يلا خلينا نطلع نكمل الفيلم الي كنتي بتبكين علشانه
ميثا وبدت تلين: بس انت خليتني اكرهه من انجلينا هاذي
قيصر: طيب انا موطايق هالبراد بيت الي تموتين عليه بس صابر علشانج يلا خلينا نكمله ونرجع نستانس مثل اول
ميثا بدلع: طيب بشرط
قيصر: قولي حبيبتي
ميثا: لا تناظرها ولاتتغزل فيها قدامي
قيصر بأستغراب: كيف ما اناظرها هي بطلة المسلسل وفكل مشهد بتظهر
ميثا: شوف معاي بس المشهد الي تظهر هي فيه وايد ناظرني واتركها
قيصر بيأس: اوكي حبي بس انا بعد لي شرط لاتنسينه
ميثا: ادري بس ايش هو شرطك؟
قيصر يتوهها: بعدين اقولج مو الحين اذا خلصنا الفيلم
ميثا بعدم فهم لطريقة تفكيره: طيب.....يلا نطلع نكمل وطلعوا برا وكملوا الفيلم

*******************************


عند مها ومحمد .. مها لبست لبس النوم وتكشخت وجلست جنب محمد الي جالس يتكلم في الجوال مع صديقه ريان
محمد بمزاح وهو يناظر مها بأنبهار: ريانو ايش هالذوق الي عندك تتصل فيني بهالوقت وانت تدري اني متزوج
ريان: ايش اسوي مليت وقلت ماحد يطلعني من هالجو الا سفاح البنات
محمد توهج: احم احم يالغبي خلاص انا تبت وبعدين كيف تبيني ارد عليك... ورص على هالجمله وهو يهمس: المدام عندي
مها سمعته بس سكتت وهي حاسه ان وراهم سالفه
محمد بفشيله: ريانوا يالغبي باي انا بخليك ايش الي يخليني اكلمك دام القمر عندي
ريان: افا الحين نسيت اصحابك خلاص المدام احتلت كل قلبك ونحنا صرنا بسلة المهملات...
محمد يقهره: ايه طبعا اصلا انت من زمان في سلة المهملات
ني اكلمك دام القمر عندي
ريان: افا الحين نسيت اصحابك خلاص المدام احتلت كل قلبك ونحنا صرنا بسلة المهملات...
محمد يقهره: ايه طبعا اصلا انت من زمان في سلة المهملات ماشي جديد حبيبي
ريان ببلاهه: لاتقول حبيبي خلها لمرتك مابغينا منك شفقه ياخاين العشره كنت معاك في السرا والضرا والحين نسيتنا
على هاللحظه راحت مها للحمام (اعزكم الله)
محمد حس انه تنفس بغى يطلع حرته بريان: السرا والضرا ريانو الكلب اي سرا والله الي سويناه كله ضرا وكله من ورا راسك العشره مالتك الي تحسبها علينا ودتنا لدهاوي مواعيد ولعب عالبنات وخداع وكل هالجمله الشرانيه وكمل ببلاهه: بس الحمدلله انا تبت وعقبالك ان شاءالله
ريان: والله مو قادر يارجال
محمد بنصح: صدقني تزوج وبتعقل
ريان: شلوون
محمد بهمس: صدقني الشي الي يكون بالحلال له طعم ثاني تحس بالطمئنينه ومافي خوف ولا تأنيب ضمير وبعدين ترتاح نفسيا اذا صفيت ذهنك من خرابيط البنات الي فالساعه تتصل عليك خمسه ولاست بنات علشان تعطيها كلمه حلوه...تزوج وكون لزوجتك طول اليوم مو ساعه
ريان بحماس: يعني تنصحني
محمد بتشجيع: ايه انصحك ماشفت حالي الحين شلوون مرتاح بدون شوائب بحياتي
ريان وبنفس الحماس: خلاص من باكر بقول لأمي تخطبلي
محمد بفرح: طيب حرك قواتك يالحبيب
ريان: اوكيات
محمد بمرح: يلا ياعديم الذوق انا بسكر.... زوجتي جايه ابي انام ابركلي من وجهك
ريان بخبث: اقص ايدي اذا الحين نمت ادري عن سوالفك انا يالعيار
محمد بمزاح: قليل ادب انا مو فاضي لخرابيطك الحين...بس هييي ان اتصلت مره ثانيه بهالوقت تحللللللم اني ارد عليك فتصبح على خير يالفالح.......وعلى طول سكر في وجهه ..
مها تضحك من كلام محمد الي مايجوز من سوالفه وخرابيطه بس هي تحبه بكل عيوبه
مها: حبيبي كان تأخرت بعد شوي كأنك سكرت مبكر
محمد: تستعبطين حضرتج
مها بأبتسامه: كأنه شووووي
محمد يضحك: فديتج يالدبه
مها بزعل متصنع: لا انا مو دبه انت الي دب
محمد بخبث: احبج يلا تعالي خلينا ننام
مها: لا مابي انام جنبك زعلانه
محمد بحزم: تعالي نامي انا زوجج اسمعي كلمتي
مها بدلع: اممممم افكر
محمد راح لها وشالها لسريرهم وهو يناظرها بحب: تدلعين علي
مها تستعبط: اكيد انت من اول مافهمت اني ابيك تشيلني
محمد بخبث: بس انا طلعت ذكي وفهمتج والحين شو مكأفتي
مها بدلع: انت تبغى شووو
محمد: مابي شي بس ابيج انتي
مها: طيب انا بين ايدينك حبيبي
محمد بحب: احبج العمر
................................


خلص الفيلم وشالت ميثا الأكل والأوصاخ الي خلفوها ونظفت وجات بتروح لغرفتها...ناداها قيصر بسرعه: ميثا تعالي نسيتي اني بعد ماقلت شرطي
ميثا بأسف: ايه نسيت بس بسرعه علشان بنام
قيصر بأسف: لا مابيج تنامين
ميثا بدلع: مو قادره اسهر حبيبي
قيصر: طيب بخليج اليوم تنامين بس بشرط بكرا تنفذين شرطي..ابيج مصحصحه مو نعسانه
ميثا بعدم فهم: ايش تقصد؟
قيصر بخبث وهو يتقرب منها ويحاوط خصرها وقرب فمه من اذنها وهمس: ابيج كزوجه باكر كفايه حررمان عاد
ميثا هنا بتموت من الخجل وصار وجهها ألوان
ميثا بتردد: بس قي.......
قيصر وهو يحط ايده على فمها ويقطع جملتها: لا ميثا مابي اعذار تكفيين خلاص باكر عالساعه 11 بنتظرج
واذا تحبيني بتنفذين لي هالشي واذا قلبج....سكت شوي وبعدها كمل بأنكسار: واذا خلا حبي من قلبج فلا تعشميني فيج اكثر وصدقيني انا ماراح اجبرج على هالشي وانتي مو طايقتة....انا الحين بخليج وانتي قرري وبكرا عالساعه11 بعرف مصيري معاج ولاتخافين مهما يكون القرار ماشي راح يتغير بينا بنكمل حياتنا مثل اول
ولا راح اخذ بخاطري عليج بشي......
قيصر بسرعه: يلا تصبحي على خير
ومن بعدها راح من عندها ....حتى بدون لا يسمعها شو بتقول
ميثا مصدومه من كلامه وقيصر ماعطاها فرصه تفهمه بالي بخاطرها...نزلت دمعه من عينها بس مسحتها بسرعه وراحت لغرفتها تفكر في كلامه الي ماتوقعته ابدا

*******************************


"البارت الحادي عشر"


الصباح عند ريناد الي من قامت الصباح تبكي خايفه من المنام الي شافته وتصرخ
بومحمد وزوجته كانوا يفطرون ويشربون القهوه وهم مرتاحين ويسولفون بمها كنتهم الي حبوها وحبو اسلوبها ورقتها وعجبهم ذوق محمد ابنهم
وماهي الا لحظات وسمعوا صوت بكاء وصراخ ريناد الي اول مره تقوم من نومها بهذا الخوف
راحوا بومحمد وام محمد ركض لغرفتها
ام محمد بخوف: يمه بنتي اشفيها
بومحمد بتوتر: ان شالله مافيها الا الخير...
وصلوا لغرفتها وفتحوا الباب بقوووه وراحوا لها بخوف لقوا ريناد جالسه بسريرها تبكي وترتجف من الخوف وعلى طول وبدون مقدمات قالت: يمه ميثا ماتت
انصعقوا بومحمد وام محمد من كلامها وردوا كلهم مع بعض: شوووو
ريناد بخوف: ميثا وعمر ماتوا انا شفتهم ماتوا وانا نايمه..... ورجعت مره ثانيه تصيح بقووه
ريناد: يمه ابي اشوف ميثا يمه
ام محمد وهي حاضتنها قالت بتوتر: ريناد حيبيتي ميثا خلاص تزوجت ماعد بتجي عندنا انتي بس لاتخافين اوكي
ريناد بأصرار: يمه انا اريد اشوفها الحين
قرب بو محمد من بنته وهو بعد يهديها حبيبتي ريناد انتي ايش الي شفتيه بالحلم
ريناد وصوتها بدأ يتقطع من الخوف والبكاء: شفت ان نحنا كلنا رحنا رحله مع بعض ونسولف ونضحك وبعدين لما كنا جالسين كان عمر يلعب بمسدس نحنا كنا نفكره مسدس العاب حتى هو كان مفكره كذا ولما ضغط عليه طلع متصاوب على ميثا بلغلط وقتلها وعلى طول ماتت وبعدين هو من الخوف طاح ولما وصلنا للمستشفى طلع مات ونحنا مفكرينه دايخ
ورجعت تبكي مره ثانيه...ام محمد من سمعت هالحلم وهي مو مرتاحه وخافت من هالحلم الي صح هو حلم بس دخل قلبها الشك وبنفسها تدعي: يارب احمي بنتي من كل شر يارب احمي بنتي من كل شر يارب احميها يارب
اما بو محمد كان يهدي ريناد الي دموعها ماخلصت: ريناد لاتخافين هذا حلم مو صحيح ليش تبكين اصلا ميثا بخير وعمر قبل شوي قام من النوم وهو بخير الحين يفطر وبعد شوي بيروح للمدرسه ومافيه شي واذا بغيتي تتأكدين روحي شوفيه
ريناد قامت بسرعه وهي تمسح عيونها ببراءه ونزلت ركض للدور السفلي علشان تشوف عمر ولما وصلت للصاله وشافته على طول ضمته بقوووه وجلست تبكي: الحمدلله عمر انت مامت بعدك حي
عمر بأستغراب: رينادوه اشفيج انا بخير مين قالك اني مت
ريناد: شفتك بالمنام ميت انت وميثا
عمر سكت ومارد عليها راح واخذ شنطته وجلس يرتب كتبه
ريناد ببراءه: دام انك حي انا بروح اتسبح وبرجع افطر معاك قبل لانروح المدرسه
عمر بسرعه: انا بروح المدرسه الحين
ريناد: طيب اوعدني نلعب بلاي ستيشن اذا رجعنا
عمر بمرح: اوكي رينادووووه الدبه
ريناد: انت دب
عمر: اذا انا دب انتي بطه
ريناد: انت البطه
عمر وهو يقهرها: باي يابطه
وطلع يروح للمدرسه
طلعت ريناد تركض نست الموضوع لغرفتها علشان تجهز نفسها بسرعه للمدرسه
لقت اهلها جالسين وام محمد تبكي تذكرت بنتها ميثا وابو محمد يهديها
بو محمد: استهدي بالله ياحرمه هي اختارت طريقها ولازم تتحمله وانتي لازم تتعودين على هالوضع وماله داعي هالدموع
دخلت ريناد شافت امها تبكي
ريناد ببراءه : ماما لا تبكين عمر مافيه شي هو بخير والحين طلع يروح المدرسه انا شفته الحين
وراحت بمرح وهي تركض للحمام تتسبح(اعزكم الله)
اما بو محمد وزوجته نزلوا لتحت يكملون فطورهم وام محمد من داخلها قلبها بينفطر من التعب والشوق لبنتها الي ماتدري عنها شي بس صابره ومتحمله

*******************************


عالساعه (am 7:15) فبيت قيصر...كانت ميثا تجهز فطور قيصر
طلع قيصر من غرفته وهو لابس ملابس الدوام ولما وصل للمطبخ لقى ميثا باين من وجهها مو طايقه حتى تشوف وجهه وكأنها مو مرتاحه له
قيصر بتردد: صباح الخير
ميثا بدون نفس: صباح النور
اخذ قيصر الكوب من سلة الأكواب وصب لنفسه ماي وشرب ولمن خلص .. مشى وقصده بيطلع
نادته ميثا بتردد: ماراح تفطر
قيصر بهدوء وكأنه مستحي من طلبه منها امس: لا مابي مالي نفس
ميثا هزت كتوفها بلا مبالاه: طيب براحتك
قيصر خاب ظنه كان يختبرها برفضه للفطور وده يشوفها اذا تحبه بتحلف وتزن عليه انه مايطلع حتى يفطر بس من شاف حركتها هاذي عرف مصيره وقرارها الي اتخذته عرف ان قلبها خلا من حبه
طلع من عندها بكل هدوء وهو يقول: مع السلامه
ميثا ماردت عليه بس اكتفت ترفع الصحون الي على الطاوله انقهر قيصر منها وابتسم ابتسامه بارده تعبر عن فقدان الأمل وطلع
يروح للدوام....
ولما وصل لباب العماره شاف وحده لابسه لبس ضيق على جسمها وكأنها تنتظر احد بس هو ماهتم مر من عندها قصده رايح للباب الخارجي .. بس حس بأيد تمسكه من ذراعه
فألتفت وعلى طول نظر للشي الي امسكه ولكنه استغرب لمن شافه...
ايمان بدلع: صباح الخير قيصر
قيصر بأستغراب: صباح النور مين انتي؟
ايمان بحبور: ماعرفتني انا ايمان صديقة زوجتك ميثا نسيتنا ماشفتنا امس عندكم انا واختي
قيصر: اهاه سوري نسيت.... شخبارج؟
ايمان بدلع: انا تمام شخبارك انت
قيصر بأبتسامه: انا بخير والحمدلله
وبعدها سكت مادرى شو يقول انحرج منها..
ايمان تلفت انتباه قيصر بحركاتها ودلعها الماصخ. كانت تتمايل علشان يبين جسمها له....قيصر لاحظها وحس انه توتر وبدأ ينجذب لحركاتها وجسمها الي يتمايل قدامه بصوره واضحه... ماقدر يتحكم بعيونه الي علقت عليها
ايمان لاحظت انها قدرت تاثر عليه وان قيصر بدأ يتفاعل معها فقالت تزيد الجرعه شوي...
فسوت نفسها ان توازنها اختل وجات بتطيح:اه
وفرحت لمن حست بأيده تمسكها وترفعها قبل لاتطيح
قيصر بسرعه: فيج شي
ولما ثبتت وخر ايدينه منها بسرعه وهو من داخله ذايب من هالأيمان الي طلعت بوجهه كذا بهالملابس الفاضحه
ايمان بخوف وخجل متصنع: مشكور قيصر
ايمان بدلع: عادي مو وايد بس شوي تعورت على ايدي علشانها دقت بالجدار
قيصر بخوف عليها: مسك ايدها شافها محمره مسح على مكان الأحمرار شوي بأصبعه: عادي مو عميق العوار بتخف
ايمان ذابت من لمسته وارتاحت بداخلها لأنها بأول خطوه تسويها ونجحت
قيصر بأرتباك ماوده يطول خلاص توهق: طيب ايمان انا تشرفت بمعرفتج
ولا تخافين هذا بس احمرار بسيط وبيروح ..
يلا انا استأذن تأخرت على الدوام باي
وطلع على طول ولمن طلع زفر بقوووه وكأنه الحين بدأ يتنفس ... ماوده يطول الجو أرقه.....
قيصر بحمق من ضعفه: يلعن ابليسها بغتني اتهور وين اهلها هاذي مو شايفين لبسها ولا حركاتها الماصخه الي خلتني اتوتر والحمدلله انها عدت سليمه
.....................................

عند ايمان لا شعوريا صرخت بحماس:‎ yes ‎
سويتها ...
وكملت تقول بخبث: مسكينه ميثا قرب موعدها الي بتودع فيه حبيبها الي بيصير حبيبي عن قريب انشالله.............

*******************************


بعد ماطلع قيصر اتصلت ميثا في منيره علشان تروح معها للسوق ومنيره واقفت... راحت ميثا ولبست عبايتها وحجابها وراحت لمنيره وبعدها راحوا للسوق ولمن وصلوا نزلوا لمحل الفستاتين وملابس النوم دخلوا وشافوا الملابس المعروضه انجننوا
ميثا بحماس: ياربي منيره ناظري هالفستان التركوازي والله دخل قلبي شرايج فيه
منيره بحماس وهي تأشر على بطن ميثا: بصراحه جنان بس لاتنسين هالكرشه الزغيرونه ميثووه مايدخل عليج
ميثا: ادري _ انتي اشفيج هذا مابيه للحين قصدي بعدين لما تروح هالكرشه
منيره: طيب اخذيه بصراحه روووعه
ميثا بدون تردد أشرت للبائعه الفلبينيه وسألتها:‎ please talk me..how much does it cost ‎? ‎‏
الفلبينيه: 25‎ Ro
ميثا وهي ماسكه لبس النوم الي لونه تركوازي:‎ how size This ‎‏
الفلبينيه وفي ايدها الفستان الفوشي:‎ size ‎35....luck This...it is a good sort of material
ميثا خذت الفستان احمر حلو ولايق عليها:‎ no want that...I want this a dress
الفلبينيه: ‎ oK madam
بعدها دارت ميثا فالسوق كله وانجنت على واحد احمر بعد عجبها واشترت ثلاثه فساتين نوم .
وهم بالطريق راجعين للبيت
منيره بتردد: ميثا ابي اسألج سؤال ولو انه محرج شوي بما ان كلنا حريم ونفهم على بعض
ميثا برحابة صدر: اسألي حبيبتي
منيره: ايش الي خلاج بس اليوم تسوين هذا كله
ميثا: منيره هاذي سالفه طويله ابي احكيها لج مره ثانيه
منيره: طيب على راحتج
وبعد بضع دقايق وصلوا البيت ووصتها منيره على قيصر
منيره بخبث: ميثا ماوصيج على قيصر تدلعي وتكشخي جننيه ودلعيه الرجال مثل الطفل يبي مرته تدلعه وتحبه فاهمه..
ميثا تهز راسها بنعم: ادري حبيبتي بس انا حابه اسويله مفاجأه ماقلتله عن شي
منيره بتشجيع: زين ماسويتي الرجال يحبون هاذي النوع من المفاجأت
ميثا: طيب مشكوره منور والله مادري شسوي من غيرج
منيره بحب: عادي والله انتي مثل اختي
يلا انا بخليج علشان تجهزين نفسج لليله
وغمزت لها بعينها بخبث...
ميثا تضربها على كتفها بخفه: واي انتي ايش تقصدين
منيره بأبتسامه: فاهمتني زين بس حابه تستعبطين علي شوي
ميثا ببراءه مصطنعه: انا ماعرف بهالأشياء
منيره تقهرها: وهالكرش من وين جات يعني من فراغ
ميثا بنفاذ صبر: وخري وخري انتي كلامج كله غلط بغلط
منيره تقهرها: هههههههههاي ليله سعيده ان شاءالله... وحافظي على هالجنين الي فبطنج لايصير ضحيتكم
ميثا بقهر تدفها: روحي روحي انتي ما منج فايده لاتخربين تفكيري....وقالت بصوت اعلى: نصيحه رجعي لزوجج وحطي كل الي عندج معاه لاتشوشين مخي........
راحت منيره وهي تضحك من كلام ميثا وميثا دخلت لشقتهم وهي تبتسم من سوالف منيره وتعليماتها
....................................


بالليل عالساعه عشر ميثا تجهزت وتسبحت ومن بعدها جلست عالتسريحه تتميكج وتتكشخ ...حطت بعيونها ميك اب احمر خفيف وسوت قلوس احمر فاقع مبرز شايفها الممتلئه شوي وبياضها وملامحها الحلوه ومن بعدها سوت البلاشر البني عالخفيف بخدودها وخشمها شوي ولمن خلصت رفعت ايدها وفكت شعرها الأشقر الناعم الرائع وسيحته على ظهرها وكتوفها ومشطته وسوت خصلات على وجهها طايحه ولمن خلصت من شعرها ..قامت تلبس الفستان او بالأصح لبس النوم الأحمر الي كان علاقي من فوق، وفتحت الصدر كانت واسعه ومبرز صدرها شوي، اما من عند الخصر فكان ضيق ومزخرف باللون الأصفر الفاقع ومن النص مسوي طبقات فوق بعض ومن تحت كان طويل بس القماش شفاف ومن نص الفستات فكان مرفوع على طبقات مثل الستاره لين نص الفخذ يعني كل رجلينها طالعه ويكشف اكثر مما يستر بس كان طالع حلو عليها تجننننننننن..........
ومن ثم راحت لغرفته تنتظره هناك بس تأخر جات الساعه11 الوقت المتفق عليه وقيصر بعده ماجاء وميثا بدت تتوتر بس لازم تكمل هالخطوة وتفهمه انها بعدها تحبه
...................................

Sent from my SM-N9005 using منتدى عبير mobile app