رد: روايه ودي اضمك لين تختلط انفاسي معاك..

سلامتج حبيبتي م.تشوفين شر

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

لؤلؤ ترا نسينا الأحداث تأخرتي حيل

رد: روايه ودي اضمك لين تختلط انفاسي معاك..

الصباح عند قيصر وميثا............قامت ميثا عالساعه سبعه وتسبحت وصلت صلاة الفجر ..
راحت للمطبخ وسوت فطور ولما خلصت راحت وخذت ملابس قيصر مالت الدوام وكوتها وخلصتها ومن بعدها راحت ليقصر تقومه ولما دخلت الغرفه لقت قيصر في سابع نومه ولاحاس بالدنيا.......
قربت منه وجلست على حافة السرير
ميثا بهدوء: قيصر حبيبي قوم لا تتأخر على دوامك
قيصر: امممممممم
ميثا بحب: حبيبي قوم الساعه سبعه ونص الحين متأخر على دوامك
قيصر بصوت كله نوم: ماراح ادوام تعبان بقولهم اني عندي ظروف وماقدر اداوم هاليومين
ميثا بأصرار ممزوج بدلع: قيصر قوم انت تدري ان دوامك مافي سماح ولا اعذار قوم حبيبي راح يسوون لك مشاكل يلا قوم
قيصر بأصرار: ماراح اروح ميثا انا الحين بتصل في المسؤول واقوله اعذاري وبعدين انا ناوي اليوم اخذج مشوار من جينا هنا ماطلعنا مكان خلينا اليوم نطلع ونشوف الدنيا ونستانس
ميثا بفرح: اخيرا حبيبي والله من زمان ودي نطلع ونشوف الدنيا
قيصر بحب: طيب حبيبتي اليوم بنطلع الساعه 5
ميثا بحماس: وين بنروح
قيصر بنعاس: للبحر اشتقت نسهر سوا هناك
ميثا بحب: انا بعد ودي للبحر خاطري اروح له ونسهر هناك
وقربت منه وباسته بخفه على خده شكرا حبيبي
قيصر وهو يشدها له: لا تشكريني حبيبي كم مره بقولج نحنا الحين واحد ومافي بينا تشكورات...قال هالكلمه بأبتسامه
ميثا وهي تضحك جلست تغني اغنية فله: تشكورات افندم جروحي وشكو زاد تشكورات افندم عن روحي وغيبوا زاد تشكورات افننننننندم وقلبي وصابه زلزال..... قيصر بهمس: فديت هالصوت وصاحبة هالصوت حبيبتي
وقرصها على خدها بقوووه ...وهو يكمل برومنسيه: احبج يالسكر انتي
ميثا بصراخ: اح .. قيصر عورتني
قيصر بخبث: تعجبيني لما تتوردين كذا خاصتا هالخشم لصغيرون لما يورد اموووت عليه
وراح يرفع شعرها ويرجعه لورا وهو يلاعبه ويضحك منها وهي عاقده حواجبها متذمره من الالم الي بخدها.......
قيصر بأستغراب وهو يأشر على بقع صغيره حمره وحولينه ازرق شوي علئ رقبتها : ميثا ايش هذا
ميثا بقهر ممزوج بدلع: وتسألني بعد ايش هذا اسأل نفسك
قيصر بعدم فهم: انا اشفيني
ميثا بتذمر: قصوري بلا استهبال انت الي سويتها نسيت تعذيبك لي امس
قيصر بخبث: الحين تسمينه تعذيب....
ميثا بحماقه: ايه ليش لا...من جد تعذيب
قيصر يقهرها: ميثا عن التناقض لاتخليني أاجل الطلعه واراويج التعذيب على اصول انا قبل كنت راحمج على انج حامل بس..
ميثا تتميع: أفا يعني انا ماهمك بس الحمل الي هامك
قيصر بحب وهو يداعب خشمها بأصابعه: لا حبيبتي‎ ‎انتي تهميني بس انتي ظلمتيني وانا لازم انتقم
ميثا بزعل متصنع: افا السالفه فيها انتقام
قيصر يقهرها: إيه عيل تقولي عني تعذيب
ميثا بدلع: وانا بعد اقدر انتقم لا تفكرني ماقدر
قيصر بأستهزاء: وايش انتقامج يالواثقه

ميثا بثقه: حبيبي اقدر الحين اطلع من عندك وهالأسبوع كله احرمك مني واشوف مين الي بيتنازل بعدين ويقول... وهي تقلد صوته: ميثا حبيبتي كفايه لا تحرميني منج انا مشتاقلج حيييل
قيصر وهو يضربها بالمخده على راسها بخفه: باخذه منج بالقوووه
ميثا تقهره: هالمره ماراح اخليك كفايه مره
قيصر حز بنفسه بس مابين وهو يضحك: خلاص تعودت على الأجرام حبيبتي
ميثا مستغربه انه مازعل العاده يزعل لما تجيب هالسيرة بس فرحت انه اجتاز هالمرحله
ميثا وهي تضحك وتقلد صوته الحزين: وبعدين قضي طول الليله وانت تقول سامحيني حياتي سامحيني عمري سامحيني يالغاليه....بس لا تفرح هالمره ماراح اسامحك
قيصر وهو يضحك من قلب: لا لا تحاتين هالمره غير بقول تستاهلين ياحياتي تستاهلين عمري تستاهلين يالغاليه علشان مره ثانيه لا تعاقبيني
ميثا وهي تضحك: بايخ
قيصر: احبببببببببببببج يالشقيه
ميثا بحب وهي تناظر ملامحه بتمعن: فديت قلبك يابو سلطان
قيصر هالكلمه حركت بقلبه شعور غريب: الله على هالكلمه ميثا عيديها مره ثانيه
ميثا: فديت قلبك
قيصر: لا لا مو هاذي الي بعدها
ميثا: قصدك يابو سلطان
قيصر: إيه .. تصدقين احس انها حركت بقلبي شعور غريب .... احساس الأبوه
ميثا بحب: احبك يابو سلطان
قيصر بحب وهو يلعب بخصلات شعرها: اعشقج يا ام سلطان
ميثا بسرعه: يلا حبيبي قوم خلنا نروح نفطر
قيصر بأبتسامه: اوكي حبيبتي خليني اقوم اتسبح وارجعلج
ميثا: طيب بنتظرك حياتي
راحت لبرا تجهز الفطور وهو راح يتسبح ويبدل ويتعطر ولما خلص طلع لها لقاها جالسه عالطاوله ومجهزه الفطور وتنتظره يجي وياكل معها ولما قرب منها باس جبينها وراح وجلس جنبها عالطاوله وبدوا ياكلون وهم فرحانين من قلب

*******************************



فبيت نوريه اخت (نور) ام محمد....... جالسين هي وزوجها عبد الرحمن بالصاله يشربون القهوه ويسولفون
نوريه: عبد الرحمن اليوم اختي ام محمد بتزورنا
عبد الرحمن: حياها الله...الا صح نوريه شخبار بنتها ميثا ماعرفوا عنها شي اخبار
نوريه بأسف: لا وعليا ماعرفوا عنها خبر البنت قالتلهم لا تدورن على لأنها بتكون بخير ومادري شو..... ويا الله يصبرها اختي ماتستاهل
عبد الرحمن: الله يصبرهم كلهم ماتدرين انه بو محمد بعد ما كان هيبه وواثق من نفسه بعد هالسالفه ماقام يرفع راسه بين الناس من الخزا مسكين ماينلام
نوريه: اكيد ماينلام ميثا نزلت راسهم ووطته في الأرض....والقهر مايندرى ايش اسبابها او ليش طلعت من البيت
عبد الرحمن: إيه وانتي الصادقه....المهم الله يحميها وين ماكانت من كل شر مهما كان هاذي بنيتنا
نوريه: إيه والله... الله يحميها ولو انها حرقت قلوبنا بسواتها هاذي
عبد الرحمن وهو قايم: يلا يانوريه انا بطلع الحين
نوريه: لوين رايح
عبد الرحمن: بروح مع الربع نغير جو شوي
نوريه: طيب بحفظ الله...الله يحميك حبيبي
وعلى هاللحظه دخلت الاء بنتهم وهي تبتسم: الله على الحب....يمه والله طلعتي مو هينه جالسه تتغزلين في ابوي بالصاله ..اشكره يعني
عبد الرحمن يبتسم: وانتي مرره يعني جيتي على هاللحظه الحلوه
نوريه بخجل: وانتي ماتستحين عاد تتسمعين علينا
الاء: لا يمه ماتسمعت عليكم انا دخلت فجأه وسمعت هالكلمه بالصدفه
عبد الرحمن: عادي حبيبتي هذا الغزل خفيف نحنا مانقول بالغزل الثقيل الا بغرفتنا
نوريه بخجل: بو زياد لا تحرجني وعيب تقول للبنت هالكلام لاتخربها علينا
الاء: ههههههههههاي عادي يمه خليج ريلكس
عبد الرحمن: يانوريه اصلا هالجيل صار مخترب ومافي شي الحين ومايعرفونه ولو تعرفين نحنا عندهم المساكين مو هما واذا نحنا خبينا النت مايخبي عليهم شي
نوريه: وانت الصادق يالغالي ماشي يتخبى فهالزمان الله يستر على بناتنا وابناءنا يارب
عبد الرحمن: اميييين يارب الله يسمع منج
الاء: طيب انا بروح كملوا جلسة الحب مالتكم
عبد الرحمن: اي حب انتي بعد نحنا ندعي الله يحفظكم ويستر عليكم ان شاءالله ...
يلا مع السلامه انا بطلع......وعلى طول طلع لأنه راح يتغدى مع ربعه
نوريه: الاء وين خواتج منى وايه
الاء: منى كانت تسوي حلا علشان أذا خالتي جات وانا ساعدتها شوي وألحين خلصنا هي طلعت تتسبح وانا جيت هنا اجلس معاج شوي وبعدين اروح اذاكر شوي.
نوريه:طيب واية ايش تسوي الحين
الاء: اما مروى الحين جالسه تحل وظائفها المدرسيه
نوريه: اهاه طيب يمكن ريناد تجي مع امها اذا حبت تخلص وتجهز نفسها
الاء: طيب يمه بروح اتسبح هونت ماعد بجلس عندج
نوريه: ليش يايمه مليتي مني يعني
الاء: لا يمه حشا ماعاش من يمل منج بس توي تذكرت ان وراي اختبار عاد تدرين سنه اولى ولازم اشد حيلي بالدراسه
نوريه: صح حبيبتي ادرسي يمكن عاد تفلحين بشي
الاء بصدمه: يمه لهالدرجه انا ملفي اسود عندج وماعندي ولا حتى حسنه
نوريه: لا فيه بس مو وايد
الاء تمد بوزها بزعل متصنع: يمه انا زعلت حرام عليج اصلا نحنا ماتشوفينا شي عند منى انتي كل حياتج منى تحبينها اكثر منا
نوريه بحده: يالغبيه كلكم بناتي كيف بحب احد عن احد بس منى الكبيره بعد زياد وعصام واعتمد عليها بكل شي
الاء وهي تغمز بعيونها: اممممم علينا يمه
نوريه بضحك: روحي عني وقولي للشغاله تجهز الحلويات وخذي هالترمس صارت مخلصه وديها لها وخليها تغير القهوه بعد شوي خالتج بتجي
الاء: طيب أوامر ثانيه
نوريه تبتسم: لا يابنتتي مافي اوامر مايامر عليج عدو
الاء وهي تضحك: يلا بايو
وهي رايحه سمعت صوت الجرس وراحت فتحت لقتها خالتها نور
الاء وهي تبتسم بأشراق: هلا خالتي شخبارج؟
ام محمد بحب: بخير حبيبتي شخبارش انتي؟
الاء: بخير ياخالتي بشوفتج
ام محمد وهي تضحك وتلمها من كتوفها: هههههههههاي ياعيارتج شكلج فرحانه من شي ثاني وحطيتي السالفه علي
الاء بزعل متصنع: الله يسامحج ياخالتي الحين تكذبين فرحتي فيج ...اشفيكم علي انتي وامي اليوم
ام محمد بمزاح : هههه لا والله اشفينا انا وامج
الاء: كلكم طايحين علي تجريح من الصباح
ام محمد تقهرها: زين سوت فيج علشان تخلين طوالة هاللسان الي عندج
الاء بقهر: الله يسامحج ترضينها علي ياخالتي
ابتسمت ام محمد لها وهي لامتها من كتوفها ويدخلون مع بعض وهم يضحكون ومرتاحين ويسولفون ولما دخلوا للصاله قالت ام محمد لأختها: السلام عليكم شخبارج ياوخيتي
ام زياد بفرح: وعليج السلام يا ام محمد شخبارج؟
ام محمد: الحمدلله نحنا بخير وصحه والله المعين...انتي شمسويه وعيالج كيفهم؟
ام زياد: مانشكي باس وعيالي الحمدلله بصحه وعافيه
ام محمد: الحمدلله على كل حال
ام زياد: الا شخبار محمد وزوجته عساهم مرتاحين... وليش ماجبتيها معاج
ام محمد: والله ياخيتي ماتقدر تجي جات من الجامعه تعبانه ووراها وظايف وايده ماخلصتها ولا كان ودها تجي وتسهر معنا اليوم
ام زياد: الله يخليهم لبعض والله يساعدها على وظايفها
ام محمد: امييييين يارب
ام زياد بهدوء: الأ يانوير ياخيتي ماعرفتوا شي اخبار عن ميثا ولا اتصلت عليكم ولاشي
ام محمد بحزن: ارجوج لا تذكريني الي فيني مكفيني تعبت ... بنتي بعيده عني ولا اعرف عنها شي ولا حتى خبر يفرحني انها اذا كانت بخير او لا
ام زياد: ان شاءالله بخير لا تخافين الله يصبركم وهذا اختبار من الله.. وان شاءالله ازمه وبتعدي
ام محمد: ان شاءالله.. الله ماينسى عباده....وغيرت الموضوع على طول: الا شخبار منى متى خطبها وليد
ام زياد وهي تبتسم: وليد كلم أخوها زياد وقاله انه يبي يخطب منى _ وزياد يمدحه يقول انه مافي منه وهو صديقه ويعرفه زين
ام محمد بحماس: طيب ومنى ايش رايها
ام زياد وبنفس الحماس: منى تقول الي تشوفونه بس نحنا عرفنا ان البنت موافقه ومابتلاقي احسن منه .. ولد أصل ..اخلاق ودين وجمال ماشاء لله عليه
ام محمد بحب: الله يتمم الي فيه الخير ويوفقهم وعقبال للاء وايه ان شاءالله
ام زياد: ان شاءالله ياخيتي من فمج لباب السماء يارب
نزلت منى للصاله وعلى طول خالتها ام محمد جلست تهل فيها
وبفرح: ياهلا بعروستنا ياهلا بالزين كله وقامت تبوسها مبرووووووك يابنيتي
منى منزله راسها بخجل وقالت بهمس: الله يبارك فيج ياخالتي
ام محمد وهي تبتسم: شخبارج يابنيتي ان شاءالله طيبه؟
منى: انا بخير شخبارج انتي ياخالو
تي
ام محمد : انا بخير والحمدلله بشوفتكم انا بخير يابناتي الله يحفظكم والله ودي اشوفكم عرايس واكحل عيوني فيكم انا انحرمت من اني اشوف هاليوم في بنتي ميثا وماودي بعد انحرم من شوفتكم بها اليوم
ام زياد: بناتي هم بناتج وانشالله بتشوفينهم عرايس وماتنسين ان باقي معاج ريناد وانشالله اذا الله عطاج عمر بتكبر وبتشوفينها عروس
منى: لاتحاتين ياخالتي لا تقولين هذا الكلام ام محمد: فديتج لا تخافين انا بخير يابنيتي

*******************************



العصر عالساعه (pm 5:10) عند قيصر وميثا جهزوا انفسهم ولما خلصوا طلعوا وراحوا للبحر
ولما وصلوا جلسوا عالرمل يسولفون شوي ومن بعدها جلسوا يلعبون بالرمل ويشكلون فيها اشكال.. ميثا كانت تبني قصر وقيصر علشان يقهرها يكسره عليها ميثا من حمقتها اخذت بقبضت يدها شويه رمل ورمتها عليه بوجهه ... قيصر بحمق وراح يسوي نفس الشي اخذ شويه رمل بأيده ورماها عليها..... ميثا صارت تضحك وترمي عليه الرمل وهي تحس بشعور جميل وبراحه نفسيه من البيت والعتمه والملل والأحتكار حست ان الهوا انعش تفكيرها وقلبها وشال عنها الالامها وتعبها ...... استمروا يلعبون ومن بعد ماشبعوا لعب بالرمله _ اقترح قيصر انهم يروحون يتمشون شوي ...وافقت ميثا وقامت وياه.... شبكت ميثا يدها بيد قيصر وهي تتمسك فيها...
قيصر: الله على هالجو الحلو ليش كل هالفتره حرمنا نفسنا منه
ميثا: صدقت والله الجو رووووعه ياريت ياقيصر كل اسبوع نجي هنا
قيصر بحب: ان شاءالله بحاول اذا ماكان معاي اشغال وايد كل اسبوع بنجي هنا حبيبتي
ميثا بدلع: فديتو حياتو ياقلب ميثو
قيصر وهو يضحك منها: هههه ليش عاد كله ووو.. بس صدق حلوه
ميثا وبنفس الدلع: ادري اصلا انا اي شي يطلع من فمي حلو
قيصر وهو يقهرها: تصدقين انتي مغروره
ميثا بقهر: انا مغروره
قيصر يزيدها: ايه وايد بس انا يوم اني احبج ماشفت عيوبج
ميثا مقهوره منه وحبت تقهره: انا مو مغروره ..بس ادلع.. اصلا ما المغرور الا انت وكأنه مافي احد بجمالك او احلى منك
قيصر بغرور: ادري اني مزيون وحليوا بس هذا مايتسمئ غرور هاذي ثقه
ميثا دفته بقوووه: وخر عني
قيصر وهو يضحك: هههههاي كليتيها _ تستاهلين مثل مانتي تعرفين تقهرين انا بعد اعرف اقهر
ميثا بدلع: قيصررررر
قيصر بحب: فديت الحلو انا.......وقرب منها وباس خدها بخفه... ميثا انفجعت وعلى طول فزت منه وهي تقول بخجل: قيصر انت ماتستحي مو حلوه كذا بالبحر مو خايف احد يشوفنا
قيصر بعدم اهتمام: عادي انتي زوجتي
ميثا بخجل ووجهها محمر: ولو زوجتك بالبيت مو هنا
قيصر: عادي حبيبيتي لا تكبرين السالفه
وعلى هاللحظه أذن المغرب وراحو كلهم يصلون بالمصلى القريب من المكان الي هما فيه دخلت ميثا لقسم النساء وهو دخل لقسم الرجال واول شي سووه ان كل واحد منهم دخل للحمام(اكرمكم الله) علشان يتوضون ومن بعدها للمصلى ويصلون.......صلوا ولما خلصوا راحو يشترون لنفسهم عشاء ورجعوا للبحر يكملون سهرتهم
ميثا: حبيبي ايش رايك نلعب لعبه ونتسلى شوي
قيصر بحماس: من عيوني بس اي لعبه؟
ميثا بخبث: لعبة الصراحه
قيصر بهمس: هاللعبه بلاها كلها فضايح
ميثا تقهره: احلا شي علشان نعرف عن بعض اشياء ماعرفناها للحين او ماتكلمنا فيها
قيصر بإيجاب: طيب نلعب بس بشرط تجاوبين على كل شي بدون اي حرج.. وكمل بخبث: اعرفكم انتوا الحريم تخبون كل شي وتخلون نفسكم ملائكه
ميثا بعصبيه مصطنعه: قيصر خلي النفس عليك طيبه انت تبي تتهاوش شكلك
قيصر يهدي الوضع: اوكي حبيبتي خلينا نبدأ
اخذت ميثا غرشة الماي خاصتها الي خلصت منها وصارت فاضيه. ودورتها وطلع الدور عندها .. ان قيصر يسألها وهي تجاوب
ميثا بخوف: الله يستر...يلا قصوري اسألني بسرعه
قيصر بخبث: امممممم شو اقولج
ميثا بتوتر: اي شي بس بسرعه
قيصر يوترها: اي شي اي شي
ميثا بسرعه: اي شي بس بسرعه
قيصر بخبث: طيب قوليلي ايش هو شعورج وانتي الحين حامل وبتصيرين ام
ميثا بحب تغير مودها: تسألني عن احساسي؟.... اكيد احلى احساس لما احس انه في بطني كائن صغير ياكل من اكلي ويشرب من شربي طفل قطعه من روحي وقد ايش اني متشوقه لليوم الي بيشرف فيه ويناديني ماما ويناديك انت بابا اكيد شعوري حلو وايد وايد
قيصر بحب وهو يناظرها بتمعن ...... دور الغرشه وطلعت لميثا مره ثانيه
ميثا بملل: لا هالمره مو انا بلاها هالغرشه بنسوي بالدور كل مره واحد يسأل ويجاوب
قيصر برحابه: اوكي احسن من هالغرشه الي كل مره ندورها
ميثا برومنسيه: اوكي انا بردلك السؤال.... شو شعورك وانت قربت تصير ابو؟
قيصر بأرتياح: مثل ماقلتي احلى واروع شعور في الدنيا حسيت ان كلمة ابو خلتني احن اني اسمعها من ولدي بأسرع وقت
ميثا بحب: الله يحميه ويحمينا ان شاءالله ويكون بار فينا
قيصر: اميييين يارب
ميثا: يلا اسألني
قيصر بهدوء: بسألج سؤال وجاوبيني عليه بدون لاتظنين اني متشكك فيج ولا في اخلاقج
ميثا بدت دقات قلبها تتصاعد: عادي حبيبي ماراح ازعل
قيصر بسرعه: ميثا قد صار قبل وحبيتي احد غيري؟
ميثا بكل ثقه: لا طبعا
قيصر بفرح بس مابينه: معقوله ماحبيتي قبلي احد
ميثا وبنفس الثقه: لا ماحبيت... انت اول واخر حب في،حياتي
قيصر بفرح: الحمدلله اني كنت اول حب في حياتج
ميثا: وانا بعد مرتاحه انك اول حب بحياتي
قيصر بحب: احبج
ميثا: وانا اموت فيك
قيصر بسرعه: يلا حبيبتي دورج
ميثا: بسألك بس لا تزعل مني وجاوبني بكل صراحه
قيصر ينعم صوته ويقلدها: اوك عمرو
ميثا وهي تضحك: يلعن بليسك قصورو
قيصر: يلا عاد سألي قلبي بدأ يقرقع طبول
ميثا: ليييييييش؟
قيصر: بجد توترت يالدبه
ميثا: ما الدب الا انت
قيصر يحرها: انتي دبه بكرشتج انا مافيني كرش بطني بس بها عضلات صغيره مو بطنج الي حتى مو قادره تشوفين رجولج من كبرها
ميثا بحمق: كررررريه
قيصر: ادري من زمان
ميثا: هههه
قيصر: يلا ميثا بسرعه سألي
ميثا بتردد: ليلة الشاليه الي صار فيها ماصار ايش كان شعورك لما انتهكت عفتي بالغصب وقد ايش ندمت؟
قيصر بحزن تذكر ذيك الأيام الصعبه: اه ياميثا وتسألين بعد ايش شعوري شو اقولج بس........سكت شوي وبعدها كمل بقلب مجروح: اكره شعور بالدنيا خاصتا اذا كان هالشخص الي انت تسوي فيه هالشي تحبه وتعزه ومايهون عليك انك تعذبه بس مجبور او الأنانيه الي تخليك تسوي شي غصبن عنك علشان لاتفقده
واذا على الندم... ندمت جد شعر راسي ياميثا لأني نزلت دموج وتعبتج وايد _ تدرين خلال الثلاثه شهور الي طافت ماكنت انام ابدا ولا يوم نمت نومه مريحه كنت تعبان من بعدج وضميري كان يأنبي حييييل ماودي اتذكر هالشي ياميثا لأنه من جد يفتح علي جروح صعب تتسكر بسرعه لما اتذكرها......ونزلت دمعته على طول بدون شعور...
ميثا وهي تقرب منه وتحضنه: سامحني حبيبي سامحني ماقصدي افتح هالجروح بس فيني فضول وحبيت اعرف شعورك بذيك الفتره....قيصر خلاص انسى _ انسى الموضوع
قيصر وبصوت متغير: عادي حبيبتي عادي لا تتأسفين
ميثا بحب: احبك لا تزعل مني
قيصر يبتسم ويغير جو الحزن: انا بعد احبج ولاتزعلين مني انا غلطت بحقج وايد حبي
ميثا قربت منه وباسته بخده ببطء : .لا تقول كذا مره ثانيه...اوكي
قيصر وهو يقلدها فز بقووه: ميثا انتي ماتستحين مو حلو كذا بالبحر مو خايفه احد يشوفنا
ميثا وهي تضخم صوتها وتقلده : عادي انت زوجي
قيصر ينعم صوته بالغصب: ولو.. زوجج بالبيت مو هنا
ميثا تضحك من غبائهم: عادي حبيبي لا تكبر السالفه
وبعدها جلسوا يضحكون على وقاموا يتمشون عالبحر.......وهم يتمشون اخذ قيصر يد ميثا وباسها بقووه وصرخ بأعلى صوته: احبببببببببببج احبج ياميثا والله احبج
ميثا بخجل تهديه: قيصر الله يخليك لا تفضحنا وطي صوتك......
وعلى طول قربت منه وحطت ايدها على فمه تسكته: قيصر بس اسكت لا تفضخنا
قيصر وهو يضحك قرب فمه من اذنها وانفاسه كانت تلفح بخدها قرب وهمس بصوته الي ذوب ميثا: احبج احبج احبج بكل مافيها من معنى ولو اقولها من الحين للصبح مابتكفي ولا بتوفي احساسي لج حبيبتي
ميثا ذابت من كلامه وهمست له: انا احبك أكثر حبيبي
قيصر بخبث: شو رايج نروح بيتنا
ميثا بأصرار: لا مابي بعدها الساعه تسعه
قيصر بجنون: اشتقتلج
ميثا بخوف: لا قيصر لاتجن اعقل
قيصر يستدرجها: ميثا خايف لا اتهور...ياخي حسي فيني انا اعتبر الحين معرس وبشهر العسل معاج
ميثا وهي ترجع منه لورا ورجعت لمكانهم:
لا قيصر لا انت دايما تفكيرك غلط
قيصر وهو ياخذها بين ايدينه وشالها للبحر وقالها بهمس: خلينا نسبح حبيبتي
ميثا بقهر: قيصر يامجنون انا حامل كيف اسبح معاك
قيصر بتهور: مابيضر...وبعدين قولي متهور مو مجنون
ميثا بقهر: ليش ايش تفرق
قيصر بحده: لأني متهور واسوي الي براسي مو فاصخ وبدون عقل
ودخل للبحر وهو شايلها وميثا بين ايدينه ترفرف برجولها من الخوف وتصاررخ
ميثا بصراخ: قيصر نزلني انا خايفه
قيصر يقهرها: لا ماراح انزلج..
وكمل وهو يمشي لين وصل البحر نص جسمه ...... ميثا لامسها شوية ماي على جسمها ولما حست ان جسدها لمس البحر شهقت بالم
ميثا: اه قيصر الماي بارد
قيصر يتجاهلها: ميثا انتي ليش خوافه تعودي
ميثا بعصبيه: قيصر قلتلك طلعني من البحر
قيصر ببرود: مابي اطلعج بكيفي
ميثا سكتت بعصبيه وماتكلمت بس من داخلها تغلي من القهر
وفجأة ماحست بنفسها الا وصارت كلها بالبحر وقيصر ماسكها من ايدينها
قيصر وده يعودها مايبيها دوووم كذا خوافه: حبيبي سبحي خليج فري لا تخافين انا ماسكج زين
ميثا بخوف تتحجج بالحمل علشان قيصر يطلعها: قيصر والله مو زين لي اسبح انت مو خايف على الولد
قيصر فهم عليها: اكيد خايف بس ماراح يضر ان شاءالله .. انتي بس خلي عنج الوسواس وسبحي...لا تحاتين انا وياج
سكتت ميثا وماردت استسلمت لواقعها مع هالزوج المتهور
قيصر وهو يقرب منها ويحط ايده وحده على خصرها والثانيه يسبح فيها وميثا بعدها ساكته ماتكلمت حاسه انها منحمقه منه...ميثا لمن استمرت بالسباحه عجبها الوضع ولكنها ماحبت تبين له.... لأنها هي تحب السباحه بس بنفس الوقت تخاف ...خخخخ مشكله]
كانوا يسبحون تقريبا لمدة ساعه ولما خلصوا رجع قيصر يشيلها بين ايدينه وراح بها للسجاد الي كانوا جالسين عليها ونومها وتمدد هو جنبها
قيصر وهو يتنفس بقوووه من تعب السباحه: حبيبتي عجبتج السباحه
ميثا تسوي نفسها ثقيله _ ماردت: ..................
قيصر حس عليها: ميثا اشفيج بعدج زعلانه
ميثا: ......................
قيصر قلب وجهه لها وجلس يلعب بشعرها: ميثووه حبيبي لا تزعلين
ميثا بحده: وخر عني
قيصر يدلعها: افا ميثووه اشفيج
ميثا: .......................
قيصر وهو يمد ايدينه وجلس يدغدغها علشان تضحك ..... ميثا بألأول قاومت ماودها تضحك بس ماقدرت لأن قيصر كان يزيد من حركاته ويدغدغها بزياده
ميثا وهي تضحك بهستيريا: قيصرررر وخر عني وخرررررر
قيصر: إيه كذا ورينا ضحكتج وابتسامتج حبيبتي
ميثا وهي تضحك: هههههههههههههههههههه.....يكفي قيصررر...هههههههههههههههههه....بس قيصر ابعد....ههههههههههههههاي... بس قيصر
هدني
قيصر وهو يضحك معها: فديتج وفديت ضحكتج
ميثا وبعدها تضحك راحت تدغدغه هي الثانيه وقيصر بدأ يضحك معها بهستيريا
قيصر: ميثا.... خلاص خليني والله مو قادر اضحك احس نفسي مختنق
ميثا تضحك معاه: تستاهل من قالك تدغدعني أول
وجلسوا على هالحاله دقايق وهم يضحكون ويقهقون بجنون _هو يدغدعها وهي تدغدعه.....وفجأه يقوم قيصر ومسكها من كتوفها وثبتها عالأرض وقابل وجهها (^_^)
قيصر بصوت هامس: ميثا انتي رضيتي علي
ميثا بدلع: لا بعدي مو راضيه عليك
قيصر يدلعها: حبيبتي اذا مارضيتي الحين انا اعرف كيف ارضيج بطريقتي
ميثا بأستهزاء: ماتقدر
قيصر يرد بنفس طريقتها: ومين قال الحين اخليج تنسين الدنيا ومافيها....ميثووه انتي للحين ماعرفتيني
ميثا وبنفس الدلع: وخر عني لا تفضحنا نحنا بالبحر مو فالبيت
قيصر بعدم اهتمام: مايهمني
ونزل لمستواها وباسها من خدودها وراح لانفها ولجبينها لين ووصل لفمها ابتسم لها
قيصر بحب: احبج
ميثا تحس نفسها تحجرت ومابقى الا نبضها الي يدق بجنون وماقدرت ترد عليه: .............
قيصر يقهرها: وين كلامج الحين
ميثا بخجل: عيب قيصر ابعد عني
قيصر بحب: بالعكس حبيبتي احلى شي هنا الجو رومنسي ويفتح النفس وايد
ميثا بدلع ممزوج بخجل: وتفتح نفسيتك فيني يعني
قيصر يستخف: تقدرين تقولين كذا
ومامدت تقول كلمه الا واخذها قيصر بقبله طووووووويله خذتهم بعالم غير عالمهم ونسوا الدنيا والي فيها ميثا تحط ايدها علئ صدره تبعده وقيصر مو معطيها فرصه تتحرك ولا تتكلم
وعلى هاذي اللحظات....ماحسوا الي بأثنين رجاجيل واقفين على روسهم.....وتكلم واحد منهم بعصبيه: مين انتوا وايش الي تسوونه هنا
انتفضوا قيصر وميثا بسرعه وهم مصدومين ومنحرجين من وضعهم الي هم عليه ومستغربين
من هذول الاثنين ...؟
قيصر بعصبيه: انتوا الي مين؟



(نروح لمها ومحمد)
..............................


فبيبت بو محمد الكل نايم.....وبغرفة محمد ومها
محمد متمدد عالسرير ومها عالتسرحه لبست لبس النوم وتتعطر ولما خلصت راحت لجهة السرير وجات بتنام لما جات بتدخل فالفراش جنب محمد حست انها بتستفرغ وعلى طول نقزت وقامت مثل المجنونه وراحت بسرعه تراكض للحمام(اعزكم الله) وهي حاطه ايدها على فمها
محمد بخوف: مها اشفيج
مها في الحمام ماقدرت تتكلم بس كانت تتلوع ومن ثم تستفرغ
محمد بخوف راح لها الحمام (اكرمكم الله): مها شالسالفه خوفتيني عليج
مها تتكلم بصعوبه: مافيني شي
محمد بأستغراب: حلوه هاذي والي صاير معاج الحين شو تسمينه
مها بعصبيه: محمد والله مافيني شي
محمد وبنفس العصبيه: لا فيج شي وبكرا ماراح نداوم وبوديج المستشفى فاهمه
مها بعصبيه: ماراح اروح
محمد بصراخ: راح تروحين غصبن عنج _ انتي ليش متغيره علي هالفتره اذا كنتي زعلانه من احد لا ترمين كل عصبيتج علي
مها وهي تمسح شفتها بالمنشفه: مابي اروح لأني ادري بالي فيني

محمد بأستغراب: وليش..؟ وايش الي فيج
مها مرت من جنبه ولا ردت عليه ولا عبرته راحت وطلعت شبب الحمام من رجلينها ودخلت تحت فراشها وتركت محمد بحيرته
محمد بقهر: مها انتي ليش تعامليني كذا واشفيج متغيره علي
مها بحده: نام بكرا ورانا دوام
محمد بنفاذ صبر: مابنام ولا بداوم وبكرا بتروحين معاي المستشفى يعني بتروحين رضيتي او مارضيتي بتروحين فاهمه ...
مها سكرت الأبجورة الي عندها بدون ولا كلمه ولا حتى اي اهتمام له ولا لكلامه ونامت ولا كأنه حد عندها او يكلمها
محمد بقهر دخل جنبها تحت الفراش وبعصبيه وهو يتمتم مقهور من اسلوبها الي ماينطاق ونام

*******************************



"البارت الثاني عشر"


في غرفة عمر يحس بصداع قوووي ومو قادر ينام بسببه جلس يفكر ايش يسوي بس مالاقى حل والطحين الي عنده خلص فكر ان يتصل بعادل ماله الا هو واضطر لأنه احتاجه ولو انه مو طايقه
اخذ الفون واتصل على رقم عادل _ وهو بالأول مارد بس عالأتصال الثاني رد بملل
عادل: الوووو
عمر بلهفه: الو عادل
عادل: هلا اشفيك ايش عندك
عمر بهلوسه مو متحمل الم الصداع: عادل عندي صداع قوي مو متحمله ابي الطحين يعدل راسي تعبان حيييل
عادل بأستهزاء: قصدك مخدرات مو طحين
عمر بيأس: مو مهم كله واحد بس ودي الحين ماقدر اتم كذا للصبح
عادل وبنفس الأستهزاء جالس يذله: انا الحين مو فاضي لك
عمر بترجي: ارجوك عادل ساعدني مو قادر اتحمل هالصداع لين الصبح
عادل يذله: خلني افكررر
عمر بترجي: ارجوك عادل ساعدني ..اسويلك الي تبي بس تكفى ارحمني وعطني الطحين.
عادل بأنتصار: ههههههه متاكد انك بتسوي اي شي
عمر بعدم اهتمام اهم شي يأخذ طحين: اي شي بس عطني للطحين
عادل بتكبر: اوكي تعال ..الحين لبيتي بس توصل سوي مسج ..وكمل بشماته: يالغبي
عمر: اوك الحين جايك....طيران خمس دقايق وانا عندك
عادل بملل: اوك انتظرك
عمر على طول سكر من عنده وطلع من غرفته وراح اخذ مفتاح سياره محمد الي دايم يحطه علئ دولاب ف الصاله الجانبيه لبيتهم وعلى طول راح للسياره طيران لعنده
راح وماكمل عشر دقايق زين الا وهو واصل عنده للبيت واخذ جواله واتصل عليه وقاله انه برا
انتظر لحظات وطلع له عادل وهو مخبي كيس الطحين في جيب قميصه ولما وصل للسياره فتح الباب وصعد وجلس جنبه عالكرسي القدامي وعلى طول طلع الكيس من جيبه وعطاه اياه بكل سريه عمر بدون شعور اخذ الكيس بسرعه وفتحها وصب على ايده شوي وشمها بسرعه ولما خلص اراح براسه عالكرسي بتعب
اما عادل فكان يناظره بأستهزاء وكأنه ارتاح لما شافه وصل لها المستوى
عادل بأستخفاف: انا بنزل بروح انام يا..... ماكمل بس اكتفى بأبتسامه تعبر عن استهزائه بوضع عمر
عمر ماتكلم بس من نزل عادل من السياره حرك بسرعه وبدون ولا كلمه فحط بالسياره بقوووه وعلى طول للبيت

*******************************



وفي نفس هذا الوقت عند قيصر وميثا..
قيصر بعصبيه: انتوا الي مين؟
الشرطي الثاني: ايش هالوصخ الي تسوونه هنا ماتستحون انتوا
قيصر بعصبيه: احترم نفسك ولا تقول عنا وصخ
الشرطي الأول: لا والله ولك عين بعد تتكلم.......وكمل بحده اكبر: مين هاذي الي معاك
قيصر والشرر يتطاير من عيونه: وانت ايش دخلك
الشرطي الأول: دخلني شغلي بحكم اني شرطي لازم اعرف واراقب الفاسقين الي من اشكلكم
قيصر مصدووم لأن الشرطه كانوا لابسين مدني علشان لا ينكشفون انهم شرطه ويقدرون يصيدون الفاسقين متلبسين....قيصر بدأ يتذكر ان الدوريات من الساعه 12 تبدأ تلف الشوارع ويراقبون... قال بداخله وهو منزعج: ياربي كيف راحت عن بالي هاذي
ميثا بخوف وقفت ورا قيصر وتمسكت به من الخوف تحس انها مجنونه يوم طاوعت قيصر المتهور
قيصر بأنزعاج: هاذي زوجتي
الشرطي الأول بأستهزاء: هههههاي لا تضحك علينا ياكثر ماسمعناها هالكلمه زوجتي وبالأخير تطلع صديقتي
قيصر وبنفس العصبيه: احترم نفسك هاذي زوجتي واذا مو مصدق اوريك عقد زواجنا
الشرطي الثاني: انزين اذا كانت زوجتك مثل ماتقول ليش جايبها هنا يعني ماعندكم بيت تسوون فيه الي تبونه بدال تهيت بالشوارع وهالحركات الي مالها داعي
ميثا بخوف ممزوج ببكاء تكلمت: والله انا زوجته لا تطعنون بشرفي
قيصر بعصبيه يسكتها: انتي اسكتي خليني انا اتصرف ولا تدخلين
وراح استأذن من الشرطه ووداها السياره وطلع عقد الزواج من درج السياره وراح يوريهم اياه ولما وصل لهم سلمهم اياه يشوفونه
الشرطي الأول قراه ولما خلص تغير لونه استحى انه ظلمهم واهانهم وقال يتأسف: طيب سامحنا يالأخو بس عاد انتوا بعد غلطانين اي واحد يشوفكم بهالوضع أكيد بيظن فيكم ظن السوء
قيصر بهدوء: عادي خلاص ماراح نعيدها
وكمل وهو يبتسم ويرقع : نحنا بعدنا معاريس جدد ماننلام ...
الشرطي الثاني: أهاه..... طيب مبروووووك
قيصر وهو يصافحهم ويبتسم معهم: .....الله يبارك فيك....
وكمل وهو يمشي: انا بروح لزوجتي خايفه حييل وضايقه من الموقف الي صار.... ورفع ايده ..... يلا مع السلامه ومشكورين على تفهمكم
الشرطيين: وانتوا بعد اعذرونا ان شكننا في اخلاقكم واعتذر لزوجتك نيابة عنا ........ يلا مع السلامه
وبعد المصافحه كل واحد راح بطريقه
...................................

راح قيصر لميثا الي ميته من الرعب خافت ان السالفه توصل للمركز وينفضحون اكثر...
ولما جاء قيصر فتح باب سيارته وصعد
ميثا بسرعه وبكل لهفه: بشر ايش سويت؟
قيصر وهو يبتسم حس ان قلبها شوي ويطيح لبطنها: لا تخافين حليت السالفه
ميثا بخوف: شلوووون
قيصر وهو يطبطب على راسها بحنيه: لاتخافين خلاص والله حليتها وريتهم عقد الزواج وفهتمهم ان نحنا متزوجين جدد وانحلت السالفه
ميثا بأرتياح: الحمدلله كنت خايفه ياخذونا المخفر او يفضحونا بشي بس الحمدلله انها عدت على خير
قيصر يطمنها: لا تخافي عدت على خير.... وراح يضع ايده على صدرها يقيس نبض قلبها ولما حس بنبض قلبها _ فقع من الضحك: هههههههههههههههههههههههههههههههههههههاي هههههههههههععع......ميثا مو للدرجه هاذي عاد قلبج بيطلع من مكانه كل هذا خوف
ميثا بمحق: قيصررررر
قيصر بعده يضحك: والله من صدقي قلبج يدق بسرعه وجنون
ميثا بخجل: اصلا انا من لما كنت صغيره وانا أخاف من الشرطه
قيصر وهو يضحك: فديتج كيف تخافين وانا جنبج
ميثا بنرررفزه وهي تعدل عبايتها: يلعن بليسك ياقيصر انت وسوالفك الماصخه... انا الغبيه الي طاوعتك _ فضحتنا كل هذا من عنادك في اي وقت يجي مزاجك لا تتردد ولاتستحي
قيصر بأبتسامه: ميثا خلاص لاتكبرين السالفه
ميثا بقهر: لا بكبرها انت عادي رجال ماتنعاب بس انا حرمه وشعري كان نصه طالع لما طلوا علينا هالشرطه وين غيرتك ياقيصر وووين
قيصر بعصبيه: ميثا احترمي نفسج انا اغار بس هونت لأن هالشي مو بكيفج وهم طبوا علينا فجاة وانتي لمن شفتيهم على طول غطيتي نفسج ..فما داعي كل هالستوري الي تسوينه الحين
ميثا وهي معصبه: اكيد بتشوفه ستوري اصلا انت مو عارف شو الي احس فيه الحين احس نفسي وحده وصخه بايعه نفسها بكل سهوله ماسمعت الشرطي شو قال
قيصر بنرفزه: ميثا بس يكفي لا تدققين في كل شي اصلا اي واحد يشوف اثنين بهالوضع اكيد بيفكر بأشياء غلط والشرطي انسان ومن حقه يفكر كذا بس خلاص انا فهمته الموضوع وفهم السالفه وانتهت كل هاللويه الي مسويتها الحين مالها داعي
ميثا بقهر جلست تبكي.... قيصر قلبه حن عليها وتضايق انها كبرت السالفه وهي ماتستاهل
قيصر بحب: ميثا خلاص لا تبكين لا تتعبين نفسج زياده
ميثا بس تبكي بدون لا ترد: ..................
قيصر بحنيه: ميثا انتي حامل كل هالأنفعالات مو زينه لج
ميثا بنرفزه: توك تتذكر اني حامل وخايف علي
قيصر بتعب: لا حول ولا قوة الا بالله..
ومن بعدها تموا طول الطريق وهم ساكتين والجو كان متوتر بينهم....وبعد لحظات وصلوا للبيت ولما دخلوا شقتهم قيصر بأنزعاج على طول راح لحمام الصاله(اكرمكم الله) علشان يخليها تتحمم بحمام الغرفه على راحتها ولما دخل الحمام(الله يعزكم) كان يحاسب نفسه مع انه هو مو غلطان بس ميثا صارت عصبيه وتعصب على الي يستاهل والي مايستاهل وقال بداخله: ياربي انا ايش اسوي الحين ميثا صارت بين الكلمه والثانيه تبكي...بجد الوضع مايحتمل.. وزفر بقووووه.... اووووووف ايش هالمشاكل الي ماتخلص
........................

عند ميثا تحس نفسها تعبانه حييييل والدموع
ماوقفت

طبعا تعرفون الحوامل دموعهم ماتخلص على كل كلمه والثانيه تنزل احساس الأمومه يطغي عليها...الله يعينك ياقيصر]
جلست على طرف السرير تسترخي شوي ودموعها ماوقفت وبعد دقايق قامت تتسبح لتريح جسمها من الأرهاق الي حاسته
ولما طلعت لقت قيصر بالغرفه حاط المنشفه بخصره والثانيه على كتفه وينشف شعره بالمنشفه الي حاطها على كتفه ولما شافته قلبت وجهها منه للجنب الثاني ولبست لبس نومها وتعطرت وراحت بتعب لجهت الفراش ودخلت تحته لتنام ولكنها قلبت وجهها للجنب الثاني ماودها تشوفه وسوت نفسها نايمه علشان لاتدخل معاه بأي نقاش
قيصر حس انها مو نايمه بس تمثل علشان لا تكلمه....راح ولبس بيجامته وتعطر بسرعه وراح يدخل جنبها بفراشه ولكنه بدا بالمبادره وقرب صوبها وباسها على خدها بهدوء
قيصر بحنيه: السموحه اذا ضايقتج انا مو حاب انام وانتي زعلانه علي..
ميثا سمعته بس ماودها او مو قادره تتكلم بس دموعها الي تكلمت كانت تبكي بصمت حست بتأنيب الضمير لأنها سوت كل هالسالفه وزودتها شوي بس هو كان احسن منها ومع انه ماغلط عليها بس صفى نيته واعتذر منها قبلها
قيصر لما مالقى منها اي إستجابه .. قلب وجهه للجنب الثاني ورفع اللحاف عليه ونام

*******************************


الصباح عند مها ومحمد قام محمد وقوم معاه مها علشان تجهز نفسها لياخذها للمستشفى
قومها وماقامت او تقدروا تقولون ماودها تقوم وبعد محاولات من محمد قامت مها بتثاقل
مها: امممممم شتبي
محمد بنفاذ صبر: مها قومي خلنا نروح المستشفى
مها بحده: انا قلتلك امس مابي اروح ليش تعاندني
محمد بعصبيه: اعاندج لأنج زوجتي ولي كلمه عليج اني اسوي الي اشوفه بمصلحتج فلا تطولين السالفه وقومي خلينا نروح بسرعه
مها بحده: مابي اروح فاهم
محمد نط عنده عرق العنصريه...ليش تصارخ عليه بهالطريقه
محمد بصراخ: مها قلتلج الحين قومي وبلعي لسانج والا مايصير لج خاطر
مها خايفه بس ماحبت تبين وجلست تتأفف وبأصرار: مابي اروح
محمد تطاير الشرر من عيونه وراح لها ومسكها من شعرها وجلس يهزها بعصبيه وهو يصارخ عليها: بجد انتي قليلة ادب كيف ترادديني بها الأسلوب ... شو تبيني اسويلج شكلي انا دلعتج وايد لين كبرتي راسج علي وودج تخليني لعبه بأيدج بس حامض على بوزج انج تحصلين الي فبالج ..... ومن ثم بعدها عنه ورماها عالسرير بقوووه ...... وجاء بيطلع من الغرفه مقهور من اسلوبها الي صار ماينطاق ولا يتحمله اي رجال.....
بس صوت وقفه خلاه يوقف بمكانه مصدوووووووووووووووووووووم

*******************************


Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

قميل بس قصير

رد: روايه ودي اضمك لين تختلط انفاسي معاك..

نايس

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

متتى البارت ؟؟!

رد: روايه ودي اضمك لين تختلط انفاسي معاك..

نبي بارت اليوووووووووووووم ☺️️

رد: روايه ودي اضمك لين تختلط انفاسي معاك..

پاذن الله راح انزل بارت اليوم خليكم ع انتظار;);)

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..




اوك حبيبي معليش أزعجتك بس من كثر الحماس وكيذا ؛)

رد: روايه ودي اضمك لين تختلط انفاسي معاك..

لؤلؤ وينش ؟