رد: روايه ودي اضمك لين تختلط انفاسي معاك..

ننتظر التكمله بفارغ الصبر :)

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

وين البارت:(

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

وينك ؟!؟!؟!

رد: روايه ودي اضمك لين تختلط انفاسي معاك..

لؤلؤ

رد: روايه ودي اضمك لين تختلط انفاسي معاك..

نبي التكمله:(

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

مشكورة بس بليز نبي التكملة اذ تقدرين بليييييز و مشكورة مرة ثانية


تم الإرسال بواسطة iPhone بإستخدام منتدى عبير دلوعة كتير

رد: روايه ودي اضمك لين تختلط انفاسي معاك..

..... : سبرايز

كان هذا صوت بنات خالتها منى والاء وايه ودهم يسوون لها مفاجأه
ميثا لما سمعت الصوت انتفضت من الخوف بس لما شافت انهن بنات خالتها ابتسمت بحب وراحت لهم يسوون حضن جماعي
منى بفرح وهم بعدهم بحضن بعض ويبوسون بعض: شخبارج يالقاطعه؟
ميثا: حرام عليج مناوي والله هالفتره تعبانه شوي وماسألت عن احد بصراحه بس ماحد قاطع غيرج انتي
منى: وليش بالله انتي عاد الي ميته علينا يعني من كثر ماتسألين
ميثا وهي تتذكر قيصر: انا عندي ظروف
الاء تقهرها: ونحنا بعد عندنا ظروف يالخايسه
ميثا قهرتها الاء: ما الخايسه الا انتي قوليلي ايش ظروفج لايكون سقطي في اختبار ولا حد داري عنه وشايله همه
ايه: هههههههاي بهاذي صدقتي هالكسلانه بصراحه هالسنه مامعها نجاح تقهرني معها امتحانات ولاتذاكر خير شر
ميثا: اصلا عقلها صغير مايوسع للمذاكره
الاء انقهرت منهم: الله ياخذكم انتي وهي تتفتنون علي بوجههي صدق قوويات عين
ايه: تستاهلين انتي لسانج طويل ويبيلج احد لسانه
اطول منج عشان تنثبرين بمكانج مسبهه
منى بأبتسامه من مناقرتهم: يلا بنات حدكم ماتعبتوا من وقوف خلونا نجلس ونسولف
ميثا بأسف: إيه والله انا نسيت اقولكم تفضلوا كل هذا من هاذي البومه وثرثرتها
الاء بقهر: الله يقهرج مثل ماقهرتيني ياميثووه الدبه الحين ماشفتي غيري من بنات خالتج هاذيلا الحين يثرثر
ميثا وايه ومنى يضحكون من الاء الغبيه: هههههههههههههههههههههههههههههههههههههههههههههههههههههههههههههههههههههاي
الاء: ضحكوا عساها الكسر انشالله افوامكن
ميثا تضحك: شوي شوي على نفسج يابنت خالتي لا يطيح فكج من الصياح
الاء بحده مصطنعه: تخلخلت حنوكج....وتكمل وهي تقلدها: يابنت خالتي
ومن ثم راحوا يجلسون على سرير ميثا وهم يضحكون من كلام الأء الثرثاره
ميثا بتساؤل: الا وين مروى ماجت معكم
منى: اوووه وينج انتي مروى من شافت ريناد على طول ركض لها وجلسوا يلعبون ونسونا
ميثا: هههههاي براءة اطفال
منى بحماس: ميثا نحنا ناوين نقضيها سهره الليله ولا تحاتين جبنا نلزوم السهره كامله
ميثا بحماس وفرح: واو حماس شو جبتوا يالخايسات
منى بمزاح: هيييي ميثووه لا تغلطين هاذي نحنا جايين نثقل دمنا ونسهر معاج تقولين عنا خايسات
ايه: لا انا هالمره مابوقف معاج وقفت معاج اول على الأء والحين رديتيي ضدنا تقولين عنا خايسات
ميثا: هههههههههههههههههاي اي والله خايسات ولا كان قلتولي اجهز معكم شي للزوم السهره
الاء تناقرها: لاعاد ياحلوه اصلا نحنا رتبنا لج شغله لا تسوين نفسج مثاليه وعندج حب التعاون
ايه: بسج انتي يا أم لسانين فكينا
منى: بسكم كلكم يلا خلونا نطلع الأغراض الي جبناها عشان نبدى بالسهره من الحين
ميثا بأستغراب: اي سهره الحين لسه بعدها الساعه سبعه ونص يالعجيزه
الاء: ياغبيه نحنا معنا سهره بس اها تقدرين تقولين عنها شفتات يعني بنسوي خلطه من الفوضه
ميثا: الله يستر منكم يلا وروني الي عندكم..
منى طلعت الكيسه الي بيدها وهي ماسكتها بين ايدينها وتناظر ميثا بخبث: شو تتوقعين فيها يالدبه
ميثا بثقه: اكيد حلويات وشوكليت يالذكيه
الاء بقهر: وانتي ايش دراج
ميثا بثقه: انا اعرف منى احسن عنكم اصلا انا وياها نموت على شي اسمه حلويات وشوكليت
منى وهي تقلد ام كلثوم وتغني: اكيد حبيبتي... الشوكلاته غذاء الروح
تاكلها وتروح الجروح
وتداوي قلب متعوب
اكلها شوي شوي
شوي شوي واكلها واخذ عيناي
الاء بهبال: ايش هالتناسق البايخ كل هالشي عشان الشكولاته
ايه: تصدقين الو شكله الي اسمه بدايته حرف الميم عنده خلل بعقله
ميثا تستعبط: لا مو الو اتصال احسن
منى بثقه: انتي ماتدرين ان حرف الميم بداية اسم العزه والرزه..يعني ملاك ملائكه والي عنده خلل ياحبيبتي هو انتي والأء.. مو عارفه انكم ماخذين حرف ألعن واحد ف العالم وهو رمز الشر
ايه: لا والله حبيبتي ماندري اتحفينا
منى تقهرهم: هو عكس اسم ملاك اكيد عرفتوه
ميثا فهمت منى شتقصد فجلست تضحك: ههههههههههههههههههههههاي
الأء انقهرت: ضحكتي بلا ضروس انشالله
ايه وهي تأشر لمنى: يلا انتي قولي ايش عندج
منى تقهرم: الأسم هو................
هو................
ضربتها الأء بكتفها بقووه: خلصينا يالزفته بسرعه
منى بصراخ: أاح
الأء: تستاهلين يالدبه يلا جاوبي بسرعه ولا باديك وحده تانيه محترمه يابت
منى بفزع: خلاص بجاوب
الاء: إيه كذا خليج شاطره
منى بأستهزاء: الجواب هو إبليس او اذا حابه قولي الشيطان الأسمين يبدون بنفس الحرف الي هو حرفج حرف الالف
ايه بقهر: الله يقهرج الحين انا والاء ابليس يالكلبه
الاء: خلينا منهم ايه ليش حارقه دمج هذيلا ماعندهم سالفه
ميثا: هههههههاي عادي اصلا انتوا ماعندكم كلام منى سكتتكم
منى: ههههههاي ماتجيبكم الا العين الحمرا
ميثا: والله...اخر زمن اطفال يطلعون فوق راسنا
الأء: ياماما لاتشوفين عمرج علينا انتي بس اكبر مني بسنه
منى بجديه: يلا طلعوا الي عندكم ياشياطين
ايه: انتي الشيطانه
وجلست تطلع اغراضها من الكيس الي بيدها وهي تقول بأثاره:
شو تتوقعون جبتلكم
الاء: ياغبيه نحنا نعرف فلا تسوين اداة الجمع هاذي خليها مفرد لأنها بنت خالتج المصون مادري الخمه الوحيده الي ماتدري بلي معاج

ميثا قهرتها الأء: انا خمه؟
الاء: خمتين
ميثا تحرها: ههههه عادي انا واثقه من نفسي يالزباله
منى: ههههههههاي اشك بأنكم بنات خالة انتوا... من يشوفكم يقول شرايج طول الوقت ضرابه ومناقره
ايه: صدقتي والله
الاء بسرعه: ايه ورينا الي عندج
ايه وهي تطلع الي عندها وتفأجهم:تررررررررررررام
جبتلكم اجدد كاسيتات لنرقص عليها وبعد سيديهات جديده لأخر افلام نزلت بالسينما لنسهر عليها الليله
الاء بسرعه: وانا جبتلكم احلا تحليه للسهره جبت شيبسات وايس كريم وحلاوه
ميثا مقهوره: زين جبتوا كل شي ماخليتولي شي اجيبه.. بس بجد الي جبتوه حماس بسرعه انا جيعانه ايش رايكم اول شي ناكل وبعدها نرقص
منى: هييه انتي اي ناكل اول نرقص وبعدها نشوف الفيلم وناكل
ميثا: انا جوعانه والله
ايه: تحملي يادبه خلينا نتسلى اول
الاء: يلا روحي جيبي لنا المسجله بسرعه
ميثا بحماس: اوكيات
وراحت ميثا لتحت وهي فرحانه ولما نزلت لتحت لقت امها جالسه بالصاله وعمر جنبها يذاكر اما ريناد جالسه عالأرض هي ومروى ويلعبون بألالعاب ويشوفون الرسوم المتحركه
ميثا وهي نازله من الدرج شمت ريحت العشاء ماقدرت تقاوم راحت للمطبخ لقت سنيتيا توها مخلصه العشاء نادتها:
سنيتيا حطيلي شوي عشاء.. بس شوي ها ودي اغطي جوعي بس
سنيتيا: اوك ماما ميسا
راحت الشغاله وتبعتها ميثا للمطبخ وجلست على الطاوله وحطت لها سنيتيا الأكل وجلست تاكل بسرعه عشان تروح لبنات خالتها بسرعه
ولما خلصت راحت تاخذ المسجله وطلعت.. ام محمد من شافت ميثا فرحانه ارتاحت حست انها نجحت لما فكرت تجيب بنات اختها شافت ميثا ابتسامتها شاقه وجهها ومرتاحه حييل


وصلت ميثا لغرفتها وبيدها المسجله استقبلتها الاء بلسانها
الاء: ساعه لتجيبين المسجله
ميثا: وانتي ايش حارق دمج
منى: صح ميثا ليش تأخرتي اعترفي
ايه وهي تأشر على فم ميثا: ليش تعترف البنت راحت تاكل شوفي ماشي جريمه كامله ناظري نتفت الخبز الي على فمها
الاء: هههههههههههههاي والله انج غبيه
ميثا جلست تضحت من غبائها: هههههههههاي شسوي جعت قلت اسوي لي شوية تست
منى: اي يالخبيثه يلا عطينا المسجله خلينا نرقص
ايه: يلا بسرعه بنات
اخذو المسجل وحطوا على اغنيه قلب قلب وجلسوا يرقصون عراقي ويفرفشون ومطلعين الصوت فل وعلمهم غيب من الدنيا...............


تعريف بسيط للشخصيات
منى: عمرها 20 سنه وهي الأكبر في خواتها شخصيتها هاديه وحنونه ومتفاهمه وهي الأقرب لميثا من خواتها وتفهمها بسرعه
الاء: عمرها‎ 17سنه ثرثاره وايد وملسونه بس حبوبه ومفرفشه وتسوي جو بس فاشله فالدراسه وحلمها الزواج بسرعه
اية: عمرها ‎ 15سنه قريبه من الاء دلوعه شويه وتحب الكشخه وموتها على الشباب يعني تحب تعاكسهم
مروى: عمرها‎ 9‎سنوات قريبه من ريناد اخت ميثا بحكم سنهم متقارب بس هاذي صفاتها عكس ريناد...لأنها كتومه وماتحب المشاكل

*******************************


عند قيصر نفس الحاله تعبان متضايق من نفسه كل مره يزيد تأنيبه لنفسه مقهور من الي تجرأ وسواه ضيع مستقبل حبيبته ومشتاقلها بس مايتجرى بعد الي صار يرسل لها او يكلمها لأنه شي اكيد ماراح تكلمه ولا راح تعبره
كان وده يقول لاميره عن الموضوع ويفرغ شحنات القهر الي بداخله يمكن اذا قال لأحد يرتاح بس خاف يقولها وتسويله سالفه ومحاضره طويله عريضه وهو مو ناقص وده من يسمعه ويفهمه
اخذ تلفونه واتصل في ايمن صديقه وده يستشير احد... مع انه ايمن هو انذل منه بس يمكن اذا فرغ الي بداخله يرتاح
قيصر: الو
ايمن: الو شخبارك؟
قيصر: الحمدلله عايش وانت شخبارك يالدب؟
ايمن: بخير يالرشيق
قيصر: مشغول ولا فاضي يابو الشباب
ايمن: ليش ايش عندك؟
قيصر: ودي اجلس وياك عندي كلام ودي اقوله لك
ايمن بأهتمام: اي كلام
قيصر: المهم بعدين اقولك
ايمن: تمام بس قلي وين اللاقيك
قيصر يتنهد بتعب: تصدق ودي اروح للبحر احس نفسي ضايق
ايمن بقلق: وليش ضايق
قيصر بملل: قلتلك بعدين لمن اشوفك بقولك
ايمن: طيب نروح ليش لا
قيصر: اوك انا الحين جايك لا تاخذ سيارتك انا بمر عليك وباخذك معاي بالسياره
ايمن: اوكيات بنتظرك
قيصر: عييل يلا بايات اشوفك بعد شوي
ايمن بأبتسامه: تمام
ومن بعدها سكر قيصر من ايمن وراح يكمل لبسه ولما خلص اخذ مفتاح سيارته بأيده وطلع بسرعه لسيارته يروح لصديقه ايمن

*******************************



فبيت بو محمد وتحديدا من غرفة ميثا ازعاج وربشه ورقص وضحك شغلوا البنات اغنيه سلو وكل وحده مسكت الثانيه وجلسوا يرقصون سلو بغباء ولما خلصوا رموا انفسهم عالأرض بتعب وهم يضحكون حسوا نفسهم ارتاحوا وتسلوا شوي
ميثا وهي تحس ان نفسها بنيقطع من التعب: بنات يلا بعد مانرتاح شوي بغينا نقوم نحط فيلم ونشوف وناكل
الاء: يالدبه انتي ماهمج الا الأكل
منى: بجد حتى انا جعت
اية: تمام يلا قومن نحط فيلم
ميثا: لحظه خلينا نرتاح شوي
الاء: بنات الحين الساعه كم
منى: الساعه بعدها تسعه
اية: ليش تسألين
الاء: عشا ودي اشوف سيرة الحب
ميثا: هذا ايش نوعه مسلسل تركي
الاء: تركي في عينج هذا برنامج حلو يتكلم عن مواضيع ساخنه
ميثا بعدم فهم: يعني شو
منى بأستغراب: ميثا معقوله ماتعرفين برنامج الدكتوره فوزيه الدريع
اية: البنات كلها تشوفه واليوم الثاني يسولفون بالي قالته بالحلقه الماضيه بجد مايفوتج يعطيج معلومات وفيه حركات
ميثا بعدم فهم: لا ماعرفها
الاء: يعني انتي اكيد مو عايشه بهالدنيا...حبيبتي هاذي تحل مشاكل الناس الخاصه جدا جدا
منى: خلينا نحط الفيلم الحين ولما يخلص نشوف البرنامج عشان ميثا تشوفه معانا وتعرف عن شو بيتكلم
اية: صح كلامج يلا بنات قوموا
ميثا: طيب يلا خلونا نشوف
قاموا وحطوا الفيلم وجلسوا يتفرجون وهم ياكلون الفشار والشيبسات والحلا وايس كريم يعني خبصوا بالأكل وايد

وهي تبكي وتمسح وجهها بالكلينكس: خايس هالبطل ليش غدر فيها مسكينه والله تعبت وراه
ايه: هيه انتي صح الفيلم حزين بس ترى مو صدق عشان تسوين كل هالمناحه
ميثا بتأثر وبدت دموعها تنزل: بس الغدر مو زين انتي ماجربتيه وايد يتعب
الاء: انتوا اشفيكم كأننا في عزاء
منى وهي تبكي: اصلا انتي ماعندج احساس؟
وجلسوا يتابعون ساعات يضحكون وساعات يبكون ولما خلص الفيلم حطت الأء على طول على قناة الراي ولقوا البرنامج قد اشتغل
ايه: ايه والله طافنا منه شوي
ميثا: سكتي خلينا نعرف عن شو يتكلم
الاء: عادي لسه من البدايه
منى: سكتوا خلونا نسمع يابنات
سكتوا وجلسوا يتابعون بحماس.....
ميثا بعد ما استوعبت نوعية البرنامج تضايقت حست بقهر وتذكرت نفسها اصلا هي كرهت سالفه الزواج بكبرها
ميثا بقرف: الحين انتوا شايلين الدنيا ومتحمسين على برنامج يحل مشاكل الزواج وال(.......)
الاء: ليش اشفيج مو عاجبج....انتي مو بنيه ماعندج فضول وتتشوقين لها السوالف
ايه: ايه ميثا تابعي صدقيني راح يعجبج
ميثا: اصلا انتوا ماجربتوا هالشي ولاكان كرهتوه و
لا بتتشفوحون عليه كذا
منى: ميثا اشفيج اقتلبتي انا الي اعرفه انه اذا سولفنا بهالسوالف تضحكين وتنكتين وتتفاعلين معانا الحين ايش تغير؟
الاء بقهر: وبعدين شو انتوا ماجربتوا وماجربتوا ليش انتي مجربه يعني؟
ميثا فاجئتها الاء بهالتصريح القوي ففاهت بفمها وماقدرت تتكلم ومن داخلها حست انها غير عنهم غير عن البنات الي عندها... شايفه ان بنات خالتها بنات صافيات عفيفات بريئات ماصار لهم مثل الي صار لها،وهي مو مثلهم بريئه ولا على نياتها هي تعرف كل شي وماتتحرى لها تمزح لما تسمعها... هي عكسهم تتضايق وماودها تسمعها لما يقولون عن الأشياء هاذي قدامها كرهتها بقووه.. ميثا كانت بداخلها تبكي مجروحه حييل وجرحها بعده مابرى كانت بداخلها تعيش بصراع
سوالفها صارت سطحيه وهم بريئات ويحسون ان هالأشياء مهمه للبنات ويتشوقون يسمعونها اما هي تتحسس منها وماودها تسمعها تقرفها... يمكن لأنها عاشت هالوضع غير الناس عشان كذا ماحبته اصلا
تأففت ميثا بتعب بداخلها: اه ياربي تعبت والله تعبت الله ياخذك ياقيصر......
ايه بأستغراب: ميثا انتي وينج نحنا من اول نناديج وانتي ماكأنج موجوده
ميثا مسبهه وماردت: ...................
منى بهدوء: ميثا انتي زعلتي منا
الاء: ميثا اشفيج انتي اول مره تعصبين لما نسولف عن هالسوالف بالأول تضحكين وتشاركينا بالكلام الحين ايش تغير
ايه: إيه صح اشفيج صرتي عصبيه اذا ماودج تشوفينها بنغيره
أخذت الريموت وقصدها بتغير القناة مع علامات الأستفهام على روسهم مستغربين من اسلوب ميثا المتغير بس مو حابين يضايقونها وصدقوا كلام خالتهم اكيد ميثا صاير معها شي هي مو طبيعه بس شو الموضوع هذا الي محيرهم
ميثا من تصرفها الي ماقدرت تسيطر على نفسها: لا تغيرين عادي خلينا نشوف انا بس هاليومين اعصابي تلفانه
الاء: طيب اشفيج قولي لنا افا نحنا بنات خاله ومابينا اسرار
ايه: إيه ميثا انتي بالفتره الاخيره صرتي متحفظه وايد علينا
منى: يعني خلاص ميثو مافي ثقه
ميثا: لا مو سالفة ثقه بس والله ماعندي اسرار..يمكن اعصابي تعبانه شوي من ضغوط الدروس تبع الجامعه
الاء: انشالله يكون كذا وبس
ميثا: لا تخافين انا بخير
ايه: يلا منى طلعي الصوت خلينا نسمع
منى اخذت الريموت وعلت الصوت وجلسوا يتابعون بصمت.....
البنات متحمسين للبرنامج يتابعون.. اما ميثا جالسه معهم بس هي مو معهم كل ماله قيصر يتمركز تفكيرها وبداخلها غصات من القهر والاسى الي خلفها اياها من بعد عملته فيها......
وعلى كذا تقريبا بعد ثلاثة متصلين بالبرنامج
اتصلت وحده بالبرنامج تبي تحل مشكلتها وقصتها قريبه من قصت ميثا مما خلا ميثا تسوء حالتها
(المتصله تحكي قصتها وهي تبكي: دكتوره انا كنت احب واحد وكنا نطلع مع بعض بس بالكوفيهات والأماكن العامه ولا فكرت انه بيجي يوم ويتجرأ ويغلط علي في شي بس مره من المرات اتصل فيني من عند باب بيتنا بنص الليل تقريبا على الساعه وحده وقالي لازم انزله واذا مانزلت له بيسويلي فضيحه بالحاره فاضطررت انزله بس لما نزلت له اخذني بدون مقدمات على طول ومسك فمي علشان لا اصارخ وشالني للسياره وبعدها اخذني لشقته واعتدى علي والسالفه الحين صارلها سنه وانا عشت وقتها فترات وجرحي بعده ما ألتئم والكل شك فيني وقتها لأني مرضت بعد هالمشكله شهرين وانا تعبانه وبالمستشفى والحين لما صرت بخير واستقرت حالتي شوي ورجعت طبيعيه... جاء يخطبني واحد وانا للحين متردده اوافق او لا بس انا بعدي مو قادره انسى السالفه خايفه اذا تزوجني لا انكشف ويفضحني)
ايه بعصبيه: بجد هالأنسان وقح وماعنده دم
ميثا بحده ومبالغه: قلتلكم الرجال مالهم امان البنت هاذي ايش ذنبها تعيش كذا هي مسكينه حبته بس هو استغل حبها وعواطفها الله ياخذ الرجاجيل كلهم..... كلهم نفس الشي مايفكرون الا بنفسهم
البنات استغربوا بس سكتوا عدا الاء الي تكلمت: ميثا اشفيج انتي ليش صايره اوفر على كل شي تعصبين لا انتي أكيد فيج شي
منى: إيه وانتي الصادقه... ميثا انتي اشفيج مريضه او حاسه بشي او احد زعلج بشي قوليلنا نحنا بنات خالتج سترج وغطاج..
ميثا بتعب: لا مافيني شي انا ب........... وماكملت جملتها لأنها استفرغت على ايه الي جالسه جنبها ومشمئزه من وضعها والزوع عليها وبعد استغربوا اكثر من وضع ميثا الي صارت غير وماتتحمل شي
منى بسرعه: الأء روحي لتحت للشغاله وخليها تجيب خرق وماي عشان تنظف مكان الزوع وانا باخذ ميثا وبسبحها عشان ترتاح شكلها تعبانه
الأء: اوكي
منى تنبهها: الأء حسج عينج لا تقولين لخالتي لا تخوفينها ميثا بخير مافيها شي
الاء: انشالله
وراحت على طول لتحت لتقول للخادمه تجي تنظف الوصاخ
ايه بقهر: هيي وأنا
منى: وانتي انتظري شوي بسبح ميثا واذا طلعتها دخلي انتي وسبحي
ايه: والملابس...ملابسي كلها ضاعت وتوصخت
منى: لما اخلص من ميثا انتي دخلي وانا بطلعلج ملابس من عند ميثا...
ايه بتذمر: اوك بس خلصي بسرعه انا مو طايقه نفسي
راحت منى وسبحت ميثا وعلى هاللحظه دخلت الاء والشغاله وجلست الشغاله تنظف ولما خلصت راحت اما الاء جلست تساعد ايه وهي تطلع ملابسها الي صارت كلها زوع ميثا
وبعدها طلعت منى بميثا من الحمام(اكرمكم الله) وغيرت ملابسها ومددتها على السرير وغطتها وطلعت للاية ملابس وجهزتها وبعدها جلسوا الاء ومنى على راسها يهدون فيها ميثا الي مغمضه عيونها بتعب وماتكلمت بس تون
الأء: ميثا بغيتي شي اجيبلج عصير تشربينه
ميثا هزت براسها بمعنى لا.....
منى: ميثا مو زين عليج انتي الأكل الي كليتيه كله طلعتيه لما استغرفتي عالأقل شربيلج ماي
ميثا بصوت منخفض: لا حبيبتي مابي
هزت منى راسها بإيجاب: طيب على راحتج
وبهالوقت نادت ايه الاء من الحمام (اعزكم الله) لتعطيها الملابس: الاء تعالي اعطيني الملابس
راحت الاء وعطت ايه الملابس ورجعت تجلس مكانها ولبست الاء ولما خلصت جلست جنب ميثا على السرير وهي تمسح على شعرها بحنان وميثا نايمه نوم عميق من اسبوع حست انها مانامت نوم مثل الناس وارتاحت كذا
جلسوا بنات خالتها عندها وعلى راسها لين الساعه وحده ونص وبعدها اتصلوا بأخوهم زياد عشان يروحون لأن من بعد الساعه 11 مايروحون مع السواقين
وقبل سلموا عليها وهي نايمه ولاحست فيهم اصلا .........وقبل لايطلعون كلموا الشغاله انها تشيك عليها بعد ربع ساعه عشان اذا بغت شي وبعدها وصل زياد اخوهم وراحو لبيتهم

*******************************


عند قيصر لما وصلوا هو وايمن صديقه للبحر ركنوا السياره بعيد شوي عن البحر وراحو قريب من البحر وجلسوا
قيصر وهو يلم رجوله لفوق وجلس يجول بنظراته ويتأمل البحر ومن داخله ضايق حيييل
ايمن استغرب من صديقه ووضعه كذا باين انه حييل تعبان وانه وراه سالفه وده يفضض لأحد
ايمن من الأصدقاء المقربين لقيصر ويفهمه على الطاير حتى ولو ماتكلم
ايمن: قيصر اشفيك احس انك مو بخير؟
قيصر تنهد بعمق: اه حيييل تعبان
ايمن بخوف: اشفيك صاير معاك شي
قيصر بتردد: واذا قلت بتفهمني
ايمن بعدم فهم: انا من زمان وانا فاهمك ليش تقول كذا قيصر: انزين بقول شي وانت اسمعني ولا تقول حتى اخلص
ايمن: اوكي طلع الي عندك
قيصر اخذ نفس عمييييييق ومن ثم بدأ قيصر بهدوء: ايمن امنتك الله انك تقولي الصراحه بدون اي خجل.....وكمل وهو يحس انه مخنوق من داخله: ايمن شو تقول على الأنسان الي يعتدي على بنت وياخذ شرفها وهو يدري ان هالبنت تحبه وتموت فيه ومستعده تضحي بعمرها لأجله
ايمن فهم ان قيصر يقصد نفسه لأن الحاله الي هو فيها الحين تبين ان هو المقصود بها السالفه بس مع هذا وده يقوله بالراي الصحيح وبدون لف ولا دوران مع انه يدري قيصر مايسويها
ايمن: اقول انه انسان حقير وماعنده احساس وجبان
قيصر حز هالكلام بخاطره بس ماوده يتكلم لأنه مصر يعرف نظرت صديقه ايمن له
قيصر وهو يكمل: طيب واذا كان هالأنسان يموت على هالبنت ويحبها احسن من نفسه وماسوى هالشي الا عشان بس ياخذها بأي طريقه
ايمن: بس هالشخص تفكيره محدود لو يبيها من صدقه مثل مايقول هناك في طرق ثانيه وصحيحه تخليه يتزوجها مو ياخذها بهالطريقه البشعه
قيصر نزل راسه بخجل: زين هو ماخذاها كانت خطته فاشله وهو لمن ضيعها البنت مارضت فيه كرهته اكثر ورفضت انه يجي يخطبها لأنها ماعدت تطيقه ابدا
ايمن يقرصه بكلامه: حقها ماتنلام... بس هو ايش صار فيه بعد رفضها
قيصر بتعب: حاير ومتألم تعبان ومقهور ومشتاق وضميره يأنبه والنوم جفا عيونه.... خسر حبها وخسرها هي بعد
ايمن يمشيه: وهذا الشخص انا اعرفه
قيصر: اي وتعرفه زين بعد
ايمن بثقه: وهذا الشخص هو انت صح
قيصر وهو يهز راسه بأيه: نعم أنا الأنسان الحقير الي قلت عنه
قيصر وهو يكمل: حبيت بنت ومن كثر ماني احبها صرت اناني فكرت بنفسي وبس بغيتها تكون لي ولو بالخطأ ماتحملت ابتعد عنها ويجي واحد وياخذها مني الغيرة عمت عيني وقلبي
ايمن: بس مو لهالدرجه قيصر انا الي اعرفه هاذي مو طبايعك انت من بينا الوحيد الي بصراحه احس ضميره صاحي ومايرضى حتى على الحيوان كيف هالمره كسرت قلب انسانه تحبك وتعزك هاذي غريبه ومو داخله مزاجي
قيصر بندم: الشيطان لعب بعقلي وانا الحين ندمان وايد وودي ولو يرجع الزمان لورا واصلح كل غلطتي
ايمن: خلاص طاف ماشي بيرجع مثل اول ونحنا بشر وكلنا بنغلط ومافي انسان ملاك...
قيصر: ادري بس غلطتي كبيره
ايمن بأبتسامه: زين روح اخطبها
قيصر بملل: انا قايلك هي رافضتني خير شر ومابتقدر تنسى خلال اسبوع
ايمن: مو شرط الحين خليها ترتاح هالشهر وبعدين تروح وتخطبها
قيصر: ماقدر مالي وجه اروح واواجهها يا أيمن صعب والله ما اتحمل انجرح وارجع مكسور القلب والخاطر
ايمن: انت ماترضاها لنفسك كيف رضيتها لها لما جرحتها ولا سألت عنها
قيصر بعصبيه: خلاص لاتذكرني ولا تعايرني انا قلتلك علشان ارتاح ودي ينزاح شي من همومي انا تعبان والله تعبان وماني متحمل اي ملامه ولا اي محاضره وانت بعد اذا مو متحملني انا الحين بتتركك وبروح
ايمن يهديه: قيصر اجلس وتعوذ من ابليس
قيصر بحده: ايمن انا مو متحمل شي بليز اكرمني بسكوتك وانت لاتسوي نفسك مثالي لأنك اكثر واحد تلعب على البنات وتضيعهم ليش الحين صرت طيب وتخاف على مشاعرهم. معقوله صحى ضميرك الحين وبليز اذا بتكدر مزاجي انا مابا اجلس هنا واتضايق اكثر مثل ما انا ضايق
ايمن وهو يعتذر منه ويبرده: خلاص يالحبيب حقك علي وسامحني ماراح اكدر مزاجك دامك اخترتني لتغير مزاجك وتنسى همك تعال خلني اقولك بأخر اخباري علشان ترتاح .... كم قيصر عندنا....بس واحد
قيصر وهو يضحك حس ان عصب بزياده: ههههههههههههههههههاي
وجلس ايمن يضحك معاه:
ههههههههههههههههههههههههههههههههههههاي
قيصر وهو يبتسم: سامحني يابو الشباب على صراخي بوجههك
ايمن: عادي نحنا ليش كنا اصدقاء... فلازم نفهم ونعذر بعض في وقت الشده
قيصر: الله يخليك لي
ايمن: اميييييييييين ويخليك بعد يالمجرم
قيصر وهو يضربه على راسه بخفه: الله ياخذك
ايمن بهبال وهو يضحك: ياخي مايصير..... اختار وحده بس اول قلت الله يخليك والحين قلت الله ياخذك
قيصر: الأخيره احسن علشان افتك منك ومن حنتك وانقذ بنات الناس من اجرامك
ايمن: افا حرام عليك انا صديقك وأخوك تبي الفكه مني
قيصر: لا طبعا ماعاش من يقول كذا انا امزح
ايمن: لا تدعي على نفسك ياغبي اصلا ماحد قال كذا غيرك
وجلسوا يضحكون ويسولفون ويشكون هموهم يعني خلطه من المشاعر

*******************************




"البارت السادس"


لماذا ياحبيبي تجد حلا لبعثرتي
لماذا ياحبيبي بحبك قد خدعتني
لماذا رميت كياني بأسهمك لتقهرني
لماذا عنيت بلغطتك هذه لتوقعني
لماذا جعلت اساليبك إليك تجذبني
لماذا جعلتني محبوبتك لتقتلني
لماذا بحبك لي قد جذبتني
لماذا اوقعت اسمك بأسمي
لماذا تغربت وتركت ألمي بغربتي
لماذا ربطتني بشي منك من دمك ودمي
لماذا بكل هذه المهزلة غرقتني وتركتني
.............................


بعد مرور شهر ونص ميثا وقيصر خلاص من اخر مره كانوا فيها في الشاليه هو راح لمنطقته ولا اتصل ولا رسل لأن هاذي رغبتها ولكنه تعبان حييييل وراها مقهور منها وخايف عليها وعلشان كذا حاول يشغل واشتغل بالجيش الي هو حلمه وطموحه بس ماحس بطعم هالشي ونصه الثاني بعيد ولا بعد زعلان منه......ميثا مقهوره من قيصر الي نساها على طول مع انه هذا ماطلبته منه بس توقعته مايصبر عنها وصارت تجيها افكار انه من بعد ما اخذ الي يبيه منها صارت ماتهمه وساعات تشتاقله وتموت علشان تسمع صوته وهو الشي الي افتقدته وايد وساعات تحس بكره اتجاهه اذا تذكرت الي سواه معها...يعني عايشه بمجموعه منوعه من الالام..
اما مها ومحمد انفصلوا عن بعض بعد ماطيحت ولدها لأنها كرهته و صارت منطويه على حالها وتبكي طول الوقت امها كانت مستغربه من حالها ومن وضعها الي مايطمن حاولت مرات عده في ان تأخذها للطبيب بس هي رافضه رفض قاطع اما عند محمد فكان ندمان حيييل على ماقاله لها كان من المفروض يحترم وضعها فهذاك الوقت لأن نفسيتها زفت من بعد.. وهو يلوم نفسه على غبائه بس بهالفتره عرف احساسه زين عرف انه يحبها ويموت فيها واشتاقلها وصارت ماتفارق خياله وهو مقرر انه يصالحها بس خايف من صدها له...ام محمد مستغربه من حال ميثا الي ماتعرف ايش صار عليها وليش تغيرت لهدرجه صار وقتها كله في غرفتها والأشياء الي تشوفها في بنتها ينشك فيها ومن ناحيه وحده مرتاحه لأنها قربت تفتك من ساره ومشاكلها وابو محمد الي تغير بس هي ماتعبره وتعتبره ماضي ولا لها اي احساس اتجاهه اما ريناد وعمر لا جديد كالعاده ريناد واخبارها الي ماتخلص وعمر والي يخطط لأشياء مالها اي صحه في الواقع


*******************************


في بيت بو محمد جالس عمر يصنع طائره ورقيه وجالس مركز عليها بكل حماس وفي هاللحظه جاء عنده احمد
احمد: عمر ابي العب معاك...
عمر مركز على الي يصنعه وما سمع احمد
احمد بقهر: عمر ابا العب وياك
عمر بملل: احمد وخر مابي
وياك
عمر بملل: احمد وخر مابي هذا مولعب بعدين بلعب معاك
على هاللحظه جات ساره وعصبت على عمر وهي تقول: وخر عن ولدي ياولد نوير والله ان شفتك ضربته او قربت صوبه لاتلوم الا نفسك
عمر: زين انا ماسويت له شي
ساره وهي تشد راس عمر: اقولك انطم ولا ترد علي ياقليل الأدب اصلا انت ماتربيت وامك ماعرفت تربيك ياوصخ

الى هنا وكفايه ياساره محدن قليل ادب غيرج وانتي الي ماعرفتي تربين ولدج ومره ثانيه لاتمدين ايدج الوصخه هاذي على ولدي والا كسرتها لج
كانت هاذي كلمات ام محمد سمعت الصراخ ونزلت بسرعه ولقت ساره تضرب ولدها وتعصب عليه بدون اي سبب
ساره: احترمي نفسك وثمني كلامج يانوره
ام محمد بحده: انا من زمان محترمه نفسي ومثمنه كلامي بس انتي طلعتيني من طوري ياساره
ساره بصراخ: اقولج يانوير بعدي عني تراج ماعرفتيني انا اذا حطيت فبالي شي اسويه فأقصري الشر وبعدي عني
ام محمد بأستهزاء: لاتهددين لأني مو انا الي أخاف من وحده مثلج راميه نفسها على واحد متزوج ومعاه عيال وتتزوجه بالسر بعد...والي ماطولينه بأيدينج طوليه برجولج
هنا ساره اشتعلت من الاحتراق الي بداخلها
وقالت بصراخ متضاعف: مالج دخل بحياتي عالأقل انا زوجي يحبني ويموت فيني مو انتي حالج حال الحشره الي بالبيت ماتسوين شي ولا هو معبرج ولاتحاولين تلفتين انتباهه لأنه موشايفج دام عنده القمر ماله ومال النج......قطع كلامها ابو محمد الي جاي من برا وسمع صوتها وصرخ بوجهها: ساره احترمي نفسج هذا وانتي فبيتها وتطولين لسانج عليها.. أذيتينا بها اللسان.. وانا تعودت عليه ومتحملج بس ام محمد مالج دخل فيها
ساره طاح وجهها فضحها بأنه تعبان منها ومن لسانها اما ام محمد استغربت ردت فعل ابو محمد وتصريحه انه تعبان من هالساره الي قدامها الي توقعتها هي الي اخذه قلبه
وكمل ابو محمد بصراخ: هاذي الأولى وبتظل الأولى بقلبي مهما سويتي ياساره..
ساره انقهرت وتجمعت الدموع بعيونها لأنه طيح وجهها قدام ام محمد وبين انه بعده يحب نور وهي بس كانت مجرد نزوه وعدت
فاراحت ترد عليه بقهر بس تحاول تخفيه: اذا تحبها ليش تزوجتني وانا ادري انك تقول بهالشي تأثيرا للعصبيه الي انت فيها الحين وانت بنفسك قلت لي ماحبها وانا الي بالقلب وبعدين شوف انا مو ميته عليك بعدي شباب واقدر اجيب غيرك اليوم قبل باكر
عصب عليها ابو محمد: لاترادديني بالكلام واذا حاسه انج بتجيبين غيري اليوم اطلعي من البيت وروحي شوفيلج واحد يتزوجج انا شلتج من الحثاله الي انتي فيها وضحيت بزوجتي الي ضحت علشاني كل هالسنوات وسويت نفسي بطل واخذتج وانتي الي متستاهلين حتى شفقه.. شفقت عليج بس انتي طلعتي ماتتشكرين وانا الغبي الي اساعد وحده من الأشكال و ماتستاهل يلا روحي بلا رده انتي طالق.....






طالق.......


طالق....

روحي واخذي ولدج ودوري ابوه خليه يربيه ويصرف عليه يالمريضه

اندهشت ام محمد من الكلام الي تسمعه هل هو حلم ام علم..........؟!
...........................................

ميثا نايمه ولا حاسه بالدنيا الي قايمه تحت
ولا عالبالها جاء عندها عمر يركض ميثا ميثا قومي تعالي شوفي الي صاير تحت احمد طلع مو اخونا وامي وخالتي ساره كانوا يتخانقون مع بعض
ميثا بنعاس: امممممم
عمر بلهفه: ميثا قومي قومي ابوي طلق ساره
ميثا بملل ولاكأنه صاير شي: عادي ماشي جديد كل يوم امي وساره يتخانقن
عمر بحماس: لا في جديد اليوم ابوي طلق ساره واحمد طلع مو أخونا
سمع ميثا وهي تشخر نايمه رجعت تنام: اممممم
خخخخ اممممم خخخخ
عمر انقهر منها راح اخذ الوساده ورماها على راسها بقوووه وطلع اما هي بدورها اخذت الوساده وحطتها تحت راسها ونامت ولا كأنه شي صار
........................................


محمد وصل البيت ووقف بسيارته ودخل وقبل لا يدخل البيت سمع اصوات طالعه من البيت وكأنها البيت محترقه ..فقلق لمن سمع كل هالدوشه وعلى طول راح بسرعه
يدخل ولما دخل الصاله تفاجأا


لقى ساره ماسكه شنطتها بأيد والأيد الثانيه ماسكه ابنها وجالسه تبرد بطنها في ابو محمد: انت اصلا ماتهمني ابركها من ساعه وولدي مو محتاج شفقه منك بخلي ابوه يصرف عليه وانت اطلع منها سويت فينا خير صرت تحسبه علينا عالرايحه والجايه والحمدلله اني افتكيت منك ومن هالبيت الكريه
ابو محمد بحده: شب ولا كلمه احترمي نفسج و طلعي برا بيتي بلا ما اجرحك اكثر
دخل محمد البيت وهو مصدوم: شلي صاير
ابو محمد بعصبيه شوي: الي صار اني طلقت ساره وافتكيت من مشاكلها
استغرب محمد بس فرح وحب يتشمت فيها هههههههههههههههههاي... ضحك بأستهزاء وكمل وهو يقرب منها ويقولها بخبث ممزوج بأستخفاف: ساره انا ايش قلتلج....اظن انج تذكرين كلامي.....انا عطيتج مهلا لسنتين قلت ممكن ابوي يخليج بالكثير سنتين بس يمكن انتي ماعد قدرتي تجذبينه صرتي ممله... قال هالكلمه وطلع عالدرج وهو يضحك ولما وصل لدرج ناظر ابوه وهويقول: على فكره يبه احسن قرار اتخذته هو هذا واشر على ساره بيده من فوق لتحت وبعدها ضحك وطلع
وهو يقول: ليله سعيده سوير بدون حبيب قلبج ابوي_ وبعدها صعد وهو يغني ويدندن.....
اما ساره كانت واصله حدها ومن القهر جرت شنطتها ومسكت ابنها وراحت بسرعه من القهر.. محمد قهرها...بس احمد المسكين جالس ينادي بابا....بابا...رجع يركض وراح يبوس بو محمد .....بو محمد لمن شافه تأثر وفتح ايدينه له ولمه وهو يطمنه: حبيبي حمود انا ماراح انساك كل مره بجي ازوك واجيبك هنا لأخوانك اوكي
احمد هز راسه بأيه ودموعه على خده وهو يقول ببراءه: بابا انا احبك
غرت عيون ابو محمد بالدموع: انا بعد احبك بس لازم تكون مع امك حبيبي
وبعدها طلع احمد مع امه وهو يأشر لأبوه واخوانه بأيدينه بمعنى مع السلامه

رجع ابو محمد وهو يحول نظره لزوجته ام محمد ومسك ايدها وهو يقول: سامحيني ام محمد سامحيني يالغاليه ادري تعبتج معاي وايد وادري انج ضحيتي كثير و استحملتيني وايد بس انا هالشي كله ماشفته الا من بعد صدج لي مشكوره حبيبتي رديتيني من العما الي كنت عايشه.. ساره ماتستاهل ان احد يسوي فيها خير تصدقين اني ماحبها بس احس بأتجاهها بشفقه انا مانكر من البدايه لما تزوجتها اعجبتني لأنها صغيره ودلوعه بس لما اكتشفت عيوبها ولسانها المتبري منها ماعادت تعجبني ..
انتي تشوفين اني دايما اجيكم الصباح متغير واتمشكل معاج؟.. كل هذا بسببها من ادخل البيت وانا في مشاكل لين اطفش واذا جيت هنا انتي كنتي تحاتين وتخافين علي وانا كنت افهمه تحكم او ازعاج لاني اكون واصل حدي ومو متحمل شي بس لما جلست لوحدي عرفت ان مافي مره بالدنيا بتتحمل ثقالت دمي مثلج .....
هنا ام محمد ابتسمت بحب ماتوقعته بعده يحبها
وكمل: انتي الأساس وبتظلين الأساس بقلبي ياحبي الأول والأخير
سكتت ام محمد شوي وبعدها قالت: وساره ايش قصتها وكيف حتى تزوجتها
ابو محمد: ساره لما كانت صغيره كانت تحب واحد وهو يقول يحبها مادرينا عنه جاء خطبها عدت مرات واهلها رفضوه بحجه انهم بعيد ومو من عايلتهم لأن عايلة ساره متحفظه بزياده ومايزوجون من خارج العايله ومن بعدها لما شافوه مصر يتزوجها سإلوا عنه طلع انسان مب،زين طلع راعي بنات ويشرب ومارضوا يزوجوه بنتهم ولما اهلها رفضوا رفض قاطع.. اتفقت هي وحبيبها وفكرو يتزوجون بالسر او بالأصح الزواج العرفي لأنه ماكان حتى عقد شرعي وقصدهم بعدين يحطون اهلهم بالأمر الواقع تزوجوا عرفي وعاشوا بشقه صغيره لسته شهور بدون علم أهلها يعني كانت تروح وتجي بحكم تزور رفيقاتها وهي كانت تروح له وبعدين اكتشفت حملها بأحمد ويوم قالت له رفض وقالها تنزله ولما رفضت صارت بينهم مشاكل وتطلقوا واخو ساره الي هو حميد ترجاني لين وافقت وتزوجتها عشان اغطي فضحيتها بالأول رفضت بس ماهان علي اشوف صديقي يترجاني كأنه طفل.. يمكن انتي تتذكرينه كان صديقي زمان بس من بعد هالسالفه معد صرنا نتلاقى وايد صار يستحي مني وهذا الي صار تزوجتها بدون حب ولاشي وحتى كنت بخبرج بس ماحبيت اكسر بخاطرج وهي كانت توسوسني
منكم وتحاول تكرهني فيكم..

وتدخل بعقلي افكار غير صحيحه بس انا كنت غبي واصدقها رغم اني افكر هذا مو صح بس عندها قدره تقنعني ويوم جبتها هنا عندنا بالبيت كنت اقارن بينج وبينها وكنت غبي يوم خربت بيتي بأيدي ولا اهتميت بعيالي ولا فيج...وهنا دمعت عينه: انا اسف يام عيالي اسف يالغاليه اسف

وعلى هاللحظه نزلت ميثا وعلى طول راحت المطبخ ولا كأنها شايفه احد ولا الحوسه الي بالصاله اهلها طالعوها مستغربين بس طنشوا ورجعوا للحظاتهم الحلوه....اما ميثا دخلت المطبخ وسوت لنفسها وجبه لشخصين وجلست تأكل بشراهه مو طبيعيه هالفتره صارت تاكل وايد وبكل وقت ...وتشتهي اشياء غريبه ومع كل أكله تعصر معها ليمون حتى لو كانت حلاوه وسكريات صارت عصرة الليمون اساسيه وبعد ماتأكل تبدى رحله الأستفراغ اهلها قالولها تروح المستشفى بس هي مارضت تقولهم مابي اروح فتره وبتعدي ...وبالفتره الأخيره صارت تاكل وايد اتوقعت يمكن عندها توتر في البطن ومو متعوده عالروتين الجديد ...اقتنعوا اهلها بكلامها وخلوها على راحتها
وساعات توصي السايق بالأشياء غريبه تشتهيها ...
امها كانت مستغربه من وضعها بس ماحبت تشك فيها لأنها واثقه من تربيتها
..............................



Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

السموحه بنات عالتاخير بس عندي عرس اخوي وهالفتره منشغله وقد ما اقدر بحاول انزل لكم البارتات فديتكم
دمتم بود..

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

;););););)

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

جميييييل انتظرك