رد: روايه ودي اضمك لين تختلط انفاسي معاك..

ماشفت ردود للبارت يمكن ماعجبكم......؟:(:what:

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

:(:(:(:what:

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..



Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

البارت رووعه . بس قصير :(

Sent from my ALCATEL ONE TOUCH 7047D using منتدى عبير mobile app

رد: روايه ودي اضمك لين تختلط انفاسي معاك..

حبيت سالفة عماد واريج:p

Sent from my ALCATEL ONE TOUCH 7047D using منتدى عبير mobile app

رد: روايه ودي اضمك لين تختلط انفاسي معاك..

عند الحريم كانن قاعدات متحمسات وسوالف وخاصتا ام قاسم وام عزام فرحانات بخطبت عماد لأريج لأن العايله بتقرب اكثر اما ميثا كانت مع واماني وليلى وريهام الي كانوا يطقون عليها مصخره وهي محمقه منهم مريم الي كانت جالسه معهم وماكأنها معهم...
اماني: ميثا مبين من شكلج.... صح انا مو طبيبة نساء بس احس انج مو طبيعيه ودام ان ليلى لاحظت انج حامل يمكن تكون صادقه هذا اختصاصها واذا كان شي بتعرفه
ميثا بأنزعاج: لا مو حامل ان شاءالله لا تفاولون علي هاذي بس هرمونان مغيره علي
ليلى: طيب ايش رايج افحصج
ريهام بتأييد: صح افحصيها علشان تقطعين الشك باليقين
ميثا بخوف: لا مافيني للصدمات
ليلى بسرعه: يعني انتي حاسه ان فيج شي
ميثا: لا مو معناته اني شاكه... بس انا خايفه
مريم من بعد سكوت نطقت بدون نفس: وليش مو حابه تحملين
ميثا ببراءه: مو قادره استغفرالله وبعدين سلطان بعده صغير
ليلى: لا مو صغير سنتين ونص اخذ وقته وزياده
اماني بحب: فديته حرام عليج ليول تقولين كذا عن سليطين
ليلى: الا صح وينه سلطان الشقي
ميثا: عند ابوه
ريهام: ماشاءالله كل وقته مع قيصر
ميثا بأبتسامه: يبغى مع ابوه اكثر مني
ريهام: رجال مين يلومه الخير مايبين فيهم
اماني بمرح: شفتي نتعب تسعة شهور ونولد وغير التربيه والسهر وفي النهايه يطنشونا ومايتذكرون الا ابهاتهم
ميثا: ههه استغفرالله هذا حكمته وبعدين هذا لمصلحتنا مابيه يتعلق فيني واذا صار وحملت مره ثانيه مايتعبني زياده
ليلى: صح صدقتي... تعرفين الأطفال اذا صار وجبتي،طفل جديد يصيرون عنيفين ويغارون
اماني: الا البنات وين
ميثا: مين
اماني: اريج وانين ورنا ورفا
ليلى: اها رنا ورفا سهروا لين الصبح وناموا متأخرين يمكن بعدهم نايمين اما انين قامت والحين طلعت لفوق شكلها ملت من سوالفنا‎ ‎
ام قاسم بصوت عالي: بنات قومن هزن طولكم شوي وساعدوا الخدامات وجيبن الغدا مابيقدرن ياخذن لنا وللرجال مره وحده
اماني: طيب يمه بنقوم
قامن البنات وراحن يساعدن الخدامات وميثا معهم اما مريم ولا كأنها هناك ..جلست ولا عبرت احد ولا راحت تساعدهن
حتى جابو الغدا وتغدوا وبعد ماتغدوا رفعن الغدا بمساعدة الخدم ومن بعدها رجعوا الكل يكملون جلستهم بأخر يوم لهم بالمزرعه
وهم جالسين يسولفون استغربوا لما شافوا ميثا وهي تقوم بسرعه وتراكض تدخل الفيلا علشان تستفرغ....فقامت اميره وتبعتها بسرعه لتعرف اشفيها والكل بالمزرعه برا مستغرب وخايف لا يكون فيها شي ولكن خوفهم ماطال لأن بعد دقايق تقريبا رجعت ميثا عندهم واميره جنبها وهي تبتسم وام قاسم وام عزام بالهم منشغل وودهم يعرفون وشفيها ميثا.. وما لحقت ميثا تجلس الا وعلى طول سألوها اشفيها
ام قاسم بخوف: ميثا بنتي اشفيج
ميثا: مافيني شي خالتي لاتحاتين
اميره بسرعه: ماهي بخير يمه الحين لما دخلت استفرغت
ام عزام بفرح: استفرغتي
ميثا بخجل: إيه
ام عزام بحماس: كللللللللللللللللوش يا ام قاسم بنتج شكلها حامل
اماني وهي تناظر ميثا بخبث وتقول بهمس: هههههاي ماقلتلج
ميثا بمحق ترد عليها بنفس الهمس: لا مو حامل لا تفرحين
ليلى تقهرها: لا تستعجلين حبيبتي
ام قاسم بفرح: معقوله تكون حامل
ام عزام بحماس: ان شاءالله معروف عوراض الحمل اولها الزوع والغثيان ويمكن هذا بدايته
ميثا وهي منزله راسها وماتكلمت بس حست نفسها ضاقت وماودها بالحمل الحين
ام قاسم بتأمل: ميثا يابنيتي من متى وانتي كذا وشو تحسين غير الزوع انتي مو اول مره حمل واكيد اذا كانت عوارض حمل بتعرفينها
ميثا بضيق مصحوب خجل: بصراحه احس بعوارض الحمل كلها بس انا مابي افكر فيه لأني استغفرالله مابيه الحين
ريهام: حرام لا تقولين كذا اذا الله قدر انه يجي فلا اعتراض على حكمته
ام قاسم بسرعه: ليلى بنتي اذا ماعليج امر بغيتج تفحصينها علشان نتأكد
ام عزام بتأييد: إيه صح لازم نقطع الشك باليقين
ميثا بهدوء: لا خالتي مابي
ام قاسم: لا بتفحصين انا قلبي بدأ يقرقع من الحماس وماراح اقدر اصبر اكثر
ليلى: طيب خالتي بفحصها الحين اذا ودها
اميره وهي تهمس لميثا تحمقها: ههههههههه ياويلج ياميثا
ميثا بخوف: اشلوون بتفحصني كذا بدون معدات
اميره: لا تخافين فحص طبيعي... هذا تخصصها ومو اول مره تسويها
ميثا بقلق: والله مابي خايفه اكون حامل
ام قاسم غامرتها الفرحه: يلا اميره وخري عن ميثا خلها تروح مع ليلي تفحصها
ميثا تقوم بسرعه وهي من داخلها خايفه: طيب ياخالتي
راحوا ميثا وليلى للفيلا لغرفة قيصر وميثا علشان تفحصها اما تحت الباقي متحمس يعرفون النتيجه بسرعه وهم على اعصابهم واكثر وحده اعصابها كانت فل هي مريم لو بأيدها تقتل ميثا من كثر ماهي كارهتها......
وبعد ربع ساعه لمحوا ميثا وليلى وهم طالعين من الفيلا ... ليلى كانت على وجهها علامات الفرح اما ميثا فكان واضح من وجهها انها زعلانه .....
وصلوا ميثا وليلى وجلسوا بين الحريم ميثا كانت مو مرتاحه ابدا ومبوزه بالقوووه و ماتكلمت ... اما ليلى صمتت شوي وكأنها ودها تحرق اعصابهم ومن ثم تكلمت بسرعه: مبرووووووووووك عليكم خالتي ام قاسم ميثا حامل
ام قاسم بفرح وهي تلم ميثا: الحمدلله... الله يبشرج بالخير ياليلى
ام عزام: مبروووك ياميثا ومبروووك ياوخيتي عليكم الحفيد الثاني لقيصر
ميثا باقي لها شوي وتبكي من القهر: الله يبارك فيج ياخالتي....
المهم الكل بارك لميثا الا مريم الي كانت بترمقها بنظرات حارقه ومتوعده من بعيد رغم ان ميثا ماشافتها.....
................................


فوق في الدور الثاني وتحديدا بغرفة عماد كان متمدد على سريره وهو يفكر كيف بيقابل اريج وكيف راح تكون ردت فعلها اذا درت عنه انه خطبها رغم انه كان سعيد بأن عمه ابو قاسم وافق الأ انه منزعج من ناحيه ثانيه بسبب اريج...
وهو بين زحمة افكاره سمع صوت طرق الباب ,,, جاء بيقوم بس تراجع لما شاف الباب ينفتح وتدخل منه اريج بسرعه وسكرت وراها الباب وهي مبين عليها شرارات الغضب....عماد استغرب من دخولها عليه كذا فجأه ولكن عرف انه ورا إستعجالها هذا مصيبه....
فتراجع لورا وجلس على سريره مره ثانيه وهو يقول بكل برود: ليش تدخلين علي كذا بهالطريقه تخيلي اني كنت ابدل او اي شي ثاني فهذا مو من صالحج
اريج بحمق: كل هذا مايهمني بس الي يهمني الحين اني اعرف ايش تقصد من الي سويته
عماد بأستعباط: ليش انا ايش سويت
اريج بحده: ليش تخطبني كذا فجأه حتى انك ماسألتني عن رايي وانا طول الليل كنت معاك امس
عماد بنفس البرود: ماله داعي تكبرين السالفه وانا قبل اعترفتلج اني احبج والمفروض تتوقعين بعد الي صار امس بالغرفه هاذي بالذات انه اكثر شي يخليني اخطبج ولو ماكنت ابي
اريج عصبت: شتقصد ولو ماكنت ابي يعني تعتبرها زواج ستره... ليش انت ايش شايفني
عماد بملل: مو شايفك شي بس اذا ماتبيني اختصري على نفسك الموضوع ولا توافقين
اريج بحده: بس انت ماتركت لي حل وابوي وافق عني ... تتوقع انه بيرضى برفضي
عماد ببرود: مادري هذا ابوج وتفاهمي معاه
اريج بصراخ وغضب وهي تقرب منه ناحية سريره وتسحب من عليه اللحاف بعصبيه: انت شو ماتحس ماعندك احساس
عماد بحده: اولا احترمي نفسج ولا تصارخين بوجههي وثانيا عيب الي تسوينه داخله غرفتي كذا فجأه وترادديني.... وعرفي للحين اني خطبيج مو زوجج علشان تتجرأين وتعامليني بهالطريقه
اريج بتعالي وهي تعلي صوتها اكثر: كيفي!... اسوي الي ابيه انت مالك كلمه علي وبعدين حركات البطوليه هاذي الي تسويها ماتعجبني فخليها منك
عماد وهو يشدها من ذراعها بقووووه وبعصبيه وهو يضع ايده الثانيه على فمها يسكتها ويتكلم بهمس مخيف: قلتلج سكتي ولا تعلين صوتج _ هذا عاد اذا ماودج احد يسمعج... وثانيا لاتخليني ابين لج وجهي الثاني الي بعدج ماشفتيه والي راح يخليج صدق ما اعجبج
اريج خافت منه بس تبين انها قوويه: ايش قصدك
عماد بغضب: قصدي مفهوم يعني عماد القديم خلاص بح وبيظهر لج وجه ثاني عمرج لا شفتيه ولا تخيلتيه فيني
اريج بأستفزاز: هههه مسكين _ انت ولا شي
عماد بثقه: واضح
اريج بتشكك: ايش تقصد
عماد بأستخفاف: واضح اني ولا شي عندج
اريج بحمق: انا ماحب الألغاز قول الي عندك بسرعه بدون أي لف ودوران..
عماد يقهرها: مايحتاج اقولج لأني عرفت الي ابغيه من عيونج
اريج بتوتر: عرفت شو
عماد يقهرها اكثر وهو يضحك بصوت عالي: ههههههههههههههههههههههههههههاي...
اريج بأحراج وعصبيه: اشفيك تضحك مو عارف انهم يقولون الضحك بدون اي سبب قلة ادب
عماد بأستهزاء: عادي خليني قليل ادب ايش فيها
اريج بعصبيه وغضب قربت منه ودفته بقووه لين اختل توازنه وطاح على سريره ولكن المصيبه الكبرى انه ايد اريج علقت بأيد عماد ولما كان هو بيطيح اختل هي توازنها بعد وطاحت عليه بقوووه لدرجه انه تألم بس سرعان مانسى وجعه لما ناظر عيونها الوسيعه الي جذبته هي ولونها الفاتح الي سرقه من الدنيا ونساه همه وكل شي حوالينه كان متمعن وهو يناظر ملامحها البريئه الخايفه المستسلمه وده لو ياخذها من هالكون كله لوحدهم ...ويبحر معها في اعماق بحر الحب والرومنسيه..... اما اريج هي بعد نست نفسها كانت تناظره بتفحص وحب وقلبها كان ينبض بقووووه ويتزايد بدقاته وبسرعه غير معتاده وكأنه بيطلع من مكانه كانت دقات قلبها تنبئها بأن هذا الشعور الي تحسه فعلا هو الحب بس في شي يمنعها ويقولها لا تستسلمين له لا تستسلمين لحبه وعلى هاللحظه حست بإيد عماد تمسح على شعرها بحنيه وعيونه تبين الضعف بأنه نسى عصبيته منها وهو يقول بحب: انا اسف
اريج أومأت براسها بضعف من لمست ايدينه الي كهربتها وخدرتها بس نفسها ماسمحت لها تضعف اكثر من كذا... فقامت بسرعه تحاول تبعد نفسها منه وهي خجلانه ومستحيه من الموقف الي اتعرضت له: انا الي اسفه
عماد وهو يشدها ويحضن راسها بين ايدينه الكبيره ويتكلم بهمس: احبج وايد
اريج لا شعوريا: وانا احبك
ولكن بعد لحظات قليله حست على نفسها من الكلمه الي قالتها واحمرت خدودها وقامت على طول وهي مرتبشه وترتب ملابسها قصدها بتطلع حست انها غاصت في ملابسها من الخجل والأحراج من الي قالته وسوته...عماد قام وراها على طول ووقف قبالها وبصدمه نطق: ايش قلتي
اريج نزلت راسها لتحت وماتكلمت: ...............
عماد بحب: عيدي الي قلتيه
اريج بحرج: لا ماقدر
عماد: ليش
اريج: بس صعبه
عماد مو مصدق: لا مو صعبه ودي اسمعها مره ثانيه منج لا تحرميني منها..
اريج بأحراج: عماد ودي اطلع
عماد بأصرار: لا تطلعين قبل لا تقولينها
اريج بضعف: لا ماقدر ماقدرخلاص مره تكفيك
عماد: طيب يعني انتي موافقه
اريج هزت راسها بنعم بس ماردت: ..............
عماد بفرح: طيب قوليلي احبك
اريج بخجل: لا مابي
عماد: لا بتقولين
اريج: لا ماراح اقول خلاص ودي اطلع
عماد: طيب ماراح تقولينها الحين بس لما نتزوج راح تقولينها لي باليوم عشرين مره
اريج بأبتسامه: بايخ لا تحلم وايد
عماد يجرها بالكلام: احبج
اريج تقهره: ما احبك
عماد: اعشقج
اريج تتجاهله وتروح بأتجاه الباب وفتحته بتطلع وهي تتكلم بسرعه: باي حبيبي
وعلى طول ماشاف الي غبارها.... فاجأته بهالكلمه وطلعت وهي تراكض ولما وصلت عند باب غرفتها دخلت الغرفه وطلعت راسها من الباب شوي وجلست تناظره ببراءه... اما عماد لما سمع هالكلمه طلع وراها وهو يبتسم وده يركض وراها ويلحقها بس تردد احد يشوفهم فوقف عند باب غرفته وغمز لها بعينه وهو يقول بهمس: احبج
اريج ناظرته بدلع ومن ثم دخلت وسكرت الباب وتركته هو يتأمل ويتخيل طيفها مثل المجنون من كثر ماكان مو متوقع انها تطلع تحبه.... انين شافت كل شي لأنها كانت طالعه من الحمام (اعزكم الله) واشمئزت منهم لما شافتهم كذا _كان ودها تستفرغ وهي تشوف منظر اختها بهالرخص بنظرها وعصبت منها وايد بس هي بينها وبين نفسها عاهدت نفسها انها ماتنصح ولا حتى تكلمها لأنه بمجرد شوفتها تكرهها وتنقرف منها اكثر

*******************************




العصر عند ناديه راحت لبيت اهلها وتركت بنتها وئام عند امها واتصلت بريم تمرها علشان يروحون لمشاويرهم......
وبعد دقايق جات ريم لها وانطلقوا لأول مشوار الي هو الشوبينج يشترون بعض الأغراض المهمه والأكسسوار والفساتين وملابس النوم ومنظفات ومرطبات الجسم
ومن بعدها راحوا للصالون وهناك سووا لناديه تنظيف للبشره ومرطبات لترطيب وتنعيمها وبعدها راحوا لقسم تصفيف الشعر وسوو لها صبغ لشعرها للون البني الفاتح وقصوه من اطرافه ولما خلصوا الصبغه بدوا بتصفيفه الشعر وسولها تسريحه لايقه لها الي خلتها روعه وغيرتها ومن بعدها راحو لأخر قسم الي هو التجميل والميك اب المهم سوت لها الكوافير الميك اب الخفيف بما انه مو مناسبه عرس او اي شي يعني ميك اب عشبي فاتح مخملي مع العدسات الرصاصي الي حاطتها ناديه ولما خلصت لبست فستانها في غرفة التبديل والحذاء العشبي ذا الكعب الطويل بجد الستايل الي لابسته كان كله ذوق ومطلعها جنان ومغيرها وايد.........
اتصلت ريم بالسواق بسرعه علشان يجيهم لأن الساعه صارت ثمانيه ونص تقريبا ولازم يروحون بسرعه للبيت قبل لا يوصل وائل
ريم بأستعجال: ناديه وائل من عادته متى يجي البيت
ناديه بتفكر: اكثر الوقت يجي متأخر يعني ساعه ثنتين وحده بس بالفتره الأخيره صار يجي على 11 او 12
ريم: يعني نقدر نخلص قبل هو مايجي
ناديه: ايه
ريم بأستعجال: طيب بسرعه خلينا نروح بسرعه لبيتكم
ناديه بأمتنان: مشكوره ريمووه تعبتج معاي انتي حامل ومن العصر مارتحتي وفوق هذا عطلتج من اشغالج
ريم بأبتسامه: ندوي لاتقولين كذا نحنا خوات معقوله لو اكون انا بمكانج ماراح تساعديني
ناديه: اكيد بوقف معاج
ريم: بس عييل لا تتشكرين نحنا مابينا هالرسميات
ناديه وهي تبوسها بخدها وتضحك: مشكوره يا ام كرشه
ريم بقهر وهي تدفها: انا ام كرشه
ناديه: ماتشوفين كرشتج الكبيره وكأنج فيج تؤام
ريم: فال الله ولا فالج تؤام مره وحده تبيني اجن انا يكفيني صقر وهالثاني الي جاي بيجننوني بعدج تبين يجي ثالث علشان مره بأخر عمري انجن
ناديه: ههههههه الله يعينج
ريم: عقبالج انتي اليوم ان شاءالله علشان تصيرين مثلي وتمسكين لسانج مره ثانيه
ناديه بسرعه: الشر برا وبعيد لاتفاولين علي خلي وئام تعيش طفولتها
ريم بخبث: الحين تبين تفهميني علشان وئام والا انتي الي مو قادره تتحملين اثنين اعرفج انا انتي وحده كسلانه وتموتين على النوم
ناديه بغباء: بصراحه للأثنين معا
ريم تضحك: غبيه
ناديه: من يومي
ريم: الأعتراف بالذنب فضيله
ناديه: صح انتي شو بتسوين اذا جينا للبيت
ريم: بسويلكم جو رومنسي
ناديه: فهمنا بس شو الحركات الي بتحطينها
ريم: في الشقه راح بتشوفينها
ناديه: اوكي الي تشوفينه
وصلوا للشقه وعلى طول نزلوا ريم وناديه وقالت ريم للسواق ينتظر برا لأنها ماراح تتأخر نص ساعه وبتطلع وبعدها دخلوا لغرفه ريم ووائل على طول وشغلوا الضوء وبدؤا بالترتيب.. بالأول طلعت ناديه مفرش للسرير ابيض مع سكري وفرشوه بالسرير وبعثرت بالمخدات السته لصغيره بطريقه ناعمه ومن ثم راحت ريم وطلعت من الكيس زهور حمرا طبيعيه مقطعه ونثرتها على السرير وشكلت بها على شكل قلب ولما خلصت اخذت باقي الأزهار ونثرتها على مدخل الباب لين وصلت للسرير ومن ثم راحت لحقيبتها الكبيره وطلعت منها شموع كبيره مزينه ولونها احمر وضعتها على الطاولات والرفوف واخذت تولعها ولما خلصت طفت ريم الضوء علشان تشوف جو الغرفه شلوون بيطلع ولما شافت الأجواء صرخت بحماس: اوووووه وووووولع ...ناديو راق لي الجو خلاص ان غرت منكم
ناديه: طيب روحي لبيتكم وسوي مثلنا
ريم بحسافه: اووووه وين بيجي كل هذا الحين... وانا انكسر ظهري من بعد شغل اليوم
ناديه: يلا خليها مره ثانيه
ريم بغنج: عادي شبعنا انا وخالد من هاذي الحركات الرومنسيه المهم انتي الحين تستمرين كذا بين كل فتره والثانيه علشان زوجج مايمل منج ولا تعطينه فرصه انه ينساج
ناديه: تمام يالبروفيسوره ريمووو
ريم: يلا انا الحين بروح اخاف وائل يطب علينا كذا فجأه
ناديه: اوكي بس نسينا وئام بتجيبينها انتي
ريم: ايه بيجبيها لج الحين انتي بس عدلي نفسج واذا سمعتي صوت الباب لما يجي وائل جلسي على طرف السرير بدلع واذا قبل عليج من باب الغرفه قومي ورحبي فيه بطريقتج الخاصه الي تحبينها انتي
ناديه تضحك وهي تفهم مقصد ريم: ههههههه.........وبعد شوي كأنها تذكرت شوي: ريم نحنا نسينا اكثر شي مهم
ريم بتفاعل: وشو هو
ناديه: العشاء
ريم: اوووووه كيف راحت من بالنا هاذي
ناديه: طيب انا بتصل اطلب وانتوا على ما انتوا جايين تجيبونه معكم لأن خدمة التوصيل ساعات يتأخرون
ريم: اوكي اتصلي بسرعه
ناديه: اوكي
اخذت ناديه الفون واتصلت على المطعم وطلبت لنفسهم عشاء فاخر لهالمناسبه الخاصه لها هي ووائل
وعلى هاللحظه اخذت ريم كل اغراضها بشنطتها والأشياء الي مايحتاجونها رمتها بالزباله وهي طالعه بتروح تجيب وئام والعشاء اما ناديه جلست تناظر نفسها بالمرايه تشوف نفسها لأخر مره وتعدل الأشياء البسيطه علشان لما يجي حبيبها وزوجها وائل يتفاجأ بهاللوك الجديد وكانت بقلبها تدعي انه يعجبه كل الي سوته وترضيه

*******************************



في المزرعه الكل مرتاح الا ثنتين مريم وانين مريم كانت مقهوره وهي تناظر ميثا وقيصر يتمشون مع بعض وهم شابكين ايديهم ببعض وتركوا سلطان عند جدته ام قاسم.......
اما انين الي زاعجها بأن عماد واريج قاعدين مع بعض قرب المسبح يسولفون على قولتهم خطوبه سريعه وابو قاسم وبو عزام حددوا بعد باكر الخطوبه والعرس بعد اسبوعين علشان قيصر وميثا يحضرون العرس لأن قيصر مدد الأجازه لأسبوع من بعد محاولات من اهله رغم انه اخذ اجازه اسبوعين من دوامه ولكنهم احرجونه لين اتصل بالمسؤول واقنعه لين وافق .......
وعطوا فرصه للمعاريس يتعرفون على بعض ويتفاهمون رغم انهم راح يتزوجون بمده قصيره.... اريج لما كلمها ابوها وافقت على الي اتفقوا عليه ولو انها من البدايه رفضت على استعجالهم في الزواج والخطوبه وبحجة انها صعب علشان تبغى تسوي فستان على تصميمات معينه بس رضخت لأنها تعرف محل فستاتين للعرائس يجنن واكيد بتلاقي شي يعجبها وبما انها رشيقه وجسمها متناسق بتلاقي شي على حجمها وبمقاييس مناسبه بس الأهم يكون زفافها بين كل اخوانها..... الكل فرحان وسعيد بهالقرار وفرح بموافقتها رغم انهم توقعوا انها ترفض ولكن الأسعد بينهم هو عماد لأنه بالأخير تحقق حلمه وصار الي يبيه قلبه فرحان بأنه مابقت الا ايام ويعيش مع حبيبة قلبه وروحه اريج تحت سقف واحد كان بين كل اللحظه والثانيه يتشكر ربه ويتحمده بأنه اعطاه الي يبيه وزياده من بعد صبره لكل ذيك السنوات
......................


عند قيصر وميثا لما بعدوا عن انظار الناس بعدت ميثا عنه وقابلته وجها لوجه وهي تمسك ايدينه بقووووه بحب ولو انها من داخلها ضايقه
ميثا وعيونها تغرق بالدموع: قيصر ابي اقولك خبر يمكن يسعدك
قيصر بترقب وهو يشد على ايدينها اكثر: الي هو..؟
ميثا ودموعها بدت تنزل وهي تاخذ ايده وتحطها على بطنها........ قيصر فهمها وابتسم على طول وهو يقول بسرعه: لا تقولين ان انتي........... ميثا تقاطعه بسرعه وهي تبتسم بالغصب ودموعها اطلقت العنان بالأنهمار: إيه انا حامل
قيصر بفرح وهو يبوسها بين عيونها وعلى خدودها بسرعه: كيف تأكدتي
ميثا: اليوم الظهر افحصتني ليلى واكدت حملي وانا قلت لخالتي بأني انا الي بقولك بالخبر
قيصر بحب: فديتج حبيبتي فرحتي قلبي بهالخبر
ميثا ببكاء: بس انا مابيه
قيصر بأستغراب: ليش؟
ميثا: مو قادره للحمال وبعدين سلطان بعده صغير
قيصر وهو يقرب منها ويمسح دموعها ويحضنها: لا حبيبتي لا تقولين كذا الله قدر هالشي .... وبعدين العيال حلوين ليش نتضايق منهم احسن شي انه نجيب لسلطان اخو
ميثا: استغفرالله اللهم لا اعتراض بس بجد حاسه بضيق فظيع مادري ليش
قيصر وهو يهديها: ارتاحي حبيبتي استرخي لا تتضايقين غيرنا مو ماعندهم العيال ويتمنونهم ونحنا دام الله عطانا المفروض نفرح ونتحمده مو نتضايق
ميثا بحب: اسفه حبيبي ماقصدت اضايقك وياي
قيصر: لا حبيبتي عادي انا مو ضايق اهم شي راحتج ولا تفكرين بشي يضايقج العيال نعمه
ميثا: اوكي حبيبي
قيصر: بس ليلى ماقالتج كم شهر صار
ميثا: لا لأنها سوتلي فحص طبيعي ماعندها ادوات
قيصر: يلا حبيبي خلينا نرجع نتمشى ونودع هالمزرعه الليله
ميثا بحزن: احلى ثلاثة ايام عشتها بهالمزرعه
قيصر: طيب اذا جينا واستقرينا هنا بنجي لها كل شهر نبات فيها لين تشبعين منها وتملين
ميثا: احلا شي....وكملت تسأله: الا صح متى بنرجع للبيت
قيصر: تقريبا عالساعه11 باكر دوامات
ميثا: اها تصدق ودي بعد نجلس كم يوم هنا بعدي ماشبعت منها
قيصر: طيب ايش رايج نحنا نجلس هنا ليومين زياده
ميثا: لوحدنا
قيصر: إيه
ميثا: لا
قيصر: ليش
ميثا: ملل لوحدنا اصلا حلاة المزرعه بلمة العايله مو ثلاثه اشخاص وبعدين وهي خاليه اكيد بتكون خوف وانا مابي
قيصر بخبث: انا مابكفيج
ميثا بدلع: تكفيني بس بعد الجمعه حلوه
قيصر وهو يقرب ويبوسها في جبينها بحنيه: احبج
ميثا وهي تحط راسها على صدره بحب: وانا احبك
قيصر: حبيبتي شو رايج نروح غرفتنا شوي
ميثا بفجعه: ليش
قيصر بخبث: خلينا نودعها هي بعد
ميثا بسرعه: لا مابي الحين الساعه تسعه اي وداع معاك باقي ساعتين خلنا نروح ونقعد فيها مع الناس
قيصر: الناس كل يوم بتشوفينهم مامعاج عذر
ميثا بضجر: لا قيصر عيب خلي عنك حركات المراهقين
قيصر بخبث: تبين تشوفين المراهقه بجد
ميثا عرفت انه يدور في باله شي خطير فتراجعت لورا بسرعه تبي تركض بس قيصر كان اسرع ولحقها متجاهل كلامها واخذها بين ايدينه وشالها بسرعه وهو يروح بأتجاه الفيلا ولما شافوهم امه وخواته وبنات خالته جلسوا يضحكون من جرأته وتصرفه المتهور ......... ميثا انحرجت وكانت ترفرف برجولها بخجل وهي تصارخ عليه ينزلها: قيصر قيصر نزلني فضحتنا
قيصر: لا ماراح انزلج خليني اتصرف بمراهقه على قولتج
ميثا غاصت بثيابها من الخجل وقيصر ولا على باله
ميثا بوجه متلون م الأحراج: ياويلي والله انك مجنون
قيصر بأبتسامه جذبتها: مجنون بحبك
قيصر وهو يعلي صوته اكثر: يمه سلطان خليه بحمايتج
ام قاسم تبتسم: هههه في الحفظ والصون ياوليدي
طلع قيصر بميثا للفيلا ومن ثم للغرفه وبعدها سكر الباب وراه بسرعه.....



[هييييي قيصر ممكن شوي باقي ماخلصنا]

[قيصر: باقي ساعتين من الوقت ياريت تروحين لأحد ثاني الحين]


هههههها يلا خلونا نروح لناديه ووائل احسن لنا من قيصر المليق]

*******************************



في بيت وائل عالساعه عشره ونص دخل وائل البيت... وائل تقدم عن الوقت الطبيعي لأن من عادته يجي متأخر....واليوم جاي مبكر لأنه كان مرهق من العمل وعلى طول من خلص طلع للبيت مافيه شده للسهر والهياته _____
في هذا الوقت كانت ناديه قد نومت بنتها ورتبت العشاء على الطاوله وكانت جالسه تنتظر وائل لين يجي
ولما سمعت صوت الباب ينفتج على طول قامت وجلست عالسرير بدلع تنتظره ولما حست ان خطواته قربت وصارت قريبه من الغرفه دق قلبها حست انها توترت وجلست تفكر هل سيعجبه منظرها ام لا هل هذا هو ماقصده بكلامه ولا شي ثاني ياربي شو بيقول لما يشوفني بعجبه ولا لا....
وعلى هاللحظه انفتح الباب... وناديه بتوتر قامت تستقبله وبخطوات ثقيله بأتجاه الباب ودها تتغير تغيير جذري حتى في اسلوبها وفي استقبالها له لمن يجي من برا لازم تحسسه بالتجديد......
وائل لما فتح الباب استغرب.... الا انصدم لما شاف اجواء الغرفه رومنسيه والي خلاه ينصدم اكثر لما شاف ناديه وبهذا القدر من التغيير والجمال ولا بعد تستقبله وترحب فيه لا هذا مايصدق
ناديه بحب وهي تقرب منه وتحاوط بأيدينها على عنقه: هلا حبيبي شخبارك
وائل بأعجاب من التجديد: انا بخير بشوفتج
ناديه بدلع: فديتك
وائل بذهول وهو يناظرها ويتمعن في ملامحها وكشختها وجمالها بشكل عام: فديت قلبج...ندوي شو هالجمال اليوم انتي غير
ناديه ابتسمت بخجل: هذا من ذوقك
وائل وهو مو صدق الي يشوفه: خليج كل يوم كذا
ناديه بغنج: يعني عجبك مظهري
وائل بهمس: وايد
ناديه نزلت راسها بخجل وماردت ...وائل قرب منها اكثر ورفع ذقنها علشان تناظره...ناديه لما رفعت عيونها له وألتقت عيونهم ببعض بنظرات طويله ذات مغزى عميق كلها شوق ووله...
وائل بصوت متهدج: اشتقتلج
ناديه بخجل: وانا بعد
وائل وهو يتنهد بأسف: اشتقت لها اللحظات وياج
ناديه بدلع: انت السبب
وائل بأبتسامه سطحيه: انتي السبب انا كل يوم اشتاقلج بس انتي الي تبعديني عنج
ناديه بثقه: طيب اليوم انا تنازلت وراضيتك والباقي عليك انت تراضيني
وائل فهم مقصدها: لا تحاتين تركتهم كلهم خلاص انا اوعدج اني ما ارجع لها السوالف
ناديه ابتسمت بأرتياح: اكيد
وائل بثقه: أكيدين
ناديه بحب: احبك
وائل: وانا اموت فيج
ناديه تغير موضوع: حبيبي تعشيت
وائل: لا مو متعشي
ناديه بسرعه تبعد منه وتمسك ايده برقه: اوك حبيبي ادخل خلنا نتعشى ويا بعض
وائل وهو متولع بجمالها: لا مابي عشى يكفيني انتي
ناديه بدلع: لا لازم تتعشى حبيبي
وائل: اوكي بس بشرط
ناديه تتغنج: شو هالشرط
وائل: انج انتي تأكليني
من ايدج الحلوه
ناديه: تمام ماطلبت شي... بس انا بعد معاي شرط
وائل بأهتمام: شو
ناديه: وانت بعد تأكلني من ايديك ياعمري
وائل يبتسم بأنتصار: طيب موافق
ناديه بزلع: حبيبي انتا
وائل: قلبي انتي
ناديه: يلا خلنا ناكل قبل الأكل مايبرد
وائل وهو يناظرها بهيام: فديتج
ومن بعدها شبك وائل ايدينه بأيدينها وراحوا بأتجاه الطاوله يتعشون ومثل ما اتفقوا اكلته واكلها وائل كان وايد فرحان وسعيد من تغيير ناديه وبعد ماخلصوا العشاء رفعت ناديه الصحون وودتها المطبخ وردت له بسرعه وهي تبتسم وتتجه عالتسريحه امام المراة تعدل نفسها وشعرها ولما خلصت من تمشيط شعرها اخذت قنينة العطر ورشت رشتين ومن بعدها وقفت وماكملت لأن وائل شغلها وشغل تفكيرها لمن وقف خلفها وهو يحاوط ايدينه على خصرها ويبوس رقبتها....ناديه توترت واحمرت خدودها ووجهها كله فمالت براسها شوي تبعد عنه ورفعت ايدها بتكمل رش العطر بس وائل كان هو اسرع واخذ قنينة العطر ووضعها عالتسريحه ومسك شعرها ورفعه من على رقبتها ورجع يبوسها من جديد وهو يقول: ماله داعي العطر لأن ريحتج اجمل من اي ريحة عطر
ناديه بدلع: حبيبي لا تبالغ
وائل ذايب: خلاص حبيبتي لا تضيعين الوقت
ناديه بدلع..فهمت مقصده فابتعدت منه وقابلته ومن ثم حطت راسها على صدره وايدها حاوطت فيها خصره: لا ماراح اضيع وقتك ودي ابقى بحضنك لين باكر
وائل بمرح: بس مو عالواقف حبيبي بنتعب خلينا نروح لسريرنا واوعدج تبقين بحضني لين باكر ماطلبتي شي
ناديه بغنج: لا مابي
وائل بحب: شو الي ماتبينه
ناديه بمصاخه: مابي ابعد عنك
وائل بوله: ماراح تبعدين عني انا الي بشيلج لين السرير
ناديه بدلع: طيب اذا كذا اوكي
وائل بأبتسامه: انتي دلووووعه
ناديه تتميع: زوجي ويحقلي ادلع عليك
وائل: فديت دلعج انتي
ناديه ببراءه: احبك
وائل: وانا احبج
ناديه: انا اكثر
وائل: انا الي اكثر
ناديه بتحدي: انا اكثر
وائل بصراخ نسى ان بنته نايمه عندهم بالغرفه: احببببببببببببببببببببببببببببببببببببببببببببببج
ناديه وهي تسكته بسرعه: وائل البنت نايمه لا تقومها
وائل استوعب: اوووه نسيت...مجنون انا اقومها تبكي لنا لين الصبح وتخرب علينا ليلتنا
ناديه: مشكلتك وانت الي بتحلها
وائل: لا حرام عليج لا تفاولين خلينا نعيش هالليله الي ماتتعوض
ناديه بمزاح: هههه انت ماعندك وقت
وائل بغباء: اكيد يلا دقت ساعة العمل ثوره... ثوره
ناديه تضحك: هههههه صرت وائل القذافي
وائل بخبث: اذا ماسبقتيني للسرير بصير القذافي وساعتها بخليج تندمين
ناديه بخوف مصطنع: لا شكرا مو ناقصه اكيد بروح
وائل يبتسم: ههههههههههه حريم ماتجيبكم الا العين الحمرا
وراح وراها وهو يمشي بأتجاه السرير ويطفي معاه كل الشموع الي بالغرفه لين مابقت الأ وحده تركها تضوي عليهم ولما وصل عندها جلس بطرف السرير وهو يقرب منها لين ما لصق فيها ومن ثم رفع اصابعه وصار يمررها على خدها بحنيه
وائل بحنيه: مشتاقلج حييييل
ناديه نزلت راسها بحياء وماردت: .................
وائل: ابيج توعديني بأنج تخلينها احلى ليله بحياتي
ناديه بحب: وانا اوعدك ارضيك واخليها احلى ليله بعمرك
وائل بحب: فديتج
ناديه مولعه من الحياء: فديت روحك
................................


Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

تسلمين شموخ ع ردودك الحلوه وهذا البارت لعيونك:)

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

فديتج حبيبتي. .وتسلم اناملج الحلوه. . كل بارت احلى م اللي قبله ..وننتظر التكمله بفارغ الصبر

Sent from my ALCATEL ONE TOUCH 7047D using منتدى عبير mobile app

رد: روايه ودي اضمك لين تختلط انفاسي معاك..

بارت روعه تسلمين يا عسل بإنتظار البقيه

رد: روايه ودي اضمك لين تختلط انفاسي معاك..

روايه تججججن بجد .. ماشاء الله عليكي .. ممكن اعرف مواعيد تنزيل البارتات؟