.. زهـايـمر حكـي .~

**تنهيدهـ** · 07-02-2018, 10:45 AM

رد: ✒ .. خآصرة حرف رمآدية

https://tan1987.sarahah.com/

The Link of YOU

أمانه اكتبوا لي كلام حلو قبل ما أستلم التقييم
الاول لي .. محد قال لكم صيروا أصدقائي
بتعبكم لين ينتهي الترم ..
أبشركم النفسيه خياس وشعري صار دورين في
ثلاث أسابيع .. أجر إن شاء الله

**تنهيدهـ** · 08-02-2018, 05:55 AM

رد: ✒ .. خآصرة حرف رمآدية

والله مدري وانا اختك .. لكن الاكيد انه الأسلوب له دور والطريقة ايضا .. وممكن الشخص أوقات :) ..
مش الكل يتقبل مني اكيد .. الناس تختلف في آرائها وتختلف في شخصياتها ..
اوقات موقف واحد بس ينسف نظرة الشخص لك وممكن تتغير
وممكن م تتغير على حسب ..
ممكن تكون عقدة الشخص خفيفه ويعطيك فرصة اكثر من مره
لأنه مؤمن إن الإنسان يتغير ..
فيكون بيدك انت تغير النظره اللي ترسبت عنده من الموقف السابق ..
واوقات تكون عقدته أصليه ومن موقف واحد خطا يسلب منك
ثقته ويعاملك بأسوأ معامله .. هنا انت لاترضى
لنفسك السوء مهما كانت مشاعرك تجاه هالشخص ..
وممكن ينحيك من حياته بدون اي ازعاج لنفسه أو خاطره بس
علشان يرتاح ..

مش مهم الكلام في هالموضوع كثير لانه بالنهايه الشخص الصريح
مش مقبولة صراحته اذا كانت حقيقيه .. طبيعة الانسان
م يقبل على نفسه السوء لانه يرى نفسه جميل دائما
وقلما نلاقي شخص مايبرر سوء نفسه أو تصرفه لأسباب
اما لانه يحب نفسه أو لانه يحب الطرف الاخر ولا وده
يخسره ..
لكن الغالب نيته جميلة لكن الفعل مش مقبول بالمبدأ ولا
للنفس ..
وهالشي يطيح فيه الكثير وانا أولهم ولازم أوسع الطرح فيه
اذا فضيت باذن الله ^_^ ..
ويعتبر فصل من فصول التبرير للنفس :) لكن الفعل خطا
والنيه حلوة .. م تجي بس تصير

م علينا ..

اجابة سؤالك هي باختصار ..
كل شخص في قرارة نفسه عارف انه صراحتك صح اذا كانت حقيقيه ..
وربما ينبذ نفسه قبل ان ينبذك وينبذ صراحته .. اما ينزعل
منه هذي طبيعية مو جديده يبي يفتك من صراحاتك ي ختي

لاتصارحينه كثير خليه بحاله واكتبي بشكل مبهم مافي
داعي للمواجهه لانها تسيء لك نفسيا وضميريا ..
وممكن صراحتك بعد مو صراحه ومغلوطه حطي كل الاحتمالات ..
وعاد مو لازم الشخص يتغير من صراحتك انتي تغيري عليه
والحياة تعلم ومواقفها وامثلتها مالها حصر ..

ان شالله كلامي واضح .. ومفهوم .. مدري احيان محد يفهمني بس انا افهمني

وبس والله...

**تنهيدهـ** · 10-02-2018, 09:59 AM

رد: ✒ .. خآصرة حرف رمآدية

لو يخون الناس والدنيا ولو حسك طفى
داخلك يبقى عظيم وفيه بعض الذكريات

تقتلك منها كثير وصاحبك رغم الجفا
كنت له صدفه جميلة ما تكرر للممات

تنهيدهـ

**تنهيدهـ** · 12-02-2018, 09:58 AM

رد: ✒ .. خآصرة حرف رمآدية

عشان كذا لا عاد اسمع احد يقول الرجال عيونه زايغه !!!

لاننا مفطورين على كذا سبحان الله ذا الشي فينيا بالفطره ومطلوب مننا اننا نتحكم
في ذا الشي بقدر كبير من الاحترافيه وكذا

وعندنا القدر على التحكم فيه بس كمان تراه ماهو سهل
ولا عاد اشوف بنت تتكلم علينا في ذا الموضوع ترا الدعوه اكبر منكن اخواتي ماتفهمن
ابدا كيف تكون نظره الرجل لو مهما تسوون

خف علينا ي قارئ الفنجان يا وارث الفراسه ي فاهم مداخل الحياة ومخارجها ..
خلك بمحلك الله يعافيك لا تزلزل المظهر العام للفكرة الأساسيه عن الرجل :)
العيون الزاايغه عادة مو شي فطري .. الله لما خاطب بغض
البصر خاطب الجنسين مو مهارة ترى ..
أتيح التعدد لسبب عدم اختلاط الأنساب لان المرأة هي التربه
الاساسيه الحاضنة للبذره ..
ولا لو ان الرجل هو التربه وأتيح التعدد لنا كنت عرفت
الفطرة صدق ..
لا والجمله هذي تزعل مراا

(( ماتفهمن

ابدا كيف تكون نظره الرجل لو مهما تسوون

))

الله يغنيني
عن فهم نظرة البعض والمشكله انهم الأغلب يعني من جد لاتعليق ..
مايتزوج اللي يحب .. ويتزوج وهو مو راضي .. وفاهم العقل غلط في أمور كانت العاطفه أولى فيها .. ويعتبر انه خروف
اذا قال حاضر لبنت .. ويعاملها على انها آله وهي سبب نظافته .. وأناقته .. ووجوده بعد الله .. وهي المرمم الاول لقلبه .. وهي ...... الف شغله يعني ..
وبالنهايه تقول م تفهمون نظرة الرجل وخر وخر بالله قل غيرها ..
اللي مستحيل تفهمه

نظرة المرأة

الشاملة لكل شي .. لولا
عاطفتها كانت قدرتها الملكية تخليك تتأمل قدرة الله في خلقها
كل يوم ..

مسوي فيها نظرتهم ثلاثية الأبعاد وقافطين اوضاع الحياة
كلها ..
تدرون

من يقهرني في السالفه ذي كلها

؟!
البنت اللي تعتبر نفسها ولاشي اذا ارتبطت برجل ويعنني كلمته الاولى والأخيرة ،،
ودي امسكها واسوي لها

فقرة تأمل

في المخلوقات الثانيه
وأوعيها انه في أمور ثانيه اهم من هذا المخلوق اللي تقدسينه وتعظمينه على حساب نفسك وراحتك ..

وتعجبني البنت اللي تحدد مسارها بعد م تتستغني
عن

تقديس مشاعرها

المبالغ فيه وتشوف الحياة من
زاويتها البسيطه الحلوة ..

قال نظرتنا .. مالت عليك وعلى نظرتك

**تنهيدهـ** · 14-02-2018, 07:07 AM

رد: ✒ .. خآصرة حرف رمآدية

إذا م أفطرت بيض ما أحس إني أفطرت الصدق يعني..
الحين عرفت كيف الواحد يتفنن اذا داوم ^_^

وبالعافيه وكذا ..

**تنهيدهـ** · 14-02-2018, 10:02 AM

رد: ✒ .. خآصرة حرف رمآدية

صباح الورد ..

ومع تعليق الدوام اليوم كمية روقان مش طبيعية .. ومفلله
نوم الحمدلله .. واتقهوى في فناجيل صدقيه مو فناجيل كراتين
صح غبار لكن الحمدلله اهم شي منسدحه ومريحه ..
تصدقون عاد عندي كلام كثير ارد فيه على اخونا المتحمس
الوسمي .. لكن احس طاقتي خلصت في المدرسه ..
ودي لو افتح لي حساب في الساوندكلاود .. وتصير مدونه صوتيه لي بالله مو احسن وكذا ^_^ ..
وممكن الصوت يقنع اكثر من الكتابه لانها م تخلو من الفهم
الخاطئ من الطرف الاخر ..

ماعلينا .. لكن بختصر الرد في تشعب ردي اللي قبل هذا بأن
الرجل ينظر بفوقيه لكل الأمور والمواضيع الحياتيه ولما يجي
يطبق ماعنده سالفه .. الاغلب مش الكل اكيد ..
فلما تكون وجهة نظرك وقناعتك تختلف عن تصرفاتك وردود
افعالك هنا تحتاج وقفه مع الذات وسريعه بعد ..
وايضا لما تستثني نفسك من أشياء ومواضيع بأنانيه وتحكم
على غيرك بعكسه لان نظرتك ثاقبه هنا انت ايضا متناقض ..
ما علينا .. الأهم مافي نص يوثق نظرتكم الثاقبه في الحياة
اعطاكم الله القوامه لان العاطفه عندكم مش مثلنا لا اكثر :)
ولان المرأة رقيقه والرجل تختلف طينته كليا عن طينتها

عموما انا ما اقصي دورهم في الحياة لكن خربتهم العادات
والتقاليد .. ولا أعمم عليهم بس حتى في بنات من نفس
النوعيه ومقززه جدا بس مو كثير ..
يهمني ان الشخص يعرف قيمة نفسه ولا يعطي الاخر الحق
في انه يتنمر عليه مهما كان موقعه من الاعراب ..
او ينتقص من شخصه .. حلوة النصيحه حلوه الاستشاره
وحلو النقاش الهادي .. لكن فرض الرأي وإصدار الأحكام
وتهميش شخصية الطرف الثاني وانتقاده شي مش كويس ..

لاحظوا اني اقول البعض والأغلب ولا أعمم .. لأني مريت
بشخصيات استثنائية في الحياة وتعلمت منها ..
كل شخص يطبع بصمته في العلاقه مع الاخر من خلال مبادئه
وطريقة تعامله ..
ولا أنزه نفسي من الخطأ .. والخطأ وارد جدا ..
وبس ..

هذي من معاناتي اليوميه مع القهوة ..

**تنهيدهـ** · 14-02-2018, 11:31 AM

رد: ✒ .. خآصرة حرف رمآدية

صايره أنام بدون فقرة التفكير اللي تسبق النوم ولا ارق
ولا هم يحزنون .. امس العصر اسولف مع خواتي وقلت لهم
بنوم شوي .. اقل من ثلاث دقايق الا وانا نايمه .. كانت ساعه
حلوه والله ..
بس بشكل عام صاير وضعي كذا .. بنام وع طول اخمد خمدة
العمال اللي تحت الشمس بعد تعب ..

في السنه الماضيه اللي هي ٢٠١٧ .. تعلمت أشياء كثير
والحمدلله استفدت منها جدا .. ولقيت اثرها على نفسي
منتاز ومطمئن .. والدليل اني صرت امزح واجد اكثر
من قبل ^_^ ...
انا طبعي مزوحه اساسا لكن فترة من الفترات تركت كثرة
المزح واقتصرتها على اللي أكلمهم يوميا او مع
خواتي بس ..

ولما رجعت لها حسيت ان البعض مو مستوعب وإني مضطره
اشرح مزحاتي .. لدرجة اني افقد متعتها واشيل هم الفهم الخاطئ ..
بس ايضا مستمرة ولا همي احد :)
بعطيكم امثله واتسيه يعني .. مدري الخلل في مزحتي
ولا انا صادمه عيشتهم بشخصيتي ^_^

**تنهيدهـ** · 14-02-2018, 11:53 AM

رد: ✒ .. خآصرة حرف رمآدية

بس .. لا أكثر ..

**تنهيدهـ** · 14-02-2018, 12:01 PM

رد: ✒ .. خآصرة حرف رمآدية

‏احلم اسمي أول اطفالي ونبني بيتنا
‏وانته وانا اللي بيننا ما تاسعه كل البيوت

بس أحلم ..

**تنهيدهـ** · 14-02-2018, 02:34 PM

رد: ✒ .. خآصرة حرف رمآدية

‏كل النظريات والدراسات والعادات والتقاليد ..
‏يهزمها موقف ان أردت .

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget