.. زهـايـمر حكـي .~

**تنهيدهـ** · 17-05-2017, 09:35 PM

رد: ✒ .. خآصرة حرف رمآدية

يتضح جليا مدى تأثر الشخص بعوامل خارجية حينما يكون منهمكا بعمل
ما .. وفجأة تراه ملما بأكثر من أحداث الموضوع .. واللي يزود الطين
بله إنه متأثر بالزيادات أكثر من تأثره بأساسيات السالفة ..
هنا على كثر ما تتحسف على علاقتك بالشخص ترحمه لأن إذنه مايله
زود عن اللازم .. وللأسف انت ما فيك حيل توضح له شي .. لأن دام
إنه حب يسمع السالفة بدون ما يستفهم من الطرف الآخر ..
خله على هواه ومثل ما يحب .. وباقي الأمور تحلها الأيام .. ليه
الحرص على ناس متعوده ما تتحقق من تفاصيل الكلام اللي تسمعه ..
مب مجبورين أبدا نسأل وش سمعت ومن قال لك وليه وكيف ومتى ..
خلهم على وضعهم اللي حطوا أنفسهم فيه وتفرج ..

المهم انت تحتفظ بكرامة نفسك .. علشان نفسك .. والناس اللي يهتم
لأمرك دام إنه تكلم وأبدع في الكلام من راسه .. يجي يوم ويوزن
كلامه ويعرف وش قال ووش سوا .. انت بس ضبط أمور نفسك من
باب الإحسان للنفس قبل الآخرين .. والباقي سهالات ..
ما علينا من هذا كله .. باقي أسبوع على رمضان أتمنى نكون فيه
أفضل من السابق .. ونراجع أنفسنا بدقه .. لعل الخلل في ذواتنا
يتضح لنا بدل ما يشوفه غيرنا ويشمت منا ..

وبس والله ..~

**تنهيدهـ** · 18-05-2017, 09:55 AM

رد: ✒ .. خآصرة حرف رمآدية

اختلت بعض الأوزان وأصبح بيت الشعر مكسورا .. لايستطيع
إيواء أحد .. المعذرة ..! أحاول تقويم البيت على بحر آخر
لا مجال لأن يأوي إليه البعض ...

أيها الأصدقاء عودوا إلى رف اللامعرفة .. لاشيء يستجدي
عناء تفكيركم هنا .. شكرآ لكم

**تنهيدهـ** · 19-05-2017, 01:10 AM

رد: ✒ .. خآصرة حرف رمآدية

مريحه ججججدآ هذ العبارة ..
" إن الله يمهل ولايهمل "

**تنهيدهـ** · 19-05-2017, 05:53 AM

رد: ✒ .. خآصرة حرف رمآدية

حين تسألني أي الأحباب نكون ..
أفكر في إجابة سريعه .. لعلها تدهشك ..
تثير الكثير من الأشواق المكنونة في
جنبات روحك .. أحلق بعيدا بعيدا ..
حتى أصل إلى أنك حب لم يصنف على
الأرض يوما ..
لاتخذل .. لاتخون .. لاتكذب ..
وحين تعدني بالجمال القادم في عمرنا
أجده مسكوبا كل صباح .. إما أن
يكون في عينيك .. أو راحة كفك الدافئة ..
أو رسالة على هاتفي .. تصف جمال
الحياة بي .. وبؤسها قبل أن تتعرف إلي ..
وتصف ذلك بعقوق لطيف بأنك تحبني
كما لو أنني أنجبت قلبك العاشق ..
سألتك ذات مره :
هل تتوقع مني خذلانا في أيامنا
القادمة ..؟
وقبل أن أستمع إلى جوابك الحاني
شعرت بغصة سرى مفعولها
في مسامات جسدي كالسم ..
لا أعرف بعدها كيف بحت حبا ..
ربما كنت أتمتم بين ذاتي وذاتي ..
بهذيان .. من أعمآق القلب ..
" الشيء الوحيد الذي آؤمن به كونك ملك
من المحتمل أنه في عيني لفرط حبي لك ..
والأكيد ليس في عيني غيري .. "

أحبك جدا كثيرا وجما
تبعثر وصفه في داخلي

فإما تدلل قلبي وإما
تهيم به قاتلا عاذلي

تنهيدهـ

**تنهيدهـ** · 19-05-2017, 10:55 PM

رد: ✒ .. خآصرة حرف رمآدية

MOOD :

المشاركة الأصلية بواسطة ShahrzaD

‏هذه هي طريقتي في حب الأشياء: أتركها وشأنها.

**تنهيدهـ** · 20-05-2017, 12:07 AM

رد: ✒ .. خآصرة حرف رمآدية

يقول علي بن أبي طالب :
لا تكن قاسيا فتكسر ولا لينا فتعصر ..

عادي إن الشخص يكون لطيف وحنون جدا في مواقف تستدعي هالشي ..
لكن اللي مب عادي انه يخلي الأشخاص اللي تعتبر نفسها ذكيه تستغفله
بأفعالها أو حتى كلامها .. من أجمل الأمور إنك تكون شخص جدي نوعا
ما .. ومزوح في الأوقات اللي تستدعي المزح .. ولين في الأمور اللي
تستدعي اللين يعني ..
يعني تصنع لنفسك هيبة .. مب أي أحد يخترقها .. وطبيعي اذا كنت
في إطار الإحترام راح تقدرك الناس اللي تعيش في هذا الإطار .. أما
النوعيات اللي تعودت تعدد معك الأوجه .. سو نفسك معها مممرا دلخ
وتغابى .. وبالنهاية سو لهم سوبرايز إنك محتاط لكل الحبكة اللي
يصنعونها على أساس إنها متقنة ..

مازلت أحارب تعدد الأوجه ومهما كان الشخص يعني لي إلا أني عندي
شجاعه أقول له بوجهه هذي أوراقك اللي تلعب فيها .. احتفظ فيها
لأحد ساذج مب أنا .. بعضهم يقول هذا مرض لا تعيب فلان فتبتلى بما
ابتلي به .. لكل أمر علاج وعلاج هالفئة مواجهتها بشكل يصعب عليها
الفرار منه .. لين الشخص يبطل يصنع من نفسه أسطورة يلعب بمشاعر الناس من خلالها .. ويؤلمهم لأن ذكاءه فاق الخير وامتد إلى السوء ..

طبعا هالأشخاص موجودين في واقعنا مش بس في مواقع التواصل ..
لكن مواقع التواصل فيها الضعف .. ومرت علي الكثير منها .. بشكل
خلاني أتمرس فيهم .. خلاص صرت باخصتهم .. البعض يجي يقول خلهم
في حالهم يعددون أهم شي ما ياصلون لك .. !! يعني انطم واسكت خلهم
يسوون بروفاتهم على الناس وهم مروقين أهم شي انت مالك دخل !!
لو كل شخص شاف هالشي من أقاربه أو حتى يمارس عليهم .. اتوقع
مايسكت .. لكن في نطاق النت عادي أهم شي ما يمسني بقريح !!
منطق مؤلم والله .. وللأسف مزعج جدا ..

حلو إنك تكون لطيف بس لطافة ما تضرك .. وحلو انك تكسب الناس
لكن بشكل مايضر غيرك بدون وجه حق .. والشخص اللي مافيه خير
لنفسه ماينفعك انت ..

وبس والله ..

**تنهيدهـ** · 21-05-2017, 02:18 AM

رد: ✒ .. خآصرة حرف رمآدية

‏يمكن اني ماعرفتك زين لكن :
من عرفت ايامي و قلبك عشيري

و انك اللي في شهيق العمر ساكن
و اني اتفقد وجودك مع زفيري

**تنهيدهـ** · 22-05-2017, 11:05 AM

رد: ✒ .. خآصرة حرف رمآدية

Sometime it,s hard for pepole to show how they feel

**تنهيدهـ** · 22-05-2017, 06:57 PM

رد: ✒ .. خآصرة حرف رمآدية

22-5

بداية دخولي هنا ..

23-5

جيت على وجه الدنيا واحلوت

وأكمل 29 سنه بتاريخ الأجانب :)
أتمنى لنفسي حياة سعيدة وعمر مديد على الطاعة .. وأتمنى تكون
أيام معرفتكم بي حلوة ولطيفه يعني .. الله يسعدكم جميعا ..

اللهم إني قد عفوت عن جميع خلقك
فاعف عني ..

**تنهيدهـ** · 31-05-2017, 12:59 PM

رد: ✒ .. خآصرة حرف رمآدية

الناس أنواع وأنا من النوع اللي ما أحب حوسة الشغل تاكل راسي لازم لازم أرتبها ..
أول ثلاث أيام برمضان كانت مش ممكن .. زحمة شغل ما ألقى وقت أنوم فيه ..
أصحى من النوم راضيه وعادي أشتغل والحمدلله ما أحب الشغل بحلطمه أحب الهدوء وكذا ..
أمس أخيرا رتبت شغلي ودخلت في مود الصيام ورمضان بشكل منتاز وصار عندي غير الرضا روقان ووجهي شاقته الضحكه ..
اللهم لك الحمد والشكر .. دام النيه معروف منبعها واتجاهها دايما حنا في نعيم وخير ..
صار لي ست رمضانات ماشيه على نفس النظام والوضع عندي في السليم
خصوصا إن مامي تحب الأشياء فريش مستحيل تقبلها مفرزنه مب لأنها مقتنعه إنها مب حلوة ..
لا تدلع اخواني

واخواني يادلبوسي ماياكلون إلا الشي بيومه وكذا أدري لو أفرزن مادروا بس وش اسوي بالحشوات اللي أسويها يوميا ماش الوضع يخرب ويصير فيه زيادة بالأكل ..
ماعلينا هنا انا مدبرة نفسي أقوم بدري واخلص بسرعة البرق .. يالله من فضلك ..
بالرضا والقناعة واحتساب الأجر بأنها تفطير صايم وقبل هذا بر بأمهاتنا ربي
يرزقنا مزاج عالي ونفس حلو بس نجرب ونحاول .. غير كذا بركه بالوقت
والبركة زينه عاد ..
فيه نوعيات أعرفها شخصيا .. إذا اشتغلت تنافخ .. تقل قاعده تطبخ في الربع الخالي .. اوك صح الفرن ياكل وجهك والزيت يلعب فيه لكن وس زينها حدودها حملا ياناسو

.. لا والله من جد .. طيب نافختي وبعدين وش صار .. البيتزا جاتك أسرع !! ولا السلطة قصت نفسها ولا الشوربة استوت أسرع ولا الفواكه وباقي الأمور حلت أزمتك !!
وشو له تنافخين !! أجرك يروح .. وتعطشين .. وامك تكره شغلك .. وتصير طلتك وقت الفطور دمااار .. ريلاكس والأكل بيطلع منتاز ورايق
والحياة ممتعه ..

حتى بعض الشباب ترى ينافخ اذا قلت له ناقصنا كذا .. يقول برا حر وشو له ماعلمتيني من أمس .. تقل اذا ناقشته بيرجع أمس وبيجيبه بجو عليل
ياشيخ طير جيب لي الأغراض .. السيارة مكيفة والوضع ماشي حاله ليه
تعقيد الأمور عاد ..
من هالناحية أبوي علمنا شغله .. قال اذا الواحد جاي من برا لاتطلبونه شي لين يرتاح وكذا .. وإذا جاب لك الكراث أصفر مثلا .. ادفني وجهك
وركزي لين تطلعين كميه حلوة .. واليوم الثاني يجيبه وهو رايق .. عادي سهااالات والله .. بس حنا نعاند أحيان ..
حتى لو ما جابه لك .. خلي عندك ثقافه حلوة في اختيار الخضار المناسب
وروحي جيبي لنفسك أغراض عادي وش فيها .. تحبون تنافخون بس وشدعوا :)

اللي يجيب الخضار والفواكه من السوبر ماركت ترى ماعنده سالفه .. غير
الموز مافيه عندهم شي يعيش أكثر من يومين وعقبها يذبل خصوصا الورقيات .. هذاي علمتكم

رمضان مبارك عليكم جميعا .. أسأل الله أن يعتق رقابنا من النار وأن
يغفر لنا ذنوبنا مغفرة من عنده .. << بدري يابنت

ومساكم خير وطاعة ورضا وروقان يارب

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget