.. زهـايـمر حكـي .~

**تنهيدهـ** · 10-03-2018, 04:37 AM

رد: ✒ .. خآصرة حرف رمآدية

http://sarhny.com/tan19875

وغيرنا رابط الصراحه نشوف شسالفتكم

لا وبعد نزلت التطبيق بدل جوجل المشواااار .. يعني ع طول تجيني زي الواتس دايركت بوجهي ..
هالله هالله بالسنع بالله ..

**تنهيدهـ** · 12-03-2018, 10:35 AM

رد: ✒ .. خآصرة حرف رمآدية

ليه الان لما نجي نتناقش مع احد في موضوع ما .. تكون ردود

افعالنا مش منطقية .. يا يوافقنا الرأي يا نتهم وجهة نظره

بأنها منحله أو غلط أو فيها بلا .. ليه حنا الصح بس ..؟
اكره النقاشات اللي فيها إثبات وفرض شخصية وبس ..
اي شي في الحياة يتم بالتفاهم .. خصوصا لما يكون بين
اثنين متشاركين حياة ..

هذي شراكه .. معنى كلمة زوجين عظيمة .. يعني مو طرف
متعالي على الاخر ..
انا مؤمنة إن الشخصيات تختلف من بيت لبيت وايضا المشكلات تختلف ..
لكن. غالبا توصل لنفس النتيجة .. بالنسبه لي لو افكر أعرس بعرس على وآحد يعتبرني شريكة
مش من الصنف اللي تزوجتك علشان تخدميني .. لأنها تستفزني ..

أحب الزواج اللي فيه تفاهم وانسجام لدرجة انه ينتابني فضول أعيش معاهم يوم اشوف الوضع
وابسط نفسي >> شدخلك.
لا من جد كذا ارتاح لهم نفسيا .. يتناوبون الطبخ والغسيل
وكل واحد شايل جزء من الثاني واو وناسه :)
أما الجزء اللي مشاكلهم تاصل بشكل مقزز ودي أعلمهم شي
من مبادئ العلاقات وكيف تطول بانسجام وحب ..
مو لأن عندي خبرة بس لأني في الحياة صبرت على ناس
محد يصبر عليهم البعض علاقتي فيه حلوة ومتفقين
والاخر علاقتنا الشكليه متفقين بس اصلا مو متفقين يعني
تسليك للاحترام فقط ..

فيه حريم سيئات جدا لدرجة انها تسيء لنفسها وتتحمل
فوق طاقتها علشان فلان يرضى .. يع ترى مو كذا ..
خليه يرضى بالشكل اللي يستاهل انه يرضى عليه وما يقلل
من قيمتك ..
ونفس الشي في رجال ودك تكوفنهم من قو ماهم فاهمين
ان الراحه انه يوفر خدامه وسواق وفلوس وهو ماله دخل ..
بس تصدقون حلوة مو شينه هههههههههه يعني تنفع للي
مثلي قرفانه من كثر ماتشوف قوامه غلط ..

م علينا اهتموا بنفسيكو ملكمشي دعوه في الناس المش
كويسه خلوهم لي ^_^

يارب إنكم فهمتوا السالفه صح .. لان لو يجي احد يقول لي
انتي تناكفين الرجل بحذف أم الموضوع ..
جد والله انا لما اكتب أحط ببالي انه الموضوع كذا واتفاجئ
بكم هائل من المعقدين يصارحوني بغباء ..

وبس ..

**تنهيدهـ** · 13-03-2018, 11:24 AM

رد: ✒ .. خآصرة حرف رمآدية

الواحد صاير ماعاد يتحمل يقال له ريلاكس حبتين .. والله من
جد .. عاد أنا صايرة رايقه شوي يوم خف علي الضغط ..
واحسب الناس مثلي رايقه وحابه نسمة الصباح .. طلع ذا مودي لحالي ..

م علينا .. من جد جيبوا لي سالفه اطقطق عليها غير الاتحاد
والهلال .. اصلا الوضع اللي هم فيه طقطقه ^_^ ..
حتى موضوع غير الجنس الاخر لان بعد هم مليت منهم
وجدا بعد ..

تعبت من تأليف السوالف صار دوركم :)

برب ..

**تنهيدهـ** · 14-03-2018, 01:31 PM

رد: ✒ .. خآصرة حرف رمآدية

تعريف الشخص المصلحجي ..
هو الشخص اللي يحطك في مرتبة ما .. لين تنتهي مصلحته
ومبسوط بوقاحته بينه وبين نفسه ^_^ ..

وبس ..

**تنهيدهـ** · 17-03-2018, 12:57 AM

رد: ✒ .. خآصرة حرف رمآدية

ماعليكم مني هالفترة حتى أنا مانيب أدري وش بي :) .. بس بارده بشكل .. مو تجاه شي محدد
تجاه كل شي .. البرامج .. الناس .. المناسبات .. النقاشات .. صايره أتملل بزيادة .. مدري شسالفه
يعني مو معناته انه ماعندي إضافات ،، او مب مبسوطه .. او هيك شي .. لا من جد وصلت مرحلة
مرا لأ ..
يعني كذا بس يدي على خدي وأطالع الناس او الشي اللي قدامي .. ابي اخلص الدوام بسرعه
علشان اخذ فترة العصريه راحه .. وانتظر الليل علشان انوم بدري .. مو طبيعي وضعي ابدا ..
يعني انا اللي فيني حيويه ونشاط .. شصار لي ^_^

ولما افضى تدرون وش اتفرج ههههههه .. بتقولون خبله ادري .. بس م عليه .. افتح اليوتيوب
وبرنامج جورج قرداحي المسامح كريم واتمقل .. ودموعي على خدي .. م عندي اي سالفه :)
بس من جد مو عارفتني ولا عارفه لي .. أفتوني في أمري بالله ..
عموما شكلي في وضعية اللي تدور سوالف جديده .. للان جمعت سالفتين .. عقبال الباقي
وثانكسو للصراحات الحلوه جدا .. وللناس اللي ترسل خاص وللآن مارديت عليهم
لعلي افضى وانا مصحصحه وارد ..

سي يا ..

**تنهيدهـ** · 18-03-2018, 11:20 AM

رد: ✒ .. خآصرة حرف رمآدية

يسعد صباح الإنت يالحب بالخير
ويسعد صباحي دام يبدا بشوفك

الله الله .. عاد اتخيل اني متزوجة ولساني معسول كالعادة و
اخقق بعلي بكم كلمه كل يوم .. يلعنم الطفش .. لا ونص الغزل
مجاملات .. بس سبحان اللي محليه بعيني وكذا ..
قبل شوي قاعده أشوف جوال وحده من المعلمات اللي جنبي
منبهه يرن .. تخيلوا حاطته ١٠:٣٠ .. وكاتبه الغدا الله يجعله
متسمم ههههههههههههههه
اقول لها مب لازم تصحين بدري قومي ١٢ وحطي قدرك وتخلصين ١:٣٠ وانتي مروقه ..
قالت وأتحمل بثارته لين ١٢ خن أقوم اطبخ اصرف لي من خفة
الدم اللي تطلع بالويكندات .. الرفق بالحيوان واجب ههههههه
مت ضحك .. واطقطق عليها اقول لها مو انتي اللي خقيتي
عليه بعد الخطبه كأنك تعرفينه من سنين ويعنني حب وشو له تحلطمين الحين :)

صدق ما احب الزواج التقليديلكن بعد كرهت الزواج عن حب
وعن معرفه .. خصوصا الناس اللي ثقافتها ضئيلة جدا وتعتبره خطا فادح ..
يعني مودي اتزوج واحد معطيني الثقه المطلقة والتصرف الحر
في حياتي .. لي جوي الخاص ومساحتي الخاصه مب شرط
اكون لازقه فيه ٢٤ ساعه علشان اثبت زواجي ..
يع ترى وربي مو حلوة ..
حلو الانسجاملكن انا ترى عندي حياة وناس اعرفهم .. بشوفهم بتنفس ..
مب انا أوديك وأتعرف على ابوهم ووو ياخي كلتبن خلني بحالي لاتنشب حيل ^_^

الجنوبيين فله ويدلعون البنت اوقات والقله معقده وكذا ..
بس الحساويين احب ثقافتهم وروقانهم .. وترتيبهم للحياة
وطريقة تأسيسهم للحياة الزوجية والترابط الأسري والمساحة
اللي معطينها بعض بالمليمتر ..
ومن ثم يتلوهم بعض اهل حايل انفداهم صح فيهم عقد حبتين
بس بعضهم يحسسك ان الحياة متعه وشو له الشده المبالغ
فيها يسعد لي جوهم ..
وباقي المناطق خير وبركه .. لكن انا احب الناس اللي مبسطه
الحياة .. الناس الأوڤر مانيب احبهم لو انهم اقرب الناس لي
الحياة اسهل من النظرة المحدودة اللي عايش فيها البعض
الله يسهل عليهم ويمتعنا بتفكيرنا :)

وبس والله هذا اللي عندي ..
اللي عنده تعليق يحطه واللي م عنده تعليق يقعد ساكت
واللي يقول عني خقه هواااا اكبر من الخقه ^_^

**تنهيدهـ** · 19-03-2018, 01:41 PM

رد: ✒ .. خآصرة حرف رمآدية

‏⁧‫
‏من يحبك يا بعد عيني كثير
‏يجتهد حتى يشاركك الحياة

‏ما أظن الوضع في حبك مثير
‏وامنياتك ... مالها أي اتجاه

‏⁧‫
تنهيده

**تنهيدهـ** · 20-03-2018, 10:16 PM

رد: ✒ .. خآصرة حرف رمآدية

‏لي عتب يا موطني وانته كبير
‏تحتوى أكبر من حروف العتب
‏
‏ليه قدري في مساحاتك صغير
‏ليه قلبي رغم تقصيرك يحب

هالابيات كتبتها عتب على بعض الحقوق المسلوبة للمرأة
التي بدأنا نحصل عليها مؤخرا .. لكن مو معناها اني اكره
وطني او لي اعتراض على ولاة الامر في البلد ..
بل اعترض على العادات والتقاليد اللي تمشينا اكثر من الدين
في اكثر من مكان على وجه الارض ..
لكني احب كل شي انتمي له .. وطني .. أسرتي .. نفسي ..
أصولي .. ومنشئي ..

يعني السالفه حرية رأي أولا واخرا ^_^ .. وبما ان نفر جايب لنا سالفة .. وبما اننا بدينا نقرا في ثقافة الفرنسيه من اصول يهوديه ونشوف وش عندها ..
بس ودي اسأل وش الهدف اللي يطمح له صاحب القوامة دائما ؟؟
خصوصا الاغلب ثقافته ميح .. ثقافته تعتمد على ان مكان البنت المطبخ وبيت زوجها وتربية الأطفال
واللي تخطي تستحق الوأد .. واذا تركت بضم التاء .. يقعد يتمنن عليها بسماحته ورقة قلبه ويعني
اني قوامتي ماشيه صح !!!!

وخلوني اكون اكثر صراحه .. الرجل يرى ان المرأة مخلوقه ليستأنس بها فقط .. ولا بتشديد اللام كل
شي له :)
تطبخ وتنفخ وترتب ،، وهو يصرف لها راتب على هذا .. وهذا اذا كان يصرف اصلا زي الناس ..
انا م اقول مانبي رجال ولانبي قوامتهم الصح اقرؤوا وتثقفوا في المحاور اللي فيها القوامة مو درعمه
وطول صوت بس .. اوك تثقفت !! شاركني خذ رايي .. حسسني اني طرف موجود في هالمنظومه ..
انا صراحة اشوف القوامة من تالي .. قمع للرأي .. وفرض رأي للقائد ،، وتمشي جملة انا ومن بعدي
الطوفان ..
وانتي مجرد تابع وانا الوحيد المتبوع :) بشيني وزيني .. منزه كامل مميز مخلوق وكله صواب من
أوله لآخره ..
وان دخل السجن قالوا السجن للرجل .. والسجن يربي ،، رغم ان اللي ادخله السجن خطا قد يكون
نفس هالخطا ادخل بنت السجن وعوقبت وتربت على هذا الأساس ..
بس في مجتمعنا ليه تصبح البنت منبوذه بعد الخروج من سجنها والولد رجال
دخل السجن وعرف مساره وصار كفو ..
ليه تدمح زلة الرجل وزلة البنت لا .. حتى الآيات اللي في سورة النساء نسخت في سورة النور
بدل الحبس جلد مثلها مثل الرجل وتمشي حياتها ..

يجي اللي يقول لك :
الام مدرسة اذا اعددتها .. أعددت شعبا طيب الأعراق

طيب بما انها مدرسة وراعية ولها قوامة في البيت ليه مختصرين القوامة على انها أوامر وخضوع
واذلال واستعباد ؟

^_^

في تضارب في الرأي محد عارف يفهمنا اساسا ولا احد فاهم ،، البنت لما تقول نحتاج نزع سلطة
القائد اذا كان القائد عبد للعادات والتقاليد اللي احيانا اذا خرجنا عنها من ضمن
العقوبات الموجودة .. القتل !!!!!
ليش .. لان المرأة عار .. والله الشي الوحيد اللي اعتبره عار سواء كان من أنثى او من رجل ..
ان تفكيرك يقتنع بالذل والخضوع تحت راية عادات وتقاليد .. تفرض وتكلف الانسان
فوق طاقته ..

الدين ما عسر علينا شي .. العادات والتقاليد هي اللي خربت تفكير البعض ..
ولاحظوا كلمة البعض وركزوا عليها :)

وبس والله ..

**تنهيدهـ** · 20-03-2018, 10:30 PM

رد: ✒ .. خآصرة حرف رمآدية

بالله .. بصوت راعي البلوت

- YouTube

https://www.youtube.com/watch?v=94OGc_3p_Xk&app=desktop

YouTubessa voit nauttia parhaista videoista ja musiikista, ladata alkuperäistä sisältöä ja jakaa kaiken ystäviesi, perheesi ja koko maailman kanssa.

شوفوا المقطع من جد يعجبني ^_^

**تنهيدهـ** · 21-03-2018, 01:29 PM

رد: ✒ .. خآصرة حرف رمآدية

نقلب الصفحة ونكمل مشاكل

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget