.. زهـايـمر حكـي .~

**تنهيدهـ** · 21-04-2017, 01:09 AM

رد: ✒ .. خآصرة حرف رمآدية

أحيانا ،، تتعايش مع ناس تعطيك نموذج حياتي يخليك تتفكر بشكل
مرااا عميق .. يعني نفسي أعرف كيف تعرف تبتسم للشخص بوجهه
وبظهره شي ثاني الله العالم فيه .. انا بالنسبه لي اقدر اقول للشخص
اللي مايعجبني ما تعجبني بوجهه وأقول الأسباب بشكل لبق وصريح
بدون لف ولا دوران ولا يكون موضوع أشغل به نفسي واخلي طرف
ثاني وثالث ورابع ياخذ ذنب انه سمع مني ..

النوعيات اللي كذا دايما احط لهم اكس في حياتي .. واسطح علاقاتي
معهم بشكل قوي وبدون ما يحسون وبالتدريج .. وإن حسوا عطيتهم
اياها من الاخر وريحت نفسي وريحتهم عادي الوضع ايزي والدنيا
سهالات .. ما نحتاج أننا نخفي الكلام السيء عن الشخص نفسه
ونهديه شخص آخر بدون فايده .. هماي اقول لكم بالصفحه اللي قبل
هذي رحم الله امرئ أهدى الي عيوبي !! ياكثر المتناقضات في الحياة
واللي يضحك لما تشوف التناقض بشخص مابينك وبينه أي تتش ..
هنا انت بنفسك تموت ضحك .. وأيضا نقول عادي الدنيا دايما
تفاجئنا بهالنوعيات وتخلينا نبتسم بشكل حلو .. وصدقا يعني مب
وظيفتنا نعدل منهم اذا ما يحسون انهم يحتاجون تعديل .. نخليهم
على وضعيتهم لين تجيهم الصفعه من أحد يستاهلونه .. مب مثلي
أنا هاديه واطنش .. لأن وبصراحه ما أحب اتعب نفسي في تغيير
نظرة شخص مايعني لي شي من الأساس .. وهو مجرد عابر لا أكثر ..

الزبدة .. كل واحد يهتم بنفسه أفضل بعيدا عن الإساءة للغير من
الخلف والطعن بأخلاقه بغير وجه حق .. لأن كل شي تحسب انه
ما ياصل ياصل وبإتقان ..

وبس والله .. ~

**تنهيدهـ** · 22-04-2017, 08:29 PM

رد: ✒ .. خآصرة حرف رمآدية

الله خلقنا في الحياة كلن له استقلاليته وشخصيته ما خلقنا توابع أبدا
استغرب من وجود نوعيات تبي تربية عيالها copy منها .. بدون
ما يرجعون لمواهب الشخص أو قدراته وصفاته الشخصيه يعني ..
هل ينفع له هالمسار أو لا .. أسس التربية معروفة لكن لا تخلط
مابينها وما بين تكوين شخصية الطفل .. خل للطفل مساحه يختار
أشياءه وكون فقط موجه ومستشار لا تفرض شي بأسلوب لأن أنا
أبوك أو أمك فلازم يصير كذا .. هنا راح توجهه لمسار آخر مرا مب
تمام .. اللين زين ولو تنزل عقليتك في النقاش لعقليتهم أزين ..

حلو لما تخلي للشخص في حياتك مساحة يحس فيها بأريحية النقاش
والأخذ والعطا .. وهذا محله هنا لأنه كذا .. وهذا كذا لأن كذا ..
مب نمشي على أسلوب انا أدرى منك .. والطرف الثاني ماله دخل
بالسالفه .. وهو الأساس بالموضوع ..
سواء بالتربية أو بالتعامل مع أطراف أخرى .. حاول انك تبذر بذره
كويسه بعيالك حتى بتصرفاتك العفويه مع الغير .. لأنك راح تشوف
أثرها على نفسك وبعيالك ومن الناس .. والحياة ماتدوم لحد .. سو
شي حلو بحياتك .. للناس الأهم في حياتك ولا البقيه عابرين بخيرهم
وبشرهم مب أكثر ..

برب ،،

**تنهيدهـ** · 23-04-2017, 01:42 AM

رد: ✒ .. خآصرة حرف رمآدية

‏جايبة لك من صباح الحب "ضحكة"
.. لو اوزعها على العالم كفتهم

**تنهيدهـ** · 23-04-2017, 02:28 PM

رد: ✒ .. خآصرة حرف رمآدية

وناخذ بريك قوي من المواعيد والقلق ونلتفت لكم هنا زي الناس ..
والله اني اطلع من مواضيع الزواج والحب وترجعوني بمغرياتكم ..
شكلي بشتغل مشرفة اجتماعيه واخذ دراهم على تشغيل المخ
الاحترافي .. لايق لحد يقول مب لايق أبد

انت عندك زوجه ليش تدور ع غيرها
يعبر لها عن مشكلته ويقول لها عن الشي الفاقده
يروح يدور غيرها ويظلم زوجته
لو حكى لها بتكون متفهمه وتنتبه له اكثر من قبل

ملكه بشموخي .. كلامها حلو بس يدوخ مممرا .. هنا معك بهالجزئيه
وهالرساله اللي موجهتها للجزء العقلاني من النوادر اللي يتفاهمون
حبتين .. لكن ونفتح عيوننا هنا شوي لو سمحتو ..
الشخصيات أنواع من الجنسين .. ومثل ما حشينا في اخوانا الحلوين
قبل كم شهر ومثل كل مره استثني استثناءات تستحق انها تصنف
كحالات متفشيه هالفترة ..
فيه زوجات اذا مسكتهم على جنب وقلت لهم كذا وكذا واعطيتها ملاحظات
تجتهد للتعديل وتحس انك مب محتاج حتى تكرر كلامك علشان تنتبه
أو تذكر اخطاءها اللي نبهتها عليها ..

وفيه زوجات لو تحكي لها من اليوم لين يوم الدين ما تفكر ترفع عينها
وتطالع فيك وتقول لك وش تقول من باب الاهتمام بكلامك يعني ..
ماشين على نظام انا كذا أعجبتك كويس .. ما اعجبتك هذا الموجود عاد
ونفس الشي فيه من هالنوع رجال ولايقصرون يحسسونك انهم آخر
حبه مممرا

وفيه نوع تقول تزوج وش اسوي لك يعني على الأقل افتك منك يوم
تجي وحده تقاسمني مصيبتي وبدعي لها بعد

الناس انواع .. اللوم فقط على اللي حياته كويسه ويلعب ببنات الناس
بدون هدف .. ولا الزواج مشروع للكل اذا كان قادر على العدل وافتقد
أمور وكذا .. بس اللي يتزوج وحده مثلي وش يبي بالباقي هذا يستاهل
الإعدام كل يوم نقطع له عضو بروقان كذا قدام عينه << ياتنهيده ازعجتينا
بك مممرا شنو هذا بس

المهم ولا لكم بالطويله .. الموضوع هذا لو بنفصل فيه نبي نفتحه بقسم
الحوار ونشوف وجهات نظركم بشكل أوسع ومنها نتعرف عليكم وكذا

مدري تصملون على النقاش ولا تصيرون مثل بعض الفرق تهايط اول
الدوري بعدين خلت فريق الواسطة ينفرد به لا أبو الكوره وسنينها
قلعتن تقلعهم << زعلانه مممرا

برب ،،

**تنهيدهـ** · 24-04-2017, 10:29 AM

رد: ✒ .. خآصرة حرف رمآدية

علاقاتنا في الحياة ومدى نجاحها أو فشلها .. تعطينا نبذه مختصرة عن
شخصياتنا هل هي مؤهلة لأن تكون شخصيات مؤثرة بشكل إيجابي أو
لا .. انا اعتبر منتدى عبير اسرتي الإلكترونية .. فيها جميع انواع
الشخصيات .. محب وكاره واللي مايعجبه أسلوبي واللي واقف على
الحرف وووو .. وقياسا على الأسر الواقعيه نجد أنه نفس الأمر موجود
الاختلاف وارد في النطاقين وعادي .. لكن في الأسره الواقعيه كل
الخلافات بساطها الحب .. ممكن تصير خلافات كبيرة لكن أدنى شي
يضرك يضرهم بشكل أولي وممكن يحرقهم أكثر ..

في أي خلاف ممكن يصير تبين تربية الشخص من تصرفاته
وألفاظه المنتقاة .. التهجم بأسلوب غير لائق والمطالبه بالنقاشات
على هذا الأسلوب ومعه كمية احترام شي لايقبله العقل لكن تقبله
تربية الطرف الآخر .. انأ مرت علي نوعيات من الناس سبحان الله
الأسلوب هذا ماله حس عندهم تدوره ما تلاقيه .. تجاوز يخليك
تقول الحمدلله بس على نعمة اللباقة والصبر والسماحه اللي بي ..
لما تكون شخص صاحب أسلوب نقاشي لطيف ولين الجانب وعندك
أسلوب احتواء لبق .. لو تكون غلطان وتتعامل به .. تلقى له صدى
وتقبل عجيب .. لكن حتى هالشي رزق من الله .. إنك لاتهدي من
أحببت ..

نقطة أخيرة أحب أنوه عليها .. اللي هي لو نستوعب اننا بس ما نعرف
بعض واقعيا ونفكر في سبب الخلافات مع شخصيات وهميه غالبا نلقى
إن الفضاوه والفضول سبب رئيسي .. لاتفرغ طاقاتك السلبيه على
شخص ربما عنده أسلوب يحشرك فيه بطريقة احترافيه .. إذا ماعندك
ماده حلوه ولطيفة وخفيفة تقدمها بأسلوب يناسب جميع العقليات أو
انشغل في واقعك أصرف لك .. وفيه دورات تطوير ذات تقدر تاخذها
عن طريق الإنترنت .. تطور منك ومن مهاراتك .. أفضل لك من تتبع
عورات الناس وخصوصياتهم .. هه شدخلك فيهم !!
ولا اعتياد على أسلوب ترى فلانه سوت كذا وقالت كذا وحطت هنا
عيب والله عيب .. خلاص شي مالك فيه لا تحشر نفسك فيه وانتهى
وش ذا الفضول ياربي ..

رسالةة خاصة :

مآفيه شي يسوءنا بالخفا ويمر بس حنا نحب نتغافل مب أكثر ..

**تنهيدهـ** · 24-04-2017, 11:35 AM

رد: ✒ .. خآصرة حرف رمآدية

نظام اللقاء اللي بملتقى الأعضاء تقدر تشارك في كل قسم بأسئلتك
عادي لأن مقسمين اللقاء ثلاث أقسام .. الأول رسمي .. الثاني
أقل رسميه .. الثالث أسئلة ميانه ..
شكرا لكم على كلماتكم الجميلة اللي تنم عن جمال قلوبكم .. ربي
يسعدككم جميعا ..

هنا الرابط للي مايدرون وش السالفة ..

تنـهيـدة بـدء في زاويـة التـدويـن .. " لقـاء مـع مـدون " - منتديات عبير

https://v.3bir.net/367706/

سـلام مـن الله يـحف قـلوبـكم المـترنمـة بذكره دهـرا وأبـدا ،، على أرض العبـير تقطن أرواح تنـثر من جمـالها الأخـاذ في زاويـتنا كل يـوم .. تـتـنهـد بحـب بابتسـامة خافـته وأخرى يكتنفها الوجـع .. أرواح كـالورد .. أنـيقة .. مبـدعه .. ذات شـذا يفـوح عبـقه الدافـئ في أرجـاء المـكان .. دعونا نسـتهل نسـمات الصيـف

**تنهيدهـ** · 24-04-2017, 11:55 AM

رد: ✒ .. خآصرة حرف رمآدية

صراحات تفتح النفس

اللي يعرفك ويتعمق بداخلك .. صعب يتخلى عنك.. تمتلكي إسلوب آسر... يخاطب الروح من الداخل.. ماأجممل الحديث معك.. فهي نعمة تستحق الشكر...

ثلاثون عاما اختصرتيها بكلمات راقيه معبره دقيقه تصف حالتك ووضعك مع الحب كم انتي مميزه حين تكتين بهذه الطريقه تطويعك لقلمك شيء اراه جميلا فيك تنهيده راقت لي كثيرا تصف حالت الكثير منا في هذه الحياه التي تحكمها العادات والتقاليد بشكل كبيرا جدا تعلمنا منها ان نخرج باقل الاضرار متكلين على رب كريم معطاء باذن الله سيكتب لنا الافضل مهما حدث شكرا لانك لم تهملي بعضا من اقتراحاتي وعدتي تكتبين الخواطر بهذا الجمال نتتظر الان قليلا من بوح شعرك اشتنقنا كثيرا له

اممم والله ياخي احترت وش اقول معرفش امدح والله.. بصي انا بحبك وبس هههههههه لا والله خلاص اخر مره بجلس عاقله وتكلم جد فيك اشياء كثير تعجبني انت وشهرزاد من ناحيه عمق التفكير الرسم جنون البوح العقل الرجه وه الشيء سبق وقلته لج بالسناب بس لازم هنا عشان تطلع صورتي مع الكل هههههههه شنو بعد اي الشيء الي ماحبه فيك جانب السخرية بالكلام وخص نص الفيس ذاك ابو نص عين مغمص عرفتيه لعاد أشوفك حاطته بالسناب هههههههههههههههههه وبس احبج وراضيه فيج بعقلك وبنصه بعد ها لحين تستلميني تعليق ههههههههههه اي لف يا بيب كنت هنا

السلام عليكم ... انت رائعة للحد الذي يجعل من كل قارئ أن ينحني تلقائيا أمام سعة ثقافتك و حسن خلقك .. ما شاء الله و تبارك الله يا أختي ربي يحفظك من كل مكروه .. دمتي فخرا لهذا المنتدى ل ننهل من عبق أحرفك السامية كل معاني و مبادئ الاخلاق الفاضلة .. استمري في ألقك و أبقي على طلاقة وجهك و فكرك الملائكي الذي لا يعكس سوى حسن تعاملك ولباقة تربيتك .. صدقا تستاهلين الكثير من التعابير التي تليق بمقامك الكريم و هذا أقل ما يمكنني أن أجود به ك صريح العبارات من منطلق و منتهى الصراحة .. مع أطيب الأمنيات بالتوفيق و النجاح بحياتك .. ربي يسعدك بالدارين

شخصيتك جدا جميلة ، مبدعة في الكثير من الأمور ، ثقتك بنفسك تجذب الكثير حولك ، عسى ربي يحقق كل أمانيك ويرزقك بالزوج الصالح الي ما ينسيك آل عبير ويصير هو الي يقولك يلا يا تنهيده روحي اكتبي في مدونتك :) أحبك جميلتي ، احزري يلا من أنا

لجميلات لا تلقي عليهم تحية صباح الخير ، وجوههم دائما مضيئة .. ‏خير تحيه لها .. ‏صباحي أشراقك ..!'

اسعد الله صباحك وطاب يومك ,,,الله يحقق لك مناك ويخلي لك اهلك الله يرزقهم الجنه ع البنوته الجميله واللطيفه اعتراف صغينون يشهد الله اني احب تواجدك واقرآ مدونتك من خربشات وبوحات ونقاشات وهبالج والف الحمدلله ع تواجدك بينا وصار لي فرصه الحق عليك

نعود بعد فتره متابعه صامته لطرحك الراقي لكتاباتك المتميزه لابداع المتواصل لجهدك الواضح للكل اهنيك على تلكم المشاركات ومازلنا نرغب ونامل في المزيد منها لانك بكل بساطه تستطيعين المواصله والتالق والابداع فقط دعي الالتفات لتوافه الامور لمن يريدون فقط ايذاء ابداعك واصلي ما بداتي واكملي مشوارك في طرحك فائده استفيد ويستفيد منها الكثير طريقتك في الكتابه ووضع الفرضيات والحلول قمه في الابداع الكتابي في الوعي لما حولك ولما ينبغي علينا التعلم منه مازلتي تتمسكين بصداره المبدعين في عبير نطمع في المزيد ونامل الافضل وانتي اهلا لذلك باقتدار

مساء الخير ... شكرا لتشريفي في الصراحة .. الله يوفقك بما يسرك يارب

نعلق بعدين .. برب ،،

**تنهيدهـ** · 25-04-2017, 07:13 AM

رد: ✒ .. خآصرة حرف رمآدية

أحب الناس اللي عندها أسلوب حلو وتمتلك روح ابتكارية لأي سوء
تلمسه منك .. وتطرح حلول بشكل مميز ولبق يعني .. صدقا أنا
أشعر إني محاطه بأشخاص ايجابيين جميلين حتى لو كان الأصدق
منهم خمسه أشخاص فقط وان زادو فهم سته مب أكثر ..
أنا أول ما فتحت الصراحه كانت بس سلبيات .. يعني ياليت الواحد
يجي يقول انت فيك كذا .. لا .. يسبك على طول

خير وش
السالفة أبد ماعندك علم ..
بس الحمدلله مب النوع اللي أفكر بهالأمور .. تمر علي واطنشها
لو أحد يعني يجي ويقول لي سلبياتي كنقاط ماعندي مشكله لكن
تطرح لي ظنونك وشكوكك بي وتبيني اتقبلها وين المنطق بس ..
ماعلينا كل واحد يصلح سيارته .. ونتمنى التغير للأفضل بإذن الله

ياحبي لكم والله توي ادري انكم كذا تحبوني .. بعض الصراحات وانا
اقراها أخمن الشخص والأسلوب .. وابتسم .. يعني مثل ملكه
بشموخي يوم كتبت لي في الصراحه رقم 3 من تحت .. يعني
عدو بالمقلوب .. ياخي ممرا انبسطت رغم أني أمدح نفسي دايما
بس شعور حلو أحد توه يتعمق بك ويستنتج أشياء حلوة عنك ..
تصدقون شهرزاد من يوم عرفتها ما اهدتني عيب واحد حتى .. تحب
تشوفني شايفه نفسي

جايه على مودها هههههههه ..

لحظه في صراحه بوريكم اياها بدون تعليق .. بس بحط فيس يعبر ..

ليه الجنوبيات غير انت جميله ولكنك منافقه بعض الاوقات عندك عنصريه لصديقاتك تعطيهم التقيمات دون مجهود لهم يذكر بالمنتدى تحبين وقلبك شغوف ولكنك ترتدين ثوب الرزانه قدام الي يحبون تعلقين وتستهزئين فيهم وتنسين روحك وانك مجنونه بالحب اكثر منهم . وبنهاية صراحتي تمتلكين سوء ظن بكل الي حواليك ولو انك تكتبين عكس كذا . وبتبقي جميله .

كيف بس جابتها صح

**تنهيدهـ** · 25-04-2017, 05:28 PM

رد: ✒ .. خآصرة حرف رمآدية

‏إذا قطعت علاقتك بشخص ، اقطع لسانك عنه ..

**تنهيدهـ** · 26-04-2017, 09:14 AM

رد: ✒ .. خآصرة حرف رمآدية

صباحكم مزاج وحده نامت بالليل وقامت الصبح رايقه .. وودها تزرع
في قلوبكم ورد بالدور

.. الحياة حلوة بس تحتاج شوية تغافل
وحب نوزعه على صباحات الناس الحلوين مثلكم يعني ..

ماعلينا ،، ودي احكي بآخر رد بالصفحه عن فقرة مهمه يتجاهلها الكثير
وربما انه يمارسها دائما بشكل يخليه يشوف إن هالأمر طبيعي ..

إذا قطعت علاقتك بشخص ، اقطع لسانك عنه ..

البعض سبحان الله لما تنتهي علاقته مع شخص .. وربما يجد منه جانب
سيء .. كل ما قابل شخص يعرف هذا الشخص يذم فيه .. يجحفه
حق أيام الصحبة الماضية .. والمعرفة اللي كانت جميلة ثم ساءت أو
صارت بارده بسبب عوامل خارجه عن الإرادة ربما ..
طيب ليه !! ما تحس نفسك سخيف وانت تبرر لنفسك سبب قدحك
في شخص بدون وجه حق .. وتحط سوءه هو السبب الأول والأخير
لهالغيبه !!

انا عن نفسي هالنوعية بالذات ما اسامحها ولا اعذرها أبدا على سوء
نسبته لي .. أو سر أفشته عني .. مش حقدا لا والله .. لكن لما
تشعر أنك شخص ما عرفت تختار صاحب يحفظك حتى عند أدنى خلاف
بينكم .. هنا تحس بمرارة الأيام اللي ضاعت في معرفته .. وش
ذنبي انه تكون لشخص مايعرفني ياخذ عني خلفيه سيئة .. ولما
يتعمق بي يسألني ليه فلان قال عنك كذا !!
هنا انت بنفسك ودك تروح وتسأله .. هل ذنبي اني اخترت غلط
أو ايش بالضبط ..؟
أحب الناس اللي بمجرد ما يصير خلاف بينكم أو تنقطع العلاقه
يحفظ لسانه عنك ..

عموما .. الحياة فيها عينات حلوة والعكس .. كل شخص يدير باله
على نفسه .. لأن مب كل أحد عنده ضمير .. بعضهم مايعرف إلا
اسمك وبايع ضميره عادي ..

وبس والله ..

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget