.. زهـايـمر حكـي .~

**تنهيدهـ** · 08-04-2018, 11:16 AM

رد: ✒ .. خآصرة حرف رمآدية

كأن الصمت كان أجمل ولكن
أنا آسف على آخر شعوري

معك أعشق تفاصيل الأماكن
وانا بلياك ما يلزم حضوري

تنهيدهـ

**تنهيدهـ** · 08-04-2018, 11:42 AM

رد: ✒ .. خآصرة حرف رمآدية

رسمتك حلم جوا الروح ساكن
وتحقق شي ماعمري رسمته

كثير اللي هزمته معك لكن
كثير اللي بدونك ما هزمته

تنهيدهـ

**تنهيدهـ** · 08-04-2018, 01:08 PM

رد: ✒ .. خآصرة حرف رمآدية

حب التملك شي مو زين ياناس
خل المشاعر تلعب الدور عنك

اللي يبيك يجيك مرهون باحساس
هايم وراضي يكون كلك ومنك

كذا كويس ولا أطول لساني واتفلسف أزين

والله وحشت
نفسي جدا وقسم :)

عاد تعليقا على قصة الأخ بن كويس .. اتذكر مره دخلت هالحالة ..
وعاد تعرفون الجوزائيات لا بدت تعاتب تكتب معروض وش
طوله تقل فيه شي مهم .. المشكلة انه كله جزء من اللاحيلة
كلام كثير بليا هدف .. وصف مشاعر وأحاسيس بريئه جدا
بس جايه بكمية بثارة هههههههههه ..
تعرفون شعور لما تحس نفسك حلو في البيت ولما تطلع برا
تصير أشهب ههههههههه شعور يبكي ..
نفسه بالضبط لما كنت أعاتب احس الكلام مرا واو واذا راح
ولا بعد فترة احس نفسي مرا سخيفة وأقول خير من ذي ..
وامسح الرسايل علشان الماضي الأسود ما يقتل كبريائي ..
المشكله مو هنا .. المشكلة اني من بكرا انسى اني كنت بثرة
واعيد نفس الموقف واحس بنفس الإحساس وهكذا ..
هالشي يرجع لأني أحب أعبر ولا اترك بخاطري شي ..
واحسب الناس مثلي تتقبل وتحب تقرا التفاصيل وتقراني
داخلها .. وتحس بكمية الحب اللي حاولت أوصله بس
كانت الطريقة غلط .. والاسلوب مش مناسب لشخصية انسانه
مثلي ..
والمصيبة لما تكتشف بالنهاية انك عنيت نفسك عبث .. لاهو
يستاهل جهدك ولا يستاهل انك تكون إنسان صغير بعين
نفسك لفترة ..

بس بعدين جربت شعور لما يبثرك شخص بعتب .. يلعنم
الاحساس بييييييض من جد .. وعقبها غيرت من نفسي
م تسوى علي تنكسر أحاسيسي >> من زينها عاد

حلو لما يكون الشخص لك بس مو بالتملك .. بالرضا الداخلي
بالقتاعة .. انك رغم كل عيوبك وسيئاتك .. شخص جميل في
داخل شخص ما .. ومستحيل تتكرر ...

...

**تنهيدهـ** · 08-04-2018, 02:09 PM

رد: ✒ .. خآصرة حرف رمآدية

أيامنا كانت معاهم سريعه
مدري عليهم او عليها نتأسف

واحساسي اللي كنت اعشق ربيعه
مع الغياب اليوم اصبح مجفف

ردات فعلي حيل صارت مريعه
عن العشق بالحيل صرت آاااتعفف

واللي احبه غصب عني أبيعه
من قبل أعيش احساس معه آااتحسف

انا كذا طحت بغرام الطبيعه
ماعاد ودي بالغرام آااتكلف

تنهيدهـ

**تنهيدهـ** · 11-04-2018, 01:18 PM

رد: ✒ .. خآصرة حرف رمآدية

انت اول من عشقته والاخير
قدرك بقلبي أبد ما تجهله

لكن اللي ما فهمته والكثير
من يشاركني بقلبك اقتله

امزح امزح من زينك انت وياها

**تنهيدهـ** · 13-04-2018, 12:35 AM

رد: ✒ .. خآصرة حرف رمآدية

حلو إنه الواحد يعطي ولا ينتظر شكر الناس .. أو ردود
أفعالهم تجاه اللي سواه لهم .. أو تجاه مشاعرهم ..
لكن بالنهاية الواحد لا ينسى نفسه .. ولايصغرها أو يهمشها
لأن النتيجة .. الناس م يعجبها شي .. فالأهم في هذا كله
انك تكون معجب بنفسك وكبير جدا وفخور فيها وفي
اخفاقاتك اللي تعلمت منها واججد
يعني كرامتك وشخصك فوق كل شي .. لاتسمح لأحد انه
يعتبرك شخص ساذج .. لأن ماودك تفشله ..
ولا تسمح لأي شخص يرفع قدره عندك فوق قدر نفسك ..
اعطي نفسك حقها .. علشان م تصل لمرحلة الاحتراق الذاتي ..
وتخف ثقتك بنفسك ..

أكثر شي صرت أدوره في الفترة الأخيرة راحة بالي.. الهدوء ..
السلام .. ماعدت اتحمل سخافات احد او ذباته اللي تعبر
عن شي حقيقي داخله بس يعنني امزح ..
ماعدت اقدر ادمح زلاتهم المتكرره .. ولا أتقبل تبريراتهم
السامجه .. ولا احتفظ بهم اصلا ..
ودي احتفظ بنفسي وبس .. لا اكثر ولا اقل ..
ودي أعيش حياة سعيدة حتى لو باقي منها يوم واحد ..
حياة رأي الناس بعيد عنها .. وعاداتهم وتقاليدهم ..
لأني م عدت ادور رضا أحد نهائيا ..

حياة بدون وصي على تصرفاتي ..

**تنهيدهـ** · 15-04-2018, 08:42 AM

رد: ✒ .. خآصرة حرف رمآدية

لو كنت تعشقني بتحسب لي حساب
واعيش معك العمر كله أميره

بس الغياب اللي تغيبه بلا اسباب
ماعاد يشفع لك بفرصه أخيره

تنهيده

**تنهيدهـ** · 15-04-2018, 02:58 PM

رد: ✒ .. خآصرة حرف رمآدية

‏

‏الكلمات قد تكذب ، لكن التصرفات دائما تقول الحقيقه ... شكرا لـ المواقف التى تظهر لنا حقائق البشر.!

**تنهيدهـ** · 17-04-2018, 12:01 AM

رد: ✒ .. خآصرة حرف رمآدية

‏هل كان بإمكاننا أن نتشارك أمنيات أقل تعقيدا من أن لا نفترق في منتصف الطريق؟
وأننا سنعتني بهذا الحب فلا يستحيل آسنا؟ وأن الشجار بيننا لن يكسر شيئا ..
وأن الغيرة لن تتحول إلى شك مسنن .. وأن التنازلات لن تغدو على النفس ثقيلة؟

**تنهيدهـ** · 17-04-2018, 08:58 AM

رد: ✒ .. خآصرة حرف رمآدية

صباح الخير ..

لاحظت اني من تالي صايرة ماشية ع نظام .. جد - احلفي - بلوك ..
م نيب اتحمل مزاج أحد ولا ذباته الخايسة .. يعني كمثال
بسيط .. طلب مني اني اكتب كم بيت لشخصين ..
وكلها تحمل المدح .. وانا ولاعمري كتبت في هالنوع لأني ما
احبه .. ولا احب الكتابة فيه .. ولا احب أمجد أحد وأبني
له قصور من المحامد وانا ما اعرفه ..
المهم .. كتبت .. والاولى كانت صاحبها جميل ولبق جدا ..
وأسلوبه خلاني اخجل اني ما اتقنت كتابتها ..
رغم انه من اقرب الأقرباء ..

اما الثاني .. فكان رده .. اصبري أتأكد انها لك أو لا !!!
تعرفون شعور اللي كان ودي اسوي لها ديليت ولا ياصله
حرف .. وانشرها في كل مكان ب اسمي ..
بس بنفس الوقت تعرفون لما تحمل شعور انت كبير جوا عين
نفسك .. ولا تحب تكون صغير في يوم ما علشان توافه مثل
هذي ..
علاوة على اني كنت مضغوطة ضغط مو طبيعي .. وبموت
نوم .. ويوم سمعت الحكي طار نومي ..
وعاد انا شوي طبعي حار .. اذا انقهرت تجيني رجفة اللي
متحسفة على اهتمامي وحسن تربيتي مع البعض ..

بالنهاية اكتشفت انه بعض الناس ما تستاهل الاهتمام ..
ولا الحب .. ولا حسن التربية .. ولا حتى انها تكون في
قائمة الأشخاص اللي عرفتهم في حياتك ..

ما اقول لكم اني ماعمري كنت سيئة .. بس ما استمر سوئي
معي الى الان .. ولا رضيت انه يستمر ..
اصعب شي انك تكون سيء علشان تكبر نفسك في عين احد..

كون انت .. واللي يبي يتشرف بمعرفتك .. يعرفك مثل
ما انت .. غير كذا لا ..

وبس ..

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget