تويت
رد: ✒ .. خآصرة حرف رمآدية
أيها الصامتون غيضا .. أعلم أني أبهركم بالخفاء
أيها الصامتون غيضا .. أعلم أني أبهركم بالخفاء
-
-
رد: ✒ .. خآصرة حرف رمآدية
انا انتهز هذا الوقت وانشغالك عني .. فأسرق قلبك وأراك تبحث عنه
وانكر أنني أخبؤه داخل صدري ... وابتسم
تعليق
-
رد: ✒ .. خآصرة حرف رمآدية
كمية شغف للشعر هالصبح مش معقولة .. أي والله ودي أتزوج شاعر
مرهف المحاسيس وقلبه خضر .. لاتلوموني لا قلت ابي شايب لأن
جد والله فيهم براءة عظيمة .. ممكن نظرتي ما تشمل الكل .. لكن
كل الشعار اللي مريت بهم أحس فيهم عذوبة .. ياويلي ويلاه اي والله
بس مب مثل عذوبة البنات طبعا .. ولما اقول كذا استثني نفسي من
بين البنات لأني شويعره على قد جهدي في التلذذ بالشعر ..
انا بالنسبة لي ما أشوفه يشكل لي إدمان لا هو ولا الرسم .. بشكل عام
القراءة في الكتب والنصوص النثرية أقرب لي وأحس اني استعذبها
على الدوام ..
بس اليوم بالنسبة لي صباحي شعر ومودي اقرأ ما أسمع .. لأن اللذه
بتطلع من عيوني ويدي .. والإحساس عندي عالي جدا .. لحد يتحرش
ممرا ويفتح لنا سواليف اجتماعيه .. خلونا مع نفركويس في الحب وكذا
يعني .. جاي على المود << راجعي صفحتك اللي قبل يوم تحشين فيه
المهم يا جماعه والله اني صرت مممرا ابحل بالتدوين .. مدري وش اكتب
الناس هبت فيني .. متفلسفه ومنتقده ولاتصيرين مثلهم خلك حلوة
وظريفه ومن هالكلام يعني .. وأنا ادري عن نفسي ظريفة مممرا بس
التواضع ذابحني وما أبين كمية الثقة اللي ربي زارعها فيني الله يعطيكم
كثرها وزود بس على سنع طبعا
ومن هذا المنبر ودي اقول الشرهه على اللي قالت لكم اقترحوا لي اسم
استضيفه .. أحد ودكم اني ابثره بالاستضافة .. للآن ماجاني ولا اسم
طيب لا تستحون قولوا انتي مثلا هه قلت البنات يعني .. تراي أحب نظام
وأمرهم شورى بينهم بس مب دايم .. لذا استغلوني لما أصير طيبه
وحلوة ونفسي طايرة بالسما من الروقان ..
وعلى فكرة .. الحب حلو بس بلطافة .. الدعوا مب قنص .. ووالله
لاجيب راس فلان بس كذا لأنه صعب .. وعقب تقول بس حبيت اعلمك
انك خفيف مممرا ..
ادري اني طلعت برا السالفة الأساسيه بس كذا جات في بالي وحبيت
أنوه عليها .. ترى قلوب الناس مش مصعد حكومي ترقى وتنزل على
كيفك وإذا علق مسكت أقرب سلم منحاش .. مالت عليك وعلى اللي
علمك تحب ..
المهم اقترحوا لي اسم قبل ما أقرر استضيف واخلي الاستضافة مغلقه
وأسأل لحالي وازعلكم مممرا :)
برب ،،
التعديل الأخير تم بواسطة تنهيدهـ; 11-05-2017, 10:21 AM.تعليق
-
رد: ✒ .. خآصرة حرف رمآدية
خن نقول شي سعنون ممرا ../
كل العلاقات العاطفية التي انتهت في وقت مبكر كانت تشترط
شروطا في الجسد لا الروح ..
التعديل الأخير تم بواسطة تنهيدهـ; 12-05-2017, 06:31 AM.تعليق
-
رد: ✒ .. خآصرة حرف رمآدية
شعور الاعتياد وارد في أي علاقة حياتية إذا تطور يصبح عباره عن ملل
مثلا تعتاد على أخوك أختك أطفالك زوجتك أو شخص تحبه وتعامله
بتعامل يميل إلى الجفاف .. خلاص لأنك اعتدت .. تبي
شخص يلفت انتباهك أو ملهيات ثانيه تروي شغفك الحياتي ..
ما أخفيكم إن هالشعور عندي أيضا .. لكن ولا مره سمحت له
يتغلب علي .. دائما أغمض عيني وأتخيل الحياة بدون فلانه وفلان
من الناس .. حتى لو كان فيه نسبة أذى منهم أحب يكون مابيننا
شي يتجدد وأحرص إني أجدد مشاعري بهالطريقه .. وابتكر طرق احسس
اللي حولي بأهميتهم .. تختلف ردود الأفعال أكيد .. ولا حنا من النوع
الساذج اللي يرتضي لنفسه إنه يكون مايشاف في عيون فلان من الناس وباقي
يبادر .. أنت جميل لكن يحق لك المغادرة في أي وقت تشعر فيه إنك كمالة عدد
أو اسبير ..
أنا لما أشعر بنفور من البعض أكون كارهه تصرفه لكني أحب شخصه ..
وأحمي نفسي بالمسافه اللي أخلقها ما بيننا .. وهذا أبسط حق لي في هالمكان
أولا .. وباقي الزوايا لاحقا ..
حقيقة الأشخاص اللي اعتدنا عليهم نحبهم لكننا أشبعنا فضولنا وتعمقنا فيهم
وصار تعامل البعض بجفاف يخدش بقايا كل جميل في اللي حوله ..
بتغادر يوما ما لامحالة .. هل تضمن إنك ما آذيت أبدا .. وهل تضمن
إنك كنت جميل إلى ما لا نهاية ..
في نطاق بيتنا أعترف إني أتغافل وأسوي نفسي ما أفهم وأسامح لدرجه يشوفونها
خواتي من باب إني أهضم حق نفسي .. لدرجة إنهم يقولون ليه شايفيني تنهيده
أسكت وأتغابى ..
لكن لو طابت نفسي أو وصلت حدي أقلب إنسانه كأني ما أشوفك أو أعرفك
رسميه جدا وسطحيه .. وهذي عند أقوى الإساءات .. ويبقى الاحترام سيد الموقف ..
وربما صارت بيني وبين البعض هنا ..
لكني متـأكدة 200 بالمية أني لو افقد بضم الألف .. راح يكون الأثر متعب ..
والفقد هنا بلا رجعه ..
ولأني دائمة المحاسبة لنفسي ولأني افتقد إنسانه عظيمه جدا .. كنت أشوفها عاديه ..
أتمنى تتخلصون من شعور الاعتياد العميق جدا ..
قولوا لهم الكلام الحلو المركون دواخلكم .. وسووا الأشياء اللي تبسطهم
ومأخرينها بلا سبب .. تقدموا خطوات قدام تقربكم من اللي تحبون ..
الحياة ما تنتظر مبادرة أحد وتوقف ..
الشماعات اللي معلقين فيها أحلامكم .. وحياتكم .. حبكم .. وطموحاتكم ..
أزيلوها .. وكونوا قد اختياراتتكم .. وإن كانت بعض الخيارات تعيبكم ..
لكنها تسليكم .. ربما تكون سبب في حرقة قلوبكم يوم من الأيام ..
أطلقوها للي يشوف العيب كمال .. كثير ناس القناعه في قلوبهم هي الأولى ..
وكثير ناس تعيش مع الماضي بشكل يجحف نفسها حقها ..
لأنها بس مش مقتنعه باللي تملكه ..
صدى :
المعاق واللقيط وكبير السن والعقيم وكل من يفتقد شيء كملنا الله به ..
لهم قلوب ومشاعر تستحق الالتفات .. ومب محتاجين حب الشفقه اللي
يتمنن به البعض ... حبهم بقناعه أولا تقربهم ..
التعديل الأخير تم بواسطة تنهيدهـ; 12-05-2017, 06:29 AM.تعليق
-
رد: ✒ .. خآصرة حرف رمآدية
تحبيني واشوف الكون بعيونك !!
واحبك حيل في أي الأماكن كنت ..
يعذبك الشعور الذابل بكونك ..؟!
وماضي الحب ما أنصف مشاعر بنت !!
بوح ،،
تعليق
-
رد: ✒ .. خآصرة حرف رمآدية
من حقك أفتقدك .. ومن حقك أشتاق
ومن حقي ... أقدر شعوري وأقوله !
واللي وهبك من الرجوله والأخلاق
أني ما أحب الا أنت : خلق ورجوله
التعديل الأخير تم بواسطة تنهيدهـ; 13-05-2017, 03:24 AM.تعليق
-
رد: ✒ .. خآصرة حرف رمآدية
خسارة البعض مكسب بالنسبة لنا أحيانا .. أي شخص تحس من ناحيته
إنه مب واثق بك اسحب نفسك على طول .. وش له تطولها وتزيد من
فترة اليع عندك .. لا مكسب مادي ولا معنوي .. شتبي به !!
أساسا بعد 4 شهور من معرفتك بشخص تعرف معدنه الصح .. هذا
إذا كان ملازم لك .. وتعرف أهدافه .. إذا ماله هدف تطوير أو الانتقال
بالمرحلة إلى أخرى ..
بالفترة الماضية والحالية اللي ما زلت فيها مشغوله بنفسي .. مرت
علي نماذج أعوذ بالله منها .. ونماذج عرفت إنها من توابع المسار المؤقت
وانصدمت بعبارات من البعض .. وعادي !
أخذت منها دروس حلوة .. الله يحلي أيامكم .. لكن كان أسلوبي الأول
والأخير اقفل على مواضيع الناس وكأني ما سمعتها ..
جدا محتاجين ثقافة .. انتهت علاقتك بي .. انتهت سيرتك معك ..
بلاش يعرف عنها فلان وفلنتان من الناس .. وبلاش الأساليب الملتوية
في طريقة البث .. مش لايق بنا هالشي والله .. وشدعوا ..
وبعضهم يمسكها على هيئة تهديد .. نعم !! شهالحركات اللي مرا لأ
الارتقاء بالنفس عن سفاسف الأمور والأشخاص .. حق واجب على
كل نفس تهمها كرامتها أولا واخرا ..
واللي يحاول يتطاول حق وواجب إكرامه .. ولا أظن إن اللي بيتطاول
صاحب عقل ومنطق .. لأن ياويله مممرا .. مب من الشخص .. لأ ..
من مردود تصرفاته لأن الجزاء من جنس العمل .. وكلن بنفسه أبخص ..
خلاصة كل هذا ..
مهما كانت علاقتك بالشخص صداقة حب زمالة .. أي شي .. بما انه وثق
فيك خلك قد الثقه وكون انسان بس .. ولا الأشياء الثانيه موجودة بالكائنات
الأخرى بشكل أجمل ..
تعليق
-
رد: ✒ .. خآصرة حرف رمآدية
تنهيدة تبي شايب وشاعر ورومنسي
ياخي ارسلت قبل فترة صورة عريس لؤطه
كل مواصفاتك فيه وكمان عنده فتحة في السقف
المهم شيلي شرط شاعر وبنشوف لك شايب مجدد ومفحوص وضمان 5 سنوات
هذا كهل يمه مب شايب ..
بس لو اتزوجه ارجع وجهه بيبي فيس .. واعطيه طاقه إيجابية
حلوه .. مفعول الجنوبيات ساحر والنماذج في الجزيرة العربية ..
تتكلم مافي داعي أمدحنا
برب ،،
تعليق
-
رد: ✒ .. خآصرة حرف رمآدية
من جدهم ذولا مسكوا علي البيتين اللي قلتها بالشياب وخلوهم عرسان
لي .. شدعوا .. ترى مايعيب << بتقلبها جد وتزعل لا من جد انا
لما أتكلم عن هالفئة يزعلني شي واحد .. هو زواجهم في عمر متقدم
بشخص يصغرهم بالسن .. وتكون نهايتهم تزعل ممممرا .. ليه طيب
وش سووا علشان تنتهي حياتهم بطريقة مؤسفة .. يعني هذا الشي
اللي يخليني أقدس الشياب جدا .. بكرا اذا تزوجت بيغار بعلي من أبوه
بس مشكلته يدبر نفسه عاد أنا هذي طبيعتي
المهم يعني من جد والله هذا السبب الوحيد لاغير << شفيك خايفه منهم ممرا ترى عادي
الزبدة لحد يحتك أنا شروطي واضحه وصريحه .. والشايب اللي فوق
لايمت للشروط بصله << لا ثومه هه هه هه ظريفه الله يسعدك
ماعلينا .. ودي ألفت النظر لشي واحد .. أيا كان الشخص اللي بيشاركك
حياتك ترى بتنسأل عنه .. في تعاملك ونياتك تجاهه .. ولابه أحد مخلد
على وجه الأرض .. والله لافلوس الدنيا ولا الناس اللي تعزز على خطا
بتنفعك .. ماينفعك إلا نفسك وقناعاتك الحلوة ..
عاد كلن وضميره في تعامله مع الشخص اللي تحت يده ويرعاه ولما
أقول تحت يده وأقصد بها الرجل فهو أكيد اللي ماله حيله على تسلط
وحده توها بعمر صغير وتقدر تكسره .. والعكس يعني .. مع إن
بعض الرجال يستقوي بطريقة جدا تقهر ويتبع عادات مجتمعية سيئة
لكن نقول للجميع .. الله فوق الجميع ولكل امرئ ما اكتسب من
الإثم ..
وبس والله ..
التعديل الأخير تم بواسطة تنهيدهـ; 15-05-2017, 07:29 PM.تعليق
تعليق