.. زهـايـمر حكـي .~

**تنهيدهـ** · 04-05-2017, 11:00 AM

رد: ✒ .. خآصرة حرف رمآدية

أمنية الصباح ..~
‏
ياليت الشمس تشرق في صدور الناس
عشان الصبح .. / ينبت بالقلوب السود

**تنهيدهـ** · 05-05-2017, 12:37 PM

رد: ✒ .. خآصرة حرف رمآدية

للآن عاجزة عن تفسير موت الضمير اللي عند بعض البنات .. والله انه
يزيد وزني شوي وتطلع لي خدود .. أركض ادور الحديد وينه

وأترك السكر مممرا والأكل الدسم .. وأنا اللي طولي سانتي وربع
يعني ومب ذاك الطول

أمس كان زواج وحده من صديقاتي ولا رحت .. انا من قبل اعرس ساحبه
عليهم هههههه علشان اهيئهم للمرحلة اللي بعدها في حال اني اعرست
يعني << خفي علينا يا آخر حبه انتي

المهم واصحى الصباح علشان أجهز للغدا بدري وتدخل علي أختها تسولف
بعتب ليه ما جيت وكذا .. قلت لها انوه وصلتكم الهديه مغلفه بحب و
مكتوب سبب تغيبي عن المناسبه .. وسلكت لخاطرها يعني والحمدلله ..

السالفة مو هنا .. المهم بالموضوع يوم جات ترسل لي فيديوهات الزفه
وصور العروس .. هو الزواج مرتب وباين متكلفين فيه .. لكن البنت
طويله وكرشه ليه كذا ليه سلامات .. أقول لها يا بنتي وش وضعكم
ليه تخلونها تاكل هههههههه من الصدمة السؤال بايخ .. قالت لا حنا
عندنا غالبا لازم تكونين مصطحه بهالشكل .. علشان تعجبينه .. انا بقلبي
اقول يع يع يع ومالت عليها انها طاوعته .. ومالت على كل بنت كرشه
لهذا السبب

يختي صحتك وشكلك أهم من نظرته اللي يغيرها بعد
شهر من زواجه .. هه متزوج كبش هو

.. عاد هي تتكلم
وترسل صور وانا سرحانه أتذكر أكبر كرشه في جماعتنا مين

عاد
لقيتها بس مبين عليها ضحية هالجيل اللي بسرعه يكبر .. بس مب
نفس اللي شفته بالصور لا والله انه أخف

أحس الوحده لازم تهتم بنفسها علشان نفسها .. انا يوم وصلت أعتاب
الثلاثين صرت اهتم أكثر من قبل .. وإن شاء الله بعد أقل من سنه
أوصل للمستوى اللي يرضيني .. صحيا وشكليا مع اني ماعلي خلاف
نوعا ما .. بس مب راضيه عن نفسي .. البعض يقول طمع وانا اشوف
اني أهملت نفسي شويتين ..
الزبدة والأهم من هذا كله .. ورسالتي الواضحه لكلا الجنسين يعني ..
الحين وراه ما ترضي نفسك وتترك عنك نظرة الطرف الثاني لك .. أوك
فيه أشياء ما تتغير آمنا بالله .. لكن فيه أشياء تقدرون تغيرونها بشكل
سريع ولله الحمد .. ولا هي ذيك اللي بتاثر على علاقتك بالطرف الثاني
وحتى لو أنكم اعرستو وانتم بهالشكل الغير مرضي .. فيه شي اسمه
تعاون ومشاركة في التغيير .. ولو مشاركة وجدانيه

عاجبك يعني عمرك 24 وبطنك طايح على فخذك !! الرياضه صحه
وطولة بال .. والأكل الصحي وش زينه .. مايمنع انك تعطين نفسك
يوم مفتوح كل أسبوع تاكلين بالخمس ولا عليك من أحد .. مب 5 أيام
تبلعين بلع مب طبيعي ويومين دايت .. لا كذا مرا لأ

خليه ينفعك كرشك لا زاغت عينه ودور وحده ناشفه وكذا ولا تحسبين
ترى كله من خططك في الإبقاء عليه داخل أسوار محميتك اللي كلها
دهون .. شدعوا بس

رسالةة خاصة :

خلك على كرشتك لين يكرشك متزوج الثانية

**تنهيدهـ** · 05-05-2017, 08:17 PM

رد: ✒ .. خآصرة حرف رمآدية

آتنهد من عتب بعض اصدقاي
ومن كثير اشيا بصدري بايته

بوح ..

**تنهيدهـ** · 05-05-2017, 08:36 PM

رد: ✒ .. خآصرة حرف رمآدية

‏ودي امشي ..
امشي ..
امشي وأتكلم للكلام اللي في راسي ..
قبل من عيني يسيل وأنهزم لا ابتل رمشي ..

**تنهيدهـ** · 06-05-2017, 11:54 AM

رد: ✒ .. خآصرة حرف رمآدية

ولكل امرئ ما أراد ،،

هذي مقولتي الدائمه في الأمور اللي يسيرها الشخص على هواه
وبإرادته .. الله خلقنا نعرف ندبر أنفسنا في كل شي .. حتى في
مشاعرنا .. مش قسوة لا والله بس أحيان الشخص تجيه حالات مهما
كان الأذى المترتب على تصرف شخص قريب منه .. يدخل نفسه في
عمقه .. أوك هذا أسلوب فلان من الناس والتقبل ضروري وضروري
جدا .. مر من جنبه بسلام ولا تحاول تلفت أبدا .. وعادي ترجع مثل
قبل وأحسن .. بدرس حلو وروح أحلى .. حتى تصير ترددات المواقف
عليك أخف وكذا ..
المهم .. ما علينا .. يمكن هذا آخر صباح أكون فاضيه فيه تقريبا لذا ما
حبيت مايكون لي بصمة في مدونتي .. وتعرفون الجوزائيين كيف اذا
انشغلوا .. لازم ينجزون بسرعة البرق .. من بكرا تبدأ عندي رحلة
المواعيد اللي أخذتها بالواسطة

يعني اجي أدخل بمزاجي .. لذا
إن شاء الله يكون الإنجاز واضح ومنتاز ..

والله اني فتحت موضوع بالنقاش وانشغلت جدا لكن لعلي ارجع وارد
عليه لاحقا .. ولحد ياخذ بخاطره يعني ملحوقه الحروف على خير ..

وبس والله ،،

**تنهيدهـ** · 06-05-2017, 08:04 PM

رد: ✒ .. خآصرة حرف رمآدية

أنا سيئة بالقدر الذي تشعر به وأكثر ،، لكني لا أرتضي كسرا لأحد أبدا ..

**تنهيدهـ** · 07-05-2017, 10:01 PM

رد: ✒ .. خآصرة حرف رمآدية

عادي إن الواحد يعترف بسوءه أوقات محد كامل ترى .. أنا سيئة جدا
لما كنت شفافة مع البعض وأسوأ لما اشوف من نفسي تصرف مش
حلو بحقي .. وأسوأ لما أكابر عن سوء نفسي واشوف نفسي على
طول حلوه ترى الوضع عادي سهالات بس حنا مغرورين مممرا

لحد يدقق ويقول نفسيه وكذا ..
وبعدين وش فيها النفسنه ترى مود مثل الفرح والحزن بس أقسى
شويتين .. وأحيانا نستاهله جد والله .. لكن حلوه دروس الحياة لما
تعلمك شلون تمشي زين ولو كانت طريقة الشرح مش ولا بد لكن
بالنهاية في هدف .. وتأكد انك تستاهله بشكل أو بآخر ..

عموما وما نطول مع فقرة السوء كثير ولا نتعمق .. لكن حلو لما
يكون اللي يهديك سوءك شخص قريب جدا لك .. ويخلي الموقف
عالق بذاكرتك كدرس .. شكرا على الصراحات بقدر جمالكم لاعدمتكم
ياررب .. حتى السيئة منها كانت لفت انتباه بغض النظر عن الأسلوب
يجي يوم ونوريكم صراحاتهم إن شاء الله .. واللي طلبوا العذر على
أشياء قالوها عني بالخفا ترى انا انسانه ما اهتم .. واعرف قدر نفسي
زين لذا لا تثريب عليك .. والله يسامحك ..
حتى انا مش من فصيلة الملائكة لي عيوبي اللي تغطيني كلي .. لكن
من الظلم انه عيب واحد يخليني اشوف نفسي ولا شي في ظل المحاسن
اللي امتلكها .. واللي يترك عشرتك علشان عيب واحد إندم على معرفته
حلاة الشخص لما يحبك بسوءك ومحاسنك ويغير فيك تغيير يصنع منك
شخص تكره نفسك بعيبك القديم .. وتطمح انك تكون أفضل مما كنت
عليه ..

صعب التغيير بالأسلوب المباشر ويمكن تنتج عنه مشاحنات انت في غنى
عنها .. على حسب الطرف الآخر يعني ..
انا عن نفسي استخدم الأسلوب الغير مباشر .. وإلى الآن في مواقف
لو أذكرها لأشخاص ما توقعو اني كنت أقصد شي معين بتصرف تصرفته
وكأنه طبيعي .. لكن طبعي اتجنب كسرة الخاطر والقوة في الحديث
بشكل يوجع .. لكني اتقبله من البعض لاني أعرف أن الأساليب تختلف
واعرف إن الأسلوب يبين مدى حرقة الشخص انك انت كذا ..

خلاصة كل هذا ../

حنا سيئين في جوانب ولكن محاسن قلوبنا ونياتنا هي اللي تشفع
لنا أولا وآخرا .. لاتندم على معرفة شخص تجاوب معك بشكل
ملفت .. ووقف معك ضد نفسه .. باختصار لأنه واعي إنه يشوبه
النقص أكيد .. وبنفس الوقت حتى وإن اهتزت بينكم العلاقة لفترة
راح ترجع أفضل مما كانت .. لأنك راح تكون مبهر بعد ما تقبلت ..
وهو راح يلاحظ سوء نفسه فيك بيوم ما ..
حلو لما تكون مراية شخص بينك وبينه ولف وعشرة ..

وبس والله .. ~

**تنهيدهـ** · 08-05-2017, 03:17 PM

رد: ✒ .. خآصرة حرف رمآدية

‏لا تقل " أحبك " الا اذا ارتفعت حرارتك
وشعرت أن كل الكلمات هذيان ..

**تنهيدهـ** · 09-05-2017, 01:44 PM

رد: ✒ .. خآصرة حرف رمآدية

المـجد للأكل ،،
والنـوم ،،
وراحـة البـال ،،
ولا الحـب .. والركض ورا الدنـيا .. ما وراه إلا نومة 15 ساعه متواصلة
يازين حياة العزابية وقسم .. تفكرين بنفسك بس .. والمكان حولك نظيف
لا بزارين ولا قل راحه .. متى ما اكلتي انتي حره ومتى ما ودك تنومين
طفي النور بس ونومي .. ولا يصحيك إلا شي عليه القيمة .. شي مهم
مايتفوت .. يعني الصلاة مثلا ..
ترى ما يعرفون قيمة كلامي إلا اللي ودهم ترجع لهم حياة الحرية بعد
ما نشبوا في القفـص اللي طلع فالـصو مب ذهـب

كنت أقرأ كتاب عشـاق الـعرب .. وبعدين قلت الحين انتي جوعانه
ومرهقه من مشوار أمس اللطيف .. وجايه تقرين قصص مأساويه
وش اللي حادك بس .. وأقوم واسنع ذاك الخبز والفطور اللي جاي
بمزاج عالي .. واكافئ نفسي بجرعة سكر .. وأستمتع بالراحه
هذا المساء .. وش هو الحب يا إخوان .. ترى محد يحب إلا له هدف
بالنهاية .. هدف ذهبي يعني واذا طلع فالصو مب معناته انه رخمه
لأ .. الا رخمه ونص .. ويستاهل .. وإلا الناس الذوق تعرف تختار ..
عموما ماعليكم نفركويس قاعد يغريكم بالحب .. يبي لكم صباحات حلوة
مبدئيا .. بعدين يبدا مشوار اللـ ليه تطالع هذي .. وليه ما كلمتني
أمس .. وليه تحب هاللون .. وآخر شي فقرة انت تغيرت علي يلا
معسلامه .. وأصلا ولد عمي خطبني فما له داعي تصدق هالمشاعر
اللي بيننا .. ترى مزيفه

ونفس الشي عندهم فقرة اللـ .. أمي مب راضيه أتزوج إلا بنت اخوها ..
ولا ابوي قال لي لا انت ولدي ولا أعرفك أن تزوجت فلانه .. وأنا
بين نارين .. لا وفيه عذر جديد موديل 2014 .. اللي هو واحد
من جماعتنا قال لي بنتي لك هديه وتكاليف عرسكم علي

أعذار من تحت مترو باريس عادي يعني .. ويجون بالصراحه يكتبون
لي تتفلسفين ومتناقضه .. وهذا الواقع منين جايبته يا عشاق العرب
ولا هذي أعذار قيس وليلى وجميل بثينه .. وذاك مدري شسمه ..
ريحوا بس .. الحب والله ما يعرفه غيري وكم واحد بس على وجه
الأرض .. ولا أشباه العشاق واجد جعلهم يعدمون أي والله ..
لذا .. انا لما أفكر أرتبط بشخص .. يكون طموحي الأول والأخير كيف
ارتقي بهالحب وكيف اخليه مشروع قابل للتطوير والتجديد .. مب
روتين قاتل ونهايته إهمال وبرود مشاعر .. وأهم شي انك متزوجه
وخلاص .. أدي واجباتك بدون نفس علشان محد يقول فلانه عنست
في بيت أبوها ولا تطلقت لأنها مب كـفـو ..

الحب والله لربك اللي رزقك الصبح فطور تنعم به .. وعليه نعمة الصحة
والعافيه وقبلهم الإسلام .. خلوا عنتر وعبله للي يعرفون قدرهم بس ..
قال حب وصباحات حلوة ..
ماعلينا .. ودي استضيف بنت في لقاء التدوين المره الجايه .. وإذا
ودكم استضيف نفسي علموني ترى اسويها

هات إقتراحاتكم بالاستضافة .. لاعدمتكم أي والله ..

بــرب ،،

**تنهيدهـ** · 09-05-2017, 07:32 PM

رد: ✒ .. خآصرة حرف رمآدية

المرأة التي تقرأ الكتب .. لاتستطيع أن تحب بسهولة .. لأنها فقط
تبحث عن النظير الروحي الذي يشبه تفاصيلها الصغيرة

.. زهـايـمر حكـي .~

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget