رواية يا خاطفي وين ألقى عزتي في زمان المذلة ! / كاملة

***مزون شمر*** · 13-03-2012, 08:40 AM

رد: رواية يا خاطفي وين ألقى عزتي في زمان المذلة ! / كاملة

فاتن مستغربه تغير اخوها : وين بتأخذني يافايز
فايز بطيبه : بنروح نتمشى من زمان ما أخذتك بتمشيه
فاتن تطالعه بنص عين ولفت على ابوها : غريبه مالك عاده تأخذني
فايز : يعني الاخ مايصير يغلط ويمشي اخته ويعشيها بالمكان اللي تبيه
فاتن: يصير بس ابوي يمكن يحتاج شي
فايز : توك مخلصه من اغراضه واظن ابوي ماهو معترض
هز ابوهم راسه وهمهم بكلمات فهمتها فاتن وأبتسمت له ووقفت تلبس عبايتها
فايز : يمكن نتأخر يبه .. لاتخاف علينا
دخلت وطرحتها على كتفها : يالله فايز أنتهيت
فايز يوقف : مع السلامه يبه .. وطلعوا للسياره بعد ماحرك السياره ومشى لمكان بعيد طلع كيس من تحت الكرسي ومده لفاتن
فاتن تطالعه بأستغراب: ويش فيه الكيس
لف عليها بنظرات خبيثه وماكره : شوفي يافاتن تنفذين أي شي اقوله لك بالحرف الواحد ومابيك تنطقي كلمة لا مفهوم
فاتن بدت تخاف منه : ليش ؟
فايز يركز على الطريق : اقولك ليش .. انا مطفر وجاتني فلوس بارده مبرده 10 الالاف ريال مابي اضيعها وانتي سبب الفلوس هذي
فاتن نزلت دموعها : ويش يعني انا السبب
فايز ضحك ضحكة شيطانيه : هههههه بتفهمين كل شي بالشقه ..
رجعوا من عند شوق مبسوطين وفرحانين .. دخلت غرفتها وقفلت الباب دقت عليه بلهفه وشوق وحب ملئ قلبها
عبدالله : أهلين
رغد : هلا وغلا .. أخبارك
عبدالله : تمام .. بشري عسى انبسطتي عند اختك
رغد : الحمدلله أنبسطنا كلنا .. بس طلعنا عينها ورجعنا
عبدالله : ماطولتوا صح ؟!
رغد : يس ماطولنا .. كلها نص ساعه ورجعنا .. المهم طمني عنك انت
عبدالله : من اسمع صوتك اصير بألف خير ياروحي
رغد : من جد عبودي اشتقت لك مره .. طول الوقت افكر فيك نفسي ارجع بسرعه حتى اكلمك
عبدالله : ياعمري عليك يارغودتي .. تصدقين فقدتك الفتره اللي فاتت
رغد ترمي نفسها على سريرها : ومن سمعك انا اكثر كل وقتي افكر فيك .. حتى بكاء بكيت عليك يادب
عبدالله : ههههههه تستاهلين انتي اللي انقلبتي علي
رغد : الحين تصحح الوضع .. على فكره رجعت كلمة أبوي
عبدالله : لا بعدي ماكلمته مره ثانيه . عشان عمي مسافر وبعد يومين يرجع ويكلم ابوك ويحدد معه موعد
رغد بفرح : أنتظر هاليوم بفارغ الصبر يا عبودي
عبدالله : بنكون اسعد زوجين بالدنيا ..
رغد بحياء : أكيد دام نحب بعض بنكون أسعد اثنين بالعالم
عبدالله : ماقلت لك امي واختي ويش قالوا عنك
رغد تحمست : ويش قالوا ؟
عبدالله : امي ميته عليك وأختي بعد تقول حبتك انتي وشهد
رغد : والله يشهد علي اني حبيتهم .. وغلاتهم من غلاتك ياقلبي
عبدالله : أنا استأجرت شقه قبل شهر ونقلنا فيها انا وأمي واخواني .. بدل ماهم بالقريه لحالهم
رغد : صدق .. كويس بس مدارسهم ايش صار عليها
عبدالله : نقلتهم كلهم للمدينه والحمدلله الحي اللي استاجرت فيه مدارس البنات والاولاد قريبه من بيتنا
رغد : الحمدلله .. على فكره عبودي اختك سنه كم
عبدالله : ثاني ثانوي علمي
رغد : مشاء الله شكلها اصغر ..توقعت انها بثالث متوسط
عبدالله : ههههههه ياويلك لو تسمعك يمكن تموت
رغد : بسم الله عليها ..
عبدالله : رغودتي
رغد : عيوني !!
عبدالله : أحبك
رغد حمرت خدودها وردت عليه : وأنا أموت فيك
بغرفه ثانيه من بيت أبو مها
ريم : هههههههههه خطيره النكته
سيف : هذي اخر نكته بالسوق
ريم : الله الله .. اكسكلوزف يعني
سيف : تقدرين تقولين كذا
ريم : ويش اخبار خالتي بعد الزواج أمس
سيف : الحمدلله ماعليه بس تقول انك كنتي ملاك
ريم بحياء : وي هي قالت كذا
سيف : أيه والله قالت كذا .. مايدرون انك بكل حالتك ملاك بعيوني
ريم : تسلم لي عيونك ..
سيف مصدوم : ويش قلتي .. عيديها
ريم بجرائه : تسلم لي عيونك
سيف : ايوه خليك كذا جريئه ترى ذبحتيني بالحياء
ريم : الحياء شعبه من الايمان
سيف : وه فديت اللي تعرف تتكلم .. خبطي فيني يابنت محمد
ريم : عقبال مايطير عقلك بالمره
سيف : ههههههه ماهي بعيده والله
دخلت عليه ساميه وشافت يكلم الجوال ويضحك وقفت قباله وهي تتخصر وبصوت عالي متقصدته
ساميه : هذا اللي فالح فيه طول اليوم تكلم ست الحسن والدلال .. حتى الأكل ماتاكل
سيف يغطي الجوال بيده : ساميوه اتقي شري وانقلعي عن وجهي
ساميه : قوم قوم كلم أمي تبيك بموضوع مهم
سيف : قولي لها ربع ساعه وأجي
ساميه : بالله ماتمل من صوتها كل يوم تكلمها .. من زينها ياربي لك الحمد
سيف بعصبيه : أطلعي من غرفتي وشغلك عندي بعدين
ساميه تلف عنه : صحصح وشوف كيف صاير بنت محمد توديك يمين ويسار على كيفها وهي لسى ماجات بيتك ياحظي ..
سيف صرخ بأعلى صوته : أطلعي برا
ورجع للجوال ونطق بأسمها لكنه كان يسمع صوت بكاها
ريم : يلا باي
سيف : ريم ليش تبكين
ريم : مافيني شي بس طحت على الكرسي
سيف : قولي الصدق ياريم .. سمعتي كلام ساميه أختي
ريم تنرفزت : ابي افهم شي واحد ياسيف ليش اختك تكرهني .. مو بس اختك أهلك كلهم مايحبوني على بالك ماني حاسه بالشي هذا .. نظراتهم وتلميحاتهم حتى بنات اعمامك انا ماعمري أذيتهم بشي ليش هم يأذوني خصوصا اختك ساميه
سيف : ماعليك ياحبيبتي أهم شي انا وانتي ماعليك بأحد ولاتهتمي بكلامهم ..
ريم : انا ماني مستعده اجي لبيت ناس كارهيني .. وفهم أختك أني مالي ذنب تكرهني وتحقد علي
سيف : لاتهمك ساميه طبعها كذا شرانيه .. لكن قلبها طيب وبسرعه تتأقلم مع الناس
ريم : ايه باين مرره .. وخصوصا يوم تجلس مع كوثر .. انا مضطره اقفل الحين ابي اكمل شغلي
سيف : انتبهي لنفسك ياعمري
ريم : وأنت بعد .. يلا سيا
سيف : سيا .. رمى الجوال على سريره وطلع معصب ووجه أحمر ومتنرفز صرخ بالصاله وهو يدور على ساميه .. نزل للصاله التحتيه .. وشافها جالسه عند أمها
سيف مسكها مع شعرها ووقفها : مليون مره قلت لك لا تتدخلين بيني وبين ريم
ساميه تحاول تفك يده عن شعرها : مالت عليك وعليها .. اتركني ياغبي تمد يدك علي عشان هذيك اللي سمعتهم بالأرض .. أعطاها كف قدام امه وكان ابوه توه داخل وشافه يوم ضرب أخته
سيف بعصبيه : أحترمي نفسك ياساميه وثمني كلامك قبل تقولينه لا أخليك تندمين على اليوم اللي أنولدتي فيه سامعه
ابو سيف : خير ويش صاير
سيف يتنفس بسرعه : يبه شوف ساميه انا ماعدت اتحمل شرها
ابو سيف : ويش مسويه أختك .. جلس سيف وقال لأبوه كل شي قالته ساميه واللي قالته له ريم
ابو سيف بحده : ساميه .. أول وأخر مره اسمعك تتكلمين عن زوجة أخوك كذا والا انا اللي بتعامل معك بشي ماتتوقعينه
ساميه بقوه : انتم تدرون أني اكرها لاتلوموني
ابوها : الكره بالقلب .. أحترمي شعورها على الأقل
ساميه تصرفهم : يصير خير .. وطلعت لغرفتها

***مزون شمر*** · 13-03-2012, 08:42 AM

رد: رواية يا خاطفي وين ألقى عزتي في زمان المذلة ! / كاملة

بالبيت
سحر أتنرفزت من اللي قالته ريم : ماعليك منها لاتسكتين لها أبدا ترى كذا بتتمادى معك
ريم : تعرفين اني اكره المشاكل ولا أطيقها بس ساميوه ذي عقربه شكلها بتكرهني بعيشتي
هنادي : اقول ماعليك منها دوسيها الغبيه ذيك لو أنا مكانك كان أدبتها
ريم بتأفف : والله اني احب سيف .. طيب ويحبني ومثقف ومتعلم بس اخته الله يأخذها
سحر : أجل طنشيها
شهد : ماعليك طنشيها اللي مثلها ماينفع الذوق معها
سحر : بقوه بعد
::
::
بالفندق دخل عليها وبدون نفس قالها
فهد : البسي عباتك
شوق عقدت حواجبها وبنظره ناريه : وليش ؟!
فهد : بنروح نتعشى بمطعم
شوق تكمل قرائه المجله : بس أنا شبعانه مابي أكل
فهد يجلس على الكرسي اللي قبالها : زين والله وفرتي علي 300 ريال
شوق بنظرة احتقار : وبخيل كمان .. مالت عليك بس
فهد : كأنك زودتيها شوي .. ترى ساكت لك بمزاجي والا الكف ما أثر فيك
شوق بحقد دفين : عسى يدك لشلل اذا مديتها علي مره ثانيه .. ومابتردد بدعواتي عليك
فهد : انتي يالنجسه تدعين ههههههه اخر زمن والله
شوق ارتفع ضغطها منه وأنقهرت زياده ولعت من كلامه : ما النجس غيرك انت انا اطهر منك مليون مره
فهد ببرود يرفع رجله وحطها فوق رجله الثانيه : اموت عليك يالطاهره انتي
شوق رمت المجله على الطاوله اللي فاصله بينهم : ايوه اطهر منك غصب عنك ..وقفت وأعطته ظهرها
جاء وراها وهو يلعب بشعرها وطفشها وهي تبعد عنه
فهد : انا رايح اطلب عشاء حدي جوعان .. طنشته وراحت للصاله تقلب بالقنوات وهي متأففه منه ومن ثقالة دمه وكلامه اللي مثل السم
بعد ماسكر التلفون وطلب عشاء من مطعم الهيلتون جاء وجلس بالصاله وهو يطالع التلفزيون ويشوف البرنامج الديني اللي تتابعه
فهد : لاتكئبينا غيري القناه .. اعطته نظره احتقار
شوق : اذا مو عاجبك اطلع برا
فهد رفع حواجبه بأستغراب : قلت لك غيري يعني غيري احسن لك ولي
شوق تطنشه : ماراح اغير.. واللي بتسويه سوه
فهد عصب وقف ومشى بأتجاهها تعلقت عيونها فيه وهو جاي بجهتها ..قبل لايلفظ بكلمه وحده دق الباب .. هزتها نظرته الوحشيه وملامحه المخيفه .. ومشى للباب ودخل العربه اللي فيها الأكل جلس على الكنب وجلس يأكل .. تقرفت منه وراحت للغرفه وهي شايله عليه مره

:::
:::

..: تنفذين كل كلمه يطلبها من الرجال سامعتني
صابها برود وتجمد استحل على مشاعرها ودموعها ما نطقت بكلمه وحده أنصاعت لكلامهم مافي لها أي مفر او مكان تهرب منهم .. دخلت الشقته ووقفت على جنب لوحدها
فايز بأبتسامه عريضه : متى نستلم المبلغ
...: أهم شي تكون على الطلب
صديق فايز : على طلبك والبنت وردة .. بس نبي اللي أتفقنا عليه محتاجين نصرف أمورنا
مد لهم الظرف الموجود داخله الفلوس : وهذا اللي أتفقنا عليه .. تقدرون تطلعون
فايز : مثل ما أتفقنا الساعه 1 نجي ونأخذ البنت نرجعها لبيت أهلها
..: أوكي الساعه 1 دقوا على جوالي .. يالله برا لو سمحتم
قفل الباب وطالع بالبنت اللي قدامه ولسى لابسه عبايتها
..: نزلي عبايتك " سكت شوي " ..شكلك خايفه وأول مه تدخلين هذا العالم
فاتن رفعت غطايتها وانصدم يوم شاف دموعها .. خافت من شكله وهو لابس الشورت بس .. وأيقنت ان في هذا المكان ستفقد هويتها .. جلست على الكنبه ونزلت عبايتها
فاتن : أذا تبي اي شي خذه وخلصني ..
طالعها بأستغراب وجلس جنبها وهو يتودد لها : ويش اسمك طيب
فاتن تمسح دموعها وتتظاهر بالقوه : فاتن ..
..: انا اسمي تركي .. طيب يافتو ليش تبكين خايفه مني يعني
فاتن تهز راسها بلا ونزلت راسها ولا طالعته
تركي يطالعها بتفحص شكلها متجهزه بلبسها المثير وشعرها السايح وعطرها لكنه مو مرتاح أبدا
تركي مسك يدها : امم جاهزه الحين .. لفت عليه زي المقروصه ودمعت عيونها وتعلقت عيونها فيه وهي تبكي
تركي استغرب منها : فاتن ويش فيك اذا جايه غصب عنك انا مستحيل أأذيك
فاتن انهارت وهي تبكي : اتركني بحالي .. حرام عليكم
تركي صدقت توقعاته وعرف انها مغصوبه : الحقير فايزونواف هم اللي جابوك صح
هزت راسها بمعنى ايوه وكملت بكاها .. حاول يهديها لكن ماقدر الا بعد نص ساعه من دوامة بكاها المستمر

***مزون شمر*** · 13-03-2012, 08:42 AM

رد: رواية يا خاطفي وين ألقى عزتي في زمان المذلة ! / كاملة

بالفندق

كانت متردده تدخل الغرفه لانه نايم على السرير تبي تروح تأخذ لها أغراض تتونس فيها .. لكن خافت أنه يصحى وينكد عليها هدوئها وجوها الرايق .. أخذت الريموت كنترول وقلبت بالقنوات لكن ملت جالسه لوحدها لا أنيس ولا ونيس .. الوحيد اللي معها أبغض مخلوق بعينها شافت ملابسها ماغيرتها ماتقدر تنام وهي بذي الحاله ماتأخذ راحتها ابدا مددت رجولها على طول الكنبه وتكت ظهرها ورجعت راسها على ورى بملل وطفش غمضت عيونها .. دخل وشافها بحالة الاسترخاء تحاول تمحي اشياء واشياء من بالها .. تتذكر اهلها وجلستها معاهم وضحكهم وسوالفهم أذا طفشوا أخذت نفس طويل وطلعت زفره بنفس الطول كأنها تبعد ثقل جبال على صدرها بدأ الألم يعاودها وبانت تجاعيد الالم بجبينها مسكت الخداديه بقوه كأنها تستنجد فيها
جاء صوته البغيض لها فزت وعدلت جلستها وتحملت الألم حتى ماتحسسه بضعفها
فهد بهدوء : قومي بوديك المستشفى
شوق : وليش المستشفى شايفني مريضه قدامك
فهد بحده : لا تكابرين على روحك قومي يلا .. ورانا سفر مو أبتلش فيك هناك
شوق بكره : مين قال لك أني أبي أسافر معك
فهد صد عنها ورجع للغرفه ويكلمها وهو ماشي بالممر : بلا كثرة حكي وتعالي ألبسي يالله بدون نقاش
وقفت وتحس بألم يقطع بطنها خصوصا منطقه الوشم اللي كأن واشمه لها بالماضي المه فظيع كأنه نار تحرق جلدها أحراق مشت للغرفه بهدوء وشافته ينزل ملابسه صدت عنه وهي تسحب عبايتها وهو يطالعها بأستغراب سكت عنها وبعد ماخلص طلع من الغرفه .. سكرت باب الغرفه بعده وغيرت ملابسها ولبست عبايتها اللي على الراس وقفزاتها وطلعت للصاله ولقته يعدل شماغه على المرايا اول ماشافها بهيئتها لف عليها بصدمه وصار يطالعها من فوق لتحت كأنها كائن غريب يشوفه
شوق بحده : خير شايف جنيه قدامك
فهد يبتسم أعجبته بحشمتها وهو يطالع عيونها العسليه الواسعه الساحره وقال : بس شكلك غريب أول مره اشوف عبايه زي اللي عليك
شوق : متعود على الصياعه والعبايات المزخرفه الفاتنه .. ويش بيطلع منك غير كذا
انقلب السحر على الساحر كان بينرفزها ونرفزته هي .. تتقن فن مجادلته ببراعه رفع حاجبه تعطر وطلع وطلعت وراه وسكرت الباب .. وقفوا عند المصعد يستنوا يفتح لهم ضغط بقوه على الزر مرتين ورى بعض
أول ما أنفتح دخلوا وماكان في غيرهم أنتبهت لرقم الدور كان الدور 15 وقف فجأه عند الدور 11 طلعت بفهد وهي خايفه وأنفتح باب المصعد ودخلوا بنتين متحجبات والوجهه ميك أب أوفر وسلموا ورد فهد السلام عرفت من لهجتهم أنهم خليجيات وباين من الملامح أنتبهت لعيون البنات اللي نظراتهم كلها أعجاب بفهد وجماله وجاذبيته قرب من شوق ومسك يدها وهي عارفه قصده أول مانزلوا بعدت عنه ومشت وقفوا عند البوابه وهي تنتظره يجي بالسياره .. خمس دقايق ووقفت السياره قدامها نزل لها القزاز لانه كان مظلل بأسود وماتشوفه أول مالمحته مشت بأتجاهه فتحت الباب وجلست وهي تتألم وماسكه نفسها .. سحب السي دي المفضل له وضغط On وأشتغلت الاغنيه المفضله له اللي بدايتها
" قهر ماكنت أنا أدري تعيش بقلبي كذابه"
سكتت وهي تسمع كلمات الاغنيه الجو حزين وأليم وكئيب .. معانيها تدل على غموض الشخص اللي معها أنتهت الاغنيه وسكرت المسجل طالع فيها بنظره غريبه
شوق : لاعاد تشغل اغاني وأنا معك
فهد : والسبب يا مدامتي
شوق : ما أحب اسمع اغاني كثير راع شعوري على الاقل
فهد بدون أهتمام : يالله أنزلي وصلنا العياده .. نزلوا وهي تشوف المبنى واللوحه فوقه (عيادة النساء والولادة ) أرتجفت أول مره تدخل مكان زي كذا اعتراها خوف وخجل بعد كيف بتتكلم ويش بتقول والأهم لو دخل فهد معها ويش بيكون موقفها قدامه .. راح للرسبشن وسوا الأجرائات ورجع لها ومعه ورقه بيده وقف قدامها وطالعها بنظره جامده وقال بصوت عادي : يالله نروح لغرفة الدكتوره
شوق : استناني برا
فهد يستهبل : ابشري طال عمرك بس هذا اللي تبينه .." سكت شوي وقال بصوت حاد ".. مو أنتي اللي تتأمرين علي أمشي بس قدامي .. أنقهرت منه ومن تدخله تذكرت انه زوجها يعني مسؤل عنها .. أستنوا دورهم يجي .. وبعد ربع ساعه دخلوا على الدكتوره .. جلسوا على الكرسي
شوق وفهد : السلام عليكم
د: وعليكم السلام تفضلوا .. بعد ماجلسوا
د: ايش المشكله
فهد : تكلمي ياشوق قولي لها ويش تحسين فيه .. حمر وجهها وزاد القهر بقلبها متقصد يقهرها ويحرجها
شوق بحياء : انا .. أحس بألم أسفل بطني
د أبتسمت : متزوجه
فهد : ايوه تونا من أسبوع << طراخ أووف على النصب
د توقف : تفضلي على السرير لو سمحتي .. مشت شوق مع الدكتوره بأنصياع أنسدحت على السرير وهي تشوف جنبها الالات والادوات خافت مره أنرعبت غمضت عيونها وهي متندمه أنها طاوعته وجات ..
د تضحك : قومي ياحبيبتي .. ان شاء الله كل شي سليم .. ورجعت للمكتب ورجعت معها شوق وجلست قدامه
فهد ببرود ويمثل الأهتمام : بشري يادكتوره
د: ههههه خف شوي على زوجتك البنت ناعمه ورقيقه .. حمر وجهها مره نفسها تقتل الدكتوره وفهد كمان
فهد : اهم شي سليمه
د: هذا اهم شي وراح اكتب لها ادويه وياليت تستعملينها من الليله
شوق : أن شاء الله ..
د : وانت ساعدها يا أستاذ .. وياليت تقرا الروشته تبع الادويه اللي كتبتها لكم راح تفيدكم
فهد يطالع شوق بخبث : ولايهمك يادكتوره .. بسوي اللي قلتي عليه
:::
:::
:::

***مزون شمر*** · 13-03-2012, 08:43 AM

رد: رواية يا خاطفي وين ألقى عزتي في زمان المذلة ! / كاملة

:::
تركي وقف معصب : الكلب الحقير أخوك ويسوي فيك كذا
فاتن تبكي :تكفى لاتقول لأحد .. أبوي لو يدري بيروح فيها
تركي بحنيه وعطف على حالتها : لاتخافين هذا سر بيني وبينك .. وعندي فكره راح تفيدك وياليت تنفذينها معي
فاتن تترجاه : ساعدني تكفى لاتخليني اطيح بهذا الوحل
تركي : لا تقلقين دامك دخلتي هنا ماراح تطلعين الا راضيه .. بس اوعديني تطبقين كل اللي اقولك عليه
فاتن : والله بسوي اللي تأمر عليه
تركي : اسمعي بترجعين لاخوك وتمثلين عليه .. وأنا بدوريي راح ابين له اني راضي عليك وبقول له ولنواف اني بأعطيهم اللي يبونه بس يجيبونك لي أنا متى ماطلبتك ولا يودونك لأحد ثاني ويصير اللي مانبيه
فاتن : طيب لو وعدك وأخلف وعده
تركي يضحك : لاتخافين نواف وفايز اهم شي عندهم الفلوس ويعرفون انا ويش راح اسوي فيهم
فاتن : أنا خايفه من فايز أخوي .. دايم يهددني
تركي : اسمعي بعطيك ارقامي كلها واذا صار شي على طول كلميني وانا بتصرف اوكي
فاتن : الله يوفقك ويسعدك يارب
تركي : يالله البسي عباتك عشان أدق عليهم وأوصلك لحد سيارة أخوك
فاتن بخوف : بس هو قال بيجي هنا
تركي : ياحليلك شكلك ماعرفتي اخوك زين .. يمكن يقول خلها تستأجر وتروح للبيت انتظريني بروح البس وارجع
جلست تنتظره على بال مايخلص ويرجع
:::
:::
:::
بأستراحه غير معروفه
رائد : ماجد ويش فيك لك كم يوم متغير
ماجد : تعبان
رائد : سلامتك يابو أمجاد .. بس ويش تاعبك
ماجد : موضوع خاص .. شاغل بالي
رائد : فلها ياعم مافي شي يستاهل .. خلها على ربك
ماجد : والنعم بالله .. اقول جيب البلاستيشن خلنا نلعب
رائد : ماني فاضي وراي شغل
ماجد بأستحقار : انقلع عن وجهي طيب
رائد : علامك عصبت علي
ماجد : ماني طايقك يارائد ابعد عني
رائد يمشي للباب : طالع بدون ماتطرد بس بكره بتعرف قيمتي وتركض وراي
ماجد : انت اركض وراك مسكين مصدق عمرك
رائد اعطاه نظرة استحقار وطلع من الاستراحه .. دخل معاذ
معاذ : هاي
ماجد : وعليكم الهاي
معاذ يضحك : السلام عليكم
ماجد : وعليكم السلام
معاذ : يووه الاخلاق ميح اليوم .. خير ويش صاير
ماجد : ماصار الا كل خير
معاذ : وأنا جاي قابلت رائد وكلمته وطنشني وباين انه معصب .. متهاوشين انتم
ماجد : أبد ماحنا متهاوشين
معاذ بنص عين : علينا يامجود قول الصدق
ماجد : هذا الصدق وترى ماني رايق اليوم يامعاذ لا تقلقني
معاذ : يؤؤؤؤؤ الله يستر منك انت ورائد .. ويش رايك تروح معي نفحط احسن من الجلسه ومافي أحد
ماجد : طيب يالله قوم نروح
:::
:::
:::
كانوا بغرفتهم جالسين يذاكرون
سحر : ريما
ريم : هلا سوسو
سحر : بخاطري اقول شي بس خايفه
ريم : شنو ( اخيرا بتتكلمين ياسحر وتقولين اللي فيك )
سحر : انا ماقلت لك عن شي صار لي لما كنا بالمزرعه اخر مره
ريم : ويش صار طيب
سحر سكتت شوي بعدها قالت : سمر وسامر
ريم فتحت عيونها وأذنها وتركت كل شي بيدها : ويش فيهم
سحر : سامر طلع يحب سمر
ريم شهقت وطلعت عيونها قدامها ماهي مصدقه اللي تقوله سحر : مستحيل
سحر نزلت راسها وقالت بألم : كرهته ياريم أنا حبيته وهو حب أختي وسمر تحبه وبينهم رسائل عن طريق خلود وأنا قريتها
ريم مدهوشه : ما أصدق اللي قاعده تقولينه
سحر : انا شفته بعيوني وهو يكلمها وأغمى علي انصدمت فيه وبسمر كل الحب اللي بقلبي له راح بغمضت عين طلع وهم اتوهمه أنا كنت غبيه يوم حبيته .. طلع مجرد أعجاب لا اكثر
ريم : ماني قادره استوعب
سحر : هذا اللي صار
ريم : والحين اهم شي انتي .. ويش بتسوين
سحر : قلت لك كرهته وبركز على دراستي بلا حب بلا خرابيط بحاول اجيب نسبه وادخل طب الحب ماراح يفيدني دراستي هي اللي بترفعني وتفيدني
ريم : عليك نور هذا اللي لازم ينقال
:::
:::

***مزون شمر*** · 13-03-2012, 08:44 AM

رد: رواية يا خاطفي وين ألقى عزتي في زمان المذلة ! / كاملة

اليوم اللي بعده .. صحت من النوم وشافت الساعه كانت 2ونص الظهر راحت عليها صلاة الفجر والظهر ماعمرها نامت زي هذي النومه ارتاحت فيها التعب والالم كان له دور بتخديرها ونومها الطويل .. تمغطت على السرير وتحسل بشي ثقيل جنبها مضايقه لفت على يسارها وشافته نايم جنبها باين انه منغمس بنومه ومستمتع بأحلامه كشرت وفزت من مكانها بهدوء وراحت للحمام وأنتم بكرامه وتوضت وطلعت تصلي الصلوات اللي فاتتها وتقرأ قران لانها ماقرت من ليلة زواجها وحست أنها فاقده شي بحياته وروتين تعودت عليه .. جلست نص ساعه على سجادتها تقرأ قران وتعوض الاحزاب اللي تركتها يومين .. قفلت مصحفها ونزلت شرشف صلاتها وطوت سجادتها ورفعت التلفون وطلبت لها فطور لانها جوعانه مره وما أكلت شي من أمس .. بعد ماوصل طلبها أكلت وشبعت ومشت للغرفه وفتحت الباب بهدوء ودخلت لقته طالع من الحمام ومأخذ له شور ولاف الفوطه على خصره وشعره مبلول مشى للمراياء ونشف شعرها وحط له جل وصار مجعد

فهد : صباح الخير
شوق بدون نفسك : قصدك مساء الخير
فهد : ليش ماصحيتيني لما صحيتي
شوق تأخذ جوالها تشوف 6 مكالمات لم يرد عليها رفعت عيونها له وبنظره شر : نوم الظالم عباده
فهد ركز عيونه عليها بالمرايا وبنبره حاده : سوي لي فطور ياحقيرتي
شوق بأستهزاء : المطعم تحت أطلب منه .. والا اقولك باقي من فطور كول منه
فهد لف عليها ورفع حاجبه وملامحه عصبيه رمى المنشفه اللي نشف فيها شعره على وجهها وقال بحده : مو أنا اللي أكل الباقي انقلعي عن وجهي
شوق : أنت الل أنقلع من الغرفه
فهد صرخ : قلت لك أطلعي
شوق بعناد تجلس على السرير : تعبانه مابي اطلع ..
فهد بعيون كلها شر وحقد : اوكي خليك جالسه بس بتدفعين ثمن عنادك ..وبنبرة تخوف .. أوعدك
شوق بدون مبالاه وأهتمام : ما تقدر .. ياحمار
طار من عيونه الشرار وترك الفرشه من يده ومشى لها تعلقت عيونه عليها وهي تشوف الشر بعيونه وملامحه الشرسه وقف قدامها ووقفت حطت عينها بعينه وماهمها عصبيته رفعت حاجبه تقلده فيها
فهد بصوت يخوف : ويش قلتي ؟!
شوق بنبرة أستهزاء وسخريه وهي تطول الكلمه : حمار
مسكها مع شعرها بقوه وصرخ عليها : أنا اوريك الحمار ويش يسوي
ورماها على السرير بكل قوته ألمها ظهرها من دفته لها حاولت ترجع تجلس لكنه رجع دفها عرفت اللي يدور براسه أبتسم بخبث وهو مبسوط بدأ يلمس نقطة ضعفها فتح أزارير بجامتها وبدأت تقاومه وصرخت عليه : اتركني ياحمار
طنش كلمها وزادت رغبته بلمس جسمها .. دفته عنها بأقوى ماتملك وضربته برجلها تفلت بوجهه وقامت عن السرير تألم من ضربتها ولف بنظراته المخيفه وهو يشوفها تبعد عنه وتعدل بلوزتها اللي ارتفعت من سحبه لها وبهذه اللحظة فقط تفجرت رغبته الرجوليه قام من السرير متناسي الالم اللي يحس فيه .. أول ماشافته يوقف هربت من الغرفه والخوف منه يتملكها .. لحقها لصاله وقفت ورى الطاوله وهو يحاول يوصلها
شوق : لاتقرب مني والله ما اتردد بقتلك
فهد يضحك : تقتليني "وبغمزه" حلالك
شوق خافت من رده وسحبت التحفه اللي على الطاوله ورمت الورد اللي فيها على الارض ورفعتها : صدقني برميها عليك .. بعد عني
فهد يتحرك وهي تتحرك خطوه مماثله لخطوته : كلي حلالك .. لاتقومين احسن لك ولي
شوق تتمسك اكثر بالتحفه : قلت لك بعد عني ماتفهم يامتوحش
فهد : وانا ماراح ابعد عنك .. ابيك بحضني
شوق تصرخ عليه : ياواطي ياحقير
فهد أبتسم وتحرك بخفه وماحست فيه لانها معصبه وترجف من الخوف : حقير واطي قولي اللي تقوليه أنتي زوجتي وحلالي
شوق تزيد بالصراخ وبصوت باكي : لاتقول زوجتي ياحيوان .. الموت ارحم من انك تلمسني
مسك ذراعها ورمت التحفه لكن بعد راسه بخفه وسرعه عن طريقها وطاحت على الكنب اللي وراه .. أحكم مسكته لها وهي تحاول تحرر يدها منه وفلتت وبسرعه ركضت وركض وراها ومسكها مع خصرها بقوه ودفها على الجدار ومسك اكتافها وهو يثبتها على الجدار .. تحولت نظراتها لنظرات خوف منه بدت تخور قواها .. ركز عيونه عليها وقرب منها بدت تحس بأنفاسه.. صدرها بدأ يرتفع وينخفض أخذت اصابعه طريقها وبعدت خصل شعرها المتناثره على وجهها ورجعها ورى أذنها أقشعر جسمها من لمسته
قرب منها أكثر وأكثر طبع بوسه على اسفل رقبتها ارتفع شوي شوي ودموعها غطت خدودها
امتزجت شفايفه مع شفايفها .. فجأه بعد عنها وهو يطالع دموعها اللي نزلت على خدودها شاف الالم بعيونها والعذاب اللي تعانيه معاه راحت للحمام ركض صارت تستفرغ جلس على السرير ونزل راسه لمستوى اكتافه وشبك يديه بشعره بدأ يتذكر الماضي والغزو الفكري مسيطر على تفكيره ذكريات وذكريات تمر بمخيلته مواقف لاينساها .. معاناه كان يعانيها فجأه طلعت صورتها لما كانت بأحضانه طعم شفايفها ذكره بصغرها نفس البرائه نفس العيون .. حتى الشفايف لكن الان بصوره مختلفه أنثى كامله لكن جرحه لها كان كافي بتشويهها .. كانت أول وأخر أمراءه بحياته .. امراءه لمست الجانب المظلم في حياته رماها القدر في طريقه
لكي يفرغ حقده الدفين للنساء وهي من تدفع ذلك الثمن
طلعت من الحمام وشافته جالس على السرير ومنحني .. جلست مقابله لكن بوضع معاكس كل واحد معطي الثاني ظهره .. هو منسجم بتفكيره وهي تبكي وتشهق

***مزون شمر*** · 13-03-2012, 08:45 AM

رد: رواية يا خاطفي وين ألقى عزتي في زمان المذلة ! / كاملة

دخلت المسن طفشت من المذاكره تبي تغير جو شافت لينا متصله وكلمتها
سحر : هاياتوو
لينا : هياتوو .. اهلين كيفك ياقمر
سحر : تمام وانتي
لينا : بخيرات بس طفشانه مره
سحر : سيم سيم .. هاتي هرجه
لينا : أقولك .. بروح اجيب شي اشربه واجي
سحر : اوكي انتظرك
خمس دقايق ورجعت لينا
لينا : باكوو
سحر : احلى باك .. نورتي
لينا : سحر
سحر : هلا ليونه فيك شي
لينا : أشتقت لك
سحر : ههههههه يانصابه اليوم متقابلين بس تدرين والله حتى انا أشتقت لك
لينا : ثواني بس
كان معاذ اللي كلمها بغياب لينا .. راح لغرفته بسرعه وفتح الاب توب اللي اشتراه قبل يومين وفتح مفكره وحفظ ايميلها وقفل الاب توب وهو مبتسم وفرحان يحسب بفرح اكيد تفكر فيه مثل مايفكر فيها صورتها ماتروح من باله
معاذ : اه لو تكونين من نصيبي ياسحر والله لا أسعدك
لينا : باك
سحر : ياكثر باكاتك .. وين تطسين انتي
لينا : ماقلت لك بروح اجيب شي اشربه
سحر : بس كلمتيني تقولين اشتقتي لي وتخرطين علي
لينا : مدري يمكن اختي دايم تتلقف يمكن تحسبك بنت خالتي سحر .. يالله حصل خير اهم شي اخبارك أنتي
سحر : على حطت يدك انتي اخبارك مع هزاع
لينا : بخير من المغرب وانا أكلمه عالمسن .. الولد احرجني بكلامه كله غزل ودلع
سحر : ههههههه تتهنين يارب
لينا : احسد نفسي عليه الحمدلله اننا مخطوبين والا كنت راح اموت بدونه
سحر : بسم الله عليك بعيد الشر عنك .. بس الله الله فيه لاتبينين له انك ميته عليه
لينا : والله اني اتثيقل عليه.. الا وين ريم ماعاد اشوفها على المسن
سحر : مسويه اوف لاين مستغله لاب توب شوقه والله سوت فينا خير شوق
لينا : هههههههه الله يعينكم للحين كل يوم دور وحده عالكمبيوتر
سحر : يس لليوم بس المتسلطه رغد متى ماتبي تقومنا .. يوه ذكرتيني
لينا : بويش
سحر : نسيت اغسل الاواني اليوم عليا الغسيل .. بروح اغسلها واذا امداني دخلت
لينا : انا بطلع احل واجباتي للحين مافتحت شي
سحر : مو منك والله من هزاعوه اللي مأخذ عقلك
لينا : طسي غسلي مواعينكم ويك ويك ويك
سحر : الله يبلاك لاتتشمتين فينا
لينا : اللهم لا شماته وبارك لنا بسونيا اللي شايله كل شي
سحر : يالله طسي يارمه حلي واجباتك باي
لينا : بايو يا قماشه هووع .. ضحكت سحر على تشبيهات لينا وحبها للأستفزاز
راحت للمطبخ بتأفف وغسلت المفروض عليها وبعدها جلست على سريرها ومسكت كراستها وأخذت المرسام وصارت ترسم أي شي ببالها وتفكيرها .. افكارها متشتته رمت الكراسه وتلحفت وهي تحس بالبرد الجو بدأ يشتي ويبرد مره دفت نفسها بالبطانيه ونامت

:::
:::
طلعت للصاله الواسعه بقصرهم شافت امها جالسه وتقرأ قصه بالانجليزي .. حنت لأمها ولحضنها ترددت انها تتجرأ وتجلس معها وهي تعرف ان امها وأبوها يرفضون وجودها بأي مكان معهم أعتزلت كل شي وصار سجنها غرفتها .. تشوف دنياها من منظور اسود رجعت لغرفتها مكانها الوحيد تأملتها نقلت عيونها بين اركانها مكان مرفه .. غرفه ملكيه ملايين البنات يحلمون فيها لكن السعاده وهي المطلب الأساسي لنجاح حياه بني ادم افتقدتها .. بيدها ضيعت نفسها تفكيرها المنحرف اغوائها ودمرها .. أصعب شعور لما تشوف امك قدامك ولاتقدر تضمها .. أصعب شي لما تحتاج لحضنها الدافي ومن الصعب ان تحصل عليه .. والاصعب والأمر ان الواحد فينا يطيح من عين امه وأبوه وأهله يكون نكره
ليان ( أنا اللي ضيعت نفسي .. أنا اللي سويت كل شي بيدي كنت بضيع خالتي معي لكن ربي حماها من افكاري وشري .. استاهل كل شي يجرى لي استاهل كل اللي يصير فيني الحين شوفي ياليان حالتك حتى اهلك مايبونك .. انا لازم القى لي حل وانهي كل شي حولي )
فتحت الكمبيوتر وبدت تتصفح لهدف براسها تبي توصل له
:::
:::
:::

***مزون شمر*** · 13-03-2012, 08:46 AM

رد: رواية يا خاطفي وين ألقى عزتي في زمان المذلة ! / كاملة

بعد يومين
كانت جالسه لحالها ملت من كل شي وحده فظيعه تقتلها لاكلام ولا حتى همسات جاء وقف وتكي يده على الجدار
فهد ببرود : قومي البسي بوديك لأهلك .. فزت من مكانه والفرح بعيونها ماهي مصدقه اللي تسمعه
فهد : بسرعه اخلصي بنروح نسلم عليهم بكره ورانا سفر لجده وبعدها لاسبانبا وايطاليا .. علقت عيونها عليه مصدومه من كلمته
شوق بصدمه : أيش أسبانيا وايطاليا ؟!
فهد : يس بنروح هناك لايكون ماتبين تروحين لأوربا
شوق : بس انا ماعندي جواز سفر
فهد : لاتخافين كل شي مرتبه بس باقي تتصورين بعد ما نخلص من اهلك اوديك استديو تتصورين
شوق بأعتراض : بس مو لازم السفر
فهد بتريقه : لاتكونين من مشجعي السياحه الداخليه
شوق : ويش فيها بلدنا أمان وحلوه
فهد ضحك على كلامها : ههههههههههههه ما ألومك طول عمرك ماطلعتي من المدينه ويش اتوقع غير هذا الكلام
شوق كشرت : لا يا أبن بطوطه .. لاتكون لفيت العالم
فهد بغرور : مافي دوله بالعالم هذا مازرتها ومافي مدينه رحت لها
شوق رفعت حاجبها : والله من الدجه ماخليت مكان الا ورحت له
فهد كشر : روحي البسي لا أغير رائي .. راحت للغرفه وفتحت الدولاب اختارت لها تنوره موف غامق وبلوزه حفر أبيض مموجه بموف وعليها سلسال طويل ابيض وشنطه وصندل ابيض .. رتبت شكلها وتكشخت وحطت البلاشر ودخل عليها وراح للدولاب طلع له بنطلون جينز وبلوزة حمراء عليها كلام ورسمات بالرمادي ولبس كاب رمادي تعطر وهي مندهشه من ستايله بالنسبه لها كان غريب جدا
فهد : يالله نروح
شوق قررت على نفسها وحصنتها وقالت دعاء الخروج من المنزل ونزلت وركبت السياره معه وهي تحس ان نفسها منشرحه وفرحانه خصوصا انها بتروح لأخواتها
شوق بهدوء : فهد
فهد : هلا
شوق برواقه استغربها : صدق بنسافر والا تكذب علي ؟!
فهد : شوق انتي لسى ماعرفتيني زين انا ما أكذب لو على موتي .. والسفر بنسافر لايطاليا واسبانيا زي ماقلت لك ويمكن نطول هناك شهر او شهر ونص
شوق بصوت باكي : ونرجع للمدينه ؟!
فهد طالع فيها : المدينه !. طبعا لا بنرجع جده
شوق : ب..
فهد : لاتناقشين كل شي بوقته ..
سكتت وماردت عليه وصلوا عند البيت أشتاقت له كثير أشتاقت لايامها فيه نزلت للبيت بلهفه وشوق وتجري مع الدرج فتحت الباب وفهد وراها وصرخت بالبيت
شوق : بنات ..
سمعوا صوتهم وركضوا للصاله وهي كانت تدورهم أول ماشافتها هنادي ضمتها وبعدها جوا كلهم يسلمون عليها
ريم : اخيرا جيتي
شوق : الحمدلله اني شفتكم والله طفشت من دونكم
رغد : حتى احنا وربي ..
شوق : عمي وينه ابي اسلم عليه
شهد : لسى ماجاء تقريبا على وصول
سحر : غريبه الباشا حقك ماجاء معك .. سمعوا كلهم نحنحته ..
شوق : لحظة بروح ادخله المجلس وارجع لكم .. طلعت له عند الباب بعد مانزلت عبايتها
فهد : عمك موجود
شوق بدون نفس : لا مو موجود .. بس ادخل المجلس .. وفتحت له باب المجلس وراحت لخواتها .. طنشها ولا عبرها وجلس ينتظر عمها .. أجتمعوا كلهم بغرفتها اللي اشتاقت لها وكلهم حولها على السرير حتى ميشو بحضنها
شهد : بشرينا عن أخبارك ويش مسويه
شوق : الحمدلله على كل حال
رغد : ويش فيك متضايقه .. أحد يشوف وجيهنا ويتضايق
شوق تضحك : ههههههه بالعكس فرحانه .. بس متضايقه عشان بكره بنسافر جده
هنادي تدقها : خذينا معك
شوق : لو بيدي أشيل عمارتنا واخذها معي بكل مكان أروح له
سحر : يعني مابترجعين المدينه بعدها
شوق بتكشيره : لا بنسافر أيطاليا
الكل : يا هوووو
وأخذتهم السوالف والتريقه عليها
دخل ابو مها على فهد بالمجلس وسلم عليه وبعدها راح لشوق يسلم عليها
شوق : بخير ياعمي الحمدلله .. انت اخبارك ويش مسوي
ابو مها : الحمدلله البنات ماهم مقصرين ابدا معي
شوق : الله يخليك لنا ياعمي .. انا بسلم عليكم قبل نسافر
ابو مها : قال لي فهد توصلون بالسلامه
شوق : الله يسلمك ..
ابو مها : يالله يابنتي زوجك بيأخذ تخلصون مشاويركم قبل تسافرون
سحر تتمسك فيها وسمر بعد : راح نشتاق لك كلمينا كل يوم
شوق تضمهم : أن شاء الله بكلمكم كل يوم لاتخافون
شهد : أنتبهي لنفسك .. وأصبري بعطيك شي .. وراحت لغرفتهم
رغد : لا نوصيك بالهدايا "غمزت لها وهي متبسمه "
شوق : من عيوني كلي فداكم
ريم : كلمي مهاوي قبل تسافرين ترى بتزعل
شوق بتحطم : خساره كنت ابي اسلم عليها بس راحت لقريتها
جت شهد وبيدها كتابين وأعطتها شوق
شوق بأستغراب : أيش هذا ؟!
شهد : كتاب لغه بيفيدك احفظي لك كم كلمه
شوق تبوسها : الله لايحرمني منكم
هنادي : والله دنيا مافيها امان شوق اللي بس بالبيت تسافر ايطاليا .. خربت الدنيا
ضربها ابوها : اهب عليك قولي مشاء الله
هنادي : تف تف مشاء الله من هذا وأردى .. عفوا قصدي ازود
شوق تضحك : ههههههه طيب يالعربجيه دواك عندي
ريم : شوق ماطلتي مره زوجك يستناك تحت
شوق تلبس عبايتها وتودعهم : انتبهوا لنفسكم ودراستكم .. وأهم شي الصلوات لا تتهاونون فيها
هنادي تدفها مع الباب : طيب يالشيخ العريفي حفظنا اسطوانتك مع السلامه
نزلت ومعها عمها .. دخلت السياره وكلم عمها فهد وهي تشوفه يضحك وكأنه بريء ومسالم كرهت تمثيله البارع .. دخل وهو يضحك وأتجه لاستوديو حتى تأخذ صور لجواز سفرها
:::
:::
:::

**مناور** · 13-03-2012, 08:48 AM

رد: رواية يا خاطفي وين ألقى عزتي في زمان المذلة ! / كاملة

ع روقان تمخمخ على التعبير العابر من كونك > لنا

**مناور** · 13-03-2012, 08:50 AM

رد: رواية يا خاطفي وين ألقى عزتي في زمان المذلة ! / كاملة

***مزون شمر*** · 13-03-2012, 08:52 AM

رد: رواية يا خاطفي وين ألقى عزتي في زمان المذلة ! / كاملة

اليوم اللي بعده
تحديدا بجده .. بعد ماوصلوا للمطار وجاء السواق وأخذهم للبيت كانت تتأمل الشوارع المباني والسيارات اعترها الخوف عالم وحيده فيه ابتعد عن مكانها الاساسي منطقه ماعمرها شافتها لكن تحس انها زارتها بالاحلام يوما .. وصلوا لقصر جده اللي قرر انه يكون بيت يحتضنهم .. أنفتحت البوابه الحديده تلقائيا ودخلت السياره مشت بطريق مستطيل على يمينه ويساره حديقه خضراء ونوافير دائريه ومظلات شمسيه .. وقفت السياره ونزلت وهي تتأمل البيت الكبير ماحلمت أبدا انها بيوم تعيش في مثله .. طلعت الدرجات الاولى بهدوء .. فتحت الباب الخشبي الكبير مرصع بالذهب .. دخلت وأستقبلها طابور من الخدم دخل بعدها فهد وبيده شنطه صغيره .. وجات مديرة الخدم وأخذتها منه .. مشى لمكتبه الخاص فيه وسط ترددها وخوفها منه
فهد ببرود وبدون مايلتفت : ليزا
ليز : يس سير
فهد : ودي شوق لجناحها
ليز : اوكي سير .. هاي مدام
شوق بابتسامه بيضاء : هاي
ليز : ولكم يو هوم
شوق ضحكت لغتها جدا ضعيفه خصوصا انها ماكملت تعليمها الثانوي : شكرا .. ممكن تدليني على غرفتي
ليز : شور مدام .. مشت ليزا ومشت وراها شوق وهي تتأمل البيت الكبير اللي راح تكمل حياتها او جزء من حياتها فيه .. مع شخص لايمكن ان تتحمله او تتحمل قسوته وكرهها له
بالمدينه .. وتحديد بالسياره
شهد : شوفي رغيد مو ترجيني .. لاتعارضين بأي شي اختاره
رغد : طيب الله يرجك سوي اللي تبين اصلا انتي عنيده واللي براسك تسوينه
شهد : اممم بروح اول شي لنيو لوك ..
رغد : لالالا اول شي نروح مكس ابي اخذ لي من عنده بدي ذاك اليوم دخل مزاجي بس كنت مطفره
شهد تتخصر : ويش قلت انا توي
رغد : شهد وصمخ ترى كلها محل واحد نخلي جلالي يوقف لنا وبعدين سلطانه طويله عريضه نأخذ راحتنا فيها نتسوق على كيفنا معانا وقت طويل
شهد تفكر : اشوف اساس انا بمر محل ساعات بدور لي ساعه
رغد تنزل من السياره : اوكي انتي روحي اشتري ساعه وانا بشتري البدي اللي قلت لك عليه ونتقابل عند ماكدونالدز تمام
شهد تأخذ شنطتها : تمام وبعدها نروح لنيو لوك
رغد تطالع الساعه : شوفي الحين الساعه 7:20 لما تصير 7:40 نتقابل اوكي
شهد : أوكي سيو .. وكل وحده أتجهت للمحل اللي تبيه
بالنسبه لرغد كان المحل قريب بالمره منها .. دخلت وصارت تنقي اللي يعجبها رفعت بلوزه عجبتها لونها احمر وعجبها سلسال فضي وقفت عن الكاشير تحاسب
رغد : كم الحساب
...: 380
رغد : اوف بلوزه وسلسال بس .. ليش السعر كذا
..: هذي بضاعتنا يا أنسه
رغد : بس حرام السعر يكون كذا
حست بأحد يوقف وراها بالزبط ويحط يدها على خصرها أقشعر جسمها من اللمسه وببطئ وخوف لفت وقف جنبها
عبدالله : يالله حطه بكيس
رغد بصدمه : عبدالله !!
عبدالله أبتسم لها وغمز : الحساب علي
رغد عقدت حواجبها من تحت لثمتها : ويش الكلام هذا مايصير انا اللي بشتري
عبدالله : أنا وأنتي واحد مافي بيننا شي ..
رغد : بس .. قاطعها
عبدالله يهمس لها : لا بس ولا شي .. دفع الحساب ومسك يدها ومشوا لبرى
رغد بزعل : زعلانه منك .. ويش اللي سويته
عبدالله : ياروح عبود انتي ماسويت شي بكره بتكوني زوجتي
علقت عيونها عليه وكانه مافمهت اي شي من اللي يقوله : بكرة ؟!
عبدالله بأبتسامته الجذابه : بكره جايكم بالبيت ونخطبك رسمي انا وعمي وامي
رغد ضغطت على يده وبفرحه تغمض عيونها: أحس اني أحلم
عبدالله : الا حقيقه ياعمري
رغد : عبودي .. والله أحبك وأموت فيك
عبدالله : وانا مستعد ادفع عمري لعيونك .. وهم ماشين أنتبه لمحل مجوهرات
عبدالله : ويش رايك ندخله ؟!
رغد بأستغراب عقدت حواجبها : وليش ندخله .. سحبها من يدها ودخلها غصب عنها ..
عبدالله : لو سمحت عندك دبل خطوبه
صاحب المحل : ايوه في بس تبغى رجالي او نسائي
عبدالله : الأثنين .. طل لجهت رغد وهي تراقب كلامه وتصرفاته بهدوء
طلع لهم صندوقين كلها دبل ..
عبدالله مسك يدها بقوه وقال لها : يالله اختاري لك ولي
رغد ضحكت : صدق انت مجنون
عبدالله : يالله بسرعه بشوف ذوقك .. تأملتهم شوي وبعدها أشرت على واحد .. مسكه عبدالله ودخله بأصبعها ..
عبدالله : صراحة ذوق يارغودتي
رغد أستحت منه وقرصته على خفيف : ماتبي أختار لك
عبدالله : يالله أختاري لي .. وأختارت له وأحد عجبه بعد ..
عبدالله : لوسمحت حطهم بعلبه وحده .. أخذ العلبه وطلع معها
رغد : عبدالله صدق انت مجنون .. تشتري دبل الحين
عبدالله : مستعجل يارغد .. ابيك اليوم قبل بكره .. اقولك ويش رايك نطلع قسم العائلات
رغد : لالا مقدر شهد معي بس راحت محل ثاني
عبدالله بترجي : كلها خمس دقايق بقلبي كلام نفسي اقوله لك .. ارجوك يارغد
رغد باصرار : صدقني مقدر .. أجله لبكره لاجيتوا
عبدالله : ماقدر اتحمل لبكره .. لازم اقوله لك الحين
رغد مسكت يده : خمس دقايق لا اكثر
عبدالله : أوعدك مو أكثر .. ودخلوا المطعم وأتجهوا لقسم العائلات بعد ماجلسوا بالكباين المخصصه
رغد : ويش بتقول ؟!
عبدالله يشبك يديه مع بعض : اممم رغد اكيد بتتردين بالموافقه على زواجنا
رغد : طبعا لا .. مستحيل اتردد انا انتظرك بفارغ الصبر ياعبدالله
عبدالله : صدقيني وأنا اكثر يارغد .. رغم ان علاقتنا خطاء بخطاء بس حبيتك من قلبي ومستعد أسوي اي شي تطلبينه مني
رغد بخبث : أي شي أي شي ؟!
عبداله يحط يده على كتفها : أيه اي شي
رغد : اممم قولي شعر بس يكون من قلبك ..
قرب كرسيه أكثر منها وقربها أكثر لحضنه وهمس لها بصوت ذوبها وأشعل ثورة مشاعرها بداخلها

وفجر كل الحب اللي بقلبها له ..

أحبك
..ثم..
أحبك ..
ثم احبك..!
وعندي لهاذي الكلمه "دلايل"
عيون تشفق لشوفك,,وقربك..
لها دمعن على خدي,,همايل..
عيون ماتبيعك..ياعيوني..
تبيع,, اليوم لعيونكقبايل..!!
وأكررها,,لك ياحياتي..
أحبك..
.. ثم..
أحبك~

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget