رواية عشاق يعتلون ناصيه القلوب / كامله

**وردة العمر** · 10-07-2011, 01:51 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

ههههههههههههههههههههههههه

اما حكاية الامانة هذي زححمه

والله مسكينه بس الله يوفقها

يلا تابعي انتظرر الباقي ..
وربي حماس
يعطيك العافيه

**SOoΚaRh** · 10-07-2011, 03:53 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

هههههههههههه
مرة زحمة ^_^

نورتي غلاتي

**SOoΚaRh** · 10-07-2011, 04:21 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

الجزء السابع عشر

في السعوديه وبالتحديد في بيت ابوناصر
الصباح كانوا قاعدين كلهم ماعدا ناصر اللي بشغله ... توهم مفطرين وقاعدين يشربون شاي دخلت الشغاله بخوف
الخدامه :فيه رجال كبير سوى ولد يبقى انت
عامر باستغراب :طيب يله جاي
وهو واقف وراح لهم لقاه واقف عند الباب بشموخه والبودي قارد بكل مكان .
عامر فتح الباب ورحب فيه :هلا سيف حياك تفضل
سيف يبتسم بخبث :هلا فيك
دخلهم المجلس وضيفهم واكرمهم مثل عادة ..
خديجه لما عرفت خافت وقلبها ماطاوعها كانت بتدخل ولما قررت تدخل لقاه اخوها وطلب منها ومن رانيا انهم يدخلون
رانيا تكلم امها :مستحيل ادخل شيبي هذا منا ماكفاهم اللي سوه
خديجه :هذا عمك وجاي عشانك
رانيا وهي تسحب نفس عميق :انا بدخل وشوف ايش يبي بس ماوعدك اني اكلمه مثل مانتي متوقعه
خديجه رضخت للامر الواقع وهي خايفه من الموضوع اللي خلى سيف يجي للبيت علشانه
رانيا سحبت عبايتها ودخلت وهي تناظر باب الفله مفتوح البودي قارديه ملتفين عنده بلعت ريقها ودخلت وامها وراها بس وقفت عند الباب تسمع اللي ينقال
رانيا وهي تشوف عمها او اللي يقولون عنه عمها لانها ماتعرفه ولاتذكره صار لها سنين ماشافته والتفت للي قاعد جنبه
كان مازن وفي وجهه ضحكه غريبه وانتبهت لخالها اللي قاعد بصبر وحكمه ومايتكلم
سيف :هلا والله برانيا
رانيا قربت منه وباسته على راسه بقرف وهي تشم ريحه العود بغترته :شلونك عمي (عمت عينك )
سيف مسك يدها ومدها صوب مازن علشان تسلم عليه رانيا فهمت ومدت يدها لمازن من غير ماتناظر وجهه
لانها تذكر لما مد ايده على ناصر وضربه مازن انبسط ووقف وشال ايدها وطبع عليها بوسه خفيفه رانيا بسرعه سحبت يدها بقرف من حركاته اللي متعود انه يسويها ..
مازن :كيفك ؟
رانيا :الحمد لله
سيف :اقعدي ابي اكلمك بموضوع بوجود الاخ (وياشر لخالها عامر اللي بالع الشر وساكت )
رانيا جلست وبشموخ :اسمع
سيف ويبتسم وهو يشوفها واقفه بشموخها اللي بيهده بلي يقوله :شوفي حن جايين بكل احترام نخطبك لولد عمك مازن
رانيا وقفت معترضه :انا انخطبت وزواجي بعد شهر
سيف وهو يرفع ايد بلا مباله بلي تقوله :شيعني مافيه نصيب
رانيا :لا
سيف بضحكه وسند نفسه على الجلسه :اقصد ماله نصيب اللي بياخذك لانك بتاخذين مازن سمعتي ومابي أي اكلام
رانيا بضحكه :وين جاي انت اقولك زواجنا تحدد
سيف :وخير ياطير ولد عمك وبتاخذينه غصبا عليك فهمت وكلمتي ماكررها
عامر تعب وهو ساكت :سيف احترم راي البنت ليش تغصبها على ولدك اللي اذها واذى هلها
سيف ياشر على عامر بتحذير :مالك خص مسوي لي فيها حكيم ومادري ايش رانيا لولد عمها وتنسى هذا اللي خاطبها ولانا اللي بنسيها
مازن :شقلتي رانيا ؟
رانيا :ماراح اتزوجك لاني لمحمد وبس
سيف :بكره ان شالله تصرين ارمله المرحوم محمد
رانيا بخوف :ماتقدر
مازن :من اللي مايقدر ابوي يقدر على كل شيء
سيف وقف واشر لمازن يوقف معها :لاخر مره امشي الحين معي بالطيب
رانيا وتاشر بيدها :وين امشي معك ؟؟ ماراح اتحرك معك ؟؟
عامر بعصبيه :سيف بعد عن البنت وخلها تشوف حياتها واحترم نفسك انت دايس بساطي
مازن :انكتم ياشايب النحس
رانيا بعصبيه ماتصدق كل شيء يمر قدامها:هي انت احترم نفسك
سيف وحس انا السالفه طولت وهو مو فاضي :مازن جبها وتعال
مازن مد ايده على رانيا ويسحبها ورانيا تدفه وتصارخ عليها هنا خالها انجن ومد ايده على مازن يبعده عن رانيا
سيف مسك رانيا وسحبها معه وفتح الباب ورانيا تقاومه ماقدرت لانه اقوى واضخم منها
وهي مثل الورقه بايده وفتح الباب شاف امها واقفه بشموخ قدامه
خديجه :وين ياسيف ؟
سيف لوى بوزه لما شافها :والله الايام ياخديجه... عجزتي
خديجه وهي تناظر رانيا اللي دموعها على خدها بضعف وتحاول تسحب يدها منه :اترك بنتي وكفوا بلاكم عنا
سيف :خديجه بعدي هذي بنت اخوي ولازم تزوج مازن
خديجه وهي تسحب رانيا من ايده :اتركها خلاص خذيتوا كل شيء قلنا حلالكم الا بناتي
سيف وهو يسحب رانيا ويرميها بحضن مازن اللي توه طالع من المجلس :خذها وادبها
خديجه تصارخ :لا ياسيف الا بنتي تكفى خلها خذ اللي تبي
سيف بضحكه وماسكها من ايدها بقوه علشان ماتلحقهم :لا ياخديجه مابي شيء ولدي يبي بنتك
وانا بصراحه اعجبتني الفكره وبعدين ولد عمها وهو احق بها
رانيا تصارخ وتضرب مازن اللي ماسكها بقوه :يمه لا مابيك وخر عني
خديجه تبوس يد سيف :اتركها الله يخليك ياسيف
سيف يضحك ويدفها بعيد عنه :طلبنها بطيب ومارضت وبقوه كل شيء يصير
خديجه تبكي ومستفقده عامر ماتعرف وينه وماتقدر على سيف بروحها لانه مستحيل احد يقدر يوقف بوجهه
خديجة :الله يوفقك هي لكم بس لاتوذنها هي موافقه بس خلوها
سيف قاطعها وعطاها ظهره :مع السلامه
خديجه انهارت واغمى عليها ماتحملت ولاصدقت اللي صار لها ...
ناصر جاي من شغله تعبان ومستغرب من هدوء البيت كان تارك مها عند اهلها علشان ترتاح ولما دخل مدخل المجلس شاف عمته مغمى عليها
نادى الخدم اللي رفع صوته عليهم ويسالهم عن اللي صار بس ماتكلموا حمل عمته وصحاها وتردد اسم رانيا .. ناصر نغزه قلبه على رانيا
وفجاه جات الشغاله تركض عند ناصر وتقوله ان ابوه طايح بالمجلس .. ناصر ركض لابوه اللي مدد ويشوف الكدمات بوجهه الدم يسيل منه
عامر وهو يتلوى :ناصر رانيا خذوها
ناصر مسك ابوه يرفعه ولما سمع اللي قالها وقف وبعصبيه :من اخذها ؟
عامر وهو يمسك كتف ناصر :عمها ومازن
ناصر حس ان الدنيا تدور فيه :هين والله لاوريك
عامر وقف على حيله :لا تقرب منهم ماراح يقدرون يوذونها لاتخاف
ناصر وهو يناظر بابوه :من اللي سوا فيكم كذا ؟
عامر بخوف على ولده :رانيا خلاص بتزوج مازن وانتهى لازم نرضى ولا فيه ناس كثير بتنأذي
ناصر بعصبيه :ماراح اخليه والله اني وراهم انت ارتاح ومايصير ...
عامر يقاطعها وهو يمسك فكه :ناصر تعوذ من ابليس ماراح يوذونها لاتخاف عليها ولاتخوف امها عليها
ناصر :تدري ان امها ممده برى
عامر بخوف :لايكون فيها شيء
ناصر وهو مستغرب من اللي يصير قدامه وكانه حلم مو حقيقه :كيف سمحتولهم ياخذونها
طلع عامر وناصر وخديجه تصارخ :اه يارانيا بنتي راحت ياويلي
ناصر قعد جنبها يهديها :ارتاحي عمتي انا راح اخذ حقكم
خديجه تناظره بحنان :اه ياناصر ماشفتها وهم يسحبونها وانا ماقدرت اخذها خفت يذونها
ناصر صار يتخيل شكل رانيا وصار يلعن الشغل اللي ابعده عن البيت :ومتى صار ؟
خديجه :قبل شوي هذا اللي كنت خايفه منه اىلله لا يوفقهم خذوها يالله يارانيا شيصير لك الحين ياربي احفظها وين ماكانت
ناصر وهو يعدل غترته :انا رايح
عامر وقف :حلفتك برحمت امك ياناصر انك تطلبها من غير ماتعصب
ناصر :طيب هم ليش يسون كذا شيبيون
عامر وخديجه ظلوا ساكتين وهو ينتذكرون شكل رانيا وهي ترفضهم ...
ناصر قعد يصارخ :وين كنتوا عنها ليش خليتهم
طلع وهو يطعن بنفسه لو انه متزوجها مستحيل احد يقرب منها ولا يفكر فيها ...
رانيا قاعده بغرفه لحالها وقاعده تناظر الاثاث الفاخر اللي فيه كانت غرفه ملكيه من اللي تشوفها بالتلفزيون
استغربت وخافت اكثر لو تكون غرفه مازن لانهم كانوا مخدرينها طول الطريق بسبب عنادها وازعاجها
رانيا وهي كامشه نفسها على الكنبه وتفكر بناصر ايش تكون رده فعله لما يدري باللي صار لها
وفجاه ماحست الا بمازن يدخل عليها ويرمي عليها ورقه عليها يضحك
مازن :مبروك عليك مازن يابنت يوسف
رانيا وقفت من اللي قاله :ايش تخبص انت تقول ؟
مازن وهو يرفع الورقه اللي رماها ويفتحها قدام عيون رانيا :صرتي زوجتي ماقلتلك بيجي يوم تندمين على كل شيء
رانيا بعصبيه :كيف صار كذا من غير مارضى انت شتبي مني ليش تسون كذا وحن تنازلنا عن اشياء كثير وانتم تضلون ورانا
مازن وهو يقهرها بضحكه ويمد ايده على خشمها الصغير المرفوع :ابي اكسر هذا المرفوع
رانيا وهي تبعده ايده عنها :ربي اكرم من وجهك صدقني يامازن مارح تهربون من عقابكم
مازن مسك كتفها وهزها :اللي نبيه يصير من دون ماناظر باحد سمعتي
رانيا وهي تالم من مسكته :ليش تسون كذا وانتو طول عمركم ماعترفتوا فينا الحين يوم مالقيتوا لنا سند
مازن يقاطعها :ترى انا مانحني لكلامك ولا راح اسمعه انسي انتي زوجتي وسوي واجباتك طيب
ورمى رانيا على الكنبه بقسوه وهو يناظر دموع الاذلال بعيونها ...
ناصر وهو يدخل على سيف بعناد والسكرتير ماسكه والبودري قارديه معه
ناصر بعصبيه وكان شكله مبهذل :والله لا تندم يالحقير تمد ايدك على هلي وليش خذيتوا رانيا خلاص كافي اللي سويتوه فيهم ماكفاكم
سيف باستغراب من اصرار ناصر اللي ممكن ياثرعليه واشر لهم يتركونه :اتركوه
ناصر وهو يعدل شعره ويحط شماغه على كتفه ويعدل ثووبه ودخل عنده وقفلو الباب عليهم :انت شتبي بضبط
سيف :يابن الحلال الولد يبي بنت عمه وهي رفضت وانا ماحد يرفض كلمتي
ناصر بعصبيه ويرفع صوته :خلاص هي قالتلك انها مخطوبه وزواجها قريب ليش تعذبونهم وفي الاوقات العصيبه ماحد وقف معاهم ولاساعدهم
سيف :اسمع انا انصحك لاتقرب اكثر من كذا ولا راح تاذي اهلك واللي تحبهم ورانيا تزوجت مازن خلاص يعني ماللك حق لانت ولاغيرك
وتطمن رانيا راح تكون بخير ماراح ناذيها ولو حنا اهلها
ناصر وعنده شك باللي يقوله :والله ياسيف لو يلمس ولدك الحقير شعره بس من راسها لاتندم
سيف نادى الحرس حس ان ناصر زودها ودخلوا وسحبوه بس هو تركهم ومشة لحاله وهو يعطي سيف نظرات تحذير ...
طلع ناصر وهو مقهور على رانيا وده يعرف حالها وايش تسوي؟

بعنا فينا واشترينا ولادرينا بالثمن ** الغدر منا وفينا لاتقول انه الزمن
ماتصير الناس ناس اذا رحل عنها الضمير ** ماتصير الناس ناس اذا طغى فيها الكبير
الوهم يكبر ونكبرداخل الاوهام هم **الالم يكبر ونكبر داخل الالام غم
ليه كل كف برزنا للملمتنا وسرت **ليه كل كف حضنتنا شتتنا ورحلت
يعني هذي هي الحياه ولا هذا حنا **لا رحل عنا الضمير نهدي الايام اه

**SOoΚaRh** · 10-07-2011, 04:21 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

في لندن عند زهره اللي كبرت وصارت سمعتها بلندن اشهر سعوديه كمديره تسويق لمجموعه شركاتهم
وصار لها معارف كثير ومشاهير تعامل معهم كل شيء فيها تغير بس الوحيد الي مامتغير فيها اذيه الناس كان شغلها ماشي خطا واذيه الناس
زهره وهي ترمي الاوراق بوجهه السكرتيره العربيه :شوفي الشغل هذا مابيه لاوالله اطردك
السكرتيره منزلها نفسها تلم الاوراق المتناثر :على امرك
زهره بعصبيه :اصلا ليش انتظر الى ان تخبصين الشغل علينا انت مطروده فاهمه يله برى
السكرتيره بحزن وهي مستحملتها :على امرك بس..
زهره :هذا اللي ناقص ويالله انقلعي
طلعت السكرتيره واتصلت على مصممه ازياء معروفه اسمها جولييت ردت عليها ...
الكلام مترجم بالعربيه ..
زهره :مساء الخير مدام جولييت
جولييت مبسوطه :مساء النور
زهره :كيف الحال
جولييت :شكرا انا طيبه وينك انتظرتك تزورينا
زهره :انا عندي شغل ماقدر امر عليكم بس ان شالله العرض الجاي راح احضر
جولييت :انا اشتقت اشوف تصاميمي عليك
زهره :اوعدك راح تشوفين كثير واوعدك ان العرض الجاي راح اكون موجوده
جولييت :اوكيه انتظرك
زهره :كنت ابي ترسلين صور مجموعتك السابقه
جوليتت :برسلها بالبريد عن قريب
زهره :شكرا مع السلامه
جوالييت :مع السلامه
ريما كانت مبسوطه وهي تلف مع فهد الاسواق والمطاعم ماخلت مكان وهو يدروها ويخليها تشتري كل شيء تاشر عليه
بس اللي كانت مستغربه منه انه يرفض انها هي تحاسب
ريما وهي تحاسب على طقم صحون للزينه
فهد وهو يدفع الحساب :تفضل
ريما مسكت ايده :فهد اشفيك ليش انت مبذر اليوم صرنا صارفين اكثر من امكاناتك
فهد يبتسم :هذي امانه ياريما عيب مانفذها بعدين تصيب اهلي حرام مايصير
(كان يتكلم باصرار بس ريما مانتبهت لكلامه لانها نست )
ريما :ايه واذا يعني
فهد يركز اكثر على كلامه :امانه سمعتي امانه فهمتي
ريما لما سمعته تذكرت الرساله وصارت تلعن فاطمه :ايه اللي يقدرك ...
فهد قاطعها وهو يناظر السماء :يارب اشهد علي انا اديت كل ماعلي من امانات وديون
ريما خافت اكثر :فهد شرايك تعبت يله نرجع البيت
فهد ابتسم لانه بان عليها الخوف :يله
ظلوا يمشون بالشارع بس تعبوا وهم حاملين الاغراض وقفوا تاكسي ورجعوا للبيت ولما دخلوا البيت ..
ريما خذت شنتطتها وطلعت المهر بس كانت محتاره كيف تعطيه فهد قررت انها تحطه بمكتبه وهو يشوفها من غير ماتواجهه
راحت للمطبخ ترتب الاغراض اللي جابوها في الثلاجه فهد كان قاعد على التلفزيون ولما شاف ريما دخلت المطبخ دخل وراها ...
فهد وهو راكز ظهره على الباب :ايش تسوين ؟
ريما انتبهت له :ابد ارتب الاغراض
فهد :شرايك ببريطانيا ؟
ريما ابتسمت :تجنن والله ماتوقعتها كذا
فهد وهو يفتح الثلاجه وياخذ بيبسي :كيف توقعتيها ؟
ريما :كنت بس اشوفها بالصور او بالتلفزيون
فهد وهو يحس بتهربها منه طلع من المطبخ وهو يتكلم عن بريطانيا والمعالم اللي فيها ...
ريما خلصت ترتيب وطلعت من المطبخ شافت طاوله البلياردو ومسكت عصا
فهد بفضول وهو يشوفها ماسكه العصا :تعرفين تلعبينها ؟
ريما تهز راسها بنفي :لا بس نتعلم
فهد قرب اكثر ومسك عصا :يله بعلمك
ريما بضحكه :يله ياستاذ فهد
فهد مسك العصا بطريقه وياشر لريما تسوي مثله ولما رمى الكور تطايرت اللي دخل واللي ظل واقف
فهد ياشر لها :يله دورك
ريما حاولت تمسك العصا مثله ولما كانت بترميها ماسمحت للعصا تنزلق من ايدها كانت متمسكه فيها ولاتحركت ولا كوره غير اللي رمتها بالعصا
فهد فقع من الضحك :هههههههه ليش متمسكه بالعصا كذا ارخي ايدك عليها
ريما جربت مره ثانيه ولاقدرت رمت العصا :خلاص مابي اتعلمها
فهد يقرب منها ومسك العصا اللي كانت ماسكتها جاء جنبها ومسكها وصار يتحكم بيدها على العصا :امسكيها لما ترمين ارخي ايدك
ريما حاولت ونفس الشيء :ياربي خلاص
فهد جاء من وراها ونزل ايدينه من عند خصرها ويمسكها العصا وهو يحس بارتجافها ...
ريما كانت بتموت من الخوف ماتوقعت ان فهد يكون مصر انه يعلمها
ريما وهي ترفض وتحاول تفك يد فهد اللي مطوقه خصرها من بعيد بارتباك :خلاص مابي اتعلمها
فهد حس انها خافت منه
رمى العصا وشد ايده على خصرها ودفن راسه بشعرها وهو يتنفس ويشم ريحه عطرها وتحس بانفاسه ...
هنا ريما حست انها بتموت من الخوف وصارت تصرفه بس ماقدرت عليه
ريما وهي تمسك ايده وتبعده لانها تعرف ان اللي يسويه مو من حب يمكن يتسلى فيها ويرميها :فهد ابي اقولك شيء
فهد يوم عن يوم تكبر ريما بعينه ولما سمعها تصرفه كان يحس ببطنها يرتفع وينزل من الخوف ويحس بيدها اللي تحاول تفك ايده
فهد بسرعه لفها عليه ولصقها بصدره ودف ظهرها على الطاوله علشان مايسمح لها تهرب منه وهو يبعد شعرها عن وجهها بنعومه
فهد بابتسامه تذبح :متى ناويه تعطيني الامانه ؟
ريما خقت عليه وفي نفس الوقت ودها تهرب منها : ...
فهد وهو يمسك موخره راسها ويدخل اصابعه بين شعرها قعد يناظرها وعيونها مغرقه وهي تناظره بخوف
ولما قرب منها اكثر ويحس بانفاسها الدافيه فهد مسك رقبتها بقوه وباسها من غير مقاومه منها ...
بعد ثواني بعد منها وريما ماهي مصدقه اللي صار بعدت عنه قبل مايصير شيء تخاف منه
ريما ركضت للحمام بسرعه وسندت ظهرها على الباب بخوف وهي تلطم خدودها :كيف سمحتله لازم اروح للينا ولا بيضعني هذا
فهد لما تركته ريما وهو ندم انه فكر يقرب منها لانه ماتفقوا على كذا بس ماقدر يقاوم جمالها
ولقى عندها اشياء كثير ناقصه عند ريم من وقت ماتزوج ريما وهو يلاحظ الفروق بينهم
فهد بنفسه :ليش هربت وتركتني اكيد الحين ماراح تثق فيني .. وليش تهمك يافهد خلها على كيفها وبعدين لو ماتبي كان رفضتني ..
لا فهد انت اللي فرضت عليها نفسك خل البنت تشوف حياتها وابعد عنها هي ماتحبك بس انحدت عليك علشان تدرس
وهي ماقصرت معك جابتلك اللي قدرت عليه وانت تبي تعلقها فيك وترميها
(مايدري انها علقت وخلصت من وقت ماشافته )
بس ياهل ترى فهد راح يعيد النظر بعلاقته مع ريما ؟اوبيتركها تروح للينا تسكن معها ؟؟
ريما لما هدت نفسها وهي ناويه توقف فهد عند حده لو يفكر مره ثانيه يقرب منها لانها مستحيل تضيع نفسها ولما يمل منها يرميها ..
دخلت الغرفه وشافته جالس على الكنبه ويقرأ بكتاب ماعطته اهتمام راحت سحبت شنطتها وطلعت من الغرفه من دون ماتكلمه بس وقفها صوته
فهد :بكره الصباح الزياره لاتنسين
ريما ماردت عليه وخرجت وهي العبره تخنقها ان فهد يعاملها كذا من دون مايبين لها أي شعور وهي تحبه بس ماتسمحله يجرح كرامتها وكبريئها
فتحت شنطتها وشافت جلابيه حلوه بس مفتحه من الجوانب كان معها خلاخل واكسسوار ثقيل ضحكت لما تذكرت رانيا لما تقول لها
( هذا لك سوي لفهد ليله مصريه وهزي على راسه )
ريما دخلت الحمام (اكرمكم الله ) وغيرت ملابسها وحطت شنطتها بالصاله ماتبي تدخل عليه وتشوفه
لازم تحاول انها تجنبه علشان مايذلها وهي تعلق فيه لازم تتطلع من حياته مثل مادخلها وشافت الظرف وحبت تأجل الفكره حتى تشوف ابوها ....

رانيا وهي تدور بعيونها على المكان اللي هي قاعده فيه كان كل شيء مقفل حولها ماتعرف ايش الوقت ؟؟
فجاءه دخل مازن وبايده كيس رماها على السرير بقرف
مازن رافع حواجبه وهو يشوفها ضامه رجليها للصدرها وقاعده على الكنبه وماردت عليه :البسي هذا الحين ؟
رانيا خافت وماناظرت فيه سفهته مازن عصب وجن جنانه مايحب اسلوبها وناظرتها تقهره وتحقره :انا اتكلم قومي لاوريك
رانيا بقرف تكلمه :والله وايش باعتقادك تسوي ؟
مازن يفكر ايش يسوي فيها :رانيا انصحك اكسري الشر وسوي اللي اقولك عليه
رانيا :طيب وايش المناسبه البس هذا
مازن ":زواجنا ياعمري
رانيا خافت اكثر :انا ماتزوجتك ولا اعترف في زواج كذا
مازن :اليوم ابوي مسوي حفله لزواجنا البسي والحين يدخل مصففه الشعر وخبيره التجميل
رانيا وهي تحس مصفف وخبيره كبيره عليها حدها كوافيره :انا بزين نفسي انت مابي احد يدخل علي
مازن يرفع ايده :بلا تعقيد خليك فري كل شيء عادي تحررو من العادات الغبيه هذي
رانيا :ليش يوم انك تقول عادات وتقاليد ماتشوف زواجنا تقليدي
مازن سكت ومارد عليها لانه مايقدر يناظر بعيونها اللي يحس انه يضعف عندها :مثل ماتبين ابيك تطلعين احلى وحده بالحفله انت العروس
رانيا هزت راسها وطلع من الغرفه وهي تمنى تشوف ناصر وتتطمن عليه بعد مارتاحت وهو يقولها على كل شيء يضايقه وهي تخفف عنه حتى اذا القدر ماجمعهم ..
رانيا وقفت وفتحت الكيس كان فيه فستانين فستان موف غامق وقصير مره ومبين انه بيطلع للفخذ رمته بقرف على السرير
وفتحت الثاني وحمدت ربها انه كان طويل بس عاري من فوق كان لونه اسود وشريطه ورديه من تحت الصدر لبسته رانيا
خقت على شكلها في الفستان كان يجنن عليها دخلت الخبيره وكان معها مصففه شعرعدلت شعر وحطت لها وصلات طويله لعند اسفل الظهر
ولمته وراه بطريقه حلوه ونزلت لها خصل على عيونها وحطت لها ظل اسود دخاني وروج احمر فاقع
كان مكياجها ثقيل وماتعودت على شكلها الا بمكياج ناعم طالعت في نفسها بالمرايه وهي فرحانه انها بتشوف اهلها بالحفله ...
دخل مازن ووقف اول ماشاف رانيا كان بايده علبه قرب منها وفتح العلبه قدامها وقال برومنسيه وهو مسحور بجمالها
مازن وهو مارفت عيونه وهو يناظرها :ممكن البسك الطقم
رانيا وهي تناظر الطقم الماس اللي بايده كان باين انه ثقيل ومرصع بالماسات صغيره سوداء وملتفه على بعض بشكل حلزوني
رانيا طبعا خقت على جمال الطقم بس سكتت ماردت عليه ..
مازن مانتظر حتى تسمحله قرب منها ولبسها الطوق الماس على رقبتها البيضاء ورانيا مازادت الطقم الا جمال
بعدت منه وهي تحس بقرف لما يقرب منها واخذت الحلق منه ولبسته ونزل معها وهي تتكلم معها
مازن وهو يحاول يمسك ايدها :اعجبك الفستان ؟
رانيا تبعد عنه :اهلي هنا؟؟
مازن حس باختناق لما سمع سوالها :ايه هنا من زمان

**SOoΚaRh** · 10-07-2011, 04:46 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

مازن حس باختناق لما سمع سوالها :ايه هنا من زمان
رانيا ارتاحت بس ماصدقته ومالقت مبرر انه يكذب عليها لما نزلت وشافت الحفله مختلطه كانت بترجع بس مازن مسكها بقوه
مازن بعصبيه :لو تطلعين اعتبري ان اهلك بح والله يارانيا وانا عند كلامي
رانيا خافت من التهديد لانه موغريبه عليهم بسون الهوايل:طيب شوي اجيب شي يسترني
مازن بحده :انا ماني معقد احب اشوفك كذا وارفعي راسي يله انزلي واذا سويتي شيء والله لاتندمين
رانيا خافت من تهديده وخضعت له وهي تسحب يدها منه ولما نزلت توجهت الانظار عليها كان كل شيء حولها غريب
ماكنها بالسعوديه رقص غريب وموسيقى اول مره تسمعها كانت كلاسيكه وحلوه مازن مسك رانيا ودخل ايده بايدها
وصار يمر بين الموجودين ويعرفها عليهم رانيا كان متضايقه من نظراتهم اللي تحرقها
رانيا :مازن خلاص تكفى خلنا نروح نجلس
مازن بضحكه علشان الموجودين مايحسون بسوء تفاهم بينهم :اسكتي
رانيا سكتت وهي تناظر الموجودين اللي باين كلهم لابسين اقنعه احتيالهم وكذب مشاعرهم والتفت وشافت عمها اللي توه داخل
والكل راح يسلم عليه والبودي قارد حوله انتبه لها ونادها وجلسها جنبه وهو يكلم الناس ويعرفهم عليها ....
ناصر كان قاعد بالبلكونه وهو من وقت ماراحت رانيا وهو يحس بفراغ بالبيت حتى شغله قصرفيه
ناصر وهو يرفع سيجاره بين اصابعه ودخلت مها عليه فجاه
مها بشهقه :ناصر انت تدخن
ناصر وهو يولع السيجاره ولا همه :مها اطلعي هذا يضر الجنين
مها تعناده وتقرب منه وتحاول تسحب السيجاره من بين شفايفه :بعدها من ...
قاطعها ناصر وبعد يدها عن السيجاره وهو يسحب منها نفس طويل :مالك خص اطلعي
مها بعصبيه :من وقت ماراحت رانيا وانت مو على بعضك
ناصر فز قلبه لما سمع اسمها رمى السيجاره وداسه برجله :مها ادخلي واكسري الشر
مها عصبت :ناصر انت ليش تدخن وصار لك يومين وانت ماتنام بالبيت وين تروح ؟
ناصر يتافف :مها انا راسي مصدع ماني ناقص
مها :علشان رانيا صح ؟؟
ناصر عصب :ايه علشان رانيا عندك مانع
مها انصدمت ماتوقعت يعترف بهالسهوله :خلاص اصبر كلها كم شهر واموت بعدين ...
ناصر قرب منها وضمها له ويهمس :مها انا تعبان
مها :ناصر انا اسفه ماقصد
ناصر سكتها لان مها ماقالت الا الحقيقه وهو تعبان علشان اللي صار لرانيا ويحس انه الذنب عليه ...
ريما صحت الصباح وهي تحس بالم في ظهرها كانت ميله ظهرها على طرف الكنبه وقفت وهي تمايل بمشيتها عدلت شعرها ولبسها
وطلعت من الشنطه فوطه وفرشت اسنانها وراحت للحمام وهي متاكده ان فهد نايم فتحت باب الغرفه مالقته بالغرفه وكان السرير مرتب
استغربت ريما توقعت انه بالدوام فتحت الباب وتفاجات بنفس الوقت فتحه فهد ...
ريما نزلت عيونها كان فهد عاري ماعليه غير فوطه لاف جسمه من تحت انتبهت ريما لشامه بصدره انتبه لها فهد وهي تناظر بجسمه
فهد بابتسامه :صباح الخير
ريما وهي تجاهل وجوده مرت من جنبه :صباح النور
فهد وهو يناظر شكلها وشعرها مخبص على نعومته والتموجات واضحه
وشكلها بالبيجامه كنها بزرفيها ناظرها لماترد عليه من دون نفس تذكر امس ولما هربت منه
فهد وهو ينزل المويه اللي بشعره:اجهزي بروح الحين لابوك
ريما التفت عليه ماقدرت تفوت المنظر اللي قدامها قعدت تناظر جسمه وعضلات ايده وصدره وضلوعه المبينه خاصه لما يتنفس
وشعره المبلل المتناثر على رقبته والماء يتسايل على كتفه وعلى صدره ريما قعدت مسرحه بشكله .. فهد انتبه
فهد :ريما يله علشان نلحق على الزياره
ريما دخلت بسرعه وهي مفتشله من نفسها لما قفلت باب الحمام (اكرمكم الله )غمضت عيونها تشم ريحته اللي طالعه بالحمام
ريما تبتسم :اه ... يازين ريحتك
ولما طلعت لقت فهد حاط شنطتها بالغرفه استغربت سحبتها وقفلت الباب بالمفتاح وغيرت ملابسها
لبست بنطلون جينز كحلي وبلوزه زرقاء فاتح ضيقه الي عند الصدر والباقي واسع لعند الفخذ لبست حجاب كحلي غامق ومبين بياضها
حطت بلاش وحددت عيونها بقلم كحل رشت عليها عطر واخذت شنطتها وطلعت لقت فهد بالمطبخ وهو يدهن له ساندويتش
ريما :يله نروح الحين
فهد وهو يقفل العلبه :يله نطلع
ريما بنعومه :فهد ابي اتصل على اهلي
فهد :ليش ماتصلتي امس فيهم
ريما :ايه اتصلت بس مايردون
فهد مد لها جواله :اتصلي وباخذلك لرقم جديد
ريما خذت جوال فهد وهي تذكر اخرمره مسكت الجوال دقت على بيت خاله وردت لاكشمي
ريما بفرحه تحس حتى لاكشمي اشتاقت لها :كيف حال لاكشمي
لاكشمي كانت فرحانه :الحمدلله
ريما ماكانت بطول معها علشان ماتحسس نفسها ثقيله على فهد :لاكشمي سرعه وين امي ؟
بعد ثواني خديجه بفرحه :هلا بنور عيوني
ريما بفرحه لما سمعت صوت امها وتناظر بفهد اللي يشرب ماء ويناظرها :كيفك يمه
خديجه بكت لما سمعت صوت بنتها اشتاقت لرانيا بعد :الحمد لله
ريما تغير صوتها وصارت تعقد حواجبها ومستغربه من صوت امها :يمه شفيك تبكين صاير شيء
خديجه وهي تضحك :لا بس مشتاقتلك شلونك انت وكيف فهد معك ؟
ريما وماعجبه صوت امها :الحمد لله كلنا تمام كيفك وكيف رانيا وخالي وناصر ومها
خديجه :كلنا طيبين
ريما :يمه ماحددوا رانيا ومحمد الزواج علشان احجز
خديجه ارتبكت وقالت لها على اللي صار ...
ريما ارتبكت وماحبت تقول لفهد :يمه شتقولين مستحيل ؟
خديجه تبكي :هذا اللي صار يمه
ريما بعصبيه :وكيف سمحتلولهم ؟
خديجه :ماتدرين اللي مايخافون الله ايش سووايش سوو ؟؟
ريما :خلاص يمه انا بكلمك بعدين بروح ازور ابوي
خديجه شهقت :ابوك ليش وينه ؟
ريما ارتبكت نست ان امها ماتدري عن ابوهم :ايه يمه خلاص طولت مع السلامه
خديجه وهي مستغربه وتحس انها ماسمعتها زين :مع السلامه
قفلت ريما ماتدري انها خلت في قلب امها حيره .. مدت ريما الجوال لفهد وهي تذكر اللي صار لرانيا وماتدري ليش يسون فيهم كذا
فهد مستغرب من رده فعل ريما :خير فيه شيء صاير ؟
ريما بغرور :لا
فهد ماحب يضغط عليها اكثر طلعوا مع بعض ريما تمشي بملل مع انها مشتاقه لابوها كثير وهم بينتظرون حتى يلقون تاكسي
بس تفاجات لما شافت سياره اخر موديل سبورسوادا بمقعدين شافت فهد يفتحها ...
فهد يفتح لها الباب :تفضلي
ريما وهي خاقه على شكل السياره وباين عليها انها غاليه وتصلح لفهد :مشكور
فهد حرك السياره وهو يدرو من الشوارع اللي حفظها على مر السنين وطالع ريما اللي حاطه راسها بياس على الكنبه وهي تناظر بشوارع
وكان بالها بشي ثاني فهد عرف ان فيه شيء صاير بس ماحب يضغط عليها بهالوقت ولما وصلوا السجن
ريما فتحت عيونها على الاخر لما شافت السور العالي الموصل بكهرباء حست كان ابوها من المجرمين اللي مرتكبين جرايم ماتغفر
ريما كان قلبها يدق بسرعه وترتجف اول مره تتدخل هالاماكن فهد التفت عليها لما شافها ترتجف وتمثل القوه مسك يدها بس هي مالتفت له بالعكس ضغطت عليها
فهد يناظرها وهي مسرحه بالعسكر :ليش خايفه ؟
ريما توها تنتبه لفهد وتحس ماله وجود مع انه ماسك يدها :ابوي مسجون طول هالسنين هنا واحنا ماندري عنه
فهد حس بذنب مسك كتفها وهم يمشون وراء عسكري :ياريما ربي كتب له خلاص هانت كله خمس سنين وتخلص محكوميته
ريما وهي تحس بالامان مع فهد وتناظر عيونه اللي كلها حنان ونزلت راسها من دون ماترد عليه ...
فتح العسكري وريما تناظر بالظلمه وصوت المفاتيح اللي يطلع صدا بنفس المكان فتح الباب بقوه وطلع صوت قوي وعالي ريما اخترعت
فهد ناظرها وحس بحركه ايدها اللي بايده لما اهتز جسمها بخوف :ريما لاتخافين
ريما عيونها دمعت وخافت :خلاص فهد ابي ارجع
فهد بضحكه خفيفه ومد ايده بنعومه يمسح دموعها :ياخوافه صدقيني ابوك بخير تعالي شوفيه راح ينبسط لما يشوفك
ريما نزلت ايد فهد ببرود عكس كل مره :كيف الانسان يعيش بهالمكان ؟؟!!!
فهد :ريما يله صدقيني انه بخير
دخلت ريما بغرفه فاضيه ومظلمه كان فهد بيطلع بس ريما وقفته وخلته يجلس معها
وبعد ثواني دخل عسكري ومعه رجل طويل ولحيته طويله والشيب طالع فيها وعيونه المغوره والهالات السواداء تحتها
والتعب باين فيه من ظهره المنحني شوي وجسمه الهزيل وقفه العسكري علشان يوخر القيود من ايده من دون مايلتفت للي جاي مع فهد ..
يوسف :هلا فهد
ريما وقفت وهي تناظر ابوها وتحاول تذكر شكله قبل وهي مو مصدقه انه هو نفسه اللي قدامها ...
فهد مد ايده على يسلم عليه يوسف ضم فهد وسلم عليه بحراره ريما كانت واقفه بالظلمه مو باين مكانها
فهد اشر على ريما تقرب يوسف التفت وشاف ريما وهو يفتح عيونه بصعوبه يشوفها
لما قربت منه وهي عيونها تدمع من غير ماتحس وهو يناظر عيونها وبشرتها وطولها وجسمها وكانه بدى يشبه عليها
هذي البنت الصغيره الشقيه اللي تركتها الحين صارت عذراء مستحيل هذي بنتي وش ايجيبها هنا
يوسف بنظره تسال لفهد
فهد :هذي ريما ياعمي
يوسف انصدم مثل ماتوقع كانها صعقته كهرباء قعد يناظرها بتمعن :ريما
ريما بدت تدمع وتقرب منه بشويش وهي تردد في قلبها :ابوي
يوسف فتح لها حضنه ومد ايديه لها .. ريما ماترددت لحظه طارت بحضنه وصارت تبكي وهو يلمه وهو مغمض عيونه يشم ريحت الغوالي فيها
ريما وهي دافنه راسها بصدر ابوها كان يتالم كان بصدره رضوض لان مع محكوميته اشغال شاقه :وينك رحت عنا ؟
يوسف كان يتالم بس ظل ماسكها ماصدق في يوم انه راح يشوفهم وهو يمسح على راسها :والله غصب عني ؟
فهد كان متاثر باللي يشوفه واول مره يحس بريما ومسك ريما من ظهرها يبعدها عن ابوها لانه يبان فيه انه يتالم
ريما التفت على فهد وهي تمسح دموعها وتعدل حجابها اللي طاح وساعده نعومه شعرها ...

**SOoΚaRh** · 10-07-2011, 04:46 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

جلسوا على كراسي وصاروا يحكون ليوسف كل اللي صار لهم من وقت ماراح حتى اليوم
وفهد استغرب لما سمع ريما تقول عن سالفه مازن انه تزوج رانيا بالغصب
يوسف معصب :وليش تسمحله امك ؟
ريما :مازن ضرب خالي وامي اغمى عليها
يوسف يمسك راسه :معليه الله على الظالم انا لما اطلع اوريهم
ريما وكانها تشوف الامل بعيون ابوها وراح يعوضهم عن شقاء السنين :يبه ليش دخلت السجن
يوسف يناظر فهد :خلاص لاتذكريني اكيد فهد قالك ؟
ريما :ايه قالي بس مافهمت
يوسف :شلونك مع فهد والله اني تمنيت احضر زواجكم
ريما تبتسم :الحمد لله
يوسف يكلم فهد :فهد دير بالك على ريما امانه برقبتك
فهد ويناظر بريما :بنتك بعيوني وقلبي
ريما خقت على كلام فهد :تسلم
وقطع عليهم الحارس انها انتهت الزياره واخذ ابوها بعد ماسلمت عليه ووعدته بالزياره مره ثانيه بس بلغوها انه بالشهر مره راح تكون زيارته
ريما وهي طالعه مع فهد من السجن وهي تحس براحه لما شافت ابوها وارتاحت اكثر لما سمعته راح يوقفهم عند حدهم ...
فهد حرك السياره ويناظر الابتسامه بوجه ريما
فهد :انبسطتي لما شفتي ابوك ؟
ريما تهز راسها :كثير ... شكرا فهد ماراح انسى لك هالجميل
فهد :شرايك اعزمك على احلى مطعم صيني بهالمناسبه
ريما ترفض :لا خلها مره ثانيه تعبت اكل هذا الاكل الغريب والله اشتقت لاكلنا
فهد :ومن وين اجيب لك اكلك ؟؟
ريما تناظره بحده :انا اسويه
فهد بانبهاركل يوم يكتشف فيها شيء جديد :انت تعرفين تتطبخين ؟
ريما :ايه اعرف بس تقول اكل شباب يعني صواني خضار مكابيس بس الاكل الشعبي لالاسف يعني على خفيف
فهد يضحك لانها تعرف تطبخ الاكل الي يحبه بس ماحب يقولها :يعني
ريما :خلنا نروح السوبر ماركت ناخذ الاغراض
فهد :طيب
صارت الساعه 2نص الليل والحفله ماخلصت بالعكس كل شوي يزيدرون الناس رانيا تعبت
من وقت ماجات بهالمكان مانامت من الخوف من المكان اللي هي فيه
مازن :رانيا ابتسمي شوي شفيك مبوزمه ؟
رانيا بحده :ماني مجبوره البس قناع مثلك وشرواك
مازن يمرر لسانه على شفايفه بصبر :رانيا انكتمي حسابك بعدين
رانيا ماهتمت وراح عنها ما حست بالي يسحبه من خصرها بعنف ويلصقها بصدره من دون ماتنتبه من هو
لما رفعت عيونها شافت رجال غريب دفته عنها بقرف وعطته كف القاعه كلهم سمعوه ووقفوا الموسيقى والقاعه كلها تناظرها ...
رانيا تنفس بصعوبه وتحس ان ايدها انفصلت وهي تصارخ :احترم نفسك
كان فارس صديق مازن استاذن من مازن يراقص رانيا بس هذا اللي صار مازن انحرج من حركه رانيا وقعد يتحلف فيها لما تخلص الحفله
بدء مازن يهدي الوضع بعدين رجع الكل مثل ماكانوا ...
فارس بعد عنهم وهو يحس بالاحراج من رفض رانيا
مازن مسك رانيا اللي معصبه :شفيك انت ؟
رانيا وهي ترفع صوتها :لا والله ماشفته ...
مازن وهو يقاطعها :اسمعي هذا عند اهلك هذا اعز اصدقائي كيف ترفضين انه يرقص معك مافيها شيء
رانيا :مازن حن مسلمين كيف تسمحله يلمسني يكفي هالفستان اللي ملبسني اياه مادري كيف طاوعتك
مازن شاف خادمه تدور بصينه مشروبات على الموجودين نادها واخذ كاس ومده لرانيا وبخبث :وشرايك انك بتشربين هذا ؟
رانيا قعدت تطالع الكاس كان لون المشروب غريب عرفت انه خمر لان ريحته نفس الريحه اللي تشمها بفم مازن لما يكلمها
رانيا بقرف :لا مستحيل
مازن يبتسم ويحطه عند شفايفها الصغار المليانه :يله حبيبتي اشربي
رانيا مسكت الكاس وكبته على مازن وعلى بدلته ...
مازن مايصدق اللي يصير له قدام الناس يشوف رانيا تهينه وهو ساكت لها ويداريها ...
سيف كان يشوف كل شيء ووصى البودي قارد يودونها لغرفتها لانها فضحتهم بتصرفاتها اللي تهد مركزهم الاجتماعي
البودي قارد وصلوا رانيا لغرفتها بهدوء علشان ماتسوي ضجه ماتدري ان مازن وراها دخلت ولما كانت بتقفل الباب مازن دفه ودخل
وقفل الباب بالمفتاح وقعد يناظرها وهو معصب :ليش سويتي كذا ؟
رانيا بعناد :لما تعدى حدودك اكسر راسك ياولد سيف
مازن وهو يفك حزام بنطلونه :وريني من بيكسر راس الثاني
رانيا بعدت منه خافت اكثر قرب مازن منها وبدا يضربها بالحزام وهي تقاومه
وصار يوجه لها انواع التعذيب وهي طاحت بالارض وتحس الدم يسيل بكل مكان ...
الكل يشرح له مبرر وهو يفسر سبب اللي يصير لهم
محمد :وليش ياخذها الحقير
ام محمد تبرر لولدها من وقت ماقالتله ومعصب :ايش تسوي هددها انها لو تزوجك حياتك بخطر
محمد وهو يتذكر براءه رانيا :مسكينه يارانيا
ام محمد :مالك نصيب فيها
محمد بحيره مايبي يتركها :يمه انا لازم اساعدها
ام محمد بخوف لانها تعرف خطور تهم :ياولدي هذا ولد عمها ومالك أي حق تتطالب فيها خلاص انساها وانا بدورلك على غيرها
محمد نزل راسه بحسره كانت رانيا البنت اللي يدور عليها :الله يوفقها
ام محمد تناظر الساعه :تاخر الوقت روح نام بكره عندك سفر
محمد راح من غير مايرد على امه يتحسر على رانيا لانها ماتستاهل اللي يصير لها
ناصر ماقدر ينام صار له ثلاث ايام وهو يفكر برانيا من وقت ماراحت وهو وده يدري شصار فيها ...
قام من فراشه وناظر مها اللي نايمه بعز نومها وطلع من الغرفه وناظر غرفه رانيا توقع انها مقفله بس كانت مفتوحه دخلها وهو يتسلل
خاف احد يشوفه قفل الباب وراها وفتح الانوار غصته العبره لما يشوف اغراضها
راح لتسريحه وقعد يشم ريحه عطرها اللي يحبه ويلمس اغراضه وويتامل كل شيء فيه
راح قعد على السرير واخذ المخده وهو يشم ريحتها وضمها بقوه لصدره ويعض على فكه يحبس دموعه لانه بحس انها بخطر
شاف جوالها على الطاوله وقعد يناظر الكريستالات اللي فيه فتح الجوال وقعد يقلب بالاغاني والصور وتفاجا فيه حافظه سريه
رفضت مالتفتح الا برقم سري استغرب وفكر بطريقه تفتح نوع كذا فتح انصدم لما شاف الصوره الاولى
كانت صوره له لما كان صغير كانت الصوره اللي بالصاله وباين انها مصورتها بالجوال وتحسر اكثر كل يوم يكتشف شيء يثتبت انها تحبه
وهو يتعلق اكثر فيها خانته دمعته ونزلت على ايده وانحدرت على جوال رانيا وانتبه لها ناصر قفل الجوال خاف انه يكتشف شيء ثاني يقطعه..
مد نفسه على فراشها ومغمض عيونه يستنشق ريحتها وهو يتذكر ايامهم مع بعض ...

طمني عليك مانام الليل من خوفي عليك *** انت طيب هذا اللي هو يهم انت طيب وغير هذا مايهم
وش في صوتي مافي صوتي أي شيء *** كنت ساكت نامت عيوني شوي
كنت تحلم بي معك وانت تحكي واسمعك ***مافي قلبك ساعته سواي غيري اذاكلي وده قسم معاي
تشتكلي من عناده وتجرح جروحي زياده ** مكفاك حتى في حلمي معنيني
لو بساعد كنت ساعدني انا لو بيدي ** وانت محبوبي ماخذاك

فهد وهو يناظر ريما اللي مندمجه وهي تنقي الاغراض وتفحص تواريخها وانتجاتها ... فهد لما يشوفها كان مايدري بالشعور اللي يحسه صوبها
مكان يقدر يحدده ونسبه انه يمكن يكون اعجاب بشخصيتها بينما ريما مندمجه وهي ماسكه علبه بازلاء والتفت على فهد وهي يناظرها ومسرح فيها
ريما رافعه حواجبها :خير .. شرايك تروح تجيب باقي الاغراض بدال مانت واقف
فهد مستغرب من اسلوبها المتقلب :على امرك بس لاتفكرين اني خدام عندك والله اللي مصبرني عليك ابي اشوف ابداعتك
والله اني شاك تصدقين لو تطلعين ماعندك سالفه ومجوعتني لاوريك
ريما تلوي فمها :والله .. خلاص تحدي بنشوف يافهيد
فهد انشد صدره لما سمعها اسمه وهي تهزء فيه : بنشوف ياريموه
فهد بعد عنها وهي تناظره وتبتسم انها قدرت تستفزه :كذا الواحد يعرف يتكلم والله الواحد مايفتخر ويكسر راس الثاني اللا بشيء الي يعرفه
فهد بقسم المشروبات لم كم علبه عصير ومشروبات غازيه وحطهم بالعربه وراح لريما ولما قرب صوبها شاف مجموعه شباب يناظرونها
وهي مو منتبه كان حجابها طايح على كتفها وونصه على راسها وشعرها على وجهها بشكل يسحر

**SOoΚaRh** · 10-07-2011, 04:47 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

فهد حس بنار في جوفه وهو يشوف نظراتهم على جسمها خاف انه يصارخ عليهم وتاخذ ريما بنفسها مقلب وفكر وفكر ...
قرب منها وهو يعطيهم نظرات رمى العربه بعيد وجاء من وراء ريما وهو يقرب منها
فهد بهمس وعيونه على الشباب :خلصتي
ريما لماقرب منها فهد طاحت العلبه من ايدها لانها خافت :ايه خلاص
فهد وهو يرفع حجابها على راسها ولفها عليه ويدخل خصلات شعرها التفت ريما لفهد اللي يسرق نظرات لبعيد
لما شافت الشباب اللي يناظرونهم عرفت كل شيء ابتسمت وبعدت عن فهد
ريما وهي طايره من الفرحه لانها شافت الغيره بعيونه :خلاص انا بعدله مو عذر هذا علشان تقرب
فهد وهو يبرر لها :لا بس شفت الاغراض اللي بايدك حبيت اعدلك الحجاب
ريما تناظر الشباب اللي بان عليهم القهر كان باين انهم عرب :اه قلتلي بس الاغراض بالعربه ماله داعي انك تسوي نفسك مهتم
فهد يلم شتات افكاره :يله تاخرنا صرنا الظهر وانا جعت خلينا نحاسب
ريما مشت معه وبالها معه ووبالها مع اختها اللي ماتدري بحالتها ...

رانيا وهي تفتح عيونها بصعوبه وتحس بالم في جسمها كله قامت وهي تناظر جسمها اللي كله علامات ودم من ضرب مازن
راحت للحمام (اكرمكم الله ) علشان تغير ملابسها اللي من امس عليها خذت دوش وطلعت وهي بروب
راحت للمرايه وهي تناظر وجهها اللي كدمات ضحكت على شكلها ولما ضحكت انجرح فمها اليابس وطلع دم
رانيا وهي تمسح الدم :احسن تستاهل يامازن اهم شيء وطيت راسك
ماعرفت ايش تلبس فتحت الباب بهدوء ونادت لحد ماجات خدامه باين عليها انها مسكينه
رانيا :وين ملابسي ؟
الخدامه كانت تتكلم انجليزي رانيا لوت فمها بقرف : مادري شتقولين
رانيا تاففت وصارت تكلمها بالانجليزي :وين ملابسي ؟
الخدامه :مازن يقول ماعطيك أي شيء حتى الاكل
رانيا رفعت حواجبها :طيب عطيني من ملابسك
الخدامه خافت وفالاخير بعد اقناع من رانيا راحت وجابت لها بنطلون كان باين انه جديد وبلوزه بيضاء ساده وضيقه وبعد جديده
رانيا :هذي جديده
الخدامه بابتسامه :ايوه هذا لبنتي كنت بسافر واعطيها بس انت بحاجتهم
رانيا بادلتها الابتسامه حتى الخدم فيهم طيب وفيهم ناسي اصل الطيبه :مشكوره راح اعطيك قيمتهم
الخدامه :لا هذي هديه مني لك بس تكفين لاتقولين لمازن بيك
رانيا :لا بس ابغى تلفون
الخدامه خافت ورفضت :انا اخاف انت تعرفين مازن انا ماقدر ومافيه مكالمه تمر الا ويدري بها
رانيا بتافف :خلاص شكرا روحي
الخدامه :اجيب لك اكل ... وبجيب لك ضمدات علشان الجروح اللي بوجهك
رانيا برفض لانها خافت مازن اذا درى ياذيها :لا خلاص روحي شكرا
طلعت الخدامه ورانيا لبست وعدلت شعرها وقعدت على الارض تفكر ايش بتسوي ...
خديجه وهي داخله غرفه رانيا شهقت لما شافت ناصر ضام مخدتها ونايم بعز نومته ...
خديجه عقدت حواجبها واستغربت ليش ناصر نايم بغرفه رانيا مرت لاكشمي ونادتها خديجه
لاكشمي بصوت واطي :بابا ناصر كل يوم نوم هنا من وقت رانيا روه
خديجه استغربت :ليش ؟
لاكشمي تهز راسها :مادري....
كانت خديجه بتصحيه بس رحمته لما شافته كأنه يدور لحنان طلعت من دون ماتطلع صوت وقفلت عليه الباب ...
ريما وهي تفنن بالطبخ ومفتخره انها بتقدر تتحدى فهد ...
فهد راكز ظهره على على الجدار ويناظر خفه ريما وهي تشتغل كانت لابسه بنطلون جينز ازرق فاتح واسع وبحمالات
وبلوزه تبشيرت برتقاليه ورافعه شعرها ذيل حصان ومنزله الحمالات ماكنت لابستهم طالع شكلها كيوت
فهد يبي ينرفزها :هي انت لاتكثرين الفلفل ترى اكرهه
ريما مالتفت عليه كانت تغسل خضار سلطه :والله انا اكلي كذا تبي تاكل حياك
فهد :انا اللي اشتريت الاغراض
ريما :لا انشالله تعيارني بهالقريشات اللي دفعتها واذا انت اشتريت انا طبخت
فهد حس انها قدرت عليه :طيب يعني كذا
ريما التفت وهي تضحك بنعومه :ههههه
فهد خق على شكلها :خير تضحكين
ريما وهي تحط الخضار على الطاوله وتمسك ضحكتها :لا شيء بس تذكرت حاجه ... طيب ساعدني شوي
فهد ياخذ السكين ويلم الخضار :اقطع هذي
ريما :ايه بس صغار وانتبه
فهد :على ايش انتبه ؟
ريما تفشلت كانت بتقول انتبه على ايدك :لا انتبه على حجم الخضار خله متساوي
فهد استغرب من اللي تقوله :امري الله يعيني اليوم عليك
ريما كانت حاطه زيت علشان تقلي البطاطس نشفت البطاطس من المويه ورشت بسرعه عليه ملح وبهار وحطته بالزيت ..
طششششششششش..كان الزيت يتطاير بكل مكان ..
ريما تمسك رقبتها وتصارخ :اه احترقت
فهد وهو يوقف ويحاول يساعدها ... كانت ريما ماسكه رقبتها مانشفت البطاطس من الماء زين وحطتها بالزيت وهو حامي
ووتتطاير قطرات زيت عليها وطلع نار من التيفال اللي تقلي عليه ...
فهد وهو خايف عليها وهو يشوفها مغمضه عيونها وماسكه رقبتها :ريما انت بخير
ريما فتحت عيونها وهي تتالم :اه احترقت رقبتي صح
فهد وهو يسحب يدها علشان يشوف الحرق ولما فكت يدها كانت رقبتها حمراء مره فهد: بس شوي حمراء .. تالمك
ريما :ايه تحرقني
فهد قرب منها ورش على الحرق ماء يهويه بانفاسه ... ريما بلعت ريقها من حركه فهد لما حست بانفاسه تبرد رقبتها
جربت تبعد بس ماقدرت كان صمغ لصق رجولها بالارض .. فهد وهو يناظر ريما اللي سكتت من كثر ماهي تتالم وحس انها متاثره مثل ماهو يتاثر فيها
قرب منها اكثر وحط شفايفه بنعومه على الحرق وباسه بقوه .. ريما هنا احترقت ماقدرت تقاومه لانها ذابت على حركته ..
فهد حس بحراره جسمه وهو يقرب منها وهو يسمع انفاسها السريعه وعروق رقبتها المشدوده تحت شفايفه ...
دق جوال فهد فهد وريما اخترعوا وبعد فهد عن ريما وهو يناظرها مغمضه عيونها ومنزله راسها ...
فهد مو مصدق اللي سواه وصار يلعن اللي قطع عليه :الحين بتصير احسن
ريما فتحت عيونها بتدريج وو جهها احمر من الفشله ماقدرت تتكلم ماردت عليه ولفت على المغسله علشان تكمل شغلها ..
فهد لما شاف رده فعلها وازعاج الجوال طلع من المطبخ ولماشاف الرقم عصب لانها كانت الريم مسح شفايفه :الو
الريم وهي تضحك :مساء الخير عيوني
فهد :مساء النور كيفك حبيبتي ؟
ريما لما سمعته عرفت انه يكلم الريم وحست انها غبيه لما صدقت الحركات اللي يسويها صارت تغسل الخضار وترقع بالاواني
علشان يطلع صوتها بس هي من العصبيه وتحس انها اغبى وحده لو تترك فهد لريم وهي تناظر رومنسيتهم
فهد :لا بس انا في المطعم
الريم :مايهم حبيبي متى وصلت ؟
فهد بطفش :صار لي يومين ولا سالتي عني صح
الريم استحت من نفسها :ماكنت فاضيه
فهد دخل الغرفه وقفل عليه علشان ريما ماتسمعه وصار يقلب في الدرج لانه يدور لمرهم لحرق ريما ...
ريما انقهرت وحست انها بتكسر بس لازم تتعود على هذا الوضع لانها خلاص ماتبقى لها كثير وتدرس وتتطلق من فهد ...
ريما تجهز الاكل على الطاوله كانت حاطه صينيه خضار مع جبن مبشور وبطاطس مقلي ودجاج محمر وسلطات منوعه
وحطتها بطريقه راقيه ومرتبه وصارت تناظر لحد مايجي فهد ...
لما طلع فهد وشاف كل شيء جاهز انبهر بريما وسرعتها وريحه الاكل الحلوه وشكله وطريقة التنسيق
فهد يضحك :هههههه والله شكلك اللي بتفوزين بالتحدي
ريما بطفش من اسلوبه :ايه اكيد عندك شك
فهد وهو يناظر رقبتها وقرب منها :خليني احط لك المرهم
ريما اخذت المرهم وبعدت عنه :شكرا
راحت ريما للمرايه اللي بالحمام (اكرمكم الله ) وحطت لها مرهم وتوعد نفسها انها متنحني قدام رغباته ..
طلعت وهي معصبه ماتدري ليش وقعدت على الطاوله سرقت له نظره وهو ياكل
ريما :متى اوراق الجامعه تخلص ؟
فهد:قريب انشالله شهر بالكثير
ريما شهقت :ايش شهر ؟
فهد :شتبيني اسوي ؟
ريما تافف :ياربي خلاص فيه اجرات علشان نقدر نحركها ..
فهد يهز راسه بنفي :خلاص اصبري
ريما تبي تقرفه في عيشته باي طريقه :ابي جوال علشان اكلم لينا
فهد عصب :وليش ؟
ريما :ابي اروح عندها
فهد :ليش مو عاجبتك العيشه هنا ؟؟
ريما :لا طبعا .. خلاص انا كيفي
فهد ماعجبته الفكره خاصه انها امانه عنده :اوكيه مثل ماتبين بس اذا صار شيء لا
ريما قاطعته :لا ماراح يصير شيء
فهد فتح محفظته ومد لها بشريحه تلفون :خذي هذي لك
ريما اخذته بفرحه وقالت بجفاء :شكرا
لما خلصوا اكل لمت الاغراض وراهم كان فهد مبسوط باكلها كان عاجبه
فهد وهو بساعدها بلم الاواني :مشكوره على الاكل
ريما :العفو
ريما بدت تغسل الاواني وفهد يجففها
فهد :بعد شوي انا رايح لشغلي ويمكن اتاخر
ريما تلوي فمها :وش يخصني ؟
فهد استغرب من لهجتها :لا بس ابيك ماتخافين اذا تاخرت
ريما :اخاف عليك انت
فهد بعصبيه :لا اقصد ماتخافين تقعدين لحالك فهمتي
ريما عجبتها الحركه :ايه فهمت
فهد طلع وهو معصب من حركات ريما وقفل الباب وراها بقوه لان ريما قهرته وماعرف سبب التغير المفاجىء ..
ريما لما طلع حست انها ثقلت بكلام مع فهد بس احسن علشان ماتحسسه بانها تحبه .. دقت على فاطمه
ريما بنعومه ودلع مصتنع :"الو
ماسمعت الا صيحه من فاطمه :لوللللللللل هلا والله
ريما ماسكه اذنها :هلافيك وين الناس ؟
فاطمه :كيفك اه يالخايسه وينك ؟
ريما :كلي تبن وين بكون ببريطانيا

**SOoΚaRh** · 11-07-2011, 06:52 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

الجزء الثامن عشر
ريما :هي انت بلا احضان بلا قرف
فاطمه :بذمتك ماصار شيء
ريما :لا ماصار شيء ولا بيصير
فاطمه باستغراب :احلفي ولا بوسه لاتقولين تعب الرساله راح على الفاضي
ريما وهي تضغط على اسنانه :لا
فاطمه :احلفي
ريما تعبت :ايه
فاطمه :وبعدين ايش ايه
ريما :خلاص افهمي
فاطمه تزغرط :والله البنت راحت ملح
ريما تهديها :هي هدي شوي لاتفهمين غلط
فاطمه :مادخلتي يالملعونه
ريما تضحك على استهبال فاطمه لانها اشتاقت لها :لا مادخلت سلامات مستحيل لاتنسين الطريقه اللي تزوجنا فيها ..
بس اللي كتبتيه بالرساله صار وخذها مني والله اني يافاطمه حسيت اني بموت والله دقايق واسلم له نفسي بس الله ستر
فاطمه حست بمعاناه ريما :بذمتك ياريما مايحسسك بانه يميل لك
ريما باسف :لا يافاطمه واذا مال لي شيء طبيعي لاتنسين انه رجال وبعيد عن زوجته الاصليه واذا يشوفني كذا
فاطمه قاطعتها :حاولي ياريما انت تحبينه كيف تستغنين عنه ؟
ريما :مارارح احاول ولا اتكلم اذا يبيني يطلبني مثل العالم والناس وانا ماسويت كذا الا علشان ادرس واشوف مستقبلي
فاطمه حست بجديه ريما :ايه والله ياريما كل شيء ولا الكرامه ايش صار بالجامعه
ريما :فهد قدم على الاوراق بس قال بتتاخر
فاطمه :يعني كم ؟
ريما :شهر يقول
فاطمه :بتقعدين شهر معه عز الله اللي رحتي فيها
ريما :لا طبعا انا باتصل بلينا بكره بروح عندها
فاطمه :ايه احسن خليك كذا
ريما :والله يافاطمه احبه ماقدر بس مادري لما اتخيله مع الريم مادري ايش يصير فيني انجن وابين اني اغير..
تخيلي قبل مايطلع قبل شوي تلاسنت معه حتى عصب وطلع
فاطمه :اصبري عليه معليه كلها يومين وتنسينه ويطلقك
ريما باسف :يله اقلبي وجهك خليني اتصل بامي اشوف شسصار مع رانيا
فاطمه :يعني صدق اللي سمعته
ريما :للاسف ايه .. تشوفين الحقاره
فاطمه :يله مع السلامه وانتبهي على نفسك
ريما:مع السلامه
قفلت ريما وتذكرت حاجه لازم تسويها فتحت الشنطه واخذت الظرف اللي فيه مهرها فتحت المكتب وانبهرت بالكتب الكثيره اللي فيه
ولما قربت كان اغلبها روايات رومانسيه بالغات عديده استغربت ريما ماتوقعت فهد انه رومنسي راحت للمكتب وماعرفت وين تحطه
فتحت الدرج الاول شافت اوراق كثير ولما رفعت الملف الاول شافت صور كثير ناظرتها بتمعن وكانت لفهد مع ريم كان اغلبها صور رومنسيه لزواجهم
ريما ماتحملت الصور رمتها بالدرج بقرف وهي تذكر فهد لما يلعب عليها ولما رجعت الملف علشان تحط الظرف عليه
انتبهت على الملف لما فتحته شافت انه اوراق قبولها بالجامعه
ريما شهقت ماصدقت :ليش يسوي كذا هذي اوراق قبولي
ريما ماعرفت سبب ان فهد يخبي عليها اوراق القبول يعني المفروض انها مدوامه من اليوم
عصبت لانها فكرت انه تكون له خادمه وتجلس عنده وتبقى تحت حكمته اخذت الاوراق ورمت الظرف على المكتب
وطلعت من الغرفه وهي معصبه وتفسر عشرين تفسير ليش يخبي الملف عليها
ريما معصبه دقت على لينا
ريما :مساء الخير
لينا :اهلين مساء النور
ريما :كيفك لينا ؟
لينا :الحمد لله كيفك انت شكلك ببريطانيا
ريما :ايه صار لي ثلاث ايام
لينا: ايه وينك نتظرك ؟
ريما بكره ان شالله انا عندكم ولا ليش بكره اليوم الا انت وين ؟
لينا بفرحه تعطيها العنوان :خلاص حنا بانتظراك
ريما :يمكن اتاخر
لينا :خذي راحتك
ريما :يله باي اشوفك
لينا :باي
قفلت ريما وشغلت التلفزيون وهي على اعصابها وتمنى ان فهد مايتاخر ..

مازن وهو يفتح الباب على رانيا وشافها نايمه ضحك بخبث وقرب منها شاف علبه ماء صغيره عندها مسكها وفتحها بشويش وكبها عليها ...
رانيا فزت من مكانها وهي تنفس بصعوبه وحاطه يدها على صدرها وتناظر مازن
رانيا بنظره حاده :حقير
مازن يضحك بصوت عالي :شلون وجهك ؟
رانيا :الا ماقلتلي كيف بدلتك نظفت من النجاسه اللي انكبت عليها ولا ماقلتلي عن خد صديقك اكيد بالعنايه والله شكلي ثقلت ايدي عليه حرام مسكين
مازن انقهر من كلامها عطاها كف :انكتمي تدرين ليه تزوجتك بس علشان اعذبك واحرق قلب كل اللي يحبونك عليك
رانيا وهي تحس فكها طاح بحضنها بس مالمسته علشان ماتحسس مازن انه يالمها :على الاقل فيه ناس يحبوني ويحزنون علي
اما انت اذا مت يمكن ماحد يفقدك اوحتى يتكرم ويشارك بتشيع جنازتك ولا حد يذكرك بالخير تدري ليش ؟لا ن اعمالك كلها شر بشر
مازن ضربها لحتى طاحت بالارض بس ظلت ولاول مره صامده :شوفي بكره بنطلع من البيت ؟
رانيا اكتفت تناظره بحده مازن يصارخ عليها :نزلي عيونك لاطلعها لك
رانيا تضحك بنعومه :لا ومن انت ؟
مازن طلع من الغرفه ماتحمل صمودها وقوتها قدامه
رانيا لما شافت مازن طلع وقفت بس طاحت بتعب وتحس بتعب وصارت تبكي
ركضت للحمام (اكرمك الله وصارت تتقيا دم من كثر الضرب وقل الاكل من وقت ماجات ماكلت غير قطعه بقلاوه في حفله الزواج )..
ناصر وهو توه يصحى من النوم ناظر الساعه وفز بسرعه من مكانه ومسك راسه
ناصر :اوف لهذه الدرجه يارانيا حتى ريحتك نستني دوامي
خرج من الغرفه ولما طلع انصدم لما شاف مها قدامه ...
مها معصبه :وانا اقول وين تروح ؟
ناصر وقف قدامها :ليش معصبه ؟
مها عطته ظهرها :لا والله ليش معصبه ليش نايم بغرفتها
ناصر يتافف :لا اله الا الله
مها قعدت تصارخ :ناصر انت ليش كذا ؟
ناصر :مها عن الخرابيط ماحبيت ازعجك قريت كتاب وماشفت قدامي الى هذي الغرفه ونمت
مها ماصدقته عطته ظهرها وراحت ناصر حس ان مها زعلت منه بس طنشها ونزل عند عمته ولبس ثيابه وراح للدوام ...
ريما قاعده على اعصابها بالصاله سمعت صوت الباب انفتح وقفت من مكانها ..
دخل فهد البيت وشاف ريما واقفه والشر بعيونها استغرب لما شاف ورق بيدها وماكانه غريب عليه ...
ريما رفعت الملف :ايش هذا ؟
فهد بهدوء مايبي يتخانق معاها :ماصار الا وشفتيه بغيت اسوي لك اياه مفاجاءه
ريما عصبت وصارت تصارخ :لاتكذب ليش خبيت هالاوراق عندك ؟
فهد ماعرف حتى هو السبب ليش يبي ريما تكون عنده :ريما اهدي ماله داعي الصراخ بعدين انا ماكذب
ريما راحت عنه وشافها تسحب شنطتها :انا رايحه ومابي اشوف رقعه وجهك
فهد عصب من اسلوبها ولحقها :ريما بكره بوصلك الحين ليل
ريما راحت عنه وفتحت الباب من دون ماترد عليه .. فهد ركض وراها لعند المصعد
فهد بعصبيه مسكها من ايده :وين بتروحين هالحزه ؟ عن الجنان واقعدي علشان هذي الكذبه سويتي الهوايل وين انا لما جبتيني على ملا وجهي من هنا لهناك وسكتنا
ريما بعصبيه :فهد انا جايه هنا علشان ابوي واكمل مستقبلي ليش كذبت على اهلي وعرضت نفسي وعرضتك للخطر
علشان تخبي اوراقي ليش تبيني اجلس عندك ولا تبيني شغاله عنك صح ؟رد علي ؟
فهد انصدم اكتشف الحين ليش مايبيها تطلع من البيت لانه مايقدر على فراقها :ريما مافكرت نهائيا باللي تفكرين فيه
ريما تبكي وهي تضغط على زر المصعد بقوه وراء بعض من غير ماتنتبه :تدري ليش لاني وثقت فيك
فتح المصعد دخلت وهي تسحب شنطتها بصعوبه دخل فهد معها ولا تكلم وهي سكتت ماغير دموعها على خدودها
وهو قعد يتامل عيونها ودموعها ويحس انه استذنب فيها ... طلعت ريما وهي تسحب شنتطتها بقوه فهد مسكها: وقفي انا بوصلك
ريمات سكتت عطته نظره حاده
فهد عصب :خلاص انا اسف وبوصلك وانسيني
ريما بهدوء :متى بطلقني ؟
فهد حس انها صعبه عليه يطلقها :اصبري علي ...
ريما :ماراح ياخذ منك وقت
فهد عصب عليها :شوفي ياريما مادري منو سمحلك تدخلين مكتبي وتفتشين باغراضي مو تلقين شيء واحد تقومين تطلعين كل المشاكل اللي بقلبك مره وحده
اعطي نفسك مجال وانا خلي لي فرصه ادافع فيها عن نفسي
ريما ماردت عليه شافته فتح السياره من بعيد اخذ شنطتها ودخلها بالصندوق وركبت قدام جنب السايق
ظلوا ساكتين طول الطريق قطع الصمت
فهد :وين بتروحين ؟
ريما (والله يسوي نفسه مايدري ) مدت له بورقه بيضاء صغيره ... فهد اخذها
فهد :عند من ؟
ريما بملل من تمثيله :عند لينا
فهد لما سمع ردها ماحب يطول السالفه وصلوا المكان كان حي ضيق ومظلم ويخوف
كان شكله قديم بس باين انه الناس اللي يسكوننه ناس فقراء وبسطاء ..
ريما خافت من ظلمه المكان وكانوا اكثر السكان اللي يشوفونهم كبار بالسن
فهد :هذا المكان متاكده ؟
ريما تناظر وقلبها يدق من الخوف :ايه هذا العنوان اللي اعطتني ..
فهد :اشك هذا دار مسنين
ريما ضحكت على كلمه فهد :ههههه الظاهر
فهد ارتاح لما ضحكتله حس ان فيه امل ترجع معه
ريما رفعت جوالها ودقت على لينا ....
لينا :هلا ريما
ريما :وينك انت ؟
لينا :في البيت
ريما :ادري بس العنوان اللي اعطيتيني ايها شكله خطا
لينا :هو حي قديم امشي قدام شويه تلقين بنايه جديده وكبيره تقريبا عشره طوابق
ريما تكلم فهد :فهد لوسمحت قدام شوي ... مشى فهد شافوا بنايه كبيره وحولها حديقه حلوه عكس الحي اللي هي فيه ريما فرحت لما شافت المكان اللي بتسكنه
ريما : باي طابق انتي ؟
لينا :الرابع انتظرك وناسه
ريما بضحكه :مع السلامه

**SOoΚaRh** · 11-07-2011, 06:54 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

قفلت ريما وطلبت من فهد يوقف .. فهد يوقف وهو متردد يسمحلها تنزل ...
فهد :خلاص قررتي
ريما فتحت الباب ونزلت من دون ماترد عليه هنا فهد حس انه بموت وهو يشوفها تنزل بكل سهوله ولا همها
نزل علشان شنطتها فتح الصندوق ونزل شنطتها كانت بتاخذها منه بس رفض
فهد بعصبيه :انا بحملها
مشت ريما وفهد يمشي معها فتحت المصعد وضغطت رقم اربعه وهي ماتبي تناظر بفهد علشان ماتحس بالذنب انها بتتركه
وهي ماخذه انها بعمرها ماراح تشوفه .. وقفت عند باب الشقه وتناظر الترتيب والنظافه
فهد وقف ويحس ان قطعه من قلبه انقطعت فتح المحفظه وطلع فلوس ومده لريما :اذا احتجتي شيء ؟
ريما ناظرت فهد وصارت قلبها يدق حست انها لحظه الوداع قربت :لا مشكور معي اللي يكفيني
فهد عصب عليها وصار صوته عالي ومسموع :ريما خذي لاسحبك مع شعرك ورجعك السعوديه فهمتي تراك تعبتيني غلطه وسوينها شصار
ريما خافت بلعت ريقها :بس انا معي اللي يكفيني
فهد :من وين لك ؟
ريما خافت انه يغصبها ويفضحها قدام اهل البنايه :من المهر
فهد :اسمعي انتبهي على نفسك علاقات مثل ماقلت قبل مافيه ...
ريما لما سمعت تعليماته كلها حست انه ماراح يتركها وراح يسال عليها :ايه سمعت
لينا لما سمعت اصواتهم فتحت الباب وصارت تبسم لهم
لينا :هلا وغلا
ريما سلمت عليها .هلا فيك
لينا ناظرت فهد واستغربت من عصبيته اللي باينه فيه وكان معجبها ابتسمت له ومدت يدها :هلا
فهد سلم عليها :هلا فيك ...
لينا :تفضلوا
فهد خاف وعرف من حركه لينا انها عادي تدخل رجال للبيت :لا انا استاذن ومابي اوصيك على ريما
ريما عطته نظره وبصوت واطي مايسمعه غيره :ماني بزر
فهد قرب منها ويهمس لها :والله لو اسمع انك مسويه شيء لاكسر راسك
ريما بعصبيه :خلاص درست الاجواء الحين شرايك ترجع وتتصل على الريم تعطيها اخر الاخبار
فهد بعد عنها :مع السلامه
ريما لما راح فهد حست انها حقيره ماقدرت تسامحه على غلطه بسيطه وهو ماقصر معها قعدت تتامل حسناته قطعت عليها لينا ..
لينا :ريما ليش ماتدخلين تعالي اعرفكم على البنات
دخلت ريما وهي متفائله ومو مصدقه للي وصلته وكل هذا بفضل الله ثم فهد
دخلت شافت الاثاث المتناسق والالوان الحلوه وكانت كلها اصفر واحمر وبنفسجي الوان بناتيه وحلوه تناسب اعمارهم
وشافت بنتين حلوين قاعدين يلعبون بلاستيشن دخلت عليهم لينا وهي تنطط وكانها مسويتها مفاجاه
لينا :وهذ ريما
البنتين انبسطوا وراحو يسلمون عليها لينا تمد يدها تعرفهم على بعض
لينا :هذي ساره وهذي نهى
ريما ابتسمت ارتاحت لهم حستهم مثلها تذكرت فاطمه كان فيها شبه من ساره كثير
ريما :تشرفنا
ساره :والله بوجودك
نهى :تعالي افرجك على الغرفه
لينا تصارخ عليها :نهى انا شقلت ريما معي بتنام بالغرفه
ريما تضحك :ياجماعه هدوا ترى على فكره انا اشخر واروح ملح لما انام
البنات ضحكوا على ارتياح ريما لهم وصاروا يمزحون معها وهم جالسين مع بعض وكانت لينا مجهزه اكل حلو ..
دخلت وحده عليهم كان شكلها صاحيه من النوم دخلت عليهم معصبه
...:ليش تصارخون .؟؟
ريما ساكته تناظرها والبنات صاروا يتاففون وهم يشوفونها
لينا :سلمي على ضيفتنا ريما
ريما ابتسمت :هلا
لينا :هذي جيهان .
جيهان ابتسمت بجفاء بحركه استهزاء :اهلين بعدين اسمي جيجي كم مره اقولكم
لينا :عن اللقافه رحبي في البنت وعن الحركات
جيهان :لينا ماني رايقتلك
ريما :هدوا ياجماعه ماله داعي الخناقه على ايش ؟
نهى تاشر للينا تسكت لينا سكت وظلت جيجي تصارخ لحد ماطلعت من الصاله والبنات ماسكين روسهم من صوتها ...
ريما :بنات اشفيها هذي ؟
ساره :خبله معليك منها مو طبيعيه
نهى برقه :عيب سوسو مايصير معليك ريما هي عصبيه دايما بس حاولي تجنبيها
ريما :اوكيه
وصاروا ياكلون وكل وحده تعرف عن نفسها بارتياح وبدون حواجز ..
ساره :عمرها 24 سنه سمراء شوي طويله ونحيفه مره وشعرها قصير مره (بوي ) قلبها طيب وراعيه وناسه
وبايعه الدنيا امها اسبانيه وابوها سعودي وهي غنيه وقلبها طيب ومستعده تساعد أي احد وتدرس حقوق سنه رابع ...
نهى :21سنه تدرس اداره اعمال دبوبه وبيضاء قصيره شوي وشعرها اشقر عفويه واللي بقلبها على لسانها
هي بالاصل ساكنه بصلاله وهو سعودين بس ابوها متوفي وهي جايه تدرس مع اخوها ...
لينا 24سنه بنت حلوه وطيبه واكانت نوال تمدحها لريما بجمالها متوسطه الطول وبيضاء وشعرها طويل حناوي وعيونها كبار وسوداء
تمتلك الجمال البدوي وجسمها راوي وحلو وتميز بالجاذبيه عايلتها من الطبقه الوسطى يعني اللي يمشي حالها تدرس التصميم وعالم الازياء اخر سنه
جيهان :30 سنه غريبه اطوار وعصبيه دايما ويبان في شكلها طويله وبشرتها حنطيه على برونز ونحيفه مره لدرجه ان ريما شكت ان عندها انيميا
كانت ملامح وجهها قاسيه وتخوف حتى ريما لما شافتها مارتاحت لها كانت تشتغل بشركه تصميم ازياء هي عايشه طول عمرها مع جدتها
بعد ماتركتها امها مع ابوها وابوها رماها عند جدتها البريطانيه وهي قررت تشوف حياتها وطبعا جدتها تركتها قالوا لريما قصتها لما تركها خطيبها علشان شغلها ..

رانيا وهي تجهز نفسها بعد تحذير من مازن لها انهم بيطلعون من البيت وماتدري وين بيرحون ومافكرت تساله دخل مازن وشافها لابسه وجاهزه
مازن :يله نمشي
رانيا :ابي اكلم اهلي
مازن بطفش :كلميهم بعدين
رانيا بعصبيه :لا مابي الحين اكلمهم
مازن مسكها من ايدها وسحبها :يله قدامي
نزلت رانيا وهي ماسكه دموعها وتفكر شسوت بحياتها علشان تلقى هالعذاب كله وخلها تركب السياره بالغصب وصار وا يمشون بالسياره
وهي تناظر مازن ووجهه اللي ماليه المكر وهي ماتدري ايش يبي منها وليش يعذبها ..

فهد توه يدخل البيت ويحس بالضيقه بصدره وهو يفكر بريما وصورتها ماتروح من باله كان بيدخل غرفته وشاف باب مكتبه مفتوح
دخل فهد وشاف درج المكتب مفتوح وصوره مع الريم مرميه مبعثره بدرج وعرف انها ريما سوت كذا بعد ماكانت مرتبه
قفله بقوه وانتبه لظرف كبير ماهو بغريب عليه فتحه وشاف فلوس فيه وعرف انه المهر ان ريما رجعته له
رماه بعيد عنه على درج كبير لدرجه من قوه الضربه طاحت الكتب اللي فيه وصار يصارخ ويلعن ريما
فهد :هين ياكذابه والله لاوريك معليه اوريك يابنت يوسف من وين تعيش هذي ...

ناصر دخل غرفته علشان ينام ويحس بالتعب شاف مها قاعده ترتب ملابسها لما شافته طلعت من الغرفه بس ناصر نادها
ناصر :مها شفيك ؟
مها بقرف :ابد مافيني شيء
ناصر :ياريت نكون واضحين مع بعض
مها :ناصر اللي شفته واضح وكثير بعد وحتى الاعمى بيشوف خلاص يوم انك ماتبيني ليش تزوجتني
ناصر يسكتها ويحاول يوصل معها لحل :يابنت الناس انا ماخذك بارادتي واللي صار شيء عادي
لقيت الغرفه مفتوحه ونمت وراحت على نومه ماقصد غرفتها بذات
مها :ياريتها جات على الغرفه بس
ناصر عقد حواجبه وخاف انها تكون عارفه شيء :شقصدك ؟
مها وهي طالعه :ولاشيء
ناصر تركها تتطلع حس انه مستحيل يوصل معها لحل لمشكلته وفي الاول والاخير هذي مشاعره مستحيل يقدر يتحكم فيها ...

**SOoΚaRh** · 11-07-2011, 06:55 PM

رد: عشاق يعتلون ناصيه القلوب /روايه سعوديه رومنسيه وجريئه كامله ||لاتفوتكم|| رو

رانيا وهي مستغربه من المكان اللي مدخلها فيه مازن شبه صحراء خاطي نور تشوفه
رانيا خافت وفي الاخير شافت فيله كبيره وباين انها منقرضه مافيها احد فتح الباب بريموت الكنترول ودخل السياره
وهي تناظر الحديقه اللي شبه يابسه والانوار مطفيه بكل مكان و قف السياره
مازن :انزلي وصلنا
رانيا :وين انزل شهذا المكان ؟
مازن نزل من السياره من دون مايرد عليها وبدا ينزل الاغراض نزلت رانيا وراها ولما مشت وراه وفتح الباب وبدت تكح وهو قاعد عند الباب يضحك
رانيا :كح كح مازن شهذا كل المكان تراب
مازن يضحك :بتنظيفينه بكره
رانيا سكتت وهي حاطه يدها على فمها :ماراح انظف شيء تفكرني خدامه عندك
مازن ببرود :بتنظيفه مثل ماقول
رانيا بعصبيه كانت بتتطلع بس مسكها:وين ياعمري ؟هذا بيت الزوجيه كيف تتطلعين منه بعدين واجبك تنظيفين بيتك صح ولا
رانيا تفك يدها منه :بالله هذا بيت باخر الدنيا ومهجور والله يستر منه بعد
مازن وهو يشغل الانوار :ابيه بكره مثل الورده فهمتي انا بروح انام فيه غرفه نظيفه تعالي ننام فيها
رانيا بخوف :لا خلني اشوف البيت اول
مازن حس بخوفها بس ماتفرق عنده :شوفيه براحتك
رانيا لما اختفى مازن عن عيونها راحت تتدور تلفون بس للاسف لقت واحد ومقطوع عصبت ورمته بقوه على الارض ...
صارت تدور بالفله ناظرت كان الاثاث فاخر والمكان منسق وكاننه صار لها تقريبا سنه مو ساكن فيه احد تنهدت بعجز لانها مضطره تنفذ اومراه علشان مايضر اهلها ...
الصباح ريما لابسه ومتجهزه متحمسه اول يوم دراسه صحت لينا من النوم ودخلت الحمام (الله يكرمكم )
دق جوالها ولما رفعته ريما علشان تقول للينا من المتصل شافته اسم غريب ماينقراء
ريما تصارخ :لينا جوالك يدق
لينا من الحمام تصارخ €:من ؟
ريما :مادري كلام غريب ماينقراء
لينا بسرعه لفت الفوطه على جسمها وطلعت خطفت الجوال وحطته صامت .. ريما استغربت من حركتها بس ماحبت تتدخل
ريما :انا بطلع لاني خلصت
لينا بارتياح :ايه ابي البس بتلقين البنات اطلعي معهم
ريما :الله على التصريفه
لينا :لا ريما مو تصريفه بس ...
ريما خلاص يابنت الحلا ل ماصارت بطلع .. طلعت ريما من الغرفه وناظرت بالصاله كانت نهى جالسه مع جيهان وكانهم بيكلون بعض
نهى معصبه :شوفي مو لهذي الدرجه
جيهان :خلاص اذا مو عاجبك اطلعي من البيت
ريما مو داريه بالسالفه :يالله صباح خير بنات اشفيكم
جيهان :الله عليكم تجمعوا الطالبات
ريما استغربت من لهجتها ماحست الا نهى تصارخ :شوفي ياهانم هذي اخر مره تدخلين هالاشكال بيتنا .. هذي ثاني مره تدخلين بنات كذا
ريما مسكت نهى :هدي يله نروح للجامعه
جيجي :روحي ولي يله انا اشتريك واشتري اللي جابوك مو جيجي اللي تسمع لبزر مثلك
نهى :كلي تبن ماني بزر انا اعقل منك يال
ريما سحبتها لحد ماطلعوا برى :نهى شفيك ؟
نهى تنفس بصعوبه :تدرين ان هذي مدخله لبيتنا بنات وبيئه اشكالها
ريما شهقت :شلون تسوي كذا ؟
نهى :خلينا منها والله لو تكررها اني لامسح فيها الاراضي
ريما :هدي بعدين لا تخربون علي اول يوم
نهي تدور جوالها:تكفين وقفي ؟
ريما مستغربه:ليش؟؟
نهى لقت جوالها وبضحكه :ابي اصورك مثل البزارين لما يروحون المدرسه اول يوم
ريما :ههههههه حرام عليك خوفتيني
نهى :وين ساره شفتيها ؟
ريما :سمعتها تقول محاضرتها متاخر
نهى وهي تمشي مع ريما :ايه احسن لها تنام
ريما لما طلعوا للشارع صارت تناظر اللي رايح واللي جاي الكل بشغله وصاروا يمشون
نهى :لازم تتعودين
ريما :الجامعه بعيده
نهى :لا خلاص قربنا نوصل
ولما وصلوا ريما وهي تناظر التجمعات والمباني الطويله والحدايق اللي براء كانت مفتوحه من دون اسوار
مثل الجامعات اللي تعرفها ماتخيلت انها بتدرس في هالمكان الحين حست بالمسوليه
نهى وهي تناظر ريما المخققه :هي يابو الشباب وش رايك ؟
ريما رافعه حواجبها :تصدقين اني خفت ماتصورت اني بدرس هنا يالله شقد حلوه وينك يافاطمه تشوفين ..
نهى وهي تسحب ريما وتحس الانظار عليهم ماقدرت نهى تقول ان الحجاب ممكن يسبب لها مشاكل :يله ندخل الحين بتبدي المحاظرات
ريما :يله
وصاروا يمرون بالممرات ويناظرون الكل ريما حست بنظرات عليها بس ما عرفت مع انه كثر محجبات ومسلمين هناك ...
على فكره ريما دخلت قسم (ادراه وتسويق ) القسم اللي تحبه وتميل له وتوقع انها راح تكون موفقه فيه ..
لما دخلوا القاعه ناظرت ريما الاماكن فاضيه كان باقي على اول محاضره دقيقتين تقريبا والاماكن مليانه لقت مكان بس كان جنب واحد
خافت انها تجلس بجنبه وتحس انها شافته بس وين ماتذكر
نهى مستعجله :ريما مع السلامه انا عندي محاضرات بينا اتصال لما تتطلعين
ريما كانت خايف ومتردده بس ماتبي تحسس نهى انها ضعيفه مو قد مسوليه نفسها :اوكيه انا بحصل مقعد واجلس فيه
نهى بتحذير انتبهي على نفسك
راحت نهى عن ريما وريما التفت وراها وهي تشوف الطلبه قاعدين قبل الوقت باماكنهم
راحت للمكان الفاضي وجلست فيه من دون ماتلفت وجاء صوت من الشخص اللي جنبها
راشد :شلونك ؟؟
ريما ناظرت فيه وفزعت لما شافته :هذا انت !!
راشد بابتسامه :ايه انا
ريما بعصبيه :ايش تسوي هنا ؟؟
راشد :جاي اشوفك ياحظي .. هي انت على ايش شايفه نفسك تحسبين ماحد يدرس غيرك
ريما عرفت اصلا ماله بدراسه لان شكله كبير وماتوقع اشكاله ناس جديين :اعصابك انت ماتكلم اصغر بزارينك
راشد يضحك :عن الكلام الزايد انا ماقلت شيء
ريما عصبت :لاوالله اقول حتى اذا شفتني لاتكلمني اصلا انا ماعرفك علشان تسوي لي فيها صداقه
راشد يرفع ايده :هدي هدي انا اسف وحقك على راسي من فوق خربنا حياتك هذا اذا انت ماخربتيها من زمان
ريما سكتت وطلبت من وحده تبدل بالامكان بعيد عنه ولما حضرت المحاضره كانت بنسبه لريما ممتعه طبعا لانه اول يوم وشيء طبيعي هالاحساس
لما طلعت لقت ساره ونهى بالكوفي شوب وقعدت معهم تسولف
ريما :يالله يابنات ياواحد ناشبلي من وقت ماشفته بالمطار ..
نهى :من هو تعرفينه ؟
ريما :لا والله ولا عمري شفته
ساره :يمكن معجب سري
ريما تضحك باستهزاء :أي معجب من وين يعرفني والله فشلني قدام فهد
نهى :من فهد ؟
ريما تذكرت انهم مايعرفون قصتها ولاتبيهم يعرفون :لا هذا اخوي جاء معي ويدرس بس بغير محافظه
ساره :لازم تعرفينا عليه اذا هو حليوه مثلك
ريما ابتسمت لما تذكرت شكله :الا عسل
نهى تضحك وتاشر بيدها :الشباب جاو
ساره :شوفي انا بقوم ترى ماكلمهم اخر مره زعلوني
نهى :اوف منك لاتخربين الجلسه الحين خالد يفلها ويقلب القعده وناسه
ريما استغربت وعرفت ان لهم اصدقاء شباب وتذكرت كلام فهد وخافت اذا احد صدفه شافها منهم اكيد بيسلم عليها
على اساس انه يعرفها خافت واستاذنت من البنات :يله بالاذن
نهى :ريما يله عن السخافه نبي نعرفك
ريما :لا مره ثانيه
وقفت ريما وساره معها بس نهى صارخت فيها وغصبتها تفعد وجلست معهم .. اما ريما بعدت عنهم وهي تناظر الطلاب والجامعه
رفعت جوالها واتصلت على فاطمه لقت جوالها مغلق وتذكرت انه بيكون عندهم ليل قفلت جوالها وراحت تتمشى
واشترت اغراض للبيت من دون ماتهتم لباقي المحاضرات ماعرفت ليش ضايقه وتحس بغصه لانها ماتعرف عن رانيا ولا تعرف مازن ليه سوى فيها كذا
وهي راجعه شافت واحد واقف بنص الطريق كل ماحاولت تمر وقف بطريقها خافت منه ولما حاولت تضربه مسك حجابها وسحبه من على راسها
ريما صارت تضربه باباكياس اللي معها وهي تسمع ضحكاته ولما بعدت عنه بعد مانفل شعرها وصاروا الناس يناظرونها
مترجم بالعربي
الرجال الانجليزي :واوكذا احلى
ريما :ياحقير
ارجال :انتم العرب غريبين احد يخفي هالجمال
ريما :لو ماترجع لي حجابي لابلغ عليك الشرطه
الرجال يضحك وطلع ولاعه من جيبه واحرق حجابها وبدا يقرب منها ريما لما شافت المكان اللي حولها بدا يفضا
كان الرجال اللي قدامه يخاف احد يواجهه ركضت لحد بيتهم ودخلت غرفتهم وهي تلهث من الخوف وخرجت لينا من غرفتها بخوف
لينا :ريما بسم الله وش فيك ؟
ريما تاشر على الباب وتبكي :الله لا يوفقه اخذ حجابي واحرقه
لينا :يالله ياريما انتبهي منهم انا قلتلك فيه ناس متعصبين هنا
ريما :ليش فيه ناس كثير متحجبين وبعد بالجامعه ماحس انهم لهذي الدرجه
لينا تقاطعه :لينا هذولا معهم ناس يحمونهم وانتي اكيد طلبتي احد يساعدك ما اتوقع احد تبرع
ريما :لا طبعا والله شكله يخوف
لينا :طلما تلبسين حجاب راح يعترضلك كل يوم
ريما تفكر :خلاص قررت والله براسي بيمشي
لينا وهي داخله غرفتها :بكيفك
ريما بتعب حملت الاغراض وهي تذكر الموقف وقلبها يدق من الخوف ولو ان فهد معها كان احسن ...

رواية عشاق يعتلون ناصيه القلوب / كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget