تويت
.
رد: نار الغيرة تحرق رجل واطيها \ لـ bwidow ,, كاملة ,
غانم , غانم ..
جاي يشهد على اذلاله للمره الثانيه
وش يبي هذا ؟
لكن قال بهدوء واهو يخفي غضبه " نازل ألحين "
لبس اي شي موجود حوله .
ونزل ..
لما دخل اللوبي , مرر عيونه على الحضور.
فجأه طلع قدامه , الشخص اللي يبحث عنه ..
كان قريب منه بطريقه استفزازيه ..
خالد مسك اعصابه , لا يدفشه عنه , أو يطلع اعصابه على هالشخص الإستفزازي .
قال ببرود ظاهري " نعم !! "
غانم بقسوه " يعني ما تدري !! " حط ايده على خالد , يبي يدفشه , بس خالد مسك ايده , وبعده عنه بقسوه ..وقال لغانم بعصبيه " وش مشكلتك انت ؟! "
هذا كان راح يؤدي إلى فتح باب العنف , لأن اثنينهم مو قادرين يسيطرون على اعصابهم .
هالشي ماغاب على واحد من السيكيورتي , اللي قرب وقال " في مشكله يا حضرات ؟؟"
اثنينهم شافوه ..
خالد اهو اللي تمالك نفسه , وابتسم للسيكيورتي .
وقال " لأ ابدا , ما في مشكله "
السكيورتي نقل نظره بينهم , وقال " متأكدين ؟! "
خالد اللي ما تعود على هالأسلوب , قال بصرامه " متأكدين يا استاذ , شكرا "
السيكورتي عرف من هالأسلوب ان الأعصاب , صارت تحت التحكم.
بعد ما راح , لف خالد على غانم , واهو متمالك نفسه بالعافيه , بس ما كان يبي يسوي مشهد قدام الناس .
غانم كان واضح عليه عدم الرضا والغضب , خالد لأول مره يشوفه جذي .
مو هذا اهو غانم , ومو هذي تصرفاته .
خالد قال له بغضب مكبوت " ممكن افهم سبب هالزياره ؟ "
اوقفوا مواجهين بعض واخيرا نطق غانم وقال بغضب " تدري اشصار اليوم " وما نطر خالد يرد وكمل بعنف " دخلت على بنت حنان وشفتها تبجي , وطلعت من عندها من غير لا تحس فيني , من البجي...كانت تبجي واهي مو حاسه بأحد "
خالد كان قاعد يتمالك نفسه ..مو قادر يرد , لأنه عارف انه راح يذبح احد .
تبكي , طبعا هي المظلومه المسكينه !!
ما كنها هي اللي ارفضته , وقالت له انها ما تبغى تجي معاه .
صحيح , ضربني وبكا وسبقني واشتكى
قال " المطلوب مني ؟ "
ابتسم غانم بعنف وقرب من خالد ..
" انت خذيت فرصتين مع بنت حنان ودايما تبجيها وتنزل من كرامتها , وضيعتها من ايدك , وانا واثق انك ما تستحقها , وادامي موجود وراسي يشم الهوا , راح احرص ان فرصتك الثالثه , تكون بعيده عنك , بعد السما عن الأرض "
وطلع من الفندق ..قبل لا خالد يرد عليه ..
خالد كان حاس بغضبه وصل لدرجه انه ما يقدر يتكلم ..
كان يدعي الله ان غانم يطلع قبل لا يمردغه على الأرض .
هذا اللي ناقصه يهدده ..
كان وده لو يتهاوش مع احد , يكسر شي من الغضب .
بس يطلع الغضب اللي حسه ..
وبلحظه لما تردد التهديد بعقله , كان راح يلحق غانم ويتضارب معاه , لكن ضغط على نفسه ..
وبغرابه جا في باله ..انه ان تهاوش وكبرت السالفه راح يدري بدر و بكذا ما راح يكون مثال حسن لبدر !!
غريب كيف انك بأشد اوقاتك عصبيه , يجي في بالك شخص ..ويخليك تمتنع عن عمل فعل مجنون ..
يراهن خالد ان بدر ما راح يطري على باله انه بيوم من الأيام منع اخوه الكبير العاقل من الدخول بمضاربه , كنه مراهق ..)
رجع للحاضر ..
قعد بسيارته , لفتره لما ألحين عنده نفس الإحساس , وده يتهاوش مع احد , و وده يكسر شي من الغضب .
وش تبي يا غانم ..
انا اللي فيني كافيني , وش حاشرك بيني وبينها .
غانم :
بقى طول الأشهر اللي فاتت بمصر !
ما احد يقدر يعتني ببنت حنان مثلي , لا عمر , ولا ابوي سعود .
ما احد يدري انها تعاني , وتقاسي مع ذاك البليد إلا انا .
الحمدلله ان بنت حنان قررت انها تبقى بمصر .
لكن ابوه ما كان موافق بالأول لكنه انجبر بالنهايه..
( قبل ثلاث شهور ..كانوا موجودين بالصاله , اهو كان متعمد التواجد الدائم حولهم , بعد يومين من مواجهته مع زوجها !!
اهو فعلا ارتاح لما عرف ان خالد سافر , لكن ما يقدر يضمن انه راح يرجع ..
ابوه قال لمها , واهو متجاهله كليا , وهالشي مو غريب عليه " مها انا راجع للكويت عقب اسبوع , حضري جنطتج باخذج معاي ؟ "
غانم لاحظ ردة فعلها , شلون ارفعت راسها بعجله ..
وقالت " لأ يبا ..لأ انا ناويه ابقى بمصر "
نقل نظره لأبوه ..واهو مرتاح انه ابوه مو مهتم لوجوده ,لأنه يحب يتأمل الوجوه والتعابير , ويفهم اللي جدامه خلال هالفتره .
كان ابوه عاقد حواجبه " تبقين بمصر ؟!!..منو وياه , يا مها , ؟!!ما كو احد يقعد معاج ألحين , كلنا بنرجع الكويت "
طبعا (كلنا ) لا تتضمن غانم !
نقل غانم نظره لبنت حنان .
اللي ابتسمت برجفه , وقالت " يبا بس انا ابي ابقى ..وخالي عمر موجود و ..."
قاطعها ابوه سعود (واهو نقل نظره لأبوه سعود ) " مها اهو توه متزوج , اتهقين راح يكون فاضي لج ؟؟ , بيجابل مرته ولا يجابل علاجه ولا يجابلج؟؟ "
نقل غانم نظره لمها , اللي غزا الإحمرار وجهها , وانتقلت الرجفه من شفايفها لصوتها " يبا العماره كلهم نعرفهم .." وقطعت كلامها بتوتر
نقل نظره لأبوه اللي قال بصبر غير معهود " مها ردي معاي الكويت !! , بلا كلام ما له معنى , ليش تبين تبقين بمصر "
رد غانم نظره لمها ..
وشاف النظره اللي عذبته , بنت حنان خايفه من مواجهة الناس !
استغرب من نفسه كيف فهم معنى هالنظره !!
هذي النظره يعرفها , يتذكرها !!
بس من وين ؟ , وين شاف نظره مثل هذي ؟
ومثل طعنه بالقلب عرف وين !!
شافها بالمنظره , لما يشوف روحه كل يوم ..
" يبا افهمني ما ابي اروح ...." وبعدين فجأه شع نور بعيونها وقالت بدلع " يبا الله يخليك , انا دلوعتك , يبا طلبتك .. "
هالمره ما اقدرت عينه تنتقل لأبوه , قعد يتأمل عيونها .., وتعابيرها ..
حس جنها فجأه تذكرت شي وارتاحت لما تذكرته !!
ولما سمع كلمتها عرف انها معتمده على مكانتها عند يدها , وانها قاعده تستغل هالشي .
ابوه قال بصوت صارم " مها لا تجربين صبري ؟؟ انا قلت بتردين معاي بتردين "
هزت راسها بموافقه , وكنه انطفى النور ..
لكن بعدين قالت " خلاص يبا , نروح حق الطبيب , واخذ اذنه للسفر وبعدين اسافر معاك ."
قام ابوه من غير اي كلمه ثانيه ..
بعد مرور يومين نفس المشهد رد تكرر !!
ثلاثتهم قاعدين , واهو كنه شبح بالنسبه لأبوه , يحس ان أبوه اصلا مو منتبه لوجوده !
وينقل اعيونه بينهم ..
ابوه كان ألحين يقول بصرامه " ليش ما سمح لج بالسفر يا مها ؟؟"
بعدت شعرها وقالت بتعب " لأن ..لأني نزفت دم , وهذي المره الثانيه , خلال اسبوع !! "
عينه اوسعت ..
ولف على ابوه ..اللي ضغط على اسنانه ..
غانم , غانم ..
جاي يشهد على اذلاله للمره الثانيه
وش يبي هذا ؟
لكن قال بهدوء واهو يخفي غضبه " نازل ألحين "
لبس اي شي موجود حوله .
ونزل ..
لما دخل اللوبي , مرر عيونه على الحضور.
فجأه طلع قدامه , الشخص اللي يبحث عنه ..
كان قريب منه بطريقه استفزازيه ..
خالد مسك اعصابه , لا يدفشه عنه , أو يطلع اعصابه على هالشخص الإستفزازي .
قال ببرود ظاهري " نعم !! "
غانم بقسوه " يعني ما تدري !! " حط ايده على خالد , يبي يدفشه , بس خالد مسك ايده , وبعده عنه بقسوه ..وقال لغانم بعصبيه " وش مشكلتك انت ؟! "
هذا كان راح يؤدي إلى فتح باب العنف , لأن اثنينهم مو قادرين يسيطرون على اعصابهم .
هالشي ماغاب على واحد من السيكيورتي , اللي قرب وقال " في مشكله يا حضرات ؟؟"
اثنينهم شافوه ..
خالد اهو اللي تمالك نفسه , وابتسم للسيكيورتي .
وقال " لأ ابدا , ما في مشكله "
السكيورتي نقل نظره بينهم , وقال " متأكدين ؟! "
خالد اللي ما تعود على هالأسلوب , قال بصرامه " متأكدين يا استاذ , شكرا "
السيكورتي عرف من هالأسلوب ان الأعصاب , صارت تحت التحكم.
بعد ما راح , لف خالد على غانم , واهو متمالك نفسه بالعافيه , بس ما كان يبي يسوي مشهد قدام الناس .
غانم كان واضح عليه عدم الرضا والغضب , خالد لأول مره يشوفه جذي .
مو هذا اهو غانم , ومو هذي تصرفاته .
خالد قال له بغضب مكبوت " ممكن افهم سبب هالزياره ؟ "
اوقفوا مواجهين بعض واخيرا نطق غانم وقال بغضب " تدري اشصار اليوم " وما نطر خالد يرد وكمل بعنف " دخلت على بنت حنان وشفتها تبجي , وطلعت من عندها من غير لا تحس فيني , من البجي...كانت تبجي واهي مو حاسه بأحد "
خالد كان قاعد يتمالك نفسه ..مو قادر يرد , لأنه عارف انه راح يذبح احد .
تبكي , طبعا هي المظلومه المسكينه !!
ما كنها هي اللي ارفضته , وقالت له انها ما تبغى تجي معاه .
صحيح , ضربني وبكا وسبقني واشتكى
قال " المطلوب مني ؟ "
ابتسم غانم بعنف وقرب من خالد ..
" انت خذيت فرصتين مع بنت حنان ودايما تبجيها وتنزل من كرامتها , وضيعتها من ايدك , وانا واثق انك ما تستحقها , وادامي موجود وراسي يشم الهوا , راح احرص ان فرصتك الثالثه , تكون بعيده عنك , بعد السما عن الأرض "
وطلع من الفندق ..قبل لا خالد يرد عليه ..
خالد كان حاس بغضبه وصل لدرجه انه ما يقدر يتكلم ..
كان يدعي الله ان غانم يطلع قبل لا يمردغه على الأرض .
هذا اللي ناقصه يهدده ..
كان وده لو يتهاوش مع احد , يكسر شي من الغضب .
بس يطلع الغضب اللي حسه ..
وبلحظه لما تردد التهديد بعقله , كان راح يلحق غانم ويتضارب معاه , لكن ضغط على نفسه ..
وبغرابه جا في باله ..انه ان تهاوش وكبرت السالفه راح يدري بدر و بكذا ما راح يكون مثال حسن لبدر !!
غريب كيف انك بأشد اوقاتك عصبيه , يجي في بالك شخص ..ويخليك تمتنع عن عمل فعل مجنون ..
يراهن خالد ان بدر ما راح يطري على باله انه بيوم من الأيام منع اخوه الكبير العاقل من الدخول بمضاربه , كنه مراهق ..)
رجع للحاضر ..
قعد بسيارته , لفتره لما ألحين عنده نفس الإحساس , وده يتهاوش مع احد , و وده يكسر شي من الغضب .
وش تبي يا غانم ..
انا اللي فيني كافيني , وش حاشرك بيني وبينها .
غانم :
بقى طول الأشهر اللي فاتت بمصر !
ما احد يقدر يعتني ببنت حنان مثلي , لا عمر , ولا ابوي سعود .
ما احد يدري انها تعاني , وتقاسي مع ذاك البليد إلا انا .
الحمدلله ان بنت حنان قررت انها تبقى بمصر .
لكن ابوه ما كان موافق بالأول لكنه انجبر بالنهايه..
( قبل ثلاث شهور ..كانوا موجودين بالصاله , اهو كان متعمد التواجد الدائم حولهم , بعد يومين من مواجهته مع زوجها !!
اهو فعلا ارتاح لما عرف ان خالد سافر , لكن ما يقدر يضمن انه راح يرجع ..
ابوه قال لمها , واهو متجاهله كليا , وهالشي مو غريب عليه " مها انا راجع للكويت عقب اسبوع , حضري جنطتج باخذج معاي ؟ "
غانم لاحظ ردة فعلها , شلون ارفعت راسها بعجله ..
وقالت " لأ يبا ..لأ انا ناويه ابقى بمصر "
نقل نظره لأبوه ..واهو مرتاح انه ابوه مو مهتم لوجوده ,لأنه يحب يتأمل الوجوه والتعابير , ويفهم اللي جدامه خلال هالفتره .
كان ابوه عاقد حواجبه " تبقين بمصر ؟!!..منو وياه , يا مها , ؟!!ما كو احد يقعد معاج ألحين , كلنا بنرجع الكويت "
طبعا (كلنا ) لا تتضمن غانم !
نقل غانم نظره لبنت حنان .
اللي ابتسمت برجفه , وقالت " يبا بس انا ابي ابقى ..وخالي عمر موجود و ..."
قاطعها ابوه سعود (واهو نقل نظره لأبوه سعود ) " مها اهو توه متزوج , اتهقين راح يكون فاضي لج ؟؟ , بيجابل مرته ولا يجابل علاجه ولا يجابلج؟؟ "
نقل غانم نظره لمها , اللي غزا الإحمرار وجهها , وانتقلت الرجفه من شفايفها لصوتها " يبا العماره كلهم نعرفهم .." وقطعت كلامها بتوتر
نقل نظره لأبوه اللي قال بصبر غير معهود " مها ردي معاي الكويت !! , بلا كلام ما له معنى , ليش تبين تبقين بمصر "
رد غانم نظره لمها ..
وشاف النظره اللي عذبته , بنت حنان خايفه من مواجهة الناس !
استغرب من نفسه كيف فهم معنى هالنظره !!
هذي النظره يعرفها , يتذكرها !!
بس من وين ؟ , وين شاف نظره مثل هذي ؟
ومثل طعنه بالقلب عرف وين !!
شافها بالمنظره , لما يشوف روحه كل يوم ..
" يبا افهمني ما ابي اروح ...." وبعدين فجأه شع نور بعيونها وقالت بدلع " يبا الله يخليك , انا دلوعتك , يبا طلبتك .. "
هالمره ما اقدرت عينه تنتقل لأبوه , قعد يتأمل عيونها .., وتعابيرها ..
حس جنها فجأه تذكرت شي وارتاحت لما تذكرته !!
ولما سمع كلمتها عرف انها معتمده على مكانتها عند يدها , وانها قاعده تستغل هالشي .
ابوه قال بصوت صارم " مها لا تجربين صبري ؟؟ انا قلت بتردين معاي بتردين "
هزت راسها بموافقه , وكنه انطفى النور ..
لكن بعدين قالت " خلاص يبا , نروح حق الطبيب , واخذ اذنه للسفر وبعدين اسافر معاك ."
قام ابوه من غير اي كلمه ثانيه ..
بعد مرور يومين نفس المشهد رد تكرر !!
ثلاثتهم قاعدين , واهو كنه شبح بالنسبه لأبوه , يحس ان أبوه اصلا مو منتبه لوجوده !
وينقل اعيونه بينهم ..
ابوه كان ألحين يقول بصرامه " ليش ما سمح لج بالسفر يا مها ؟؟"
بعدت شعرها وقالت بتعب " لأن ..لأني نزفت دم , وهذي المره الثانيه , خلال اسبوع !! "
عينه اوسعت ..
ولف على ابوه ..اللي ضغط على اسنانه ..
تعليق