نار الغيرة تحرق رجل واطيها \ ل bwidow ,, كاملة ,

**Loli.** · 15-11-2010, 07:03 AM

رد: نار الغيرة تحرق رجل واطيها \ لـ bwidow ,, كاملة ,

يا الله وش كثر كان حاس بالعجز ..
بالتعب , من رفض بنته المتكرر للخطاب , واللي كان يشوف فيه اعلان اخلاص بشخص واحد ..
الحمدلله حمل وانزاح , ثقل على صدره وزال .
بنته وعمر .
ابوه فهد راح يعجبه هالشي بعد ..
وصلنا لبر الأمان معاك يا ريم .
سعود ما يدري هل يفرح ولا يحزن , ما يحب عياله ياخذون الشي بالساهل !
لكن هل عمر اخذها بالساهل ..
لا ما خذها بالساهل .. جت له كافة الذكريات اللي تأكد له هالشي ..
الثلاث سنوات اللي فاتوا كانوا جحيم , واخلقوا عمر اخر !
منظره بعد ما طلقها وييته للكويت يبلغه بالخبر .. لازال بذاكرته ..
منظره لما تزوج مره ثانيه.. لازال بذاكرته ..
منظره لما كان يقول له عن خطابها.. لازال بذاكرته ..
منظره لما منعه من تحطيم خطيبها.. لازال بذاكرته ..
منظره لما أأمره بمقابلة فيصل.. لازال بذاكرته ..
منظره بكل هالأوضاع , كان منظر شخص ميت , او على وجهه الموت .
سرحانه , الخطوط اللي تشكلت بوجهه , سخريته الزايده , بروده , السواد اللي تحت عينه .
كلهم يصرخون ويقولون هالشخص يعاني ..
وهذا انا كنت راح ازيد عليه تعبه !
واكبر الأدله على كل هذا , اتصاله اليوم ..مو بس الأتصال الطلب اللي مو من شخصية ولده .

عمر :

بعد ما انهى الأتصال ..
الظاهر ينيت , زر عقلي , او طار عقلي مع الحادث .
تقدمت لها !!
قلت حق ابوي يخطبها لي ..؟
راح ارد اتزوج ريم ؟ انا شلون حطيت نفسي بهالموقف !
مرر ايده على لحيته اللي بدت تظهر نتيجة عدم حلاقته الليله .
بس خلاص فكر , ما فيها شي , ما فيها !!
راح تتزوجها وتخليها ملكك , وقتها , ما احد راح يقدر يقرب منها , ما احد راح يتجرأ ..
اهني بس ابتسم بأنتصار..
اخيرا راح تردين لي , حلالي .
وثواني سمع التليفون يدق , شال التليفون تلقائيا , بعدين تذكر انه هالتليفون ..خاص بالمستشفى ..
لكن عاجله صوت ابوه واهو يقول " عمر ..... تزهب , باجر الوعد "
رد بهدوء " باجر ! ...شلون ؟ "
" لا تسأل , بس صار لك اللي انت تبيه , الله يتمم على خير "
سمع صوت التليفون يتسكر ..
اللي سمعه صحيح ولا حلم ..
باجر !
شاف ساعته ..تو الناس ..ريضين على باجر
رمى راسه على المخده ..
يلا يا باجر , تعال ..
نطرتك سنين , و سنين .

**Loli.** · 15-11-2010, 07:10 AM

رد: نار الغيرة تحرق رجل واطيها \ لـ bwidow ,, كاملة ,

مها :

كانت مستلقيه , على الفراش بالطبيب , دموعها تنزل من عيونها , والخوف مالي قلبها ..
كانت حاسه انه جنينها بخطر ..
الدكتور شكله جدي , والممرضات بعد ..
كانت ترجف ..
بعد ساعتين , ومحد راضي يتكلم او يهديها .
جا لها الدكتور وهو مبتسم ..
واهي تشوفه واهي خايفه , ومن بين دموعها ..ومنقثه انه مبتسم
قالها بهدوء " اطمني يا ست هانم , الجنين بخير "
زادت الدموع , وقالت " قول الصج , لا تجذب "
ضحك الدكتور " ما اكدبش والله "
مسحت دموعها وقالت " انا قويه , واقدر اتحمل فقول لي الصج , نزل مني دم .."
" يا مدام , الجنين بخير , كل تحاليك تؤكد انه كل حاجه تمام , الدم من الواضح انو من الأرهاق , او من الحاله النفسيه "
نزلت عينها و شافت ايدها ..
وفي بالها ..الحاله النفسيه اكيد من الحاله النفسيه
الدكتور كمل " خدى بالك من نفسك , المره دي انزار , مش عاوزينو يتكرر مره تانيه ...مش كدا "
هزت براسها بموافقه وقالت " اكيد "
ابتسم لها الدكتور وطلع ..
طلع الدكتور لخالد , اللي ينتظر الأخبار على جمر .
و خالد بعجله , وقال " دكتور .."
شاف الدكتور ملامح الرجل اللي قباله , كانت تعابيره مليانه قلق , وخوف ..
الدكتور على طول طمنه " هيا بخير , والجنين كمان بخير .."
حط ايده على صدره ..
وبدا ينظم تنفسه ..
منه وفضل من رب العالمين , لك الحمد والشكر
وقال لأجل يتأكد اكثر و اكثر " هي بخير , انت متأكد .."
" ايوه يا استاز هيه بخير , والجنين كمان .."
كمل استفساره " طيب ... الدم ..و "
" الدم هوا انذار مبكر ..يصيب المرأه وفي احيان كثيره يؤدي إلى الإجهاض ..الحمدلله بعد الكشوفات تأكدنا ان كل حاجه بخير من الواضح ان الدم نتيجة تعب نفسي , أو جسدي , الحمدلله الحمل بالرحم , والمشميه ما هياش متقدمه , والطفل بحاله سليمه , وطبعا نوصي المدام بالراحه , وعمل سونار دوري , و بالفتره دي , تجنب العلاقه الزوجيه " وكمل " انا مش حنومها بالمستشفى , ما فيش اي خطر عليها تأدر تاخدها دلوقتي بعد ما تجهز ..ان استمر النزيف بالأيام الجايه , حنديها ابره , أو تحاميل , أو حبوب دفاتسن , لكن من اللي انا شايفه فهي ما تحتاجش لكل ده ... "

مشى الدكتور , وترك خالد بمكانه .
رد للكرسي وجلس عليه , يبغى يستجع اشلاء نفسه اللي تبعثرت بفترة قلقه المجنون عليها .
ما يقدر يكون معاها ألحين ..
لازم يستوعب , ان هذا انذار مبكر على كلام الدكتور , كان في احتمال لو كان النزيف اقوى يكون اجهاض , لازم يستوعب ان الحمدلله كلهم بخير , حاس بعقله مو راضي يستوعب ان كل الكلام اللي انقال .
مو مصدق كان راح يفقدها اليوم , راح يفقدها بسبة غباءه وعجلته , وعدم تمسكه بأعصابه , الظاهر ان هذي هي وظيفته بالحياة , انه يضايقها.
حط ايده على رقبته من الخلف , وظل يشوف الأرض ..

مها :

كانوا ألحين بالسياره , تحس بالتعب ..
الدم تعبها نفسيها مو جسديا ..
خافت تفقد الصله اللي راح تجمعهم ..
الحمدلله ان الطبيب طمنهم ..
كانت خايفه ..وترجف ..
عدت السالفه على خير ..
لفت على خالد , وجهه شاحب , ومتغير ..
ماتكلم معاها ..خافت عليه ..اهو من اول ما قالت له ( خالد ..دم )
واهي حاسه انه تلقى الحادثه بقوه وسوء .
واكبر دليل صمته .
وهذا خلاها تقول " خالد ..الحمدلله ..ما طلع الدم شي "
" اممممم "
سكتوا , وبعدين سمعت خالد يتنهد و بعدين قال اللي فكرفيه واللي قرره " مها اليوم ارتاحي بالفندق , وبكره روحي لعند ابوك سعود "
مستحيل انه يقصد هالكلام , يعني شنو , راح يتركها للأبد ..
" شتقول !! خالد شالكلام , مستحيل تسوي فيني جذي "
بصوت صارم قال " مها " ....ورد تنهد , وبعدين قال " خلاص اسمعيني "
مرر ايده على شعره , وشاف سواق التاكسي اللي اهتم بالحوار ..
وشاف خارج النافذه " روحي لهناك , ارتاحي ,لمصلحة الجنين يا مها , وجودنا مع بعض يؤثر عليكي مرا "
عضت شفايفها ..كيف تتكلم , هي كانت تبغى تبتعد عنه , وما كانت راضيه انها تبقى معاه
وألحين ما لها حق تطلب قربه .
ولفت وجهها للنافذه ..

حمد :

حمد وصل للشقه .
كانت بنته مستلقيه على الكنبه , والتلفاز مفتوح .
ولما قرب اكتشف انها نايمه .
جلس بقربها , وحط ايده على كتفها , وقال بصوت هادي " ريم ..ريم "
افتحت عينها بهدوء ..
ولما شافت ابوها , تحركت , بسرعه , وفزت من مكانها ..
بعدت شعرها عن عينها ..
وقالت " يبا , انا نمت هنا , ما حسيت على نفس .... "
قاطعها وقال " خلاص يا ريم , اسمعيني , ابغاك بموضوع "
شافت ابوها بخشيه .
حمد لما شاف الخوف بعيونها , قال في نفسه ( احصد يا حمد ما زرعت )
تنهد وقال " اسمعي يا بنتي , فيصل .."
قال هالأسم بكره وغيظ ..
" فسخ الخطبه "
لما سمعت الخبر , وسعت عينها من الصدمه , ما اسرع ما تحرك فيصل
ونزلت وجهها مما ادى إلى سقوط خصلات شعرها على ملامحها لتخفى السعاده الغامره اللي ملتها ..
لكن اشعاع عيونها , وفرحتها ما خفت على حمد اللي لقطهم بصوره سريعه
وضاق صدره انه بنته تضطر تخفي سعادتها عنه , كله لأجل ما يغضب .
وكمل " لكن جا لك خاطب جديد "
الرعب غمرها , ورفعت راسها بحده
وقالت " خاطب " , وقالت بفزع " يبا .....يبا ..."
اما ابوها حمد فقال بكل هدوء " عمر "
" يبا ..." انقطعت كلمتها !!
وبعدين قالت " عمر !! "
ابتسمت , وبدت تنزل دموعها بنفس الوقت منظر غريب ..
حتى ما اهتمت ان اللي قبالها ابوها .. وقالت " يبا , يبا , انت .....انت ...متأكد !! "
كملت بغرابه " يبا ...."
انفعالها مو مكنها من انها تقول جمله كامله ..
وخلاها تقطع نفسها
وفجأه افلتت منها ضحكه لكن عضت على شفتها السفلى لأجل تمنع الإبتسامه اللي كانت راح تنتشر على شفتها ..
وتركت شفايفها من بين اسنانها
وحطت ايدها على ايد ابوها وقالت بعدم تصديق " يبا .. "
قام ابوها من مكانه , وقال وهو معطيها ظهره ..
" انا وافقت , وبكره زواجك منه "
تخدرت كل حواسها ...
بس بعدين لما استوعبت ..
بدت تضحك ..وقامت من مكانها ...وراحت للي خلا كل هذا يحصل
الله سبحانه وتعالى ..
وأول ما حضرت بين يدي خالق الكون , ورب السموات والأرض .
بدت تصيح , وما اهتمت ان الكل يشهد على هالشي ..
وما اهتمت ان العالم كله يسمعها ..

مطار القاهره

على درج الطائره ..
اخذ نفسا عميقا , وقال " اخيرا ....وصلت القاهره "

**Loli.** · 15-11-2010, 07:13 AM

رد: نار الغيرة تحرق رجل واطيها \ لـ bwidow ,, كاملة ,

البارت السابع والعشرين

*** هلا باللي فقدته حيل وقلبي فيه شاغلني ... ذبحني صدق بغيابه وفيه الشوق جنني ***

مطار القاهره :

نزل من الطائره ..
انسان وسيم بصوره مذهله .
لابس جينز ,وتيشريت , شكله ابد ما يوحي ان عمره 37 ..
كان حاس بنظرات البنات عليه , ولو كان بمزاج أفضل , كان تفاعل معاهم .
لكن بالوقت الحالي مزاجه كان صفر , راح يقابل أبوه وهذا الشي يحبط معنوياته !
اخذ جناطه ..
وبتجاهل للبنات , مشى من قربهم من غير اي نظره ثانيه .
وقعوا امن المطار على جوازه ..
وأول ما طلع من المطار , اخرج السيجاره ..
واخذ نفس عميق منها .
لما قرب صاحب التاكسي منه ..ركب ..وتوجه للفندق ..
اليوم بيرتاح بالفندق وباجر يصير خير .

مها :

مها كانت مغتاظه انها بهالموقف , انه رفضها عيني عينك ..
كانت غاضبه ألحين اكثر من قبل , ومجروحه اكثر من قبل .

على الرغم من التعب اللي غمرها باليوم كله , أول ما ادخلت لغرفتها توجهت لشنطتها , وافتحتها ..من غير لا ترمي عباتها أو لفتها اللي غطاها فيهم خالد بعجله قبل لا يطلعون من الفندق .
خالد دخل بعدها للغرفه .
وقف عند الباب للمره الثانيه اليوم يصيدها بنفس الفعل مع اختلاف الحقيبه
لما شاف اللي تعمله ماصدق اللي شافه , تصرفاتها مو معقوله ابدا ..
تأفف بغضب , وتعب , وقرب منها بهدوء , وحملها من الأرض , هالأنسانه راحت تذبحه ,و تجلطه قريب ..
اشهقت , ولكن بعد ما استوعبت اللي كان قاعد يسويه , بدت تضربه على كتفيه .
وقالت بصوت مليان تعب "هدني .."
ما رد عليها
كانت تحرك ايدها ورجولها عشان تفلت منه , ما كانت راضيه تستكين .
" هدني , هدني "
.....
" خالد هد ايدي , هدني "
وحطها على السرير , حاولت تقوم , عشان تبي تكمل شغلها , لكنه حط ايده على كتفها بصرامه , واهو يشد على فمه بتعب وغضب مكبوت , خلاها تقعد مكانها .
وبهدوء , لكن بصرامه , بدا يشيل اللفه , وينزع العباة بحركات سريعه , ودفشه .
" وخر عني , اي , اي , قاعد تعورني " خالد ما كان بالفعل يؤلمها , لكن اهي ألحين ما تبيه يقرب منها !
ما لقى لها بال ..
نزل عند ريولها وفصخها جوتيها , ودلاقها بدفاشه مؤلمه..
واهي تحاول تبعد عنه , وتقول بتعب " خالد ..وخر , هد ريلي , اي , اي "
لما نزعهم قام من مكانه وقال بهدوء وبجديه ما كنها كانت تكلمه " تبغيني اساعدك بباقي اهدومك , ولا تقدرين تنزعينهم لحالك "
شافته من غير كلام , لكن بغضب ..
لما شاف سكوتها على طول تصرف .
" انا بالخدمه يا اميره "
مد ايده عشان يشيل البلوزه ..
لكنها بعدت وقالت بتعب " لأ اقدر , أقدر , خلاص "
أول ما قالت هالكلمه , تركها .
وراح جاب لها بيجاما ..
وعطاها اياها , واهي ساكته ..
كانت فعلا تعبانه , لكنها غاضبه بعد , والغضب قاعد يقودها انها تعاند .
تحركت من مكانها واهي حاطه ايدها على ظهرها بطريقه غير شعوريه قالت " ابي أروح الحمام أول "
لكن هالحركه ما فاتت على خالد .
قال بهدوء وبكل صدق " انا راح اكون قريب من الحمام ان كنتي تبيغين شي قولي "
هه لو شنو ما راح اقول لك ..هذي كانت فكرتها بعد ما اسمعت عرضه .
مشت بقربه , وراحت للحمام .
كانت فعلا تعبانه ..
بعد ما اطلعت شافته واقف قبال الحمام , كان اهو مغير ملابسه , ولابس بيجامته , كان شكله قمة بالرجوله .
وبعدين شافت اجناطهم على الأرض مثل ما اهي طلعتهم , كانت متنرفزه منه , مو اهو يبيها تروح , ليش ما رضى انها تحط اغراضها .
اما خالد فلحق نظرتها ..للعفيسه اللي عند الكبت .
وقال بهدوء " انا راح اقول لساره تحضر شنتطتك بكره , انتي بس ارتاحي ألحين "
لفت عليه بقسوه , وقالت الشي اللي كانت حالفه انها ما راح تقوله " وتظن اني راح اكون سعيده انها تعرف انك طاردني "
انا غبيه ألحين راح يدري اني متعلقه فيه , وبجنون , مو كافي تصرفاتي قبل نزول الدم .
صر على اسنانه بقوه ..
هو طاردها !؟ , هالحرمه كيف تفكر مو عارف !!!!!!
وقال بصرامه " انا ما طردتك ..."
ما قدرت غير انها تقاطعه " عيل شنو تسمي .."
بأحباط من الوضع وبنرفزه قال " يا ليل ما اطولك " قرب منها , اما اهي فضيقت عيونها بتعجب من تصرفه ..
ان تركها لحالها فهو متأكد انها ما راح ترتاح , ولا راح تخليه يرتاح ما عاد فيه يتناقش ..ألحين
وبسرعه شالها , من غير اي اعتبار لأي شي ثاني , اما اهي فكانت تضرب كتفه , وتقاومه " وخر عني .."
اهي , واهو يحتاجون راحه ..
من شكلها فإهي مو ناويه ترتاح فلازم يجبرها على الراحه ..
حطها بالسرير , وأستلقى معاها
حست اهي براحه , لأنها فعلا كانت تعبانه لكن هذا ما منعها انها تقول بغضب " انت شلون جذي تتصرف "
قال بعد ما ضمها بقوه اكبر , وهمس بأذنها بشكل حاسم , ومتعب " بس ..اششششش ..ولا كلمه ..ولا حركه .." وبللهجة يأس قال " خلينا ننام "
وقفت مقاومتها ,جنه كلمته وعت فيها شي ....
صح فعلا اهي تبي تنام , تعبانه .
اول ما نطق الكلمه (ننام ) , حست جنه قال كلمه سحريه , عيونها بدت تنعس من غير شعور ..
وانسحب منها كل الغضب اللي كانت حاسه فيه .
شافت عيونه ..وقالت بهمس " ننام !! "
قال " ايوه .. ننام .."
واهي ردت عليه بنعاس مفاجئ وبطفوليه , وعيونها تسكر من غير اراده , واهي تجاهد عشان تفتحها " انا ابي انام .."
مها يمكن كانت راح تقاوم النوم لو ما رغبتها الأساسيه بأنها تنعم بدفى احضانه لمره أخيره , باجر راح يوديها لبيت ابوها , اما اليوم فإهي تبي قربه , والنوم عذر زين !
ابتسم بحنان لا شعوري بعد ما ضمها لصدره بصوره اقوي " وانا بعد ابغى انام "
بعد ما شافها تغمض عيونها , تنهد ..
مو عارف كيف يتصرف بالأيام الجايه , كل تصرف يقوم فيه لازم تفسره بطريقه سيئه , ما يدري متى راح تثق فيه .
كان غاضب من نفسه ومنها بصوره خياليه .
الخلاف اللي كان قبل خروجهم للمستشفى كان فاتح للجروح ومؤلم بقوه .
لف نظراته عليها , كانت نايمه بين ذراعيه بسكينه , يمكن هو بعد لازم ينام !
اهو نفسه ما توقع انه اول ما غمض عينه , نام !!

عمر :

ما كان يغفي خمس دقايق إلا ويصحى من انشغال عقله باللي راح يصير باجر ..
ما يدري شنو راح يصير عليهم بالمستقبل , وهذا مخليه غير مستقر بنومته .
بعد ما صحى اخر مره لصلاة الفجر , وساعدته الممرضه على الوضوء وصلى , عجز يرد , ينام .
بدا يشوف النافذه اللي على يساره .
كانت مفتوحه .
وبدا يدخل النور بهدوء للغرفه كلما مرت الدقايق , وكان اهو مستغرق بالمنظر , وبذكرياته الجميله , والتعيسه معاها .
كان مشتاق لها , وبنفس الوقت يحتقر نفسه لشوقه لها ..
اهو ما يحبها ..
مل من نفسه من كثر ما كرر على نفسه هالكلمه ..
لما صارت الساعه 8 الصبح , وعى من ذكرياته على صوت فتح الباب بهدوء , كانت الممرضه يايبه معاها الفطور , ولما شافته صاحي , قالت له بأبتسامه " عمر , ما نمتش ؟! "
رد على ابتسامتها بأبتسامه رسميه وقال " اممممم"
بعد ما جابت له الطاوله وحطت له الفطور , وقفت تكتب شي على اللوحه اللي على فراشه .

**Loli.** · 15-11-2010, 07:14 AM

رد: نار الغيرة تحرق رجل واطيها \ لـ bwidow ,, كاملة ,

وشافته وقالت " انا حاسه انو في حاجه متغيره فيك النهارده ."
كان قاعد يلعب بالأكل , يوديه يمين ,ويرده يسار من غير شعور.
وقال بعدم اهتمام حقيقي " شلون ؟!!! "
كملت شغلها حوله , واهو ما اكل , حاس انه ما يقدر ياكل واهو يفكر بكل انواع التفكير .
" ما اعرفش , لكن في حاجه "
وقف لعبه بالأكل وتسند وشافها بنظرات قويه يتابع شغلها بالغرفه .
وقال اللي راح يصير اليوم , عشان يشوف ردة فعلها ..
" راح اتزوج اليوم "
ضحكت بصدمه و وقفت عملها اللي كان بيدها .
" حإيإي يا عمر ...مش معأول ..حتتجوز هنا , بالمستشفى "
لفت على الغرفه , اللي كانت من اكبر الغرف بالمستشفى , لكن مهما كان فإهي غرفة مستشفى !
هز راسه بتأكيد .
اما اهي فأستغرقت بالتفكير ..
وبعدين قالت له " معرفش أأول ايه لكن مبروك "
ابتسم .
على شنو تباركين لي على دخولي للمجهول ؟
وقال لها قبل ما تطلع " التليفون لو سمحتي " سكت وحط ايده على ذقنه وبعدين كمل الطلب " والمنظره وموس حلاقه "
" اكيد "
بعد خمس دقايق وصل له طلبه .
شاف الساعه بتوتر وبعدين اتصل على صاحبه , ما يقدر يبقى بروحه إلى وقت الملجه , لأن الأفكار قاعده تييبه وتوديه

خالد ومها :

خالد قعد على صوت تليفونه .
ما كان له نفس يتحرك , ضم مها اكثر لجسمه وخبا وجهه بشعرها .
بعد ما قام لصلاة الفجر جا له النوم بصعوبه , وهو ألحين يبغى ينعم بوجودها بحضنه وبدفاها إلى ان يضطر انه يوصلها لجدها .
حاول يرد ينام ..وفعلا غفى شوي لكن الرنين استمر , وهذا ادفعه انه يرد على المكالمه .
وقال بصوت خشن من النوم , واهو مغمض عينه " ألو .."
" خالد , تقدر تيي ألحين للمستشفى "
اجي المستشفى ...ألحين !!
مين هذا اصلا !!
" من انت ؟ "
بنرفزه قال عمر " يعني منو انا !!!, صحصح معاي يا خالد , انا عمر "
صحيح هذا عمر !
وقال " كم الساعه ألحين ؟ "
غمض عمر عيونه , وحط ايده عليهم بتوتر وبعدين قال " اممم الساعه 8 ونص , قوم تعال للمستشفى "
" ألحين , ضروري "
بكل سخريه قال عمر " اي ضروري , لأني بتزوج "
عمر , ما قدر يمنع ابتسامه الأستهزاء من الذات اللي انرسمت على شفايفه .
خالد لما سمع الكلمه , كان مثل اللي انكت عليه ماي بارد ..
فتح عينه بقوه .
وعدل قعدته بهدوء , واهو مو مصدق اللي يسمعه .
" تتزوج ! "
عمر ما كان يبي يناقش احد بقراره , صعب عليه ألحين المناقشه , يبي بس يسترخي من غير لا يشغل عقله بعواقب فعلته .
" خالد لا تناقشني بالموضوع , بعد اشوي , ابيك تكون معاي , وابيك تكون شاهدي "
خالد ما كان مصدق اللي مقبل عليه عمر , يعني معقول , ما تعلم من المره اللي فاتت , وألحين يبغى يتزوج حي الله وحده .
" انت من صدقك يا عمر , تتزوووووج "
مها صحت على صوت زوجها , يتكلم بأنفعال مع احد ..
افتحت عينها بنعاس , منو راح يتزوج !!
قال بلهجه قويه " اي اتزوج خالد اشفيك "
ما في احد راح يغير رايه بالنسبه للزواج ..
ريم راح تكون له .
ما راح تكون لشخص مثل فيصل , أو غيره
خالد ,قال بلهجه قاسيه " انا ما راح اشارك معاك في تدمير حالك للمره الثانيه "
مها كانت تسمع خالد ...منو قاعد يكلم ...منو اللي راح يتزوج , ومنو اللي راح يدمر حاله للمره الثانيه .
عمر قال ببرود " ما في تدمير ولاشي يا خالد , تعال ابيك تكون شاهدي "
قال خالد بعصبيه
" ما راح اشارك بزواجك من سمانثا "
اهني مها تحركت من مكانها , واقعدت , وشافت نظرات خالد تنتقل لها , لكن ما اهتمت إلا انها تفهم
عمر راح يتزوج الشقرا !!!
راح يذبح ريم .
عمر اهني ضحك " ههههههههههههههههه , سمانثا !!! ومن قال اني راح اتزوج سام , اقولك راح اتزوج تقولي سام !! "
عقد خالد حواجبه بأستغراب وقال " اجل مين ؟ "
كان مها فعلا خايفه , على صاحبتها !
تصرف عمر راح ينهيها .
" ريم "
خالد عدل جلسته اكثر " ريم ... راح تتزوج ريم !!! "
مها لما اسمعت الخبر على لسان زوجها , انصدمت , لكن بنفس الوقت كانت سعيده , كانت مبسوطه .
بس شلون يتزوجها واهي خاطبه !!!
عمر رد ببرود لأنه تذكر اللي صار امس " انفلت الخطبه امس , وانا خطبتها , والزواج اليوم "
خالد منع نفسه من الأبتسام لأجل ما يحس فيه عمر .
عمر تحرك بسرعه هالمره , خطبها , وراح يضمن انها تكون له بتحديد موعد زواج قريب .
وجاهد خالد نفسه عشان يقول بجديه " إذا الموضووع كذا , راح اجي ان شاء الله "
خالد بعد ما انهى الأتصال , كانت الأبتسامه على وجهه وقام من مكانه ..
مها تابعت تحركاته , واهي الفضول بيذبحها , لكنها زعلانه منه , ونومها بين ذراعيه امس كان من التعب , مو من رغبتها بهالشي ..
تابعته واهو يتحرك بالغرفه , يفصخ بلوزته , ويطلع اغراضه من الجنطه ..
واعرفت الجواب على سؤاله امس بصوره مؤكده ألحين !!
( يعني انت راح تتركيني ان استمريت مع سمر )
ما تقدر تستمر ..ما تقدر ..
اهي تحبه حب ما يسمح لها بمشاركته مع غيرها ..
صدمها جوابها لنفسها ..
لكن خلاص اعرفت قرارها ..

بعد ساعتين تقريبا :

كانوا مع بعض بالسياره , واهي ما كلمته طول اليوم , ولو كلمه بسيطه , لكن كانت تكلم السواق طول الطريق , تسأله عن البنايات اللي يعجبونها , تسأله عن اشياء شايفتها بالأفلام المصريه هل لازالت موجوده ولا لأ .
كانت تحاول بهالطريقه انها تبعد تفكيرها عن القرار اللي اتخذته ..
اما خالد فكان صامت , وكان يطق رجله بأيده ..
لما وصلوا للعماره اللي فيها جدها , نزلت , وهو نزل معاها ..
وكان شايل الجنطه والهاند باق حقتها .
ما اركبت الدرج , توجهت للأصنصير على طول .
كانت متضايقه من خالد , ومقرره انها ما راح تكلمه ..
اما خالد فالنار راح تذبحه ..واهو ماسك حاله بالقوه , لا يصرخ عليها من كلامها مع السواق ومجاملتها له .
ادخلوا للمصعد , واهي حاسه بنظرات خالد عليها .
لفت عليه و خلت عينها بعينه وقالت بجديه " تصدق , اظن ان معاك حق , اريح لي اني اكون بعيده عنك بالوقت الحالي "
وطلعت من المصعد , من دون ما تشوف ردة فعله على كلمتها ..
خالد كان على شفا حفره من انه يسحبها , وياخذها معاه للفندق ..
وبلاها الراحه اللي هي مو فاهمه انه يبغاها لها .
امس تقول انه طاردها , واليوم تقول انها راح تكون مرتاحه من غيره , هذا غير سوالفها مع السواق اللي كان مبسوط من كلامها معاه ..
الله يقطع الساعه اللي قررت فيها نجي لمصر
لفت عليه وقالت له " منت ياي ؟ "
كان واضح عليه الأستغراق بالتفكير , تتمنى انه يفهم قصدها من كلمتها
شال الجناط ..
وقال بقوه " إلا جاي "
حكم عقلك ياخالد ان كنت تبغى تفقدها للأبد خلها عندك بالفندق , أثنينكم على اعصابكم , وبتذبحون بعض , وأكبر مثال اللي عملته امس بعد ما ارجعوا من الطبيب .
لا اهتمت براحتها ولا حاجه ...
طقوا الجرس على شقة سعود اللي افتحتها وحده من الشغالات اللي يشتغلون الصبح لتنظيف الشقه .
وبعد اشوي طلع لهم ابوها سعود من الغرفه ..
أول ما شافهم , وشاف الجناط , عقد حواجبه ..
وقال بصوت صارم " اشصاير ؟؟ "
توجهوا له , اثنينهم , وسلموا عليه ..
لكن اهو واضح عليه الغضب .
والظاهر ان عمه سعود لاحظ هالشي , لأن حواجبه انعقدوا بصوره اكبر .
مها تحركت وراحت للغرفه الأضافيه اللي بالشقه ..
وقالت بلامبالاة " مو صاير شي , انا بس تعبانه , وبنام عندك "
كانت حاسه بالدموع تتكون بعيونها ..وما تبيهم يشوفونها
ادخلت الغرفه , من غير لا تسلم على خالد , اللي ما راح يشوفها طول اليوم .
لف سعود على خالد , اللي كان قاعد ويناظر الباب اللي دخلت منه مها , بنظرات غريبه ..
ولما حس بنظرات عمه سعود , لف وقال " اللي قالته صحيح ..هي تحتاج للراحه ..وعندي مهي قادره ترتاح ..فقررنا انها تجي لهنا "
تسند سعود على القنفه , وقال " ويهك يوحي انك ما كنت موافق على هالشي ! "
ابتسم خالد بأستهزاء " ماني موافق , إلا موافق انا اللي مقترح الفكره "
ابتسم سعود " وندمت عليها صح ! "
غير خالد الموضوع وقال " عمي , متى راح نروح لعمر ؟؟ "
ما اصر سعود على الموضوع , لأن واضح على خالد انه مو طايق الهدوم اللي عليه ..
وقال " ننتظر حمد ,يخلص ترتيباته , ونروح مع بعض "

**Loli.** · 15-11-2010, 07:49 AM

رد: نار الغيرة تحرق رجل واطيها \ لـ bwidow ,, كاملة ,

مها :

عشان تتعامل معاه عادي , وجنها مو مهتمه , تطلب كل قدرتها على السيطره على نفسها .
راح تموت ... تدري انه الفرقا راح تموتها ..
انسدحت على ظهرها بالفراش براحه ..
صارت تتعب حتى لو المشي كان بسيط ..
فكرت انها ودها تروح لريم ألحين بالشقه وتعرف شلون صار الوضع , واشصار عليها , وغيره من الأسئله اللي ماليه عقلها ..
خاصه بعد ما انتبهت إلى وجود مكالمه لم يرد عليهاعلى شاشة موبايلها ..من ريم
إلا انها ما حبت تتصل عليها قبال خالد !
وفجأة سمعت صوت الباب ينفتح , ابتسمت احسن ابتسامه تقدر توفرها بهالظروف , توقعت ابوها سعود , لكن لما شافت اللي دخل , شالت الأبتسامه من شفايفها ..
وشافته بنظرة (نعم ..)
شاف تغير ملامحها , لما شافته ..
وحاول يقنع نفسه (ان هالشي مو مهم وعادي , وش فيها يعني ان عكرت وجهها لما شافتك ! )
وقال بهدوء " انا رايح ألحين مع ابوك سعود للمستشفى "
صدت بنظرتها عنه , وبدت تشوف الطوفه ,و ردت عليه بعدم اهتمام ظاهري " اوكي "
ما عاد فيها تشوفه ..تبيه بس يروح ..
لاحظ عدم اهتمامها ..
واغتاظ !
" تبغين شي قبل لا نطلع "
هزت راسها بالنفي ..
واهو راح مع ابوها سعود .
لكن فكره كان معاها , وبقلة اهتمامها , وللمره المليون يفكر بصحة قراراته .
اتصلت على ريم ..
واتفقوا ان مها تجي لعند ريم تحت , خاصه ان ريم هي العروسه !
لأنها تبي الرفقه تحركت وانزلت لعندها

سمر بالمستشفى :

اليوم هو اليوم اللي راح يتلقون فيه نتائج التحاليل .
ملاحظه على امها بدريه التوتر .
خالتها موضي وساره معاها ألحين , واهي حاسه بالأطمئنان لوجودهم .
اما هي وابوها فكانوا جالسين بمكتب الدكتور
ينتظرونه ..
توترهم كان واصل لدرجه انهم ما تكلموا مع بعض طول فترة جلوسهم .
ولما جا الدكتور فعيونهم ارتفعت له , وتابعت كل حركاته .
وانتظروا نطقه بالنتيجه..
كانوا يناظرونه بترقب ..
الخوف مالي القلوب ..
جو الغرفه كان ثقيل مرا
خاصه ان الدكتور ما كان مبتسم لهم , وكان باين عليه التركيز بالأوراق اللي بيده .
عدلت سمر جلستها بخوف .
يلا يا دكتور ...تكلم !
عدل الدكتور نظارته ..
قلب الأوراق , يمين ...يسار .. رجع لليمين مره ثانيه ..
وبعدها رفع وجهه لهم !
كانوا حابسين انفاسهم ..
جلس على الكرسي
قال بهدوء " التحاليل اسبتت انو المدام عندها ورم ! "
هي شهقت..
حامد شحب لونه ..
الدكتور لما شاف وجوهم , وعرف انه التعبير كان مخيف , تدارك نفسه ..
" ما تخافوش الورم حميد "
تنفسوا اثنينهم الصعداء , لكن مو قبل ما تنزل من عيون سمر دموع متوتره ..
حامد كان يشوف الدكتور بنظرات غضب ..
لكن ما تكلم ..
كان مشغول بضم بنته اللي كانت تصيح من الصدمه .
الدكتور توتر وبعدين قال " معليش انا اسف ...مثل ما أولت المدام فيها ورم حميد في منطقة الأمعاء , وده اللي بيسبب لها حالة عدم الشهيه , وبالتالي التعب ..والشحوب "
كمل الدكتور بعد ما تلقى اي ردة فعل " لازمها عمليه , لكن العمليه حتكون بسيطه , مش حتاخود مننا غير ساعتين بالكتير "
بعد خروجهم من عند الدكتور , كانوا أثنينهم صامتين .
سمر كانت سعيده من ناحيه امها .
لكن جانب منها كان متوتر لأن ساعة الحقيقه وفسخ الخطبه قرب ..
خالد راح يكون حر .
ما راح تكون زوجة الرجل اللي الكل يحلم فيه .
انتهى حلم امها هنا .
وبالتأكيد انتهى الحلم اللي كانت تحلم فيه لفتره .
ادخلوا لغرفة امها .

ريم ومها :

مها منسدحه على الفراش بغرفة ريم , تسمعها تقول لها بالتفصيل الممل الحدث اللي صار مع فيصل من وقت قابلته عند المصعد , إلين الإتصال , ثم اخر شي ابوها امس و اللي قاله ..
اسكتوا للحظات ..
كل وحده تستوعب غرابة وسرعة جريان الأحداث ..
وكل وحده فيهم فرحانه ..مها فرحانه لأن ريم خلاص راح تكون مع عمر ..وريم نفس الشي فرحانه انها راح تكون مع حبيبها ,واخوها , وابوها ,و كل شي بدنيتها ..
بعدت ريم شعرها عن وجهها وقالت بتردد " مها ..ابغى اسألك سؤال ..اممم ..يعني ...ممكن "
مها كانت حاطه ايدها على بطنها , توتر ريم أثار استغرابها , وخلاها وقالت " اكيد ممكن , سألي ! "
ريم هدت شعرها بحيث غطى وجهها وقالت بصوت مخنوق " امممم ..ن ..اه ه ه ه نوره "
مها استغربت من عمرها اشلون ما توقعت هالسؤال , اصلا كان المفروض تتوقعه بفتره اقرب من جذي .
ابتسمت برقه لريم ..
يا قلبي انتي يا ريم , اكيد كان السؤال يذبحج طول هالفتره ! , وانتي كاتمه , ومتصبره ..
حست بالدموع تتكون بعينها ..
غمضتهم , بتلقائيه رغبه منها بأخفائهم , و منعهم من الخروج ..
وبعدين افتحتهم للأنسانه اللي جالسه قدامها , واللي امنزله راسها وتناظر اللحاف , وتلعب فيه
سمعت صوت ريم يقول بتوتر " انا ما ابغى اعرف شكلها , أو صوتها ..." وارفعت راسها , حركت براسها لأجل تبعد شعرها الطويل وقالت " انا طول الفتره اللي مضت كنت افكر بهالشي , كيف هو شكلها , كيف جمالها , هي اجمل , ولا انا ......اما ألحين فاللي ابغى اعرفه هو عمر "
وغمضت عينها كنها انطعنت لما فكرت بعمر مع هالنوره الشخص المجهول ..
ونزلت دمعه من عيونها لكن كملت " عمر اش شاف فيها , وشهو اللي اعجبه , وشهو اللي لفت نظره لها , هل يحبها , يفكر فيها بعده , ولا ...ولا لأ ..."
وفجأه قامت من مكانها , وعطت مها ظهرها , وطلعت صوت من حنجرتها تعبير عن غيظها , وغضبها من حالها ..
" أأأأأأأأأأأأأأأأأأأأأأأأأأأ "
ولفت على مها بعدين وقالت " ما ني عارفه كيف اتصرف وهالأسئله ماليه عقلي , تذبحني يا مها , تشب النار بصدري .."
بعدين كنها استوعبت ان اليوم ملكتها قالت بعد ما خذت نفس عميق " سوري مها اقلقتك معاي .. ما في داعي تردين .., انا المفروض اكون ألحين مبسوطه بملكتي "
مها جنه ريم ما تكلمت , قالت " اسألتج ما اقدر اجاوب عليها "
ريم رفعت راسها , وابتسمت ابتسامه مصطنعه من النار اللي ذابحتها ..
وقالت " انا قلت لك اني ما ابغى اجوبه خلاص "
هزت مها راسها وقالت " لأ اسمعيني للأخر .. ما اعرف لأن عمر بعد ما ...بعد ما انفصلتوا ..تغير .."
شافت ويه ريم اشلون تغيرت ملامحه لحزن عميق .
وكملت " تغير وايد ,ما قام يتواصل معانا ذاك الزوووود , شفتي شغله قبل شلون كان كثير قبل ان ..انفصالكم .. بعده , صار اكثر بكثير , بعد عني , بعد عن خالد , ما قمنا نعرفه , ببساطه ما قمنا نعرف مشاعره .....ريم لا تفكرين بهالموضوع فكري بحبج له وبس , الماضي راح يتعبج "
تأملتها ريم ..وجنها قررت انها بالوقت الحالي تأجل التفكير التعيس
انسدحت قرب مها و قالت وصوت الأبتسامه واضح من كلامها "خلاص خلينا نتكلم عن شي ثاني ..عن الأشياء السعيده ..عن ملكتي ...عن مشاعري تجاهه ..أه ه ه ه ه ه اعشقه يا مها ...حقيقي اعشقه ...احس بقلبي ينبض بحبه .."

**Loli.** · 15-11-2010, 07:50 AM

رد: نار الغيرة تحرق رجل واطيها \ لـ bwidow ,, كاملة ,

عمر :

قباله الأوراق ..
جدامه العقد ..
حاس بالعيون كلها عليه ..
كلهم ينطرونه ..
الشهود وقعوا .
عمه حمد (وكيل العروسه ) وقع ..
وباقي اهو ..
هذي الورقه ما تعني شي , بالوقت الحالي ما تعني شي ..
لكن بعد ما يحط توقعيه فريم راح تصير حلاله للمره الثانيه .
يبي يطول بهاللحظات , يبي يحفظ كل فعل سواه بذاكرته من هاللحظه لي لحظة وفاته ..
مشاعره تجاهها قاعده تضربه من الداخل بالمكان اللي اهو حابسها فيه ..
لمدة 3 سنوات ..
مو وقته تطلع هالمشاعر ألحين , ابد مو وقته ..
رفع ايده لأجل يشغل حاله ..و وقع ..
رفع راسه بعد التوقيع وألتقت عينه بعين عمه حمد ..
كانت نظره من رجل لرجل ..
كل واحد فيهم وجه كلمته للثاني من غير كلام ..
كانوا حاسين انهم لوحدهم بالغرفه .
قطع تواصلهم سلام خالد عليه , مباركته له ..
وسلام سعود على حمد , ومباركته له ..
كل واحد فيهم حمد وعمر عرف شنو يبي الثاني منه ..
لكن هذا ما منع حمد انه يشدد على كلمته بأنه يقرب اكثر من عمر , ويمسك ايده بمصاحفه واهو يقول " بنتي امانه عندك , حافظ عليها "
اطلعوا الكل وبقى عمر , وخالد ..
كل واحد فيهم مستغرق بأفكاره ..
عمر بريم , اللي صارت له , اخيرا , صارت فعليا له , وده يحتفل , وده يصرخ من الفرح ..
لكن ..جانب منه قاعد يذكره باللي سوته من ثلاث سنوات ..
هذا الجانب كان قاعد يذبح فرحته
خالد , كان حاس بالفرح لصاحبه , الحمدلله , انه اخذ اللي كانت في باله , اخذ حبيبته اللي فراقها غيره على الكل .
عقبال ما نجتمع انا والعنيده , على خير ..
اخر شي ابتسم خالد , وطلع منه صوت كالضحكه ..
عمر لف عليه ..واهو رافع حاجب ..
" عمر نلت اللي تبغاه , ريم حرمتك مره ثانيه "

حمد :

ما اتصل على بنته , ولا كلمها , انتظر إلى ان وصل الشقه ..
لما دخل نادى على الشغاله نعيمه وقال لها " روحي نادي على ريم ,وقولي لها اني انتظرها بالمكتب "
ريم كانت بعدها مع مها يتكلمون بكافة الأمور , ما عدا عمر , و خالد .
لما ادخلت عليهم نعيمه , وقالت " سي حمد عاوز يتكلم معاكي دلوأتي "
عضت من غير شعور على شفايفها , وحست بالخوف , معقوله انلغى الموضوع ككل ..
اما مها فقامت من مكانها , وقالت " ابيه فشله , ابوج يا , وانا عندج "
ريم امسكتها وقالت " لا مها , لا تروحين , لا تخليني "
لمتها مها وقالت " لأ جد انا مضطره اروح , وبعد ما تخلصين من ابوج كلميني , انا هالأيام بنام بشقة ابوي سعود "
ريم شافتها بنظرة استغراب " ليه ؟؟؟ , مها ..."
لفت مها ويهها وافتحت باب الغرفه وقالت " بعدين يا ريم , بعدين نتكلم "
مشت ريم مع مها للباب , وصلتها لهناك , و ودعتها .
أحلين بعد ما صارت لحالها بالشقه مع ابوها ما تقدر تنكر توترها وخوفها من سبب جيته , وطلبه لمقابلتها ..
ادخلت المكتب , وشافت ابوها جالس , قربت , و وقفت عند الكرسي اللي جالس عليه ابوها وقالت بهدوء " يبا طلبتني "
رفع راسه وقال لها " مبروك "
حست بوجهها يصير احمر ..
حست بالحراره بوجهها ...
صاروا لبعض , ألحين هو حلالها , زوجها ..
رفعت ايدها لخدودها , تحاول تبردهم .
وبعدين قالت " الله ..الله يبارك فيك يبا "
سكتوا ..
كل واحد فيهم يحاول يتواصل مع الثاني ..
لكن ولا واحد فيهم عارف شيقول للثاني ..
وبعدين تكلم ابوها " ريم مهرك , تحول لحسابك "
هزت راسها , وكانت بتقول ماتبي مهر , ما تبي شي غير انها تكون مع عمر , لكن اسكتت
بتوتر غير معهود قرب منها ابوها وقال " ريما "
رفعت راسها للأسم اللي ابوها وقف عن نطقه من فتره طويله .
" تدرين انك تقدرين تعتمدين علي دايما , انتي بنتي "
كانت تنتظر هالكلمه من زمان , من فتره طويله ..
الغريب انها ألحين لما اسمعتها ما كان لها نفس التأثير اللي ظنته ..
كان ودها تصدق ابوها ..
خاصه انها كانت تنتظره ..
لكن بداخلها خافت تصدقه .
بعدت عينها عن ابوها , بصد واضح , لكن غير مقصود .
حمد لاحظ اثر كلمته عليها .
مشاعرها المتلاحقه
الأستغراب
الصدمه .
خيبة امل .
الصد .
نزل راسه بهزيمه .
تنهد , بحراره , وتعب .
وهالشي نبه بنته , اللي رفعت عينها , و شافت وقفته , وتعبه الواضح .
تحرك من قدامها وراسه للأسفل ..
شكله كان معبر بشكل واضح على الهزيمه ..
ابوها والهزيمه شي متناقض .
معقول ..
تحرك احساس بداخلها ودفعها بعنف انها تقول " يبا ... "
احساسها يقول ان ابوها اتخذ الخطوه الأولى ..لازم عليها اهي ألحين انها تاخذ الخطوه الثانيه ..لأنها ان ما عملت هالشي بكل بساطه راح تفقد ابوها .
راح يظلون اهي و وابوها طول عمرهم بعاد ..
وهالشي يرفضه قلبها بكل قوه ..
لفت عليه و واجهته .." انت تقول اني اقدر اعتمد عليك .."
شافها ابوها بلهفه غير مقصوده وهذا قطع قلبها ..
نزلت عينها للأرض , مو متعوده تشوف ابوها جذي , وما تبي تتعود على هالشي ..
وقالت " في واحد ..." ما تدري ان كان تصرفها صح و لا لأ , لكن اللي تعرفه ان حدسها قاعد يقودها انها تقول اللي راح تقوله .
" في واحد يضايقني برسايله صار له فتره .."
" يضايقك !! , يضايقك كيف ! "
احمر وجهها .
وابوها حس بالغضب , لكن تمالك نفسه لأنه لاحظ انها ترقب تعابيره بحذر .
عرف قصدها ..
لما اهي لاحظت انه ما قال شي , ولا تحرك من مكانه .
هاللحظه هي اللي راح تحدد علاقتهم بالمستقبل ..
اثنينهم كانوا يناظرون بعض .
وبلحظه قال " عطيني رقمه "
خذت ريم نفس عميق , دخل لصدرها برجفه ..
ابتسمت برجفه ..
وبهدووووء تام قالت " حاضر يبا .."
هذي خطوه للأمام ..

مها :

كلما مشت على ريولها , لازم ترد تنسدح على ظهرها لأجل ترتاح ..
خلاص بس توبه , ما راح تتحرك ابدا .
ريم , تعيش مع شبح بالماضي , واللي اهو نوره .
اما اهي فتعيش مع شبح لكن عايش
هل كانت تقدر تستمر معاه واهو مع سمر .....لأ صعب عليها .
لأنها تحبه ..وتموت عليه , فراقها عنه ارحم لها ..
ما تبي ترتبط معاه اكثر , واكثر
مشاعرها متعلقه فيه بصوره اهي ما كانت متخيله انها ممكنه ..
واهي متأكده انها ألحين ان استمرت اكثر راح تتعلق اكثر, واكثر
هالشي لمصلحتها , ومصلحة خالد , وعلاقتهم بطفلهم بالمستقبل , اي طفل ما راح يتمنى يعيش في بيئه كلها مشاكل , اللي راح تكون نتيجه مؤكده لوجود سمر بينهم
عدلت سدحتها , وفكرت بالكويت ..
منو اللي كان يخش عليها قدومه , و زاد الخلاف سوء منوووووو..
المشكله انه من بداية روحتها لبيت ابوها سعود وذاكرتها مشوشه , ما تذكر غير انها كانت تبجي , وبغرفتها ..
منو له مصلحه بتفريقها عن خالد ؟
هل المسأله فيها مصلحه ,و لا شي ثاني ؟

**Loli.** · 15-11-2010, 07:53 AM

رد: نار الغيرة تحرق رجل واطيها \ لـ bwidow ,, كاملة ,

عمر :

كان قاعد على الفراش يشوف اللي حوله , ينقل نظره للكل ..واحد ..واحد
الكل حوله .
أبوه ..
خالد ..
الشباب اللي بمصر , بلغهم خالد انه تزوج ..عبدالله , عبدالرحمن ..
العاملين بالشركه
رفع نظره وشاف صبابين القهوه , اللي ما يعرف ابوه من وين يايبهم , اشكالهم غريبه , إذا فكرت انا احنا بمصر , بس ابوه ما في شي صعب عليه ..
بعد زواجه , الكل جا يتحمد له بالسلامه , ويبارك له على الزواج بنفس الوقت ..

اخوانه اللي على كلام ابوه تلقوا الخبر , ويايين على اقرب طياره .
اما اهو فباله مو معاهم ..
يسمعهم يتكلمون ..
يبتسمون ..
يضحكون ..
لكنه هو مع الناس , وما هو مع الناس , عقله اقل ما يقال عنه انه غايب ..
رفع راسه وسمع سالفه من عبدالرحمن , وابتسم بعد ما انتهت بعدم تركيز واضح , وشاف ايده بعدها ..
ابوه فتح له موبايل بنفس خطه السابق بعد ما افقده بالحادث, لأنه العديد من الناس ودهم يباركون له على زواجه , ويتحمدون له بالسلامه ..
كان يقلب بالموبايل ..
وقف تقليب الموبايل ..
فتح قسم الرسايل ..وكتب رساله سريعه :

**Loli.** · 15-11-2010, 07:55 AM

رد: نار الغيرة تحرق رجل واطيها \ لـ bwidow ,, كاملة ,

كان يقلب بالموبايل ..
وقف تقليب الموبايل ..
فتح قسم الرسايل ..وكتب رساله سريعه :

تعالي لي الليله

وأرسله على الرقم اللي حافظه عدل ..
رفع راسه على دخول ناس جدد للغرفه .
رجل يعرفه زين
ومره !

ريم :

بعد ما سلمت ابوها الرقم , واقعدت بغرفتها بروحها ..
مع افكارها
مع مشاعرها
مع احداث اليوم
مع كل سعادتها إلا انه في شي منغص عليها ..
ما كلف حاله يتصل , يبارك ..
مهما كان اللي بينهم , لازم عليه يكلمها ..
ما يقدر يضغط على حاله , ويجاملها على الأقل بكلمه ..
سمعت صوت الرساله ..
تضايقت ..
تأففت ..
تجاهلته بالأول , لكن بعدين خذته , ورفعته ..
افتحت الرساله ..

تعالي لي الليله

لا اكثر و لا اقل ..
ارسل رساله لكن ما يقدر يقول فيها مبروك ريم ..
الأوامر الملكيه اصدرت ..
اش بيكون ردت فعله ان قالت له ( ما ابغى )
لكن الواقع وقلبها يرفضون انها ترسل هالرد ..
ابتسمت , على الرغم من الضيق بتصرفه ..
لما استوعبت جمال الوضع , زوجها عمر , يطلب انها تجي له فكر فيها بهاللحظه هي مرت على باله ..
عمر اه ه ه يا عمر ..

ساره :

بعد ما تطمنوا على خالتها بدريه , وعلى صحتها غادروا لأن خالتها ألحين لازم ترتاح ..
اليوم مها راحت ما تدري لوين ؟؟
خالد قال لها تحضر شنطة مها , ما قدرت تشوفها لأنها كانت بالحمام ..
وخالد ما كان يتكلم , ما كان ينطق !
وهي ما تتجرأ تتكلم معاه .
مع كل اللي يسويه لهم فإهي تخجل منه , تحسه ابوها اكثر منه اخوها
هل راح تتأثر هي باللي يصير ؟
علاقة مها وخالد ان ما انتهت , وش بيصير فيها ؟
خالتها بدريه , وش بيكون ردة فعلها ؟
(هو) ...وش بيكون ردة فعله ؟
ان عرف ان خالد متزوج ! وحرمته حامل !
خايفه , ومتوتره , افكارها مو مستقره !
امها وخالد , ما احد فكر فيها ..
بقلبها , بمشاعرها , حتى لما ازعلت من مها , امها ما فهمتها !! , وهي اللي ظنت انها واضحه .
يمكن لأن الكل انشغل بالوضع الجديد ونسوا الوضع القديم ..
لفت على بدر اللي جاها وقال " يلا يا ساره , قطعت التذاكر للفيلم "
ابتسمت له وقالت " يلا "

المستشفى :

لما دخل الغرفه شاف عيون الكل تنتقل له , وللي معاه ..
زحمه ...ولين ما توقع هالزحمه ؟؟
نقل نظره بسرعه بالغرفه ..
ووقفت عينه على خالد ..من سمع ان بنت حنان ارجعت له ..واهو مغتاظ .. ما كان يبيها ترد له .
التقت عينه بعين خالد ..ولاحظ البرود اللي غمر عيون خالد ..المشاعر متبادله .
لكنه ابتسم ابتسامه مصطنعه , رفع راسه ونزله , بسلام من بعيد .
تجنب النظر لأبوه .
وشاف اخوه ..اصغر اخوانه .
بعد عينه بسرعه بتوتر , قبل لا تبان مشاعره بعيونه , ما يقدر يشوفه اكثر ..
حس بالمره اللي يمه متوتره ..
وحس بالناس تشوفه بأستغراب ..
ابتسم وقال بعدم مبالاة " تراها مو زوجتي , ولا حبيبتي , هذي وحده كانت تسأل عن غرفة عمر "
ودخل لداخل الغرفه اكثر , وتوجه لأبوه بعد ما حط عينه بعيون ابوه وقال " السلام عليكم يبا "
حب راس ابوه ..
شاف المره تنقل نظرها بالغرفه بتوتر , سمع صوت اخوه يقول " sam come in " (سام ادخلي )
عمر كان مركز علي سام اللي كانت تتلفت بتوتر ومو قاعده تشوفه..شكلها يكسر الخاطر , مثل الطفله اللي ضايعه بحديقه , وما تدري وين اهلها
واهني قال غانم لعمر " اوووه اوووه عمر طلعت اتعرف هالويوه السنعه "
غانم حس بنظرة ابوه الغاضبه الموجهه له اهو بالذات ..
لكن ما اهتم ..
و قرب من عمر , وحب راسه وقال بهمس " الحمدلله على السلامه , مأجور يا أخوي " وكمل " انا أسف عل ..."
قاطعه عمر " الله يسلمك ..ما في داعي .."
عمر تعلم من زمان انه ما يعاتب غانم , ما يشره عليه , ويتقبله مثل ما اهو , أو بالتغيير اللي طرأ عليه ..
لأنه عرف ان ما تقبل اخوه مثل ما اهو فراح يخسره ..
ابتعد غانم ..
وعمر رد يركز على البنت ..وقال " come in sam " (سام ادخلي )
عمر كان يدري انها متوتره , واضح عليها انها ما كانت متصوره انها راح تدخل على مكان كله رياييل .
واهو ما كان بمزاج يهتم فيه بشنو يفكرون فيه هالرياييل ..
لما وقفت انشغالها باللي حولها , وشافت اللي يكلمها قفزت الدموع لعيونها ..
عضت على شفايفها , وبعدين راحت له جري
ورمت حالها عليه .
وبدت تصيح ..
طبعا الرياييل بدوا يتنحنحون ..
غانم كان يشوف الموقف وفيه ضحكه
خالد كان يشوف الموقف واهو حاس انه عمر متوهق
سعود كان غاضب بشده .
عمر ما بعدها عنه على طول , لكن هي ثواني وبعدين بعدها , وقال وهو قاعد يقاوم ابتسامه ساخره على الوضع " it's ok sam " ( خلاص اوكي عادي سام)
ابتعدت عنه لأنها تعرف ان ما يقبل الضم , والتقبيل , مسحت دموعها , واهي فعلا غير مهتمه بغيره , ما جنه في رياييل في الغرفه
ابوه كان صوته بارد لكن متماسك ..
" منو هذي يا عمر "
لف عليه عمر , وقال بالأنجليزي لأبوه ( اللي يتقن هاللغه ) بكل برود , وهدوء , وعدم اهتمام ..
"Father this is sam one of the nurses who helped us in U.S"
(يبا هذي سام , وحده من الممرضات اللي ساعدونا بأمريكا)
سعود شافها على طول , كانت نظرة عمر لها فيها امتنان , يعني هذي وحده من الممرضات اللي كانوا مع نوره ..
انسحب الغضب منه بسرعه , لأنه هالمرحله مجهوله بحياة عمر , وهذي احد الأشخاص اللي كانوا معاه بهالفتره
شاف ولده , شنو وراك من اسرار يا عمر , هذي شتسوي اهني بمصر !!
هل ريم تدري عنها ؟!
عمر كان يشوف سام ألحين وقال "sam this is my father " (سام هذا ابوي)
قربت سام من سعود واهي تسمح دموعها ..وسلمت عليه بأدب ..
وقالت "nice to meet you, how are you sir ?" (فرصه سعيده , شلونك سيدي ؟)
رد سعود ببرود " I'm fine thank you and you ? " (انا بخير , شكرا , وانتي )
بعد هالكلام اقعدت بمكان قريب من عمر , بدت تتكلم معاه , وتسأله عن احواله , الرياييل بالأول كانوا متوترين من وجودها , بس بعدين عادي تقبلوها بعد ما سعود , وخالد افتحوا الحوار مره ثانيه بطبيعيه .
وخاصه انها مركزه اهتمامها على عمر ..
كان خالد ساكت ألحين ..
وغانم اللي قعد قرب خالد قال بهمس واستهزاء " يقولون ان بنت حنان رجعت لك , وحامل بعد .. "
لف عليه خالد , ورفع حاجب " ليه حاس بنبرتك اعتراض !! "
ابتسم غانم ابتسامه مصطنعه " اعتراضاتي بأخليها لي ..لكن مبروك .."
هذا وش يبي فيه , قال ايش , قال بأخلي اعتراضاتي لي ..
المفروض ان الأستاذ غانم ما يتعامل معاه بهالطريقه لأن المتضرر , والمنهانه كرامته ..انا .
مو هو.. لأجل يتصرف كذا .
يا هو يذكره بفتره كريهه بحياته , هو اكثر واحد يذكره هالشي ..
ولا... جاي يستهزأ بعد ..
بعد خالد نظرته بعدم اهتمام " امم الله يبارك فيك "
و وقف الحوار عند هذا الحد !
عمر كان موزع اهتمامه بين الرياييل وبين سام , اللي ذابحته باهتمامها ..
كان حاس بنظرات الحيره اللي كان ابوه يلقيها عليه من الفتره للثانيه ..
كان ينقل نظراته بين الجميع , وحاس جنه عارف بشنو يفكرون , عارف زين !!

**Loli.** · 15-11-2010, 07:56 AM

رد: نار الغيرة تحرق رجل واطيها \ لـ bwidow ,, كاملة ,

كان واضح عليهم الفضول لمعرفة هالأنسانه اللي معاه من بالضبط ؟
وشنو علاقتها فيه ؟
لكنه فعلا غير مهتم !
جته الضحكه من سخريه الوضع ..توه متزوج , والرياييل يشوفونه مع غير مرته اللي ضمته جدامهم بعدم اهتمام ..
تسند وسمع غانم يستهبل على واحد من الشباب , وشاف نظرات ابوه سعود المستهجنه ..
لازم ان اجتمع غانم , وابوه بنفس المكان لازم الجو يتوتر من سوء علاقتهم .
فكر , وسام قاعده تكلمه ..
ابوه مو قادر يتقبل ان غانم غير ..
وغانم مو قادر يتقبل او يتفهم رغبات ابوهم ..
و ولا واحد فيهم راضي يتنازل ..
ابتسم بسخريه ..
المسرحيه بين هالأثنين , راح تبدي قريب ..
يطلب من الله انها ما تبدي والرياييل موجودين ..كفايه على هالضيوف اللي شافوه بيوم واحد .
تنهد
ولف نظره على الموبايل , ما ردت عليه , هذا شنو معناه ..هل راح تيي ولا لأ !!
بدا يتكلم مع واحد من الشباب , لازم يتكلم مع سام , مشاعرها بدت تصير واضحه , لازم يحط حد عشان ما تتعمق , الظاهر ان التجاهل ما يفيد , ولا المعامله الطبيعيه تفيد , لازم يوضح مشاعره بالضبط , ويقولها انه تزوج !
سام اللي بالوقت الحالي قاعده تشوفه بنظرات هيام .

بعد أذان الظهر , وانصراف الضيوف للصلاة :

سام ما تحركت عن مكانها بقرب عمر , اللي صلى بالغرفه , وعلى فراشه اما الباقي خالد , أبوه سعود ,و غانم فراحوا المسجد القريب ..
لما خلص ..من الصلاة لف عليها , وابتسم بطبيعيه .
قالت له بهدوء " so .." (إذا..)
شاف السقف وبعدين قال " so ..so " ( إذا...إذا)
ابتسمت له بحب "" how did that happen ? (شلون حصل هالشي ؟)
مشاعرها بدت تستجيب لعمر بقوه ..
لقوته , لجديته , حتى واهو مصاب الأصابات اللي تدري انها مؤلمه بقوه , كان هادي , ومجامل ..
لو كان شخص ثاني كان شكا على الأقل من وضعيته , كان استغل هالفرصه بالتدلل
لكن اهو كلما شاف واحد ساكت أو ما احد يكلمه , كان اهو اللي يبادر بالكلام معاه , ويدخله بالجو .
شافته يهز راسه بأستهزاء " car accident " (حادث سياره)
حطت ايدها على الفراش وسندت راسها على ايدها وقالت " I know about that " (كنت ادري بهالشي )
ابتسم بكسل .
وما جاوب على سؤالها , اللي الكل سأله عنه ..يعني حادث ...شلون صار ؟!!
وقال بتغير للحوار " how did you spend your days ? " ( شلون قضيتي ايامج ؟)
قالت له بدلال " missing you , and crying " ( قضيتها ولهانه عليك , وابجي )
شافها بعمق ..
وبعدين قال بجديه " don't do this " (لا تسوين جذي)
بللت شفايفها وبعدين رفعت حاجب وقالت له بنفس الدلال " do what ! " (اسوي شنو !)
بكل جديه قال " Sam you beautiful , intelligent , interesting lady but… "
(سام انتي جميله , ذكيه , و انسه مثيره للأهتمام , لكن ..)
قربت منه اكثر , واهو بعد وجهه عنها ..بضيق .
وقالت له بدلع
" there is always hope " ( هناك دايما في امل )
رد بقسوه غير مقصوده " no there is not , I'm married now " ( لأ ما في , انا متوزج ألحين)
شافته بعد ما بعدت عن الفراش وقالت "ohhhh … "
ابتسمت واهي تتظاهر بالشجاعه .
تنهد بندم على قسوته , خاصه انه شاف ان الدمعه المتعلقه بعيونها , وقال" saaaaam "
وقالت , بأبتسامه تخفى الدموع "whaaat !!! , I'm ok " (شنو !! انا بخير )
شكلها كان يناقض كلامها.
سام , كانت تحس بألم فظيع ..
كان عندها امل فيه , على الرغم من انها شافته مع طليقته , إلا ان المره كانت طليقته فما تشكل خطر كبير ..يا ترى من تزوج ؟؟ ...
كانت حاسه بغضب من نفسها اللي سمحت لها بأنها تحب واحد , شافت بعينها انه مو مهتم فيها من هالناحيه ..
غبيه ...غبيه
وبعدها قالت "so who is she ?? do I know her " (فا من اهي ؟ انا اعرفها ؟)
شافها وابتسم بسخريه من الذات "well … I don't have an ex anymore " (حسنا ..انا ما عندي طليقه بالوقت الحالي )
قامت من مكانها بعنف ..
تزوووج طليقته ...
تزوج ذيك المغروره , المتعجرفه ..
الدلوعه ..
من مره وحده شافتها حاولت تعطيها اعذار على تصرفاتها لكن ما في عذر ..
وحطت ايدها على شفايفها " oh my god ..oh my god ..you re-married her ..oh my God..how could you marry someone like her , she is …. "
(اوه يا ألهي ...يا ألهي ..رديت تزوجتها ...يا الهي ..شلون قدرت تتزوج وحده مثلها , اهي ..)
عمر تنرفز حيل , هالشي ما لها علاقه فيه , يتزوج اللي يتزوجه , واهي ما لها حق انها تتدخل ..
اهي ضيفته وبس ..
ضيفه يحس تجاها بالأمتنان ..
وما يظن انه اوحى لها بيوم انه متعلق فيها !
قاطعها بصرامه وجديه , واحترام " sam , she is my wife now , please respect her "
( سام اهي زوجتي ألحين , ارجو انج تحترمينها )
شافته , وبدت تنزل دموعها من عينها ..
اهي كانت تدري من ذاك اليوم انه يحب طليقته , شاللي خلاها تتعلق فيه ما تدري
خذت جنطتها من مكانها وطلعت ..
نادى عليها " sam …sam "
وكان هذا بدخلة غانم وخالد اللي شافوها بأستغراب وشافوه بتعجب ..
شاف الوضع بغضب , ما كان يبي يجرحها , والظاهر ان هذا اللي سواه , ما صار الشي مثل ما يبي أو مثل ما كان متصور , شد على ايده بقسوه ..بخيبة امل ..وبغضب من نفسه .
اهو الغلطان .
صر على اسنانه ولف ويهه عنهم وشاف الدريشه ..
خالد وغانم اقعدوا ..

وبعد لحظات صمت ..
غانم بدا يشوف خالد ..لما خالد بصوره تلقائيه التفت عليه ..
واهني بدا يضحك بطريقه استفزازيه "خخخخخخخخخخخخخخ "
وابعد نظره لعمر .
خالد شد على الفنجال اللي كان بيده .اعوذ بالله ..اليوم طويل ..وشكله بيطول اكثر ..
تصرفات غانم الغريبه , والغير مفهومه ..مستفزه
سمعه يقول لعمر " تصدق انا أول ما شفتك اليوم , وانا اقول انك تذكرني بأحد , وأقول يا ربي منو !! منو "
ابتسم بسخريه " تبي تعرف منو ؟ "
خالد صب لحاله قهوه , وقعد يسمع !
عمر ما كان له مزاج ..لكن روح الفكاهه الساخره ادفعته انه يرد ..
" لا ما ابي اعرف " سكت وبعدين كمل وابتسامه سخريه على ويهه " بس متأكد انك راح تقولي "
رد غانم يضحك بأستفزاز " خخخخخخخخخخخخ "
وكمل " تذكرني بتو فيس .....عرفته تو فيس اللي بباتمان ...الشرير ...خخخخخخخخ حدك تشبهه بهالوقت "
شافه عمر للحظات , وبعدين ضحك بطبيعيه , وقال " يا معود شالأحباط , عاد توني متزوج "
خالد ضحك ..
اما غانم فأختفت البسمه عن ويهه " متزوج !!! "
اختفت ابتسامة عمر , وتنهد .
" اي تزوجت اليوم ...ريم "
بعدم تصديق قال " انت .....رديت تزوجت ريم !!! "
دخل سعود , والكل سكت ..
قعد سعود , وشاف غانم , وقال بكل قسوه " وين كنت طول الأيام اللي فاتت يا غانم ! "
بان على وجه غانم الضيق ..
على طول اول ما اقعدوا على انفراد من غير رياييل بدا الهجوم ..
" كنت بالبحرين "
بأستهزاء قال " بالبحرين ..شنو اتسوي بالبحرين يا استاذ , واخوك بالمستشفى "
ضحك غانم , وبعدين قال " يبا اشفيك نسيت اني مهمل , وما يعتمد علي "
بقسوه رد ابوه " وهالشي فخر , مفتخر انك غير معتمد عليه "
توه غانم بيرد , بعد ما غاب عنه تعبير الفكاهه ..
قاطعهم عمر بكل برووووووود ..
" ريلي تعورني , ابي الطبيب "
عمر بالفعل ما كان قاعد يتعور أكثر من كل مره ..
يعني الألم الطبيعي ..اللي كل مره .
واسلوبه يوحي ان مو متألم بكثره .
لكن كانت هذي طريقته للمقاطعه من غير لا يقل ادبه على ابوه , أو على اخوه اللي اكبر منه ..
الغرابه بالموضوع انه ما يحس انه غانم اخوه الكبير ..
اما خالد فمن اول ما بدأت الحرب البارده بين غانم وعمه سعود ..
راح يصب لنفسه قهوه , وبعد ما قاطع عمر تبادل الكلام , حس تجاهه بأمتنان شديد , لأن الموقف كان محرج له اهو بالذات ..

**Loli.** · 15-11-2010, 07:57 AM

رد: نار الغيرة تحرق رجل واطيها \ لـ bwidow ,, كاملة ,

بعدها بفتره طويله استأذن خالد , وراح ...اتصل على بدر , وعرف ان ساره معاه , سأل عن مكانهم , وتوجه لهم ..
وده يستغل الباقي من العطله لأجل يعمق علاقته بأخوه الصغير ..
يحسهم ابتعدوا عن بعض بالسنه اللي فاتت ..
اما مها ...فالشوق ذابحه عليها ..لكن لازم يصبر روحه .

سام :

كانت حاسه انها غبيه بخروجها بهالطريقه من الغرفه ..
لكن ما كانت تقدر تستمر فيها واهي تسمعه يمدح , ويثني على ذيك الدلوعه ..
ما تتصور كيف شخص مثلها يلاقي اعجاب عمر .
ما تنكر انها حلوه , كنها عارضه ازياء , لكن كلما تذكرت تصرفاتها تنقهر .
اهي مره وحده شافتها وما حبتها ..
تذكر كيف صدت عنها , وكيف تعاملت معاها بتكبر ..
مسحت دموعها اللي بدت تنزل ..
عمر ما قط اوحى لها انه يحبها , او مهتم فيها , لكن دايما كان عندها امل انه احتمال في يوم من الأيام يعجب فيها ..

ريم :

كانت واقفه قبال خزانة الملابس ..صار لها فتره طويله ..تبغى تكون زاهيه عشانه , تبغى تغيب عقله , تبغاه ينبهر , تبغى تسحره , سحر حلال ..
تفكر اش تلبس !
لما قررت اخيرا كان الوقت حان ..
طلعت بلوزه ورديه ناعمه مره ..للركبه , وحزام على الخصر .
وبنطلون ابيض واسع ..
ولفه بيضه ..طرشت نعيمه بعد ما عطتها فلوس لمحل هي تعرفه ..
ولبست كعب وردي نفس لون البلوزه ..
وحطت كحل وشدو وري ناعم ..وحمره ورديه فاتحه , وناعمه .
شافت روحها بالمنظره , كانت راضيه على شكلها ..
شافت الساعه , واهي ترجف ..
جت لها نعيمه , و وقفت بأنبهار , وقالت لها " ما شاء الله يا ستي , قمر , والله قمر " وقربت ودارت حولها , واهي تقول " تف تف تف " لما قابلت وجهها وقالت " حرام عليكي , السي عمر حيتجنن لما يشوفك "
لمتها ريم ..
كانت خايفه من هالمقابله ..
بعدت نعيمه وقالت " ستي , السواق يستنانا تحت "
هزت راسها ببسمه مرتجفه .
طلعت نعيمه ..
وقعدت ريم على الفراش , مو حاسه انها تقدر تواجهه ..
خلاص بلاها ..راح ترسل لعمر رساله تقول له انها ما تبغى ..
تحس انها ترجف ..خايفه ..خذت نفس عميق , واحد , واثنين , وثلاث ..
قامت من مكانها للباب ..
بالطريق كانت تفكر , هل الوقت صحيح ولا لأ ؟
بس الشوق راح يذبحها له ..؟
ما تقدر تمنع نفسها
وبأستغراق كامل ما انتبهت إلى انهم وصلوا للمستشفى ..
إلا لما قال لها السواق " وصلنا .."
ركبتها بدت تتصافق من هيبة الموقف , والسواق ونعيمه , كانوا يشوفونها ...
كانت حاسه بنظراتهم , بس ما تقدر تتحرك ..
لفت على نعيمه , وابتسمت بخوف ..ردت لها نعيمه الأبتسامه بتشجيع .
وحطت ايدها على باب السياره ..وسمت بالله ..
تحركت ..كبدها بدت تحوم من الخوف ..
راحت للأستعلامات , وسألت عن عمر ..
دلوها على الغرفه ..بدت تدور , وتحوس لما شافت الغرفه اللي عند الباب اكثر كميه من الزهور ..وعرفت انها هذي اهي .
ما ادخلت على طول ..
وقفت لوقت طويل ...وفجأه انفتح الباب ..وريم ارجعت لورى بعجله , وتوتر ..
وحطت ايدها على لفتها بسرعه ..
كانت ممرضه اللي قالت لها " عاوزه حد "
تماسكت بقوه وقالت بصوت رايح من التوتر " عمر "
ابتسمت لها الممرضه , وقالت " دي هيه أوطتوا ..اتفضلي ما فيش حد "
هزت راسها بموافقه .
ولأن الممرضه كانت تشوفها ..
ادخلت بقوه , واهي متظاهره بالقوه .
واي ..واي ..واي ..ليه دخلت كذا ليه !
وقفت بطريقه مفاجأه ..تمت تشوف الأرض ..

نار الغيرة تحرق رجل واطيها \ ل bwidow ,, كاملة ,

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget