.
.



آي والله .. اللهم ارزقنا براحة فـ البآل تسع كل شي
قولو آمين !

صبحكم الله بكل خير في صباح الاربعاء يالطيف >> بصوت النمس على ايام كان الاربعاء له رنه
اسلو طيف عن رنه الاربعاء وهي بتقول لكم !

على طاري الاربعاء واهله الله يذكر الناس اللي كانو هنا بكل خير وعساهم مرتاحين وكذا
في امورهم وحياتهم !

سقى الله ذيك الايام تعود !

..

ماعليكم من هلوستي مع ذا الصباح اويلاه نفسي بشاهي حساوي النعناع توه جايبينه من البلاد وكذا
عاد قليل اللي رزقهم الله ذا الشي يسوي براد الشاهي على الفحم جنب الزرع
وياخذ النعناع وبدون غسل يحذف به فـ البراد اويلاه !

عاد الارض تو المطر جايها وريحتها مع شويه برد اويلاه وربي كلام
خلاص هنا تغيم مع نفسك وش يوديني هناك بس

قهر بعد الدوامات افتقدنا ذا الاجواء والطلعات لها

يالله العافيه طيبه والجنه الجنه !

..

احيان ودك تسوي شي وتردك شميتك عنه فتهون وتتعوذ من ابليس وتمسك ارضك
نصيحه قدمو النيه الطيبه دايم في كل شي والله بترتاحون بجد

اعذرو كل احد تحسون انه سوا شي وانتم فهمتوه بالغلط وايه قولو فهمنا غلط وكذا
ماتسوي وربي الامور اكثر من كذا !

ليه نتعب في العتب خلوها وماعليكم من شي وماجاكم عندي
يازين الراحه بعد المسامحه احد جرب يتهاوش مع احد ويزعلون من بعض ولا عاد يتكلمون مع بعض
وبعد فتره هدت النفوس ورجعت الامور لنصابها الاول

بالله مو شعور رائع انك تسامح وتصير كذا ياخي ليه الزعل من الاساس طيب سلامات

الى يعني نزعل حبكت وربي كل لحظه زعل تعور القلب وسامحو
وعادي الامور وربكم بتمشي زي الحلاوه >> على طاري الحلاوه
تعرفون الحلاوه الطحينيه ذيك اللي تجي مع الجبنه البيضا الوزن تصدقون ماحبها

ولا بيني وبينها اي صداقه حاولت كذا مره ومن سنين اني ابلعها وماني راضي
خلاص صارت من الممنوعات عندي مدري ليه

حطو معها القهوه العربيه ايوه القهوه العربيه برضو من الممنوعات عندي
وش بعد جبنه كيري >> ايوه اعلان

ايش كمان بعد ايه صح عصير ميرندا برتقال ياربي لك الحمد من الممنوعات
وش بعد صح ايه الباذنجان ذاك الاسود اللي تقول خيار شارب بيره وانتخم فيها

المهم هذه اهم قائمه العداوات حقتي مع الاكل
اتحفونا باكلاتكم اللي حاطينها ضمن قائمه الممنوعات عندكم !!

عاد احس البنات احتراف قوائم ممنوعات خاصه من عمر 17 لين 25 بعدين يرجع
لها عقلها وتهدي اللعب وتخفف القائمه لين تصير انسان عادي



يالله خلوني اشوف لي حل مع التكييف وربي ذبحونا فيه كاننا في ثلاجات
مو في مكاتب

ســـلآم

مالي في رصف الكلام وتنسيقه وتجميع الحروف بس لي في تنسيق بعض
الصور وطبعها واحيان اجيبها لانها عجبتني !

هنا يقول !

" أظلمك .. إذا حطيت لك بالعرب ند
لأنـكـ عرب وشعور مغليك ديره "

بجد ذا الشي اللي ودي اقوله ويوصل وادري انه بيوصل دام جا هنا !

..

ماعليك من اللمحه اللي مدري وش تبي مع الصبح بس شكل البرد
من التكييف اللي انا فيه ماثر فيني يوم شفت الصوره تذكرت البرد وانا بردان خلقه

يازين بعض الشتا يذكرنا بايـــام ياعساها تعـــود

..

صح على طاري وربي فيه حمله ممنهجه عليها على اخر ثلاث ردود في الصفحه قبل هذه لحد يرجع
للردود خلوها عنكم

خلوني اقول لكم عن الحمله الممنهجه ضد ذيك الثلاث ردود

ياخوان ماتوقعت اني مزعلكم لذا الدرجه يوم تحشون في الردود كل السالفه خلص رصيدي من الهربته
وفعلت خدمة انسخني لين اجدد الشحن وارجع اهربت لكم

اما يجي كلام لا قلب الصغير لا يتحتمل لا يحتمل >> لحد يقرا الكلام بلحن

والله يافيه ناس احلف لكم بايش انهم يقرون السطر اللي فوق ذا بلحن اشوفكم
لا بس بجد قلبي الصغير لا يتحتمل

لحد يحش فيني تراني يونيف ويمكن اخلص عليكم باي وقت وبعدين تقعدون بها
من وين بتجيبون واحد زيي !!

<< لازم يشوف نفسه

ياخي مديركم وبردان ومحد مديني وجه يهدون التكييف وما افطرت اكيد بشوف نفسي شوي
صح على طاري تكفون لحد يكتب في مدونته ردود وداعيه وكذا

احس تخنقنن العبره وربي مدري ليه

عاد لا خنقنن العبره وانا بالدوام بلشه احط حرتي بالمراجعين ومغير خلاص اترك اوراقك
وراجعنا الاحد ان شاء الله

اليوم فايق يكن لاني التقى دعم رهيييب مع ذا الصباح مدري
بس متاكد ان للدعم دور ليتكم تسمعون اللي اسمع

يالله خودافس قبل اجيب العيد

ســـلآم

.
.



وصـــلنآ للعشق وربي !

مبروك لنا مبروك للوطن مبرووك للشعب مبرووك للي مسوين محللين وكذا
مبرووك فوزنا البارح اللهم لك الحمد بجد الكوره احيان سعاده

اذ مشت معاك تحس كل شي حولك فرحآآأن !

يالله تصدرنا المجموعه وباقي قليل ونتاهل باذن الله
اما قدام اليابان واستراليا وتاخذ الصداره منهم

وربي كبير يالاخضـــر

...

ايوه خلونا نفرح لنا شوي طفشنا من اللطم والحزن على المنتخب من سنين
كنا نقول عطونا الدوري بس بلا منتخب بلا هم

الان نقول متى مباراه اليابان

..

زينا في البرد ندور الصيف ولا جا الصيف وشوانا شوي
قلنا ليت الشتا يجي

وتستمر الحياه وحنا مانبطلع امنيات عبيطه وربي

يالله معليكم كلن يصلح سيارته

اهم شي لحد ينقز لكوريا ومدري وين ويسوي فاهم خلونا بالسعوديه وربي يازينها
والله يديم افراحها وامنها ويحفظ حكامها قولو امين

يالله فـ الاخير الف مبرووك لنا

ســــلآم

ســلآم عليكم وصباحكم اجمل مع نهايه الاسبوع المدري كم
من بدايه الدراسه لليوم المهم اجازه اسعد باذن الله

لقيت ذا الكلام وجبته لحظه بس

اللي بيقرا تكمله الكلام يروح هنا

ابو العز الله يسعدك بجد ابدعت في الوصف والشرح والتنفيد وكل ابو شي !
طيب اوجه الدعوه لكم تروحو هناك تكملو قرايه عند ابو العز لاشي يستحق في مدونته

الموضوع فـ الصميم صراحه ومن فتره بتكلم فيه بس سبقني
الرجال وابدع وربي !

يالله خليكم قريب لحظه وراجع مع سالفه الباذنجان

سلآم

,
.



هذا الباذنجان اللي كلمتكم عنه قبل شوي سايفين كيف
لونه كيووت على قولتكم بجد دلع اللون وكذ !

بس نفسي اعرف ليه زعلانين اني قلت ماحبه ياخي عادي ترا ماحبه
الله يعز النعمه بس مستحيل اكل من ذا الشي

بس لحظه بوريكم شي !

هنا كان الموضوع تقييم وكذا وبالف عافيه اما باذنجان مقلي من جكم
قلبتوه سمك !!

طيب بالعافيه بس للان مدري كيف تنقلي الخضار بجدكم انتم
قلي قلي اللي اعرف ولا قلي نص كم >> وش قلي نص كم

اندري

عاد تصدقون لاني ماحبه فما ادري اصلا اذ ينقلي او كيف اصلا يسوونه !

هنا الصدمه عشان ماحبه عادي ياهو ليه صدمه الله لا يصدم مسلم
بشي مايحبه !

بس متسغرب ليه لكهم نفس الشي يروحون يسون كذا

يعني شكلي بحش بالسمك بكره عشان تسوونه بس عاد اعزموني
وكذا مو بس تعلموني انكم سويتوه !!

والله يبغالي جلسه مع امي بشوف بجد ذا الباذنجان ينقلي او يطبخونه
عاد هم يعرفون الفوبيا اللي عندي منه فمايفكرون يحطونه في سفره انا فيها

ياخي يقدرون مشاعيري وكذا

الله يسعدهم !!

بس صح على طاري الممنوعات ماقلتو لي وش الممنوعات عندكم
فالحين بس تمدحون بذا الباذنجان وكذا

يالله شكلي طولتها وهي قصيره

خودافس قبل تنسد نفسي عن الفطور

ســـلآم

الـــــســـــلآم علــــيكم !!

لي كم يوم مغير اتابعكم من فوق السطح ومتسدح بــذا الشموس وبراد شاهي
رايح وبراد جـــاي لين صرت اكح نعناع !

المهم احيان كثيره نحتاج نوقف شوي وناخذ بريك وكذا
يمكن لان الجو فيه غيم ويمكن لان الحماس قل وكذا !! بس نرجع لان المكان له وحشه
والله مقدرش ابقى فوق السطوح لفتره اطول

خــلآص ذبحتني الشمس وصرت محرووووق بزياده !!

ياحليل بعض التعليقات اللي منكم وربي فيها كميه سعاده مو طبيعيه وانا احسبني مزعل
العالم وكذا طلعت مهوي انا وويهي !

صح قبل انســـى اهني ذا القسم برجعه - لحن الوفاء - صراحه صاحبه قلم
متمكن وعودتها بتضيف للمدونات بس مو تحطين ردين ولا عاد نشوفك الى السنه الجايه

المهم حمد لله ع السلامه وعوده حميده باذن الله !

..

اما ماتوقعت كذا لسى تتهاوشون عشان مين الافضل ومدري كيف
خلاص طارت الطيور بارزاقها وطويت الصحف وجفت الاقلام دعوها فانها لا تاتي بخير

من عشره ادي الرجال (6) في التعامل والتقدير باتجاه النساء
وكمان من عشره ادي النساء (4) من حيث التعامل وكذا

بس الفرق ان النسبه تطلع عندهن اذ حبت تصير النسبه (9.9) وماتشوف زيه على وجه الارض
الرجال يمكن بعد مايحب تصير النسبه (7) بس

..

هذه وجهه نظر مو اكثر قابله للاخذ وقابله للرد وكل واحد يصلح سيارته

على طاري وقبل انسى

مادريتو خلو رواتبنا بالابراج يبغالنا من شهرزاد تعطينا ندروس اكثر الحين
فـ الابراج على الاقل لو نحفظ بس الاسماء وعدد الايام

قهر ينزل راتبك بشهر ماتدري وش اسمه ويجيك واحدن مدرعم
مايعرف بالابراج الى الثور وكل كلامه راتب الثور نزل ولا للان

يالله نستنى الدروس لا تنسين شهرزاد ولك كل راتب العقرب هديه مابيه

يالله خلوني اطلع ولا تروحو بعيد بوه موضوع رهيب بجيبه
احسه بيفيد بعضنا شوي

ســـلآم

- آأإأآأإأآم بآأإأآك -

اقول لكم فيه موضوعن شفته قريب وقلت بجيبه اجاوب ع السوال واطرح عليكم
بعض الافكار والتساؤولات وكذا وابغاكم طبعا تشاروكونا مو بس تناظرونا !!

صار للموضوع اللي نزلته تنهيده فتره مو قصيره ومن قريت موضوعها
قلت بحاول اوفر لو شوي وبشوف !!

عاد متحمس اول كم يوم وماسك نفسي وكذا يعني اني
المهم مالكم بطول الهرجه وبجاوب بصراحه وربي ماوفرت ولا ريال وكالعاده يجي راتب الشهر
اللي بعده والحساب مابوه الى الضعوي (يعني الخلا) مابوه ولا ريال وين تروح الفلوس وربكم مدري

احوس اومها حوس باول عشره ايام ثلاث ارباع الراتب تطير بالعشر ايام الاولى
وبعدين ابلش واضطر اهدي اللعب شوي بس بعد ماطار اغلبه فماعاد ينفع !

المشكله بعد التغييرات الاخيره صرنا تحت الضغط شوي
توي ماخذ قرض والان بعد التعديل الجديد طار عليا بدل 20 % من الراتب وكذا بقعد بها
يعني تقريبا نتفو شوي من ريشي

المشكله بسوي فاهم من يمكن سنه واكثر فتحت لي حساب ثاني وكل نهايه شهر
او بدايه احول له من الرابت واتركه للحين الكلام حلو

المشكله يجي شي واضيع كل اللي حولته بثواني وعلى كماليات مالها داعي
وارجع من الصفر وللصفر !! وكانك يابو زيد ماعزيت

صارت الحسابات كلها تصفر وتحتاج انعاش كل نهايه شهر
وبلشت فيها حساب الراتب انعاشه مضمون البلا في انعاش الحساب الثاني صاير متوفي دماغيا
اي قسم متوفي دماغيا ماعاد احول له شي

المـــــهـــم

- ودي تعطونا بعض ارائكم في الصرف التحكم فيه كيف تقدر توفر لك مبلغ وماترجع له
الى في الضروريات القصوى !!

- كمان ابغى اصحاب التجارب يفيدوننا بذا الشي كيف قدرو يسنعو امورهم ويخلونها تضبط
في الصرف والتوفير وكذ !!

- ابي بعد حل لمشكله العشر ايام الاولى من نزول الرواتب لانها هي اللي العب فيها اكثر شي !!

- هيا لا تبخلون علينا خلونا نفيد ونستفيد من تجاربكم آرائكم واقتراحاتكم

والف ســلامه للكل

وطبعا شكرا لتنهيدهـ وحسها الاستخباراتي !

فـ الاخير

حاب اشكر غــلاهم على الفتره اللي قضتها معنا في ذا القسم وكانت بقد المسوليه
اللي اخذتها وكفت ووفت الله يوفقها ويكتب لها كل خير

بس تراك لسى في لجنه التحكيم حقت المدونات ماراح اعفيك منها وبتبقي معنا للاخير
فخليك قريبه من الورشه تحت اوكي !!

يالله بالتوفيق ان شاء الله ومنها للا على

ســــلآم

.
.



.
.

الســـلآم عليكم .. ياصباح الخير لكل
لكم وحشه وربي مع اني غايب امس بس !

يازين تواجدكم وياحلات تدوينكم وربي بجد تحمسون الواجد يكتب

يعجبني التدوين اللي يميل اكثر للهربته وكذا ..
بجد ترى ماعندي سالفه اليوم بس جاي برفع مدونتي شوي فووق

حرام تكون فـ الاخير !

المهم لا وصيكم كونو افضل واحسن من كل شي
كونو زي ما انتم لا تحاولون تتصنعون شي او تلبسون الاقنعه

خلوكم على طبيعتكم ولحد يشيل بصدره على احد وربي الدعوه كلها
وناسه وتضييع وقت وكذا

يرحم اومكم خلو عنكم التعقيد والنفسنه اللي مال اوم اومها داعي

.
.

اشكر كل من ارسل او قيم وكان لتواجده ورسايله شكل مختلف
ببقى هنا باذن الله على طول

قبل اطلع اجازه سعيده اتمناها للجميع
فـ امان الله

كونو بخير

ســلآم

ســلآم عليكم .. كيف الحال
جاي مستعجل وربي عندي شغل وايد على قولتهم بس مدونتي مايصير
تكون ورا والداوفير كلهم قدام

طبعا ذا اخر رد فـ المدونه بذا الصفحه
فراح اخليه سلق وبدون طعم ولا ني حاط لا بهارات ولا ملح

<< نذاله

بس كلمه باذن الفرق جاكم البعبع بع انتبهو خاصه الطواقي
ياويلكم لو الاتحاد يهزمكم ترى بندهكم بعدها

كونو بخير

سلام

.
.
.



إي والله .. ادعـــوا الله وكأنكم ترون الإجابه !

صبحكم الله بالخير ياوجيه الخير وبدايه صفحه جديده في مدونه مغبره وقديمه
مدري خلاص ودي اقفلها واسوي لي وحده جديده تلق لق !

احس هذه فيها كميه فضايح وبلاهات ماهي صاحيه
ماني مصدق لها ست سنوات هنا ! يعني عمر وربي

المهم ماعليكم

ببارك لشهرزاد .. اول شي الوظيف الف مبرووك صراحه احسها مفصله عليها
هذه النوعيه من الوظايف يبغى لها زي شهرزاد تحب التحليلات وكذا
بالتوفيق ان شاء الله بس خفي ع البنات لاتسوين عليه الانسه منشن عاد اللي مالحقو
على سالي مايعرفون منشن هذه مين !!

بعدين تعالو هنا يانفسيات سلامات وش فيكم صايرين تعدون بعض
بالنفسيات اللي لكم عليها !

ياخي هي ثلاث ايام قالوها من زمان الشياب

( يوم لك .. ويوم عليك .. ويوم يكفك الله شره )

يعني مع نفسكم بالعربي الفصيح اعرفوا ان اليوم اللي تكون فيه في قمه
سعادتك وفرحك ترا بيجي بعده بفتره ايام مشي حالها

وبعيدن ايام في النفسيه تقفل بقفل وربي وذا اليوم اللي يكفيكم الله شره !

فـــعادي الامور كذا ترا
لا تسوي انك الضعيف اللي خلاص محد يحبه ولا احد يكلمه
والمكروه فـ البيت والمضطهد ومدري كيف

لا مو كذا كل الشغله انك في يومك الثالث تقفل اوم النفسيه كم يوم ثم ترجع
الامور لوضعها الطبيعي فخفو على انفسكم شوي وبلاش عتاب لها

وتحلطم ومدري كيف !!

نقطه ونهايه سطور

فـ الاخير

ماراح نكون في احسن حالاتنا على طول خلو هذه ببالكم على طول
الى ماتمسكنا مع العبيد ونتكرن شوي عادي يعني !

فالله يجزاك كل خير كونو بخير

صح قبل انسى جاني سوال كيف نعرف ان الرد يكون الاخير بالصفحه
اقول لكم كل صفحه في المنتدى هذا تتكون من عشر ردود بس

يعني شوف ردك ذا رقمه كم اذا وصل للعاشر اجل بيكون الاخير
خليكم مع اخر رقم في الرد ع اليمين اوكيشن

اذ صار صفر ترا الرد هو الاخير واستعدو لقلب الصفحه طبعا ارقام الردود تلقونها
فوق على اليمين بجنب هذه العلامه #

هاه كذا حلوين يالله اجل شدو حيلكم واقعدو قلبو في صفحات مدوناتكم
لين تقولون بس !!

افطر وراجع باذن الله

خودافس