شخبط شخبيط ..

*** الوسمي *** · 08-07-2012, 09:07 AM

امس اقول لكم وصل لي تقييم شوي ويطلع
راعيه ويديني كف معصب !

المهم ترى عدلت ف الرد اللي جاني التقييم عليه
صراحه اللي قيم معاه حق

لا .. وش له نراضي نقعد نراضي البشر

؟!

صح لسانك وجزاك الله كل خير
اقول صاحبه التقييم ولا لسى ماجا وقته

*** الوسمي *** · 08-07-2012, 10:09 AM

احيان نكون ناسين او متناسين لامور اذا تذكرناها
قمنا نسويها والفضل الكبير يكون للشخص اللي

كان له الدور الكبير في تذكرينا بهذا الشئ
وكان سبب لو بطريقه غير مباشره في امر كان غايب عن

البعض منا لمشاغل او هموم او دراسه او نوم

يتذكر من يقرا دائما عشان كذا يمدحون القرايه << حلوه القرايه
ع الفطره صح ههههههههاي

المهم ماعلينا لا تخلوني انسى وش كنت ابغى اقول
هذه مجرد حلم تذكرنا قبل فتره بالتسامح مع اطلاله هذا الشهر

الكريم رمضان وتنبهنا بمقطع للمبدع العوضي
ان كل الاعمال تغفر هبه من الله جل في علاه وكرمه

الى المتخاصمين فان اعمالهم تبقى كما هي تذكرنا
ان نتسامح ونغفر زلات بعضنا لننال اجر العفو ولنطهر صفحات

من اعمالنا تملئها الاخطاء !

من اكثر الردود التي وجدتها نالت نصيب الاسد في هذا
الشهر من التقييم والاعجاب بها ردها وطرحها هناك

بالفعل جزاك الله كل خير اختاه على طرحك
وكل الشكر لك لتذكيرنا دمتي سالمه

وكل عام والشعب بكل خير

*** الوسمي *** · 08-07-2012, 10:25 AM

فراغات ودهاليز جو راسي اجي اكتب احوس
ابطل ارجع امسح وابدا من جديد ما عندي شئ اقوله

شكل النسخ بدى يحوس مخي وهو ماهو ناقص
يعني كله غرفتين ومطبخ حتى صاله مافيه

المهم ياسرع الايام ما ندري عنها الى اذا صار شئ
او مر علينا شهر مهم زي رمضان والاعياد

نحس ان السنه مرت بسرعه كاننا كنا نايمين كل ها الفتره
وتو ندري ان السنه مرت !

ما اقول غير اللهم بلغنا رمضان ونحن
بصحه وعافيه واعنى على صيامه وقيامه

كل عام وانتم بخير !

*** الوسمي *** · 08-07-2012, 10:33 AM

ساعات وانت بعز النوم يجيك مين يصحيك
عشان يقول لك خبر زي وجهه يطير النوم من راسك

تحاول تلحقه مايمديك عاد النوم لا جيت
تطرده ياسرعه ماتلحق عليه !!

بالله وش بيضر اللي جايك راز وجهه عشان يصيحك
ويقول لك ليه ماتنتظر يابو الشباب انت ووجهك

لين اصحى بعدين تديني الاخبار حقت اليوم كامل
يعني لازم تسوي لك موجز كل شوي وتصحي العالم

بعضهم كانه فرحان انه عرف خبر جديد
حتى لو ماهو زين جاك يجري لا ومبسوط ان جوالك

معه كل شوي مرسل كانه خايف ان احد يسبقه
بالخبر !!

عشان كذا تعقدت صرت ما احب انقل اخبار
لو مهما كانت لاني مجرب كيف شعور المستمع لخبر زي

وجه صاحبه

ما تلاحظون ان زي وجهك تزعل الشعب السعودي
حتى لو بنت مزيونه تقول لها زي وجهك تزعل

شعب مدري كيف يفهم على نياته هههههه

*** الوسمي *** · 08-07-2012, 10:44 AM

الصدمه !!

احد جربها هي انك تكون غافل ومنت داري
وفايق ومع نفسك شوي يجيك مؤثر خارجي يهز اركانك هز !

ساعات كلمه
ساعات موقف
ساعات خبر

ساعات ... وساعات .... وساعات

تحاول انك تتمالك نفسك وتسوي ثقيل وانت صراحه
ودك تصك راسك باقرب جدار جنبك !!

او انك تقوم تضرب الشخص اللي سبب لك الصدمه
لين تخليه يعرف ان الله حق !!

ذحين تسوي لك شئ يجي من يقلل من قيمته
ودك تصفقه

تحاول قد ماتقدر ارضاء شخص يجيك يمدح في
واحد غيرك ودك تكوفنه

تشجع لك فريق وتتحمس معاه يدخل واحد في اخر
المباراه يقول والله فريقكم اليوم تعبان ودك تذبحه !!

تكون في السياره توقف ف الاشاره يجيك اللي
وراك ويصدمك ودك تكلته ايه بالكاف من القهر !!

يدق عليك واحد من جواله ساعه ماترد تديه مشغول
شوي يدق جوالك من شخص ماتقدر تطنشه ترد تلقى
اللي داق صاحبنا اللي من اول مطنشه ودك تقتل حويك
اللي مخليه يدق من جواله !!

*** الوسمي *** · 08-07-2012, 11:19 AM

عندما نشعر بأننا نحتاج للجميع
لا نجدهم ..!
كما الأشياء عندما نريدها في الوقت
المناسب تختفي ..!
عندما يجرحنا شخص غالي
نختنق بالعبرة ..!
ف نصمت ونمضي مغادرين المكان :\
غرباء نحن البشر ,
نتشابه في مشاعرنا .. ولا نفهم بعضنا ..!
نحزن ف نكبت الامنا .. !
نفرح فلا نظهر شعورنا .. !
نبكي ف نخفي دموعنا !!
ولا نفهم بعضنا .. رغم تشابهنا ..؟!

*** الوسمي *** · 09-07-2012, 09:14 AM

ابشكرم تخبرون ذاك اليوم يوم اقول لكم
اني بين امرين واحد سهل والثاني افضل بس ماهو سهل !!

اللي ماهو داري وش السالفه يرجع كم صفحه
ورى وهو بيلقى الموضوع << متكاسل يقول مره ثانيه

المهم ابشركم حسمت الامر واخذت الخيار الثاني
صح بيكون صعب شوي !

بس فيه ناس صراحه ماتنرد ودايم على الراس من فوق
بدونهم ما اقدر اسوي اي شئ !

بعدين فيه ناس هنا ادوني رايهم على تسائلي ذاك اليوم
اشكرهم بعد خيرات الله على قولتهم

وسلامتكم !

*** الوسمي *** · 09-07-2012, 09:30 AM

تعجبني الناس الفاهمه على طول
رجعو لكم صفحه شاوفو المضوع الاول وصكوني بلايك

هناك وهنا عشان اعرف انهم شافو
الردين احلى تحيه للناس الفاهمه صراحه تسعد

وانت تخاطب اصحاب العقول المفتحه
يخلونك ماتتعب وانت تتلكم

تذكرت صافي اللي يذكرها بالخير !

*** الوسمي *** · 09-07-2012, 09:37 AM

الصداقه والحب !

واحد مكمل للثاني ولا خلونا نقول الامور ف الغالب
تبدأ بصداقه ثمن تتحول الى حب !

ويمكن بس مو أكيد يتحول الحب الى صداقه في بعض الاحيان
عند الخواجات يصير ها الكلام هنا اشك

بس تدرون الصداقه احسن واطلق من الحب
على الاقل الصديق مايدقق على كل كلمه وزله لك

وينتقدك وهو مرتاح لانه عارف انك ماراح
تشيل بخاطرك كثير !!

المشكله ف الحبيب اي شئ ياخذه بحساسيه زايده
يكبر بعض الامور عشان مشكله بعض اللي

يحبون على بالهم اللي انه اذ حب شخص
انه تملكه او صار له لوحده !!

عشان كذا وخصوص بالنت هنا ريحوا روسكم
ولا تخلون الامور تتجاوز الصداقه مهما يكون ترتاحون

وسلامتكم

*** الوسمي *** · 09-07-2012, 09:47 AM

قلتها قبل واقولها اليوم وراح اعيدها بكره
بعضهم يستناك تستفزه عشان يديك وجه !

يعني مو شرط يكون الاستفزاز بكلام
مو في محله لا قصدي انك لازم توريه انك تتابعه

عشان هو يتنازل ويتابعك
مدري ليه بس احس فيه ناس كذا لحد ياخذ الكلام على

انه موجه له الكلام بشكل عام
واكيد اغلبكم جرب هذا الشئ يعني بالعربي امسك لي

وانا اقطع لك

شخبط شخبيط ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget