يازين الامطار !!

الله اجعلها سقيا خير وبركه وعم بنفعها كل البلاد والعباد
الله على بطون الاوديه ومنابت الشجر يارب العالمين

صباحكم امطار او اخبار امطار الخير طيب لو بس تسمع فيه
ياربي لك الحمد ...

عندي سوال !!

اللي يعرف كيف انزل مقطع من اليوتيوب مباشر بدون روابط هنا
يقول لنا ذا السوال اكثر سوال انسال واصحابه مايعلمونا كيف !!

بس ينزلون المقاطع وحركات ولا فكر احد فيهم يقول للعالم كيف الطريقه !!

وايوه سوالي عشان النفسيه ورده منزله لنا هدف الجحفلي طلعت من الخلايا الناميه !!
طيب كنت احسبك من الطيبات اللي مالهم بالكوره طلعتي من شله جنان اهاه

نقطه ونهايه سطر

الى على طاري فيه كمن عضو شرفونا كم يوم وحماس وذكرونا بالطيبين والان
اختفوا ماهذا ياهولاء اين انتم ومن سمح لكم بالاختفاء !!

تصدقون

اكبر غبنه تصيبك يوم تمشي مع احد بموضوع وتضبطه له وكل شي لا وفوق ذا
تعلمه كيف يسوي عشان ماعاد يحتاج احد في غيابك وكذا

بعد فتره يستلمك حش وانتقاد هذه والله اللي تغبن !!

يالله العافيه طيبه والجنه الجنه

خلوني اطلع قبل اجيب العيد وربي بالقوه ماسك لساني عاد مشكله اذ
انلفت مايرده الى النفوذ



صح باقي يومين لايفوتكم !!

غدا بأذن الله انتطروني !!

صبحهم بالخير اليوم نشاط مصحوب ببعض الكسل
في اجزاء متفرقه مني وانعدام ملحوظ في مدى الرؤيه الاوفقيه

ارتفاع سرعه الانفعال في بعض الاحيان

>> تحشيش ماعليكم

تذكروون هذا

هذا التحلل الخطير اللي نزلته لكم قبل فتره الاسبوع اللي راح
طبعا بقول لكم مين اللي حلل شخصيتي

هذه ياطويلين الأعمار

الشيخه ( ماثر ) وردة الامل الله يسعدها تعبت نفسها وجلست مع نفسها
وتركت كتبها والدوفره والعصبيه وسوت لها قهوه واخذت ثلاث حبات سنكرز

وطفت الانوار وقعدت تحلل شخصيتي المنتهيه من سنين
وهذا اللي طلع معاها

عاد حطيت لكم تحليلها قبل فتره واليوم بعطيكم رايي في التحليل
شوفوا اللي خليته باللون الاحمر هذا اللي اقدر احكم فيه على نفسي والبنت والله

جابتها صح على قولت روف خليف بالملي متر ياحبيبي بالملي متر
والله خطيره هالبنت ماشاء الله عليها صرت اخاف منها

بعضكم بيقول هذا كلام في الغالب مننا ومدري كيف وما اومن بتحليل الشخصيات وكذا
لا اقول لكم هذا فن مو اي احد يدخله او يتجرا ويقوله هنا الفرق

بالنسبه ليا الى 90 % من تحليلها صادتني فيه

واكثر شي خوفني يوم تحط ثلاث شهور وواحد منها شهر ميلادي الصيحيح
خويكم من مواليد شهر 12 ميلادي 2 هجري

عاد قبل امس مديني بنات اخواني كم هديه وحركات انستقرام وسناب
على اساس انه عيد ميلادي مع نفسكم انتم تبغون تكشخون بالصور سوينا لعمي
حفله وكذا

عاد من جد الان هابين العالم بالحفلات وكذا ويعنني حركتات ومدري كيف
والقصد كلها عشان كم صوره وينزلونها بالانستقرام وسناب ومدري ايش

بس حلوه ذي البرامج خلتهم يسون حركات كثروا منها

داري اني طولت الهرج بس بقول شي تصدقون اني
الوحيد يمكن ف العالم عندي ثلاث تواريخ بالسنه تصادف يوم ميلادي !!

تبون تعرفون كيف !!

عندنا في السعوديه نتعامل بالتاريخ الهجري ف بطاقه الاحوال في كل شي تقريبا
يعني اللي يعرفونك مايعرفون تاريخ ميلادك بالميلادي الى قليل منهم

خويكم اللي هو محدثكم اللي هو الوسمي عندي تاريخين مختلفه في شهاده الميلاد
وبطاقة الاحوال كيف جت ابوي يقول نسيت يوم طلع كرت العائله وكتب تاريخ ميلاد بالخطا عاد زمان ذا الكلام
ومشوها بدون مايدققون وصار عندي تاريخين ميلاد بالهجري

واحد : 21-1 والثاني : 9-2 فرق بينهم عشرين يوم اخواني يتريقون عليا يقولون رجعناك عشرين
يوم ببطن امي عشان تفكنا من صياحك

ماعليكم منهم وتاريخ ميلادي بالميلادي 24 - 12
بكذا صار عندي ثلاث اعياد ميلاد بيطفشون حقين الصور والهدايا مني عاد قايل لهم
تراني ما اعترف الى بالميلادي الباقي خلوه لكم بس مصرين كله من الانستقرام

يالله والله اليوم كثرت هرج

انتظروني بكره وخليكم قريب سلام !!

تم افتتاح المشروع بحمد لله هذا اليوم زيارتكم تشرفني
واقلامكم هي من ابحث عنها !!

تواجدكم يسعدني وقبل ذلك يشرفني
اتمنى زيارتي هنا

ساأإأاأعاأإأات


مقدر وشاكر لكم قبل كل شي دمتم في رعايه الله
وانتظر زيارتكم

ملاحظه :

العرض لفتره محدوده

سلام

سلامووو عليكوووم

من جدكم ماهذا ياشباب بدر عزو الى هذه اسمي بالازرق من جدكم
يعني يكفي الهلال متصدر تجيبونه لنا كمان لا مايصير

او انكم تخلوني مشرف وكذا اذ اهم شي مايصير لوني ازرق !!!

هذا اول شي

ثاني شي !!

اشكركم ورب البيت اشكركم كلكم اقسم بالله ماتوقعت
يكون التفاعل مع موضوعي وتصميمي بهذا الشكل

يارباه والله اني عاجز عن شكركم جميع يالله
يارب ان تسعدكم جميع ...

معقول الاعلانات والتشويق جابو كل هذه النتيجه
طلعت الفكره خطيره هههاي

والله جاتني ردود ماكنت اتوقع اصلا اصحابها لهم في هذا المجال
الله يسعدهم قسم لتواجدهم شكل ثاني ورهيب

بثلاث ايام وصل عدد زوار الموضوع (330) مشاهد
يارباه اي كرم هذا ؟؟

الله يسعدكم كلكم ...

ف الاخير

ودي اجاوب على تساول ورده بس والله تعبت وانا ارد هناك
وداخل من الجوال واوم التعقيد ف الردود منه

بس بقول ماثر مشكلة البنت بمجتمعنا ان الظن السي يرافقها على طول
وقليل اللي يحسنون الظن فيها ويكبرون اي شي تكون طرف فيه

ويستمتعون بنسج القصقص الخياليه الله يعينكم على هذا التفكير
واصحابه ...

بس خفي على الشباب لانهم يختلفون عن بعضهم ربما بدرجات بسيطه
بس يختلفون فبعضنا هم قمه في احترامهم للجميع

لي رجعه بهذا الموضوع باذن الله

انتظروني بس مو اليوم سلام

... اللهم امين ...

وعادت احلامي بمن تركونا وانتقلوا الى رحمات رب العالمين
معها اعادت كل ذكرياتهم

اللهم ارحمهم واغفر لهم وتجاوز عنهم وتقبلهم من الصديقين
والصالحين والشهداء يارب العالمين

بدت الحكايه مساء امس !!

برساله من اخ احدهم هزتني عندما قراتها اي والله

" تسمع صوتا في داخلك !
يلهمك الدعاء لغال عليك في قبره الان ..

علم الله انقطاعهم في قبورهم
فبعث اليك هذا الصوت لك لتدعوا له ..

ما أرحم الله بنا وبهم "

هذا نص الرساله من ولد اخوي وشقيق فقيدنا رحمه الله
الى الأن ماقدرت اطلع من تاثير الرساله

هو امام مسجد عندما يقرا عن الموت تخنقه العبره فيصمت قليلا
لم اعد استطيع الصلاه خلفه !! لانني بالكاد امسك نفسي !!

ذهبت للمسجد الاخر

يا الله كل مكان فيه يذكرني ب " يوسف "

جائني البارح في احلامي كان يضحك كعادته ويتكلم لم
اسمع ما ذا يقول اشتقت والله لصوته

احببت ان اضع كل شي هنا هذا اليوم فقط لاتذكره دائما ولتدعون له
ولسائر موتى المسلمين فهم بحاجة دعائنا

اللهم ارحمه واسكنه فسيح جنانك واغفر له وتجاوز عنه
هو وجميع اموات المسلمين

في امان الله

!! بسيط قبل اقفال هذه الصفحه !!

صبحكم الله بالخير ... عشان حاطين اسمي بالازرق بتلقوني كل يوم بنزل شي اصفر
عشان يكمل اللون >> ماشاء الله مووخ

صح قبل انسى اعذروني على كلامي امس ولحد يرجع للصفحه اللي قبل هذه
خليكم هنا احسن

بعض الاحيان .. تمشي معنا الامور بعكس اللي في بالنا بس تمشي
الحمد لله على كل حال ...

اوكيشن لحد يرجع ولا ترى بكف خلاص انتهت الدمقراطيه عندي

نقطه ونهايه كلام ... !

لي رجعه ان شاء الله بس بفطر وجايكم ..

سلام