رد: روايه ودي اضمك لين تختلط انفاسي معاك..

نايس والله .. ننتظرك

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

العصر محمد بيروح السوق قالت له ميثا انها بتروح معاه عشان تبي تأخذ شوية اغراض
وراحت معاه ووصلوا السوق واشترت لها كم غرض جينزات بلوزات ومعها حجابات بعدها طلعت وجات بتدخل السوق الثاني...شافت بنت صغيره معها صحن ذره وتأكله...يوم شافته اشتهته وبلعت ريقها بقوووه قالت بلهفه: محمد ابي مثلها ابا اكل ذره محمصه
محمد: ميثا اشفيج صرتي مثل الأطفال كل شي تبغينه وتاكلين وماتشبعين
ميثا بألحاح: محمد ارجوك بسرعه والله احس ان بطني يتقلص من القهر بسرعه
محمد بأستغراب: بس انتي اول ماتحبينها وتقرفين منها اشمعنى الحين بتموتين علشانها
ميثا ماناقص عليها الا البكاء: بس كذا تغيرت نفسيتي فيها شي يلا محمد بسرعه
محمد بأستسلام راح يشتري لها ايش يسويلها صارت اكيله بزياده ولحوحه....اشترى لها... وميثا من شافتها ماعد انتظرت فقالت له بتروح للسياره باكل هناك وبعدين بنطلع لسوق الأحذيه...
محمد بنفاذ صبر: ميثا ماتقدرين تخلصين كل اغراضج كلها وبعدها تاكلين
ميثا بلهفه: لا محمد ماقدر بروح السياره بأكل وبعدها نروح.. وبعدين انا مابي اخذ احذيه من هنا يعني في الحالتين بنروح عن هذا المكان
طلع محمد السياره بقلة صبر وهو يقول: لا حول ولا قوة الا بالله العلي العظيم ميثا تصدقين باقي شوي واصفعج احس اني مقهور من تصرفاتج اشفيج وضعج غريب
ميثا تاكل بنهم ولا كأنها معه اصلا ماتسمعه......
وبعد بشوي قالت بسرعه: محمد بعد ابي صحن ثاني ماشبعت
طنشها محمد: بعدين ميثا بعدين طفرتيني انتي جيتي تتسوقين ولا جيتي تاكلين وجبه ورا وجبه بوديج محل الأحذيه واذا خلصتي بشتريلج الي تحبين بس فكيني
بعدها راحو لسوق الأحذيه اشترت ميثا الأحذيه وتأخرت تقريبا لها ساعتين وهي من سوق لسوق ماعجبها شي واخر شي دخلت محل واشترت جوتي كعبه طووويل بنفسجي مفتوح من عند الأصابع وعليه مشبك فضي كان من جد روعه وراح يليق لها........ طلعت وهي مرتاحه رضت بالحذاء الي معاها وبذوقها...طلعت السياره ويلا يلا تقدر تتنفس ويوم جات عالكرسي اراحت براسها عالكرسي وتنهدت بتعب
محمد بأستغراب وحيره من اخته الي صايره تتعب من كل شي: ميثا انتي اشفيج؟
ميثا بخوف من صوته الي مبين انه مو مرتاح من الي يصير
ميثا بتلعثم: اها..... اشفيني....يعني,....
محمد بحبور: احسج مو بخير ماتبين تروحين المستشفى
ميثا بخوف شوي: لا مايحتاج لأني مافيني شي بس بطني متوتره شوي هالفتره
محمد بعدم اهتمام: اوكي براحتج
هنا ميثا ارتاحت لأنه ما اصر عليها
ولأنها هي شاكه بشي وخايفه منه..
سكت محمد شوي وبعدها كمل: شو تبين تاكلين؟
ميثا بفرح لأنها جوعانه بس خافت يرجع يشكك فيها: ابي ذره محمصه وهمبرجر وشيبس و........ قاطعها محمد: اسكتي بس انا قررت بشتريلج الذره على رجعتنا والحين بنروح نتعشى في مطعم الي انتي تبين وعلى ذوقج
ميثا بحماس: ياي حلووو مشكور حمودي يلا بسرعه
محمد: اي مطعم تبين؟
ميثا بفرح: ابي مطعم الصيني
محمد يقهرها: اكيد اي شي فيه هوووم هوووم تحبينه....
ميثا بقهر: حرام عليك لهدرجه صرت اكيله
محمد: ايه وأكثر يادبه شوفي صرتي سمينه طلع لج كرش شكلج زايده كيلوين...
ميثا بقهر: محمد اسكت لأكفخك بنعالي انا الحين صرت دبه....
محمد وده يقهرها اكثر: بتكفخيني هاه خلاص مافي مافي مطعم الصيني ولا حتى ذره محمصه بنرجع البيت.... ولف السياره وكأنه بيرجع ...خافت ميثا ووقفت محمد
ميثا بخوف: محمد خلاص ارجع لطريقك والله ماعد اتكلم انا اسفه بس لا ترجع والله جوعانه واشرت بأصابعها على فمها بمعنى انها بتسكت
محمد وهو يضحك: ادري فيج كل شي ولا بطنج
جات ميثا بتتكلم......بس هو كان اسرع وصدها: هاه انتي قلتي بسكت لاتنسين ترا اسويها والله وارجع
تكتفت ميثا بأيدينها بقهر وهي تقول:اوووووف
محمد بستعباط: لاتخليني اغير رايي اووووف على اخوج الكبير هاه
ميثا بقهر: ياخي ذليتنا مابيه مطعم الصيني خلاص كل شي ولا كرامتي...وكملت ببراءه: اختك جوعانه موت يهون عليك ماتاخذها تتعشى
عرف محمد انها تستعطفه: بس بس كرمينا بسكوتج وصلنا صرنا قريب
ميثا لاشعوريا مسكت قبضت يدها وهي تقول: (yes)
ضحك محمد من غباءها ووصلوا المطعم وتعشوا واستغرب منها ميثا كلت اكلها وردت اخذت اكل محمد تكمله.....ضحك منها وهو يقول بداخله هذي اكيد مو طبيعيه.....
وعلى الرجوع اشترى لها 4 اربع صحون ذره محمصه علشان يفتك منها ومن حنتها
..............................


رجعت ميثا البيت وبطنها مليان بس عندها طمع الا وتاكل صحن الذره كلت منها وهي بين معلقه والثانيه توقف فتره تحس نفسها بتنبط (بتنفجر) بس مصره تخلصه وبعد عناء كبير خلصت ورمت نفسها عالسرير وهي تحس نفسها يصعب من كثر زحمة الأكل الي في بطنها.......جلست وفكرت وهي تقول بدخلها(ياربي انا اشفيني معقوله انا............لا لا ماعتقد بس هذا كله صار لأنه نفسيتي متغيره وايد يمكن هو سبب تغيير روتيني)
قامت بعد ساعه نزلت تحت لقت الكل نايم فرحت علشان تقدر تخبي صحن الذره المتبقي بالثلاجه بدون ما احد يشوفها وتاكلها الصبح
راحت خزنتها وطلعت تروشت ولبست بيجامتها ودخلت بالفراش ونامت

*******************************

عالصبح في بيت بو مها...مها بغرفتها بعدها على حالتها تجلس تحدث بطنها وكأنه ابنها موجود....جالسه بغرفتها وباب غرفتها مو مسكر زين مرت حنان اختها من عند غرفتها وسمعتها تقول: حبيبي انا تعبانه من بعدك وابوك ناسينا حتى ماسأل عنا مايدري انك انت تبي تشوفه بقولك شي بس لا تعلم احد اوكي...وكملت تقول: ماتعرف شقد احب ابوك وانا اعرف انه يحبني بس مايبين وانا ضحيت فيك علشانه سامحني يمه حمود .....وجلست تبكي بنواح وبعدها ابتسمت صارت وكأنها مجنونه...تصدق انت وبابا اساميكم متقاربه حمد محمد _حلوو صح بابا اسمه محمد لما تكبر وصرت تدرس هو الي بياخذك عالمدرسه لا تخاف انا بقوله ماراح اخليك
تروح بباصات الحكومه عشان ترتاح ...وجلست تبكي بنواح وبعدها ابتسمت...ثم لمست بطنها وكملت: حبيبي انا اشتقتلك متى بتطلع وجلست تبكي مره ثانيه....انفجعت حنان من اختها وهي تردد معقوله حالة مها وانهيارها العصبي وصدمتها الي للحين بعدها ماطلعت منها لأنها كانت حامل واجهضت معقوله يامها سويتها...
حنان بتردد: خايفه اقول لأمي وتكبر السالفه.....بس امي لازم تعرف وراحت حنان لأمها وقالتلها بكل شي....طبعا ام مها انصددددمت ولا تكلمت بس طلعت فوق تأدبها هي ومع سكوتها المخيف الي يدل على عواصف سوف تأتي ورا هالعصبيه
وصلت لغرفتها وفتحت الباب بقووه: لقت مها ماسكه بطنها وتتكلم ولمن شافت امها سكتت بفزع
ام مها بصراخ: مها انتي اشفيج ايش البلوه الي سويتها وخلتج كذا
مها بخوف ماردت: ................
ام مها بعصبيه: تكلمني ولا ماراح يصير خير لج
مها: ................
ام مها وهي تشد ثوب بنتها: ان ماتكلمتي بقول لأبوج واخليه يجي يتصرف معاج وطبعا انا مابقصر .. انا من زمان خايفه منج ومن سواياج ,,,,,,,,وكملت بعصبيه اقوى: قلتلج تكلمي
مها بخوف: مممممم.....مافي شي
ام مها بأستهزاء ممزوج بقهر: اختصري السالفه دريت فيها بس ودي اسمعها منج...قوليها بسرعه
مها: يمه انا اسفه
ام مها: ايش بتسويلي هالاسفه بترجعلي وجهي قدام الناس ولا شو بالضبط هذا غلطي يوم اني اخبي عن ابوج سواياج ولا اقوله عنها واكيد انتي مستغله هالوضع
مها لأخر مره اقولج تكلمي وقولي الي عندج ولا بنفذ الي براسي
مها بخوف: خلص خلص يمه بقول والله بقول....
حكت مها لأمها التفاصيل بكل شي...ام مها من سمعت هالكلام ارتفع ضغطها لأنها تأكدت من صحت الكلام الي قالته حنان ومن غير شعور قربت ناحيتها وعطتها الكفوف واحد ورا الثاني وكل واحد اقوى من الي قبله وهي بتدمع حاسه انها ماعرفت تربي انقهرت من مها بنتها البكر الي نست وجودها وسوت كل هذا من ورا ظهرها دون حياء او خوف
ام مها بصراخ: مييين ابوووه
مها بس تبكي وهي طايحه عالسرير وماقدرت تتكلم: ...............
ام مها بحده: اقولج مين ابوه
مها وعيونها تغرق بالدموع: يمه خلينا منه خلاص انا تركته والولد طيحته وماله داع......ماعد كملت لأنها بكت وماقدرت تتكلم وهي تتذكر ولدها
ام مها بعصبيه: لا ما خلصنا مو بالساهل يلعب على البنات ويطلع منها....قوليلي مين هو هذا الحيوان؟
مها: يمه ماله داعي خلاص فكينا منه انا اصلا مابي اسمع اسمه
ام مها بصراخ اكثر وهي تعطيها كف اخر على راسها: مها ان ماتكلمتي بذبحج
مها بخوف: طيب هو.......وبعدها سكتت ماكملت
صرخت ام مها: بسرعه مين؟
مها بتلعثم: مح....محمد...سكتت شوي وكملت محمد ال(........)
ام مها بصدمه: محمد ال(.......)
متأكده ان ابو ولدج محمد ولد عبدالله(.......)
مها بقهر: إيه إيه هو ليش تعرفينهم
ام مها: ايه اعرفهم بس اهله ناس طيبين ولا في منهم ....طالع على مين هالوصخ
مها نزلت راسها وتتذكر محمد وبدون شعور قالت بسرعه: يمه محمد ماأذاني بشي محمد يحبني ومعاملته كانت زينه ولا يوم زعلني
ام مها بقهر من غباء بنتها: حضرتج تدافعين عنه بعد الي سواه فيج
مها بسرعه: سوا هالشي لمصلحتي ولمصلحت ولدي
ام مها بأنكسار: اغبى بنت شفتها بحياتي وتدافعين عنه بعد. كفايه قهرتيني يامها هاذي تربيتي فيج هاذي تعبي وسهري عليج هاذي جزاتي يامها
مها ببكاء: يمه انا اسفه والله اسفه خلاص انا تغيرت والي تبينه بسويه لج يمه سامحيني بس لا تقولين لأبوي شي
ام مها: دايما تلغطين وتقولين ما اقول له شي يعني انا كيف بوثق في بنت استغفلت اهلها وسوت الي انتي سويتيه وتبينا بعد نسكت
مها بترجي: خلاص يمه اخر مره والله اخر مره
سكتت ام مها وبعدها فجرت قنبلتها:اطرف واحد يجي بنزوجك اياه
مها بخوف: لا يمه الا هالشي انتي نسيتي اني........
ام مها بحزم: لا مانسيت بس لازم نخدعه واذا صرتي معاه تصرفي وطلعي لنفسج عذر مثل مادخلتي نفسج بها المتاهات طلعي نفسج منها
مها ببكاء: لا يمه حرام اخدع الي بيأخذني
ام مها بحده ودمعتها على خدها: مسويه نفسج انسانيه وتخافين على مشاعر الناس طيب ليش ماخفتي على مشاعرنا يوم فكرتي تغلطين هالغلط الكبير.....شوفي معاج حلين الأول الي سمعتيه الحين تتزوجين اطرف واحد يجي والثاني يا تتصلين في محمد هذا اساس البلا وتخلينه يصلح غلطته وانتي قرري كفايه تعبنا منج و من الي جانا منج يالوصخه ياريت ماشفت اليوم الي جبتج فيه......
مها جرحها كلام امها وجلست تبكي بقهر كبير وكرهت نفسها اكثر وبداخلها تقول: في الأخير انا الي اكلتها يامحمد وانت طلعت منها مثل الشعره من العجين

*******************************

>>نروح ليقصر<<

الي الشوق ذابحه موووووت مسكين خيال ميثا ماصار يتركه يتخيلها بكل شي وفي كل حالتها في نومه في صحاه حتى خواته صار يغالط فيهم صار مجنونها

[ينفع نسميه مجنون ميثا بدل مجنون ليلى]

جالس قيصر بغرفته بعد مارتب اغراضه لداوم ويفكر بميثا الي من تركها من 3 شهور ماعرف عنها شي وكل يوم يشوف جواله يتمنى يشوف منها مسج وده يرسلها عالأقل مسج يعرف احوالها بس هو وعدها انه ينساها ومايبي يزعجها
ولا يرجع الامها........اخذ ورق وقلم وجاء بخاطره شعر قرر يكتبه من بعد ماترك ميثا صار شاعر......


●•۰• •۰•●

اسهر الليل لحالي وتجي فبالي خيال
اناظرها ابي اضمها وانصدم لما يطلعلي ظلال
وين اشوفه غير بأحلامي وغير هذا محال
وفوق هذا ياحبيبي بيني ويبنك
اميال
احبك والبعد يتعب بس عشانك ابقى رحال
وغير هذا اذا ودك اقطع حبل الهوى احبال
جمالك يمنع الشاعر من قول دواوينه من هبال
من شوفتك انهبل وصار عقله
اوصال
ادري نسيت الهوى بس عندي مافي مجال
ابي اشوفك ومن بعدها برضي بذا الحال
ثلاثة شهور اشتاق لأخبارك يامعذب القلب و البال
مابي اتصال بس يكفيني برساله من الجوال
........................


وبعدها تنهد قيصر تنهيده قويه واراح براسه عالوساده وقال بداخله: لمتى ببقى على ذكراج ياميثا لمتى بيبقيني حبج عالحياة بموت من حبي لج ما ادري ايش اسوي
من بعدج صرت ارمي جهدي في شغلي بس عشان انساج

وهو بين زحمة افكاره دخلت عليه اميره وهي تقول ببشاشة وجه: هايات قصوري.......
قيصر بدون شعور: هلا ميثا
اميره فتحت عينها: هيي شو ميثا انا امييييره... قالتها وهي ترص على حرف الياء
قيصر بملل: خلاص فهمنا اشفيج جايه بجد مو وقتج ودي انام
اميره تقهره: ودي اسولف ويا اخوي العاشق الولهان
وجلست تغني اغنيه لمنى امرشا....العاشق الولهان...
بصراحه ماني حافظتها اعذروني]

قيصر يقهرها: والله صوتج كله نشاز بجد راسي تصدع من ازعاجه
اميره تعلي من صوتها وتغني عشان تزعجه
اكثر
اما قيصر بدوره بعد يقهرها اخذ اللحاف ونام
قيصر: طلعي برا تمسين على خير
اميره قهرها بروده: قيصررررررررر قوووووم
قيصر: ................
اميره: جد قيصر والله امزح قوم بسرعه
قيصر: ................
اميره بخبث: والله معاي سالفه بتعجبك قووووم
قيصر: ................
اميره تختبره: عادي انت الخسران لأنها تخص حبيبة القلب ميثا...وراحت سوت نفسها بتطلع....
قيصر بحماس قام بسرعه وهو يوقفها: لا لا تروحين......اي سالفه؟
اميره بأنتصار: لا خلاص غيرت رايي ماعد تحمست اقولك
قيصر بقلة صبر: اميره خلي عنج ثقالة الدم
اميره تقهره: تذكرت اني نسيت ملابسي بالغساله بروح اطلعها
قيصر بترجي: طيب قوليلي من وين دريتي
اميره تقنعه: ماتنسى اني اذا حطيت شي ببالي اسويه واجيبه
قيصر: زين بخصوص ايش موضوع السالفه
اميره تقهره: باي تأخرت

اصلا ماعندها شي تقوله سوت له اثارة وعشمته وطلعت...[مسكين قيصر]
انقهر قيصر وبعصبيه رمى نفسه بالفراش ونام

*******************************



عالصباح قامت ميثا مفزوعه ودخلت الحمام(اكرمكم الله) حست بأنها بتستفرغ فراحت وهي خايفه ولمن خلصت غسلت وجهها ومسحته بالمنشفه وطلعت ووجهها متغير شاحب مرهق وهي تقول بنفسها: انا اليوم لازم اقطع الشك باليقين وهي رايحه لسريرها حست بغثيان بس بسرعه اسندت نفسها عالجدار ومشت..........
وفجأه صار شي مو متوقع ابدا..........
............................


عند الشياب ابو محمد وام محمد
ام محمد بدلع: بو محمد يلا قوم عاد ألحين الساعه تسعه وما ودي اشرب القهوه الا معاك
بو محمد بلهفه: هلا عمري خليني بعد شوي بقوم
ام محمد بدلع متواصل: لا انا كذا بزعل مابي اشرب القهوه بروحي
بومحمد ذايب: فديتج وانا ماتهونين علي الحين تلقيني وراج انتي بس انزلي
ام محمد: لا تضحك علي بهالكلام انا بنزل وانت ترجع تنام هاه.....
بومحمد: لا حبيبتي حرام تظنين فيني ظن السوء وعشان اكدلج.... وهو يقوم: ها انا قمت وشوي ألحقج....
ام محمد بخجل: عمري انته
هنا جات ريناد بدفاشه بدون لا تدق الباب: ماما انا بروح ألعب مع بنت جيراننا هي متنظرتني برا
ام محمد: تمام حبيبتي لاتتأخرين
بعدها نزلت ام محمد ورا بنتها وجهزت الفطور وانتظرت لمن زوجها جاء وجلسوا يفطرون وهم مرتاحين لأخر درجه
...................................


عند محمد تردد كثيرا لين بالأخير قرر يتصل وبعد اربع رنات ردت مها بدون نفس وهي من الأساس ماكانت متوقعه انه يتصل فيها
مها: الو
محمد بتردد: الو مها شخبارج
مها: الحمدلله
محمد بترجي: مها انا اسف على كل شي سويته معاج ادري اني حقير بس صدقيني انا الحين تغيرت وايد
مها بعصبيه شوي: وانا ايش يخصني فيك
محمد بحب: انتي حبيبتي
مها وهي ترص عالكلمه: كنت حبيبتك
محمد بلهفه: مها ابا اقابلج عندي موضوع مهم ابيج فيه
مها بحده: مابي اقابلك خلاص انا كرهتك بعد عني
محمد: بس ضروري ارجوج مها
مها بدت دموعها تنزل: اهلي دروا بالسالفه ومشددين علي وراح يزوجوني اطرف واحد يجي انت طلعت منها وانا الي اكلت الضربه
محمد بغيره: ماراح تتزوجين مو على كيفهم
مها: انت مالك دخل اصلا انت ماصلحت غلطتك خلي مجال لغيرك يمكن الي بتزوجه يحبني ويتغاضى عن كل شي
محمد: مها ماراح تتزوجين هاذي غلطتي وانا اصلحها
مها من سمعت جملته ارتاحت.. بس قالت بعدم اهتمام: ايش تبي بسرعه
محمد: ابيج اليوم الساعه اربعه ونص العصر عندي بالشقه
مها: لا مابروح لها كرهتها ذيك الشقه كفايه استغلال انسى اجيلك اليوم
محمد بعدم استيعاب: مها اي استغلال تقصدين
مها: انت تتغابى صح....ادري انك تبيني لشي ثاني بس تحلم وخلاص انا تغيرت مو مها الأوليه الي تموت عليك ومستعده تضحي بكل شي علشانك
محمد بقهر: مها انتي ليش تفكيرج راح لبعيد مها انا ابي اكلمج بموضوع يخصنا انا وانتي اترجاج تجين ضروري راح انتظرج لاتنسين والله هالشي مهم ولاتخافين احلف يمين اني ما اقربج فاهمه
مها بتردد: اوك بحاول
محمد: احبج راح انتظرج
مها: بشوف مو اكيد اذا اهلي خلوني
............................


ميثا وهي واقفه تحس بشي ثقيل على أخر بطنها
وفجأه حست بالم ...اه بطني
وحاولت تجلس عالسرير وهي تتنفس بقوه وبتعب وشوي صارت تحس بالم بظهرها وجلست تتأوه من الالم...
ياربي شو هذا ...اه ظهري
راحت ورتبت مخدتين وحطت وحده تحت راسها والثانيه تحت ظهرها وتمددت عشان يخف الالم عليها جلست شوي ورجع لها ألم بطنها.....جلست تقول بنفسها: ياربي هالشي مو طبيعي انا خايفه لازم اليوم اروح للصيدليه....حاولت تنام بس ماشي فايده وبعدها بنص ساعه نامت بتعب بعد ماخفت الالالم
...........................


العصر عند محمد في الشقه ينتظر مها.... عالساعه خمسه الا ربع جات مها للشقه
ولما دخلت تذكرت كل الأحداث الي صارت بها الشقه من اول الى اخر مره يوم قالتله بحملها وعلى طول دمعت عينها محمد يوم شافها فرح بس لاحظ دمعتها وقرب: مها اشفيج؟
مها ماردت بس دخلت على طول وجلست عالكنبه تحس بالأرهاق صارت ماتاكل مثل الناس من التفكير والبكى
لاحظ محمد انها صارت نحيفه وتغيرت ملامحها وعيونها عليها هالات سوداء من الأرهاق وجهها نحف وماكانت مها الأوليه الجميله ذات الوجه الممتلئ وجسمها المتوسط وقامتها الرائعه صارت وحده غير وماتشبه مها القديمه
محمد بتاثر ومن داخله كان مستغرب ويقول: معقوله كل هذا بسببي معقوله تعبتها لهدرجه فديتج يامها والله ماتستاهلين ياعمري...وقال بأصرار: الحين بجد انا اصريت على الي فبالي
قرب منها محمد وبلطف: مها شخبارج ليش صرتي كذا ليش حابه تموتين نفسج
مها بقهر: محمد موت ولدي انحرمت من شوفته اشتاقله ودي المسه ابوسه ودي اضمه لصدري انا ضحيت عشانك وعلشانه هو ماينذل ولو علي بهون على نفسي صح بنظر الناس بكون وصخه بس اهم شي ولدي يكون عندي
محمد بحب: مها لاتنسين انه بعد ولدي وانا مثلج تعبان ويمكن اكثر بس انا رجال والرجال يستحمل تصدقين اني كتت افكر فيه وايد واتخيله لو مانزلتيه كان أكون الحين مترقبه ودي اضمه اشمه واربيه.. احلى احساس عشته ولو انه مسرع ماراح.. اكون كذاب لو اقولج انام وانا مرتاح صدقيني انا من اتخيلج انتي وهو النوم يجافيني اتعب والنوم يهرب من عيوني اشتاقلج وحياتي من دونج عذاب .... مها انتي البنت الي اتمنى اعيش وياها باقي عمري ..احبج وايد وانا من بكرا اقدر اتقدملج ولا همني احد ابي نعوض ولدنا الي راح ماقدر ابعد عنج اكثر خلاص والله 3 شهور مرت علي وكأنها دهور
مها بخوف: انت تكذب انت ماكنت تبي تتزوجني
محمد بلهفه: بس الحين ابي صدقيني مها ابا اصلح غلطتي واتزوجج خلاص وانا قطعت كل علاقاتي مع البنات لا تخافين ماعد افكر ارجع لهالطريق حبيبتي
مها تبكي لأنها كلما تشوف محمد تتذكر ولدها وبحرقه تبكي وبعد تبكي بفرح لأنه محمد من ذاته قرر يتزوجها وانها عالأقل تحبه وهو وبنفس الوقت خفف عليها من الحل الي قالته امها انها تتزوج اطرف واحد وبعدين تتصرف معاه اذا درى انها........!
جلست تبكي وبدون شعور لمته لحضنها وهو بدوره شدها له اكثر وهو يهديها: حبيبتي لاتبكين خلاص بنعوضه حبيبتي بنعوضه

*******************************


العصر عند ميثا وصت الشغاله تروح الصيدليه وعطتها فلوس وحلفتها انها ماتقول لأحد والأ بيطردونها...راحت الشغاله وهي مستغربه بس خايفه لا تسأل
.......
وبعد نص ساعه بالكثير جات ... كانت ميثا على اعصابها وقلبها يدق بجنون.....ويوم جات الخدامه اخذت ميثا الكيس منها بسرعه وقالت للشغاله طلعي برا ومثل ماقلتلج لاتقولين لأحد..هزت الشغاله براسها بمعنى إيه وطلعت
ميثا على طول راحت الحمام(اكرمكم الله) وبعد دقايق طلعت ودموعها على خدها ميثا: ياربي معقوله اكون حامل معقوله هالعوارض كلها بسبب الحمل ياربي سامحني .......
ميثا وصت الشغاله للصيدليه لتشتري لها جهاز الحمل واستخدمته وطلعت النتيجه إيجابيه وهالشي الي ماتوقعته خافت منه بس في بالها اسئله كثيره بأنها ايش تسوي الحين واهلها ايش بيصير لهم اذا دروا والأهم من هذا كله كم صارلها وهي حامل الخوف من ان بطنها يبرز ويكبر وهي مو داريه بأيش تتصرف
بكت ميثا لين نامت.. بالفتره الأخيره صار البكاء عندها روتين وتعودت عليه

*******************************


مها رجعت للبيت وهي فرحانه تحس ان الدنيا فتحت لها باب السعاده اخيرا دخلت غرفتها وجات بتغير ملابسها..الا وتدخل امها.... خافت مها من سمعت صوت الباب وراها
والتفتت ناحية الباب شافت امها معصبه: ليش تأخرتي ووين كنتي
مها بخوف: يمه كنت عند اسماء صديقتي
ام مها بعصبيه وهي تمسك شعرها وتشده: تكذبين ادري انج ماكنتي عند اسماء
مها بالم: يمه عورتيني ارجوج فكي شعري لاتشدينه
ام مها: مها انا اعرفج زين قوليلي وين كنتي
مها بخوف: انا.... كنت.....
ام مها وهي تضربها على ظهرها: تكلمي
مها بتردد: كنت عند محمد
ام مها بصوت اقوى: شوووووو
مها بشجاعه: إيه كنت عنده
ام مها بخوف: ليييييش ايش تسوين عنده ولا الشوق وداج له
مها بقهر: يمه بليز ارحمي حالي كلامج هذا مو صحيح
ام مها بقهر: ولا ليش رحتي تسوين عنده
مها بستعباط: تتوقعين اني رحت انام هناك
ام مها بعصبيه: ولا ايش موديج لهناك اكيد هالشي انتي ماتستحين يالفاسقه انا من جد اكره اليوم الي ربيتج فيه....ومع هالجمله دمعتها نزلت على خدها...
مها بقهر: يمه متى بتغيرين فكرتج عني انا مارحت عنده لهالشي الي فبالج ليش تفكيرج صاير كله غلط
ام مها بأنكسار: طيب ليش يامها ليش ..انتي هديتي حيلي تعبتيني بمشاكلج
مها بسرعه: يمه محمد طلب يقابلني يبي يطلبني منكم يبي يتزوجني ويخليني حلاله وانا وافقت علشان يصلح هو غلطته ولأني احبه
ام مها بفرح شوي: ابيه يتزوجج وافتك من مشاكلج والحمدلله فكر يصلح غلطته وعادي حتى لو بيجي اليوم يخطبج
مها انجرحت من كلام امها بس ردت بهدوء:انزين يمه اقوله متى يجي لنا
ام مها: الأسبوع الجاي
مها: ان شاء الله

*******************************


بعد المغرب عند ميثا دخلت عليها امها لقتها نايمه... دقت الباب مانتبهت راحت لها وجلست على طرف السرير وقومتها: يمه ميثا قومي الحين بعد المغرب وطافتج صلاة المغرب
قامت ميثا ووجهها وارم ومنفوخ من البكاء لقت امها تناظرها مستغربه
ميثا: يمه اشفيج تناظريني
ام محمد: مادري احسج مو طبيعيه شكلج مو عاجبني
ميثا بتنهيده: مافيني شي بس نمت على وجهي وقمت تعبانه
ام محمد بنصح: ميثا لا تنامين وايد على بطنج ووجهج هالنومه مو زينه
ميثا بأستغراب: ليش يمه
ام محمد بحب: لأن هالنومه يسمونها نومة اهل جهنم ومو زينه لج تكسر الضلوع
ميثا بخوف وهي تردد: نومة اهل جهنم
ام محمد: ايه يمه نومة الجنب احسن من نومة الظهر والبطن
ميثا بداخلها ضربها وسواس: ياربي لأكون انا من اهل جهنم هذا كله من قيصر يارب اغفرلي ذنوبي وارضي عني
ام محمد بحبور: ميثا وين رحتي
ميثا صحت على نفسها: اهاه.. موجوده
ام محمد: ميثا روحي المستشفى شكلج مو عاجبني
ميثا بتلعثم: ها....انا رحت بس طلع عندي ارهاق وتعب وعطوني مسكنات وان شاءالله بطيب
ام محمد بعدم تصديق: متأكده
ميثا: ايه يمه
ام محمد: اوكي يلا قومي بسج كسل يمكن ترتاحين شوي اذا نزلتي عندنا تحت
ميثا: اوكي مامي

*******************************


مرت 15 يوم وميثا بعدها على هالحاله دوخه وزوع وبطنها يوجعها بأستمرار والبكى مستمر يوميا وحالتها النفسيه ماتساعد وفيها تروح للصيدليه وتتأكد
اماقيصر يوم عن يوم يحس ان الشوق بيقتله تفكيره فيها جننه بس صابر علشانها
واذا تعب يجلس يكتب اشعار مثل ماكان يسوي قبل مر على فراقهم 3 شهور واسبوعين مشتاق ويعد الأيام بقهر وهو يقول يارب اجمعني فيها يارب ولو انه فاقد الأمل....اما بو محمد وام محمد احوالهم تمام وايامهم كلها صارت رومنسيه.....
محمد خطب مها وملك عليها مره وحده علشان يقدر بأي وقت يزورهم ويكلمها
ههه وكأنه هالشي جديد عليهم بس يلا خلهم يعيشونها بالحلال
.................................


عالصباح راحت ميثا للصيدليه ومعها ريم الي من قالتلها الموضوع وهي مصدووومه ومقهوره وانصدمت اكثر لما قالتلها يحتمل انها تكون حامل ..... بكت ريم وبكت ميثا معها....ريم عاتبت ميثا على غبائها على سطحيتها على كل شي
ريم: ميثا ايش صاير عليج ليش صرتي كذا ليش كنتي غبيه لهالدرجه بكت وانقهرت وايد بس بعدها قررت تساعد صديقتها وراحت معها للصيدليه ولما وصلوا انتظروا الدور ولما جاء دورها ميثا قلبها بدا يدق دقات جنونيه وكأنه بيطلع ولما دخلت للطبيبه قالت لها راح تسويلها جهاز حمل وفعلا سوت لها والصدمه الكبرى لمن اكدت لها الحمل.....
هنا ميثا وينها وين راحت كان ودها تختفي من هالكون ولا يكون هالخبر صحيح كان ودها يكون حلم وتصحى منه ويطلع كله خيال وسراب كان ودها وودها وودها بس في النهايه يبقى الواقع هو الواقع الي هو الحقيقه الي لازم الكل يتقبلها ..ميثا رفعت راسها للسما وبقلبها غصات وغصات وهم مايعلم فيه غير الله كانت شاكه بالموضوع من زمان بس متأمله انه يمكن مايصير شي متأمله ان كل ذيك العوارض وهم او من نفسيتها التعبانه بس لا لا ياميثا كل هذا كان واقع ومن ناحية ثانيه ريم لمن سمعت كلام الطبيبه صدمتها كانت من صدمت ميثا.. انصدموا لأنهم كان عندهم شوية امل ولو انها‎ %5 ‎‏ انه مايكون شي...حست ميثا بغثيان وقهر ياربي هالشي ثابت علي خلاص....وقالت بعيون غارقه بالدموع: دكتوره ابي اسوي اجهاض
الطبيبه بأسف: بس ياست ميسا دا انتي بشهرك التالت ومانقدرش نطلعه.....وكملت بأستغراب: مادام ميسا انا مستغربه انتي ماحسيتيش بأي عوارض للحمل.. معقوله ماجاتلك اي حاجه
ميثا بتلعثم: إيه.... بس هذا....اول مره حمل لي من البدايه ماعرفت سببها كان بالي تعب بسيط وبيروح
الطبيبه: طيب ياست ميسا انا مش هأديكي حاجه تأسر على حملك وازا حسيتي بألام ببطنك او اي حاجه ماتخافيش دي حاجه طبيعيه تحصل لأي ست حامل حيحصل معاها كدا...الالام دي بسبب الجنين كلما بيكبر بتوجعي بطنك وحتحسي بتقل فيها..
ميثا وهي تتنهد بتعب وتقوم بتطلع: اوكي مشكوره دكتوره
طلعوا هي وريم .....ميثا وهي تمشي مانطقت ولا بكلمه بس تفكر والهم بيقتلها نزلت الحجاب على وجهها ومن ورا الحجاب عيونها بتدمع بتفرغ شحنات قهرها بدموعها مابيدينها شي تسويه ....ريم كانت تناظرها حست فيها بس بعد لازم تقولها وتوجهها فقربت منها وهي تطبطب على كتفها وتهديها: الله معاج ياميثا.. قيصر بينال عقابه من ربج لا تحاتين هالشي صار غصبن عنج مو بأيدج شي الحين غير .....ماعد كملت الي بتقوله
ميثا ماهتمت او بالأحرى ماسمعتها بس كانت مقهوره وخايفه وهي تقول بداخلها: بطنها بيكبر وبيظهر حملها وبتنزل راس اهلها ياربي اشلوون بتحمل كل هذا ...امي شو راح يصير فيها اذا درت اصلا شو بقول لها وايش بيسوون اهلي.... اكيد بيذبحوني اذا دروا.... ميثا تبكي وريم جالسه تهديها
بس فجأه نطقت وهي تقول بحرقه: ريم قيصر لازم يدري



Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

لولو.. وينج

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

موجوده:thumbup:

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

ابي رايكم بالبارت ..:(


Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

نايس

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

بليييييز نزلي التكمله

Sent from my GT-I9082 using منتدى عبير mobile app

رد: روايه ودي اضمك لين تختلط انفاسي معاك..

جميلل نزلي التكملة ️

رد: روايه ودي اضمك لين تختلط انفاسي معاك..

ريم بفجعه: لاتقوليله خليه يولي اصلا هو مايستاهل انه يكون ابو اصلا هو سبب كل مشاكلج
ميثا بطفش: راسي بينفجر تعبت تعبت ياريم والله تعبت مادري شسوي

*******************************


الظهر قيصر نايم جاء من شغله وتعبان
حط راسه عالمخده وغمض عيونه ولما دخل النوم بمزاجه سمع صوت جواله رن شوي وسكر... طنش ورجع ينام جلس شوي وسمع جواله يرن مره ثانيه بس هالمره كان اتصال شوي وسكر ..وكأنه المتصل متردد وايد وخايف بس مجبور...أكيد عرفتووه؟!......
رجع ينام وبعد دقايق دق جواله للمره ثانيه بس قيصر هالمره اخذ الفون وفتح الأتصال بسرعه وبدون مايشوف الأسم
وقال بعصبيه: منو معاي؟
الطرف الثاني: .....................
قيصر بحده: اذا مانت راد ليش تصحيني من نومي والله حاله
: .................
جاء قيصر بيسكر الخط بس من شاف الأسم انصددددم
وقال بصوت يشابه للهمس: ميثا
ميثا سمعته وهي بقلبها تقول الله على هالصوت اشتاقتله حييل بس في شي يخليها تكرهه ...هو الحين حطها بورطه ثانيه بسبب تهوره وانانيته
قيصر رد السماعه وهو يقول بأرتباك: السموحه ميثا انا كنت نايم وماشفت اسم المتصل علشان كذا انزعجت...اسف اني صرخت عليج حبيبتي
ميثا بعصبيه: لاتقول حبيبتي
قيصر انقهر من قساوتها فكر ان هالشهور غيرتها بس للأسف اكتشف ان بعدها شايله عليه
قيصر بأنكسار: اسف ماقصدت
ميثا بعصبيه ممزوجه بقهر: قيصر لا تتوقع اني اتصلت حبا فيك.. بس في موضوع متعبني وقاهرني وحله بأيدك مثل مابديت بغلط كمل باقي الغلط الي بنيته
قيصر بعدم فهم: ميثا شو هالكلام نحنا قفلنا عالموضوع وانا أسف بس انتي الي ماكنتي راضيه اني اخطبج وانا احترمت قرارج مع اني هالقرار ماريده لأني احبج
ميثا بأنزعاج: لاتجيب طاري الحب لأنك لو صح تحبني ماسويت الي سويته وكان مانزلت راسي وراس اهلي بسببك كان من الأساس مادمرت حياتي وقلبتها فوق تحت.... لو تحبني مثل ماتقول كان مالصقت فيني هالعله من بعدك وهو اساس البلا والي راح يفضحني قدام الخلق ويبعدني عن اهلي
قيصر زادت علامة الأستفهام عنده: ميثا انتي ايش تقصدين انا موفاهم شي من كلامج...اي علة تقولين عنها؟
ميثا بحمق: لاتسوي نفسك بريء ومو فاهم انا ادري انك عامل كل حساباتك وانت سويت هالشي عن قصد
قيصر بحده: ميثا بليززز فهميني الموضوع بسرعه لأني بجد مو فاهم شي ايش صاير معاج
ميثا بقهر ودموعها بدت تنزل ماقدرت تمسكها اكثر: انا حامل...حامل منك ياقيصر وهالعله الي فيني صاير عمره ثلاثه شهور يعني صار عنده روح وما اقدر اطلعه..افرح الحين مخططك كله نجح
قيصر بصدددمه بس بداخله فرح لأنه عنده شي يجمع فيه هو وميثا بس مو حاب يبين ويجرحها اكثر: ليش ماقلتيلي من قبل
ميثا: كيف اقولك وانا ماكنت متأكده بس اليوم أاكدت لي الدكتوره وبغيت انزله بس قالت لي مايصير انزله الحين
قيصر بعصبيه: حلوه هاذي...زين مانزلتيه اصلا ليش تتخذين هالقرار بروحج انا بعد ابوه ولازم اقرر
ميثا بعصبيه اكثر: بأيش تقرر قولي والله.. انا ماضعت الا من ورا قرارتك هاذي..قررت تغتصبني وصار قررت تحملني بولدك وصار قررت تسود عيشتي وصار والحين جاي تبي تقرر اجهض ولا لا اصلا انا لو أكتشفته من قبل كان طلعته ولا حتى دريت عنه بس اكتشفته وهو كبير كيف بقدر اتصرف حضرتك.
قيصر بحده: ميثا احترمي نفسج
وامسكي لسانج
ميثا بحرقه: احترم نفسك انت قبل ياقليل الأدب
قيصر بعصبيه وهمس: تدرين ميثا احمدي ربج انج بعيد ولا كان وريتج شغلج. ولدي اذا انتي ماتبينه انا ابيه.. انتي الي عليج احمليه وولديه بس.... وبعدها انا باخذه..وكمل بصراخ: فاهمه
ميثا بقهر: ماراح احمله واولده واتعب فيه علشانك
قيصر بعصبيه: توج قلتي عله وماتبينه وانا قلتلج خليه وانا باخذه
ميثا بقهر: أكررررررههههك
قيصر بأستهزاء: ادري...وهالأسبوع انا جاي وبخطبج وبصلح غلطتي ومالج دخل في شي
ميثا بخوف: لا لا تجي
قيصر بعدم فهم: بعدج مصره... اوكي هاذي مشكلتج انتي الي بتنفضحين اكثر..انا رجال ومايعيبني شي
ميثا بعصبيه: ياغبي فكر فيها انا الحين بشهري الثالث وعلى مانتزوج بصير الرابع يعني اذا تزوجت بجلس معاك خمسه شهور او حتى اربعه وبولد علبالك مين بيصدق ان زواجنا صح وانا مابي انزل راس اهلي اكثر ولا اتحمل نظرت الناس لي
قيصر بأستخفاف: عادي مالنا شغل بأحد...وكمل بحده: ومره ثانيه لاتقولين غبي سامعه.
ميثا: فكني عاد...بس الحين مافي غير حل واحد
قيصر: الي هو....
ميثا: انت ادرى فيه لأن هالشي انت اتخذته قبل والحين مافي غيره...وقالت بقهر: حقق كل امنياتك فيني الحين
قصر: اي حل؟؟
ميثا بسرعه وبدون مقدمات: اهرب معاك
قيصر بفجعه: ميثا انتي إنجنيتي
ميثا بعصبيه: إيه انتقلي جنونك........ولا نسيت
قيصر: لا ميثا موصح هالقرار
ميثا: الحين صار مو صح تتذكر ولا اذكرك يوم قلتلي وبكل وقاحه في حلين يانهرب ياتمشين وياي...وقالت بكل عصبيه ودموع..نسييييييييييييييت
قيصر بتاثر: لا مانسيت بس هالكلام كان فلحظة يأس وكمل بأنكسار: الشيطان لعب براسي
ميثا من بين دموعها: كفايه قيصر بنهرب يعني بنهرب خلني مره حده بحياتي اقرر..... انا ماتحمل نظرات الشك من اهلي والناس ايش بيقولون عني
قيصر: وتتوقعين الهروب احسن منه يعني الهروب ايش بيقولون عنه..... اكيد بيقولون هربت مع حبيبها وراح تنزلين راسهم اكثر
ميثا: ادري بس مابي اعيش معهم واشوف قهرهم ابي أكون بعيده ويحسبوني ميته ولا اشوفهم مقهورين قدامي
قيصر بسرعه: انا مو موافق
ميثا تستعطفه: اذا ماوافقت صدقني من اسكر من عندك بنتحر وبموت نفسي...وصدقني اسويها والله
قيصر بحيره: ميثا لاتتهورين وخليج عاقله تدرين ان الأنتحار حرام
ميثا ببكاء: ادري وانا كل الي مسويته حرام في حرام ايش تفرق... يعني الطفل الي شايلته ببطني حلال
سكت قيصر شوي يفكر في كلامها ومن وبعدها نطق بيأس: لج الي تبين متى تبينا نهرب؟
ميثا: اي وقت بس بسرعه مابي بطني يكبر اكثر من كذا ويلاحظونه
قيصر بعدم ارتياح: انزين يناسبج يوم الأربعاء الأسبوع الجاي
ميثا بسرعه: إيه بس بسرعه خطط وضعي مايتحمل اكثر
قيصر: اوكي حبيبتي ديري بالج على سلطان
ميثا بعصبيه: اي سلطان
قيصر بأستهزاء: ولدي
ميثا بقهر: إيششش
قيصر يقهرها اكثر: بكيفي ولدي
ميثا بكره: ياكرهك انت وولدك اذا طالع لك وبثقالت دمك الله يعيني عليه
قيصر: عادي فديتج عسل منج
ميثا بقهر: اكرررررررهك
وسكرت السماعه بوجهه بقهر ...اما قيصر ضحك من قلب يحس نفسه فرحان مع ان كل الي صار بالصدفه بس جاء لصالحه هو يبيها من الله ...وصار الي يبيه بس فرح لما الحظ جاء معه كذا وقام ونط من السرير بسرعه وجلس يبعثر بشعره بدون شعور وهو يبتسم بغباء مع نفسه ويقول بفرح وعدم تصديق: بينا طفل وبتهرب وياي وبنعيش لوحدنا ومعنا ولدنا بجد شي مايصدق...اه والله بديت اشتاقلك من الحين ياسلطان
وبهاللحظه دخلت عليه اميره
اميره: قيصر ابي اروح السوق
قيصر بسرعه والابتسانه ع شفاته: تووومام ...خلصي نفسج وقوليلي راح اوديج من عيوني كم اميره عندي
اميره مصدوومه معقوله هذا قيصر بسرعه يقول بياخذها بدون اي نقاش ودموع تمسيح تكسر قلبه: قيصر ايش الي مفرحك ...شكلك رايق
قيصر بفرح: ههههههههههههههههههههههاي فرحان ومين قدي صرت أب....... وبعدها تذكر وقال بداخله: لا مو لازم اقولها اخاف تسوي لي محاضره
وكمل بغباء: انتي مالج دخل انتي دايما رازه الوجه كل شي حابه تعرفينه
ورجع يضحك مره ثانيه: هههههههههههههههههههههههههههههههههههههههههههههههههههههههههههههاي
اميره بخوف متصنع: ياربي والله احس ان عقلك صار عليه شي بطلع قبل لا تعديني...
وطلعت وهي تضحك من اخوها الي مبين عليه بينجن من الفرحه الي فيه

[لاحظوا وجه الشبه بقصة ميثا وقيصر ومها ومحمد بس مها ومحمد هم يقصدون يلعبون اما ميثا وقيصر غصبن عنهم ومثل مايقولون كما تدين تدان....يامحمد الله يمهل ولايهمل


عند ميثا سكرت وقلبها يدق بقووه غير معهوده ...ياترى الي قررته صح ولا خطأ بس المهم انها ماراح تتراجع ما اتخيل اشلون بيكون وجهي اذا ولدت بعد زواجي بخمسه شهور.... وجلست ترتب اغراضها من الحين ومن داخلها تقول لأهلها سامحوني بس ماقدر اتراجع

*******************************


عند ريم من قالت لها ميثا بالسالفه وهي تفكر وخايفه من قرارات ميثا المتهوره
وهي بزحمة افكارها قررت انها تتصل وتشوف اخبارها اتصلت المره الأولى ماردت...اتصلت مره ثانيه ردت عليها ميثا بصوت متحشرج: هلا ريم شخبارج
ريم: اهلين انا تمام انتي كيفج وكيف صرتي الحين
ميثا: كيف بكون يعني اكيد تعبانه وولد الي مايتسمى متعبني بزياده احس اني اخذه بطيخه ببطني مو ولد من ثقله هذا وهو ولد الثلاثه شهور
ريم بقهر: ميثا استغفري ربج حرام تقولين كذا وماتنسين انا هالبطيخه الي تقولي عنها هي بعد ولدج مادري بنتج
ميثا بتراجع: استغفر الله بس بجد مو قادره
اتقبله كرهي له من كره ابوه ..هم الي راح يبعدوني عن اهلي
ريم بأستغراب: شلون يعني بتتزوجين قيصر ولا اتفقتوا على شي مادام بتروحين عن اهلج
ميثا وهي تحس بغباءها وانزلاق لسانها: لا بس اخاف اهلي اذا دورا يذبحوني
ريم بخوف: لا لاتقولينها بعيد الشر عنج.... ليش نحنا وين عايشين وبأي قرن علشان يذبحونج.. الدنيا تغيرت وصار فيها قانون
ميثا: خلصيني عاد لاتستبعدين شي انا نفسيتي تعبانه ومن الصبح مو ماكله شي وانتي تدرين الحين اكل زياده عني وعن هالعله الي ببطني
ريم بقهر: ميثا نحنا ايش قلنا ماتخافين من ربج انتي... الله قدر هالشي واستغفري ربج ولا تتعرضين على ارادته يمكن هالشي اختبار لج
ميثا: استغفرالله يارب سامحني بس ريمووه حبيبتي اسمحيلي باروح اكل شي جوعانه موووت بطني فاضيه
ميثا وهي تتكلم حست بألم شوي وفجأه تشنجت ملامحها وهي تتأوه بالم: اه بطني
ريم بخوف: ميثا اشفيج؟
ميثا بألم: مادري مادري
ريم بتفكر: الدكتوره تقول هالأشياء عادي تصير بس الطفل يبدأ يثقل شوي كلما يكبر
ميثا بألم: الله ياخذه ناقصه انا .. تعبت والله تعبت
ريم بتعب مع ميثا وكلامها القاسي: ميثا الله يهديج لاتدعين عليه اذا تكرهين ابوه ماتكرهينه هذا مهما كان قطعه من روحج
ومن ثم كملت بمزاح: وبعدين شكله الأخ جوعان وقال يحسسج بأنه محتاج يتغذى فمالقى غير يعذبج شوي وينتقم منج
ميثا بحمق: هذا الي ناقص افتك من قيصر يطلعلي هو
ريم بمزاح: ماتنسين ان دم قيصر يجري في دمه
ميثا لاعت كبدها: ريم لاتقولين هالتشبيه احسه ماصخ....شو يجري بدمه
ريم بأستغراب: اشفيج انا ماقصد شي
ميثا بقهر: مادري بس ماعجبني تذكريني بيوم الشاليه كنت احس اني اتحدت معاه بكل شي ويوم دريت اني حامل كرهت نفسي اكثر حسيت ان الأتحاد الي بينا يكبر لأنه اكيد بياخذ مني ومنه.....
ريم بنصح: ميثا لاتتدققين بالأشياء الصغيره شي طبيعي انه ياخذ منكم انتوا اهله
ميثا بصراخ: قلتلج لا تجمعيني وياه..لاتجمعيني وياه فاهمه
وعلى طول حست نفسها بتستفرغ رمت الفون وراحت الحمام(اعزكم الله) واستفرغت.. وريم المسكينه عالجوال تناديها: ميثا ميثا
ميثا لمن خلصت جات للجوال واخذته وردت على ريم بسرعه: ريم انا بخليج تعبانه ابا ارتاح يلا مع السلامه...... وعلى طول سكرت منها حتى ماسمعت ردها ونادت الشغاله تجيب لها اكل لأنها ماتقدر تقوم كلت وبعدها شربت ماي ولبست ملابس نومها وانسدحت عالسرير بس شي شدها وهي تناظره وحبت تلمسه..


شافت بطنها بدأ يبرز نوعا ما....وهي ولا يوم حاولت تلمسها او تذكر روحها ان داخلها كائن صغير ينمو يوم عن يوم بداخلها... جات بتلمسها بس ترددت ومسكت قبضت يدها بقوووه ولكنها ماقدرت قرجعت مره ثانيه ولمستها ببطء وغمضت عيونها حست بشي غريب يجتاح قلبها وغرائزها الأموميه الي بدت تحس فيها...فنزلت بأيدها على أخر بطنها حست بالكتله الي داخل بطنها ولا شعوريا. نزلت دمعتها لأول مره تحس بولدها اول مره تحس بأحساس الأمومه من بعد ثلاثة شهور وهي شايله هالجنين ببطنها
ميثا بحنان الأمومه قالت بحب: ليش ياماما تعذبني انت ماتدري شكثر اني اتعب..
سكتت شوي وبعدها كملت بحمق: بس اذا طلعت على هالدنيا وكبرت انتقملي من ابوك واخذ حقي منه اوكي....
المهم ان ميثا قضت ليلتها وهي تسولف ولدها لين نامت وهي حاطه يدها على بطنها وكأنه يسمعها ويفهمها وش تقول

*******************************


عند قيصر ماقدر ينام يخطط ويخطط وهو يقول مادام بنهرب يبغى لنا مكان يبعد عن اهلنا يعني مستحيل اعيشها ببيت اهلي لأنه شي اكيد ماراح يتقبلوها ولا راح يتقبلون هالوضع فجأه فلازم نسكن بمكان ثاني بس والله انا مو قد الهروب كيف اقدر اتحمل مسؤولية مره وابن لوحدي كذا خايف لا اقصر فيهم او ما اقدر اسعدهم بس الحمدلله من عنده رب يلطف فيه يلجأ له ويطلب منه العفو والرضى..... ياربي ساعدني...
وبعدها كمل: بس قالتها ميثا مثل مابديت هالغلط اكمله...
وبعدها راح واخذ كل شي مخبيه من فلوس واغراض قريبه من قلبه ورتب اغراضه علشان ماينسى شي وهو بقلبه مرتاح بقربه من ميثا بس تعبان ببعده عن اهله واخوانه

*******************************



محمد جالس يسولف مها بالجوال وهو يقول بحنين: متى عاد نتزوج ونخلص ترى مليت حبيتي والله
مها بدلع: ههههاي عادي الصبر زين حبيبي
محمد: لا ماقدر انا على هالدلع...لاتخليني الحين اجي عندج
مها بغنج: من وين والله خيالك واسع الحين الساعه وحده ماحد راح يخليك
تدخل
محمد بمرح: عادي ادخل من الدريشه
مها بخوف: محمد اعقل خلاص كفايه حوسات ولعب عيال
محمد بصدق: والله خاطري اشوفج اشتقتلج حبيبتي
مها: بكرا تجي تشوفني
محمد: لا ابي الحين عمري
مها: لا حبيبي لا تحلم يلا بنام تعبت تصبح على خير حبي
محمد: وانتي من اهله حياتي...بس بكرا بجي وباخذ حقي منج

*******************************



اليوم الثاني ميثا ماقامت بسرعه نامت للظهر ام محمد مستغربه من بنتها بس ماتقدر تسألها خافت لا تنجرح من كلامها ولكنها شكت في شي... وودها تسألها منه لأنها من عادة ميثا من تجيها الدورة تقول لأمها بس مرت ثلاثة شهور الحين وميثا احتياجاتها الخاصه مثل ماهي ولا حتئ شرتها ولا حتى خلصت الي عندها لأن ام محمد متعوده تشيك على اغراضها بها الأختصاص وخافت تسألها وتفهمها غلط....بس قالت بداخلها انا ام واذا ماخفت على بنتي مين بيخاف عليها طبعا اصرت بداخلها انها تسألها بس بطريقه غير مباشره علشان لاتحسسها ولاتفهمها غلط ان امها مو واثقه فيها
راحت ام محمد لغرفتها لقتها نايمه على ظهرها واللحاف مغطي نص جسمها بحيث انها تشوف بطنها ومن دخلت لاحظت ان بطن ميثا بارز شوي وكأنها سمنانه شوي طبعا هي فهمتها بأنها سمنت ما شكت بشي ثاني بس بعدها تذكرت ان بالفتره الأخيره ميثا صارت تاكل بزياده عن اول واكيد راح تسمن
جلست بطرف السرير وهي تصحيها: ميثا ميثا قومي يمه بسج نوم قومي بسرعه صارت الساعه وحده قومي صلي الظهر
ميثا بصوت ناعس: اممممم........ يمه خليني شوي
ام محمد بصراخ: قومي بسرعه لأضربج
قامت ميثا بتثاقل وتعب وجلست وحطت المخدات ورا ظهرها تحسه بينكسر....
ام محمد حست ان ميثا مو بخير بس ماودها تقول كل مره علشان لاتتحسس واستغربت حركتها هاذي انها حاطه المخدات ورا ظهرها اول مره تشوفها تسوي كذا
ميثا بكسل: هلا يمه
ام محمد بدون نفس: اهلين
ميثا بسرعه: يمه شو فيج زعلانه؟
ام محمد: لا مو زعلانه بس تعبانه شوي
ميثا بتعجب: عسى ماشر مامي
ام محمد بهدوء: ماشر بس يمكن ارهاق
ميثا: اهاه شي عادي لا تتضايقين
ام محمد: لاتخافين يابنيتي
ام محمد وهي تقول بتفكر متصنع: ميثا هالفتره متأخره عليج الدوره صح
ميثا بخوف: إيه..... بس.... ليش السؤال؟
ام محمد: ماشي بس متعوده عليج تقوليلي اذا جات بس لاحظت ثلاث شهور ماقلتيلي
ميثا بنفس الخوف: لا هي بتجي بس متقطعه وساعات تتأخر يمكن على تغير النفسيه والجسم لأني صرت اسمن شوي عن قبل اكيد لاحظتي يمه صح
ام محمد بأبتسامه: ايه لاحظت يابنيتي بس لا تأخذين بخاطرج انا امج اذا انا ماخفت عليج ما أظن ان احد غيري بيجي ينصحج ويخاف عليج كثري
ميثا بأرتياح شوي: ادري يمه اكيد مافي غيرج بيخاف علي
ام محمد: بس يلا عاد خفي على نفسج من الأكل هذا مابيج تسمنين اكثر ماراح تكونين حلوه يابنيتي وانتي دبه
ميثا بهبال: تماموووه مامي...اوامر ثانيه
ام محمد وهي تضرب ميثا على راسها بخفه: يلا قومي يادبه روحي صلي
ميثا وهي تركض: خلاص ماما قمت...... بس بعد لحظات تشنجت لأنها حست بألم ولاشعوريا قالت: اه بطني
امها بخوف: ميثا اشفيج؟
ميثا بأبتسامه كاذبه: لا يمه ماشي بس الظاهر انتي طريتها وهاذي هي مأشراتها
شكلها الأخت بتشرف.....وكملت ترقع السالفه: مامي بروح اتوضى واصلي وبعدين بنزلكم
ام محمد بأرتياح ان بنتها بخير: اوك حبيبتي بننتظرج بس لاتطولين وديري بالج زين على نفسج
ميثا: اوك مامي
طلعت امها من غرفتها للطابق السفلي للمطبخ لتجهز الغداء مع الشغالات.....
اما ميثا رجعت وجلست عالسرير بتعب ومدت رجولها وسدحت ظهرها عالمخدات وهي تمسك بطنها وتقول بدون قصد: شو سليطين مابتعقل كان فضحتني عند امي ماتقدر تسيطر على نفسك شوي ليش كل هالعصبيه
بس شوي وحست على نفسها انها قالت سليطين...
ميثا بقرف: وع هذا اسم ابوك... انا بسميك حمد...يلا حبيبي بسميك حمد...
وماحست الا بضربه ثانيه على بطنها وصرخت: أاي يالشرير مو حاب اسميك حمد تبي سلطان هاه... انت شكلك طالع لأبوك شرير مثله
وبعدها جلست شوي تريح بطنها ولما حست انها ارتاحت شوي قامت ودخلت الحمام(اعزكم الله) وتوضت وصلت ونزلت تحت

*******************************



عالساعه سبعه باليل تكشخ محمد وراح لمها يشوفها وهو يقول: الكلبه مخليتني اشتاقلها والله باخذ حقي منج اليوم...
راح ولما وصل عندهم دخلوه المجلس وسولف مع ابوها شوي وبعد ربع ساعه تقريبا طلع ابو مها وقاله بعد شوي بتجيلك مها.. ابتسم محمد وعدل جلسته وهو مرتاح ينتظر حبيبته ,, بس استغرب لمن شافها تأخرت فأتصل عليها ماترد قرر يزعجها بالأتصال وماشي فايده محمد عرف انها تبي تحرق اعصابه وقال يسويلها مسج (ادري انج تحرقين اعصابي بس اذا ماطلعتي.. الحين انادي ابوج واقوله ابي عرسي بعد اسبوع واذا ودج تلحقين نفسج مامعج الا خمس دقايق وانت عندي)
مها من قرت المسج خافت وهي تقول بتفكر: من صدقه هذا والله يسويها خلني اروح احسن لي....انا بعدي ماكملت اغراضي فراحت بسرعه ركض لتحت ودخلت بسرعه وارتاحت انها مالقت ابوها
محمد بأستهزاء: زين لحقتي ولا كان ناوي اناديه الحين
مها بخوف: لا بس خلاص انا اسفه ماعيدها
محمد بأمر: طيب تعالي اجلسي جنبي
مها بدلع: لا مابي
محمد بعصبيه مصطنعه: مها
مها بدلع: ماقدر حبيبي استحي
محمد بأستهزاء: وين تستحين انتي ناسيه اني حافظج كلج زين
مها انجرحت من كلامه بس مابينت: ادري بس مو لازم هالتجريح
محمد حس على نفسه: اسف حبيبتي بس وحده بوحده ههههههههههههههاي
مها بغباء: اكرررررهك
محمد: تكرهيني
مها بدلع: إيه وايد
محمد: طيب انا اراويج بكرهج فيني اكثر الحين..
مها بخوف: لا محمد اعقل اخاف احد من اهلي يشوفنا
محمد: عادي صرتي زوجتي
وجاء وجلس جنبها ونزل حجابها وأخذ شعرها يلاعبه وقرب يبوسها من خدها ..مها تبعد عنه وهي تتوسل منه يبعد: محمد ابعد لاتفضحنا
بس محمد مو معبرها ولا سامعها اصلا فقرب اكثر واخذ حجابها وحطها فوق راسهم يعني غطى وجههم بها بحيث مايشوفون احد وهو يقول: لاتخافين عمري ماحد بيشوفنا واذا شافونا عادي...
مها بقلق: بس انت مسكر على راسنا بالحجاب من فوق محمد بعدم اهتمام: عادي خليني اتخيل اننا مطفين النور بغرفتنا
مها بأبتسامه: ماصخ وخيالك واسع
سكتها محمد وحط ايده بشفتها: لاتقولين شي انا مشتاقلج وابي اعيش هاللحظه وبس
مها بترجي: محمد بليز مو هنا
محمد بحب: علشان خاطري
مها ماودها تزعله وبدورها غمضت عيونها ولاتحركت اما محمد فراح وباس خشمها وجلس يداعبه بخشمه ونزل لشفايفها وباسها وهو يقول بحب: احبك مهوي.....
محمد: مها
مها بهمس: هلا حبيبي
محمد: روح حبيبج
مها بغنج: احبك
محمد بحنين وهو يفتح لها ذراعه: ضميني
مها بسرعه: لا محمد مو حلوه هنا
محمد: عادي حبيبتي
مها بأحراج: محمد لاتحرجني لاتصير مثل الأطفال
محمد بقهر: انا مو طفل انا زوجج لاتعارضيني
مها: الله يهديك يامحمد
محمد: اذا تحبيني سويها لي
مها بقلق: اوووف محمد لزقه انت والله احس انك بتورطني
محمد بأنزعاج: مها لا تتأففين
مها حست على نفسها: اسفه حبيبي
وقربت منه اكثر وهي تبعد الحجاب الي حطه محمد عليهم ولمته... وبعدها بشوي بعدت عنه: خلاص يكفي ..
محمد وهو يجرها له مره ثانيه....وعلى هاللحظه وهم كذا.........
دخلت عليهم ام مها بدون حتى ماتدق الباب وانصدددمت لما شافتهم كذا بس ايش بتقول مهما كان زوجها بس عصبت من بنتها حست بأنها خفيفه وغبيه جدا...
ام مها بعصبيه وبدون نفس: يمكن دخلت بالوقت الغلط............وعلى طول طلعت برا وسكرت الباب من وراها بقووه
نفضت مها بسرعه وهي معصبه: شفت يامحمد شفت بأصرارك ايش سويت..شو بتقول عنا امي الحين
محمد بتوتر جلس يبعثر بشعره: اسف ماتوقعتها تدخل بدون ماتدق الباب
مها بدموع: انا ادري عن امي... هي بس تبي تمسك علي شي و تبرد بطنها فيني
محمد: مها بس لاتكبرين السالفه انتي زوجتي وخلاص خلها تقول الي تقوله انتي بس لا تردين عليها
جات مها بتطلع بس محمد مسك يدها وقربها منه مسح دموعها: حبيبتي دموعج غاليه لاتبكين مهوي
مها بدموع: خلاص حصل خير
ابتسم محمد: اسف حبيبتي اني اصريت عليج بهالشي
مها: خلاص حبيبي طوفها
محمد: اكيد
مها: اكيد مو زعلانه عمري
محمد بحب: فديتج حياتي
مها بأبتسامه علشان لا تضايقه: يلا انا بطلع والله يعيني على امي...
وهي رايحه عطته بوسه عالهوا وهي تقول: احبك
وقفها محمد بسرعه: هيي لوين بتروحين وصلي زوجج للباب بالأول
مها بدلع اكثر: انت طماع
محمد بحنيه: اكيد مابشبع من زوجتي الغاليه...وكمل بمرح: وبعدين هاذي هي الأصول
ابتسمت مها: يلا خلنا نطلع
وصلته مها للباب وطلع هو بسيارته وراح

ولمن دخلت وطلعت لفوق لقت امها تنتظرها امام باب غرفتها مها من شافت وجهها دق قلبها بجنون حست ان امها معصبه منها ومن غبائها المستمر .... قربت بخطوات بطيئه امام غرفتها ولمن وصلت بأتجاه امها تكلمت بكل حذر: ها ....يمه ايش تبين
امها وهي تنافخ سبقتها الغرفه بمعنى تعالي وراي راحت مها ورا امها وسكرت الباب وقلبها شوي وينط من مكانه من الخوف وهي توقف امامها وتقول: هاه يمه شو تبين

Sent from my SM-N9005 using منتدى عبير mobile app

رد: روايه ودي اضمك لين تختلط انفاسي معاك..

امها وهي تنافخ سبقتها الغرفه بمعنى تعالي وراي راحت مها ورا امها وسكرت الباب وقلبها شوي وينط من مكانه من الخوف وهي توقف امامها وتقول: هاه يمه شو تبين
ام مها بعصبيه: تدرين شو ابي...ابيج تثقلين يالغبيه ابيج ولو مره تحسين وتفكرين
مها بحمق: ليش يمه انا شو سويت
ام مها بقهر: يعني انتي مو شايفه نفسج شو سويتي
مها بشجاعه وقلت ادب: لا ماسويت شي والي تقصدينه الحين صار زوجي وانتي مالج دخل بيني وبينه
ام مها بقهر اكبر صفعتها على خدها بقوووه بس مها قربت من امها ودفتها وقالت بصراخ: بسج يمه خلاص كفايه تعبتيني على كل شي انتقدتيني ابكل شي ما اعجبج
ام مها بقهر واستغراب من قلة ادب بنتها: مها انا امج لا تنسين ان الي قدامج امج مها انتي قولي الحمدلله اني عفيت عنج ونسيت طعنتج لي بظهري قولي الحمدلله اني ماقلت لأبوج وخليته يكرهج بحياتج مها انتي الي سويته ماينتسى والجرح الي بقلبي بعده ينزف...تخيلي نفسج بمكاني شو بيكون شعورج وانتي تحسين بالأستغفال من اقرب الناس لج شو بيكون احساسج لمن تحسين انج ماعرفتي تربين عيالج وان كل تعبج وسهرج عليهم كان كله عالفاضي.. انتي المفروض اي شي يحصل مني تحطينه على راسج وتعذريني على كل كلمه اقولها لأن الي صار ماحد يتحمله .... اتمنى اشوفج يوم بثقل وعقل حنان اختج الي هي اصغر منج بجد هي اعقل منج بوايد
مها انجرحت من هالكلمه: يمه انتي دايما تقولي كذا اصلا انتي ماتحبيني عادي قولي الي تبينه لأن هالكلام ماعد يأثر فيني تعودت عالتجريح لأني كل يوم اسمعه منج
ام مها: انتي تعبتي من التجريح الي بتسمعينه بس ماحسيتي بالجرح الي انا احسه صح؟!.......
مها بدت عيونها تغرق بالدموع: خلاص يمه ماله داعي .. محمد صار زوجي واعتقد هالشي يخصني انا وهو
ام مها بعصبيه قربت منها وشدتها من عنق ثوبها: الي بينكم ملكه ومو معناته ملكه انكم تسوون كل شي بدون اي حياء....على بالج هو راح يحبج كذا... مها الرجاجيل يحبون البنت الثقيله العنيده الي يتعبون وراها ...بالله قوليلي هو بشو تعب وراج وبشو ركض وراج انتي كنتي له اسهل من السهل مابقى شي وماجربتيه وياه فوق هذا بغيتيه يحبج بغيتيه يشتاقلج..بس بقولج شي وانا ادرى بالرجاجيل اكثر منج ...الشي الي يكون بالغلط ينتهي بغلط ونفس الشي هو ثقته فيج بتهتز على اي شي ولو انج ماسويتي شي صدقيني بس خلي كل هذا عالزمن وانا ما اتمنى كلامي يكون صح بس ابا اعطيج هالمعلومه وانتي فكري فيها زين وبتفهمين
ام مها قالت هالكلام وطلعت من الغرفه بسرعه وتركت مها محتاره وتفكر والخوف عندها بدا يتصاعد ولكنها عرفت ان كلام امها فيه الصح وفيه من مصلحتها وخلاها ترجع لورا شوي .... بأن الي سوته شي كايد ومايتحمله احد وان امها ماحد يلومها على شدتها معها......
رفعت راسها لفوق بترجي وتعب وهي تقول: يارب سامحني واغفرلي خطاياي واعف عني....

*******************************


مر اسبوع ..واليوم هو اليوم المنتظر الأربعاء
الي اتفقوا فيه ميثا وقيصر انهم يهربون........
تتوقعون ميثا تروح معاه ولا بتتراجع.....




الفجر عند قيصر الساعه (am4:13) رتب كل اغراضه وجلس يكتب رسالة يعتذر فيها من اهله كتبها وهو من داخله تعبان متعلق بأهله وايد ماوده يتركهم ماوده يحرم نفسه من جمعتهم بس لازم يصلح غلطه ويبقى مع ميثا وولده ويعوضهم بكل شي راح ويعوض نفسه العايله الي بيفقدها الحين بعايله ثانيه الي هو راح يكونها.... وكتب في رسالته......
( الى احبائي انا اسف والسموحه على كل الي سويته بس انا مضطر اني اسوي هالشي انا طلعت من البيت ويمكن ماعد ارجعلكم ويمكن ماعد تشوفوني انا اسف يمكن اخيب ظنكم بهالسواة بس قدري... وارجو ماتسوون اي شوشره ولا تجرون اي بحث عني لأني راح اكون بخير وبمامن ان شاءالله ولا تخافون علي انتوا غاليين على قلبي وماراح انساكم...احبكم وايد...قيصر )

وجلس يفكر يحس انه مقهور بيفقد حنية امه ودلعها له وعصبية ابوه وسيطرته وبيفقد لقافة اماني اخته وازعاج عيالها وبيفقد مسؤولية قاسم اخوه الكبير باليبت ونصايحه الي ياما وياما نصحه ووثق فيه ومابينسى صياعة أخوه قصي وألفاظه الماصخه وبيفتقد ضحكت البيت أميره وربشتها وهي القريبه له فكل شي وكل اخباره عندها وبيتذكر وبيفتقد الدلوعات أخواته لصغار الي يموتون على الفراره في الأسواق والكشخه اريج وانين....
قام بتعب وهو يناظر غرفته الي عاش فيها كل حالات الحزن والحب والزعل والفراق والبكاء بروحه ولمن يحس بالقهر شكى كل همومه فيها....لو الجدران تحكي لحكت كل معانات قيصر واتعابه الي عاشها بهالغرفه وبين اطوافها......
كان يحس انه تعبان نفسيا وجسديا طول هالأسبوع ما ارتاح وهو يخطط لسالفة هروبه مع ميثا....
حط الورقه على المكتب علشان تكون باينه لأي واحد يدخل غرفته الصباح على طول يشوفها يقراها وطلع من غرفته وهو ساحب شنطته وراح لسيارته وركبها وعلى طول فحط بالسياره وراح

*******************************



الصباح عالساعه (am 8:44) قامت ميثا بسرعه كانت تودع هذا المكان تحس ان هاذي اخر مره راح تشوفه دارت بكل‎ ‎أرجاءه ودخلت الغرف والصاله والحوش راحت حتى الأماكن الي ماكانت تهتم تجلس فيها راحت تتفحصها وتودع هالبيت الي عاشت فيه كل مراحل حياتها بحلوها ومرها تذكرت طفولتها ومراهقاتها لين الحين وهي بعمر 19 سنه ياربي كيف بقدر اعيش بعيده عن اهلي حتى الخادمات جلست اليوم معهم وتسولفهم واهلها بهاليوم مافارقتهم هم حسوا انها مو طبيعيه بس لما شافوا ان اليوم كامل ماتحركت من عندهم ارتاحوا بشوفة بنتهم وهي تتوسطهم وتسولف معهم... وهي جالسه بينهم رن جوالها يعلن عن مسج فتحته لقته من قيصر
(انا الحين وصلت وبنام شوي وعالساعه ثلاث الفجر بمرج خليج جاهزه)
ميثا حست بقهر بداخلها بأن يومها مع اهلها قرب يخلص بس لازم تسوي هالشي ولا تتراجع ميثا وهي تغير سالفه وتخلي نفسها طبيعيه علشان ابوها وامها لايشكون
ميثا بمرح: يبه بسألك سؤال
بو محمد بأبتسامه: اسألي يالشقيه
ميثا بخبث: اشكثر تحب امي
ام محمد مستحيه: عيب يابنت استحي
بو محمد وهو يناظر أم محمد: احبها كثر الكون كله هي حبيبتي وزوجتي وكل دنيتي
ميثا تصفر: اوووه ابوي طلع موسهل وين هالكلام من زمان
بو محمد بأبتسامه: موجود بس مو لازم ينقال قدامج
ميثا بحماس: يبه والله انك مو سهل كل هالشي يطلع منك
ام محمد بأحراج: ميثا بس استحي هذا شي بيني وبين ابوج انتي بعدج صغيره على هالكلام مو لج
{ميثا بداخلها: اه انتوا ماتدرون اني جربت الحياه واتعابها وشايله هم اكبر مني ببطني من وين صغيره والي تقولون عنه انا كله جربته}
بس ماطولت بالتفكير ماودها اهلها يشكون فيها وبعدها كملوا جلستهم وضحكوا وسولفوا وايد وبعد المغرب راحو صلوا وكل واحد انشغل بأشغاله


اما ميثا فطلعت لفوق ورتبت اغراضها وشيكت عليها زين علشان ماتنسى شي..وطلعت من غرفتها لتكمل باقي سهرتها مع اهلها وقبل ماتنام باست امها وابوها من قلب مع ان هالشي مو من عادتها وهم استغربوا شوي بس عجبهم هالتغيير.....مايدرون انه يمكن تكون اخر ليله تكون معهم



"البارت السابع"


عالساعه(‎am ‎3:00) طلعت ميثا من غرفتها وخذت اغراضها للباب وراحت لغرفة محمد لاقته نايم راحت وباسته من خده وعيونها تغرق بالدموع ناظرت فيه مره اخيره وراحت وبعدها راحت لعمر وباسته تودعه ونفس الشي ناظرت فيه تودعه وطلعت لريناد باستها بقوووه وناظرت فيها لمره اخيره تودعها وطلعت
وهي تبكي وتقول راح اشتاقلكم وايد سامحوني__
نزلت للصاله وهي تناظر كل مكان فيها وبخاطرها تقول: هناك ابوي يجلس يقرأ الجريده كل يوم وهنا امي تجلس بعد ماتتعب من الشغل وتسولف ابوي ونظرت للبلاي ستيشن وقالت: وهنا عمر يلعب بلاي ستيشن ويزعجنا بها ومن ثم حولت نظرها للطاوله وهنا ريناد تجيب كراسة الرسم مالتها وترسم وتوصخ الدنيا ألوان
واشرت عالكرسي على الزاويه وهنا مكاني انا اجلس اسولف وساعات ألعب بالجوال لين امل......بس الحين انا بطلع وجمعة البيت بتنقص... نقص واحد من افرادها منها....سامحوني .. سامحوني اني بنزل راسكم سامحوني يا اغلى ناس على قلبي......وبعدها طلعت بسرعه وتركت كل شي وراها__اهلها سمعتها صديقاتها وكل احباءها طلعت لقت قيصر ينتظرها بالسياره بس نزل ياخذ الأغراض الي معها وحطها ورا بالسياره وبعدها طلع لسياره ينتظرها تركب بس استغرب لمن شافها وقفت ومسكت باب السياره وجلست تناظر بيتهم من برا.... البيت الي كبرت فيه وعاشت كل مراحل حياتها وطفولتها فيه ....جاء هاليوم تتركه وبهالطريقه الغلط وهي تبكي بصمت سمعت قيصر يقولها: ميثا بسرعه لأحد يشوفنا
ناظرته بسرعه وبعدها طلعت السياره بدون حتى ماتتكلم وسكرت الباب بقوة وحرك قيصر السياره بسرعه
اراحت ميثا براسها عالكرسي ودموعها تنهمر دون توقف
قيصر جالس يناظرها يحس انه مشتاق لها وايد وده يضمها ويخفف الالامها جلس يناظر ملامحها البريئه بحب وبنفس الوقت كسرت خاطره وقال بحب: ميثا شخبارج؟
ماردت عليه جالسه تبكي ومو قادره تتكلم
قيصر: ميثا اذا ودج ترجعين الحين برجعج بس لاتذبحين نفسج
بالبكاء
ميثا وهي تبكي بأصرار تحرك راسها بلا
سكت قيصر وكمل سواقه وميثا بعدها على حالها تبكي وتشاهق
قيصر مايأس: ميثا اذا بترجعين مستعد ارجعج الحين
ميثا بصراخ: لأ مابي ارجع...بأي وجه بشوفهم
رجعت ميثا تصرخ بهستيريا وتبكي=
وقف قيصر السياره على جنب وهو يقول بحنيه: ميثا ادري انه صعب الواحد يترك اهله انا رجال ماتحملت البعد فكيف انتي بس مثل ماقلتي غلطنا ولازم نتحمل مسؤولية اغلاطنا
ميثا بصراخ: لا تقول اغلاطنا هذا غلطك انت
قيصر بحنيه يهدي الأوضاع: طيب انا اسف...بس انتي ارحمي نفسج لاتنسين انج حامل
ميثا بألم وبصوت مبحوح: مابيه مابيه اكرررررهه ..اكرررهكم انت وياه انتوا السبب الي خليتوني انزل راس اهلي وابعدتوني عنهم انتوا سبب كل مشاكلي اكرررهكم
قيصر غمض عيونه بألم وقال بأنكسار:اكرهيني انا بس هالطفل ماله ذنب تكرهينه
ميثا ببكى: انا تعبت والله تعبت
قرب قيصر منها واخذها بحضنه وجلس يمسح على راسها ويهديها: خلاص حبيبتي هدي شوي ريحي نفسج لاتتعبين اعصابج
وجلس يهديها حتى هدت ونامت ولما نامت جاء قيصر بيحرك السياره بس جذبه منظرها وهي نايمه .. فقرب منها وجلس يناظرها ومن ثم باس شفتها ونزل لبطنها لاحظ بطنها الي بدأ يبرز شوي.... نزل لبطنها وباسه بقوووه وبعدها قال بهمس: الله يخليك لي انت وامك...
واخذ جواله وفتح رقم اميره اخته ورسلها مسج
وبعدها حرك السياره ومشى

*******************************


الصباح قاموا بو محمد وام محمد فرحانين ام محمد سوت القهوه علشان يشربونها هي وبو محمد بس قبل راحت تشيك على عيالها شافتهم كلهم لقتهم نايمين دخلت غرفة ميثا لقت سريرها فاضي بس توقعت انها بالحمام(اعزكم الله) لكنها ماسمعت صوت الماي وهي ناويه تطلع شافت شي على سرير ميثا شدها تشوفه ولما وصلت لقت ورقه خذتها تقراها{سامحوني ادري بتكرهوني وبنزل راسكم بس ماتحمل نظرتكم لي سامحوني اني طلعت من البيت فجأه ويمكن ماعد تشوفوني حسبوني ميته انسوا اني يوم من الأيام كنت فرد من هالعايله انا احبكم بس ماقدرت اتراجع عن قراري ولا تحاولون تبحثون عني لأني بمكان امن لاتخافون علي ...احبكم...}
اهل ميثا كلهم يقرون ويكتبون بحكم ان سنهم صغير ودارسين
صرخت ام محمد صرخه حتى الجيران سمعوها: لا
سمع بو محمد صرختها وعلى طول ركض لها بخوف ولما وصل قال بقلق: نور اشفيج خوفتينا
ام محمد مدت له الورقه بمعنى اقرا...اخذ بومحمد وقرا الورقه ومن الصدمه طاح عالسرير منهد الحييل وبدون ولا اي كلمه
وام محمد بدورها تبكي وكأنه ميت عليها احد
وعاللحظه دخلوا عليهم عيالهم محمد وعمر وريناد بخوف من سمعوا صراخ امهم
محمد بسرعه: يمه يبه ايش صاير؟
ام محمد بصراخ: ميثا...ميثا طلعت من البيت
محمد بصدمه: شلون
بو محمد بتعب: ميثا هربت يامحمد
محمد بقهر: شلون هربت انتوا تتكلمون جد فهموني ايش الي صار؟
بو محمد مد الورقه لمحمد يقرا ولما قراها انصدددم وعيونه حمرت من الغضب وعصب وقال بصراخ يهز البيت: لييييييييييييييش لييييش تهرب وايش اسبابها ؟
انا كنت ادري ان هالبنت مو طبيعيه كنت ادري ان وراها شي ليش تهرب وعلى اي اساس؟...
هنا بو محمد مسك على صدره يحس بألم فضيع يجتاح صدره جلس يفكر كيف بيوري وجه للناس وكيف بيرفع راسه من هالفضيحه الي جات براسهم وايش بيقولون الناس عنه بالي سوته بنتهم الي نزلت راسهم وشرفهم بالقاع وبصوت كله ألم مسك صدره وقال بكل تعب وهو يطيح : اه
صاحوا عياله كلهم بخوف: يباه
قرب محمد بسرعه وشال ابوه وراحت معاه امه و خذوه المسشفى

*******************************


عند ميثا وقيصر..فتحت ميثا عيونها ولقت قيصر بعده يسوق ومن شكله مبين انه تعبان ومو نايم___كسر خاطرها بس ماحبت تبين له وقالت له بصوت كله نوم:صباح الخير
قيصر بأبتسامه مشرقه رغم ارهاقه: صباح النور كيف صرتي الحين
ميثا: احسن والحمدلله
قيصر بمزاح: شوفي وجهج كيف صاير وارم ومنفوخ من عفسة امس
ميثا بعفويه: قول والله
وحولت بوجهها لمراة السياره علشان تشوف وجهها ولما شافت نفسها قالت بكل تلقائيه: ويييع شكلي يخوف
قيصر بحب: انتي بكل حالاتج حلوه
ميثا تغير الموضوع: انت من امس مو نايم
قيصر بمرح: وحياتج من يومين مو نايم
ميثا بأستغراب: ليش
قيصر بهدوء: مو قادر انام جالس افكر بها
ليش
قيصر بهدوء: مو قادر انام جالس افكر بهالقرار الي سويناه وايش نتايجه
ميثا من جديد تغير موضوع: وين وصلنا
قيصر: صرنا بالداخليه وناظر الساعه لقاها الساعه....(am ‎10:30)
ميثا: ماكأنه وصلنا بسرعه شوي
قيصر: كنت اسرع
ميثا: مو خايف علي
قيصر بأبتسامه: اكيد.. ايش هالسؤال
ميثا بحزم: طيب ليش كنت مسرع
قيصر بتلقائيه: عادي علشان نكسب وقت اكثر
ميثا: كنت تسرع موخايف انه يطيح
قيصر مو منتبه معها: شو هو
ميثا بسرعه: ولدك
قيصر: ليش انتي ماقلتي انه صار ثابت
ميثا بداخلها تضحك هالرجال كلهم اغبياء
ميثا: يعني اذا ثبت مايطيح
قيصر ببلاهه: وانا ايش دراني
ميثا بأختصار: وين بنسكن
قيصر: في الشرقيه
ميثا: والبيت لقيت مكان ننام فيه
قيصر: ايه شريت شقه صغيره تناسبنا
ميثا بتحقيق: يعني جهزت كل شي وخلصت
قيصر: ايه لازم دام زوجتي وولدي بعيشون معاي لازم امن مستقبلهم
ميثا بأستغراب: ليش واثق
قيصر بالاستغراب: يعني بتعيشين معاي بالحرام بدون زواج
ميثا: لا بس انا مابي اتزوجك
قيصر بقهر: ليش عاد ...لاتفكرين اني قليل اصل......والي صار بينا قبل كان بلحظة ضعف او سميه غلطه
ميثا بزعل: يعني الحين انت ندمان انك سويت هالشي معاي
قيصر: ندمان لأنه غلط ومو ندمان لأن هالشي كان وياج_ بلعكس انا مابي اعيش هاللحظات الأ معاج
ميثا تقرصه بالكلام: بس انا مابيك
قيصر بعصبيه: طيب ليش جايه معاي
ميثا بهدوء مخيف: لأنك ابو الولد وانت المسؤول
قيصر بحده: زين ماراح تعيشين معاي بدون زواج
ميثا: ليش
قيصر: بس مو حلوه نعيش مع بعض بدون زواج.. خلاص انا عن نفسي مو مستعد اني اعيش في مستنقع مره ثانيه
ميثا بعصبيه: انا ادري انك مصر عالزواج لأنك تبي تعاملني كزوج وتاخذ حقوقك كلها مني
قيصر بعصبيه وده يقهرها: ميثا عالبالج اني ميت عليج ...اذا انتي تقرفين مني ومن قربي بكيفج لا تقربين.. بس الأهم انه يكون بينا عقد وهالولد الي ببطنج يطلع عالدنيا بأنه ولد حلال ويحسب انه جاء بعد عقد الزواج
ميثا وبدت الفكره تحلا لها علشان ولدها: اوك بس.....لي شرط
قيصر: الي هو؟
ميثا: نكون زوجين عالورق بس
قيصر بملل: يعني.......
ميثا: يعني انت بغرفه وانا بغرفه
قيصر بأستهزاء يتوقع كل شي منها: براحتج
ميثا عصبت يوم انه ماعارض تحس بنار داخلها وجلست تفكر بداخلها اكيد ماعد يحبها وردت له: جاتك من الله اصلا انت شبعت اخذت الي تبيه قبل والحين ماعدت اهمك
قيصر: ميثا انتي ايش تبين بالضبط كل شروطج وافقت عليها
ميثا بحمق: انت اصلا ماتحبني
قيصر بعصبيه: ميثا انتي تدرين اني احبج بس انتي الي ماتحبيني وحابه تعجزيني وانا كل الي اسويه علشانج انتي وولدج
ميثا بقووه: خلاص قي.........ماكملت جملتها لأنها شافته صفد السياره على جنب ووقف بسرعه ومن ثم حط راسه على الدركسون بتعب وكأنه صار معه شي
ميثا بخوف تغير مودها: قيصر اشفيك
قيصر: ...................
ميثا بقلق: قيصر اشفيك
قيصر مارد عليها بس نزل من السياره يحس انه تعبان اخذ له غرشة ماي وصبها على راسه ليريح اعصابه شوي وبعدها رفع شعره يبعثره ومن ثم رجعه كله لورا واتكئ بأيدينه عالسياره شوي وبعدها
طلع السياره بدون مايتكلم
ميثا كانت تناظره بخوف ولمن ركب السياره قربت منه وهي تسأله من جديد: قيصر اشفيك؟
قيصر بحده: ليش يهمج
ميثا بحب: اكيد يهمني اشفيك
قيصر بتعب: مافيني شي بس تعبان شوي يومين مو نايم ولا ريحت جسمي من السهر فلا تزيدينها علي ميثا.. بليز انا تعبان ويلا يلا اوصل روحنا للبيت وارتاح
ميثا حست على نفسها انها قست عليه: طيب اسفه
رجع قيصر نفسه عالكرسي بتعب ومسك الدركسون وحرك وهو يسرع على اخر درجه
ميثا بخوف: قيصر انت مجنون
قيصر بحمق مو شايف الي قدامه: .................
ميثا بصراخ: قيصر خف السرعه شوي
قيصر بحده: اسكتي انا مو ناقصج بعد
ميثا بترجي وهي تتمسك بالكرسي بقووه:قيصر خف السرعه شوي نسيت اني حامل
قيصر بصراخ: توج تتذكرين انج حامل بالأول تدعين عليه بالموت والحين حبيتيه
ميثا بترجي: الله يخليك والله اخاف من السرعه
قيصر بأستهزاء: اوكي اعتبري هذا عقابج علشان مره ثانيه لاترفعين صوتج علي
ميثا بخوف ممزوج بصراخ: قيصرررر قيصرررر ووقف ..وقف بسرررررررعه

*******************************


في بيت بو قاسم الي هو بو قيصر سمعوا صرخت اميره الي من قرت الورقه انصدمت ومن صدمتها صرخت بأعلى صوتها بدون وعي منها
خلت اهلها فزوا من الخوف فكروا ان صابها شي وراحوا كلهم الى المكان الي سمعوا منه مصدر الصوت وكان هالمكان هو غرفة قيصر الي وجدوا أميره في وسطها وتبكي بحرقه وحيره من اسلوب قيصر الغير متوقع منه وهي اقرب وحده له فالبيت وماقالها
اهلها بخوف كلهم قالوا بصوت واحد: أميره اشفيج تصارخين؟
اميره ببكاء وتقطع: قيصر....قيصر.....وماقدرت تكمل جملتها فسكتت
امها بخوف أكثر على بنتها قربت منها وحضنتها: أميره قوليلي شو صار عليج لا تخوفينا طيحتي قلوبنا
أميره من بين دموعها: قيصر طلع من البيت وقالت بصوت اقوى: قيصر هرب هرب من البيت
الكل انصدم من كلام أميره.......
قرب ابوها منها وقال بصدمه: انتي ايش تقولين؟
أميره عطت اخوها قصي الورقه لأنه ابو قاسم مايقرأ زين يعني كذا لازم استهجاء..
أخذ قصي الورقه وقراها وانصدم هو الثاني وطاح على سرير قيصر بتعب وإستغرابا من فعلت قيصر......
الباقي احترق دمهم شافوا ردت فعل اميره وقصي خافوا وحسوا ان الموضوع مو هين
أخذ قاسم الورقه وقراها ولما قراها انصدم هو الثالث
بس على طول خبر اهله لأنه شايف ايش قد هما محروقين من الداخل ولما قالهم.. نزل الخبر عليهم مثل الصاعقه.....
والكل انصدم وتفاجأ وكل واحد منهم جاء في باله سؤال وهو ايش الي خلاه يسوي هالسواة؟......مايدرون<<
الا انه اكيد في سالفه تخليه يسوي كذا
وكانت بالطبع ردود الفعل الي هي بكاء وعصبيه والي مستغرب ومو قادر يستوعب السالفه وعدت السالفه على كذا


*******************************


بومحمد عليه الوايرات والمغذيات والأكسجين وكل هالخرابيط الطبيه وحالته بعدها على ماهي وماتجاوز الخطر والأطباء يطلع واحد ويدخل الثاني مما اثار الشك بقلب محمد وامه.........
ام محمد وهي تبكي: يمه محمد روح شوف شو صاير،على ابوك اسأل الأطباء عنه الوضع مايطمن__ ورجعت تبكي بصوت عالي وهي تقول:
يارب أحفظه لنا لا تخليه يروح منا مين بيبقى لنا من بعده انا ماقدر اتحمل كل هالشقا لحالي يارب احفظه لي ولعياله يارب احميه واشفيه
محمد: يمه الله يهديج هدي شوي ابوي ماعليه الا العافيه بس انتي لاتوتريني الله يخليج يمه مدينا بالصبر لاتخلين هالشي يكسرج لأنج اذا انتي انكسرتي نحنا بننكسر معاج.. ابوي انشالله بيشفى _نحنا بندعي له وبنسوي الي علينا والباقي على الله...
...........................


عند ريناد وعمر خايفين على ابوهم الي بالمستشفى وريناد من راحو ودموعها ماكفت من البكاء وعمر بحكم انه ولد واكبر منها كان مسيطر على نفسه لايبكي معاها جالس يهدي ريناد الي بتموت نفسها من البكى
ريناد: عمر ابوي راح يموت صح؟
عمر: ريناد لاتقولين كذا ابوي بخير
رينا ببكاء مستمر: انا شفت ابوي يومه طاح خلاص بيموت
عمر بخوف: ريناد لاتقولين كذا ابوي بخير محمد قال بيتصل وبيطمنا
ريناد رجعت تبكي: طيب انا ابي اروح اشوفه محمد يكذب علينا
عمر ببراءه: نحنا بنروح بعدين محمد وعدنا انه ياخذنا
وعلى هاللحظه جات الشغاله عندهم وقالت لهم يجون يفطرون بس ريناد رفضت الا تروح لأبوها وبعدين تاكل بس عمر غصبها تروح تاكل واقنعها انه بعدين بيروحون
جهرت الشغاله الفطور وخلتهم ياكلون ولما خلصوا... ريناد نست الخوف شوي بسوالفها مع عمر والشغاله
سنيتيا حبت تطلع العيال من جو الكابه والخوف الي هم فيه.....
ريناد بتفكر: اممممممممم
سنيتيا تستعجلها بمرح: بسرعه ايش يريد لعبه
ريناد بعد تفكير: ايش رايج نرسم ونلون ؟
سنيتيا بأبتسامه: اوك مس ريناد
راحو وطلعوا دافتر التلوين ورسموا ولونوا مع بعض لين نامت ريناد من التعب
اما عمر قرر يجلس عالتيلفزيون شوي يشوف افلام الكرتون وينسى سالفه الخوف لين يتصل بهم محمد

[ههههاي مصدق الولد]

*******************************


عند اميره من بعد العفسه الي صارت دخلت غرفتها لتستلقي بسريرها وترتاح شوي
فراحت ورمت نفسها عالسرير واخذت جوالها تتفقده ولمن فتحته. لقت فيه مسجين واحد من صديقتها والثاني من قيصر فراحت بلهفه تقرا المسج الي وصلها من قيصر ..الي كان مكتوب فيه
(صباح الخير شخبارج؟.....اميره انتي تدرين اني ماستغنى عنج ..انتي اقرب وحده لي من خواتي وما اعرف اخبي عنج شي... اميره انا طلعت من البيت علشان ميثا انا ماقلتلج ان لما كنا مسافرين اني غلطت غلطه كبيره وخفت لا اقولج ......اميره انا غلطت ولأسف اعتديت على ميثا وقبل اسبوع اتصلت فيني وخبرتني انها حامل بشهرها الثالث وخايفه من اهلها وعلشان كذا قررنا نهرب وهاذي نتيجه اعمالي ولازم اتحملها..بس ارجوج لاتقولين لأحد خلي هالشي سر بينا ولا كأني قلتلج شي واسف اني تعبتكم معاي )
اميره من قرت المسج انصعقت مرة اخرى ماستوعبت الكلام الي قرته بالمسج وكانت تقول بداخلها بأستغراب: كل هذا سواه قيصر يعني طلع من البيت علشان هذا السبب معقوله قيصر طلع حقير لهدرجه ويخرب حياة بنت.......
لالا هذا مو اخوي قيصر هذا واحد ثاني اناني ومايفكر الا بنفسه...
مسكت جوالها وحطت على رقمه واتصلت فيه بس لقته مغلق ..تحسفت لأنها كان بودها تطلع حرتها فيه عصبت منه من هالسواة الشينه الي بدرت منه والي تجرأ وسواها ودها تأنبه على فعلته هاذي ولو ان هالسالفه صارت قديمه قهرها ماتوقعت انه يوصل لهدرجه من الأنحطاط......

****************************


Sent from my SM-N9005 using منتدى عبير mobile app