رواية تتعب لو معي تلعب

..البارت الخامس عشر..
بلا شعور أقترب منها زود وضمها وسط صدره..
انصدمت من حركته..
شدها بحضنه زود..
حست بشعور غريب ناحيته..مقدرت تفسره..
بنسبه لراكان..
مقدر اشوف دموعها تنزل على خدها..وانا مسببها..
اقتربت منها واحتويتها بصدري..
من ضمي لها تفجرت عندي ألف أحساس وأحساس..مكنت حاس بيه من قبل..
كان ودي تضمني زود.. ضمني لصدرك محتاج اداوي جروح عجزت اداويها..يمكن عندك أداويها يا دفئ سنين
اه ياجيهان
لو تعرفين وش بي كان عذرتيني..

نظرات كانت تراقبهم بس ماحسوا بيها.....
ويشد عليها زود..كنا يبي يدخلها بين ضلوعه..
جيهان وهي تبعده بعد ماتداركت الأمر وبشراسه:بعد عني..
وبعدته ولبست عبايتها على السريع وطلعت من الخيمه بسرعه..
راكان وهو مستغرب من حركته(وش صابك ياراكان..أنت تحضن جيهان!! وليه..أكيد أنا استخفيت..)
وهي تمشي صادفت روان..
روان وعيونها تدور راكان:مشفت راكان..مدري وين راح؟؟
جيهان(مابه لزوم لأني شفته ياجعله الماحي إن شاء الله)..
أم فهد من بعيد تناظرهم:تعالوا يابنات..أستوا الغداء..
.
.
.
بالجوال:أنا بمرك اليوم..
ريم بهم:لا ياسعود..
سعود قاطعها:مو على كيفك..قعدتي عن اهلك مدة كافيه..ولحد الان ماتحسنت نفسيتك..
ريم(إلا زادت ياسعود..اه بس):خلني براحتي..
سعود قاطعها بعنف:أنا بمسافه الطريق..تجهزي يامره..
ريم باندفاع:بس سعود...
مقدرت تكمل كلامها لأن سكر الخط بوجها..
نزلت دمعه على عيونها..وراحت تجمع اغراضها ونزلتها هي والشغاله بجانب الباب الرئيسي..
شافتها أمها:وش له هالشنط؟؟
ريم تناظر أمها:سعود بيجي ياخذني..
أم ريم كشرت بوجها:طول عمرك غبيه..
ريم:؟؟؟
أم ريم جلستها بالكنب..وعلي يتصفح الجريدة..
أم ريم ناظرت بريم:احين انتي عقيم..وهو يدري ومخبي عليك..
علي بتدخل:مخبي عليها لأن يحبها ولا يبي يجرحها..
أم ريم رفعت حاجبها:أي بالمشمش..هو مخبيء عليها مو حبنا فيها ولا لسواد عينها..وبعدين مو بعيدة أنه يكون متزوج عليك بالسر..بعتبار أنك عقيم...
ريم بصدمه:متزوج علي!!!
أم ريم بشراسه:اجل يالغبية..يعني تبينه يصبر عليك وينحرم من الأبوه عشانك..ولا أجل ليه صابر عليك لحد اللحين هاه..متقولين لي ليه؟؟
علي تنهد:استغفر الله العظيم بس..
ريم بين دموعها:مو معقولة يكون سعود...
أم ريم قامت وبعنف وتجريح:إلا معقولة ونصف..ترى كل الرياجيل سواسيه يابنتي..شوفيني أنا مثلا..قايمه با أبوك قومه..دلع ودلعته وطبخ وطبخت له..ومراعيته بظروفه لشتدت عليه الأزمات..واعاونه من فلوسي..وبعد كل ذا تزوج علي..وتزوج معلمة عشان يسد ديونه..وزي منتي عارفه انا ماشتغل..
علي بسخريه:أي واضح يمه..أنتي الزوجة المثالية.."وقام وصار قبال امه" من ولديني وأنا دايم اسمع طول لسانك على ابوي..مابه حشيمه قدامنا..
أم ريم بقت عينها:علي!!
علي قاطعها بكل ثقه وتأكيد:وإذعلى الطبخ فا الخدامه هي ألي تطبخ..والدليل لما سفرنا الخدامه مابه حد يطبخ لأنك ماتطبخين اساسا..وسالفه انك مراعيته ذي الصراحه ضحكتني هههههههه "وبسخريه"من متى وانتي تراعينه يايمه..ماصار عند ابوي ديون إلا بسبتك انتي وحنتك..من يستلم راتبه من هنا..إلا وأنتي مفلسته..اجبرتيه إلا انه يشتري ارض مع انه ماعنده امكانيه وانتي تدرين ان عنده سلفيه من البنك بقيمه 60 الف..وأنتي يايمه ماعمرك مديتي له ريال.."وباندفاع"ولا تقولين لي وش دراني ويمكن عطيته بينتي وبينه..بقول لك معلومة أنا أبوي يعتبرني مثل صديقة ودايم يشتكي ويقول لي على كل فعايلك معه..وفي اشياء كثيرة ماصدقتها إلا لما شفتها بعيني.."وبقهر"ابوي كان بيدخل السجن بسبب ديونه ألي وصلوا ل500 الف..لو الله ثم ابتهال مرت ابوي وإلا كان هو منقع بالسجن..
ريم بصدمه وهي تسمع كلام اخوها علي وهو يقول الحقيقة لأمه ولها:أنت وش تقول ياعلي؟؟
أم ريم بصدمه كبيرة:ذا الكلام لي ياعلي!!
علي وهو يناظر امه:ورجائي ياأمي..لاتخربين حياة بنتك بسبب سوء حياتك وعلاقتك مع ابوي..لو سمحتي يعني..
واقترب من اخته وهو يسمع صوت هرن السيارة:يلا طلعي ياريم وعطيه ريق حلو..وبالصبر ياأختي بتلقين ألي يشرك بإذن الله..وحطي مثلك الأعلى جيهان بنت حماك..
ريم ابتسمت بتفاؤل:إن شاء الله..
ولبست عبايتها وطلعت وشال شنطتها اخوها علي وترك امه بصدمتها وكرهها الكبير لأبتهال..
.
.
.




يتبع...