رواية تتعب لو معي تلعب للكاتبة ساندرا (كاملة)

**الكاتبة ساندرا** · 23-04-2012, 02:12 AM

رد: رواية تتعب لو معي تلعب للكاتبة ساندرا

رواية تتعب لو معي تلعب

..البارت الرابع عشر..
راحت جلست على الكنب الفردي وكان بعيد عنه..
راكان رفع حاجبه:كذا الحرمه تسلم على زوجها..
جيهان رجعت ظهرها لورى:وكيف تبيني أسلم عليك ياأخ..
راكان ابتسم بخبث:أنا أقول لك كيف؟؟
اقترب منها وزاد ارتباكها..
جيهان بارتباك:و..وش...
بحركه سريعه سحبها وصار قبال لوجهه..
وانفاسه تلفح على وجها..
جيهان بخوف:وش قاعد تسوي أنت؟؟
راكان بخبث:قاعد اعلمك كيف الحرمه تسلم على زوجها..
اقترب منها زود وبحركه سريعه باسها بقوة..
جيهان انصدمت من حركته..وبعدته عنها بكل قوتها ومسحت شفتها بعنف:ييييعع..
راكان بق عينه:نعم!! وش قلتي؟؟
جيهان وهي مزالت تمسح شفتها:ألي سمعته ياأخ..
راكان اقترب منها وبهمس حاد:كلمه يا أخ ذي ما أبي اسمعها..سمعتي يابنت..
جيهان ناظرت به:........
راكان راح وجلس بالكنب وحط رجل على رجل وبزمره امر:تعالي هنا..
جيهان خافت زود وجلست بس بعيد عنه بشوي..
راكان التفت لها:جيهان..
جيهان(أول مره يقول اسمي..له نغمه غير على لسانه) وعيونها لتحت:نعم..
راكان اقترب منها شوي وبجديه:ليه تبين تبتدين علاقتنا ببعض كذا؟؟
جيهان:؟؟؟؟
راكان كمل:اسلوبك مو عدل معي ابد..وأنا الوضع ذا مو عاجبني..
جيهان:وايشبه اسلوبي؟؟
راكان بجديه:أنتي تشوفين ان سلوبك معي عدل..
جيهان ناظرت به:اسمع يا راكان..
راكان(عيون راكان انتي..):وش؟؟
جيهان:الطريقه ألي تعرفت بيها عليك مو عدله..وأي وحده راح تسوي زي ألي سويته..وراح تتعامل معه بهالاسلوب..مو لانها هي تبا تعامله كذا..لا لان بلا شعور تعامله كذا..
راكان:وليه؟؟ وايشبها الطريقه ألي تعرفنا عليها؟؟
جيهان بابتسامه سخريه:لنفترض أن أنا الرجال وأنت الحرمه..وأنت متعرفني ولا أنا اعرفك..وجيت وتغزل فيكي وأنتي بنت مو البنات الي تعرف لهم قبل..وواحد يتغزل فيكي من الله والطريق..وش راح تسوين معه؟؟
راكان:..........
جيهان كملت:ولأني بنت متربيه صح..عطيتك كف
راكان(وهذا ألي عجبني فيك) رفع حاجبه:طيب..
جيهان كملت:ولا تبيني اضمك واقول يلا نبوس ومن هالكلام..
راكان غص على شفته:ياليت..
جيهان بقهر وبحيا نفس الوقت:أحنا نتكلم جد..
راكان بابتسامه:وأنا أتكلم جد..
جيهان:بس ابا الصدق..لو صدف وصار الموفق الي تصادفنا فيه..مع واحد ثاني..بترضاها لي...
راكان بحده:كان اذبحك أنتي معه..
جيهان قامت وكفتت يدها:أجل الكف ألي عطيتك اياه تستحقه..
راكان:.......
جيهان كملت:مكذب عليك ياراكان..أنا تمنيت أن علاقتي بيك متكون زي كذا..تمنيت للأحسن..
راكان قام معها:وش رايك نبدأ صفحه جديدة..
جيهان:..........
راكان:عشان نوصل لحياة سعيدة وملئيه بالافراح ( وبداخله هههههه عجبتني لحياة سعيدة خخخ)
جيهان بابتسامه سخريه:احلف بس..
راكان بضحكه:اتكلم من جد أنا..
ومسك يدي وجلسني بجنبه وبجديه:ربما كلامك صح..أنا بداية علاقتنا ببعض كانت غلط..بس ليه مانصلحها؟؟
جيهان بابتسامه:حلو..لحد الان كلامك سليم..
راكان بغرور:طول عمريس كلامي سليم..
جيهان(أي واضح):تيب..
راكان:وأنا من حقي اني أعيش فترة الخطوبة..زي كل رجال..
جيهان باندفاع:عيشها..بس بحدود..
راكان حط رجل على رجل:نعم!!
جيهان:إذا صدق تبي تعيشها من دون أي نكد..عشها بحدود..يعني مافي لابوس"وناظرته"وأنت أدرى وش اقصد..
راكان قاطعها باندفاع:أنا موافق..
جيهان:ههههه..لسى مخلصت ياحلاوة..
راكان تنهدت بصوت مسموع:اووف..وبعد..
جيهان حاولت تخفي ابتيسامتا وتلتزم بالجديه:وبنسبه ليوم الزيارات الي بتجي فيها لهنا..تكون محدده..ويوم واحد بالاسبوع..
راكان معجبها كلامها:لحظه..لحظه...
جيهان:وش؟؟
راكان:ذي النقطه معجبتني أبد..
جيهان رفعت حاجبها:وليه يا أخ؟؟
راكان بنظره حاده:متى مجيتك جيتك..يعتمد على مزاجي..ولاتحطينها براسي..
جيهان بابدفاع:لا..خلاص خلاص..بس حدد..
راكان بتفكير:يوم الخميس..
جيهان:لا غيرر..ماأبا هاليوم..
راكان بعناد:ولان هاليوم ماتبينه انا بجي فيه..

يتبع....

**الكاتبة ساندرا** · 23-04-2012, 02:16 AM

رد: رواية تتعب لو معي تلعب للكاتبة ساندرا

راكان بتفكير:يوم الخميس..
جيهان:لا غيرر..ماأبا هاليوم..
راكان بعناد:ولان هاليوم ماتبينه انا بجي فيه..
جيهان بقهر:اوووف بس..
راكان:أنتي مغير تتشرطين..وأنا بعد عندي شروط..
جيهان:وش شرطك ياأخ؟؟
راكان:شرطي..أنك تردين على اتصالاتي مو تطنشيني..لأنك ان طنشتيني مهوب صاير خير..
جيهان:بس هذا شرطك!!
راكان:أي..موافقه عليه..
جيهان:........
راكان:مو من صالحك أنك ترفضين..عشان نوصل "وكتم ضحكته" لحياة سعيدة مليئه بالافراح وبعيدة عن الاحزان..
جيهان رفعت حاجبها:تستخف انت ووجهك..
راكان:هههههههه...لا بس تذكرت فوزية دريع..
جيهان باأبتسامه سحرت قلبه:احنا نتكلم جد..
راكان(اه ياقلبي..فديت المبتسم أنا بسس):طيب وش قلتي؟؟
جيهان بتفكير:موافقه..بس لزوم توافق على شروطي قبل؟؟
راكان باندفاع:وأنا موافق..
وسكتنا شوي..
راكان التفت لها:مو ناويه تضيفيني؟؟
جيهان بحيا:اوبس..اسفه..
وقامت صبت له القهوة..
ونظرات راكان الحاده تتابعها
وجلست قباله..
راكان:جسمك كذا حلو..لا تسمنين ولا تنحفين..عاجبني كذا..
جيهان بحيا(جالس يدقق بجسمي هالعله..احراج وربي):ذا جسمي وأنا حره فيه..
راكان:لا ياحبيبتي..انا زوجك مابه كلام انا حره..كلامك العزابي انسيه فاهمه..
جيهان رفعت حواجبها:كلامي العزابي!!!
راكان:احين به رجال يشوفك ويمتع نظره فيك "وناظرها بنظرات حاده"
جيهان بحيا من نظراته:تيب..
راكان اقترب منها وبنظرات حاده:فديت حياك يابنت..لاتقولين بعد اني اتغزل فيك ممنوع..
جيهان بضحكه:لا مو ممنوع..
راكان اقترب منها زود وحوطها من خصرها وباس خدها برقه حس برجفتها..
راكان وانفاسه الحاره تلفح على وجها:علامك كذا متوتره..
جيهان بتوتر:بعد عني..
راكان قربها زود منه وشوي ويحطها بحضنه من زود قربه لها وبهمس:بس أنا عاجبني الوضع كذا..
جيهان(وربي أنه جريئه هالرجال) بحرارة من قربه:بس أنا لا..وبعد عني لو سمحت..
راكان باس خدها:يازينك بس..
وقام..
راكان يعدل شماغه:المهم ياقلبي..أباك تضبطين أمورك أنتي والأهل..بيوم الاربعاء الجاي..
جيهان بستغراب:وليه؟؟
راكان التفت لها:بنروح البحر..وراح نقعد هناك ليوم الجمعة..
جيهان بفرحه لفت انتباهه:صدق!!
راكان بابتسامه عريضه:أي صدق..
جيهان(وناسه والله..)بنفس فرحتها:حلو..
راكان قربها منه وبهمس:حلو لأني أنا فيه ولا؟؟
جيهان(واثقه من نفسه ذا)بعدته عنها وبجفاء:لا طبعا..بس أنا أحب البحر..من زمان مرحت..
راكان بهمس واضح:بل معندها مجامله هالبنت أبد..
جيهان:ههههههه..
راكان(فديت هالضحكه ياناس..):يلا أشوفك بيوم الأربعاء بإذن الله..
جيهان بابتسامه:مع السلامه..
وبعد مطلع بسرعه نطيت عند أمي والبسمه لاتفارق شفاتيها:يمه..يمه..
أم فهد بروعه:بسم الله الرحمن الرحيم..علامك يابنت؟؟
جيهان بنفس فرحتها:بنروح للبحر يوم الأربعاء ذا..
أم فهد بستغراب:من قالك؟؟
جيهان:قال لي راكان..أن أحنا بنروح البحر مع أهله..
أم فهد مسحت على شعر بنتها:مبسوطه يابنتي..
جيهان انسدحت بحضنها:قووة مبسوطه..من زمان ماشفت البحر..
أم فهد:دوم هالفرحه يابنتي..
بدريه نزلت من الدرج ويدها على بطنها
أم فهد بهمس لبنتها:انبهي تفتحين لها سيرة عن البحر..مالي خلق لروحتها معنا..
جيهان بنفس همس امها:بس فهد بيقول لها عن كل شيء كالعادة..
أم فهد:ومن قال لك أني بقول لفهد أخوك..
جيهان:تيب..
بدريه التفتت لهم:علامكم تتساسرون كذا..
أم فهد التفتت لها:أبد يا بدريه..جالسه أقول لبنتي تجيب لك الحلا ألي سوته.."والتفتت لجيهان"قومي يابنت وش تنتظرين..
جيهان قامت:إن شاء الله..
أم فهد:ذا الحلا جديد أول مرة تسويه جيهان..
بدريه(اقطع يدي أن مكانوا يخبون وراي شيء..اسلوبهم غريب معي..مردي راح اعرف..خبر اليوم بفلوس بكره ببلاش)
.
.
.
ركب السيارة
ودق على خالته:هلابش ياخالته..
خلود:هلا والله بالراكان..أخبارك؟؟
راكان بابتسامه:طيب..أنتي كيفك ياخاله؟؟
أم عبدالله"خلود":الحمدلله تمام..هاه مقلت لي بنروح البحر..

يتبع..

**الكاتبة ساندرا** · 23-04-2012, 02:17 AM

رد: رواية تتعب لو معي تلعب للكاتبة ساندرا

خلود:هلا والله بالراكان..أخبارك؟؟
راكان بابتسامه:طيب..أنتي كيفك ياخاله؟؟
أم عبدالله"خلود":الحمدلله تمام..هاه مقلت لي بنروح البحر..
راكان:هههههههه..اشوفك مانسيتي..
أم عبدالله:افا عليك بس..وش ألي بينسيني..احب الجمعه أنا..
راكان:ههههه أي اعرفك انتي اجتماعية ياخالتي..
أم عبدالله:مقلت لك أنها بتعجبك..بس أنت مصدقتني..
راكان عض على شفته(هي مو عجبتني وبس إلا زوود..اخ بس):أنا حددت اليوم..بيكون يوم الاربعاء عشان بنجلس ليوم الجمعة..
أم عبدالله:أي حلو كذا..
راكان:اجل على خير إن شاء الله..
.
.
.
مسحت دموعها ألي كلما تتجدد..
ريم(يعني مستحيل اصير أم..اهئ..اهئ..ليه كذا ياربي..)
انتبهت للي يطق الباب مسحت دموعها بسرعه حاولت تعدل صوتها:احم..ادخل..
فتح الباب وجلس على حافه السرير والتفت لها وهو يشوف الدموع على خدها ألي لم تجف بعد:علامه الحلو زعلان كذا..
ريم ناظرت باأخوها حاولت انها تكتم دمعتها بس مقدر ورمت نفسها بحضنه وجلست تصيح:أنا عقيم ياعلي..أنا عقيم...اهئ..
علي مسح على شعرها بحنان:ياقلبي أنتي..لاتقولين عن نفسك كذا يا أختي..
ريم بنوحه:كيف مقول كذا عن نفسي وأنا بالاساس كذا هاه..اهئ..اهئ..
علي مسكها من ذراعها:أنتي تبين تموتين نفسك..
ريم قاطعته بهم:انا مت من عرفت اني عقيم..تعرف كيف اني عقيم ياعلي..يعني مقدر اجيب عيال..
علي ضمها بقوة بصدره:لاتعذبين نفسك كذا ياريم..الذم مو ذنبك..ذا اراده ربنا..ولزوم تكونين قوية..
ريم تمسح دموعها:وسعود ألي كان عارف ومقال لي..عشان كذا كان كل مافاتحته موضوع العيال يسكره على طول..اهئ..
علي ناظرها بحنان:وعشانه هو لزوم تقوين من حالك..شوفي هو كم سنه صبر عشانك والأهم انه كان يدري انك عقيم..وولا فكر انه يطلقك او يتزوج عليك..أو بمجرد انه يغثك بالحكي..
ريم:........
علي كمل:انا بخليك تفكرين بكلامي زين..لكن حطي ببالك..أن لو مايبيك كان من زمان متزوج عليك أو مطلقك..ولا تنسين أن ماعليه قصيره..ولأنه يحبك ماسوا هالاشياء ذي.."وقام"فكري زين يابنت بكلامي..
وطلع من الغرفه وخلاها تفكر وتعيد النظرية مره تانيه..
.
.
.
جلست تفكر فيه بلا شعور..
وأبتسمت لما تذكرت كلمته (عشان نعيش حياة سعيدة ومليئه بالحب)
جيهان:ههههههههه..هالصايع خبل وربي ههههه..
ناظرت بجوالها:يلا دق..اووف منك..وقت ماتبي تدق تدق..ووقت ماتبي ماتدق حتى لو بالغلط..
انبسطت لأن توصلت معه لحل..
جيهان بطلتنا لم تكن كابقى البطلات ألي كتبت عنهم..
جيهان تريد حياة زوجيه سعيدة كاباقي البنات..ولا تهتم بنوع من التحديات أو العاند أو ماشابه..ولكن ياجيهان!!
أنتي لاتعلمين ماذا سيحدث لك غدا...
وقد يتغير نفسيتك تماما...
.
.
.
وفي اليوم التالي..بالمجلس..
أبو عبدالله قام:سبق وقلت لك ردي..
عبدالعزيز:بس أنا شاري بنتك وأباها حليله لي..
أبو عبدالله:مابه نصيب..غصب هو يعني..
عبدالعزيز:بس انا ياعمي..
أبو عبدالله قاطعه:لاتقول عمي عمت عينك بلا..وعندك غير بنتي تكون زوجه لك..ويلا مع السلامه..
عبدالعزيز تنهدت:الله يسامحك بس..
وطلع من مجلسه وهو مقهور ومذلول..
وسكر المجلس حقه..
جات أم عبدالله وفاطمه بخوف:علامك تصارخ!!
أبو عبدالله جلس:هذا الرجال قاهرني..كل شوي راز وجهه عندي..أبا بنتك وابا بنتك..
أم عبدالله تنهدت:الله يهديه يارب..
فاطمه:أبا أعرف ليه ترده وش مسوي هو؟؟
أبو عبدالله التفت لبنته:أنا مارفضته من الله والطريق..انا عارف هالعايله..والعيب مو منه العيب من اهله..امه وابوه وخالوه وعمه سمعتهم بالحضيض يابنتي..ألي سكران وألي واحد منهم قتل روح بريئه بسبب تافه..وألي متاجر بالمخدرات..
فاطمه بخوف:بسم الله الرحمن الرحيم..وش ذا العايله..لك الحق أجل أنك ترفضه..
أبو عبدالله:وألي قاهرني ومشيب راسي..كل بين فترة وفترة قاط لي وجهه..تعبت منه..ذا الرجال مابه لاحشيمه ولا كرامه ابد..
أبو عبدالله:سيبك منه..ويلا عشان نتعشاء..
.
.
.
كانت منسدحه بحضن امها كالعاده..
كانت تكلمها عن حبيبه قلبها..ألي دخل من دون استأذان..
أم فهد:والله أني مكسوفه يابنتي..كل شوي هم عازمينا..وأحنا معزمناهم ابد..وش رايك بعد روحه البحر..نسوي لهم عزيمه..

يتبع..

**الكاتبة ساندرا** · 23-04-2012, 02:19 AM

رد: رواية تتعب لو معي تلعب للكاتبة ساندرا

كانت منسدحه بحضن امها كالعاده..
كانت تكلمها عن حبيبه قلبها..ألي دخل من دون استأذان..
أم فهد:والله أني مكسوفه يابنتي..كل شوي هم عازمينا..وأحنا معزمناهم ابد..وش رايك بعد روحه البحر..نسوي لهم عزيمه..
جيهان بفرحه:الاسابيع ذي حافله عندنا..وناسه والله..
أم فهد بابتسامه:أشوفك مبسوطه يابنتي..
جيهان:كيف؟؟
أم فهد:يعني ببداية ملكتك براكان..كنتي مكتمه وسعادتك مو ذاك الزود..بس احين غير..
جيهان بابتسامه عريضه:مابعرف يمه..بس أحس أن بقلبي شيء..أول مره أحس فيه..
أم فهد بخوف:وش ذا؟؟
جيهان:لاتخافين..ذا الشعور غير يمه..حلو..
أم فهد بابتسامه:ليكون تحبين بس يابنت..
جيهان برفض تام:حب عاد مره وحده..لا قولي يمكن لأني تعود عليه..
أم فهد بنفس ابتسامتها:أي بعد التعود..بيصير حب..
جيهان بابتسامه حيا:لا متوقع..
أم فهد:ههههه..ياحليلك ياجيهان..والله وصرتي تحبين..
جيهان:ذا مو حب يمه صدقيني..
أم فهد:أي معليه..
جيهان بقهر:يمه ليه متصدقيني؟؟
أم فهد:أنتي شوفي نفسك بالاول..اغلب كلامك عنه..ويابنتي الحب مو عيب...طالمه تحبين زوجك..
جات بترد إلا برنه جوالها..
أم فهد تشوف المتصل:أقول ردي..أحسن لك..
جيهان بقهر:لا منيب راده..
أم فهد:وليه يابنت؟؟
جيهان:متى محب يتطمن يدق وإذا محب عاتي..خله ينقرص أحسن..
أم فهد:الله يهديكم بس..
جيهان قامت:عن أذنك يمه بروح أنام..
أم فهد:اذنك معك..
وصعدت فوق ورحت توضيت وسبيت جوالي صامت وقريت قران..
.
.
.
رنيم بالتلفون:مدري وش أقول لك يامره عمي..
أم فهد:من زمان ماشفناكم من ملكة جيهان بنتي..
رنيم بهمس:منقدر نلبي الدعوة..لان ابوي تعبان..
أم فهد:مايشوف شر إن شاء الله..
رنيم:الشر مايجيك..وأرجوا أنك ماتزعلين إزا مالبيناها..
أم فهد:أنا أزعل منكم..افا بس..أنا عارفه ظروفكم يابنتي..
رنيم بابتسامه:الله يسعدك يارب..
أم فهد:وياك يارب..أجل يلا اخليك احين..
رنيم:يلا مع السلامه..
أم فهد:بحفظ الرحمن..
وسكرت التلفون..
مرام التفت لها:وش الي منقدر نلبيها؟؟
رنيم وهي تناظر ابوها:عازمتنا عندها..وقلت لها مانقدر لان ابوي تعبان ولزوم يبا له عناية..
حنان:زين ماقلتي..
مرام قامت:بروح اجيب دواء ابوي وجايه..خلكم بجنبه..
أبو زياد سامع كلامهم بس يسوي نفسه نايم..
خنقته العبرة من كلامهم..وكيف وقوفهم بجنبه وقت الشده..لام نفسه على قسوته لهم..وخصوصا حنان..
بكى بصمت..وهو يسمعهم يتكلمون..
.
.
.
سكرت القران وانسدحت بسريرها..التفتت لجوالها وشافت 22 مكالمه..
جيهان:بل!!! منو ألي عارق جوالي بتصالاته..
وشافت المتصل..
جيهان بابتسامه:تستاهل..
ورن جوالها..
جيهان:ارد ولا اخليه يولي..ههههه.."وبتفكير"نرد وورانا..
وردت:الوو..
راكان بقهر:توا الناس تردين ياهانم..
جيهان بكل برود:وش تبي داق؟؟
راكان بحده:جيهان لاتتكلمي معي كذا سامعه..
جيهان خافت منه بس مابينت:وليه من تكون حضرتك عشان ماأكلمك كذا؟؟
راكان:والله وطال لسانك يامره..
جيهان بسخريه:وش بتسوي يعني؟؟
راكان بخبث اكثر:مهوب صاير لك خير..والكلام ألي دار بنتا قبل كم يوم انسيه وراح أسوي ألي يعجبني..
جيهان بقهر:وأنا بعد راح أسوي ألي يعجبني..ويلا فارق
وسكرت السماعه بوجهه..
راكان بذهول:والله وكبر راسها هالبنت..بس هين ياجيهان الوعد قدام..أنا اوريك منوا راكان ألي يسكر السماعه بوجهه..
كبت وجها بالمخده وهي تلوم حالها:يووه وربي أني غبيه..وبقوة بعد..وش سويت انا أحين..كنت مبسوطه لأن اتفقنا واحين راح كلامنا سودا.."وبقهر زود" أووف مني بس..
**
وجاء اليوم الموعد يوم الاربعاء..ومن ذاك اليوم ميدق علي راكان عامل حاله انه زعلان يعني..
وعلى الساعة 12:22
جهزنا اغراضنا وجيت بركب السيارة إلا..
أبو فهد:استني أنتي هنا..كلمني راكان وقال لي أنه هو ألي بيوديك..
جيهان بصدمه:عفوا!!!

يتبع...

**الكاتبة ساندرا** · 23-04-2012, 02:20 AM

رد: رواية تتعب لو معي تلعب للكاتبة ساندرا

وجاء اليوم الموعد يوم الاربعاء..ومن ذاك اليوم ميدق علي راكان عامل حاله انه زعلان يعني..
وعلى الساعة 12:22
جهزنا اغراضنا وجيت بركب السيارة إلا..
أبو فهد:استني أنتي هنا..كلمني راكان وقال لي أنه هو ألي بيوديك..
جيهان بصدمه:عفوا!!!
إلا بجيه راكان..نزل من سيارته وسلم على ابوي وعلى امي..وراحوا
التفت لي:اركبي السيارة يابنت..
جيهان بخوفك: مابا اروح معك..
راكان بحده:أنا وش قلت؟؟
جيهان جات بترجع للبيت غلا بيد راكان تمنعها
راكان بعصبيه:لما أتكلم معك ماتعطيني ظهرك..واتوقع أنك تنفذين كلامي..ويلا على السيارة..
جيهان بعناد:قلت لك ماأبا..
راكان صرخ بوجها ضرخه خلها تبكي:أنا وش قلت!!!
جيهان بين دموعها:أنزين..
وركبت السيارة ورى..
راكان بنفاذ صبر:جالسه تتمسخرين حضرتك..
جيهان بخوف:وش مسويه أنا؟؟
راكان بحده:أي بريئه ماشاء الله عليك..."وبزمره"يلا أجلسي قدام..
قامت بسرعه وجلست قدام..
راكان(ماشفتي شيء ياجيهان..وربي ماشفتي شيء..بخليك تندمين على أنك سكرتي السماعه بوجهي..هين بس)
وركب السيارة..
كنت كاتمه شهقاتي..حاولت قدر الأماكن أني ماأبين..
كنا ساكتين طوال الطريق ونزل للمحطه..
اخذت منديل ومسحت دموعي قبل لايخرب مكياجي..رفعت الشال عشان اضبط الكحل..
بنسبه لراكان..
نزلت للمحطه عشان اجيب حاجات للبحر زي مقال ليا ابوي..ميبغاني إلا أنا الي أجيب له..كان الله بالعون..بعد مخلصت..
جيت بروح للسيارة إلا وأشوف الأخت رافعه الشال عن عيونها وجالسه تكحل عيونها..والشباب قدامها وهي ولا على بالها..
ركبت لسيارة وأنا أحاول اكتم غصبي بس مقدرت..مقدرت اشوف الشباب يطالعون شيء من املاكي..
التفت لها وبكل عصبيه:انتي تبين تذبحيني..وش قاعده تسوين؟؟
جيهان قلبها صار يرقص من الخوف:يمه..بسم الله الرحمن الرحيم..
راكان مسكت زندها وشديت عليه وانا اصر باأسناني:أنتي فاكرة نفسك انك برا السعودية..
جيهان مقدر اتكتم دموعي:وش مسويه انا؟؟
راكان وهو يشد عليها زود:بريئه بسم الله عليك..رافعه الشال عن عيونك والشباب عيونهم عليك وأنتي ولا همك..
جيهان بنوحه:اه وخر يدك انت تعورني..
راكان بحده:أنا لجيب بوخر يدي منك فهو بكيفي..مو من أمرك منك "وبسخريه" أنتي..
وهد يدها بكل اشمئزاز<<هالموقف ذا ذكرني ببداية زواجي..
انقهرت منه.. ومن تصرفه لانها مكانت تقصدت ألي كان يقصده..
ولا كانت تدري عن الشباب ذول..
وشويات إلا وأحنا واصلين..
نزلت بسرعه من دون ماأقول حرف واحد..
شف امي من بعيد..من شكلها بالعباية عرفتها وطرت طيران لها..
حاولت ابين لها اني طبيعية عشان ماتخاف..
سلمت على الكل..
وكان المتواجدين..
ام راكان وروان وفاطمه وأروى وروعه وأم عبدالله وأمي..
روان بترحيب من الاعماق:ياهلا بشيخه البنات..هلا بخهونه..
جيهان تدعي الابتسامه:هلا قلبي..كيفك؟؟
روان:الحمدلله تمام.."ومسكت يدي"نروح للخيمه احلا واستر لنا..
جيهان:خيمه!!
روان:أي..توه مشاري ونايف مسوينها..
ودخلنا للخميه..
جيهان:ممكن مويا ياقلبي؟؟
روان:أي أكيد..دقايق وأنا جايه..
تعمدت أني اصرفها عشان متشوف دموعي..فتحت شنطتي وضبطت مكياجي على السريع..
روان دخلت وحطت الصحن بالارض:تعالي اجلسي يا جيهان..
جلست بالقرب منها..
روان التفت لي:ماشاء الله عليك يجيهان..جمال وربي..
جيهان بابتسامه:تسلمين ياقلبي..
روان:شوفي ياقلبي..أنا ببتدي بموضوع من دون لا لاف ولا دوران..
جيهان باهتمام:أي..
روان:انتي تعرفين أروى صح؟؟
جيهان بتفكير:اي اعرفها..علامها؟؟
روان:ذي حاولي قدر الأمكان تبتعدين عنها..أنا مخوفك ياقلبي..بس لأنك برأ العايله فصعب بالبداية يتقبلونك وبعدها بيصير كل شيء تمام..
جيهان:.........
روان كملت:ولو لاحظتي بعد..حتى أمي بعد..بس امي وأنا أعرفها طيبه وراح تتقبلك بسرعه ياقلبي..فالاتأخذين بخاطرك طيب..
جيهان بتفهم:فاهمه عليك ياقلبي..
روان تبي تغير جو الجديه شوي:اشلحي عباتك شوي عشان اشوف الزين..
قامت وشلحت عبايتها..
كانت لابسه بنطلون سكيني بلاك على تي شيرت وردي مكتوب فيه كتابات باللون الاسود..وصندل زحف وردي..وميك أب ناعم..بالتدريجات الوردي وكحل اسود داخل عيونها ورسمه بالاي لينر فوق الجفنها وعدسات زرق تزيد من جمالها..وغلوس وردي ناعم..وشعرها فاردته على أكتافها ليسترسل لأخر خصرها..
روان باعجاب:وش ذا الزين يابنت..شافك ركون ولا
جيهان(وجعله ميشوفني..مالت عليه بس..أبا الفكه منه وبس) كتمت قهرها:لا مشافني..
روان وقامت:لزوم اخلي هيجي يشوف هالزين..
جيهان باندفاع:لا مابه لزوم..
روان طلعت ولا عطت جيهان فرصه..
جيهان(وش ذا البلشه..أنا ماأبا اشوفه هالصايع..)
رفعت عباتي من الأرض وجيت بلبسها إلا......
نايف شافها ونزل عيونه على الأرض وطلع من المكان..
وكان وراه راكان وشافها..
انقهر من نظرات نايف لها..ذي ملكي أنا..محد يطالع فيها إلا أنا..أنا وبس..
اقتربت منها وأنا أحاول أكتم عصبيتي:لبسي عباتك ولاتشلحينها..
جيهان:مكنت بشلحها انا بس...
راكان قاطعها بعصبيه:أنا وش قلت لك..
جيهان لبست عبايتها..حاولت تكتم دمعتها بس..دمعتها خانتها ونزلت على خدها الناعم..
لمح راكان دمعتها مدري وصار له من شاف دمعتها..تندم على أن صارخ بوجها..هي وش ذنبها..مكانت تدري أن نايف بيجيها..وأنا على طول صراخ فيها..
راكان بتردد:ج..جيهان..
جيهان بكت زود بلا شعور..
راكان اقترب منها زود ومسك يدها بحنيه:جيهان ناظريني..
جيهان بنوحه:لاتلمسني..اهئ..اهئ..
راكان رفع وجها باطراف بيده..وشاف عيونها كيف تملئها الدموع..
بلا شعور أقترب منها زود وضمها وسط صدره..
انصدمت من حركته..
شدها بحضنه زود..
حست بشعور غريب ناحيته..مقدرت تفسره..
بنسبه لراكان..
مقدر اشوف دموعها تنزل على خدها..وانا مسببها..
اقتربت منها واحتويتها بصدري..
من ضمي لها تفجرت عندي ألف أحساس وأحساس..مكنت حاس بيه من قبل..
كان ودي تضمني زود.. ضمني لصدرك محتاج اداوي جروح عجزت اداويها..يمكن عندك أداويها يا دفئ سنين
اه ياجيهان
لو تعرفين وش بي كان عذرتيني..

نظرات كانت تراقبهم بس ماحسوا بيها.....

انته ى البارت..

**الكاتبة ساندرا** · 23-04-2012, 02:31 AM

رد: رواية تتعب لو معي تلعب للكاتبة ساندرا

غزل / عاطفه / حب / غيرة / رحمه / قهر / عذاب

شعور جديد تكون بين بطلينا راكان وجيهان؟؟

البارت القادم بيحدد موقف ريم و سعود؟؟

عطف ورحمه أبو زياد لبناته..هل بيترك له أثر؟؟أم أنه على ما يقلون
وقت الشده والهموم يعرف العبد ربه!!!!

نظرات مسسروقه و تجسس من قبل من!!! من الذي كان يراقبهم من حيث لم يحتسسبوا!!؟؟

مقدمه روايتي انتهت..
وبدت الأحداث فعلا تبتدي من البارت الخامس عشر..

احبتي كوونوا بالجوار..

بيوم الخميس كالعاده..

محبتكم/

الكاتبة ساندرا

**آكتفيت بكك** · 23-04-2012, 12:41 PM

رد: رواية تتعب لو معي تلعب للكاتبة ساندرا

غزل / عاطفه / حب / غيرة / رحمه / قهر / عذاب

شعور جديد تكون بين بطلينا راكان وجيهان؟؟

راككان بيححب جيهان , وجيههان نفس الشي

[البارت القادم بيحدد موقف ريم و سعود؟؟

ريمم بتندمم وبترججع ل سعود

عطف ورحمه أبو زياد لبناته..هل بيترك له أثر؟؟أم أنه على ما يقلون
وقت الشده والهموم يعرف العبد ربه!!!!

ايي واتوققعع بيزوججهم بس مو الححين

نظرات مسسروقه و تجسس من قبل من!!! من الذي كان يراقبهم من حيث لم يحتسسبوا!!؟؟

ي اروى ي امم راكان
اروى :بتندمم لانها رفضت راكككان وبتحاول تخليه يرجع لها
ام راكان :هفففف ي اني اككرهه هالانسسانه , نشببه اعوذ بالله منها

وشسمه ترا والله م اششتركت ف هالمنتدى الا عشان روايتكك , وعشان ابي اشجععك
اتوققع انك ععرفتيني
بالله دعععواتكك يومم الخخميس : (
ششوي وب اصصيح , بس ان شاء الله بادخخل اققرا البارت
موفققه ي نبضي , انتظركك

**نبض الوفا** · 23-04-2012, 05:40 PM

رد: رواية تتعب لو معي تلعب للكاتبة ساندرا

البارت القادم بيحدد موقف ريم و سعود؟؟
ام ريم قاهرتني

بس ان شاءالله لحداث لي بن ريم وسعود حلوه

عطف ورحمه أبو زياد لبناته..هل بيترك له أثر؟؟أم أنه على ما يقلون
وقت الشده والهموم يعرف العبد ربه!!!!
اتوقع بيكون لها اثر كبير وبيزوج حنان

نظرات مسسروقه و تجسس من قبل من!!! من الذي كان يراقبهم من حيث لم يحتسسبوا!!؟؟
من قبل ام راكان

مقدمه روايتي انتهت..
وبدت الأحداث فعلا تبتدي من البارت الخامس عشر..

احبتي كوونوا بالجوار..

بيوم الخميس كالعاده..

يلا متى يجي الخميس

**Nåjòólā** · 24-04-2012, 12:50 AM

رد: رواية تتعب لو معي تلعب للكاتبة ساندرا

السلام..
و أخيرا قريت البارتات إلي طافوووني...
أفففففففففففففففف يا انييي أكرهه جملة (((انتهى البارت)) )':

بصراحه أبداع ...الحين بتقنعيينيي ان كل هذي الأحداث ولا صار شيء بعد؟؟!!!..
أجلل الله يعيينا على الحماس الصجي... .

*التوقعات كالتالي::-
-أتوقع ريم غصين على خشمها بتفكر و ترجع حق سعوود ((العاشق الولهان))
- أما أبووو البنات.<<<بكيفي سميته ههههه
فاتوقع بيحن عليهم و يزوجهمم و بعدين أتووقع يمووت. )':
- أما النظرات المتجسسه أتوقعها من من ثلاث إشخاص إلي هم :
1) أروى .. 2) أم راكان. .. 3) نايف إلي شافها <<حسيت انه اختاري الاجابه الصحيحه ..تأثير الامتحانات
): &:

محبتج:-
نجلاء

**دفاالعاشق** · 25-04-2012, 07:32 AM

رد: رواية تتعب لو معي تلعب للكاتبة ساندرا

يالبي قلبك ياسوسو عالبارت الروعه

الشعور اللي بينهم حب وغيره

جيهان بتحب راكان وراكان بيحبها

اللي كان يسرق النظرات ام راكان الشينه

ريم بترجع لسعود

وابو زياد بيحن على بناته ويتغير بمعاملته

وبس فديتس بكره الخميس انتظرس بكل شوق

‏ ‏

‏ ‏

رواية تتعب لو معي تلعب للكاتبة ساندرا (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget