رواية يا خاطفي وين ألقى عزتي في زمان المذلة ! / كاملة

***مزون شمر*** · 13-03-2012, 08:17 AM

رد: رواية يا خاطفي وين ألقى عزتي في زمان المذلة ! / كاملة

بالقاعه
بدأ الدق والرقص والبنات واهل العريس وقرايبه بالكوشه يرقصون
سحر تدق ريم : شوفي ام سيف وبناتها كلهم
ريم تلمحهم : ايه اللي على الطاوله الورديه ..شفتهم بروح اسلم عليهم تعالي معي مابي اروح لحالي
سحر توقف وتمسك يد ريم : يالله مشينا نكسب معرفه
أتجهوا لأهل سيف
ريم كانت لابسه فستان وردي قصير ومنفوش كله تطريز بالصدر وطبقات خفيفه كان شكلها انيقه وناعمه وشعرها كله ناعم ومنسدل على أكتافها وبحركه بسيطه من قدامه بارزه ملامح وجهها الدائريه الناعمه
سحر كانت لابسه فوشي صارخ زايد بياضها بياض .. طويل والظهر كله مفتوح الى الاخير ومفتوح من فوق الركبه الى الاخير وداخل فيه اللون التفاحي
ام سيف : ياهلا بزوجة ولدي .. مشاء الله تبارك الله كل يوم تحلوي اكثر
ريم بحياء قاتل : عيونك الحلوه ياعمتي كيفك وايش اخبارك
ام سيف : من شفت وجهك الحلو صرت بخير ياعمري .. كيفك ياسحر وكيف اخواتك
سحر : الحمدلله كلنا بخير
ام سيف : مبروك زواج شوق
سحر وريم : الله يبارك فيك
ام محمد : عقبال القماري .. سكتوا بحياء
سحر : نستأذنكم الحين ياعمتي
ام سيف : تفضلوا ياحبايبي .. وساميه ترمي عليهم نظرات اشكال الوان وريم مطنشتها وسحر ترد لها النظره بعشره
ريم تدقها : شوفي مين قدامنا
سحر تتلفت : وين .. أول ماطاحت عينها عليها شهقت .. جدتي ويش جابها
ريم : اكيد تبي تشوف شوق وزواجها
سحر : الله ياخذها وكمان جايبه العايله كلها البنات وزوجة خالي وبناتها الطاوله انزحمت منهم
ريم : ويش عليك .. شوفي القاعه كيف فخمه والا الكوشه خرافيه صراحه والتصوير والسينما اللي بتنعرض خليهم يتحسرون على أنفسهم زين
سحر : انا خايفه على شوق مرة
ريم : ربك معاها لاتشيلي هم .. جاء صوت من وراهم
..: بنات .. لفوا وشافوا لينا
ريم : قلتي عندكم زواج ماراح تجين
لينا تتخصر : لاتقولون هذا زواج شوق
سحر : الا زواجها ليش تسالين
لينا تضحك وتضمهم : لان فهد يصير اخو هزاع من ابوه
ريم بصدمه : لا ." سكتت شوي.. تمزحين
لينا : والله وربي يشهد علي
سحر تبتسم : يعني انتي تصيري سلفتها
لينا تتنحنح : شفتي الدنيا دواره
ريم : والله معك حق امشي نروح نرقص ونطلع كل اللي براسنا
لينا تحمست : يالله والله فيني رقص غير طبيعي
بالكوشه دانا شافت لينا جايه مع سحر وريم
دانا : لينا تعرفينهم
لينا والبسمه ماليه وجهها : يس هذولا صديقاتي العزيزات ..
ندى : احيان الصدف حلوه
شهد : أقولك ندى البنت الحامل هذيك اللي لابسه سكري واحمر مين ؟!
دانا : قصدك اللي جالسه على اول طاوله
شهد : أيوة لافته نظري شقراء وعيونها زرقاء تهبل مرره مشاء الله
دانا : هذي تصير زوجة صديق فهد الروح بالروح وفي كمان امهات اصحابه مجتمعين على طاوله وحده لانهم يعرفون بعض من قبل
رغد : اها بس ماتوقعت المعازيم يكونوا كثار كذا
ليان : اللي بالرياض اغلبهم جايين .. غير اصحابه وامهاتهم واخواته ومعارفكم انتم يعني كنت حاسبه يكونون الناس كذا
ريم تهمس لشهد : جدتك جات وخالاتك وزوجات خوالك
شهد : الله يأخذهم لاتجيبين سيرتهم أنا رايحه لشوق
رغد : بروح معك يالله
أما هنادي وعبير بعالم ثاني من الفله والوناسه وطايقنها صحبه مع بنات عم فهد اللي تعرفوا عليهم
ريناد : ماعمرك سافرتي برا
هنادي : ياحليلك ياليتني اروح مكه وهالمره تبيني اسافر برا والله انتي تحلمين كثير
غيداء : والله ياشيخه انتي بنت خطيره ماعندك تكبر ومتواضعه تعجبني شخصيتك
هنادي : ايه كثير معجبيني فيني ويقولون متهوره وحقت أكشن
ريناد : ومين هذول
هنادي : اللي يقرون الروايه
غيداء : اي روايه؟!
هنادي : اقصد اللي يعرفوني ماعلينا يالله نطب نبي نهز الكوشه هز
عبير : يالله
هديل بطفش : اخيرا حنيتي علينا وتبين نرقص انسه عربج
هنادي : قمي قدامي ارقصي وانا برقص معك ياكسوله
هديل : اخص يالنشيطه بس غريب عليك اليوم
هنادي : اليوم الطاقه ميه الميه
حنين : اجل بنشوف ابداعاتك
هنادي : يووه بتشوفون اللي ماعمركم شفتوه يالله طبينا
البنات : طبينا <<~ ياحبي للكلمه ذي تحسستني بالحماس
::
::

***مزون شمر*** · 13-03-2012, 08:19 AM

رد: رواية يا خاطفي وين ألقى عزتي في زمان المذلة ! / كاملة

بغرفتها كانت متوتره من دخول ام ليان اللي قالت لها ان فهد بيدخل عشان يجلس شوي وبعدها يبدون التصوير بعد نص ساعه
شهد تفتح الشنطه : أهم شي الروج عشان بالصور يطلع واضح مو باهت
رغد : يالله حطي لها انا بجيب العود ابخرها فيه
شوق : لالا جابته عمتي ام سامر قبل شوي
رغد : اوكي اجل بس باقي العطر من بعيد حتى تصير ريحتك واو
شوق اتنرفزت مره وهي يادوب مستحمله : يالطيف على زنك يارغد خلصيني بسرعه شهد هاتي مويه عطشانه مره
شهد : طيب طيب هدي انتي .. واعطتها كاسة مويه
روقت اعصابها وهي تمثل عليهم الراحهةطلعوا بعد مافتحوا الباب الخلفي وكانت الغرفه كبيره مره وشوق جالسه على الكرسي باخر الغرفه
شوق كانت تطالع بيدها وتحديدا بالدبله اللي بأصابعها كانت تتأملها وسرحانه فيها وقلبها دقاته كأنها طبل من شده خوفها وتوترها ( اليى متى بعيش كذا هذي اولها الله يستر من تاليها أكرهك يافهد أكرهك بكل مافيك حتى زواجك مني كان بالغصب غصبتني على أشياء كثيره أخذت مني كل شي بالغصب .. من أي طينه أنت ليش ماتحس فيني وبألمي اللي كلها بسببك والحين بيكون سببها لاني معاك اه رحماك يا الله )
غمضت عيونها بقوه ولفتره أخذت نفس طوويل مره وحست بريحة عطر رجالي قوي أنتشر مع كل جزئ اوكسجين بالغرفه فتحت عيونها وشافته واقف جنبها ماحست بدخوله ولا بحركاته بدأ صدرها يرتفع وينخفض بشكل واضح خوفها بزياده لانها شافته فجاءه تعلقت عيونها فيه ومارمشت أبدا
طالعها بنظره أعجاب وأبتسامه رضا كانت كالملاك بفستانها الأبيض .. طاهره ,نقيه, وصافيه كالثلج أسرت عيونه بسحرها وجمالها الخرافي .. علامات الجمال مرتسمه على وجهها الباسم بأبتسامه أستغربتها وبنبره ما سمعتها من قبل قال :مبروك
سكتت ماتبي ترد عليه يبارك لها وهو يدري انها موافقه وبالغصب كمان حتى تحافظ على حلم عمها ضحت بباقي عمرها واختارت انها تعيش معه رغم علمها بأن السعاده لن يكون لها حيزا ولا متنفسا في حياتهم
وقف قبالها وطبع بوسه هاديه ورقيقه على جبينها التذعت من لمسته الخفيفه لها زاد توترها وأرتباكها وكذلك خوفها منهةمتأكده ان هدوئه يسبق عاصفته القادمه جلست جنبها بثقه وعزة .. هيبته طاغيه على كل شي فيه .. شخصيته القويه مرتسمه على أنحناءات وجهه رجولته متمحوره على هيكله الخارجي
وسامته وجاذبيته الاسره لا ترها لانها مشوهه في نظرها كان بأجمل حالته بثوبه ومشلحه وشماغه
وهو جالس جنبها كان الفرق واضح بين طوله وجسمه الرياضي العضلي وجسمها القريب للقصر ونعومتها ..
شوق ( ويش هالجسم توي انتبه له وربي أني مثل النمله عنده بأصبع يطيرني .. هذا كيف اقاومه ياربي ويش البلوى اللي ابتليت فيها )
قرر يكسر الصمت : ليش ساكته
شوق : ماظن في شي يستاهل أتكلم معك فيه
فهد أبتسم على جنب : الأيام جايه وبنلاقي اللي نسولف يه
شوق تلف عنه : طيب لو سمحت لاتتكلم لان صوتك ينرفزني
فهد : وانتي شوفتك توترني
شوق : احلى بشاره والله
دخلت ندى بعد مادقت الباب
ندى تسلم على فهد وشوق : الف مبروك
فهد : الله يبارك فيك عقبالك
ندى تغمز له : على يدك زوجني
فهد : أبشري عريسك جاهز
شوق تطالعه بنظرات احتقار ( ياثقل دمك على قلبي اووف منك )
ندى : يالله أتركم الحين عشان ام ليان كلمت المصوره اللي انت قلت لها عليها
فهد يجلس على كرسيه : زين زين أذا وصلت خليها تجي سيدا هنا
شوق ( أي مصوره ؟ هذا مصدق نفسه" حست بقهر وفضول يقتلها كلامه كله الغاز فضلت السكوت وجلست جنبه )
طلعت ندى وتركتهم لحالهم وكل واحد ناره تأكل صدره من جهه لف عليها وقال بصوت رايق
فهد : اعطيني كأس مويه من على الطاوله
لفت عليه بعفويه وطيرت عيونها فيه وقال بنبره حاده : أشتغل عندك أنا دور أحد غيري يخدمك ياسي السيد
فهد يضحك : طيب لا تعصبين لازم تكوني ريلاكس قدام أخواتي والمصوره
شوق بكره : لاتتفلسف علي
دخلت أم رياض ومعها المصوره
ام رياض تسلم على فهد وتبارك له ولشوق
فهد : الله يبارك فيك ياخالتي
ام رياض تتفحص شوق : مشاء الله قمر عروستك يافهد
فهد يطالع شوق ويمسك يدها ويستغل حياها من ام رياض : ايه ياخالتي الله يخليها لي
ام رياض تضحك : امين يارب تتهنون مع بعض
شوق تضغط على يده بقوه تحاول تخليه يترك يدها : امين ياخالتي
ام رياض : الله الله بفهد ياشوقه حطيه بعيونك هذا مثل عيالي واغلى بعد
طالع بشوق وهو ينتظر ردها وتحولت ملامحها للون الاحمر الحاد من كلمة ام رياض نزلت راسها وهي ترد عليها بصوت خافت وخجول
شوق : ان شاء الله بعيوني .. وبداخلها تتوعده وتكرهه كره الويل حست بنظرات انتصاره عليها وشماتته وهو يضحك على شكلها
ام رياض تتوجه للباب : اخليكم تتصورون على راحتكم
فهد : لا أوصيك ياخالتي تشيكين على كل شي وتشرفين عليه
ام رياض : ابشر وأنا أمك لاتوصي حريص .. وطلعت وقفلت الباب وراها
فهد يطالعها بنظرات غريبه : بعيونك هاه
شوق : لاتأخذ بنفسك مقلب مجرد مجامله لخالتك
فهد يقلب عيونه : ايه مره صدقتك داري ان نفسك تموتيني
شوق : الحمدلله عارف قدرك عندي .. جات المصوره بعد ما جهزت الخلفيه البيضاء
المصوره : يالله ياعروسه نأخذ لك صوره لوحدك
::
::

::

***مزون شمر*** · 13-03-2012, 08:20 AM

رد: رواية يا خاطفي وين ألقى عزتي في زمان المذلة ! / كاملة

شهد تطالع رغد بنص عين : مصدقه ان أهله بيجون
رغد بخيبة أمل : والله قالي وارسلت له مسج وقال ايه
شهد توقف : روحي معي أشرب مويه بدل جلستك لحالك
رغد توقف : يالله نروح
وهم ماشين بالممر الزجاجي شافت بنت تأشر لهم
رغد كانت لابسه فستان طويل ناعم وفيه فيونكه تحت صدرها لونه أبيض وسكري وذيل طويل من ورى ومن قدام ماسك وكانت بارزه أنوثتها وجمالها الرباني
شهد كانت لابسه فستان احمر توتي طويل عاري مره وضيق والطاغي عليها جمال ملامحها الحاده
شهد : هلا حبيبتي
البنت : لو سمحتي تعرفين وحده اسمها رغد تقرب للعروس
رغد فتحت عيونها : أنا رغد ياحلوة تامرين بشي
البنت : أنا نوره أخت عبدالله
رغد شخصت عيونها فيها وأبتسمت لها وسلمت عليها وباستها على خدها : هلا حبيبتي كيفك ويش اخبارك
نوره : بخير عساك بخير أنتي كيفك عسى ماتعبتي
رغد تحرك شعرها بدلع : لاتعب ولا شي طمنيني عنك
نوره : الحمدلله بخير سلمي على امي .. وأشرت على امها وسلمت عليها وباست راسها
ام عبدالله : ياحبيبتي ويش اخبارك .. جلست جنبها وهي تبوس يدها
رغد : بخير ياخالتي انتي ويش اخبارك عساك بخير
ام عبدالله : بخير يابنيتي .. مبروك ماسويتوا
رغد : الله يبارك فيك عقبال نوره واخوانها
ام عبدالله تمسك يدها : عقبالك يايمه مع وليدي يانك دخلتي قليبي وارتحت لك
رغد حمرت خدودها من كلام خالتها وأبتسمت بحيا : بحياتك ياخالتي الله يخليك لهم ولايحرمهم منك يارب
شهد ميته ضحك على شكل رغد اللي خجول وهي تبوس خالتها ( من الحين الرضا يارغيد والله طلعتي على حقيقتك تبين رضاها عليك هههه واي على شكلك يضحك )
رغد تغمز لشهد : تعالي سلمي على خالتي .. سلمت شهد على ام عبدالله وجلسوا معها شوي

حط يده البارده ورى ظهرها العاري وقرب شفايفه من خدها الوردي توترت من قربه لها ولمسته اللي قشعرت جسمها انفاسهم مختلطه حس بلفحت أنفاسها الحاره اللي حرقتع بحرارتها حطت عينها بعينه ولقته مركز نظره عليها تلاقت عيونهم كانت نظراته تعبر عن شتاتها وخوفها وعذابها بقربه كانت نظراته حاده وشرسه وحارقه
المصوره : ولا حركه ..وأخذت لهم لقطة بعدت عنه وهي تأخذ لها نفس طويل بعد توترها منه
رجعت لهم وطلبت منها تطبع بوسه على خده لكنها رفضت وبشده
المصوره : هو جوزك لا تستحي
شوق : عارفه بس لاتطلبين حركات جريئه مني
فهد ضحك : بوسه تسمينها جرائه .. دعست على رجله بكعبها حس بالالم لكنه كبت صرخته وطالعه بنظره صاروخيه لكنها ظربت بعرضها الحائط وطنشته ومشت الي براسها بعد محاولات أقناعها وطلب المصوره منها التجاوب أخذت كم صوره عاديه جدا لهم مع بعض وتركتهم لحالهم
فهد بنظرات ناريه : ماراح اعدي لك أي شي سويتيه
شوق بعناد حطت عينها بعينه : لا تعديها ترى مابتخوفني بتهديداتك الغبيه
فهد رفع حاجبه وبحده قال لها : لا تستعجلين على رزقك بتأخذين اللي فيه النصيب
شوق تصد عنه وتعطيه ظهرها ونفخت بقوه : أووف
طنشها وشرب من العصير اللي بالكاسه وهي تطالعه بكره وحقد نفسها تميحه عن الوجود كلها غل وبغض لشخصه
::
::
بالكوشه
بنت عمة فهد : ويش اسمك انتي
ريم : أنا ريم
..: ايوة ريم اخت العروسه
ريم : يب اختها
دانا : تعالي لمياء معي نسولف على جنب ابيك بسالفه
لمياء : طيب يالله
ريم ( ياسمجها ذي الادميه تجيب المرض بكلامها ونبرتها ووع ) : أقول لينا تعرفيها ذي
لينا تهز راسها وهي تشرب عصير : يس يس اعرفها تصير بنت عمة ندى
سحر : أقولكم .. بروح لشوقه ماشفتها اليوم مره كيف شكلها وهي عروس بسم عليها
ريم : يالله طيب نروح لها صراحة احس اني بفقدها
سحر ودموعها بعينها بس تقاومه : اجلي المناحه بعد الزواج عشان نبكي براحه حتى لو تلخبط الميك اب
ريم تدفها : قومي يالله نروح لها

***مزون شمر*** · 13-03-2012, 08:23 AM

رد: رواية يا خاطفي وين ألقى عزتي في زمان المذلة ! / كاملة

الساعه 12:22
كانت لحالها بالغرفه بعد التصوير رجع لقسم الرجال يستقبل المعازيم من كبار الشخصيات اللي يعرفونهم كانت تراجع نفسها وحساباتها وتخطط لكل خطوه تنوي عملها معاه قطع تفكيرها دخول البنات اللي جلسوا شوي معها يسولفون ويبعدون عنها الربكه والخوف

جاء موعد الزفه الساعه 1:40

مسك يدها وأنفتح باب من غرفتهم الكبيره الى غرفه ابهرتها طاوله ذهبيه كبيره والجاتوه على شكل طبقات وبالاعلى صورتها وصورة فهد يوم الملكه أنصدمت من الفخامه الموجوده وما أنتبهت للي تصور بكاميرة الفيديو وقفوا قبال الطاوله ومسكوا سكين الكيك الذهبيه وقطعوا الكيك ببطئ

همس بأذنه : حاسبي على حركاتك ترى في كاميرا تصور والناس بالقاعه يشوفونا

أول ماسمعت كلامته خافت وأرتجفت بشكل غير طبيعي

شوق : لا تسوي حركه تنحسب عليك

فهد يهمس لها بحده : امشي حتى نروح ونكمل الزفه لا تستفزيني

كملت معه وهي ساكته ولا تقاوم بأي كلمه حتى ما تسوي شي قدام الناس .. طلعوا عند الدرج المعزول عن الكل وصوت الزغاريط والموسيقى الكلاسيكه تعج بالقاعه كسى القاعه الظلام عدا اضاءات الشموع الخافته وروائحه العطريه الساحره اللي أنتشرت مع الاوكسجين تسلط الضوء على المكان اللي يطلعون معه .. وأنفتحت الستاره البيضاء ..

وطلع وهو ماسك يدها بهدوء وقفوا جنب بعض بدت الأغاني يرتفع صوتها والأضواء مسلطه على أبطال الحفل

شوق & فهد

طلعت بفستانها الابيض الامع كان ماسك على صدرها ومن تحت صدرها الى أخر خصرها شفاف ومطرز بكرستالات تعكس الاضاءه عليها وتلمع .. والظهر من ورى كله فاتح بالوسط فيه شريطتين على شكل ورده صغيره والفستان منفوش وذيله وراها .. كان شعرها لونه بني منفوخ من فوق ومنزله خصل على وجهها طويله على جنب .. وشعرها كله ملفلف ونازل من ورى شوي الى حد رقبتها والطرحه مدخله بطريقه غريبه وهاديه على شكل ورده كبيره من الخلف والشعر حولها بخصل طويله وقصيره عشوائيه ...طويله تسحب وراها وميك أب متداخله الالوان الفوشيه مع الاسود والرمادي ومسكتها على شكل كره كبيره نازل من سلاسل كرستاليه مليانه ورد وعليها صور شبكتها

؛؛

اما هو كان كاشخ كشخه نجديه بطوله وشموخه وهيبته مسوي دقن أمارتيه ودامج معها سكسوكه مبينه ملامحه الحاده القتاله... بسماره وبشرته البرونزي .. واقف جنبها مثل الأمير بطلته ونظراته السهميه لف يدها اليمين على يده وشبك أصابعه بأصابعها مسكت نفسها لا تصرخ عليه .. كانت يدها باردة زي الثلج وخفت برودتها بعد ماحطها بكفه الدافيه بلعت ريقها وهي تحس بشعور غريب ومشاعر متضاربه .. مشوا خطوتين بطيئه ووقفوا عند الدرج اللي مربوط بشريط ابيض وورده بالوسط وجنبه تحفه اسطوانيه وفوقها صدفها زجاجيه وداخلها ورد وردي ومقص وولاعه .. لف عليها وقابلها وأشر لها بأصباعه وبدلوا مكان الدبل .. وقلبها شوي ويوقف بين ضلوعها والكل يراقب مسرحيتهم الفاخره برومنسيه وحالميه وأمامهم امراء حفلهم .. مسك المقص وشاركته بمسكه وقصوا الشريط . نزلوا على الممر الشفاف والاضاءه من تحتهم ورحة العود والبخور امتلت بالقاعه .. مشوا ببطئ الى أن وصلوا للكوشه وفيها بالوسط دائره وقفوا عليها وهي تدور فيهم حتى يشوفونهم كل المعازيم بجميع الجهات

ريم ودمعتها على خدها : بسم الله عليها تهبل زي الملاك بالفستان الابيض

ندى : عيني عليها بارده لا اله الالله تجنن

ليان تهمس لدانا : ماتوقعتها بالجمال هذا صدق ماتعرفين توصفين

دانا : ويش رايك فيها ؟!

ليان : صراحه حطمت توقعاتي الحين تلاقين زوجة رياض طاقه من الغيره

دانا : احس حتى تعرف ان في احلى واجمل منها اشيفه عمرها علينا بجمالها

ليان : اووش خليني اركز .. يابنت خالك خرت علومه خخخ

دانا : والله ما ألومه من الزين اللي جنبه ..

بالجهه المقابله

جدتها : قطع هالمخطوفه ماخذه له مزيون

هيفاء : ادعي لها يمه حرام عليك البنت ماتستاهل والحمدلله ان ربي عوضها

هند بقهر وحسد : ويش لاقي فيها الخبل .. الله لايبلانا من زينها شوفيها كيف تفجع

هيفاء : حرام عليكم .. اعوذ بالله منكم .. تحسدون بنت اختكم اليتيمه

صفية زوجة ابو سعد : هذي يتيمه حنا اليتامى .. ماخذه لها ولد شباب وغني وكل الزين فيه ويش تبي اكثر من كذا .. ضحكت لها الدنيا بنت الفقر .. ياليته يدري عن حالتها اول بنت الفقر

عند عماتها ومها

هديل تبكي : يمه ماني مصدقه ان شوق بتروح عنا

حنين نزلت عيونها هي وخلود : يمه ويش بيصير ببنات خوالي

ام سامر : خلاص لاتقلبونها مناحه البنت بتروح مع زوجها وبتشوف حياتها الى متى بتعيش مع اخواتها

مها بحزن وهي ماسكه نفسها : بنفقدها كيف بتكون حياتنا من بعدها ..

جات ستي بعباية رغد وشهد اللي جالسين بجنب مظلم حتى محد يلمحهم

رغد ضامه شهد اللي كابته دموعه : شوي مها راحت ولا بكينا

شهد تدفن نفسها بحضن رغد : خايفه عليها أختي واعرفها ضعيفه

رغد : شوفي زواجها كيف .. أن شاء الله مايقصر عليها ويحطها بعيونها

شهد من قلب : يارب

جلسوا على الكرسي وتصوروا مع بعض وبحركات حلوه لكن شوق ماقدرت تعارض أبدا خصوصا ان بالها بمكان ثاني بعد ماخلصوا من الزفه وجلسوا على الكوشه جات ندى ودانا وليان وسلموا عليهم ورقصوا على طلب خاص منهم مع أمهاتهم وام رياض ومريم زوجة رياض ..

:::

***مزون شمر*** · 13-03-2012, 08:25 AM

رد: رواية يا خاطفي وين ألقى عزتي في زمان المذلة ! / كاملة

جوا اخوات شوق وعماتها وبنات عماتها متلثمين وسلموا عليها وعلى فهد
هنادي بقوة عين : فهيدان حط بالك على شوق ترى نبيها
فهد ضحك ومسك يد شوق باسها : شوق بعيوني لاتوصوني عليها
ام خلود : يا يمه يافهد ماتحتاج وصايه بنتنا أمانه عندك
مها : وخلها تزورنا ترى مانستغني عنها
فهد : ابشروا من عيوني .. كل شهر بجيبهها لكم ..
جات شهد ووقفت لها شوق وحطت المسكه على الكرسي وضمت شوق وجلست تبكي على كتفها وطاحت لثمتها وهي تشهق وتبكي ماتبي تبعد عن شوق وضمتها سمر من الجهه الثانيه وجلست تبكي اكثر من شهد
شوق تحاول تهديهم وهي ماسكه نفسها : خلاص حبايبي .. ليش تبكون بدال ماتفرحون لي
شهد تبعد عنها وتمسح خدودها اللي ساح عليها الكحل : بتروحين ياشوق مين يصحينا ويهتم فينا .. بتتركين فراغ كبير محد بيسده أبدا
شوق : ياعمري ياشهد انتم كبرتم وصرتم بطولي وتعتمدون على انفسكم
سحر تبعد هم وعيونها حمراء : انتي امنا ياشوق ربيتينا كلنا .. بفقد امي مرتين .. مره بموتها ومره بفراقك .. أخذتها شوق بحضنها وجلست تبكي معاهم .. قام فهد ومشى خطوتين ولحقته أخته
ام دانا : وين رايح يافهد
فهد منزل راسه بالارض : بطلع استنى شوق برا خليها مع اهلها شوي اخواتها منهارات
ام دانا تمسك يده وتطلع معه حتى تشوف له الطريق الى ماطلع برا

ام خلود تسحب شوق من بين اخواتها وبنات عمها : يالله عريسك ينتظرك برا تأخرتي عليه
تأملت القاعه مابقى فيها غير اهلها واهل فهد .. مشت مع عمتها والبنات وراها تسمع أصوات بكاهم وشهقاتهم دخلت الغرفه ولبسوها عماتها عبايتها وغطوها
شوق وهي قريبه من الباب : بنات لاتتركوني تعالوا لي بالفندق
كلهم بصوت : بنجيك
شهد ماسكه مشاري بحضنها ومشت معها للباب : شوق نحبك ياشوق
شوق : وأنا كمان والله احبكم راح افقدكم .. مها روحي معاهم للبيت لاتتركيهم لوحدهم
مها تمسح دموعها : أبشري بروح معهم
رغد : أنتبهي لنفسك ياشوقه .. أي شي تحتاجينه كلمينا
شوق : اهم شي تعالوا لي لاتتركوني لحالي
عمتها تفتح الباب وهي تطلعها : يالله ياشوق .. عمك اقلقني يقول تأخرتي
شوق تطلع مع الباب وتشوف السياره اللكزس مشرعه من أولها الى اخرها ولونها ابيض وتشريعتها جنان
فتح لها بندر الباب ودخلت بعد محاولات قاسيه لدخول فستانها للداخل السياره .. تحركت فيهم السياره وهو جالس جنبها وصوت الميوزك الخفيف طاغي على الجو الساكن داخل السياره
قلبها يرجف داخلها كيانها أمتلى زلازل وبراكين مابينه وبينها الى فاصل بسيط مسافه لاتقل عن عشرات السانتميترات .. وصلوا لافخم فنادق المدينه ( المدينه هليتون ) اللي يطل على الساحه الرئيسيه للحرم ويطل على بوابه الملك فهد وهي البوابه الرئيسيه للحرم .. نزل سواقهم وفتح لها الباب وجاء سلطان مدير أعمال فهد وفتح له الباب
فهد : مشكور ياسلطان
سلطان : الف مبروك ياطويل العمر .. أي شي تبيه كلمني على طول
فهد : ان شاء الله لاتنسى اللي وصيتك فيه
سلطان : لاتخاف ياطويل العمر ان شاء الله بالوقت اللي حددته يكون موجود
فهد : مشكور .. توجه للباب اللي كانت تنزل منه شوق وساعدها لان فستانها مضايقها مسك يدها ودخلوا مع البوابه الكبيره الراقيه وأنتبهوا لهم كل الزوار والمعتمرين اللي جالسين بصالة الأستقبال وهم يبتسمون على أشكالهم الحلوه ووراها السواق اللي يشيل لها الذيل الطويل .. دخلوا بالانصنصير لحالهم وطلعوا لجناحهم الخاص فيهم .. مسك البطاقه ودخلها في المكان المخصص لها وأنفتح الباب تلقائي .. فتحه لها على كبره ودخلت لداخل الجناح .. قفل الباب ومشى وراها .. نزلت عبايتها وطرحتها وجلست على الأريكه الفخمه جلس قبالها وهو يتأمل وجهها الملائكي .. رفعت وجهها وتلاقت عينها بعينه نزلت دموعها بغزاره وماقدرت تكبت شهقاتها أكثر وهي تتذكر خواتها غطت وجهها بكفوفها وأنهارت بالبكاء .. سحب شماغه وحطه على الطاوله جنب الحوض الدائري الصغير اللي موجود فيه ورد وأسماك ومنظرها يجنن ..
فهد ببرود : خايفه !!
مسحت دموعها وأحتاس وجهها وأنعدم الميك اب .. وقفت وراحت للغرفه شافت الغرفه اللي مجهزينها للعرسان السرير لونه احمر وعلى اطرافه ورد أبيض وريحة العطور ترد الروح شافت السله الخشبيه اللي مجهزينها رغد وشهد لما رتبوا ملابسها بالدولاب وفوقها المنشفه ولوشن جسمها والشامبو وباقي اغراضها اللي تحتاجها .. سكرت الباب وهي مقهوره ماله مفتاح يعني ببطاقة الجناح يفتح الباب نزلت فستانها وعلقته على جنب واخذت المنشفه ولفتها على جسمها وأنصدمت لما شافت الروب الفوشي القصير المجهز مع الاغراض وكمان اللي تكره بالذات .. فتحت دولابها وهي تسب وتلعن بالبنات وثقت فيهم وهم متقصدين يحطون كل شي قصير وعاري لها
شوق بعصبيه : غبيات .. على بالهم زي أي عروس .. أأأخ بس لو تطيحون بين يدي
حمر وجهها من القهر سحبت سلتها ودخلت الحمام وأنتم بكرامه حتى تأخذ لها شور طويل
ببيت ابو مها
كلهم يبكون عليها البيت ماله حلى بدونها وبدون حسها
مها تهديهم : كل وحده فيكم هذا مصيرها .. المفروض تفرحون
رغد تبكي وتشرب مويه : بس شوق كيف بنعيش بدونها البيت مثل المقبره بدونها .. فاقد حسها وصوتها
سحر : بنفقد القران بصوتها وخشوعها .. وأذكارها كل صباح ومساء
شهد منهاره مره : انت تعبت لا أم ولا أخت شفت العذاب مرتين
مها تضمها لصدرها : هونيها ياقلبي اهم شي سعادتها مع زوجها أدعو لها
الكل : الله يوفقها
هنادي ماسكه نفسها لاتبكي وتكابر على نفسها : يالله عاد زودناها .. شفتوا فهد يوم باس يدها بعد مابدلوا الدبل
سحر : يس والله فطست ضحك
تغير جوهم وقاموا يحكون بعض عن اللي سمعوا واللي شافوا
سمر : سمعت وحدها تقول الولد مزيون وهي مزيونه اجل عيالهم ايش يطلعون
شهد تضحك من بين دموعها : يطلعون زيي
هنادي : أعوذ بالله عشان تنتحر شوق .. ويش تبي فيك يطلعون عليك
شهد : تبوس يدها وجه وقفى اذا طلعوا علي صح مهاوي
مها تحط يدها على بطنها : واللي ببطني تتوقعون يطلع على مين
رغد بضحكه رجتهم : يطلع على جلالي خخخ
مها كشرت : تحلمين انتي .. بيطلع قمر زي امه
هنادي تطالعها بنص عين : قمر .. قصدك بقر زي امهم ههههههههاي
مها : اقول انا ويش مسويه لكم تكرهوني .. لو أني رايحه لبيتي اكرم لي من تريقتكم فيني
ريم : خليك واثقه من نفسك يالبطه مو أي شي يهزك
مها : على قولتك اصلا هناديوه عياله بيطلعون مصارعين وقطاعين طرق
هنادي تمد لسانها : مناك بس تحلمين
شهد تبوس مشاري : شوفوا المزيون ذا اروح ملح على عيونه وضحكته
رغد : ترى بزوجه بنتي مو تسحبين علينا ..
شهد تصرفها : طيب طيب نشوف عاد اذا ميشو يبيها بنزوجهم واذا مايبيها بكيفه اهم شي راحته
رغد تكشر : هين ياشهيد انتي وولدك خليه ينفعك
:::
:::

:::

***مزون شمر*** · 13-03-2012, 08:26 AM

رد: رواية يا خاطفي وين ألقى عزتي في زمان المذلة ! / كاملة

طلعت من الحمام وهي تنشف شعرها الطويل لما طلعت شافته واقف عند باب الدولاب ويلبس بلوزة البجامه حقته اول ماحس بوجودها وراه لف عليها
وهو يطالعها من فوق لتحت خافت من نظرته وطنشته وهي تتجه للمرايا أخذت الفرشه وصارت تمشط شعرها وتحرك للكرسي اللي تحت الشباك وجلس وترك بلوزته مفتوحه وماقفل ازاريره كانت واقفه قباله والمسافه شاسعه بينهم ركزت على شعرها وهي تمشطه وحست بعيونه تأكلها أكل
خصوصا ان قميصها قصير لنص الفخذ ولونه لايق عليها ومعطيها انوثه وزايد سحرها
اتوترت بداخلها سرت حراره بجسمها من نظراته لها بان الارتباك والخوف عليها نظراته الحاره اربكتها وزادت براكين كرهها له انقهرت من خواتها وتفكيرهم الغبي
شوق ( حسبي الله عليكم ياشهد ورغد انا الغلطانه اللي سلمتكم الخيط والمخيط .. وهذا بعد عيونه اربع اربع وجع يوجع بطنه ماينزل عينه الله ياخذه اكررررررررهك يافهد نفسي اذبحك وافقع عيونك هذي )
من كثر توترها صارت تهز رجلها بقوه تركت شعرها سايح على وجهها وحطت طوق فوشي على شعرها ماحست بنفسها الى تحط روج وردي وكحل وبالها مو باللي تسويه بالها مع فهد اللي ملعق عيونه عليها وماينزلها حتى لما يلمحها تميل فمها بتضجر

فهد

لما طلعت من الحمام بخفه ماحسيت فيها ابدا لما شافتني البس وقفت بمكانها وحسيت بحركه وراي لفت وشفتها بأبهى صوره على طبيعتها بدون أي مكملات جماليه
كانت بعيونها نظرات صدمها وهي تشوفني موجود بنفس الغرفه .. كنت ابي اطفشها بالكلام لكن لما طاحت عيني عليها بجمالها الرباني غيرت رائي
خصوصا انها كانت تبكي على خواتها وباين انها خايفه مني ومن نظراتي لها .. مشت للمرايا وعيوني متعلقه فيها ماني قادر اتحكم بعيوني .. كانها سحرتني بنعومتها وسحرها وعيونهها الواسعه اللي شبكتني جلست على الكرسي وانا اتاملها وهي تسرح شعرها بهدوء وكانها متوتره من وجودي
طنشت وتقصدت اني اطالعها حتى اوترها بزياده اللون الفوشي زايد بياضها وجاذبيتها لكن مانسيت انها طاهره من الخارج فقط .. لكن من الداخل فهي نجسه
كل شي فيها مجرد خدعه للنظر جمالها رقتها كلامها كلها اسلحه تساعدها في حربها معي .. لكن رغم كل شي فيها لازالت ابغضها واكرها .. وبحقق هدفي من زواجي منها وهو المتعه بس ..

متعه × عذاب × شبه حياه ..

راح ادفعها ثمن كل جرح بصدري وكل جرح بروحي ..
شكلها طفولي رغم عمرها فيها براءه تحسسني بالذنب انا عديم الاحساس معها احس بالذنب وأحس برغبه الانتقام .. لكن انتقام من نوع ثاني .. انتقام ممتع لي وعذاب بالنسبه لها .. قررت أكلمها واجس نبضها
قلت لها ببرود قاتل : شوق
شوق بمثل بروده : نعم .. ويش تبي مني
فهد بأبتسامة خبث : ترى أذن الفجر
شوق مشت لأتجاهه وهي تطالعه بتفحص ولأول مره تتأمل شكله... بشعره الطويل الي نص رقبته وبشكل عشوائي وعيونه السوادء الجارحه وصدره المفتوحه وعضلاته البرونزيه البارزه تعلقت عيونه فيها يتنظر ردة فعلها .. سحبت السجاده من وراه لانه مانتبهه انها وراه وأخذت عبايتها وفرشت سجادتها وبدت تصلي
حط يده على دقنه وهو يطالعها .. وقام وراح للصاله ينتظر تخلص صلاتها
بعد ربع ساعه رجع للغرفه كانت توها شايله السجاده طبقتها وحطتها على الكرسي وهي تشوف الطاوله اللي عليها شموع .. طفى الأنوار كلها وشغل الابجورات .. لفت عليه بصدمه وتجمدت بمكانها وطيرت عيونها فيه
مسك يدها وسحبها وهي تطالعه بأستغراب
شوق تسحب يدها : هيه هيه .. ويش تبي
فهد يلف يده على خصرها ويطالعها بعيون شرانيه : هذا سؤال تسئله عروس لعريسها
شوق تدفه عنها : فهد لاتقرب مني ترى وربي مايصير لك شي طيب
دفها على الجدار ولزق فيها : ويش بتسوين يعني بتضربيني
شوق خافت منه ونزلت دموعها وهي تضربه على رجله : قلت لك بعد عني بع....
فهد يحط يده على فمها : لاتصارخين .. لاني ماراح ارحمك لو تموتين قدامي .. وسحبها بقوووه
شوق تعارضه وتحاول تحرر نفسها منه : اتررركني
فهد بنظرات شرسه : ترحمي على عمرك

؛؛؛
؛؛
؛

وبدأت حرب الأنتقام .. ونار أحرقت قلوب الأبطال ..

حرقه والم وعذاب .. ومسيره من الألم ستبدأ رحلتها من هذه اللحظات

وهاهو [القلب الحجري].. ماذا سيتفنن بتعذيبها ؟!

وهي تلك الملاك] ماذا ستعاني معاه ؟!

رغد& عبدالله وقصته قدر لها النجاح ..ماهي بداية مطافهم ؟!

***مزون شمر*** · 13-03-2012, 08:34 AM

رد: رواية يا خاطفي وين ألقى عزتي في زمان المذلة ! / كاملة

البارت العشرون

يا ( مكان |
هو وعدني
ب ( ان !
دايم ينتظرني
. . . * مثل ما أنا وعدت اني برجع ل و اححححح ن
( لي ؟
| خيب |
هقوتي في , وطعني

تسمع إنت ششش لون ها الطع ن تئن

صباحية الزواج
صحوا البنات كلهم وجلسوا بالصاله
جلست بتأفف : دايم شوق تهاوشني عشان أكل
رغد تطالع البنات : مين اللي يسوون فطور اليوم
ريم : بليز انا بثالث فكوني من شغل البيت
شهد تشرب ميشو الحليب : اقول من اليوم بنسوي جدول شوق اللي تكرف وتغسل وتطبخ راحت ياحلوين
دخلت مها وبيدها ورقه مرتبه الاشغال بين البنات : يالله شوفوا الجدول وينطبق من اليوم بدون اعتراض سامعين
هنادي تهز راسها : ياربي .. من اليوم
مها تعطي رغد الورقه : يالله شوفوه بروح اسوي قهوة لأبوي واجهز فطوره
سحر : والله ضعنا بدون شوق هذا وماصار 24 ساعه على روحتها
سمر تروح للمطبخ : ظلم ليش انا اول يوم
ريم : ارضي يالله مافي اعتراض
شهد تنوم مشاري وتوقف : اللي عندها ملابس تبيني اغسلها تقوم تحطها عند سلة الغسيل ماراح اركض وراكم سامعين
سحر تميل فمها : من الحين الدكتاتوريه
شهد تتخصر : على بالكم انا زي شوق ببالي طويل واترجاكم ترجي انا اغسل الملابس يوميا اللي عندها شي هي تجيبه لكن انا امشي وراكم تحلمون
هنادي : طيب الله يرجك
رغد : وانا علي الطبخ تعرفوني احب الطبخ
ريم : وانا الكنس وتمسيح السيراميك
هنادي: وانا اجازة طول العمر خخخخخ
سحر : تحلمين انتي نطلع لك شغله
رغد تفكر : اممم انا اقولك انتي مسئوله عن نظافه الجدار والتحف والمرايا كل يوم تمسحينها حتى ماتغبر
هنادي : يالطيف هذا شغل يومي لنا كلنا
ريم : ايه ويش على بالك انتي
هنادي شوي وتبكي : وكانت شواقه تسويه ولحالها صدق احنا مفتريات
رغد : زمن الدلع ولى وراح ... دخل ابوهم وهو جاي من المسجد
ابو مها : السلام عليكم
الكل : وعليكم السلام
ابو مها : ويش فيكم اصواتكم لاخر البيت
سحر : والله يايبه اننا نقسم شغل البيت بيننا
ابو مها : وين قهوتي وفطوري .. " سكت شوي بعدها قال ".. يوم شوق في اجي القى الصينيه جاهزة قدامي
هنادي تبتسم : كلنا كنا مدلعين الحين مافي دلع شكلك يايبه من اليوم بتدخل المطبخ خخخخخ
ابو مها : ماهي بعيده والله يابنتي .. بس عندي بنات سنعات صح والا انا غلطان
كلهم صاروا يطالعون ببعض ونفسهم يتشققون من الضحك : ايه صح
ابو مها وهو يحمسهم : طيب يالله ابي فطور يشبع كل شي بالمطبخ حطوه
رغد وشهد يروحون للمطبخ : من عيوننا
ابو مها يطالع بمشاري : يازينه وهو نايم .. من زمان ماشفت اطفال
ريم : يبه انت تحبه زينا يعني
ابو مها : والله انه اغلى منكم عندي .. دخل قلبي الله يسامح امه وابوه اللي تركوه
سحر : اي والله ماعندهم قلب
سمر دخلت : ماكلمتوا شوق
الكل : لا
سمر : يبه نبي نروح لها
ابو مها بحده : لا عيب وانا بوك مايصير نروح لها من اول يوم استنوا شوي
سحر : بس حنا مشتاقين لها حيل يبه
ابو مها : تحملوا .. تحملوا كلها يومين ونروح لها
سمر تتخصر : طيب مها كلمت بندر وبتروح لها المغرب .. ليش هي ايه وحنا لا
ابو مها : يايبه مها كبيره وعاقله ومتزوجه بتروح تشوف تحتاج اختكن شي والا تبي شي مايصير نتركها
ريم تهاجمه : اها هذاك قلتها مايصير نتركها تكفى تكفى يابوي ودينا لها
ابو مها بأصرار : لا يعني لا وانتهى الكلام
سحر : ليش الظلم .. مايصير كذا يبه والله ظلم
سمر تبكي : أنا اشتقت لها يكفي أنها بتعيش بجده ومانشوفها الا بالقطاره
ابو مها حن عليهم : اممم بكلمها وأشوف اذا فاضيين نروح بعد العشاء .. هجموا عليه كلهم اللي تبوس يده واللي تبوس راسه واللي تدعي له
ابو مها يضحك : هههههههه اثاري شوق غاليه عندكم .. اضن اغلى مني
هنادي بسياسه : حشاك يابو مهاوي انت اغلى واحد بلا منازع بس حنا نمثل عليك ونحزنك حتى نكسب تمشيه حلوه
ريم : يبه يبه ويش رايك نروح نصلي العشاء بالحرم وبعدين نروح لها
ابو مها : الله تشوفونه بس مابي ماخبل ابيكن بنات عاقلات انا واثق فيكم ومخليكم على راحتكم .. يابناتي انتم اغلى من كنوز الدنيا عندي .. ابي اشوفكم بأعلى المناصب واهم شي دراستكم
سحر : يبه انا ابي ادرس طب .. تكفى لاتعارض رغبتي
ابو مها فرحان : افا عليك انا ودي وحده فيكم تكون دكتوره .. كيف اوقف بطريقك انتي وخواتك وصية الغالي الله يرحمه
ريم : الله يخليك لنا يبه
دخلت مها وبيدها الصينيه : وهذي احلى قهوه بالعالم لاحلى ابو مها بالدنيا
هنادي تتلفت : الجوال وينه عز الله بيتسمم ابوي من قهوتها
الكل : ههههههههههههههه
مها : اسكتي يالرفله
هنادي : لالا حنا نبي ابوي ماحنا مستغنين عنه
:::
:::

***مزون شمر*** · 13-03-2012, 08:35 AM

رد: رواية يا خاطفي وين ألقى عزتي في زمان المذلة ! / كاملة

صحت من النوم على صوت أذان العصر كل قطعه بجسمها تألمها ..الم فظيع يسري بجسدها تذكرت اللي صار ضمت الشرشف لصدرها وهي تبكي جسمها كله أثار جروح وخدوش .. عذاب نفسي وجسدي بالنسبه لها أمتلت مخدتها دموع دموع حزن × الم × عذاب .. ماتقدر تحرك ظهرها .. بطنها تحس بشي ينهشه بدون رحمه .. لفت براسها على الجهه الثانيه شافت ملابسها بحال يرثى لها ممزقه وكل قطعه بجهه .. وحشيته مستحيل تنمحى من بالها شافت فيه وحش ينهش لحمها بشراهيه اغتصبها مره ثانيه ولكن بالحلال .. حاولت قد ماتقدر انها تستند على الكمودينه اخذت ملابسها ولفتها على جسمها وبكل صعوبه وقفت وتحركة للدولاب عيونها مغطيها الدمع ماتشوف طريقها تتمسك بكل زاويه او شي بطريقها ماتقدر تحرك رجولها من الألم اللي تحس فيه .. فتحت دولابها وطلعت لها لبس تلبسه واخذت منشفتها ودخلت الحمام وأنتم بكرامه جلست بالبانيو وفتحت المويه اختلطت دموعها بقطرات الماء .. حست برغبه جامحه للأستفراغ .. وفعلا استفرغت (أكرمكم الله) بكت وبكت لحالها امتلى قلبها كره فوق كرها وحقد زاد اضعاف مضاعفه عليه
حاولت تمحي أثار لمساته ووحشيته اللإنسانيه دعكت جسمها بالجل بقووه لكن هيهات كان متقن رسماته على جسدها الضعيف والناعم .. قوتها ولاتضاهي قوته ولكن هناك من هو اقوى منه وأنتقامه اقوى من أي انتقام .. غطتها قطرات الماء البارد يمكن أن تطفى نار جوفها وتطهر نجاسة فعلته
طلعت بعد معاناه اتعبتها جلست على السرير وهي لابسه تنوره قصيره شوي وبلوزه كت اضافة نعومه على نعومتها .. لازالت دموعها على خدها الوردي ضلت ربع ساعه على حالتها .. سمعت جوالها يدق شافته على الطاوله وراحت له بكل كلافه عليها شافت رقم مها حاولت تتمالك نفسها ولا تبين لها شي
شوق : الو
مها بصوت ساخر : الوات ياقميل وينك عن الجوال مليون مره دقيت عليك
شوق : كنت نايمه توي صاحيه
مها : حركات توك صاحيه .. المهم ترى بعد العشاء بنجيك اوكي
شوق : حياكم الله
مها ماتطمنت لصوتها : شوق فيك شي .. فهد أذاك بشي
شوق نزلت دموعها لكن بنفس الصوت : لا ابدا مره طيب معي
مها ودخلها الشك : شوقه قولي الصدق فيك شي
شوق : لا والله بس مجرد تعب عادي .. مهاوي تكفين جيبي لي معك مسكن راسي وبطني يؤلموني من أمس
مها على نيتها : اوكي ياقلبي .. بجيب لك انتبهي لنفسك ولاتسوين شي احنا مابنطول عندكم
شوق : طيب
مها : باي
شوق : مع السلامه .. جلست على الكرسي وحطت راسها على الطاوله وجلست تبكي
دخل عليها وشافها على وضعيتها هذي كمل طريقه بأتجاهها وحط الكيس اللي بيده على الطاوله جنب راسها
رفعت راسها ودموعها على خدها وشعرها مبلول وبنظرات شراريه طالعت فيه ..جلس على الكرسي قبالها وكأنه انسان بريء طالعها ببرود
فهد : هذي ادويه لك استعمليها
رمت الكيس على وجهه باقوى ماتملك وقالت له من بين اسنانها بنبره واضح فيها الكره والحقد : مابي شي منك ياواطي
ركز عيونه عليها وبنظره ناريه عقد حاجبه : المره هذي بكيفي امشيها لك لكن انتبهي على تصرفاتك يامدام شوق لا أنهيك عن وجه الأرض
شوق وقفت واعطته ظهرها : اللي مثلك قاتل محترف مو غريبه عليك القتل لانك تقتل القتيل وتمشي بجنازة
عصب من كلامها وقف وراها وبصوت خافت منه : اول من قتلته انتي !! والحين رجعت احييتك عشان اعوض الناقص بحياتي فيك
لفت عليه وبكل قوتها صرخت بوجهه : انا ماني محطة تفريغ تفرغ فيني .. ولاتحسب اني بسكت لك لالا ياشاطر راجع حسابتك أول
فهد يمسكها مع دقنها بقوه ويقرب وجهه من وجهها : لاتصرخين بوجهي عشان لاتندمين
شوق تبعد يده بقوه عنها : لاعاد تلمسني يا أنجس خلق الله
وتفلت بوجهه وبعيونها حقد طالع فيها بنظره بركانيه وبأقوى مايملك صفعها كف طاحت على الأرض من قوته وهي مصدومه من كفه لها غطى شعرها وجهها نزلت دمعه حاره من عينها احرقت خدها مشى بخطى واثقه منتصره وقف قبل يطلع من الغرفه وبدون لايلتفت لها
فهد بصوت تصدعت من جدار الغرفه : هذا أبسط شي اسويه لك ياحقيرتي .. وطلع لصالة جناحهم
مر وقت وهي على الارض تبكي بصمت دموعها جرحت خدها مكان صفعته لازالت علامته واضح والمه كسى قلبها وانكسر كل شي فيها هذي هي كل محطة في حياتها يمر شخص يشوه معالمها الجميله

وقفت لملمت بقايا شتاتها وانكسارها مسحت دموعها وغسلت وجهها حتى تبعد أثر الدمع عن خدها رجعت للمرايا مكان صفعته حمراء لونه لون الدم مررت يدها عليها نغزها الالم غمضت عيونها وحاولت تتجاهل الالم ومشطت شعرها واستشورته حتى اخواتها مايشكون بشي وخصوصا عمها ومها اخفت اي معالم بوجهها بالميك اب والكحل .. لكن فتحت بلوزتها اللي بارزه كل صدرها كيف تخفي اي جرح وخدش فيه حاولت وحاولت لكن كلها فاشله جلست على السرير وعيونها متعلقه على الباب تنتظر دخول اهلها مستحيل تطلع وتقابله .. أذن المغرب وهي ماحست بمرور الوقت صلت وكالعادة دعت ربها بعد صلاتها طوت سجادتها بعد ماخلصت وهي تسبح وتستغفر ربها فتحت الدولاب تطلع صندلها ارتجفت من دخوله عليها وهو يطالعها بدون أهتمام متجاهل وجودها
فهد : ترى ابوي واهلي بيجون .. مابيك تبينين أي شي لهم لو تزلين بشي ترى ماراح اتسامح معك ابد سامعتني .. طنشته ولا ردت عليه ومشت وهي تعطيه ظهرها
صرخ عليها بصوت وحشي : سامعتني !!.. بعد طنشته ولا ردت عليه وجلست على الكرسي تشرب مويه طلع من الغرفه وهو معصب منها
شوق ( الله يكسر يدك يافهد الله لايعطيك عافيه ياحيوان ياسافل ) حبست دمعتها بعينها وقررت تتجاهله وتطلع تجلس بالصاله حتى تنرفزه بوجودها

***مزون شمر*** · 13-03-2012, 08:37 AM

رد: رواية يا خاطفي وين ألقى عزتي في زمان المذلة ! / كاملة

رغد تكلم الجوال : ايه طالعه مع اهلي
عبدالله : لوين ؟!
رغد : بنروح لأختي اذا جينا أكلمك اوكي
عبدالله : اوكي عشان اقولك رائي الوالده فيك
رغد حمر وجهها : صدق اوكي اول ما أرجع بكلمك
عبدالله : اوكي يازوجتي الغاليه .. احرجها بكلمته وولعت خدودها
رغد بصوت مستحي : يالله باي
عبدالله : باي ياحبي
اول ماسكرت غمضت عيونها بحالميه وحب لعبدالله اللي سكن روحها وقلبها وعقلها .. استولى على كل شي بدنياها تفداه بعمرها كله .. حبته بجنون وملك شي ماقدر اي احد يملكه برغد
شهد تطالعها بعيون غريبه : رغيد فتحي عيونك وكملي كشخه مالي خلق تأخرينا
رغد : انا خلصت بس باقي المسكره والروج على بالك زيك بطيئه
شهد : ما أقول الا الله يرفع عنك .. يالله بس اخلصي علينا
رغد تجلس على كرسي تسريحتها : طيب طيب لا تزعجيني .. خذي عباتك وسفرقي عني ( يعني انقلعي هع )
شهد تأخذ عباتها : هين يارغيد يالعجيز ومدت لسانها وطلعت
رغد فتحت عيونها على الاخير وبيدها الماسكرا : صدق انا عجوز .. خبله شهد انا اوريها
بالصاله
مها : يالله يابنات ورانا مشوار طويل
ريم تلف طرحتها : انا خالصه
سحر : وانا كمان
مها : والبقيه ابوي وجلالي تحت يالله يابنات .. وجوا كلهم وراحوا

:::
:::
:::

كانت جالسه مع ام رياض وندى وليان ودانا اللي جايين مع جدتهم وجدهم
ام رياض : ألف مبروك يابنتي
شوق بخجل وحياء : الله يبارك فيك ياعمتي
ندى : تصدقين انتي احلى بدون ميك اب
ليان : لالا بصراحه بميك اب وبدون تجننين
شوق استحت من كلامها : تسلمون .. كلكم ذوق
دانا : وين خالي فهد وجدي
شوق : بالغرفه الثانيه .. قبل تكمل كلامها دخل فهد ومعه أبوه اللي فيه شبه من فهد
ابو رياض : السلام عليكم .. وقفت شوق وهي منزله راسها من الحياء
الكل : وعليكم السلام
ابو رياض : مبروك يابنتي
شوق وهي منزله راسها : الله يبارك فيك
ابو رياض : عسى ما أزعجناكم بجيتنا
فهد : افا عليك يبه المكان مكانكم
ابو رياض يجلس بالمكان اللي كانت جالسه فيه شوق .. وجلس فهد جنبه على مسافه بعيده شوي
ابو رياض : اجلسي يابنتي جنب زوجك ليش واقفه
شوق تطالع عمها اللي واضح فيه الحنان : بأقهويك ياعمي
ابو رياض : ارتاحي يابنتي ندى تقهوينا .. وجلست جنب فهد بس حاولت تبعد عنه لكن الكنبه ضيقه
تحس بالم يطعنها ببطنها وظهرها ماتقدر تتحرك منه كثير لكن تجامل قدامها وهي تتعذب بداخلها
ابو رياض : يالله يام رياض بنروح
فهد : بدري يبه اجلسوا
ابو رياض : بننزل الحين الحرم نصلي مابقى شي على الصلاه وبعد تأخذ راحتك مع عروستك
فهد : بس باقي وقت على الصلاه
ابو رياض : ماعليه ياولدي بنروح ورانا سفر بكره .. وقفوا الكل .. وأتجهوا لباب الجناح ووراهم شوق وفهد ودعوهم .. رجعت بسرعه وجلست على الكنب وحطت يدها على بطنها وهي تتألم بقوه لما دخل الصاله وشاف لون وجهها الاصفر خاف يصير فيها شي .. قرب منها ووقف جنبها
فهد وهو هادي : ويش فيك ؟!
رفعت راسها وهي تقول له بألم : يعني ماتعرف .. كله منك أتألم
فهد جلس جنبها وحط رجل على رجل ورجع راسها على ورى ولف يديه ورى راسها : والله اذا هذا اللي تاعبك فهو شي عادي لازم تتعودين .. طلت فيه ببرود ونظرة احتقار ونزلت راسها
فهد : اذا مره تتالمي اوديك المستشفى
شوق : شكرا مايحتاج مستشفى .. وقفت بتروح الغرفه وتعلقت عيونه عليها وقال لها بصوت هادي
فهد : روحي غيري ملابسك أحسن لك بدل الدم اللي ماليها .. لفت عليه والشرار يطلع من عيونها
صرخت عليه : حقيررر.. طنشته وراحت للغرفه

::
::
ريم : يبه هذا الفندق اللي فيه شوق وفهد
ابوها : ايه هو ذا
هنادي : اخص ياشوق حركات بالهليتون
مها : بلا حكي فاضي وهيا على البوابه وبهدوء
شهد شايله ميشو اللي يبكي بحضنها وهي تحاول تسكته : بنات شيلوا شنطتي
رغد : امشي انا اجيبها معي
سحر اول وحده وصلت عند الانصنصير وهي تضغطها عشان ينفتح لهم : هناديوه شوفي العلامه طالع والا نازل
هنادي تشوف الاسهم الحمراء : شكل هذا الشريط ياسحر حق سوق الاسهم <<~ فايقه تستعبط البنت
سحر انقهرت منها : يالمسواك فتحي عيونك
هنادي تضربها على راسها : مسواك ابرك منك يالدب القطبي
سحر عصبت وحمر وجهها : انا دب قطبي .. وضربها على بطنها بكوعها
هنادي عصبت : هيه على بالك يدك خفيفه والله لاصقع راسك بالجدار الللي وراك
سحر تحط يدها على خصرها : فيك خير مدي يدك وشوفي ويش بيصير لك
هنادي تدفها بقوه : هاه وريني ويش بتسوين ياكودليزا رايس ياتكر انتي
سحر وصل ضغطها مليون ومسكتها من ورى وسحبت طرحتها وهي ناويه تصفقها : والله لا اوريك يامعفنه
هنادي تدفها عنها : يابقره بعدي يدك لا اوريك حركة التكوأندو الجديده
سحر تضربها على ظهرها ودموعها بعيونها : استقوي علي يابويه
هنادي فار الدم بعروقها : انا بويه ي... وقبل تكمل كلامها جاء ولد وقال
..: عيب عليكم تتهاوشون
هنادي : وانت ويش خصك اقلب وجهك عنا
الولد : على أي صفحه ههههههه
سحر تضربه بكعبها على رجله : ابعد عنا لا أجمع عليك خلق الله
هنادي تسحب سحر لجوا الانصنصير وتقفله : خلاص اهجدي عاد
سحر : طيب الله يرجك ... سكتوا شوي
هنادي : اقول اي دور غرفة شوق
سحر : مدري احسبك تدرين
هنادي : ابوي وينه تركنا وراح وخواتي
سحر خافت : يمه ما أدري يا هنادي
هنادي : اووف خلينا نرجع تحت الحين .. ورجعوا للدور الاول يدورون ابوهم شافوا ابوهم يكلم الجوال من بعيد .. واتجهوا له
سحر : يبه وين رحتوا ندوركم حنا
ابوهم يقفل الجوال : وانا ادوركم خبري فيكم يوم دخلنا مع البوابه
هنادي : احنا نحسبكم ورانا
ابو مها : يالله خوأتك يستنونا عند المصاعد ... ومشوا بأتجاههم

***مزون شمر*** · 13-03-2012, 08:38 AM

رد: رواية يا خاطفي وين ألقى عزتي في زمان المذلة ! / كاملة

كانت بغرفتها بعد مابدلت ملابسها لبست بنطلون برمودا أسود وبدي لون منقاوي طويل شوي لاخر خصرها ومفتوح على شكل v من عند الصدر وتحته حزام اسود والظهرعلى شكل دمعه طول الظهر.. كان استر شي في الدولاب رفعت شعرها ذيل حصان ونزلت خصل عند اذنها وخصله على وجهها تعطرت وحطت بلاشر مشمشي وروج وردي لامع وكانت بأروع شكل .. رجع لها الالم بظهرها وبطنها بس على أخف شوي
سمعت صوت الجرس وعرفت انهم اهلها لان مها كلمتها قبل دقائق تحملت على نفسها وطلعت من الغرفه شافته متجهه للباب
شوق : لحظة انا بفتح الباب .. لف عليها وهو مستغرب من كلامها
فهد : يمكن السيرفيس روم
شوق : لا هذول اخواتي وعمي
فهد : بكل الحالات انا بفتح الباب
شوق تعارض : بس اخ...
فهد يلف عنها ويمشي : اخواتك ماراح اكلهم .. ومشى للباب بثوبه وشعره كان عشوائي ومعطيه جاذبيه فتح لهم الباب ودخلت شهد ومعها مشاري وعلى باله شوق اللي فاتحه الباب
شهد بتعب : خذي خذي ميشو تعبت وانا شايلته .. ولما مدت يدها اخذه فهد وهو منزل راسه وتفشلت منه ودخلت بسرعه جوا .. ودخلوا بعدها البنات وابوهم
ابو مها : السلام عليكم
فهد : وعليكم السلام ... حياكم الله ياعمي
ابو مها : الله يحيك ياولدي .. كيف حالك وكيف عروستك
فهد : بخير جعلك بخير ياعمي .. ودخلوا للصاله وشوق تسلم على خواتها اول ماشافت عمها راحت سلمت على عمها وباست يده وجبينه
مها : مبروك يافهد ....فهد منزل راسه ومشاري على يده
فهد : الله يبارك فيك يارب .. عقبالك .. ضحكوا كلهم على كلمته
هنادي بلقافه : هذي سبقتكم وتزوجت
فهد : اجل عقبال البقيه
ابو مها : امين يارب .. اعطى مشاري لابو مها .. واخذ شماغه وعقاله
فهد : انا طالع حتى تاخذون راحتكم مع شوق
ابو مها : والله ماتطلع .. البنات يروحون مع اختهم لجوا
شوق : انا بأخذهم لغرفتي
رغد تهمس لها : طيب الجاتوه والبيتفور وين نحطه
شوق تاخذه منهم : روحوا الغرفه انا اجي لكم بعد شوي .. وراحوا وهي اتجهت للزاويه اللي على شكل مطبخ وحطت الجاتوه بصحن دائري ووزعت الباقي .. وأخذت الصينيه ومشت قد ماتقدر وبظهرها يألمها .. حطتها على الطاوله وهي تطالع بفهد اللي اسمه واسمها على الجاتوه
ابو مها : الله يرضى عليك يابنتي ويوفقك يارب
شوق : امين يارب لاتنساني ياعمي من دعواتك
ابو مها : والله يابنتي البيت من دونك مايسوى كلنا فاقدينك
نزلت راسها ووقفت : انا بروح للبنات تامرني بشي عمي
ابو مها : سلامتك ... راحت للغرفه ولقتهم كلهم جالسي ينتظرونها
مها : ياهلا والله بشواقه
شوق : هلا فيك
سحر : وحشتينا يابنت هذا يوم واحد بس كانه سنه
شوق : توي ادري اني غاليه
شهد : والله فقدناك مرره
هنادي تتطالعها بتفحص : بنت .. قصدي ياحرمه ويش فك شكلك تعبانه
شوق : لاتعبانه ولاشي بس ماشبعت نوم
رغد عينها على صدرها : شوق ويش الجروح هذي اللي بصدرك تفجع
شوق تضم البلوزة على صدرها : كافي اسئله ياكثر اسئلتكم
مها تضحك : احرجتو عروستنا اهجدوا شوي
ريم بخوف : يعني لو اتزوج بيصير فيني كذا حتى النوم ما انام
شوق عصبت : لالا ماراح يصير كذا بس اسكتوا ياربي
هنادي : حنا نب نتعلم منكم
شوق : هناديوه اسكتي ابرك
شهد تغمز لهم : خلاص يابنات اسكتوا
سمر شافت الكيس اللي جابه فهد لشوق وطلعت من علبة دوا ورفعته : هيه .. كلهم لفوا عليها
سمر : شوقه ويش ذا الدواء
شوق عصبت وصرخت عليها : اتركيه حق فهد
سمر ترجعه وتحط الكيس على الكمودينه : طيب خلاص اعوذ بالله كاننا ارتكبنا جريمه
مها تهدي شوق : ويش فيك متوتره هدي بالك
شوق تهمس لها : انا تعبانه مره مالي خلق احد وهم ذبحوني بالاسئله ليش وايش اووف
مها تستهبل : طيب ليش
شوق عقدت حواجبها : بموت انا منكم بموت
رغد : يالطيف .. حكينا ويش صار معك هيا تكلمي
شوق : ماصار شي اول ماجيت غيرت ملابسي ونمت وماصحيت الا العصر من التعب لي يومين مانمت زين .. والمغرب جوا أهل عمي وقبل تجون بشوي راحوا
مها : وكيف كانوا
شوق : شكلهم مره طيبين من كلامهم وتعاملهم معي وانا زوجه فهد مو ولد ام رياض
سحر : ايه مبين انهم طيبين حتى زوجك شكله تحطيم يجنن مشاء الله
شوق تطالعها بأستغراب وبداخلها ( عساه يموت ان شاء الله من زينه الله يأخذه ويفكني منه ومن شره )
رغد : ياويلك هذا زوجها ماتسمح لاحد يتكلم عليه
شوق : قفلوا على السيره .. سمعت صوت فهد يناديه قامت بتأفف وهي يادوب تمشي حتى ماتبين شي لاهلها .. وطلعت له
شوق : ويش تبي ؟!
فهد يعطيها مشاري : خذي هذا مدري ايش يقرب لك
شوق : مو لازم تعرف .. وأخذت مشاري ولمست يده بدون قصد وأرتبكت من لمسته طلعت بعيونه وهو يطالعها بتفحص طنشته ورجعت للغرفه .. خلت ميشو بحضنها تلاعبه
مها تهمس لها : شوق خوفتيني عليك ترى قبل شوي بالعافيه وقفتي .. في شي يألمك
شوق : لا مافي شي
مها تحاول تسحب منها الكلام : قولي ويش سوى لك زوجك الغبي
شوق : ماسوى شي
مها : ماهي علي هذي الحركات .. والاثار اللي بصدرك تقدرين تقولين ويش هي
شوق بتأفف : مهاوي بليز ترى من صدق تعبانه وماني قادره اتكلم لا تزني علي
مها : اوكي براحتك .. بس حطي شي ببالك اني خايفه عليك واي شي تبينه كلميني على طول
شوق : اوكي اوعدك اذا احتجت شي بقولك

:::
:::

رواية يا خاطفي وين ألقى عزتي في زمان المذلة ! / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget