للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 22-06-2010, 06:17 AM

إذا رياح الجنوب هبت....
.تصورت أنه مرساله..
وروحي من الوله ذابحت وصارت حالتي حاله....
منى عمري أبي صوته يطرق أسماعي..
.خطواي وصلك المنشود....
حسبتك لي أنا وحدي...!!!
حسبتك لي أنا وحدي...!!!
حسبتك لي أنا وحدي...!!!

صباحكم ورد,,

**وزير السلطان** · 23-06-2010, 02:27 AM

زحكت لمين القيران سمعوني...عارفين ليه..!!
فيه واحد طيوب بالمره وعلى نياته....أتخيله كذا...ولاهو الله يعلم بنيته...هالشخص عضو معنى بالمنتدى..
وكل ماأنزل شيء بمدونتي...ينقله لوين..؟؟

تتوقعون وين....؟
ينقله لمدونته...مدري هو إعجاب...ولايبغى يلفت إنتباهي...!!
على الأقل ياأبن الأجاويد إذا بغيت تنقل إنقل براة المنتدى مو تسوي له نسخ ولصق هنا..!!
ذكرتني بشخص الله يذكره بالخير كان ساكن بالحي اللي كنت ساكن فيه زمان أيام ماكان سعر طبق البيض بريال...
هالشخص حالتهم الماديه على قدهم...فجاء يوم من الأيام ودخل حوشنا...ولقى السيكل [دراجه] حقتي...وخذاها وعلى
طول لبيتهم...وخباءها بالمستودع...ماخليت أحد بالحي إلا وسألته عنها...يوم جاء بعد إسبوعين تقريبا...
إلا أخونا في الله طالع يكشخ بالسيكل...بعد ماصبغ الهيكل بلون مختلف غير الأول...من وين لك يا....قال هذا أبوي
شراءه من السوق بس لونه ماعجبني وصبغته عند العم أبوأحمد..!!
يعني ياأخوي ترى إلنا عيون نشوف فيها....ونعرف وش خذيتوا وش ماخذيتوا...فياغريب خليك أديب..!!
وبالمناسبه هالشخص اللي خذا دراجتي...الحين
دكتور في أحد المستشفيات...وكل ماذكرته بهالسالفه
تحمر خدوده..!!

**وزير السلطان** · 25-06-2010, 04:23 AM

شاعر الوطن الحلقه الثالثه

لاشك أن الشعر يلعب دور كبير في إيصال بعض الرسالات..وكم هو جميل أن الشاعر يسخر موهبته الشعريه في شيء يصب في صالح الدين والوطن...
اليوم توجهت أنا وأيا ولد عمي لمسرح الرياض واللي يقام فيها بالوقت الحالي مسابقة شاعر الوطن...طبعا البرنامج كان في حلقته الثالثه...وكان ضام تسعه فرسان حاولت أغطي المسابقه بالكامل...بس سوسو جوه اليوم مش ولابد...!!!
يالله إكتفى بأربع صور...

مذيع قناة الأخباريه ومقدم مسابقة شاعر الوطن
غنام المريخي

لجنة التحكيم للمسابقه الشعريه

**وزير السلطان** · 26-06-2010, 12:09 AM

راحت وتركت بوسطي نار الفراق...!!

جتني تقول ودمعها يسبق القول
***..................................* حان الفراق ولكل حي طريقه
غير الفراق ارجوك ماعندي حلول
****................................... قدر صوابي والظروف الدقيقه
ارجوك ساعدني ترى الفكر مشلول
***..................................* لولا غلاك اخفيت عنك الحقيقه
وأغيب واترك سر فرقاي مجهول
****.............................. واصبر على الهجران لو هو حريقه
وأنا وقفت بموقف الحزن مذهول
**................................** صرخت صرخه وسط جوفي عميقه
سألتها والرمش بالدمع مبلول
****..................................... والحزن يخنقني وروحي رقيقة
قلت الفراق يطول قالت على طول
**.......................................** اصبر وقلت الصبر محد يطيقه
وقامت توصيني على الحب وتقول
**..........................................** في ذمتك كل العهود الوثيقه
وتقول لا تنسى غرامي وأنا أقول
***..........................................* ينساني الله لو نسيتك دقيقه
وراحت وصار القلب بالحزن معلول
**......................................** والجرح ينزف والنواظر غريقه

**وزير السلطان** · 26-06-2010, 06:23 AM

الثقه وأثرها علينا..كاأفراد

المكان:
القيمزر
طبعا بعدماخذينا وعطينا مع بعض...إبتداء هالحوار اللي راح
أنزله بس بإختصار..

هو:
ياخوي بسافر هالسنه لإيطاليا وأبيك تسافر معي..!
أنا:
وش معنى أنا بالذات...!
هو:
ياخوي إرتحت لك..
أنا:
يعني بهالسهوله إرتحت لي..يمكن أنا لئيم أوعضو من أعضاء..المافيا..!
هو:
لاماأتوقع..باين من إسلوبك...
أنا:
حاول أنك ماتتسرع ببعض قراراتك...ممكن تسرعك فيها راح يلغي بعض مصالحك..
أوحتى ممكن يلغيك من الوجود..!!
مره ثانيه أنا:
ترى في هالدنيا ناس تركض ركض وراء مصالحها وبس...!!
ولاعليها من غيرها..في جحيم...

هو:
يعني صار لك موقف..
أنا:
أكيد هالنظريه ماقلتها لك إلا عقب ماصار لي موقف...!
وعلى فكره...أعتقد الأغلبيه صارت لهم مواقف مشابهه لهاللي نتكلم فيه.
أنا مره ثانيه:
بعضنا مايتعلم وتترسخ القاعده بجوفه..إلا عقب مايصير له
موقف...لكن لو يجي أحد وينصحه ممكن يأخذ بكلامه
وممكن لاء...!!

وإحنا نتحاورفي هالمجال كذا لاشعوري رجعت بي الذكرى لموقف صار لي قبل فتره
وذكرته للأخ اللي كنت أسولف معاه...طبعا هالموقف..راح
أقوله بالمره الجايه..!!

~ صباحكم مملؤ بنسائم التركيشن المحلى بعطر الأنفاس البرئيه~

**وزير السلطان** · 27-06-2010, 01:46 AM

بيوم من الأيام إشتريت لي سلعه..وهالسلعه كان سعرها جدا حلو..وتقريبا
مانلاقي بالسوق نفس سعرها...طبعا هالسلعه وصلت لسعر معين
ولابعت..والسبب مالي نيه بالبيع أبدا...ناوي أستخدم هالسلعه..
رغم إنها وصلت لسعر يعني نقدر نقول دبل اللي أنا شريتها به...
جاء لمي شخص كنت أحسب أنه يتعلى المقاعد الأوليه في الصفاء
وجلس يقرق على رأسي...يابدر بيعها...والله ترى فيها وفيها...
وطلع عيوب الدنيا كولها فيها..وبالمناسبه إذا تب تبيعها ترى زبونها عندي..وسعر حلو..!!أنا بصراحه..تشتت أفكاري...وصرت أحتسي وأيا روحي
هو صدز هالكلام....ولالاء...!!
رجعت البيت..وأنا والله على هالحاله من التشتت...الموهيم الوالد لاحظ إن ماني بمعهم
بدر:
وشفيك...عسى ماشر...هاه...لالا مافيه شيء...إلا اليوم خاطرك ماهو بعاجبني..عسى خير..!!
والله وأقوله على السالفه من طأطأ لسلاموعليكم..
قال:
إذا تبي مشورتي خلها ولاتبيع..أبدا...دامك باني عليها أفكار...وبعدين خويك هذا إنتبه منه..!
ترى تصرفه ماهو بعاجبني...أحس ناوي له على شيء...!!
أنا بديت أشك في الأمر.!
معقوله هالأنسان اللي كنت حاسب له إحساب...يحاول يلعب من وراي..!!
الموهيم..مرت الأيام ومرت...وبعد فتره..تبين لي وتأكددت من هالشيء
أنوه فيه شخص ثالث بالموضوع معطي فلوس لهالشخص اللي كنت أحسب أنه ثقه
على اساس يقنعني أن أبيع هالسلعه...!!

من خلال هالقصه إن شاءالله الكل عرف وش الهدف من سردي لها لكم هنا..على أساس
نحاول أننا مانتسرع في الحكم على أي شخص يمر بمسيرتنا الحياتيه...بعضهم من برا
الله الله ومن قوا...يعلم الله...والإستشاره شيء جميل ورائع وتكون أجمل وأروع لمن
نستشر ناس قريبين لنا...وعندهم خبره...وخصوصا أنهم يمتلكون خبره حياتيه
واسعه..الحياه علمتهم...وعسى نتعلم منهم يارب..!!

صباحكم ورد ~وفل~ ولوز

**وزير السلطان** · 04-07-2010, 01:47 AM

تبغى تضيق خاطري ياجعله فداك....مهوب انا اللي يعاتبك في حلالك..؟

بافارقك .. لو كان ما اخترت فرقاك
بافارقك .. وانا فرجوى وصالك

البعد لو به خير ما كان خلاك ؟؟

تقطع من عيون المحب اتصالك

ما اكثرك فالصده وفالوصل ما اشواك

الكبر لله .. ( لا يغرك جمالك ) !!

خليتني للبعد .. والبعد قساك

خلاك تنسى واحد قد وفا لك ؟؟

سليت سيف الهجر ؟؟ كني من اعداك

وذبحت شوق الروح شاللي جرى لك

العام ما تصعب الى قلت بلقاك

واليوم من دون المواصيل هالك ؟؟

منت بردي .. حسبي على الوقت رداك

غير صفاك / وطيبتك / واعتدالك

حاولت نسيانك .. وعييت لا انساك ؟؟

لا جيت ابنسى .. ذيب صدري عوى لك

لو انك بترجع كثر ما اتمناك ؟؟

ما كان ذا حالي .. ولا ذا بحالك ؟؟

كثر الجفا وانا أستغفر الله اشراك

حبك كفر بي .. لعنبو من صفا لك

خذاك مني البعد ما عاد بقاك ؟؟

لكن على قول المثل مش حالك

تدري وش اللي يقتل الشوق يا ذاك

لاني بولد عمك ولاني بولد خالك ؟؟

الشوق برد .. ودافي الوصل لقياك

وثلج الجفا خرب طريق اللقا لك

علمتني حبك .. وعلمني انساك ؟؟

لو كان من دنياي .. مابه بدالك

تبغي تضيق خاطري جعله فداك ؟؟

مهوب انا اللي يعاتبك في حلالك

طلبتني قلبي وانا قلت لك .. جاك

والحين سو بخافقي ما بدا لك ؟؟

لاتعليق بعد هذا كله

**وزير السلطان** · 05-07-2010, 12:08 AM

خايف أن البعد بيننا يأخذ عهد وسنين...!!

**وزير السلطان** · 08-07-2010, 11:57 AM

توهان الرياض

كثير من المواقف اللي بتصير لنا بهالدنيا...من ضمن

هالمواقف الطريفه اللي صارت لي هو:-

أمس كنت ناوي أزور واحد من الأقارب بمستشفى السعودي

الألماني وأنا رايحن له...تفجأت بصاحب سياره فان يأشر

لي عند الإشاره...فتحت القزاز...رد علي السلام وطلب مني

أوصف له موقع أحد الموالات...طبعن المول اللي بيسأل عليه هو بنفس طريقي اللي أنا رايحن فيه...قلت له صعبه أوصف لك لأن فيه أنفاق وكوباري ....راح تتوهك...لكن خلك تمشي وراي وأول مانوزان هالمول بأشر لك عليه...قال أوكي....طبعالمستشفى يجي عقب هالمول بمسافه....الرجال صار يمشي وراي وأنا سهيت عنه....بالمره...(يفكر كثيرهالأيام..مدري وش هو صايرن له)....الموهيم وأنا داخل من بوابة المستشفى إلاوأطالع بالمرايه بالصدفه..إلا صاحب الفان ماشي وراي....قسمن بالله إني إنحرجت إحراج ماقد صار..وقفت له وشرحت له الوضع...وفطس ضحك...وحلفت له أني برجعك لين المول...وطلعت معاه لين وصلته ذا المول اللي يبيه..!!

بس بجد ذا المواقف يوم أنا أقوله لإخواني البارحه..ياهم فطسوا زحكات...!!

**وزير السلطان** · 10-07-2010, 12:41 AM

من أول ما عرفتك تعطي أحساسك وتمنعني وأقول تمون يا نبع الحلا و الحب حنية

يعيش الحب شي عادي يموت الحب وش يعنيى
مدام قلوبنا ماتت مشاعرها وهي حيه,,,أحسب !!الحب لا جيته, على كيفه يطاوعني
مغفل من يعيش..
بهالزمان أحلام ورديه,,
من أول ما عرفتك تعطي أحساسك وتمنعني ... وأقول تمون يا نبع الحلا و الحب حنية

كثر ما كنت تكذب في كلامك كنت تقنعني ..دليل أني على كثر الجفا سلمتك أيديه
عشاني قلت لك ما بدخل بهالجو .. طلعنى
ت
ر
و
ح
وتاخ ذ الدنيا مع اك وتقطع.الجية
مع أني قلت اذا ما طاعك الوقت الردي .. طعنى... واذا ماجيتني كلك تعال ..
ش
و
ي
ه
شويه
لك الله يوم أجي "؛مشتاق؛" لك والشوق يدفعني .. كأني رايح للموت بيديني ورجليه
ولامن مر في بالك تولعني .. تولعني .. مدامه شي في بالك تجيبه ميه% بالميه%
وصلت لمرحلة حتى الشعور العذب يخدعني !! .. وأحس أني على النيه وانا فعلا على النيه
بكمل كلامي بس *تكفا* .. لا تقاطعني
... بقا جمر الكلام ودمعت بالعين مخفيه,,,
أمانه .. قبل أروح وينتهي كل شي .. طالعني
عشان تعرف وش معنى العطا قبل الأنانيه
أ
ب
ر
ح
ل
أبرحل والطريق --اللي يودي .. مايرجعني
... يبي يغنيني الله عن هوى حبك وطاريه,,,
خذ الباب بطريقك والعذر . ماعاد ينفعني
... ترى ماعاد لك قيمه ولا للحب أهميه,,,
ومثل ماتسمع ..((لعبدالكريم)) أبيك تسمعني
وداعي///ه..
يا اخر ليله..
تجم,,,عنا
وداعي///ه..
وداعي///ه.. يا اخ,,,ر ليل,,,ه.. تجم,,,عنا وداعي///ه..

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget