للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 18-08-2010, 06:48 AM

رحلت بجواد الذكريات...إلى ذلك المكان
الذي إعتدناإرتشاف فنجاني قهوتنا فيه كل صباح..بعد
أن يحاول كلا منا أن يستبق الأخر بإبتسامه مشرقه كإشراقة وجهك.
ستظل تلك الأيام الجميله عالقة ذكراها في وسط قلبي..
أقول لك :
صباحك ورد...صباحك سعاده...
صباحك...لوز&سكر...

وعلى فكره:
شوف رسالتك متى تاريخها...وبتعرف وش قد أحب الذكرى...!!
وماهي بأي ذكرى....ذكرياتك وحدك..!

**وزير السلطان** · 20-08-2010, 06:01 AM

تعال وقل مابدأ في خاطرك...لاتحسب أني بقلل من إحترامك

عطني عيوبي والصديق اليا صدق مابه عتاب
........................... وان كان جاتك زلة مني .. فأنا صبارها
وش صدمتك فيني وأنا ياخوك من نسل التراب
......................... اللي له ابن ادم يعود من الثرى لأسوارها

إقف إجلال وإحتراما لمقولة عمر بن الخطاب رضي الله عنه
عندما قال:
{رحم الله إمرا إهداء لي عيوبي}

ويننا اليوم عن هالمقوله الرائعه...اللي بصراحه أشوف إننا بحاجه كبيره لها...
وخصوصا في هالوقت...
اللي تلاقي الزوج ترك زوجته...
الأخ هجر أخوه..ال..ال..ال....وقس على هذا...
تذكري لي إحدى القريبات مني..إنوه بعد زواجها بسنه تقريبا..
بدأت الخلافات والمشاكل تنشأ بينها
وبين زوجها...فكانت هناك بعض الأمور اللي تصير..وكل واحد فيهم يحب أنه يبين أنوه هو الصح
والثاني هو اللي على غلط...فيوم من الأيام توصلت لحل واللي هو:
إنها تأخذ ورقه وقلم وتكتب كل العيوب اللي شايفتها بزوجها
وكتبت بأخر الورقه طلب لزوجها إنوه يعمل نفس اللي عملته{ورقه وقلم}..
تقول هالأخت/
إنوه ولله الحمد والشكر من بعد هالطريقه صارت حياتنا أفضل بكثير..وصارت للأحسن..
ماشاءالله تبارك الله كول واحد فيهم أهدى للثاني العيوب اللي شافها فيه..!!
وإستطاعا أن يتلافياها مستقبلا

طيب أنا شفت في زيد من الناس تصرف ماأعجبني....
ليش ماأجيه له وأقول والله
أنا شفت فيك وفيك....!!
وأريح قلبي وضميري....يمكن هالأخ يجهل ببعض الأمور..أو إنوه الكلمه اللي قالها
في المجلس الفلاني كان يقصد بها شيء معين والشيطان وسوس لك ورتب لك الأفكار
وهو حريص على مثل هالأمور...
لأني أقولها وبكل صراحه...إنت أو إنتي لمن تشوف تصرف صدر من شخص
تجاهك..يصير هناك تصارع بين الأنفس اللي بداخلك{النفس الطيبه والنفس الخبيثه}
واللي تغلب على الثانيه هي اللي تتملك سيادة الموقف...
فإنت حاول دائما إنك تدع الدفع المعنوي لتلك النفس الطيبه وتيجي للشخص
ماهو في مجلس عام...وتهل علومه هل..!!
لا..تيجيه على إنفراد
وتقول:
والله ياخوي يوم كننا بالمكان الفلاني صدر منك كذا وكذا....وأنا والله بصراحه
خذيت بخاطري...عليك...ولاأبي الشيطان يسوي ويسوي....جيت اليوم بنفسي
وأبيك توضح لي وإن كان صدر مني زله أو لغط...فاأقدم لك إعتذاري..
هالشخص بعد ماتقول له هالكلام راح ينحرج وهو اللي بيدأ الاسف...

ولاتأرجح نفسك إنوه هالشيء إنتقاص لشخصيتك..أودناءة نفس..
بالعكس والله إنوه تواضع لها وسمو ورفعه...

ولنجعل من حياتنا...حياه تسامح وتأخي...

~بقلمي المتواضع~

أتمنى من كل شخص بهالمنتدى
يرى في بدر العلا
عيوبا أن يهديها لي
وله مني كل الشكر والتقدير؛؛؛؛
وصباحكم رضى وطمأنينه
!~

**وزير السلطان** · 23-08-2010, 06:08 AM

للصورة حديث

طبعا هالسمبوسه...أكثر شيء لفت إنتباهي لها وشدني هو صغر حجمها...
لدرجة ماقدرت أتمالك أعصابي وأشر ع طول لسوسو..المصور اللي..عارفين سالفته..!!
الناس اللي متابعايا هما اللي بيحلوا الفزوره...ياقميييييييل
طلعوا خواتنا في الله مسوينها ومتفقات إن اللي يأكلها هو ينزلهم للسوق
طبعا لاتعليق بعد كذا إيش اللي صار...!!

**وزير السلطان** · 30-08-2010, 09:36 PM

إذا أردت أن تطاع فاطلب المستطاع

من أنواع القهر إنك تكون إنسان تحب النظام بس تتفاجأ إن النظام ضدك...أقول لكم إيش اللي حصل لي من كم يوم..

يوم الخميس الماضي... إستلمت مبلغ من نصيبي في إحدى البيعات...وكان المبلغ نوعا ما حلو...فقلت ليش يابدر ماتروح للبنك...وتحوله في حسابك...بدل ماأنت شايله معاك...أامن لك....طبعا مريت على أحد فروع هالبنك...وسويت لها إيداع نقدي...عن طريق الصرافه....اللي حصل....إنوه بعد مارجعت البيت وشغلت النت قلت...خلني أشيك على الحاسب...بشوف كم وصل الرصيد...

على باله يب ينافس ولد الشربتلي...الموهيم
تفجأت إلا المبلغ اللي حولته من شوي...مانزل بالحساب...يالله...وش السواة..
والله وأدق على العمليات حقين هالبنك...
طبعا أول ماشرحت له السالفه..إلا هو يرد علي ب شيء طبيعي يصير مثل هالحالات..
طيب هالمبلغ اللي حولته..قال:إذا كمل أربع وعشرين ساعه ولانزل بحسابك..لازمن
تراجع الفرع اللي سويت الأيداع فيه وبيفيدونك...

طبعا ماصدقت على الله يجي يوم السبت..إلا وأبوالعلا مسنتر على باب البنك...دخلت قبل
الموظفين...إيه حلالي ماهو بشيء حين..ولاجا إلا بسهر الليالي...
طبعا أول مابدأ الدوام...دخلت على الموظف وشرحت له السالفه..قال لي
رح لأخر واحد بذا الكونتر...يوم وصلت له...وشرحت له السالفه...
قال لازمن تروح لحقين الإستقبال تجيب لنا كشف حساب ..
يالله وش ذا الطلبات اللي مالها داعي...
رحت لحقين الإستقبال..وشرحت له الموضوع...إلا يقول:
صف طابور مع هالناس...أطالع إلا قدامي7أشخاص...
يالله نتصبر مالنا غير الأجر والمثوبه...
تصوروا القهر يوم وصلت له...إلا يعطيني أستماره
ويقول لي عب البيانات..ثمن أرجع صف طابور من جديد..
يوم قالها..وتمسك معي...والله ولاحسيت بنفسي إلا وأنا
أزاعق عليه...على كيفك..أرجع مره ثانيه..وين المدير.
شوي إلا حارس الأمن داخل علينا...وجالسن يقولي:
إرجع صف مره ثانيه..!!وإحترام النظام..!!
قلت والله ماأرجع...وأي نظام تكلمون عنه..
والموضوع صار فيه شد مني ومنهم...لمين جاء مدير الفرع...
وخذاني بيده..وعلى مكتبه...وشرحت له السالفه...
وقال يابدر الناس في رمضان...وصايمه..
طيب أنا في شوال ولاني بصايم
مثلي مثلهم...الموهيم قال أمرني...
وخذا الأوراق وخلص أموري....ورجع المبلغ في الحساب...

الحاصل ياناس...إنوه فيه ناس...تحب تتكلم بالنظام...وهي في الأصل
ماهي بعارفتن وش معنى هالكلمه....مثل هالأخوان اللي نزلونا وطلعونا
من لاشيء....كان يوم جيتك بالمره الأولى وشرحت لك السالفه
عطيني الأستماره أعبيها...على أساس يوم أوصل لك..إلا كل
شيء ماشيء تمام...!!
نصيحه لاتتوهقون وتسون إيداع لدراهم عن طريق الصرافه...يدا بيد..نتشارك فرحة العيد

**وزير السلطان** · 31-08-2010, 05:04 AM

كنت حاطه كتوقيع لي...فلشدة إعجابي به..أحببت أن يسكن هذه المدونه

ما زال المرء يصعد في علمه الى الأعلى!
حتى يظن أنه بلغ من العلم شيئا فيصاب بداء الغرور، والثقة العمياء عندها.. يهوي الى الهاوية، ويعود ذلك المستخدم البسيط كما كان..فمن احتكر المعلومة فقدها، وحرم بركتها.. ومن دونها، وجدها.. ورزق بركتها وتذكر.. أنك لاتبدو غبيا.. عندما تسأل! ولكنك تبقى غبيا.. حينما لا تسأل..
على الشبكة العنكبوتية، تختفي المظاهر، وتظهر التربية.
لكل مقام مقال..
لسانك حصانك ان صنته صانك وان هنته هانك..
بالغصب ما نعطي عدال الرغيف .. وعند الرضا حنا كبار العطايا

**وزير السلطان** · 09-09-2010, 03:18 AM

تسحرت سفن دايز..وموكا...وطرالي هالتصميم

**وزير السلطان** · 12-09-2010, 03:05 AM

فليتك إذ لم ترع حق أبوتي فعلت كما الجـار المجاور يفعـل

ماأدري إحنا بأيا زمن...ولاعلى أي كوكب...ماأقدر أقول غير
اللهم لاتنزع الرحمة والرأفة من قلوبنا..
وأن تكتب لنا الصلاح والفلاح في الدنيا...
وتزرقنا جنتك مع الأنبياء والشهداء...

~ الموقف ~

كادح...وكافح...حتى أمن مستقبل أولاده....أصيب بمرض السكر...والإنسان اللي مصاب بهالمرض...الله يشفيهم يارب....مثل ماهو بمعلوم لديكم...الجرح صعب يلتئم...بسبب تلف الشعيرات الدمويه...الشاهد من الحدث إنوه...قبل تقريبا الثمان سنوات
أصيب هالأب الله يشفيه بجرح بأحد أصابع رجله اليمين....وإنتشر فيه مرض الغرغرينا
وتقرر بتر الرجل اليمني من مفصل الركبه....وبعدها تقريبا بخمس سنوات...أصيبت الرجل اليسرى....وقرر الإطباء بتر الرجل من مفصل الركبه....فبعد أن كان يقوم بإهتمامات أسرته
وتلبيتها أصبح هو في أمس الحاجه لمن يهتم فيه...ويقف على شئونه الحياتيه...
هالأب الله يشفيه ويكتب له الأجر والمغفره يارب...أصيب بإرتفاع في ضغط الدم
بشكل مستمر...ومتواصل أثثناء شهر رمضان المبارك....
مما إستدعى إدخاله المستشفى ليكون تحت متابعه من الأطباء المختصين بمثل هالحالات...

قمت بزيارته في يوم العيد كأمر واجب علي....وكمحاولة مني
في تخفيف مصابه...أسأله سبحانه أن يشافيه ويعافيه...ويرفع عنه..وأن يحتسب
له الأجر والمثوبه على ماألم به...
ليس هنا العجب....فجميعنا مؤمن بقضاء الله وقدره
وماأصابنا لم يكن ليخطأنا وماأخطأنا لم يكن ليصيبنا...

العجب أن أحد أبناء هذا الرجل...
في رحله إستجماميه مع أطفاله....
أين قلب الرحمه في داخلك...بأي عقل تفكر.به...
من الذي أخرجك بعد الله رجلا بهذا النشاط والحيويه...
من....من....من.....!!
أبوك الحين بين الحياه والموت...
وحالته الصحيه محتاجه وقفتك بجانبه..!!

الكثير من الإستفهامات التي لم أجد لها إجابه
ولن أجد لها إجابه لأن الإجابه وارده في قوله تعالى:

{ وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما . واخفض لهما جناح الذل من الرحمة وقل رب ارحمهما كما ربياني صغيرا . }

اساله سبحانه يثبت قلوبنا على طاعته ورحمته...وأن يجعلنا ممن
يبرون والديهم...ويحسنون معاملتهم...

**وزير السلطان** · 15-09-2010, 02:52 PM

تعالي يابعد روح الشعور وياروح عمره...أنا البارحه لهذا اليوم أبد ماغمضت عيني..!!

**وزير السلطان** · 19-09-2010, 09:48 PM

لك مني جزيل الشكر

تعبت أسال من المخطي تعبت أردد الموال........... مادامك ما سقيت الزرع ما لك حق في قطفة

الشاعره/
الغريبه

**وزير السلطان** · 27-09-2010, 01:27 AM

ماهو بكل من قال اغليك يغليك هو كل مسلم في زمنا يصلي

في هالزمن ياصاحبي عيش دنياك

.. .. .. ..لا لا تحاول تفهم اللي حواليك

فكر بشخص طول هالعمريفداك

.. .. .. .. واترك بقايا حكي ما اظن يعنيك

تكشف لك الأيام من كان يهواك

.. .. .. ..ومن هو يمثل دور إنسان يغليك

ناس نسوك وناس ناسين نسياك

.. .. .. ..وناس تناسوا ناس ناسين ناسيك

وناس رؤوس أموالهم بس طرياك

.. .. .. ..وناس يشوفون الفقر في طواريك

وناس ليا شافوا الزعل في محياك

.. .. .. ..تسابقوا من فيهم اللي بيرضيك

وناس لو انك تنحرق فيك بلواك

.. .. .. ..خلوك وحدك تنحرق في بلاويك

صعبه تلاقي فالبشر بعدفرقاك

.. .. .. ..من يذكرك بالخير لا حل طاريك

ما كل من حاكاك بالصدق حاكاك

.. .. .. ..حتى المنافق لو تركته يحاكيك

وما كل من خاواك بالطيب خاواك

.. .. .. ..حتى النذل لو جات فرصه يخاويك

خل النباهه عند هالناس مبداك

.. .. .. ..والصد عنهم خله أسمى مباديك

أعطاك ربي من تفاصيل ما أعطاك

.. .. .. ..عقل وتحكم من من الناس شاريك

ما توقف الدنيا على شخص جافاك

.. .. .. ..حاول تطنش وابتعد عن مجافيك

انت الوحيد اللي أبدما تناساك

.. .. .. ..وانت القريب وأعتبر راحتي فيك

شفت الحروف اللي به الكون وياك

.. .. .. ..ما أظن تقدر بالمدايح توفيك

وطول النجوم اللي ضوت بعد طرياك

.. .. .. .. ماأظن تضوي لو تناسيت طاريك

انت الغرام المرتسم في حناياك

.. .. .. ..يجذب عقول هايمه في معانيك

لولا إلهي ثم بعدين لولاك

.. .. .. ..ما كان للإحساس طاري وتشكيك

ياصاحبي في هالزمن عيش دنياك

.. .. .. ..وأحكم بعقلك من من الناس يغليك

راق لي..

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget