للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 09-01-2011, 07:41 AM

غبت عني والشوق جابك...!!!

غابت مراسيلك وهزني الشوق لطاريك...ياكثر حكي من هم حولي
...بس حكيك غير...راحت بي الهواجيس تشرق بي وتغربي....ياترى وش هي علومك...واخر اخبارك..!!
عسى موانعك خير..!!

**وزير السلطان** · 10-01-2011, 04:40 AM

ياصاحبي أن صدر مني خطيه...فالعذر والسموحه وأقوله بكل صدق نيه...!!

صباحكو خيرات

بالبادايا بتشكر كيل اللي صوتولي بالتأييم
فردا ...فردا...

بعض الأحيان نشوف أخطأ بحياتنا...فبيصير قدامنا خيارين

يإننا نصحح هالغلط بالطريق الصحيحه وهذا هو الأولى

ويإما إننا نسكت عن هالخطأ ونصير مشتركين في هالخطأ

لكن اللي أمر من هالأمور هو إننا لمن نصحح الخطأ بخطأ

طبعا متأكد إنوه مافيه أحد مر بهالموقف...أو شاف حدا مر بهالموقف..

هذه مقدمه بسيطه لموقف صار لأحد الزملاء المعلمين...

يقول أبوحمد...إنوه كل يوم بيتفاجأ وهو خارج للعمل بكيس زباله مرمي
قريب من باب بيته..!!
طبعا هو متأكد إنوه من بيت جارهم فلان..!!اللي ساكن بجنبه
يقول :
جاء يوم من الأيام إلا وأشوف الشغاله تسحب الكيس لين وصلته قريب
من بابي...وتركته ودخلت البيت...يقول أنا أذهلني هالموقف...
قدرتي توصلينه لين هالمكان ولاتقدرين توصلينه لصندوق النفايات
اللي بعد بيتي بشوي..!!
يقول/
إرتفع ضغطي من ذا الأندنوسيه..
وفقدصوابي...وإنعميت عن الحل المناسب...
قام أخونا أبوحمد وخذا الكيس اللي تو الشغاله جاذعته
وسحبه لم باب بيت الجار اللي دخلت به الشغاله..!!
تصوروا وش صار...
يقول وأنا جالسن أسحب الكيس..بإتجاه باب الجار
وخلاص وصلته...إلا جارنا (صاحب البيت)
طالع من باب بيتهم....!!!
وشذا الموقف المحرج...!!
يقول أنا خلاص خفت لايفسر إن هذه وإنتم بكرامه زبالة بيتي
وجايبها له...فعلى طول سويت نفسي...منزعج..وكلمته بالموضوع
والرجل كان متفهم بصراحه...واعي...لدرجة إنوه قال
المفترض تجي لمي وتقول لي على هالشيء
وأنا بطريقتي أحل لك الموضوع...أوما تيجي تعالج الخطأ بالخطأ
مايصير...إنت جاري وأنا جارك..والكل منا له حقوق على الأخر...
يقول/أبوحمد غدا وجهي تقل علبة صلصه

...!!

فيوم ناقشت أبوحمد...وقلت له وش هو له تسوي كيذا...كان رحت لم
هالرجال...وشكيت له الوضع...قال/يابدر...هالجار ماقد صار بيني وبينه
أي موقف...اللهم أشوف بعض الأحايين بالمسجد...بس...

أعزائي المستمعين الأفاضل...
هاهي مراكبنا الشراعيه المتواضعه تصل شواطئ
الختام معلنة وصول جميع ركابها وطاقمها القيادي بكل صحه وعافيه
إلى لقاء يجمعنا في حلقة قادمه..!!
^
^
ع باله مذيع في قناة "مهما يبعدونك بتصير مني أقرب"
^
حلو هالبيت ماهيك..!!

يوم كتبت الحلقه القادمه..تذكرت موقف صار لي بالأبتدائيه...
كنت طالب مره مجتهد وحريص...وكان رائد الفصل
مسلمني مهمة ترتيب وتنظيم الإذاعه الصباحيه
وكانت الأمور ماشيه تمام...فجاء يوم من الأيام
وتأخرت في الحضور...واللي ماسك التقديم
هو أنا
يعني مافيه إذاعه لوماجاء المقدم,,,!
الموهيم دخلت بأخر لحظه وع طول مسكة
المايك...وهذاني متحمس
يوم جاء أخر شيء
بدل ماأقول/
إلى اللقاء في إذاعة قادمه
قلت
إلى اللقاء في الحلقه القادمه
^
^
متأثر بمسلسل بنات أدم
خخخخ

**وزير السلطان** · 21-01-2011, 01:59 PM

البر دوى أبو قلبن عليل

والله بصراحه جو الرياض هالثلاث أيام الأخيره
صاير..يزنن (يجنن)...واحد من الشباب يقول:
(بلاإختبارات بلاهم....الثمامه هي الأهم)...هههه

على طاري البر...ومشتقانه...

صار حليب ماهو ببر..!!

صار لي فتره متمركز بأحد المنتديات اللي تهتم بالطلعات البريه
يعني خبركم شخص أحب البر...وعلومه....

قم بس قم..!!
فعاد وأنا جالس أتصفح المواضيع والتقارير المكشاتيه...إلا
هالصوره صورة أبوي..بواحد من التقارير...هو ومعه ناس...
من أصحابه...عرفت بعضهم..وعلى طول....أشغل الموضوع...
وأجمع العائله الكريمه...أقول لهم...شوفوا...وين أبوكم رايح له..!!

من كم يوم طلعت مع واحد صيدلي....(ماهو بأخوه ترى)...!!!
فاللي أعرفه أنوه الواحد لاطلع للبر...يكون نظيف...بس ماهو بهالشكل..
المهووس...!!
يعني تغسل البياله 5مرات...كل هذا شك..في النظافه..!!
إنت ترى ببر...مإنت بفلتك..الله لايهينك...؟

ماني بمطولن عليكم....يالله روحوا...ذاكروا...
ولاتهتموا بالأجواء....لأن الأيام اللي بتيجي...بتكون أحلى ...وأحلى..
وخصوصا بعد مقدم والد الجميع...أبومتعب..عسى الله يطول بعمره
ويعطيه الصحه والعافيه...

**وزير السلطان** · 23-01-2011, 12:32 AM

ترطيب اللسان وأثره...على من هم حولك...!

مافيه أحد يرضى بالظلم...سواء عليه أو على غيره
قبل شوي أقرأ قصه واقعيه لأحدى الأخوات بالمنتدى
بتحكي عن جدول إختبارات...و...طلب ترتيب له..وإنوه مساعدة المدرسه
رفضت...لدرجة إنوه البنات وجهن الدعوات عليها بالموت...ولامضى إسبوع
إلا وهي منتقله لجوار ربها....عسى الله يرحمها..ويرحم جميع
أموات المسلمين...

بعد قرأتي لهالقصه...تذكرت...حادثه صارت...من 3شهور تقريبا..وهي لإحدى الخوات
في سلك التعليم...تقول:
إنوه عندهم مساعده...تقيه...زكيه...تعطي كل ذي حق حقه...ماشاءالله تبارك الله
الأثنين والخميس...تصومها....وقوره...قمة في الإخلاق...ركعتا الضحى ماتفوتها...
ماشاءالله تبارك الله عليها...
وكان فيه طالبات كليه يطببقن...بهالمدرسه....وكانت وحده من هالطالبات...حامل في الشهور الأولى...
فكانت هالمساعده...رأفتن بحالها...ولاهي بمثقله على النصاب....يعني غالبية
وقتها...في غرفة بنات الكليه...بهالمدرسه...(من زود الفضاوه)..
فيوم من الأيام...صار هناك نقص...بعدد المعلمات الأساسيات...
إضطرت هالمساعده إنها تكلف هالطالبه..بإنها تطلع لإحدى الفصول الدراسيه
طبعا هالطالبه(طالبة الكليه)...سوت من الحبه قبه...أنا...وأنا...قالت لها المساعده:
أنا مريحتك...فتره طويله...ويوم جاء هاليوم....تأففتي...وأنوه ماأحنا قلوب رحيمه..!!
المساعده...لاشعوريا...طلعت من فمها( الله لايسهل عليك)...
طبعا جت إجازة عيد الأضحى المبارك....والناس رجعت لدواماتها...وهالبنت...
لاحس ولاخبر....يوم إتصلت الإداره على أهلها...قالوا:
إن البنت جاء لها مولود...وهي للأسف...بين الحياه والموت
بغرفة العنايه المركزه...طبعا الكل عرف بهالسالفه...وفسروها
إنها ممكن دعوة هالمساعده...وافقت ساعة إجابه..
الله يشفيها ويشفي جميع مرضى المسلمين أجميعن...

فعلى أساس كيذا...بنصح أنوه يعود لسانه على ذكر الله سبحانه
وعلى الدعوات بالهدايه...والصلاح لكل اللي بتتعامل معاهم...
أتذكر إنسان من أعيال عمي..كنت طالع معاه برحلة سفر...فككان بعض
الأحيان شباب يدخلون بسياراتهم علينا...بشكل متهور...كان يقول:
(الله يهديه....الله يصلحه)..هاللحين عرفت تفسير هالشيء...

- أتذكر سمعة مكالمه لإحدى البنات بالتلفزيون مع أحد المشائخ..
تقول هالبنت:
إن لها أخ وبيوم من الأيام طلبت منه يوديها لمحل..ورفض بحجة إنوه
عنده شغل ولايمكن يوديها...فهي قالت له :
عسى الله لايردك....(إعتبار إنها عاديه)...!!
تقول:
والله ماكملنا نصف ساعه غير تلفون البيت يدق...
ألو/
معاكم مستشفى ......!!
ولدكم سوى حادث...وتعالوا إستلموه..من الثلاجة....

فلنرطب ألسنتنا بعبارات الهدايه والصلاح....

**وزير السلطان** · 24-01-2011, 11:42 PM

من غبت عيني ماتنام...من غبت جافاني الكلام...!!

لم أعتد المجئ إلى هذا المكان بدونك
كانت علاقتنا دوما كعلاقة الظل بالشيء...!!

واليوم....أصحبنا نتعاقب المجئ إلى هنا
كتعاقب الليل والنهار....!!!

أتمنى أن يأتي يوم فيقدر الله
أن تتعامد شمس حياتي...مع قمر حياتك
حتى يمتزج ضوء كلا منهما مع الأخر
لتخرج تلك الروح التي إعتدنا عليها

مني...إليك...!!

**وزير السلطان** · 25-01-2011, 09:41 PM

إنت هوااااااي....إنت شمسي...وضيااااااي.....إنا بدونك...زهره بليا.مااااااي...وبس

الإنسان لمن يحب شيء خلاص
تتبرمج القوى العقليه عنده لهالشيء...!!
مثال:
لي زميل إسموه أبوعبدالرحمن...وهالزميل دوم أفكر فيه....
وإن شاءالله مايكون لمصالح معينه...حب في الله
طبعا هالإنسان من كثر مايصير بيني وبينه لقاءات وإجتماعات....
وإتصالات...بحكم المهنه الشبيهه ببعضها...
صرت أنادي...أخوي أبونايف...بهالأسم...ببعض الأحيان...
بدون قصد طبعا....ماأدري غير وأنا أقول يابوعبدالرحمن..!!!

قبل شوي أكلم مديري بالعمل...
وهو أبوعبدالعزيز....
فبدون قصد جالس أتناقش معه وأقول له يابوعبدالرحمن..!!
يرجع يقول لي: أبوعبدالعزيز....
ويوم قلتها المره الثانيه بدون قصد....
قال أبوعبدالرحمن هذا مأخذن عقلك...!!

وعلى طاري هالأمور..هذا واحد من الشباب...
الله يهديه...له علاقه مع وحده...ومأخذتن عقله...ونقول
إن شاءالله يمن الله عليه بالهدايه.......فيقول:ياشباب...أنا أعاني...!! وش تعاني منوه..!!
قال: بعض الأحيان...أنا أغلط بعض الأحيان
وإسمي أختي...
بهاللي شاغلتن بالي....قلنا له:
دام هذه أولتها...بيجيلك يوم....
وتندم على ماسويت..!!!...أكمل ولاخلاص..!!

**وزير السلطان** · 28-01-2011, 06:18 AM

صباح الخير......B

شخصن لامن ذكرته قلت عسى الله لايجيب طاريه

>>>>>>>>>>>>>>>>>>>وشخصن لامن ذكرته قلت أناياناس بالروح شاريه

هذا ماهو بحكمي !هذا حكم القلب وغيره مايبغيه

>>>>>>>>>>>>>>>>>>>الله يديم المحبه على قلوبن تعاهدت بصفو النيه

صح لساني~

**وزير السلطان** · 07-02-2011, 12:37 AM

ياسائلا عني إذا مر الهوى بلغه أني في هواه قتلت..!!

ياسائلا عني.....!!!

ياسائلا عنى ترى خاطرى ضاق
......................................................................... تساوت غداريها بليلا به نجوم

اقاسى الاهات يوم الردى باق
........................................................................... اقاسىالاهات يوما بأثريوم

حتى الصبر يا خوك ما عاد ينطاق
................................................................. صبرى تعدى الحد واخشى من اللوم

لا بغيت ادله واحسب ان خاطرى
....................................................................راق تنتأبنى هوأجيسا كانها حلوم

هواجيسى توارد عجلات سباق
...........................................................................بين الضلوع اقاسيهايوم بيوم

كأنى اسيرا يطلب الله الا عتاق
........................................................................... خلوه ربعه يوم قفوا به القوم

يابوسعد ماودى بكشف الأوراق
......................................................................... وأبوح بسرا بين الاضلاع مضموم

لاشك حالى يافتى الجود ينباق
........................................................................ واصبحت انا فى حيرة دائم الدوم

اللىعزيته شفت انا منه ما لاق
..........................................................................واللىشريته با عنى بأول السوم

واليوم انا حالى يستحق الاشفاق
.......................................................................... ممن اوده صرت انا اليوم مضيوم

شربت انا من صافى السم ترياق
........................................................................ولا ادرى انىاشرب الكاس مسموم

دنيا بلاويها كما ضرب الاعناق
..............................................................................تشييب اللىتوه اليوم مفطوم

دنياك يفوزبها من الناس بواق
....................................................................... وراعىالشهامه أ صبح اليوم مذموم

اشوفها تشكل اشكال وارناق
............................................................................. واشوفها صارت غرا بيل وعلوم

اشوف لى ناسا بلا خلق واخلاق
.............................................................................. ما كنها اجوادا لها نهج وسلوم

وهذاك طويرا بالجناحيين صفاق
................................................................................ يا له من وقعة لوكثرالحوم

والليل بينجلى مع شمس الاشراق
............................................................................والنايم لابد انه يصحى من النوم

هذه ظروفا مع الايام تنساق
....................................................................................... دوراتهالابد لنا بها يوم

ترجع اياما ماضيات لنا عتاق
...........................................................................يوم ان الحرما يتعشى مع البوم

يا الله يالمعبود قسام الارزاق
.............................................................................. ياعالما بالسر يافارض الصوم

اجعل منهاياوالى العرش منطاق
............................................................................وانت الذى علمه علا كل معلوم

وصلاة ربى عداد ما لاح براق
............................................................................على نبياصفوة الخلق معصوم

الشاعر/ ضيدان محمد الدوسري

**وزير السلطان** · 09-02-2011, 12:21 AM

يالبى قلوبكم

**وزير السلطان** · 11-02-2011, 01:35 AM

هي من تستحق ذلك...!!

نادت مشاري صاحو الخلق لبيه ++++++++من زينها كل الخلايق مشاري

>>

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget