للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 01-10-2010, 01:17 AM

وأرفع الخفاق الأخضر..يحمل النور المسطر...

رفرف ياعلم فوق...فوق
....................................................وعسى أيادي ....حسادك..... للعوق

**وزير السلطان** · 05-10-2010, 01:50 AM

تورتيلا قصيميه

علموها / تراني ما كذبت بكلامي
يوم أقول : إنها ست الحسن والدلال
وما أزيف / ولاني في قصيدي حرامي
كل حرف كتبته / كاتبه بالحلال
كان شعري مخليها / تزيد إحترامي
والله إني لا اجننها / وأطش العقال
ليه لا / دامها اللي / نورت لي ظلامي
هبلت بي / وأنا مانيب ناقص اهبال
ما دريت إنها رايح تثير اهتمامي
وما دريت إنها بالوصف / فوق الخيال
وكنت أظن إنها / ما راح تاصل مقامي
وإن حبي لها يا سعود / صعب ومحال
لين جتني / وشفت الزين كله أمامي
ساطية بالدلع / والغندرة / والجمال
مدري جتني / أو اللي جاني / بدر التمامي
نرجسية حلا / تسلب عقول الرجال
قلت : هي هذي اللي / شفتها في منامي
إفزعوا يا عمامي / إفزعوا يالخوال
قالت : أهلين / قلت : أهلين / والقلب ضامي
وإرتكز عودها / ثم إنثنى لي / ومال
قالت : إسمي ( .... ) قلت : أحلى الأسامي
وانزفتني غلا / ثم انزفتني وصال
قالت : القلب / قلت : القلب بالجرح دامي
قالت : الذنب / قلت : الذنب كبر الجبال
قالت : الوصل / قلت : الوصل غاية مرامي
قالت : اصبر / وقلت : الصبر ماله مجال
اذبحتني / وراحت / واتركتني بهيامي
والله إني بغيت أخطي / وأصلي شمال

**وزير السلطان** · 06-10-2010, 12:43 AM

رد: في واقع الأمر ماني بااصغر عيالك رباني الوقت لاتحلم تربيني

أكبر تواجد بالمنتدى كان: 2,277 بتاريخ 05-10-2010 الساعة 09:35 PM

عسى دووم هالرقي وهالتميز ياأغلى وطن....
إلى الأمام يازهرة حياتي....وياشمعة دنياي...
ماغيرك خذا قلوبنا وإستهوته كل الأعيان...
الله يحفظك قصرن شامخ في كل الأزماني..

**وزير السلطان** · 09-10-2010, 02:31 AM

الوقت ضدي .. حرمني من ملذاتـي والصد بعدك ذبح روحي .. وكملهـا

يا متعب القلب قلي ويش غلطاتي
................................ان كنت انا اقدر اعدلها .. بعدلها

لصرت تجهل عناء الدنيا .. وضيقاتي
..............................من دون ماشرح لك اوضاعي تأملها

الوقت ضدي .. حرمني من ملذاتي
................................والصد بعدك ذبح روحي .. وكملها

لا .. لايغرك كثير الصمت .. وسكاتي
..............................خل المشاعر تقول ( الاه ) وإسألها

يسكني الحب .. واضح من عباراتي
.................................وش عاد لجلك حروفي لو أذللها

عذبني الشوق واسرفت بخيالاتي
................................روح تحبك دخيلك ليه .. تهملها

ياليتك إشوي تشعر في معاناتي
................................دنياك يمكن عليك تضيق باكملها

الحزن كنه سفيري في علاقاتي
...............................والهم خيم على حالي .. وطولها

اغديت دربي وتاهت فيك خطواتي
................................كل المواعيد مدري ليش تجلها

سنين احاول وضاعت كل حيلاتي
........................متدري اني ( حياة الذل ) مقبلها

لجيتك أسال وادور فيك ضحكاتي
................................كنك تعمد بيديك اليوم .. تقتلها

لا تترك الظن يلعب باحتمالاتي
..............................الكلمه اللي تحز بخاطرك .. قلها

تعال شفني وحس بحال لوعاتي
................................كن الدقايق بدونك عام مطولها

متى التباشر بقدوم ( الغلا ) تاتي
................................فرحة زماني بشوفك ما تخيلها

خلاص صبري تعدى كل هقواتي
............................اتعبت نفسي ( اعزيها .. وعللها )

ابيك تنسى وتدمح كل ( زلاتي)
..............................بعض البشر صعب مانقدر نزعلها

والحين جيتك ابمسح كل غلطاتي
.................................دنيا ي دونك وربي ماتحملها

**وزير السلطان** · 10-10-2010, 07:23 AM

صباح الفل والياسمين...صباحك لوز

بكره تجي والوقت يرجع زمانه
..............................واحاسبك حتى على النقص والزود
واسقيك من كاس الجفا والمهانه
................................واطيح الدمعه من عيونك السود

:

(M.S)

**وزير السلطان** · 11-10-2010, 06:06 AM

عسى الله لايفرقنا,,,ولأطول عمر تتماسك أيادينا,,,

كيف تبي أقبل هديتك وإنت بالنسبه لي أغلى هديه
نظرتك...أغلى هديه...سؤالك أعظم هديه...
أنا بصراحه أحس بلحظة ندم...على العمر اللي فاتني ولاعرفتك فيك
لأنك إنت بالنسبه لي نصفي الثاني اللي تعبت أدور عليه
~*~*~

(B.B)

**وزير السلطان** · 11-10-2010, 08:53 PM

ناديت بعالي الصوت,,,B....رد قلبي..لبيه

لاتحسب إن قلبي على الصده ناوي
...............................................والله لو يصير اللي يصير ماأتناساك
إنت الوحيد اللي فيه كل أمنياتي
.................................................أبيع كل مافي حياتي ....وأشتريك

(B.B)

**وزير السلطان** · 12-10-2010, 10:33 PM

انت الدنيا وكل اشؤوني واغلى شي بعيـــــوني

أكبر تواجد بالمنتدى كان: 2,369 بتاريخ 12-10-2010 الساعة 09:28 PM

لأحدن يلومني فيه....كامل مكمل وربي عطاه...من الحسن والدلال...الشيء الوفير...في شوفته
كل العيون تتباهى بحلاه....صورته بقلبي مثل الماء الزلال...طالبن مايحرمني منه الواحد الجلال..

(B.A)

**وزير السلطان** · 20-10-2010, 12:48 AM

إحفظ الله يحفظك

اليوم حضرت إحدى المحاضرات والتي تقام بالمسجد القريب من الحي اللي أنا
ساكن فيه:

فمن ضمن الأشياء اللي تكلم عنها الشيخ هو حفظ الله للعباد..وتطرق فيها لقصه أحببت أني
أقولها لكم...
يقول أنوه كان هناك أم ولها إبن يدرس في إحد المدارس...وفي يوم من الأيام قررت هالمدرسه أنها
تقوم برحله لطلابها...وهالولد من ضمن الطلاب...الأم قالت للإبن...أثناء خروجه من المنزل
متوجها لمدرسته{الله يحفظك}...وأثناء ماكانوا هم في الباص صار على الباص حادث...
وكل اللي في الباص..إبتداء من السائق حتى أخر طالب في الباص...تضرروا..اللي إنصاب بكسر
واللي بخدش واللي بجرح بسيط...عدا هالإبن ماصار فيه ولاشيء...وبعد رجوعه لأمه في البيت
قال:ياماما اليوم صار شيء غريب...إنوه صار علينا حادث وكلهم تضرروا إلا أنا..صار فيني شيء
واحد إنوه إنقطع إحد أزرة ثوبي..وعند قيام الأم بغسل الثوب تفجأت بوجود الإزرار بأحد جيوب هذا الثوب....سبحان الله...لأن الحفيظ إسم من أسماء الله..ماتدعو به على شيء من مال من ولد من أي شيء إلا ربي يحفظه لك...

**وزير السلطان** · 21-10-2010, 03:21 PM

يابنت خلي كثر الصد خليه..وحده من الثنتين لازم تبدى

اليوم صارت لنا سالفه والله إن الكل من العائله فطسوا ضك من سالفتنا..!!
ياطويلين الأعمار اليوم جاي أخوي من القصيم...وكنا متواعدين نروح لمحل موجود بشمال الرياض...
الموهيم بعد مارحنا للمحل وخلصنا منهم...وإنا في الطريق راجعين للبيت...إلا أخوي يتفاجأ بجواله ماهو...بمعه...طبعا أخر مره أشوف الجوال معه هي...يوم كنا بذاك المحل...اخوي يقول شكلي ناسيه عندهم...كان هالمحل مليان زوار وعمال خاصين بهالمحل...!! يعني الجهاز إحتمال يروح...
على طول طلعت جوالي ودق أخوي على رقمه...طبعا أخوي رقمه فيه 5أرقام متشابهه...أنا من العجله
دقيت على 6أرقام....يعني زودت رقم....وعلى طول يرد...علينا طبعا الحكي معي أخوي الحين:
أخوي:السلام عليكم
هو:عليكم السلام
أخوي:لوسمحت أخوي هذا جوالي ونسيته عندكم.
هو: وش قاعد تقول أنت.!
أخوي: هذا اللي معك جوالي.
هو:كيف هذا جوالي من عرفت الإتصالات..
أخوي: أنا قبل شوي عندكم المحل ونسيته..
هو:أي محل..
أخوي: محل ...!!
هو: كم رقم جوالك..
أخوي: رقمي هو......!!
هو: لاياخوي غلطان رقمي زايد عليك بس برقم..
أخوي: اسف اسف أخوي..
هو:لالا عادي خذ راحتك..

وفي الأخير تتوقعون وين لاقينا الجوال...في السياره....بكيسة الأغراض...اللي خذيناها..!

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget