تويت
دخولي يوم الجمعه الساعه 9 بالليل وان شاء الله العمليه يوم السبت الصباح لمدة ثلاث الى اربع ساعات
-
الله يتمم عليك العافيه والصحه يارب..ويسهل دربك ويشرح صدرك...إن شاءالله ترجع لنا بألف صحه وسلامه يارب...ولاتنسى الصدقه..في مثل هالحالات..لها شأن عظيم....أمنياتي عودتك لنا بالصحه والعافيه.
دخولي يوم الجمعه الساعه 9 بالليل وان شاء الله العمليه يوم السبت الصباح لمدة ثلاث الى اربع ساعات -
لنكن أصحاب عقول تنير طريق الحياه
هناك بعض القواعد الحياتيه اللي من الطبيعي أن الغالبيه يكونون ملمين فيها..
ومن هالقواعد إنوه الشخص دائما
يعكس الواقع اللي يعيش فيه...
فعلى هالأساس تم إختراع المثل العربي الشهير...حلوه إختراع...
{كل إناء بمافيه ينضح}...يعني الشخص لمن نشوف أنوه نظيف سواء في الملبس أو في النطق وهذا أهم شيء..
يتبادرللأذهان العاقله أنوه هالإنسان متربي في بيئه نظيفه يسودها الأدب....
لكن لمن يكون العكس....
النتيجه حتما بتكون معروفه...
من خلال عملي بكذا إداره...
لاحظت أنوه فيه ناس وللأسف الشديد أشوف مكاتبها فوق تحت...
ولمن تتمعن بهالأوراق...
تلاقي غالبيتها مسودات مالها لازمه تكون موجوده أصلا...
وبعد تلاقي بقايا الفطور على المكتب...!!
رؤيه أخرى...السياره...
لمن تركب بسيارات بعض الناس تلاقي بقايا الشوكليت موجوده...
ولاكوب الكابتشينوا رازه على التكايه..
يتركه يومين ولاثلاثه..
يفشر فيه...
وكأنه ماشرى هالكوفي إلا هو...!!!
اللي أبي أوصل له هو:
أنه وللأسف الشديد أقولها وبكل صراحه...
أشوف مدونات هنا ...
تجردت من المسمى الحقيقي اللي من أجلها وضعت له...
يعني هالمدونه...
ندون فيها مواقفنا ...إبداعاتنا....كلمات أعجبتنا وخايفين لاتروح علينا....
ندونها فيها...هذا اللي لازمن يصير....
بس البعض أنه يجعل هالمدونه سب وشتم للعضو الفلاني...
هواش ومطاقق للعضوه الفلانيه...
يعني إن شاءالله...هالناس مستواهم الفكري ماهو بصغير...
لحتى يقولوا مثل هالكلام....
أنا أدري أنها ممكن لحظات غضب أدت إنه تكون النتيجه بهالشكل....
فعلى هالأساس بتمنى أنوه الكل قبل لايكتب أي رد يراقب الله في السر والعلن...
ويتخذ مبدأ من هالأيه الكريمه اللي هي موجوده بأعلى كل رد
{ما يلفظ من قول إلا لديه رقيب عتيد}
....وسامحوني إذا قسيت عليكم بكلامي...بس صدقوني أعتبركم مثل إخواني وممكن أكثر....!!
مساء جميل أتمناه لكمتعليق
-
موضي حلت ضيفه علي وعطتني هالأبيات أل زميله!!!
بعض العرب لامنه أقبل تفاخرنا بنباه.............وبعض العرب والله إنها غنيمه فرقاه
عليك بشخصن يبهرك في حلاه ومزاياه........شخصن لامن أحتجت له في زمانك تلقاه
ماهو من اللي يحط رأسه بوسط مخباه........ولا.. لأغتنى في دنيته باع خويه وتناساه
حتسي أنا
تعليق
-
{إنا عرضنا الأمانة على السماوات والأرض والجبال فأبين أن يحملنها وأشفقن منها وحملها الإنسان إنه كان ظلوما جهولا} سورة الأحزاب ايه 72
قبل فتره كنت في إحدى الرحلات البريه...وبعد ماتقهوينا وكلينا من اللي كتبه
الله لنا...قلنا خلنا نروح نتمشى في هالوادي...طبعا هالكلام اللي صاير قبل 5شهور تقريبا
أعجبنا منظر شجره قلنا خلنا نروح لها...يوم وصلنا لها تفجأت بوجود جهاز جوال مع الشريحه..
وفي وضع التشغيل بعد...ومن حسن الحظ أن مافيه رمز قفل يعني أقدر أدخل على
الأرقام وع الرسائل..تفجأت في وجود 13مكالمه لم يرد عليها...
طبعا خذيت أول رقم في المكالمات الصادره وأدق عليه.
رد علي طبعا سلمت عليه وقلت له لو سمحت تعرف صاحب هالرقم
اللي أكلمك منه..الولد إختبص جلس يقول لي:ياعبدالله لاتستهبل علي..إلخ
حسباله بسوي معاه مقلب...فهمته ع الموضوع وقلت له السالفه من..وإلى..!
طبعاشوي إلا يدق علي رجال كبير في السن...عرفت هالشيء من خلال صوته..
أثاريه أبوصاحب الجوال...وخذايعطي معي بالحتسي...!
الأبو المسكين متخرع حسباله أن ولده صايرن عليه شيء..لاسمح الله..!
وفهمته بالسالفه بعدما حلفت له...قال لي:الله يطمنك بالخير ولدي طالعن رحلة للبر
مع زملائه...بدق على واحدن منهم..وبخليه يدق عليك...
طبعا أثناء هالأحداث هذه...فيه واحد معنا بالجلسه
جلس يقنعني أن هالشيء رزق لك..وخصوصا إن الجوال
قميته غاليه شوي...يب يقول لي خذه ولاعليك من أحد ..!!
طبعا ولله الحمد نفسي ماهي براضيه أني أسوي هالشيء..وإحتسب الأجر على الله سبحانه...اللي مايضيع أجر أحد...
نرجع للقصه...دق علي الولد..وتقابلت معاه بنفس المكان اللي طالعين فيه...وسلمته جواله..ودعاء لي بالخير...
قبل إسبوع الوالد...جايبن له سواق....وتعرفون الأجنبي لابد يجلس 3شهور تحت التجربه...
وبعدها يستخرجون له إقامه...طبعا جلس عندنا هالمده وشفناه يستاهل إننا نستخرج له إقامه...ويكمل مشواره العملي عندنا...طبعا كملت الفحص الطبي له..والصور الشمسيه..و...و...إلخ من جميع مايتطلبه الأمر لإستخراج دفتر الأقامه
وحطيتهن بوسط محفظه مع باقي البطاقات اللي لي..وبهن مبلغ تقريبا 2400ريال
هالمحفظه بالكامل ضاعت علي ولاأدري وين طاحت مني...ماتركت مكان
مريت عليه إلا وفتشت فيه...البيت قلبته فوق تحت...مافيه أحد بالحي إلا وعرف بالسالفه
ياكود أنه يسمع طرف علم ويبشرني فيه...طبعا بصراحه يأست من البحث
وقررت أني أخذ لي إجازه وأمتطي جواد العناء في سبيل إستخراج
جميع مافقد من بطاقات خاصه فيني أو في ذا السواق..
اليوم الصباح تفجأت بجوالي يدق عليه رقم غريب..مره..مرتين..ثلاث...مارديت طبعا
أرسل لي مسج..أخوي بدر..رد علي ضروري...!!
رديت عليه إلا يقول لي:
أنت وش فاقد...قلت له..على كل شيء...قال كل اللي ذكرته موجود بالحفظ والصون عندي..
ولانقص من اللي ذكرته شيء..قلت بشرك الله بالجنه...ورفع الله قدرك..وزاد في حبك عند خلقه
طبعا بعد ماقفلت منه...أول ماتبادر لذهني هو ذاك الموقف اللي حصل من 5شهور واللي ذكرته
لكم بأول هالرد...يعني الله سبحانه...سهل علي..ورزقني بشخص يقدر الأيه الكريمه
اللي ذكرتها...
اللي أحب أني أبينه للإخوه والأخوات..إنوه بعض الأحيان بتمر علينا مثل هالمواقف..وتلاقي الشيطان
بيلعب ألعوبته..ويجلس يوهمك...بوش ولاوش عليك..!! وخصوصا لمن
يكون مبالغ ماليه....يجلس يطمعك إبليس..في إنوه لو سويت وماني عارف إيه...هينا
يجي دور النفس الزكيه هينا يجي دور إيضاح معدن الشخص..
فلاتترك للشيطان مجال أنه يسيرك على هواه...!!
تعليق
-
أقول ياقلبي إذآ .. أبطى .. ( أب أنسآه )وأسمع صدآه يرد .. ( ودي أصدق ) ..!!
لحدن يحاكيني ترى الخاطر اقصاه
والدمع ..يا قلب العنا مايطيبك
حتى لو ابكي وش ورى دمعي و ماه ؟؟
ويلي على ادري ويش قلبي يبي بك
تطري علي والقلب ماجاه كفاه
غايب لكن غيبتك ما تغيبك
خذيت تلفوني القديم اتقراه
الين فاحت شاشته ريح طيبك
رقمك مسجاتك وصوتك و طرياك
كن الطيوف اقبال عيني اتجيبك
لابوك يالتلفون ماتسمع الأأأأه
في ذمتي انك صدق ضيعتني بك
متعومس الخاطر وياقلب ويلاه
ماقد ذبحني الا سكوتك و طيبك
ولا انت...!! يا لاهي ولا ادري ويش الهاه؟؟؟
طف بوصالك مابقى من لهيبك
ياحبك لقطع المواصيل حباه
قطعت قلبي منك لا قطع صيبك
وسويت في اللي سواتك ماسواه
واتحملك مهما جرى و ارتضي بك
ياذابحي ياصبر ذالقلب صبراه
ذبحته بكفك وهو ملتجي بك
اتروح..؟ روح و دربك الله يرعاه...
لو ابغى اجيبك اعرف وشلون اجيبك
در في ثرى الدنيا و مثلي ما تلقاه،،،
تبطي عظم ماشفت زولن يذيبك
حظ الهوا اللي اتعيش به بس حظاه
لانه الوحيد الي قدر يختلي بك
ادرى عليك من الهوا و اتحاشاه
واروف بك و اهيم بك و اعتني بك
لانك سحاوي و السحى يكسر اجباه،،،،
وشلون ماتبغي الهوا يستحي بك
عيبي احبك لو غرامك معاناه
وانت الغياب الي بلا عذر عيبك
اضيك من جفواك و اجرها اه
اخاف من غدر الزمان يغدي بك
لو انك تدري خاطري عقبك ايش جاه؟؟؟
يمكن تنوح الليل و اتطر جيبك..!
اشره على الحب اللي عطيتك اياه
ملعون حظ حط حبي نصيبك،
هملتني بين الامل و المحاتاه
مدري عدوك صرت ولا حبيبك..؟؟؟!!!!
حمد البريدي
تعليق
-
هلت تباشير الفرح بلقياك...وأزدادت سعادتنا بحضورك
أغرب من الصدفه تلاقينا...
تلاقينا بدون أي موعد...
جت من الله كذا...
تحسب إني أتبع خطاويك
لا..لا..ماني من اللي يتبع الناس..
أنا من اللي تتبعه خطاوي الناس..
فيه واحد من إخواني بالقصيم..وحب هالخميس والجمعه يقضيها عندنا..طبعا
جاء لمنا..وبعد صلاة العشاء خذا زوجته وطلع..ع السوق..
يبي يخلص كذا شغله خاصه فيه...
طبعا خذيت الوالده وأيا أخواني ..وطلعت أتمشى فيهم....
دقيت على أخوي بشوف وينه فيه..!!
على أساس مامعاه مفتاح للبيت...
إلا يرد علي ويقول:
ماني براجعن بدري الليله وحتى العشاء ماني بمعشي معكم...
طبعا بعد ماخذينا كذا لفه بشوارع الرياض الحبيبه..
قلت الليله بدر عازمكم ع العشاء...
إنتم بس إختاروا المطعم...قالت الوالده:
نفسي الليله في مشاوي...
سمي وأمري ياأغلى قلب بهالدنيا...
والله ونتوجه على البحصلي...
كل شيء عندهم فريش...
بعد ماطلبنا الطلب وتعشينا واللي كتبه الله لنا...
ويوم أطلع للمغاسل عقب العشاء...
إلا أتفاجأ بأخوي اللي طالعن بزوجته...
بعد ماخلصوا من السوق
حب الرجال يترومس شوي...
وطلع لهالمعطهم....
بس الغريب كيف تقابلت العائله هينا..!!
وبدون أي موعد...
لدرجة إني ماصدقت إخواني لين رحت وشفت
جوالاتهم(أخر مكالمات صادره)...
قلت لايكون فيه أحدن شغال عميل سري معه..
متأثر بلعبة العميل السري بالمنتدى
تعليق
-
لكلذي رحم قصرت في وصله
.......ولكل محب لم أودي حقه
ولكل ذي فضل علي لم أفي بشكره
............بعد شكرالكريم المتفضل
............أتقدم لهم بجميل الأعتذار
............ومباركا لهم ومهنئيا بقدوم
شهر القيام والصيام
سائلا المولى تبارك وتعالى أن يجعلنا الله من الصائمين
و من النار معتقين
تعليق
-
ياهلا وغلا فيك...
والله وأشرقت الدنيا بحضورك...
...........................وزاد المكان وشعشع بنورك...
الله لايحرمني منك
تعليق
-
من مائدة الأفطار
رطب قصيمي درجه أولىيسوي دعايه لمزرعة....الدخيل 
الحريره المغربيه أدمنت عليها جميع أفراد الأسره...وعلى رأسهم الوالد..ناوي يتزوج من المغرب من حلاتها
تعليق
-
أمسينا وأمسى الملك لله
ولاإله إلا الله وحده لاشريك له
له الملك وله الحمد يحيى ويميت وهو على كل شيء قدير
يالله إني طالبك الستر والعافيه
بالبدايا بإتأدم بالشوكر الجزيل لكول اللي ائيموني سؤاء
من داخل الأسعوديه أومن خارجها وين الأخو عايشن بوه
ستار أكاديمي ع غفله...
الموهيم مطلوب مني إستفسار عن جزئيتن بسيطه..وكل ماجيت بشتغل لهم
جاء لمي عارض بن منشغل ترى ماهو بإسم رجال
يقصد إعترضه عمل
ملاحظه جيده تدل على أنك تتصفحي المدونه وإنتي جيعانه...
الاكل شيء مفطورين عليه..والأنسان اللي مابيحب الأكل دليل على أنوه
بيعاني نقص في الأنزيمات الليمفاويه اللي طالعتن من جدار المعده
وتمر بجهاز البنكرياس رايحتن للدماغ قلب أم الإحياء
حرام عليك..ترى بس عشر صور بس...خخخخخ
والله أنا هوايتي التصوير...وتعرفي ماشاءالله تبارك الله
ماعندنا نهر المسيسبي...ولا جزر المالديف..ولاجبال الألب
مغير ذا الأكل اللي زايدن إسمهمه بذا الشهر الفضيل
عاد تصدقي/
الصور وأن أشتغل عليها حفظتها بإسم أكل
يمكن لأني أنتظر الأذان باطني الجوع بط..!!
معانا إتصال أخر
الوا
معانا الأخت...../
من السويد
ياهلا فيك أختي
معاي إستفسار بسيط...
تفضلي/
الضيف يسمعك...
أبدا أبدا مافيه لاإحراج ولاشيء...الدار دارك..بقول لك ع شيء:
بعض الأحيان بنلاقي كلمات قريبه بالمره لقلوبنا أو بالأدق..رساله لكل
من يحاول المساس بأحد مبادئنا...
هالبيت أعجبني كثير وهو من قصيده لأحد الشعراء
مايحضرني إسمه...بس إنوه قريب لبعض العينات البشريه
التي تحاول المساس بمبادئ بدر العلا..
ايه الأخوه والأخوات لايسعنا في الختام إلا أن تقدم بالشكر الجزيل
لضيفنا فطيس بن فنيس على إستقطاعه لهذا الجزء اليسير من وقته
في الرد على المشاهدين الكرام
ونتمنى لنا إفطارا شهيا...
ولاتكثروا من سمبوسة الجبن
تعليق
تعليق