للناس فيما يكتبون أشياء تشد الإنتباه/وأنا على باب الكتابه مهجتي شديتها

**وزير السلطان** · 22-10-2010, 03:50 AM

رد: في واقع الأمر ماني باصغر عيالك رباني الوقت لاتحلم تربيني

هالبيت اليم بقوه:

بعض البنات تشري الذهب يوم ينباع ...تبغيه يستر حالها ويعمرها
وبعض البنات مثل الذهب تلمع الماع... ضاع الذهب من يوم حط بنحرها

**وزير السلطان** · 26-10-2010, 12:49 AM

اشوف غيرك ولكن ما يهموني...عيني اذا ماتشوفك وش ابي فيها

ياعذابي كل ماذعذع من الغربي هبايب
........................................................قام يكفخ في خفوقي طير ويلاعب نسيمه

من غلا شوق الهنوف اللي عليها القلب ذايب
.........................................................أتصبر في الرياض وداخلي حسره ألييمه

اه ياكورنيش جده وأنت لي كل السبايب
.......................................................من غلا حب الرياض وجيت لك قدر وشيمه

من وأنا طفلن صغير عادني ماصرت شايب
.....................................................في دروبي أتحمل........... نيتي دايم سليمه

ليتني مارحت ياراشد ولاسقت الركايب
.........................................................يوم قلبي في خلاه وخاطري عايش نعيمه

والهنوف اللي غلاها شب في قلبي شبايب
.........................................................كن قلبي من بعدها يشتكي لي من جحيمه

مثلها ماشافت عيوني بعيد وفي القرايب
...........................................................بينها وبين القمر ذيك العلاقات الحميمه

مزنة في الأرض طاحت من مراويح السحايب
............................................................علها غيثن لقلبي دامها وسطها مقيمه

اه ياراشد عساها فدوة عيون الحبايب
............................................................وعلني فدوة غلاها دامها بقلبي يتيمه

**وزير السلطان** · 26-10-2010, 03:24 PM

تكفى ياوقت ارفق علي....ترى حالتي تستحق الرحمه

أعظم قهر لاصار ببالك أفكار..وتبي تطبقها ع أرض الواقع..ولكن
فيه شخص مسيطر عليك...لدرجة إنك ماتقدر تتغلب عليه...سوينا
كل السبل...شغلنا كل الواسطات...ولافيه أمل...نقدر عليه...!!
هو الوقت....عندي كذا فكره...وصار لي كم إسبوع أبي أطبق
ولو ربع هالأفكار....لكن الوقت...مضايقني...
عمل ....روح لسوق الخضار...وأنا راجع..لاتنسى تمر على خالتك...
تجيب لنا...الحوافظ....الليله...نب نروح لفلانه...نبي..نبارك لها بالمولوده....
ولاتنسى..تغطي لنا الحفل الختامي للشعراء....ايه نسيت
ترى أخوك مطلوب عليه كتب من جرير....ولاعليك أمر وأنت راجع مرهن..!!
يوه...يوه...يوه..يوه....خلاص خلاص....يبغالي إستنساخ...بدر اخر...!!

أدري مستغربين مني هالأسلوب...بس قهر...توني راد من العمل....وهذه لسته
بطلبات....ال.....ربي يحفظها لنا...!!

**وزير السلطان** · 27-10-2010, 12:48 AM

تقدر تسيطر على عقول الناس....عندما..تتكلم من الأعماق...

سبحان الله...
هناك الكثير من البشر...الذين تصادفنا بهم الأقدار...نقوم بإعطائهم نظره....ربما تصل للحد العادي
يعني مثله مثل غيره من الناس....ولكن ماإن نتعمق بداخله بشكل أكبر...يتضح لنا أنه يمتلك إسلوب
راقي...وتعامل حضاري.....هناك من الأعضاء...أحسست بمتابعتي لهم....بأنهم يعتبرون جوهره ثمينه
لنا بشكل عام...وللمنتدى بشكل خاص...أرى عالم الروعه في ردودهم....والتميز في إسلوبهم الراقي...
هنيئا لنا بمثل هذه الأوراق الرابحه....إلى الأمام رعاكم الله..

**وزير السلطان** · 30-10-2010, 04:51 PM

ياضيقتن بوسط الصدر مسكنها...عجلي برسم الفرح بداخلي

يقولون:
الضيقه في القبر...!!
وأقول:
والله الضيقه لاطلبك شخص قريب من روحك...
وعجزت تلبي مطاليبه...لأن الزمن واقفن ضدك.!!

**وزير السلطان** · 01-11-2010, 11:22 PM

من غيرياللى بشعره كاسب أعجابك...واليوم من غبت طاح الشعر منعيني

ياصاحبي قمت أجر الصوت بغيابك
.....................................وأسوق الأعذار عنك وأنت ناسيني

أفك باب الوصل وتصك لي بابك
...................................ماكان هذا العشم بإنك تخليني

يا ليت شوقن بقلبي يوم ينتابك
...................................منشان تعرف غلاك شلون يعنيني

أشتقت لمعاندك وأشتقت لعتابك
...................................وأشتقت لأيديك يوم تصافح يديني

أمزح معك يوم كنت أوتر أعصابك
...................................أثري جرحت الخفوق بحد سكيني

حتى خذاك الزعل مني ولا جابك
.................................وأنا أنتظر رجعتك عشان ترضيني

فتحت عيني وشفت الشوق متشابك
.................................يا ليتني ما فتحت بغيبتك عيني

اخذك من عالم الأحزان وأرقابك
................................وألقى عن الضيق بعيونك عناويني

يا اخر أحباب "خالد" وين قفابك
................................وقتك وخلاك تلغي راحت سنيني

لو ما سمعت أنت مغتابي ومغتابك
................................ما كان يقدر يفرق بينك وبيني

لكن غيض المشاعر عني أقفابك
.................................وأنا الكرامه عن المقفين تثنيني

بيتن بقوله وأبيه يزين أكتابك
....................................عشان في غيبتك عني تطريني

من غيرياللى بشعره كاسب أعجابك
...................................واليوم من غبت طاح الشعر منعيني

الشاعر/
خالد المحسن

**وزير السلطان** · 02-11-2010, 12:15 AM

زمانك لوصفا لك يوم...فلاتحسب صفالك دوم....ترى الأيام غداره...!!!

بعض الأحيان يحتاس الواحد وينشغل باله

ولايدري وش هو اللي شاغلن حاله...

من كم يوم جتني رسالة إستشاره على الخاص..تقول هالرساله

فيما مضمونها....إنوه هالأيام فكري وعقلي مشوش...وش

اللي مشوشن عليك...جلس يقولي...مدري..!!

يعني بالله عقلك مشوش...ولاتدري وش هاللي مشوشن عليك..!!

الرجال من يوم رديت عليه بهالرد...ماأرسلي مره ثانيه...

أنا بصراحه وقتها...أقول وشلون ينشغل بال الواحد..بأمر ولايدري وشهو..!

اليوم بالعمل صار لي موقف ذكرني برساله زميلنا على الخاص...

نهاية الدوام وجالس أرتب الأوراق وأوقع عليها التوقيع النهائي..

وتفجأت بواحدن من الزملاء يقول:

وش ذا التاريخ يابدر...!!

أطالع إلا والله تاريخ24-9...!

والله وأعدل بكذا ورقه...ونفس الحركه رجعت لها مره ثانيه...!!

الموهيم جلس يضاحكون علي...اللي يقول..والله يابدر...شكلك قليبك خضر..!!

واللي يقول...السنه الجايه بنفس هالتاريخ...تب تتزوج...بالله عليكم

فيه أحد يتزوج بيوم 24-رمضان..!!

بس واحد جأني مطفي النور...بسم الله على روحي...بس...

يقول:

بتموت بهالتاريخ.....!

الله يكافينا شره بس

**وزير السلطان** · 03-11-2010, 01:52 AM

قالوا..وينك البارحه...قلت أنا روحي معاكم موجوده..بس الجسد هناك..بوسط قسم الشرطه.

احد يصدق إني بدر بن العلا يدخل مخفر شرطه...!وبدون ذنب...!!

إرحبوا يارجال...والسلامت...مأجورين...الله يجيرك
من العثور...

يقلد بعض الناس..!!
الموهيم...تبون السالفه...أتخيل نفسي بمجلس الهويسين...
يالربع..إسمعوا السالفه...رجعت من صلاة العشاء..ولقيت جارنا سليمان..خذيت وعطيت
معه...وقام يتشكى لي..من الحفريات...اللي قدا بيتهم..يقول ولده الصغير..طاح فيها..اليوم..
والحمدلله جت سلامات...شوي إلا جوالي يدق..إلا رقم..جارنا الثالث..بنفس الشارع..
المعجل...هذا شغال بوزارة الصحه...ومنتدب...لإحدى مناطق المملكه...والله وأرد عليه..
إلاهو صوته..ماهوبلي أنا أخبره..سلامات يابوسلطان...أبدايابدر..إن شاءالله خير...
ولدي سلطان...متهاوشن مع جيراننا في الحاره الثانيه...وضاربن واحد منهم في رأسه
ويوم راح للمستشفى قالوا...لازم يجي هالولد..اللي ضربوه...وهذاهم جو لم البيت وخذوه...!!
وأنا والله يابدر...مثل ماأنت بعارف...طالعن مهمة عمل...قلت أيه ماعدني أشوفك..معنا بالمسجد..
أبدا الحين يابوسلطان...أشغل موتري...وعلى القسم...إلا وينه بأي قسم..
عطان إسم القسم...ورحت لمهم...ويوم دخلت القسم...حسيت برعبة..وخوف..
بكل زاويه...عسكري واقف...وكل من أمر جنبه..تشوفه...يشخص ببصره علي...
والله يإني إنخرشت...وأنا ماسويت شيء...أجل لو أسوي...حاقه..يمين..ولايسار..ايه اللي
بيحصل...!!
بص حزرتك...
دخلت على الضابط...وشرحت لوه الوضع...وقالي...هالأولاد في مرحلة مراهقه..وهالشيء
طبيعي يصير...وخصوصا لمن يغيب..أحد..أطراف الأسره...طبعا...دخلنا بسوالف...عن التربيه
وتشوفون..بدر أنواع الفلسفه....!!
لدرجة أنوه الضابط...يسألني يقول../
الأخ,,معلم...ياليتني صرت معلم...ولاصرت بذا الوزاره...مقابل ذا الأدويه
وذا السراير...وذا الأسطوانات....!!
وطلعنا الولد...يوم جيت...إلا بواحد من المكاتب...جالس...وقدامه كأس فيه مويه...
والله من شافني...وهو يتبسم...
قلت له ماشاءالله ياسلطان...كذا الرجوله...تشق رأس الولد...
حسبالك..صرت..أشجع واحد بالحاره...الرجوله وأنا أخوك ماهي
بمدة اليد...الرجوله هي كيف تصير أنت المسير للمواقف...ولاهو بكل من غلط عليك
تمد عليه يدك...لالا وأنا أخوك هالشيء مايصير...هذاه الولد نزل من جسمه
نصف كيلو دم...مين بيعوضه....شوي إلا تفجأت به يقول..أنا
بعوضه....أنا من يوم سمعت هالكلمه...حسيتها طالعه من وسط قلبه...ومغلفه
بالشعور بالندم...فعلا حسيت الولد..ندم...ندم..ندم...
والله أطلعه من هالقسم...وعلى بيت أهله...بعد ماطمنت أبوه عليه....بس سبحان الله
يوم وصلته لباب بيتهم...طلعت لي الأم...ولاهي بمصدقتن تشوف بزرها...
الأم هي رأس مالنا في الحياه...وكل حياتنا...الله يارب..يجمعنا مع أمهاتنا
في دار الجنان...

وتوني راد من هالشغلات....وعلى قولتهم...أكتب بعين والعين الثانيه...سابقتني على
السرير....يالله بالأذن...

**وزير السلطان** · 04-11-2010, 12:44 AM

خذها مني نصيحه أخو...إن ماجيتني...ماني بملزوم أتعنا لك..!!

يالله يافوز...زهبي القهوه....وأنتي يافطوم...روحي زهبي الجمر والعود...
وأنت ياعبود أطلع الحين لحلويات المملكه اللي بأخر الشارع وسوي لنا تشيكله
من الحلى...نبي ست صواني ولاعليك أمر...
ولاتنسى تمر على محل الهدايا...اللي حجزناهم من كم يوم....وأهم شيء تحرص لنا على هدية الوالده
خله يهتم لنا فيها..!!

طيب وأنت وش تب تسوي...!!

أفا يابوعابد...نسيت...يعني...منو بالله عليك بيجيب هالأموره..من المطار...!!
يارب تحفظها وتسعدها وتهنيها..

هذه بنت أختي....توها من كم يوم مولوده وأمها تبي تكمل الأربعين عندنا..

ومن هالوقت أقولكم ترى البنت مخطوبه...يعني لأحدن يلجلج خامسي بالخاص
ولد عمها مسوين عليها حجر...!!
الله لايبلانا بذا المعتقدات....

**وزير السلطان** · 05-11-2010, 02:15 AM

صباح الطيش .. يا هاجوس فكري...صباح الحزن ولا .. ويش يطري

اليوم وأنا أقلب بهالصور اللي محتفظن بها...إلا أني أطيح على هالصوره

الصوره أرسلها لي أخوي من سنه تقريبا ومحتفظن فيها للذكرى طبعا مكانها في روضه قريبه
من محافظة الأسياح...وهالصوره كل ماشفتها مت ضحك...
والسبب إنوه صار لها موقف مع أخوي...!
يقول أخوي من زود دلالي لولدي...خذيت له دباب...
خلها يفلها....بذا الروضه..قلت وشلون تخليه يسوق هالدباب
وهو لساته بذا العمر...قال خله يتعلم من الحين...
يقول أخوي...
أول ماصرت أدربه كيف..يسوق هالدباب...وبعد
ماخذا الدرس...مني....قلت خلني أروح أخذ لي فنجان قهوه وأريح شوي...
يقول الدباب واقفن بجنب جلستنا...
والولد عليه...وأنا غافلن عنه شوي...أثاري الولد....
ضغط على زر البانزين....
وشد عليه...يقول أنا
على طول بإلتفاته سريعه...
نطيت إلاني ماسكن الدباب من وراء....
لوترجعون للصوره تشوفون حديده ثابته
فيه من الخلف...يقول ماقدرت أوقف على رجولي.....مافيه وقت....
خايفن على ولدي...لاينحاش به الدباب...
الموهيم يقول والله من بعد مانطل فيني يمين ويسار...وثوبي تشلع من كثر...مايسحبني الدباب....

صدم الدباب بشجره....وطفأ من حاله.....تخيلوا شكله كيف...!!!

للناس فيما يكتبون أشياء تشد الإنتباه/وأنا على باب الكتابه مهجتي شديتها

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget