رد: رواية حبه لبسني لبس يني لبس الخواتم فالصبع تم

..
الإنسان لديه من العناد والكبرياء ما يجعله يرفض أي تعلم وأي تعليم
/عبدالرحمن منيف
..
غلا خيفانه ع متحمسه .. هم عائله هب غنيه وايد ولا متوسطه لكنهم م يسافرون وايد وسافرت مره وحده لما جانت فالابتدائي إلي نيويورك وآخر سفره جانت لأبوها جان عمرها 15 وشل وياه هناد بس فحتى م تذكر وايد عن سفرتها
بعكس مايد اللي وايد يسافر ويا ربعه وما عنده شغله
..
طلعت الطياره الساعه 11
نامت خمس ساعات ونزلوا محطه وعقب تمت تقرا تقرا كتاب ساعتين ومايد جان راقد
الساعه 6 الصبح
غلا عند الدريشه وهو ع السيت اللي حذاها: ميوود
مايد نومه ثجيل: همممم
غلا بصوت خافت: ميووود
مايد فتح عيونه وشافها ورجع غمض: شو تبين
غلا: مليت جم باجي
مايد فتح عيونه وهو يتأفف ورفع ايده يشوف الساعه باجي نص ساعه تقريبا
غلا: انزين قوم سولف وياي خلص الكتاب من ربع ساعه وانا ملانه
مايد: غلا دخيلج تعبان انتي شبعتي رقاد
غلا بترجي: ميووود
مايد: افففف طار الرقاد اصلا
قال حق المضيفه تييب لهم عصير
مايد وهو مصحصح : ياله سولفي
غلا مبوزمه: تتنقم يعني
مايد: اففف دلوعه طلعتي
غلا تبتسم: م ادلع ع حي الله
مايد جرب راسه من راسها: انا شو
غلا ارتبكت: ها
مايد بابتسامه: انا هب حي الله انا شو
غلا: اممم ريلي
مايد: هب حبيبج
غلا" قلبي م حب إلا هزاع ي مايد دخيلك لا تذكرني وانا ابا اسعدك": م اعرف
مايد: رحمينا .. إلا بقولج الحين خبريني شو تعرفين عن باريس خلاج تحبينها
غلا بابتسامه وحماس: اممم نحن يايين باريس فاحلى توقيت
مايد رافع حايب: شقايل تعرفين
غلا: من شده الحب حتى اعرف ارمس شووووووي
مايد: شي طيب
غلا: مع انه لو يينا اول السنه احسن
مايد: ليش
غلا جنها ياهل : بيكون ثلجججج
مايد بخقه: ووتوقعين انتي عايشه بالحر بتتحملين بردهم
غلا وبدا صوتها يرتفع: هيه طبعا جاكيتين وقفازات ونفلهاااا
مايد: هششش قصري صوتج
غلا تضحك: سوري تحمست .. انت م تعرف شي عن ايطاليا
مايد: انا سايرنها قبل واعرفها زين م زين
غلا: متحممممممسه
مايد: راح الخوف
غلا: والله يخوفونا ع الفاضي م تخوف الطياره بس شوي يوم ايين المطبات
مايد ضحك بخفيف ع طفولتها
وتمو يسلوفون لموعد نزولهم
مايد: ياله
بعد م طلعون من المطار
غلا: انته حاجر
مايد يأشر لتكاسي وبنبره سخريه: لا تصدقين بيلس ادور تكسي فهالحزه
غلا تجتفت وهي محرجه منه مرن 36 دقيقه وهي صاخه فالتكسي
وصلون ايل دو فرانس ونزلو ففندق epicure
نزلوا اغراضهم وفرت بعمرها ع الشبريه: آآخخخخ مريحه
مايد: لا تقولين بترجعي تنامين
غلا: هاهاي بهالطاقه كلها بنام .. هيااااا بنااا نحوووم
مايد: بتتريقين ولا
غلا: لا والله شبعانه الحين
مايد : ياله عيل جان بتبدلي
غلا: لا م ببدل
مايد: حشا ي الخبال
غلا تدزه: ياله ياله
وطلعوا من الفندق خذو تاكسي ثمان دقايق وهم واصلين لميدان تروكاديرو
غلا وبشبه مزاعج: ياااااااااااي برجججج ايفيل
مايد مصدوم: ياله بالستر العقل ابويه العقل لا تفضحينا
غلا: تعال تعال شوف الدنياااا
عطته الكاميرا: ياله صورني
مايد: اللهم طووولج يا روووح
غلا تبتسم ومايد يصور
مايد: م بتصورين ويايه
غلا جان ودها تقصفه لكن بتتبع قرارها انها زوجته وحبيبته هالاسبوع: ياله
فصخ نظارته الشمسيه وصور وياها
عبروا جسر الأينا متوجهين لمنتصف ميدان تروكاديرو "قصر شايو "
مايد: م بتحدريرين ها
غلا: اكيدددد لا تسأل
مايد مستانس ع خبالها ومسوي نفسه ثجيل
غلا منبرهه بجمال المنظر احلى من الصور بوووايد جدام القصر الماي والنافورات
م حبت تصور وايد فضلت انها تستمتع بالمنظر بس دخلت الكاميرا بجنطتها
مسكت يد مايد اللي عيبه تصرفها: يلا
مايد ابتسم لها ومشون متجهين لأول متحف متحف البحريه
وهم يتمشون قابضين ايدين بعض ويطالعون فالنماذج والمجسمات الصغيره لسفن
وغيره .. وشوي وتشهق غلا
مايد صكر ع اثمها: ي الخبلـــــه
غلا بحماس: شوف شوف سانتا ماريا
مايد: شو بعد ها
استوعب يوم شافها جدام مجسم سيفنه
غلا بحماس تتأملها: هاي مال كريستوف كولومبوس
مايد: والخيبه هالخفيه كلها عشان هالنتفه
غلا تطالعه بنص عين: لو سمحت لا تخرب مزاجي
مايد: الله ي انجلينا جولي كله ولا مزاجج
غلا: اففف مايد..تخصرت بايديها: وشوفيها انجلينا جولي احسن منيه
مايد: لا حشاااا يالشيخه غلا هب احسن منج
غلا: لا تطنز
مايد: مشي اقول
عقب دخلو متحف الانسان ومايد هب عايبنه شي بعكس غلا اللي يعيبها اي شي بسيط
مايد: فسم بالله انتي نكته
غلا: يعني هب لازم يكون الشي ضخم عشان يعيبنيه
مايد: اونه
غلا: هيه انا احب البساطه
مايد: حدري اقول حدري
وحدرو متحف المعالم الفرنسيه فاليانب اليسار من الميدان
غلا: تحب الافلام الفرنسيه؟
مايد متجتف وبغرور: لا احب الانجليزيه
غلا: سير ولااا
وخطفت ع كل شي يخص السينما ملابس واكسسوارات والآلات والرسومات ووو
وعقب المكتبه تبا تشوف فلم لكن مايد سحبها بالغصب
طلعون ع السساحه الرخاميه اللي ورا القصر وهي مرتفعه
انعجبت بشكل المنظر اللي يطل ع البرج والحدايق حوالينه والمكان اخضر مبهررر
وهم يوقفون تاكسي: ميود يوعانه
مايد: محد قالج مستخفه صارت الساعه 11
غلا تتعلق بجتفه: بنسير الشانزلزيه صححح
مايد: هيه حتى م ادري شقايل يقولونها
غلا خازت عنه شوي
وركبو التاكسي واول مكان جان كطعم لادوريه عسب يتريقون
مايد: شو تبين
غلا: حلوى الماكاغون واي قهوه
مايد:اوكيه القهوه عليه
غلا: اوكيه يسد جي
مايد: بسسس
غلا: اممم م اعرف شو ابا
مايد: اوكيه خليها عليه ..ورمس الجرسون اييب لهم ماكاغون ولادوريه
جان الجو رهيب هم يشربون القهوه ع ذاج الصباح الغاوي
مايد: جىه ها اخضر!!
غلا: انته م عليك كل وبتشوف
مايد عقب ما كل: امممم هب ع شكله
غلا: عسب مره ثانيه توثق بذوقي
مايد طنشها وحاسب ومشو
..
اول مكان جان حدائق Tuilerie وغلا مستمتعه بكل لحظه وهي قابضه يد مايد اللي اغلب تصرفاته جانت بارده وماله رده فعل.
السؤال هو: ليشم ايد يتبعد جي عن غلا مع انه مثل ما لاحظنا يباها ويحبها!!

مايد: ياله تعالي بنحدر متحف اللوفر
غلا: ياااااي واخيرا بشوف الموناليزا
مايد: مشي مشي اقول
غلا تضايجت منه اسلوبه لكن م حبت تنكد ع عمرها
ومرو ع ميدان الكونطورد عقب وهم طالعين ع الحديقه مايد تبعد عنها شوي وهو سرحان يلس ع الكراسي الفضيه وهو يطالع النافوره
قامت تطالع فيه : والله ي مايد لو هزاع هب بقلبي جنت عطيتك كل الحب اللي تريده ..تنهدت بقوه وهي تتأمل ملامحها اللي جانت تذوب فيهن بيوم شرات باجي بنات العايله قالت بهمس: الله كريم
تجدمت له وتعلقت بجتفه وهي تدكي راسها عليه: ميوود
مايد وده يخوزها عنه لكن هب قادر قال بصوت ثجيل: نعم
غلا: عندي طلب
مايد: شو
غلا: ممكن ما نتم جي
مايد بنظره استنكار: شقايل يعني
غلا: يعني خلك ويايه ومثل انك تحبينه ولو شوي بس هالاسبوع بليز
مايد بحسه" آه ي غلا ليتج تعترفين وتريحينيه": بس انا ما احبج
غلا استغربت من عمرها ليش ضايجتها هالكلمه مع انه مايد ما يعنيلها شي
مايد بغرور: ومستحيل امثل لانج م تعرفين منو انا
غلا تبعدت عنه بعصبيه: خف علينا ولد الشيخ زايد م ابي حبك اصلاااا
مايد : هه مشي اقول
غلا: الساعه جم
مايد: ثنتين حاجز لنا فمطعم امشي نتغدا
غلا: بس انا هب يوعانه
مايد: وانا يوعان
غلا: افف م يتغير دوم يفكر فبطنه
مايد: تبين كافي عندهم اشكال محترمه
غلا: جب لا تطنز "يعرف انها تموت بالشوكولا
راحوا مطعم L'Astrance
واقفين جدامه ..غلا: وايد صغيررر هب شرات الباجيات
مايد بابتسامه يطالع المطعم: واكله بعد هب شرات الباجيات
طبها وحدر المطعم محرجه لانه مسفهنها طول الوقت
حدرت وياه واستغربت شكل المطعم وايد ضيج لكنه رووومنسي
يلس حذال مايد: شكله رهيب
مايد: حمدي ربج انه اليوم الثلاثاء ولا ما يفتح اي وقت
غلا: شقايل يعرفه
مايد وهو يطالع المنيو: طريقتي الخاصه
غلا تعايب عليه بصمت ولف جداه معناته جفتج
طلب مايد دياي حبشي مشوي وافوكادو رافيولي وسار الجرسون
غلا حرررجت يوم ما سالها شو تبين وتمت تطالعه بحرجه
مايد: خيبه شفيج شوي ويطلع الشرار من عيونج
غلا صدت عنه وهي تهز ريولها بقووو والعصبيه فللل
مايد ضحك: انتي قلتي هب يوعانه
غلا تغير السالفه: احلى شي كل هالاماكن جريبه من النهر المنظر خيالي
" بطبيعه غلا ان عصبيتها ما تدوم الا دقايق وعقب ترجع البريئه الطيبه"
والساعه ثلاث ضبط قامو يلفون بالمحلات وغلا اشترت قميص واحد بسسس
اما مايد وهوايته العطورات وهو فاحلا مكان حق العطورات ما قصر الريال قام ياخذ بلا قياس وغلا ملااااااانه
مايد: الحين نحن بنتم نلف جي ترا ما تشترين شي مول
غلا: المحلات كلها غاليه
مايد: انا اللي بدفع هب انتي
غلا متجتفه وهي تعامله بمثل طريقته : م احب الاسراف ربنا بيحاسبنا
مايد: اوكيه انا برويج
حدر المحل اللي مجابلنه مال لويس فويتون وقام ياخذ من هالفساتين الهاديه ع ذوقه
غلا معصبه منه: الحين انا وين بلبسهن هذيل
مايد: م يخصج يوم اقول لبسي بتلبسي
غلا طنشته وراحت عنه محرجه منه
خذلها خمسه فساتين تقريبا وكلهن تحت الركبه بشوي وراقيات <ذوقه روعه
راحو يصلون
غقب قامو يمشون بهدوء فالشوارع ومرو بالقوس الكبير وعقب مرو وهم يطالعون دار الاوبرا اللي ما جان ودهم يحدرون ولفو ع فاندوم بلازا وعقب خذت ثاني صوره لهم عند التمثال وآخر مكان جان حدايق التويلري هنا بدت تسمتع لان مثل ما قلنا هي تفضل الطبيعه
قاطع مايد تأملاتها بصوته الحاد: الساعه تسع
غلا: افف فياله مشينا
حدرو اتويل الرتز وبغاها تاخذ شي ما طاعت وهو محرججج منها آخر شي خذت cheese cake وهو معصصصب ويطالعها وهي مسويه نفسها ما تشوفه
كل اللي يباه وظهرو
غلا: ميووود يوعااانه
مايد محرج وجاتم غيضه: محد قالج ما بترشاج انا
غلا تترجاه: بليززز
مايد: محد قااااالج غدا ما طعتي والحينه ما عايبنج شي
غلا: مابي من اكلهم شسوي يعني
مايد: جب
مشا وهي لحقته وهي تتحرا انها بتم بيوعها
انصدمت يوم جافت عمرها جدام مطعم ليال السوري
غلا طااااارت من الفرحه حتى انها حدرت قبله ويلست ع طاوله فالطابق الفوقي بالشكل السوري الروووعه وفيه آلات عربيه استمتععععت واشرت ع الجرسون
مايد يطالعها بتعجب: متخبله انتي
غلا: والله بموت يووع
الجرسون: نورتووو المحل شو بديك مدااام
غلا بابتسامه: مشاوي بن عمي بدي ذيج الصلصه المرتبه من جداكممم يهل الشام
الجرسون رد الابتسامه: تكرم عيونييك .. وانتا استاز
مايد محررررج: شكرا
راح الجرسون وهو قبض ايدها بقووو
غلا: آآآخ مايد تعووور
مايد: شعنه ترمسينه جي
غلا: شوو آآخ
مايد: يويلج اشوفج تدلعين جي عند رياااال فاااهمه
غلا: آآآي ماي دعوتني خوووز
مايد ودر ايدها بقوو
غلا جانت بتصيح من الضيجه: شوفيك انته اكرهك يالنفسيه
وقامت والدموع ع خدها ظهرت من المحل بكبره
تمت تمشي وتمشي وما تشوف البقعه من الدموع جانت م وقفها غير صوت الهرن<البوري> بقوووووو وصرخه حد وراها وهو يسحب ايدها وبعدها عن السياره اللي جانت بتدعمها
مايد بخووف: مينونه انتي
غلا جبست ودموعها ما وقفن: خوز عنيه ما بيك
مايد لف ايده عليها واشر لتاكسي وهو قابض جيس بايده
غلا وهي تبا تخوز عنه لكنه يضمها له اكثر: خوووز
مايد: هششش
ركبو التاكسي وتوجهو لفندقهم وغلا تصيح وهي مسكره ع حلجها فالتاكسي
نزلت وحدرو جنحهم وهو قابض ايدها بقوه
من حدرو دزت ايده بقوووه وركضت الحمام
ترياها ربع ساعه عقب دق باب الحمام بهدوء: غلااا
مايد يسمع صوت الماي بس ماشي حركه: غلااا
غلا م ردت رجع ورتب طاوله الاكل وهو يحط لها صحون المشاوي الخبز والتبوله والحمص وصحون بشكل مرتب وبالنص ورده ربع ساعه وسمعها تزقر
غلا من الحمام: ميووود
مايد : م تستغنين عنيه
غلا مستحيه: أانا نسيت ما شليت ملابس
مايد ابتسم بمكر: والمطلوب
غلا: عطني شي البسه
مايد: بشرط
غلا تاففت: شو
مايد: تطلعين واحصل ليله محترمه
غلا باندفاع: تحللللللم
مايد: عيل كيفج في فوطه داخل لفيها وظهري وانا م بطلع من الحيره
غلا بترجي: تراك الليله تاخذها تاخذها
مايد: لاااا غير يوم اكون انا اللي ابيها وانتي هب مفيستنيه لا وآخر شي ترقدين
غلا استحححححححححت
مايد: ها شو قلتي
غلا: يعني انته شو تبا
مايد بخبث: تبيني اقول بالتفاصيل ولا بالعموم
غلا خلاص بتموووت حيا : بالعموم
مايد: اممممم شويه غنج وتعرفين يعني منا مناك
غلا ودها تنتحر: ما اعرف
مايد: هاهاهاي م تمشي عليه
غلا: ياخي لا تذل هات لي بيجامه وفجنا
مايد وراح جدا الشبريه : تحلميــــن
تمت خمس دقايق تفكرآخر شي فتحت باب الحمام شووي شووي
طلعت بخطوات قصيره وهي تشد الفوطه عليها
مايد م قصر خلاها تموت من الستحى وهو يتأملها
غلا سررررعه توجهت لملابسها وركض ع الحمام وهو يضحك
طلعت وهي لابسه قميص ومتفشلللله من القمصان اللي حاطتهم ميره
مايد: يعني بالله عليج شو تفرق من الفوطه لى ها
غلا: م يخصك
مايد: انزين تعالي تعشي
غلا: مابا من اكلهم <مسرع نست الصياح والزعل
مايد: يبت لج من ذاج المطعم
غلا بهبل: صدددق
مايد: هيه يالله تعالي بكل وياج
توجهو لطاوله الاكل وتمو ياكلون وهي تضرب بالخمس من يوعها
غلا: الحمدلله
مايد: الحين استاهل مكافاءه ع هالاكل الطيب
غلا : هب انته اللي مسوينه
مايد: بس انا لقيت المطعم وانا دفعت وانا يبته
غلا: اففف جم يذذذل
مايد قام وسحبها بايده : كيفي
غلا: بنتأخر ع الطياره باجر
مايد: بعدها الساعه عشر
غلا: بس
.................
نشو الفير متوجهين للمطار
طبعا باريس ما جانت فحساباتهم لكن الاخت من شده حبها لها دخلتها غصب فجدولهم وحذفو يوم من ايطاليا

رد: رواية حبه لبسني لبس يني لبس الخواتم فالصبع تم

..
أروع مافي حبنا إنه ليس له عقل ولا منطق
أجمل مافي حبنا إنه يمشي على الماء ولا يغرق
/ نزار قباني
..
الفير مايد قام قبل غلا خذله شور وجان بعده شوي عن الصلاه
يلس فصاله الجناح وهو يفكر ثواني ويسمع حس وراه
غلا بهدوء: اذن؟
مايد: لا تعالي يلسي
غلا يت ويلست جريب شوي منه وهي تتثاوب
مايد: شعنه ناشهه وانتي فيج نواد
غلا بعدها تتثاوب : م اعرف
مايد سحبها جداه: تعالي
حضنها وظهره ع بطنه وهو لاف ايديه عليها: شو فيج
غلا حطت راسها باستسلام ع جتفه وصار ويهها ومجابل لحيته: تعبانه
مايد بحنيه: شو يعورج
غلا بصوت بدايه الصياح: م اعرف
مايد رحمها وحضنها زياده: هششش لا تصيحي
غلا فيها صياح م تحملت طاحت دمعتها
مايد حاط ايده ع بطنها: يعورج
غلا تهز راسها بلا
مايد: راسج؟
بعدها تهز راسها بلا
غلا: ميود
مايد: حتى وانتي متضايجه مني تسميني ميود
غلا بوزمت: تعودت
مايد: وانا يعيبنيه ميود .. الحين قوليلي شو يعورج
غلا خازت عنه: كله بسبتك
مايد بابتسامه: شو سويت انا
غلا: تعبتتتت
مايد فهمها وحبس ضحكته: انا م فهمت شو يعورج الحينه
غلا مبوزمه: جذاب لا تستهبل والله تعبـــت
مايد: اففف شسوي انا وانتي يالسه تدلعين
غلا نفخت صدرها: خلاص بصير بووويه لا تهلكنيه
مايد: بنشوف
غلا قامت وضربت جتفه بقوه وهي تخشن صوتها : ياله قوووم صلى
مايد مطها بقوه وطاحت ع الغنفه وهو يضحك
غلا: ههههههه حلو صوتي
مايد وراسه مجابل راسها وهي منسدحه: كلج حلوه
غلا استححححت: انزين ياله روح سبح عسب نصلي
مايد ابتسم: ياله
باس رقبتها وقامو حدر الحمام وهي يلست ع الشبريه
لفت ريولها ع ايديها وقامت تصيح بخفيف
" هزاع اشتقـــت لك والله ..مايد عسل لكن انته فالقلب شسوي ي رررربي"
ربع ساعه وهي هدت عمرها ومشت دموعها مايد لاحظ انها صايحه مع انها تتجنبه
غلا بطبعها خشمها وايد يحمر اذ صاحت فمستحيل تقدر تخبي
صلو وتوجهو ع طيارتهم للبندقيه
خذت الرحله ساعه ونص تقريبا وهم راقدين
نزلوا فمطار ماركو بولو فالبندقيه وتوجهوا ع فندق سان كيمبينسي فينيس
..
الحب الذي تغسله العيون بدموعها يظل طاهرا وجميلا وخالدا.
/ جبران خليل جبران
..
مايد كمل رقاده وغلا تسدحت بس ريحو لساعه ثمان
وعقب تريقون فمطعم الفندق بما انهم متأخرين بسبه رقاد مايد
ابتدا مشوارهم في ساحه سان ماركو وهم يستمتعون بمناظر المباني التاريخيه
مايد عشقه الابدي ايطاليا وما يملها ع كثر ما سار لها
مايد: شوفي هاي كاتدرائيه
غلا: وانا تحريتها جنيسه
مايد: هههههههه وهي كنيسه بس يسمونها كاتدرائيه القديس مارك
غلا: اخخخخيه مستحيل احدر
مايد: تعالي بس بتشوفين هب لازم تعبدين
غلا: نوووو وى هب انته شايفنها خلاص انا مابا اشوف
مايد: صدقينيه بتفوتج اللوحات والفن
غلا تأشر: شو ذاج شكله حلوووو
مايد: ههههه خلاص خلاص ما بنحدر الجنيسه ..ها قصر دوجي
تجدموا وهي تطالعه بانبهار
عقب مده مايد قبض ايدها: تعالي برويج مكان
مشوا ودق فون مايد
رد بحمااااس: بينفينوتو
: دوفي ساي وامو
: كومي فا
: سونو آل بلازو دوكالي سي ستا ديريغندو فيرسو لا توري ديل اوروجو
: هههههههههه بيا .. يو ستو اسبيتاندو بير فوي
: اريفيدرشي
سكر وحط الفون بمخباه
غلا: والخيبه شتقول انته منو ترمس
مايد: قولي ما شاء الله
غلا: ماشاء الله تعرف ايطالي!!
مايد: هيه انا دوم هنيه
غلا: منو ترمس وشو تقول
مايد: هههههه ارمس ربيعي ايبرتو والحينه هو ياي جدانا
غلا: ليش نحن وين سايرين
مايد يأشر ع البرج : ها
غلا: ياااااي بنركب
مايد: يب ياله
بعد م ركبو البرج
غلا: اميزززززينق بس زححححمه
مايد: سمعي الحين انا بجابل ربيعي لا تتحركين اوكيه
جان صعب ينسمع من شده الزحمه
غلا م سمعت وهي تطالع المناظر اللي يطل عليها البرج
دقايق واختفى مايد وانتبهت غلا تلفت حولها وملامح ويهها تشتد
اللي حوالينها كلهم اجانب وين ساااار شافت ريال لابس جينز وتيشيرت اسود وتنفست برااحه حطت يدها ع جتفه: ميوود وين سرت
التفت الريال: سكوزاتى
غلا زاغت وم عرفت شو ترد وهي م تفهم مشت طيران عنه استندت باحد الزوايا وهي تدعي ع مايد لنه خلاها بروحها م عرفت شتسوي
نزلت من نفس الدري اللي طلعت منه وبدت تمشي بهالزحمه وعي تحاول تتصل فيه لكنه م يرد
بدت تفقد اعصابها وقررت ما تبتعد من المكان عسب تشوفه
تيمعن الدموع بعيونها بعد خمس دقايق وهي يالسه و تتلفت حوالينها
جبست وطاحت دمعتها رصت عيونها بقوووه وما خطر فبالها الا انسان واحد
" هزاع. وانا بعيده عنه جان لي مثل الطيف بكل مكان ويغار من أي شخص يتجرب منيه جان ما يسمح لي ابتعد عنه. جان يتحملنيه اذ سبيته وعصبت عليه . جان يراضينيه اذ حس اني زعلانه . جان يواسني اذ حس بضيجتيه . جان ما يطوف يوم الا هو مطمن عليه . ما ودرنيه ولا للحظه ما خلانيه احس بغيابه وبعده عنيه . وينك ي هزااااااع وينك !!! "
صحت ع صوت مبين انه تعبان وصوت نفسه عالي بنفس مستوى صوته المحرج: وووووين جنتي
غلا انكسرت وهي تشوف مايد جدامها وهزاع ساكن تفكيرها
مايد بنفس النبره الحاده: ليش تحركتي م قلت لججججج تمي مكانج
غلا جانن دموعها اربع اربع ويوم استوعبت ع صراخه انها غابت حضنته بقوووه وانصدم مايد من تصرفها ما جان يعرف انها خيفانه خاااافت ولا قدرت ترمس
ريال من وراه: اوووووو اميو ميكو سيبرا ش لا ريقازا اما كوسي تانتو , نون كومي سي بينسا
 اوه يا صديقي.. يبدو ان الفتاه تحبك وليس كما تعتقد <
مايد لاف يده ع جتفه ويرمس ربيعه وهو يطالعها: سونو سولو سابافينتاتو <بس من الخوف
ايبرتو: بينفينوتو سينيورا غلا .. سونو ايبرتو < اهلا مدام غلا انا ايبرتو
غلا ببرائه لفت راسها لمايد : شقايل اقول مرحبابك
مايد ضحك ولصق شفايفه عند اذنها وهمس لها
غلا: شاو لا توا .. سونو غلا
ايبرتو بابتسامه: يشيرى دي كونوشيرتي .. نوي برانزاري انسيمي اينوكازا
غلا: شو يقول
مايد: يقول تشرفنا وغدانا عنده
غلا: وانا شسوي بالله
مايد: تعرفي ع حرمته
غلا: هيه وايلس شرات البهيمه انتو ترمسون وانا هب فاهمه طشه
ايبرتو: سينزا ديسكوسيونى .. ان ايتزى ديلا سيكوندا اورا
مايد: يقولج بدون نقاش يتريانا الساعه ثنتين
غلا: زين خله يفارج ويا هالكشه الصفرا
مايد ضحك: بلاج عصبتي
غلا: لنه مزيون
مايد راص ع ضروسه: م سمعت
غلا صدت عنه: لنه نبا نحوط
مايد: مي سكوزي اميكو .. هو سبوزاتو بامبينو <سمحلي ربيعي تزوجت ياهل
ايبرتو: هههههههههههههههه اريفيدرشي <الى اللقاء
راح ربيعه ولف ويهه بقوه ووايهها: ما تستحين تتغزلين فيه جداميه
غلا تجتفت: وانته ما تستحى تخلى حرمتك بروحها
مايد معصب: بس انا قلت لج بشوف ربيعي وخلج مكانج
غلا: وانا ما سمعتك
مايد: مشكلتج
ورجع لبروده: انقفضي
حرجت منه ومشت وراه بعصبيه
اول شي دخلوا متحف دوكالي عقب توجهوا للقنوات اللي تشتهر فيها البندقيه واللي تعطيها طابع مميز بين دول العالم
خذو لهم جندول وغلا مسرعها رضت ومايد ببروده المعتاد المفروض تكون هذي
الاجواء رومنسيه لكن هي بحالها مندمجه بالمناظر وهو بروحه سرحان
غلا ابتسمت له: شوف كابه حشا مظليه هب كاب
مايد خاطره يضحك لكن مثل البرود: هششش
كملوا جولتهم بهدووووء
غلا صورت مايد بدون لا يحس
فجأه صد صوبها: شعنه تصورين
غلا تصرطت
مايد لف يده ع جتفها : تعالي
خذ الكاميرا وعطاها راعي القارب: سي كونسينتيتو سي بو فاري اونا فوتو
صورهم راعي القارب وغلا م استوعبت الا وهو يصورهم
ويت الصوره مايد مبتسم وهي تطالعه باستغراب
عقب م ظهرو من القارب غلا: ميووود ابا اروح ذيج القناه العوده
مايد: لا
غلا تتعلق بجتفه: بلللليز
مايد: قلت لاا
غلا: شعنه
مايد: لنه لازم نركب فابوريتو يعني قارب عود وكله اوادم وما باج تدازين الخلق
غلا: وليش اداز اذ القارب عود
مايد: غلا لا تصدعيني قلت لا يعني لاااا
غلا بوزمت: هففففف
مايد: لا تتأففين وياله بنسير عند ايبرتو
وهم يمشون : ميود انته شقايل تعرفه
مايد" م سرعها راحت الحرجه طيبه والله " : سالفه طويله
غلا: ياله قول عسب انسى المشي وم يعورنيه ريوليه
مايد رجعت به الذاكره يوم جان عمره 20 سنه بثاني سفره لإيطاليا مع ربعه والاوليه جانت ويا ابوه ..
عرفه واحد من ربعه ع ايبرتو وهو انسان وااايد طيب وبسيط وجانو يوميا يتمشون وياه وعقبها بجم شهر التقى فيه بالصدفه في دبي وجان فشهر العسل من زواجه بإليزا وصار العكس وحوطه مايد ثلاث ايام وصارت علاقتهم قويه ويتواصلون عقبها بثلاث سنوات اتفقوا يلتقون فقطر وقضوا اسبوع كامل مع بعض وهذا لقائهم الثالث من غير الاتصالات اللي م تنقطع
وصلوا عند باب بيته الساعه ثنتين وشوي ويفتح لهم الباب ياهل
وضحك له مايد وشله تغدوا عندهم فبيتهم المتواضع والبسيط لكنه انيق بنفس الوقت
ومثل م قالت غلا كلهم يسولفون وهي ملانه
الساعه ثلاث وزياده عن النص بعد م ودعوهم
غلا بعصبيه: م بغيت تظهررر
مايد بابتسامه: شعنه اظهر
غلا: لانكم ترمسون وانا ملانه وانا اشرت لك جذا مره بس انته مطنش
طنشها وخطف وهي لحقته بعصصبيه
اول مكان كملوا فيه جوتهم جان جسر ريالتو أي كلمه وصف م تعبر عن رهابه المنظر شي عجيب م تمله العين من حلاته وجمال تفاصيله
مايد بدون م يطالعها: تعرفين ليش مسمايه البندقيه
غلا سرحانه : همم
مايد: عشان هالجسر ع شكل بندقيه وها مسواي فمسابقه اصلا وهو اللي فاز
مايد باندماج: هنا سوو مسرحيه شكسبير مال تاجر البندقيه اذ قريتي الروايه والمشهوره روميو وجوليت
غلا: يعني المفروض تكون رومنسيه
مايد لف جداها واخيرا ورفع حايبه: قصدج م عندي رومنسيه
غلا تعير السالفه: انزين ليش حطو اسمها فينيسا الحينه
مايد رجع يطالع المنظر : م ادري يمكن عسبت خليج فينيسا
توجهوا لسوق ريالتو طمايد بحماس: شوووف الاكل هنيه ولا بلاشش
غلا بضيجه: وانت م تحاتى غير بطنك
مايد بدون م يطالعها وهو يمشي بجمود: جب محد سالج
مايد يمشي وهو عايش جووه ويسولف ويا البايعين وهو يضحك حالته حاله وياكل فواكهه وغيره وغلا اللي جانت تمشي ببرود سرحانه في ملامحه
" يوم يكون ع طبيعته جذاب بكل حركاته ويوم ينفس ما ينطاق آه ي مايد ليتني اقدر احبك"
قاطعها صوته وهو يسحب ايدها: تعالي
مشت وياه بابستسلام وبأبتسامه حزن م فارجت قلبها من ودرها هزاع
حدرو بوتيك ديل جيلاتو ويلسوا ومايد م يطالعها مول وهو يختار ايسكريم وهي تطالعه والدمع بعيونها
خذلها ايسكريم شراته م حب يرمسها ويعكر مزاجه
خذو هوياهم وكملوا
غلا: ميود ابا اسير ذاج مال الزجاج
مايد: ذاج فجزيره مزرانو زلازم نركب قارب مره ثانيه
غلا: وين المشكله
مايد: خل عنج ونسير نصلي المغرب والعشا وبنتمشى
وبحرجه: ولا تنسي الصبح بنطلع لان حضرتج فوتي علينا يوم بايطاليا بسبه باريس
غلا: افففف بيذلنا عاااد
مايد طبها وخطف
خلصوا صلاه وتوجوا لمنطقه Mercerie عسب يتسوقون طبعا كالعاده غلا م اهتمت لانها هب من هواه الموضه ومايد خذ شوي بس وحدروا محل كتب وخذ مايد بس وعقب محل تذكارات ووو
وآخر شي حدروا مطعم central Restaurant Lounge هب بعيد مول عن ساحه سان ماركو معناته جريب من الفندق واحلى شي انه يجابل القناه فالمنظر وايد حلووو تعشوا ع اصوات الحان الموسيقى الايطاليه كان الجووو جد جد رومنسي وكل واحد محتفظ برومنسيته فخاطره
مايد اللي وده يتلذذ فانتقامه لكن هب قادر من زود حبه
وغلا اللي هزاع رافض يظهر من قلبها
وصلوا للفندق وبدلت ملابسها وحطت راسها ومايد ع اليانب الثاني
اثنيناتهم عيا النوم اييهم
مايد وده يحضنها ويقولها شقد يحبها ويباها له ويبا ينسى الاسم اللي ستغاثت فيه يوم قرب منها !!
والحين عرفنا سبب غضب مايد من غلا وتعالوا اذكركم بالموقف
(( مايد يتجرب منها اكثر
غلا تصيح: لااا مايد دخيلك وربي حراممممم خوووز خوووز
مايد صار ويهه بويها: صبري شوي بعلمج الحرام انااا
غلا تترجاه: مااااايد دخليك لاااااا مااايد آههه
مايد وويهه فرقبتها والوقايه (الحجاب او الشيله ) طاحت
غلا: خااف ربك فبنت خالتك ي مااايد الشيــــمه آههه مايد
مايد ولازال ع حركته وبصوت ناعم وحزين: ظلممتينيه ي غلا
غلا تصيح وخيفاااااااااااااانه: دخيلك ي ماااايد خوز
مايد لف ايده عليها واليد الثانيه ماسك رقبتها
غلا انهاااارت: هزاااع وينك ي هززززاع آه آه
مايد فج عيونه ع الاخر ودزها بقوه بعيد عنه وضرب راسها فخشبه الشبريه
وقف وطالعها بنظره استحقار وظهر))
كبرياءه ما يسمح له يتجرب منها كل ما تذكر انها استغاثت بغيره
غلا ودها تعطي مايد حبها وتعيش وياه احلى حياه لكن الخوف
خيفانه من حبها المفرط لهزاع اللي لعب بمشاعرها
خيفانه من ان هزاع باي دقيقه يدق بمايد ويقوله السالفه بس مب معقول يسوي جي فربيعه بس هزاع حقيررر يسوي اي شي
خيفانه من رجعتها لانها مثل م قررت بتقوله عقب ما يرجعون
خيفانه ليش مايد يعاملها جي معقوله بس لانها رفضته بس هي ما تنلام
خيفانه من رده فعل مايد اذ درى
ناموا اثنيناتهم بعد مده
الساعه ست توجهوا لسيارتهم الخاصه اللي ستاجروها
صاخين فالسياره بعد مشوار سااعه و22 دقيقه بالضبط وصلوا فيرار
بيريحون ففندق Holiday Inn Express Firera الساعه ثمان بيتريقون فالمطاعم
وكل ها بصمت الاثنين كل واحده بعالم وهم عايشين بعالم ثاني
غير انه اتصلوا باهلهم يطمنونهم
كملوا مشوارهم بالسياره وصولا الى توسكانا بعد ساعه و 46 دقيقه

رد: رواية حبه لبسني لبس يني لبس الخواتم فالصبع تم

الساعه عشر الصبح وصلوا منتجع كاستلو دي فيكاريلو
حدرو والعامل يشل جنطهم وراهم وغلا منبهره بالمكان
مايد: تشوفي ذيج القلعه جددددديمه
غلا متحمممسه: روووووعه شوف الورد فكل مكااااان
مايد: تعالي نشل منه ويانا
هههههههههههههههه
ونزلوا اغراضهم فقسمهم اللي هو عباره عن كوخ من طابقين
غلا انشغلت وهي تطالع الاثاث البانورامي الفخم : ميوووووودشوف اميززززينق
مايد ابتسم وهو يشوفها تطالع المنظر اللي خاري
مايد: ياله نتمشى
غلا: بخذ شور
مايد:خمممممس دقايق بسس وبسير بيفوتج المكان
غلا: آماااااانه لا تودرنيه فاكثر مكان متحمسه له
مايد: لبسي شي من اللي شريته لجج
غلا تطالعه بتعجب
مايد: شفيج تطالعينيه جي بنسير مكان محد فيه
غلا تركض: جسسست فايفففف منت
مايد شد بايديه ع القهوه اللي قابضنها يحسها تدفيه
متضايج تعرفون شو مضايجنه الربيع يفكر جم مره قرب منها
يومين وبهاليومين عرف زين انها مب من خاطرها موول
ليتها بس تقولي السالفه لفتحلها العين قبل الحضن
حط قهوته ع طاوله السعف اللي يالس عليها وهو ياخذ نفس طويل
فسخ بلوزته الطويله وبدل الجينز بشورت ارزق غامج
ظهرت غلا وحست بالفشله وهي تشوف ظهره العاري
مايد" ي بووووي من كل شي تستحي" لف وتاكدت توقعاته يوم شافها متدوده
مايد بمكر: شفيج
غلا: ه هاه
مايد يتجدم جداها بالقصد يحرجها اكثر: غلا
غلا مممممستحيه" اف شفيني انا هب اول مره اشوفه جيه وبعدين شوفيها كله صدره اللي طالع اففف غلا لا تشمتيه فيج " رفعت راسها تغطي مستحاها: هاه
مايد مبتسم ابتسامته المعتاده>مال طنازه<: تذكرين قبل م تنزوج
غلا تحاول كون طبيعيه شوو
مايد لف ايديه ع خصرها ولصقها فيه وهي بعدت جسمها من فوق عنه وباين انها تنتفض مايد يفصل ملامحها: تذكرين شقايل تطالعينيه
غلا افتشششلت معقوله جاان باين وايد جبست راسها مستحيه
مايد يشد عليها اكثر: من وانتي صغيره ما تودرين هالنظرات شعنه الحين ودرتيها
غلا بشجاعه رفعت راسها: لانك م تعيبنيه شرات اول
مايد رفع حايب: اهااا ..نزل نظره لصدرها اللي باين وااايد من الروب
غلا" ها شفيه سكت جيه" يوم نزلت عيونها ع اللي يطالعه حمرررررت: م مايد
مايد بدون م يرفع عيونه: عيون مايد
غلا تير الروب عسب يغطي صدرها بس مايد شادنه: ابا اتلبس
مايد ودرها بسرعه وهو يصد عنها: ياله لا تاخرينا
نزل لطابق التحتي وهي اختارت فستان ابيض قصير لفوق الركبه بششوي من فوق بدون ايدين وفيه حزام ع الخصر وكله دانتيل ابيض
حاولت تسحب الزراي اللي ورا هب قادره ماش حل غيره
نزلت
مايد لف جداها عقب خوز عيونه: خلصتي ؟؟
غلا بهدوء واضح: لا .تجدمت جداه وعطته ظهرها: ركبه لي
مايد لف وشاف ظهرها المفتوح ابتسم ما يروم من يوم يومه وعيونه جيه
وقف حذالها مسك طرفين الزراي وهو يسحب ببطططء ويمرر صبعه ع ظهرها
وغلا راصه عيونها بقوووو وهي تحس به يلمس ظهرها من تحت لي اخر الرقبه
خذ شعرها وحطاه ع يانب وركب المعقمه اللي بآخر الزراي وطبع بوسه خفيفه ع رقبتها من ورى
غلا ذااااايبه
مايد ابتسم: ما ناويه تخلصين شوو
غلا حست انه وقفتها مالها داعي وركضت داخل تلعن غبائها
فضلت م تحط مكياج اكتفت بقلوس وردي وبلشر وردي خفيف طالعه بنووته
ضبطت شعرها اللي يوصل لاخر ظهرها ع جتوفها وهي تشوف عمرها بالمرايه
وانتبهت لمايد اللي جان وراها من الصبح: ياله
غلا خذت طوق ابيض فيه فيونكا ع الطرف وحطته ولف جدا مايد : ياله
مايد يتفحصها بعيونه
غلا تمشي تاخذ لها شوز تتجنب نظراته
مايد: سمعي ي ام كشه
غلا صدت عليه بعصصصبيه" ع شو ناوي هالجلب"
مايد يكمل رمسته بثقه وهو مجتف ايدينه: يوم تطول هالقصه ما تقصينها مابا اشوفها ع عيونج جي
غلا وقفت عقب م خلصت لباس بوت اسود مب طويل وتخصرت: لاااا والله
مايد بنفس الثقه: هيه والله
غلا: ماباااا انا احبها جيه وليش يعني
مايد ببرود يجتل : وانا ما احبها جيه لان ما احبها جيه
غلا: هب ع كيفك
مايد يتجدم لها: صدددق
غلا خافت وسوت نفسها قويه: هيه نعمم
مايد لصق فيها وهي م تحركت: قلت م تقصينها يعني م تقصينها
غلا م ودها تتمشكل وياه بباجي السفره: بنرمس فالبلاد
مايد: ماشي رمسه عقب رمستي جان شفتها مقصوصه يويلج منيه
غلا" هين استاذ مايد جيه ولا جيه بروح وطي من تدرا بس ما عليه انا برويك"
مايد: اي تعلللليق
غلا دزته بجتفها وخطفت
مايد وقف جدام المرايا يرتب شعره
شعره اسووووود وطويل شوي ومب نعيم شكله خطيرر خصوصا وهو لابس قميص ابيض بدون ايدين
لبست غلا عباتها وطلعو من المنتجع باتجاه السهول
بعد م تبعدوا عن الناس فر مايد الفراش اللي بيده ع الارض
وحطت غلا الجيس: اففف ثجيله
مايد طنشهها وهو يفرش فراش صغيرررر ويلس عليه
غلا وهي تفسخ البوت عقب م فرت العباه : بسير اتمشى
مايد: ما تتبعدين
غلا:هففف بدينا تسلط
مايد ببرود اكثر: لا تتاففين ولا صكي الدعنه
طنشته وخطف الجوووو رهيب في هواء ناعم وخفيف يطير اطراف شعرها
تمشي مستمتعه هب منتبه للي يرراقب تحركاتها
طلعت فونها حطت اغنيه I'm liar الهاديه وهي تستمتع بالمنظر لفت ع اليانب اللي مشت منه وشافت مايد بعيد شوي يلست ع الارض
اول مره تلبس قصير جي تحس انها مستحيه من عمرها عقب شوي شوي ارتاحت ع انغام الاغنيه
خلصت الاغنيه وشغلت اغنيه I'm so lonely
وهي سرحانه تعرفون وين ؟! عند هزاع
تنهدت بصوت اقرب للهمس : اشتقتتتت لكك
..
تكلم هامسا عندما تتكلم عن الحب ( وليم شكسبير )
..
ما تنلام اللي يحب صعب يكره والحرمه اذ دخل بقلبها انسان ما يطلعه الا وجود انسان ثاني وهذ اللي تحاول غلا تسويه لكن مايد هب مساعدنها كل ما ارتاحت انه يتقرب منها تحسه ابعد من قبل ما قادره تفهم تقلباته
..
اما مايد كالعاده يفكر بالمجهول
خلصت الاغنيه ورجعت جدا مايد ع الحان اغنيه يوبيتو اللي ذكرنا من قبل انها اغنيتها المفضله
منسدح وايديه تحت رقبته غلا كسرت الهدوء: يووووووووووووووعانه
مايد ابتسم بدون م يتحرك: هكوه الاكل
غلا : ابا انسد حوياك وابا اكل
مايد: خل عنج اللغانه كلي وانتي ساكته
كلت وما ودها تضيج خاطرها " مايد دفش ما عنده ذره رومنسيه دب حيووان"
خلصت وضربت ايديها ببعض ونفضت فستانهم
م تحس اللي بايده تسحبها بقوو وطاحت وراسها ع ايده: اخخخخ
مايد يضحك: ما تقولين تبين تنسدحين هاه سدحناج
غلا استغلت الوضع حطت راسها ع صدره وهو يمسح ع شعرها بهدووء
مع انهم مع بعض لكن تفكير كل واحد ابعد عن الثاني
شدها جنه يبا يدخلها داخله وغلا صاخه ودها تتقرب منه يمكن قلبها بعد يتقرب
مرت ربع ساعه وهم ع هالحال عقب نشت غلا ووايهته وهي كاسفه ظهرها: مايد
مايد فتح عيونه وجابلت عيونها السود الوسااااع: هلا
غلا عيبتها نبره : شرايك م نتنازع بالايام اليايه
مايد نش ويقومها وياه يلسوا ولا زالت عيونهم معلقه فبضع والمسافه بينهم قصيره
مايد بهدوء دخل ايده بين شعرها وغلا تترياه يرمس وبعيونه اللهفه لتصالح
صارت ايده تلمس رقبتها بنعومه وهي تتصرط ابتسم ع خوفها
وهي عيونها تلمع ما تشوفه غير يثني راسه وسكرت عيونها
باسها بشفايفها هب جنه مايد البارد باسها بكل ما فيه من حب وايده تجدم خصرها منه وشوي وهي بحضنه وهو يتلذذ باستسلامها له نزل ع الارض ولازالت شفايفهم معلقه ببعض صار العكس هي تحت وهو فوقها وعقب شوي شوي ابتعد بعصوبه وعيونهم فبعض كمل مشوار فرقبتها وغلا رجعت تسكر عيونها
ثواني وتحس انها بروحها ع الارض فتحت عيونها تشوفه واقف حست بالاحراج انه صاد ع اليانب الثاني وهي مكانها يلست بسرعه
مايد: قومي نتمشى
غلا حست بضيج انه م قبل هدنتها
مايد مد ايده لها وهي مسكتها بكل نعومه وقفوا وصارو يتمشون
غلا مستحيه ترد الطلب بعد موقفهها المحرج
مايد شافها مجبسه وتطالع العشب وخدودها حمر
نزل عيونه لايدها الثانيه اللي تجسف الفستان من تحت
مايد بضحكه: خربتي الفستان
رفعت راسها له وبعيونها لمعه دموع
مايد بحنيه : بلاج ؟!
غلا جبست وهو مب قادر يشوف ويها نظرا لفرق الطول
مايد وقف وجابلها رفع راسها بصبعه ويطلعها بحنان: شو فيج
نزلت دمعه ع خدها وهي صاخه وعيونها معلقه فيه
مايد بتفهم: انحرجتي لانيه ودرتج جيه
غلا هزت راسها بهيه
مايد بنعووومه: ي قلللبي عليج
غلا جنها ياهل: انته ما تحبني صح
مايد سكتها وهو يحضنها
غلا تضايجت وايد " اذ بغى يتهرب لصقها فيه انته اناني ما تححححس"
ليش غلا كل هالرمسه تقولها بخاطرها غلا ما جانت جيه ضعيفه شو صار
مايد بعد ما خاز من حظنها: يوم احس انج تبيني ذيج الساع برد ع هالسؤال
غلا بطيبه: بس انا اباك >اباك وليس احبك<
مايد بعتب : شقايل تبيني وانا فالمرتين اللي لمستج فيها حسستيني برفضج وخوفج
غلا تفشششلت م توقعت يلاحظ انها ما تباه يصكها: بس
مايد يطالعها بنعومه وبعيونه الزعل
غلا: انا بس جنت خيفانه و و انا اباك
مايد م عيبته الرمسه وتم ع حالته
غلا: م تصدقنيه صح
مايد صااخ
غلا رفعت ريوولها اخر شي وبعدها ما وصلت مستواه
حس انها تبا تتجدم له ونزل راسه لها باست خده
ضحك واستحت غلا: ههفففف انته م يعيبك شي
مايد بعده يضحك: ههههههه انا قلت الحينه شيييي وبتعتذر ههه اخر شي ع الخدددد
غلا مبوزمه: وين تبا يعني
مايد اشر ع رقبته وغلا استحت لا إرادي
مايد: خل عنج هالمستحى وابا علامه
غلا حمممممممرررت: م اعرف
مايد: جذابهه
غلا: صدددق
مايد جدم رقبته لها: جربي
غلا متفشلللله: ليش بعد العلامه
مايد بنفس الويهه الطبيعي اللي م يعرف المستحى: عشان اللي يشوفها اقوله
بتظخيم: غلااااااااااااااااا بنت سسسسيف باستني
غلا ضحكت: لا والله
مايد جدم رقبته مره ثانيه: لا تتهربين
غلا طلعت كل الشجاعه اللي عندها وباسته لكن ما طولت شراته
طلع فونه ع الكاميرا الجداميه: افففف ما ينبان شوفي انتي
انصدمت وهي تشوف العلايم فرقبتها وشهقت: شوووو هااااا
مايد: ابا شرات جي
غلا بعفويه تطالع رقبتها : خيبه مصاص دماااااء
مايد ضحك: هههههه واباج ههههتصيرين شراتي هههههه مصاصه دماء
غلا: ما اعرف
مايد: حااااولي
غلا: افففف فشششله
مايد يلصقها فيه: وين الفشله فالموضوع ترا ريال وحرمته شو تبين يسوون نلعب كيرم مثلا
غلا: هههههه هيه والله حلو الكيرمم
مايد اونه زعلان: هذا اللي ترومين عليه بس
غلا : يعني ها شرط الهندنه
مايد: هيه نعم .ماشي علامه يعني ماشي اتفاقيه
غلا :اووووف مايد استحي اناااا
مايد: طلعي هالعصبيه فرقبتي
غلا تشجعت وسوت نفس حركته فرقبته ومايد مستمتع ع الاخر وهو يحس بحراره نفسها شوي وتصرخ: سوووووووووووووووووويتهااااااااااااا
مايد ضحك يشوف العلامه: جيه حلوه
((بالله عليكم هذي حاله فشهر العسل يعلمها شقايل تبوس اخخخخخخخخخخ ها البدايه جيه الله يعين هعهع ))
مايد لصقها فيه وهو يصور سيلفي
مايد: خوزي شعرج عن رقبتج
غلا تطالعه : ليششش
مايد: عشان ينبان
غلا: لا والله واللي يشوفها شو يقول
مايد: اففف توني اعرف انج معقده
غلا خوزت شعرها باستسلام وطلعت العلامه وابتسمت وتصوروا
مايد وهي يطالع الفوون: وهاااي طرشناها حق ميرووه
غلا شهقتتتتت
مايد: ههههه شفيج الا ميره
غلا: اوووف مايد والله انته ما تستحي مول
مايد غمز: كوني شراتي ولج اللي تبين
غلا بدلع: ماباا
مايد: فديددددديتهم انا
غلا مسكت ايده: ياله نسير
رجعوا ع المنتجع وجانت الساعه وحده وشوي
تغدوا فالحديقه النباتيه والمكان لا يووووصف الصراحهه
خصوصا وان الجو جنه العصر والشمس مغطتنها السحب الخفيفه
غلا مرتاااااااحهه ودها تتعلق بمايد وتكون له اليوم غير عن كل يوم اليوم حست انه ريلها
مايد ياكل وعيونه عليها عايبنه اسلوبها يرتاح لما تكون ع طبيعتها وعفويتها
غلا بابتسامه: الحمدلله
مايد: بسج
غلا هزت راسها بهيه
مايد: يالرشاااقه
غلا: اهم شي هههههه شو تباني اكون دبه
مايد: لا خلج جي واذ ضعفيتي شرات مياسوه ماباج
غلا: ههههههه لا تخاف الاكل م يتفوت
مايد: تبين ترتاحين ولا نتمشى
غلا: بنتم يومين باجر هنيه بعد صح
مايد: اممم ع حسب
غلا: اوووه كل مفاجأت
ع فكره شهر العسل كله من تنظيم ميود وهي تمشي وراه وبس وجان طلبها الوحيد باريس وتنفذ جان وده يحوط وياها اكثر لكن م عنده اجازه فجان قراره انه يروحون اكثر من مدينه ع يوم ويومين
مايد يتداكى: مايد بن سالم هب حي الله
غلا: هههه قوم بس قوم عن الخقه
مايد: نسير نريح وبنكمل عقب
غلا بحزن: لا تقووووولي بتام
مايد: م احب رقاد الظهر
غلا وقفت: ياله عيل
وتوجهو لكوخهم
غلا فصخت العباه والبوت وفرت بعمرها ع انعم غنفه موجوده
مايد سكر الباب وفصخ جوتيه: غلا
غلا مغمضه عيونها ومريحه ظهرها: هلا
مايد: تعالي نلعب
غلا فتحت عيونها" فديت ررررريلي انا هذا اللي جنت اباه واحد م يهمه شي" : ياله
يلس حذالها وهو يربع ريوله وهي سوت شراته وتجابلو
غلا بحماس: شوب نلعب
مايد بابتسامته المعتاده ع ينب: جرأه صراحه
غلا: ههههههه اثنين
مايد: هيه مره انا ومره انتي
غلا: بس انته تعرف عني كل شي
مايد: لا الصراحه توني اكتشف انج تصيحين سرعه معناته بكتشف اشياء يديده
غلا انحرجت وهي تتذكر يوم جانت تصيح الفير وتقوله تعبانه جبست
مايد بجرأته المعروفه: ههههه فديت اللي يستحون
غلا: ياله نلعب
مايد: انا اول
غلا: لا انا اول
مايد: ياله اوكيه
غلا: اممممم جنت تغازل
مايد ضحك ع تفكير البنات: ههههههه شقايل يعني ارقم ارمس اواعد شو
غلا انصدمت مب لهدرجه: شوووو
مايد:ههههه امزح ..وبجديه: المواعد طبعا لا الرمسه هيه
غلا بغيره اي انثى: جم وحده
مايد رافع حايب: صارو سوالين
غلا: هب مشكله انته سال سوالين
مايد: اممم ويدات
غلا اتضايجت: انزين دورك
مايد عرف انه م عيبها: شفيج عصبتي شي طبيعي برمس حالي حال اي واحد
غلا بوزمت: بس هناد ما يرمس
مايد: هناد مسكون عسب جي
غلا بفضول: ومنو هي
مايد ضحك: ههههههه هب هناد اذ قال اللي بخاطره
غلا: صدقت هناد من يوم يومه م يطلع اللي بخاطره ..وبحماس: تصدق
مايد مستمممممتع انهم يالسين جي هالهدنه جانت احلى قرار
غلا: تصدق انه يقول حق غلوي كل شي
مايد مبتسم: وتغارين منها
غلا: مرات . ع العموم غاليه وايد فاهمه ورزينه
وردت ظهرها ع الكرسي: ويقول انا خبله
مايد: لو ما خبالج م تزوجتج
غلا: صدق انته ليش خذتنيه مع انه وايد بنات فالعايله
مايد يتاملها: انتيل يش وافقتي
غلا صخت
مايد: شفتي شرات بعض م ندري ليش
غلا تنهدت: النصيب الا الساعه جم الحين
مايد: هوووووب خل عنج تسالتي لين بسج صار دوري
مايد جان خاطره يسالها عن اللي بخاطره لكن غير رايه
غلا: ياله صراحه
مايد: افف ملينا من هالصراحه ما عندج الجراه تقولين جراه
غلا تخصرت: لااااااا الله تشوفني جبانه يعني
مايد هز جتوفه: ما ادريبج
غلا ترفع السبابه بويهه: عندي اتفاق انت تطلب وانا اطلب
مايد بمكر: تمممم ياله قولي طلبج
غلا ببراءه قالت م تعرف عن اللي براسه: ابا قطوه
مايد: ولا يهمج صااار
غلا فرررحت: بشلها وياي بيتكم
مايد م عيبته الكلمه: بيتج
غلا انتبهت: اقصد بيتنا
مايد ابتسم: خلاص اعتبريها عندج بنوصل البلاد وبتشوفينها جدامج
غلا: تكون بيضا وحلوه
مايد : هههههههههه حاضر
غلا بغباء الدنيا كله: وانته شو تبا
مايد وصل حق النقطه اللي يباها ما يلعب ع الفاضي: قولي تم
غلا: اول قول شو
مايد: تو تو تو لازم تقولين تم
غلا بدت تخاف تعرف مايد خبل واللي براسه يسويه بتردد: تم
مايد بنعومه : الليله عشاق هب معاريس
غلا تمنت الدنيا تنشق تبلعها ولا انها تكون مجبوره تلمس غير هزاع: ك كيف
مايد باابتسامه انتصار ع ويهه: يعني كل شي عليج .غمز: طلعي مواهبج
غلا انحررررررررجت "ي ربيه ها كيف جريء انا شقايل بسوي جي"
مايد: عاد هاله هاله بالشي الزين
غلا زايغه: ليش هب شرات قبل
مايد بصدق: مليت وانا جنيه افرض عمري عليج ودي احس باهتمامج
غلا تحسست: اذ سويت جي بتروح الهدنه
مايد: الهدنه شي وها شي ثاني ولا تنسين انج انتي اللي طلبتي الهدنه وها طلبي انا
غلا بترجي: بس انا استحي
مايد بشر: بعطيج جم فلم ولا اقولج النت هنيه بلاش انا بروح مشوار وراجع وانتي تعلمي .وغمز:هههههههههههه
وطلع
خيفانه ومستحيه ومرتبكه وكلللل شي
يلست ع الغنفه: ماشي حل غير اشرد هيه شكلي بشرد
افف فشو اقول انا ها ريلي
" هزاع انا بخون حبي لهزاع جيه ما يسد اني تزوجت غيره .. ياله ليش انا غبيه جي هزاع باعنيه برخيص وانا افرط بمايد عشانه والله ما يستاهل
وقفت وباصرار" والله هالليله انتقام من هزاع اكرههه الحيوان الحقير
حدرت الحيره وهي مستحيه من غير شي
اتصلت باميره: هلا وغلاااا
اميره: هلا هلا بالعروس زين خلاج مايد تتنفسي
غلا: اميررروه سكتي عني الاحراج اللي فيني ساد
اميره: هههههههه شكله المزيون لاعب بقلبج لعب
غلا: اووووف اميره سكتي شوي
اميره: ههههه رمسي حوووووبي رمسي
غلا: والله مستحيه
اميره : او ام جي لا تقولي للحين ماصكج
غلا زاد حياها: يالله اميررررره هب ناقصه انا
اميره: هههههههههههههههههههههه فديت اللي مذوبنهم ميود المزيون
غلا: جنج مصختيها مزيون ومزيون هب جنج ترمسين حرمته
اميره: ههههه المهم ما عليج مني قوليليه ليش مستحيه هالكثر دامنه مـ
غلا قاطعتها: هششش سمعي بقولج
وقالت لها السالفه
اميره فطست ضحك: ياااااااربيهههههههههههههههههه محد قالج ههههههههههههههههههههههههههههه تورطين عمرج عسب قطوه ههههههههههههه
غلا تضايجت من جد: اميره انا م قلت لج عسب تضحكين اباج تساعدينيه
اميره بخقه: لا حبيبتي شكلج ناويه تضيعينيه انتي الحين بذمه ريال دبري عمرج شو اعلمج وانا بعدي بنت ..لا لا انا م افهم بهالسوالف
غلا زعجت: اووووووووووووووف اميره لا تستهبلين
اميره : هههههههههههههههه عصبت الذيبه ههههههههههه
غلا بنفس العصبيه: بتسكتي ولا شو
اميره بعدها تضحك: انزين سوي شرات م قال وتطالعي فلم ......
غلا حرررررجت من خاطر وسكرت بويهها : انا كيف اقول حق هالخبله ما عندها سالفه .. اووووف بس محد يعرف حق هالدلع غيرها
رجعت تتصل
اميره ردت بطفش: اووووف انتي شفيج
غلا خيفانه ع الاخر: اميره بليزز
اميره بضيج خاطر: غلا لا تضغطين عليه
غلا حست فيها: اميره حبيبتي شو فيج حتى يوم تضحكين هب من خاطرج
اميره تكابر: ما فيني شي طفرتيبي ترا
غلا م حبت تضايجها اكثر : اوكيه خلاص بسكر
اميره سكرت
غلا" والله شي فيها هالبنت
علت صوتها بتذمر: ياله منك ي ماااااااااايد اففف اففف حيوان ما ادانيك افف
..

رد: رواية حبه لبسني لبس يني لبس الخواتم فالصبع تم

الساعه اربع اتصل مايد: هلا وغلا بالحب
غلا استحت مع انها عارفه ان هذا اسلوبه وهب من خاطره: احم وينك
مايد: اتمشى فالمنتجع
غلا: ياله دقايق واطلع
لبست عباتها وظهرت
شافها وابتسم ومد يده
غلا:
مسكت ايده واللي يشوفني يقول فرحانه وعايشه جو لكن فالخاطريه حزن وضيج واحساس الغدر صعب الله يسامحك ي هزاع سكنت قلبي وعقلي وغدرت بيه
مايد :
" مديت ايدي لها ابتسم ودي اعيش اللحضه ودي اتلذذ بحبها لكن الحقيقه شي ثاني مهما خبيت اللي احس فيه غيررر غيرر بوايد
وهم يمشون فالمنتجع طاحت دمعتها ع ذكراه ومشتها بسرعه قبل لا يلاحظ مايد
توجهوا للبلده الزراعيه لسان مينانو يتمشون والاكيد انهم ما فوتوا اكل الكماه اللي هي نبات مشهولا في ايطاليا عقب رحوا ع منطقه كورتني وهي اروع المناطق في توسكانا قضوا اغلب وقتهم وهم يتمشون فيها لروعه الطبيعه فيها وخصوصا عند بحيره تراسيمينو.
طول هالوقت اللي مر وغلا منجذبه لطبيعه اللي تعشقها متناسيه الادمي اللي عيونه تلاحقها.
وجي انتهى اليوم الاول في توسكانا
رجعوا للمنتجع الساعه 11 يوعااااانين وغلا قلبها يدق بسرعه
لكن الصدمه العوده اول ما حدرو
مايد بخمول وقسوه: سمعي انا برقد الحينه لو سمحتي لا توعيني واذ تبين تاكلين شلي البوك وظهري
فاجه حلجها ع الاخر وهو عق بعمره وناااااااام
طاااااااااااااااااااااارت من الفرحه مع انها منصدمه انه نسى السالفه بكبرها ما حبت تفكر وايد خذت البوك وظهرت مطنشه كل شي
نزلت فمطعم وتشعت في هدوء تام وهي مبتسمه خذت الكلينكس وهي تقلبه بايديها
اشرت للجرسون : ماذا تريدين سيدتي<ايطالي
غلا: هل تتحدث الانجليزيه<انجليزي
الجرسون:بالتاكيد< انجليزي
غلا: اريد ماء وقلم
الجرسون: قلم!!
غلا هزت راسها
الجرسون: حسنا
راح دقايق وهو يايب القلم والماي
شربت شوي عقب مسكت القلم وبدت تكتب فالكلينكس
لكن كل اللي طلع وياها اسم هزاع يوم خلصت من زخرفته
انتبهت للي كتبته وطاحت دمعتها مسحتها بسرعه واشرت للجرسون
حاسبت وطلعت من المطعم جأن نفسها مقطوع يلست ع كرسي خاري
وبدت تنزل دموعها بضعف وحزن وشوق
..
قال عنتره:
• عتبت صروف دهري فيك حتى
فني وأبيك عمري في العتاب

ولاقيت العدى وحفظت قوما
أضاعوني ولم يرعوا جنابي
..
ثاني يوم لهم كان عكس اول يوم فتوسكانا كان بارد وهادي
نشوا وتوجهوا لسيارتهم لدرجه ان اليوم كامل محد نطق ويا الثاني موول
تمشوا فاجمل المناطق فتوسكانا وكل واحد مشاعره متناقضه وغامضه
متزوجين ولكنهم هب شرات باجي الازواج
كل واحد مع نفسه وتفكيره وخياله وسرحانه او بالاصح كل واحد بعالمه
مر اليوم ابتداء من شوارع سان جيميجنانو ولوكا وكولي وايزيزو انتهاء بجزيره جيجليو كل اللحظات جانت بارده ما عرفوا يستغلون المكان والجو اللي هم فيه
ومر اسواء يوم فشهر العسر ورجعوا لمنتجعهم.
الساعه تسع وبعد ما تريقوا توجهوا لمدينه بيزا واللي هي عاصمه مقاطعه بيزا فاقليم توسكانا خدوا فالدرب ساعه وعشر دقايق تقريبا
لكن نوقف عند حوارهم اللي قطع الصمت اللي مر عليهم باليم اللي طاف
غلا جانت مرتاحه ببعد مايد عنها بسبه عشقها لهزاع لكن تحس انها متضايجه ان مايد جنه هب ملاحظ وجودها ومطنشنها من امس شعور غريب ويضايج
غلا: مايد
مايد: همم
غلا: بلاك
مايد لف جداها: الشو بلانيه
غلا: شو صار شعنه جذا تغيرت مره وحده من اول امس الفليل وانته هب معبرنيه حتى
مايد: الشو تبينيه اسويلج يعني
مايد تذكر يوم سمعها تقول" علت صوتها بتذمر: ياله منك ي ماااااااااايد اففف اففف حيوان ما ادانيك افف
غلا: اهتم
مايد رجع يطالع الدريشه: ما اهتم بناس ما تبينيه
غلا: منو قال ما ابيك
مايد: غلا لا تنافقين انا سمعتج امس وانتي تتذمرين وهب عايبنج وقلتيها بعضمه لسانج انج ما تواطنينيه
غلا تذكرت: اها يعني جي السالفه والله انته فاهم الموضوع غلط
مايد بنظره عتاب: فسري
غلا: والله جنت مستحيه بس واتصلت باميره وشكلها صايره لها مشكله عاد تضايجت ولا والله ما اقصد بعدين انا ودي اتجرب منك ونصير شرات المتزوجين
مايد صخخ
غلا: ميوود انآ اسفه
مايد رجع ع طبيعته: جب لا تدلعين
غلا نقزت: ههههههه فديت ميودي انا
"باست خده بعفويه وهي ما تدري عن تأثير هالحركه عليه
فتج ايديه وتجدمت لحضنه
حطت راسها ع صدره وهو حاضنها ومر الطريج جي
تبون تعرفون بشو يفكرون
مايد " الوعد جدام ي غلاااا ان ما خليتج ما تخوزين عنيه ما اكون مايد بن سالم"
غلا" لبيه ي حضنه ينسينيه الدنيا وما فيها لكن ما ينسينيه حبي الاول والاخير "
الساعه حدعش ولا جنها حدعش جنها اول الفير من حلاه الجو
على بعد خمسين متر متوجهين لبرج بيزا الما والكاتدائيه
بيتريقون ف Pizzeria Ia Torre
بيروحون لساحه فيتوريو إمانويل الثاني
غلا: ميوووووووود بليز ابا اتزلج
مايد موسع عيونه: بتتزلجين بعباتج
غلا بغنج وبراءه: دبرهاااا
مايد ذاب: عاد تعرفين ولا بتفضحينا
غلا: لا والله اعرررف ع الاقل م اطيح
مايد : اوكيه انتظري هنيه شوي
غلا وبعدها متقبضه بايده: وين بتسير
مايد مسك خدودها: دقايق بس ما تتحركين
باس يبهتها وراح
وقفت تطالع اللي تزحلقون لحد ما يرجع
بعد فتره وتحس بايده الدافيه ع جتفها صدت مبتسمه
مد لها جاكيت برد طويل : تفضلي
فصخت العباه ولبست الجاكيت اللي يصير تحت ركبتها بشوي وتحته جينز
مايد: مسكي ها فصخي الوقايه عسب ما تطيح >الوقايه:الشيله:الحجاب>
فصخت شيلتها ولبست كاب برد وعطاها شال عسب يغطي الركبه
وبدوا يتزلجون وهم ماسكين ايدين بعض ومستمتعين ع الاخر
ي ترى تدوم هالفرحه ي مايد وغلا !! م اعتقد بوجود هزاع
عقب ما خلصوا : ميود عادي اتم جي اريح عن العباه
مايد: هب مشكله بس انتبهي عن يظهر شعرج
غلا: لا تخاف نزلته تحت الجاكيت
مايد: ياله عيل
مشو شوي باتجاه جنيسه سانت انطونيو التاريخيه
ولما وصلوا عند جداريه Tuttomondo : ميود تعال نصور
مايد : ياله
عطا اجنبي الكاميرا وخلاه يصورهم كذا صوره بخلفيه الجداريه الروعه
عقب ساروا لساحه المعجزات: ياااااي اميزينق
مايد ايده ع جتفها: ايطاليا هب ي الله
مدخلها جان بروحه روووووعهعقب المباني الضحمه العجيبه
غلا: بنركب البرج؟
مايد: هيه حجرت من النت
غلا: ياله
توجهوا للمكتب لكن لازم يتريون نص ساعه عسب يخلصون الاربعين شخص اللي قبلهم
غلا: تعاااال شوي
مايد" ي ربيه هالياهل بتخبلنيه": همم
غلا تسحبه: نشتري من هذوول
مايد: شحقه من قل القمصان
غلا: لا بنشتري نفس الشي كتذكار
مايد: ياهل انتي
غلا: ما عليه بعدين بتشكرنيه
اشتروا قميصين شرات بعض من بياع فالساحه
فالوقت اللي يتريون فيه لفوا ع مبنى كاتدرائيه والعموديه وكامبوساتنو في ساحه بيزا دي دومو
مايد: هب يوعانه
غلا: عندي كندر تبا
مايد: لا
كلت وهم يمشون
مايد: تعرفي ان هنيه احلى مقبره فالعاااااااالم
غلا نشبت: كحححح كح مقبرهه!!
مايد فيه ضحكه: صحه صحه
عطاها ماي: هيه مقبره شرايج نسير
غلا: نووووو وووى
مايد: بتفوتج هاي احلى مقبره فالعالم
غلا: فالعالم ولا غيره هب سايره لاحجين ع المقابر
مايد: هههههههههههههههههههههههههههههه اشهد انج خبله
غلا تسحبه: ياله ياله طافت النص ساعه
بيركبون البرج وجان زحمه من الخاطر
اصر عليها يرجعون لكنها ما ارتحات الا لما وصلت الطاابق الثامن وشافت المنظر من فوق ما يتفوت
نزلوا والساعه اربع ضبط بيوصلون نهر اورنو بالتحديد ع الكورنيش
بيمشون فشارع medicean اللي فيه وايد مباني رهيبه تلفت النظر اضافه لجسر بونتي دي ميزو اللي اكيد ما فوتت التصوير فيه وخصوصا هي مرتاحه بلبسها اكثر من العباه انيق وساتر
قضوا قتهم لساعه سبع ضبط ميتين يووع بيتوجهون لفندق جراند دومو لانهم تعبانين صج اليوم كلو فالمطعم ولما وصلوا ع طوووول عقوا بعمارهم وناموا ع الساعه ثمان ميتين تعب.
الساعه خمس غلا ناشه نشيطه ومتحمسه تسبحت واستشورت كشتها
غلا: ميووود ميووود قووم بسك
مايد: هممم
غلا: يوووه طلع نومه اثجل منيه بعد
مايد: شوو
غلا: الحين انته صدق ما تسمع صوت الاستشوار يعني ما ينلامون يوم يحرجون وهم يوعونيه
مايد مبتسم: نشيت حبي
غلا"حبي!": ياله قوم
مايد حط ايديه ورا رقبته يتاملها: نشيطه اليوم
غلا استحت: متحمسه
مايد: ليش
غلا بصدق: لو كل يوم شرات امس ما ودي يخلص شهر العسل
مايد بنعومه: ولا يهمج نيدده كل سنه
غلا ذاااااااااااااااابت: انزين ياله قوم
مايد: فديت اليستحون
غلا: ياله عااااد
مايد: ههههههههه قمت قمت
راح يسبح وظهر لقا غلا مزهبه الريوق فالبلكونه
لابسه جينز ابيض وقميص طويل من ورا ومن جدام مرتفع اصفر فيه دبدوب ابيض المفروض يكون البطن برا لكنها لابسه حزام يغطي
ناثره شعرها الكستنائي ع جتوفها حاطه ميكب خفيف وناعم بدل وشافها بابتسامتها الناعمه: تأخرت
مايد حط الفوطه الصغيره ع جتفه: شهالدلع
غلا ابتسمت: بتبرد شعرك مبلل
مايد يلس وهو لابس شورت اسود وبلوزه سودا مخططه باخضر فسفوري: نشفيه ليه
غلا قامت ومسكت الفوطه وبدت تمشش شعره الطويل شوي وهو مروووق
خلصت ورتبت شعره بايديها : ياله يوعتيني
غلا: خلصت
يلسوا يتريقون: ادريبج هب محصله شعر نعيم شراتي
غلا: شعر ايهم احلى
مايد: لحووووول كل ما ييت ابا اتمدح فشعري قالولي ايهم
غلا: هههه سنشوي يوم جاسمته حلاك
مايد: خل عنج لو اطول شعري زياده بيطلع شراته واحلى
غلا: وانا شعري هب كشه
مايد: عيل ليش تستشورينه
غلا عقدت حياتها: لاني غاسلتنه ومابي امرض
مايد: بلاج عصبتي ادريبه نعيم جنت العب به يوم صغار
غلا بخقه: هيه زين تحيد
مايد يطنز: بس سبحان الله جان اسود ما ادري شقايل اختلف بني
غلا : لا والله حمد ربك انا خربت شعري وصبغته فعرسك
مايد: ههههههه بكل الاحوال غاويه
غلا تحرك شعرها: ادري
مايد: ما لايقه الخقه
غلا: ههههه قوم جان خلصت
مايد: لا يوعتينيه امس خل اكل
خلصوا وتوجهوا لشارع كورسو يتسوقون
وكالعاده غلا ما تستري وايد لكن هالمره راحت ناحيه الهدايا لاهلها
الساعه سبع هم فساحه ديلي فيوفي جان صدددعه من الخاطر لانه شرات "الكبره او سوق اليمعه" اللي عندنا جان كله مقاهي ومال السمج ويزارين ومحلات ومخابزوعقب ساحه غاريبالدي اللي حذالها وهم يضحكون ويطاعمون ويسولفون ويا البايعين وغلا خذت جم صوره لمايد وهو يضحك
بيتغدون فالمطعم المشهور Tira & Molla
وبيلسون خاري لان الجو ما يتفوت من الآخرررر
غلا: يليت نيلس اكثر
مايد: والله قاطعه الانسان اللي شافه ابتسم: غلاوي ربيعي هنيه بسلم عليه وبيي
غلا م انتبهت: اوكيه
نش وعيونها تحلاجه لكن تيمد الدم بعروقها وهي تشوف هزااااااااااااااااااع !!!
نشف ريجها تبا تشرب ماي لكن حرمه جدامها يايه من جدا مايد وهزاع : السلام عليكم
غلا تبلع ريجها: وعليكم السلام . انـتي ح حرمته ؟!
البنت بابتسامه: هيه انا فاطمه
غلا ودها تنتحر بهاللحظه ودها تزعج هذا حبيبي: ان انــا غلـ ـلااا اا
البنت استغربت ارتباك ومنظر غلا: فيج شي
غلا: مـ ـا ي اب اباا ماااي
البنت زاغت غلا جنها تختنق عطتها ماي بسرعه
مسكت الكوب والدموع بعيونها اللي تتامل هزاع لكن ما وصل حلجها الا هو طايح ع الارض
تسمع صوت زجاج يتكسر وزعيج ناس لكن تشوف ضباب
سوااااااد
..
الحب أقوى العواطف لأنه أكثرها تركيبا (سبنسر)
..
فتحت عيونها وهي ما تحس بشي الا شي يدافي يلم ايدها
رجعت تغمض في ضوء قوي ورجعت تفتح عقب استوعبت اللي صار
مايد جدامها: غلا حبيبتي
غلا: شو صاار
مايد: لا تخافين كل شي اوكيه قال الدكتور يمكن لان الجو متغير عليج
غلا تيمعت الدموع بعينهاقالت بصوت مبحوح : مايد
مايد: هلا
غلا: لا تودرنيه
مايد: انا وياج حبيبتي
غلا: خله يروووح مابااه مابااه
مايد عقد حوايبه: انتي بعدج هب اوكيه ارتاحي الحين
رجعت غمضت وهي تقول خلك ويايه
مرت ربع ساعه ومايد ما فارجها
صارت الساعه ثمان وباجي ساعه ونص عن موعد الطياره
نشت ونادوا الدكتور فحصها وكل شي اوكيه ساله مايد اذ تقدر تسافر وسمح لهم
تمت صاخه طول الطريج بعذر انها تعبانه لكن الحقيقه هي ماتقبلت زواج هزاع وشوفته جدام عيونها ما قدرت تتحمل تشوف حبيبها ويا وحده غيرها تعاتب نفسها ع انانيتها وهي متزوجه لكن الحب اقوى من انا نخبيه بضلوعنا وما نتالم
..
ما نزلت من السياره نزل مايد وياب الاغراض وتوجهوا لمطار
Aerport internazionale Galileo Gelilei
Pisa international airport
انتهـــــت رحلتهم
ولم تنتهي رحلتنا مع هذي الروايه
لقاء جديد ان شاء الله فالبارت الثاني عشر
مع وعود وآمال وحقائق جديده اتمنى ان ينال هذا البارت اعجابكم ورضاكم
..
أعنف حب عشته/ لنزار قباني
تلومني الدنيا إذا أحببته
كأني أنا خلقت الحب واخترعته
كأنني على خدود الورد قد رسمته
.. كأنني أنا التي
للطير في السماء قد علمته
وفي حقول القمح قد زرعته
.. وفي مياه البحر قد ذوبته
.. كأنني أنا التي
كالقمر الجميل في السماء قد علقته
.. تلومني الدنيا إذا
.. سميت من أحب .. أو ذكرته
.. كأنني أنا الهوى
.. وأمه .. وأخته
من حيث ما انتظرته
.. مختلف عن كل ما عرفته
مختلف عن كل ما قرأته
.. وكل ما سمعته
.. لو كنت أدري
أنه نوع من الإدمان .. ما أدمنته
.. لو كنت أدري أنه
باب كثير الريح ، ما فتحته
.. لو كنت أدري أنه
عود من الكبريت ، ما أشعلته
هذا الهوى . أعنف حب عشته
.. فليتني حين أتاني فاتحا
يديه لي .. رددته
.. وليتني من قبل أن يقتلني
.. قتلته
.. هذا الهوى الذي أراه في الليل
.. أراه .. في ثوبي
.. وفي عطري .. وفي أساوري
.. أراه .. مرسوما على وجه يدي
.. أراه .. منقوشا على مشاعري
.. لو أخبروني أنه
.. طفل كثير اللهو والضوضاء ما أدخلته
.. وأنه سيكسر الزجاج في قلبي
.. لما تركته
.. لو اخبروني أنه
سيضرم النيران في دقائق
ويقلب الأشياء في دقائق
ويصبغ الجدران بالأحمر والأزرق في دقائق
.. لكنت قد طردته
.. يا أيها الغالي الذي
.. أرضيت عني الله .. إذ أحببته
أروع حب عشته
فليتني حين أتاني زائرا
.. بالورد قد طوقته
.. وليتني حين أتاني باكيا
.. فتحت أبوابي له .. وبسته
.. وبسته
.. وبسته
.. فتحت أبوابي له .. وبسته
.. وبسته
.. وبسته
..
المفاجأت ما رح تنتهي وبيعود الغموض بعودتهم لأرض الوطن
بنكتشف الحقائق اللي صارت في غيابنا في هذا الاسبوع عن بلادنا
بنعيش لحضه بلحضه مع شخصيات روايتنا
سامحوني ان اخطأت او قصرت او طولت
فبالنهايه رضاكم غايتي واعجابكم بروايتي مطلبي الاول والاخير
انتظر ردودكم حول هذا البارت وحماسكم لما بعده
البارت الثاني عشر بيكون ما بين 29/7 و 2/8
والاكثر ترجيحا يوم الاحد بإذن الله واذ خلصته بوقت انزله ع طول ان شاء الله
كاتبتكم / بنت الأياآويد

رد: رواية حبه لبسني لبس يني لبس الخواتم فالصبع تم

بنات عندي ملحوضه رجاءا كل جزئيه تقرونها سجلوا اعجابكم عليها ما تأخذ منكم ثواني
ضغطن فوق المربع الأزرق ما المواضيع ع كلمه اعجاب
وهاله هاله بالردود السنعه

رد: رواية حبه لبسني لبس يني لبس الخواتم فالصبع تم

شكرا على البارت الطويل الي يجنننن

رد: رواية حبه لبسني لبس يني لبس الخواتم فالصبع تم

روووعه ي لغلا
استمري
ودائم إبداعي
بالتووفيق ياااآرب

رد: رواية حبه لبسني لبس يني لبس الخواتم فالصبع تم

البارت صج مميز وطويل حبيييييييت
استمري غناتي
ننتظر التكمله

رد: رواية حبه لبسني لبس يني لبس الخواتم فالصبع تم

العفو حبيتيه تستاهلون زووود
واشكرج ع الرد وأتمنى اشوف رايج فالبارت الياي

رد: رواية حبه لبسني لبس يني لبس الخواتم فالصبع تم

تسلمين غناتي
يسعدنيه ردج أتمنى اشوفج فالبارت الياي