رد: رواية حبه لبسني لبس يني لبس الخواتم فالصبع تم

بعد ربع ساعه
رناد لابسه فرنسي رصاصي فيه نقش اسود مخصر ومسويه بف بقصتها الطويله ومنزله خصلتين ورافعه شعرها ومتجحله جحل عربي بارز اسوووود وروج باهت وبلشر بني خفيف .. شكلها كلاسيكي راقي خصوصا وانها صايره وصـــيمه(نحيفه)
لفت وقايتها وتعطرت ع دخله زايد
زايد: شهالزيــــــــــــــــــــــن
رناد استحت وبغت تغير الموضوع: شعنه اتخرت
زايد: السموحه ي الغاليه(وحب راسها) ونحب راسج .. رضيتي
رناد بابتسامه رقيقه: ومن فوق خشمي بعد
زايد : يوووووه ع اساس ما تبا وطالعه جيه كشخه لو تبين شقايل بتطلعين
رناد ذابت: بس عااااد
زايد : تعالي
يلسون ع كرسي الشبريه
زايد: فكرتين زين
رناد هزت راسها: علي ريال والنعم فيه
زايد: هاي اختيه السنعه <ويده فمخباه> وشوفي اخوج شيايب لج
رناد تطالعه بحماس
طلع طبق صغير وفتحه فيه عقد ذهب ابيض مثل ما تحب رقيق سلسالين وبالنص حرف R بشكل حلو
رناد: سكيوووت
زايد: احيدج تحبين الاشياء الهاديه وما تحبين الذهب الاصفر
رناد: صح سبحان الله م لبست عقد جنيه اترياك
زايد : ياله لبسين ولا تحترينيه البسج
رناد تدلع: كمل يميلك
زايد: امرنا لله
لفت ولبسها العقد: غاوي
رناد: تسلم
زايد: سلم من قال
رناد: الساعه جم الحين
زايد: امم سابع وشوي .. ياله انا بنزل خلج ياهزه
رناد هزت راسها
.. وتمت الخطبه على خير تعشون هل علي عقب ما تقاطعون وسارون ..
عند البنات يالسات فالصاله كل وحده منبطحه ع قنفه وقابضه فونها
اندق الجرس ويلسن يتعازمن منو بتفتح
آخر شي ظهرت غاليه فجت الباب وعبدالله بويها
عبدالله: السلام عليكم
غاليه: وعليكم السلام
عبدالله: مره ثانيه لبسين شيلتج زين تراج هب صغيره
غاليه تفشلت : قرب
عبدالله: تسلمين هناد وميود محد صح
غاليه: هيه
عبدالله: عيل زقري سوير
غاليه: ساره!!!
عبدالله: هيه
غاليه: انزين ما بتدخل
عبدالله: قوليلها اترياها فاليلسه
دخلت : سووووووووووووووير
ساره زاغت: خيبه هاه شوووو
ميره: منو ع الباب
ساره: ها عبود يبا ساروه
غلا ودرت الفون: عبوود يبا ساروه!!
غاليه هزت جتوفها: حتى انا استغربت
ساره: م قال شو يبا
غاليه: لا يقول يترياج فاليلسه
ساره: اووويه زغت
ميره بفضول: شو قال
غاليه: ماشي اول نازعنيه ع الشيله عقب سأل عن ميود وهناد جنه يعرف انهم محد وعقب قال يباها
غلا: أحس بمصيبه
ساره: اخخخ لا تزيغينيه
ميره: روحي روحي عن يكون معصب
تشيلت زين وظهرت
غلا: والله هب مطمنه
ميره رجعت تنسدح: ان شاء الله خير
ساره: هلا عبود
عبدالله بنبره ما تطمن: ي هلا بساره ي هلا ببنت سالم
ساره زاغت ويلست: عبود شفيك
عبدالله قابض راسه وجنه يهدي عمره
..
غلا تذكرت اميره بالها مشغول فيها
غلا: اموووره
اميره ردت ع طول: زين يتين بموت من الطفش
غلا: شسويتين
اميره: ملااااااااااااااانه
غلا: اقصد ع ذيج السالفه
اميره: آآه ارتحت ي حرمه
غلا: شو صار فواديه عندج
اميره: ارتاحي غناتيه افتجيت منه عقل الولد
غلا: شقايل يعني
اميره: اقولج صاير آدمــــــــــــــــــــي
غلا: يمكن يتصنع
اميره: لا والله غيرررر حته جابلته بروحنا اقولج جبس وانا شوووكد م رمس ولا سوا حركات
غلا ارتاحت: الحمدلله
اميره: الصراحه استغربت ياله يمكن الله هداه
غلا تذكرت: هيه
اميره: غلاوي برمسج بالليل اوكيه
غلا: تمام
غلا تمت تفكر معقول هزاع سوا شي
..
عبدالله: انتي شمسويه؟
ساره زاغت: شمسويه!!
عبدالله قابض حرجته: وين فونج
ساره: فمخباي
عبدالله: هاتي اشوف
ساره طلعت الفون: هاه
عبدالله: فتحيه
ساره: نوووو وى شحقه
عبدالله بعصبيه: ساره اقولج فتحين الفون
ساره: لا فيه صور ربيعاتيه
عبدالله بصوت عالي: م بفتح الصور فتحـــــــــــــــي اقووووول
ساره ترجف: لا
عبدالله مسكها بزنودها: سوير انتي شمسووويه
ساره خيفانه: م م ما سويت شي
عبدالله يرص ع ايديها: سوووووير رمممممممسي
ساره: عبود خوز عنيه ترانيه بالغه
عبدالله: الحين حسيتين ..وبحرجه من خاطر: الحين دريتين انج بااااالغه
ساره: ع عبدالله فج يعوور
عبدالله ببحه: شعنه ي سارره نحن شسوينا لج هب مقصرين عليج بشي كلنااااا ومايد مايد انتي تأشرين وهو يلبي آخرررر شي جذا تسوين
ساره..
عبدالله: شوفي اذ جاوبتين بكل صراحه وما جذبتين وعد منيه انيه اساعدج
ساره جبست
عبدالله رفع راسها: وعد؟
ساره هزت راسها
عبدالله: انتي ترمسين؟
هزت راسها بهيه
عبدالله: جم واحد
ساره: والله ودرتهم بس واحد والله
عبدالله: ليش ي ساااره ليش
ساره طاحت دمعتها
عبدالله يمش دموعها: لا لا تصيحين عن يشكون هشششش
ساره خوزت ايده: آآسفه
عبدالله بحكمه: غلط ي سااره انتي توج صغيره لا تكبرين عمرج بتدمرين نفسج بأيديج
ساره: بس هو حبنيه
عبدالله يهز راسه: قلت لج بعدج صغيره
ساره: لا ي عبدالله انا رمست شكثرهم محد شراته ولا حد ستحق ثقتيه شراته
عبدالله بحرررررجه يرص ع راسه: ليـــــــــــــــش ي ساااااره ليــــش .. ليش بعتين نفسج كلــــه ولا الثقه ليــــــش هو ما يستحقها
ساره: بس بس هو غيرر واللـ
عبدالله صكر ع اثمها وبقوووه: يووووويلج تحلفين
ساره دموعها اربع اربع
فتح فونه بسرعه وحطه جدااامها: شووووفي شووووفي هاي نهايه الثقه هااا اللي انتي واثقه فيه
شهقت يوم شافت محادثاتهم عنده
عبدالله بعقل: ي ساره انتي توج صغيره لا تقولين انا ذكيه وغير لا صح انتي ذكيه بس عمرج م رح يساعدج شووفي ش وسوا بج اللي توثقين فيه
ساره تشهق بدايه الصياح
عبدالله مسك ويهها: تو تو تو لا تصيحين امنتج بالله لا تصيحين
ساره تضغط ع عمرها
عبدالله: هششش عن تفضحين عمرج
عطاها كوب ماي وخلاها دقايق عسب ما تصيح
عبدالله: ساره
رفعت راسها
عبدالله: عنده صورج؟
هزت راسها بلا
عبدالله: صدق
ساره: والله
عبدالله: انا وعدتج اساعدج اذ ما جذبتين ورح اساعدج وهالجلب دواه عندي بس انتي
ساره بسرعه: تووووبه وربي توبه
عبدالله ابتسم: عرفتي خطاج وين
هزت راسها بهيه
عبدالله: ياله عاد انتي ذكيه م رح تسوين هالغلط مره الثانيه حتى ولو ما تقولين لهم شي ولا تحبينهم لا تسوينها
ساره جبست
عبدالله حضنها: هشششش لا تصيحين توج صغيره بتتعلمين هششش
ساره اسسسسسسستحت
خوزته عنها: ترا انا هب صغيره
عبدالله رفع ايديه: سوير اعرف انج عوده ..مسك خدودها جنها ياهل.. بس بعدج ياهل بعيونيه
ساره وقفت وابتسمت غصب: خل عنك بعيونك الحرام حرام
عبدالله: ياله حدري
ساره بوزمت: واذ سألنيه
عبدالله: انتي ويا هالراس ياله انا شوي واحدر
دخلت واللوم يقطعها
ميره: خيـــــــــــــــــبه ساعه كاااامله
ساره م ردت
غاليه: حشاا ميلس سري
غلا : شو يباج
ساره: قلتنها ميلس سري م يخصكن
غاليه: خيبه شكله مصفعنها
ساره ابتسمت مجامله: بروح انام
ميره: لا والله ميود بيي ايشلنا
ساره برطمت: ابا انام
غاليه: وين عبود
عبدالله: منو سأل عنيه
غلا: اعوذ بالله
عبدالله: السلام عليكم
ردن السلام
عبدالله: سوير وين سايره
ميره: اونه تبا تنام وميود فالطريج
عبدالله: خل عنج شرايكن نسير نحوط
غلا: بيي هناد وما بيلقانا وبيشل الدنيا
عبدالله: م عليج من هناد ياله ركبن السياره
ميره: يااااا هلا ياله سرينا
غاليه: احس ميره حد كافخنها ع الراس
غلا: شو تبينها خليها جي فديتها ياله نسير
ركبن السياره وخذو لفتين ع الحاره
عبدالله: انا بنزل شو تبن
غلا: م عيب نتشرط
عبدالله يضحك: لا عادي هب دوم العيد
ميره: ابا شيتوس وخمر عمان>ديو< وبارني واوريو وجلكسي وو
غلا: والخيـــــبه فقرتي الريال
عبدالله ضحك: خليها خليها شي بعد الشيخه ميره
ميره: احم جنه وايد لا بس الحين
غاليه تضحك: يعني ناويه عليك عقب
عبدالله: وانتي
غاليه: اي شبس وبيبسي
غلا: وانا فيتامين سي واي بطاطس حار
عبدالله: والشيخه ساره
ساره تنود: هاه
عبدالله: شو تبين
ساره: ابا ارقد
كلهم ضحكون
ميره: هب مصدقه انت شسويت لها هب عوايد ساره بلااااج هادله البوز
ساره: مافينيه شي
غاليه: يقولج شو يشتريلج
ساره مبوزمه: مابا شي
عبدالله: هب مشكله اعرف شو تحب
نزل
غلا بجديه: سارووه حبيبتي فيج شي
ساره تهز راسها بلا وتصد عنهن
خلنها وحدر عبدالله
عطاهن اجياس وساربهن البيت
جابله مايد وهناد
هناد بحرجه: ياااااا ريال ونحن ندور
عبدالله ببرود: وشعنه تدورون
مايد: خبل انته جان عطيتنا خبر ع الاقل
ميره: ياخي شعندكم خذنا لفتين ويينا لا تكبرون السالفه
عبدالله: ياخي الجو حلو تعالوا نولع ضو
ساره: ع الاقل جان يبت مياسه وياك
ميره: انا بولع الضو
غلا: بنسهر لصبح
مايد: لا والله ومنو بيردكن
غاليه: ميود باجر اجازه دخيـــــــــــــلك
هناد: جذا ولا جذا سهر لصبح ماشي
غلا: يوووه هناد
هناد: جان تبن تورن الضو ياله
تناشحون غلا تزقر يدودها مايد وغاليه وعبدالله ييبون حطب وميره وهناد يولعون وساره رقدت << طبعا م رقدت مجرد عذر
تيمعون وخلو الرمسه حق يدودهم لساعه 12 ونشوا يرقدون الشياب وتمو هم
ميره: ع فكره تراكم صايرين مملين
مايد: شو تبينا نسوي الشيخه ميرا
غاليه: اكشن
هناد: لو يكون رعب احسن تشوفين ذيج الحيره فوق
كلهم يطالعون
هناد: ذيج حيرتيه وجنها تزاقر تبا حد يخمد فيها
غلا : تاااااااااااااااااافه وانا اندمجت
عبدالله: انا م خاطري ارقد
ميره: والله ي عبود اليوم ما عليك زود
عبدالله: رحمينا وانتي اليوم جنه حد صافعنج
غاليه نقعت ضحك: قلتلكم
غلا: لا والله ميره صايره كيووت
ميره تضايجت: بس جب
مايد: احرجتوها المسكينه
ميره: جب هب منكم من اللي يالس وياكم
نشت
غلا: حووووووه وين انا تميت بروحيه
هناد: لحقيها
غلا: اففف مالت عليكم حرام يشوفون حد فرحان لازم يخربون
غاليه تهز راسها: لازم
غلا كفختها ع الراس وهي ناشه: وانتي وياهم
نقعون ضحك عليها
يلسون الشباب
غلا: ميرووووووووه
ميره متلحفه: وت
غلا: زعلانه
ميره نقزت: نوووووو فور شور
غلا: خيبه لا انتي طاقتج تووووب
ميره: بتخلص طاقتيه يوم اخلص الوليمه اللي يايبنها عبود
غلا: من صدقج
ميره نشت : والله هب ببلاش
يابت جيس الحلاوه
غلا: لا لا ميروه هب صاحيه
ميره تدور فالكبت: وشعنه بالله
غلا: مينونه تاكلين كل ها بالليل
ميره طلعت فلاش: هب مينونه ولا شي شو يعني
غلا: شو ها
ميره: فلاش عندي افلام محترمه
غلا: ميرررررررررررره!!! وافلااااااااااااااااااااااام !!!
ميره : وــــــــــــ بعد
غلا شهقت: نووووو وى
ميره دزتها: خوزي خوزي
شغلت اللاب
وشغلت الفلم
غلا: ميرررررووووه
ميره: ياله شو ورنا هاتي ذيج الجيس
غلا ناولتها الجيس وهي مصدومه
ميره تناولته وفتحت الشبس وتمت تطالع وتاكل
غلا اول هب مستوعبه شصابها هالبنت !!
عقب تمت تطالع وتاك لوياها
غاليه: ماااااااااااااااعليه شتسوون
غلا صكرت اللاب بسرعه: شو
غاليه: وانااا مافينيه نوم
ميره: روحي نامي ياله سوير نايمه عندج
غاليه: ومنو قالكم سوير نايمه يالسه وجنه هموم الدنيا ع راسها
غلا : صدق !!!
غاليه: والله
ميره: قومي نشوفها شي فيها اليوم
راحن عندها وعفدن يصارخن زيغنها وقامت تصفعهن
وهن يضحكن
ساره: آآخ الله ياخذكن تعبت
غلا: ههههههههههه انتي تيننتين رسمي
ميره: رسمي ولا تلويني
ساره: باااااااايخه وياله ظهرن برقد
ميره تجتفت: من ساعه قايله بتامين ولحد نام
<< كل ها بمراقبه هناد بعدين حس ع دمه ودخل حيرته
ساره: م يخصكن
غلا: انتي بلاج جي نفسيه
ميره: طبيها نسير انكمل
غلا ابتسمت ع يانب: ياله
ساره طنشتنهن ونامت
راحنا لحيره وشهقن يوم شافن غاليه مركزه فاللاب
غاليه يوم شافتهن ضحكت
ميره تطالع غلا وغلا تطالع ميره " شقايل يرقعنها
غاليه: تعالن لا تخافن
دخلن يتسحبن
غاليه: صكرن الباب
صكرنه مع بعض جنهن روبوت << هعهع تحت التهديد
غاليه: قرب حبيباتي قربن
شكلهن نككككككككككككككككككككككككككته
غاليه طبتهن وتمت تاكل وتطالع باندماج
يلسن سرعه حذالها
ميره بسرعه: غاليه غناااااتي م تخبرين صح
غلا: حياتي انتي دخيلج
غاليه تتشمت: يلسن بووي يلسن خل نطالع
ميره تتصرط : غاليه هب زين لج
غاليه: هششش خل نطالع
وصخن " عنبوووووووووو الخوووف هعهع مصخرتهن
غلا تهمس لميره: قسم بالله لو خبرت بنروح فيها وطي
ميره بنفس الصوت: م بترمس شوفيها ترا تطالع هب إلا حنا
الساعه 3 رقدن وغاليه ع روسهن ومتحكمه فيهن هب قادرات يرمسن
..

رد: رواية حبه لبسني لبس يني لبس الخواتم فالصبع تم

مر اسبوع والاوضاع هاديه قررون يستعيلون فالملجه
ها اسبوع التخرج
والبنات متحمسات غلا ناشه من فير الله تتيهز وشاله البيت ع راسه < موعيتنهم وياها .. وصلها هناد ..
لابسه فستانها الاسود ومسويه تسريحه خفيفه شعرها كامل فوق وقصتها ع يانب لأول مره هب ع عيونها وروج احمر صارخ وجحله عربيه ثجيله وسودا ورموش << روووووووووووووووووووعه >>
.. الحفله مثل ما عارفين اول شي امهات ورسميات ولوك وحركات
وعقب اكل وترس بطون خخخ
وعقب تصوير وديزاينات وكشخه
وتالي رقص وفله وحمااااس
وبعدين الهديا وغيره
وآخر شي والختاميه التوديع والصياح والافلام الهنديه هعهع
وخلصت الحفله
اتصلت بهناد جذا مره وهو ساحب عليها "شكله نساها " وابوها اكيد فدوامه
ميره: ياله غلا
غلا: حياج
ميره: وانتي
غلا: بتصل بهناد بعدنيه اذ ما رد بشوف امايه تطرش السايق
ميره: وبتنذلين فهالشمس وميود خاري
غلا: هب نمشكله بتريا
ميره: غلااااا وابوي عليج
غلا: نو وى ياله سيري انتي
ميره: يويلج لو عرف ميود
غلا: لا تخبرينه يلا باااااااي
راحت ميره
غلا متضايجه " م عليه ي هزاع الطفس لا بارك ليه ولا هديه ولا شي ما عليه ي النذل اففف ها شفيه صاير جيه حيوووان اكرهه
قاطع تفكيرها ميره: غلاوي ميود يبا يرمسج
غلا: اففف ميروووه شعنه قلتيله
ميره: والله م قلت له هو سأل عنج
غلا: اوكيه بشوفه
ظهرن
مايد: ياله السياره هناك
غلا: انا بتريا هناد
مايد: اتصلت به هو ناسي سالفتج مول
غلا حرجت: ع كيفه هوووو
مايد: خلاص قلت له انيه بوصلج
غلا: لا الحين بتصل اقوووله هب كيفه
مايد: غلا مشي شوفي شقايل واقفين فالطريج
غلا: لا
مايد: ميره روحي
راحت ميره
مايد: غلااا عيب شوفي السياير رايحه راده
غلا: عادي انا متغشيه بتريا هناد .. ولا اقولك بسير داخل
مايد بحده: غلاااا قلت مشي
غلا: مابا
مايد: اففف حركات اليهال سويها عقب مشي الحين
غلا: قلت ماااااباااا
مايد: لا تخلينيه اسحبج جدام الاوادم
غلا تجتفت: قلت مابا
مايد تجدم
غلا: خلاص بمشي بمشي بس خوووز انته
سبقها وتأكد انها تمشي وراه
ردت وياهم وعذبت هناد فالبيت < حارصتنه لين ما رجع خخخ
..
بالاسبوع اللي عقبه ملجه رناد اللي جانت شرات اليمعه العاديه
قررون العرس يكون جماعي سلامه ورناد
ومنيره من صوب ثاني
كل هالاسبوع غلا ترمس هزاع اللي متغير من جددددد عليها
وميره صايره مخلوقه ثانيه كله سوالف وضحك وخبال
ساره صارت شوي هاديه متلومه كل ما تشوف اهلها تندم
طبعا البنات اكثر شي شاغلنهن اختباراتهن
ورناد حالتها تسوء اكثر واكثر
..
يوم الاحد اول اختبار
غلا حاضنه ابوها: ابوووووووويه دعاليه
ابو هناد: لا تخافين ان شاء الله بتحلين وبتنجحين وبترفعين روسنا بذيج النسبه
غلا اتحطمت: يعني هب لازم النسبه المهم انجح
ام هناد: خل عنج نحن نبا نسبه
غلا تبعدت عنهم وبحركه تضحك: خل عنكم لا تحلمون فالتسعين
هناد: ليش ان شاء الله
غلا: اففف ما اروم انا هب دحيحه
ام هناد: سوي اللي عليج والباجي على الله
غاليه: ابووي اذ يبت فالتسعين شو ليه
هناد: يتكم مال المصلحه
ابو هناد: لج اللي تبين
ام هناد: بووي ايهم وانته شعنه صاااخ جذا
ايهم صك الاكل وقام يحك
عطوه ماي وهم يضحكون
ابو هناد يتصنع العصبيه: يووووويلك جان ما يبت شهاده غاويه
ايهم: ابووي انا توني صف ثاني بعدنيه ع النسبه
ام هناد: خل عنك ابدا بدايه غاويه عسب تتيسر لك عقب
ايهم يهز راسه
هناد: الله يعين وانته سعدوش
سعيد: هاه
ابو هناد: دووكم ها راقد
غلا: عاد هناد يتحرانا كلنا دحيحين شراته
هناد: انا جنت شاد حيلي ولا ما يبت ذيج النسبه
غاليه: جم يبت
هناد: 97,3
غلا كحت: والخـــــــــــــــــــــيبه
هناد: قولي ما شاء الله
غلا: ما شاء الله ما شاء الله انا لو اعبد الكتب ما يبتها
ابو هناد: لاااا حشاااا لا تعبديهن جابلين ربج واهلج ابرك لج
غلا: صدقت والله درجات دنيا
ام هناد: هيه سوالها انته عاد هي امبونها هب مجبله ع الكتب
غلا: غاليه هب ناويه تنشين شو !
..
فبيت خليفه
رناد نازله من الدري وماهر تحت
ماهر: صباح الخير عروستنا
رناد ابتسامه باهته: صباح النور
ماهر: شكلج هب اوكيه
رناد ووصلت عنده: لا ما فينيـــ
ماهر شافها داخت وقبضها بسرعه: بلاااااااااااج
رناد اعتدلت : هاه لا ماشي
ماهر: رنود فيج شي
رناد: عظاميه يعورنيه شوي
زايد: صباح الخير شعنه واقفين هنيه
ماهر: يا هلا اختك ما دري بلاها هب جنها بخير
زايد امتستحت ابتسامته: تعالي نتريق وبنسير المستشفى
رناد تضايجت: شعنه ترا اول امس سايرين كل يوم هو
زايد بحده: رناد عن العناد هب كيفج عندج 10 دقايق تتزهبين تريقين وانا بحتريج فالسياره
راحت فوق تتيهز
حدرون ماهر وزاايد
وهم يتريقون
ماهر: زايد فيك شي
زايد راص ع عيونه
ماهر: زايد رناد فيها شي !!!
زايد يهز راسه بهيه
ماهر: بلاها
زايد صاااخ
ماهر: زايد شو صاير انته كل يومين وشليتها الدختر
زايد مجبس
ماهر: شو فيها؟
" هنا رناد وصلت
ماهر بحرجه زعج: زااااااايد رمس رنااااد بلااااهااا؟؟!! "
تيمدت يوم سمعت اسمها ووقفت ورا الباب
زايد هب قادر وطاحت دمعته
ماهر قابض زايد باقوى ما عنده: زااااااااااااااايد نطططططق رمس بلاهااا
زايد بصوت مبحوح والدمعه ع خده: ال ال س سر طا ن ن
ماهر انصصصصصصصصصصصصصدم: لا صدق هب صدق زايد تتمصخر
زايد دموعه يزيدن
ماهر: زايد دخيلك قول انك تسولف قووووول
زايد يهز راسه بلا
ماهر قابض راسه: سرطان!!!
رناد تمشي صوبهم بهدوء يجتل: يعني انا بموووت
زايد رفع راسه بقووو يوم سمع حسهااا
دخل خليفه: يا صبااح اليمعه الحلوه
دخلت فاطمه: ياله بالستر بلااااااااااكم!!!
رناد باستسلام: ابووووي انا بموووت
خليفه هب فاهم شي: اعوذ بالله من الشيطان الرجيم شهالرمسه
يت سلامه يوم سمعت الحشره: السلام عليكم ..وتصلبت يوم شافت اشكالهم: بلاكم
زايد وقف وهو يمش دموعه
رناد حضنت ابوها وتصيح: انااااااااااا بمووووت
خليفه يهديها: لا إله إلا الله رناد حبيبتيه بلاج ليش تقولين جذا
ماهر وزايد هب قادرين يرمسون
رناد: ابوووويه انا فينيه السرطان
خليفها خوزها بسرعه وهو قابض ويهها وزعج عليها : رناااااااااااااااد شهالرمسه شتهذرين انتي
فاطمه: رناد حبيبتي تعوذين من الشيطان هب زينه هالمصخره
رناد: والله والله فينيه السرطان ..وتصيح.. زايد قاااااال
كلهم يطالعون زايد .. طلع بسرعه ودق بالباب بقووو
خليفه: ماهر شالسالفه
ماهر يهز راسه بأسى: قدر الله وما شاء فعل
الصدمه سكتتهم كلهم ورناد محتاره فيهم بس تطالعهم ورقت فوق
وتوزعون اللي قابض دموعه واللي يدعي وحالتهم حاله
اندق باب حيرتها وهي جانت سرحانه بالدريشه
دخل: رناااد
رناد ما جانت تصيح وبدون ما تلف: نعم
زايد: ياله حبيبتي تعالي بنسير الدختر
رناد لفت وبحزن: ليش سويت جيه هب حراااام عليك
زايد جبس
رناد: هب حرااام تيوزنيه الريال ويبتلي بعلتيه
زايد بتبرير: بس هو يعرف
رناد طاحت دمعتها: ليـــــــــــــش حرااام والله حرااام
زايد يتجدم: بس ي رناد نحن نقدر نعالجج وتردين بخير واحسن من اول بعد
رناد تتتبعد: لا تجذب انا بموووت لا تجذب
زايد: رنااااد لا تقولين جيه قلت لج نقدر نعالجج
رناد ته راسها: لا لا زايد لا تجذب عليه انا ادري ادري انيه بمووت لا تشفق عليه
زايد: رنااااد حبيبتي فهمين عليه انا هب شقفقان عليج .. سمعي .. انا في مره جذبت عليج؟
رناد: هيه جذبت جذبت ولا قلت لي وخليتنيه اتيوز علي
زايد: والله حق مصلحتج
رناد بصوت عالي: ماااااااااااااابااااا مابااااا مصلحتي ماااابااااا
زايد: هدي هب زين لج
رناد: اصلااااااااااااا بموت شو بعد هب زين خلنيه اموووت بدون ما اتعذب
زايد: خلينا نعالج وبتردين زينه بدون ما تتعذبين كلما تأخرنا كلما ضيعنا الفرصه
رناد بعنف: لااااا تحااااول ما بسير المستشفى جذا ولا جذا بموووت هب لازم اتعذب
زايد: رناد انــ
رناد تزاعج: طلللللللللللللللللللللللع برع
زايد: بــ
رناد: قلت طططططططلع برااااااااااااا
زايد لف بيروح
رناد: وها علي انا بطلق منه سمعت
زايد طلع بدون م يرد عليها
قفلت الباب وتمت تصيح
دقت عليها سلامه الباب: رناااد
رناد: رووحي
سلامه: تعالي تغدي
رناد: ماااباا
سلامه: رناد حبيبــ
رناد تزعج: قلــــــــــــت روووحي
سلامه: انزين ترا اذن من زمان
راحت عنها وتوضت وصلت وتمت تدعي ربها
ي رب عجل فموتي مابي اعذب اهلي ي رب هون عليه موتتي مابي اتعذب يا رب ارحمنيه برحمتك يا رب اذ قبضت روحي فلا تعذبني يااااا رب
رقدت ونشت الساعه اربع وشوي صلت ونزلت حاسه نفسها ضايج يلست خاري
لابسه درس اصفر مخرم بدون ايدين وطويل لريولها ولافه شعرها بفيونكا
سمعت صوت زايد: قرررب ي مرحبا والله
شوي وتحس حد قفاها وهي منخشه داخل المريحانه
لفت وشافت علي جابلنها وياه زايد
زايد: بخليكم بروحكم
علي: حياك
رناد ساكته وتطالعه
علي: ما بتسلمين عليه؟
رناد: ما ابيك طلقنيه
علي: تعالي سلمي
رناد: نروح المحكمه الحين
علي: اييج انا
جبس وتجدم وحدر ويلس مجابلها
علي: ما بتسلمين
رناد مبوزمه
علي تجدم باس خدها: شعنه محرجه
رناد: ليش وافقت تاخذنيه وانته تعرف انيه بمووت
علي يخوز خصله ع ويهها : منو قال انج بتموتين
رناد دزت ايده: لاااا تجذب اعرف انيه بموووت والحين بتطلقنيه انااا ما بيك
علي يرفع جتوفه: محد قال توافقين انا ابيج وهب مطلقنج
رناد: هب كيفككككك ما ابيك
علي: متى تبي نبدا العلاج
رناد: مااا بااا علاجك ابا امووت بسرعه
علي عقد حياته: شعنه تبين تموتين سرعه
رناد جبست : لنيه ما بيكم تشفقون عليه ما بيكم تصيحون ع حاليه مااابي اتعذب
علي: رناد حبيبتي انا خذتج برضاي وانا ادري بعلتج وما رح تتعذبين اذ بدينا بوقف
رناد: ماااابي
علي: تبين او لا م رح اطلقج وكل ما تأخرتي فالعلاج بتتعذبين وبتعذبينا فخلينا بيدا بسرعه وان شاء الله لو قويتين حيلج رح ترجعين بخير
رناد باستسلام: كيماوي؟
علي يهز راسه بهيه
رناد: يعني شعري بيطيح
علي ابتسم: وبيرجع
رناد بطفوليه: وانا مابي شعري يطيح
علي: ساعدينا نخلص العلاج بسرعه عسب يرجع طويل
رناد: انا احب شعري
يلس حذالها وبطل فيونكتها وطاح شعرها النعيم: وانا احبه
رناد: انت كيف بتتحملنيه انا عله عليك
علي حط راسها ع صدره وهو يمسح عليها: انا احبج لو ما احبج ما بغيتج عله ع قولتج وانا عايبتنيه هالعله (باس راسها)
رناد بصيحه: انت تحبني؟
علي: إلا اموووت بثراج وقسسم اني حبيتج من اول ما شفتج ..وهو دافن ويهه بشعرها.. وربي اعشقج
وتمو يرمسون بعيد عن موضوع مرضها
..
قال سعد علوش:
يطيح الما .. وياخذ ذكرياتك معه
وانا لو كان بيدي كنت أكون الما

أعرفه حيل من منزله الى منبعه
ولكن كيف اكون الما وانا الاضمى ؟
..

رد: رواية حبه لبسني لبس يني لبس الخواتم فالصبع تم

غلا اللي يت من الامتحان مصدعه وانخمدت ع طوول
نشت بوقت ونزلت وفالمطبخ
غلا: مساااااااااااااء النور ي الشينه
البشكاره: انااا مو شينننننناا
غلا: اخخخ يووووعانه
البشكاره: شو يريدي
غلا بعبط : ابااا زنجر بدون جبن وبهارات بالقوووو بدون سلطه والصلصه واايد و
البشكاره: هى هــــــــــــــــــى انا مووو متعم
غلا: متعم فعينج مالت انتي ومطعمج سويليه حي الله شي آكله .. سوي اندومي
هناد: شعندكن مرتبشات
البشكاره ع طول بدت شكاوي: بابا سوووف غلا هازي يكلم انا مو زين
غلا: لحوووووووووووول شعندج انتي
هناد: غلا شو تبينها
غلا: ماباها فشي .راسها ع الطاوله: اباااااا اخلص هالامتحانات الزفت وسير عند قم خالووووووووووووه
هناد: اي خاله بعد هالمره
غلا: والله كلهن ما شايفتنهن حتى خاليه بو طارق من سنه م شفته
هناد: اونج تسيرين عشانه هب إلا عشان اميره
غلا: اخخخخخيه اميره من زمان ما شفتها وامووووله وشوووق وو
هناد: بس بس حشاااااااا بتعدد الشعب كله
غلا تزاعج : ياله خلصي اباااااااااا اكل
هناد يشتوها بالصحن البلاستيك اللي جدامه: جممممممممم مره قايل لا تزاعجين
غلا: اخخخ راسي .. شعندك انته شوووو تباا
هناد: ملان احتري مايد ايي يشلنيه
غلا: وين سيارتك
هناد: هب لازم سيارتين بنروح يميع
دق فونه
هناد:
..
هلاااااااااااا السيافي اخبارك
(غلا ركزت وياه)
هههه لا لا اتريا ميود
..
هيه بنخطف عليه
..
زين زين الساعه جم يبدا
..
هيه
..
ياله عيل حياك
..
فمان الله
.. صكر
غلا: ع منو بتخطفون
هناد يطالعها بحرجه: شدخلج
غلا" والخيبه ها م يطوف عليه شي اكيد بيطوفون ع هزاع هيه دام انه ها سيف
البشكاره: هاا
حطت جدامها الاندومي
هناد نش وتمت تاكل فتحت الفون
هزاع هب مطرش شي اخخخخيه ها وايد تغير عليه حيووووان شسويبه
غلا: مساء الخير
هزاع: اووه الاستاذه غلا تكرمت علينا وطرشت
غلا: وين انته الحين
هزاع: فالبيت
غلا: وعقب
هزاع" اهااا : بسير ويا اخوج .. ميود عندكم؟
غلا: لا بعده ما يى
: جنيه اسمع صوته خاري
هزاع: زين
غلا: لى متى بتم جيه
هزاع: شو
غلا: لا تسوي نفسك هب عارف انته متعمد تعاملنيه جي
هزاع: قلت لج متى برجع مثل اول
غلا: ياخي طفرت بي ياترجع مثل اول يا تودرنيه
هزاع: يا تنفذين اللي قلت لج عليه يا نتم جذا
: ولا تنسين انا اللي احط القوانين هب انتي
غلا: شو اللي يخلينيه اثق فيك
هزاع: سمعي ترا ما بتم اترجاج ياله باي
غلا تضايجت وصكرت الفون
" اففف هزاع طلبك مستحيل
تحيدون.. " يوم تكونين مستعده تقابلينيه وانتي كلج ثقه انيه مستحيل اضرج ذيج الحزه ارجع هزاع الاولي" .. والله صعب ي هزاع افففف شسوي بس ياخي صدق لو جان يبا يضرنيه جنت جدامه آآه م بفكر م بفكر
كلت سرعه وراحت تذاكر
..
المغرب علي راح من عندهم وقنع رناد تبدا بالعلاج
عرس منيره اقرب عرس عقب الامتحانات بأسبوع
وسلامه ورناد يعتمد ع صحه رناد
..
طافت ايام الامتحانات بسرعه محد يتشاوف فيها وكلهم مشتاقين حق اليمعه
وع مخططاتهم بيروحون صوب خوالهم
عقب آخر امتحان..
ميره راده من البيت تعرفون ها مال الافارقه جي تسوي < خبله من اممممممهاااااا
مايد : حوووووووووووووو بيت الهنود الحمر ع غفله بلاج انتي مستخفه
ميره: ويلنـــــــــــغ يمبوندى ميمن يونسومي ماتتزوى توهى فانامي<اغنيهSHAA الافريقيه خرتها فالكلمااات هعهع
مايد قاطعها وهو يشوت المخده: عااااااااااافانا الله
ميره ناقعه ضحك
مايد: ي رب سترك تخبلت البنت
ميره يالسه حذاله: خلـــــــــــــــــصنااااااااااااااااااااااا ي ميود خلصنناااااااااااااا
يت تبا تحضنه ودزها : افففف ميروووه قوووومي
ميره تلحن اغنيه اندريه ريو وهي تزااااعج مال هتلر هعهع
مايد: والله ي ميره لو ما انجبيتين يويلج
ميره تزاعج ع نفس اللحن : عاشت ميراااا .. فكه فكه.. بارلوس كارلوس .. انااااا الشيخه .. زفووووا الفرحه .. عاااااااااشت ميره(وتضرب تحيه) .. ي مايد خلصنا .. كارلوس بارلوس .. برادا سارلوس.. وعاشوو ياهوووووه .. يابس يابس << راحت ام الاغنيه هعهع
مايد سكتها وراسها بالغنفه وسادك عليه
ميره: آآآه م اروم اتنفس ماااايد
مايد: بتنجبين ولااا
ميره: بسكت والله خوووووز
خاز عنها
ميره تحك ويهها: آآآخ خربت موسيقى القرن السمفونيه
مايد: لو تسكتين احسن
ميره: باله عليك يوم خلصت الثنويه شو سويت
مايد: ما سويت سواتج
ميره: ادري سويت اخس والعن .. بفضول: صدق شو سويت
مايد تحمس وابتسم وهو يتذكر : صدق
ميره تطالعه بحماس
مايد: صرقت سياره ابويه الاوليه وخمست بها ويا الشله ورجعتها جني ما مسوي شي
ميره ضحكت من خاطر
مايد: جب جب م يضحك
ميره: بخبر عليك
مايد: روووحي السياره اصلا ماشي الحينه
ميره نشت عنه: المهم .. ترااا ررااا تراااا رررا ررا
مايد: توج غازيه موسيقى القرن ع قولتج هاي شو بعد
ميره: هاي اغنيه فلم ثمانيه ونص نينوووووووووووووووووووووررررووووتااااا
مايد: عقل ماشي
ميره: اوروبي جديم شدراك انته ايطااااليااااانووووو ي عمي هعهع ذكرتنيه بالحرمه اللي فالفلم تشبهك خخخخ
وراحت وهي تغني
مايد: يالله بالعقل
شوي ورجعت: صبر بسمعك وحده
مايد: يالله بصبررررر ايووووب ميررررررروه انجلعي
ميره: سمع سمع واااااااااا وااااا واواواوا امممم امممم وي كان سينكت برتيكت ساين .. دي ليبر اتس نكت ات ,, ايك واينا...
مايد: ميرووووووووووه انجبي شكرا ما نبا نتعلم ايطالي ولا غيره
ميره: ها هب ايطالي الماني
مايد: فجينا جنج بغبغا اللي تسمعينه تحفضينه ولا عارفه طشه
ميره: والله اعرف يقول كيف ما تروم تصير مثالي ي حمار ي مايد الحب هب حقيقي انا ما اصيح عشانك الحب صدق ماااااااات
مايد زعج زعجه من الخاطر: ميرررررررررررررره
ميره زاغت وببلاهه: اصلا الحب مات
وما شاف إلا غبرتها
..

رد: رواية حبه لبسني لبس يني لبس الخواتم فالصبع تم

نشوف غلا شقايل عبرت عن فرحتها
جانت غاليه يايه بالباص وهي يت ويا الدريول وعلاوي
نزلت من السياره تتسحب
وربع علاوي داخل وجانت غريبه وهناد وامهم يالسين
علاوي: يتووووه يتتتتتتوووه
ام هناد: هلا ي عيون يدووه (حطته فثباتها) وين خالتك
علاوي: غلا تثيح
هناد: ي البنقالي شو تثيح
غريبه: تصيح!!!
علاوي يهز راسه
دخلت غلا وعيونها حمررر والدموع اربع اربع
كلهم زاغون وتولفون عليها
وامها تحضنها هب فاهمين السالفه هي تصيح
عاد هي ما تحملت
غلا: امـــيه شوويه
ام هناد وخازت عنها: غلا بلااج
غلا تبعت شوي وجان تنقع ضحك
هناد حررررج: اجتلهااااااااااااااا
وجان تربع فوق <اعتقد محد ما سوى حركات غبيه يوم خلص الثنويه
..
هزاع: يوم ترجعين طرشي
غلا: باااااككك
هزاع: شمسويه
غلا: ماشي مبروك
هزاع: لا
غلا: عيل لا ترمسنيه اذ بتم جيه
هزاع: ومن متى انتي اللي تقررين ارمسج ولا
غلا بتهور: متى تبانيه اشوفك
هزاع: صدق!!
غلا: من نروح بيت يدوه بنفس المكان
هزاع: من صدقج
غلا: طبعا
هزاع: يعني صرتين توثقين فيه
غلا: للاسف
هزاع: يا احلااااااا واغلاااااااااا غلااااااااااااااا فالعااااااالم
غلا: ها هزاع اللي اعرفه
هزاع: احبج
غلا طايره من الفرحه رد لها هزاع اللي تحبه "تحبه" متى يا غلا حبيتيه بهالسرعه غلاا انتي تحبيه أنااااا حبيت حبيت
..
الحب يدخل الرجل عبر العينين ، ويدخل المرأة عبر الأذنين
/مثل بولوني
..
حمدان اللي راجع البيت ومسوي عيد << الاولاد والدراسه خخخ
..
ومياسه احتفال آخر انها بتروح الثنويه العامه
..
وساره رجعت ع حيرتها < كلهم ملاحضين انها هب طبيعيه
وبخبركم عن شي صار ايام الامتحانات
جان عبدالله فبيتهم ع اساس انه يبا مايد
وسأل عنها وقالوله انها هب ع طبيعتها ورمسون شوي عنها
ظهر وشافها ماسكه قطوه <سنوره , قطه , بسه >
راح صوبها وودرت القطوه ووقفت وهي مجبسه
..
عبدالله: سلام
ساره: وعليكم السلام
عبدالله: ساره انتي شعنه صايره جذا
رفعت راسها: بلانيه
عبدالله: لا تسوين جذا اهلج بيشكون
ساره: شو تبانيه اسوي
عبدالله: صيري عاديه خلاص ما صار شي كلنا نغلط والاهم انتي عرفتين غلطج
ساره : انته تكرهنيه
عبدالله: منو قال
ساره: ادري
عبدالله: والله انيه ما اكرهج
ساره: لا تخاف ما الومك لنك تشوفيه صايعه وو
عبدالله قاطعها: منو قالج هالرمسه
ساره طاحت دمعتها: لا تجذب
عبدالله: ي ساره والله م اجذب عليج انتي بنت خاليه ولا يمكن افكر فيج جذا
حضنها لا إرادي وهي تصيح
ساره: خوز اهء حرااام
عبدالله صاخ وهو يرص عليها
ساره: عبدالله انا بااالغه خووزز
عبدالله: هششش
ساره:خوز مابي احد يشفق عليه خووز
عبدالله بصوت هادي : انا ما اشفق عليج
ساره تصيح
عبدالله: ساره أنا احــــ
زعجت ميره: عبـــــــــــــووووود
عبدالله خوزها سرعه عنه
ميره من بعيد واقفه مصدومه " بينهم 8 سنوااااات ها شو يسووووي
عبدالله بخفيف لساره: ميرا تدري انج جنتي ترمسين صح؟
ساره هزت راسها بهيه وهي تمش دموعها
عبدالله بصوت مسموع: ساره روحي انا بتصرف
جان تربع ساره من الباب اللي ورا
ميره تجدمت صوبه: انته شو تسوا ما تعرف انها عووده
عبدالله: ميره لا تفهمين خطاا انا بس ..
ميره فاجه حلجها: بس شوو
عبدالله توهق : ميره انتي تعرفينيه هب راعي هالسوالف وانا ما قصدي شي و..
ميره: عبووود لا تغير السالفه .وبقوه: شعنـــــه تحضنــــهااااا!!!
عبدالله بغباء: انا نسيت انها عوده
ميره هب عارفه تضحك ولا تعصب: لا والله
عبدالله: هكوه ميوود يا لا ترمسين هاه
ميره: وشو اللي يخلينيه ما ارمس
عبدالله بعنفففف: غصبن هنج ما بترمسين وربي لو رمستين لخبره انج جنتي تعرفين ان ساره ترمس شباب
ميره سكتتها الصدمه
عبدالله: ها مايد يا جدانا ب
ميره: انت شق شقاي ل
عبدالله قاطعها : افففف ميرااا انتي بلاج صرتين جذا لاعيه مره وحدده سكتين عااد .. يااااا هلااا بميووووووووود
مايد: اهلين شتسوون
عبدالله: انا جنت احتريك عاد ييت اطالع هالسنانير وهاي نشبت ليه
ميره رافعه حايب: خيـــــبه مسرررع جذبك
عبدالله بنظره تخوفها: هب انتي يايه تحاكين<تضاربين
ميره سكتتها النظره: هيه انا
مايد: بس بس فجونا .. قررب
عبدالله: لا والله انا مروح
مايد: افااا فنيان قهوه
عبدالله: يلست وتقهويت والحمدلله والحين ناهي
مايد: شعنه العيله
عبدالله: انا ياي من الصبح
مايد: جان اتصلت بي ع الاقل
عبدالله: هب مشكله حرمه خالي ما قصرت ياله عيل اتخرت بسير
مايد: بحفظ الله
..
في احدى الامثال الالمانيه:
الحب يرى الورود بلا اشواك
..
عندكم المقتطفات
.. !! .. آسفه وربي آآآآآسفه ي رب سامحنيه ياااااا رب
.. !! .. ضحك بخبث: اكيد اخخ ي الشيطان
.. !! .. انا براسي وحده بس لازم شورج
.. !! .. شافته ياشر لها ب" هلا وبوسه بالهواء
.. !! ,,,,,,, انتي تحبينيه؟؟
.. !! .. انتي ما تفهمين ما عندج راس ما عندج كرامه ياخي انجلعي خلاص ماااباج
.. !! .. منهاره : انت خيسيس حيووووان جلب حقيرررر اكرهك
.. !! .. والله لييب راسها ما عاش من يردنيه وانا ولد ابويه
.. !! .. ,,,,,, انااا انتهيت وتصيح
شرايكم فالبارت
.. تتوقعون غلا بتسويها ؟؟
.. عبدالله شو جان بيقول ؟؟
.. ميرا شو بتسوي؟
<< لعيونكم البارت الياي حماااااس !! عاد دوركم تحمسونيه بالردود >>
عسآكم من عواده العيد
الكاتبه:
بنت الأياآويد

رد: رواية حبه لبسني لبس يني لبس الخواتم فالصبع تم

الرواية تجننن كملي بللليز

رد: رواية حبه لبسني لبس يني لبس الخواتم فالصبع تم

تسلمين الغلا
تسعدنيه متابعتج
واكيد بكملها وانا احدد مواعد التنزيل بعد كل بارت
علني لا خلا من ردودج الغاويه

رد: رواية حبه لبسني لبس يني لبس الخواتم فالصبع تم

متابعاتي الكريمات اكيد م رح انسى عيديه العيد
بما اني اليوم منزله هالبارت البارت اللي عقبه رح يكون ثالث ايام العيد
يوم الجمعه بإذن الله بشرط اني اشوف ردود ع اسئله البارت
دمتن طيبات وعيدكن مبارك

رد: رواية حبه لبسني لبس يني لبس الخواتم فالصبع تم

واذ م في ردود مافي بارت وانا زهبته بالايام اللي تاخرت فيها

رد: رواية حبه لبسني لبس يني لبس الخواتم فالصبع تم

.. تتوقعون غلا بتسويها ؟؟ احس انها سوتها اول مره ف عادي بتسويها ثاني مره
.. عبدالله شو جان بيقول ؟؟ ماعرف >خخخخخ
.. ميرا شو بتسوي؟ في راسه شي بس بعدني ما عرفت شو > خخخ

رد: رواية حبه لبسني لبس يني لبس الخواتم فالصبع تم

ما شاء الله عليج كل بارت احلى عن الثاني واطول ودومج ع الموعد والصراحه اتريا باجر متى ايي عسب البارت متحمسه ههههه، غلا بتسويها وله؟ اكيد بتسويها بس بتكون وايد زايغه..
وعبدالله شوه كان بيقول؟ بيقول حق ساره انه يحبها بس ان شاء الله لا لانه خساره م تستاهله
ميرا شوه بتسوي؟ م بتسوي شي لانه هددها وهي خوافه بعد

ودمتي سالمه كاتبتنا الكيوت *قلبين زرق*

تحياتي واشواقي( بنت آل نهيان )..