رد: رواية حبه لبسني لبس يني لبس الخواتم فالصبع تم

معلومة:
هدفي الرئيسي من الروايه المتعه
لكن عرضت عده قضايا اتمنى تستفيدون منها
ولا تقولون ان في شي مستحيل لان صحيح الروايه من خياليه
لكن هالشي صاير وانا م اقتبسه والفت فيه إلا من واقعنا
الاسماء من راسي بعد وهب مختارتهن لهدف مجرد ذوق
في عبارات بين الحوارات هي لكتاب احبهم واتمنى تعيبكم
اسلوبي فالطرح سردي
بعض الناس ممكن يقولون لو نتفصل فأشياء اكثر
انا عندي حدود فالتوسع لنيه م احب ادخل فأمور مالي فيها
وما احط اشياء اوفر شرات القتل ووو
احاول اخلي الروايه من الواقع قدر المستطاع
و"بعض" الاحداث انا عايشتها فعلا او اعرف حد عايشها
وبالنسبه للهجه فهي اماراتيه والعذر جان استصعبت عليكم بعض الكلمات .. وما ارفض اي انتقاد او سؤال او تعليق
واخليكم ويا الروايه

رد: رواية حبه لبسني لبس يني لبس الخواتم فالصبع تم

حبه لبسني لبس يني..لبس الخاوتم فالصبع تم
روايتيه الرومنسية والغامضة
بقلمي: بنت الأياآويد
..
لم تعشق يوما
وعندما عشقت لم تعشق من الإنس
..
لهموم في يوفي زحمني
هم على هم على هم
هم فراسي متعبني
وهم بقلبي ثبت وتم
ومحد يدري اشصايبني
غربال مع تفكير مغرم
وعيني ما تغفي شاقتني
ابكي ودمعي يبكي بدم
كل السبب لمعذبني
يالي بوداده صرت ملزم
ماخذني بروف وتأني
واشربت كاس الروح علقم
حبه لبسنس لبس يني
لبس الخواتم فالصبع تم
..
العايلات واااااااااااايد!! بس بسهل عليكم
نبداها بالتعرف ع اهم شخصياتنا البنات
المتيمعات يوم الخميس فبيت يدتهم
غلا .. ميره .. رناد .. مياسة .. ساره .. ميثه
يالسات يسولف فجأه سكتن
يايهن يمشي بهيبته عليه جمال رباني
كندوره سودا وغترته حمراء حايسنها ع ينب والينب الثاني طالع طرف شعره الاسود
لحيه سودا غامجه وشفايف فاتحات بشرته بيضا وابتسامته سحرر وفيه غمازتين
مركب سماعاته فذنيه والنظاره شمسيه فمخباه
بطل السماعات: السلام عليكم
ساره: عافانا الله
الباجي: وعليكم السلام
ميره: ميود شيايبنك هنيه
مايد: م يخصج , اسكيوزمي ويرز يدوه
مياسه: فارط انته
مايد: اخيييييه شعندكن انتن محد يرمسكن بادب مول , يلا مناااك
وراح
ساره: طبنه نكمل وين وصلنا
غلا فصلت : ههههههههههههههههههههههه فهالسوالف ما شفت انذل من ساره .. ياخي شقايل تسونها ما ادري من وين هالجرأه
ميره: الله يعين هذا وسارووه خمسطعش سنه وجيه الله يعلم لما تكبر
ساره: لااااه ما ينخاف عليه أصلا انا العب ع الخلق هب هم يلعبون عليه
مياسه: كفوو والله
رناد: اخاف آخر شي يلعب عليج واحد منهم وتيينا عبله فزمانها
ساره: هههههههههههه تخسي
ميثه: الحين انتو شو تبونها خلوها تتسلى
سارة: اشكرج .. وبعدين انا ارمس الواحد يومين مصخرته ولعنت صيره وودرته
ميره: تخيلين واحد لصقه ما يودرج إلا يبهذلج
مياسه: شقايل يبهذلها يعني
غلا: تخيلين يخبر اخوج
سارة: لا عيونيه انا ارمس كل يوم بحساب وكل يوم باسم وكل يوم بعمر فمنو بيعرفنيه
رناد: بل عليج هب جنج ياهل توبي وراج حفره
سارة: ياهل فعينج .. عيونيه هب انا العاشقة المتيمه مثل غيري
رناد: جب والله اصفعج . ماعليه ميرروه
ميره: اوووووويه وانا شدخلنيه اذ هي اذنيها كبار
ميثه: الله ي رنود تعشقين ولا تقولين لنا
غلا: اثاريها الماي تمشي تحتنا ميثاني ولا ندري
ساره: اخبركن
رناد: اصلا منو تم وما خبرتيه
ميثه: انااااااااا
مياسه: من حضج بآخر يمعه ما جنتين موجوده راحت عليج
ميثه: والله تقولولي شو صار
غلا: بلاوي
رناد: ايــــــــــه
ميره: ايه ولا بيه
مياسه: جب اقول من وين صارت ايه وبيه احيدهن ايه وبي
ميره: فرنسي ي الخديه
مياسه: انجعمي خل اقولها السالفه
رناد: ماصخات وتفكيركن وصخ .. ونشت
ميثه: منو منو
ساره: حياكن بروح اترس بطنيه
ميره: بيي وياج
غلا: انا ما افضح اسرار الناس
ميثه: زوولي .. قولي مياسه
مياسه: تو تو تو تبي تعرفي دفعي فلوس
ميثه: ي حيوانه قولين
مياسه: خلي الحيوانه تقولج
غلا: بريحج ولد يار يدوه الدكتور
ميثه: اي !!
مياسه:ما تعرفين اللي قابلناه هذاج اليوم ونحن ظاهرين
ميثه: لا تقولين لي هذاك الطرر
غلا: هوو
ميثه: اخطأت الاختيار بروح انصحها
مياسه: بلاج
ميثه: هذا ع جماله هب خلي بنت هب مرقمنها
غلا: ههههه وعبالج اخوانا ما يرقمون
ميثه: لا لا هب زين لها
مياسه: عاد الله ي السديس
ميثه: بروح اقولها
غلا: ميثوه يلسي انتي الشو تبينها
ميثه: انزين وانتو الشراه عرفتن
غلا: هههه من السي ان ان << هاي ساااروه
ميثه: يلا عاد قولن كيف .. يالسات بالحبه
غلا: بسير عند حبيبي << رح نعرف منو عقب
ميثه: يلا يلا قولي
مياسه: اوكيه .. اقولج جانت بتطلع تييب حايه من السياره.. بوقت دوريه ساروه
ميثه: ههههه كملي
مياسه: اونه تقول هو بس جان ياي عند الشباب لما شافها سلم
ميثه: وبعدين
مياسه: ماشي ساره تقول ما سلاام هالكثر
ميثه: بسسسسسس
مياسه: بس
ميثه: بطن وانا تحريت الدختور راح من ايديه
مياسه: ويععععع وانا تحريتج تطوعتين صدق .. طلعتي يالسه تظهرين عليه رميسات بس غيره
ميثه: لااااا وقسم انه مغزلجي
مياسه: انزين والشو يعني مغزلجي
ميثه: لو يعني شي ما جان عيبنيه
مياسه: مالت عليكن وع ذوقعكن
ميثه: انجلعي العصاقيل مالج ما ندانيهم
مياسه: ومن صدقكن بتضاربن
ميثه: ههههههههه اللي يسمعج يقول اني ميته عليه
مياسه: عييييل
ميثه: بس جيه اتمصخر الصراحه عليه جمااال ودكتور بعد شعليه
مياسه: فقت هالويه وانا تحريت الحين بيستوي اكشن
ميثه: هع هع تخسييي اضارب عشان ولد
مياسه: بس الصراحه مال العايله ما اييبوه
ميثه: اووووخ كيف طرر .
مياسه: صبري صبري .. في اللي أحلى منه وبوووووايد
ميثه: لا تقولين لي ميود
مياسه: هيه
.. ترا مايد ابو الكشخهههه ومافي بنت إلا وعشقته مع انه اهبل ..
ميثه: بطن بطن بطن بطرررران ومينون
مياسه: حرام عليج هب بطران
ميثه: لا يكون عاشقتنه
مياسه: وله امكن
ميثه: ههه اتخيل
مياسه: احح لو يعقل شوي جنت حبيته
ميثه: الحمد لله لك يارب انه هب عاجل
مياسه: الله ياخذج ي الحاسده
ميثه: ههه ترا انتي كل واحد تحبيه يموووت ههههههه
مياسه: جب جب
ميثه: ههههههههه تحيدين سههههههههههههه
مياسه قامت تضربهااا
ميثه تشرد
مياسه: جب ي الجلبه مااااا يضحك
ميثه تضحك وتشرد << توم وجيري
.. في واحد جان يسكن جريب من بيت قم مياسه ويحبهاااا وكل يوم الصبح ع المدرسه يخطف بس عسب يشوفها طبعا مياسه ما تحبه لكنها تستهبل وماات فحادث المسكين وعقب مياسه حست انها صدق تحبه
..

رد: رواية حبه لبسني لبس يني لبس الخواتم فالصبع تم

اعرفكم .. بوصفهن بكلمه وحده والباجي بتعرفونه
غلا: احلا وحد فيهم 17 اصلا كلمه حلوه شويه عليها (( مزيوووووونه))
ميره: عقب غلا جمالا 17 (( دلوووووووعه))
ميثوه: 19 (( دففففففشه))
ساره: اخت ميره 15 ما تشبهها مول (( ذكيـــــــــــــه))
هذول بنات عم
مياسه: 16بنت عمتهن اسلوب ولا اروع (( ام السانين ))
رناد: بنت عمتهن 20 وشاله جماااال(( برستيـــــــــــج))
.. وع فكره ذول هب كل البنات في الاكبر وفي الاصغر بس هذول الأهم
<< ع فكره ساره صغيره بس فالشله بس لانها ذكيه وتفهم ع الطاير >>
...
يعني العايله .. 3 اولاد (( سيف>> ابو غلا .. سالم >> ابو ميره وساره.. خالد ابو ميثه)) وبنات منهن (( موزه >> ام مياسه .. فاطمة >> ام رناد )) اليده مريم واليد علي
غلا حبيبه يدها ودلوعته (هو حبيبها) دايم تبات عنده لو ودها ما تفارجه
ام غلا وام ميره خوات وفي ثنتين وخال واحد
..
ميره: غلاوي بتبات صح
غاليه<<اخت غلا: اكيد الاسبوع الماضي جان عنها امتحان
رناد: والله حضها بس ودي امايا تخلينيه
ميره: عيل انا بموت اذ بت برا البيت
يت سااره:امرررره عيل البشاره حنا بنبات هنيه
ميره فجت عيونها: ليش!!!!!
ساره: بعد ليش يدوه مصره
ميره: عالاقل هب الحينه الأجازه يايه
ساره: وانا شدراااني
ميره: يعني كلنا
ساره: ابويه بيسير وميود ما ادري عنه
ميره: وامايه
ساره: العصر بتروح عند خالتيه بعدين ما ادري
غاليه: بل العلوم كلها عندج
ساره: ههههههه ع الفاضي اتيلس ويا الحريم
يت مياسه: ايه وين اختج
غاليه: شدراني
..: يالسه ويا يدي
ميره تدلع: آيوتي قومي يبي لي مووويه
آيه: لاااحول ما يصير ارمس إلا يأمرونيه
ساره: اصغركم خادمكم
آيه : أيه شهود اصغر
ميره: ترى محد ولا بقولهاا
..
تعشوا الشباب برا والبنات عشى خفيف ..
طبعا الشباب طول اليوم هياااته
بعرفكم ع الحريم بالكامل عسب ننتقل للريايل
من بيت سيف .. حرمته عايشه .. غريبه28 ..غلا 17.. غاليه13
من بيت سالم .. حرمته شيخه .. ميره17 .. ساره15 .. آيه6
من بيت خالد .. حرمته مزنه .. ميثوه 19 .. مهره14
من بيت موزه.. ريلها جاسم .. ميسا 19 .. مياسه 16 .. (شهد >>حفيده 4)
من بيت فاطمة .. ريلها خليفه رناد 18 .. شوااخ 3 (( سلامه 26))
المتزوجين
غريبه حرمه اخو ميره .. سيف .. عندها علاوي 5 .. وعواش سنه
ناصر مالج على ميسا
خوان ميسا اثنين ماخذين خوات خلود والعنود
... للعلم: سلامه هب اخت رناد من ام وابو .. خليفه متزوج حرمه قبل فاطمه وياب منها ولد عقب لما جانت حامل ربت بسلامه وماتت وهو تزوج فاطمه
..
نخلي الشباب لبعدين عسب ما اثجل وايد << احس اني ثجلت وخلصت هعهع
..
اللي باتوا .. االحريم كلهن عدا فاطمة وبناتها
والشباب بنعرفهم .. والريايل طبعا محد
..
طبعا قبل ما يفضى بيت علي ( اليد ) جان كله حير سوو البيت وسيــــع
اليده وريلها تحت
في ثلاث حير خذنهن البنات ما عدا وحده فهي لناصر وهناد وهالرمسه بدون نقاش مع انهم حاولون فيهم وايد بس لاااا يمكن
تحت اربع حير وحده للخوات .. عايشه وشيخه وياهن موزه
الثانيه للصغار
الثالثه والرابعه انقسموا فيهن الشباب
.. لا تستغربون فهم واااايدين ماشاء الله
..

رد: رواية حبه لبسني لبس يني لبس الخواتم فالصبع تم

عند البنات وبعدهن حيره وحده..
ميره: يوووه آيوه غصصتين فيه روحي عند امايه
آيه: إلا بنام هنيه
ميره: الله يعين هذا وبعده هب وقت الرقاد
آيه: إلا بنام الحين
غلا: نعععععممم
آيه: هيه
غلا: والله افرج انتي وقشارج برع
ميثوه: انا اقول نخلي آيه ومهره وغاليه وساره فحيره ونحن الاربع فحيره
ساره: يااا سلام ميسا انتي روحي وياهن وانا هنيه
ميسا ماسكه فونها وخبر خير
غلا: ميساااااا
ميسا طاح الفون من ايدها: ها هاا شوو
ميثوه: نحن منو نكلم
ميسا: آآخ قلبي فونيه طااح
غلا: ي عالم نحن بوادي وهي بوادي
ميثوه: بوادي ولا مووول
مياسه: مووول ولا نيفر
ميثوه: نفر ولا شخص
غلا: جب انتي وياها مالت هالتنكيت البايخ
ميثوه: صبري خل انكمل حلوه
غلا: حلج بطنج .. الحين كيف
ميره: ها ميسا بتروحين ويا غاليه وآيه ومهره
ميسا: هااه
غلا: الحين بخذ هالفون وبفره من الدريشه
ميسا: تخسين .. شو تبن
ميره: انقول انجلعي براا
ميسا: هه اللي يسمعكن متخبله ارقد وياكن .. نشت
غلا: بتروحي تنامي
مياسه: هههه اخبرررركم
ميسا: جب ي الجلبه
.. طلعت ..
مهره اممم الرقاد .. : بروح انام
آيه: بيي وياج
غلا: غاليه ما بتسيرين
غاليه: ما ابا تجليع بسير
.. طلعن
ميثوه: وين سارت ميسا
مياسه: ريلها تحت
غلا: اووف رحنا نشوف
ميره: عيــــب
ميثوه: جب انتي يلسي هنيه
.. طلعن ووقفن عالدري
..
نزلت ميسا: هاه
ناصر: ما بغيتي اتيين
ميسا: مينون انت البنات جانن ويايه
ناصر: انزين لا يكون حرام
ميسا: لا بس استحي
ناصر: تعالي يلسين
.. يلست بعيد شوي .. وهنا البنات يراقبن من فوق الدري
ناصر: بلاج تعالي ما بكلج
ميسا..
ناصر نش ويلس حذالها
ميسا: ايه ناصر عن حد ايي
ناصر تداكى وحط ايده ورا الكرسي : انزين الشو يعني
ميسا: ما قلت تبا بس تشوفنيه هاه شفتني بروح .. نشت
ناصر مسك ايدها: والله ما تروحين
ميسا: ايــــه
ناصر وقف وياها: بلاج ترا والله العظيم حرمتيه وبعدين انا طول اليوم ما شفتج
ميسا: ليش حد قالك تحوم
ناصر: يووه يعني ما اشتقتين ليه
ميسا: ناصر خل اروح عن حد ايي
..
هنا منصور ومايد طالعين سمعوا صوت خفيف ووقفون تجدمون ويلسون يتسمعون حالهم حال البنات
..
ناصر: انزين الشو يعني حد ايي ترا والله هب حرام
ميسا: حتى ولو
ناصر: يلسي
ميسا: لا بروح
ناصر: تعرفين شو عقاب اللي ما تسمع شور ريلها
ميسا: لاا حول
ناصر: يلسي
ميسا يلست
ناصر: والحين قولين هب مشتاقه ليه
ميسا: وانا تحريت عندك سالفه
..
منصور ومايد يتهامسون
منصور: شوف ذيلا ماخذين راحتهم
مايد: اسكت خل نشوف آخرتها
..
عند البنات يتهامسن
غلا: ي ربيييييه
ميثوه: ي حظهاااا
غلا: عقبااااالي
مياسه: انجعمن خل نسمع
..
• فلو خلط السم الزعاف بريقها
تمصصت منه نهلة ورويت
قيس بن الملوح
..
ناصر: الحين انا اقولج مشتاق لج تقولين ما عنديه سالفه
ميسا: اوكيه فهمت خل اروح
ناصر: انزين سيري بس بوسه اول
ميسا ميته حيا ..
ناصر: يلااا
ميسا محمررره : ناصر هب هنيه
ناصر جواب سررريع: نسير الحيره
ميسا ماتت : ه هاا
ناصر: بلاج انتي قلتين هب هنيه
ميسا: ن ناصر عن المصخره خل اروح
ناصر: هه ما مسكتج روحي بس بوستيه اول
ميسا تبا تنش وحط ايده عليها ويلسها
ناصر وصار بحضنها: ماشي نشه .. يلا بوسينيه
ميسا تحاول تبتعد: عن حد يطلع
ناصر بأمر: سرررعه
ميسا مستحيييييه: نناصصر
ناصر بهدوء: عيونه
ميسا: ايه خل اروح
ناصر تبعد : اوكيه روحي
ميسا تطالعه ..
ناصر مسوي نفسه زعلان
ميسا: انت من صدقك حرجت
ناصر..
ميسا: بليز نصور لا تزعل
ناصر.. << يتغلا هعهع
ميسا: نــــــــــاصر
ناصر: مستخصره عليه بوسه ونا ريلج
ميسا: يووه ما تسوى تزعل
ناصر: ليش تسوى تردينيه عشانها
ميسا: اوكيه خلاص
ميسا تجدمت لخده بتبوسه ..
البنات الابتسامه شاااقه الحلق وصافات طابور ع ثلاث درجات قبل الاخيره وتحس ميثوه بصبع فظهرها وتصرخ مياسه من الزيغه طاحت ع غلا وغلا بويهها ع الارض .. زاغت ميسا وتبعدت
هنا مايد ومنصور ما تحملون شكل البنات فوق بعض ويصارخن نقعووووا ضحك
..
البنات بعدهن طايحات وميره ناقعه ضحك من فوق الدري بعكس ميسا وناصر المصدومين
غلا: ويعااااااااه قوومن كسرتنيه
ميثوه خازت
مياسه: آآآآه وهي تنش
غلا هب رايمه تقوم: آاااااه خشمي انكسر
شوي ويصخن يوم شافن ناصر وميسا يطالعوهن مصدومين ومايد ومنصور يو يضحكووون
ناصر: يلعن هالاشكال الشو جنتن تسووون
منصور ومايد بعدهم يضحكون
<< ع فكره البنات لابسات بيجامات >>
ميسا متقفففففففطه
ناصر: الله ياخذكم انت وياااه سكتوا الحين بيظهروا الخلق
مايد ومنصور يالله يالله سكتوا
منصور: هههه الله كشفكن
ميره من فوق : شعنه انت وياه الشو جنتو تسوون!!
هنا البنات نقعن ضحك
ناصر: الله ياخذكم مافيكم مذهب .. يلا انجلعن داخل ويا ها اللي لابساتنه
غلا وميثوه ومياسه هنا انتبهن ونشن من ع الدعنه
مايد ومنصور متيمدين انفضحووا
ناصر: قوووووومن الله لا يبارك فيكن
.. ركضن داخل لكن عقب الشوو
ميسا من القفطة طيراااان فوق
ناصر: الله ياخذكم وانتو واقفين تطالعونهن
منصور: هههه اشكالهن تضحك
ناصر: تضحك ع سواد ويهك
مايد: اوووح قووويه
ناصر: والله انكم قليلين ادب تتنصتون ع خلق الله
مايد: ايه بسك عااااد .. يقلد .. بوسيني
ناصر: ذلف داخل لحد ينش
.. لكنه ما وحاله يكمل إلا عبدالله ظاهر من الحيره
عبدالله: بلاكم الشو ها الزعيج
ناصر: قلت لكم
عبدالله: شو صار سمعت صوت بنات
مايد يضحك : لا تذكرني
منصور: حدر حدر عن ينشن الحريم
.. دخلوا داخل ..
وناصر راح فوق
منصور ومايد يخبرون عبدالله السالفه
عبدالله: والله انكم قليلين حيااا
منصور: ههه ما رمنااا لما شفناهن جيه
عبدالله: ومفتخر حضرتك الامور طيبه
مايد: بلاك عصبت محد قالهن يظهرن جيه
عبدالله : صدق ما فيكم مذهب .. يويلكم يدري حد من الكبار
منصور: يالله عااد
مايد: قم رحنا عند هناد
عبدالله: هناد محد
منصور: وانا اقول ما بينام بهالوقت
دخل هناد من الباب >> ترا الشباب حيرتهم مره ع الباب وما صاجين الباب
مايد: لو طارين المليون ابرك
هناد وقف ع بابهم : جنتو تحشو فيه
منصور: لابس قلنا وينه يهيت
هناد: ماشي مواعد واحد فالكافى
مايد: واحد ولا وحده
هناد: لا ثنتين .. جب اقول بسير انام
منصور: انجلع ما منك فايده .. راح
عبدالله: انتو ليش مستخفين ترا الساعه ثنعش
مايد: انزين ثنعش يعني متأخر!!
عبدالله: اقووول ناموا وانتوا ساكتين
منصور: لااا تصدق عاد بنام وانا اتكلم
عبدالله: ههه ضحكتني
مايد: نصور ترا مب بس تتكلم وانت نايم تلعب كونفو
منصور: سكت الله ياخذ بليسك فضحتنا
مايد: قم طلعنا
..
عند هناد راح فوق ودق باب البنات
ميره: منو
هناد: انا
ميره بصوت خفيف: قومي غلاوي هذا اخوج
غلا تطنز: شوفيه انتي الشو يبا
ميره: هه بايخه يلا قومي
فتحت غلا الباب شوي: ها
هناد: الشو هالاصوات الخلق نايمه
غلا حطت ايدها ع اثمها: هــــي صوتنا ينسمع
هناد: لاا لاا تصدقين مول ما ينسمع هذيلا القطاو يضحكن
غلا: هه انزين خلاص بنام
هناد: أا
غلا: الشو
هناد: ماشي خلاص تصبحن ع خير
غلا: وانت من اهله
..
دخلت غلا وقفلت االباب
غلا: يقولكن تصبحن ع خير
مياسه: والمطلوب
غلا: لابس حبيت ابلغ حد انه قال تصبحن وليس تصبحين
ميثوه: أأهااا
ميره عقت بعمرها: تصبحن ع خير
مياسة : ليش منو قالج بنام
ميره: عيل
غلا: نو نو نو
ميثوه: يلا قومي
ميره: شو ناويات تسون
مياسه: صبري وبتشوفي
ميره: اعوذ بالله منكن
غلا بأبتسامة خبيثه: نشي
..

رد: رواية حبه لبسني لبس يني لبس الخواتم فالصبع تم

.. العوايل
عايله غلا .. عايشه وسيف
غريبه البجر 28 عندها ولدين علاوي 5 وعايشه سنه
هناد 26 شخصيـــــــــــــه طررر عصبي شوي وشكله كشخـــــــــــــــــــــــه لكن شخصيته بدويه ع حضريه يحب النوق وجيه
غاليه 13 رقيــــــــــــــــــــــــــــقه وكووول
سعيد (( يسموه سعدوش )) 10 سنوات
ايهم 8 سنوات شكله مزيوون مثل هناد وشيخ الريايل يرمس مثل الكبااار
...

عايلة ميره .. موزه وجاسم
سيف 30 سنه ريل غريبه
مايد: 25 مثل ماقلنا من قبل مزيوووووووون واحلى واحد فالعايله وطيح الطير من السمااا لكنه اهبل ونفسيه وع قوله اخوانا السعوديين مرجوج
ميره وساره وعقب أيه6 سنوات
...
عايلة ميثوه .. مزنه وخالد
ناصر 26 ريل ميساااااا شخصيه كووول
ميثوه نعرفها.. منصور 16 غاااااااوي وطبايع مايد كلها فيه .. مأثر عليه..
مهره 14 .. ما تنذكر وايد لانها واااايد هاااديه لكنها تقلب .. نفسيه..
..
عايله مياسه .. موزه وجاسم
عبدالله: 23 شخصيته وروعه وكشيخ شوي عاااقل
ميسا: 16 انطوائيه شوي بس حبوووووبه ورقيقه
مياسه نعرفها
سعيد : محد يسميه سعيد لازم (سعيد جاسم) .. 12 سنه
علي: هذااا ابووو الهباله كلها
..
محمد وحمد وحريمهم ذكرناهم قبل خلود والعنود
..
إجلسي خمس دقائق
لا يريد الشعر كي يسقط كالدرويش
في الغيبوبة الكبرى
سوى خمس دقائق..
لا يريد الشعر كي يثقب لحم الورق العاري
سوى خمس دقائق
فاعشقيني لدقائق..
واختفي عن ناظري بعد دقائق
لست أحتاج إلى أكثر من علبة كبريت
لإشعال ملايين الحرائق
إن أقوى قصص الحب التي أعرفها
لم تدم أكثر من خمس دقائق...
../ نزار قباني
طلعن البنات من الحيره ..
ظهرن برا يمشن بهدوء وبصوت خفيف..
غلا: هشششششش
ميره: بلاج
غلا: سمعن هب جنه حد يرمس
ميثوه: هيه صج .. رحنا نشوف
ظهرن لقن مايد ومنصور يالسين ع الدري ويسولفون
ردن داخل
مياسه: خل نتسمع
غلا: الشو تتسمعين خل انزيغهم انتقام
ميثوه: صبرن صبرن لازم تكون الحركه قويييه
ميره: انااا بسير بتوهقنيه ميود بيذبحنيه
مياسه: انجلعي يالخوافه
ميره: محد خواف غيرج بس انتن ضامنات ما يقدر يصككن بتطيح براسي
ميثوه: يوووه ميره خلج شجاعه
غلا: قصرن حسكن الحين بيسمعونا
مياسه: عندي فكره
ميره: ابدعينا
مياسه: لحقني
عقب عشر دقايق تقريبا
مايد: يا ريال هذا اصلا واحد جذاب
منصور: ومنو قالك صدقته اصـــ
ما يحسوا إلا بماااي باااااااااااارد ع ظهورهم
مايد متجمد: الله يلعنكم
منصور : م ممنو
مايد يالله يالله لف ع ورا بس ما شاف حد
منصور: الله يلعنهن اكيد هذيلا الجلاب محد غيرهن
مايد: يااااابوي بمووت من البرد
منصور نش: قم انا براويهن
مايد: آآآه ببببرررد .. ابااا اتدفى بعدين بنتفاهم
..
طلعن الدرج ضحك
ميره: هههههه روووعههه
غلا:ههههه اشكلهم تضحكككككهههه
مياسه: خل يتأدبون مب هم يضحكون علينا
غلا: ههه سرنا سرنا
ميثوه: صبرن صبرن والآيسكريم
مياسه: يالله أخاف يزخوني اذ سرت المطبخ .. سيري ميروه
ميره: ياااا سلام
ميثوه: سيري غلا
غلا: بسير بس اذ شافوني جيه
ميره: صبري بنتأكد انهم محد
..
نزلت غلا عقب ما تأكدن انهم هب برا ولا فالممر فأكيد فالحيره
دخلت غلا المطبخ وفتحت الثلاجه بهدووووء (( المكان ظلاااام))
شوي وتسمع خطوات يايه
جان تسكر الثلاجه سرعه وتندعس
المكان ضلام فماا تنشاف
دخل وراح بيشغل الليتات بعدين تراجع .. تقدم ع المغسله اللي تقااابل غلا فصخ كندورته وحطها ع طاوله وكان شكله بردان
..
غلا انخشت ونفسها يتسارع تسمع شخص داخل لكن ما تشوفه شو يسوي لين ما صار عند المغسله طبعا غلا عرفته من جسمه .. مااايد >> يلعب جيم جسمه طويل وعريض وكشخه .. بحسها .. يااااابوي الشو بسوي اذ شاااافني.. شوي وتحط ايدها ع عيونها .. لكن ما رامت فتحت صبعين وتمت تطالع
..عند مايد اللي فصخ كندورته وصب ماي حاار وكبه ع عمره .. واخيرا ارتااااح جان بيتجمد
غلا سرحاااانه وتطالعه .. ؛) ترا كشخه هاه .. عقب مايد حط كندورته ع كتفه صب ليه كوب ماي وراح صوب الباب
غلا بحسها.. يماااه انا الشو اسوي صج اني انهبلت .. استغفر الله استغفر الله
مايد جان بيظهر لكن يا من صوب الثلاجه
غلا تستغفر وما تشوف إلا كوب الماي فويهها
وتصررررخ
مايد وفيه ضحكه : هششششش بينشون
غلا: ح ححيواان
..
هنا البنات ركض المطبخ ما يشوفن غير غلا متيمده ع الارض ويتولفن عليها
ميره: غلاا بلاج
ميثوه: ممــ .. هنا منصور ومايد كملوها سطل ماي كامل عليهن والشرررده
ويزعجن كلهن مره وحده
انتبهن وربعن داخل قبل ما يظهر حد
..
كلهن من البرد بدلن ونامن وهن يفكرن كيف ينتقمن
..
الصبح
ميره: غلااااااوي
غلا: آآآآآه أيديييييي
ميره: بلاج .. ما احيدج ترقدين ع ينب
غلا: اففف تعوووور
ميره: البنات كلهن نشن إلا انتي وميثوه
غلا: اوكيــــه .. نشيت نشيت
نشت
وراحت ميره توعي ميثوه
..
نزلن تحت والكل ع الريوق برا في الجلسه
ام هناد: كل هذا رقاد
غلا تبوس راس امها: اصبحتي
سلمن ع الباجي..
مايد ومنصور وهناد مخلصين ويالسين ع اليدار .. منصور ومايد ماسكين ضحكتهم غصب
ميثوه تحرهم : والله ما اعديها
مهره: بلاج تتحرطمين من الصبح
ميثوه: اقول جب خل أكل
..
كلهم يسولفون وميثوه وغلا يشربن جاي
غلا: ما عليه
مياسه: يبالنا نردها لهم
..
ابو هناد: الشو ما تبون تظهرون
ابو سيف: هيه الوقت يمشي جان بتسيرون بنحرك
ميره: ابويه مانبا نرجع جيه
ابو سيف: لا انا اقصد تتحوطون
ساره: نسير مصارعه الثيران اليوم اليمعه
أيه: بويه الاخت
شيخه(امها): وتعرفي البويه بعد
هناد: ابويه انا اقول نحوط اول لين وقت الغدا عقب حديقه كلباء حلوه
مياسه: بس اليمعه كلها باكستانيه وهنود
ميسا: ليش بناكلهم ولا بياكلونا
مزنه: ما عليه دام انها زينه
حمد: انزين قبلها وين بتسيرون
ساره : مول ا وجيه
ابو عبدالله: زين عيل لو نستعيل احسن
موزه: بترجعون هنيه
غلا: هيــــه
ميسا: امااايه باجر عندي اقزاام
موزه(ام عبدالله): هب مشكله انتو يلسوا ونحن بنسير
شيخه: هاا عايشه
عايشه: بنيلس الشو ورانا
ابو ناصر: يالله عيل قوموا نحن بنسير الحديقه مره وانتو لفوا ويوم بسكم تعالوا
..
دقايق ونزلت غلا وميره تحت كااشخات.. محد غير عبدالله وهناد زاهبين وناصر يعدل غترته ع جامه الممر
غلا: والله جد ايدي تعورني
عبدالله: سايرات عرس
غلا: ليش الشو حطينا
هناد: الشو ما حطيتن
ميره: اففف ي المحاضرات الدينيه
هناد: بسكت بس اذ شفت نص ولد وراكن والله تنضربن قبله
غلا: بعد كيف هاي نص ولد
هناد: يعني انجبي وروحي شغلي السياره
غلا جانت سايره: نااااصر
ناصر ويكمل: هااه
غلا: ترا ميساا ما بتروح بتيلس تذاكر
ناصر لف: الشووو
غلا تضحك وطلعت
ميره يلست ع الدري : تجذب تجذب
ناصر: حيووانه
..
غلا طلعت وشغلت سيارته جان مايد فسيارته فتح الدريش: سلااااام
غلا: الله لا يسلمك
مايد: هه ليش محرجه
غلا: ما يخصك
مايد بجديه: فيج شي
غلا تحس ويها: ليـــش
مايد: هه اقصد جنه شي يعورج
غلا: لا بس ايدي تعورني طشه
مايد: لازم من خبالج
غلا : وانت الشو يخصك دخل حياتي بعد والله ما ادري ليش اجاوبك اصلا
وحدرت
مياسه: هاا غلاوي اخبار ايدج
غلا تأشر بمعنى انجبي
هناد: بلاها ايدج
غلا: أأ ماشي
ناصر: اكيد من طيحه امس
غلا: ما يضحك
نزلت ميسا وأيه ومهره
ميره: عيل وين سااااروه
(يبو ينسو هناد السالفه لانه اكيد ما بيسكت ع انهم جافوهن ببيجامات )
مهره: ساااروه اول الخلق مخلصه عند الحريم فالحيره
ظهرن الحريم والريايل وركبوا
ابو هناد : يلا غلا
غلا: لااااا ابويه نبا نسير يميع
ميره: بأي سياره نركب
ميثوه: بسياره هناد
ميره: شعنه
مياسه: لان ابويه وامايه وميسا وعلي بسياره
وخواني وحريمهم بسياره
وعمي سيف وياه حرمته وغاليه وغريبه وعيالها
ومايد ومنصور وعبدالله وسعيد جاسم وسعوش وايهم بسياره
وامايه ومهره وابويه بسياره
غلا: وعبدالله ليش ما يشل سيارته
مياسه: شداني
هناد: بلااااكن
غلا: وين نركب
هناد: أي مكان بس اكيد هب عندي
ميره: قول حق ميود يشلنا
مياسه: صح ما نباك
هناد يطنز: لا لا دخيلكن ركبن ويايه
مايد: يالله الناس بيتحركوا
هناد: شلهن
مايد: انااا الشباب ركبوا بسيارتي
هناد: لو اللي يصير يصير ما اباااااهن ويايه
مايد: وااكككك
غلا: يلا عااااد ذليتونا
هناد: روح نزلهم يلا
ركبن البنات ويا مايد >> طبعا يبنه لأن كل شي عنده عااادي بعكس هناد اللي ما يحب الصدعه .. انسااان راقي .. ومايد يصيرن جريئات عنده بعكس هناد
ركبت ميره يدام والباقيات ورا
غلا: ميثوه لزي شوي ايدي تعورني
ميثوه: يالله انتي وايدج .. مايد شغل شي
مايد: شو تبن
ميره: الشو عندك
مايد: أأ حربيات وشلات وميحد وابو الروغه
مياسه: بطـــــــــــــــــن
مايد: بطن ولا ظهر تبي تسمعي بحطي
مياسه : لا خل اغانيك حقك
غلا: لا تخافن عندي سي دي اشله ويايه
غلا: ماااايد ركبه
مايد : الشو فيه
غلا: حط انت
مايد: اذ اغاني بايخه بفره من الدريشه
...
شغل اغاني ريمكس عربي واجنبي
وفجأه هندي ويشلن البنات مرررره وحد
هم تيري بناااا ابرهي نهي سكتى تيري بنا كياوا جووودا ميرااا
مايد بند وصرخن: لااااااااااااااااااااااااااااا
غلا: مايد بليز بليز لاااا
مايد: يلعن شكلكن اختلفتن هنووود
ميره: ميووووود بليز
مياسه: كله ولا اشكي تووو بليز
مايد: الشو هااا بعد اشكي توو
ساااره: الله يا انتو الاولاد شقا جذابين محد تارس السينما الهنديه غيركم وبعد تقولون ما تشوفون هندي
مياسه: يلا يلااا حط
مايد: ايه الشباب يأشرووو لنااا نترايس
غلا شهقت: اووووونوووو هناااد يرايس
مايد: هههه ومنو قالج هو ابو الريس
ساره: يلا يلا
مايد فتح الدريشه واشر له
ميره: لا لا دخيلككككككككم لااااا
غلا: جب انتي يلااااا دووس
بدوا وتسابقوا لين المول وفاز هناد
نزلوا كلهم والشباب يعايرون ميود
حمد وحرمته بروحهم ومحمد وحرمته بروحهم

رد: رواية حبه لبسني لبس يني لبس الخواتم فالصبع تم

حدرون
ميره: ميود بنحدر فلم
مايد: إلا جيه
عبدالله: اذ مب حلوو بنظهر
ايهم: ونحن شكلكم نسيتونا
هناد: اوووخ انتوا الشو يابكم ويايه
عبدالله: بنحدر رعب خلهم براا
ميره: لاااا انا ما احب افلام الرعب
منصور: والله ليش انتي الشو تحبي
ميره: جب جب
غلا: انتي يلسي وياهم برااا
ميره: نعممممم بروحي
سعيد جاسم: نحن وياج
سعدوش: صححح
دخلوا هم وبقت ميره وياا ايهم وسعدوش وسعيد جاسم
ميره يالسه ترمس فطوم ربيعتها ع البيبي
ويمر عليها واحد وفر الرقم :: هلا وغلا
هناد طلع>> لانه هب راعي افلام .. وشااف الولد ووقف يشوف ميره
ميره حرته خذت الرقم قدامه وشعطته وعقته
هناد صح انه عصبي بس ميره ما عطت الولد مجال فمالى داعي تمالك اعصابه وسكت .. راح صوبها
ميره بندت الفون ورفعت راسها مبتسمه: ليش طلعت
هناد: مليت .. وينهم
ميره: منــ .. وتشهق: اووووووه
هناد: ميرررراااا
ميره: والله سوري ما وحالي امسك الفون
هناد: تعالي نروح ندورهم
ميره: بب بس
هناد: يلا عن يتبعدوا
..
مشى هناد وميره وراااه
هناد: انا بدخل اليمين وانتي اليسار بس خلج وياي
ميره: اوكى
ميره تدخل محل وهناد اللي مقابل
لين ما لقوهم بمحل لبسات
هناد زقر ع ميره
هناد: شوووو تسوون هنيه
سعدوش: ملينا قلنا نتمشى
ميره بعصبيه: وليش ما خبرتوني
هناد: ميره قصري صوتج
ميره: سووري .. وليش ما قلتوا انكم بتسيرون جنت ييت وياكم
سعيد جاسم: افف انتي ماسكه تلفونج ملينا
هناد: يلا ذلفوا يدامي
طرش مسج حق مايد بانهم بيروحون باسكن
وصلوا ويلسوا
سعدوش: هنااد بنسير نطلب
هناد: سيروا بس لا تتدعسون
سعيد جاسم: انتو الشو تبوا
هناد : انا ما اريد ميرا شو تبى
ميره : أا أي شي
هناد: انت وين
أيهم: وياهم
هناد: يويلك تلف منا مناك
أيهم: زين زين
.. وساروا
هناد يطالع ميره: بسألج
ميره لفت: هاه
هناد: أقول شو سالفت طيحه امس اللي قالها ناصر
ميره ارتبكت: اأا لا ماشي
هناد بس يطالعهااا يترياها تعترف
ميره: أا ماشي بس غلا طاحت
هناد: ميرووه لا تجذبين شقا ناصر شافها
ميره: شافها شقا بعد شافها
هناد: ميرررره
ميره بتموووت ما تعرف تجذب: اذ خبرتك ما بتقولهن
هناد: قووولي
ميره: ماشي بس طاحت جدامه
هناد: ميراااا
ميره: شووو
هناد تقدم لها: قوولي
ميره: اووه سعدوش ييتوا
سعدوش عطاها
هناد رجع تداكى وهو يطالعها
أيهم : هنااد ييبت لك
هناد: شكرا .. شرايكم تروحون الألعاب
ميره تطالعه ومعقده حياتها
سعيد جاسم: يلاا
هناد عطاا سعدوش فلوس: انتبهوا زين عندكم نص سااعه بسس
سعدوش: زين .. وراحو
هناد: يلا قولي
ميره: انااا بسير وياهم
هناد: شوو بتسيرين تلعبين
ميره: هى عادي .. نشت
هناد مسك ايدها لا إراديا .. ميره مصدومه تطالعه وتطالع اللي حواليهم
هناد خلا ايدها سررعه عقب ما انتبه: أا يلسي
ميره: بسير
هناد وقف: ما قبل ما تقولي لي
ميره: لا بسير
هناد: والله اشلج ويلسج غصب
ميره: لاا
هناد: مسكت ايدج اقدر اشلج جدام العالم
ميره: هب بكيفك
هناد: متأكده
ميره يلست لأنها تعرف انه بيسويها: شوو
هناد: اطالعيني يوم ارمسج
ميره بدون ما تطالعه : بعد غصب
هناد: اقولج تطالعيني
ميره: ما ابا
هناد: انزين يلا قولي
ميره: ما يخصك وما بقولك شي
هناد: يلا قولي قبل ما اييو
ميره: ما اباا
هناد بدا يعصب: ميررااا
ميره: الشو بتسوا يعني بتذبحني بعد
هناد: لا بستغل نقطة ضعفج
ميره: خل عنك الافلام الهنديه ما عندي نقاط ضعف
هناد: متأكده
.. ع فكره ميررره تستحي بشكل مب طبيعي .. وهذه نقطة ضعفها
جانت محطيه ايدها ع الطاولة .. هناد جدم ايده صوبها شوي شوي
ميره انتبهت : الشو تسواا
هناد: اووبس ليش خيفااانه ع اساس انج ما تخافي من شي
ميره: لااا انا ما قلت ما اخاف من شي اخاف من كل شي اول شي ربي بعدين سمعتي وبعدين اهلي
هناد: ههه خلاص خلاص ..بابتسامه: يلا قولي
ميره: ليش اقول
هناد بطوله بال : لاني ابا اعرف
ميره: ليش تبا تعرف
هناد: لان الموضوع يهمني
ميره: ليش يهمك
هناد يعررف انها تماطل تباهم ايو: بتقولي ولا لا
ميره: لا
هناد بنظره : متأكده
ميره: اوووف انزين بقول بس وعدني ما تخبر
هناد: يلا قولي
ميره قالت له السالفه لين ما طاحن >> طبعا ما قالت عن مايد ومنصور عسب ما تزيد الطين بله
هناد مصدووم: وانتي جنتي وياهم لما شافهن
ميره: لااااا
هناد ارتاح
ميره: بلاك
هناد: ما تستحن ع ويوهكن
ميره: افف ما قصدنا
هناد : كلي ايسكريمج ذاب
ميره: خلاص ما اباااه
هناد بأمر : كليه
ميره: شو بتلقمني بعددد
هناد ابتسم: تبي القمج بلقمج
ميره استحت: ما يضحك
هناد: ياخي انتي ليش جيه
ميره:بلاني بعد
هناد: نفسيه
ميره: سبحان الله طالعه ع ولد عمي
هناد: هه حضج جان بتطلعي عليه
ميره: كل اقووول
مايد بنبره حاده: السلام عليكم
هناد: وعليكم السلام
مايد: وين الباجيين
هناد: راحوا يلعبون ايلس
مايد باسلوب ما يطمن: قومي عندهن ين
ميره راحت .. وقبل ما يوصلوا عبدالله ومنصور
مايد: انت شقايل تيلس وياها بروحك
هناد: بلاك مايد ترا المكان عام يعني هب خلوه
مايد: حتى ولو هي هب متغشيه اذ حد يعرفها شو بيقول
هناد ينقمه: اسمحلي بس ما جنت اعرف انه حرااام ولا إني غريب
مايد: لا اخويه ما اقصد جيه .. بس تعرف يعني ما يصير
هناد: لا تخاف بس جنت اباها بموضوع ضروري
مايد: لا لا هب مشكله بس اعذرني ترا هاي اختيه
هناد: نسيت ان نحن هب فالعين يعني ما لنا حد هنيه غير يدي واذ انت خيفان ع اختك ويايه هذا شي ثاني
مايد: بلااااك جيه عصبت ما صار شي اسمح لي اخويه.. آسف
هناد: انزين وينهم
مايد: ههه اكيد يرقمون
هناد: عجب انت مب ويااهم
مايد: هههه مالي بارض
هناد: هه ما بسنا
مايد: نعم نعم انا يوعان
هناد: ما باجي شي ع الغدا
مايد: حتى ولو لازم تصبيره
هناد: يلاا واسئلهن مره وحد
..
البنات يسولفن
مايد: ما تبن شي
ساره: هلا بأخويه اللي موتنا من اليوع
مايد: جب اقول الشو تبن
ميثوه: نحن بنسير
مايد موسع عيونه
غلا: بلاااك ترا انت المحرم يلا يلا
مايد: حلفن
مياسه: والله
ساره: يلا ميود عاااد
مايد: انزين عندكن خمس دقايق اللي ما تخلص ترجع
غلا: لااا والله اذ هو تأخر
مايد: مشن اقول
..
ميره تطالع هناد خيفانه من صوت مايد
وهو يطالعها مستغرب
ميره وجنها تسأله شو صار بعيونها
هناد ابتسم ولف
وارتاحت ميره
..
طبعا ساره ومياسه اول عقب غلا وميثوه
ميثوه: خلصت يلا غلااوي
غلا: صبري حطيتني آخر شي
ميثه: انا بروح
غلا: تعالي شليلي ايدي تعورني
ميثه: ما نشاده خلي مايد
مايد للهندي: يلا سررعه
غلا: روح اشتغل بداله احسن
مايد: هه وايد تضحكي .. شل عن الهندي
غلا: اعتقد اني اعرف اشله
مايد: مسكي
غلا: راحت بتشله ورده ع ورا
مايد حط صبعه
غلا: ي الوصخ
مايد: الحين بيطعم السكر زين
غلا: ما ابا سوا لي واحد ثاني
مايد: جب يلا امشي
غلا مبوزمه ومشت
..
مياسه: بلاج
غلا: هذا ميود الـ.. حط صبعه فيه
ميثوه: ميروه ما تبي
ميره: انا كلت
ساره: ويااا حبيب القلب
غلا: هههه اوووصحح
مياسه: ايه ساروه شوفي اللي ماقبلنا
ساره: أي
مياسه: اللي يطالع
ساره: اووووح قلبي
غلا: سكتن فضحتنا عن يشوفونكم ميود وهناد
ميثوه: ميود هاه
غلا: جب جب
ساره: ويمين بالله يأشر لي ياااااااررب كيف سكرر
ميره: لعنبو دارج انطبي
مياسه: حراااام ي ميروه لو شفتيه بتنسين هناد بكبره
ميره: جب جب
غلا: يوه فاتني ما اقدر الف ع ورا
ميثوه: تعالي بدلي مكاني
غلا: عن يلاحضوا
ساااره: والله ي غلا بيفوتج
غلا: قومي قومي ميثوه
تبادلن
غلا: سااااره فضحتينا لا تطالعيه
ساره: يالبي ما اروم
ميره: مياسه وين وصلتي
مياسه: سكتي قطعتي حبل افكاري
ميثوه: تلقيها وصلت العرس
ميره: والله اللي يشوفكن يقول صايعات
غلا: الصراحه ما الومهن بس ساروه تراج ثقبتي ايدي بروحها تعورني
ميثوه: هه عيل ما عيبني
غلا: ليش
ميثوه: بس جيه سخيـــف
مياسه: بس ساااروه لا الحين ايي ويسويلنا مشكله
ساااره: بطن بطن لا يصدق عمره ترا انا احلى
ميره: هه وانا اشهد
ميثوه: ايه شوفن عبدالله ومنصور يوو شكلهم بسهم
غلا: شووو انا ما خلصت
ميره: بعدهم الصغار
ساره: احسن هذيج الحديقه السخيفه ما فيها غير الهنود
ميثوه: الهنود حلوين
مياسه: هنود التلفزيون حلوين مب هذول
ميره: وانا اقول ساااروه ليش تبا تروح مصارعه الثيران
سااره: هه ما دريتي كلها شباااب
غلا: لعنبو دارج
ساره: هع هع يليت حد سمع رمستي
ميثوه: ما عليه اذ الشباب ما ودرونا وسااروا
ميره: اكيد.. بيشلونكن انتن المختفات مكان كله شباااب
غلا: لو سمحتي لا تتكلمين بالجمع انا غير
ساره: ليش حد قال جان نحن صااايعات
مياسه: صدق نحن بس نجحل عيونا قبل ما نحب
ساره: صح بعدين عيونا ما بتشوف غير واحد
ساره: مثلج يعني
ميره: جب جب
غلا: اللي يسمعكن يقول اعماركن فالعشرينات مب إلا جنكن خمسطج وسطعج
ميثوه: هيه والله
ساره: اللي يسمعكن عمركن فالثلاثين
غلا: هيه والله ما تلاحضوا ان محد من بنات العايله اكبر من العشرين
مياسه: إلا فيه سلامه اخت رنود
ميره: صحح واموله بنت خالي ومناوي ومنور و..
غلا: حشاااا حشااا اقصد من اللي هنا افف
يو الشباب : يلا
مياسه: اعوذ بالله احيد الناس تغازل فردي هذول جماعي
عبدالله ضربها ع الراس: اصطلبي من زين اشكالكن
ساره: جب والله انا صواريخ بس ما تبون تعترفون
مايد: تبي اخبر سالم سلمان الــ عن الصواريخ
ساره: ها ها خوفتني .. اصلا ابويه يعرف اني مزيوونه
مايد بتهديد : تعالي بخبرج وين مزيونه
ساره ريس يدام
..
هناد: شباب ابشتري حايه
منصور: الشوو
هناد: ما يخصكم انا بسير
مايد: بس لا تحلم نرجع لك
هناد: لا تخاف ربيعي من هنا بيي يشلني
عبدالله: وانا اقول ما ع الفاضي ييلس
هناد: هه حياااكم
...
وصلوا الحديقه..
ومثل ما قالت ميثوه حطوهن وساروا عقب ما زقروا ناصر وياهم
البنات فرررصه عشان يتحركن ع راحتهن
ميروه: صبرن صبرن ما بنروح عندهم
ميثوه: ليش
ميره: بنسير الحمام اول عسب ما يينا عقب الف مليون سؤال
غلا: والله طلعتي ذكيه الجلبه
.. دخلن الحمام أي بودره اي جحال أي روج .. عاااد البنات ..

رد: رواية حبه لبسني لبس يني لبس الخواتم فالصبع تم

ين عندهم سلمن ويلسن
سولفوا وجيه عقب..
ابو عبدالله: لايكون انتن يايات تتيلسن يلا سيرن تمشن
مياسه: صدقك ابويه عنن ريولي
مزنه: بس هب جنه وايد زحمه
ميثوه: امااايه نحن بروحنااا وهم بروحهم
ابو هناد: خلوهم يتفتكون شويه من زمان ما ظهرنااا
غلا: هيه والله صدقك ابويه
شيخه: قومن امايه بس لا تطولن
سااره: ان شاء الله
غلا: ميسا ما بتيي
خلود: هاتي شهوده عنج روحي
ميسا: لا لا خليها نايمه .. ما ابا اسير
.. وراحن يتمشن ع الممشى..
مياسه: اناااا يوووووم.. شفت وجهك قلت لبى هالملامح
ساره: سحر رمشك نور خدك نسوني وين كنت رايح
غلا: مال اوووول .. بس سكتن فضحتنا
مياسه: لاااا حول كله سكتن وعيب وفضيحه ومنقوود خل نتحرر طشه
ميثوه: تعرفن فشوو خاطري
.. كلهن مع بعض : شوو
ميثوه: يمممه زيغتني .. خاطري امسك وحده تحب واسألها عن كل شعور ولحظه
ساره: ميثوه شو هالطاري لا يكون عشقتي
ميثوه: ترا هنا المشكله لو عشقت بعرف الشعور
غلا: سألي ميروه بتخبرج
ميره: جب جب
مياسه: صدق ميروه قولي كلنا نعرف انج تحبيه قولي
ميره: الشو اقول
ميثوه: شو شعورج لما يكون حذالج
ميره: تبن الصدق ولا ولد عمه
غلا: يلااا خلصينا عااد
ميره: احس اني... سخيفه وغبيه كله ارتبك واخاااف .. واحس اني اجبن مخلوقه فالعالم يدامه ... بسس
مياسه: يلا كملـــــي
ميره: ..أأ لما يتكلم احس ان كل كلامه صح حتى ولو غلط .. واني اسبه بس عسب امحي المستحى والخوف .. ووما اروم ما ابتسم..
غلا: ياااااا بوي هالكثر اخويه حلووو وانا مادريت
ميره: ترا جذه هي حتى ولو هو شين وتصرفاته تلوع ونذل انتي تشوفيه الكل بالكل
مياسه بحااالميه: الله
ميثوه: الله ي المياااااسي اللي يسمعج يقول انج ما حبيتي
مياسه: قلت لج مب حب بس افتقدته
غلا: الله ع الشاعريه
ساره: كفج
غلا: ما اروم ايدي تعورني
ميثه : مالت عليج انتي وهالأيد اللي غثيتينا بها
ساره: بطن يبطكن ويا هالحب مالكن .. ياخي الشباب يضحكوا عليكن يالغبيات
مياسه: اونج انتي اللي ما يضحكوا عليج
ساره: هه حبيبتي انا اللي اضحك عليهم يتحروني بعشقهم وبصير غبيه مثلكن لكـــــن لا هب ساروه الله يضحك عليها ذكررر انا العب عليه
ميره: يعني تبي تقنعيني انج ما بتحبي
ساره: مستحــــــــــيل اصير خروف اركض ورا واحد غبي انا اخليهم خرفان
ميثوه: صدقناج عااااد
ساره: حبيباتي محد يعرف هالشباب كثري شقايل انانيين ونذول يلعبون ع الغبيات ويخلونهن لعبه والغبيات يصدقن يوم يملون بدلون اللعبه وعقوا القبليه هذي يسموها نذاله اماااا الحقااره صدق والانانيه بيلعبوا ع البنت وما بينتهي الأمر.. بيفضحونهااا وبيبهذلونها وبيكرهونها حياتها ولا يحسبوا لسمعتها حسااب لكن لما يوصل الموضوع عند خواتهم شوفي شقا يشبون ناار والله جنها الطعنه فيهم بس هذيلا هم الذكور طول حيااااتهم بيتمون جيه حقراااء يحتقرووا الغبيات اللي يصدقنهم
ميره: وااااو اختي ع هبالتج تحريناج غبيه وينضحك عليج طلعتي دارسه اللعبه صح
ساره: فانا ما العب ع الفاضي .. العب لهدف .. الولد اللي اشوفه جيه بسبلبه تسبيل .. لكن المهم ان البنت اللي حاشمه نفسهااا محد يقرب لهاا ابدد
غلا تصفق: كفوووو والله كفوو
مياسه: اوكيه هذا كله فهمناه بس ليش تطالعينهم واللي يشوفج يقولوا هذي بهيمه
ساره: ههههه هذا موضوع ثاني .. هذول عيوني كاافرات ما يعرفن الدين ماااروم ما اطالع بيذبحني
ميره: بس تراا حتى هالنظرات حرااام
ساره: اعرف والله اعرف .. كل يوم اقول خلاص ماابا اطالع بس الشو اسوي ما اروم .. يالله بكبر وبعقل
ميثوه: هههه الله يهديج
مياسه: هذي خريطه تقلب الموجه الاولى صارت فيها السديس والثانيه يعده وبيي يوم يخرفنها واااحد وتطيح ولا تسموا عليها وبقولون المياسي قالت
ساره: فال الله ولا فالج
ميثوه: يلا بس تعبت
.. رجعن
يلسن ويا الحريم والريايل اييبون غدا .. يو الشباب
: السلام عليكم
عايشه: قربواااا ابويه قربواا
منصور عق بعمره : يااا عموه شقا تعباااان
مزنه: قم وااابويه عليك
منصور راسه فثبان امه: اماااااايااا تعبااان هلكت
شيخه: يالله ي ولديه لا يكون رحت انت تصارع
مايد: ههه هذا وهو ضعيف جيه
عبدالله يلهث : يوم ما تروم تركض لا تركض
مزنه: من وين ركضت
منصور: اسابق عبوود لين هنيه
موزه: يالله نحن قلنا من الحلبه لين هنيه ع هالمنافخ
منصور: هههه تعبااان
ميثوه شاتت عليه ماي: مسك
مزنه: قوم قوم
منصور نش يشرب ماي
<< ع فكره هو وااااايد ضعيييييف عسب جيه مره يتعب >>
ناصر: اقول امايه لايكون مهروه صابها البلم من سنه ما سمعنا صوتها
مزنه: ما ادري بلاها جيه ما ترمس
مهره بنظرتها المعتاده: لازم ارمس
شيخه: هه خلوهااا اهم شي مرتاحه
مايد: ههه امايه اذ وايد عايبتنج خطبيها ليي
مهره بقووووه : ما اباااااك
: ههههههههههههههههههههههه
مايد: هه مب عكيفج بتزوجج يعني بتزوجني
مهره بنظرتها : ما اباك يعني ما اباك
ميثوه: اللي يسمع من زينكم اثنيناتكم
مايد: والله اننا مزاييين وانتي غيرانه بس ما اباج اباااا مهره
: ههههههههههههههههههههههههههههه
ميثوه: سققققققم لو آخر ولد ما خذتك
عايشه:ميثوه لا تقولي يمكن
مايد: خليها خالوه يوم بتم عانس بتترجاني اخذها بس مستحيل
عبدالله: الحين ما اعرفناك ما منو تبااا كل مره وحد
موزه: هههه والله ها كلهن عنده ويختار وجانه ما يبا منهن البنات ما قلن
مياسه: هييييه امايه نحن هب سلع يختااار
مايد: لااااا تحاولن انا ما بخذ غير مهره
مهره بغصه: عموووه اذاني ولدج الشيبه خل يسكت
ميثوه: ليش تستحي
: ههههههههههههه
مهره منقهررره: جب جب اصلا لايمكن اخذ واحد مثل هذا
مايد: ليش بالله شفيني
مهره: بس جيه كيفي
مايد: كيفج ولا هب كيفج انتي حرمتي
شيخه: ميود بلاك ع البنت
منصور: الحين ما لقيت غير هالشيه
مايد: قلت لكم لا تحاولوا اباها يعني اباها
مزنه: حتى وبينكم عشر سنوات
موزه: ووووين عشر حدعشر سنه قولي
عايشه: ماشاء الله ميود يعني كملت خمس وعشرين
ناصر: الشو عبالج عموه ياهل .. ترا يعري
مايد: تف تف تف بسم الله ما شاء الله عليه
ميثوه: افففف انت ليش جيه بطرران هذا وانت شين الله يعلم لو حلوو بتخسف
مايد: ودج شين .. حتى ولو شين اصلا مهره بتاخذني صح مهره
مهره بعصبيه: طبعا خطا
مزنه: بلاج مهرووه ترا هب صدق بس يباج ترمسي
مهره: ما يخصني ما ابا يقول حرمتي ما ادانيه
مايد يغايض: حرررررممممتي
شيخه: ميود خل البنت بحالها
مايد: لاا حرمتي
نشت ميسا: بروح اتمشى حد بيروح ويايه
غلا: نحن تونا رايحين
ميره: قلنالج قلتي ما تبي
ميسا بدلعها المعتاد: انزين قومن ما بسير بروحي
موزه: ناصر قوم تمشى وياا حرمتك
ناصر والابتسامه شااقه الحلق: ان شاء الله عموه
راحوا
مزنه: هذيلا من ملجوا يالله يالله يسلموا ع بعض
هنا البنات ومايد ومنصور ماسكين عمارهم عن يضحكوااا إلا سااااروه الشو يسكتها
نقعت ضحكككك وما رامت تسكت
سيف ضربها ع الراس بكلينكس : انطبي بلاج فضحتينا
ساره: آخخههههههههههههههههههههههه
شيخه: بلاج نقعتي جيه
ساره هدت شوي شوي: ماشي ههههه بس شفت باكستاني طاحهههههه
عبدالله يسلك لها (عارف السالفه): حتى انا شفته بس ما يضحك هالكثر
شيخه: ياااناس البنات يكبرن ويعقلن وانا بنتي تستخف زيااده
..
عند ناصر وميسا صااااخين لين وصلوا الممشى
ناصر: بلاج ما ترمسين
ميسا: الشو اقول
ناصر مسك ايدها وهي خوزتها
ناصر: بلاج
ميسا: ايه بيشوفونا
ناصر: الشو يعني يشوفونا تراج حرمتي وبعدين ما ينشاف بعيد
مسك ايدها ورص عليها عسب ما تخوزها
وتموا يتمشون ويسولفون عن مستقبلهم طبعا ميسا بس تسمع لأنها قليـــــــــــل تيلس وياه واصلا هي طبعها الهدوء
..
عندهم كل حد يتمشى فيانب
الحريم يتمشن
عند العنود ومحمد
العنود : حمود
محمد: عيونه
العنود: تسلملي عيونك .. أا ادري مب وقته بس جنت بقو ول أا
محمد: بلاج .. بابتسامه: لا يكون حامل
العنود: ترا هو هذا الموضوع ..نحن من سنه تقريبا معرسين وادري انك تحب اليهال فـ
محمد: عنوده رمسي بدون مقدمات
العنود: أا جنت بقول اذا انا ..
محمد حط صبعه ع اثمها: هششششش ماابا اسمع هالرمسه .. انا وانتي بنييب عشره وبيصدعونج وبتقولي يليت ما قلت
العنود ابتسمت: هه تعال نييلس
يلسوا ع كرسي وحط ايده وراها
.. وامتحت ابتسامتها: خل نرمس بجديه شويه
محمد: ليش الشراه جنا نرمس
العنود: لو سمحت حمود لا تتمصخر
محمد: اوكى سوري سوري قولي
العنود: لا تقاطعني حتى ولو ما عيبتك الرمسه لما اخلص قول رايك
محمد: تمام
العنود: محمد انت تبا عيال وانا ابا عيال بس اذ انا جنت عقيم ترا هب لازم انت ترتبط فيني تزوج عاادي ما عندي مانع سعادتك سعادتي وعيالك هم عيالي والله انت تخليني اسعد مخلوقه بالعالم اذ انت جنت فرحان والصراحه اذ تهم سعادتي فأنا اكره نفسي اذ تميت مرتبط عن عيالك فيني .. وتقول بصعوبه: احتمااال كبير اكون عقيم وانت تعرف هالشي .. فتزوج بس انا اختار البنت .. هاا شو قلت
محمد ابتسم: خلصتي
العنود: تستهبل انت
محمد: لا والله .. خلصتي
العنود معقده حوايبها : هيه
محمد: اولا انتي هب عقيم .. ثانيا انا ما ابا عيال إلا منج .. ثالثا اذ جنتي عقيم عادي بنستمتع ما بنخلي دولة وبنعيش حياتنا هب لازم عيال واذ حنينا نتبنى.. وبعدين اذ تزوجت بتصير الضرايب عاااد انتي بتصيرين شريره وبطلقج
العنود: ي حماااار انا ارمس جد وانت تستهبل
محمد: ههههههه
العنود: والله محمد خذ الموضوع بجديه شوي
محمد: اوكيـــــه خلاص .. ترا نحن ما كملنا غير ثمان شهور وانا مب مستعيل واصلا انتي الكل بالكل .. باس يبهتها
العنود: والله تحسسني بالذنب
محمد: من اليوم ورايح بوليود ماشييييي هالافلام اثرن فيج ..وبنظره حاده: واصلا خلاص انتي اثبتي لي انج ما تطيقيني حتى
العنود مصدووومه: ليـــــــــــــــش
محمد: مافي حرمه تبا ريلها يتزوج عليها .. وادري بج تبي عيال بس عشان انا اكد عشانهم ولا اقابلج ويكرهوني حيااتي ويبعدوني عنج .. اصلا جنت عارف انج مليتي مني
العنود: حبيبي اروم ما ادانيك انا .. بالطقاق العيال والحرمة اهم شي ابتسامتك
محمد: فديتج والله هذي الرمسه الصح .. ويويلج تفتحين هالموضوع مره ثانيه
العنود: خلاص سوري
محمد: رحناا
العنود: لااا هناك في مقهى ابا اشرب شي
محمد: يلا .. مسك ايدها وساروا
..
قبل هذا عند خلود وحمد وشهد
شهد: بابا اباا غزل البنات
حمد: تآمري أمر
خلود: حمد تعبت برجع
حمد: لاااه الشو تمشين بروحج
خلود: يوووه احس اني عيوز ما قادره اتحرك
حمد: ههه حياتي هذا الحمل .. وتوج صغيره ست وعشرين سنه
خلود: ههه يوم تعرف اني صغيره ليش متزوجني وعمري عشرين
حمد: الشو اسوي جنتي حلوه خبلتيبي
خلود: افهم اني الحين عيوز
حمد: هه ما انتي توج تقولي عيوز
خلود: لااااه اقول حق عمري عادي بس انت لاا
حمد: هه بطرانه
خلود: والله عاد الشو اسوي يوم محد مفيسني افيس عمري
حمد: افااااا وانا وين سرت .. آمري وتدللي
خلود: ههههه بآمر وتدلل فالسوق الحين خل انروح نشرب شي
حمد: من عيوني
... تلاقوا بالعنود ومحمد ويلسوا يميع ..
... عند البنات بدن من اول شي لين وصلن آخر الحديقه لقن زحلطانه ويلسن يلعبن ... يهااااال ..
غلا: ياااا بوي لو حد يشوفنا الشو بيقول
ميثوه وهي نازله: ههه شو بيقول بعد ميانين
ميره: لاااه والأهم ماقابلين الشارع
ساره: ايه شوفن شوفن ميود وعبود وهناد يايين
كلهن تبعدن وصارن بالممشى
وقابلوهن
مايد: اعترفن من وين يايات
هناد: يالسات يلعبن اليهااال
عبدالله: فقتكن الطول طول نخله والعقل عقل صخله
ميثوه: كم اقولهن استحن ع ويوهكن لكن لاااحياه لمن ينااادي
البنات شهقن
منصور: هذي اكيد فكرتج
ميثوه ترفع ايديها: لااا والله صح لعبت بس هب فكرتي
هناد: اكيد ساره الهبله
ساره: لاااه ليش يعني هن عاقلات
مايد بتفكير : حرمتي ما تطلع هالافكار الغبيه
مهره: تحرمت عليك عيشتك
مايد سحب عليها وكمل: وما اعتقد المطوعه ميره فيا انتي يا هالمهبل اللي وياج
غلا: احترم الفاضك ترا اختك المطوعه هي صاحبة الفكره
ميره تستهبل: انااااا!!
مياسه: لا يدوه تصدقي
عبدالله: الله يزيد الميانين عقل
منصور: آخر مخلوقة توقعتها ميراا
ميره: لا لا لاتصدقون هب فكرتي
ساره: جب جب بس خريط
هناد: يعني صدددق ميره
ميره: افففف شو يعني اذ ميره ترا والله حتى العشرين ما كملت بلاكم جني مرتكبه جريمه عااااافاااانا الله
عبدالله: ههههه والله وطلع لج لسان
ميره: هه يمااه بطني .. مشوا اقول
منصور: اليوم الأسود يوم شفت ميرا تخلت عن انوثتها
ميره: ما يضحك
غلا: ايه تعالوا ننزل البحر بليــــــــــز
هناد: يلا
.. ترا فيه فتحه تظهرين من الحديقه ع طول البحر
غلا : اموله تبا تشوف تعالن سناب جااات
ميثوه: سوووري انا ما اصور
غلا: من زينج ولا من زينج ترا ما بصور ويهج بس ضهوركن وبعلق
.. اصطفن ع ورا والماي واصل اقل عن ركبهن وغلا تصور وتعلق
: امووول فااااتج الجوووو نحن فكلباء ومستمتعين ع الآخر ناقصه شوفتج
.. تولفن البنات يترينها الشو بترد
اموله مصوره ريولها وبينهن سيريلاك وقدامهااا فلم رام ليلى>>هندي
ومعلق: تراااا حتى انااا جوي طرر الشو اسوي يوم ما شليتني قلت خل اتيهل وضااربت سللام ع السيريلاك
البنات هنا نقعن ضحك
.. الشباب يالسين وراهن
مايد: الله يزيد البنات عقل
عبدالله: لو العقول تنشرى جنت تبرعت
منصور: فكناااا عاد انت ابو المزطة (البخل) من وين بتتبرع بكوب جاهي ما بتتبرع بتتبرع بعقل
هنااد: هه والله اخابركم ماإلا البنات يبن عقول
مايد: الشو قصدك
هناد: حشااا لله ما قصدت شي بس اللي ع راسه بطحى يتحسسها
منصور: قوموا نسبح
عبدالله: مينون انت ولا مينون فعز النهار ودقه الشمس
منصور: اححح البحر يسحبني
هناد: هه لا لا يسحبك ونتسحب ع الغدا كله ولا بطني
عبدالله: بنااااات يلاااا
مياسه: ما وحالنا
مايد: سيارتي ما بتركبنها
ينهم .. ميره: ليش ان شاء الله
مايد: روحن بدلن هالخيس بعدين ركبن كله ولا فتكي
ساره: بطن يبطك انت وفتكك ولا من زينك ولا من زينه
غلا: ايه ايه بتسبي اخوج سبيه بس الفتك حدددج
مايد: خليهاااا اللي ما يعرف الصقر يشويه
هناد: بلا هذر زايد يلااا
منصور: دخيلكم عن يموت علينا
رجعوا واللي اكتشفوه ان الكل يالس يتفق عشااان العرس!!
وحددوا الموعد بعد شهر ونص لان ناصر مستعيل وميسا ما عارضت لأن هالأسبوع الأخير لها بهالكورس 
..
الباجي كله عاادي تغدوا يلسوا شوي ورجعوا وقم موزه ساروا عسب متحان ميسا وبعد قم خالد
..

رد: رواية حبه لبسني لبس يني لبس الخواتم فالصبع تم

اول ما وصلوا البيت سوو عشاا وتعشوا الشباب هناد ومايد ع طول حوامه البنات مستخفات فوق
الفليل 12:00
ساره وغاليه آيه نايمات
ميره وغلا فالحيره يرمسن بنات خالتهن
دق هناد الباب
غلا بصوت عالي: منوووووووووووووو
هناد: انا تعالي اباج
طلعت ويلسوا ع اول درجه من فوق
غلا: عسى ماشر
هناد: لا لاتخافي ماشر بـ
غلا: بلاك كمل
هناد: عسب اللي صار امس ميره خبرتني
غلا: اي اا
هناد: عشااان الطيحه
غلا: والله هناد هب قصدنا نظهر جيه بس والله ما جنا نعرف عن منصور ومايد
هناد: منصور ومايد!!!
غلا: هيه تراا والله ما جنا نعرف انهم هم بعد يتسمعون
هناد: يتسمعون!!!
غلا: بلاااك .. لايكون ميره ما خبرتك .. وعصبت: ليش تجذذذذب
هناد: قصري حسج انااااا ما كذبت
غلا بنفس النبره اللي يكرهها هناد: جيـــــــــه بس جنت تباا تعرف وتسحب منيه الرمسه .. هب منك مني انااا اللي تحريتك واااثق فيه واقولك كل شي
هناد يتمالك اعصابه : قصري حسسسسج
غلا بعصبيه: لاااا ما بقصر ولا تكلمني داامك ما تثق فيني
ودخلت ودقت بالباب
..
ميره :بلاج
غلا: جذذذب عليه خلاني اخبره عن البارحه
ميره: شووو!!
..
عند هناد يا مايد ويلس حذاله
مايد: بلاك اخويه مهموم >>ترا من تحت ما ينسمع الصوت
هناد: هاااه لا لا ولاشي بسير اشرب ماي
..
ميره فهمت غلا انها ما خبرته عن مايد ومنصور عسب ما يعصب
غلا شهقت: ي يعني انا ظلمت اخوووويه!!
ميره: ..
غلا: ي ربيه كله ولا هناااااد
ميره: قومي فهميه واستسمحي منه
غلا: وهذا اللي بسويه بس هناد عصبي ان شاء الله يتفهم
ميره: يلا قبل ما ينام
غلا: اوكيه
..
غلا طلعت لقته بمكانه حضنته من ورا بدون ما تشوفه: هناااااد حبيبي انا آسفه والله ما قصدي
.. غلا ترمس سرعه سرعه
غلا: بلاك هناااد أمانه تسامحني.. حطت ويهها ع كتفه وهيه حاضنتنه: والله آسفه بس عااد ارجوك تسامحني
.. هناد من تحت زعج : غلاااااااااااااااااااا
غلا انفجعت وبحسها : هه ناد عيل منو هذا
مايد نش عقب ما تبعدت غلا من الصدمه
مايد: هنااد والله انت فاهم غلط
هناااد: هذي الثقه ي غلا
غلا: والله والله تحريته انت
هناد وصل عندهم بحرررقه: ليش انت ما رمست
مايد: والله ما وحالي استوعب إلا انت ييت
غلا: هنااااد والله جنت ابعتذر منك والله تحريته انت
هناد بعصبيه: ذلفي داااااخل اذ شفتج برااا يويلج
دخلت وهي تصيح
مايد: هنااااد بلاك جيه ع البنت هي ما غلطت
هناد: انت اللي غلطت
مايد: هناااااد
هناد يتمالك اعصابه: احمد نفسك ما تلقى ضروسك بالأرض وانجعم
مايد: هناااد حدك عااد .. تعال برا خل نتفاهم
هناد: ما فيه بينا تفاهم
مايد بهدوء : هناد امش
..
ميره: غلاااوي حيااااتي بلاج
غلا دافنه راسها بالمخده وتصيح
ميره: غلا حياااتي
طلعت ولقتهم براا: هناااد شو سويت بهاا
مايد: انتي كيف تطلعين جيــــــــــــه
ميره: هناااد ترا والله حرام عليك انااا اللي غلطانه اني ما خبرتك تعال ضربني انااا عاتبني انااا اي قلب عندك
هناد يحاول ما يطالعها : ميره انتي ما فاهمه السالفه
ميره: الشوووو اللي ما فاهمته البنت دافنه ويهها بالمخده بتتقطع من الصياااح الشو هالأنانيه اللي فيك بس لانها تحترمك وكل حياتها ثقتك
مايد: جاااااااب ميــــــــــــــــــــــره يلاااا داااخل
ميره: كلكم نفس الشي .. ودخلت
..
هناد ومايد برااا
مايد: هنااد تحيد اليوم عصبت عليك فالمول ما قدرت لان ثقتي فيك اكبر من جيه وانت لازم تتفهم الحين اذ تثق بأختك وفيني بتفهم .. ترا والله اللي صاار بالصدفه وانا ما اعتبرهاا اكثر من اختي
هناد: أا اعرف ي مايد بس والله ما تحملت جانت تزاعج عليه ولا كأني اخوها الكبير وعقب اشوفهاا وياك والله ما تحملت
مايد: فاااهمك ي اخوي مهماا كان هذي اختك وشرفك .. بس بعد لاتصير عصبي جيه لا تحكم عليهااا بسبه غلطه واصلا لو سمعتها كيف تترجاك تسامحها كنت ما تجرأت حتى تقول لها كلمه
حل الصمت دقايق
هناد يمسح ع شعره: آآه ي مايد شسوي الحين
مايد: بسيطه ي خوي روح وتفاهم وياها وصدقني مافي شي يستاهل
هناد يتنهد : ان شاء الله
مايد: هناد
مايد: أا ممكن اعرف ليش تباك تسامحها
هناد: هذي اللي لازم اعاتبك عليها
مايد عقد حياته:!!!
هناد: خبرني اللي صار امس بالتفصيل واذ جذبت بكلمه وحده ترا والله ما اسامحك
مايد قاله السالفه كااامله وبعدين.. آسف ي خويه والله ما جان قصدي بس ما قول إلا الله يلعن الشيطان
هناد يفكر بباله وتذكر انه حتى هو مسك اييد ميره بالغلط : لااا تخاف اخويه ما جنت زعلان اصلا بس حبيت افهم السالفه .. اسلوب مايد فالاقناع توووب
مايد: هه اهم شي طاااح الحطب؟
هناد: ههه طااح .. المهم اشوف هالدلوعه يبالها سنه عشااان ترضى
مايد: ههه الله يعينك
هناد:هه امزح امزح .. مافي اطيب من غلا كلمتين وتنسى كل شي
مايد: يالله سرينا
دخل مايد الحيره ولقى سعيد ناايم استغرب << لا ونايم جنه يلعب كوره >>
مايد فكر شوي وابتسم شغل فونه وخذ طربوشته وبد ايحطيها فأذنه وسعيد يحك اذنه ويرجع ينام تم مايد يتمصخر عليه ويصوره ..
..
عند هناد ركب فوق دق الباب وميره فتحت بدوون ما تقابله
ميره:منو
هناد: وين غلا
ميره: بالحمام
هناد: أا ميره ترا انتـ
ميره: صبر بلبس وبطلع .. بدلت وراحت المطبخ بدون ما تخليه يتكلم
..
طلعت غلا من الحمام ويلست ع الشبريه حذال اخوها
هناد: غلا والله انااا آسف
غلا: انا اللي آسفه جان لازم اتأكد ان هذا انت
هناد: لا انتي ما غلطتي .. تعالي
حطت راسها ع صدره : انت احلى جيه
هناد: ه كيف يعني
غلا: يعني غرشووب لما ما تكون معصب
هنااد باس راسها: ههه من يوم يومي
غلا رفعت راسها: خل عنك التمدح .. وقول كلمت ميره
هناد: ما عطتني فرصه
غلا: ترا البنت ماخذه عنك موقف
هناد: هب مشكله بكيفها
غلا: يعني هي ما تهمك
هناد: تبي الصدق
غلا: اكيد
هناد: ما ادري يمكن بس هي ما تنفهم كل مره ع حال
غلا: ههه بالعكس هي وايد واضحه وصريحه واذ سويت حركه وحده ويهها بيقولك كل شي
هناد: هه (( تذكر كبف اطالعته واطالعت الناس يوم مسك ايدها)) : هه لو ما تستحي يمكن
غلا: ماشي بنت ما تستحي
هناد بقوة: شـــــــــــــي ساروه
غلا: ههه ترا ساره بعده تفكيرها تفكير يهال بتكبر .. الحين قولي تحبها
هناد وقف: اشووف وايد مصختيها أي حب اي خرابيط .. انا اعرف اثنين وبس الدين والتقاليد وغيرهن لا يمكن
غلا: يعني ما تحبها
هناد بابتسامه عذااااب : هه مخلي الحب حقكن ي الغبيات
وطلع ..
راح المطبخ ولقى ميره يالسه ع الطاوله ومتلايمه ويوم شافته نزلت
هناد: ميره
ميره بدون نفس: نعم
هناد: الله ينعم بحالج .. بس بغيت اسألج .. انتي زعلانه؟
ميره: ليش منو حضرتك ازعل منك
وطلعت..
هناد: اووح قويه .. ي بنت الذين بطرانه تتحراني ميت عليها هه
مايد: شوفوا المينون اللي يرمس عمره
هناد: هه والله يمكن تيننت
مايد: منو هاي اللي تتحراك ميت عليها
هناد: ليش انت شو سمعت
مايد: ماشي تتحراني ميت عليها
هناد ارتاح: هه وحده هبلا
مايد: اووبس الذيب يتعرف بدوني
هناد: لا لا ارتاح هاي خروفه ومصدقه عمرها
مايد: ودي اشوف هالخديه اللي تسبها هالكثر
هناد بحسه( لو تشوفها جنت فالقبر انا): ههه يلا تعباان ابا انام
مايد: بتنام بروحك فوق
هناد: لا تصدق بستحضر الين ينامون ويايه
مايد: هاها وايد يضحك
هناد: المطلوب
مايد: بنام وياك
هناد: ليش ويماعتك
مايد: هه حبي انت تسواهم
هناد: والله
مايد: لا تصدق عمرك تحت من الساعه ثمان بيوعوني يمكن ينسوني فوق
هناد: ههه انا بوعيك
مايد: اذ رمت
هناد: يلا سرينا
..
ميره نامت .. اما غلا فتحت فونها تطالع البيبي من زمان عنه .. غيرت الحاله
" ليتك اخويه كلما حنيت في حضنك بالحلال ارتميت "
وشافت بنت خالها .. مريم .. مطرشه لها الساعه سبع
اغليــ(بنت الشيــوخ)ـــك: نمتي " فيس متقفط
مي"ميموو.. : منو حضرتج
اغليــ(بنت الشيــوخ)ـــك: واحد
مي"ميموو.. : حلفي بس .. زين ذكرتيني
اغليــ(بنت الشيــوخ)ـــك: هه سوري جنت مشغوله
مي"ميموو.. : آآآه ي حظ اللي شاغلنج
اغليــ(بنت الشيــوخ)ـــك: عن التفكير الوصخ
مي"ميموو.. : صبري صبري .. منو هذا اللي تبي تحضنيه
اغليــ(بنت الشيــوخ)ـــك: أي !!
مي"ميموو.. : عن الاستعباط شهالحاله
اغليــ(بنت الشيــوخ)ـــك: هه جفاف عاطفي
مي"ميموو.. : تعالي بحضنج
اغليــ(بنت الشيــوخ)ـــك: وعع قلت ليتك وحضنك هب ليتج وحضنج
مي"ميموو.. : منو؟؟
اغليــ(بنت الشيــوخ)ـــك: واحد غرشووووب
مي"ميموو.. : منووووو
اغليــ(بنت الشيــوخ)ـــك: واحد لو شفتيه بطيحي بطولج
مي"ميموو.. : يلا عاد قولي
اغليــ(بنت الشيــوخ)ـــك: هه اجذب اجذب محد
مي"ميموو.. : ها الحين صدق تجذبين
اغليــ(بنت الشيــوخ)ـــك: سيري لاااه مافيني عقل اناا
مي"ميموو.. : اقول ما بتيون تحريتكم بتيون اليوم
اغليــ(بنت الشيــوخ)ـــك: لااه نحن فبيت يدوه من امس
مي"ميموو.. : شعليـــــــج عند الحب هاه
اغليــ(بنت الشيــوخ)ـــك: اي حب اي بطيخ ويهي ويه حب
مي"ميموو.. : اهاه صدقتج
اغليــ(بنت الشيــوخ)ـــك: اوكى كيفج
مي"ميموو.. : كلمتي اموله
اغليــ(بنت الشيــوخ)ـــك: يب قبل سااعه تقريبا
مي"ميموو.. : انتي دوم وياها ونحن طااف
اغليــ(بنت الشيــوخ)ـــك: الله ي الغيره تراه هي دايم ع السناب وانتي محد
مي"ميموو.. : من زين شيفتي اصور سناب
اغليــ(بنت الشيــوخ)ـــك: هب لازم تصورين شيفتج
مي"ميموو.. : انزين ما تبي تنجلعي تنامي
اغليــ(بنت الشيــوخ)ـــك: زولي
مي"ميموو.. : يلا حبي باي
اغليــ(بنت الشيــوخ)ـــك: غلطانه الأخت .. حبي ..
مي"ميموو.. : ههه مني انا مسويتلج سالفه
اغليــ(بنت الشيــوخ)ـــك: سوري سوري خلاص الغاليه لا تزعلين
مي"ميموو.. : ما عندي سالفه ازعل منج
اغليــ(بنت الشيــوخ)ـــك: الساعه كم بتنشين عيوني سكرن
مي"ميموو.. : تسع
اغليــ(بنت الشيــوخ)ـــك: اوكى اكلمج باجر
مي"ميموو.. : حياج
.. راحت بتبند لكن شافت كود يديد
.. عآاشق الفتك : سلام
غلا عجبها الأسم: منو ويايه
عاآشق الفتك: انزين السلام لله
اغليــ(بنت الشيــوخ)ـــك: وعليج سلام ورحمه الله وبركاته
عاآشق الفتك: اناأ هب بنيه
اغليــ(بنت الشيــوخ)ـــك: والله .. انجلع ولا قول منو انت
عاآشق الفتك: اسمي راشد
اغليــ(بنت الشيــوخ)ـــك: والمطلوب
عاآشق الفتك: وانتي
اغليــ(بنت الشيــوخ)ـــك: ام الدويس
عاآشق الفتك: هه ام الدويس ممكن نتعرف
اغليــ(بنت الشيــوخ)ـــك: معلومة .. اذ ما تعرف ام الدويس فهي تغويك عقب تقتلك
عاآشق الفتك: اوكى غويني راضي أناا
اغليــ(بنت الشيــوخ)ـــك: غوتك ينيه فطوي قول آمين .. يلا قلب ويهك
عاآشق الفتك: اوبس ما تحريت ام الدويس جيه شريره
اغليــ(بنت الشيــوخ)ـــك: اوكيه ما تفهم بالشر خل نقلب .. انا بنت عرب وناس وما ارمس وما ابا ارمس فلو سمحت دليت وتنتهي السالفه
عاآشق الفتك: اعصابج السالفة ما بدت عشان تنتهي
اغليــ(بنت الشيــوخ)ـــك: السلام عليكم ورحمة الله وبركاته
... دليت >> انتهت السالف يا ترا ام في خبايا؟؟
لا تنسون هالجزئيه موووووووليه
..
الصبح 8:35
ميره توعي غلا
ميره: ي كسوله نشي
غلا: بسألج انتي نايمه الساعه وحده الشرا تنشين
ميره: الشو اسوي ما متعوده انام برا البيت
غلا: آآآآآخر مره تنامين هنيه ويايه
ميره: يلاااااا عاد قومي
غلا تتثاوب: افففففففففففففف نشيت نشيت
.. عقب ما لبسن
غلا: ميروه انتي حق الشو دوم تتجحلين
ميره: بس جيه احب الجحال
غلا: يعني فالبيت تتجحلين ولا
ميره: مرات
غلا: هه يعني بس لما تكوني ويانا
ميره: عن التفكير الوصخ ترا إلا جحال هب كفر
غلا: ليش فهمتيني جيه .. شكلج ستعنيتي
طالعات..
ميره: يلا يلا امشي
غلا: لا تموتين علينا تراه بعده ما نش
ميره: والله ادزج من الدري جب وامشي
غلا: خلااااااص لا تزعلين
سلمن ويلست غلا حذال يدها وايدها ع جتفه
غلا: حياااااتي اشتقت لك
اليده: ي العيااااره
ساره: غلاوي ترا يدوه تغاار
سعيد: ما ادري من منو تغار إلا هي غلوي
غلا: غلوي فعينك يالدب
ام هناد: اصبحنا واصبح الملك لله .. اصبحتوا ع المنازع
غلا: ما تشوفيهم عذال
اليد: ما عليج منهم تبقي الكل بالكل
غلا: ويييييييه قفطكم
يى هناد : صبحكم الله بالخير .. يسلم عليهم
: النور والسرور
ام سيف: عجب ناش بوقت
هناد: ههه خالوه ترا السيره اليوم
اليده: هالكثر متخبل تبا تسير
هناد: لاااه بس عشان ما يعاتبوني ويقولي انا اللي أاخرهم
غلا: ليش ما بنتغدا هنيه
ابو هناد: لااا بسنا وبعدين عندي شغل وهناد بيسير دبي
غلا: الشو تسوا دبي
هناد: شغل
آيه: متأكد بس شغل
هناد: لازم الف طشه
غلا: بسير وياك
هناد: الشو يسيرج
غلا: والله ملل
هناد: حشاااا الحين تحومي وامس ما بس
غلا: لاااه يعني اليوم بيلس ملااانه
ام هناد: ضراه ياعده
عبدالله: واككككككككك
غلا: جب انته محد رمسك .. هناد بليز
هناد: لااا ميود بيسير ويايه
غلا: عااادي تسير ميروه بعد
هناد: وواحد من الربع
غاليه: عجــــــــــب هناد هالاسبوع ما سار العزبه
هناد: لا تخافين العصر بمر
عبدالله: ما يفوت
هناد: غلا صبي لي جاي
غلا: ميروه صبي عندج الدله
هناد: ابويه بارحت امس شليت نفيعه حق البوش؟
ابو هناد: لاا شال بالاربعا شل لهن اليوم
هناد: تآمر بس اذ تأخر
ابو هناد: هب لازم اكيد شي هناك .. بس هالخديه محد يعتمد عليه
هناد: ابويه انا اقول نييب غيره هالبيدار
ميره: هاك
هناد شل الجاي: هذا فقر ع الفاضي حتى النفيعه نحن نيبها
ابو هناد: بنشوف
ابو سيف: ميره روحي وعي مايد
هناد: هو فوق
راحت له
ام سيف: بلاه ليش نايم فوق
هناد: اونه عشان ما توعونه
ابوهناد: هناد وين البطاريه مال السياره بشلها ويايه
هناد: ساير اييبها
..
عند ميره توعي وتوعي هب راضي ينش
مايد: هآآآآآآآآآه ويرجع ينام
ميره: مايد قوووووم عااد
مايد: افففف
ميره حبت تتنيذل : منو انا
مايد حتى ما فاتح عيونه : عزااا؟؟
ميره تبا تسويها فيه شغلت الفون وبدت تصور انسدحت حذاله: حبيبي ميوود انااا عزاا
مايد: اشووفج بعديـــــــن خل اناام
ميره: ميود انت تحبني؟
مايد: امووووت فيج سيري بس الحين
ميره: تعرف من وين أناا؟
مايد: بعدين بعدين
ميره: تحب اختك ميره
مايد لاااااه روحي خل اناام
هناد دخل شافها منسدحه وتتمصخر عليه وعاطيتنه الظهر
هناد: احم احم
ميره نشت : أا
هناد: تتمصخرين عليه هب حرام عليج
ميره: هه اثاريكم بلاوي طلعت عزاا جان خليتني اكمل بكتب قايمه
هناد: هههه بينش يكفخج خوزي عنه
ميره: ما طاع ينش عييت منه قلت العب شوي
هناد: خلاص اناا بوعيه
ميره : تمام .. راحت بتطلع
هناد: ميره
ميره لفت: آمر
هناد: أا انتي هب شاله عليه بقلبج
ميره: ليش
هناد: عشاان أامسكت ايدج بالمول
ميره: لاا اعرف ما جان قصدك .. بس أا
هناد: قولي
ميره: بغيت اقولك لا تاخذ عني فكره سيئه لأني البارحه ظهرت جيه ترا والله بس من العصبيه
هناد: هه ولا يهمج بنت العم انتي اختي
ميره حست بشعور غريب وسارت
.. ميره: اختي!! يالله ما اغباني لا تفكرين جيه لا تفكرين .. اصلا هناد كل هالجمال وبطالعج انتي بس ي ميره بس احلام
فالحيره وميره تفكر
آيه: حووووو
ميره: ه هاا ليش تزاعجين
آيه: صار لي ساعه منو اكلم انا
ميرره: الشو تبين
آيه: روحي شلي ملابسج
ميره: ما عندي غير ثلاث هنيه وكلهن لبستهن
آيه: انزين المهم يلا الناس تتزهب بنسير
غلا: ميررره ميرره
ميره: هلاا
غلا: اقولج وين هناد
غلا: جان بحيرته
غلا سارت: هناااااا << مايد لابس لبس ذااابت البنت >>
مايد: من صبااح الله خير تزاعجين
غلا: سوري وين هناد
مايد: شل البطارية ونزل
غلا: اوكى .. جانت بتسير بس رجعت تلف
غلا: مايد
مايد جان بيرفع قميصه يبدل بس نزله
غلا تدودهت: أا
مايد: بلاج
غلا: جنت بسأل سؤال
مايد: المطلوب
غلا: تجاوب بصرااحه
مايد: يلا
غلا: وعد
مايد بدون نفس: وعد
غلا: أا لما كبيت عليه ماي جنت تعرف من اول ما دخلت اني فالمطبخ صح
مايد: هيه
غلا: كيف
مايد: شفتج داخله ولحقتج قلت بردها فيج
غلا: انزين الشو هالمسرحيه قبل
مايد عقد حوايبه: اي!!
غلا: فصخت كندورتك وتكب ماي حاار
مايد بابتسامه شيطانيه: وانتي جنتي تطالعين
غلا: هاه أا لاا بس .. شفت
مايد: الله يسلمج لنيه صدق جنت بردان فنفسيه اهم من الانتقام
غلا: يعني ما جنت تستعرض
مايد: ههههه هب لازم استعرض تعرفين اني كشيخ ولاا؟
غلا: الوع مخلوق شفته بحياتي كلها
مايد: صح صح بعد جيه عيونج الزايغه تقول
غلا: زاعت فيك ينيه ..وايد مصدق عمرك
مايد: ذلفي ياااهل وتنكر جماليه
غلا: جمل يفعصك قول آمين
مايد: من وين يايبه هالدعوات .. بنات المدارس ومسويات راس .. يااااهل يلا روينا مقفاج
غلا: خف علينا العود
مايد بنظره شك : في شي مخلينج تنسي اني اكبر منج بسبع ولا انا غلطاان؟
غلا: لااااه زودتها ي الشيبه النخرااان ما لا داعي تذكرنيه
مايد: قلت يمكن يروح بالج لبعيد
غلا: من زينك ولا من زينك .. والله اني ازين منك بمليووون
مايد: خلي زينج حق عمرج وفااارجي
غلا: واذ ما ظهرت
مايد دزها بالباب وسكره
غلا: حيوووووان بطرااااان
..
ميره: بلاج تزاعجين
غلا: اخوج الجلب مستقوي ما عليه يالخقاق انا براويك
ميره: امشي مشي بدون تهديدات اونج عااد
غلا: ما عليه بنشوف
ميره: شو بتسوي
غلا: بندمه ع هالغرور
..
كل واحد لبيته
انتهت اول يمعه ..

..
المرأه كالجيتار , لا تعطي ألحانها إلا لمن يتقن العزف على اوتارها
../ شكسبير

وعرفتوا الكثير .. والياي احلى ان شاء الله
نستودعكم الله فالبارت الثاني
اتمنى روايتيه تعجبكم وتكملون (: ..
بيد: بنت الأياأويد

مقتطفات من البارت الثاني ..
.. !! .. خاااطري اشرد من المدرسه مليــــــــــــت
.. !! .. تصيـــــح ما قلنا شي .. معقده حوايبها والدمعه فعينها
..!!.. زين منج جي لعب الف شيطان براسي
.. !! .. والله اذ سويتي لي دليت مثل المره الماضيه لهكر فونج وعندي رقمج
.. !! .. خالي اناااا اباا احير حصه حقي
.. !! .. راحن عندهم لقو.. يالس ع الأرض ويصب دم ..
.. !! .. جنت ابا ابطل فستاني ... : رووح عليه الاحمر
.. !! .. ترا جيه السالفه ما بيعرفون منو انتي والله لسوي مقلب محترم
..
رح اكمل اذ شفت حتى ولو تعليق واحد
.. ابي تفاعلكم ويايه
شرايكم بالبدايه؟
اتقبل كل نصيحه ونقد

رد: رواية حبه لبسني لبس يني لبس الخواتم فالصبع تم

شكلها هالروايه تجنننن
انشالله بعد الفطور اقراها
وو بتكون مثل كاتبتها تجننن