رد: رواية حبه لبسني لبس يني لبس الخواتم فالصبع تم


فديت هالمرور الطيب
توقعات حلوه وصدقتي فصراع غلا بين مايد وهزاع وبنشوف آخرتها وياهم ومنو بتختار
اتمنى اشوف ردودج ع البارتات اليايه
دمتي طيبه

رد: رواية حبه لبسني لبس يني لبس الخواتم فالصبع تم

كملي

رد: رواية حبه لبسني لبس يني لبس الخواتم فالصبع تم

يوم الجمعه بنزل ان شاء الله

رد: رواية حبه لبسني لبس يني لبس الخواتم فالصبع تم

وينج

رد: رواية حبه لبسني لبس يني لبس الخواتم فالصبع تم

موجوده حبيبتي وانا م انكث بوعودي
ها البارت لجل عيونج غناتي

رد: رواية حبه لبسني لبس يني لبس الخواتم فالصبع تم

السلام عليكم ورحمة الله وبركاته
حبه لبسني لبس يني..لبس الخاوتم فالصبع تم
روايتيه الرومنسية والغامضة
البارت السادس
..
قال سعد علوش:
وقفتني في جهه ماهيب ضمن الجهات
ومدري تعمدتها ولا معاك صدفت
..
وقفنا عند غلا ومايد فحيره البنات فوق
مايد يتجرب منها اكثر
غلا تصيح: لااا مايد دخيلك وربي حراممممم خوووز خوووز
مايد صار ويهه بويها: صبري شوي بعلمج الحرام انااا
غلا تترجاه: مااااايد دخليك لاااااا مااايد آههه
مايد وويهه فرقبتها والوقايه (الحجاب او الشيله ) طاحت
غلا: خااف ربك فبنت خالتك ي مااايد الشيــــمه آههه مايد
مايد ولازال ع حركته وبصوت ناعم وحزين: ظلممتينيه ي غلا
غلا تصيح وخيفاااااااااااااانه: دخيلك ي ماااايد خوز
مايد لف ايده عليها واليد الثانيه ماسك رقبتها
غلا انهاااارت: هزاااع وينك ي هززززاع آه آه
مايد فج عيونه ع الاخر ودزها بقوه بعيد عنه وضرب راسها فخشبه الشبريه
وقف وطالعها بنظره استحقار وظهر
غلا تلوت ع الشبريه وقامت تصيح
..
لاننا نتقن الصمت....\\
حملونا وزر { النوايا } !!
"غاده السمان\\روائيه وكاتبه"
..
نزل مايد وهو يشرب ماي حط الدبه بقووه : هزاااع ي غلاا انا برووويج
منصور: ميووود
مايد: اففف بلاك
منصور: شفيك ليش تخرت سلمنا من سوير
مايد: دخيلك ي منيصير خوز عنيه
منصور: شو صار
مايد لوى ع جتفه وظهره وياه وابتسم: بعدين بعدين
..
نشت ودخلت الحمام تطالع ويهها محمر من الصياح مسحت دموعها وهي تغسل ويهها وشافت العلامه ع رقبتها ورجعن دموعها يطيحن
.. وينك ي هزاع انت هب هو ذاج الاولي وينه اللي يحرسنيه يوم انيه بحايتك تخليت عنيه .. وينك ليش نسيتنيه .. شوف شو صار فينيه والله وصرتين لعبه بأيدين هالمتوحشين ي غلا يني حقير يحضنج ولا ترمسن بكلمه وولد عمج أا .. ولد ولد عمي آآه ي مايد يوم نسيتك بصعوبه جيه تسوا فينيه يويلج تتعلقين فيه من يديد ..(وهي تمسح ع رقبتيها) شوفي ال... شو سوا فيح ال... انا ماشي غير هالكلمه دخلنيه بداهيه ياااارب عونك اكرهكم اكرهكم ..اووووويه هزاع انا شقايل قلت هزاع جدام مايد ي عممممممي رحت وطــــــــــــي.. ميود الجلب الحمد لله م درى هناد .. (ضربت راسها) اووووف هناد محد يعني جان يخوفنيه ع الفاضي الجلب.. خل يلتعن الله ياخذه وذاك اليني ويااه
يلست ع الشبريه: اففف يني يني معقوله
فتحت التلفون وقامت تدخل مواقع تقرا فيهن عن حب الينون للاوادم
عند البنات وهن يتراسلن من عقب ذاج المسج اللي طرشته ميرا
جانن مخططات ينتقمن ع آخر مقلب استوى بميرا والسماسيم لكن حاله رناد وغلا م تسمح فتعايزن بما ان الشله نقصت
ميثوه: اففف من سوالفكم البايخه انا بقووم
عبدالله: يلسي ي الخوافه
ميرا خبر خير تفكر بهناد لمسكينه
شوي ويدخل هناد من الدروازه وعقب م سلم
هناد: وشوم يلسنكم بتوصل الساعه ثلاث
كلهم شهقون
هناد: ياله دااخل
زايد: والله م حسينا بالوقت
ساره تتثاوب: يااااااااااله يطلع لكم يني الليله
منصور: بس جب نحن هب خوافين شراتكن
هناد شاف الضرابه بتبدا: انجلعن داااخل سرعه
وكلهن دخلن
(( من هالشباب الموجودين كلهم هناد شخصيته غيررر يخافونه ويحترمونه وزايد البنات يحترمنه لنه اسلوبه غاوي شوي اما مايد وعبدالله ومنصور فعااااادي وماهر اللي م يظهر وايد هب متعودات عليه موووليه ))
تمون الشباب يسولفون (( فلان وعلان والسياره الفلانيه والسعر الفلاني والخ..
دخلن البنات وكل وحده فرت عمرها بيانب ومياسه وهي فوق غلا
غلا: آآآآآآآآآآآآآآآآآخخخخ ايه خوووزي
مياسه: شتسوين ي ام عيون وسااع
غلا: اقرا
ميثوه: شتقرين
غلا: خوزي هاي من فووووقي اوول
ميثوه نقزت فوق مياسه ومياسه وغلا يصارخن
رناد: ي بووووي سكتن وصلت الساعه ثلاث
ساره: م خاطري ارقد (( وعقت بعمرها فوقهن
غلا: الله يلعنكن رحت فيها قووووومن
واعتفسن
رناد: بنات باجر بنسير
ساره: نقزي نقزي
رناد ولاول مره تعيش هالجو نقزت وياهن وهي تضحك
جان شكلهن فله يتضاربن بالمخاد وكل وحده فوق الثانيه واللي تمط شعر الثانيه واللي تصارخ واللي تضحك شالات البقعه ع راسهن
اندق الباب بقوووووه
واتصلبن كلهن
لفن الشيل وطلعت رناد
هناد: شعندكن
رناد تقفطت: هاه
هناد: شهالصدعه
رناد: اا
هناد: قوليلهن ينطبن نبا نخمد نحن
رناد: ان شاء الله
هناد: رقدن هب تعااجن
رناد: زين زين
هناد: تصبحن ع خير
رناد وهي تسكر الباب : وانت من اهله
دخلت وبصوت رجووولي: انططططبن نبا نخمد نححححن
نقعن ضحك وهي تقلد هناد
ساره: دخيلج دخيلج بعد وحده
رناد تقلده: رقدن هب تعاجن
ميثوه: قولي عبارته الشهيره " ما تحسون ما فيكم دم "
رناد جانت تقلده بشكل جد جد يضحككككك
غلا: توني اعرف انج تعرفين تقلدين رنوود
رناد يلست فثبان ميثه: عندي موواهب ههههه
ميثوه لافه عليها: الله يزيد ويبارك ههههه
غلا : لو يشوفكن هناد يالسات جيه رحتن فيها
كلهن يضحن
تمن سوالف وضحك لساعه اربع صلن وهن هلكانات ورقدن
...

رد: رواية حبه لبسني لبس يني لبس الخواتم فالصبع تم

الساعه 5:35 am
غلا بتعب: ميرااااني ميرووه ميووره
ميرا: هممم
غلا: ميروه ابا ماي
ميرا نومها خفيف : شوو
غلا: ابا ماي
ميره: انزين روحين شربين
غلا: قومي يبي لي
ميره: غلاوي عن الخبل قومي شربي اباا انام
غلا: ميروه دخيلج هب رايمه ارقد من العطش
ميرا: وشعنه ما تسيرين
غلا: تعباااانه
ميرا: لا والله شهالسلفج(شهالانانية) اللي عندج
غلا: والله دخيلج عطشاااانه بس هب قادره
ميرا <<طيبه المسكينه: زين زين
نشت بتثاجل: الله يسامحج غلووي
لبست شيلتها وظهرت
< حتى كناديرهن ما بدلنهن من التعب
اذ تبون الصدق ترا غلا من متى حابسه نفسها تحت اللحاف تمت تقرا عن الين لحد الساعه خمس وخلص جرجها وتمت تفكر وتفكر شقايل تتخلص من الورطه اللي اسمها هزاع ومعقوله يكون يني لين م عطشت حاولت تقاوم ربع ساعه تعبانه تبا تنام وم قدرت .. وخيفانه تنزل تحت وتصادف مايد (يتها عقده من شي اسمه مايد)
..
ميره نزلت والبهره توها تطلع دخلت المطبخ وهي تتحرطم اونه لو يحطون ثلاجه فوق ظهرت من المطبخ وجنها تلمح شخص ع الكرسي خاري مغطي ويهه بايديه تعوذت من الشيطات فتحت عيونها وسكرتها ولازال موجود
..
غلا جرج فونها فالنص ساعه وفتحت نفس الموقع تكمل قرايه
تبونه روحو دورو عسب تصدقون ان الجن صدق يحبون الانس
وها اللي تفكر فيه غلا واللي مروعنها وهب مخلنها تنام
..
ميرا تجدمت صوبه وصوت ريولها ظاهر رفع راسه
ميرا: هنااااد!!
هناد عيونه حمررر وشكله مهموم: هلا
ميرا: شعنه هب راقد
هناد: ما يانيه رقاد وانتي
ميرا: انا اييب ماي حق غلا
هناد: اها
ميرا: هناد فيك شي
سكت
ميرا: هناد حالك ما تسر عسى ما شر
هناد وجنه يبا يفضفض: تعبااان ي ميرااا تعباااان
ميرا يلست بعيد شوي عنه ع نفس الكرسي: ان شاء الله خير بلاااك
هناد: ضايجه فينيه الدنيا ي ميرااا ليتج تحسين فينيه بس
ميرا: رمس يمكن ترتاح
هناد: تعبـــــت ي ربي تعبت هب قااادر والله
ميرا بصوت نااااعم: قوليه وصدقنيه بترتاح وانت تعرفنيه اللي بينا بينا
هناد وخاااطره يرمس: هلكنيه ي ميرا تعبت من التفكير هم ع راسي هممم
ميرا بحالميه: الحب
هناد لف صوبها بسرعه: شقايل عرفتين
ميرا بنظره حزينه: ينعرف للاسف بس الطرف اللي نباه يعرف الوحيد اللي هب قادر يعرف
هناد فرحان وجنها تقرا اللي بخاطره: ودي اقولهاااا ي ميرا بس م رح تفهمنيه
ميرا: هالكثر تحبها
هناد باندفاع : وقسسسسسم بالله م حبيت غيرها فهالدنيا
ميرا اختنقت والعبره فعيونها: وشعنه ما تقولها
هناد: ي ريت اقدر صعبه والله تسع سنوات وانا شايل هالحمل بقلبيه
ميرا ببساطه : صارحها
هناد: هه ي ميرا انتي تعرفينيه وادري اني صدمتج اني اعترف لحد واطلع اللي بخاطريه لكن والله ثجيل هالحمل واحسج انسانه فاااهمه
ميرا (( فاهمه: هذا اللي قدرت عليه هب حاس انيه حزينه م حسيت انيه متضايجه م حسيت انيه اعشقكك ي هناد وانت ترمسنيه عن وحده ثانيه .. شقايل م افهمك ي هناد وانت حب الطفوله ربيت وانا احبك ي هناد وانت ولا داري عني واليوم اول مره تفتح لي قلبك تقوليه انك تحب غيري حرااام عليك ي هناد وربي حرام ))
هناد: ميراااا وين رحتين
ميرا: وياك وياك
هناد: فيج شي
ميرا وقفت وماسكه دموعها: صارحها ي هناد قبل م يفوتك الفوت صارحها
وراحت
..
يـا ليت التجارب تنحفظ صـم قـبل الشيب
على شـــان مـن شيب يـعـرف اتـجـاهـاته
.. سعد بن جدلان
(( ادعوا معي لشاعرنا العظيم الراحل سعد بن جدلان الاكلبي :
•اللهم أبدله دارا خيرا من داره، وأهلا خيرا من أهله، وأدخله الجنة، وأعذه من عذاب القبر، ومن عذاب النار.
•اللهم عامله بما أنت أهله، ولا تعامله بما هو أهله.
•اللهم اجزه عن الإحسان إحسانا، وعن الإساءة عفوا وغفرانا.
•اللهم إن كان محسنا فزد من حسناته، وإن كان مسيئا فتجاوز عن سيئاته.
•اللهم أدخله الجنة من غير مناقشة حساب، ولا سابقة عذاب.
•اللهم انسه في وحدته، وفي وحشته، وفي غربته.
•اللهم أنزله منزلا مباركا، وأنت خير المنزلين.
•اللهم أنزله منازل الصديقين، والشهداء، والصالحين، وحسن أولئك رفيقا.
•اللهم اجعل قبره روضة من رياض الجنة، ولا تجعله حفرة من حفر النار.
... اللهم آمين
<< من اكثر الشعار اللي احبهم الله يرحمه ويغفر له >>
ونرجع لميرا
..
رقت فوق مشت دموعها عطت غلا الماي وغطت عمرها تحاول تنام وياله ياله رقدت
غلا افكارها الشيطانيه م خلتها بحالها روت ظماها وها تفكر
" آآآه واخيرا شربت الله يلعنك ي هززاعوه بغيت اموت من العطش .. آآه ي هزاع شسويت فينيه اففف متى برجع البيت بفتح الفون ابا اشوف جان مطرش .. شو بيكون مطرش ي ترى .. تافهه حقير .. وانا ليش اسبه تتذكر رمسته
..انصحج لا تتخطينها لنه الينون يقدرون يصيرون أوادم وانا اصيرلج كل شي
آآآخ الله ياخذك لو جنت يني .. يعني لو هب يني شقايل يعرف عنيه كل شي .. وتذكرت بنت دبي وحرجت طلعت مليون فكره براسها وانخمدت
..
حكمه من صوبي هعهع : ماشي يخوف كثر غيره الحرمه
..
هناد
دخل حيرته وهو مبتسم جنه خفف شوي من همه فر غترته
انسدح ع فراشه شوي ويندق بابه نقز بسرعه يطالع ويهه فالمرايا ويرتب شعره وفتح الباب وخازت ابتسامته
...: خيبه هب نايم
هناد: اعوذ بالله شيايبنك
...: ويه جنك نسيت انها حيرتيه مثل ماهي حيرتك .. ونا قلت بتعذب لين اوعيك ريحتنيه جنك تتريا حد
هناد: نصور وين حرمتك
ناصر: هذيه ورايه والحين انت بتنجلع تحت ويا الشباب
هناد: نععععععععععععععععععععععععععععععععممممممممممممممم
ناصر يدق جتفه ويدخل الحيره: الله ينعم عليك انا وبرنسيستيه هاي حيرتنا من اليوم وساير
هناد: نعم نعم نعم الاخ كيفكككك هو انت وحرمتك لا بوووووي انجلع انااا رابي فهالحيره
ناصر: وانا ساكننها قبلك وجانت حيرتيه وانا اللي استقبلتك وصار الوقت تنجلع
هناد وجنه يترجاااااه: نصوووور
ناصر: انا فهاليومين كملت السبع وعشرين وانت بعدك معناته انا العود يعني ذلف خاري وخلنا ننام لنه تعبانين
هناد: افففففااااااا ي نصور تفرقنا حرمه
ناصر: يلا منااااك
هناد: والله هي حيرتيه مثل ماهي حيرتك
ناصر: افففف هناد بسوي لي ملحق خاري فجنا بس اليوم
هناد: وانااا
ناصر: روح رقد تحت
هناد: واقشاريه
ناصر: برايه باجر بنقشبه
هناد: الله يسلط عليك اصلا هب عشااانك عشان ميسوه بس رحمتك وله هب ظاهر
ناصر يدزه: اوكيه ع راحتك ظهر انته بس
هناد وهو خاري: آآآخ ي بايع العشره
ناصر يسحب ميسا داخل: روح روح شتراها من الكبره (الكبره هي سوق كبير)
وصك الباب فويهه
هناد نزل وهو يتحرطم
...
هالمره صار العكس الشباب ناشين والبنات راقدات
بس الساعه 11 طبعا
منصور: بسير اوعيهن
مايد: حلف بس
منصور: توه عمري 16 سنه
ناصر بحده وهو ياشر ع الفنيان (الفنجال) : ها فنص راسك
منصور: بلااااك حار جيه اتمصخر
مايد: بس والله حاراتنيه شعنه للحين راقدات
عبدالله: ترى حتى هناد بعده راقد
ناصر: برايهه هناد نحن ضايجناه البارحه وجان شكله هب نايم
مزنه (ام ناصر): جى الساعه جم ضويتون
ناصر: ست إلا
زايد: عنبوووه جان كملتون شهر
ناصر: م يخصك
ميسا: معقوله العنود وخلود نايمات
ام عبدالله: لا بووي عند اهلهن
ميسا: والشباب
ام عبدالله: حمد ظاهر كشته ويا ربعه وحمد عنده شغل فبوظبي
منصور: والبنات راااقدات
يدته: وانته بلااك عليهن اليوم
ام هناد: يوم انك تبا تنام نام محد قابضنك
منصور: بس خاطريه افهم شقايل وهن داخلات قبلنا
زايد: نصووور صدعتنا ترا
مايد: علاوي روح وعاهن
ام مايد: بلاكم انتو اليوم شوت بوهن
منصور: ياله آآآيه شلي علاوي ووعوهن
ع صلاه الظهر نشن وصلن ونزلن مع بعض وسلمن
غلا: وين يدي
ام هناد: يالس خاري عند طيوره
غلا وهي رايحه : اكيد بيطفش من صدعه هذول
رناد: غلاوي والريوق
غلا: ماله داعي بتغدا
ظهرت ( اصلا هي شارده ما تبا تقابل مايد ويلست ويا يدها تسولف
..

رد: رواية حبه لبسني لبس يني لبس الخواتم فالصبع تم

وهي يالسه ويا يدها لافه عليه وراسها ع جتفه وهو يقصد لها << هذا طبعهم
اليد: بسنيه ياله شليبها
غلا: م وحاليه احفظها
اليد: سمعينيه من قصيدج
غلا شلت (( لا تاخذ
لا تاخذ الدنيا على غير مسراك
وان دنيتك تضحك مره وتبكيك
وان جادلوك الناس صافح بيمناك
صمتك على بعض السواليف يغنيك
والهرجه اللي بالقفا بذت خفاك
لا تلتفت فيها تراها بتعميك
اضحك ترا ضحكتك بتحرقلك عداك
خلك قوي الباس واحرق معاديك
ترى الصراحه هي ملاذك ومنجاك
والكذب لو انه طول بيعريك
والكلمه الزينه تبين لمرباك
هاذي ترا والله تفرح اهاليك
وان مت ما يبقى سوى ذكراك
وتبقى دموع اللي يحبك ويغليك
اليد: م عليج زود
من وراها: صح بوحج بنت سيف
وقف قلبها من الصوت وتولفن الدموع بعيونها
وبلسان مرتجف: صـ ــح بـ ــدنكك
مايد يلس وياهم: مرحباااا ملايين ولا يسدن
اليد: منوه انته << نظره ضعيف وايد
مايد: مايد بن سالم يدي
اليد: يعلني لا خلا والله ان صوتكك صوت راشد يدق فأذنيه
راشد ابو ام مايد ((يده الثاني((وهو يقرب لعلي<<يده ها )) << لعوزتكم هعهع
مايد: رحمه الله عليه
غلا بتنش
اليد: قري الدعنه وخلج فبقعتج بعدنيه م يلست وياج
غلا كله ولا يدها فيلست
مايد: عليج صوت ي بنت سيف
غلا الكيج توووب ..
اليد: مايد بوويه ناولنيه الدله
مايد تجدم وصارت المسافه بينه وبين غلا شووووووووي وصب ع يده
مايد: من متى تشلين ي غلا
غلا بحرجه: من يوم يومي
اليد ناول مايد الفنيان: ي بووي غلا شلتها غااااويه ما تيبونها
غلا: طالعه عليك ي بعدهم
اليد: هيــــــه وما قمتين ويايه شرات لوول
غلا: افااا
اليد: هيه شعنه افا ترا م اشوفج موليه الحين وجانج يلستين م تشلين شرات لول
غلا: وانته م قمت تقصد فينيه
مايد يطالع غلا بنظره: نظره ضعف
اليد: ي بوي غلا فقلبيه قبل عيونيه
غلا بأنتصار: الناس م تحب بالعيون
اليد عطاه الفنيان: غنمت
مايد: ازيدك
اليد: تسلم
مايد: سلم من قال
اليد: ي غلا هب جنه مايد يحب بالعيون م اقول غير القلب متصوب
انصدمون اثنيناتهم
مايد استغل الفرصه: متصوب يالغالي متصوب ولا دروبيه
اليد يدق ع ريل غلا: يدرون بك ي ولدي لا تحاتي وجان الله كتبها من نصيبك والله حياني لى ذاج اليوم جان انا اقبضك ايديها
غلا بحررررررجه: يعل يومي قبل يوومك لا تخاف ي يدي بتحضر عرسيه ع اللي يعرفون يصونون
مايد يرحتها كلمتها: الله يصبرنا ي يدي ع صدهم وشكلهم رافضين قبضه ايدينا
غلا: الايد الخشنه محد يبيها وماشي ايي بالزور
مايد: وان لنا لبعض العرب صارو يرفعون الخشم بالعالي والبارحه يشرون محبتنا
غلا متضايجه وبعصبيه: والله العربان م تعوف بليا اسباب
مايد: الاسباب م ننكرها والاسم لى انذكر باعونا وشروه
(عرفت ا نه يقصد اسم هزاع)
غلا: هالاسم لو م استحق م انشرا نحن م نشري الرخيص
مايد وخاطره يقوم يعطيها كف تقرب منها عسب يخوفها
غلا ترد صوب يدها من الخوف
اليد مد يده اللي دقت فصدر مايد: ي مايد اللين اللين ي بوك
مايد مصدوووووم .. شقايل يدي يشوفنا!!
اليد وجنه يقرا افكارهم: لا تنشدون الله عطانيه بصيره وانا شوف ي مايد محبتك بتحرقك جانك بقيت ع هالطريج
غلا ابتسمت عواااار ومايد ضاجت به الدنيا
اليد: وي غلا اللي يشريج لا تبيعينه بعض لحيان الرخيص مهوب جدها
غلا حزت بخاطرها ومايد ابتسم بحزن وتم يطالعها
غلا تضايجت من نظراته خصوصا ومحد يقدر يقوله شي
غلا وبحه فصوتها: سمحليه ي يدي
اليد فاااااهم عليهم: مسموحه غناتي
غلا مشت صوب الكرسي اللي صوب المطبخ ويلست ودمعتها ع خدها شافته ياي ودخلت المطبخ تداكت ع اليدار مسحت دموعها ع دخلته
مايد بتهور: غلااااا
غلا م عطته فرص ويت تبا تظهر ومسكها بايدها
مايد: وربي هب بقصدي اللي صاررر والله آسف ي بنت عمي منج العذر والسموحه
غلا بقسوووه مطت ايدها: شكلك ضريت تلمس لمحرم عليك .. انا اقول لا تحط لعمرك اعذار ي المتخلف ي المريض رووح اتعالج .. وقسسسسم بالذي خلقنيه لو تقرب منيه مره ثانيه لسوي لك فضيحه لا صارت ولا استوت .. وبستهزاء: قال بنت عمي قال
..
وظهرت
مايد يلعن عمره ميه مره ع اللي سواه ولا له ويه يقابلها متفشل من سواته
رقت تبا تصلي لقت ميره لافه ريولها بايديها وشكلها سرحانه
حضنتها من ورا وهي تبتسم: بشوووو يفكرون الحلوين
دخلن البنات كلهن بصدعتهن
وسكتن يوم شافت ميرا بهالوضعيه والحزن هب طبيعي عليها
ميره بغصه: انتهينا
غلا مستغربه: شاللي انتهى
ميرا وقفت: انا م احب هناد
ميثوه انصدمت: شتقولين
ميرا: ادريبكن كلكن تعرفن انيه احب هناد بس كل شي خلص
ساره: كيف خلص
ميرا شوي وتزاعج: خلص يعني خلاااااااص م ابيه م احبه
كلهن يطالعنها ميرا الهاديه الذوووق احن مخلوووقه وارقهم جيه تقول وهن يعرفن لنها ربت ع حب هناد وهناد مسفهنها .. ميرا اللي انخلقت لهناد .. ميرا اللي م عرفت الحب إلا بأسم هناد .. تقول م تبيه .. لا وتزاعج وجنها هب هي
الصراحه كلهن خافن عليها ووقفن يترينها
ميرا بويه مشدود الملامح: اللي تييب طاريه حتى ولو بمزح وربي انيه م ارمسها لى يوم الدين
وظهرت وكلهن يطالعن بعض
صلن وشلن قشارهن ونزلن
..
نزلن لقنهم يالسن الشباب ورناد يحاولون ف رناد يخطفها ع الدختر
زايد: ي رناد آخر مره اقولج
رناد: خلاص زايد لا تكثر قلنا لا
زايد: انزين عندي لج موضوع ثاني
رناد بضيج: شو بعد
زايد: علي ولد يران يدتيه طلب ايدج
رناد منصدمه ع فرحانه: ه هاه
زايد: اقولج الدختور علي اللي ذاج اليوم شالنج الدختر يطلب ايدج
رناد وقفت من كلمه"دختور": دختوررررر !!!
كلهم يترقبونها ويلومون زايد بعيونهم انه قال انه دختور
رناد وشاده ع حياتها : قوله لووووو يموووووت
الشباب والبنات كلهم يطالعون وعيونهم تتحسر ع حالها
رقت فوق ونزلت شنطتها
تغدون وكل واحد لبيته
هاللقيا غيرت مسراهم
هناد حب بنت
ميرا تخلت عن حب الطفوله " هناد
مايد اعترف بحبه لغلا بعد زمن
غلا كرهت مايد للابد
علي يخطب رناد
رناد استغنت عن حبها واختارت خوفها
..
يوم الاحد فالمدرسه فالبريك تحديدا
غلا وميره ين شالات جياس
غلا : تفضلن ( عطت كل وحده جيس)
ميره: تحملن ذوقنا
فتحنهن
فساتين رقيـــــــــــــــقه من فوق راصات بشك يلمع والايدين شيفون لتحت الكوع ومن تحت شيفون فضفاض هادي وفيه لمعه بسيطه .. كلهن نفس الشكل فرق الالوان كل وحده اللون اللي تحبه
غلا : اسود .. ميرا : بيج .. الودايم: اصفر .. فطوم: احمر .. مريوم: عنابي .. موزان: بحري .. عزا: عشبي
ومن ذاج اليوم وهن يزهبن حق حفلتهن ومتحمسات ومتضايجات بفس الوقت لنه مريوم محيره ومن تخلص رح تعرس ما تبا الجامعه وموزان بتروح بوظبي عند هلها واذ بتدرس بتدرس هناك الودايم هب مال دراسه معناته تمن عزا وفطوم وغلا وميره احتمال يدرسن بنفس الجامعه
بس كل وحده بتخصص
اسبوعين وهن كل يوم مشكله وضرابه اونه توديع
الاسبوع الثالث سارت غلا عند يدها وباتت بروحها < م تفارق
يالسه فالحوي ويا يدها ويدتها داخل
لابسه بيجامه ومنسدحه ع بطنها وفحلجها مصاصه وشعرها ذيل حصان بفيونكا وطبعا قصتها(قذلتها) ع عيونها.. يعني حركات يهال وناشحه الكتب واونه تذاكر
علي(اليد): ويدي غلا شقايل بيدخل ها فراسج وانتي جذا
غلا: بلانيه
علي: بوي الناس ما يدرسون جذا وين بتعاودين الكتاب وانتي عافسه البقعه
غلا: يدي تغيير جو اصلا جوكم يفتح النفس واليسله خاري غاويه
علي: والله انتي ادرا
يت اليده وعقب السلام: ويدي غلا شو ها لابسه
غلا تطالع عمرها: شووو
اليده: جان ضوا حد وانتي جذا
غلا: محد محد وبعدين إلا نحن هنا ..وتغير السالفه: وانتي وين ع الله
اليد: اصغر عيالج انا
غلا: هههههه اسولف والله .. صدق وين سايره متبرقعه والعباه
اليده: يدج عنده موعد
غلا: ومنو بيشلكم
اليد: عادي تيلسين بروحج
غلا: هيه شوا لمشكله دام بتشلون العامل بتم جونا هنا <البشكاره>
اليده: ومنو بيعاودنا جان تبين البشكاره
غلا: لا لا ماباها بس تحريت بتيلس
اليد: يعني عادي تيلسين بروحج
غلا: الشو عليه
وسارو
تمت بروحها ع حالها
ركبت سماعات فأذنيها وكملت < عز الله مذاكر >> ها حركاتيه هعهع
شاده حيلها شوي تقرا بصوت عالي وشوي تغني وتلوح بريولها وهي منسدحه
..
تعب صوتها حطت راسها ع الكتاب وهي تنافخ وطاحت السماعه وشافت ريول جدام ويهها << ريول ريال !! >> وشهقت
..

رد: رواية حبه لبسني لبس يني لبس الخواتم فالصبع تم

فبيت بو مايد
ميره: بوووووي ابا اسير بيت يدي
ابو مايد: ومنو بيشلج
ميره: انته
ابو مايد: ما تشوفينيه ساير اقضي حايه
ميره: انزين وين ميوود
ابو مايد: راح عند هناد
ميره: بس عيال خالتيه عند قم يدي
ابو مايد: وانا شدرانيه
ميره: وليش يروح وما يقوليه
ابو مايد: يوووه ميراااا بلاج صرتين لاعيه مره وحده
ميره بوزمت ويلست وابوها راح
..
غلا
شافت الريول وشهقت ووقفت سرعه والاغراض تطيح
رفعت راسها: مممميووووود
مايد مبتسم: تذكارين جيه هاااا
غلا ودها الدنيا تبلعها
مايد: انتي شقايل تفلحين
غلا: وانت شعنه تدخل جيه لا هود ولا هدا
مايد: لا والله جان كسرت الباب ولاحد رد وحاولت انبهج بس انتي ما تشوفين
غلا: حتى ولو المفروض ما تدخل وانا جذا
مايد بخبث: كيف جذا
غلا انتبهت ع شكلها ومن القفطه ركض داخل
مايد يلس وتم يقلب بكتبها
شاف الصفحه المفتوحه كلها شخابيط تم يقرا
.. تولهنا عليهم كيف مدعوج لعياآن يتناسانا؟
.. لا تشمت بي معادينك والعدا لي ما يدانونك
.. حطني محل النصخ والنصخ يره على هونك
.. عوقي يبتدي من جفاكم ويبري من لقاكم
.. << وغيرهن واااايد
واللي لفتت نظره
دهن عودك وريحه اطيابك تشفي المعتل من ايهاده
من ذاج الحضن شام قلبي عن طلب غيرك
فاج عيونه ع الآخر
وم انتبه إلا وهي تمط الكتاب
بدلت ورجعت
غلا: ليش تقراااا
مايد سرحان: حضن منو
غلا: م يخصك انت شو تبا ياي هنيه البيت ما فيه حد
وقف وبحده: نعم نعم ترا هو بيت يدي مثل ما هو يدج ولا تخافين هب ياي عشانج
غلا..
مايد: وين هناد
غلا: راح
مايد: وين
غلا: م اعرف قال بيي ع العشا
مايد: وانا بيلس لين العشا
غلا : بس البيت ما فيه حد
مايد: كيفي
غلا بوزمت
مايد: متى يردون قم يدي
غلا: م اعرف
مايد يلس وتربع: قهوه لو سمحتي
غلا: ما اسمح
مايد: ما احيدج ي بنت سيف
غلا: افففف شو تبا انته
مايد بصوت جذاب: شكلج تخافين منيه
غلا: اخسسسسسسسسسي والله
مايد بابتسامه ع ينب: هه
غلا راحت شوي ويايبه القهوه
تغنمه وهو م خوز عيونه
هز فنيانه: سلمتي
غلا: أوامر ثانيه استاذ مايد
مايد: هيه ردي ذاكري
غلا: مابا
مايد: احسدج ع هالمذاكر
غلا: ما يخصك
مايد: من وين يايبه هالرمسه اللي فالكتاب
غلا: ما يخصك
مايد: كل شي يخصج يخصني
غلا..
مايد: وتعالي انتي شقايل تلبسين جذا هنيه
غلا: بيت يدي
مايد: لبسي هاللبسات فبيتكم هب هنيه
غلا: لا والله
مايد: هيه هالبيت هب لج اي حد من عيال عمومتي يحدر اي وقت
غلا..
مايد: يويلج اشوفج مره الثانيه جذا
غلا: م اعتقد انك مسؤول عني
مايد: مسؤول وغصبن عنج
غلا: اففف شتبا انت ترا تقهويت فجنااا
مايد: ع راسج
غلا لايمت كتبها
مايد: ع وين
سحبت عليه وسارت
مايد: غلااا
غلا بطفش: شوو
مايد: جانت العلامه محلوه رقبتج شكله يبالج وحده ثانيه
غلا حرجت وراحت عنه
..
عندما يصبح انتظاري لك\\

,,

,,

هو انتظارك لي..ستكتشفين حقيقه "الحب" !


(مانون ليسكو)

رد: رواية حبه لبسني لبس يني لبس الخواتم فالصبع تم

تسألون شو صار ع هزاع
نشوف عقب م ردت البيت قبل اسبوعين..
دخلت البيت وع طول فوق ركبت البطاقه فالفون
وشافته طرش مسجين بس
.. لا تنسين انيه احبج ..
.. شي واحد قبل لا ارحل بقوله
انت .. أجمل حظ سيء في حياتي(سعد علوش)
م فهمت المسج الثاني بس م ردت لانهن جدام وتترياه يطرش لكنه م رد
كل يوم تمسك الفون وتكبت وترد تمسح
..
مسكت الفون وكتبت
بعدك تحبني؟
ثلاث دقايق بالضبط وياها الرد
: لا
غلا سكتت
هزاع: اعشقج واموت فيك
غلا: وينك
هزاع: فقلبج
غلا: ليش م تسأل عنيه
هزاع: لنج ما تسألين عنيه
غلا: ومن متى انت تعاملني بالمثل
هزاع: ومن متى انتي اللي تطرشين
غلا: محتايه
هزاع: مشتاقه؟
غلا: لا
هزاع: اذ اشتقتين رمسينيه .. فداعت الله
غلا: صبر
م رد
غلا: هزاع
هزاع: سرعه قولي
غلا: هب فاضي ليه
هزاع: قولي
غلا: انت هب ذاج الاولي
هزاع: شو تبين
غلا تضااااااااااااااااااااايجت وااااايد حست جنها دازه عمرها عليه .. الله ياخذج ي غلا . ليش تطرشين .. استغنى عني .. جلب حقير حيووووووان
هزاع: غلا
غلا: نعم
هزاع: آمري
غلا: ما يامر عليك عدو .. سلمت مابا منتك
هزاع: قولي
غلا وقفت جدم الدريشه وشافت مايد يالس تحت ملااان ويفرر ففونه
غلا: قلت خلاص ماشي
هزاع: تعبت والله تعبت منج
غلا: وانا شسويت
هزاع: تلعبين بي
غلا: شو تغير
هزاع: م خاطري ارمس ياله باي
غلا جد جد جد حررررررررررررررجت: لعبتك انا ي الجلب يوم خاطرك ترمس دز براسك فاليدار اوكيه ولا ترجع .. اشكرك ما طولت لحد ما طلعت ويهك الصدقي
هزاع: بلاج
غلا: كل تبن
هزاع: ههههه تعالي بكلج
غلا: انا تبن
هزاع: والذ
غلا: انجلع
هزاع: اففف يوم افضى برمسج
غلا: اوكيه بتشوف
هزاع: سيوووو
غلا: يعلك ما تفضى
هزاع: ههههه انقهري ي حلوه انتي
غلا: جب ي النفسيه
هزاع: بيجامتج حلوه
غلا: اي بيجامه
هزاع: اللي توج لابستنها جدام مايد
غلا: لابسه كندوره
هزاع: عن الجذب
غلا: يعني انته م نسيتني
هزاع: يليتني نسيتج ولا شفت اللي صار
غلا: وشو اللي صار
هزاع: غلا لا تطولينها قولي انج تحبين مايد وخلاص
غلا: وانت عسب جي ترمسني جي وهب مطرش من زمان
هزاع: لا تغيرين الموضوع اعترفي
غلا: انت شفيك قلت لك ما احبه
هزاع: قلبي ويهج اقول
غلا: مرررريض
هزاع: انتي اللي سويتيه فيه جذا
غلا: وشو سويت لك انت حيوووان حقيرررر اجبرتنيه انزلك وانا اصيح طلعت لك بنص الضلمه عشان حضرتك الجللللللللللب تحضنيه عقب تتصل وتوهمنيه بمحبتك والحين ياي ترمسنيه بهالاسلوب وتقول تحبين مايد اذ احب مايد انت شو .. جان المفروض افرح لانك م طرش لي شي بس بالعكس انا طرشت لك وانت ترمسنيه بهالاسلوب .. اشكرك الصراحه لانك عرفت كيف ذلنيه
هزاع: انا ما ذليتج
غلا: وشو تسمى ها
هزاع: شو الها
غلا: انك تخلانيه اتعلق فيك تالي تقولي تحبين مايد وترمسنيه جي
هزاع: تعلقتين فينيه !!
غلا: ادريبك تبا تمصخرنيه وتذلنيه وسويت اللي براسك
هزاع: حشى عليه ويمين انيه لا يمكن اسوي بج جي
غلا: شو تفسر تصرفك
هزاع: غيره
غلا: من شووو
هزاع: من مايد
غلا: وشو اللي يخليك تغار منه
هزاع: لنه ولد عمج وانا لا .. هو ولد خالتج وانا لا .. هو يشوفج وانا لا .. هو يرمسج ونا لا .... هو بقربج ونا لا
غلا ارتاااااااااااااااحت يوم تاكدت انه م يعرف شي عن ذيج السالفه: بس
هزاع: غلا انتي هب حاسه فينيه
غلا: شو تبانيه اعطيك
هزاع: بس لا تذلينيه لا تندمينيه لاني حبيتج من خاطر
غلا: بس انا ما سويت جي
هزاع: ليش خربتي الفون عمدا
غلا: لنك رجعت تراقبنيه
هزاع: لني احبج
غلا: انت متسلط
هزاع: لو هب متسلط كيف بعرف احوالج
غلا: شو اسويلك
هزاع: انتي ما تقولين شي فأفضل انيه اعرف بنفسي
غلا: قولي وبخبرك
هزاع: جذاابه
غلا: جربنيه
هزاع: اوكيه قوليليه شو صار فآخر مره رحتي بيت يدج
غلا: شو اقول
هزاع: كل لحضه التقيتين فيها بمايد وعن شور مستون وشو سويتون
غلا: هو شلنا بيت يدي ولا رمست وياه فالسياره عقب كله ويا البنات ولعبنا كلنا غمزه وبالباجر سرنا السوق وجنت ويا البنات وعقب سولفنا يميع
هزاع: بس
غلا تستغفر ع جذبها تعرف لو قالت له بيسويلها سالفه: بس
هزاع: وها اللي يخلينيه اراقبج
غلا: شو
هزاع: جذبج
غلا تصرط: فشو جذبت
هزاع: تمنيتج ي غلا تقولين انه حاول يلمسج حاول يسويبج اللي انا منعت عمري عنه حاول يقرب منج وانا امسك عمري بالغصب عشان اقى بعيد .. هذا الفرق بيني وبينه انج تأمنين له وهب انا .. توثقين فيه هب انا
انتي انانيه
انا حبيتج بصدق وشفتج مرررره وحده وانتي تصيحين ما تبينيه ومايد م فكرتين تقولين ليه
غلا ودموعها يطيحن: هب موضوع ثقه
هزاع: عطيتج فرصه تقولين لي قلت يمكن بتعدل ع عمرها بس بعدج تجذبين كل ها بس عشان تحمين مايد
غلا: صدقنيه ي هزاع ان مايد ما يعنيليه شي
هزاع: ودي اصدقج بس كيف
غلا: يعني انت ما تثق فينيه
هزاع: يوم غصبتج تنزلين لي جنتي واثقه فينيه
غلا..
هزاع: يوم تكونين مستعده توثقين فينيه رح اوثق فيج
غلا: والحين
هزاع: لا تخافين حبيبج ما بقوله شي خل يسوي اللي يباه
غلا: انت تجذب ما عدت تحبينه
هزاع: تقدرين تنزلين تحت اليوم باليل بنفس المكان
غلا: لا دخيلك هزاع إلا هالشي
هزاع: انا ما اجبرج الحين بس أسألج
غلا: لا
هزاع: يوم تكونين مستعده تقابلينيه وانتي كلج ثقه انيه مستحيل اضرج ذيج الحزه ارجع هزاع الاولي
غلا: والحين بتم ترمسنيه جيه
هزاع: شو تبينيه اقول حق وحده م تثق فينه
غلا: يعني الحين لو ما رديت عليك عادي
هزاع: هه قصدك التهديد صح
غلا: هيه
هزاع: جبانه
غلا: والمطلوب
هزاع: لا ي حلوه انتي بتمين ملكي للابد
غلا: يعني برمسك وغصبن عنيه وبتم ترمسنيه بهالاسلوب الجاف
هزاع: هيه نعم
غلا: حيوان
هزاع: جبانه
غلا: انجلع
هزاع: ليش عشان تنزلين تحت عند مايد
غلا: وانته ليش محط دوبك دوب مايد
هزاع: برايج ليش
غلا: لنه احلى منك
هزاع: ههههههه وانتي ما شفتينيه فالضلمه
غلا: والصور
هزاع: آآهاا يعني بعدج حافظه الصور
غلا: المهم يعني سبب غيرتك جماله
هزاع: انا واثق من عمريه ما تهمني هالرمسه
غلا: عيل شتباه
هزاع: احسده
غلا: ليش
هزاع: قلت لج
غلا: هالمشكله مالها حل
هزاع: جم تام لج بالضبط
غلا: اونك ما تعرف
هزاع: اسبوعين
غلا: عبيط
هزاع: ياله اموره بسير الصاله الحين
غلا: تسير صاله ؟ !!!
هزاع: تتحرين عضلات ببلاش
غلا: هه اصلا ما لاحضت عضلات
هزاع: خلاص المره اليايه بخليج تلاحضين
غلا خافت: بس انت وعدتنيه م نتشاوف
هزاع: لا تخافين ي الجبانه م رح اسوي شي دامج ما توثقين فيه
غلا: ياله سير
هزاع: جبانه حتى ما تبا تعترف انها ما تثق فينه
غلا: باي
هزاع: باي
..
شافت من الدريشه مايد محد فتحت النت تقرا ( عن الين طبعا<خبله> )
..
إذا لم يجد الإنسان شيئا في الحياة يموت من أجله ، فإنه أغلب الظن لن يجد شيئا يعيش من أجله.
..تشي جيفارا
..