رد: رواية حبه لبسني لبس يني لبس الخواتم فالصبع تم

نروح فبيت الخاله سلمى
اموله ومريم وحصه متجابلات فالصاله
اموله: اففف ملل
حصه: لو عندنا اخو بيطلعنا
حدرت سلمى: بلاكن دوم تتذمرن
مريم: امممممايااا ملل
سلمى جابلت القهوه: لا تخافن ثلاث شهور وبتعرس وبتفجنا من صداعكن
زعجن حصه ومريم مره وحده: اممممممميهه
وامل تضخك
حصه: هيه هيه ضحكككي انتي هب فيج ترا
مريم: اميه ليش ما تعرس اموله ويانا
امل: لا والله ع راسككككن انا
سلمى: ولد عمها هب مستعيل ولا تنسي هو يدرس خاري
حصه: هالانسان ما نشوفه مول
امل بخقه: بعدين انا ما بتشوفنيه مول
سلمى: وووويدددي ع هالرمسه جىه ما بنشوفج جىه ناويه تظهرين ولا تعودين لا عيل حبيبي قري فهالبقعه وصكي الدعنه وبنقول حق حميدوه يجنسل
ضحكن حصه ومريم
امل: جب انتي ويااها .. اميه والله اتمصخر
وتحضنها: جىه انا اروم افارقج اصلا
سلمى: هيه هيه رقعيها الحينه
امل: وه وه زعلت عيوزنا
سلمى: عيز حيلللج
ضحكن كلهن
حدر ابوهن وسلم
وعقب السلام سلمى: اقول شرايك تودينا عند اختيه وديمه من زامان ما شفناها
حصه: عاااااااااااشت اميه
ابو ناعمه: وين المشكله نسير
حدرت هدى تربع > بنت ناعمه من المرحوم طارق ولد خالهن
شلتها يدتها: وه فديت هالوووويه الغاوي
مريم: ضدق ما شاء الله هدويه شاله الجمال كله
حصه : تشبه عمتها اميره
ناعمه حدرت: حمواتي كلهن حلوات .. تبوس راس ابوها: شصبحت ابويه
ابو ناعمه: الحمدلله طيب وينج اليوم
ناعمه: سمحوليه والله اليوم هدويه زاعت مرتين وما قدرت انزل
سلمى تبوس رس هدى وهي تمسح ع راسها: بلاها
ناعمه: لا لا ما عليج بس كثرت حلاوى هي وهالخبله البارحه
حصه: اناااا الخبله
ناعمه: اللي ع راسه بطحى يتحسسها
.. خلونا من ضرابه الخوات نسير حق ساره
ابتسم: صحه صحه
ساره: عبود انته شيايبنك هنيه عن حد ايي
عبدالله: ليش حرام
ساره: عن حد يشوفك
عبدالله يتجدم: وين المشكله
ساره: اففف عااد
عبدالله: اشتقت لج
ساره ابتسمت: وانا اكثر
عبدالله بعتب : ليش م تردين عليه ويوم ارمسج تصكرين بويهي
ساره: عبود والله هب قصدي بس ميره م ادل شفيها
عبدالله وهو متداكي: م عليج منها طبيها
ساره: ياله انا بطلع
عبدالله: وين بعدنيه م شبعت منج
ساره: عبود عن السخافه
عبدالله بابتسامته الجذابه: ياله بنصبر
ظهرت ساره سرعه من المطبخ
غلا مشت دموعها وهي تقنع عمرها انها رح تنسى هزاع وتتقبل مايد
غشلت ويهها وفضلت تنام عن تجابل مايد
حدرت عليها ميره بعد ربع ساعه : غلاااااااااا
غلا بسابع نومه من تعب الصياح
ميره: اوووب اوب راقدهه
رقدت لحزت الغدا ووصلو زايد وامه وتغدو يميع
والظهر كل حد فبقعه وغلا راقده
وميره ملانه قالت تطب ع حيره البنات الثانيه تشوف الاوضاع
لفت جدا حيره غاليه ومهره تبا تصرخ وتزيغهن
لكن شافت الباب مفتوح شوي وحس خفيف تجدمت وشافت ظهر بس هاي هب غاليه ولا ظني مهره
فتحت الباب بخفيف بنيه انها تزيغ اللي داخل
لكن اللي صدمها ساره لا مب ساره الجلام اللي تقوله ساره
ساره: عبووود تراك طفرتبيه
ميره وقفت وهي داخل الحيره منصدمه
ساره: هههههههه
ميره فاتحه عيونها ع وسهعن " عبود معقوله ساره رجعت ترمس!!
ساره: لا ما روم انزل اصلا كل حد بصوب
ميره متيمده وتحاول تقنع عمرها" لا لا هب عبود ولد خالتي مسسسستحيل"
ساره: عبوووود شفيك والله اميه وامك وخالاتي كلهن تحت
ميره وصل الكيج ميتين والشرار يطلع من عيونها
ساره: هههههه اوكيه يلا باي
ساره: وانا بعد احبك
هنا ميره ما رامت تسكت اكثر ضربت بالباب باقوا ما عندها وهي تسكره
طاح فون ساره بدون ما تصكر المكالمه: م مم مير ااا
ميره وعصبيه الدنيا كلها فيها: هيه نعممممممممممم ميررااا
تجدمت ميرا وبدون اي تفكير عطت ساره كفف محترم صرخت منه
وعبدالله يسمع وجنه هالكف فيه
رفعت الفون: يالحقيرررر
عبدالله محرج من الكف: ما الحقير غيررررج
ميره: هذي اخرتها ي عبود تلعب ع بنت خالتك
عبدالله يحاول يهدي عمره: ميره لو سمحتي حسني الفاضج
ميره: سرررعه الحين ابا اشوفك
عبدالله بطوله بال: تعالي المبرز الشباب فالحير
صكرت فويهه وهي تلف ع اختها اللي تصيح بالارض: انتي حساابج بعدين
ظهرت من الحيره وددقت بالباب بقوووه
ونزلت تحت
طلع هناد من الحيره معصب: منوووو ها يدق بالبيبان
غاليه وهي يايه من تحت: م اعرف شكلها ميره لانها نازله مفوووله
هناد عاقد حياته: ميراا
غاليه: هيه
هناد: تعالي انتي اباج بسالفه
< بنخلي سوالف غاليه وهناد لبعدين المهم انه غاليه ما شافت ساره وهي جانت رايحه جداها>
ميره فالمبرز: انته شووووووو
عبدالله: ميرا هدي وخل افهمج السالفه
ميره: شووو اهدددي تبا تلعب ع اختيه الغبيه وتقولي هدي
عبدالله: بس ي ميرا انا واللـ
ميره قاطعته بنفس العصبيه: جــــــب لا تحلف ولا تقولي تحبها
عبدالله حاول يرمس وبعدها قاطعته: انته تستهبل شوووو استحى ع ويهك عمرك بيوصل ال 25 سنه وتبا بنت بعدها مراهقه هب عارفه الصح من الغلط
عبدالله جتف ايديه: خلصتي
ميره: ع شو ناوي
عبدالله: ميره بقولج كلمتين وعقبها سوي اللي تبيه سااااره انااا احبها واباها وما يهمني عمرها وانا هب خايف منج سوي اللي تبيه
ميره : يعني عادي اخبر
عبدالله ببرود يجتل: طبعا عادي لاني بقول لمايد يصبر هالسنه ويشوف جان ماييت جدام بيتكم اخطبها
ميره عقب ما هدت: يعني انته صدق تباها !!
عبدالله بحب: والله العظيممم احبهااا وادري ان اللي اسويه خطاا لكن والله هب قادر
ميره بعقلانيه: حتى ولو ي عبدالله اذ تحبها من خاطرك صبر جم اسبوع وتدخل الثنويه وبيجى لكم سنه
عبدالله جبس
ميره: آسفه اني زاعجت جي ترا والـ
عبدالله قاطعها: ادري من خوفج عليها وخلاص م برمسها من اليوم وساير
ميره: احسن لك ولها
عبدالله بعصبيه: ويويلج لو جربتين تصكيها عقب ذاج الكف
ميره بابتسامه: م عليك ساره فطينه ما بتزعل
عبدالله بضحكه : انجلعي الحينه راكب راسي الف بليس اقوم اشخطج كف ع الويه فارجي قبل لا انتقم لحبي
ميره تضحك: زين زين ي روميوو
عبدالله يرمس عمره: آآه ي جولييت اكيد يالسه تصيح

رد: رواية حبه لبسني لبس يني لبس الخواتم فالصبع تم

..
الحب امرأة ورجل وحرمان (بلزاك)
..
بالفعل ساره جانت تصيح
حدرت عليها ميره وبقهر: وين الفون
ساره رفعت راسها بقوه وهي تترجى ميره بنظراتها
ميره صدت ويهها عشان م تضعف جدام نظرات اختها: وين الفوووون
اشرت ساره ع الارض باستسلام
خذت ميره الفون وبحرجه هاديه : هذا لا تحلمين تشوفينه >الفون< لانج هب قد ثقه ودبريلج جذبه تغطين فيها سواد ويهج
.. اكبر خطا التلفون عند المراهقات مهما جانن عاقلات ورزينات عمرهن يساعد ع الخطا , اتقوا الله فبناتكم ولا تدمرونهن بالحريه الزايده او التعقد الزايد ..
الاجواء بارده الظهر
نسير فبيت وديمه خاله غلا واختها وبناتها توهن واصلات
حصه وشوق بدن حش وطنازه وضحك
مريم صاخه كالعاده
اموله تسولف ويا خالتها وامها
حدر محمد وسلم وردو السلام
سلمى: شخبارك ي محمد
محمد عيونه ع حصه: الحمدلله بخير اخبارج انتي
سلمى : الحمدلله
وديمه: بووي حمود وين اخوك
محمد انحرج: اميه شو حمود ريال شطولي انا
ضحكوا كلهم وهو يسرق نظرات لحصه
محمد: بس بس عاد محد يسويلكن سبب .. سعد قايل انه ساير عيمان ويا واحد
ويرفع حايبه حق مريم: يعني ما بيي اليوم
مريم عطته نظره بمعنى عن قله الادب
ويلسون يسولفون عقب طلع محمد وراحن البنات فوق سوالف ومصخره
الساعه 11 بالليل بيت اليد فاضي وبيت وديمه فاضي
..
مرن اسبوعين
وفالجامعه يوم الاربعاء
غلا: ميروه باجر ببدا اتزهب شرايج اتيين ويايه
ميره: حلو بس منوه بيبني
غلا: خلي ميود اييبج انتي وخالتيه
ميره: ميود هاه
غلا: جب جب من قبل اسميه ميود
خمايل <ربيعتهن فالجامعه> : يحظج ي غلا جان بتاخذين ذاج المزيون
غلا بغيره: انتي وين شفتيه
خمايل بابتسامه: اشوفه يوم ايي يشل ميره مرات
ميره تدق جتف خمايل: هيه وبعد ميود يسلم عليها تعرفين طبعه
غلا بحرجه: اعرفه فاصخ الحيا
ضحكن ميره وخمايل
خمايل: هههههه بلاج غارت العروس والله ما شفته بس ميروه تحط صوره ع الواتس
غلا لا إرادي : وانتي شعنه تحطين صوره واللي عندج كلهن بنات
ميره: لانه بعده هب ريلج واخويه وكيفي
غلا: جب جب اصلا ما يخصنيه
ضحكن عليها
ميره: ها تبينيه اسير وياج ولا تعايزتين
غلا: اهاااا يعني عسب جي تسوين هالحركات لا عيونيه بتسيرين ويايه وغصبن عن خشمج
خمايل: باجر انا بسير الكارفور تعالن هناك
ميره: حلوووو
غلا: ايوه جي بنتيمع
ميره: خمايل ترا امهاتنا اكيد ويانا
غلا: عادي شو يعني نحن بنخليهن وبنسير نتسوق
خمايل تفكر: اممم
غلا: بليززز بليزز
خمايل: اوكيه
ميره: تمام عيل
غلا: ياله عيل نلتقي باجر العصر
:باااي
ورجعت البيت
انسدحت ع شبريتها
" الحينه انا صدق بعرس آآه ي هزاع ليت طيفك يفارجنيه والله الشوق ذبحنيه هب قادره اكرهك ع اللي سويته ولاني بقادره احب مايد .. الله يعين ي مايد"
نروح لمكان آخر
اميره لابسه جلابيه ورديه وبيضا مخصره ع الخصر وواسعه من تحت والايدين ضيجات من تحت الجتف ووساع بعد الكوع حاطه بلشر وردي وروج زهري ورافعه شعرها الطويل شوي باهمال ونازلات خصل ع ويهها
يالسه فالصاله
وامها طالعه من الحيره مخلصه صلاه
ورن الجرس
ام حمدان يلست: قومي شوفي منو
اميره بطفش: وين البشكاره
ام حمدان: تسوي قهوه قومي انت يشو فيج الجسح
اميره تلبس شيلتها: قايمه قايمه
تتمشى ع الراحات جدا الباب فتحت وتشوف سعود استغربت ابتسمت له : قرب
" ع فكره من ذاج اليوم واميره كل ما تلتقي بسعود ولد خالتها هو ادمي محترم وودر حركاته عسب جي اميره تعامله اخوها ونست اللي صار وما تشوفه دوم"
سعود بابتسامه خبث وهو يحدر: شخبارج
اميره تمشي : بخير الحمدلله
وصلون وحدر سعود عن خالته وسولف وياها لان حمدان ماحد واصلا حمدان ما يطيقه بعيشه الله وهو ايي بالسنه حسنه سولف وياها لقبل المغرب بشوي وظهر عنها واميره ما يلست وياهم
ظهر ويمشي جدا الباب وهو محرج وهو واصل الدروازه لمحها بعيده عنه بين الشير فالبيت وابتسم جأن الروح ردت له لف ع وراه يتأكد ان خالته ما ظهرت
ومشى جداها
اميره مشغوله تقطع ياسمين اونه تسويه عقد< والله جنت اسويها خخخ كشخه شكله
سعود حضنها من ورا وشهقت اميره بقوو
لفها جداه وبنعومه : اشتقت لج حبـــــي
اميره ترتجف: س سع سعود ش شو ص صار لـ
سعود قاطعها وبغضب راص ضروسه: تحتري انج فتكيتين منيه
اميره: س سعودد لااا تـ
سعود: جـــب ولا كلمه من اليوم وساير انا ارمس وانتي تاكلين تبن سكت لج فتره طويله
ورفع حايبه وهو يتفحصها: واعتقد انج تعرفين تعاملينيه باسلوب شرات الفتره اللي صافت صحح
اميره طاحت دمعتها: ليــش تسوي جي
جدمها ليه وهو حاضن خصرها ولصقها فيه وهو يطالعها بحنااان ونعومه
اميره: سعود دخيلك لا ترجع الاولي دخيلككك
سعود وجنه انتبه حق عمره دزها عنه: قلت ججججب سمعي بقولج بضبط اموري وبيي اخطبج
وبتهديد : وما اعتقد انج بتعترضين
اميره تصيح: بس انا مااااابااااك
سعود: هب بكيفج وتعرفين شو بسوي اذ رفضتي
اميره وهي تصيح بقهر: سوا اللي تباااه انا بخبررر ابويهه
سعود مسك عضدها بقووه وهو يرص عليها: جربين وشوفي شوب يصير
والله وحلفت باسم الله لييب واحد من الشباب شال صورج بايديه وعقب بنشوف
شقايل بترقعينها جدام ابوج
اميره تصيح بتعب
سعود وبدا يدها وخف ع ايدها: لا تعاندين ترا هب لصالحج
طبع بوسه ع خدها وهو يقول : باي حبي
ظهر من البيت بكبره وهي تصيحح من خاطر
حدرت حيرتها من الباب اللي ورا وعقب بعمرها ع الشبريه وهي تصيح
" حراممممم عليككك ما تخااف ربك والله حرامم"
..
مرت الأيام بسرعه وطول هالفتره غلا تقضي زهبتها لكنها جانت تروح السوق وهي هب وياهم خمايل وميره اختارن كل شي تقريبا وكل ما يسالنها تقولهن يمشي ولا زين مالها بارض لشي وودها يتنهي هالعرس بسرعه وما شافت مايد طول هالفتره وتفكيرها كله بهزاع وحبها الكبير له وشقايل بتنساه
..
انتهــــى البارت
ووعد مني لكم ان البارت الياي رح يكون مميز عن كل البارتات اللي طافت
وعسب ما تخترب مفاجأتيه لكم م رح احط مقتطفات
واتنمى تسامحونيه على الفتره اللي رح انقطع فيها
وبإذن الله اول ما ارجع البلاد رح انزل لكم اكثر بارت مميز فالروايه كلها
وان شاء الله يوم الثلاثاء تاريخ 26 بيكون البارت موجود
للعلم ان الروايه على وشك الختام
..
كل يوم تعيشه هو هديه من الله .. فلا تضيعه بالقلق من المستقبل .. أو الحسره على الماضي .. فقط قل توكلت على الله
د/ ابراهيم الفقي
..
شو رايكم فالروايه بشكل عام؟!
اتمنى ارجع والقى ردود تفرحنيه وتنسينيه مجهوديه
واترك لكم حريه التعليق
محبتكم وكاتبتكم المخلصه :
بنت الأياآويد

رد: رواية حبه لبسني لبس يني لبس الخواتم فالصبع تم

تسلمين كاتبتنا و م قصرتي ع البارت بس حرام ليش جيه الروايه بسرعه بتخلص بعدنا تو الناس ،وحبيت انتقد كمن شي وان شاء الله تتقبلين اللي بقوله برحابة صدر مثل م يقولون المهم احس شي وايد عوايل ف الروايه مالهم داعي دار مخي منهم ،وبعد هزاع وينه اختفى م قمتي اتييبن طاريه ووايد سرعتي الاحداث من اختفى هزاع اختفى الاكشن وياه ،وان شاء الله البارت الياي يكون احلى واطول واكشن اكثر بعد مثل م تعودنا ع البارتات الجديمه ،تسيرين وتردين بالسلامه فديتج ومن تحصلين فرصه نزلي لنا اللي تقدرين عليه وشكرن لج *قلبين زرق*..

تحياتي واشواقي ( بنت آل نهيان )

رد: رواية حبه لبسني لبس يني لبس الخواتم فالصبع تم

اللله الروايه تجننن

رد: رواية حبه لبسني لبس يني لبس الخواتم فالصبع تم

وينج اتاخرتي

رد: رواية حبه لبسني لبس يني لبس الخواتم فالصبع تم


العفو حبيبتي بنت آل نهيان وانا اشكر تواجدج الدائم اللي يسعدنيه من خاطر
ولا تخافين م رح تخلص ع طول لكن انا م حبيت اطول وايد لاني لاحظت فجذا روايه ان الناس تنتقد طول الروايه المبالغ فيه وان شاء الله الروايه ما رح تطول وايد وبنفس الوقت بعدنا مشوار
واكيد اتقبل كل اللي تقولينه وهذا مطلبيه انيه اسمع رايكم وتعليقاتكم واستفيد منها
صدقتين فكثر العوايل وهالمعلومه انا لاحظتها متأخر بس ان شاء الله اتفادى المبالغه ورح ابسط اكثر
هزاع هو سر غموض هذي الروايه فشي طبيعي يختفي ويرجع لكن صدقينيه بيثبت وجوده بقوه بعد البارت ١١
ما اقدر اقولج ان البارت ١١ فيه اكشن لكن الاكيد ان اللي بعده رح يرجع غموض واكشن الروايه حتى تنكشف الحقيقه ، وعذرينيه ان البارت اللي تنتظرينه مافيه اكشن وفيه نوع ثاني اتمنى ينال اعجابج
وانا عند وعدي البارت ورح انزله
اشكرج غناتي علني لا خلا من ردودج

رد: رواية حبه لبسني لبس يني لبس الخواتم فالصبع تم

تسلمين حبيبتي ردج يسعدنيه

رد: رواية حبه لبسني لبس يني لبس الخواتم فالصبع تم

حبيبتي انا م تاخرت انا استأذنت منكم وعطيتكم موعد التنزيل بآخر البارت
والحينه بنزل البارت اتمنى اشوف ردح غناتي
دمتي طيبه

رد: رواية حبه لبسني لبس يني لبس الخواتم فالصبع تم

السلام عليكم ورحمة الله وبركاته
حبه لبسني لبس يني..لبس الخاوتم فالصبع تم
روايتيه الرومنسية والغامضة
البارت الحادي عشر
..
إذا أحب الرجل امرأة سقاها من كأس حنانه ، وإذا أحبت المرأة رجلا أظمأته دائما إلى شفتيها (بيرون)
..
اعتذر من الجميع لانقطاعي هذه الفتره.
مع كل حبي وامتناني إلى كل متابعاتي إليكم هذه الملحوضه حول البارت:
مثلما لاحضنا فالبارتات السابقه ان الغموض طغى ع الروايه بشكل اكبر حول شخصيتنا المجهوله <هزاع> في هذا البارت والذي وعدتكم يكون مميز بيكون مختلف عن باجي البارتات حيث ان الرومنسيه بيكون لها النصيب الأكبر
والنقطه الاخرى ان في هذا البارت سنقوم بتجاهل جميع الشخصيات اللي سنعود لها فالبارت الثاني عشر وسنركز على شخصيتين فقط (مايد:غلا)
البارت جريء جداااا .. انا هب مسوؤله عن حد ولا اتقبل أي انتقادات حول جرأته لأني حذرت .. واللي مفكر ينتقد يكرمنا من الحينه ولا يقرا البارت من امهه .. واي انتقاد فالكومنت رح اتجاهله ولا اعيره اهتمام.
وللي اعجبتهم الروايه ولا يريدون قرآءه هذا النوع من الجرأه يقدرون يطوفون هالبارت ولا رح يخترب نظام الروايه عليهم مول الا الجزئيه الاخيره من البارت
اتمنى ان يترسخ هذا البارت في اذهانكن وان يكون حقا مميز في الروايه وشكرا
..
تاريخ 1/6 اليوم الموعود
يوم زفه :
مايد واللي نجهل شو يدور براسه
غلا اللي م تفكر الا بحبها الاولي
..
واقفه جدام المرايا بفستانها الابيض بتصميم فرنسي انيق وراقي
مزموم من ع الصدر بشكل ملتف وينزل لتحت بقماش دانتيل فرنسي هب منفوش ولا طايح وسط وله ذيل صغير كعب ابيض راقي وهادي
شعرها صابغتنه بندقي وطالع رهيب رافعتنه بتسريحه اوروبيه مع الطرحه اللي فضلت انها تكون قصير عسب ما تثجل عليها فضلت انها تحطي كرستاله ع شكل ورود ع الينب بدل التاج
الميكب زايد بيضاها وبراءتها مع بلشر خفيف والاي شدو ناعم وايد بتدرجات الرصاصي والابيض والآيلاينر مبرز عيونها السود ورموشها الطوال
ابتسمت بحزن وبانت الغمازه فخدها اليسار
نزلت نظرها لمسكتها اللي بين ايدينها المحنايه واللي عباره عن ورد ابيض واحمر مربوط بفيونكا بشكل بسيط وراقي
اندق الباب وردت بنعومه: تفضل
حدرت ميره: ي هلاااا بالعروس يااااي غلاوي تهبلين قمر ما شاء الله
ابتسمت غلا بمجامله
ميره امسكت ايدينها وراحت ابتسامتها: ادريبج خيفانه ومرتبكه .. لا تحاتين حبي ان شاء حياتج تكون مثل ما تريدين وادريبه مايد ما بيقصر عليج بشي
حضنتها وعيونها تلمع دموع " آآه ي ميره لو تدرين ان قلبي اللي بيقصر بحق مايد
ميره ودرتها: افاااا كله ولا الدموع لا تخربين هالجمال والزين
غلا ابتسمت بضحكه وهي تمش الدمعه قبل ما تنزل
ميره: سمعي الحين بيينج الجيش الارهابي وبينسنج الخوف
ضحكت غلا ع دخله الجيش ع قولتها
كل البنات تيمعن عليها يرفعن معنوياهتا وهي تتضاهر بالفرحه جدامهن
عقب مده رجعت الغرفه فاضيه ويلست غلا ع الكرسي تحتري اللي بيزقرها
رجعت عليها فهالحضه ذكرى هزاع اللي ما تفارقها
تذكرت ابتسامته وهو ياشر لها من الدريشه وابتسمت
تذكرت يوم جانو بين النخل وقال لها: هششششش لا تخافين منيه انا اجتل عمري قبل م اأذيج
" انته اذيتنيه ي هزاع ليش سويت فينيه جي ليشششش
وتتسترجع احلى موقف بحياتها كلها:
غلا لاصق راسها بصدر هزاع اللي هب منتبه ويطالع زايد لين م دخل
غلا رافعه راسها تطالع لحيته اللي م ينشاف غيرها بسبه الضلام وهو لاصق فيها
هزاع جبس وشافها مسطعه ابتسم .. ولف ع ويه سرعه
غلا مستحيـــــــــــــــــه: أا
هزاع وخشمه لاصق فطرف راسها ويشم ريحتها: ادمنتج ي غلا والله ادمنتج
غلا ذاااااااااااااااااايبه: ممكن تبعد
هزاع: ممكن احضنج
غلا: لا خووووز
هزاع: دخيلج
غلا استغلت الفرصه: بشرط
هزاع: آآآمري
غلا: م عاد اشوك ولاتشوفنيه
هزاع: بس تم
ولا عطاها فرصه إلا هو حاضننها وهي نصخها يزيد : بس عااد
هزاع: خلينيه اروي ضماآي يعل عيني م تشبع من شوفتج
غلا بتموووووت ولا رايمه تنطق
: الساعه ثلاث ضبط يتصل ع فون ميرا
راص عليها بقووو شوي ويدخلها داخله : احبج ي اغلى من سكن الفواد
احبج ي اغلى من سكن الفواد
..
ابتسمت " وانا بعد احبك ي هزاع وربي اني احبك ولا اشوف حد بهالدنيا غيرك"
رفعت راسها للمرايه ويوم شافت ويهها المبتسم حست بالقهر بالاهانه بالذل
تشوف نفسها رخيصه اللي اسمه هزاع لعب لعبته وراح وانا اعترف بحبه وابتسم
مستحيل اخلي مايد ضحيه حبي لهزاع رح اقوله واللي يصير يصير مابي اعيش
وياه وانا قلبي عند غيره أنا آسفه ي مايد قلبي هب تحت امري آســــفه "
..
حدرت امها بابتسامه: فديتتتت بنيتيه والله
غلا بابتسامه وفرحه من الخاطر لانها تشوف فرحه امها: يفداج الكووون يالغاليه
حضنتها امها: امايا لا تصيحينيه امبونها واقفه الدمعه بالغصب
ام هناد ودرتها وهي تمش دموعها بنبره صياح: هب بايدي ي بنتي انتي الغاليه
وايدها ع خد غلا: انتي حبيبتيه وضنآي
غلا ابتسمت ولمعت الدمعه فعيونها
ام هناد: بالتوفيج ي عمري متاكده ان مايد بيصونج وبيحطج بعيونه
غلا: ان شاء الله
ام هناد: ياله الحينه لازم تظهرين
" الحين حسيت بعصوبه الموقف هب صعب شرات ما جنت اطالع مايد بالمحكمه واوقع ع ارتباطنا هب صعب شرات ما مايد حاول يسوي سواته فيني هب صعب شرات يوم الخطبه هب صعب شرات أي يوم شفت فيه مايد
.. احس ريولي ثجيله
هناد وسعدوش قابضينيه من يانب وغاليه وايهم من يانب
الناس حوليه وييببون وهللون ويباركون والعيال يضحكون والورد بكل مكان والفلوس تتناثر
..انا هب قادره امشي اصعب يوم بحياتي
.. انا امشي بريوليه جدا انسان م حبه قلبي
.. انا امشي بريوليه وابتعد عن اغلى من سكن لفواد
وصلت الكوشه وهالافكار براسها
هناد لف بيطلع " لا هناد لا تروح انته عزوتي ودنيتيه كلها تعال
انا ماباه هنااااد تعال .. ودي اصرخ واستغيث باخويه لكن الصوت هب راضي يظهر
يلست والناس يسلمون ويباركون لها وهي تبتسم
ودي ارد عليهم التبريكات واجامل لكن الصوت هب راضي يظهر
اسمع حرمه تقول حق اللي حذالها شفيها م ترد وعذرتها باني استحي
لا قولولها انا ما استحي انا هب قادره ارمس ابا ارمس وينكم انا ليش ابتسم
تبتسم لحظها العاثر تبتسم للحب اللي مخبيتنه بقلبها للانسان غير اللي بيحدر عليها الحينه..
حدر مايد وعيونها بعيونه " ها ريلج ي غلا ارضي بالقدر
صار مجابلنها وهي واقفه باس يبهتها وهي مغمضه
تتمنى تفتح عيونها وتلقى ها كله حلم ويكون هزاع حذالها
لاكن للاسف فتحت عيونها ولقته مجابلنها ومسك يدها ويلس حذالها
يلسو وصورون وهي جنها صنم بس تبتسم والف فكره براسها بعكس هدوءها
قالولها توقف ووقفت والاكيد ما فاتها برود مايد وهيبته
مايد: غلا غلا
صحيت ع صوته: هاه
مايد: غلا شفيج بنقطع الكيك
غلا: هاه هيه يلا
مسكت السجين وحط يده ع يدها وهي تتصرط
" اتمنى احط هالسجين برقبتيه ولا اني اعيش ويا غير هزاع .. غلا انتي شو تقولين زوجج مجابلنج وانتي تفكرين بغيره"
خلصو تقطيع الكيك وركزت وياهم وهي تطرد هزاع من ارسها
لقمها الكيك ولقمته شربون العصير
وقبض يدها ورجعت لسرحان
تشوف امها تودعها وهي حتى هب قادره تفهم اللي تقوله امها بس اعتقد انها توصي مايد عليه .. آآه ي اميه شوفي حال بنتج
حدرو حيره وياهم المصوره وهي تقولهم وهم يسوون وهي تصور
مايد : بس ياله
قبض ايدها ومشاها لسياره وغلا جنها دميه متحركه م نطقت بكلمه
..

رد: رواية حبه لبسني لبس يني لبس الخواتم فالصبع تم

ما أقوى الحب ، فهو يجعل من الوحش إنسانا ، وحينا يجعل الإنسان وحشا (شكسبير)
..
وصلون للفندق وهي لازالت مفهيه
مايد: غلاا غلاا
غلا رفعت راسها وتوها تنتبه للي يناديها من فتره
مايد: شفيج انتي عذبتيني ترا
جبست بلوم
مايد حس فيها: ياله وصلنا الفندق
نزلت وراه ومشت وهي تحاول تصحي عمرها
واخيرا استفاقت وشافت الواقع يوم سكر مايد باب الغرفه
حست انها صدق عرست وان هزاع لا يمكن يكون لها وان مايد
مايد يتجدم جداها وهو مبتسم ويحط عقاله ع الكرسي
ودي امنعك ي مايد ودي اصرخ واقول ما بيك ودي اقولك خوز عنيه ما بيك
مابيك .. كل ها فالخاطر لكن فالحقيقه هي مستسلمه للامر الواقع ولمايد
" ............................
انتهت ليلتها وهي تردد اسم هزاع بحسها وجنها تستغيث فيه
..
فتحت عيونها ورجعت تغمضهن بكسل
صحصت شوي وشافت المكان هب حيرتها ها فندق يعني اللي صار البارحه صدق
اثبت لها وجودها بحضن مايد اللي بعده راقد
طاحت دمعه ع خدها واخيرا تعبر عن حزنها ويأسها لفت الفراش ع جسمها
وحدرت الحمام" وانتم بكرامه" شغلت الدش وهي تضم دموعها وشهقاتها فالماي
تصيح وتفكر شقايل بتقوله آخر شي قررت انها تسكت لحد ما يرجعون من سفرتهم
وعقب بتقوله انها تحب غيره وحتى لو كرهها وحقد عليها او حتى طلقها هب مهم
المهم انها تريح ضميرها وتعترف قبل م يفشي هزاع بسرها لزوجها
ظهرت من الحمام وشافت مايد فاتح عيونه وهو لازال ع الشبريه
شافها وابتسم وهي تجاهلت نظراته ووقفت جدام المرايا وهي لافه الروب عليها
سحت شعرها ببطء وهي تعرف انه يراقبها عقب ملت منه وهي تباه يحدر يتسبح
عسب تتلبس
واخيرا تجرأت ولفت جداه: ما ودك تقوم تتسبح
مايد نش يتثاوب: آآآآآه .. تجدم جداها: لا والله ما ودي
خافت من نظرته ورجعت تلف جدا المرايه عسب تسوي نفسها تسحي شعرها
مايد حضنها من ورا: بس عاد هلكتيه هالشعر
خوز المشط من ايدها: روح تسبح
مايد وهو يبوس رقبتها: مابا
غلا فهمته: مايد توني متسبحه
مايد: محد قالج تتسبحين انا م شبعت
غلا : بس امســ
قاطعها مايد: امس انتي رقدتي سرعه وانا من سنين حارم عمري
غلا بترجي: مايد يسد اليوم
مايد وبعده يبوس رقبتها: الساعه تسع سفرتنا معناته م عندنا شي نسويه الحين
غلا تدور عذر: انا يوعانه ابا اكل
مايد سحبها ع الشبريه: لا حقين عليه الاكل
و ..............
الساعه 11 وشي بعد عنها
غلا تنفست بقهر
مايد والحقد فعيونه صارن عيونه بعيونها: انا ترفضينيه ي غلا
غلا الحين ادركت ان مايد ناوي ينتقم : مايد انا
مايد: جب ولا كلمه هب انا ولد سالم ترفضينيه ي بنت ابوج
غلا انترست عيونها دموع: بتضربنيه
مايد ابتسم: طبعا لا الريال ما يمد ايده ع حرمه , لكن اليوم كله عقاب لج ولا برحمج لا اكل ولا غيره ولا تحلمين تقولمين من هالشبريه لساعه ثمان
غلا: بسسس ان..
مايد قاطعها وصبعه ع اثمها: هششش انا ريلج وانتي تلبين طلباتيه والحين لو سمحتي سكتي
غلا دموعها اربع اربع تدعي عليه وهواجسها بهزاع
"..........................
الساعه ثلاث ضبط قام : سمعي الحينه عندي شغل عشان سفرتنا بروح وبرجع وما انصحج تتسبحين لاني برجع اكمل
غلا تصيح: حرامممم عليك تعبـــــت
مايد مبتسم: وهذا المطلوب
خذ شور سريع وهي تصيح بمكانها وتلبس وطلع
قامت من مكانها وهي متقززه من نفسها الضعيفه حدرت الحمام عناد فيه وتسبحت
ظهرت الساعه خمس !!! تسحيت ودهنت جسمها ع الراحات وقامت تدور فالجنط
عن كندوره مخوره عشان تعاند وما لقت .. اللي مزهبه جنطها ميره ما محطيه غير
بدلات وملابس نوم لاعت جبدها وهي ترفع واحد من القمصان
اسود وفيه سيور حمرا شفاااااااف ولا جنه موجود تطالعه بتقزز وهي ناويه تعقه
فالزباله وما حست باللي حدر : الحين بتلبسين ها
غلا : لاااااااااااااااااا
مايد ييلس ع الكرسي وهو يغيضها: بتلبسينه ومن فوق خشمج بعدد
غلا بعناد: ما بلبسه لو تموووت
مايد وقف وجابلها: اوكيه ع راحتج انتي تختارين يا نكمل ولا انج تلبسينه ونيلس لساعه ثمان
غلا خلاص منقهرررره كل خيار ازفت من الثاني
مايد جتف ايده: ها اختاري
غلا وهي تلعنه بحسها: بلبسه
مايد بأمر: سرعه
غلا حدرت تبدل وهي تغايضه"سرررعه" حيوان حقير اكرهك اكرهك
طلعت وهي مسسسسسستححححيه وغاديه حمراااااااا
مايد يوم شافها هب قادره ترفع راسها حتى: تعالي بنيلس فالصاله عن اتهور
مشى لصاله الجناح ةهي تربع وراه زايغه من كلمه بتهور
يلس ويلست ع كرسي منفرد
مايد بأمر: تعالي يلسي هنيه
غلا تطالعه بقهر قامت ويلست ع نفس الكرسي بس بعيد شوي
" قررت انها تنصاع لأوامره لمده اسبوع وعقبها بتعترف له بحبها لغيره وبتنقلب الموازيين"
مايد وهو يتفحصها: بنوصل الفير باريس
غلا مستحيه: ممكن ما تطالعنيه جي
مايد لف بنظره عنها وهو يقلب بالتلفزيون: الحين شو عايبنج فباريس
غلا رفعت ريلوها ع الغنفه وحطت مخده كبيره فثبانها وهي متحمسه: احبهاااا
مايد لف جداها وانتبه للحركه اللي سوتها عسب تستر عمرها: بس خربتي نظام الرحله
غلا: م يفرق ترا من فرنسا لايطاليا
مايد رافع حايب : يعني ما عندج مشكله فالدروب الطويله
غلا بابتسامه شخصيتها الحقيقيه والطيبه هزت راسها بهيه
مايد: ترا مشوار ساعه ونص اذ هب زياده لايطاليا غير المسافه من بوظبي لباريس
غلا متحمسه: لا تخاف انا صبوره
مايد يطلعها بنظره: لا تسوين هالحركات
غلا ردت ظهرها ع ورا: شوو
مايد تجاهلها: يوعانه؟
غلا: واااااايد
مايد طلب لهم
وهم ياكلون
غلا: من الحينه اقولك الاسواق وهالخرابيط هب شغليه
مايد استغرب: صدددق!!
غلا: هيه والله
مايد: اول مره اعرف انه بنت ما تحب التشري
غلا: ولا الماركات ولا الفلوس يهمنيه
مايد: والله شي طيب عشان ما تخسرينيه
غلا وهي تاكل: لا تخاف ي البخيل انا احب الطبيعه
مايد: عن تغصي ترمسين وتاكلين
غلا: عاده وصخه ما اودرها
مايد استانس لانها بدت تتعود عليه وعقد حياته: انزين بس جب
غلا عصبت" شو فيه هالنفسيه حرام يشوف حد فرحان"
كملو اكلهم ساكتين
مايد: ياله قومي بنلف فابوظبي لين الساعه ثمان
غلا: ابا اروح ملاهي
مايد رافع حايب: انا متزوج ياهل !!
غلا: ما يخصنيه محد ضربك ع ايدك انته تعرف طبايعيه
مايد: لا وانتي الصادقه قمتي تصدمينيه ما جني وياج من نحن وصغار
وهم فالحيره
غلا: المهم نسير الملاهي
مايد رجع يتفحص لبسها: ولا شرايج نتم هنيه احسن
غلا خافت منه: لا لا نروح احسن
مايد تجدم جداها: عن تتعبين فالطياره
غلا: لا تخاف ما بتعب
مايد وهو يحاوط ايدينه فيها: لا بتتعبين
غلا بارتباك: أأ انزين عن تملنيه بعدين
مايد بهيام: مآ عاش من يمل هالزين كله
غلا بترجي : والله مايد دخيلك تعبت ترا بعدين ما بروم امشي حتى
مايد ابتسم: اوكيه خلاص بنروح نتمشى
غلا حضنته لا إرادي ولما انتبهت وتبا تخوز هو رص عليها وجنه بيدخلها داخله
بحنيه: غلا ادري ان اللي سويته ذاج اليوم حرام وما ييوز
غلا حست انه وده يعتذر وتباه يعتذر لكن صدمها بتصرفه لما بعدها عنه بقوه وهو
يقول: لكنج تستاهلين
وبسخريه: ولا تحلمين اني اعتذر لج
غلا انقهررررت منه
مايد وباسلوب يقهر اكثر: وترا ماشي طلعه ولا اباج الحينه ولبسج ها هب حلو
سيري بدليه لوع ليه بجبدي
غلا انصدددمت منه وهي مقهوره ومتفشله ومنجرحه بنفس الوقت
طلعت لها لبس بعصبيه وسرعه حدرت الحمام ومايد وده يضحك عليها
طلعت من الحمام وشافته محد بالجناح بكبره
بغصه: احسن يالغثيث فجججه اكرهك قال انا لوعه جبد قال
تمت ع التلفزيون طول الوقت
" م عليه ميود الجلب انا برويك خل هالاسبوع يخطف ع خير وعقب بتشوف"
نامت وهي حاطه براسها ان هالاسبوع رح يكون احلى ايام حياتها
والله يعلم برده فعل مايد عقب اللي بيعرفه
الساعه ثمان إلا شوي حدر مايد بهدوء وشافها بسابع نومه ع الغنفه
وقف مجابلنها يتأمل ملامحها خوز قصتها من ع ويهها وهو يتذكر فاليوم اللي
جانت منسدحه وتغني وتذاكر كلها ع بعضها جمال آآه كيف احبج ي غلا قصتها
اللي دوم ع عيونها وعيونها السود الوساع وغمازاتها وشفايفها اللي م ودك تفارجهن
وخشمها الصغنون ي رررربي شقايل احبها
وانتبه ع عمرها وقال بصوت عالي: غلاااا
وما من مجيب زعج اقوى: غلااااا .. خيبه هاي م تنش بسهوله الله يعين تولفنا
هزها وهو يزعج
فتحت عيونها ع حوايبا المعقوده وشافيفه اللي م تبتسم الا لسخريه
تضايجت منه ومن اسلوبه لكنه ما عطاها فرصه ترمس
مايد وقف: قومي سرعه ياله بنسير
قامت بتعبت وزهبت الاغراض وحطتهن حذال الباب ومايد م فكر يساعدها وهو
يشوفها انه هب قادره وانهن ثجال لكن طنش
غلا بقهر: خلصتتت
مايد: ياله مشي
نزلو تحت : انتي سيري العامل بييب الجنط وانا بحاسب وبيي
وتوجهوا لمطار ابوظبي الدولي..