رد: رواية حبه لبسني لبس يني لبس الخواتم فالصبع تم

اشكر ردج غناتي ووبنشوف الاجوبه فالبارت الي رح انزله الحينه

رد: رواية حبه لبسني لبس يني لبس الخواتم فالصبع تم

تسلمين حبيبتي ردودكم تحفزنيه وانا ع الموعد والبارت الحينه بينزل
بالنسبه للاجوبه رح تعرفينهن فهالبارت
الله يديم حضورج فديتج
وانتظر ردج ع البارت

رد: رواية حبه لبسني لبس يني لبس الخواتم فالصبع تم

السلام عليكم ورحمة الله وبركاته
حبه لبسني لبس يني..لبس الخاوتم فالصبع تم
روايتيه الرومنسية والغامضة
البارت الثامن
..
احدى اشعار عنتره بن شداد:
• سلا القلب عما كان يهوى ويطلب
وأصبح لا يشكو ولا يتعتب

صحا بعد سكر وانتخى بعد ذلة
وقلب الذي يهوى العلى يتقلب

إلى كم أداري من تريد مذلتي
وأبذل جهدي في رضاها وتغضب
..
محادثه غلا لهزاع
وموافقتها لطلبه
نكمل..
هزاع: وينج
غلا: وياك
هزاع: بقولج
غلا: آمر
هزاع: خلاص ما با اشوفج
غلا: شو صار
هزاع: انتي اللي تهمنيه هب لقاج وانا ما انوي اسويبج شي بس جنت اريد ثقتج فيه
غلا: وانا واثقه فيك
هزاع: علني فداج
غلا: ممكن ي استاذ هزاع اروح ابدل
هزاع: تفضلي
ودرته وبدلت وردت تشوف
هزاع: م خلصتين
غلا ضحكت: خلصت
هزاع: من الصبح مغمض عيونيه
غلا تذكرت الين: دخيلك حلف انك هب يني
هزاع: عندي فكره
غلا بحزن: قول
هزاع: اليوم العصر بيي اشل هناد وبتشوفينيه جدام بيتكم
غلا: وكيف اشوفك
هزاع: خلج ع الدريشه وخليها مسكره المهم تشوفينيه بس اذ فتحتيها عن د يشوفج
غلا: اوكيه
هزاع: الساعه اربع ضبط خلج ع الدريشه
غلا: تمام
..
ميره دخلت الحيره ولقت ساره ع الشبريه منسدحه ومغمضه عيونها بهدوء
عرفت انها هب راقده ويلست ع طرف الشبريه: ساره
ساره فتحت عيونها
ميره مسكت ايدها: انتي وايد متغيره
ساره سحبت يدها بضيج وصدت ع اليانب الثاني
ميره: انا ادري ان عبدالله درى عنج
ساره يلست بسرعه: هاه
ميره: يوم شفتكم ذاج اليوم هددنيه اذ خبرت مايد رح يخبر عني اني اعرف بهالشي وساكته
ساره انترست عيونها دموع
ميره اول مره تشوف اختها جذا " وين ساره اللي يحبونها من ربشتها وين ساره اللي تلفت بحضورها وين ساره اللي ما يزعلها شي وين ساره اللي ما توقف ضحك
ميره حضنتها: بلاج ي اختيه
ساره شدت ع ميره وجنها تباا حد تريح له همها
ميره تمسح ع ضهرها وهي حاضنتنها: ساره حبيبتي قولي ليه شو صار
ساره تبعدت عنها شوي غطت ويهها بايديها وهي تصيح: انا حبيت ي ميره حبيت
ميره انصدمت !!!
ساره خوزت عيونها وهي متمسكه بايدين اختها: غدر بيه يا اختيه قوليليه شسوي حبيته والله حبيته
ميره وقف وخوزت يدين اختها وبحده: وعبدالله درا بهالسالفه
ساره تهز راسها بهيه وهي تصيح
ميره بعنف: انتي شووووو تبين تدمرينااااا انتي شووووو
ساره تمسكت فيها: ميره دخيلج انااا بـ
ميره دزتها عنها: خوووووزي عنيه انتي زودتيها وايد ياما قلت لج ي ساره اللي تسويه خطا بس انتي راسج يابس .. وبصوت مقهور: تحملين نتايج افعالج
وظهرت عنها
ساره دفنت ويهها بالمخده وبصياح" آسفه وربي آآآآآسفه ي رب سامحنيه ياااااا رب
..
نصيحه مني:
اذ شخص غلط وحسيت انه ندمان لا تقنعه بنسيان الموضوع حسسه بالغلط اللي هو ارتكبه عسب يعرف ولا يفكر ينسى اخطاءه
..
منصور دق جتف ربيعه: شوي خلوووف برمس ولد عمي وياينكم
شاف مايد جدام محل يشرب ديو ماسك فونه
منصور: سلام
مايد: سلامين .. انته شتسوا هنيه
منصور: احوط ويا ربعي
مايد: يا سلام ع حواطه نص النهار
منصور: اونك ترا حتى انت هنيه
مايد: انا اقضي حايه
منصور: والدوام
مايد: توني طالع منه والحين مويه جدا البيت تقرب ويايه
منصور: لا والله انا من ظهرت من الامتحان م رجعت البيت
مايد: نصور ودر هالحركات اهلك ما عايبتنهم تصرفاتك
منصور: شسويبهم يبون يحبسونيه فالبيت جنيه بنت
مايد: بس هذول اهلك وادرى بمصلحتك ولو انك مهتم بدراستك شوي تغاضون عن حوامتك
منصور: اففف ميود ها موال ابويه حتى انت صرت مثلهم
مايد ضحك: ما يعيبك الحق
منصور: اقول شصار ع سالفتنا
مايد: هيه االحين بخطف عليه اليوم ان شاء الله وبلاقيك بالليل
منصور ضحك بخبث: اكيد اخخ ي الشيطان
مايد: وانت الراس المدبر
منصور: والله بينجلط الريال
مايد: هههه اليوم لازم يدفع دينه ليه
منصور: هه هياله وانا بساعدك بالخطوه اليايه
مايد: تمام برمسك عقب عن اتخر عليه
مايد ركب سيارته وراح صوب ربيعه
..
منصور راح ويا ربعه ودخل البيت بهدوء
جابلته امه
منصور تصرط وابتسم: هلا وغلا بالوالده هلا بالعزيزه الغاليه
ام ناصر محرجه: وينك من متى
منصور: يمممميه بعدها الساعه ثنتين
ام ناصر: منصور انت بتجلطنيه
منصور: حشاااا والله شعنه هالرمسه
ام ناصر: ي بوووي منصور تراك هب صغير لا تسوا بيه جذا باجي لك سنه وتخلص المدرسه..
منصور عرف الموال بيبدا: انزين اميه انا يووووعااان
ام ناصر عرفت انه يغير السالفه: الله يهديك
منصور: وين نصور وحرمته وميثوه
ام ناصر: تغدينا عنك كلو وحدرون حيرهم
منصور: وانتي!!
ام ناصر: انا احتريك
منصور يحب راسها: علني فدااااج بس ياله نتغدى
ام ناصر: صليت؟
منصور يستعبط: هاه
ام ناصر: منصووووور
منصور: والله ي ميــه نسيت والله بصلي وبيي
ربع فوق قبل المحاضره صلى ونزل وتغدا ويا امه وراح يرقد
..

رد: رواية حبه لبسني لبس يني لبس الخواتم فالصبع تم

غلا فحيره هناد: متى بنسير عند خالاتي
هناد: ابووي وين
غلا: انت تعرفه ما بيسير هناك دومه هب فاضي هناد دخيلك من زمان ما شفناهم
هناد: اففف غلا عن الصدعه
غلا : شلناااا
هناد: غلا جم مره قلت اليوم عندي شغل
غلا: هيه شغلك ربعك
هناد: غلاااااا ظهررري قبل م احرج عليج
غلا: دومكك جيه تتحرا عمرك شي مغروووور م ادل ع شووو
هناد ببرود: آآآوت
غلا: ما عليه ي الخقاق اونه يقراا كتب
هناد: يلاااا برعععع
طلعت
اندق الباب
هناد عرفها: حدري غاليه
غاليه دخلت بادب: مساء الخير
هناد: مساء النور لا تقولين غلا مطرشتنج
غاليه صكرت الباب ويلست ع كرسي : من متى انا اسمع شور غلا
هناد: ههه شو عند
غاليه: ملانه
هناد: روحي نامي
غاليه: تعرفنيه م احب رقاد الظهر
هناد: شسويلج انا
غاليه: هناااد
هناد رفع عينه عن الكتاب: نعم
غاليه: متى بتعرس
هناد حط الكتاب: تعالي
جدمت الكرسي جداه: اسمعك
هناد: انا براسي وحده بس لازم شورج
غاليه: ياله قوول
هناد: انا ابا ..
غاليه فجت عيونهااااا ع الآخر: من صدقكك
هناد: من متى انا اتمصخر
غاليه وحلجها مفتوح: توقعت الكل إلا هي
هناد: شرايج
غاليه: م ادري صدمتنيه والله بحياتي ما فكرت فيهاا
هناد: انزين شرايج فيها يعني
غاليه ضحكت: وربي ان عليك ذوووق يخبلللل
هناد رافع حايب: من يوم يومي
غاليه: ما اعتقد حد فكر جيه
هناد بتردد: خبرتها اني اباها
غاليه: شوووووووووووو!!!!
هناد: لا لا يعني بطريقه غير مباشره وهي فهمت اكيد
غاليه: والله حيرتنيه انا اشوفها بريئه م رح تفهمك
هناد: م اعرف والله انا استشرت حد وقال لي اخبرها
غاليه: منو استشرت
هناد: ميره
غاليه ضحكت
وكملون سوالفهم
< غاليه مطيعه وشخصيتها كول ورقيقه عسب جي هناد يرتاح لها لنه يحب الهدوء والرزانه بعكس الخبله بعيونه غلا >
..
غلا تنتظر العصر بفارغ الصبر
وكل شوي تشوف الساعه
دخل سعيد
غلا: شعدوووووووووش زيغتنيه
سعيد: ملان
غلا: انا تحريتك مت انت مالك حس مول
سعيد: يومج قبل يومي
غلا: شو تبااا الحين انته
سعيد: ابا انتحر
غلا !!
سعيد يضحك: شو ابااا يعني بلاج جي فجيتين حلجج ابا واير الشرج مال فونج
غلا: ليش
سعيد: شرج ايبادي اخترب
غلا: افف خده ساعه وحده بس يلا طلع
سعيد شله وهي تدزه تظهره وهو يعاور
غلا: سعدوووش والله ما اعطيك
سعيد: خلاص خلاص
وظهر وشافت الساعه 3:35
غلا اففف خمس دقايق انا بلانيه متخبله اذ مايي لا هو قال الساعه اربع اففف هالوقت ما طايع يتحرك
غلا: وينك
هزاع: شوي واوصل
ورمن الخمس دقايل وغلا واقفه ع الدريشه وترمسه
شوي وتشوف رنج ابيض جدام بيتهم
هزاع: وصلت
نزل من السياره وهو ماسك فونه لابس كندوره رصاصيه وكاب اسود ونظاره سودا فصخ النظاره وهو يطالع ع الدريشه
هزاع: هاه شفتينيه
غلا: شقايل اتاكد انك انت
هزاع: انتي خبله
شافته ياشر لها ب" هلا وبوسه بالهواء
هزاع: وصلتج البوسه
غلا: يب خدي حار
شافته يضحك
هزاع: بس انا ما ابيها ع الخد
غلا: عيل ؟
هزاع ياشر لها ع شفايفه
غلا: بس رووح عن حد يشوفك
هزاع: لا احتري هناد
غلا تطالع فالبيت: هاه طلع بس ركب السياره عن يشوفك
ركب السياره وهو يسويلها باي
هزاع: بكلمج عقب اوكيه
<< ع فكره ترا ما بنشاف شي من خاري يعني بس هي تشوفه
غلا: باي
عقت عمرها ع الشبريه: ي نااااس ارتتتتحت هب يني .. اخخخ وربي مزيووون " تفكر شوي " بس ميود احلى وفيه غمازات وابيض عن هزاع يوووه وانا شعليه من ميود يزول بس الجلب وه فديت هزاع اصلا اسمه يسد
..
بعد مرور شهر
غلا فالجامعه وترمس هزاع يوميا صارت تعشق شي اسمه هزاع وطبعا ما تشاوفون غير ذيج المره وهي بس اللي شافته لكن عندها صوره
هزاع يعشق شي اسمه غلا وماذينها ما تمر ساعه الا رمسها وعرفها ع اخته عويش وصارت ترمسها بين الايام
رناد المرض يزيد بها وهي مستسلمه له وعلي م يبعد عنها ثانيه والكل درى وزعلون عليها طبعا لانها جد انسانه طيبه ولكن الحمدلله
علي يموت بثرا رناد وواقف ويا بكل دقيقه
منيره عرست وطبعا المعزومين من اللي نعرفهم قم ميرا وغلا والامهات
ساره تعدلت نفسيتها وااايد ورجعت ساره لوليه وطبعا ميره ساعدتها
هناد البنت براسه والوعد جدام وبنشوف منو هي جريب
ميره للافضل للافضل وهي فالجامعه ويا غلا وسوت دليت حق شي اسمه هناد
والايام مرت هاديه وبارده
رناد يتها فتره انتكست حالتها بالقوو ورجعت اهون شوي ع الاقل تقدر تمشي
وسون لها عزيمه الكل يحتريها
لانهم مشتاقين لبعض
..
قال حميد الميباني :
وين خلي ووين معشوقي لي عليه القلب تواقي
وطال دربي وتعبت نوقي قيض والمصهاد حراقي
وشمس حبي هيفت فوقي وغربت من عقب مشراقي
..

رد: رواية حبه لبسني لبس يني لبس الخواتم فالصبع تم

جان المفروض يسونها فبيت فاطمه لكن اليد ما يقدر ايي ورناد تبا تشوفه عسب جي العزيمه ع خليفه وبييبها فبيت يدهم
فبيت اليد الساعه عشر الصبح
اول الواصلين فاطمه وعيالها زايد وماهر وعلي اييوبون البارد وها
فاطمه وام علي وبنتهم شيخه وسلامه يزهبون الفواله فالميالس
رناد حطوها بالحيره اللي فالصاله ووياها شواخ
عقب يو قم موزه
عبدالله يالس ويا يده خاري
مياسه راحت تساعد الحريم وسعيد اونه يساعدهم
وعلي يالس ويا يده وعبدالله
شوي ويوصلون قم سالم
كلهم سلمون ع يدهم
اليد: هلا بمايد اخبارك
مايد: الحمدلله يدي علومك انته ربك بخير
اليد: الحمدلله ع كل حال
ساره حبت راسه: حيك يدي
اليد: ميره؟
ساره: يدي انا ساره
اليد: ما شاء الله غديتين حرمه
ساره اونه استحت
وعبدالله يطالع
ميره حبت راسه: هلا يدي
اليد: حي الله بميره
ميره: الله يحيك
آيه تسحب ميره: خوووزي بسلم ع يدي
اليد: هلا بشيخه الحريم
آيه حضنته
ميره: بيختنج خوزي عنه
اليد: خليها خليها فديتهااا
آيه : علنيه فداك يدي والله اشتقت لك
مايد: ع مكرج
علي: لا تحاولين انا السمي
ميره: سير موت انته وياها محد شل غلاه غلا
مايد: حتى وغلا هب هنيه لازم تدخلها فالسالفه
ميره: والله صدق يدي يحب غلا زود عنكم
اليد: انا احبكم كلكم
آيه: عيل شعنه كل شي عندك غلا
اليد: لنه محد معاودنيه شرات غلا
ميره: وين يدوه
اليد: حدرت تصلي الضحى ولا ظهرت
ميره وآيه سارن
اليد: تعالي بويه ساره يلسين حذاليه
ساره يلست ع يانب وعبدالله من اليانب الثاني
اليد: والله وكبرتين ي ساره
ساره ابتسمت
اليد: احيدج ياهل دوم مستخفه
ساره انحرجت: يــــــــــدي
اليد: دووكم بعد تستحي
جان يضحكون عليها
ساره قامت
اليد: وين ناهيه
ساره: بسير افازعهم
اليد: والنعم بنت سالم سيري الغاليه
سارت
مايد: يدي لا تعطاها وايد ويه بتصدق عمرها
اليد: وانت شعليك
عبدالله وعلي يضحكون بصوت عااالي غياض
شوي ويحدرون قم سيف وغريبه وعلاوي وعواش
وتالي مزنه وعيالها
سلمن وميثوه ومهره ع يدهن وحدرن ومنصور يلس
ربع ساعه جي ويحدرون ناصر وحرمته ويلسون ويا يدهم
وعقب السلام
اليد: اخباركم
ناصر: الحمدلله طيبين طاب حالك
اليد: هاه ماشي فالطريج
ناصر يطالع ميسا : هب جنه
اليد: ياله نبا نشوف عيالكم قبل ما نموت
ناصر: الله يطول بعمرك بتشوفهم ان شاء الله
اليد : ان شاء الله
قامت ميسا
ووصون قم سيف
سلم سيف ويلس وهناد ويلس وسعيد ويلس وغاليه وايه راحت
عاد غلا شيخوزها
ايهم: وااابووي عليج تتبدين الريايل
غلا: سمحلنا الشيخ ايهم ها سلم
ايهم سلم ع يده وجان يبا ييلس حذاله وسبقته غلا
غلا: سمح ليه الشيخ ايهم ها مكانيه
ايهم: مكانج داخل ويا الحريم لكن ما عليه دواج عنديه
منصور: صيدليه الاخ
ناصر بهمس: منيصير اصطلب عرب هنا
منصور: زين زين
منصور: يدي جوكم جيه يقطع النفس ولا شو
اليد: الحمدلله جونا غاوي إلا قول شي بالخاطر
منصور: اعتقد في ناس تسد النفس هنيه بقوم اشرب ماي يمكن تخف الضيجه
شاف ابوه يحره طنش وخطف
منصور يمشي معصب وجان يضرب بمياسه: شعنددددج انتي
مياسه: انته اللي ما تشووف
منصور: ججججب لا تعلين صوتج
مياسه: هب انته اللي يالس تزاعج هب جبك الغلطان
منصور دز جتفها وهو خاطف: قلبي ويهج اقووول
حدر المطبخ وهو يشرب ماي
مايد: انت شفيك
منصور: مايد سير ولا عنيه مابا نصايح
مايد: انت شعنه تسوا جذا
منصور: كيفي
مايد: نصووور
منصور: اففف شتبا الحين
حدرت غلا
منصور: وانتي شعندج بعد
غلا: هب انا اللي تطول لسانك عليه ذلف يديه يباك تشله ماي
وظهرت حدرت الصاله وسلمت عليهم وحدرت عند رناد اللي متولفات عليها البنات وحضنتها
غلا: حياااااااااااااتي اشتقت لج
رناد: وانا زووود
غلا تبوس خدها: الحمدلله ع السلامه
رناد بتعب: الله يسلمكم
غلا: يسلم عليج هناد
رناد: الله يسلمه
ويلسن يسولفن
..
عقب ظهرن فالصاله الامهات متقهويات ويلسن يتقهوين ورناد رقدت
نشت غلا تغسلت ما لقت كلينكس راحت فوت وجان تتمشش وفتحت الفون
هزاع: صباح الخير
غلا: صباح النور
هزاع: شعنه ما تردين
غلا: انا فبيت يدي
هزاع: احبج
ما ردت
هزاع: غلا انتي تحبينيه؟؟
ما ردت
هزاع: غلا انا تعبت ريحينيه وقوليها
غلا " وربي احححححبكككك واموت ي ثراك " وتشجعت لأول مره: هيه
هزاع: شو هيه
غلا: احبك
هزاع ما رد
غلا: هزاع!!
ما رد وشافته هب متصل وين سار ها يمكن انشغل خله برايه
مر اليوم كباجي العزايم البنات والحريم بصوب سوالف والريال والشباب بصوب
طرشت غلا جذا مره حق هزاع وما يرد
باتوا الاولاد بس من عيال اليد > سيف بو هناد ! سالم بو مايد ! خالد بو ناصر <
غلا لساعه وحده وهي تطرش له وهو يشوف بس ما يرد
يالسه خاري والخلق نايمه
واخيرا رد: شو
غلا: وينك من الصبح تشوف ولا ترد
هزاع: شو تبين
غلا: وين سرت
هزاع: شدخلج
غلا: !!
هزاع: افف الحين تطرشين بهالوقت عسب تقولين ليه جذا
غلا: شووو
هزاع: شوشو
غلا: انت بلاك
هزاع: انا ما فينيه شي انتي اللي شفيج ناشبه
غلا: ناشبه !!
هزاع: وانا كل كلمه بقولها بتعيدينها شعندج الحين شو تبين
غلا: هزاع بلاك
هزاع: اووووف قلت لج مافينيه شي
غلا: يعني رجعت النفسيه
هزاع: اي نفسيه اي بطيخ انجلعي اقول
غلا: انت بلاك
هزاع: انتي ما تفهمين ما عندج راس ما عندج كرامه ياخي انجلعي خلاص ماااباج
غلا: انت شو تقول
هزاع: يووه ع اللي ما يفهمون
غلا: يعني بس جنت تحترينيه اقولك احبك وتالي تودرنيه
هزاع: واخيرا فهمتي طلعتي سهله وايد
غلا والدموع ع خدها : انت حقيررر
هزاع: انا الحقير ولا اللي وافقت تنزل عندي
غلا: انت حيوووووووووووواااااان
هزاع: ياله انجلعي ولا عاد اشوفج
غلا: انت جلب الله بيبتليك حقيررررر جلللللب
هزاع: ههههه رخيصه
غلا: الرخيص ويهك ي الجلب
هزاع: ههههههههههه الحين انا تملكتج وما ترومين تسوين ياله قلبي ويهج
غلا: جب ي جلب يخسي انته تملكنيه
هزاع: جب انتي يال ____ انتي اللي رخصتي بعمرج هب انا وحمدي ربج ما خذت منج شي
غلا منهاره : انت خيسيس حيووووان جلب حقيرررر اكرهك
هزاع: ما ترومين تكرهينيه ولا بمعمرج بتحبين غيري
غلا: احب اللي احسن منك يالنذل
هزاع: لا تحاولين ما ترومين انتي بعدج ليه انا بتلذذ بصياحج وانتي ترفضين غيري وانا مااااابااااج انتي بعتي قلبج ليه وحمدي ربج ما بعتي شرفج
غلا: تخسي إلا انته ترمس عن شرفي
هزاع: ههههههههههههههههههههههههههه بعدنيه ما مسحت المحادثات تعطينيه الوقت واليوم
غلا: انت حيوووووان الله بيجازيك
هزاع: هههه شوفي انا سامح لج تتزوجين ولا بسوي شي هذا اذ قدرتي ههههه
غلا: حسبي الله ونعم الوكيل فيك
هزاع: هههههههههههههههههههههههههههههههههه
وتم يطرش فيس يضحك وهي تصيح
مشت دموعها بعد ربع ساعه وراحت فوق
..
الحب هو تاريخ المرأة وليس إلا حادثا عابرا في حياة الرجل / مدام دو ستايل

رد: رواية حبه لبسني لبس يني لبس الخواتم فالصبع تم

..
نامت والدموع ع خدها
نشت اول وحده الصبح ونزلت لقت يدتها خاري
وعقب السلام
غلا: وين يدي
اليد: عند النخل
غلا: انا بسير عنده
وراحت عند يدها مشت شوي بين النخل
جابلتها النخله الي جانوا واقفين عندها وطاحت دمعتها
مشتها بسرعه وهي تشوف يدها يالس ع الفلي
سلمت ويلست حذاله
اليد: بلاه صوتج جذا
غلا صاحت
اليد: لا يكون مايد بس انا ارويه
غلأ: لا لا هب مايد
اليد: غلا من متى وانتي تخشين عن يدج
غلا حطت راسها ع جتفه وسمعها كاتمه صيحتها
اليد: شي يعورج
غلا تخاف ترمس وتصيح
اليد: قلبج
غلا تهز راسها بهيه
اليد: هيــــه ي غلا كبرتي
غلا صاخه
اليد: بعدج بأول الطريج ووايد يدامج
اليد بصوت حنون : لازم نندم مره بتحبين وبتنغدري وبتندمين ! ومره بتحبين وبتصيحيت وبعد بتندمي لكن دامج فالطريج الصح بيي يوم وبيتحبين وبتندمين ع العمر اللي طاف وما حبيتي
غلا هدت: انت حبيت
اليد ضحك: حبيت لكن فزمنا الحب ممنوع
وتنهد: حبيت وما فكرت اني بيي يوم وبعيش ويا غيرها
غلا: وشو صار
اليد: قلت لج جان الحب ممنوع والريال اذ قال حب جنه تخلى عن مريلته
غلا: وشعنه ما تيوزتها
اليد: النصيب يوزوها وانا فرضون عليه بنت عمي اللي هيه يدتج وانا لو رمست بنجتل سكت ما جان لنا حل الا انا نصخ حتى لو الواحد بيموت من ضيجته
غلا ساكته تسمع
اليد: تيزوت من يدج وعمريه عشرين سنه بس وعشت وياها سنين
غلا: حبيتها
اليد: بالبدايه لا ما جنت افكر غير بذيج لكن عقب حبيتها وصارت دنيتيه
غلا تمسكت بجتفه زين وابتسمت
مايد: هيه يدي ضيعها ترمسها عن الحب
اليد: عنبوووه من وين ظاهر
مايد حب راسه والابتسامه شاقه الحلج: شصبحت
اليد: الحمدلله
مايد يلس ع الينب الثاني: يدي لا ترمسها عن الحب بتضيع
اليد يمسح ع راسها: بنتيه عاقله
مايد: هههه انا ما عاقل
اليد: انا ما رمستك انته
مايد: بس انا سمعت
اليد: ذيج الدرب تبا تضيع ضيع
مايد: خيبه ي القصف .. ياله ما مشكله انا عايبنيه ضياعي
اليد: بديت اخاف منك ي الهرم قول شمسوي
مايد: لا والله ما سويت شي ضيعت قلبي عند وحده ما طايعه تلف جدايه
غلا رفعت راسها يوم عرفت انها المقصوده
مايد ابتسم وهو يطالعها: بعدنيه احبها وبيي يوم وبتحبنيه
اليد : الله يعطيك ع قد نيتك
غلا: نيته خبيثه
مايد: نيتي وحده جانت خبيثه ولا زينه اباها اباها
اليد: انته شكلك خبل
مايد: عيل تتحرانيه بسوي نفسك وبسكت
غلا: وشو ناوي تسوي
مايد ضحك: كل شي لين اخذ اللي بخاطري يهبي وانا ولد سالم اسكت عن حقي
غلا: وان جانت هي هب حقك
مايد: اخليها حقي بالغصب
اليد: ماشي بالغصب
مايد: شي يدي شي
غلا تضايجت منه وقامت
اليد: زين جيه قومتها
مايد: شوسيها ما طايعه تفهم
اليد: ما عليك منها تفهم
مايد: عيل شوف شقايل مطنشتنيه
اليد: يمكن تبا غيرك
مايد: لا تحححححلللللم
اليد: الله اعلم ع شو ناوي
مايد: والله لييب راسها ما عاش من يردنيه وانا ولد ابويه
اليد: ما اقول غير الله يهديدك
مايد: يدي شرايك تتوسط ليه عندها
اليد: لا بووويهه انا مالي دخل جان تبا بنصحك غير جذا لا
مايد: انزين اسمعك
اليد: خلها ع راحتها بيي يوم وبتعرف ان مالها غير حبك
مايد: اتخرت ي يدي اتخرت وايد ع هالرمسه انا تهورت وبكمل فهالطريج
اليد: اذ حاس انك ع خطا ودر هالدرب بكبره
مايد: اي شي يوصلنيه لها اكيد صح
اليد ويده ع جتف مايد: سوا اللي تباه بس اعرف حدود الله
مايد: لا تخااف انا ع الصح واللي براسي بسويه
اليد: انت مينون وقاضي
مايد: هههههههههههه ما يقولون الحب مينون
اليد: هــــيه وقمنا نرمس عن الحب
مايد: والله انته صدمتنيه ي يدي ما توقعت ما اول يحبون
اليد: شعنه نحن هب اوادم .. بس الفرق انكم قادرين ترمسون ونحن زمنا منعنا
مايد: خخخخ جان تهورت
اليد: هيه هيه ي ولدي زمنا هب شراتكم
مايد: خل انته ما عليه جان ما خبرت يدووه عن ذيج الحرمه
اليد ابتسم: سير شو تتحرانيه خايف
مايد: كفووو وانا اقول ع منو انا طالع
اليد: ههههههههههه
مايد: زين ييت ي الزفت وين جنت من الصبح
العامل: انا جان في شغل ساني
مايد: شعنه اتسير انت هنيه شغلك ي الهرم مخلي يدي يشتغل
العامل: بس اناا يروهـ
مايد قاطعه: جـــب وياله اشتغل .. قوم يدي نتريق
حدر ويا يده داخل
..
تريقون يماعه وكل واحد ع بيته
قم غلا تغدون خاري عقب راحوا بيت خالهم بو طارق
العصر
سلمون ويسون يسولفون عقب اميره سحبت غلا الحيره
غلا: شفيج انتي شفــــيج
اميره: ما عليه ي النذله ما ترمسينيه الحين
غلا: انتي ما تطرشين
اميره: خل عنج التشره وقولي شو صار
غلا بتسمت: ودرنيه
اميره: شووووووووووو وشعنه تتبسمين
غلا: لاني فتجيت من هالعله
اميره: يعني انتي ما حبيتيه
غلا جبست
اميره حضنتها: ادريبج تاكبرين وربي انج حبيتيه
غلا صاحت: جـــــــــــلب انا وثقت فيه
اميره: الله ياخذه
غلا: اميررررره انا حبيته تدرين شو يعني حبيته
اميره جابلتها: ما عليج بتنسينه
غلا: وين انساه والله حبيته
اميره تطالعها والحزن فعيونها
غلا تشهق: تخيلين واثق انيه ما بقدر احب غيره
اميره: ومنووووووو هووو اصلاااا جلب وااااحد الله يلعنه
غلا تصيح: اميره شسوي والله احبــــه والله احـــبه
اميره: انتي قلتيله انج تحبينه
غلا: ويلتنيه ما قلت من قلت سحب عليه .. تصيح .. واهاني والله ذلنيه الله ينتقم منه
اميره: جلـــب
غلا: اميره انا سمحت لنفسي احبه انا ضيعت نفسي
اميره: بس انتي ما سويتي شي
غلا والندم يقطعها: جىه سويت انا سمحت له انا دمرررت نفسيه <وتصيح بصوت عالي
اميره رجعت تحضنها : بس غلا حبيبتي خلاص
غلا: اميرره انااا انتهيت وتصيح
..
الحب هو الدموع ، أن تبكي يعني أنك تحب / سانت بوف

رد: رواية حبه لبسني لبس يني لبس الخواتم فالصبع تم

..
هدتها اميره ويلسن يرمسن لساعه سبع زقرهن ايهم عسب يروحون
اميره ع الباب : رمسينيه اوكيه
غلا هزت راسها
ابو طارق: غلا ما شفناها
غلا: سمحليه خالي
ابو طارق: هيه ادريبكن من تتولفن ما تبن تخوزن
ام طارق: جان تعشيتون عندنا ع الاقل
ابو هناد: العيال دومات باجر وهبابنا لين نوصل
ابو طارق: الله يعين
ام طارق : عيدوها عاد
ابو هناد: ما طلبتي ي ام طارق وانتو قربون جدانا
ام طارق: ياله ما شبعنا منكم
ام هناد: سمحلونا هناد كالعاده فالسياره يحترينا
ابو هناد: ياله عيل
ابو طارق: بحفظ الله
وراحون
ردت الفليل ما ياها رقاد تفكر بالخطا اللي ارتكبته
الصبح راحت ع اليامعه
وهي راجعه العصر
جابلتها امها
ام هناد: تعالي برمسج
غلا: زين بس ببدل
هناد: تعالي إلا عباه
حطت عباتها ويلست: شالسالفه
هناد: مايد طلب ايدج
غلا: شووو !!
ام هناد: بلاج جيه مصدومه ولد عمج وطلب ايدج
غلا باندفاع: وانا مااااباااه
هناد حرررج: شفتيه امايا قلت لج
ام هناد: صبر انته ..لفت ع غلا: شعنه
غلا واقفه: بس جيه ما باه
ام هناد: والله ي الشيخه غلا ولد اختيه ما يعيبه شي
غلا تدور عذر: بس انا ابا ادرس
هناد: وهو ما بيمنعج عن الدراسه
غلا: بس ما يصير دراسه وعرس
هناد وقف وبحرجه: سمعينيه زين بتعرسين الا اذ جان عند عذر مقنع
غلا زعجت: هب غصببب
هناد جان بيرد بس سكته ام هناد: غلا حبيبتي لى متى بتمين جيه
غلا راحت فوق
هناد محرج: ونعم التربيه نعم امج ترمسج وتمشين .. امايا انتو وايد مدلعينها
ام هناد: انت شفيك ترا العرس هب غصب
هناد ظهر من البيت
غلا اتصلت باميره: لحقينيه
اميره زاغت: بلااااج
غلا: مايد بيخطبنيه
اميره: شعلــــــــــــــــــــــــــــــــيج ماااايد المزيووووووون
غلا: اففف اميره انا وين وانتي وين
اميره بعصبيه: غلا ترا وايد مصختيها ذاج الرخيص ما يباج ومايد ما نعاااب
غلا: بس...
اميره: لا تبسبسين هب قلتين انج ندمانه تبين واحد ما يباج ما تقولين متأكد انج ما تبين غيره كسري غرووووره
غلا: انزين بفكر
اميره: غلا انا احيدج عاقله فكري زين عن تندمين
..
غلا صكرت منها وهي تتذكر رمسه يدها ورمسته:
انتي ما تفهمين ما عندج راس ما عندج كرامه ياخي انجلعي خلاص ماااباج
لا تحاولين ما ترومين انتي بعدج ليه انا بتلذذ بصياحج وانتي ترفضين غيري وانا مااااابااااج انتي بعتي قلبج ليه وحمدي ربج ما بعتي شرفج
.. انا برويك ي الحقير
فتحت فونها شافته متصل: باركلي حبيبي بعرس
رد ع طول: جذابه ما ترومين
غلا: ما حرزت اللي يبيعني ابيعه
هزاع: اتحداج
غلا: لا تخاف بطرش لك بطاقه عرسي
هزاع: بنشوف
..
صكرت منه واتصلت باميره
غلا: اميره انا بوافق بس اذ درى مايد
اميره: شقايل بيدي
غلا: ذاج الجلب عن يسويها ويخبره
اميره: لا تخافين هو قال ما عنده مشكله
غلا: اخاف يخبره من القهر
اميره: توكلي ع الله الله بيسرها
غلا: تمام
اميره: باي
باي
وبندت ونزلت لقت امها فالمطبخ حبت راسها: آسفه اميه
ام هناد: مسموحه ي غلا ماشي ايي بالغصب انتي حره
غلا: امايا انا موافقه
ام هناد: انتي هب مجبوره
غلا: انا اباه بإرادتيه
ام هناد: من صدقج
غلا تهز راسها بهيه
ام هناد حضنتها : والله لو مايد هب مالي عينيه ما جنت اصريت
غلا" والله انكم ما تدرون عن سواه مايد فيني " : الله يخليه عوينااااتج انااا
ام هناد : ههههههه الله لا يحمرنيه منج
غلا: وين هناد
ام هناد: ما ادريبه
هناد ع الباب: هنا هناد
غلا: هناد انا آسفه
هناد: اعتذارج هب مقبول
غلا: هناد انا موافقه
هناد: بس انا هب معصب لنج رفضتي انا معصب بالاسلوب اللي ترفضين به
غلا: والله آسفه هب قصديه
هناد وغلا فالصاله
هناد: تعالي
يلست حذاله: خبرينيه شعنه جنتي رافضه وبقوه والحينه وافقتي
غلا: تسرعت
هناد: غلاا قوليليه انتي شايفه شي ع مايد
غلا بسرعه: لا لا حشااا
هناد: عيل؟
غلا: العوق هب منه العوق منيه
هناد: شعنه؟
غلا: ماشي بس تسرعت ما جنت حاطه فبالي ان مايد ممكن يصير ريلي
هناد: لو انيه هب مقتنع بس ياله .. انا بسير تامري حايه
غلا: سلمت .. متى بترجع
هناد: بطول يمكن وحده ثنتين جيه يعني
غلا: بحفظ الرحمن
تداكت ع الغنفه تتذكر محادثتها ويا اميره قبل ما يودرها هزاع
"
اميره: غلا لا توثقين فيه
غلا: اميره لا تخوفينيه بليز
اميره: بس ي غلا انتي هب متاكده انه يحبج صدق ولا يلعب
غلا..
اميره: والله انا خيفانه من هالهزاع يغلا الاشياء اللي يعرفها عنج هب طبيعيه
غلا: حتى انا ما لقيت تفسير لمعرفته
اميره: غلا هالانسان هب طبيعي تذكرين شقا هددج كيف تنسين اصلا
غلا: هو هددني بس عسب ما اودره
اميره: انصحج ي غلا لا تثقين فيه
غلا: شسوي ي اميره صارنا زياده عن الشهر والله هب بيدي تعلقت به
اميره: انتي تحبيه صح
غلا: هيه
اميره: قلتيله
غلا: لا
اميره: لا تقوليله .. وربي اني هب مطمنه له مول
"
ورجعت للواقع ع صوت امها
ام هناد: وين هناد
غلا: طلع
راحت امها " ليتني سمعتج رمستج ي اميره الله يلعن الساعه اللي عرفتك فيها
طاحت دمعتها لا إرادي ومشتها بسرعه " ما يستاهل ي غلا لا تصيحين عشانه "
رقت فوق ركبت فونها بالشرج بس شافته ما يشرج " افف وقته ها يضيع "
حدرت حيره هناد وشافت شرشه ع اليانب الثاني من الشبريه راحت بتاخذه
لفتت نظرها صوره ع الطالوله جدام عالم فراري هناد ومايد وهزاع واللي شافته بالمول"يمكن سيف" واثنين
مسحت ع ويه هزاع: ليش سويت فيني جيه
يلست ع الشبريه والصوره بايدها
" والله ان مايد جماله دبل جمالك لكن قلبي تعلق فيك شقايل بعيش ويا غيرك "
..
حبيبان نحن، إلى أن ينام القمر
ونعلم أن العناق، وأن القبل
طعام ليالي الغزل
وأن الصباح ينادي خطاي لكي تستمر
على الدرب يوما جديدا!
..
مقتطفه/اجمل حب / محمود درويش
..
انتهـــى البارت ^_^
هذي عيديتكم
ادري البارت قصير واتمنى تعذرونيه لنه م وحالي اكتب وايد والبارت الياي اوعدكم يكون طويل لكن رح اتاخر شوي لنه توني مخلصه هالبارت وما حددت الموعد بعدنيه
مافي مقتطفات ابي تعليقات توقعات آراء اي شي يحمس
..
غلا رح تقدر تنسى هزاع وتكمل مع مايد !!
منو تفضلون مايد ولا هزاع ومنو تتمنون غلا تاخذ ؟
.الكاتبه/بنت الأياآويد

رد: رواية حبه لبسني لبس يني لبس الخواتم فالصبع تم

يلا قايز وين الردود

رد: رواية حبه لبسني لبس يني لبس الخواتم فالصبع تم

يسلمو حبيبتي لسة ماخلصتها رح خلصها وخبرك

رد: رواية حبه لبسني لبس يني لبس الخواتم فالصبع تم

البارت صح وايد قصير لاكن يجننننننننن
غلا رح تقدر تنسى هزاع وتكمل مع مايد !! ما اضني
منو تفضلون مايد ولا هزاع ومنو تتمنون غلا تاخذ ؟ الاثنين ستوالها موقف معاهم ف ما اعرف منو >خخخخخخخ