تويت
رد: ✒ .. خآصرة حرف رمآدية
صباحكم أجمل من طلعة طلعتها مع خواتي المتزوجات أمس وندمت ،،
سبحان الله الأشياء تبين مواريها من بداياتها سواء بانطباع داخلك أو من
تصرفات اللي حولك .. وبناء على ذلك ترتاح أو ما ترتاح ..
يعني أمس ما أقدر أوصف الجهد اللي بذلته في اني أكون شرطة أطفال
لعيال خواتي .. كل ما صارت حركه مش ولابد خواتي يعطوني الإشارة
الخضرا في إني أتصرف بعيوني وكذا يعني ..
بس كانت البداية العشوائيه من خواتي مب عيالهم .. أول شي غيرو الوجهه
اللي حددناها من سوق لمقهى .. ثاني شي تناوبو على السواق في
وصف الطريق بفلسفه عالية المزاج .. كل وحده تفتح جوجل ماب حقتها
وتوصف له طريق فرع من الفروع .. وأخيرا وصلنا بعد ساعه ونص من
الوصف الدقيق .. وابشركم بالنهاية صار ممنوع الأطفال فاضطرو انهم
يغيرون لنا المكان من مكان مفتوح في مقهى إلى مكان مغلق بالجوار ..
قبل ما نوصف المكان .. نرجع للسيارة .. وأختي صاحبة برج الحوت اللي
تبي تطير علشان تصل المكان أسرع شي .. وهي اللي كانت مستلمه
السواق في الوصف في الدور اللي قبل الأخير .. وهو منتك وساكت ويسلك ..
وهي تحلطم طبعا رغم أنه ماشي على وصف جوالها .. يعني من الساعه
ثمانية وربع إلى تسع ونص توصف .. وصلنا للمكان الخاطئ .. وصار الدور
لوحده ثانيه ووصلنا أخيرا عشر إلا ربع ..
المكان المغلق كان جميل علشان الأطفال ياخذون راحتهم طبعا .. بس اللي
عكر مزاجي جيراننا اللي جايين عندهم مشكله وصوتهم واصل لآخر طاولة
بالكوفي .. طبعا سمعت مشكلتهم كامله وانا اتقهوى وللاسف ما انحلت
بالرغم من سخافتها .. يعني انتي رضيتي تكونين زوجة ثانيه تحملي ياقلبي ..
ولك الأجر والمثوبة .. مافيه داعي نعرف أسماء خواتك والتهديدات اللي
ماكان لها صدى أو اعتبار أبدا .. طبعا النتيجة انسدت نفسي عن الزواج
ولا القهوة نشربها على أنغام الأطفال اللي معنا بصمت ..
خلصنا قهوتنا وانا مبتسمه لأختي الكبيرة ابتسامة تو ما نورت الرياض :)
ونزلنا نبي نروح للسوق المقابل نمشي شوي ونلعب عيالهم ونعشيهم
وناخذ كم عطر ونرجع ..
طبعا الطريق واحد رايح والثاني جاي قلت خن ناخذ سواق يوصلنا لين باب
باب السوق .. فكان عذر خواتي ماتسوى علينا خن نمشي لانه مب بعيد
اتفقو رغم أني كنت مب متفقه معهم بس اللي مب متزوجه رايها دايم مب
سديد .. وتحب تنثر الفلوس في نظرهم على أشياء تافهة ..
المشكله مب هنا .. المشكله انه كانت مشيتهم مشية نوق مب هامها أحد
وكنت بروح فيها ضحية اقتصاد وتوفير .. لأن وقفت في نص الطريق
عاجزة اني أوقف سيارة طايرة مب هامها أرواح الناس ..
بس الشهادة لله نستاهل مخالفة من ساهر على أننا خالفنا القانون والله ..
ووصلنا السوق بسلام ..
في السوق تبدأ فكرة التوفير اللي اتفقو عليها تتلاشى وكل وحده يطير
عقلها على شي معين وعادي تدفع بروح رياضيه .. تخليك تنغبن كل ما
ذكرت كيف قطعت الشارع بطريقة المتزوجات الاحترافيه ..
أما أنا رجعت اتقهوى بصمت للمره الثانيه على أنغام الطفلتين اللي معي
لين خلصو تسوق .. واخذو عشا وطلعنا ..
طبعا في السيارة كان الأمن مستتب وهم راضين تمام الرضا لأن اعتادو
على حوسة عيالهم وشغلو أغنيةة ختامية ما تعجبني :) ..
رسالة خاصةة ..~
مهما كان شوقك لخواتك انتبهي تسلكين لهم في طلعة تتجزأ لعدة أجزاء
قهوتك بالبيت ألطف جدا ..
صباحكم أجمل من طلعة طلعتها مع خواتي المتزوجات أمس وندمت ،،
سبحان الله الأشياء تبين مواريها من بداياتها سواء بانطباع داخلك أو من
تصرفات اللي حولك .. وبناء على ذلك ترتاح أو ما ترتاح ..
يعني أمس ما أقدر أوصف الجهد اللي بذلته في اني أكون شرطة أطفال
لعيال خواتي .. كل ما صارت حركه مش ولابد خواتي يعطوني الإشارة
الخضرا في إني أتصرف بعيوني وكذا يعني ..
بس كانت البداية العشوائيه من خواتي مب عيالهم .. أول شي غيرو الوجهه
اللي حددناها من سوق لمقهى .. ثاني شي تناوبو على السواق في
وصف الطريق بفلسفه عالية المزاج .. كل وحده تفتح جوجل ماب حقتها
وتوصف له طريق فرع من الفروع .. وأخيرا وصلنا بعد ساعه ونص من
الوصف الدقيق .. وابشركم بالنهاية صار ممنوع الأطفال فاضطرو انهم
يغيرون لنا المكان من مكان مفتوح في مقهى إلى مكان مغلق بالجوار ..
قبل ما نوصف المكان .. نرجع للسيارة .. وأختي صاحبة برج الحوت اللي
تبي تطير علشان تصل المكان أسرع شي .. وهي اللي كانت مستلمه
السواق في الوصف في الدور اللي قبل الأخير .. وهو منتك وساكت ويسلك ..
وهي تحلطم طبعا رغم أنه ماشي على وصف جوالها .. يعني من الساعه
ثمانية وربع إلى تسع ونص توصف .. وصلنا للمكان الخاطئ .. وصار الدور
لوحده ثانيه ووصلنا أخيرا عشر إلا ربع ..
المكان المغلق كان جميل علشان الأطفال ياخذون راحتهم طبعا .. بس اللي
عكر مزاجي جيراننا اللي جايين عندهم مشكله وصوتهم واصل لآخر طاولة
بالكوفي .. طبعا سمعت مشكلتهم كامله وانا اتقهوى وللاسف ما انحلت
بالرغم من سخافتها .. يعني انتي رضيتي تكونين زوجة ثانيه تحملي ياقلبي ..
ولك الأجر والمثوبة .. مافيه داعي نعرف أسماء خواتك والتهديدات اللي
ماكان لها صدى أو اعتبار أبدا .. طبعا النتيجة انسدت نفسي عن الزواج
ولا القهوة نشربها على أنغام الأطفال اللي معنا بصمت ..
خلصنا قهوتنا وانا مبتسمه لأختي الكبيرة ابتسامة تو ما نورت الرياض :)
ونزلنا نبي نروح للسوق المقابل نمشي شوي ونلعب عيالهم ونعشيهم
وناخذ كم عطر ونرجع ..
طبعا الطريق واحد رايح والثاني جاي قلت خن ناخذ سواق يوصلنا لين باب
باب السوق .. فكان عذر خواتي ماتسوى علينا خن نمشي لانه مب بعيد
اتفقو رغم أني كنت مب متفقه معهم بس اللي مب متزوجه رايها دايم مب
سديد .. وتحب تنثر الفلوس في نظرهم على أشياء تافهة ..
المشكله مب هنا .. المشكله انه كانت مشيتهم مشية نوق مب هامها أحد
وكنت بروح فيها ضحية اقتصاد وتوفير .. لأن وقفت في نص الطريق
عاجزة اني أوقف سيارة طايرة مب هامها أرواح الناس ..
بس الشهادة لله نستاهل مخالفة من ساهر على أننا خالفنا القانون والله ..
ووصلنا السوق بسلام ..
في السوق تبدأ فكرة التوفير اللي اتفقو عليها تتلاشى وكل وحده يطير
عقلها على شي معين وعادي تدفع بروح رياضيه .. تخليك تنغبن كل ما
ذكرت كيف قطعت الشارع بطريقة المتزوجات الاحترافيه ..
أما أنا رجعت اتقهوى بصمت للمره الثانيه على أنغام الطفلتين اللي معي
لين خلصو تسوق .. واخذو عشا وطلعنا ..
طبعا في السيارة كان الأمن مستتب وهم راضين تمام الرضا لأن اعتادو
على حوسة عيالهم وشغلو أغنيةة ختامية ما تعجبني :) ..
رسالة خاصةة ..~
مهما كان شوقك لخواتك انتبهي تسلكين لهم في طلعة تتجزأ لعدة أجزاء
قهوتك بالبيت ألطف جدا ..
تعليق