تغريدة صباح } ..

**ShahrzaD** · 31-05-2018, 04:00 PM

رد: تــغــريــدة صــبــآح } ..

السرطعونه إذا سارت جده
خلص حناني مابقى الا قسوتي

لكن اتفق في نفطة جمعة العائلة، شكل الجمعة عندي رسميا وكل اسبوع
اممم انقطعت عن اشغال الكوروشيه والاشغال اليدويه،
يارب اعود لها وبقوه ^^
البارح زميلاتي يعددون مهاراتي وماخلصو،
قالو وش هالضياع ما استقريتي على شي هههههههه
سكتت صراحه لان عندي مهارات بس ما استقر على شي واحد، فأهملها
لكنها نفعتني بحيث كل شي اسويه بنفسي ما اعجز الحمد لله.

الله اعلم اذا عجزت اكون محتفظه بأية مهاره :)
اتحفوني بخيالكم في الصراحة

**ShahrzaD** · 03-06-2018, 02:11 AM

رد: تغريدة صباح } ..

فقرة التغاريد الي أعجبتني:

" ‏وعي الرجل ينقذه وحده
‏ووعي المرأة ينقذ العالم "

‏‏"الحياه اقصر من أن تشرح للناس حسن نواياك."

‏"Justice delayed is justice denied"
‏تأخير العدالة هو إنكار لها
‏*مبدأ قانوني دولي

‏
" ‏إصنع من "التسطيح" أسلوب حياة !
‏لا تبالغ بالتعمق في كل شيء ، عشان إذا خذلت
‏يبقى الأثر سطحي ، سريع الزوال والنسيان .."

‏“‏لا شيء في هذا العالم يعذب النفس البشرية أكثر من التوقعات "

‏ٓ
" ‏لطالما شد الصدق إنتباهي وليس
‏بـ التحديد صدق أحـدهم إتجاهي
‏إنمـا صدق أحدهم إتجـاه نفسه .."

‏«إن كل فرد بين ملايين البشر
‏له قصة قآئمة ب ذآتها تصلح للنشر»
‏

" ‏القاريء الحقيقي يقرأ بانفتاح، ثم تفكير ثم نقد، و ليس العكس.
‏القراءة المتصيدة، المتحفزة و الانفعالية تليق بباحث عن طريدة، لا بباحث عن حقيقة "

‏" عاملوا كل شي في حياتكم كتجربة تستمتع فيها "

" انني متعب يا صديق للحد الذي يجعلني ارضى بكل افكارك الخاطئه عني ،
للحد الذي لا اطيق فيه تصحيحها او شرح حقيقة مشاعري او حتى تبرير هذا الانهيار "

" ‏إن الشجاعة في القلوب كثيرة
‏ووجدت شجعان العقول قليلا.
‏- أحمد شوقي

" ‏يحيط بنا الجمال بكل شكل
‏فنهمله.. ويشغلنا القبيح
‏ويملأ كوننا بالحزن شخص
‏فننسى ما حوى الكون الفسيح "

‏‏" ما عدت ذاك الذي تمنى، أفلت كل شيء أخلف ميعاده
وكل الرغبات التي أتت متأخرة، لقد أصبحت شحيح التعلق، غني الغياب!

" ما أبسطنا، و ما أصعب كل شيء "

**ShahrzaD** · 03-06-2018, 02:48 AM

رد: تغريدة صباح } ..

وين المسابقات اللي جائزتها جوال
نفسي اخذه بدون ما ادفع، ابو بلاش أطعم

تذكرت نفر يوم يقول قطو وإهدوني ههههههههه
فكرته جريئه ورهيبه بس محد تفاعل، يالله العيد جاي خلو نحقق أمنيته ههههههه

وراي دوام الصبح وجالسه اسولف هنا
الايام اللي فاتت نمت بدري الا هذا اليوم عيا النوم لا يجيني،
شكلها بسبة ناموستين نرفزوني ألف ولا قدرت اموتهم.

قدباي

**ShahrzaD** · 04-06-2018, 03:03 AM

رد: تغريدة صباح } ..

صباح الخيرات

تعرفون التفاكير اللي تجي قبل النوم احيانا،
فكرت في موتي وأغراضي وخصوصياتي كيف راح يتصرفون بها.
وش أبغى أوصي عليه وكذا..

ومع هالتفاكير تذكرت موقف مضحك عن نفس الموضوع، حكيته هنا قبل كذا
كنت في رحلة من أمريكا للسعوديه لحالي، وماكانت أول تجربه لكن قلبي ناغزني،
استغربت من شعوري واتعوذ من ابليس ، بعدين راسلت اقرب الناس بنت خالي،
أبغى أوصيها وصيتي، الوصيه نكته هههههههه
قلت اسمعي انا مستلفه عشره مدري عشرين (ناسيه الان) حتى ما اذكر مستلفتها من مين
لكن ما احب الدين ف ما نسيتها، ووصيه ثانيه صغيره.
قلت لاتقولين لأمي وأخواتي اني كلمتك و وصيتك عشان ما يخافون علي،
طبعا هي مدري وين عقلها وقتها راحت حكت لجدتي عشان تضحك ع الوصيه،
حاااااسبي الله بكت جدتي هههههههههههه

المهم الشعور الغير مريح طلع اني انلطعت في المطارات يومين
عشان طياره وحده تكنسلت خربت رحلاتي كلها..
نمت في مطار نيويورك الدولي اخطر مكان ههههههه بس ذيبه
مانمت نوم صدقي، وضع حفظ الطاقه
المهم ما انسى وصيتي اللي ليتني وفرتها بكت جدتي ع الفاضي.

شلتي يكتبون وصاياهم ويجددونها كل فتره، ومعلمين بعض بمكانها
محد يضمن عمره، الله يحسن الخاتمه.

وصيتي ماتنسوني من الدعاء.

**ShahrzaD** · 04-06-2018, 11:40 AM

رد: تغريدة صباح } ..

صباح الخيراااات

الوسمي يوصي:

صح قبل انسى شهرزاد انتي واللي يقرا هنا لا تخلوونرالافكار السوداويه تسيطر
عليكم لو لفترات بسيطه اطردوها بسرعه افضل وربي

خلونا نكون اكثر تفائل بالجاي وان الامور قادم الايام فيها افضل
خلونا نعيش بفرح اكثر وبسعاده لبكره

لانحزنون انفسكم وتحزنون من يعزون عليكم وبس والله

باللنسبة لي الموت مو فكره سوداويه, عندي أمور في الوجود هي السواد بعينه,
لكن أعتذر إذا ضيقت صدوركم أو جددت أحزانكم

تذكرون موضوع أنماط الشخصية
تم تصحيح نتيجتي وطلعت INFJ المستشار
صديقه " البطل " تنهيده ^_

المستشار – INFJ | جاسم الهارون

http://jass.im/development/person/infj

كنت أطلع " العقل المدبر" ولكن غلطانه
لأن هالنمط مش رقيق مثلي ولا يقدر يبكي, وأنا أم دميعه

المهم يقولو المتخصصين بهالمجال ان المستشار نمط الأنبياء,
أكيد ما أوصل ولا جزء بالمية من طبيعة الأنبياء لكن يشجعني هالشي أرجع أنتبه للجوانب الإيجابيه فيني وأعززها,
وبالمناسبة بما اني أداوم بلا شغله ولا مشغله, جالسه أخذ دورة ع النت عن " مدرب الحياة "
لأني افتح النفس للإستشاره ومستشاره من يومي قلت خل أطور هالجانب وأسير بروفيشينال

طلع مدرب الحياة مش ناصح ولا مرشد نفسي ولا معالج أو موجه, هو الشخص اللي يجمع عدة مهارات,
القدرة على التواصل والاستماع والحكمة والخبره والدعم والأهم حبه للخير والمساعده, ومش من مسؤولية المدرب يحل المشاكل,
عليه يترك الشخص يتحمل مسؤولية حل مشكلته ويمكنه منها وهو عليه يدعمه ويوقف معاه لين يحقق مبتغاه.
ها كيفني وانا فلسفوفه ^_^
ما أخفيكم إني مو متأكده إذا أنا قد هاللي أتعلمه لكن أتعلم دامي أقدر أتعلم.

يالله سلام

**ShahrzaD** · 07-06-2018, 03:39 PM

رد: تغريدة صباح } ..

" سنين مرت ولا ادري عن الأيام "
Zzz

**ShahrzaD** · 10-06-2018, 12:59 PM

رد: تغريدة صباح } ..

صباح الفللي

البارح نمت مفلسه واليوم صحيت على 750 عيديات من أخواني اللي أصغر مني
يالها من تصبيحة تسر الخاطر, قبلهم عايدت ناس وجو هم عدلو ميزانيتي,
كلها غسيل أموال أعط ذا وخذ من ذا هههههههههه
وقتها تذكرت مقولة البابا " أطلق مافي الجيب يأتيك مافي الغيب"
هو صريف ما يرتاح ينام وفي جيبه ريال ف يواسي نفسه بهالجملة

لا تسألوني ليه شغل العيديات بدري.. ممكن خايفين لا نصرفها ولا عايدنا بعض

المهم تدرون إني أراسلكم من مكتب العمل ... هالله الله
مو مصبرني الا هالدوره اللي جالسه أتعلم منها وأروع شي إن الدوره في بدايتها شغالين علي أنا,
كيف أحقق التوازن في حياتي وهالشغلات اللي تأهلني أكون داعمه للأخرين.

وبرضو أبشر الوسمي إني مسكت القلم ورسمت اليوم.. عاد إذا زبطت نزلتها, إذا لا فالعذر والسموحة ^_^

رسالة من هالمنبر الوحيد اللي ممكن يوصل صوتي..
(( كل عام وأنت أسعد وكل عام ووالدتك وأحبابك بأفضل صحة وأفضل حال ))

**ShahrzaD** · 22-06-2018, 02:40 AM

رد: تغريدة صباح } ..

الله يمسيكم بالخير والمسرات

وجا شوال وتوهقت بنظام النوم،
ماشاء الله على أبويه وساعته البيولوجيه الله يحفظظظه،
من ١١ الصبح كل ما مر من عند غرفتي انا وأختي يطق الباب ويصيح قومو،
وأنا أجلس متوتره صدق من سماني (قلق) ما أعرف اتبلد وأكمل نوم بعدها.
مع كذا ما يجي النوم الا صبح.

كمان الدوام الأحد :(
كان نفسي بالسفر والله.. ابغى مكان أبكي من جماله وطاقته
ايييه من فاته السفر أنعشه الخيال..

**ShahrzaD** · 22-06-2018, 03:20 AM

رد: تغريدة صباح } ..

‏" تفقد كل الأشياء قيمتها بمجرد أن تأتي بلا حرية،
لا يمكن حتى الابتداء بشعور امتنان حقيقي دونها "

**ShahrzaD** · 01-07-2018, 12:20 AM

رد: تغريدة صباح } ..

فتيات القوة علومكم وينكم مختفيات عسى خير لا يكون جاكم تعيين
وخايفين من العين

-نفر كويس

اول شي السلام عليكم
باقي حيه وفتيات القوه برضو.. بس مشغولين بالصيف والمصيفين..
كيفكم رجعتو للدوام مثلي والا بس أنا لحالي
كل موظفه تدخل بعباتها وترقد بها
وأنا ترتب نومي ولاقدرت انام بالدوام ^^”
من ٨ الصباح ل٤ وأنا أحاول أعبي هالوقت بأنشطه
وأتعب ولا خلص الدوام

الا تدرون ان مدربة الحياة الدكتوره سميه الناصر وفوزيه الدريع ابراجهم السرطان،
هذي المعلومه للي يسموني فوزيه الدريع في الواقع وهنا ايام كنت اكثر فلسفه
كنت حتى بالسناب اتفلسف في استوريات ، لكن مدري وشفيني خفضت من سنه يمكن
شكلها الهدوء ماقبل العوده الاقوى ^_^

تغريدة صباح } ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget