تغريدة صباح } ..

**ShahrzaD** · 16-04-2018, 11:13 PM

رد: تغريدة صباح } ..

‏اللهم اجعلنا ممن تفاءل بخيرك فأكرمته وتوكل عليك فكفيته
ولجأ إليك فأعطيته واستغاث بك فأغثته
واستنصر بك فنصرته واستغفرك فغفرت له…

**ShahrzaD** · 16-04-2018, 11:18 PM

رد: تغريدة صباح } ..

‏‏الحمدلله على عين مبصرة،
‏وجسد معافى ، وقلب ينبض ،
‏الحمد لله على النعم التي لا تعد ولا تحصى.

**ShahrzaD** · 17-04-2018, 10:03 AM

رد: تغريدة صباح } ..

صباح الخيرات والمسرات

أكتشفت شي في حساب الصراحة،
أحيان تكون مكتوبة بنية صافية، ونستقبلها بشكل يزعل،
اكتشفت هالشي من موقفين، زين اني مو عجولة أو اتسرع واتمشكل..
مره ارسلت صراحة لعضو برضو وأخذها على إني معصبه،
رغم اني بس ارسلت له عشان الفته لشغله مكررها لا أكثر، تنبيه فقط.
مابجلس اقله والله مو معصبه وكذا، لان المشكله كلها بسبب التواصل بالكتابة.
ووحده كانت ترسل لي في الصراحة بلهجة معينة، حسبتها تتشمت او تطقطق علي،
تجاهلت تعليقها ، مع الوقت شفت نفس اللهجة اهتمام ومحبة..!
فهمت اني انا اللي تلقيت الصراحة بشكل غير صحيح.

لذا ممكن الصراحات كلها اللي تجينا بنية طيبة، واحنا نستعجل في الحكم عليها ونتضايق.

**ShahrzaD** · 17-04-2018, 06:55 PM

رد: تغريدة صباح } ..

سمائنا أمطرت..

" اللهم خذ بقلبي حيث نورك الذي لا ينطفيء "

**ShahrzaD** · 17-04-2018, 11:52 PM

رد: تغريدة صباح } ..

" ‏و كلما آمالني شعوري إستقمت بعقلي، وكأنني عزمت ألا أشعر "

**ShahrzaD** · 19-04-2018, 10:05 PM

رد: تغريدة صباح } ..

نفتح صفحة جديدة...

**ShahrzaD** · 19-04-2018, 10:45 PM

رد: تغريدة صباح } ..

مساء الخيرات والمسرات

بعد غيبة طويلة جانا الوسمي بتساؤل
ولو ان تساؤلات كثير منه ما علقت عليها، نسيت منها..
اخر تساؤل هو " لو خيروك بين الصدق .. والحبيب .. وين بتكون ؟ "
كنت محتاجه مثال عشان أتأكد اني فهمت مقصدك قبل أشارك،
ولكن اذا اضطريت اوقف مع الحق أو الحبيب،
حتى لو كان بيضره.. اذا كان هذا مقصدك ؟
فأنا مع الحق والصدق .
أوقات الحبيب يكون مؤذي هنا لا طبعا ، أفترسه.
هذا الحاصل بيني وبين أختي الكبيره، مستقعدة لزوجة خيو ..
وزي ما انتم تتسائلون عن استقعاد الحماوات انا والله مافهمت للان ومقهوره من هالحركات.
لذا قدام الكل اقول الحق واعطيهم الصدق على بلاطه.. الغريب انو حصل ميل عن الحق من الأهل
تلقائي يوقفون مع بنتهم لأنها الكبيره العاقله، وهذا اللي جلطني اكثر،
لما اكون في موقف فيه تأثير من العواطف، أحاول أعزل نفسي عن الميل العاطفي وأنظر للأمر بالعقل فقط، ومايصح الا الصحيح.
هالدور اتعبني لأن صعب لما تكون قاسي على شخص تحبه، لانه مو على حق.

مشكلة الأحبه اذا وقفنا مع الحق ، يحطو الحق علينا، واننا ملنا لغيرهم،
اننا تأثرنا من تحريش أحد، مستحيل يقبلو موقفنا لين يعترفون بالحق.

**ShahrzaD** · 19-04-2018, 11:09 PM

رد: تغريدة صباح } ..

قلبها طفل
وعقلها رجل
وجسدها أنثى
يقولون انها أصعب النساء
طيب بنصدق بس وينها فيه

من مدونة "لاشيء يستحق"

ما عرفنالكم، مره تعترضون اذا تم تشبيه المرأه بالرجل
واحيان تستخدمون التشبيه ك مدحه..
زي "بنت رجال" ليه وش فيها بنت الحريم

العنصريه الجنسيه في عقلنا الباطني، حتى احنا يالبنات اصبنا بها
اختي تخوف ولدها تقول اللي يكذب يسير بنت ههههههههههه
قلت لييييه كذا ليه، عنصريه ضد جنسك، أسأتي للأنثى بإنها شي أقل منه.

المهم اللي قلبها طفل وعقلها رجل
ياهي في حرب بين قلبها وفكرها

فرق شاسع بين الطفل والرجل.

وان كان قصدك وين اللي وصوفها نادره، فأسأل أنا واقول
وين النادرين اللي يستحقونها