تويت
رد: تغريدة صباح } ..
إذا ترحلت عن قوم وقد قدروا ألا تفارقهم، فالراحلون هم!
المتنبي
إذا ترحلت عن قوم وقد قدروا ألا تفارقهم، فالراحلون هم!
المتنبي
-
-
رد: تغريدة صباح } ..
صباحكم سعيد
لاحظت زيكم ان تطبيق صراحه ماكان مضبوط ف حذفته,تطبيق صراحة علق عندي وحذفته ورحت ادوره بالمتجر مالقيته
وحاولت أرجع أحمله مالقيته في المتجر, فتحته عن طريق متصفح الجوال وطلعت لي نافذه من تحت
تقترح علي أختار خيار معين بحيث يكون له اختصار على سطح الشاشة, وقبلت والان موجود كأنه برنامج.
برضو جتني الرساله الإنجليزيه وهي رساله منهم عشان نقيمهم أو شي, مطنشتها..
في مدونة نور الفجر مسوي تصميم ما شاء الله على روقانه
على جملتي حقت النجمه الميته ههههههه
وتعليقه كان " ألا بذكر الله تطمئن القلوب"
أصلا مالنا مسكن ولا مهديء ولا مطمئن غير ذكر الله
والحمد لله دائما وأبدا انا مسلمين ورزقنا عبادته وطلب حبه ورضاه.
لكن فيه ضيقات وحزن وألم ما تكون بسبب تقصير, تكون بسبب ظروف أو تحديات أو واقع ومصير!
بتقول وين الرضا والا القناعة, هل الكل رزق هذي النعمه؟ لا... ومو كل حال يتطلب القناعة والرضا,
يتطلب السعي في مواجهة العوائق والتحديات الي سببت هذا الحال البائس.. ولاهو بالأمر اليسير.
قبل البارح أقول لأختي الصغيره وأذكرها تحمد الله اننا نصلي, لأن فيه ناس في مثل عمري وأكبر
ولا قدرو يلتزمو بالصلاه أو ما يصلون نهائي, وفيه ناس كانو يصلون ويعبدون الله ثم بطلو, أو ألحدو مره وحده
فأذكرها إننا لابد نكون ممنونين لله على هدايته لنا وانا ماعانينا في محاولة الإلتزام بالعبادات..
من فتره لفتره أستشعر نعمه وأحمد الله عليها وأشعر بالإمتنان..زي النوم أكثر شي أحمد الله عليه
وأوقات لما أكون قضيت وقت حلو أو يوم حلو , أو توفقت بصحبة طيبه ومواقف جميلة.. النعم لا تعد ولا تحصى
اللهم لك الحمد في اليسر والعسر اللهم لك الحمد على نعمك التي لا يحصيها غيرك
تعليق
-
رد: تغريدة صباح } ..
تذكرت
مشكلة المنتدى في متصفح جوالي لازالت قائمة, سويت كل الطرق لحل المشكله وما اتحلت.
نشوف الصراحات الي وصلتني من السؤال الأخير
كان السؤال " ماذا تنتظر كي تسعد ؟ "
بيننا كسل مشترك ههههههههاممممممم حاليا اسعد نفسي كثير جدا بأي لحظه اقدر اسعد نفسي فيها ... بس انتظر حظ حلو يسعدني وانا تاكيه استمتع
ودي أمبسط بدون أي مجهود مالي حيل
أنتظر وقت السفر على ناار
عاد هالسفره بالغصيبه ههههههه ابويه كل يوم يحاول فينا نغير راينا
كل يوم يطلع عائق وتحديات, وأنا أغني له ريلاااكس
قلت لأختي بديت أقلق من قلق أبويه, أخاف من إحساس المؤمنين
حذفتني بكرتون المنديل وتسب فيني هههههههههههههههههههه
نسيت ان عندها فوبياااا من الطيارة والسفر سواء بر أو جو من بعد حادث سار لنا
دايم أسم بدنها بسوالف وأنسى من الفوبيا اللي فيها, مره قلت لها
تدرين ليه لما نكون في خطر جوات الطياره يطلبو ننزل روسنا ؟ محد ينجو من حادث طياره يعني هالحركه ما تحمي
لكن عشان تكون سنوننا سليمه ويكتشفو هوياتنا منها
وما أحكيلكم عن الأغراض والسب اللي أمطرو علي هههههههه
ومره قلت لها تدرين فيه طيار تحدى زميله يهبط وهو مغمض عيونه, فشل وماتو كل اللي بالطياره هههههههههه
المهم اني تبت من هالحركات والله يسامحني ويصلحني, بس تطلع بدون قصد والله
نسيت فيه مشاركه ثانيه في الصراحة
إيييييهــ.........محو الاستغلال والعبودية تحت شعار الاهتمام والمصلحة
زي اللي يدعون انهم يحبون الحيوانات وهم حابسينهم في قفص
وين الحب في الموضوع
تعليق
-
رد: تغريدة صباح } ..
مساء الخيرات
جاني إقتراح أحمل برنامج متصفح غير اللي عندي بالجوال عشان أقدر أتصفح عبير,
وطلع بقروش.. مافي من أبو بلاشي؟
بريالين لكن ما أحب أدخل بطاقتي البنكيه في المتجر لأن فيها مقالب.
اقتباس بمدونه الوسمي أثار فلسفتي :
هل ياترى فيه أحد طايق نفسه عشان يتحمل غيره .. أتسائل فقطان الشخص الذي يحبك !
يتحمل : عنادك وغيرتك
- هفواتك و اسلوبك :
يحن عليك رغم قسوتك عليه
يتركك حتى تهدأ ,
ثم يعاود النظر إليك ) !
ليخبرك :
أنه سيكون معك دائما !!
والا عشاني وصلت مرحلة ما أقدم أحد على نفسي وان سويتها وانخذلت أقول عوافي يا أنا..
الي ألقى فيهم الخير ولازالو يتحملون الآخرين أحس ان الدنيا بخير واتمنى ماينخذلون
سواء من عدم تقدير أو من استغلال أو من ظروف.. أو مني أنا مثلا =)
برب وصل الدلفري
وارجع ان كان فيه تكمله أو تعليق منكم ع الصراحه
تعليق
-
رد: تغريدة صباح } ..
رجعت وكتبت رد وجاتنا امطار ورعوود قفلت النت
وها أنا أعود من جديد
راحو الي بدت دواماتهم وراح الغبار معاهم
هالأسبوع غسيييل كل يوم مطر الله يبارك فيها ويرحمنا برحمته
تعليق على مشاركتي السابقه من الصراحه
ياذا العريس اللي عليه تنمر حتى من عبير هههههههشوفي وانا اخوك قيسي نفسك مع صاحباتك او قريباتك وشوفي كم وحده تستحق انك تضحي وتبذلي الغالي لها وانتي فرحانه ؟
ماهو شرط الحب والتضحيه يكون لرجل اذ كنتي فتاه او لفتاه اذ كان رجلا المحبه تبذل لمن يستحقونها
وليست حصرا على الحبيب او زوج المستقبل المغبر ههههه
المهم خيو.. راجع الاقتباس.. غيره وعناد وهفوات.. تليق بعلاقه عاطفيه بعيده شوي عن الصديقات والأخوات
ممكن لان ماحولي اخوات علاقتهم فيها غيره وكذا.. مع انها تحصل مدري كيف.
ديني ودين حب التملك والغيره بين الصاحبات.. هي مشاعر تلقائيه لكن اللي ما يتمالكون أنفسهم ويتعقلون.. مشكله
لاني لابد أقول الصدق لهم في وجههم وبعدها اما يوعون لهالمشكله والا كلو يروح في حال سبيله..
حصل وجاني شعور تملك مع صديقتي بالكليه.. احنا ثنائي مامعنا شله.. ودخلنا في شله وسارت تقضي وقتها كله مع وحده منهم،
حزت في نفسي لان مو اي احد مقنع لي انه يكون مقرب جدا.. بعدين خاطبت عاطفتي بعقلي
ان صديقتها الجديده يتيمة أم وما عندها أخوات، زين لقيت من تكون لها الأخت المقربه.. والنقطه الأهم انها صديقتي مو ملكي .
والله اختنق من شعور الارتباط بأحد يتضايق من اجتماعيتي واللي يقربون مني،
الاحظ صديقاتي معانيات من غيرة ازواجهم مننا يالشله، هذا واحنا نلتقي في السنه مره، الى متى عقدة الملكيه عند شبابنا الأعزاء
اعرف غيرة البنت من اصدقاء زوجها اذا كان معظم وقته معهم ويفضلهم عليها لين يكون مقصر، لكن الامتلاك اللي خنقه، عند بعض من البنات مو الكل.
اقرب الناس لي مايعيشون جو المتملكيني.. الا مثلي يختنقون يحبون الاستقلاليه.
اكتب وانا اتألم من ظهري جالسه اكتب في لابتوب شاشته لمس
تعبت
تعليق
-
رد: تغريدة صباح } ..
أثر صدق الغلا يجبر حطام الخاطر المكسور
وانا مهما منحتك من غلاي اشعر بتقصيري
الله أكبر
تعليق
-
رد: تغريدة صباح } ..
!! EEZ AL7RBI !!
ج الملك خالد فتحت التقديم ع وظائف الاعادة، طبعا قدمت وخلصت منهم، كانوا طالبين تخصصي في فرعين
بأبها (الفرع الرئيسي) و بتنومه! طبعا حطيت ع تنومه، يعني بحكم إنها ممكن تكون منطقه نائيه فالمنافسه مش قويه مره
بإذن الله بسير عليها هالفترة، عشان لا آتورط وقت الإختبار وأهو نتمشى بالمره
المهم المفروض إنه قاعد آذاكر بس منحاش منها عليكم، ههههههههههه صدق قاعد أستوعب حياتي كلها مذاكره في مذاكره
ي حياة الشقى
الخطه كانت إنه أخذ هالفترة كإستجمام قبل بداية العام الدراسي وبداية مرحلة الماجستير
لإنه فعلا هيا إللي تحتاج كمية عمل وطاقة إستيعاب وتحمل، بس جاء إعلان طرح الوظائف الاكاديمية.!!
عموما، أحتاج أحد أقسم معه في المذاكره؟
دانت تنور يالدافور
ماشاءالله الحين ما بديت الماجستير وجالس تقدم كمعيد.. اللهم صل ع النبي
الله ينولك مرادك وييسر لك دربك وجميع الطموحين يارب.
تمشى واعمل استجمام قبل رحلة الماجستير
الله.. وصلت رسالة بنزول الراتب
لازم ألزم قروشي للسفره والله يستر بقاوم الصرفيه 11 يوم
ناوين تركيا.. هالله الله..الله ييسرها أول مره نروح لها رغم ان الوضع مايطمن لكن عاوزين نتهور.تعليق
-
رد: تغريدة صباح } ..
الله يالذكريات
سارقتها من مدونة الوسمي
ذكرتني بموقف وأنا ممكن في الثنوي.. شخبطت حوشنا بالفحم مسويه هاللعبه
جا أبويه وخاصم أخوي اللي أصغر مني يحسبه هو اللي سواها
وأنا أقول مو هو أنا اللي سواها.. وأبويه مستمر في تهزيئه مو مصدق إني أنا العاقله اللي سوى كذا ههههههه
بعدين غسلناها ولا تهنينا فيها..
الحمد لله اني حللت طفولتي.. كنت أحسب إني ولد, ما أدخل البيت..
من الفعاليات.. بنت جيرانا تصفق أخوي الصغير.. وأروح أصفقها.. وتجي أختهم الكبيره تصفقني..
وفي العصر يجتمع الجميع على أفلام كرتون ههههههههههه يا ببيتهم والا ببيتنا
مره ما أحب العنف وماني عنيفه لكن أخويه حبيبي ليييه يتصفق.. كان كيوت وكله خدود
ياكثر الفعاليات والقصص ولما كبرت كنت أتزلج في الحارة يعنني كوول.. كنت أشوف اللي بالزلاجات هم أكشخ شي
ونصيد لوز على قولتنا, وهو لو شروه أهلي ما أكلناه نبغى اللي بتعبنا وبشقانا
لا ونكبر وتبدأ القيود والحدود والأسلحة والسلاسل حتى العزايم عيب نروح يالبنات
من الفلته للعقد .. مافي وسط وتمهيد.
تذكرت سالفة نفر كويس في الطفوله لما انتقل من حارة الحضران لحارة الزهارين هههههههتعليق
-
رد: تغريدة صباح } ..
تساؤل في مدونة نفر كويس
الحين ليش الواحد منا يعيش طفولته وشبابه يحلم ويتمنى ان الله يفكه من هالقيود والعادات والتقاليد والعقد
ويوم الله الله يفكه ويصبح شخص بالغ عاقل حر مميز يتمتع بكامل فلته
يقوم يضيع نصف عمره الثاني في التفكير كيف كان عايش وليش كانوا وليش سوو ولو اننا كنا ولو سوينا
تروح حياتنا بنصفها الاول في تمنى النصف الثاني ونعيش نصفنا الثاني في انتقاد النصف الاول
ما يصير يامعود عيش حياتك وعندك فرصه تتلافى (الاخطاء او قل ماكنت تراه اخطاء)
وانت ماشي في طريق حياتك مو لازم ترجع ورى
يا ناس ضعف استيعابي.. ما سرت سريعة الاستيعاب زي اول ما خلصت دراستي
هالبرغراف شايفه فيه وجهة نظر, بس عدت قراءته كثير واقول اشفيه نفر كاتب كلام زي السلطه ملخبط
وأعيد وأعيد قراءتي وطلعت السلطه في راسي الله يشفي مخي ويحمي لي شبابي.
كلامك زي تساؤل جا ببالي عن اللي هاجرو البلد, ومشغولين في سبها ونقدها
طيب هاجرتو ياخي عيشو حياتكم وانطلقو زي ما تبغون.
والا اللي عاصرو ماضي مؤلم أو أيا كان.. ومنشغلين بماضيهم حتى في الحاضر,
وأنا منهم, انسانه ما أفارق الماضي للأسف.. يعني لابد أخذ ساعة تأمل وريوس ع الماضي شوي
بحلوه ومره... ولا أنسى شي فيه بسهولة... تفاصيل دقيقه وأصدقاء الروضة وتعامل غيري معي قبل وبعد
وأغاني الطفولة مثلا للآن أغنيها ويقولون ما تطلعين من جو سبيستون ذا؟
وبنفس الوقت عندي فضول ومخاوف عن المستقبل لأنه مجهوووول ونفسي أعرف اش بيسير لي في الحلقات القادمه
ومن هالسوالف أنتقل لسؤال الوسمي الإفتراضي...
السوال افتراضي يقول :
لو عندك القدره انك تتحكم في شي واحد او تغير في شي وين بيكون التغيير
(الخيار الاول: في الماضي وبتعدل خياراتك وامور انت ندمت عليها وكذا )
(الخيار الثاني: في المستقبل وانك تعرف مستقبلك وتعرف خياراتك وكذا )
وعاد معاكم حريه كتابه السبب وليه اخترتو اي الخيارين فيهم ووين الافضل لكم
تمشون مع رؤية المستقبل .. او العوده وتعديل الماضي !!
بس هاه لاحظو المستقبل رؤويه بس مو تعديل !!
ودي أقول أتحكم بالمستقبل لكن صراحة الأقدار اللي من الله أروع من اختياراتنا وهالكلام من تجاربي في الحياة,
لو كنا عايشي باختياراتنا إحنا فقط حتصعب االحياة على مافيها من صعاب...
لكن احيانا نكون حالمين ونتمنى تكون بإيدينا الحياة ونعيشها كلها سعادة بلا منغصات, وهذي في الجنة فقط.
يارتني أملك الأفراح واتصرف بها وحدي
وأعرف كم بقي لي جراح وكم ساعة هنا عندي
لاخلي فرحنا دايم, واخلي عمرنا هايم
واقول لللشوق مين إنته؟ توكل روح ياظالم
تعليق
-
رد: تغريدة صباح } ..
هالفترة أسوي مقابلات شخصية
وجتني بنت كأنها مكسوره مافي ثقه ويالله ترد, ما أظهرت نفسها بالشكل اللي يحمس
أسألها أسئله أحاول أغير نظرتي وردودها تحبط أكثر, غير مباليه يعني
وبحسب النقاط اللي أقيمها فيها النتيجة كانت 17 من 30
ولما شفت نتيجة تخرجها 89 !!
واختبار اللغة جابت من أعلى النتايج يعني ماهي هينه
زعلت وحسيت اني ابغى أعيد تقييمها وان 17 ممكن ظلم لها, لكن كنسلت الفكرة
لأن فعلا هي فشلت في المقابله ولازم تنتبه لهالغلط
قلت لها ماشاء الله كل شوي تدهشيني في درجاتك ومستواك.. المقابله ما أظهرت هالشي
لازم تثقين بنفسك وتظهرين هالثقة وتعطي انطباع يعكس هالذكاء وهالقدرات..
الله أعلم بتنتبه لأهمية هالنصيحة والا لا..
كثير ناس يعانو من البطالة وعدم التوفيق في اي مجال يسبقه مقابله وهم مؤهلاتهمم قوية جدا
وكله بسبب فشلهم في التواصل والا تقدير الذات منخفظ عندهم أو يكونو سطحيين في فهمهم للأمور..
زي بنت خالتي عبقرية دراسة وأشوفها ذكية جدا وخفيفة دم في المجالس..
ولما حكت لي عن المقابلات الشخصيه اللي دخلتها وكيف ردت ع الأسئلة انصدمت
الأسئلة أخذتها من ظاهرها, وعادة أسئلة المقابلات فيه وراها سبب بعيد عن البال
الي واعي صح لهالأسئلة وبحث وتعلم كيف يتصرف في المقابلات
وتعلم كيف يكون مستعد يظهر انه يستحق الوظيفة بذكاء..راح يتصرف صح
مثال لأحد أجوبتها ههههههه ضحكتني من جد
سألوها كيف علاقتك مع زوجك (الله اعلم كيف صاغو السؤال)
< مغزى هالسؤال ىالمتوقع هو يبغون يعرفون هل هالزوج متعاون والا ممكن يأثر على شغلها
هل راضي انها تتوظف والا يشكل تحدي قدامها... امور كثير تجي ببالنا تربط هالسؤال بالوظيفة.
لكن هي قالت وش دخلك في زوجي وحياتي الخاصة ههههههههههههههههههه
المهم شدو حيلاتكون في هالجانب اذا لاحظتو ان المقابله تجيبون العيد فيها
تعليق
تعليق