ودخلنا العام الجديد.. أسأل الله أن يكون عام نصرة للمسلمين والمظلومين والمضطهدين في كل مكان
وأمن وأمان لكل من فقد وطنه ومعنى الإستقرار.. ويجعلها خير وبركه على الجميع.. اللهم امين

​

مساءكم رائحة البخور ممزوجة ب عطر شانيل
مساء فخم زي حضراتكم


زادت مسؤولياتي والضغط شوي في عملي والسبب إنهم بعد ما أرسلوني أخذت دوره للعمل,, وبعدها أستلمتني مدربه
زادت معرفتي ومسؤوليتي يعني.. أصلا لما علمتني كل اللي ناقصني وقالت يالله وقعي على إنك عارفه هالمعلومات كلها
قلت ما ينفع أكتب إني كنت أمزح واني ماكنت مركزه مثلا .. من جد بعض الأحيان تندمين لما تظهرين إنك شاطره
بس دروس نتعلمها وحلوه كمان... والجميل في شركتي إنهم يعطوني زيادات كل ما زادت معرفتي و(تطبيقي) طبعا .

امممم الخبر الحلو اللي كنت بقوله لكم =)
رغم إني في فترة التدريب وهي 3 شهور.. وماكملت إلا شهر.. شاوروني في موضوع إني أسير مديرة المحل والموظفات
لأني قايمه بهالدور من سابع يوم في المكان. امبسطت إنهم قدرو مجهودي وحرصوا على إني أستلم راتب أعلى دامني مجتهده يعني دبل راتبي
بس قلت لهم أصبرو لين شهر 3 عربي .. إذا حصلت قبول ماجستير والا أكمل قالو أوك معاك لين تعرفين نتيجتك.

حيره صراحه.. المحل ماهو أقصى طموحاتي لكن الله أعلم هل لي نصيب في حلمي أو لا.

نسيت أقول لكم موقف فاجأني.. رغم إنه معروف إنك إذا نيتك بيضا راح تلاقين اللي يرضيك واللي فيه الخير
في جولتي مع المدربه قالت لو طلبتي تستلمين القسم الفلاني وتكونين أخصائيته راح يزيدونك في الراتب الشي الفلاني
أنا بعدين رجعت للمحل وفكرت, الصدق أنا اللي فاهمه الشغل كله وزميلتي كل يوم أعيد عليها الدروس وأطبقها قدامها
ولا تفهم أو مافي نيتها تفهم ! يعني تعودت أرجع أعدل وراها وأناديها كل شوي.
شايفه نفسي أحق إني أكون أخصائية هذا القسم بس ما ودي أخذه بنفسي,, يعني ودي أحد يقرر من الادارة عشان يرتاح ضميري
وتركت الأمر للوقت ( كعادتي لما أحتار ) وصدفه جتني رساله من الإدارة إنو راح نرفع إسمك عشان تكونين الإخصائية.
أنا عرفت إنه القرار كان وراه مدربتي لأنها تعرفني وتدربني عن بعد من أول ما بدأت.. وتعرف زميلتي وجربتها.
والحمد لله جت من الله :)


سبحان الله كنت أحسب الشغل في المحلات بس كاشير وبيع وشرا.. أثرها أكثر من كذا بكثير
تعلمت مهارات إداريه وماليه وحسابيه وووبدنيه هههههه يعني فيها شيل وحط
المهم كل يوم أطلع بدرس جديد

إقتباس من مدونة نفر كويس فيه سؤال للنقاش
وحبيت أشارك برأيي وحابه أشوف باقي الاراء بس كلها كانت قصيرة جدا..





قبل أجاوب نشوف معنى الإخلاص.. بحثت ولقيت أغلبها عن الإخلاص في العبادة والتوحيد وكذا..
فأخترت هذا اللي قريب من موضوعنا وهو الإخلاص في العلاقات:
" ترك الغش والرياء , وفاء في الصداقة او العمل او نحوهما ".

أي شخص ما يقبل الغش في أي علاقة حتى لو زمالة..
لكن الوفاء في رأيي مبادره جميلة من الطرف الاخر في العلاقات العادية.. ونقول هذا الشخص وفي دايم يسأل
وإذا غبنا يتصل يتطمن علينا.. والا زميلة دراسة لما عرفت عنواني بعد سنين من التخرج بادرت بالسؤال
هذا من وفائها لذكريات الدراسة رغم إنها زميلة مو صديقة.

لكن الإخلاص بين الأصحاب مطلوب عشان توصل الصداقة لأسمى مراحلها.. وصداقة من غير إخلاص تبقى ناقصة.
أما الإخلاص بين الزوجين مفروض ومن غير ما يتعاهدون عليها..لأنها علاقة مقدسة .

نعود لباقي الأسئلة:
هل للاخلاص علامات تبين المخلص من عدم المخلص
هل تقديم المصالح منافي للاخلاص

من علامات المخلص في نظري.. مبادرته في السؤال والإهتمام.. وتكون نابعة من إهتمام حقيقي يعني يعقبها فعل.
لأن كثير اللي يسألون ويتدخلون في أمورك من باب الفضول فقط يعني بيبان اللي يهمه أمرك.

أما تقديم المصالح ماعندي جواب له..!
ما تحضرني مواقف عن هذي النقطة
حاولت أتذكر موقف عن الاخلاص وتذكرت مثال إنت نزلته عن زوج سعى مع زوجته لين أخذت الدكتوراه
وطلقته وتزوجت دكتور ... طبعا ما ندري إش بينهم وهل الزوجه لئيمة والا في سبب ثاني.
لكن اللي ظاهر لنا أنه الزوج كان مخلص وهي إتبعت مصلحتها
ممكن كان فيه أمثلة أفضل من هذي في تقديم المصلحة ! الله أعلم.. لكن هذي نموذج سيئ لإتباع المصلحة.


ياريت ألقى اراء عن اخر سؤال بالذات حتى لو من نفر كويس نفسه =)

السلام عليكم ورحمة الله وبركاته
وحشتوني
تفضلوا إهداء

عسى ربي يخليكم لقلبي

https://soundcloud.com/7salman7/vmy49rvjbkhj

Listen to عسى ربي يخليكم لقلبي by 7Salman7 #np on #SoundCloud

الانترنت عندنا يمط الصبر لين يسير مطب في روما.
غبت رغم اني شجعت بعض الناس تبطل غيبه وترجع والحمد لله نورونا في مدوناتهم
وأظن غيبتي مطوله.. والله مالي نفس حتى اقوم بواجباتي كمراقبه..
الله يزين الانترنت ويزين نشاطي وتواجدي بعبير.