صباحكم سيييعيييييد
الاختبار مدري عن صدقه من كذبه ويارب يكون دقيق لأن مهم أعرف الجوانب المظلمة في شخصيتي ,
أختبرت وجبت لكم النتيجة ...

لبى قلبكي يالخفوقي
البارح فعلا كان يــــــوم منننن جماله نسينا إنه الأحد !
أمطار عندي وعندك رغم إني في مشاكل مع الطالبات ومطاردات هههههههه
مع المطر الكل هرب من الكلاسات وأنا واقفه معاهم ما ودي أنكد عليهم لكن جت العميدة وسويت اني أدخلهم

جبت لكم سوالف عميقة ومثيرة للإهتمام... الربع الأول من المقطع ممكن ينومكم الباقي يشد...
متابعة ممتعه مفيدة.. أتمنى من كل قلبي تشاركوني تعليقكم ع المقطع أحب أشوف وجهات النظر المختلفة


<span style="color:#000000;">

صباح الخير والمسرات
جزاك الله خير نور الفجر
أتفق معاك في أهمية وجود مختص يقوم بهذا الدور والأولوية له..
ولكن ما يمنع إنا نقوم بدور توعوي في أمور إحنا عشناها ودارسينها كإهتمام وبرضو إجتزنا مصاعبها,
مش كل مختص (فنان) في دوره وفاهم فيه صح, وإذا نقصته الخبره وما فهم الطرف الثاني ماراح يكون دوره فعال.

اللي بقوم به هو نفس دور الأم مع أولادها في توعيتهم وإرشادهم, وعملي يطلب مني هذا الدور
والحمد لله عندي قبول من الطالبات بشكل يجعلني أنتهز هذا القبول في توعيتهم,
أمور تختصر عناء كبير وأذى جالسين يأذون أنفسهم بدون وعي منهم, لصغر سنهم وقلة الفهم.
لما تكون البنت عندها تركيز سلبي على اللي حولها وتعتقد كل تصرفاتهم وكلامهم يقصدونها هي فيه!
ولما تسعى البنت في البحث عن الإهتمام والحب والتقدير من الآخرين
وهذا الحب ما يجي من برا إذا ما بدت بحب ذاتها وتعزز هذا الحب في الداخل !
لما تكون مبدعه ومدهشة ولكن ثقتها في نفسها صفر, وشعورها بالاستحقاق متدني !
أمور كثيرة تتعب البنات وحلها ما يخطر على بالهم..
أسرفو في إعطاء الأهمية والتركيز في الجهة الخطأ وبالقدر الخطأ, إذا فهمو المشكلة راح يتحقق التوازن في حياتهم.
وهالأمر ياخذ وقت وجهد من الإنسان حتى يحقق التوازن ف ليه ما يتم توعيتهم من بدري وفي هذا العمر الحرج المتعب.


طبعا اللي وصلني لذا القرار انو صحة البنات تتدهور بسبب نفسيتهم الناتجة من هالفوضى الداخلية..
الخوف والقلق والتعلق وإعطاء أمور أكبر من حجمها.. أكيد جسمهم راح يعاقبهم من الحمل الي يحملونه أنفسهم من جهالة.
يكفي عليهم هم المرحلة الجامعية, وهي تحتاج صحة وذهن صافي وتوازن.
عاد أنا مستلمه مشاكلهم من سنتين ونص ف لقيت المشكلة المشتركة بينهم وحبيت أشتغل عليها بشكل جماعي ^_^

اذا طبقت هاللقاء التوعوي بهالأسبوع بإذن الله, أنوي أستمر في تطويره وتطوير المحتوى وأدور على الكليات وأعطيهم نفس الشيء.

أشكرك ياباشا على التوضيح وكلامك سليم ميه ميه
تسعدني مشاركتك ومشاركة أي أحد يبادلني النقاش في سوالفي.

مساء الخيرات =)

مبسوطييين بالأجواء الشتوية من قدكم
الكل سار راضي ع الدنيا ومن فيها , وأولهم يوم الأحد
مر علي أسبوعين ما حسيت بغثا الأحد !
وأسبوعين فيها مشاكل وشغل ما ألحق أخلصة ومع ذلك أقول يوم جمييل,
مع إني مو صديقة الشتاء ولكن لسى ما جا الشتاء اللي أزعل فيه ههههههه
اللي تسير الطرق كلها ضباب والملابس مااااااتدفي لو داومت حتى بفروه, يصاحبني صداع لين نهاية الشتاء.

سوتها تنهيده وسارت مدونتها صوتيه نزلي البرنامج خن نشوف الباقين مين يشارك يلا
هاتو سوالف والقصص والا ألقو شعر جمييل واللا تأذنوا وترتلو قران... نعنشو المنتدى بدون المواضيع المستهلكة



حكيت لكم قلت بتكلم مع الطالبات وسويتها اليوم... لكن أخترت يكون الموضوع " التغلب على ضغط الدراسة الجامعية "
حمسهم العنوان كثير لأنه لامس معاناتهم..تكلمت عن ثلاث محاور ( الصحة البدنية, الصحة الفكرية, الصحة النفسية )
وأهميتها بالترتيب طبعا... ويندرج تحتها الأمور اللي حكيت لكم "الخوف, التعلق , ضغط الآخرين مثل الأهل والمسؤوليات.. وغيرها من أمور"
طلبتهم يرسلوا ملاحظاتهم وأي إقتراح بخصوص هالنقاش الي سار على جوال العمل, لو كان فيه وقت كافي كان خليتهم يكتبوها في ورق,
المره الجايه أجهز لهم ورق وضيافه ان شاء الله .

راضيه باللقاء الحمد لله وناويه أصقله أكثر وأكثر لأني ما أحب كثرة الأمور على المتلقي,
كل نقطة أحب أعطيها حقها ووقت كافي للمستمع يستوعبها ويشعرها بشكل كافي ومايتشتت.

جربت إدارة نادي للفنون وكان ناجح وشاركنا بأعمال النادي برا الكلية مرتين
وهالمره نادي تطوير الذات.. ماني قائدته رسميا لكن محد حريص عليه مثلي..
والمسؤوليه اللي كانو معطيني اياها نادي الزراعة وأصدقاء البيئة وزحلقت نفسي منه..
ما عندي اضافات فيه ولا اهتمام مقارنه بنادي تطوير الذات.. والحلو اني حره في عطاءاتي ^_^


أكمل سوالف في التدوينة الجاية

محد علق على الفديو هل شفتوه مثلا؟
والا ما أثار اهتمامكم =)
اتز أوك.. أمور كثيرة تشدني وتطلع مملة لغيري

أما رحلة نفر أسطورية.. ماشاء الله تبارك الله

9 ساعات تقريبا
وااااو
وبهالأجواء الخيالية حاقه ماحصلتشي


هذا الموسم بالنسبة لي " إذا دخلت البيت مافي طلعه خلاص"
تراسلني قريبتي تقول تعالي اسهري عندي
قلت بكرا لأن لازم أستعد نفسيا ان عندي طلعه
بهالبرد استجابتي ثقيلة في التفاعل الا مع النوم ههههههههه
لا وسايره أحللللم !
السنما عندي أثاري موسمها في الشتاء
الصدق ما أنام الا بالليل, إلا مره في الاسبوع أنام نومتين في اليوم
الباقي قرااءة... مستمتعه جدا بالقراءة هالفترة وألعاب مدري كيف أوصفها
اللي إذا انفكت تحتارون كيف ترجعون تركبونها
ألعاب الذكاء..
سويت المتوسط باقي ماجربت الصعب والأصعب شي



يالله أستودعتكم الله

صبــاح الخيـــر =)
كم لبثت في الصفحة السابقة.. !

أتمنى يومكم جميل وتذكروا بكرا خميييييس
وصلتني صراحة جميلة بخصوص الفديو اللي نزلته وكلها تفاعل بضمير .. بجيب منها الزبدة :

" أعجبني صراحه, فيه نقاط كثيرة تهمكم انتم يالبنات بالنسبة لنا الشباب مالها اي تاثير فينا
عندنا نسبة البداية من جديد ونسيان الامس اعلى بكثير من البنات وبسهولة جدا نعيش الواقع
الي نكون فيه ونعدي بعض المراحل اللي فاتت لو كانت صعبه ببعض الأحيان اظن كذا !! "

" فـ الاخير لازم نعرف دائما ان الامور راح تمر مهما كان طعم مرورها جميل او مر "

الصراحة ما أقدر أتفق أو أعترض لأن ما عندي فكرة هل هذي الفكرة حقيقية وفي الواقع والا فقط وجهة نظر من زاوية صاحبها.
من زاويتي المتواضعة أشوف الكل يقدر يتجاوز بحسب مدى وعيه, ومدى حبه لذاته...

اللي بالفديو تكلمت عن أمور في اللا وعي, يعني ألم ومشاعر ماحن واعين لها,
اللي تبغى توصله لنا هو "الذكاء العاطفي" اللي حكيت لكم عنه مره ..
والعادة الي نسويها بلا وعي هي تجاهل المشاعر وانكارها أوقات وبدون قصد وبدون وعي منا.. وتأثر فينا برضو بدون ما نلاحظ...
لين نشوف انفعالاتنا مثلا.. الغضب من أدنى شيء.. واحنا مصرين ان مافينا شي لأن مو واعين لأصل المشكلة!
خصوصا في مجتمعنا .. لا تبكي لا تضعف لا تحزن.. انت كبير انت مدري ايش.

هذا اللي تتكلم عنه ولاحظته الآنسة لما سار عندها أطفال وزوج وكيف انفعالاتها وتصرفاتها..
ف رجعت لكل مشكلة في اللا وعي واشتغلت عليها.

اللي ملاحظته ان الاناث يجرأوا انهم يعترفو لأنفسهم بالمشكلة ويسعو لحلها,
واتفاجأ اذا فيه شاب اعترف بمشكلته وسعى لحلها وهذا يدل على وعيه.
أخويه عمله جدا متعب وفجأه سار أب وواجه مشكلة العصبيه وانتبه انه جالس يسوي شيء غلط,
راح لاخصائي وسأله كيف يتعامل مع غصبه وكيف يتعامل مع أولاده تحديدا.. وتغير ولقي نتايج مريحة جدا... ببساطة.

مشكلة سائدة, الكل يفكر في الخلفة بدون ما يقرأ ويتعلم ويتهيأ لدور الأبوة..
ويحطو في توقعاتهم برضو انهم راح يرزقون بأطفال مثاليين,أو صحتهم كاملة,
واذا جاء العكس مايتحملو مسؤوليتهم..!



وبس والله
أستودعتكم الله

السلام عليكم..

إحنا لازم نرجع لوأد البنات.
البنت خطر على الذكور المتوحشين, الذكور يتأثروون بأدنى همسة!
" ايكم متساهلييين" متساهلين مع هالكائن الأنثوي,
ما تعرفون الخطر المحدق الناااسف للقيم والمباديء.
لأن الذكر ماعنده كنترول.. مسكيييييييييين
الحل هو دفن الأنثى لأن كلها عورة, درررئا لإيـش ؟
درئا للمفـــــــااااااسد .

نقـــطــه


قال ايش قال الأوردو يقولون كذا, استشهاد ضعيف.
مابضيع الوقت وأشرح بأن المرأه صوتها مش عورة ولاهي بعوره!
الحمد لله على محمد بن سلمان وعلى فكره..
كل التاريخ كان الاستعباد للسود والنساء.. لأنهم متسامحين
اخر معلومة قرأتها عن نساء الصين في فترة من التاريخ كانو ممنوعات يكلمون بعض,
وابتكرو لغة النوشوعشان يسولفون ويتراسلون بها عن طريق الاقمشة المطرزة وغيرها من طرق..
لغة مايفهمها غيرهم. مرض اضطهاد المرأه وتكتيمها ودفنها ما انحصر بثقافة أو مكان للأسف.
قرأت قصص ومواقف للرسول عليه الصلاة والسلام ما أنكر على المرأة أنكر على الرجال اللي ألتفت لها,
عارف المشكلة من فين, واللي يسألونه من النساء ويخاطبونه مانهرهم وقال صووتك عورة !

فكرت هالعقد ولت ولكن لازالت معششة في بعض العقول.

صباح الخير

أول مشاركة لنفر توقعته يمزح وبيستفزنا عشان يوصل فكرة,
والمشاركة اللي بعدها قلت لاااااا لازم أنزل الميدان وش هالكلام الفاضي.
تستاهل ماجاك صاحب الدقه يستلقى

حسابي الصراحه شلته نهائي قلت اذا هالعقلية موجوده مابفتح لهم مجال.. لأنهم استحلو الحساب.
قدباي

صباح الخير

إقتباس:
" يعجبني الشخص اللي يحط نفسه مكان غيره قبل يتفلسف,
ويحس بمشاعر غيره ومعاناتهم ومشاكلهم وتحدياتهم ولا يستهين فيها..
صرنا نادر نشوفهم بعكس اللي يتفلسف ويشكك بكل مشكلة او معاناة يقرأها
لأنه عايش حياة وردية ويفكر الكل مثله "