هذى اخر مرة انزل فيها حتى اخر امتحاناتى وهيكون البارت طووووووووويل جدا


فتحت عيوني علي صوت طرق الباب ماقدرت اقوم من علي السرير امس مانمت الا متأخر من كثره التفكير بموضوعي مع سعاد والشاب ونهاد الي ماترد علي اتصالاتي
وانا متمدد علي السرير_ مييييييييييييين
جاني صوت امي _ يمه واحد عالباب يبيك يقول انه من طرف واحد اسمه يوسف
نقزت من علي السرير وفتحت الباب وقلبي يفر من الخوف يا الله خير
فتحت الباب وامي قدها مشت خرجت من البيت وكان الشخص الي عينه يوسف لمراقبه الشاب
سلم علي واشر عالسياره طلب مني اني اروح لين بيت يوسف . . سألته ليش وين رايحين
ابتسم _ المهمه تمت ولقينا الشاب الي كنت تدور عليه والحين هو في بيت عم يوسف ,وهو طالب تجيه الحين

فرحت وخفت بنفس الوقت فكرت اخذ معي ماجد رحت يم غرفته مكان موجود تذكرت ان عنده دراسه
اتصلت فيه ورد علي بعد ثلاث رنات هع
وقلت له عن الي بسويه فرح وقال انه بيحاول يستأذن من الجامعه ويجي لبيت عمي لأني قلت له اني بأخذ الولد الي ماعرفت اسمه هههه واخذه لين بيت عمي
رحت بيت يوسف بس الغريب ان السواق ماوقف عند باب البيت الي دائم ادخله دخلني من بوابه غير بنفس البيت بس من مكان ثاني
نزلني عند بيت يشبه الكوخ وكأنه بيت للعطلات بنفس البيت ههههههه هههههههه
نزلت وانا مستغرب ايش الهرجه
فتح لي الباب الخشبي ودخلت شفت يوسف جالي عالكنبه ينتظرني
اول مشافني نقز يمي _ هيه وينك تأخرت
واشر للرجال انه يخرج خرج وسكر الباب
همس لي _ شوف سلطان في الغرفه الثانيه عاد انت روح وشوف شغلك معه
طالعت فيه بأستغراب _ سلطان مين ؟ ( غبي من جد غبي !!
ضربني بكفه علي كتفي _ الله يخليك شوف لك حل بعقلك الأهبل الظاهر انه مصدي ولا البطاريه حقته خالصه
وتركني بحيرتي ومشي فتح الباب وسمعت صوت واحد يسب ويسخط
_ ياكلاب يا ,,,,, كلام خطير مقدر اكتبه ,هع
دخلت وراه وشفته الشاب مربط بكرسي وحالته حاله ملابسه مقطعه وشعره منكوش ويسب بيوسف ويوسف يطالع فيه ويضحك
انا قلبي رق وحن عليه
_ يوسف حرام عليك الي سويته بالولد فكه
طالع فيني يوسف _ انت من جدك صدقت المسلسل الي مسويه اقول انا مراح افكه الا لين اخذ لك حقك منه وافكك من السالفه هاذي كلها
تنهدت _ انت ليش تسوي لي كذا
طالع فيني ومارد علي ,,قرب من الشاب واعطاه كف من قلب
وطالع فيه بحده الشاب انخرس وماتكلم _ شوف ابيك تمشي معنا انا والطيب هذا وتعترف لأبو البنت بكل شي اوكي
هز الشاب راسه بجبن _ طيب طيب بعترف بكل شي
انا كنت اعرفها من مده وطلعت معي اكثر من مره ومارسنا الجنس مرات عده وبعدها قالت انها بتوب وطلبت مني اني اتقدم لها واتزوجها لكني انا مارضيت ... وطالع فينا _ انتم لو مكاني مراح ترضون تتزوجون وحده مثلها
انا دمي فار وعصبت الدنيا اسودت بعيوني تركت الغرفه وخرجت ماقدرت اتحمل
حسيت نفسي مخنوق ومخدوع
جلست عالكنبه وماقدرت امسك نفسي عن البكاء بكيت كما الطفل من حرتي
....
اتصل فيني ماجد يسألني فيني قلت اني انا في بيت يوسف سألني عن العنوان وعطيته اياه
جا بعد نص ساعه
قابلنا وكان معه ولد عمي جابر الي قاله عن السالفه كلها
انا كان عندي تسأؤل ماجد كيف عرف عن الشاب وفكرت اسئله بعد ماتخلص السالفه
انا خفت تحصل مذبحه بينهم ونروح كبسه
دخل جابر وماجد عنده يوسف جلس جنبي كان متوتر مثلي _ الله يستر لا يذبحونه
طالعت فيه ابتسمت _ عاد اهلي مو مجرمين
> >
شوي وخرج جابر وماجد وماسكين سلطان تقال خروف
جابر كان باين عليه انه معصب ومو مصدق الي يحصل
طالع فيني وعيونه طايره _ انت كنت تعرف انها مو بنت
ساعتها عرفت ان محد يدري بالسالفه الا ابوي وعمي بس وسعاد
مارديت عليه مشو من قدامي ومعهم سلطان خرجو من البيت وانا جلست مكاني احاول استوعب الي يصير وخائف الموضوع يكبر وتصير فضيحه
....
شوي ويوسف قام _ انت ايش تسوي جالس هنا روح وراهم
طالعت فيه _ ليش وين اروح وايش اسوي
ضحك _ انت مجنون انت اساس الموضوع انت كبش الفداء كانو بيضحون فيك حتي تتستر علي غلطه واحد حقير زي سلطان الحين انت تروح وتسوي نفسك برئ ومسكين وهم مراح يردون لك طلب وراح يدورون رضاك
,, فكرت شوي بكلام يوسف وقمت _ طيب يا الله خلنا نروح
يوسف _ انا مالي داعي اروح
_ كيف مالك داعي لولا الله ثم انت مكان صار الي صار
ابتسم _ لا ماجد هو الي سوي كل شي هو الي لقي سلطان وعرف مكانه انا ماسويت شي روح انت واشكر اخوك علي الي سواه
,, ضميته لصدري وشكرته ومشيت وراهم رحت مع السايق الي جاني البيت وكان ينتظر بره
دليته علي بيت عمي قلت اكيد هم راح يكونون هناك وفعلا وصلت بيت عمي وكانت سياره ابوي هناك وسياره جابره وكان بابها مفتوح دليل انهم منزلين سلطان من السياره غصب ومالقو وقت حتي يسكرون الباب
سكرت باب السياره
ودخلت البيت طلبت من السايق انه ينتظر ومايروح تحسبا لأي شي يمكن يصير ويمكن احتاجه
اول مافتحت الباب الخارجي ,, سمعت اصوات هواش وصارخ مو طبيعيه دخلت المجلس بهدوء
,,,,
سلطان كان مرمي عالارض وحالته بالهم وابوي جالس عالكرسي ومطأطئ راسه بأسي وماجد وجابر واقفين عند سلطان وعمي جالس عالأرض وباين انه تعبان
وجابر وسلطان كانو يصارخون علي سلطان
شفت الحريم بعد سعاد وزوجه عمي واقفين عالباب الداخلي للمجلس وكانو يبكون
,,,
شوي وانتبهو اني موجود
عم الهدوء والأنظار تحولت بأتجاهي
نزلت راسي وماتكلمت ...

جابر بعد صمت _ احنا اسفين يا اخوي كنا بنغشك العذر والسموحه
ورفس سلطان برجله سلطان تألم
انا الموقف كان صعب علي وماقدرت اتكلم جات عيني علي ابوي الي حسيته كان ندمان قربت منه وبست راسه اول ماحس فيني بكي وقام وضمني لصدره واخذ يبكي ولأول مره اشوف ابوي العزيز يبكي ..

عمي قام من مكانه واتجه ناحيه سلطان طلب منه بحزم انه يقوم
قام سلطان بصعوبه وعمي بدون كلام اعطاه كف قوي خلاه يرجع يطيح مكانه
وطلب من جابر انه يتصل بالمأذون حتي يجي ويعقد عليهم
سلطان رفض انه يرتبط بسعاد
_ والله مراح اتزوج بنتك لو علي قطع رقبتي
,,,,



عمي جمد مكانه مصدوم وابوي بعد محد قدر يتكلم
شوي ودخلت سعاد تصارخ وتضرب بنفسها المسكينه انهارت
جابر مسكها وشدها من شعرها ورماها بالغرفه الثانيه سمعته يهددها انه راح يقتلها
الدنيا انقلبت فوق تحت محد عارف يضبط اعصابه الصراحه الي صار مو هين
انا حسيت بالذنب لو اني تزوجت سعاد وطلقتها بعد فتره مكان صار الي صار بس بعد هي تستاهل الي صار لها لو حافضت علي شرفها ,,, كان الحين هي معززه مكرمه ,,
مر وقت وهدئت الأمور شوي جابر بعد ماخلص تكفيخ بسعاد جا بيكمل علي سلطان لكن عمي منعه
سأله جابر _ ليش يايبه خلني ابرد حرتي فيه الحيوان
سلطان _ روح برد حرتك بأختك و ,,
قبل لا يكمل جاه كف مني خلاه ينخرس
طالع فيني وماتكلم ,, ,,
..
بعد مده قدر عمي يقنع سلطان انه يكتب علي سعاد بس ورقه
وانه واتفق معه انه راح يطلقها بعد شهر من الزواج
وراح يعطيه مبلغ مالي يدفعه قدام الشيخ كمهر
وافق سلطان الخسيس علي الزواج بعد ما اغراه عمي بالفلوس
.. من جد انسان حقير
..
انا من جهتي ارتحت نفسيا وماقدرت اصدق اني خلاص صرت حر
ابوي ماقدر يحط عينه بعيني بعد الي صار
ومثل ماقال يوسف صارو يدورن رضاي عمي طلب مني اني اسامحه ووعدني انه بنفسه راح يتكفل بالزواج لو تزوجت بيوم من الأيام وابوي بعد شري لي سياره جديده يعني صارو يدلعوني ,, هع هع
,,
انا انشغلت بألحياة عن يوسف ماكنت اتصل عليه من بعد هذاك اليوم ما اتصل ولا انا لقيت وقت اكلمه كنت مشغول بالسياره الجديده وكنت افر المدينه ادور عمل من هنا وهناك وكنت احاول الاقي طريقه اراضي فيها نهاد بما ان مشكلتي انحلت والحمدلله واصبحت حر
وعلاقتي بخالد تحسنت شوي كلمني وزارني بالبيت وانحلت الأزمه خاصه بعد ماعرف السالفه الي كنت امر فيها عذرني

فجأ ويمر اسبوعين وانا ماشفت ولا كلمت يوسف فكرت اني ازوره بالبيت كمفاجئه من دون اتصال الساعه 10 المساء
تلبست وتعطرت كعادتي عاد انا انسان اهتم بأناقتي ( هههههههه مادرو عنك
وركبت سيارتي الجديده وقلت خليني اوريها له واكشخ فيها قدامه ,, ورحت البيت نزلت عند البوابه الكبيره وطرقت الباب ردت علي الخدامه وعرفتها علي نفسي وفتحت لي الباب بسرعه بما اني انا معروف بالنسبه لها
,, دخلت البيت وسألتها عن يوسف قالت لي _ بابا يوسف نائم عند مدام
سألتها بأستغراب _ مين مدام؟
هزت راسها ومشت عاد انا قلت يمكن امه جات تزوره ونامت عنده اتصلت فيه وانا خارج من البيت مارد علي
رجعت اتصلت فيه ثاني رد علي وكان مبين انه توه صاحي من النوم
ضحكت _ الساعه 10 وتوك صاحي انت من متي نائم
رد علي بملل _ وانت توك تتذكر انك تعرف واحد اسمه يوسف
_ ايه انا انشغلت شوي حقك علي
سمعت صوت انثوي مايع عنده _ حبيبي تكلم مين ؟
توسعت حدقه عيوني سألته _ يوسف مين عندك
ضحك وقال كلام بالفرنسي ماهمته
عصبت _ يوسف تكلم زي الناس مين عندك
سألني انت فينك الحين
قلت له اني تحت البيت ماصدقني طلبت منه انه ينزلي تحت
...
شوي ونزل يوسف وكان لابس بجامه حقت النوم ولا بس فوقها روب وشعره منكوش ومبين علي رقبته اثار بوس ؟؟
حاولت استوعب ايش السالفه الموضوع واضع مايحتاج
تركته ومشيت جري وراي وقفني عند سيارتي _ هيه ايش فيك انت
طالعت فيه _ ايش فيه هذه اخرتها يا يوسف تعصي ربك
ابتسم _ هذه حاجه عاديه ورغبه انسانيه مافيها شي
مارديت عليه
مسك يدي _ تعال البيت افهمك مايصير نتهاوش هنا قدام الناس انا معروف بالحي راح يطلعون علي اشاعات
_ لا خائف من الناس ومو خائف من الله سبحانه الي بيحاسبك
عصب مني _ يووووووه انت انسان معقد وسخيف
ماقدرت امسك اعصابي وضربته كف خلي خده يحمر
طالع فيني ودمعت عيونه لكنه بقي متماسك جلس يطالع فيني بحقد استغربته ومشي من عندي ودخل البيت
وانا بقيت واقف مكاني محتار هل الي سويته صحيح
مكان لازم اضربه كان بأمكاني انصحه بهدوء
... ,,,
في النهايه قلت اخليه كم يوم وبعدها راح اشوف لي حل معه



رجعت لسيارتي وقبل ما اشغلها طلع يوسف من البيت واتجه ناحيه سيارتي وكان مبين انه معصب فتح باب الراكب وصعد وظل ساكت ماتكلم
كتف يديه وتنهد بقوه وظل ساكت
جلست اطالع فيه مستغرب وانا بعد ماتكلمت ,,,
مر وقت حتي اتاني صوته وكأنه اتي من بعيد _ انا اسف ,, بس انت مو من حقك تمد يدك علي فاهم
رديت عليه بعد صمت دام ثواني _ بس الي سويته شي خطير وراح تتحاسب عليه هذا زنا يايوسف مايصير
ضحك_ انت تحسب كل الناس مثلك ,, وانت ماتعرفني اصلا , ( كلام غير منطقي <<
_ كيف انا ما اعرفك فهمني
مارد علي
_ طيب اذا ماعندك شي تقوله تفضل انا مشغوول وخلي البنت الي معك تنفعك
طالع فيني _ ايه بتنفعني عالأقل احسن منك
ونزل وسكر الباب بقوه ورجع البيت
وانا تركت المكان ومشيت رجعت البيت وانا ندمان اني رحت ليوسف قلت ياليتني ماعرفت الي عرفته عنه انا كنت اشوفه شخص برئ وصغنون ومايعرف هذه الحركات بس قلت الي جرب الأدمان يعني مابيفكر بالجنس

,,
مر يومين من يوم حادثتي مع يوسف وهو ماكلمني ولا انا اتصلت فيه
كنت احس بالطفش وقلت خليني اروح اتمشي بالمدينه ويمكن اتصل بخالد يتمشي معي ويمكن نمر علي سعد بالمستشفي وناخذه معنا اذا كان فاضي
وصار الي فكرت فيه طلعت مه خالد وسعد بس سعد ماطول شوي ومشي عشان عنده شغل مو مثلنا فاضي
خالد بشرني انه لقي له شغل بمؤسسه للمقاولات وانه راح يباشر العمل بعد يومين فرحت له وسألني اذا كنت حاب اشتغل لأنهم طالبين موضفين يطلعون مع العمال ويشرفون علي الشغل الي تمسكه المؤسسه وافقت لأني بطبعي احب الأعمال الميدانيه عكس خالد الي يموت بالشغل المكتبي وتحت التكييف هع
,,,
مر وقت حتي انقبلت بالمؤسسه وحتي اليوم يوسف ماكلمني ولا رد علي رساله ارسلتها له
تسألت بيني وبين نفسي اذا كنت اخطأت بحقه وتماديت يوم مديت يدي عليه,,

فرحت بالشغل الجديد تجدد نشاطي وتعرفت علي ناس جدد دخلو حياتي ,, ونسيت مشاكلي ونهاد ماعادت تجي علي بالي

القدر اصر الا اني اجتمع مع يوسف غصب
مسكت المؤسسه مشروع جديد خارج المدينه وانا كنت المشرف عليه طلعنا نعاين الموقع الي راح نشتغل فيه المشروع كان نادي ترفيهي وصحي متكامل ( شي حلو
كان معي المدير واستغربت طلعته معنا وليش في الطريق قالو ان صاحب المشروع راح يكون هناك والمدير راح يرز خشته هناك حتي يشوف انه رجل نشيط ومسوؤل يعني حتي يثق فيه ويسلمه الخيط والمخيط
..
وصلنا الموقع ..
وهناك شفنا الأرض كانت كبيره مشاء الله انا فكرت سبحان الله اليوم هذه ارض عاريه وبكره راح تكون منتجع
سرحت بأفكاري
_ ايش الي جابك هنا ؟
التفت وكان يوسف ومعه ابوه ومعهم حرس شكله كان متغير وملامحه جديه لابس بدله سوداء ونظاره شمسيه
ابتسمت يوم شفته _ لا تكون انت صاحب المشروع
تدخل ابوه _ لا انا صاحب المشروع ,وانت ايش الي جابك ووين المدير
شوي وجا المدير يوم شافني اتكلم معهم
واسمه مرزوق
مرزوق بأرتباك _ هلا هلا والله
طالع فيه يوسف بتكبر واشر علي _ هذا يشتغل معك
طالع فيني مرزوق _ ايه هذا المشرف الجديد عليى العمال الي راح يشتغلون بالموقع
ضحك يوسف بسخريه _ دام هو المشرف . وطالع في ابوه _ انا اسف ما اقدر اقبل ان هذه المؤسسه تستلم المشروع
تنهد ابوه بقهر _ مو بكيفك هذه رابع مؤسسه ترفضها
رد عليه بغضب ابد محاول انه يكبته _ لا بكيفي الفلوس فلوسي والأرض حقتي وانا الي اقرر مو انت
ومشي من المكان لحقته بفهم ايش السالفه وهل ياتري هو لسه زعلان مني ( اكيد لسه زعلان يا اهبل
مسكته من يده بقوه واحد الحرس الي مشو معه بعدني عنه
اشر له انه يتركني وطالع فيني _ نعم ايش تبي انت
_ ابفهم انت ليش سويت كذا وكيف تكلم ابوك بذي الطريقه قدام الناس
طالع فيني وبسخريه _ عن اي ناس تتكلم
تنهدت _ انا ادري انت لسه زعلان مني علي سالفه البنت الي كانت عندك
_ عن اي بنت تتكلم ؟
التفت كان ابوه واقف ورانا وسمع كلامي
يوسف _ اف كملت السالفه ,, يعني انت يناصر مصر الا تخرب حياتي
استغربت _ ان اخرب حياتك يا يوسف
مارد علي
ابوه صعد السياره واشر لي اني اطلع معه يوسف رفض
ابوه _ مو بكيفك انت اذا ماتبي طور لك سياره تاخذك ..
طالع فيني _ تعال يناصر انا ابيك المدير يدري انك جاي معي
ترددت وبعدين صعدت معهم
يوسف جلس قدام مارضي يطلع وري معنا
كان مره متضايق مني ومعصب وحط حرته بالسواق كل شوي يتهاوش معه انا ضحكت من اسلوبه
واحنا بالطريق الي كان طويل بما ان الموقع كان خارج المدينه
سألني ابو يوسف عن البنت الي كنت اتكلم عنها يوسف نفز _ مو شغلك انت عشان تسأل
وطالع فيني بحده وتهديد _ ياويلك لو تكلمت
تدخل ابوه وبتعصيب _ يوسف احترم نفسك
طالع في ابوه ورجع مكانه والتزم الصمت
رجع ابوه سألني _ يعني الي فهمته ان يوسف علي علاقه ببنت صح ولا لا
تنهدت _ والله يا اعمي انا ما اقدر اقولك صح ولا لا انا جيته بيوم وكأني سمعت صوت بنت عنده وبس ما شفت
_ يعني سمعت صوتها يعني يوسف يعرف بنت وتجيه البيت
ووجه كلامه ليوسف _ انت مخلي بيتي وكر دعاره ياقليل الأدب
يوسف ضحك بسخريه ومارد عليه
,,,
انا استغربت من اسلوب معاملتهم لبعض احيانا احس ابوه مهتم فيه واحيانا لا ماقدرت افهمهم ابدا
ناس غريبين جدا
,,, وقفنا عند محطه حتي يعبي السايق السياره بنزين ويوسف نزل البقاله بيشتري له عصير كان الحارس بينزل معه لكنه رفض
ونزل لحاله ابوه طلب من الحارس انه يروح معه ويراقبه من بعيد
واحنا ننتظر يوسف يخلص سألني ابوه بحنان واضح عن يوسف وكيف احواله
استغربت سؤاله الغريب فيه اب يسئل شخص غريب عن ولده ؟
ماعرفت ايش اقوله وقلت له اني انا لي اكثر من اسبوع عنه وما ادري كيف كانت حياته بهذا الأسبوع
كان بيكلمني بس يوسف صعد السياره وهذه المره جلس عندنا وراه وجنبي بعد واول ماسكر الباب قرصني قرصه بفخذي بأضافره وجعتني
تألمت لكني ماحاولت ابين قدام ابوه
كان معه كيس فيه انواع الحلويات المضره بالصحه
ابو يوسف _ انت متي بتبطل شغلات البزارين هاذي خلاص متي بتكبر
طالع فيه ومارد عليه طلع العصير وفتح السنكرز وجلس ياكل فيه بلا مبالاه
تنهد ابوه وجلس يطالع بالشباك وسرح
..
وانا جلست وسطهم مو عارف ايش اسوي حسيت يوسف يعاند ابوه ويسوي كل شي هو مايبيه
وابو يوسف يبي يتقرب من ولده لكنه مو عارف كيف ؟
,,,