قرر يوسف انه يجرب قطار الموت وطلب مني اني اصعد معه انا ضحكت كنت اتوقع انه يمزح لكنه كان جدي
رفضت طبعا لكنه سحبني من يدي واجبرني اصعد معه القطار انا كنت خائف جدا جدا
واول ماصعدت القطار
غمضت عيوني وتشهدت لأني حسيت اني راح اموووت هع
,, خلصت الرحله بسلام ووصلنا بر الأمان انا كنت احسني مو علي الأرض ورجولي ترتجف
انا يوسف فكان في كامل حماسه ونزل وهو يصرخ من الحماس الي كان ماليه
مسكني من ذراعي الي كانت ترتجف يا الله نصعد الصحن الدوار وبعدها بجرب لعبه السيارات السريعه راح اسابقك
انا ماقدرت ارفض طلبه لأني شفته قد ايش هو متحمس
صعدت معه اللعبه
واول مابدت اللعبه بالدوران ,, انا حسيت نفسي راح اخرج الي ببطني
وكنت متشبث بذراع يوسف الي كان في قمه الحماس
وانتهت الرحله بسلام بالنسبه ليوسف اما انا اول مانزلنا من اللعبه الي ماتتسمي بسرعه جريت ناحيه دورات المياة وماقدرت اول لها رجعت الي ببطني قبل ما اوصل هع
يوسف كان يجري وراي بيشوف ايش بلاني
واول ماشافني وانا بحاله يرثي لها راح جاب لي مويه وعصير ومناديل بل الكثير من المناديل ههههه
جلست شوي عالكراسي حتي استعيد نشاطي وعافيتي
سألني يوسف _ انت ايش بلاك لو كنت تخاف كان قلت لي
مارديت عليه
كتف يديه _ طيب يعني نمشي الحين
ضحكت _ لا لا ليش نمشي انا بجلس هنا وانت روح العب وانا بنتظرك لين تخلص ويطيح الي براسك
وبعدها نروح المطعم
ضحك _ العب لحالي ليش انا كنت بلعب معك بس خلاص دامك خواف خلينا نروح نتصور صور مجنونه
ابتسمت ووافقت اني اتصور معه طبعا الصور مافيها مخاطره ولا دوران هع
تصورنا الصور وكانت فعلا مجنونه
,,
خرجنا من غرفه التصوير ,, انا رحت بشتري لي بطاطس اما يوسف فقال انه مو حاس بجوع
بعد اخذت طلبي التفت وشفت يوسف يكلم بنت استغربت مين هاذي البنت الي يتكلم معها
رحت له البنت صاروووخ وفاتشه وجهها و حاطه كيلو مكياج ولابسه عبايه كنها فستان سهره
ومبين انها قليله ادب
تقززت من شكلها مسكت يوسف وبعدته عنها
طالع فيني _ ايش فيك
سألته _ مين هاذي البنت يايوسف ؟
ابتسم _ تصدق نسيت اسئلها وش اسمها ,,, تعال نروح نسئلها
_ وبعد ماتعرف مين هاذي يعني هاذي حيا الله وحده شفتها ماتعرفها
هز راسه _ ايه شفتها تطالعني ,, ورحت اكلمها , يعني خفت علي مشاعرها قلت يمكن تنجرح لو ماعطيتها وجهه
ضحكت من كلامه الغبي سحبته واخذته معي
_ احنا وين رايحين
_ يعني وين بنروح نكمل لعب مو انت جاي حتي نلعب
ضحك _ بتلعب معي انت
_ ايه يا الله خلينا نتسابق واتحداك تفوز علي
ابتسم _ يا الله طبعا الي يخسر ,, وجلس يفكر
ضربته بكتفه _ لا تفكر الحين بعدين انا اشوف ,, اذا خسرت ايش راح اسوي فيك
..
وصلنا للعبه وكان هناك قبلنا ناس كثير ينتظرون دورهم كلهم يدورون عالاثاره والاكشن هع
وهي لعبه كثير حلوه والسيارات الي فيها حقيقيه وهي مخصصه لمن هم فوق سن16 سنه والمنافسات الي فيها حقيقيه وايظا هناك اسعافات واطباء في حال حدوث حوادث لا سمح الله
يوسف كان ينتظر دوره بفارغ الصبر
ويتونس علي ويردد انه راح يهزمني بهاللعبه انا كنت متحمس للعبه بشكل غريب
ماصدقت وجا دورنا اخترت سياره لونها احمر اما يوسف فأختار سياره لونها اسود
شوي وبدي السباق بينا وانا كنت متقدم علي يوسف طول المسار من البدايه للنهايه 3 كيلو ونص وعند كل نص كيلو نقطه وفيها مسعفين وفيه ناس هنا وهناك وتطل بعض النقاط علي مطاعم يعني تكون انت بالمطعم وتشوف السباق
يعني شي حلو
من جد مدينه ملاهي بس جدا غاليه ولا يدخلها الا الناس الي مثل يوسف هع
المهم نرجع للسباق
انا كنت متحمس وسعيد اني متقدم علي يوسف وافكر ايش راح اخليه يسوي اذا خسر كنت راح اجبره انه يترك البنات
وانا افكر طالعت بالمرايه وشفت يوسف يتقدم نحوي بسرعه زدت السرعه بس تخطاني
واشر لي يعني مايمديك تهزمني
كان شوي وراح يوصل لخط النهايه الا اشوف يوسف يتراجع شوي ووقف السياره
خفت لا يكون صار فيه شي
صابني قلق مابقي شوي ويوصل ليش وقف فجأء
وصلت له وشفته واقف مكانه ومتجمد اشرت له ناديته مارد علي
نزلت من السياره والمسعفين الي كانو قريبين جو يوم شافو السياره وقفت فجأ اخذت اكلمه مارد علي
الا شوي واشوف دموع نزلت من عينه
صعدت بجنبه _ ايش فيك انت فيك شي
طالع فيني _ يلاحقني بكل مكان مو راضي يتركني ياناصر مو راضي يتركني
استغربت _ مين الي يلاحقك
طالع بالمسعفين _ ايش فيهم هذول ايش يبون خلهم يروحون
طالعت فيهم واشرت لهم انهم يمشون
واحد منهم تقدم لي_ اذا مافيكم شي لو سمحتو انهو السباق لأن فيه ناس غيركم ينطرون
ماردت عليه التفت ليوسف _ طيب خلينا نمشي من هنا ,, وقول لي ايش فيك بمكان هادئ
نزل من السياره واعطي المفتاح المسعف _ خذ كمل السباق لحالك
واشر لي تعال
رحنا مكان هادئ جدا ورومنسي بشكل فضيع _ يعني مكان مخصص للعشاق هع
استغربت _ يوسف هذا مكان مخصص للحبايب
ضحك _ وش عليك انت تعال
كل الي كانو فيه شباب و معم بنات ..
وفي زاويه بعيده شباب لحالهم بس يعني هم ذكور بس ماخذين اجازه هع
يوسف كان يتريق عليهم جلسنا شوي قريب من شابين واحد منهم كنه بنت استغفر الله
طلبت من يوسف انا نغير المكان لأني ماحسيت براحه لهذا المكان وهذا الشي جديد علي اما يوسف فكان متعود علي هذة الأمكنه والجرسون الي بالمكان كان يعرفه لأنه جانا يسئل شنو نبي ويوسف قاله المعتاد وطالع فيني _ وانت ايش تبي
قلت له اني ما ابي شي كنت متضايق
سألني يوسف _ ايش فيك ياناصر هذا المكان روعه بس انت اعطي نفسك فرصه انك تستمع فيه
طالعت فيه _ بلاه استمتع بأيش استمتع بالفساد الي اشوفه حولي
ضحك _ اف نسيت انك الفتي الصالح
مارديت عليه
تنهد _ طيب تدري وانا اسوق السياره اليوم مين شفت
_ شفت مين
هز راسه _ ادري بتقول عني مجنون بس انا شفت عادل قدامي واقف بنص الطريق ويأشر لي اوقف
استغربت _ عادل اخوك
_ ايه الله يرحمه بس انا متأكد اني شفته ,, وهذا الشي هزني وتذكرت ايش صار قبل ثلاث سنوات
وانا بحاول انسي بس مو قادر
ماعرفت ايش اقوله غير الله يرحمه ويغفر له
سكت شوي وجا الجرسون واعطي يوسف العصير الي طلبه وجاب له بعد شوي الشيشه
انا توسعت حدقه عيوني لا اكيد يمزح ,,
_ يوسف انت من جدك شيشه
طالع فيني _ ايه شيشه فيه احد يجي المكان الهادئ ذا ومايشتهي شيشه
ضحكت وحبيت اني اغير من اسلوبي معه مراح اخاصمه ولا اعصب عليه تركته علي راحته خليته يشيش وانا طلبت لي قهوه تركيه وجلست اشرب القهوه واطالع الي رايح والي جاي واعلق عليهم
وكنت متأكد ان هذه اخر مره راح يشرب فيها يوسف الشيشه ,,,
..

,,,,
واخيرا وبعد عناء وصلت المطار متأخر هوع

وسألت بالمطار عن اقرب رحله لدبي ههههههه
وكانت بعد اسبوع وحجزت ودعيت الله اني ما افوتها اسبوع يعني اسبوع بلندن طيب وفكرت اني استغله بالوناسه يعني يكفي الكم يوم الي فاتت بدون فائده
شلت يوسف من راسي واول ماخرجت من المطار رحت ورجعت لنفس الفندق الي استغربو رجعتي بس ماعلقو واخذت نفس الغرفه هههههههههه
وماجلست بالفندق اخذت تاكسي وطلبت منه انه يلف بي لندن كلها قلت خليني استانس مثل ماخططت رحت الملاهي والمنتزهات والأسواق وشفت برج الساعه الي كنت اشوفها بالأفلام هوع
ماحسيت بالتعب برغم اني تقريبا لفيت نص لندن وبعض الوقت كنت امشي مشي لكني ولأني كنت مستمتع ابد مافكرت اني اتعب
فكرت اتصل بأهلي وكلمت اخواني الي زادت طلباتهم بعد ماعرفو اني اجلت رحلتي وامي كانت معصبه مني وابوي اصلا ماكان موجود بذاك الوقت
جلست علي احد الكراسي الموجوده بالقرب من احد المحلات الاثريه الجو كالعاده بارد وانا كنت عامل حسابي
حبيت استرخي شوي قبل ما اوقف تاكسي وارجع الفندق واستريح واكمل الهمله باليوم الثاني
..
وانا جالس وعندي بعض الاكياس كنت كل ما ادخل محل اشتري منه غرض او غرضين كهدايا لا اصحابي
تذكرت خالد يارتي ايش يسوي الحين اكيد يحظر لزواجه ومو فايق لا احد ياتري هو دري اني سافرت والمشروع انا مشيت بعد ماخلصنا الاساس ومكان باقي الا حاجات خفيفه ووجودي لم يكن له داعي
جلست افكر وافكر صراحه التفكير شي حلو تحس نفسك خطير وانت تفكر
ماحسيت بالوقت طالعت بالساعه كان الوقت قد تأخر وقفت وشلت اكياسي وخرابيطي ووقفت تاكسي
ورحت الفندق
رميت نفسي عالسرير وغمضت عيوني من شده التعب نمت
..
طق طق
طق
طق

فتحت عيوني طالعت بالساعه كانت الساعه 5 الفجر مين الي يجيني بذا الوقت الغريب خفت لا تكون عصابه هجمت عالفندق
خخخخخخ
ولا وش السالفه
وقفت عالباب
مين ؟
كان الأمن يقول انه فيه شخص يبي يشوفني ضروري
سألته مين قال مأمون صراحه ضحكني ماعرف يقول مأمون زين قال مستر مأمن
هههههههه يعني لو سمعتوها بتضحكون كتابه غير مضحكه
المهم طلبت منه انه يطلعه للغرفه
جاني وهو مرتبك وخائف سألته وش السالفه خفت لا يكون حصل ليوسف شي
قال _ الحق علي يوسف تركته بملهي ليلي وكان بجاله سكر شديده ومو طبيعي وخائف لا يسوي شي بنفسه خاصه انه كان حزين وطلب مني انا نروح مكان حتي ينسي ورحت معه علي اساس انا ننبسط وبس لكنه طلب ويسكي وشرب لحد ماثمل وعقله فر
وانا حاولت اني اخرجه من هناك لكنه رفض وقلت مافي غيرك يقدر عليه انا قبل ما امشي طلبت من الحارس الي معه انه مايتركه حتي لو طلب منه ذلك وانه يضل معه وين ما راح ويكلمني اذا خرجو من المكان

كنت استمع لكلام مأمون والشي الي علق بذهني يوسف طلب ويسكي وثمل ؟؟!!
توقعت من هذا الفصعون كل شي الا انه يشرب
وسحبت مأمون وطلبت منه انه ياخذني للمكان الي فيه يوسف

طول الطريق وانا افكر بيوسف وايش الي خلاه يسوي كذا ؟
يوسف يشرب خمر ؟؟!؟!
وصلنا المكان وكان ملهي فاسد ماتشوف الا العاهرات خارجات داخلات وهم لابسين من غير هدوم علي قوله عادل امام هوع
استغفرت الله وخفت لا يسخطنا
دخلت الملهي واخذت ادور علي يوسف صوت الموسيقي عالي والناس بل الحيوانات علي بعض ماتشوف احد
افترقنا انا ومأمون وراخذنا ندور عليه مأمون نسي من الزحمه وين كان جالس
اخيرا شفته بركن في الملهي وكان يخرج الي ببطنه من كثره السكر والحارس عنده وكان مستاء جدا من الوضع
طلبت منه الخروج وتركي معه ومارفض ههههههه
يوسف ماعرفني يوم شافني اخذته معي واتصلت بمأمون وقلت له اني لقيت يوسف واني خارج من المكان
يوسف كان يردد نفس الاغنيه الفرنسيه الي كان يرددها بالمستشفي تسألت وش سر هذه الاغنيه ياتري
..
طلعنا من الملهي وحمدت الله ان الله تعالي ما انزل علينا سخطه
والله هذا المكان جدا قبيح وفيه تهتك الاعراض ويهان الشرف وتقتل الفضيله ..
يوسف كان يتفوه بكلام غير مفهوم ويسب ويبكي حالته كانت جدا سئيه صحيح الخمر يفقد الانسان العقل ويوسف كان فاقد عقله تماما لكنه وهو بهذه الحاله تفوه بكلام صدمني قال حاجات تمنيت اني ماسمعتها امور خاصه جدا كان يتكلم بها حاول مأمون انه يسكته لكنه كان يسبه ويطلب منه السكوت
يوسف مع انه كان بحاله سكر الا اني حسيت انه كان بعقله يوم كان يتكلم معنا بالسياره
ذكر الحادث الي حصل معه
وذكر كلام ابوه ,, تكلم عن امه وكيف انها صدته وقطعت علاقتها فيه بعد الحادث تكلم عن كاثرين ومرام
ذكر امور كان يسويها بالشركه وانه اختلس من اموالها الكثير وانه كان يسوي كذا حتي يدمر ابوه
وفي الأخير صدم مأمون بخبر أن والدته كانت علي علاقه برجل اعمال كبير وهو يعرفه وانه كان يعرف هذا الشي وانه هو هددها بفضح هذه العلاقه علي الملأ لو مارضت عليه
مأمون انصدم من الخبر وانا بعد انصدمت ورجعت بذاكرتي الي الوراء تذكرت انه دخل عليها وضل عندها دقائق وثم خرج وكانت قد وافقت علي شوفته
وفجأ اغمي علي يوسف من شده السكر والتعب وتمنيت لو انه اغمي عليه من بدري ولا فضح هذه الامور

مر اليوم كامل ويوسف نائم ولا يستجيب لأي منبه حاولت اصحيه لكنه كان يفتح عيونه ببطء ويرجع ينام بدون كلام
..
في اليوم التالي الساعه 9 الصباح مأمون مشي من عندي رايح الفندق الي نزلو فيه وقال انه بيرتاح شوي وانه راح يجيني بعد مايفوق من الصدمه الي لحقته من يوسف ههههههههاع يوسف صدمنا كلنا
المهم
الساعه 9 الصباح
صحيت علي صوت خبطه وكسر زجاج فزعت من النوم شفت يوسف جالس عالسرير وفي الارض زجاج مكسور قمت من عالاريكه انا نمت عالاريكه ويوسف نام عالسرير
ورحت يمه
كان يطالع بالزجاج وهو ساكت
جلست بجنبه _يوسف ايش فيك
_ايش صار امس
مارديت عليه ولا هو تكلم
قام من مكانه بسكات وراح يم الباب كان بيخرج
بس منعته لأنه كان بحاله لا تسمح له بالخروج
_ انت فين رايح
طالع فيني بنظرات حزينه كسر خاطري _ انا اسف انا غلطت ادري انك انت الحين ماتبي تشوف خلقتي بروح الم ثيابي وارجع السعوديه
اصلا السفره هذه كان مالها داعي انا اسف


مسكته من كتفه بحنان
_ انا ادري ان الي سويته غلط وانا ودي اليحن اكفخك
وامرمطك مرمطه وارميك من الشباك
ههههه حسيته خاف مني
تنهدت _ بس هذا خليه كله علي جنب الحين انت عارف ايش الي قلته عن ام مأمون
طالع فيني وماتكلم
طلبت منه انه يجلس حتي نتكلم بالموضوع لأنه ابد ماينسكت عليه الموضوع خطير والكلام الي قاله مو طبيعي ويحتاج توضيح
تنهد وجلس عالاريكه _ يا الله تكلم
ابتسمت _ لا انت الي يا الله تكلم مو انا .
طالع فيني بنظره معصبه وخائفه بنفس الوقت يعني نظره مالها تفسير _ انا ماكنت بطبيعتي يعني مو من حقكم انكم تتضايقون وتتسألون
ضحكت _ يعني انت عارف ايش قلت
مارد علي حسيته هو مو عارف بس خائف يكون افصح عن سر حاول يخفيه ..
_ طيب ابي اعرف انت كيف تجرأت وشربت ابي اعرف انا اتوقع منك اي شي الا هذا الشي
ضحك بأستهزاء ومارد علي
قمت وقربت منه _ تستهزئ انت الموضوع خطير
طالع فيني _ ليش يهمك امري
يهمك اذا انا اشرب ولا لا
لا طبعا مايهمك كل الي هامك الحين هو مأمون اذا كنت انا غلطت عليه ولا لا اكيد خائف عليه لكن انا بالطقاق

استغربت كلامه تنهدت _ انت مجنون انت موصاحي مكانك مو هنا مكانك مستشفي المجانين
وفتحت له الباب _ اطع بره ولا ابي اشوف وجهك قدامي
طالع فيني وماتكلم مشي من عندي
...
لوهله شعرت بالذنب وان الي سويته شي راح اندم عليه لكني تجاهلت الشعور والتهيت بالحياة واشغلت نفسي بتنظيم حاجياتي استعدادا للسفر صح باقي اسبوع بس انا احب اجهز نفسي بدري

الساعه 8 المساء خرجت من الفندق
فكرت اتمشي قريب منه علي الاقدام
جلست قريب من محل اكسسورات تذكرت عم يوسف ماشفته بعد هذاك اليوم .. يمكنه مشي من الفندق
وانا جالس تذكرت اخواني نسيت ايش وصوني اخذت اطالع هنا وهناك ادور علي كابينه حتي اتصل فيهم ماشفت اجلت الاتصال لين ارجع الفندق
تذكرت الي صار الصباح بيني وبين يوسف رجع لي احساس الذنب ياتري هو الحين بالفندق ولا مشي ومأمون فينه ماجا ولا اتصل اكيد هو مراح يجلس بنفس المكان مع يوسف بعد الي سمعه وعرفه منه
,,,
حسيت بالطفش ورجعت الفندق
اتصل بأخواني واخذت طلباتهم كامله وكلمت امي الي كانت شوي راضيه علي لكنها قالت لي انها كلمت اهل البنت وانها اخذت منهم موعد بعد ما ارجع من السفر علي طووول راح اخطبها رسمي
مارديت عليها
,,
مر الاسبوع بسرعه البرق وماشفت مأمون ولا يوسف كنت اتصل بمأمون مايرد علي
رحت المطار بدري وصعدت الطياره
ووصلت دبي ومن هناك رحت السعوديه ارض الوطن
سارعي
للمجد والعليا , مجدي لخالق السماء ,, وارفعي الخفاق الاخضر .. يحمل النور المسطر
رددي الله اكبر ياموطني ..
ههههههه
والله اني خبل
وصلت الي ارض الوطن وانا اتسأل يوسف ومأمون هل عادو ولا لسه ؟