بلا رقيب / لعاشقه ديرتها ، كاملة

**Loli.** · 04-08-2011, 06:01 PM

رد: بلا رقيب / لعاشقه ديرتها ، كاملة

سارا

ياربي من الخوف ماني عارفه اتصرف وش بسوي اللحين وين بروح الغرف كلها مقفله ومافيه الا المطبخ اللي مافيه مفتاح والحمام اللي مستحيل اجلس فيه .. بعد اللي سواه لازم اتخبى ماأقدر اجلس معاه وش يضمن لي انه مايحاول يكرر اللي سواه قبل كنت اخاف منه واللحين صرت اخاف منه اضعاف ... ماتصورت يصير معي كذا ... الحيوان الحقير ماتوقعت يعاملني كذا .. مسحت شفايفي بقوه وكبدي لايعه من حركته ... والله لأقطع نفسي ولاأخليه يكرر اللي سواه مره ثاني .. يوم صحيت فيه غمضت عيوني وسويت نفسي للحين نايمه ماأشوفه اللي يأخذه .......
ماراح اسمح له يقترب مني مره ثانيه بس كيف وانا محجوزه هنا .......
اول ماسمعت صوته جلست ابكي ياررررررربي ابغى اموووت اختفيييي ماأبغى اشوفه رحت اركض وتخبيه بدولاب المطبخ وقفلت باب الدرج علي وخليت فيه فتحه صغيره اشوف معها ...
قيس :يازفففت سار اوووووووووف وينك ياتبن ...
التبن انت ياعساك لنوبه القلبيه اللي تشيلك وتريحني منك وتريح كل الناس منك ....
جلس ينادي وينادي ويدورني بكل مكان وكل مازاد تدويره عني كل مازاد خوفي لأني عارفه اخرتها بيلقاني اول مادخل المطبخ وشفته متجه لدولاب اللي انا فيه صرخت وطلعت مع باب ثاني بالدولاب بس مسكنييي .......
قيس :نلللعب حنا ...
فكرت وش اسوي اظربه بس اخاف يموتني ودي اتفل بوجهه بس اخاف يخنقني احلى شي اصرخ عليه لأنه بس بيظربني ...
سارا :انت وش تبغى فيني اترك يدييي .. عساك للحريقه ..
قيس :لاه طلع لك لسان بعد وانا اعرف شلون قصه ..
وسوى نفس حركته اللي امس بس هالمره ماسكت له ظربته بقوه مع ساقه .. بس قهر مافكني جيت بظربه مره ثانيه لقيت نفسي معلقه بالهوى ... ياويلي ...
كنت خلاص اتشهد على روحييي بس جواله اللي دق انقذني راح يرد على الجوال وانا طرت على الحمام دخلت فيه وقفلت على نفسي بعد شوي سمعته يناديني جلس خمس دقايق ينادي بعدين جاء حاول يفتح باب الحمام سمعته يقول انتي هنا ... شوي واختفى صوته وسمعت الباب الخارجي للشقه يقفل طلعت ومالقيته فيه اشوى الحمدالله قلعه كانت الساعه عشر وانا ميته جوع ... طلعت للمطبخ وجلست اتحسر على عمري الثلاجه حتى ماوصلت بالكهرباء فاضيه على عروشها والدولاب مافيه مواعين ولاشي ياربي بموت من الجوع وش اسوي ...
حسبي الله عليه الوحش اكتشف انه مايقدر يذبحني بيموتني من الجوع ..
تذكرت الجوال وطرت عليه بكلم خواتي ويارررب يردون اذا ماردوا يمكن انهبلل بديت اخاف عليهم ليش مايردون على اتصالاتي ...
اول مادقيت الرقم وبعد دقتين انرفعتت السماعه ماصدق جلست اصارخ بأسم ملاك وابوس الجوال من الفرحه .....

وعد

دق تلفوننا الجديد وكان ودي اطير وارد عليه يازين نغمته الله ياخذها شدن رفعت السماعه قبلي يازين نغمتهه كان ودي انها ماترفعها ابغى اسمعها تونس ...
سحبت البطه شدون واخذت منه السماعه وركلتها برجله لين طيرتها .. وصرخت بصوت عالي ميييييييييييين ...
محد رد علي .. صرخت ..
وعد :ردوا بلاقلة حيا ..
محد رد ..
وعد :بتردون او شلون ..ترى والله بقفلللل ..
وسمعت صراخ لدرجة اني ماعدت اسمع شي اوافهم وش ينقال .. حسيت طبلة اذني انفقعت ...
:ملاك ..
من هذي اللي تبغى ملاك ..
وعد :انا وعد مو ملاك واعصابك لاتفجرين طبلة اذني ..
:ملاك
لحضه هذا صوت سارا ..
وعد :سارررا انتي سارا وينك ........ز
يا ولقيت نفسي طايره بأخر الصاله لأن الكل هجم علي واخذ السماعه مني ...

***
مر على امه بالمستشفى وتكلم نص ساعه مع الطبيب عرف فيها حالة امه من ألى وش اللي استجد لأنه امس بالليل مالقاه .. وعرف انهم اليوم بيسوون لها اشاعات وبيجتمعون عشان يقررون يسوون لها عمليه او حالتها ماتسمح .. طلع من المستشفى وصدره ضايق على حال أمه ...
مر على ماركت وتقضى لشقته الفاضيه ... واشترى فطورررر .... اكيد اللحين ميته من الجوع .. تستاهل الشينه .. ولا تصارخ علي وامس مكفختني والله وطلع لك لسان ياسويره .. وطالت يدك ..
اول مادخلت لقيتها واقفه بالصاله شكلها تفاجئت بدخلتي بالبدايه كانت بتهرب بعدين غيرت رايها ووقفت تناظرني وكأنها ناويه علي ......
بس ههههههههه رجليها اللي ترجف فضحتها ..
قيس :خير وش فيك واقفه لي كذا ...
سارا بتردد :بتوديني اللحين لخواتي ولا بهرب وروح لشرطه وبقولهم انك محتجزني ومانعني من اهلي ...
رميت كيس الفطور اللي معي على الأرض وطولت نظرتي لها ...

**Loli.** · 04-08-2011, 06:04 PM

رد: بلا رقيب / لعاشقه ديرتها ، كاملة

قيس :تدرين وش بيقولون لك الشرطه بيقولون خلاص صرتي زوجة الرجال وهو ولى امرك بيمنعك من اهلك بيمعنك من نفسك بمينعك من الحياه كلها هو حرررررررررر ...
ناظرت فيني وانفجرت تبكي ...
سارا :انت كذاب كذا اب ....
كنت اضحك على طريقتها بالبكاء اللحين ليش تبكي حنا نسووولف ....
قيس قلت من بين ضحكي :طيب انا كذاب ليش تبكين ...
شفتها تنحني للأرض وعرفت وش بتسوي ومسكت يديها قبل ماتوصل لحذاها اللي بتحذفني فيها علقتها بالسماء مع يديها ..
قيس :شوفي ياحلوووه لوفكرتي بس فكره مره ثانيه تضربين او اترمين علي شي قصيت لك يدك هذي اللي فكرتي ترفعينها علي ....
مادريت الا شي يلصق بوجهي ناظرتها بانفجاع ..... تفلت علي ..
الحيوانه الحقيرررررره ... ايه طلعت على حقيقتها تربيت الشوارع ..
توعدها:والله لأعلمك الأدب يابنت مبارك ...
طالعها وبلحضه كانت لاصقه بالجدار بعد مافك يدينه من الرفع بس كان مثبت ذقنه بيدها ويطالعها بغضب عرفت نتيجته ...
قبل ماينزل فيها عقابه الخاص ...
كانت تحاول تقاومه وتبعد عنه بس هو حاجزها زين بعد ماخلص وعاقبها زين ...
قال بقسوه :عشان مره ثانيه تعرفين تطولين لسانك علي ...
سارا بين شهقاتها وبكائها :انت حقيررر نذل اكرررررهك ياووووحش ..
قيس :لأاتكرهيني ولاأكرهك بروح اجيب الأغراض من تحت وهذا الفطور لجبت الأغراض ابغاك تسوين لي شاهي زين ...عشان ماأزعل منك ياشطوره ..
ونزل يجيب الاغراض من تحت وهو مايسمع منها غير الشهقات ...

سارا

الله يلعنه الخسيس لو يموت ماسويت له شي ... ياررربي وش اسوي وين اروح جلست ادور بالصاله مثل المجنونه وانا ماسكه راسي وين تخبى وين اروح .....
كل مكان يلقاني فيه ... ماأقدر اهرب منه .. سمعت صوته جاي ينزل اكياس عند الباب وفتح الباب ويتكلم مع احد شكله حارس البنايه جايب معه الأغراض وش اسوي يارربي هرب لغرفة النوم وتخبيت تحت السرير انا عارفه انه بيلقاني بس وش اسوي .. ماعندي غير هالمخبأ ..
سمعته يناديني بصوت عالي ونرفزه .. ثم اختفى صوته .. كنت خايفه وجيعانه وبردانه ...ثم نعست ... وبعدها اختفى كل شي وغصت بأحلامي ..
كنت احس البرد يدخل لأحلامي ويجمدها ويكبس على انفاسي وانا اختنق واختنق حررر .. حريقه داخلي جسمي ..
احس اني بديت اذوب من الحراره ...
***

**Loli.** · 04-08-2011, 06:07 PM

رد: بلا رقيب / لعاشقه ديرتها ، كاملة

عساف

كل مابغيت ابعدها عن تفكيري طلع شي يذكرني فيها حتى بدوامي .. تو اتصل فيني واحد يبغى يخطب أختها ... ومو أي أخت .. قطوة خلف ... خلف معقوله يكون يفكر فيها للحين مع كل اللي صار فيه ...
ماأعتقد اكيد نساها مأدري اذا كنت غلطت يوم حولته لمالك بس انا اشوفه التصرف سليم ...
التصرف السليم ولا ماهي هاينه عليك مع كل هالبعد تبغى تساعدها ..
وياليته يبين فعينها .. ياترى هي بتشوف هالشي مساعدة او تدخل بشئونها مع خواتها ..
حتى هالكلمة منها وحشتني ... كل شي فيها وحشني .. حتى هوشاتي معها ...
بس هالمرة مستحيل اسعى لها
هي بنفسها اللي لازم تجيني ...

***
نام حتى صلاة الظهر وبعد ماصلى قلب الشقه يدورها ماهو لاقيها والشكوك بدت تلعب بمخه .. بدأ يشك انها طلعت من الشقه بس كيف وهو ماترك المفتاح بالباب ابدا الا يوم نزل يجيب الأغراض .. وبعدها رجع مالقاها قال يمكن منخشه بأي مكان بس اللحين وينها اختفت عن وجه الأرض مره وحده..تذكر مخبأها بالشرقيه تحت السرير قال يمكن سوت نفس الحركه هنا بس لو متخبيه تحت السرير ليه ماطلعت بعد مانام ... نزل على رجوله يشوف تحت السرير وفعلا لقاها هنا اول مارفع طرف المفرش شافها تحت السرير نايمه ..
سحبها مع يدها بقسوة وهو يفكر أي عقاب يأدبها عن تصرفات الأطفال اللي تسويها .. اول ماتبين وجهها .. انصدم بالحاله اللي كان عليها كان مليان مويا عرق او دموع وهي فاتحه عيونها المزغلله وتطالعه وكأن روحها بتطلع .. حرارة يدها بيده اكدت له اللي يفكر فيه ... سارا محمومه ... رفع يده لجبينها اللي كان قطعة جمر من حرارته .. تنهد بضيق ورفعها على السرير .. غطاها بكل الأغطيه اللي عنده لأن بدت ترجف ..
وش بيسوي اللحين ..؟!

ملاك

ماني مصدقه سارا بنفسها كلمتني وتطمنت عليها صحيح اني ماقدرت اكلمها زين من الصياح بس الحمدلله اني تطمنت انها للحين عايشه ... وان شاءالله قريب بشوفها مثل ماقالت بأخر جمله قالتها قبل ماتقفل ...
بشوفها بشوف سارا ماني مصدقه الحمدلله وشكر لك يارب استجبت دعائي ..
نوف :بشويش على السماعه جديده هذي لاتكسرينها..
كنت حاضنه السماعه بقوه ومارضيت افكها حتى بعد ماقفلت سارا احس للحين اسمع صدى صوتها منها ..
نزلت السماعه وعطيتها والجالسين نظره وطلعت للغرفتي انا وسارا ... يحسبون بسامحهم عشان سمعت صوت ساررا ماراح اسامحهم حتى لورجعوا لي سارا اللي سووه فيني وبسارا وانحيازهم مع ضحى ضدي مستحيل انساه ...

ميشو

كانت عيناي تبحث عن أي شيء بالغرفة باستثناء عيناي ضحى التي تحمل تساألت لاأستطيع الأجابة عليها ...
ضحى :وليش كل هذا ميشو ..
ميشو :بدون تسائلت لن استطيع الأجابه عليها
ضحى :بتبعدين عنا بكل هالسهوله ..
ميشو :لن يأذيكم ذالك ابدا صدقيني ستكون حياتكم أفضل من غيري ..
صرخت بجزع
ضحى :افضللللل من ايييش بنتفرق عن بعض وتقولين افضل ..
ميشو :أجل افضل لي ولكم ..
ضحى :ميشو كلامك كله على بعضه وتصرفاتك ابد ماهي عاجبتني بالفترة الأخيره .. صاير تفكيرك اغبى من تفكير
وعد ...
ميشو :أنا سعيدة اني مازلت افكر حتى لو بمقدار تفكير وعد ..
وقفت بحملها الثقيل لتختباء خلف الستارة
ضحى :بكيفك ..سوي اللي تبغين بس ماهو ترجعين لي تبكين اذا مانجح اختيارك ...
قلت لها بصدق وثقة بماخططت له ..
ميشو :لن أعود إليك ابكي صدقيني ..
ضحى :يعني نقول موافقة ..
هزيت رأسي بقوة لأمحي الشك من داخلي بالتأكيد انا راضيه وسعيدة لأني سأبتعد من طريق الأثم ... سأسعى لحياة جديدة بعيدين عن الجميع ... حتى زوجي الجديد الذي أءسف له كثيرا ...
ضحى :دامك موافقة اجل جهزي نفسك العريس يبغى يشوفك ...

رجع بعد العشاء بعد ماقضى وقته كله بالمستشفى يركض هنا وهناك كله يهون فسبيل شفاء امه ... بس الله يقومها بسلامه .. اللي مخوفه ان صحتها ماتستحمل عملية قلب وخصوصا بالوقت الراهن ..
ماهو فاهم شي مره يقولون لازم عملية بأسرع وقت ومره يقولون حالتها الصحيه ماتسمح بالمخاطرة بالعملية ..
ومن هالكلام اللي يشعرك ان عنده نقص بالأهتمام بحياة الناس ...
اول مادخل مع باب الشقه وشاف الظلام اللي لافها تذكر سارا اللي تركها وهي محمومة ..
تنهد :وش صار لها هذي بعد ..
دخل الغرفه وفتح الأنوار اللي كانت على تطفيته لها ...
راح لسرير وكان على نومتها بس العرق مغرقها وتنفسها صعب مره وجسمها كأنه ينتفض .. ارتبك مايدري وش يسوي شكل حالتها ساءت ...
بيدق على منيرة تشور عليه ...
دق عليها وبعد سوالف عن امه وحالتها قالها عن سارا وقالت له يوديها المستشفى .... ماأعجبه شور قال يروج يجب لها علاج من الصيدليه .. واكيد بتحسن حالتها هو دايم يسوي كذا وبساعات يقوم وكله عافية ..
قال لصيدلي عن حالتها لأن خاف يأخذ لها الأدويه اللي دايم يستخدمها وماتنفعها .. وعطاه مجموعة علاجات ..
رجع للبيت وتوهق كيف بيعطيها العلاج وهي نايمه حاول يصحيها بس ماصحت كان تفتح عيونها الحمراء وتناظر فيه وترجع تنام ... جلس ساعه كامله يحاول يصحيها بس ماردت عليه .. انهبل الحرارة القويه خطيره وهي حرارتها ولافرن .. خاف يصير لها شي وتصير بذمته .. لفها بلحاف السرير وشالها للمستشفى ..

من الساعه عشر لين الفجر وهو بالمستشفى ... نومها اربع ساعات وطلعوها .. كان يحس انها للحين ماتحسنت اخر نص ساعه قبل مايطلعونها راح للبيت وجاب عباتها ..
كان تمشي وهي دايخه ولاحاسه بالدنيا من الحراره واول ماوصلوا للشقه كانت نايمة .. حط يده على جبينها كأن حرارتها خفت شوي ..
صحاها وطلعها فوق كانت شوي تمسكه وشوي تمسك الجدار ..

**Loli.** · 04-08-2011, 06:08 PM

رد: بلا رقيب / لعاشقه ديرتها ، كاملة

وعد

اليوم اول يوم بالدراسه بعد اجازة العيد ماعطلنا غير سبعة ايام وجرونا للمدرسه يوووووووععععععع غصبت نفسي غصيبه وطبعا بمساعدة صراخ ضح ضح صحيت غصب عني ... كنت اكل من الفطور وعيوني مقفله مو قادره اصحى ابغى انام ...
ضحى :ووعد صح صحي خلاص مافيه مجال تنامين ..
رفعت راسي اشوفها بقهر هي مبسوطة عندها اجازة وحنا نكرررف مداومين من اول يوم وكأن دوافير ..
اوووما دوافير تصور اني الطالبه المثاليه الشاطره المؤدبه ولللللل يازين الأحلام ..
وعد :اصلا اليوم حفل معايده داومنا اوغبنا ماراح نأخذ دروس ..
هند :اووووف وعد قسم قلبتي راسي اسكتي صجيتينا خلي الواحد يقدر يبلع له لقمه براحه ..
هع تحسبون برد عليها لاهذي سهجه احسن من الرد عليها مالت عليها البارده ..
اووف بجلس اخطط وش اسوي بلاوي اليوم بالمدرسه ..
دامني مداومه غصب بفلها ..
وعد :نوف يالله نطلع ...
شوق :بدري تو الناس الباص موجاي اللحين ..
نوف :الابيجي هو اخر اسبوع صار يجينا حنا اول شي نسيتوا ..
سكتنا يوم شفنا ملاك نازله من فوق وهي لابسه عباتها ومعها شنطتها وطلعت بدون ماتكلمنا .. غريبه توقعتها تتركك الدراسه بعد سارا وخصوصا انها صارت ماتطيع ضحى ابد ولاتهمها طيب ليش تنفذ اوامرها ..
ضحى :حسبنا الله ونعم الوكيل
انا خفت يوم قالت ضحى كثير ماأحب هالمشاكل ولاهالدعوات لبست عباتي واخذت شنطتي وطلعت بسرعه شوي وصرنا كلنا بالباص اللي فعلا مرنا حنا اول شي ..
بالباص كنت جالسه مع نوف اللي جالسه تقشر فصفص ..
وعد :عطيني
نوف :ضفي وجهك
وعد :قسم بالله انك نذله يمل الغصه ..
مدت علي الكيس وهي تقول
نوف :اللي يمغصك يالدوبا وش تبغين هذا حقي انتي خلصتي حقك ..
سحبت الكيس منها وأنا اسألها ..
وعد :وش نايه تسوين اليوم عندك مخططات شي
نوف :لا اوووف مالي خلق شي واخاف يصير عندنا اختبار وانا ماذاكرته ..
يمه منها دافوره كل همها الدراسه والأختبارات وانا جالسه افكر بالفطور لأني نسيت مصروفي وخواتي النذلات مستحيل يسلفني شكلي بسرق ..

ملاك

ادري اللي فكر فيه غبي بس هذا كل اللي اقدر عليه ... اتمنى اشوف سارا بالمدرسه ادري غباء مني هالتفكير بس هذا كل اللي املكه الأمل الغبي ... ميزاجي اليوم غير ان الأيام اللي فاتت يمكن املي بشوفة سارا .. او اني خلاص تعودت على بعد سارا ويمكن هي بعد تعودت .. ياءالله ودي اشوفها بتطمن هي كيف عايشه مع الوحش .. ياربي كل مافكرت بهالنقطه احس بدمي يفور قهر على سارا .. ياربي ليتها ابتعدت عني بس وهي متزوجه انسان غير هذا ...
اخترق صوت هوشة وعد ونوف تفكيري ياربي من هالعثيثات بالبيت بالباص بالمدرسه بالشارع بكل مكان يتهاوشن .....
اه هوشاتهن تذكرني بهوشاتي انا وسارا اذا زعلنا من بعض وعطينا بعض ظهورنا وجلسنا نسب بعض بطريقه غير مباشره صدق ذكريات ...

وعد

دخلت المدرسة وحسيت ان لي شهور مادخلتها كانت خايفة ههههههه صدق اني بزرة .. كانت اسولف والدبا نوف ماترد علي واول مادخلنا مع الباب الداخلي شفتها بالدور الثاني تطل مع الدربزين ... يامامي هذي وش جابها من اول يمة مداومه صدق جنيه دافورة لو اني منها استغل ان اهلي جنون طيبين مو مثل بابا ضحى واغيب ... لفيت على نوف بقولها ان هذي هي البنت الجنية اللي كنت دايم اسألهم عنها كانت بعيده عني رجعت اناظر بالجنيه اخاف تختفي وفعلا اختفت ياررررررربي ..قسم اني قايله عنها جنية بس محد صدقني .. ولاليش بس أنا اللي اشوفها وخواتي مايعرفنها ولاعمرهن شافنها مع ان شكلها مميز .. شعرها اشقر وطويل وعيونها خضراء ولا وحده بالمدرسه بالموصفات هذي غيرها بعدين يكفي جاكيتها الأحمر اللي على مدار السنه تلبسه صيف شتاء ربيع خريف ... ومريولها المخالف كيف تكون انسانه وماتمسكها عليه ابله عطوف اكيد انها جنية عشان قدرت تهرب منها ...
:غريبه وعد مداومه اليوم وين اللي تقول اسبوع بعد العيد ماهي مداومه ...
العنز هذي وش تبي ..
وعد :ايه مداومه خفت اليوم لو ماداومت المدرسه ماتفتحت ابوابها وانا وحدة نذله قلت ليه البنات مايدرسون لازم اداوم عشان يفتحون المدرسه وتداومون غصب طيب ...
:قسم انك سخيفه ..
وعد :بس مو اسخف منك يالعنز .. انقلعي عن وجهي .. صدق اشكال غريبه تطلع للواحد على هالصبح ...
ورحت امشي من عندها وانا اقول بصوت عالي
:يافاتح ياكريم يارزاق ياعاليم ...
ثم قلبت الموجه وجلست اغني ..
قاني الخاين والأناني عايز يرقع لي تاني
ئل يعني يعني ولاعمرة خدعني
ولاسبني زمان وخدعني ..
استغفرالله العظيم .. ماتصلح الأغاني على الصبح .. صدق اني منتهية الأغاني حرام صبح واي وقت بس انا عبيطه ..
واستاهل لو تطلع لي الجنية .. جالسه اغني وانا ماقريت وردي ...
كله من ام كشة العنز لو ماطلعت بوجهي على هالصبح ماكان تنكدت وجلست أغني ..

**Loli.** · 04-08-2011, 06:09 PM

رد: بلا رقيب / لعاشقه ديرتها ، كاملة

..الحلقة التاسعه والأربعين ..

((1))

.. شقاوه أم سذاجه ..]

وعد

وربي هالاستاذه رهيببببببببببه هههههههههههههه .. يالناس اموت على الدلوخ (جمع دلخ وهو الأنسان الغبي هع )اللي كذا ..
الأبله :سامعيني يابنات .. المفروض هالشي مايحطم ثقتكم بأنفسكم الفقر مو عيب والغنى غنى النفس
وعد :ايه صحيح ياستاذه غنى النفس مره مهم يعني وش الفايده انك تسمع واحد ثاني يغني الافضل انك تغني بنفسك عشان يطلع صوتك حلو وبكرة تصير فنان مشهووور وتكسب كثير ...حتى اسمعي كيف صوتي حلووو

هههههههههههه يعجبني ضحك البنات وراي احس اني ممثل وهذا صوت ضحك الجمهور المسجل كككككككك ؟...
الأبله :انتي تستهبلي
وعد :لا افا عليك أبله وهو يصح كذا انا بس اخفف دمي ..
قامت الهبلا وفتحت لي الباب واشرت بيدها وهي تقول :تفضلي اطلعي برى اللي مايحترم مجلس العلم اللي هو جالس فيه ماله مكان بينا ...
وكلووووووووووش مابغيت انطرد هاليوم ... وعلوووه نرجع مثل ماكنا .. وكل معلمه من حصتها تطردنا ...
هع اشتقت للفرره بالاسياب وسط الحصص والبنات يطالعوني بحسره من داخل الفصول ... مطيت ايدي على اخر شي وصرخت بحماس :عوووووودنا للشغب ..
اووووووووووف بس تذكرت ان عندنا اجتماع بالاستراحه لجمعية النشاط اللي انا رئيسته يعني يافرحه ماتمت .. بس هين هع بقلبه هبال بجنن ابله حصه بطلع براسها نخل وشجر وتين وعنب وكل شي ...
اللحين ضروري اروح اقول للأبله عواطف اني انطردت من الحصه مايصحش ماقولها بعدين وش اصير طالبه مشاغبه خارجه عن النظام ومنحرفه عنه لا مايصحش ابدا انا بس طالبه مشاغبه ولكن لاأخرج عن النظام ينصردينك ياميشو تعلمت منك كلمات هع تخرب بيت المدرسه هع ..

((2))

[.. بيت سجاني ..]

سارا

صحيت من النوم وظليت بفراشي ماني قادرة افتح عيوني احس بضعف قووي وان الارض ماهي ثابته حوليني ..... جلست فترة بفراشي على امل ان الدوخه تهدأ بس ماتغير شي .. سحبت نفسي من الفراش .. ولفت فيني الأرض صرت مأدري انا واقفه على رجولي او على راسي ..شوي شوي وبديت احس بالرجولي تثبت بس الدوخه لازالت ...طلعت من الغرفة وأنا امسك بالجدار عشان مأطيح ... ابغى اكل شي عشان تروح الدوخه لأني مأحس بحرارة واكيد سبب الدوخه لأني ماأكل مأدري اخر مرة اكلت فيها متى ...
اول مادخلت المطبخ وانا رايحة الثلاجة وصلني صوت قيس
قيس :اوووه.. انتي .. والله نسيتك ..تعالي تغدي ..
لفيت على مصدر الصوت لقيته جالس على طاولة المطبخ ومعه منير وجالسين يأكلون ..
قيس :سارا تسمعيني ..تعالي تغدي .. واشر على الكرسي ...
كانت الارض رجعت تدور فيني من سمعت صوته وخلاص بديت احس اني انهار على الارض غمضت عيوني وتشبثت بالجدار .. مأدري كم مر يوم فتحت مره ثانيه ولقيت الارض رجعت ثابته تحت رجولي وقيس ومنير يناظروني بكل تركيز يملكونه كنت قبل مأحس انه بيغمى علي اشوف فمه يتحرك بس مأدري وش يقول بس اللحين سمعته يسألني اذا كنت كويسه..؟!
خطيت برجولي اللي ماهي ثابته للطاولة اللي مأدري من متى وهي بالمطبخ
وجلست على اقرب كرسي وصلتني رجولي له سحبت ملعقة كانت جنب الصحن اعتقد انه كانت لمنير اللي ماأستعملها وبديت أكل ..
كان قيس يكلمني بس ماكان عندي طاقه اني ارد عليه احس ماني قادرة احرك لساني .. كانت خافضه راسي لأنه كل مارفعته احس بدوخه ... اجفلت يوم شفت يده تتحرك قدام عيوني واستقرت على جبيني ...

**Loli.** · 04-08-2011, 06:09 PM

رد: بلا رقيب / لعاشقه ديرتها ، كاملة

ورجع يتكلم ياربي ليه مايفهم هالأنسان ان كلامه يسبب لي وجع براسي وانا ماني قادرة اركز وش يقول ..
هزيت راسي ب لا ابغاه يسكت .. وفعلا سكت ....
مأدري كم مر علي وأنا اكل بس حسيت اني احسن وان روحي ردت لي ... وتزامن هالشي مع كلام منير ..
منير :سارا وش فيك ...؟!
سارا :تعبانه حمى ذبحتني ..
منير :اشوى احسب قيس هو اللي ظربك ...
سارا :لاماظربني ..اخخخ راسي .. كيف أمك
منير :بكرة بيسوون لها عملية .. وهمس :سارا اخاف يحصل شي لأمي وأخواني يرموني بالشارع ..
ضحكت بالتعب :ياكرهي لك لبديت بكلام المسلسلات تذكرني بوعد .. بعدين لو رموك بالشارع لاتخاف بيتنا مفتوح لك ..
منير :أي بيت هذا او ذاك
طالعته بالصدمه هذا متى كان بيت لي هذا سجن ... معقوله خواتي يفكرن مثله ان هذا خلاص صار بيتي .. مايدرون اني اموت كل ثانيه ألف مره عشان اطلع من هنا .. لا اكيد هذا تفكير منير بس جايبه من راسه خواتي مايفكرن كذا بعدين منير من زمان منقطع عن خواتي واكيد ماسمع هالكلام منهن ...
بس حتى لو كان منقطع عنهن اكيد لوعطيته شي يوصلهن لهن ماراح يرفض .. قمت من كرسيي بسرعه وانا ناسيه تعبي بس وقفت حسيت الدنيا تدور فيني كنت اقول :لاتروح بعطيك حاجه لملاك ...
مسكت بالطاوله لين ثبتت الارض وطلعت بالسرعه من المطبخ للغرفه ... قلم ابغى قلم ... كان ادور بعيوني بس ماني لاقيه شي لين طاحت عيني على ثوب قيس اللي توه فاصخه اكيد فيه قلم ... بس ياخساره من كان فيه غير ريحة دخانه لاقلم ولاحاجه وانا افكر ومقهوره طاحت عيني على شنطة اوراقه اللي منزلها على التسريحه سحبتها بسرعه وكانت مفتوحه لقيت فيها قلم ... واللحين كيف الاوراق مافيه الا اني اخذ من اوراقه هذي .. صح كان مكتوب عليها بس عادي الجهه الثانيه فاضيه ينكتب فيها اخذت ثلاث اوراق وقفلت الشنطة حسيت قيس يدخل الغرفه بسرعه دخلت الاوراق تحت بلوزتي قبل مالف عليه .. كان يجفف وجهه بمنشفه ويطالعني ...
سالت بخوف :وش فيه ..؟!

((3))

.. مجرم بمرتبة وحش ..]

قيس

اووف وبعدين مع صوتها هذا ياربي وده يمسك لاصق ويحطه على فمها عشان ماتكلم ... صوتها يسبب له جنون العالم كله لانه يذكره ب شوشو وايام شوشو والوله على شوشو ...
يعني حرام لو كان متزوج شوشو بدالها ... لحضه هو يبغى يتزوج شوشو .. عادي عنده يتزوج شحاذه ...
والله وش هالتطور بالتفكير يا قيس ولا الشوق يخليك تنازل عن مبادئك .... اوووه مباديئ ايش وتبن ايش على قولة جابر ماهو كله محصل بعض والزمن وتقلباته مايخلي للواحد حتى مبدأ يمشي عليه .. يخليه يتنازل كثيرررر ويتساهل اكثر عشان يقدر يعيش ....
بس هو يقدر يعيش من غير شوشو والتفكير ب شوشو .... لا مايتوقع هو بفترة من الفترات كان اقرب لجنون لأنه فقد اثرها وحاله اللحين مو احسن لأنها صارت صعبة المنال ....
سارا :انت خلاص وخر بطلع ...كانت اعصابه من تفكيره ب شوشو مشدوده تبغى ضغطه بسيطه عشان تنفجر ..
وكلام سارا كان الدافع للأنفجارها ... سحبها مع شعرها ولصقها على الجدار اللي وراها:ايش ماسمعتك انا وش اسوي ..
كان وجهها أحمر مختنق ودموعها مغطيه وجهها .. وشفايفها ترتجف ماهي قادره تكلم :اه ه ه ه ه ..
منظر ضعفها صحاه وكان خلاص بيتركها بس الاوراق اللي كانت مخبيتها وطاحت منها لفتت انتباهه .. سألها وهو يأشر على الاوراق اللي عارف وش هي بس مصدوم وش تسوي معها.. وبرودة مرعبه سألها :هذي ايش ...
سار تلعثمت وكحت وغصبت الكلام لين طلعته :بكتب فيها ...
وجاه السبب اللي يظربها عشانه مع انه قبل ماكان يحتاج سبب عشان يظربها عليه ..........

تجاهل صوت بكاها وطلع لصاله ... عشان تستقبله نظرات منير اللي موجهه له بالأتهام .. أخذ الرموت من يده وجلس يقلب بالقنوات ... بس ماقدر يسكت اكثر حس انه لازم يتكلم :خير وش فيك تطالع كذا ..
منير :يعني انت بس تزوجتها عشان تظربها على كيفك ..؟!
قيس بصرخه :انا ماتزوجتها بكيفي بس عشان امي ... بعدين انا ماني ظالم هي اللي زي البزران حتى اوراق شغلي تعبث فيهم ... جهز نفسك بعد الصلاه بنطلع لأمي وبعدها ارجعك البيت ومايحتاج اقولك اهتم بدراستك ...

((4))

[.. أبكي لأتصبر ..]

سارا

ابكي غصب عني كل ماقلت تعودت ارجع اضعف وابكي اه حيوان حتى بمرضي مارحمني الله يأخذه ان شاءالله .. اخخخخخ ياراسي .. احسه قطع شعري من جذوره يوجعني موووت ...
ياربي ملييت مليت مليت مليت .... بموت من الملل .. ماني قادره اتحمل هالحياه .. ابغى خواتي .. خلاص ماني قادره اتحمل اكثر بموووت من وجودي معه ..اه ياربي ...
اكرررررررهه ..اكررررررهه .. اكره صوته اكره نظراته اكررره كل شي فيه ...اكرهه اضعاف اضعاف قبل .. عساه لشلل والفشل الكلوي وسكته القلبيه عساه لكل الأمراض ...
نمت مأدري كم بقيت نايمه لما صحيت تذكرت احلامي بملاك كنا سعيدات مره بالحلم وطول الوقت جالسات نستعبط على وعد لين بكيناها ..ياربي حتى بالاحلام حنا شريرات .. بمووووووت من شوووقي لخواتي ماني قادره اتحمل كل هالبعد عنهن ياربي ابغاهم بأي طريقة ودي اغمض عيني وافتحها والقاني وسط خواتي يارررب تحقق مناي يارررب ...

((5))

[.. أين الخطأ ..]

ضحى

حطيت يدي على راسي اللي بينفجر من اصوات هالخوات ..
ضحى :خلاص بنات ارحمن بلاعيمكن تقطعت من كثر ماتصارخن ..
وعد :وععععىىىى ضحى انتي تخافين على بلاعيمنا وماتخافين علينا ... والله انا احبك ..
ضحى :وأنا احبك .. بس ارحميني من صوتك ..
وعد :عشان هالكلمه الحلوه هاه..
وحطت يديها الثنتين على فمها .. صدق اهل العقول براحه ..
عاد جت شدن تطلب مني اقولها اني احبها عشان تسوي مثل وعد وبكت لين قلت لها واكيد نوره حبيبة قلبي جلست جنبهن وسوت نفس الحركه ياحياتي والله انها ضايعه بالدنيا ...
ضحى :نونه حبيبتي تعالي بحضني لايخبركن هالمجرمات
شدن بصرخه :انا مو مجرمه انا ماسرق ماقتل مو مجرررمه انا
ضحى :أي واحد يصارخ على مامته مجرم
شدن :انا اسفه بس لاتقولي مجرمه ولوكنت مجرمه اختك هي اللي خربتني
وعد :صادقه شدن لو كانت مجرمه مشاعل هي اللي خربتها
ضحى :لا يالفارغه مشاعل هي اللي خربتها تصدقين ياوعد احيان اشك انك اختنا
وعد :عارفه لاني احلى منكم

**Loli.** · 07-09-2011, 12:35 PM

رد: بلا رقيب / لعاشقه ديرتها ، كاملة

ضحى :لا حبيبتي لان فهمك بطيء وهذا مو من صفات بنات مبارك
وعد :بسم الله علينا وملاك وسارا وش هم اغبى ثنتين بالكون تدرين مره بالرمضان اجتمعنا على صراخ الابله عليهم مو بس حنا كل المدرسه شو ويجون الثانوي بعد ..
ضحى :ايوه وش كان عندهم
وعد تضحك :ههههههههههه جننوا الابله هي تقول امشوا قدامي وهم يقلون لا مايصير انتي امش ورانا
غصب عني ضحكت هههههههههه بجد عندي خوات .. او بالاحرى كان عندي خوات مهابيللل .. اه الله يذكرك بالخير ياسارا ... اشتقت لها مووت .. ماني قادره اتحمل اني ماشوفها كل هالمده قلبي معورني عليها وش مسويه بحياتها مع قيس .. ياربي هي كانت تخاف منه وش اللي صار بعدين ماني قادره افهم ...
اللحين كيف اوضاعها كيف دبرت امورها .. معقوله قاسي عليها .. طيب ليه ماجت كل هالوقت
يعني حتى لو زعلنا عليها اكيد بنسامحها لهدرجة نستنى بس لا سارا مستحيل اكيد هو اللي مانعها ... كنت عارفه والله كنت عارفه انه ماراح يعاملها زين .. كل هالأفكار تكونت بالراسي مره وحده وكاني كنت مقفله عليها بجزء من دماغي وماني راضيه اطلعه لجزء الاستيعاب .. ماحسيت بنفسي الا وانا ساحبه جوالي وادق على رقم قيس ... تفجر بداخلي شي من الحميه اللي كان ومازال معي اتجاه خواتي مارضى عليهن ابد ان ازعل عليهن واغضب واقسى عليهن بس غيري ماله الحق ابدا ...
اول مانفتح الخط قلت له ..
ضحى :اليوم اشوف سارا عندي سامع ......

((6))

[.. لو اكتملت فرحة ..]

وعد

مو معقوله سارا سارا بتجينا اليوم جلست اصرخ وارقص ماني مصدقه ياسلام
...
طلعت اركض لملاك وجلست اظرب على الباب وانا اصراخ انا سارا بتجي بس ماصحت شكلها كانت نايمه طنشتها ورحت اخبر اشواق وهند ونوف ...
نوف :معقوله ماني مصدقه كيف ضحى رضت عليها
قلت بصرخه
وعد :مانتي مصدقه سمعتوها بنات اعترفت انها بنت اعتتتتتتتررررفت قالت ماني مصدقه ... اكتبوها بكتب التاريخ اعتراف نوف بأنوثتها المنسيه ..
هند :اللحين سارا متى بتجي ..؟
ياثقالة الدم يالناس المفروض هذي اللي تشكك ضحى بأخوتها لنا ومو انا ..
وعد :انتي رجاء اسكتي ياختي يجيني غثيان لاتكلمتي كلامها يالناس من وين يطلع من فمها ولا مع خشمها على هالثقاله
شوق :اووووووف بس انتي وياها لاتبدن
نوف :هذي لازم تهاوش تحسب نفسها بالمدرسه حنا بالبيت يعني لازم يكون هناك نوع من الود بين العائله الواحده
وعد :قلتيها العائله مو حنا كأن بملجأ مو ببيت ... الا صدق بنات لانكون بملجأ وكل هذا حلم انا خوات والخرابيط هذي
هند :بنات تكفون لاتمسكوني بسطرها...
وعد :هاه اشهدوا هي اللي بدت ...
هجمت عليها وسحبتها مع شعرها .. ابو الفله اصلا انا من زمان خاطري انتف لها شعرها اللي شايفه نفسها فيه .... كأنا صلعان عندها ..

((7))

[.. وأنقذها المكان..]

مايدري من عاده نفسها يوم تتصل عليه تتأمر بس الله رحمها لانه بالمستشفى ولاكان عرف كيف يعلمها قدرها ... هذا لأنه حاشمها تتطاول عليه .. قال ايش جيب اختي اليوم عندي ... بس بنشوف من بيجيب لك اختك لا اليوم ولاغير اليوم ...
اول مادخل على الباب نادى على سارا اللي ماردت عليه رجع يناديها بنرفزه :يازفته ..
رد عليه صوت غريب :نعم
لف عليه ولقاها واقفه :وينك ساعه أنادي ومد الاكياس اللي بيده عليها .. بمأنك اليوم مافيه اطول من لسانك يعني مافيك الا العافيه سوي عشاء ..
سحبت الكيسه من بعيد وتراجعت بسرعه للمطبخ فكه من وجهها اللي يسد النفس وفكه اكثر من صوتها اللي ينرفز ويضيق الخللق ..
فسخ شماغه ورماها على الكنبه جنبه ... حط التلفزيون على العربيه وجلس يتابع ..
&
مايدري وش اللي صار غفى او سرح بأفكاره ... ماصحى الا بشوشو واقفه فوق راسه تكلمه مو مستوعب كلامها كان تركيزه على صوتها اللي متغيرر ..
قيس :اوووووووف وخري عن وجهي وش تبغين انتي الله ينكد عليك
سارا بحمق مع ان رجولها ترجف خوف منه :تتنكد حياتك انتا ان شاءالله ..
قيس ارتفع عنده ضغط الضغط ولا المخلوق السخيف هذا اللي له صوت مزعج مثل الببغاء يردد الحكي يغلط عليه :انتي قسم بالله ان مانقلعتي من وجهي لارتكب فيك جريمه اليوم ...
سارا وهي رايحه للمطبخ وماتوقعت يسمعها وتقلد صوته ومع صوتها المطبوع بسبب التهاب حلقها طالع الصوت تحفه :ارتكب فيك جريمه اليوم ..
شوي بس واستوعب أنها تقلده ... توعدها بداخله بيوريها نجوم القايله بس مو اللحين بعد العشاء ..

**Loli.** · 07-09-2011, 12:36 PM

رد: بلا رقيب / لعاشقه ديرتها ، كاملة

(()
.. الحرب الباردة ..]

سارا

اححح ياحنجرتي حسبي الله على اللي كان السبب الحقير من كثر مابكاني اوجعتني حنجرتي عساها فيه ولافي ..اوووف عساها مايتهنى بهالعشاء عساه تجي نزله معويه او يختنق فيه ويموت اكررررررررهه ..
حطيت لها العشاء بالصحن أي كلام وحطيته على الطاوله ,, كان ودي لوعندي سم احطه له بالأكل او أي شي يقتله ان شاءالله يعدموني بعد ماأقتله مايهمني .. اهم شي انتقم منه.. ووسط هالفكره تذكرت موقف ..
اووما لو اسويه والله ليقطع لسانه قبل مايفكر مره ثانيه يأمرني اصلا لو نفذت أنتقامي ماراح يكون فيه مره ثانيه .. بس .. مو اللحين مأقدر .. ايه مأقدر مو لأني خايف منه لا لأن مو وقته أصلا ويمكن لو أكتشف اللي بسويه له يقتلني ...
قلت له عن العشاء
ورحت انام ... شوي بس غفيت وصحيت على شي يحرك السرير ... قمت صرخت بأقوى صوتي اول شي طرى في بالي أن حرايمه سرقوا الشقته وسرقو السرير وأنا فيه .... بعد شو استوعبت ان السرير تحرك لأن الوحش جلس فيه ...
سارا :متخلف خوفتني
طالعتي بنظرة حسيتها أحتقار لأن الأنوار طافيه ..
قيس :انطمي وأخمدي مو ناقص أنك ..
سارا :مو منطمه ولاخامده ليش نايم هنا
قيس :شايفه فيه مكان ثاني أنام فيه .. أنطمي ترى والله لو سمعت لك حس ليصير عقابك الليله مو مثل أي عقاب ...
مادري ليش لما قال عقاب تذكرت اللي كان يسويه فيني قبل مأمرض ...ارتجفت ... بس لما مأشوفه تجين سعاده موطبيعيه
سارا :ماتخوفني عقاباتك وكلك على بعضك ماتخوفني ..
قيس :ورب الكون ماني ناقصك انا ترى والله لوأذبحك اللحين مأحد داري فيك ..
سارا :اذبحني اصلا اللحين او بكره انتي بتقتلني انا عارفه هالشي ياووووووحش ..
كذا مأدري كيف تجرأت وقلت هالكلام بس قلته ومأدري كيف طلع مني
توقعته يرد يتكلم بس ولا شي ... شوي بس وماعاد اتذكر شي خلاص نمت ....

((9))

.. أحلام ..]

ضحى

مررره استغربت اتصاله لدرجة ماقدرت ارد عليه ... ياءالله وش ذكره فيني هذا وبهالوقت .. لايكون صاير عليه شي بس .. طيب لو صاير له شي بيتصل علي أنا .. مأدري وش هالقلق اللي صابني .. اوووووووو ياعساف بقربك قلق وبعدك قلق .. لا والشيخ بعد يتصل بس مره ويقفل ليكون يحسب ميته عليه بركض اتصل عليه .. ياربي ... عساف بلاثقالة دم ارجع دق ... دقيقه دقيقتين خمس دقايق ونص ساعه ساعتين وطلع الفجر وهو مارجع يتصل يارربي بجد بيجنني هالأنسان يعني متصل اخر الليل ومايرجع يتصل ليه ...
سحبت نفسي من الفراش عشان أصلي .. ياءالله جسمي صاير ثقيل مرره وحركتي اثقل.. هالجنيه اللي داخل بطني ماتوقف حركة طالعه على خالاتها .. استغفرالله ياربي بسم الله عليها من الجن .. بس والله حاسه انها بتطلع عفريب لأن هذا جين سائد بعائلة مباررك .. مع تسليمتي دق الجوال وكان بعيد عني على بال ماقمت ووصلته كان منقطع وللمره الثانيه هالمره انعصر قلبي ياربي وش هالحظ مالحقت اقول هالكلام الا الجوال يهتز بين يدي ..

ضحى :الوو
عساف :مرحبا ..
ضحى :هلا
عساف :فيك شي ..
لاه والله شكلك اللي فيك شي
ضحى :لايعني وش بيكون فيني
عساف :تحلمت فيك ..
ضحى :...........
عساف :وووقمت اتصل عليك بس انتبهت على الوقت قطعت الاتصال ..
ضحى :ايه صحيت عليه ..
عساف :اسف ماكن قصدي ازعجك
ضحى :...............
عساف :طيب نامي انتي مع السلامه ...
قال مع السلامه ليه ماقفل ...
ضحى :.........
عساف :ضحى
ضحى :نعم
عساف :اقدر اجي اللحين
يجي فين ...
عساف :ماراح اقدر انام لين اتطمن عليك
ضحى :طيب انا قلت لك اني زينه اصلا لو حصل لي حاجه مالي غيرك ...

((10))

.. هل هو الحب ..]

عساف
ياه ماني مصدق ضحى تقولي مالي غيرررك ...تحووول كبيرر ..كبيررر مره ...شكل ثقلي عليها جاب نتيجه .. لو اني ماقلت بشوفها ... لا احسن اني قلت بجي وماأروح اشوف لو تأخرت عليها تتصل تقلق علي تهتم لأمري ..
لا وش هالتفكير ليه اضيع هالفرصه من يدي ...
سحبت شماغي اللي كنت منزله جنبي قبل مأتصل عليها وطلعت ..
كنت ادق على الباب مادقيت الجرس مأبغى احد يصحى من خواتها ويخرب علي ...
كنت اشوف ظلالها من تحت البيت بس ليه ماتفتح الباب .. بعد ماوقفت على الباب اربع دقايق بتوقيت ساعة يدي .. فتحت الباب .. شفته ظلها لما تحرك ووقف قدام الباب يفتحه ...
جلست ثواني أتأملها قبل مأسحبها لحظني ... اشتقت لها بجنووون .. بس مأقدر اوضح لها ربع جنوني فيهالأنها ماتساعدني ...
عساف :أخبارك ..
ضحى :طيبه يوم وتعبانه أيام ..
عساف :سلامتك هانت أن شاءالله .. خواتك كيفهم ..؟!
ضحى :طيبين ..
سحبتها لما شفتها رايحه للبيت ..
عساف :تعالي وين رايحه ..
ضحى :داخل ليش مستعجل ماتبغى تدخل
عساف :لا وقتي كله لك بس خلينا نجلس بالمجلس ...
ضحى :اوكي على راحتك ...
اول ماجلسنا سألتني السؤال اللي كنت اتمنى مايجي طاريه مع اني متأكده انه بيجي بأكثر من صيغه بس هي جابته بطريقته الصريحه ....
ضحى :ايش الحلم اللي شفته ..
قلت وأنا ارجع بذاكرتي لورى ..
عساف :حلم شفته قبل سنه ...ووقتها بعد اتصلت عليك .. لتسأليني وشو مو واضح لصحيت منه أنساه واصلا ماأبغى اقوله بس كل اللي اذكره أنك فيه.. اول مره جاني كنت ب مصر ناسيك وقليل تطرين علي اونادر وفجأه حلمت فيك قمت بشعورغريب مبهور وش جابك اللحين على بالي بعد السنين .. ماقدرت ابعدك عن تفكيري وسيطر علي الموضوع لدرجة اني اتصلت على خلف وخليته يقلب الدنيا ويجيب لي رقمك .. واتصلت عليك بس مارديتي واتصلت ومارديتي .. وصارت عاده عندي اتصل وانا عارف انك ماراح تردين .....
ضحى :ايوه اذكر جتني فتره يتصل علي رقم من الخارج ... ماتوقعته انت .
عساف :لا
ضحى :وبعدين
عساف :صرت افكر طول الوقت فيك بعد الحلم ..
ضحى :ومتى قررت تجي
عساف :يوم مات ابوي الله يرحمه ... متى بتولدين
ضحى :مادري يمكن الشهر الجاي
عساف :كيف ماتدرين انتي ماتروحين لمواعيدك مع الطبيبه
ضحى وعلى وجهها ابتسامه:الا بس اللحين نسيت
عساف مسكت ذقنها وأناميت على أبتسامتها:وش عندك اليوم أنتي وهالأبتسامه .. تدوخيني فيها .. حرام عليك ..
ضحى بضحكه :ليش حرام كل هذي غيره لأني مبسوطه ..
عساف :ووش اللي باسطك أن شاءالله
قامت بحركتها البطيئه وراحت تمشي :يمكن لأن فيه شخص احسه ميت فيني عشان كذا مبسوطه ..
... يعني توها تدري أني ميت فيها ...
عساف :يعني توك تدرين ان فيه شخص يموت فيك ويحبك ويعدك روحه .. وش هالذكاء اللي نزل عليك ..
ضحى: امممم يمكن قبل كنت شاكه واللحين تاكدت
عساف :ايه ووش اللي اكد لك
ضحى :اشياء كثيره ..
عساف :ايه ووش هالأشياء
ضحى :وش عندك ياشدن هانم ...
عساف بضحكه :لاوالله غريبه انتي اليوم ... ضحى لايكون بتولدين وهذي طقوس ماقبل الولاده
ضحى :لاحبيبي تو الناس بدري على الولاده ..
عساف :اها فهمت يقولون فيه حريم يجيهم أكتئاب بعد الولاده عاد أنتي مو مثل أي من الحريم وجاك هالأكتئاب قبل الولاده ومو أكتئاب لاعكس فرفشه وهبال ..
ضحى بنظرة احتقار :حلوه هبال شايفني امشي واقطع بملابسي
عساف :أييييه هذي النظره اللي أموت عليها ...
ضحى بعصبيه:اللحين أنتي ليش جاي
عساف بدهشه وقهر :ترى ماجيت ميت عليك اصلا يوم قلت بجي ليه ماقلتي لا
ضحى بأبتسامه غريبه :كنت ابغى اشوفك واللحين مليت منك تفضل من غير مطرود وترى للحين مانسيت اخر موقف كان بيننا اخر مره كنت هنا
عساف بقهر :ضححححى
ضحى :عيونها
عساف بقهر :انطمي ..
انا قلت الكلمه من هنا وهي ماتت ضحك على من هنا لالبنت صدق مووو صاحيه .....
ضحى :طيب لاتعصب ..
عساف :لاه من متى هالحنان ماتبغيني اعصاب
ضحى :مو عشانك عشان البيبي مايتروع
عساف :ضحى صدق أنتي متغيره او أنا احلم
ضحى :انا ماتغيرت بس يمكن شفت أنك تستحق شي أفضل من اللي كان قبل
عساف :لا ماني مصدق وش هالحنيه ..
ضحى :عساف
عساف :عيوني لك
ضحى :الله يسلمها لصاحبها
عساف برجاء:ضحى ليكون تحبيني
انا قلت الكلمه من هنا والبنت ملامحها انخطفت من هنا
عساف حطيت ايدي على ظهرها :ضحى وش فيك
كانت منزله وجهها وايدها على ظهرها وايد على بطنها ..
عساف :ضحى ردي علي وش فيك ..
ضحى :اخخخ يألمني
صرخت فيها بغضب ..
عساف :اكيد بيألمك .. وش هالجلسه ريح ظهرك ليش شادته ...
ضحى :اووووه مو ناقصتك لاتصرخ ..
عساف :اسف والله اسف من خوفي عليك بس ريح نفسك ...
وخرت يدي عن يدها
ضحى :طيب انا كويسه ابعد عني ...
ضميتها بخفه عشان ماألمها
عساف :اسف روووحي والله أسف ماقصدت أزعجك ...
ضحى :خلاص عساف فهمت قوم بدخل أنام بغرفتي ..
شديت عليها اقوى ..
عساف :لا ماراح أخليك ارتاحي هنا على كيفك بس خليني معك ..

((11))

[..ثرثره طفوليه..]

وعد

صحيت بنشاط ماهو صاحي اووووووووف يازين الهياته هالوقت الله يأخذ المدرسه ويطيرها لباريس أحسهم هناك يحبون الدراسه أكثر منا .. بس حرام يمكن فيه بنت خبله مثلي ماتحب المدرسه وهي ماتدرس وتطير مدرستنا هناك وغصب تصير تروح المدرسه لأن فتحت بحيهم مدرسه جديده اللي هي مدرستنا القديمه ...اوما وناسه لو تأخذ البنت الخبله الباريسيه طاولتي وكرسيي وتقرأ خرابيطي بس لحضه هي باريسيه كيف بتعرف لهرجي اللي بالعاميه لو مخليه ميشو تكتبه لي عشان البنت تفهم لها كم كلمه ... لا وزياده حتى لو تعرف تقرأ عامي خطي اللي يجيب المرض كيف بتعرف تقراه ... مسكينه الله يعين أهلها كانت طيبه ....
يووووووه وين الجبنه .. مالت عليك من ثلاجه تبلعين الجبن انتي ... يعني ليه كل شي بمكانه بس الجبنه اللي دايم تنقص ... ركلتها برجلي على درجها ..
وعد :الله يأخذك يالكسره متى تموتين ونشتري وحده جديده ماتبلع الأكل مثلك ...
انتي ووجهك طالعه على الجبن تبلعين فيه جربي مره ذوقي الطماط ترى طعمه حلووو .. ماعمرك ذقتي كتشب انتي ...
انفتح الدرج اللي فوق حق الفريز ... يب المهبوله ترد بس وش قصد ايه او لا اكيد تقولي لا لو ايه طاح الدرج ماأنفتح بس هو انفتح على جنب يعني كأنها تهز راسها ب لا ..
وعد :ياغبيه فيه احد مايعرف طعم الكتشب .. مثل طعم الشبس اللي بنكهة الكتشب ...
شفت نورا جايه من برى ورايحه للصاله
الهايته من هالصغر تعرف تطلع تدوج برى ...
صرخت فيها ا
وعد :نورررا يالهايته وين كنتي ...
لفت علي وناظرت فيني ولاكأنها تشوفني شي راحت وخلتني الحيوانه شدن معلمتها هالحركات
وعد: نوير يالحقيرررررررره تعالي انا مثل أمك ...
شدن :انتي مو سوريه عشان تصيرين أمها...
وعد :غبيه انتي من قالك اني عشان اصير مثل امها لازم اصير سوريه حنا نقول مثل مو زي ...
شدن :لاتصرخين علي وتقولين غبيه انا مو ثلاجتك ...
وعد :لاتقولين ثلاجتي الشينه هذي مو ثلاجتي .. ثلاجتي حلوه وتهبللللللللللللللللللللللللللللللل..
شدن :الشينه انتي ولاتصرخين مالي خلق اروح المدرسه وراسي منفتخ من صراخك ...
ياربي من هالخبله مجنونة الدراسه ..
وعد :ياليت بس لو يصير تصيرين أنا وأرتاح أنا من الدراسه ...
شدن بتجاهل :اللحين شوق ليش ماصحت من بيسوي لنا الفطور ..
وعد :مأدري يمكن نوف تقوم وتسوي لنا
شدن :غبيه انتي نوف ماتعرف تسويي
وعد :مو مشكلتي تدبر نفسها
شدن :طيب ياغبيه ليه ماتصحين شوق عشان تسوي لنا الفطور بدال ماننتظر نوف اللي غبيه مثلك
ودي اذبحها الغبيه هذي بس أخاف من عسافووه يذبحني .. اووف ليه ابوها عساف لوكان ابوها مبارك مو أحسن .. كنت أذبحها على كيفي ..
وعد :انتي مالك راس تصحينها فيه

**Loli.** · 07-09-2011, 12:37 PM

رد: بلا رقيب / لعاشقه ديرتها ، كاملة

شدن :وش دخل راس الناس العاقله تقول انتي لك لسان او ايد تصحينها فيها مو راس
وعد :ياغبيه انا اقصد يعني عندك مخ تفكرين فيها بعدين يابزر أنتي الرأس هو اللي يتحكم بكل شي فيه المخ اللي يحرك كل شي حتى لسانك الطويل هذا
شدن :لساني موطويل لسانك أطول تذكرين لما قسنا الستنا كان لسانك هو اللي أطول
وعد :كالعاده غبيه وبزره .. اكيد اطول لأني اكبر .. وكل ماكبر الأنسان يكبر كل شي فيه ...
شدن :لو اللسان يكبر انتي لسانك بيصير طوله مترين...
وعد اووووووف سوالفك تسد النفس
شدن :تدرين خلينا نروح نشوف الرسوم قبل مانروح المدرسه ...
وعد :روحي لوحدك انا بنتظر هنا حتى ينزل احد يسوي فطور
قالت لي غبيه ورديت عليها غبيتين وطلعت هي وجلست انا لوحدي .. وحطيت راسي على الطاوله بنام ... بس دخول ضحى صحاني
وعد :صباح الخير
ضحى :صباح النور .. وش عندكم هواش على الصبح ..
وعد :الغبيه بنت عسافوووه لسانها طويل
ضحى :طيب يابنت مبارك وين اختك ..
وعد :أي اخت كل البيت خواتي
ضحى :نوري
وعد :الغبيه الثانيه مأدري راحت لصاله..
ضحى :طيب روحي شوفيها ..
دايم يحبون يتأمرون علي وينكدون علي صباحي وليلي ونهاري وكل وووووقت .. اوووف من هالبيت متى أتزوج وأرتاح ... لا وش قلت أنا اتزوج .. معقوله أنا اتزوج ياخرابي وش هالتفكير .. كبرت وصرت افكر كذا ... ركضت قدام المرايه وفتحت فمي على الأخير أشوف يمكن طلع لي ضرس العقل ...

((12))
[.. ألم هنا وألم هناك ..]

سارا
صحيت على العصر استغفرالله ياربي ماصليت الفجر ولا الظهر ... لو عند خواتي مستحيل تفوتني الصلوات ملاك مستحيل تخليني .. توصل فيها تسكب علي سطل ثلج ولاتخليني نايمه عن الصلاة
ياربي قد ايش اشتقت لهم ... اعوذبالله من الشيطان احسن اروح اصلي قبل أنسي بعد ...
صليت وغيرت ملابسي وسويت لي حاجه أكلها ... وفقدت الوحش غريبه ماصحاني وازعجني ولاجاء هالوقت ... اممم اروح اغسل ملابسي لأن خلاص كل ملابسي غيرتها ماعندي لبس جديد الله عاد من كثر ملابسي ... ياليتني عند خواتي كان شوق غسلت ملابسي ... ياليت وياليت بس ماينفع هالكلام ...
جففت ملابسي وكويتها .. ومليت وش اسوي اللحين ... اشوف التلفزيون ... ياءالله صدق التلفزيون ملل بدون ملاك ووعد ونوف اللي يخلونك تنتبهين على أشياء مو منتبهه لها ... وحتى المسلسلات اللي تبكي يقلبونها تريقه ...
ان شاءالله اشوفهم قريب يارب انا عندي أحساس بقابل خواتي قريب .. يارب يتحقق أملي ...
جاء المغرب والعشاء وجاء نص الليل والوحش ماجاء غريبه أمس جاي قبل المغرب ..وش دخلني فيه اروح انام احسن ...
نمت وصحيت قبل الفجر بدون أحساس مني لكنت قلقانه كل شوي اصحى ....
ياربي وين راح الغبي ... ليكون مات وتركني مسجونه هنا ومحد يدري عني ... اووووف منه .. وقته يختفي كذا ... يارب يجي لأني بديت أخاف .. ياحسرتي عليك ياسويره صرتي تدورين الأمان عند الوحش ... قيس ياللعين تعال هذا وقتك ... بديت اتصور اشياء غريبه وأن فيه اشياء تتحرك بالغرفه جريت على النور وفتحته وجلست كذا جالسه بسريري ومتغطيه باللحاف أكتافي وظهري وفاتحه الأنوار .. لين مأدري ايش حصل ونمت ....
&

الدنيا كلها سودت بعينه يوم طلع الدكتور وقال أن أمه دخلت بغيبوبه ....
صرخ صرخه من أعماق اعماقه :لا ا ا ا ا ......
أخوانه اللي حوله الصدمه جمدتهم وصرخته أرعبتهم .... منيررر الصرخه صدمته توقع أن أمه ماتت وتهاوى على الأرض فاقد للوعي ...
جابر :قيس تكفى لاتسوي كذا ... منير أنهبل علينا ...
حط يده على راسه بأول تماسك له بعد الصدمه الأولى.. وبصوت انبح بعد صرخته :منير وينه ...
فادي بشرود :بعد صرختك اغمى عليه وأخذوه يصحونه داخل .. أمي وش بيصير عليها ..
جابر :ان شاءالله كل خير .. بكلم أبوي ومنيره وقول لهم اللي صار ...
كلم نفسه :خير كل خير أي خير ياجابر أي خير .. وأمي ..اه يأمي ... لا وسفايف حياتي بعدك يمه ... ليت روحي تصعد قبل رووووحك يمه ليتها...
سحب نفسه للمكتب الدكتور اللي توجه له بعد مارمى عليهم ابشع خبر كانوا ينتظرونه ..مسكه فادي :لحضه قيس وين رايح .. اجيب لك مويا شكلك تعبان ...
قيس :ماني تعبان وخر عني ماني محتاج شفقتك ....
يوم طووويل طوويل مره عليه بين كل ولحضه والثانيه خايف من أي احد جاي يمشي له وهو بكراسي الأنتظار يحس أي احد جايه بيخبره عن أجل أمه ...

((13))

.. كوابيس الواقع ابشع ..]

ملاك

حتى النوم ماعاد يفيد كله أحلام عن سارا وكوابيس عن شخص ثاني ... والروحه للمدرسه ماجابت نتايجها ماجابت سارا ...
بعصر واحد من الأيام اللي نسيت عدها من الأكتئاب اللي عايشته دقت علي وعد وصرخت لين فتحت لها الباب اللي خفت يتكسر تحت يدها ... وافقد الجاجزاللي حطيته بين وبينهم ...
وعد :وأخيرا توقعت تفتح لي أبواب الجنه وانتي مافتحتي ...
طبعا مالقت مني أي رد لأني احس بين وبينها فراغ كبير يضيع فيه الصوت ...
وعد :طيب ياسيده صامته غطيتي على ميشو الغامضه .. عفوا القطوه .. الا صدق ماشفتي بلوزة ميشو الجديده اللي مرسوم على غراب وحمامه وكل شي ...
وعد :المهم فيه وحده اتصلت ألف مره وتبغاك أنتي أو سارا
اول ماقالت وحده اتصلت مأهتميت كثير بس بعد ماقالت سارا تحرك رجولي غصب عني ونزلتني تحت ... يمكن عقلي فهم الكلمه خطأ ووسارا هي اللي اتصلت .... ادري مستحيل بس يمكن .. لا ليش مستحيل والله لو أنها بقبرها ...
رفعت السماعه .
ملاك :الووو
الطرف الثاني :ملاك أنا ود ... ملاك وينك وووين سارا ...ماكلمتونا مازورتنا انا محتاجه لكم ... ملاك عمي الوليد بيموت ...
تبلد فقط تبلد كل مأشعربه ..
ود :وعمي تصوري بيطلق شوق منه .. وهي بتقتل نفسها ... ملاك أرجوك تعالي انا بموووت من الوحده ... مأحس احد عندي ... الكل بعيد .. اشتقت لعمي الوليد اشتقت لسخريته لتطنزه ... لكل شي .. وشهقت شهقه قويه توقعت روحها طلعت معها : كان بيتزوج بعد شهر بس وصار له حادث قتله وهو توه صغير تصوري بالمستشفى مايتحرك مايتكلم ولاحتى قادر يفتح عيوني ... عمي ضاع انتهى ...
ملاك :ود حتى أنا مو أحسن منك ... سارا تزوجت وتركتني وأنا بعدها شبه ميته ...
ود بعدم تصديق :سارا تزوجت ..بس ..
وانقطع كل شي غير صوت الطوط طوط طوط .... ليش ياود ناقصتك انا تنهين المكالمه بهالطريقه ...
الوليد هذي هي النهايه ابد ماتوقعتها .. ههههههههه .. وألف ضحكه ساخره مثلها ياحبيبي السابق ...
أجل كنت تلعب علي ... حتى أنا كنت العب عليك وفراغي العاطفي لعب في وفيك .... اههه يالوليد ...
والله مو ناقصتك وش اللي سويته بنفسك ... ياربي رحمتك .... احزن عليك ولاأحزن على نفسي ...
ليه ماتزوجت ليه ...والله كان اريح لك ولي ...
كنت اشعر بحزن فضيع على الوليد وعلى نفسي وعلى سارا حاسه روحي بتطلع ... وقلبي يحترق بداخلي ..
قمت من مكاني وركضت بسرعه على غرفتها ...
ملاك :ميشو طلعيني منها ابغى اطلع ولا بنجن عليكم ....

((14))

[..هل لي الحق بالأختيار ..]

ميشو

دخول ملاك المفاجيء علي وأنا بأفكاري تلك سبب لي صدمه ... شعرت بأني عاريه أمامها فكريا ... لأني اتصور أنا افكاري تسبح حولي في جو الغرفة حتى ارتبها واسلسلها وتعود لدماغي للتترسب كلا بمكانها المناسب ...
سألتها لأني لم استوعب ماقالته وأنا بحالتي تلك ..
ميشو :أعيدي حديثك لأني لم أفقه منه شيء ...
ملاك :اقولك طلعيني من البيت اوبنجن ...
وافقتها رأيها لأني اشعر ايضا بالحاجه للخروج ..
ميشو :موافقه ولكن إلى أين ...
ملاك :أي مكان بس اطلع من هنا ...
ميشو :أذا هيا بنا ارتدي عبائتك واسبقيني للأسفل وسألحق بك ....
بعد ان جهزت أموري ونزلت حيث ملاك فاجئتني ضحى بأنها تريدني بحديث قصير ...
بادرتني حينما اختفينا داخل احد الغرف ..
ضحى :عريس الغفله يبغى يشوفك
صرخت بأستهجان
ميشو :يراني وهل أنا سلعه للبيع ..
ضحى : بسم الله عليك ترى قايله لك من قبل وأنتي راضيه
ميشو :لا أذكر ابدا أنه دار بيننا مثل هذا الحديث..
ضحى :الا قلته بس أنتي الله يخلف عليك عقلك ماهو معك .. وأنا قايله لك هالعريس مايناسبك ...
ميشو :وهل رأيتيه .. واستدركت: ومالذي يجعله غيرمناسب...؟
ضحى :أمور كثيره وأولها موافقتك المفاجئه عليه واللي من غير تردد لو ماكان مطوع كان بديت أشك أن لك علاقه فيه ...
ميشو :أي حديث ستقولينه لن يغير من رأيي فأنا مقتنعه اتم اقتناع ...
ضحى :قلت لك الرجال مطوع وأنتي بطريق والأحتشام بطريق مايناسبك وبيكون بينكم خلافات كثيره ...
كانت تذكر لي أمور اعرف جيدا أنها غير مقتنعه فيها فقط لتقنعني بأن هذا الرجل لايناسبني .. وكنت أرد عليها بردود لاأقصدها ابدا فقط لأقفل هذا الموضوع ...
ميشو :جيد أنا اريد ان اقوي من ديني وسيكون لي خير عون على ذالك ..
ضحى :ميشووووو لاتهبلين فيني انتي من كل عقلك تزوجين مطوع بتشبين بينك وبين حريقه
ميشو:اوووووووه يألهي هل انتي حقا أخت تريد مصلحة أختها
ضحى :أي مصلحه تدورينها بهالزواجه بعدين انتي وش مستعجله على رزقك انتظري شوي يمكن يجيك اللي أفضل منه
ميشو :ومن برأيك الأفضل ... ايكون لديك عريس لي
ضحى بتردد:خلف مثلا ..
صحت بها وكأن مجرد كلمتها تلك حكم نهائي بزواجي منه
ميشو :هل فقدتي عقلك أنا اتزوج ذالك المعتوه الذي قتل والدي .....
ضحى :ماقتله جته سكته قلبيه
ميشو :وهل تصدقين تلك الخرافات ... لقد قتله أنا واثقه من ذالك ....
ضحى :طيب افحمتيني معك بكيفك .. موافقه يشوفك ..
مستحيلل لن اتنازل عن مبادئي انا لست سلعه ...
ميشو :ولكني لست موافقه ..
ضحى :بكيفك يكون احسن لأني مو راضيه على هالزواجه
ميشو :ولكنك راضيه أن أتزوج ذالك السفاح
ضحى بسخريه:خلي السفاح يفكر فيك بعدين وافقي او ارفضي ..
ميشو :سأقابله
ضحى :من خلف
ميشو :خلف ماذا توقفي عن هذيانك سأقابل العريس
ضحى :وين بتقابلينه ان شاءالله حبيبتي هذي اسمها شوفة وبتشوفين وسط بيتنا هنا مو بمكان ثاني... واليوم بعد صلاة المغرب ..
ميشو :مهما كان جميع العبارات تعني نفس المفهوم .. انا ذاهبه وداعا ...
ضحى :لاتأخرين بعد صلاة المغرب ..
&

**Loli.** · 07-09-2011, 12:38 PM

رد: بلا رقيب / لعاشقه ديرتها ، كاملة

ضحى

ياربي من هالبنت بتذبحني مأدري من هالعريس اللي أشغلتنا فيه ... توقعت لو قلت لها انه يبغى يشوفها بترفض بس الغبيه وافقت ... هذا وأنا واعده عساف اني اقنعها ترفض ... انا غبيه كيف اوعده بعدين يمكن هالعريس خير لها ... من زين خلفوووه المزواج .. بس مأدري احس صدق لايقيين لبعض ... الله يعيني عليك يامشاعل ...
أرسلت للي محسوب علينا أخو أنها موافقه وكنت مأجله هالخبر على أمل أنها تغير رايها بس يوم بعد يوم تثبت لي مشاعل أن هالعريس راضيه فيه وبقوه ..
والغبيه طلعت وهو ماباقي الا ساعه ونص عن صلاة المغرب ...
ضحى :شهد اوووه هند ...
ياربي وش جاب اسم العله هذي على لساني ...
هند :نعم ..
ضحى :روحي نظفي المجلس ورتبيه ...
هند بتأفف :ليه من بيجي ..
ضحى :عريس ...
هند بلهفه :لمين
ضحى بتريقه :لك ...
هند بقهر :تتريقين صدق لمين ...
ضحى :لمين يعني لمشاعل
هند :المتشرده يجي لها عريس كيف مايصير أعمى هذا ...
وركضت قبل مأقول لها شي ..
وش فيهن خواتي صايرات يحسدن بعض اعوذ بالله ...
مشاعل مايجي لها عريس ألف عريس بس مو هذا مأدري ليه ياربي ماني مرتاحه له ...
حتى لما سألت عنه وقالوا انه مطوع انبسطت مو لمشاعل الا عليها .. صدق مطوع شي زين بس توقعت مشاعل ترفضه لأن تفكيرها غريب بس للأسف وافقت مارفضته مأدري وش اللي معلقها فيه معقوله كل هذا شوق لسفر للخارج ... مأدري ماتوقع تفكير مشاعل لهدرجه سطحي ...

بلا رقيب / لعاشقه ديرتها ، كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget